Аёлларнинг туман ҳокими этиб тайинланишига каналимдагиларнинг муносабати?

​Аллақачон кечага айланган Бугундан пост

Жуда қизиқ ишлар бўлди. GroundZero да аёл блогерлар «гап бердик». Ирина Матвиенко, Азиза Умарова, Ақида хонум, Камола Сабирова билан илк марта яқиндан суҳбатлашиш имкони бўлди. Шаҳноза Соатова ва кичкина Азиза энди эски қадрдонлардан))
Кўп нарса айтилди ва яна кўп нарса қолиб кетди. Ўзимнинг ўзимдан унчалик кўнглим тўлгани йўқ. Шу кунларда чарчаб юрганим сабаб бўлдими, ўйлаб келганларимнинг 10 дан бирини гапиролмадим.
Қисқача айтганда биз нималарни гаплашдик?
Катта-кичик блогларимизни нима сабабдан очганимиз ва бундан мақсадимиз нималиги, блогер аёлларнинг ижтимоий ҳаётдаги роли, нега ҳамма мавзуга ҳам қўшилиб кетавермаслигимиз, энди бизда ягона аёл -туман ҳокими борлиги (Азиза Умарова шу жойида шоколад улашдилар), гендер тенглиги ва маиший зўравонлик тўғрисида қонунлар қабул қилингани-ю, ҳали лекин унинг механизмлари ишлаб кетмагани(жабрланган аёлларга ҳимоя ордерини бериш, анонимликни сақлаш ва ҳк) ҳақида, қизлар таълимига жамиятда панжа остидан қаралиши, шунингдек кўп ташриф буюрганларнинг Хотин-қизлар қўмитаси фаолиятига доир эътирозларини тинглаб турганимизда...
Шаҳноза Соатова айнан ўша дақиқаларда “Ҳуқуқий ахборот” каналида эълон қилинган тарихий хабарни айтиб қолдилар:
Энди Хотин-қизлар қўмитамиз йўқ!
Ҳа, тўғри ўқидингиз: аёллар ташкилоти тугатилди. Энди нима бўлади? Менимча, кўп нарса йўқотганимиз йўқ. Эҳтимол ҳеч нарса йўқотмадик.
Президент Фармонига кўра, нафақат Хотин-қизлар қўмитаси, шунингдек, “Нуроний” ва “ Маҳалла” кенгаши ҳам тугатилди. Ўрнига Маҳалла ва оилани қўллаб-қувватлаш вазирлиги ташкил этилди.
Бу хабарни ҳамма осон қабул қилди. Биров ҳайрон ҳам бўлмади. Аёллар ўз ҳаётида қўмитанинг иштирокини, унинг ўзи нимага кераклигини сезмагани учундир балки. Яна бир ҳазил изоҳ ҳам бор: Хотинлар қўмитаси бўлгандан кейин тез орада Эркаклар қўмитасини ҳам очиш керак бўлиб қоларди))Ахир гендер тенглиги ҳақида қонун қабул қилганмиз)) шунинг учун оптимал ечим: Маҳалла ва оила вазирлиги))
Менимча, 90 йиллик ташкилот бирдан изсиз йўқолмайди. Унинг ишламаган функциялари янги вазирлик зиммасига юклатилади. Яхши ишлардан умидвормиз. Хуллас, қизлар, энди бизнинг қўмитамиз йўқ бўлса ҳам, зато Вазирлигимиз ва Вазиримиз бор. Уям бўлса эркак киши: Раҳмат Маматов.
Энди яна учрашувга қайтсак. Кўп гапириб нима қилдим. Муҳими, биз учрашдик))) Муҳими, биз гапирдик. Муҳими, бизни тинглайдиган аудитория бор. Булар ростан ҳам аёл зоти учун энг муҳими. Кимгадир маъқул бўлгандир, кимга йўқ. Ўзим танимагану аммо тарихини битта эшитганимда қалбан яқин бўлиб қоладиган аёллар билан кўришиш менга ёқди. Ташаббускорлар, модератор Камола Сабирова (Раҳмонова) га ва вақтини ажратиб келганларга ташаккур.
Дарвоқе, бундай “гап”лар тез-тез бўлиб туришини, кейинги сафар “турмушидан ажралган аёллар” мавзусига бағишлаб ўтказилишини сўраб менга записка ҳам ёзиб беришди... Яна Дарвоқе, Матвиенко, Ақида Хонум ва менинг қизил кийиб келишимда ҳеч қандай маъно йўқ))) Барчаси тасодиф)))

QARG’ALAR

Biz o'z tariximizni shunchalik yomon bilamizki, “Qarg’alar” qo'shig'i 1970-yilda "Yalla" guruhi uchun yozilgan deb o'ylaymiz. Albatta “Yalla” ijrosida qo’shiq juda quvnoq ohangda, kayfiyatni ko’taruvchi, raqsbop, barcha diskoteka va to’y-hashamda yangrardi.

