𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_119 𖥧𖤣

... አታፍርም ይቺ የማትረባ ደግሞ ትደውልልኛለች ወይ ፈጣሪ "አለችና ስልኩን አንስታ " ትንሽ አታፍሪም ወንድሜን እንደዛ አድርገሽ ለእኔ የምትደውይልኝ? ቆይ ከእኛ ምንድን ነው የምትፈልጊው?"አለች ማህደር " አትንጨርጨሪ የደወልኩት ጩኸትሽን ለመስማት ሳይሆን ላስጠነቀቅሽ ነው። ሰምተሽኛል ከመንገዴ ዞር በይልኝ። ፈጠራሽን ለፖሊሱ አንቺ እንደነገርሽው እርግጠኛ ነኝ። ከዚህ በኋላ ግን በመንገዴ ላይ ከቆምሽብኝ የማደርገውን እኔ አውቃለሁ" "በእሱ እርግጠኛ ነኝ። አንቺ ለብር ብለሽ ምንም ታደርጊያለሽ። አንድ የምነግርሽ ነገር ቢኖር ግን ወንድሜ ታስሮ አይቀርም በቅርቡ ይፈታል" " በእሱ እንኳ ብዙ እርግጠኛ አትሁኝ ወንድምሽ አምኗል ሁሉንም ነው የተናዘዘው። ግን የምትገርሚው አንቺ ነሽ። እንዴት የተበደለው እና ሊሞት የነበረው ወንድምሽን ክደሽ ከገዳዩ ወንድምሽ ጎን ትቆሚያለሽ? ለነገሩ አንዷ ተባባሪ አንቺ አይደለሽ። ያኔ ስደውልልሽ የማታቂ መስሎኝ ነበር። ለካ ሁሉንም ነገር አብራችሁ ነበር ስታቅዱ የነበረው። እኔ የምለው ግን ቢሞት ምንድንነው የምትጠቀሙት ሀብቱ እንደሁ ለልጆቹና ለባለቤቱ ነው የሚሆነው። ነው ሌላ እቅድ ነበራችሁ ሚስቱንና ልጆቹን የመግደል?" አለች ሰላማዊት " ዝም በይ "አለችና ማህደር ጮኸች።" እስካሁን በደንብ አታውቂኝም። አሁን ስራሽን በሙሉ ለወንድምሽ እልክለታለሁ ሕይወትሽን የመከራ ነው የማደርገው እንድትሰቃይ ነው የማደርግሽ አንቺ ከሀዲ"አለችና ስልኩን ዘግታ ያዘጋጀችውን ፋይል ለአቶ ሙሉሰው ላከችለት።

○○○○
ዋና መርማሪ የማህደርንና የሰላማዊትን ንግግር ካዳመጠ በኋላ " ማህደር አቶ ሙሉሰው እንደሚገደል ቀድማ ታውቃለች ማለት ነው። ሌላው ደግሞ ሰላማዊት መውለድ አትችልም። የምርመራውን ውጤት አረጋግጣልናለች።"አለና ከወንበሩ ተነስቶ " ሁለቱንም ወደ ጣቢያ እንዲመጡ አድርግልኝ"አለ። ከዚህ የግድያ ሙከራ ጀርባ የሁለቱም ሴቶች እጅ እንዳለበት እየተሰማው መጣ።

○○○○
አቶ ሙሉሰው የተላከልትን የድምፅ ፋይል ከፍቶ ሲያዳምጠው። ማህደር ከሰላማዊት ጋር ያወሩትን በኮል ሪከርደር አዳመጠ። የማህደርን መልስ በተደጋጋሚ ሲያዳምጠው ግድየለሽነቷና ሰላማዊት ስለምትነግራት ነገር ምንም ጉዳይ የሰጣት አትመስልም። አቶ ሙሉሰው ካዳመጠ በኋላ ከአይኖቹ የእንባ እንክብሎች ይወርዱ ጀመር። በማህደር ሙሉበሙሉ ተስፋ ቆረጠ። " ቆይ ምን አድርጊያት ነው?"አለና ተነስቶ ወደ ፖሊስ ጣቢያ ሄደ።

ፖሊስ ጣቢያ ዋና መርማሪውን ማግኘት እንደሚፈልግ ተናግሮ ለዋና መርማሪ ወይዘሮ ሰላማዊት የላከችለትን የድምፅ መልዕክት ሰጠው። ዋና መርማሪ ካዳመጠው በኋላ "የተለዬ ነገር አላከችልህም ይሄን እኛም እናውቀዋለን። ከቴሌዎች ጋር ሊንክ በመፍጠር ሰጥተውናል። ጉዳዩን በደንብ እየተከታተልነው ነው። ትንሽ ወሰብሰብ እያለ ነው። አቃቤ ህግም ምርመራ ጀምሯል። እኛም የተለያዩ ስራዎችን እየሰራን ነው። አንተ ብቻ ተረጋጋ እውነቱ ተዳፍኖ አይቀርም።"አለ ዋና መርማሪ

" ዋና መርማሪ እኔን ሊገድሉኝ የሞከሩት ወንድሜና እህቴ ናቸው። ሌላ ማንም ጠላት የለኝም። ይሄው እህቴ እንኳ እንደምገደል እያወቀች ምንም አላለችም። ስለዚህ እዚህ ጉዳይ ላይ እጇ የለበትም ብዬ አላምንም። እሷም እንድሞት ትፈልጋለች። ለዚህም ከዳዊት ጋር ተባብራለች። በሕግ እንድትጠየቅ እፈልጋለሁ። እሷንም ዳዊትንም መክሰስ እፈልጋለሁ። ይሄ መቼም ትልቅ ማስረጃ ነው። ደግሞ አሁንም አስተማማኝ ሁኔታ ላይ አይደለሁም። ከግብረ አበሮቻቸው ጋር ሆና የሆነ ነገር ልታደርግብኝ ትችላለች።"አለ አቶ ሙሉሰው " ለእሱ ምንም አታስብ ሁሉም አይኖቻችን እናንተ ና እነሱ ላይ ናቸው። ሁለቱንም እየተከታተሏቸው ነው።ስለዚህ አንተ ራስህን ጠብቅ ስራውን ለእኛ ተወው"አለ ዋና መርማሪ በሙሉ ራስ መተማመን " ጥሩ ልጆቼ የሚማሩበትን ትምህርት ቤትም ክትትል ቢደረግልኝ። እነዚህ ሰይጣኖች በልጆቼ ሊመጡ ይችላሉ።"አለ አቶ ሙሉሰው ከዋና መርማሪ ቢሮ ሲወጣ ማህደርንና ሰላማዊትን በተለያየ አቅጣጫ ተመለከታቸው። እሳት ለብሶ እሳት ጎርሶ ወደ ማህደር በፍጥነት ገሰገሰ......!!!


🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_120 𖥧𖤣

... እሳት ለብሶ እሳት ጎርሶ ወደ ማህደር በፍጥነት ገሰገሰና እንደደረሰ በጥፊ መታት። አጠገቧ ያለው ፖሊስ ሙሉሰውን ያዘውና " ምን እያደረክ ነው? በሕግ ጥላ ስር ያለን ሰው መማታትም ሆነ ማስፈራራት ወንጀል እንደሆነ አታውቅም?"አለ "እየውልህ ፖሊስ ይቺ ልጅ እኮ ሊገድለኝ ከሚፈልግ ሰው ጋር ሆና ልትገድለኝ ነበር። እግዚአብሔር ሲያተርፈኝ ነው እንጅ እሷማ አስገድላኝ ነበር"አለና አቶ መሉሰው ድጋሚ ሊመታት ሲል ፖሊሱ ክንዱን ያዝ አደረገው።

" አሁን ሀሳቤን ሳልቀይር ከዚህ ሂድ ካልሆነ እንድትታሰር አደርጋለሁ "አለ " እሺ እሺ ምንም አላደርጋትም። ይቺን መሰሪ ምንም ሳላደርጋት እሄዳለሁ። ግን ማወቅ ያለባት ነገር ሁለታችሁም ጋር ክስ መስርቻለሁ። ከዛ ቆሻሻ ወንድምሽና ከቆሻሻ ሴራችሁ ጋር አብራችሁ እስር ቤት ትሆናላችሁ። አንቺን ማሳደጌ ስህተት ነበር። ከዛ መናጢ ጋር ነበር ማደግ የነበረብሽ የለየልሽ ሰይጣን ትሆኝ ነበር። ምን አልባትም ጥሩ ማፊያና ነፍሰ በላ "አለና ምራቁን ተፍቶ በፍጥነት ከፖሊስ ጣቢያ ወጣ።

ማህደር ስቅስቅ ብላ አለቀሰች። ወንድሟን ለመጨረሻ ጊዜ የምታወራው መሰላት። አቶ ሙሉሰው ከዚህ በኋላ በጭራሽ እንደድሮው እንደማይሆንላት ተረዳች። የመጨረሻ ንግግርም እንዳደረጉ አረጋገጠች። ይህ የተስፋ መቁረጥ ስሜት በተደጋጋሚ ሲጠናወታት ነበር። ማህደር ራሷን መሆን አቃታት። ይሄ ሁሉ ተፈጥሮ ራሱ ለምን ለዳዊት እንደምትወግን አልገባትም። ግን ማንም እንደሌለው ታስባለች። በዙሪያው ያሉት ሁሉ በእሱ ውድቀት የሚስቁና የሚደሰቱ መሰላት። ሙሉሰው ይችን አጋጣሚ እየጠበቀ ያለ መሰላት። ሰላማዊት በሁኔታዎች ለመጠቀምና ያለውን ገንዘብ ለመውሰድ በማኮብኮብ ላይ እንዳለች ታያት። ይሄን ሁሉ በአእምሮዋ እያመላለሰች ራሷ ሲዞርባት ራሷን በሁለት እጇ ይዛ ትንሽ እንደተራመደች ተዝለፍልፋ ወደቀች። ፖሊሶች ወዲያው አንቡላንስ ጠርተው ይዘዋት ወደ ሆስፒታል ሄዱ።

○○○○○
ቀዳማዊ ጭልጥ ያለ ሀሳብ ውስጥ ገባ። የቤቱ በረንዳ ላይ ተቀምጦ ቁልቁል የራስ መኮነን ድልድይ አቅጣጫን ይዞ ማማተሩን ቀጠለ። በሀዘንና በመከፋት እያንዳንዷን ቅፅበት ማስታወስ ጀመረ። " ይሄ ሁሉ የሆነው በእኔ ምክንያት ነው"አለ በለሆሳስ " በአንተ አይደለም በፍፁም እንደዛ ማሰብ የለብህም።"አለች ወይዘሮ ሔዋን ከኋኋላው ቆማ ድርጊቱን እየተከታተለች።

" አይደለም እኔ ባልመጣ ኖሮ ምን አልባት ማህደርም ከቤት አትወጣም ነበር። ወጥታም ጋሼ ከሚገድል ሰው ጋር አታብርም ነበር። ስለዚህ ምንም እንኳ ከጉዳዩ ነፃ እንደሆንኩ ብትነግሪኝም ነገር ግን እውነታውና መነሻው የምነግርሽ ነው። እስኪ እትዬ እያንዳንዱን ነገር ተመልከቺ ጋሼ ቢሞት ኖሮስ የሰይጣን ጆሮ ይደፈንና.. ይሄ ምንም ማብቂያ የለውም። እኔ እድለቢስ ነኝ በምንም ነገር ደስተኛ እንዳልሆን ነው የተፈጠርኩት። በቃ ሒወቴ እንዲህ ነው የሚቀጥለው?" አለና ስቅስቅ ብሎ አለቀሰ

" ተው አታልቅስ ሁሉም ነገር ይስተካከላል "አለችና አቀፈችው።" አያልቅም።" የዛች የተረገመች ጂማሬ ሳይጨርሰኝ ምንም ነገር አይስተካከልም"አለ " የማን" አለች ወይዘሮ ሔዋን " የእናቴ ነዋ!"አለ " ምን ምን ማለትህ ነው? አልሞተችም እንዴ?"አለች ወይዘሮ ሔዋን። ቀዳማዊ እነ ወይዘሮ ሔዋን እንደማያውቁ ትዝ ሲለው በለቅሶ ሹራቡን ውልቅ አደረገና "እይው እትዬ የወለደችኝ እናቴ ምን እንዳደረገችኝ! ይታይሻል እነዚህ ሰንበሮች ገና በጨቅላነቴ እናቴ በአባቴ ላይ ያላትን ቂም የተወጣችበት የለበቅ ሰንበር ነው። አባቴ ሞቶ እንኳ የእሷ ቂም ስላላለቀ በእኔ ላይ ትወጣ ነበር። ሁሉም እህቶቼና እናቴ እኔ ጠላታቸው ነበርኩ። ምክንያቱም እኔ ብቸኛ ወንድ ልጅ ስለሆንኩና አባቴ ከመሞቱ በፊት ያለውን ንብረት በእኔ ስላዞረው። እኔም ሁሉን ጥዬ ወደማላቀው አገር መጣሁ"አለ እያለቀሰ። ፊቱ በእንባ ርሶ

" ታዲያ እኔም ወላጅ አለኝ ብል እርዳታ የምጠይቀው ሰው ጠግቦ ጠፍቶ የመጣሁ ስለሚመስለው የትም እወድቃለሁ። እሱ ደግሞ አስፈራኝ ትምህርቴ የሚቋረጥና የማልማር መሰለኝ ለዛ ነው ከመጀመሪያው ያልነገርኳችሁ እባክሽ እትዬ ይቅርታ "አለና ሁሉንም ነገር አንድ በአንድ ነገራት።

