"2026 : आंतरराष्ट्रीय महिला शेतकरी वर्ष"

संयुक्त राष्ट्र संघाने महिलांचे कृषी आणि बागायती क्षेत्रातील योगदान अधोरेखित करण्यासाठी तसेच लैंगिक असमानता दूर करण्याच्या उद्देशाने '2026' हे वर्ष ‘आंतरराष्ट्रीय महिला शेतकरी वर्ष’ म्हणून साजरे करण्याचे घोषित केले आहे.

कृषी अन्न प्रणालीमध्ये महिलांचे योगदान अधोरेखित करणे, जमीन, वित्त, तंत्रज्ञान व सेवा मिळवताना त्यांच्या अडचणीविषयी जागरूकता निर्माण करणे, तसेच या कृषी अन्न प्रणालीमध्ये महिलांचे सशक्तिकरण व त्यासाठी आवश्यक पाठबळ व गुंतवणूक वाढवणे ही या आंतरराष्ट्रीय महिला शेतकरी वर्षामागील काही महत्त्वाची उद्दिष्टे आहेत.

याच आंतरराष्ट्रीय वर्षाचा एक भाग म्हणून महाराष्ट्र राज्य हे राज्यातील महिला शेतकऱ्यांना कायदेशीर मान्यता देणारे पहिले राज्य ठरले आहे.

2026 हे ‘आंतरराष्ट्रीय महिला शेतकरी वर्ष’ म्हणून साजरे करण्याचा खरा अर्थ केवळ कार्यक्रम आणि घोषणांमध्ये नाही. ज्या हातांनी देशाची शेती टिकवली, त्या हातांना मालकी, समान वेतन, सुरक्षितता, सन्मान आणि निर्णयाचा अधिकार देणे—हीच महिला शेतकरी वर्षाची खरी फलश्रुती ठरेल.

- दै. लोकसत्ता

https://t.me/economics_with_chiplunkar