•••┄┄༻@rayyonorg༺┄┄•••

ENG SARA OZUQA

Kumayl ibn Ziyod rivoyat qiladilar: 
«Hazrati Ali, roziyallohu anhu, bilan birga aylanib yurar edik. Jabbon qabristoni yonidan o‘tayotganimizda, qabristonga qarab: 
— Ey qabrlarda yotganlar, ey suyaklari chirib, tuproqqa qorishganlar, ey qorong'uliklarda yolg‘iz qolganlar, sizlarda nima gap? Bizdan so‘rasangiz, mollaringiz taqsimlandi, bolalaringiz o‘ksiz va yetim qoldi va xotinlaringiz boshqa turmush qurishdi. Bizda ana shunday xabarlar. Sizlarda qanday xabarlar bor? — deb so‘radilar. 
So‘ngra men tomonga burilib:
— Ey Kumayl, agar ularga javob qilish uchun izn berilganida: “Ozuqaning eng yaxshisi taqvodir”, deb aytishgan bo‘lar edi, — dedilar.
Birozdan keyin esa yig‘lab, bunday dedilar:
— Ey Kumayl, qabr amallar sandig'idir. Buni faqat o‘lganingdan so‘ng bilasan...»


•••┄┄༻@rayyonorg༺┄┄•••

#sunnat_amallardan_eslatma

عَنْ أَوْسِ بْنِ أَوْسٍ رَضِيَ اللَّهُ عَنْهُ قَالَ قَالَ
النَّبِيُّ صَلَّى اللَّهُ عَلَيْهِ وَسَلَّمَ: «إِنَّ مِنْ أَفْضَلِ أَيَّامِكُمْ يَوْمَ الْجُمُعَةِ فَأَكْثِرُوا عَلَيَّ مِنْ الصَّلاةِ فِيهِ فَإِنَّ صَلاتَكُمْ مَعْرُوضَةٌ عَلَيَّ» قَالَ فَقَالُوا يَا رَسُولَ اللَّهِ وَكَيْفَ تُعْرَضُ صَلاتُنَا عَلَيْكَ وَقَدْ أَرَمْتَ؟ قَالَ يَقُولُونَ بَلِيتَ؟ قَالَ: «إِنَّ اللَّهَ تَبَارَكَ وَتَعَالَى حَرَّمَ عَلَى الأَرْضِ أَجْسَادَ الأَنْبِيَاءِ صَلَّى اللَّهُ عَلَيْهِمْ» (رواه ابو داود).

Авс ибн Авс розияллоҳу анҳудан ривоят қилинади, Расулуллоҳ соллаллоҳу алайҳи ва саллам дедилар: «Энг афзал кунларингиздан бири жума кунидир. У куни Менга кўп салавот айтинглар, чунки сизларнинг салавотларингиз менга етказилади». Саҳобалар: «Ё Расулуллоҳ, чириб кетган бўлсангиз сизга бизнинг салавотларимиз қандай етказилади?», дейишди. У зот: «Аллоҳ таоло пайғамбарларнинг жасадларини ейишни ерга ҳаром қилди», дедилар (Имом Абу Довуд ривояти).

Расулуллоҳга «соллаллоҳу алайҳи ва саллам» ёки «алайҳис-солату ва вас-сала-а-му» деб, ё ташаҳҳуддан кейинги салавотлар билан салавот ва салом айтамиз.

Пайшанба кун ботиши билан жумага ўтилгани боис, шу пайтдан жума куннинг қуёши ботгунича салавот айтиш суннатдир.

Азизларингизга улашишни унутманг...



•••┄┄༻@rayyonorg༺┄┄•••

Озгина одобга, кўпгина илмдан кўра эхтиёжимиз бор.