Ammo aslida qo'shiq 1916-yilda Marg'ilondan Sibirga poyezdda olib ketilgan yosh yigitlar tomonidan yozilgan. Ushbu qo'shiq sog’inch haqida.
Tarixdagi bu bosqich front orti ishlari uchun Markaziy osiyoliklarning mehnat safarbarligi deb nomlangan. Qatag'on qurbonlari (Shahidlar maydonida) xotirasi muzeyiga ko'ra, o’sha paytda Turkistondan 123 ming kishi olib ketilgan. Albatta, shimolga bittagina choponda ketib, temir yo’llarni shunchaki qo'llari bilan qurishdan ozchilik omon qolgan. Keyinchalik Turkistonda xalq qo'zg'oloni boshlandi.

Qargʼalar uchsa qaraylik, Margʼilonning yoʼliga,
Hidi kelsa mast boʼlaylik, handalakning boʼyiga.
Handalak boʼylikkinam, sen unda zor, men bunda zor,
Toʼtiqushning bolasidek, ikkalamiz intizor.

Yodda tutishingiz uchun… Sevara qo’shiqni to’g’ri kuylagan.
___

Мы настолько плохо знаем свою историю, что думаем песню Қарғалар (Вороны) написали в 1970 для группы Ялла. В их исполнении она была заводная и веселая, звучала на всех дискотеках.

Но. На самом деле песню написали в 1916 году молодые ребята, которых везли на поезде из Маргилана в Сибирь. Эта песня о тоске по Родине.

Этот этап в истории назывался Трудовая мобилизация среднеазиатов на тыловые работы. Тогда из Туркестана по данным Музея памяти жертв репрессий (Шахидлар майдонида) было отправлено 123.000 человек. Разумеется, уезжая на север в одних чапанах, строить голыми руками железную дорогу, выжили немногие. Что позже повлекло народное восстание в Туркестане.

Қарғалар учса қарайлик, Марғилоннинг йўлига,
Ҳиди келса маст бўлайлик, ҳандалакнинг бўйига.
Ҳандалак бўйликкинам, сен унда зор, мен бунда зор,
Тўтиқушнинг боласидек, иккаламиз интизор.

Чтобы помнили...Севара спела ее правильно.

https://m.youtube.com/watch?v=HiR8XCTM9zs

➡️@Nazlobudnya_AU

Глобальный женский форум Дубай 2020
(с русской озвучкой)

#Uzbekistan #SMirziyoyeva #GWFD2020

...Мен бундан 10 йил аввал биринчи марта қишлоққа бордим. Шунда мен тахминан олмақанд еб юрган ёшимда турмушга бериб юборилган қишлоқ қизини эри билан ажрашиб, ота уйида ўтирганини кўрдим. У 21 ёшда эди. Унинг қўлида иккита боласи, қорнида битта боласи, устига устак таҳқирланган, муштланган, бир сўм пулсиз, ишсиз-ҳунарсиз, уйсиз-жойсиз, никоҳ гувоҳномасиз, алиментсиз, акаларининг қўлига, кеннайиларининг раъйига қараб ўтирганини кўрдим. Типик ҳолат, шундай эмасми? Қайси биримизда шундай таниш йўқ дея оламиз? Қани бирортангиз қўл кўтаринг, мен бундайларни танимайман дея оламизми? Шундай қилиб мен бундай сториларга кўп дуч келдим ва пушти кўзойнагимни ечдим...

Эртага Ёшлар Иттифоқининг Марказий Кенгашида соат 15.00 да бўлиб ўтадиган "Модул 5" лойиҳаси учун тайёрлаётган тақдимотимдан бир парча. Аёлликнинг 10 руҳий машаққати ҳақида гапиришга тайёрланаяпман. Очиғи, ҳаяжонланаяпман. Сиз нималарни гапиришимни истардингиз?

Қизиқувчилар Панорама олдида жойлашган ЁИ биносига келишлари мумкин. Мендан кучли ва қизиқарли спикерлар бўлади.

Қизларимиздан келган хабарлар:

1-коммент.

Салом менга колса, хеч ким ердам бера олмайдиган тахкирланган ва умр буйи азобда юрадиган мавжудот деб бошлаш кк.

2-коммент.