ወይዘሮ ሔዋን ቀዳማዊን እያለቀሰች ስታዳምጠው ከቆየች በኋላ በመጨረሻ " እንዴት በዚህ እድሜህ ይሄን ሁሉ መከራ ቻልከው የኔ ምስኪን?"አለችና ወደ እቅፏ አስጠጋችውና ፀጉሩን ሳመችው የፊቱን እንባ በእጆቿ መዳፍ ጠረገችለትና " አይዞህ ሁሉም ነገር ያልፋል። የተሻለ ቦታና ደረጃ እንደምትደርስ ደግሞ እርግጠኛ ነኝ። አንተን የመሰለ ልጅ ስላገኘን እኛም ደስ ብሎናል። ሁሌም ቢሆን አንተ የቤተሰባችን አንድ አካል ነህ። በዛ ላይ ሰናይ ባህሪና ጠባይ ያለህ ልጅ ነህ። በምንም ነገር አትከፋ፡ ሁሉንም እርሳው የእናትህንና የእህቶችህን ጉዳይም ተወው። አንተ እንደነሱ አይደለህም ሁላቸውንም ፈጣሪ ይቀጣቸዋል። አንተ ንፁህ ልጅ ነህ ደስታ ይገባሀል። ከዚህ በኋላም ደስተኛ ትሆናለህ ክፉዎችን ከክፉ ድርጊታቸው ጋር ተዋቸው። እድለኛ ነህ የሕይወትን መራራነት ገና በአፍላ እድሜህ ቀምሰሀል ስለ ሕይወት ቀድመህ ተምረሀል። አንተ ከዚህ በኋላ የሚያቆምህ ምንም አይነት መሰናክል የለም። የልጅ አዋቂ ነህ ፊት ለፊትህ ትተህ የደስታና የስኬት ዘመን ይጠብቅሀል። አታልቅስ አታልቅስ"አለችና አባበለችው።

ቀዳማዊ የሆነ ትልቅ ሸክም የቀለለው ይመስላል። ወይዘሮ ሔዋንን ቀና ብሎ ተመለከታት። እሱን ከዛ ማዕት ለማውጣት የተላከች መላዕክት መሰለችው። አይኖቿን ሲያይ አይኖቹን በስስት እየተመለከተችው እንደሆነ ተረዳ። የፍቅር ጥጓን አሳየችው። ከልቡ ትልቅ ደስታ ተሰማው " ምን አለ ይቺ እናቴ ብትሆን ኖሮ"አለ በልቡ።


🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_121 𖥧𖤣

... ከልቡ ትልቅ ደስታ ተሰማው " ምን አለ ይቺ እናቴ ብትሆን ኖሮ"አለ በልቡ። አሁንም እናቴ ናት። ከእናትም በላይ እናት ናት። እሷን በምንም አልተካትም። በዚች ምድር እሷ እግዚአብሔር የሰጠኝ የአባቴ ምትክ ናት። አባቴም በሕይወት ቢኖር እንደ እትዬ ነበር የሚንከባከበኝ" እያለ በውስጡ ካምሰለሰለ በኋላ ተረጋግቶ ማሰብ ጀመረ።

አቶ ሙሉሰው ተናዶ ቤት ገባ "ምን ሆነህ ነው ሙሉ"አለች ወይዘሮ ሔዋን ጥሩ ያልሆነውን ፊቱን እያየች" ተይኝማ ሔዋኔ ያቺን መሰሪ ፖሊስ ጣቢያ አገኘኋት" ወይዘሮ ሔዋን ድንግጥ አለችና " መቼም ያልሆነ ነገር እንዳላደረክ ተስፋ አደርጋለሁ" አለች የተፈጠረውን ነገር ለማወቅ ይበልጥ እያየችው።" አልጠገብኩም ያቺን አስመሳይ በደንብ ነበር መምታት የፈለኩት ግን ምን ያደርጋል ፖሊስ ጣቢያ ሆነችብኝ"አለ ሙሉሰው በቁጭት " ተው እንጅ ሙሉዬ ምን ሆነህ ነው። ለእሷ ብለህ ራስህን ልትቀይር ነው። ተው ከራስህ ጋር አትጣላ። ይሄ የአንተ ፀባይ አይደለም። እባክህ ተረጋጋ ሁሉም ነገር እኮ በጊዜው ይጋለጣል። እሷም ካለችበት ፖሊስ ይደርስበታል"አለች ፊቱን እየዳበሰች " ወይኔ ሙሉሰው የእሷ መጫወቻ ልሁን ይቺ...." እያለ ሳለ ስልኩ ጠራ::

ሙሉሰው ስልኩን አውጥቶ ሲመለከት የማያውቀው ስልክ ነው። " ጤና ይስጥልኝ" " አቶ ሙሉሰው ነህ?" " አዎ ነኝ ማን ልበል?" ከሆስፒታል ነው የምደውልልህ ወይዘሪት ማህደር ሆስፒታል ገብታለች" " ትግባ ኣ ታዲያ እኔ ምን አገባኝ" " እህትህ እንደሆነች መርማሪ ፖሊስ ነግሮን ነው" ሙሉሰው ስልኩን ዘጋው " ምንድነው "አለች ወይዘሮ ሔዋን " ምንም አይደለም" " ምን ማለት ነው ምንም አይደለም ማለት" " በቃ ማህደር ሆስፒታል ናት ነው የሚሉኝ" " ምን? ታዲያ ምን እያደረክ ነው? አንሄድም እንዴ?"አቶ ሙሉሰው ወይዘሮ ሔዋንን ዝም ብሎ ተመለከታትና " እንደ አንቺ አይነት ንፁህ ልብ ቢኖረኝ ምንኛ በታደልኩ ነገር ግን የኔ ፍቅር አልችልም። ያደረገችኝን ረስቼ ልሄድ አልችልም። ይቅር በይኝ ግን እህቴን ከውስጤም ከሕይወቴም አስወጥቻታለሁ። ምንም ብትይ ልቤ ላይ የተቀመጠው ይሄ ነው። ስለዚህ እንዳትጠይቂኝ"አለና ወደ መኝታ ክፍሉ ገብቶ ከውስጥ ቆልፎ ተኛ።

አቶ ሙሉሰው በትዝታ የኋሊት ተጓዘና ሁሉንም አስታወሰ። ልጅነቱን ወደ ኋላ ተመለከተው። ምንም ልጅንት የሌለውን ሕይወቱን፣ በየጎዳና ሲንከራተትበት የነበረውን የልጅነት ጊዜ። እህቱን ለማብላት ለማልበስ የሚሰራውን ስራ። ያለ አቅሙ ሸክም እንደተሸከመ። የቢራ ካሳዎችን እያመላለሰ ከአንድ ካሳ ሀያ አምስት ሳንቲም እየታሰበ የሰበሰባትን ሳንቲም ለእህቱ የምትፈልገውን ነገር ሲገዛላት። ግንባሩ ላይ የሚወጣው ነጭ ላብ። ከዛ ማህደር ፈገግ ስትል የገዛላትን ነገር ስትስመው። በደስታ ስትፈነጥዝ ስትዘል እያንዳንዱን ነገር አስታወሰ።

" እና ለእኔ የሚገባኝ ይሄ ነው? እኔን ከልጆቼ መነጠል? እኔ ያለፍኩበትን መንገድ ዞሬ እንኳ ማየት የማልፈልገውን መንገድ ለልጆቼ! ልጆቼ እንዲያልፉበት? ምን አይነት ክህደትና ቂም ነው?" አለና አልጋው ላይ በሆዱ ተደፍቶ ተኛ። ብዙ ኳኳታዎችና የሚንጫጩ ድምፆችን ከኋላው በመተው አይኖቹን ጭፍን አድርጎ ተኛ። ነገር ግን አሁንም እዛው የአምና ሕይወቱን በጨረፍታ እየተመለከተ ነው።

የአቶ ሙሉሰው ሁኔታ ግራ ያጋባት ወይዘሮ ሔዋን ልታናግረው ወደ መኝታ ክፍል ብትሔድም በሩ ቁልፍ በመሆኑ አልቻለችም። በሩ ላይ ትንሽ ከቆመች በኋላ ተመለሰች። "አሁን ምን ማድረግ ነው የለብኝ?" ብላ ሌባ ጣቷን ከንፈሮቿ ላይ አስቀምጣ ማሰብ ጀመረች። ቀዳማዊ የአቶ ሙሉሰውን ሁኔታ ሲያይ ምን ያህል በሀዘን ውስጡ እንደተጎዳና በማህደር ምን ያህል ቂም እንደያዘባት ገባው። ይሄ ደግሞ አሁን ለወይዘሮ ሔዋን የነገራትን ነገር ለእሱ ለመንገር እቅድ የያዘበትን ስአት አበላሸበት። ለእሱም መንገር የፈለገው በዚህ ወቅት ነበር ነገር ግን ያለበት ሁኔታ የእሱን ያለፈ ችግር ሰምቶ የሚቋቋምበት ስላልመሰለውና እስካሁን ለምን አልነገርከኝም ብሎ የሚጮኸበት መሰለው። ከዚህ ሁሉ አልመንገርን መረጠ።

የቀዳማዊ ጭንቀት የገባት ወይዘሮ ሔዋን " እኔ እነግረዋለሁ ሙሉሰው ምንም አይልም። አሁን በእህቱና በወንድሙ ስለተበሳጨ ተወው። አንተ ብቻ እንደነገርኩህ ወደፊት እንጅ ወደ ኋላ ማለት የለብህም። አሁን ስለ እሱ ማሰቡን ተውና እህቶችህን አስጠናቸው። ካላስጠናኝ እያለች ነው ሔመን እንደ እሷ አባባል ሁሉንም ተማሪ እንድትበልጥ አድርገህ አስጠናት።"ብላ ሳቅ አለችና ወደ ሙሉሰው ጋ ተመለሰች። ነገር ግን ሙሉሰው አሁንም እንደተኛ ነበር።

○○○○
ሰላማዊት ቃሏን ለፖሊስ ከሰጠች በኋላ ተለቀቀች። አቤል በሌላኛው ምርመራ ሲመረመር ከቆዬ በኋላ ተለቀቀ። ፖሊስ ከአቤልና ከሰላማዊት ያገኘው መረጃ ምንም አዲስ ነገር የለም። ሰላማዊት መውለድ እንደማትችል ለፖሊስ የተላከው ሌላኛው የላብራቶሪ ምርመራ አረጋግጧል። ነገር ግን የማትወልደበትን ምክንያት በማስረዳቷና ዶክተሮችም ስለተናገሩ በነፃ ተለቃለች። በአቶ ሙሉሰው የግድያ ሙከራ ላይ የተለዬ ምስጢር እናገኛለን ብለው ቢያስቡም ነገር ግን ምንም ያገኙት ነገር የለም። ዋና መርማሪ ኮሚሽነር መላኩ በንዴት ጠረንጴዛውን እየነረተ ከንፈሩን ነከሰ።

" ምን አይነት መርማሪ ነው? እንዴት የአቶ ሙሉሰው የግድያ ሙከራ ላይ እኔን ይጠረጥረኛል? ለምን ብዬ አደርገዋለሁ? ደግሞስ ምን ትርፍ ላገኝ? በጣም ነው የቆጨኝ " አለች ሰላማዊት ከፖሊስ ጣቢያ እየወጣች....


🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_122 𖥧𖤣

... ለምን ብዬ አደርገዋለሁ? ደግሞስ ምን ትርፍ ላገኝ? በጣም ነው የቆጨኝ " አለች ሰላማዊት ከፖሊስ ጣቢያ እየወጣች " አትናደጅ ውዴ ይሄ የፖሊሶች አይን ነው። በዛ ላይ እንዴት ወንድሙን ይጠረጥራሉ። ያው ለዚህ የሚያበቃ ችግር ይኖርባቸዋል ብለው ስላላመኑ ይሆናል። እ ደግሞ አንቺ መውለድ እንደማትችይ ሲያውቁ አቶ ዳዊትን ተጠራጠሩት። ምክንያቱም እሱ የአንቺ ተጎጅ እንደሆነ ያስባሉ። ይህን አለመግባባታችሁን መሠረት በማድረግ አንቺ ሙሉሰውን ገድለሽ በአቶሙሉሰውና በዳዊት ያለውን ፀብ ምክንያት በማድረግ እሱ እስር ቤት እንዲገባና ገንዘቡን ብቻሽን ለመጠቀም ያሰብሽ መስሏቸው ነው"አለ አቤል

" የምትገርም ነህ አንተም አያንዳንዷን ነገር እያሰባካት ነበር? እንዲህ ልታደርግ ትችላለች ብለህ?" በበብስጭት ጠየቀችው። አቤል እንድትረጋጋ በእጁ ምልክት ከሰጣት በኋላ አቀፋትና " እንዴት እንደዛ እጠረጥራለሁ ግን ያው ሊያስቡት የሚችሉትን አስቤ ነው የነገርኩሽ በእርግጠኝነት ከዚህ በላይ አይደለም።"አለ " ግን እኮ እንደማልወልድ ያወቁት አሁን ነው"አለች " እኮ አሁን ቢያውቁስ ከመጀመሪያው ይከታተሉሽና ከዛ አንድ ፍንጭ ሲያገኙ ለምርመራ ጠሩሽ። ይሄው ነው በቃ እርሺው ይሄን ያህል ምንም የሚያሳስብ ነገር የለም። አሁን ነፃ ነሽ"አለ አቤል

○○○○
ማህደር እስካሁን አልነቃችም። ራሷን ስታ ሆስፒታል ከገባች ከሁለት ስአት በላይ ሆኗታል። ሁኔታዋ ያስደነገጠው ምክትል መርማሪ አወቀ ለዋና መርማሪ ደወለለት። ዋና ኮሚሽነርም ግራ ከገባው ፊቱ ላይ ይበልጥ ቁጣ እየጨመረበት የሰቀለውን ፎቶ እያየ ሳለ የስልኩን መጥራት ሲሰማ ከሀሳቡ ናጠበና ስልኩን አንስቶ ላውድ ስፒከር ላይ አድርጎ አይኑን እዛው ፎቶው ላይ ሳይነቅል " ቀጥል እየሰማውህ ነው።"አለ

" አለቃ እስካሁን አልነቃችም። ሀኪሞቹ የቻሉትን እያደረጉ ነው። ነገር ግን እስካሁን ምንም አይነት ምላሽ አላገኘንም።"አለ " ምንም አትሆንም በደንብ ታገሱና ጠብቁ ከዛ ለእያንዳንዱ ጥያቄያችን መልስ ትሰጠናለች። መልካም ጊዜ" አለና ስልኩን ዘጋውና ጃኬቱን አድርጎ እየተቻኮለ ከቤት ወጣ።

አሁን ሁሉም ለየቅል የሆነ ይመስላል። ዋና መርማሪ የፈለገውን ነገር አለማግኘት ያበሳጨው ይመስላል። " በዚች አገር ላይ ያልተሟላና እቃና ኑሮ ብቻ ሳይሆን ግልፅ ያልሆነና ለማሰብ የሚከብድ ጥልፍልፍ የወንጀል ሴራም ይከናወንባታል። ይሄን ደግሞ እኔ አንድ ተራ መርማሪ ልፈታው አልችልም መንግስት በየቦታው እና በየመንገዱ ካሜራ መግጠም አለበት። ሕንፃዎች የራሳቸው የሆነ ካሜራ ሊኖራቸው ይገባል። ካልሆነ የወንጀል ብዛቱን እያበዛው ይሄዳል እንጅ አያመነምነውም። ከቴሌ የምናገኘው መረጃ ራሱ ያን ያህል አጥጋቢ አይደለም። በቃ የእኔ አቅም በዚህ ነው የሚለካው? በእርግጠኝነት ይቺ ሰላማዊት እዚህ የግድያ ሙከራ ላይ እጇ አለበት። እጇ እንዴት ነው ያለበት የሚለውን ግን ለማግኘትም ሆነ መረጃ ለመሰብሰብ የቻልኩት ነገር የለም። ለምን?..... ማብቂያ የሌለው ጥያቄ......