Ибн Муборак роҳимаҳуллоҳ



•••┄┄༻@rayyonorg༺┄┄•••

Қиёматли дўстингизга юборинг


•••┄┄༻@rayyonorg༺┄┄•••

 Jum’aning afzalliklari

Abu Hurayra: “Rasululloh sallallohu alayhi va sallam bunday deganlar”, - deydilar: “Kimki, jum’a kuni nahs bo‘lganida g‘usl qilganidek g‘usl qilib masjidga birinchi bo‘lib borsa, go‘yoki bir tuya qurbonlik qilgandek savob olgay va kimki ikkinchi bo‘lib borsa, go‘yoki bir sigir so‘yib qurbonlik qilgandek savob olgay va kimki uchinchi bo‘lib borsa, bir qo‘y so‘yib qurbonlik qilgandek savob olgay va kimki to‘rtinchi bo‘lib borsa, bir tovuq sadaqa qilgandek savob olgay va kimki beshinchi bo‘lib borsa, bir tuxum sadaqa qilgandek savob olgay. Imom xutba aytgani chiqsa, maloikalar ham xutba eshitish uchun hozir bo‘lishgay, ammo maloikalar bundan keyin kelganlar uchun savob daftarlarini yopib qo‘ygaydirlar".


•••┄┄༻@rayyonorg༺┄┄•••

Abu Hurayradan (r.a.)  rivoyat qilinadi. Rasululloh sollallohu alayhi vasallam:
«Befoyda so‘zlarni tark qilish kishining Islomi chiroyli ekanligidan (dalolat)dir», dedilar.

Imom Termiziy va Ibn Mojalar  rivoyati.

•••┄┄༻@rayyonorg༺┄┄•••

•••┄┄༻@rayyonorg༺┄┄•••

​​ЙЎҚСА ПОКИЗА ЭМАСМИСАН, ҚИЗИМ?
(Воқеий ҳикоя)