Ayollarga faqat ayol sifatida emas , bir butun inson sifatida qaralishi kerakligi, jamiyatimizda ayolning ham hohish istaklari, orzulariga o'rin qoldirish haqida gapiring iltimos. Axir uniyam to'laqonli yashashga haqqi bor, bir umr atrofdagilar uchun o'zini qurbon qilib yashashi, odamlardan qo'rqishi, o'z hayotida o'zi muhim qarorlar qabul qilolmasligiga chek qo'yilishi kerak. Ayollar psixologiyasi bn alohida shug'ullanish, ularda hayotga motivatsiya hosil qilish, orzularini maqsadga aylantirish uchun faqat va faqat biz o'zimiz ayollar birgalikda yo'l ochishimiz kerak. Iloji bo'lsa ayollarni har tomonlama tinglovchi, qo'llab quvvatlovchi va ko'makka muhtojlarni shaxsini sir saqlovchi, hayoti barbod bo'lgan va bo'layotgan ayol qizlarni jamiyatda kuchli ayol obrazini yaratishga yordam beruvchi haqiqiy "ayollar fondi" yoki "ayollar jamiyati"ga o'xshash haqiqiy loyiha ishlab chiqilsa va bu ustida toza vijdonli , kuchli ayollar ish olib borsa bu katta o'zgarish, umid bo'lardi.

3-коммент.

Qizlarni ruhan kuchli, tarbiyali va madaniyatli, mustaqil fikrli qilib tarbiyalash kerak. Bu so’zlar quruq gapdek tuyuladi, ayniqsa yosh qizlar uchun ular faqat chiroyli so’zlar holos. 17, 18 yoshdagi qizlarga yillar davomida bilim olish juda qiyiiiin, turmushga chiqish osooon tuyulishi mumkin. Shuning uchun osonini tanlayman deb o’ylaydilar. Kelin bo’lib tushayotgan yangi oiladagilar ularni qizlaridek qabul qilishlariga qattiq ishonadilar. Shunday oilalar ham bor, ammo juda kam. Qizlar o’qimishli, ishli bo’lishi hohlayapmiz. Buni ota-onalar, oilaviy hayotni ko’rgan tajribasi bor ayollar hohlayapti, bu to’g’ri yo’l ekanini tushunyapmiz. Ammo yosh qizlar buni o’zlari istamasalar nima qilish kerak? Balki, solishtirib tushuntirish yaxshi natija berar. Har tomonlama ilmi, jamiyatda o’rnini topgan, hatto tashqi ko’rinishi , gapirishi, kiyinishi, kayfiyatidan ham o’rnak olsa arziydigan, oilaparvar,aqilli , zamonaviy ayollarni na’muna qilib , maktablarga suhbatga olib borish kerakdir.

4-коммент.

Аёлларнинг купининг бахтсизлиги эркаклар туфайлидир,отанинг ароқкашлиги,аканинг,эрнинг зулми, хатто тугиб қуйган уғли хам эркак эканлигини пеш килади, статистика буйича бутун дунёда аёллар хомиладор ва бола катта килаётган вақтида куп калтакланар эканлар, нега химоясиз колгани учунми, кимдан химояланиши керак ишонган эриданми,ёки пул топмай қуйгани учунми,нима булганда хам биз аёллар эркакка суянганимиз ва ишонганимиз учун тахқирланамиз,бу шахсий фикрим.

Қизлар, раҳмат. Каналга фикрларингизни қўйганим учун рози бўласизлар.

2-комментнинг давоми.

Yana bir iltimos.
Ayolllarni har tomonlama cheklovchi, uni faqat uyda bir buyumdek olib o'tiruvchi, qiz tug'ilsa ajrim talab qiluvchi va shariatimizda 4 tagacha ruhsat berilgan deguvchi erkaklar uchun shuniyam aytib o'tingki , oilada qiz farzand tug'ilganda orlanib ko'mib yuborilayotgan bir davrda , qizlarini yelkasiga mindirib Makka ko'chalarida sayr qildirgan insonning ismi Muhammad Mustafo s.a.v bo'lgan. Biz eng mukammal inson tarafidan shunday e'zozlangan zotdanmiz , bas qadrimizni bilishsin, qaddimizni tik tutaylik !

4-комментнинг давоми.

Yosh qizlarimiz seriallar yoki qo’shnilarning hikoyalaridan hayotni o’rganmaganlari yaxshi. Oliy o’quv yurtiga bormaslikni reja qilgan qizlarimizga maktabda tushuncha beraylik. Albatta gapirish oson. Allohdan barcha qizlarga oilaviy baxt va hotirjamlik berishini, hayotta o’z o’rinlarini topib, shaxsiy qarashiga ega inson bo’lishlarini tilab qolaman.

5- коммент.

