" لازم يكون عندك وعي كافي وتعرف إيه اللي ينفع تهزر فيه وإيه اللي مش مسموح فيه بالهزار، إيه اللي يستحق تتكلم عنّه وإيه الباطل اللي تُميته بالسكوت عنّه، إيه التريند اللي تشارك فيه وإيه التريند اللي تتجاهله، إنت شخص ناضج ومسؤول وهتتحاسب على كُل رأي أو فِكرة نشرتها، ويوم الحساب مش هينفع تقول أنا كُنت بهزر وبضحك .. لإن مش كُل حاجة ينفع فيها الهزار والضحك .."

" الوضوح أبسط حاجة مُمكن تقدمها للي قُدّامك ، مَفيش أحسن من إن كُل حاجة في حياتك تبقى واضحة ودا هيسهل كتير في التعامُل ما بينكو وهيخلّي العِلاقة مُستقرة ، على عكس ما تبقى في حاجات مخفية مش مفهومة وبسببها هتخلق تساؤلات كتير عند الطرف التاني ، وصدقني مهما كان اللي هتوضحه أو هتقوله مؤذي ليا بس هيبقى عندي أهّوَن بكتير من إنّك تداريه عنّي أو حتى أعرفه بالصُدفة .."

ماتحبوش يا جماعة..
الحب هو الثغرة الوحيدة اللي تقدر تأذيك في حياتك مهما كانت قوتك ، الحب هو الحاجة الوحيدة اللي ممكن توقعك ..

لو حبيت هتتأذي يوما ما وده اكيد بنسبة 90 % ،
فا لو انت شخص كويس وعايش حياتك كويس وعندك هدف معين عايز توصله من غير ما حاجة تأثر على 3 تربع دماغك وتعطل مسيرتك..
ماتحبش

" كان عنده حق نجيب محفوظ لما قال "ثم تتحول فجأة لشخص لا يُعاتب أحداً، يتجنب المُناقشات التي لا جدوى منها، ينظر للراحلين عنه بهدوء، ويستقبلُ الصدمات بصمتٍ مريب .."

" القرايب مش سند ولا عمرهم هيكونوا سند
كنت زمان بستغرب لية صلة الرحم عليها ثواب كبير كنت شايف ان لما الواحد يكلم قرايبه حاجة سهلة جداً ومش جهاد كبير يعني يستحق الثواب..

مع مرور الوقت ومع كثره (الغل والحقد والغيره والمشاكل والخناقات والخصام) ما بين الأهل والعيله

فهمت وعرفت ان صلة الرحم هي أصعب انواع الجهاد! وانها حاجة صعبة ومرهقة نفسياً جدا .. اللي كنت بفهمه لما بسمع كلمة "العيلة" هو السند والعزوة والفرحة لنجاحك وزعل على وجعك..

بس للأسف فيه بعض القرايب (وبعض هذا منعاً للتعميم) تلاقيهم بيكرهوا يشوفوك بخير ويتمنوا الخير لاي حد عادی بس انت لا .."

لقائلها 🤍

" الست لو بطَّلت تعاتبك تأكّد إنّك خسرتها ، ومُجرّد ما تلاقيها سكتت خاف، لإنها بتبقى خلاص رمت طوبتك، أو بالبلدي كدا إنتَ نزلت من نظرها، ساعتها بس هتفهم قيمة عِتابها، هتفتقد خوفها وحنيّتها، وهتتمنّى لو تشوف غيرتها ولهفتها عليك من تاني، حتى خِناقاتكو هتوحشك، لكن للأسف ندمك مش هيفيد .. الست لو مشّيَت ورا عقلها مرّة مش هترجع تسمع لقلبها تاني حتى ولو كانت روحها فيك .."

الضغط اللي بنعيشه سببه مُعظم الناس اللي في حياتنا وإحنا عارفين دا كويس لكن ما عندناش الجُرأة الكافية إننا نبعد، طيب السؤال هنا: هنفضل كدا لحد إمتى؟ ومستنين إيه تاني عشان نبعد؟ دا مَفيش نوع من الأذى النفسي والضغط إلا وعيشناه لغاية ما حيلنا اتهد وما بقاش عندنا طاقة لأي حاجة، عشان كدا أنا نويت إنّي هفلتر الناس اللي في حياتي، هضيّق الدايرة على أد ما أقدر ومش هسيب غير اللي وجوده خفيف ولطيف لكن اللي هيضغط عليا هقول له سكة السلامة ودا قرار نهائي مفيش فيه رجوع.