○○○○
ማህደር ለቀናቶች ያህል በልዩ ክትትል ሕክምና ሲደረግላት ቆይቶ አሁን ወደ ማገገሙ ደረጃ ደርሳለች። ፖሊሶች ግን ትተርፋለች የሚል እምነት አልነበራቸውም። ስትወድቅ በጀርባዋ ስለነበር ብዙ ደም ወደ ጭንቅላቷ ፈሶ ነበር። ዋና መርማሪ ኮሚሽነር ከማህደር ምን ማግኘት እንዳለበት በውል ባያውቅም ነገር ግን ሁልጊዜም ከዚህ ሆስፒታል አይጠፋም። ማህደርም ድና ቃል እንድትሰጥ ይፈልጋል። ምን አይነት ቃል ና መረጃ ነው ከእሷ የሚፈልገው? እሱንም አያውቅም። አንዳንድ ጊዜ ሰዎች በጭንቅላታቸው አንድን ሰው ተጠያቂ ማድረግ ከፈለጉና ካልፈለጉ መጀመሪያ የሚጣሉት ከገሀዱ እውነት ጋር ነው። የራሳቸውን ችግርና መፍትሔ ያስቀምጣሉ። ለዛ ችግር ደግሞ መፍትሔ የሆነውን ሳይሆን እንዲሆን የሚፈልጉትን ሲመኙ የራሳቸውን ሁለንተና ይዘነጉታል። በትንሹም ቢሆን ከሰውነት ባህሪያቸው ይነጠላሉ።ዋና መርማሪም የሆነው ይሄን ነው።

○○○○
ቀዳማዊ ስም ጠሪው ያለ ምንም ችግር ሰላም በማውረዱ ተደስቶ " ርዕሰ መምህሩ ምን ብሎት ይሆን?" ሲል ራሱን ጠየቀ። ከወትሮው በተለዬ አተያይና አነጋገር " እየውላችሁ ልጆች እናንተ ንፁህ ወረቀቶች ናቸው። እዛ ወረቀት ላይ ደግሞ ጥሩም ይሁን መጥፎ የማይለቅ ፊደል የሚፅፈው እስክርቢቶ ነው። ነገር ግን እስክርቢቶውም ተዘዋሪ እንጅ ዘዋሪ አይደለም። ትልቁ ጥያቄ ንፁህ ወረቀቱ ላይ ለመፃፍ እስክርቢቶውን የያዘው ማነው ነው? ዋናውና ትልቁ ጥያቄ እሱ ነው። ምክንያቱም እስክርቢቶው በራሱ አስቦ አይፅፍም። አስቦና አመዛዝኖ የእስክርቢቶውን አንገት የሚጨብጠው ሰው ነው። ሰው ደግሞ ሳያስብና በደመነፍስ የሚፅፈውን ነገር ሌሎች ያነቡትና ሊቀበሉት ይችላሉ። ሰው ደግሞ የተፃፈለትን እንጅ ሊፃፍ የሚገባውን ነገር አያውቅም። እና ምን ልላችሁ ነው። የውስጣችሁን የማያውቅ ሰው በምታደርጉትና በምትናገሩት ነገር በሚያደርገው ነገር ይበሳጫል። ነገር ግን የምታደርጉበትን ምክንያት ምን እንደሆነ ሊረዳ አይችልም። ሌሎች በማይገባችሁና እናንተን በማይለካ በማይገልፅ አገላለፅ ሊገልጿችሁ ይችላሉ። እና ብትችሉ ለሚቀርባችሁ ሰው ተናግራችሁ ጭንቀታችሁንና ህመማችሁን ማካፈል ትችላላችሁ። ይሄን የምላችሁ ከፊታችሁ ብዙ የሀዘንና የፈተና ጊዜ ስለሚጠብቃችሁ" አለና ጠመኔውን ከጠረንጴዛው ብድግ አድርጎ ለሁለት እየከፈለ

" እና ሁሌም ጥሩ የሆነ አመለካከት ሊኖራችሁ ይገባል። እንደ ባዮሎጂ አስተማሪ የምመክራችሁ ይሄ ነው። እናም ማንኛውም ችግር ካለባችሁና የገጠማችሁ ነገር ሲኖር መጥታችሁ ልታናግሩኝ እና ልታወሩኝ ትችላላችሁ።" አለና የእለቱን የትምህርት ርዕስ ጥቁር ሰሌዳው ላይ በቢጫ ጠመኔ ፃፈ።

" ሰውየው ዛሬ ምን ሆኖ ነው? አነጋገሩ እኮ ኑዛዜ ነው የሚመስለው "አለ ኪሩቤል። ታሮስ መምህሩን ካዳመጠው በኋላ ቀዳማዊን በደንብ ይመለከተው ነበር።......


🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_123 𖥧𖤣

... ታሮስ መምህሩን ካዳመጠው በኋላ ቀዳማዊን በደንብ ይመለከተው ነበር። አሁንም አይኖቹን አልነቀለም። " ታሮስ እየሰማኸኝ ነው? " አለና በእጁ ነካ አደረገው " ኪራ እየሰማሁ ነው። ግን ሌላ ነገር እያሰብኩ ስለሆነ ነው።"አለ ታሮስ " ኡፍፍፍ አንተ ደግሞ ዝም ብለህ ማሰብ ትወዳለህ። አሁን ደግሞ ምን አግኝተህ ነው እንዲህ የምትሆነው?"አለ ኪሮቤል እንደመገረምም እንደማሾፍም እያለ

" እስኪ አስተውል ይሄ መምህር ባህሪው ለምን ተቀየረ? እንዴት በአንድ ቀን የተለዬ ባህሪ ሊኖረው ይችላል። ትላንት በተፈጠረው ነገር ላይ የሆነ አዲስ ነገር አለ ማለት ነው። ያቺ የቀዳማዊ እናት የተናገረችው ነገር አለ ማለት ነው" " አቤት አቤት አንተ ገምቼ ነበር እንዲህ እንደምትል። ዞረህ ዞረህ ከቀዳማዊ ጋር የሚያገናኝህ ነገር አታጣም። ስለ እሱ ለማወቅ ያለህ ጉጉት ከቀን ወደ ቀን እያስገረመኝም ነው እያስጨነቀኝም ነው። ያስገረመኝ ስለእሱ ለምን ይሄን ያህል ማወቅ እንደምትፈልግ ሲሆን የሚያስጨንቀኝ ደግሞ የተሳሳተ ሁኔታ ላይ እንዳትሆን ነው። እኔ ከዚህ በላይ ምንም ልልህ አልችልም" ብሎ ፊቱንና ትኩረቱን ሙሉ በሙሉ መምህሩና ትምህርቱ ላይ አደረገ።

ታሮስ ኪሩቤልን አየት አደረገውና " ያቺ ሴት ምን ብላው ነው? ከርዕሰ መምህሩ ጋርስ ምን አውርተው ነው? ቆይ ይሄን ያህል ልጁ ማን ነው ከየት ነው"አለ

የእለቱ የትምህርት አይኖቶችን በተራ ተምረው የእረፍት ስአት ደረሰ። ሁሉም በግሩፕ ሆነው ከክፍል ወጥተው የእረፍት ስአታቸውን ወደ ሚያሳልፉበት ቦታ ይሄዳሉ። ቀዳማዊ ክፍል ውስጥ ተቀምጦ በመጨረሻ የተማሩትን የሒሳብ ትምህርት ተመልክቶ ድጋሚ እየሰራ የተወሰኑ ደቂቃዎችኝ በተቀመጠበት ወንበር አሳልፎ ሲጨርስ ከክፍል ወጣ። ከክፍል ሲወጣ ደረጃው ላይ ደሐብና ታሮስ ተቃቅፈው እያወሩ አገኛቸው። ደሐብ ቀዳማዊ እየመጣ መሆኑን ስታረጋግጥ ይበልጥ ታሮስ ላይ ተለጠፈች። ቀዳማዊ በዳር በኩል እነ ደሐብን በግራ በኩል ትቶ ወረደ።

" በጣም የሚያስጠላ ልጅ"አለች ደሐብ ፊቷን እየጨመደደች " እንደምትፈልጊው ስላልሆነልሽ ነው? የሚሰማ ልጅ አይደለም። የሚሄደው በራሱ አመለካከት ነው። ለዛ ነው ያስጠላሽ?" አለ ታሮስ " ሳቅ አለችና ኧረ አታስቀኝ ማን ስለሆነ ነው እሱ እኔ እንደምፈልገው የማይሆነው? ከፈለክ ላሳይህ እችላለሁ። የእንደነዚህ አይነት ልጆችን ደካማ ጎን ጠንቅቄ አውቃለሁ"አለች " ተይው ተይው አየሁሽ እኮ ብለሽ ብለሽ ተስፋ ስትቆርጪ ነው የምታሳይኝ። ቆይ ምን ተፈጠረ? ከትምህርት ቤት ቀርቶ እያለ ግን አንቺ ማንንም እስካለማናገርና እስከመደበር ደርሰሽ ነበር። ቆይ ምን ብሎሽ ነው እስኪ የተፈጠረውን ንገሪኝ!"አለ ታሮስ አንገቱን ወደ ግራና ቀኝ እያወዛወዘ

" ያው እንደማንኛውም ተማሪ በዛ ስአት ተጨንቄ ነበር ነገር ግን መጨነቄ ስህተትና መጨነቅ ለሌለብኝ ሰው ማሰቤ ሲገባኝ ወዲያው ተውኩት" አለች "ካልሽ እሰማሻለሁ ነገር ግን ይቅርታ ያልሽኝን አላምንሽም! " " ለምን ለምንድነው የማታምነኝ የተናገርኩትን ትጠራጠለህ?" አለች ደሐብ የውስጧን ያወቀባት መስሏት ብስጨት እያለች። " ህ በይ ተነሺ ወደ ካፌ እንሂድ እውነቱንንና ለምን እንዳላመንኩሽ እያወቅሽ ለምን ትጠይቂኛለሽ። ለምሳሌ ሌላውን ተይውና ዛሬ ያቀፍሽኝ ቀዳማዊ የሚቀና ስለመሰለሽ ነው። እሱ ግን ስለምታደርጊው ነገር ጉዳዩ አይደለም። ስለዚህ እየተዋወቅን መሸዋወድ የለብንም ደሐብ። እኔ አይደለም ድርጊት ቀርቶ ምልክቶችን በቀላሉ ነው የምረዳው። ስለዚህ ብዙ አታስቢ"እያለ ቀስ እያለ ደረጃውን መውረድ ጀመረ።

ደሐብ ደንዝዛ ቀረች ሙሉ ውስጧን ያወቀው መሰላት። ታሮስ ደረጃውን ጨርሶ ታች ላይ ሆኖ ዘወር ብሎ ሲመለከት ደሐብ ቆማለች" ምነው አትመጪም እንዴ?"አለ "አይ እየመጣሁ ነው አለችና ደረጃውን ትወርድ ጀመር። " ምነው የተናገርኩት ነገር አስደነገጠሽ እንዴ? ይሄን ያህልማ ፊል አታድርጊ ያጋጥምማል እኮ " አለና ስቆ አቀፋት። ደሐብ ግን ፍፁም አልተረጋጋችም። ታሮስ ያውቅብኛል ብላ ማሰብ ቀርቶ መገመት ያልቻለችውን እሱ ስላወቀባት በጣም ደንግጣለች። ድንጋጤዋ ወደ ፍርሃት ተቀይሮ የታሮስን አይን ቀና ማለት አፈረች። ለካ ሰው የሚያፍረውና የሚፈራው ጉዱ ወይም ገመናው በሰዎች ሲገለጥበት ነው።

ደሐብ በራሷ ተናደደች። መቀደምን መበለጥን የምትጠላና የማትቀበል ልጅ ናት። እሷ ያሰበችውን ሌሎች ሲያስቡትና እኩል ስትሆን ያናድዳታል። ይሄ ባህሪዋ ደግሞ ከልጅነቷ የጀመረ ነው። ከጓደኞቿ ጋር ስትጫወት ቀድማ መጫወት የምትፈልገውን ጨዋታ አስባ የመጫወቻ እቃውን አንስታ ልትጫወት ስትል ሌሎች ህፃናትም አስበውት ኖሮ ቀድመዋት መጫወቻውን ሲጫወቱበት ስታይ በጣም ትናደድ ነበር። እና ይሄ ባህሪዋ አድጋም ሊተዋት አልቻለም። ይበልጥ ሆና መቀጠሉን ተያያዘችው እንጅ። ቀዳማዊ ታሮስንና ደሐብን እጅ ለእጅ ተያይዘው ወደ ካፌ ሲገቡ አያቸውና በስሱ ፈገግ አለ።..........