Avvalom bor, assalomu alaykum, hurmatli "Mikrofon ko'targan ayol" kanalini olib boruvchilar va uning a'zolari. Toshkent shahridagi Prezident maktabida tahsil olayotgan qizlar guruhi hozirda keng tarqalgan muammoni, ayollarga nisbatan ko'rsatilayotgan zo'ravonlikni yo'qotish uchun yangi loyiha ustida ishlamoqdalar. Bu loyihaning asosiy maqsadi nafaqat o'zbek xalqining, balki butun jahondagi ayollarni og'ir musibatlardan qutulishini ta'minlashdan iborat. Shu sababli, bizga yordam bermoqchi bo'lganlar quyidagi so'rovnamini to'ldirishingizni iltimos qilar edik. So'rovnoma ikki xil tilda, ya'ni o'zbek va rus tillarida yozilgan bo'lib, unga quyidagi 2 xil linkdan o'tishingiz mumkin:

https://drive.google.com/open?id=10BoqCZ7p2cWQqLt6V6o9piL_OJLxUaA_N7sq5rXEhIE

https://drive.google.com/open?id=16JUUqqnzWRUVBRpEVZ6_xRY9Pjx-TtldMsmXTr7LKBw

So'rovnomani to'ldirib bo'lgach, uni yaqinlaringiz va do'stlaringiz orasida tarqatishingizni iltimos qilamiz, zero barchaning fikri biz uchun muhimdir.

Менга SMM чилар Азиза опа кечаси пост қўйиш керак эмас, ҳамма тинчи бузилгани учун каналдан чиқиб кетади, дейишади😂 Улар билишмайдики, қиз-аёлларнинг ҳаааммма ишлари тугаб, ўзларига бўш вақт топишлари учун тун бошланиши керак.

6- коммент.

Hurmatli xotin qizlar, avvalo hech kim o'z o'zidan guldek oilasini parokanda qilmaydi, hammani o'z jiddiy sababi bor, hech qachon bir tomon butkul aybdoru ikkinchi tomon aybsiz bo'lmaydi. Ayol va erkak jamiyatda teng huquqli ammo oilada emas. Shirin til, chaqqon qo'l oyoq, va yaxshi axloqli ayolni hech kim ko'chaga haydashni istamaydi. Siz oila qarshisida behayo seriallarni qiz farzandlar bilan birga ko'rmaslikka erishing, qizingiz yoki singlingiz qo'lidagi telefonni olib u kim b-n qanday muloqot qiladi, internetda qanday ma'lumotlarni o'qiydi shularni nazorat qilimg, ilm o'rgating doim hunar bilan band qiling, muomala madaniyati va oila darslarini o'ting toki kuchli iroda va yaxshi tarbiya shakllansin har qanday muhitga moslashuvchanlik paydo bo'lsin, shunda ko'ngilsizliklar kamayadi, jamiyat atrof muhitni ayblamay hamma o'z oilasida qattiqqo'l va adolat bilan tarbiya bersa ishonamanki ajrimlar kamayadi!

Otabek Artikov

7-коммент.

Аёл аввало миллат, жамият давомчисини дунёга келтириб унга тарбия берадиган, бир кулида бешикни тебратиб иккинчи кулида эса оилани бошкарадиган зот эканлигини Аёлнинг УЗИ англаб етмоги лозим . Агар Она билимдон, фаросатли, зиёли булса ундан худди узидек зиёли фарзанд дунёга келади. Лекин афсуски, бугунги кунда баьзи оилаларда аёлларнинг мавкеи бир хизматкорга тенглаштириб куйилган.(айникса вилоятларда )

8-коммент. Ассалому алейкум!!! Хурматли канал блогерлари сизлардан илтимос шу мавзуда гапирар экансизлар бир нарсани хам айтиб утсангиз. Яни хар бир киз аел шахс сифатида, инсон сифатида шу жамиятнинг бир фукароси сифатида шаклланишга хакки бор. Бизнинг жамиятда киз боланинг иктидорига умуман этибор каратилмайди. Хар Бир боланинг ешлик чогида кандайдир иктидори таланти булади. У киз болами угил болами унинг кизикишига, иктидорига этибор каратилиб, уз вактида ота-она Уни куллаб кувватласа уша киз келажакда жамиятга нафи тегадиган шахс булиб вояга етади. Шунда келажак авлодлар хам чиройли тарбия олади. Чунки она фарзандлар тарбиясида катта рол уйнайди. Узи укимаган факат оилада хизматкор сифатида караладиган, бор аламини кайнона кайнотасини, кайнопаларини эрини гийбат килишдан оладиган, сериал куришдан бошка увличенияси йук аеллар тарбия киладиган фарзандларни узингиз тасаввур килинг.

Буёғида эса ягона 💁‍♂коммент эгаси билан қизларимиз баҳсга киришдилар. Комментга кириб ўқишингиз мумкин.

​MODUL5 да мен нималарни гапирдим?

555 сонияга "Аёлликнинг 10 та машаққати"ни сиғдираман деб жуда шошилдим ва кўп гапнинг баҳридан кечишга тўғри келди. Агар қизиқсангиз, бўлимларга бўлиб қўйиб бораман.

Аёл бўлиш БАХТ. Аммо бу бахтга эришиш учун машаққатларни енгиб ўтиш керак. Мен уларни шартли равишда 10 тага ажратдим. Бу ҳеч қандай илмий асосга эга эмас. Бу менинг фикри ожизимча, кузатишларим маҳсулидир.