Азҳар уламоларидан бири кўчага юмуш учун камдан-кам чиқар, фақат ишга - Азҳарга бориб келар, қатнайдиган ери уй - масжид, уй - Азҳар эди.
Бир куни шом намозига бироз фурсат қолганда кўнгли атрофни кезишни тусади ва маҳалла четидаги извошчилардан бирини тўхтатиб:
- Мени бироз кездир, - деди.
Йўлда атрофни томоша қилиб кетаркан:
- Шом яқинлашди, бирор масжид ёнида тушир, - деди извошчига.
Извошчи шум одам эди. Қоҳира кўчаларидан биридаги исловотхоналардан бири олдида тўхтаб:
- Анави ерда масжид бор экан, саҳнида курси ҳам бор, - деди!
Баъзи маҳалла масжидлари ташқаридан масжидлиги сезилмайди. Бу ҳам шундай масжидлардандир, деб ўйлаб олим исловотхона саҳнидаги курсига чўкиб, шом азонини кута бошлади.
Кун ботди, азондан дарак йўқ. Шу пайт бир аёл исловотхонага келди. Курсида ўтирган салобатли шайхни кўриб, ийманиб саҳннинг орқароғига ўтиб, унинг кетишини кута бошлади.
Олим азон айтилавермагач, аёлга ўгирилиб:
- Қизим, шом вақти қисқа, муаззин ҳам келмади. Кел, орқада тур, иккимиз жамоат билан ўқиймиз, - деди.
Аёл шок ҳолатида эди. Нима дейишни билмас, олимга қандай жавоб қайтаришга ҳайрон эди.
Аёлнинг индамай турганини кўрган олим уни аёллардаги узрли ҳолда бўлса керак, деб ўйлаб:
- Йўқса покиза эмасмисан, қизим? - деди.
Бу гап аёлга жуда қаттиқ таъсир қилди. Қалбининг туб-тубига чўкиб кетган иймонни қўзғаб юборди, устини бузуқлик моғори қоплаган иффатини силкитди...
Ўпкаси тўлиб, кўзидан ёш отилганича ўзини олим оёғи остига отди...
- Мен...мен... - деди йиғлаганча... кейин бу ернинг қандай ер эканини олимга англатди...
Олим содиқ тавба қилган бу аёлни Азҳарнинг аёллар бўлимига бошлаб кетди..

~~~

Субҳаналлоҳ..
Бу воқеий ажиб ҳикоядан бир қанча ибрат олсак арзийди..
Жамоат намози баракаси..
Ҳидоят нури фазилати..
Яхшиларга яқин бўлиш хислати..
Қалб намозга боғланган бўлиши хосияти..
Чин тавбанинг катта гуноҳларни ҳам ювиб юбориши...

©Сайфуллоҳ Носир

•••┄┄༻@rayyonorg༺┄┄•••

Birovni yomon ko‘rishga haqqingiz bor
Lekin yomon ko‘rsatishga emas

•••┄┄༻@rayyonorg༺┄┄•••

•••┄┄༻@rayyonorg༺┄┄•••

Ибн Қоййим раҳимаҳуллоҳ айтди:

قال ابن القيم رحمه الله تعالى:
أنَّ كثيرًا من الأئمة صرَّحوا بأنَّ أفضل الأعمال بعد الفرائض طلبُ العلم.

مفتاح دار السعادة [333]

«Кўплаб имомларнинг таъкидлашича, фарз намозлардан кейин энг яхши амал - илм олишдир».

«Мифтаҳ даарис саъада», 333

•••┄┄༻@rayyonorg༺┄┄•••

Сен ҳам ёмондирсан балки. Лекин ўзингдан ҳам ёмонроқлар ичида яхшидек кўринаётган бўлишинг мумкин.

Ибн Атоуллоҳ раҳимаҳуллоҳ.

•••┄┄༻@rayyonorg༺┄┄•••

#012

Уқба ибн Омир (р.а)дан ривоят қилинади: Пайғамбар соллоллоҳу алайҳи васаллам дедилар:

«Албатта, Аллоҳ ўзини (гуноҳкор) лаззатларга беришни истамайдиган йигитдан ажабланади».

[Аҳмад 4/151, Абу Яъло 1749, ар-Руёний 2/50]

Санади: ҳасан

* * * * *

Имом Муновий раҳимаҳуллоҳ дедилар:

«Яъни бундай йигит Парвардигорининг олдида катта мавқени эгаллайди ва унинг одатига айланган яхши ҳолати ва ёмонликдан ўзини узоқ тутишга интилиши туфайли эҳтиросни хоҳламаслиги сабабли, У йигитнимг мукофотини зиёда қилади. Ҳужжатул Ислом (Ғаззолий) раҳимаҳуллоҳ деганлар: "Бундай ёшлар камдан-кам учрайди, шунинг учун У ажабланади."»

📚Файзул Қодир, 2/263

* * * * *

Абул Ҳасан ас-Синдий раҳимаҳуллоҳ дедилар:

«Катта эҳтимол билан, бу йигит Парвардигорга итоатда ўсгандир».

📚Ҳошия Муснад Имом Аҳмад,10/198

#қисқа_шарҳ

