З «Азоўсталі» эвакуявалі 266 украінскіх вайскоўцаў, іх абмяняюць на расейскіх палонных, паведаміла намесніца міністра абароны Украіны Ганна Маляр

Яна дадала, што працягваюцца крокі па выратаванні адтуль астатніх байцоў.

У сваю чаргу ў Расеі паведамілі, што за суткі на заводзе «Азоўсталь» у Марыупалі 265 украінскіх вайскоўцаў склалі зброю і здаліся ў палон, сярод іх 51 чалавек з цяжкімі раненнямі. Пра гэта паведаміў афіцыйны прадстаўнік Мінабароны Расеі Ігар Кашаненкаў падчас брыфінгу.

Канашэнкаў дадаў, што тых, каму патрэбна медыцынская дапамога, даставілі ў бальніцу горада Новаазоўск у Данецкай вобласці, які знаходзіцца пад расейскім кантролем.

📷 Reuters


#Азоўсталь #Марыупаль

Польшча прапанавала перанакіраваць экспарт украінскага збожжа праз сваю тэрыторыю

Міністр сельскай гаспадаркі Польшчы Генрык Кавальчык заявіў, што экспарт украінскага збожжа можа быць перанакіраваны праз Польшчу, пакуль Расея перашкаджае яго вывазу праз парты Чорнага мора.

Міністр заявіў пра гэта ў Варшаве ў прысутнасці міністра сельскай гаспадаркі ЗША Тома Вільсака, міністра сельскай гаспадаркі Украіны, і кіраўніка камісіі Еўразвязу ў сельскай гаспадарцы. Экспарт украінскага збожжа быў парушаны, што можа пагоршыць праблемы з нястачай харчоў, голадам і інфляцыяй ва ўсім свеце, мяркуюць эксперты.

Вільсак асудзіў крадзеж украінскага збожжа Расеяй і выкарыстанне ёю голаду як інструменту вайны. Ён заявіў, што ЗША зробяць усё магчымае, каб ня даць Расеі нажыцца на крадзяжы.

📷Gov.pl


#Варшава #Кавальчык

❗️Сілавікі затрымалі выдаўца Андрэя Янушкевіча

Больш за 200 кніг з крамы, якая адкрылася, канфіскаваны, паведамляюць праўладныя тэлеграм-каналы.

Па 15 выданнях будзе „праведзена экспертыза”. Па якім артыкуле затрыманы Андрэй Янушкевіч – невядома. «Накіроўвалi людзей на вуліцы ў жніўні 2020 года». ГУБАЗіК на сваім канале пракаментаваў ператрус ў кнігарні «Кнігаўка» Яны пішуць, што «ворагі сваёй краіны накіроўвалi людзей на вуліцы ў жніўні 2020 года, спрабавалі адкрыць кнігарню з экстрэмісцкай і нацысцкай літаратурай». Свой запіс ГУБАЗіК суправадзіў скрыншотамі з канала «Выдавецтва Янушкевіч» і «Белліт».

Адзначым, што гэта быў першы запіс ГУБАЗіКа на сваім канале на беларускай мове. Незалежнае выдавецтва „Янушкевіч” працуе з 2014 года. Яно выпусціла сотні кніг на беларускай мове, у тым ліку пераклады з ангельскай першых трох кніг пра „Гары Потэра”.

‼️⚡️ Украіна прыпыніла перамовы з Расеяй.

📌 Пра гэта паведаміў у эфіры ўкраінскага тэлебачання дарадца кіраўніка Офіса прэзідэнта Украіны Міхаіл Падаляк.

📌 Падаляк адзначыў, што патрабаванні Расеі ў ходзе перагаворнага працэсу прынцыпова не мяняліся. Перагаворная група, паводле яго слоў, атрымлівала з Масквы адны і тыя ж дырэктывы.

📌 Ён падкрэсліў, што магчымыя саступкі РФ, каб «Пуцін захаваў твар», не з'яўляюцца прадметам абмеркавання, бо іх не прымае ўкраінскае грамадства.

reform.by

#Украіна #вайна #Міхаіл_Падаляк #перамовы_Украіны_з_Расеяй #патрабаванні_Расеі

📌 Ад пачатку года ў беларускіх судах за „распаўсюд экстрэмісцкіх матэрыялаў” асуджаныя мінімум 455 чалавек, паведамляюць праваабаронцы.