" ليه بنحب ناس معينة دونا عن غيرهم؟
أكتر إجابة مقنعة قرأتها في الموضوع دا
هيا إننا بنحب الناس اللي بيجبرونا نطلع صفاتنا الحلوة وإحنا معاهم ... زي الحنان والأدب والجدعنة واللطف
باختصار بيخلونا نكون النسخة الحلوة مننا ونطلع أحسن ما عندنا وإحنا معاهم ....
وبالتالي إحنا بنحبهم عشان بيخلونا نحب نفسنا وإحنا معاهم
أما الناس المتعبين المرهقين المقرفين المملين اللي بيطلعوا مننا كل الصفات الوحشة زي العصبية والغضب وضيق الخلق والخداع وطول اللسان ... فدول بنكرههم لإنهم بيخلونا نكره شخصياتنا اللي بنظهرها ليهم ... وبالتالي بنكرههم .."

" من اكتر الحاجات إللى خلتنى مرتاح نفسيا انى بقيت مدرك إن لو ليا نصيب ف حاجه هتيجي يعني هتيجي حتي لو أنا اللي بعدتها عني بإرادتي أو هي اللي بعدت بإرادتها او الظروف بعدتها ...

فبقيت عارف ان لو ربنا كتبهالي هتتهيأ الاحداث وهيحصل المستحيل وهلاقيها قدامى ...فهقلق ليه طالما نصيبى هيجيلي .."!

"بستغرب اوي من البنت او الولد اللي بيفتخروا أنهم مسيطرين في العلاقه ما بينهم ويكأنهم في حرب وعايزين ينتصروا والحقيقه ان حاجه زي دي مقدرش اسميها علاقه لإن العلاقات بتتبني علي الموده والرحمه ما بين الطرفين .."

" متقلّب الود لا يؤتمن، وفاضح السر لا يؤتمن، وناكر الجميل لا يؤتمن، وكاسر الخواطر لا يؤتمن، ومن يأتيك وقت فراغه لا يؤتمن، وإن لم تأخذ الحذر مما سبق فأنت على نفسك لا تؤتمن .."

" الدنيا مش مستاهلة أي حرب نفسية، سواء جواك أو مع حد تاني ، ف لحظة بتتقلب ، صحتك بتخونك، وحبايبك بيروحوا منك، مفيش أي حاجة مضمونة لحد دقيقة جايه ، في ثواني الأحوال بتتبدل .. مش مستاهله صراعات، اللحظات إللي بتعدي عليك وأنت سليم ومعافى وحبايبك حواليك بعمر كامل من التوتر والقلق والتفكير.. ربنا يجعلنا خفاف على بعض، ويريح بالنا، عشان راحة البال دي مبتتشراش بفلوس الدنيا .."

بتعدّي علينا فترة وما بنبقاش قادرين نساعد نفسنا، عارفين كُل النصايح اللي مُمكن تساعدنا بس مش عارفين نبدأ منين ولا نعمل إيه، عايشين حالة حُزن ووحدة وكبت ومشاكل وصِراعات ومُستقبل مجهول وكركبة كتير جدًا، وأصعب حاجة مُمكن يمُر بيها الإنسان هي قِلّة حيلته تجاه نفسه.

في الحالة دي غالبًا بتبقى انتهت حلول المخلوق وأصبح الحل في إيد الخالق، فإبدأ رحلة البحث عن نفسك بالدُعاء والتقرُّب إلى الله. {وإِذا سألك عِبادي عنّي فإِنّي قرِيبٌ أجِيبُ دعوة الدَّاعِ إِذا دَعانِ}.

" إخلاصك لشريك حياتك بيبدأ حتى من قبل ما تقابلُه.. ده مش حدث طارئ لما بترتبط بتعمله، لكن ده قرار واعي اول ما بتكبر كدة وتلاقي الدنيا مفتوحة قدامك وسهل جداً تدخل في علاقات غلط أو بمعنى اصح "تعُك" ببساطة بترفض ده ..

قرار واعي انك تحافظ على مشاعرك مش ملخبطة ومش مخلوطة ومتوزعة بين ناس كتير عشان بسهولة تعرف تقدمها للشخص اللي ربنا هايبعتهولك في وقته الصح..
فا أمانتك العاطفية مش حاجة محصورة على فترة الارتباط او الجواز، ده اسلوب حياة بيصاحبك وبيحكُمك في كل علاقاتك حتى من قبل الجواز..

الأمانة العاطفية .. قرار واعي "

" فوبيا الفقد مُهلِكة ، حيث الخوف المرضيّ من فقدان الأشياء التي تحبها ، فتسعى بنفسك، دون وعي ، لتخسرها، قبل أن تغادرك هي .."

بوت صادق لربح الدولار كل شخص يدخل عن طريقك تربح 15 دولار رابط البوت👇 https://t.me/Butkonebot?start=07604044040

ادخل واعمل انضمام وكل ساعتين ادخل اضغط مكفأه تكسب 2دولار

🖲 عدد دعواتك : 0

🔗 رابط الدعوة الخاص:
https://t.me/FreeCoin_MoneyBOT?start=07604044040

💰 شارك هذا الرابط مع اصدقائك وكل شخص يأتي من خلال هذا الرابط الخاص بك سوف تكسب 40 ﷼ سعودي