خەیاڵم ڕانەهاتووە
کام بزمار دەناسی
لەگەڵ جەستەی خەیاڵی من ڕاهاتووە
کام زیندان دەناسی لە ئازادیم هەڵاتووە
من مەسیحێکی مەسخ نیم
چیرۆکی خاچ لە کۆڵ بنێم
خۆم ئەزەلێکی دژوارم لە مردنا...
ــــــــــــــــــ
#ساراـسادقزادە #ڕاوێژیسم
Me bişopînin: @rawezhism

ماچم کەوە
ترێکان گەیشتوون،
هەورەکان بە ڕیز ڕاوەستاون
مەست بمدە دەست پاییز
باران بێ‌تۆ تەڕم ناکات...
ــــــــــــــــــ
🎨وێنەنیگار: #ناسرفەتحی
#ساراـسادقزادە #ڕاوێژیسم
Me Bişopînin: @Rawezhism

خۆم لە قوماری بێ‌تاوانی نادۆرێنم
پێی لێ‌دەنێم بۆ پێدا چوونەوەی خۆمە کە دێمەوە
تازە هیچم پێ‌نەماوە
دوایین گەڵا ماچی تۆ بوو
دووایین وشە نێوی تۆ بوو
لە چیدا بۆ من دەگەڕای؟
هیچ‌نەمابوو خۆمی‌تێدا بۆت‌نەنێرم
هەڵم‌مژە
تامم‌کە
هەستم‌کە
کۆی جەستەی‌من ئەوانەن؛
لە بۆنت دام
لە سەر لێو و
هەناسەت دام
چێژی تەنیا یەک‌ماچی تۆ مەستی‌کردم
ئەم‌جار کە بێم
من کۆنە شەرابت دەبم
ماچت دەبم
تۆ چاوەکانتم بۆ داخە
خۆت‌دەزانی
لە چاوت‌دا دێمە زریان

تۆ لە‌ مەودای‌لێوەکانت حەشارم‌‌دە
دوای تەمەنێک لە بێ‌تۆیی
تامەزرۆیی لە سینەم‌دا بە‌جێ بێڵە
جێم مەهێڵە
من نامەوێ دۆراوی دووری تۆ بم
هەناسەکانم ببژێرە
گەر نەت‌بینم ئەم قومارە لەگەڵ کازێوەی بەیانا دەدۆڕێنم !
ــــــــــــــــــ
#ساراـسادقزادە
@Rawezhism | #ڕاوێژیسم