Фінскі ўладальнік «Лідскага піва» прадае свой актыў і абмежаваў пастаўкі ў Расею

У справаздачы кампаніі Olvi паведамляецца, што пошук пакупніка для "Лідскага піва" пачаўся. Вынікі працы беларускага завода адлюстроўваюцца як актывы для продажу.

«Olvi спыніла інвестыцыі ў «Лідскае піва», неадкладна спыніла значны аб'ём расейскага экспарту і пачала пошук патэнцыйных пакупнікоў і перамовы аб продажы. Пры гэтым будзе улічвацца мясцовае і міжнароднае заканадаўства і дабрабыт супрацоўнікаў. Працэс продажу зойме час і будзе звязаны з нявызначанасцю», - гаворыцца ў справаздачы.

Фінская кампанія Olvi валодае 96,4% акцыяў беларускага піўзаводу.

📸 welcome-belarus

Больш на Радыё Рацыя

У Менску асудзілі палітзняволеных анархістаў

Вынесены прысуд палітзняволеным анархістам Аляксандру Бялову, Яўгену Рубашку, Арцёму Салаўю і Арцёму Салаўю (хлопцы поўныя цёзкі).

Суддзя Алена Міснік прызнала іх вінаватымі паводле двух артыкулаў Крымінальнага кодэкса ч. 1 арт. 342 і ч. 3 арт. 361-1, і агучыла наступныя выракі: Аляксандру Бялову, Яўгену Рубашку, Арцёму Дзмітрыевічу Салаўю — па пяць гадоў калоніі агульнага рэжыму, Арцёму Сяргеевічу Салаўю — 4,5 года калоніі агульнага рэжыму.

Апошняе слова Яўгена Рубашкі:

«Хтосьці выбірае ўпісаць свае імёны ў гісторыю палітычных рэпрэсій. І калі камусьці датычнаму да іх будзе ікацца, то ведайце, што вашыя імёны ўспамінаюць палітвязні, якія сядзяць, а з імі іх родныя і блізкія, а з імі — і ўся краіна. І апошняе слова не будзе сказанае да тых часоў, пакуль усе не будуць вольныя!»

📸 Сацыяльныя сеткі
Крыніца: "Вясна"

У Рыгора Кастусёва палепшыўся стан здароўя, а адваката часцей выклікаюць ў СІЗА

З Госцем Рацыі, прадстаўніком беларускай дыяспары ў Беластоку, Змітром Антончыкам паразмаўлялі пра крымінальную справу Рыгора Кастусёва.

- Чаму да гэтай пары не прызначаны суд, хаця палітык ужо больш за год за кратамі.
- Як ставіцца да гэтай справы пра замах на Лукашэнку
- Ці палепшыўся стан здароўя Кастусёва, які хварэе на анкалогію.
- Што з ліставаннем з палітыкам

«Следчы сказаў, што справа рыхтуецца да перадачы ў пракуратуру. Канчатковае абвінавачанне будзе прад’яўлена да канца гэтага месяца. Сам Рыгор Кастусёў у сваіх лістах піша, што гэта малаверагодна таму, што ўжо не ў першы раз яму такое кажуць».

Паслухайце і пачытайце цалкам размову на Радыё Рацыя

‼️ Кіраўнік Рускай праваслаўнай царквы ва Украіне мітрапаліт Ануфрый прапанаваў правесці хрэсны ход ад горада Арыхава Запарожскай вобласці да завода «Азоўсталь» у Марыупалі.

‼️‼️ Ён заклікаў звярнуць увагу на неабходнасць выратавання тых, хто, застаўшыся ў шматпакутным Марыупалі, апынуўся ў гуманітарнай катастрофе.

#вайна #Украіна #Марыупаль #мітрапаліт_Ануфрый #Вялікдзень

Больш на сайце Радыё Рацыя.

«Лукашэнка прадаў суверэнітэт Беларусі, каб заставацца ва ўладзе»

Спецыяльны пасланнік ЗША ў Беларусі, пасол Джулі Фішэр падкрэсліла, што беларусы не хочуць, каб беларускія вайскоўцы ўдзельнічалі ў вайне, а расейскія – заставаліся ў Беларусі і нападалі на Украіну з яе тэрыторыі, а таксама адзначыла, што ЗША падзяляюць беларусаў і Лукашэнку. Па словах Фішэр, беларускі суверэнітэт таксама стаў ахвярай пуцінскай агрэсіі.