📌 Тым самым яны ставяць пад сумнеў учорашняе паведамленне начальніка аддзела ГУБАЗіК МУС Юрыя Ткачука. Ён заявіў, што з пачатку года па гэтым абвінавачанні затрымалі 237 чалавек.

📌 Па стане на 16 траўня 2022 года ў Беларусі экстрэмісцкімі прызнаныя 633 ТГ-каналы. Улады лічаць, што ведаць спіс гэтых каналаў павінныя ўсе.

#распаўсюд_экстрэмісцкіх_матэрыялаў #тэлеграм-каналы #ГУБАЗіК #пераслед_актывістаў #рэпрэсіі

‼️⚡️ Новая Зеландыя ўвяла санкцыі супраць Лукашэнкі.

📌 Таксама санкцыі ўведзены ў адносінах да высокапастаўленых чыноўнікаў Мінабароны і камандзіраў. У спісах згадваецца памочнік міністра абароны па ідэалагічнай працы Леанід Касінскі, кіраўнік ідэалагічнага ўпраўлення Мінабароны Вадзім Лукашэвіч і іншыя.

📌 Усяго Новая Зеландыя ўвяла санкцыі супраць 27 фізічных і юрыдычных асоб з Беларусі.

📌 Таксама санкцыі ўведзены ў дачыненні да Дзяржкамваенпрама, Synesis, "ОКБ ТСП" і кампаніі "Абаронныя ініцыятывы".

reform.by

#Новая_Зеландыя #санкцыі #Міністэрства_абароны_Беларусі
#санкцыі_супраць_Лукашэнкі #Synesis

📌 Парламент Фінляндыі прагаласаваў за ўступленне ў НАТА

📌 За прагаласавалі 188 дэпутатаў, супраць - восем, паведамляе yle.fi.

📌 Рашэнне аб падачы заяўкі на членства ў НАТА павінна адобрыць урад і вынесці на разгляд прэзідэнта Фінляндыі.

📌Пасля адабрэння прэзідэнтам заяўка будзе падпісана міністрам замежных спраў.

reform.by

#НАТА #Фінляндыя #уступленне_ў_НАТА #Швецыя

📌 Каб дапамагчы беларусам у Італіі.

📌 Юлія Юхно, прадстаўніца асацыяцыі беларусаў у Італіі «Supolka», сустрэлася з дэпутатам Еўрапарламента і генеральным сакратаром дэмакратычнай партыі Італіі рэгіёна Таскана Сімонай Банафе.

📌 Па словах Юліі Юхно, у беларускіх бежанцаў у Італіі шмат праблем.

📌 Па ўсёй Італіі раскідана больш за 10 тысяч беларусаў, і ў некаторых гарадах на палітычныя акцыі збіралася ад 50 да 100 чалавек.

Больш на сайце Радыё Рацыя.

#Італія #Юлія_Юхно #Сімона_Банафе #Еўрапарламент #асацыяцыя_беларусаў_у_Італіі_Supolka

📌 Канцлер Нямеччыны Олаф Шольц і прэзідэнт Украіны Уладзімір Зяленскі па тэлефоне абмеркавалі ваенную і гуманітарную сітуацыю ва Украіне.

📌 Олаф Шольц і Уладзімір Зяленскі зазначылі, што дыпламатычнае ўрэгуляванне магчымае толькі пасля вываду расейскіх войскаў з Украіны.

📌 «Яны прыйшлі да высновы, што дыпламатычнае ўрэгуляванне канфлікту шляхам перамоваў паміж Украінай і Расеяй запатрабуе неадкладнага спынення баявых дзеянняў з боку Расеі і вываду расейскіх войскаў з Украіны», – заявіў афіцыйны прадстаўнік урада Нямеччыны Штэфэн Гэбэштрайт.

📌 «Цэнім падтрымку Нямеччыны, у тым ліку абаронную. Разлічваем на далейшае садзейнічанне Нямеччыны на шляху Украіны да паўнапраўнага сяброўства ў ЕЗ», – напісаў прэзідэнт Украіны ў твітары.

#Украіна #вайна #Германія #Олаф_Шольц #Уладзімір_Зяленскі

📌 Святлана Ціханоўская пачынае рабочы візіт у Іспанію, паведамілі ў прэс-службе палітыка.

📌 У планах сустрэчы з прэм'ер-міністрам краіны, кіраўніком МЗС, парламентарыямі і экспертнымі цэнтрамі.