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_124 𖥧𖤣

... ቀዳማዊ ታሮስንና ደሐብን እጅ ለእጅ ተያይዘው ወደ ካፌ ሲገቡ አያቸውና በስሱ ፈገግ አለ። ፈገግታው ብዙ ትርጉም ያዘሉ ነበሩ። አንዳንዶች ስለ ፈገግታ ትርጉም ሲናገሩ ስስ ደስታ ነው ፈገግታ ይላሉ ሌሎቹ ደግሞ የሰውነትህ አካል በሙሉ ሲረካና ሲደሰት ለጥርስ የሚሰጠው ትንፋሽ አነስተኛ ስለሚሆን ነው እንጅ ፈገግታ የሳቅ ትልቅ ወንድም ነው" ይላሉ። አንዳንዶች ደግሞ " እኛ ሰዎች ፈገግ የምንለው ያለፈውን ቆንጆ ትዝታዎችን መንዝረን ነው። እንጂ ዛሬማ ምኑን ፈገግ ያደርጋል" የሚሉ ትንሾች አይደሉም። ፈገግታን እንደ ምፀት ሳቅም የሚጠቀሙት ትንሾች አይደሉም። ከዚህ ሁሉ የፈገግታ መገለጫ ታዲያ የቀዳማዊ ፈገግታ ምን አይነት ትርጉም ያዘለ ነው? ትዝታን? ምፀትን? ፍፁም ደስታን ወይስ....!?

ደሐብና ታሮስ ወንበር ከያዙ በኋላ ደሐብን አስቀምጦ የሚበላና የሚጠጣ ነገር ለማምጣት ሄደ። ደሐብ ዙሪያውን እያየች ድንገት እሷ በተቀመጠችበት በግራ በኩል በውጭ መናፈሻ በኩል ቀዳማዊ ብቻውን ተቀምጦ አየችው። ሳታስበው ስላየችው እንደ መደንገጥ አለችና የታሮስን መመለስ ስታይ ድንጋጤዋን እንዳያይባት ስለፈራች ራሷን እንደማረጋጋት አድርጋ "እኔ አላምንም ተቆራጭ አመጣህ? እሱን እንደምወድ እንዴት አወክ? " "ሁልጊዜ ስትበይ የማይሽ ይሄን ነው።" አለ ታሮስ " ጥሩ ተመልካች ነህ አመሰግናለሁ በጣም" አለች። አንገቱን ሰበር አድርጎ ምስጋናዋን በፈገግታ ተቀበለው

○○○○○
ማህደር ድንገት የልብ ምቷ ሲቀንስ ዋና ሀኪሙ ግሉኮሱ ላይ የሆነ መድኃኒት ጨምሮ የልብ ምት ማዳመጫውን መሳሪያ ወደ ልቧ በማስጠጋት ተጫነው። ማህደር ግን በኤሌክትሪክ ሾኩ ታግዛ እንጅ ለብቻዋ መተንፈስ አልቻለችም። ማህደር እግሮቿ እየዛሉ ሰውነቷ ወደ በድንነት እየተቀየረ ሄደ። አይኖቿ ባሉበት ተገልጠው ቀሩ። ሰውነቷ እየቀዘቀዘ፣ እግሯቿና እጆቿ ባሉበት እየደረቁ ሄዱ። ነፍሷን ለማትረፍ የሚታገሉት ሀኪሞችና ዶክተሮች ደግሞ በሙያዊ ግዴታ የቻሉትንና መጠቀም ያለባቸውን መሳሪያ በሙሉ እየተጠቀሙ ነው። ነገር ግን ማህደር እስከወዲያኛው ልታሸልብ የሞትን ፅዋ ልትጎነጭ የቀራት ምንም ነገር የለም ነበር።

የሕክምና ባለሙያዎች የቻሉትን ሁሉ ቢጥሩም ማህደርን ግን ከሞት ሊታደጓት አልቻሉም። ማህደር ላትመለስ ይችን አለም ተሰናበተች። ጎልማሳው ሀኪም በማህደር ሕልፈት ከልቡ እያዘነ " ለቤተሰቦቿ መናገር አለብን አሁኑኑ ጥሯቸው"አለ። ሌላኛው ሀኪም ራሱን እየነቀነቀ ማንም ዘመድ አብሯት እንዳልመጣና ይዘዋት የመጡት የፖሊስ አባላት እንደሆነ ነገረው። " እሺ እንደዛ ከሆነ ለፖሊሶቹ እንንገራቸው"አለና ወጥቶ የማህደርን መሞት ነገራቸው።

የማህደር አስከሬን ወደ አስከሬን ላብራቶሪ ለምርመራ ተላከ። ዋና መርማሪ ኮሚሽነር መላኩ የሰማውን ዜና ማመን የፈለገ አይመስልም። በሀዘንም በግራ መጋባትም ራሱን ይዞ ከተቀመጠበት ተነሳ። " ቆይ ዋና መርማሪ ትላንት እኮ በጥሩ ጤንነት ላይ ነበረች። እንዴት እንደዚህ በአጭር ጊዜ ትሞታለች? ትንሽ ግራ የሚያጋባ ነገር ነው።" አለ አብሮት የነበረው ፖሊስ " አላውቅም አላውቅም ምን እንደተፈጠረ እኔ የማውቀው ልጅቷ ከጤንነቷ አገግማ ቃል እንደምትሰጠኝ ነው። ምን አይነት ፈተና ነው? ኡፍፍፍ" አለና እስክርቢቶውን ጠረምጴዛው ላይ ወርውሮ ወንበሩ ላይ ተቀመጠ።

ስልኩን አነሳና ወደ ሆስፒታል ደውሎ " አሁኑኑ አሳማኝ መረጃ አምጡልኝ። ሆስፒታል ምን እንደተፈጠረ እያንዳንዷን ነገር ማወቅ እፈልጋለሁ። ሌላው ደግሞ ማህደርን ለማየት የገባ ሰው ካለ እና ከትላንት ጀምሮ እሷ ክፍል አካባቢ ማን ማን እንደነበር አጣሩ አሁኑኑ ስራችሁን ጀምሩ።"አለና ስለኩን ዘግቶ ለምክትል መርማሪ አወቀ ደግሞ ደወለ። " አቤት አለቃ "አለ መርማሪ አወቀ " እየውልህ ወይዘሪት ማህደር ዛሬ ሞታለች እኔ ወደ ሆስፒታሉ እየሄድኩ ነው። የሆስፒታሉን ዋና አስተዳዳሪ አንዳንድ ጥያቄዎችን ልጠይቀው ነው። አንተ ደግሞ እንደተነጋገርነው ማድረግ አለብህ"አለ "እሺ አደርጋለሁ አለቃ " አለና ስልኩን ዘግቶ በድጋሚ ላሰማራቸው ቡድኖች የማስጠንቀቂያ አዘል መልዕክት አስተላለፈላቸው።

ዋና መርማሪ የሰማውን ዜና እያብሰለሰለ ቆይቶ ሌላ ሀሳብ ደግሞ ገባው። ለአቶ ሙሉሰው እንዴት እንደሚነግረው አስቦ በጣም ተጨነቀ። ለብዙ ደቂቃ ያህል ከራሱ ጋር ካወራ በኋላ ለአቶ ሙሉሰው ደወለ። ሙሉሰው ስልኩን በግራ መጋባት ካነሳ በኋላ " አቤት መርማሪ ደግሞ ምን አዲስ ነገር ተፈጠረ?"ብሎ ጠየቀው.......!!!

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_125 𖥧𖤣

... አቤት መርማሪ ደግሞ ምን አዲስ ነገር ተፈጠረ?"ብሎ ጠየቀው በዚህ ጊዜ ሊነግረው አስቦ ሲያበቃ ከእንደገና ሀሳቡን ቀየረና " አይ ምንም አዲስ ነገር የለም እንዲሁ ደሕንነትህን ለመጠየቅና ወይዘሮ ሔዋንን ለማውራት ነበር። "አለና ወዲያው ፈጠን ብሎ " ያው ስልኳ አልሰራ ሲለኝ ጊዜ ነው"አለ ዋና መርማሪ የውስጡን ያወቀበትና የደበቀው ነገር እንዳለ የተረዳ መስሎት በትንሹም ቢሆን እየፈራ " እሺ እኔ አገናኝሀለሁ ችግር የለም አለና " እንቺ ሔዋ መርማሪ መላኩ ሊያወራሽ ይፈልጋል "ብሎ ስልኩን ሰጣት።

ሔዋን እንደመደንገጥ ብላ ምነው በሰላም?"አለች " አዎ በሰላም ነው እንዲሁ ሊያወራሽ ፈልጎ ነው" አለ ሙሉሰው። " አቤት መርማሪ ሰላም ነህ?"አለች ሔዋን ቀዝቀዝ ባለ አነጋገር " ደሕና ነኝ ወይዘሮ ሔዋን እየውልሽ የአቶሙሉሰውን ፊት ሳታይ ዝም ብለሽ ከእሱ ራቅ በይና አዋሪኝ። ታዲያ ሳታስታውቂ" አለ " እሺ ደሕና ነን ሁላችንም አሁን ሁሉም ሰላም ነው ያው በእናንተ ስራ ላለመግባትና የደረሳችሁበትን ከእናንተ ለመስማት እንደጓጓን ነው። ግን ያን ያህል ውስብስብ ከሆነ እኛም ልንረዳችሁ ዝግጁ ነን።" ብላ እያወራች በቀስታ እየተራመደች ወደ በረንዳው ወጣችና ፊቷን ወደነ ሙሉሰው አዙራ " አሁን ከእሱ አካባቢ እርቂያለሁ። ይሄን ያህል ምን ተፈጥሮ ነው? በጣም አስጨነከኝ እኮ"አለች ወይዘሮ ሔዋን የግንባሯ ቆዳ ወደ ፀጉራ እየተሸበሸበ

" እ ያው በእርግጥ የምነግርሽ ነገር አንቺንም እንደሚረብሽሽና እንደሚያስከፋሽ ባውቅም ግን ከአቶ ሙሉሰው ለአንቺ መንገሩ ይቀላል ብዬ ስላሰብኩ ነው"አለ ዋና መርማሪ ኮሚሽነር መላኩ " እባክህ ይበልጥ አታስጨንቀኝ ልቤ ልትወጣ ነው ምንድን ነው የተፈጠረው ንገረኝ ዋና መርማሪ" " እነግርሻለሁ ግን እንዳልኩሽ መጀመሪያ አንቺ ተረጋጊ። ከተረጋጋሽ በኋላ እነግርሻለሁ ቁመሽ ከሆነ ደግሞ ተቀመጭ" ወይዘሮ ሔዋን በእሽታ ተቀብላ ተቀመጠች። " አዝናለሁ ወይዘሮ ሔዋን ማህደር ሕይወቷ አልፏል። ያው ሀዘኑ ጥልቅ እንደሚሆን ይገባኛል ነገር ግን እባክሽን ተረጋግተሽ ቀስ ብለሽ ለአቶ ሙሉሰው ንገሪው"አለ ዋና መርማሪ

ወይዘሮ ሔዋን ባለችበት ደርቃ ቀረች። ምንም አይነት ቃል ከአፏ ሳይወጣ ዝም ብላ ታነባ ጀመር። ዋና መርማሪዎው የሔዋን ዝምታ ምን ትርጉም እንዳለው አውቆታል። " እየሰማሽኝ ነው እየሰማሽኝ ከሆነ ፅኚ ፀንተሽ ባለቤትሽንም አፅናኝው። አንቺ ሳትረጋጊ እሱን ልታረጋጊው አትችይም። መልካም ጊዜ" ብሎ ከሔዋን ምንም መልስ ሳይጠብቅ ስልኩን ዘጋው። እምባዋ ፊቷን አርሶ ወደ አንገቷ መውረድ ጀመረ። ጮኻ እንዳታለቅስ ሙሉሰው ሊሰማት ሆነ። ስለዚህ ያላት አማራጭ ዝም ብላ በልቧ እያምሰለሰለች መተከዝ ነበር።

በዚህም የሰማችውን መርዶ ከነ ሀዘኗ ይዛ አቶ ሙሉሰው ጋር ሄዳ ተቀመጠች። ሙሉሰው የሔዋን ሁኔታ ስላላማረውና ከመጀመሪያው በተለዬ ፊቷ ቀላ ብሎ ሲያይ አንድ ነገር እንደተፈጠረ ገባው። " ምን ሆነሽ ነው ሔዋኔ እንደዚህ በድንገት ፊትሽ የተለዋወጠው? መርማሪ ምን ብሎሽ ነው?" አለ " ም ም ምንም" አለች ፊቷን አዙራ እያለቀሰች " እህ አንድ ነገርማ ተፈጥሯል። እሱማ ገብቶኛል ግን ምንድን ነው የተፈጠረው ነው ያልኩሽ በዛ ላይ ፊትሽን ለምንድነው የምታዞሪው " አለና ፊአቅፎ ፊቷን አየው። እንባዋን ተመለከተው... አሁን እርግጠኛ ሆኖ " ይሄን ያህል የሚያስለቅስ ነገር ምን ተፈጠረ?" ብሎ አስጨንቆ ጠየቃት። ነገር ግን ሔዋን ምንም ልትነግረው አልቻለችም። " ጥሩ! ለእሱ እንዳትነግሪው ያለሽን ሰው አወራው የለ እንዴ " አለና ስልኩን ከኪሱ አወጣ።