«Лукашэнка здаваў суверэнітэт 28 гадоў, і гэты працэс толькі паскорыўся пасля жніўня 2020 года. Беларусь мае тыя ж праблемы, што і Украіна: хто будзе вызначаць яе будучыню? Гэта будзе яе народ, ці гэта будзе Уладзімір Пуцін, і тады Беларусь ужо не будзе незалежнай краінай. На жаль, у адрозненне ад Украіны, Аляксандр Лукашэнка стаў саўдзельнікам Пуціна. І гэта яшчэ адзін выклік для людзей у Беларусі, бо Беларусь зараз з'яўляецца бокам гэтай вайны», - заявіла Фішэр падчас прэс-канферэнцыі.

📸 Reuters

Новы арт-каментар Алега Мініча.

Згодныя?

Больш малюнкаў ад аўтара на Радыё Рацыя

У Жодзіне жыхары знайшлі тратуар, які вядзе ўнікуды

Ён знаходзіцца каля помніка Анастасіі Купрыянавай, а на самой пешаходнай дарожцы размешчаны два дрэвы.

Заўважылі чытачы EX-PRESS.BY

Палітвязня Арцёма Мядзведскага, які збег з „хіміі”, пераводзяць у калонію

21 красавіка ў судзе Камянецкага раёна разглядзелі справу «аб пераводзе палітвязня ў папраўчую ўстанову іншага тыпу і змене ўмоваў рэжыму». Суддзя Аксана Шкель пастанавіла перавесці Мядзведскага ў калонію тэрмінам на 9 месяцаў.

Палітзняволены Арцём Мядзведскі ў лютым 2022-га здолеў уцячы з папраўчай установы №45. Паведамлялася, што ён збег з лякарні ў Камянцы, куды трапіў з лёгкім страсеннем мазгоў пасля таго, як паслізнуўся і зваліўся ў будынку ПУАТ. Але праз некаторы час Арцёма затрымалі і вярнулі ў ПУАТ.

📸 Вясна

Больш на Радыё Рацыя

Ватыкан адмяніў сустрэчу Папы Францішка з патрыярхам Кірылам

Пантыфік адзначыў, што шкадуе пра тое, што сустрэчу, прызначаную на чэрвень у Ерусаліме, давялося адмяніць. Ён дадаў, што заўсёды выступаў за міжрэлігійны дыялог, але ватыканскія дыпламаты далі зразумець, што падобная сустрэча ў цяперашняй сітуацыі была б занадта супярэчлівай.
Дадамо, што патрыярх Кірыл звяртаўся да расейскіх вайскоўцаў з заклікам выконваць прысягу, а да вернікаў — маліцца, “памнажаючы моц нашых Узброеных сіл”.

#WARINUKRAINE #Ватыкан

Нямецкую прэмію “СМІ за свабоду” атрымалі Зяленскі і Ціханоўская

Аргкамітэт нямецкай прэміі “СМІ за свабоду” пасля жорсткай крытыкі з боку нямецкіх і ўкраінскіх журналістаў адмовіўся ад уганаравання расейскай журналісткі Марыны Аўсяннікавай, якую планавалі адзначыць разам з дэмакратычнай лідаркай Беларусі Святланай Ціханоўскай і прэзідэнтам Украіны Уладзімірам Зяленскім.

Марына Аўсяннікава стала вядомай пасля з’яўлення ў эфіры праграмы першага канала расейскага тэлебачання з плакатам супраць вайны. Да гэтага яна многія гады працавала на расейскім канале.

#Ціханоўская #Зяленскі #Прэмія

Cлухайце на нашых хвалях традыцыйны Велікодны Падляшскі канцэрт пажаданняў!

Пачатак святочнага канцэрту 24 красавіка у нядзелю, а 18-й польскага часу (адпаведна 19-й беларускага). Цягам трох гадзін слухайце велікодныя пажаданні, віншаванні і святочныя песні.

🎙Вядоўцы канцэрту – Анна Шайкоўская і Валянціна Лаеўская.

Паглядзіце, як расейцы пагражаюць знішчыць Нью-Ёрк ядзернай зброяй!