📌 У Мадрыдзе Святлана Ціханоўская раскажа аб сітуацыі з палітычнымі зняволенымі ў Беларусі, аб неабходнасці аказання дапамогі грамадзянскай супольнасці Беларусі, а таксама пра ролю Беларусі ў вайне Расеі супраць Украіны.

#Святлана_Ціханоўская #вайна #Украіна #Беларусь
#Іспанія #Мадрыд

📌 Беларусь можа сябе выратаваць менавіта па слядох Украіны.

📌‼️ Думкі на гэта конт беларусаў, украінцаў, палякаў трапілі ў рэпартаж Вольгі Сямашкі «Усё будзе Ўкраіна!».

Больш на сайце Радыё Рацыя.

#Украіна #вайна #Беларусь #лёс_Беларусі #Вольга_Сямашка #рэпартажы_на_Радыё_Рацыя

📌‼️ 18 траўня ў Варшаве пройдзе вялікі канцэрт, прысвечаны 50-годдзю Аляксандра Кулінковіча – лідара знакамітага панк-рок-гурта “Neuro Dubel”.

Бессмяротныя хіты калектыву са сцэны прыгадаюць вядомыя беларускія музыкі: Лявон Вольскі, Юры Стыльскі, Аляксандр Памідораў, Дзяніс Тарасенка, Алесь Дзянісаў, Уладзімір Пугач і Алесь-Францішак Мышкевіч, а таксама гурт “Зьмяя”.

#Аляксандр_Кулінковіч #Neuro_Dubel #беларуская_рок_музыка #Варшава
#канцэрты #Лявон_Вольскі

📌 18 траўня мае адбыцца судовы працэс над 12 беларусамі, якіх следчыя аб’ядналі ў так званую «групу Аўтуховіча» і вінавацяць у тэрарызме.

📌 Самому Мікалаю Аўтуховічу выставілі 10 артыкулаў.

📌 Разбіраць справу меліся ў Гарадзенскім абласным судзе, але за тыдзень да пачатку ўлады перастрахаваліся, і працэс распачнецца на тэрыторыі гарадзенскай турмы №1.

Больш на сайце Радыё Рацыя.

#Мікалай_Аўтуховіч #Гарадзенскі_абласны_суд #справа_групы_Аўтуховіча #гарадзенская_турма_нумар_адзін
#рэпрэсіі

📌‼️ Канцэрт Вольнага хора у падтрымку Украіны ў Варшаве.

📌 Вольны хор распачынае шэраг канцэртаў «МЫ РАЗАМ» — канцэрты салідарнасці з Украінай. 20 траўня ў Варшаве адбудзецца першы канцэрт.

20 траўня, 19.00 (час мясцовы).

Канцэртная зала «Broadway» (першы паверх), ul. Rzymowskiego 32, Варшава.

Замовіць квіткі можна па спасылцы.

#Польшча #Вольны_хор #канцэрты_Мы_разам #беларусы_за_мяжой #салідарнасць

📌 Прэзідэнт Украіны Уладзімір Зяленскі і прэзідэнт Францыі Эмануэль Макрон правялі тэлефонную размову 17 траўня.

📌 Яны абмеркавалі санкцыі, пастаўкі паліва і экспарт збожжа.

📌 Як паведамляе прэс-служба французскага прэзідэнта, Макрон пацвердзіў рашучасць Францыі рэагаваць на ўсе запыты ўкраінскага боку ў частцы вайсковай тэхнікі, паліва, гуманітарнай дапамогі, эканамічнай і фінансавай падтрымкі. Макрон пацвердзіў, што Францыя працягне і павялічыць пастаўкі зброі і гуманітарнага абсталявання ў найбліжэйшыя дні і тыдні. Таксама абмяркоўваліся шляхі экспарту ўкраінскага збожжа.

📌 Макрон і Зяленскі таксама абмеркавалі гарантыі бяспекі, якія можа даць Украіне Францыя.

#Украіна #вайна #Макрон #Зяленскі
#салідарнасць #украінскае_збожжа

📌 55% шпіталізаваных з COVID-19 не акрыялі і за два гады.

📌 Больш чым у паловы людзей, шпіталізаваных з COVID-19, тыя ці іншыя сімптомы хваробы застаюцца нават праз два гады. Вярнуць працаздольнасць не можа кожны дзясяты. Такія вынікі самага доўгага назіральнага даследавання, якое правялі ў Ухані. Пра яго распавядае The Guardian.