በዚህ ጊዜ ሔዋን የሙሉሰውን እጅ እየያዘች ተው ተው አትደውልለት እኔ እነግርሀለሁ።"አለች እየተርበተበተች " እሺ ንገሪኝ እየሰማሁሽ ነው"አለ ስልኩን ወደ ኩሱ እየመለሰ። " እ እ እየውልህ ሙሉ ምን መሰለህ ማለት " እያለች ስትንተባተብ " ምን ነክቷሻል ሔዋኔ አሁን የደበቅሽኝን ነገር እኮ መስማቴ አይቀርም። ከአንቺ ብሰማው ጥሩ ነው ብዬ ነው"አለ " አ አ አዎ ልክ ነህ ገብቶኛል ግን ከምን ልጀምርልህ! ጨንቆኝ እኮ ነው የኔ ፍቅር። እባክህን ከቻልክ አድረን ጠዋት እነግርሀለሁ"አለች። " በጭራሽ አይሆንም። ስታስቢው አንቺ ተረብሸሽ እኔ እንቅልፍ የሚወስደኝ ይመስልሻል? በዛ ላይ እንዲህ እያለቀስሽ በይ ንገሪኝ። አልናገርም ካልሽ የምር እደውልለታለሁ "አለ

ሔዋን የሙሉሰውን አይኖች ትኩር ብላ ተመለከተችና ካልነገረችው እንደማይተዋት ስትረዳ እንባዋን እየለቀቀች " ማ ማ ማ ማህደር ሞ ሞ ሞ ታ ለች " አለችና ያመቀችውን ዋይታ ለቀቀችው። ተንሰቅስቃ ማልቀስ ጀመረች። ሙሉሰው የነገረችውን መርዶ ለማመን የፈለገ አይመስልም። ፈፅሞ ባለማመን " እንዴት ሊሆን ይችላል በሁለት ቀን ውስጥ" ሃ ሃ ሃ አለና በረጅሙ ስቆ ከአንደገና ፊቱ ቅይር አለ። ሁኔታው አስፈሪ ሆነ። ፊቱ ላይ የነበረው የሰከንዶች የብርሃን ፀዳል ተገፈፈ። እንደ እናት እንደ እህት እንደ ሁሉም ነገር የሚያያትን እህቱን ሞት የሰማ ግን አይመስልም። የሔዋንን ትከሻ ይዞ በአንድ እጁ የእሷን እንባ እየጠረገ ያለቅሳል። ጥርሱን ገለጥ እያደረገ ጎርፍ እንባውን ያነባው ጀመር። በዝናብ ላይ ፅሀይ እንደመውጣት አይነት ለቅሶ። ሔዋን አይኖቿን አሽታ ፊቷን ጠረገችና ቀና ብላ ስትመለከተው። እየሳቀም እያለቀሰም ነበር። ይበልጥ የባለቤቷን ሁኔታ ስታይ ማልቀሷን ቀጠለች።

○○○○○
" የአስከሬኗ ምርመራ እንደሚያሳየው ከሆነ ከምትወስደው ግሉኮስ ላይ መርዝ እንደተጨመረ ነው። ይህም ማለት ሟች የሞተችው ተመርዛ ነው እንጅ በጤና ችግር አይደለም" አለ። ይሄን መረጃ ከምርመራ ክፍል ሲሰማ ዋና ኮሚሽነር በንዴት ቁጭ ብድግ አለ።

የሆስፒታሉን ዋና አስተዳዳሪ ወዲያው ሄዶ " አሁን የወይዘሪት ማህደርን የጤና ሁኔታ ሲከታተሉ የነበሩትን የሕክምና ባለሞያዎች ስም ዝርዝር እፈልጋለሁ። የእያንዳንዳቸውን ቃልም መውሰድ እፈልጋለሁ" አለ ንዴት ባዘለ አነጋገር " ዋና አስተዳዳሪው የመርማሪውን ስሜት ተመልክቶ እንደመገረም አለና " መጀመሪያ ተረጋጋና የምትፈልገውን ሳትበሳጭ ጠይቀኝ ምን ተፈጥሮ ነው እንዲህ በድንገት ስም ዝርዝራቸውን የፈለከው?" አለ

ዋና መርማሪ ኮሚሽነር መላኩ ራሱን ወደ ግራና ቀኝ አወዛወዘና " የሚገርም ነው የሆስፒታሉ ዋና አስተዳዳሪ ሆስፒታሉ ላይ ምን እንደሚፈጠር አያውቅም። ፈጣሪዬ ናልኝ ምን አይነት ድራማ ነው የምታሳየኝ። " አለና " ለማንኛውም የጠየኩህን ብቻ አሁኑኑ አዘጋጅና ስጠኝ" ብሎ ወጣ።

በአርባዎቹ መጀመሪያ የእድሜ ክልል የሚገኘው የሆስፒታሉ ዋና አስተዳዳሪ መርማሪው የተናገረውን ንግግር መልሶ ለራሱ እየተናገረ ምን ለማለት ፈልጎ ነው እንደዛ ያለው? ሆስፒታሉ ውስጥ ምን እየተካሄደ ነው አለና ወዲያው ስልክ አንስቶ ወደ ሆነ ሰው ደወለ። " ሄሎ ዶክተር " የሚል ምላሽ ሲያገኝ ፈጠን አለና " ሆስፒታል ውስጥ ምን እየተፈጠረ እንዳለ ልትነግረኝ ትችላለህ? "አለ " ዶክተር የሆነ ችግር ተፈጥሯል። የሆነች ታካሚ ፖሊሶች ይዘው መጥተው ነበር። እና እሷ ታካሚ ሞታለች። የሬሳ ምርመራ ሲደረግላት ደግሞ በመርዝ እንደሞተች ያሳያል" አለ " ምን? ያ ፖሊስ ያለው ልክ ነበር። እናንተ የማትረቡ ይሄ ሁሉ ሲደረግ ምን እያያችሁ ነበር"አለና ስልኩን ዘግቶ ከቢሮው ወጣ። ቀጥታ ወደ

ታካሚዋ ሕክምና መስጫ ሄደና ያሉትን መረጃወች በሙሉ ማጣራት ጀመረ።

○○○○○
" ዛሬ አኩርተኸኛል። በጣም ላመሰግንህ እፈልጋለሁ። ከተዋወቅን ጀምሮ እንደዚህ አይነት ስራ ሰርተኽልኝ አታውቅም።"አለች ሰላማዊት " እኔም ይሄን ነበር የምፈልገው ስለኮራሽብኝ ደስ ብሎኛል" አለ እንደመሽኮርመም ብላ " እና ደስ ካለህ ብቅ በላ "አለች " ታውቂያለሽ ባገኝሽ ምን ያህል ደስ እንደሚለኝ ነገር ግን በዚህ ስአት ብንገናኝ ትኩረት እንስባለን። ሁሉም አይኖች እኛን ነው የሚያዩት። በዚያ ላይ ያ መርማሪ ጠምዶ ይዞናል። እኔስ ሳይቀና አይቀርም መሰል። ከአንቺ ጋርማ ሲያየኝ የሚሆነው ነው የሚጠፋው"አለ አቤል " እንደዛ ይመስልሀል? ለማንኛውም ምክንያትህ ስላሳመነኝ ለጥቂት ጊዜ መገናኘት የለብንም"አለችና ሰላማዊት ስልኩን ዘግታ ማስታወስ ጀመረች።

ትውስታ፦ ከአንድ ቀን በፊት ምሽት...........

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_126 𖥧𖤣

... ትውስታ፦ ከአንድ ቀን በፊት ምሽት " ታውቃለህ አቤል ማህደር ሁሉንም ደርሳበታለች። የኔን ስራዎች ሁሉንም አውቃለች ማለት እችላለሁ እና ከጠበኳት በላይ አደገኛ ሆናለች። በእርግጠኝነት ከዚህ ህመሟ ከነቃች ለመርማሪው ብዙ ነገር ትለዋለች። ስለዚህ እሷን ለአንዴና ለመጨረሻ ማሰናበት አለብን። ካልሆነ የመንገድ ላይ ብሬከር ነው የምትሆንብን በምንፈልገው ፍጥነት እንዳንሄድ ነው የምታደርገን። የሁለታችን ግንኙነት ከታወቀ ደግሞ ምን ሊፈጠር እንደሚችል መገመት አያቅትህም ስለዚህ አንድ ነገር እናድርግ እሷን የምናስወግድበት እዛው ሆስፒታል እንዳለች "አለች ሰላማዊት " እሺ ደስ ይለኛል። ሁሌም የምትይውን ለመስማትና ለማድረግ እንዲሁም ለመደገፍ ነው አብሬሽ ያለሁት የኔ ቆንጆ "አለ " ጥሩ እንግዲያውስ እንዴት ልናስወግዳት እንደምንችል እናስብ ማለቴ እንዴት አድርገን? እንዴት ብለን እንዴት አድርገን? በጥንቃቄ ማሰብ አለብን ካልሆነ እዛው ፖሊሶች ይይዙናል። ስለዚህ በማያስነቃ መልኩ መሆን አለበት"አለች።

አቤል ዝም ብሎ ካሰበ በኋላ "" የሆነ ሀሳብ አለኝ! "አለ " ምን ሀሳብ መጣልህ? "አለች ሰላማዊት ፊቷ በደስታ ወከክ እያለ " ማህደር ያለችበት ሆስፒታል አንድ የማውቀው ሀኪም አለ። እሱ ከረዳን ልጠይቀው"አለ " በጣም አሪፍ ሀሳብ ነው። እባክህ አቤላ እንደምንም ብለህ አሳምነው። ለእሱ ይቀለዋል"አለች " እሺ ውዴ ልደውልለት" አለና ደወለለት።

የደወለለት ሀኪም ጓደኛው እዛ ሆስፒታል መስራት እንዳቆመ ይነግረውና ነገር ግን እዛ ሆስፒታል ሊረዳቸው የሚችል ሰው ይጠቁመዋል። አቤል ወደ ጠቆመው ስልክ ይደውልና ስልኩን የሰጠውን ሐኪም ስም ይነግረውና ወደ ጉዳዩ ይገባል። ልጁም የሚፈልገውን ያህል ገንዘብ ከጠየቀ በኋላ የጠየቀውን ገንዘብ እንደሚከፍለው ቃል ሲገባለትና ክፍያውን በሁለት ጊዜ እንደሚያጠናቅቅለት ሲነግረው ከአቤል ጋር ተስማማ።

አቤል " በቃ ይሄ ጉዳይ ተገድሏል እንዳለቀ ቁጠሪው። ልጁ እሷን የሚከታተል ዶክተር መስሎ ይገባና ግሉኮሱ ላይ የሆነ መርዝ ነገር እንደሚጨምርና በቀላሉ እንደምትሞት ነግሮኛል። ስለዚህ አሁን በተቻለን መጠን ገንዘቡን እናስገባለት።"አለ " ውይ እንዴት አይነት ትልቅ ሸክሜን መሰለህ ያቀለልክልኝ የኔ ማር አለችና ከንፈሩን ጎረሰችው።" ለዚህ ስራዬ ይቺን ብቻ ነው የምትሰጪኝ?" አለ አቤል ወደ ጆሮዋ ተጠግቶ በትንፋሹ አንገቷን እያሞቀ።

አይኖቿን እያስለመለመች። " ሁሉም ነገሬ የአንተ ነው። በአንተ ፍቅር ስለወደኩ አይደል ይሄን ሁሉ የማደርገው?!"አለችና አንገቱን ሳም አደረገችው። " እኔም እዚህ ትልቅ ወንጀል የገባሁት በፍቅርሽ ስለወደኩ ነው እንጅ አላደርገውም ነበር። ግን ይሄን ሁሉ ፈጣሪ ይቀር ይለነል አይደል?"አለ አቤል " አዎ በደንብ እንጂ ለፍቅር ብለን አይደል ይሄን ሁሉ ያደረግነው። በዛ ላይ ይቅር ባይ ፈጣሪ ነው።" አለች ሰላማዊት በሙሉ ልብ

" ለነገሩ ልክ ነሽ እሱስ የተሰቀለልን ስለሚወደን አይደል። የገረፉትና የሰቀሉት ላይስ መች ቂም ያዘና ይቅር ብሏቸው የል እኛንም ይለናል። ስለ እኛ ፍቅር አይደል መስቀል ላይ የተቸነከረው"አለና አቤልም ተፅናና።

ከአንድ ቀን በኋላ ከትውስታ በኋላ፦ " ልክ ነው በጣም መጠንቀቅ አለብን ግን ያመርማሪ በዚህ ስአት ምን እያደረገ ይሆን? በእርግጠኝነት የሚይዘውን የሚጨብጠውን አጥቷል። ሙሉሰውስ? ምን እያሰበ ይሆን? እሱም ቢሆን አንዲት እህቱ ናት ሞቷን አይፈልገውም አይቀበልም። አሳድጎ እዚህ አድርሶ ወግ ማዕረጓን ሳያይ በመቅረቱ ይበሳጫል። ምንም እንኳ እሷ ብትከዳውም እሱ ግን በጭራሽ አሳልፎ አይሰጣትም። ጉዳዩንም አይተወውም።

