⛔️ Абрынуўся чарговы мост. Гэтым разам у Берасцейскай вобласці

У Камянецкім раёне Берасцейскай вобласці разбурылася частка аўтамабільнага маста.

Разбурэнне адбылося на 19-м кіламетры аўтадарогі Н-344 "Камянец-Трасцяніца-Лышчыцы-Воўчын", непадалёк ад вёскі Рудавец. Гэтая аўтадарога вядзе ад комплексу Астрамечава да вёскі Трасцяніца. У абласной ДАІ паведамляюць, што аб'езд пашкоджанага ўчастка магчымы па аўтамабільнай дарозе Р-85 "Слонім-Высокае-мяжа Рэспублікі Польшча".

🇩🇰 Данія працягне выдаць візы беларусам

Пра гэта кіраўнік МЗС Даніі Епэ Кофад заявіў на сустрэчы са Святланай Ціханоўскай.

Ціханоўская звярнула ўвагу, што пару тыдняў таму Данія спыніла выдачу віз для беларусаў, і папрасіла аднавіць яе.
Дацкі міністр адказаў, што цяпер шукаюць магчымасці выдаваць візы ў Менску. Пакуль жа беларусы могуць звяртацца па візы ў іншых краінах.

Таксама Кофад запэўніў Ціханоўскую, што Данія выступае супраць зняцця санкцый з рэжыму Лукашэнкі ўзамен на транзіт зерня з Украіны.

Ціханоўская прапанавала кіраўніку дацкай дыпламатыі ўключыць у сёмы пакет еўрасаюзаўскіх санкцый дэпутатаў Палаты прадстаўнікоў Беларусі, якія галасавалі за рэпрэсіўныя законы.

У ЗША распавялі, як спрабуюць вырашыць пытанне з экспартам збожжа з Украіны

ЗША імкнуцца дасягнуць дыпламатычнага рашэння ў пытанні экспарту харчавання з Украіны. Пра гэта падчас прэс-канферэнцыі ў Сінгапуры заявіў кіраўнік Пентагона Лойд Осцін, піша "РБК-Украіна".

Пры гэтым ён адзначыў, што амерыканскія вайскоўцы могуць унесці свой уклад у выпадку неабходнасці. Акрамя таго, ён дадаў, што сітуацыя з заблакаваным Расіяй збожжам застаецца складанай, а наступствы ўжо адчуваюцца ва ўсім свеце. «заўсёды імкнемся найперш дасягнуць дыпламатычнага рашэння, і бачу шмат энергіі ў гэтым кірунку», — заявіў Осцін.

Нагадаем, з 24 лютага суднаходства ў Чорным моры спынена з-за вайны, якую Расея развязала ва Украіне. У марскіх партах апынуліся заблакаваны тоны аграрнай прадукцыі, што стварыла пагрозу глабальнага голаду.

🇺🇦 З пачатку вайны ва Украіне загінула 287 дзяцей

Ад пачатку вайны ва Украіне загінулі 287 дзяцей, распавялі ў Офісе Генеральнага пракурора Украіны. Яшчэ больше за 490 дзяцей — параненыя.

“Гэтыя лічбы не канчатковыя, паколькі працягваецца праца па іх усталяванні ў месцах вядзення актыўных баявых дзеянняў, на часова акупаваных і вызваленых тэрыторыях”, — дадалі ў офісе.

Больш за ўсё дзяцей пацярпела ў Данецкай, Харкаўскай, Кіеўскай, Чарнігаўскай, Луганскай, Херсонскай, Мікалаеўскай, Запарожскай, Сумскай і Жытомірскай вабласцях, а таксама ў самім Кіеве.

Сцяпана Латыпава перавялі ў памяшканне камернага тыпу на пяць месяцаў

Фармальная прычына невядомая, але ПКТ – распаўсюджаны метад ціску на палітвязняў.

Памяшканне камернага тыпу – гэта турэмная камера, у якой утрымліваецца вязень і выходзіць толькі на працу і паўгадзінны шпацыр, асобна ад іншых зняволеных, якія знаходзяцца ў жылой зоне калоніі. Ім забараняецца камунікаваць з тымі, хто знаходзіцца ў ПКТ. Датэрміновы выхад магчымы толькі па стане здароўя. Таксама ёсць абмежаванні па пасылках і забарона на спатканні і тэлефанаванні.

Сцяпана Латыпава летась жніўні 2021 года асудзілі на 8,5 года калоніі ўзмоцненага рэжыму.

За 28 гадоў праўлення дыктатара Лукашэнкі з-за рэпрэсій пасля выбараў 2020 года вымушаны былі пакінуць Беларусь дзясяткі тысяч самых актыўных грамадзян і самых лепшых спецыялістаў

У кожнага свая гісторыя, але ўсе яны хацелі жыць па закону, у цывілізаванай дэмакратычнай краіне, гаворыць былая барабаншчыца з Менску, каардынатар ініцыятывы «Напішы пісьмо палітвязню» Алёна Панамарова:

"Мы ў Менску ладзілі перфоманс з барабанамі. Майго сябра судзілі на 6 гадоў."

Актыўнасць беларусаў у Польшчы не згасла. Акцыі, пісьмы палітвязням, дапамога беларускім і ўкраінскім бежанцам. Людзі мараць пра новую вольную Беларусь.

Паляку, які папрасіў прытулку ў Беларусі, у Польшчы выстаўленыя абвінавачванні

Паляк, які папрасіў прытулку ў Беларусі, абвінавачваецца ў Польшчы ў падтрымцы вайны. Прадстаўнік міністра-каардынатара спецыяльных службаў Станіслаў Жарын пракаментаваў інцыдэнт з пра-расейскім актывістам Марцінам Мікалаекам, які папрасіў прытулку ў Беларусі. Паводле Жарына, мужчына на працягу многіх гадоў праводзіў мерапрыемствы, узгодненыя з крамлёўскай прапагандай і займаўся, у прыватнасці, публікацыяй анты-украінскіх матэрыялаў.

Агенцтва ўнутранай бяспекі ў сувязі з гэтым накіравала ў акружную пракуратуру ў Свідніцы паведамленне пра магчымасць здзяйснення злачынства, звязанага з “усхваленнем распачынання і вядзення агрэсіўнай вайны”. Пракуратура пачала расследаванне і прад’явіла мужчыну абвінавачанні ва ўхваленні агрэсіўнай вайны і злачынстваў, здзейсненых супраць украінскага насельніцтва па нацыянальнай прыкмеце. Абвінавачанні грамадзяніну Польшчы агучылі яшчэ 31 траўня.