@hadis_sharhi

•••┄┄༻@rayyonorg༺┄┄•••

ИЙМОН қадрини биламизми?

Бир даъватчи домла ҳикоя қилади:
Америка вилоятларидан бирида қайсидир бир мавзуда маъруза қилаётган эдим, маърузам асносида бир киши ўрнидан турдида:
- Домла, бу кишига калимаи шаҳодатни айтдириб, талқин қилиб юборсангиз, деб, ёнида ўтирган америкалик - сариқдан келган кишига ишора қилди.
Мен хурсанд бўлганимдан: "Аллоҳу акбар" деб юбордим. Зеро, Ислом неъмати Оллоҳ ёрлақаган кишиларгагина насиб бўладиган бебаҳо бир гавҳар... Америкалик ёнимга келиб, одамлар рўбарўсида тургач, сўрадим:
- Сизни бу Динга киришга нима ундади, ундаги қайси нарса ўзига жалб қилди?
- Мен анчагина бой одамман, ширкатларим, бойликларим кўп, бироқ ҳеч вақт ич-ичдан қалбимда бахт туйғусини, саодат шуурини туймас эдим... Қўл остимда бир Ҳиндистонлик ишчи ширкатимда ишлар, озгина ойлик олар эди.. Қачон олдига бормай, уни доим жилмайган, хотиржам ҳолда кўрардим... Мен - миллионлар соҳиби эса ўша кўримсиз камбағалчалик ҳеч вақт жилмая олмаётганлигим мени жуда таажжубга солди.. Ўзимга-ўзим: Пуллар, ширкатлар эгаси мен бўлсаму, мана бу қашшоқнинг юзидан табассум аримаса?! дедим. Гўё бу ерда бир сир бордек туюлар, ҳар кўрганимда ўша сирни очишга, ҳақиқатидан воқиф бўлишга иштиёқ менда ортар эди... Охири бир куни олдига келдимда, ўтиришга таклиф қилиб, сўрадим:
- Нега доим жилмайиб юрасиз, бунда бирор сир борми?
У ўзининг одатдаги жилмайишида давом этиб, хотиржамлик билан, соддагина қилиб:
- Чунки мен мусулмонман, "Ла илаҳа иллаллоҳ, Муҳаммад Росуллуллоҳ" деб гувоҳлик берганман, деди...!
- Бу дегани – мусулмон доим бахтли, доим хотиржам деганими?
- Албатта!
- Қандай қилиб ахир?
- Чунки суюкли пайғамбаримиз бизга шу ҳадисни айтиб ўтиб кетганлар: "Мўъмин иши жуда ажойиб-да.. Унинг барча ишларида яхшилик бор, қандай аҳволда бўлмасин, яхшилик уни тарк этмагай: Қийинчилик, ғам-қайғу етадиган бўлса, сабр қилади, яхшилик кўради.. Енгиллик, хурсандлик етадиган бўлса, шукр қилади, яхшилик кўради.." Ҳаётимиз шу икки нарсадан холи эмас – ғам-қайғую хурсандлик.. Оғирлигу енгиллик.. Бахт устига бахт.. Айтинг, бахт бу – қалб сокинлиги, дил осойишталиги эмасми?
У гапини ўша одатдаги ширин табассуми ила тугатар экан, мен қатъий қарорга келиб улгурган эдим:
- Мен бу динга кирмоқчиман.
- Жуда осон, ўша юқорида мен айтган калимаи шаҳодатни келтирасиз..
Мана, ўша калимани айтиш учун ёнингизда турибман...

Юрагим бир тўлқинланиб, одамлар олдида унга шаҳодатни ўргатиб турдим, америкаликларга хос бузиб-бузиб, тили аранг келиб, шаҳодатни айтди-да, сўнг.. ич-ичидан келган йиғисини тутолмади, ҳўнграб юборди.. Юпатмоқчи бўлиб келганларга: "Қўйинглар, кўнглини бўшатиб олсин", дедим.
Йиғидан тўхтагач, бироз ўнғайсизликка тушиб, сабабини баён қилди:
- Шу вақтга довур қалбимга бу қадар осойишталик, сурур кирмаган эди, буни илк бор сезиш кишини жуда ҳаяжонга солиб юборар экан...

Ҳа.. Дил ороми, қалб лаззати ҳеч қачон фильмлар, телесериаллар, мусиқалар, шаҳвоний ҳирсни қондиришлар ила бўлмайди... Аксинча, булар фақат безовталик, юрак сиқишни орттиради, холос.. Қалб осойишталиги эса, Қуръон тиловати, намоз, рўза, садақаю эҳсонлар, бир сўз билан айтганда Иймону Ислом билан бўлади.. Билмаганлар, тажриба қилмаганлар маҳрум ўтмасинлар, тажриба қилсинлар, синаб кўрсинлар..


•••┄┄༻@rayyonorg༺┄┄•••