ስለዚህ የራሱን ምርመራ ሊያደርግ ስለሚችል ከእሱም መጠንቀቅ አለብኝ። ሌላ ምንም የሚያሰጋ የለም የቀድሞ ባለቤቴም አሁን ሕየውቱ በአራት ግድግዳ ላይ ተዘግቶበት ምንም አይነት መረጃ አይደለርሰውም " አለችና ጧ ብላ ሶፋዋ ላይ ተኛች። " ኡፍፍፍ አሁን ችግሮቼን በትንሹም ቢሆን እያስወገድኩ ነው ተመስገን "አለች

○○○○○
የሆስፒታሉ ዋና ሀላፊ በተፈጠረው ነገር እጅግ በጣም አዝኖ አስፈላጊውን መረጃ ሁሉ አጠናቅሮ ለመርማሪው ሰጠው መርማሪው በጥርጣሬ እየተመለከተ "እሱን እንኳ እርግጠኛ አይደለሁም። እዚህ ሆስፒታል ምን እየተካሄደ እንዳለ መረጃው አይደርስህም ብየ ለማመን ይቸግረኛል። "አለ ዋና መርማሪ ኮሚሽነር መላኩ " እመነኝ መርማሪ እኔም በጣም ነው ያዘንኩትና የተናደድኩት። ይሄ ስራ እኮ ትልቅ ወንጀል ነው። እዚህ ያለነው ሁላችንም ሀኪሞች ቃል የገባነው የሰውን ልጅ ሕይወት ከሞት ለማትረፍና በተሰጠን ሀላፊነት የታካሚዎችን ጤና መመለስ ነው። ለዚህ ነው የተማርኩት። እንደው ሕይወት ማትረፍ እንኳ ባንችል መግደል እንደሌለብን ነው በቃለ መሀላችን ያረጋገጥነው። ይሄን የምልህ መርማሪ ምንም እንኳ እንደሆስፒታሉ አስተዳዳሪነት በተፈጠረው ነገር ከተጠያቂነት ባልድንም ነገር ግን አድራጊው ማንም ይሁን ማንም የእሷ ሀኪም መስሎ ወይም ሀኪሟ እሷን የሚከታተላት ነው። ይሄን ድርጊት የፈፀመውን ወንጀለኛ ደግሞ ለሀላፊነቴ ሳይሆን ለሞያየ ስል እኩል ከእናንተ ጋር የምፈልገው ይሆናል። ስለዚህ መርማሪ ጥርጣሬህ እንዳለ ሆኖ እኔ የማስፈልግበት ነገር ላይ በሙሉ ልረዳችሁ ዝግጁ ነኝ".........

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

ይኸው አሁን ተስተካክሏል 👍 እና ለአስተያየቱም እናመሰግናለን 😉 ይልመድባቹ

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_127 𖥧𖤣

... መርማሪ ጥርጣሬህ እንዳለ ሆኖ እኔ የማስፈልግበት ነገር ላይ በሙሉ ልረዳችሁ ዝግጁ ነኝ" አለ የሆስፒታሉ ዋና አስተዳዳሪ.....

ዋና መርማሪ ዝም ብሎ ሲያዳምጠው ከቆዬ በኋላ በአነጋገሩ እንደመገረም ብሎ " ይቅርታ ግን መጠርጠር አንዱ ስራችን ነው። ስለዚህ ከእኔ ስለጠረጠርኩህ ይቅርታ የሚል ማስተባበያ እንዳትጠብቅ። ምን አልባት ወንጀለኛውን በትክክል ሳውቅ ያኔ ልልህ እችላለሁ ስለዚህ ይቅርታ ባለማለቴ ይቅርታ። እንዳልከው እርዳታህን ስንፈልግ እጠይቅሃለሁ ለዚህ አፋጣኝ መረጃ ደግሞ አመስግናለሁ። በተረፈ መልካም ጊዜ" ብሎ ወጣ

○○○○
እስካሁን ምንም አይነት እንቅስቃሴ አላደረገችም?" አለ ምክትል መርማሪ አወቀ " በጭራሽ ከቤት አልወጣችም"አለ " ወደ ቤቷም የመጣ ሰው የለም?" " የለም ማንም አልመጣም " ጥሩ ነቅታችሁ ጠብቁ ባላሰባችሁት ስአት ልትወጣ ወይም ሰው ልትጠራ ስለምትችል ተጠንቀቁ።" በእርግጥ እየተከታተልናት እንደሆነ ልታውቅ ትችላለች። ነገር ግን እናንተን ካላየቻችሁ የሆነ ነገር ታደርጋለች። ስለዚህ በምንም ታዕምር ልታያችሁ አይገባም። እሷ ልታያችሁ በማትችልበት ቦታ ተደበቁ።"አለ

○○○○○
ዋና መርማሪ የሆስፒታሉ አስተዳዳሪ የሰጠውን ስም ሰዎችን በየተራ እያስገባ ከመረመረ በኋላ ምንም ፍንጭ ሊያገኝ አልቻለም። ማህደርን የጎበኙበት ስአትና ሞታ የተገኘችበት ስአት ላይ ያለው ልዩነት በጣም ሰፊ ስለሆነ አስቸጋሪ ሆነ። እስክርቢቶውን በጣቶቹ መሀል እያሽከረከረ እጁን አገጩ ላይ አስደግፎ ትንሽ ካሰበ በኋላ የሰጡትን ቃል መልሶ ማንበብ፣ማሰብና ማሰላሰል ጀመረ።

ማህደርን ያዩበትና የተሻላትን ስአት ወረቀት ላይ ፃፈ። እንዲሁም ሞተች የተባለችበትን ስአት ፃፈ። እና በመሀል ያለውን የስአት ልዩነት አቀናንሶ ፃፈው። በዚህ ስአት ደግሞ ማህደርን የጎበኟት ሰዎች እንዲሁም ጤንነቷን ለማየት የገቡ ተረኛ የጤና መኮንኖችን እንዲሁም ሀኪሞችን አጣርቶ በዛ ስአት የነበሩ ሰዎችን ስም ዝርዝር እንዲሰጠው ለሆስፒታሉ ዋና አስተዳዳሪ በስልክ አሳወቀው።

○○○○○
ምንም እንኳ ማህደር ከልቡ ብታስቀይመውም ነገር ግን ሞቷ ያስደነገጠውና ያሳመመው ሙሉሰው በሀዘን ኩርምት ብሎ ተቀምጧል። የቀብር ስነስርአቷ ከተፈፀመ በኋላ ተደግፎ ነው ያለው። ሀዘኑ እጅግ መሪርና ጥልቅ ቢሆንም በውስጡ እያምሰለሰለ እንጂ ለሰው አውጥቶ አላሳየውም። በልቡ ከቤት ያባረራትን ቀንና ስአት ረገመው። ምን አለ ያኔ ዝም ብላት ኖሮ ባልናገራትስ ቢቀርብኝ" የሚል የፀፀት ንግግር በአእምሮው ላይ ያቃጭላል። ግሞ ይመለስና ""ይሄ እንደሚመጣ እንዴት አውቃለሁ። ባውቅ ኖሮ እህቴ እንድትሞት አደርግ ነበር? ከዛ የተረገመ ጋርስ እንድትሆን እፈቅዳለሁ? አልፈቅድም" እያለ የሁለትዮሽ ወሬ ዮዞ ከራሱ ጋር ያወራል። ጓደኞቹና የስራ ባልደረቦቹ በሁኔታው ተደናግጠው የሚያደርገውን ዝም ብለው ያዩታል።

ሔዋን ግን ሀዘኗና ስሜቷ በግልፅ ይታይ ነበር። የማህደርን ፎቶ ይዛ ያለማቋረጥ ታለቅሳለች። ዝምድናቸውን ለማያውቅ የሞተችው እህቷ ወይም እናቷ እንደሆነች እንጂ የባሏ እህት እንደሆነች ሊገምቱ አይችሉም። አንዳንዶቹ ታዲያ " ኧረ ይቺ ልጅ ሀዘን አበዛች እባካችሁ ተይ በሏት። ሀዘንም ሲበዛ እኮ ጥሩ አይደለም።" እያሉ ሊያፅናኗትና በቃ ሊሏት ይሞክራሉ። ግን ሔዋን ለወዲያው እሺ ትልና ከእንደገና " ጓደኛዬ ጓደኛዬ እያለች ታለቅሳለች።

○○○○
ዋና መርማሪ መላኩ በማህደር የግድያ ምርመራ ላይና በሌላ ስራ ተጠምዶ ስለነበር የዳዊት ጉዳይ ትዝ አላለውም ነበር። እና እስካሁን ባለማሳወቁ በራሱ እንደመበሳጨት ብሎ " ቢረፍድም የእህቱን ሞት ማወቅ ስላለበት ላሳውቀው አለና ወደ ሆስፒታል መሄዱን ትቶ ወደ ማረሚያ ቤት ሄደና የተፈጠረውን በሙሉ ነገረው።

ዳዊት " እንኳን ደስ አለህ ዋና መርማሪ እህቴን አስገደልካት። ለአንተ ስራ ስትል የኔን እህት መስዋት አደረካት?!" አለና ጠረምጴዛውን በቡጢ ነረተው። ዋና መርማሪ ምንም አይነት መልስ ሊመልስለት የፈለገ አይመስልም። የመጣው የሚለውን በዝምታ ለመቀበል ይመስላል።

ዳዊት ንዴቱን በሚገባ ከተወጣ በኋላ " እሺ ገዳዩ ማነው?" አለ " እሱን አላወቅንም። የመጀመሪያ አመጣጤም እሱን ለመጠየቅ ነው። ምን አልባት ያስፈራራት የነበር የተጣላቸው ሰው ከዚህ በፊት እሷን ለመጉዳት አስቦ የሚያውቅ ሰው ካለ ያው እሷ ነግራህ ከነበረ" አለ " አዎ በደንብ ነግራኛለች ሙሉሰው እንዳስፈራራትና እሷን ለመጉዳት እንደሚፈልግ አውቃለሁ። ከእሱ ውጪ ማንም ሊሆን አይችልም። " አለ ዳዊት በንዴት አፉን እያጨራመመ

" አቶ ዳዊት አሁን በጥላቻና በቂም በቀል የምታወራውን እንደመረጃ አልይዘውም። ይልቅ ተረጋጋና ትክክለኛ ገዳዩ ማን ሊሆን እንደሚችል ፍንጭ ካለህ ስጠን"አለ ዋና መርማሪ " እና ሙሉሰው አያደርገውም እያልከኝ ነው። እሱን ትታ ከእኔ ጋር ስትኖር እኮ የደረሰባትን ችግር እኔ ነኝ የማውቀው እንዴት ችላ ትላለህ የምሰጥህን መረጃ"አለ ዳዊት የሚሰጠውን ቃል እንደማይሰማውና እንደማይቀበለው ሲረዳ " የምትነግረኝ ነገር አይደለም ማሳመን ቢያጠራጥረኝ ከነገርከኝ በኋላ እዚህ አልቀመጥም ነበር። ነገር ግን ይሄን ግድያ ሙሉሰው ያደርገዋል ብዬ ለማመን ስለሚቸግረኝ ሌላ የምትለኝ ከሌለ ልሂድ"አለና ብድግ አለ። " ቆይ መርማሪ ቆይ እሺ ግን ያን ያህል ይጥቀምህ አይጥቀምህ አላውቅም ግን ማህደር .......!!!

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_128 𖥧𖤣

... ቆይ መርማሪ ቆይ እሺ ግነ ያን ያህል ይጥቀምህ አይጥቀምህ አላውቅም ግን ማህደር ከባለቤቴ ጋር ይጣሉ ነበር። ፍፁም አይዋደዱም። ምክንያታቸውን ግን አላውቅም። ግን ደግሞ ይሄ እህቴን ለመግደል የሚያበቃ ምክንያት ይኖረዋል ብዬ አላስብም። በዛ ላይ ባለቤቴ እኔን በጣም ነው የምትወደኝ። ስለዚህ እኔን የሚያስከፋም ሆነ የሚያሳዝን ነገር አታደርግም" አለ ዳዊት " አመሰግናለሁ "አለና ዋና መርማሪ ሄደ።" ቆይ ወዴት ነው የምትሄደው መልስልኝ እንጂ?" እያለ እየጮኸ ቢያናግረውም ዋና መርማሪ ግን ጀርባውን ሰጥቶ የዳዊትን ድምፅ ከኋላው ትቶ እየራቀው ከማረሚያ ቤቱ ወጥቷል።ዳዊት በጠባቂ ፖሊሶች ታጅቦ ወደ ነበረበት ተመለሰ።

○○○○
የሰላማዊት ስልክ ቁጥር በፖሊሶች ተጠልፎ ንግግሯ ሁሉ እየተደመጠ ቢሆንም ነገር ግን እሷ ከማንም ጋር እያወራች አለመሆኑ ለመርማሪ ቡድን አንድ ጥያቄ ተፈጠረበት። " እንዴት እስካሁን ከማንም ጋር አታወራም? ቆይ እንዴት ለዚያ አቤል ለሚባል ልጅም እስካሁን አልደወለችም። ከእሱ ጋር በአካል ባትገናኝ እንኳ በስልክ ማውራቷ አይቀርም ነበር። ታዲያ እንዴት?" ምን አልባት ስልኳን እንደጠለፍነው ጠርጥራ በሌላ ስልክ እያወራች ይሆን?"አለ አንደኘው " ስሜት የሚሰጥ ጥርጣሪ በሉ አሁኑኑ ለዋና መርማሪ ማሳወቅ አለብን። አሉና ያላቸውን በመገናኛ ሬዶኣቸው ለዋና መርማሪ ነገሩት።

ኮሚሽነርም ወዲያው ለምክትሉ ያለውን መረጃ ሰጠውና አስፈላጊውን ጥንቃቄ እንዲያደርጉና የፍርድቤት ማዘዣውን እንዳመጣ እንደሚገቡ ነግሮት ተለያዩ። ዋና መርማሪው በፍጥነት የፍርድ ቤት ማዘዣ ለማወጣት የሚመለከተው ቦታ ሁሉ ሄዶ ማዘዣውን ይዞ ወደ ሰላማዊት ቤት አመራ።