Улар учун танлаб беришади!

Уларнинг аксариятида танлов имконияти йўқ деса ҳам бўлади. Қизлар кўпинча на қайси касб эгаси бўлишни, на қайси тўгаракка боришни, на қайси ҳунар ўрганишни, на кимга турмушни чиқишни ўзлари мустақил танлай олмайдилар. Улар ўқимоқчи бўлса, эрга тегиш кераклигини танлаб беришади. Улар эрга тегмоқчи бўлса, кимга тегиш кераклигини танлаб беришади. Улар ишламоқчи бўлса, эрлари унга ишни танлаб беради. Улар туғмоқчи бўлса ҳам ўғил бўлишини талаб қилишади. Ҳар тугул фарзанд ўғил-қиз бўлишини одамлар ҳал қилолмайди. Уларнинг танлови доим сўроқ остида. Хилма-хиллик йўқ, ё медга ўқийди, ё педга. Балки у зўр расм чизар, балки ундан яхши программист чиқар, балки яхши банкир бўлар? Буни кўп ота-оналар ўйлаб ҳам кўрмайдилар, ҳатто қизларнинг ўзлари ҳам қатъий туриб буни атрофидагиларга етказишга куч топа билмайдилар. Кўпинча қизларимиз 4 та ялтироқ кўйлакка алданиб, 3 марта учрашиб, юзини кўрар-кўрмас, гапини эшитар-эшитмас келган совчилар орасидан ажратиб кўрсатилган бир инсонга турмушга чиқади. Шундай қилиб, қизлар учун аввалига ота-оналари ҳал қилади. Сўнг ё турмуш ўртоғи. Яна ўз ҳамжинслари бўлган қайноналари. Кейин эса фарзандлари.

Улар танласалар ҳам доим иккисидан биттасини танлашлари керак

Ҳа, шундай. 2 тасидан биттаси. Масалан, аёл ё оила, ё карьерани танлашига тўғри келади. Нимага биласизми? Чунки иш берувчилар аёлда потенциал ўсувчи, социал лифтга чиқа оладиган ходимни кўрмайди. Кўп ҳолларда карьера қилиш учун кечгача ишлаш керак, оилали аёл кўпинча бундай қилолмайди, эри рухсат бермайди, болаларини кўзи қиймайди ва у ўртамиёна ишчи бўлиб қолишга кўникади.

Ё оила ёки ўқиш.
Яна бўлмаса, ё оила, ёки иш. Ниҳоятда истеъдодли аёлларимиз бугун ўзлари истаган жойда ишлашга қурблари етса ҳам олдларига танлов қўйишганда иккисидан биттасини танлашларига тўғри келган. Агар бугун ишхоналаримизда Меҳнат кодекси сўзсиз ишлаганида эди, менимча ҳурматли эркакларимизнинг кўпчилиги аёлининг ишлашга рухсат берарди. Оилани танлаганларни мен доим қўллаб-қувватлайман албатта. Улар келажакка сармоя тикадилар. Лекин буни улар рози бўлиб танлашлари керак.
Руҳан ўзидан қониқмаган аёл кўпинча асабий бўлиши, аламини болалар ва эрдан олиши, ишламагани учун иқтисодий мустақил бўлмаслиги, оилага ўзини қурбон қилинганини пеш қилиши кўп кузатилади. Ва бу ҳам ўзига яраша оилавий келишмовчиликларни келтириб чиқаради. Яна бошқача танловлар ҳам бўлади. Дейлик, аёлнинг оилага нисбатан ишончи поймол бўлди. Унга чидасанг шу, чидамасанг катта кўча дейишади. Унинг ҳар жиҳатдан қарамлигини билишади, болаларни битта ўзи эплолмаслигини рўкач қилишади. Аксарият ҳолларда аёл чидашни ва қолишни танлайди. Ва У бу танлов йўлида ҳар куни ўлиб яшайди.

Синган нарса аслига қайтмас, дейишади. Гоҳида эса аслидан ҳам афзал ҳолга келиши мумкин. Қачонки биз ислоҳ этиш истеъдодига эга бўлсак.

Манзилимиз:@MubashshirAhmad

Шаҳноза Соатова, табриклайман. Энг, энг, энг муносиб номзод!

Қардош халқлар тараққиёти, тинч ва фаровон ҳаёти йўлида ривожланиб бораётган анъанавий дўстлик
--
Традиционная дружба, крепнущая во имя процветания, мира и благополучия братских народов

#Mirziyoyev #tashrif #Turkiya #Erdogan #Strategikkengash #hamkorlik

Prezident.uz|Facebook|Instagram|YouTube|Twitter

Многое в этой истории мы знаем со слов Мафтуны. Допускаю, что могут быть неточности и даже искажения. Но не понимаю, как наше государство может бросать своих граждан на произвол судьбы? Да, она нарушила законодательство. Да, она совершила правонарушение. И она должна ответить за это. Но она остаётся гражданкой Узбекистана! И имеет право на неравнодушие и защиту со стороны государства.

