⚡️Зладзілі працоўную сустрэчу з Радай культуры Літвы (Lietuvos kultūros taryba). Гаворка ішла ў тым ліку пра конкурс на падтрыманне арганізацый сферы культуры, зарэгістраваных у Літве. Прэтэндаваць на фінансаванне могуць і беларускія ініцыятывы, @radakultury выступае ў якасці пасярэдніка ў кансультаванні па гэтым коле.

— Любая арганізацыя, якая мае афіцыйную рэгістрацыю і ажыццяўляе сваю дзейнасць у Літве на карысць развіцця культуры гэтай краіны можа ўдзельнічаць у нашых конкурсах, — падкрэсліла старшыня Рады культуры Літвы Аста Пакарлытэ.

▫️Дэдлайн: 9 верасня, вынікі адбору будуць вядомыя да канца 2024 г.
▫️Усе дакументы і заяўка падаюцца на літоўскай мове;
▫️Праект мусіць быць публічным, адпавядаць высокаму ўзроўню і мець дакладны план рэалізацыі;
▫️Рэгістрацыя ў сістэме ажыццяўляецца прадстаўніком арганізацыі, які мае легальны статус і банкаўскі рахунак у Літве,

❕Важна. Кожны лот мае асобнага куратара, да якога можна звярнуцца з пытаннем (па-літоўску). Сваё пытанне вы можаце задаць і з дапамогай Беларускай Рады культуры. Проста скіруйце яго на адрас resource@byculture.org з пазнакай "пытанні для Рады культуры Літвы".

Сачыць за навінамі, атрымаць датковую інфармацыю, паглядзець спіс пераможцаў папярэдніх колаў можна на сайце.

Не прапусціце выдатныя #магчымасці, бо напрыканцы жніўня адкрыецца таксама конкурс на атрыманне індывідуальных стыпендый для творцаў.