📌 31% пацыентаў скардзіліся на стамляльнасць і слабасць у мышцах альбо парушэнні сну. У кантрольнай групе гэтыя сімптомы былі адпаведна ў 5% і 14%. Таксама тыя, хто перахварэў, часцей скардзіліся на іншыя праблемы, уключаючы боль у суставах, пачашчанае сэрцабіцце, галавакружэнне, галаўныя і іншыя болі, дыскамфорт, трывогу, дэпрэсію.

#кавід #пандэмія #каронавірус #COVID_19
#The_Guardian #наступствы_каронавіруса

📌 Ліза Ахроменка: Без прэтэнзіі на некралог

📌 Першы Прэзідэнт незалежнай Украіны Леанід Краўчук – асоба неадназначная.

📌 Як любы палітык, Леанід Макаравіч меў свае плюсы і мінусы. Але за развал турмы народаў у Белавежскай Пушчы ён варты павагі. І яго любоў да Украіны не падлягае сумневу. Сваё месца ў найноўшай гісторыі ён ужо заняў.

Больш на сайце Радыё Рацыя.

#Украіна #Леанід_Краўчук #развал_СССР #Белавежскае_пагадненне #незалежнасць

🔻Уступленне ў NATO: чаму Анкара супраць?
🔻Што абяцае пашырэнне NATO на поўнач?

Падрабязнасці свежых матэрыялаў замежнай прэсы:

#NATO #Анкара

Андрэй Паротнікаў: АДКБ напаўмёртвая, постсавецкая структура

Вайсковаму хаўрусу 6-ці постсавецкіх краін – АДКБ, куды ўваходзяць Расея і Беларусь, 30 гадоў.

Што ўяўляе сабой на сённяшні дзень гэта арганізацыя, тлумачыць кіраўнік аналітычнага праекту „Беларусь сэк’юрыты блог” Андрэй Паротнікаў:
"АДКБ спрабуе выглядаць маштабна, моцна, але пры гэтым няма ані патэнцыялу, ані, калі так ужо казаць, палітычнага густу, каб быць сапраўды ўплывовай, паважанай арганізацыяй. Яшчэ раз паўтаруся, гэта чарговая напаўмёртвая, постсавецкая структура асноўны інтарэс удзельнічаць у якой для краінаў-удзельніцаў – гэта нешта атрымаць ад Расеі. Атрымаць нейкую дапамогу з аднога боку, але з іншага боку не атрымаць нейкіх праблемаў".

Арганізацыя дамовы калектыўнай бяспекі стваралася 30 гадоў таму як пэўная супрацьвага NATO. На піку яе існавання ў АДКБ уваходзіла 9 постсавецкіх дзяржаў, на сённяшні дзень чальцамі з’яўляюцца 6.


#NATO #АДКБ

У Гародні пачалі судзіць Мікалая Аўтуховіча і яшчэ 11 чалавек

Прадпрымальніка, ветэрана-„афганца” судзяць за „здраду дзяржаве”, „стварэнне злачыннай арганізацыі”, „акт тэрарызму”, „замах на захоп дзяржаўнай улады неканстытуцыйным шляхам” і па іншых артыкулах КК.

Па справе таксама праходзяць Ірына Гарачкіна, Уладзімір Гундар, Галіна Дзербыш, Вольга Маёрава, Ірына Мельхер, Антон Мельхер, Сяргей Разановіч, Любоў Разановіч, Павел Разановіч, Павел Сава і Віктар Снягур.
Як пішуць праваабаронцы, усіх іх, у залежнасці ад ролі, абвінавачваюць па больш чым 10 артыкулах Крымінальнага кодэкса. Суддзёй будзе Максім Філатаў, які ў пачатку 2021-га прысудзіў пяць гадоў калоніі палітвязню Вітольду Ашурку, які пазней памёр пры нявысветленых абставінах. Аўтуховіча затрымалі ў канцы 2020-га. Па версіі следства, ён быў арганізатарам і кіраўніком „тэрарыстычнай групоўкі”, якая падпальвала аўтамабілі і дамы сілавікоў, стварала схованкі са зброяй. Іншыя фігуранты справы не маюць статусу палітвязняў.

Больш на сайце Радыё Рацыя.