ГОСПОДА ЧИНОВНИКИ, ПОЧЕМУ ВЫ ЕЁ ИГНОРИРУЕТЕ?

#НеМолчи #НеМолчиУз #НетНасилию #УзбекистанБезНасилия #ЖертвыНасилия #Законы

​"Аёлликнинг 10 машаққати"
2-қисм

Уларга мотивация берилмайди

Ҳаётни диққат билан кузатсангиз, боғчада, мактабда ўғил болалардан кўра кўпроқ қизлар фаолроқ, аълочироқ, тартиблироқ, масъулиятлироқ бўлишади. Лекин йиллар ўтган сайин улар ғалвирдан тўкилган қум каби йўқолиб боради. Бармоқ билан санарлилари олий маълумот олади ва ундан ҳам камроғи орзуларига эришади. Нима учун? Чунки қизларга етарли мотивация берилмайди. Кимнинг оиласида опа ёки синглиси бор? Қўлингизни кўтарсангиз? Эътибор берганмисиз, ота-онангиз кимга кўпроқ мотивация берган? Яъни "... Катта бўлсанг, яхши, ақлли, пули кўп одам бўласан, менга данғиллама уй қуриб берасан, Ҳажга олиб борасан, дунёни томоша қилдирасан. Лекин бунинг учун кўп ўқишинг, олим одам бўлишинг керак. Катта одам бўлишинг керак". Ва ҳоказо ва ҳоказо...гапларни кимга кўпроқ айтишган? Сиз, ўғил болаларга албатта.
Қизларга-чи? Шу тахлит мотивация беришни тасаввур қилиб кўринг. Қиз болага ишонч билдириш фақат жуда кучли, юраги дарё ота-оналарнинг қўлидан келади. Эртага бировнинг уйига кетадиган қизига ҳамма ҳам пул тиккиси келавермайди. Узр, пул тикади албатта. Сарпо-суруғига. Таълимига, ҳунарли бўлишига берилиши керак бўлган пул яхшиси унинг сарпо-суруғи, мебел-себелига сарфланади. Ҳамма шундай демайман. Лекин агар кетма-кет ўғил ва қиз фарзанди вояга етган бўлса, оталар яхшиси уйида қоладиган ўғил фарзандига кўпроқ имконият яратишга интилади.

Улар хато қилса, кечирилмайдилар!

Хатони ҳамма қилади. Ёш ҳам, катта ҳам. Эркак ҳам, аёл ҳам. Лекин нима учундир аёллар, қизлар хато қилгудек бўлса уларни кечириш жуда қийин кечади, кўп ҳолларда кечирилмайди ҳам. Бу нафақат бизда, балки бутун дунёда шундай муаммо.
Яқинда ҳамкасбим айтиб қолдилар: энг даҳшатли жиноятларни аёллар қиладилар. Бу ҳолат эҳтимол жиноят психологиясида ўрганилгандир. Агар бу гап ҳақиқат бўлса, биласизми нима учун энг даҳшатлилари аёлларга тегишли? Чунки кўпинча улар бунга узоқ руҳий зўриқиш орқали борадилар. Улар ўзлари тушиб қолган зиддиятли вазиятни узооқ ўйлаб юрадилар. Аёлни бу давомли изтироблар хатолар устига хато қилишга ундайверади. Ёлғонлар устига ёлғон тўқийверади. Нима учун? Чунки, биладики у заррача хато қилса яқинлари, танишлар ва нотанишлар- жамият уни кечирмайди. Энди у жамиятда умрининг охиригача қора қарға...

Оила ҳаётида-чи? Битта ортиқча гап, битта ортиқча ҳаракат, муомаладаги хатолик туфайли уйига кўчи олиб бориладиган қизларимиз қанча? Тавба қилган ёш келинни кечирмаймиз биз. Тавба қилган адашганни кечирмаймиз биз. Аёлларнинг жонига қасд қилиш ҳолатлари, фарзандини тилга олиб бўлмайдиган жойларга ташлаб кетиш ҳолатлари жамият олдидаги қўрқувдан, сиз билан бизнинг қаттиқ муҳокамамиздан келиб чиқади. Ҳаммамиз ўзимизнинг эмас, бошқалар ҳаётига ҳакам этиб сайлангандек яшаймиз...Аёлларнинг ўзлари ҳам ўз ҳамжинслари бўлган аёлларга нисбатан толерант, бағрикенг эмас. "Ўзи айбдор, пишириб қўйибдими, ўзи еган ош"...деб бошланади "хато қилганнинг устидан чиқиб тепиш" муҳокамаси.

