«Мы дадалі яшчэ адну цаглінку памяці ў падмурак нашай супольнай гісторыі». Пачаў працу мультмедыйный сайт пра Плошчу Перамен

Аўтар канцэпцыі Яўген Айцецкі распавёў, што над праектам каманда працавала больш за год.

«На прыкладзе барацьбы аднаго мінскага двара супраць несправядлівасці мы гаварым аб салідарнасці і аб недапушчальнасці канцэнтрацыі ўлады ў адных руках, як гэта адбылося ў Беларусі. Гэта ўніверсальная гісторыя пра напамінанне аб важнасці закону, павагі да чалачечага жыцця, дэмакратыі і правоў чалавека», - піша ў сябе на старонцы Фэйсбук Яўген.

Сайт даступны на чатырох мовах: расейскай, беларускай, ангельскай і польскай.

«На жаль, гэта вельмі тыповая гісторыя. Большасць людзей бачаць і запамінаюць найбольш яркія і медыйныя гісторыі. Напрыклад, амаль усе ва Украіне ведаюць пра пасадку самалета з Пратасевічам, але ж мала хто ведае, што тэрор не спыніўся і працягваецца сёння, мало хто ведае пра маштаб рэпрэсій».

Паглядзець пра Плошчу Перамен

На этыкетках «Pepsi» з‘явіцца беларуская мова

Моўныя актывісты Ігар Случак і Аліна Нагорная дабіліся беларусізацыі брэнда «Pepsi». Прадстаўнікі кампаніі, якая выпускае прадукцыю Pepsi MAХ, далі адказ, што ў бліжэйшы час напоі пачнуць суправаджацца беларускамоўнай этыкеткай.

“Яшчэ з 2017 года мы атрымлівалі адказы, што на этыкетках PEPSI не можа быць беларускай мовы. Для таго каб беларуская мова з’явілася, нам спатрэбілася 5 год“, - напісала Аліна Нагорная ў Фэйсбук.

На відэа легендарная рэклама «Pepsi» 2014 года. Памятаеце?

На Ігара Банцара могуць завесці новую крымінальную справу

Як заявіў ГУБАЗіК, вырашаецца пытанне аб узбуджэнні ў дачыненні да Ігара Банцара крымінальнай справы за "яго дзейнасць у сацыяльных сетках" па артыкуле 130 КК аб распальванні варожасці.

5 жніўня гарадзенскага рокера Ігара Банцара затрымалі, выламаўшы металічныя дзверы. ГУБАЗіК выклаў відэа затрымання ў тэлеграм-канале. Сілавікі загадалі Ігару легчы на падлогу з рукамі за спінай. Яго, які ляжаў, пакрылі бел-чырвона-белым сцягам і ў такім выглядзе сфатаграфавалі.

Пачалася рэгістрацыя на Адкрыты чэмпіянат па спартовай арніталогіі – BirdRace-2022

3 верасня адбудуцца сапраўдныя гонкі за птушкамі. Хто адзначыць найбольш відаў за 12 гадзін? Збяры каманду і прымі ўдзел.

Правілы чэмпіянату і рэгістрацыя

Суддзя адхіляе амаль усе хадайніцтвы па «справе Аўтуховіча»

"Суддзя адмовіў нягледзячы на тое, што ўсе адвакаты былі за. Усе абвінавачаныя таксама былі за. Але два пракуроры былі супраць, і суддзя пайшоў ім насустрач. І гэта адбываецца амаль па ўсіх хадайніцтвах адвакатаў", - распавяла Алена Гундар, жонка палітзняволенага Уладзіміра Гундара, які таксама праходзіць па гэта справе.

Справу вядзе Суддзя Гарадзенскага абласнога суда Максім Філатаў.

📸 Новы Час
Больш на Радыё Рацыя і ў аплікацыі

Літва працягне выдаваць візы беларусам, якіх пераследуюць на радзіме

МЗС Літвы на сваім сайце ў афіцыйнай заяве паведаміла, што інфармацыя аб нявыдачы віз для грамадзян Беларусі, якія пацярпелі ад рэжыму, не адпавядае рэчаіснасці.

«Міністэрства замежных спраў сур'ёзна ставіцца да ўсіх пададзеных запытаў, правярае іх і выступае пасярэднікам толькі ў тых выпадках, калі яно перакананае, што запыты абгрунтаваны. МЗС будзе і надалей прыкладаць усе намаганні для таго, каб Беларусь, якая імкнецца да свабоды, заставалася на парадку дня як літоўскай, так і міжнароднай палітыкі, а людзі, якія змагаюцца супраць рэжыму, маглі на законных падставах прыязджаць і атрымліваць бяспечны прытулак у Літве», - гаворыцца ў заяве.

Палітзняволенаму Мікалаю Статкевічу споўнілася 66 гадоў

Жонка палітыка Марына Адамовіч павіншавала мужа і пажадала яму і народу Беларусі волі ў эфіры нашага радыё, а таксама распавяла, што не было ілюзій у 2020 годзе.

«У 2020 годзе было вельмі прыгожа і вельмі натхняльна. Але тое, што мірнымі маршамі, якія праходзілі толькі па выходных, можна зрынуць гэтую ўладу, тым больш, калі ініцыятыва была страчана, было б вельмі наіўна. Прынамсі, я на гэта не разлічвала. Але тое, што народ прачнуўся, гэты прыгожы, цудоўны народ, гэта сапраўды нікуды не дзелася. Для нас гэта была ярчэйшая ілюстрацыя таго, што мы паўтаралі доўгія змрочныя гады: калі з’явіцца надзея, вы не пазнаеце беларусаў».

Цалкам размову з Марынай Адамовіч слухайце і чытайце на Радыё Рацыя і у нашай аплікацыі

Зянон Пазьняк падтрымаў „ваеннага міністра” Ціханоўскай

„Павінен засведчыць, што Валеры Сахашчык прыстойны беларускі афіцэр гонару, патрыёт Беларусі, які дбае пра яе лёс і абарону. Трэба падтрымліваць такіх людзей, якія хочуць дапамагчы Бацькаўшчыне ў цяжкі для народу час. Не звяртайма ўвагі на брэх сабачы” — напісаў Пазьняк.

Больш на Радыё Рацыя

Беларускі рок у Варшаве

“Драйв і пяшчота, бадзёрасць і шаленая энэргетыка… На гэтым канцэрце будзе ўсё”, – абяцае вакалістка бэнду “Atesta” Уля Паўловіч.

Канцэрт абудзецца у “Beer Station Centrum” (Lwowska, 17). Пачатак канцэрта – у 19:00.

Больш на радыё Рацыя і ў аплікацыі

Тры чалавекі пацярпелі ў выніку ДТЗ белрускага аўтобуса ў Польшчы

На аўтобусе з Тэрэспаля праз Варшаву ў Познань ехалі 47 грамадзян Беларусі. Паводле папярэдняй інфармацыі, кіроўца аўтобуса заснуў за стырном.

Больш на Радыё Рацыя і ў аплікацыі

🔻Польскі Newsweek згадаў пра канферэнцыю «Новая Беларусь», якую арганізаваў офіс Святланы Ціханоўскай.

🔻У Чарнагорыі мужчына адкрыў агонь па людзях на вуліцы, як мінімум 11 загінулі.

🔻У Нью-Ёрку напалі на пісьменніка Салмана Рушдзі, ударылі нажом у шыю.

Падрабязнасці даведаемся ў аглядзе сусветнай прэсы 👇

на Радыё Рацыя