እዛ ያለውን ቡድን ሰብስቦ ካናገረ በኋላ ቤቱን ከበቡት። ዋና መርማሪ በሩን ቀስ አድርጎ አንኳኳ። ሰላማዊት አንደኛውን ስልኳን አስቀምጣ ሌላኛውን ልታነሳ ስትል የበሩን ድምፅ ስትሰማ " ማን መጥቶ ነው? ያ እብድ ሳይነግረኝ መጥቶ ብቻ እንዳይሆን አለችና በሌላኛው ስልኳ ለአቤል ደወለች። አቤል ስልኩን አላነሳ ሲላት ስልኩን በሶፋው መሀል ሸጎጥ አድርጋ ወደ በሩ ሄደች።

" ማነው?" አለች ከመክፈቷ በፊት " እኔ ነኝ" አለና ዝም ብሎ አንኳኳ። ስሙን ቢነግራት ቅድሚያ ጥንቃቄ ታደርጋለች ብሎ ስላሰበ። ሰላማዊት እንደመጠራጠር ብላ ከፈተችው። ሰላማዊት በድንጋጤ አይን አይኑን ታየው ያዘች። " ይሄው ወይዘሮ ሰላማዊት የመፈተሻ ፈቃድ አለን" አለና ከፍርድቤት ያመጣውን የፈቃድ ወረቀት ሰጣትና " በሉ እያንዳንዱን ክፍል በደንብ ፈትሹ ሁሉንም ብታ" አለና " እሺ ወይዘሮ ሰላማዊት እንዴት ነሽ ከቤት ወጥተሽ አታውቂም በሰላም ነው?"አለ " አዎ ምን የሚያስወጣ ነገር አለ ብለህ ነው? ብንወጣ እንኳ አጃቢያችን ብዙ ነው ከያለበት ነው የሚመጣው " አለችና የሚከታተሏት ፖሊሶች እንዳሉ አሽሙራ ነገረችው።

ዋና መርማሪ ራሱን በአዎንታ ነቀነቀና " ባለቤትሽን ግን እየሄድሽ ታይዋለሽ? ወይስ ወንጀለኛ ከሆነ በኋላ ተውሽው?" አለ። ሰላማዊት ትንሽ እንደማሰብ አለችና ቀስ በላ እየተራመደች " እባክህን ወደ ሶፋው እንቀመጥ እዚህ ከምንቆም ቁጭ ብለን ብናወራ ይሻላል። እስከዛው ሰዎችህ ፈትሸው ይጨርሳሉ" አለች ሰላማዊት " ልክ ነሽ መቀመጡ ሳይሻል አይቀርም። አለና እጇ ላይ ያለውን ስልክ በደንብ ከተመለከተ በኋላ " የማህደርን ሞት ለሁሉም ደውለን እየነገርን ባለበት ጊዜ ለአንቺም ደውለን ልናሳውቅሽ ፈልገን ስልክሽ አይሰራም ነበር"አለ " ኧረ አላየሁትም ነበር ያው ያለኝ ስልክ ይሄው ነው እንግዲህ ወይ የኔትዎርክ ችግር ይሆናል እንጂ" አለች ሰላማዊት እንደመደንገጥ ብላ " እሱስ ልክ ነሽ ኔትዎርክና ወንጀለኛ አስቸግሮናል አላትና ከተቀመጠበት ተነስቶ ዙሪያውን የተሰቀሉ ፎቶዎችን እንዲሁም ሌሎች ቅርፃቅርፆችን በተመስጦ እያየ የጎሪጥ ደግሞ ሰላማዊትን ይከታተላል።

በእርግጥ እሱ ከመቀመጫው የተነሳው ቤቱ ውስጥ የተሰቀሉት ነገር ስበውት ወይም ትኩረት ለመስጠት ፈልጎ ሳይሆን ሰላማዊት ተዘናግቷል ብላ አስባ አንድ ነገር እንድታደርግ ለመፍቀድ ነበር። ዳሩ ምን ያደርጋል ሰላማዊት ከተቀመጠችበት ወደየትም አቅጣጫ አልተንቀሳቀሰችም። ነገር ግን ፊቷ ልክ አይመስልም። ምን እንደሚያስጨንቃትና እንደሚያስፈራት ሳታውቀው ተረብሻለች።

" ግድግዳው ላይ የተሰቀሉት ፎቶዎችና ባህላዊ ቅርፃቅርፆች ያምራሉ" አለ እጁን በደረቱ አነባብሮ። " ልክ ነህ ሳቢና ደስ የሚሉ ናቸው። ባለቤቴ ነው በየክፍለሀገሩ ለፊልድ ሲሄድ በየቦታው የገዛቸው" ብላ መለሰች። " እ እም አቶ ዳዊት ለቅርፃቅርፅ የተለዬ ፍላጎት ያለው ይመስላል" " እንዴት? እንዴት እንደዛ አልክ?" አለች ሰላማዊት ደንግጣ " ማለት እንዴት የሚያስብል ጥያቄ ነው? በቃ በየሄደበት ቅርፃቅርፅ የሚያመጣ ከሆነ የቅርፃቅርፅ ፍቅር አለው ማለት ነው"አለና ተገርሞ ፊቷን ሲያየው አንገቷን በሀፍረት ሰበር አደረገች።

ከዛ የሆነ ቃል ከአፉ ሊያወጣ ሲል " አለቃ ሁሉም ቦታ ፈልገናል። ፈትሸናል ነገር ግን ምንም ያገኘነው ነገር የለም" አለ አንደኛው አብረውት የፈለጉትን ጓደኞቹን ወክሎ ሌሎቹም በተመሳሳይ " እኛም አላገኘንም" አሉት "ዋና መርማሪው እነሱ ያሉትን ካዳመጠ በኋላ የሰላማዊትን ስልክ ለትንሽ ደቂቃ አይቶ " በሉ ምንም ነገር ከሌለ ብንሄድ ይሻላል። ወይዘሮ ሰላማዊት በይ መልካም ጊዜ " ብሎ ሊወጣ ሲል የሰላማዊት ስልክ ጠራ። ዋና መርማሪ ኮሚሽነር መላኩ የሰላማዊትን የስልክ ጥሪ ሲሰማ በፍጥነት ዘወር ሲል እጇ እየተንቀጠቀጠ ስልኳ ወደ ሚጠራበት ቦታ ቀኝ እጇን ልካለች። ..........!!!!!!??????

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_129 𖥧𖤣

... እጇ እየተንቀጠቀጠ ስልኳ ወደ ሚጠራበት ቦታ ቀኝ እጇን ልካለች። ዋና መርማሪ ቀስ እያለ ወደ እሷ ተጠጋና " አንሺው እንጂ" አለ " ም ም ም..." ሰላማዊት ምን ማለት እንዳለባት ጠፋት። ተንተባተበች። ምንም አለመለቷን ሲረዳ ስልኩን በሶፋው መሀል ራሱ አወጣና የደዋዩን ማንነት አዬ "አቤል" ይላል። " የምንፈልገውን አግኝተናል ጓዶች ወይዘሮ ሰላማዊትን ይዘናት እንሂድ! ግን ከዚያ በፊት ይሄን አቤልን አውሪውና እዚህ እንዲመጣ ንገሪው "አለ ዋና መርማሪ።

ሰላማዊት አሁንም ምንም አልመለሰችለትም። ዝምታዋ ምን እንደሆነ ገባውና" ምንም ማለት አይጠበቅብሽም። ደግሞም ዝምታሽን ተረድቼዋለሁ ግን አሁን የጠየኩሽ ቢያንስ የአንቺን ጉዳይ ቀለል እንድናደርግልሽ ነው። ካልሆነ ግን የሌላንም ሰው ወንጀል ነው የምትቀበይው" አለና ወደ አቤል ደውሎ ስልኩን ሰጣት።

አቤል ፍፁም በሆነ መረጋጋት " ስልክ ለምንድነው ያላነሳሺው የኔ ፍቅር" አለ። ሰላማዊት አልመለሰችለትም። ኧረ ምን ሆነሽ ነው እባክሽን የሆንሽውን ንገሪኝ ፍቅሬ አታስጨንቂኝ" አለ። አሁንም ምንም አላለችውም። ስልኩን አንስታ ምንም አለማለቷ የሆነ ጥርጣሬ ውስጥ ከተተው ወዲያው ዝግት አደረገውና " ለምንድነው ስልክ አንስታ የማታወራው? እሺ እሷ ካላነሳችው ማን ሊያነሳው ይችልፈላል? ፖሊስ ቤት ይሆን እንዴ? አዎ በትክክል ፖሊስማ " አለና ከተቀመጠበት ብድግ በሎ ሰልክ ደውሎ ለደወለለት ልጅ ወዲያውኑ ወደ ክፍለሀገር ማለትም ከአዲስ አበባ ወጣ ያለ ቦታ መሄድ እንደሚፈልግ ና ወደ ወሎ ደሴ ጉዞ እንዲያዘጋጅለት ነገረውና ልብሱን ማዘጋጀት ጀመረ።

ዋና መርማሪ መላኩ ሰላማዊት ባደረገችው ነገር እየበሸቀ "በዝምታ ብዙ ትግባባላችሁ አይደል? ምክንያቱም ቃል መረጃና ማስረጃ ስለሆነ፡ አሪፍ ሙከራ ነው። ትንሽ ጥርጣሬ ነበረኝ አጎላሽልኝ። ለማንኛውም እሱ የትም ይሁን የትም አገኘዋለሁ። አንቺ ደግም ግብረ አበርሽን ለመሸፈን ያደረግሽውን ድርጊት እንደ አንድ ወንጀል እመለከተዋለሁ። " አለና " በሉ ይዛችኋት ሂዱ "ብሎ አስወሰዳት።

ሁለቱንም ስልኳን ራሱ ጋር አቆየውና ሊደውል ሲል ምክትል መርማሪ አወቀ መጣ " ለአንተ ልደውል ስል ነው የመጣኸው ። የእኛ ሰዎች አቤልንም ይከታተሉት ነበር አይደል?" "አዎ" ስለዚህ የአቤልን ቤት ያውቁታል እስኪ ቡድን ጥራና ወደዛው እንሂድ" " ግን አልጠረጠረም አይደል ወደ እሱ እንደምንሄድ አያውቅም አይደል?" አለ ምክትል መርማሪ አወቀ " እሱን እንኳ እርግጠኛ አይደለሁም። ሰላማዊት የሆነ ምልክት ሰጥታዋለች። ለዚህ ነው ቶሎ መድረስ ያለብን" አለ "አለቃ ይሄ ነገር ውስብስብ እየሆነ ነው " " እ ልክ ነህ። ሁሌም አንድ ክር ከመጠቅለያው ተፈትቶ ከወደቀ በኋላ ወደ መጀመሪያው ለመመለስ ውሏን ለማግኘት እንደሚያደክም ሁሉ ይሄም ወንጀል ብዙ እርቀቶችን የተጓዘ ነው። ምናልባትም እየደረስንበት ይሆናል ማብቂያው እየተዳረሰንም ይሆናል"

የፖሊስ ቡድኑ በተሰጣቸው ትዕዛዝ መሠረት በቶሎ የአቤል ቤት ደርሰዋል። ነገር ግን ወደ ቤት ለመግባት የመፈተሻ ፈቃድና የሀላፊ ትዕዛዝ ስለሚያስፈልጋቸው ባሉበት ሆነው ዙሪያ ገባውን በንቃት እያማተሩ እየጠበቁ ነው።

○○○○
ሙሉ ቤተሰቡ በሀዘን ተኮራምቷል። ሔመን በጣም የምትወዳትን አክስቷን በማጣቷ እየተብሰከሰከች እንደትልቅ ሰው አዝናለች። ቀዳማዊ ምን ማድረግና መሆን እንዳለበት ጨንቆት አይኖቹ እስኪሟሙ ድረስ አንብቷል። ማብቂየ የሌለው የፈተና ሕይወቱ በምን አይነት መንገድ እንደሚሄድ እያሰበ ይበልጥ ቀሪ ጊዜው አሳሰበው። በእሱ መጥፎ እድል ሌሎቹም እየተሰቃዩ እንደሆነ ሲያስብ ይበልጥ ሀዘኑ ድርብ ይሆናል።

ተስፋ በሰዎች አእምሮ ውስጥ ተፀንሶ የሚፈጠር የሕልም አለም ነው። ያለ ፈተናና ያለ ስቃይ ምንም ነገር እንደማይገኝ ያልተረዳው ቀዳማዊ ታዲያ የሚፈጠሩትን ነገሮች በፀጋ መቀበል ተስኖት በየቀኑ ይረበሻል። ሕይወት ለተሻለ ሰው ጥሩ መነፅር እንደምትሆን አያውቅም። ሕይወት መራራነቷ ለባለ ሕልመኞች መሆኑን አያውቅም። ይቺ አለም የብዙ አለም እኔነቶች ፍላጎት ማንፀባረቂያ ነገር ግን መሆኛ አይደለችም። ብዙ ሰዎች ከልጅነታቸው ጀምሮ የሚፈልጉትንና እንዲኖራቸው የሚሽቱን ነገር ሲያገኙት አይታይም። ምክንያቱ ደግሞ የሚፈልጉትና የሚያስፈልጋቸው በመጋጨቱ ነው ። ስለዚህ ከሁሉም በፊት መቅደም ያለበት ምን ያስፈልገኛል ነው እንጅ ምን እፈልጋለሁ መሆን የለበትም። ይሄን ስል አንድ ጊዜ አንድ አስተማሪየ የነገረን ታሪክ ትዝ አለኝ።.......