Аёллар суиқасди статистикасини очиқ манбалардан тополмадим. Аммо у кичкина рақамлар эмас...
Бизнинг аёл учун ўз жонидан кечиш шунчалар қийин ва шунчалар осонки...

Давоми бор.

Канал обуначиларидан келган муносабатлар

1-коммент

Азизахон,жоним синглим ёзганларингизни жону дилим билан уқийман,қиз болага қийин,жуда - жуда қийин,гудаклигида бир ифлоснинг кулига тушиб номусидан айрилган,кичкина шуури билан ёмон бир иш булганини сезиб хеч кимга айта олмай,улғайганда турмушга чиқмаслик учун не бир найранглар килган қизларни биламан,қизларимиз шунчалар ночорки,бахтлари бир физиологик холатга боғланиб қолган,йигити уйланишдан бош тортган қиз жонига касд килди,қизни чалажон холда касалхонага етказишган,курикдан утказган врач онасининг саволига жпвоб бериб кизнинг номуси бутун эканлигини айтган,бу гапларни эшитган шурлик қиз ,,қиз бола эканманми "деб хушидан кетибди,қизни асраб қолиша олмади,нимадир қилиш керак Азизахон,қизларни зуравонликдан,хурликдан асраб қолишимиз керак,менимча энг аввало оналарни уйларига қайтарайлик,ишласа хам оқшомда уйига қайтсин,майли сериалини курсин, майли бирон юмушини килсин ё килмасин нима булганда хам кеч булганда уйида булсин, турт якшабада гапма гап юрувчиларни хам камайтириш керак...

Токи аёл пул топмаса ё шаллақи булмаса,ёхуд бир зурнинг қизи булмаса эридан зуравонлик куради,эркаклар эрлик сиёхини йукотиб бораётганлигини тан олишлари керак,ичиб келиб нима сент уряпманми ё сукяпманми индамай ухлаб колсам купчилигининг гапи шу,молдай сасиб ухлаб ётган эрнинг нима кераги бор айтинг.

2-коммент

Мени анчадан буен уйлантириб келаетган мавзуни кутарибсиз. Бу хар бир аел жамиятимизда дуч келадиган холат. Узим хам дуч келганман. "Нега?" деган саволларимга " Аел киши ..." деган жавобни олганман.
Менимча кизларимиз оиладан бунга куникиб боришади. Шаркона ибо хаени кур курона тобелик билан алмаштириш керак эмас. Оилани хам каръерани хам агар оиласи кулласа, шунга рози булса кила олади. Яна савол тугилади.
Нега?

Яхши кўрган китобим "Шамолларда қолган ҳисларим" га ишланган фильмни кўриб, қўшиқ қўйишга кеч қолиб кетдим. Скарлеттнинг бир гапи ёқади: "Бу ҳақда ҳозир ўйлай олмайман, ҳолим йўқ. Бу ҳақда эртага яхшилаб ўйлайман." Эртага якшанба. Ўйлаб чарчайдиган кун)) Шунинг учун бемалол кечроқ ухлайверинг. Шунда эртага кун қисқаради ва камроқ ўйлайсиз🤠

Propiska haqida @Farlives'dan minifilm

​"Аёлликнинг 10 машаққати"
Давоми...

Улар кўникишга ўргатилади

Ҳа, кўникишга ўргатилади. Натижада яшовчан микс ҳосил бўлади. Биз ғозга ўхшаб қанотимиз бору аммо жамиятда "қуш" бўлиб учолмаймиз, лаптага ўхшаган панжаларимиз бор, аммо оилада ҳам "балиқ" дек сузолмаймиз.Ва ғоз каби бутун умр ғоқ-ғоқлаб нима демоқчилигимизни айта олмаймиз. Чунки бизга adjust, adapt ўргатилган: Жим бўл, чуқур ўйлама, гапирма, ўзгартиришга уринма. Кўник. Ичувчи бўлса нима бўпти? Ўзи куёвим яхши бола. Уриб турса нима бўпти? Кўник. Урмайдиган эр бор эканми, юрмайдиган эр бор эканми? Кўник. Юзларинг бокс коптоги бўлиб кетса ҳам, қораталоғинг ёрилиб кетса ҳам, кўчадан сенга касал юқтириб олиб келишса ҳам турмушда бўлиб туради, кўник. Сенинг ичингда ухлаб ётган урғочи шерни уйғотиша олишмаяптими? Юрагингни топа олишмаяптими? Қўйсангчи осмоний гапларни. Кўник.
Бизни шундай тарбиялашган. Ажрашиш-қўрқинчли сўз. Аммо икки шахс деградацияси вужудга келадиган оилада фарзандлар бахтли бўлолмайди, томонлар бахтли бўлолмайди. Биласизми, нега бугун ажрим кўп? Миллионта ижтимоий-иқтисодий сабаблар бор. Аммо улар орасида яна битта жавоб ҳам бор. Бугун ёлғон оилалар бўлиб яшашдан одамлар чарчаяпти. Ҳаётга бир марта келишини билиб қолишяпти. Сабр ва қаноат ҳаммага керак. Булар бизнинг соғлом оила бўлиб яшашимизга ёрдам беради. Чунки идеал жуфтлик дунёда йўқ. Аммо даҳшатлар учун, завол бўлиб кетиш учун сабр қилинмайди. Кўникилмайди. Буниси ҳақиқат.
Йўқ, баъзан кўникишда давом этилади. Фақат фарзандлар ва одамлар нима дейди, деган сабаблар учун.

