Navenda Ragihandinê ya Hêzên Sûriyeya Demokratîk (QSD) têkildarî şehadeta şervanê xwe Qadir Rojava (Raqî Mûsa) daxuyaniyeke nivîskî weşand.

Di daxuyaniyê de hate diyarkirin ku Qadir Rojava dema erka xwe ya leşkerî pêk dianî, bi giranî birîndar bûbû û di encamê de şehîd bûye.

Di dewama daxuyaniyê de hate gotin: "Di karê xwe de pispor bû. Beşdarî pêngavên hêzên me yên li Dêrazor û Eyn Îsa bû û di bersiva êrişên artêşa Tirk a dagirker ên li ser Serêkaniyê û Girê Spî de cih girt. Hevrê Qadir Rojava bi dilxwazî erkên xwe pêk dianîn. Bi rihê xwe yê hevaltiyê yê bilind dihat naskirin."

Di daxuyaniyê de sersaxî ji malbata şehîd Qadir Rojava û malbatên şehîdan re hat xwestin û soz hate dayîn ku dê xeyalên şehîdan ên avakirina welatekî ewle pêk bînin.

NASNAMEYA ŞEHÎD

Nasnav: Qadir Rojava
Nav û Paşnav: Raqî Mûsa
Navê Dayikê: Neîme
Navê Bav: Milhim
Cih û Dîroka Jidayikbûnê: Girê Spî, 2001
Dîroka Şehadetê: 29’ê Nîsana 2024.

Rojava FM

بالصور:
اتحاد المرأة الشابة يعقد كونفرانس " دور المرأة الشابة في الأمة الديمقراطية " تحت شعار " بالمرأة الحياة الحرية نحو ثورة المرأة" وذلك في قامشلو.
Bi Wêne:
Yekîtiya Jinên Ciwan di bin diruşmeya “Bi jin jiyan azadî ber bi şoreşa jinê ve” Konfiransa xwe li bajarê Qamişlo li dar xist.
Rojava FM

Desteya Perwerde û Fêrkirinê îro Sêşemê bi amadebûna Rêveberiya Sivîl a Minbicê û saziyên wê li ber avahiya Desteya Perwerde û Fêrkirinê ya kantona Minbicê daxuyaniyek da û daxwaza azadiya Rêbertî kir.

Rojava FM