Сен ҳам ёмондирсан балки. Лекин ўзингдан ҳам ёмонроқлар ичида яхшидек кўринаётган бўлишинг мумкин.

Ибн Атоуллоҳ раҳимаҳуллоҳ.

•••┄┄༻@rayyonorg༺┄┄•••

Видеодаги оят :

وَاتَّخَذُوا مِن دُونِهِ آلِهَةً لَّا يَخْلُقُونَ شَيْئًا وَهُمْ يُخْلَقُونَ وَلَا يَمْلِكُونَ لِأَنفُسِهِمْ ضَرًّا وَلَا نَفْعًا وَلَا يَمْلِكُونَ مَوْتًا وَلَا حَيَاةً وَلَا نُشُورًا

У Зотдан бошқа, ҳеч нарса ярата олмайдиган, ўзлари яратиладиган, ўзлари учун зарарга ҳам, нафга ҳам эга бўлмайдиган, ўлимга ҳам, ҳаётга ҳам, қайта тирилишга ҳам молик бўлмайдиган «худо»лар тутдилар. (Фурқон, 3)
@sahih_sunnat

Намоз

Ҳузайфа ибн Ямон розияллоҳу анҳу айтадилар:

أَنَّ الرَّسُولَ صَلَّى اللهُ عَلَيْه و سَلَّمَ كَانَ إِذَا حَزَبَهُ أَمْرٌ فَزَعَ إِلَى الصَّلَاةِ

“Расулуллоҳ соллаллоҳу алайҳи ва салламни бирон иш ташвишга солса намоз ўқишга шошилар эдилар”.
(Абу Довуд ва Ибн Ҳажар Асқалоний)

​​Абдулазиз ибн Марвон деган кишини танийсизми? Кўпчилик танимайди. Умар ибн Абдулазизничи? Ҳа, кўпчилик танийди, у зотнинг адолати, тақвоси, сийратини кўриб одамлар "иккинчи Умар" деб ном қўйишган. Ҳолбуки, унинг бундай даражага етишида ўша бизга унча маълум бўлмаган отасининг беқиёс хизмати бор. Бунга биргина мисол келтириб ўтаман (тарих китобларида халифа Умар ибн Абдулазиз сийратини ўқиганларнинг бу ҳикояга дарҳол кўзи тушади):

Абдулазиз ибн Марвон Мисрга ҳокимлик қилаётган вақтда ўғли Умар ибн Абдулазиз ўсим устидаги, суяги қотмаган ёш бола эди. Яхши тарбия топсин, деб отаси уни Мадинадаги Солиҳ бин Кайсон номли машҳур олим қўлига беради. Бир куни Умар намоздан кеч қолиб кетади. Ҳузурига келганда Солиҳ ибн Кайсон сўрайдилар: "Нега кеч қолдинг?". "Сочимга оро берувчи аёл сочимни тараётган эди" дейди бола. "Ҳали жамоатдан шу сабабли кеч қолдингми" деб ранжиган олим унинг отасига хат ёзиб воқеани баён қилади. Хат ҳам неча кунлар ичида отасига, Мисрга етиб боради. Отаси хатни ўқиши билан бир хизматчисини чақириб: "Мадинага отлан, бошқа томонга бурилмай шундай ўғлим Умар олдига бор-да, унинг сочини устарада олиб ташла. Кейин ҳеч нарсага қарамай ортингга қайт" деб буюради. Неча кунлик йўлни босиб ўтган хизматчи худди буюрилганидек ишни бажариб қайтиб кетади. Мадина билан Миср орасини туя ёки отда босиб ўтиш йўл машаққатини тасаввур қилинг..

Эътибор беринг, мазкур олим ҳам, Умарнинг отаси ҳам: "Ҳа, ҳали ёш бола-ку, бир марта кечикса кечикипти-да" дейишмаган. Бундай бепарволиклар билан улуғ даражаларга етиб бўлмаслигини билишган. Шаръий буйруқларга ана шу каби қаттиқ интизом сабабли ҳам ёш Умар кимсан "Иккинчи Умар" бўлиб етишди.

Аллоҳ таоло фарзандларимизга шаръий тарбия беришда бизларни ҳам ўша салафларимиздек жонсарак ва эътиборли қилсин, фарзандларимизни ҳам ўша Умарлардек тақволи, адолатли, уммат учун қайғурадиган фарзандлар бўлиб етишишини насиб қилсин. Омин.

©Шайх Сайфуллоҳ Носир ҳафизаҳуллоҳ

•••┄┄༻@rayyonorg༺┄┄•••

ҚИЗИНИ УЗАТАЁТГАН ОТАЛАРГА МАСЛАҲАТ

Бир киши Ҳасан Басрий роҳимаҳуллоҳдан: "Қизимни кимга узатай?", деб сўради. У зот дедилар: "Аллоҳдан қўрқадиган кишига. Агар у қизингни яхши кўрса, эъзозлайди, мободо ёқтирмаса ҳам, зулм қилмайди!

ҚИЗИНИ УЗАТАЁТГАН ОТАЛАРГА МАСЛАҲАТ

Бир киши Ҳасан Басрий роҳимаҳуллоҳдан: "Қизимни кимга узатай?", деб сўради. У зот дедилар: "Аллоҳдан қўрқадиган кишига. Агар у қизингни яхши кўрса, эъзозлайди, мободо ёқтирмаса ҳам, зулм қилмайди!

•••┄┄༻@rayyonorg༺┄┄•••