Уларнинг ёши кўп нарсага халақит беради

Бизда никоҳ ёши эркак ва аёлга тенг 18 дан белгиланган. Бизнинг социумда ёш каттаргани сайин қизнинг турмушга чиқиш имкониятлари пасайиб боради. Агар у таълим билан банд бўлмаса бечоранинг қўлида ҳеч қандай алибиси йўқ. Чунки эркакларимиз иложи борича ёшроқларга, ақли етилмаганларга уйланишни ихтиёр этишади. Масалан, 30 ёшли ҳамкасбим узоғи билан 22 ёш қизни қидиради. Аммо ҳеч қайси йигит ўзидан ёши катта қизга уйланишни истамайди. Аслида инсонлар иззати бўйича тенг эмасмилар? Шундай қилиб, қизиқ парадокслар келиб чиқаверади. Умуман олганда, эртами-кечми, Оллоҳ насиб этган кун ҳамма ҳам бахтини топади. Эркакка ҳам, аёлга ҳам таълим олиш, оила қуриш ва бошқа ҳаётнинг муҳим танловларида ёш нечадалигининг аҳамияти бўлмаслиги керак.

Қизларнинг ҳисобида мактабдан кейинги таълим учун саноқли йилларгина бор. Уларда ўқишга киролмаса қайта тайёрланиш, янги ҳунар ўзлаштириш шанси кам. Биттада ўқишга кирса- киргани...

Ўқиш билан банд бўлган пайтдаям ота-оналар турмушга бермасам қизим ўтириб қолади, қариқиз бўлади деган хавотирга тушадилар.
Аммо талабаликнинг ҳам катта-кичик ташвиши кўп: талаба хотин, талаба келин, кўп ўтмай талаба она- булар ёш қиз учун катта синов. Бундан ҳамма ҳам муваффақиятли ўтолмайди.

Яна бир вазият. Ёш қиз ходимни иш берувчилар ишга олишни истамайди. Ахир у эртага эрга тегиши аниқ. Кўп ўтмай декрет пули бериш керак, 3 йил иш ўрнини сақлаш керак. Болали бўлиб ишга тушса ҳам йўли ёришавермайди, "боласи кўп касал бўлади, оилавий ташвишлари кўп" каби важлар билан исталмаган ходимга айланади. Иш берувчиларнинг кўпига иш соатининг тугаши аҳамиятсиз, уларга ишни тугатмагунча уйга кетмайдиган ходим ёқади.

Менга яқин ўтган ойларда кетма-кет қўнғироқ қилиб, катта маошли, истиқболли ишга таклиф этаверишди, суҳбатга чақираверишди. Мен икки марта ишимни ўзгартирмаслигимни айтдим, аммо учинчи марта қўнғироқ қилишганда, сўрадим:
-Сизга ўзи қандай ходим керак? Балки ўртоқларим, танишларимни тавсия этарман?
-Маълумоти, мутахассислиги сиздек бўлсин, стажи камида 5 йил, ёши 35 гача. Ҳеч бўлмаса, 3 йил туғмасин ва декретга кетмасин. Чунки бизнинг проект- узоқ муддатли лойиҳаде...
Гўшакни қўйишдан аввал айтдим:
-Раҳмат, лекин ундай дугоналарим йўқ. Мен ҳам туғиш-туғмаслигимни талаб қила оладиган ишга ҳеч қачон ўтолмасам керак.

Шу билан ўша ташкилот вакили қайтиб чиқмади.

Давоми бор.

Бу видеога бефарқ бўла олмадим😔 Сиз ҳам бефарқ бўлманг!!!

Пахлава сотувчи боланинг ҳикояси. Жудаям таъсирли видео. Аслида бу видео яқин инсонларга ибрат сифатида юборилган, кимлардир интернетга чиқариб юборган. Видеога олаётган киши мени танишим, жудаям яхши инсон, сахий бойларимиздан десак ҳам бўлади. Кўпинча отасиз ўсган ёш болаларга кўмак беради, чунки ўзи ҳам отасиз ўсган. Бу болага ҳам ёрдам беради😢😢

Видеони тарқатинглар, ибрат бўлсин...

👇👇
https://telegram.me/joinchat/AAAAAD_lW9_woAXhm8Dsfg