На расейскім тэлеканале паказалі няякасна зроблены мультык з ракетай: «Нью-Ёрк добры горад, але яго не будзе. Амерыканцы заўсёды баяліся нашых цяжкіх ракет» – крычаць на ім прапагандысты, і смяюцца.

«Беларусь – гэта святое» - малюнкі Паўла Севярынца з-за кратаў выдадзеныя ў форме паштовак

На працягу двух гадоў палітвязень Павел Севярынец дасылае разам з лістамі дадому і свае малюнкі. Родныя атрымалі ад яго каля двухсот лістоў і больш за сотню малюнкаў, адрасаваных найперш маленькаму сыну Францішку. Але ў пэўны момант жонка палітвязня, Вольга Севярынец, вырашыла, што іх варта пакінуць на памяць не толькі сям’і, але і іншым людзям. Бо малюнкі з-за кратаў маюць асаблівую вартасць. Так з’явіўся першы набор паштовак «Беларусь – гэта святое» – з выявамі храмаў, помнікамі беларускай архітэктуры і гісторыі.

Больш на сайце Радыё Рацыя:


#Севярынец #Паштоўкі

Леанід Кучук: Прыняў рашэнне, што буду жыць ва Украіне, буду яе бараніць і памру тут

Галоўны трэнер львоўскага „Руха” беларус Леанід Кучук расказаў, што яго звязвае з Украінай і дзе ён плануе жыць пасля вайны.
«Я ўжо даўно прыняў рашэнне, што буду жыць ва Украіне, буду яе бараніць і памру тут, чаго б мне гэта ні каштавала. Як і ўсе ўкраінцы, я хаваюся ў падвалах, хаджу туды ноччу. Я – беларус, але мяне шмат што звязвае з Украінай", – сказаў Кучук. Пасля пачатку вайны, Кучук выказаў сваю пазіцыю, а таксама заклікаў беларусаў, не ісці ваяваць супраць Украіны. З 2020 па 2021 год беларускі спецыяліст узначальваў менскае „Дынама”.

Больш навін спорту на сайце Радыё Рацыя:

🔻Расейскія і беларускія апазіцыянеры ў Мюнхене аб’ядналіся, каб падтрымаць Украіну.
🔻Масква заявіла, што ўзяла пад кантроль Марыупаль.
🔻Краіны Балтыі прызналі дзеянні Расеі генацыдам.

Падрабязнасці свежых матэрыялаў замежнай прэсы:


#WARINUKRAINE

Незвычайная гісторыя дому ў Віцебску

Дом №28 па вуліцы Леніна быў пафарбаваны сіняй фарбай ад самага з’яўлення будынка ў 1974 годзе. Віцяблянам настолькі спадабаўся нетрадыцыйны знешні выгляд жылога дому, што назва «сіні дом» стала гарадскім тапонімам. Ён быў узведзены практычна ў цэнтры гораду, таму каля «сіняга дому» часта прызначалі сустрэчы, і кожны мясцовы жыхар без дадатковых тлумачэнняў разумеў, дзе яго чакаюць. Традыцыя называць «сінім домам» гарадскі аб’ект захавалася нават пасля таго, як ён быў перафарбаваны ў шэры колер.

Чытай больш:

Аляксандр Балоннікаў: Кожны хрысціянін павінен саўваскрэснуць разам з Хрыстом

☦️Вернікі Беларускай праваслаўнай Царквы рыхтуюцца да свята Вялікадня. Гэтае свята даўняе, і нязменнае па сваёй задачы і перажываннях. Гэты дзень выяўляе сапраўды добрыя справы чалавека, яго міласэрнасць. Шлях наследавання Хрысту – бессмяротная задача душы.

Чытай больш:


#Вялікадзень #Гародня #Праваслаўе

Мексіканскі ўладальнік A1 Telekom Austria Group хацеў прадаць бізнес у Беларусі

Галоўнай прычынай захавання бізнесу ў Беларусі называецца той факт, што беларускі мабільны аператар з`яўляецца адным з самых прыбытковых падраздзяленняў A1 Telekom Austria Group. У выпадку сыходу заходняга акцыянера яго месца зоймуць расейцы ці кітайцы, прыводзіць выданне меркаванне крыніцы ў беларускіх дзелавых колах.

Больш на Радыё Рацыя