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_130 𖥧𖤣

... ይሄን ስል አንድ ጊዜ አንድ አስተማሪየ የነገረን ታሪክ ትዝ አለኝ። ከብዙ አመታት በፊት ቱርክ ካፓዶርሺያ የሚኖር አንድ የሃይማኖት አባት ከጧት የቤተክርስቲያን ቅዳሴ በኋላ አትሮኖሱ ላይ ቆሞ በዕለቱ የሚያስተምራቸውን ትምህርት ርዕስ ነግሮ ስለፈጣሪው መኖርና በሰዎች ፍቅር ምክንያት ስለተሰቀለው ኢየሱስ እያስተማራቸው እያለ ድንገት አንዱ ምዕመን እጁን አወጣና " ግን በዛ ስአት እኛ የምንፈልገው መሰቀሉን ሳይሆን ሳይሰቀል ማስተማሩን ነበር። ለምን እንደዛ አደረገ?" የሚል ፍልስፍና አዘል ጥያቄ ጠየቀው።

ባለ ረጅም ፂም አስተማሪውም ፈገግ ብሎ " ጥሩ ጥያቄ ነው ልጄ እሱ የምንፈልገውን ሳይሆን የሚያስፈልገንን ነዋ የሚያቀው። እርሱ እኛ የማናስተውለውን ቀዳዳችንን ነዋ የሚያየው። በዛ ስአት በቃሉ ከሚያስተምረው ፍቅር በላይ ሆኖ የሚያስተምረን ፍቅር እኛን ይገልፀን ስለነበር ነው እንጅ ስለምን በልጆቹ ይሰቀልና ይገረፍ ዘንድ ራሱ ላይ ይወስናል? እሱ ከባዱን ነገር እኛም ማድረግ እንድንችል ነው እንደዛ የሆነው አሉና ወደ እለቱ የትምህርት ርዕሳቸው ሊመለሱ ሲሉ አንድ ታሪክ ትዝ አላቸው።

አንድ ጊዜ ምን ተፈጠረ መሰላችሁ ብዙ ህዝቦች በአንድ ቤተክርስቲያን ውስጥ ተደፍተው የራሳቸውን ልመናና የሚፈልጉትን ያገኙ ዘንድ ፈጣሪን ወድቀው አልቅሰው ተማፀኑት። አንዱ የሚፈልገው የእሱን ስራ የሚሰራውን ሰው ድሃ እንዲያደርግለት ነበር የለመነው። መኪና ቤት ልጅ ባል ሚስት ሁሉም በየአቅማቸው ለመኑ ፈጣሪም የሁላቸውንም ልመና ከሰማ በኋላ እሱ የሚፈልገውንና እነሱ የሚያስፈልጋቸውን አደረገ። ሌላኛውን ሰው ድሃ እንዲያደርግ የለመነውን ሰው ደግሞ ሀብታም አደረገው። ይሄ ሁኔታ የገረመው ፀላዩ ሰው ታዲያ ሀብታም ሲሆን ድሃ እንዲሆን ሲፀልይለት የነበረውን ሰው ይረሳና የራሱን ኑሮና ሀብት ማሰብ ይጀምራሉ። ከእሱ ጋር የሚሻማውን ስራ በራሱ ያለማንም ተቀናቃኝ እንዲሰራ አደረገው። ከመጥፎ ስሜት ና ጥላቻም አላቀቀው።

ሰውየውም በሌላ ቀን ወደ ቤተክርስቲያን አፀድ ተጠግቶ " አምላኬ ሆይ ከእንግዲህ ምንም ነገር አልጠይቅህም። ምክንያቱም እኔ የምጠይቀህ እንደሚያስፈልገኝ አላውቅም አንተ የሚያስፈልገኝን በአስፈላጊው ጊዜና ወቅት አድርግልኝ ብሎ ፀለዬ። እና ሁሌም ፈጣሪ እኛን ያቀናል። እንዴት ጠፍጥፎ የሰራንን እኛን ላያውቀን ይችላል?" አለና ወደ ማስተማሩ ተመለሰ።

የጠየቀው ልጅም በቂ መልስ እንዳገኘ በማመን በንፁህ ልብ መማሩን ቀጠለ ይባላል።" ከዚህ ላይ አሁን መረዳት ያለብህ አሁን ሕፃን ልጅና ተማሪ መሆንህን ነው። አንተ ስትፈጠር በእንደዚህ አይነት የስቃይ መንገድ እንደምትሄድ ፈጣሪ ያውቃል። ነገር ግን መጨረሻህ ያማረ ይሆናል።ይሄን የምልህ ለማፅናናት ምናምን ሳይሆን እውነቴን ነው። አንተ ብቻ እያንዳንዱን ፈተና በፅናት እለፍ ደግሞ እይ ለጊዜውም ቢሆን በሀሳብ እኔም ባለቤቴም እየረዳንህ ነው። ስለምንም ነገር ማሰብ የለብህም። ምናልባት ደግሞ የሆነ ነገር ተፈጥሮ ብንለያይ ሌላ ሰው ያጋጥምሀል። ያ ደግሞ ለሌላ ያቀብልሀል። አየህ ሰዎች መድረሻህ ሳይሆኑ መሄጃ ድልድዮችህ ናቸው። እነሱ ናቸው ከምኑም ከምኑም የሚያሻግሩህ። እና በመንገድ ላይ ደግሞ ብዙ ነገር ይገጥማል። ስለዚህ በፍፁም እንዲህ ሆንኩ እንዲህ የለኝም እያልክ እንዳትከፋ" ብሎ መምህር ደረጄ የነገረው ታሪክና ምክር ትዝ አለውና ቀዳማዊ ከእንደገና ራሱን ሰብሰብ አደርጎ " ግን የት ይሆን ያለኸው?! አንተ ያደረክልኝን መቼም አልረሳም። መቼም ቢሆን ይህ የእውነት ቃሌ ነው። አንተን እስከወዲያኛው ልረሳህ አልችልም።"አለ ቀዳማዊ።

በየቀኑ በከፋውና ውስጡ ላዬ አንዳች የሚረብሽ ነገር በተላወሰ ቁጥር በትዝታ የኋሊት እየነጎደ መምህር ደረጄና ባለቤቱ ገና በልጅነቱ ምንም በማያውቅበት ጊዜ የመከሩትን ምክሮች ስንቁ እያደረገ ዛሬን በትዕግሥት ለማለፍ ይሞክራል። ግን ደግሞ አይችልም። ሁልጊዜም በሞከረ ቁጥር እነዛ ጠባሳ መጥፎ ጠላሸቾች ወደ ኋላ እየጎተቱት። እናቱንና እህቶቹን እያስታወሰ ይቀፈዋል። የራሱን ወላጅና የእና የአባቱን ልጆች በጥፎ ትውስታ በአእምሮው እንደ ፊደል ቀርፆ ለውስጡ የጥላቻቸውንና የክፋትና ቸውን ገናናነት ነግሮ አሁንም መንገዱን ወደፊት ለመሄድ እየተፍጨረጨረ ነው።

ሕይወት እንደ ውሃ በአንድ አቅጣጫ እንደማትሄድ ማወቅ እንደሚያስፈልግ ቀዳማዊ አያውቅም። በዚህ እንደ እንቡጥ አበባ በሚቀጠፍ የእድሜ ክልል ላይ ሆኖ የበሰሉ የሕይወት ትዕይንቶችን ወደፊት መመልከት አይችልም። ቢሆንም በአቅሙ እየተጣጣረ ነው። ግን ደግሞ ከጉዞው ላይ ቆሞ ማብቂያ መንገዱን መድረሻውን ማወቅ ይፈልግና ቁጭ ይላል።

○○○○
በዋና መርማሪ ትዕዛዝ የአቤልን ቤት ከፍተው ቢገቡም ነገር ግን ማንንም ሊያገኙ አልቻሉም። ማንም እንደሌለ ለመርማሪው አሳወቁትና ቤት ውስጥ አንዳንድ እቃዎችን እያገላበጡ ይጠብቁ ጀመር። ዋና መርማሪ የአቤል ቤት ደርሶ ዙሪያ ገባውን በጥሞና እየተመለከተና እያገላበጠ አገጩን በአውራ ጣቱ እየፈተገ ያሻል። አገጩንና ፀጉሩን እያሸ ከቆዬ በኋላ " በቃ እንውጣ እዚህ ማንም የለም። ስለዚህ ወጥተን ሰው ወዳለበት ብንሄድ ይሻላል"አለና ትቷቸው ወጣ። ፖሊሶቹ ግራ በመጋባት እርስ በእርስ ተያዩ። ነገር ግን ወዲያው የዋና መርማሪው አካሄድ ወደ የት እንደሆነ ተረዱና ተከትለውት ወጡ።...

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_131 𖥧𖤣

...ነገር ግን ወዲያው የዋና መርማሪው አካሄድ ወደ የት እንደሆነ ተረዱና ተከትለውት ወጡ። ግንባሩ ላይ በንዴት የተሸበሸበ ቆዳ የማይጠፋበት ዋና መርማሪ መላኩ አሁንም እንደ ወትሮ ባህሪው ተመለሰ። አንድ የሚፈልገውን ነገር በቶሎና በእቅዱ መሰረት ሳያገኝ ሲቀር የሚሆነው ነው የሚጠፋው። አሁንም ያ ባህሪው ተነሳበትና እየተወራጨ ለብቻው እያጉተመተመ ወደ ሰላማዊት ሄደ

○○○○
አቤል ያለውን እቃ ሰብስቦ ቀድሞ ባስያዘው የሕዝብ መመላለሻ ሚኒባስ ተሳፍሮ ወደ ደሴ ጉዞ ጀምሯል። ደሴን ለምን ምርጫው እንዳደረጋት በትክክል ባያቅም። ደሴን ስለመረጠ ግን ምቾት የተሰማው ይመስላል። ጥሩ መሄጃና መደበቂያም እንደሆነች ውስጡ ነግሮታል። ነገር ግን ደሴ ምን አይነት ከተማና ምን አይነት ሕዝቦች እንደሚኖሩባት እውቀቱ የለውም። ዝም ብሎ በስም ብቻ የወሎ ራስ የቆነጃጅት ና የሙስሊም ክርስቲያኑ መዲና የሚለውን ዝና ሰምቶ ነው የመጣው። ነገር ግን በዚህ ስአት ስለ ኗሪዎቿ ምንነት የማወቅ ፍላጎት ሳይሆን ያለው ደሴ ውስጥ በምንና ኤንዴት የት መደበቅ እንዳለበት ነው።

ዋና መርማሪው እንደ እብድ እያደረገው ለብቻው ብዙ ካወራ በኋላ "እየውላችሁ አሁኑኑ መውጫ በር አካባቢ ላሉ ትራፊኮችና ፖሊሶች መረጃው ይድረሳቸው ፎቶውም ይድረሳቸው ለሁለም ይበተን። ከዛ ጥብቅ ፍተሻ ይደረግ። አሁኑኑ አንቀን ማምጣት አለብን "አለና ወጥቶ ወደ መመርመሪያ ክፍል ሰላማዊትን ማፋጠጥ ጀመረ።

" ትሰሚኛለሽ አንቺ ብትደብቂውም እናገኘዋለን። አሁን በሁሉም ኬላዎችና መውጫዎች ፎቶው ተበትኖ እየተፈለገ ነው። ስለዚህ ብዙ ከምንደክም ያለበትን ንገሪንና ያንቺም ፍርድ ይቀልልሻል።"አለ " ነገርኩህ እኮ ምንም የማቀው ነገር የለም። ባቀው ለምን እደብቅሀለሁ?" አለች " እሱንማ እኔ በምን አውቃለሁ" አለና ጠረንጴዛውን በቡጢ ነረተው። ሰላማዊት ድንግጥ አለችና " በቃ ያኔ ምንም ያልተናገርኩት በጣም ስለፈራሁ ነው" አለች። ምንም አይነት ጥያቄም ሆነ መልስ ሳይመልስላት ወደ ውጪ ወጥቶ ለአቃቤ ሔጉ ያለውን እውነት ከነገረው በኋላ ክስ እንዲመሰረትና ምርመራውን እንዳላቆመ ነገረው።

አቃቤ ሕጉም ከመርማሪው ጋር ስለ ወንጀሉ በደንብ ከተነጋገረ በኋላ ወደ ቤቱ ተመልሶ ያገኘውን ማስረጃ በደንብ ማገላበጥ ያዘ። ሰላማዊት ክስ እስኪመሰረትባት ድረስ በምርመራ በፖሊስ ጣቢያ እንድትቆይ ተደርጋለች።

○○○○
ዳዊት ከመርማሪው ጋር ካወራ በኋላ የራሱን ምርጫና አካሄድ በመጠቀም በጠበቃው በኩል ያለውን መረጃ እየሰበሰበ ስለነበር። ሁሉንም ለማወቅ ቻለ። ሰላማዊት ሌላ ውሽማ እንደያዘች ሲያውቅ " እህቴ ለካ ደርሳበት ነበር። ለዛ ነው የገደለቻት?! ምንስ ቢሆን ታዲያ እንዴት አንዲት እህቴን ትገድልብኛለች?ይሄን ከማድረጓ በፊት እኔን ብትጠይቀኝ እኮ አደርግላት ነበር"ብሎ በቁጭት በቀኝ እግሩ መሬቱን ቀስ ቀስ አድርጎ ደበደበና በሩን በሀይል መታው።

የበሩን ጩኸት ሲሰሙ ተረኛ ጠባቂዎች መጡና " ምን ፈለክ ደግሞ "አለው ጠባቂ ፖሊሱ " ጠበቃየን በስልክ ማውራት እፈልጋለሁ " " ተው እንጂ ማውራት ትፈልጋለህ? ምን አይነቱ ቀልደኛ ነህ ባክህ?። እኔ ደግሞ በዚህ ስአት እስረኛ ስልክ እንዲያወራ ስለማይፈቀድለት እንድታወራ አልፈቅድልህም። ስለዚህ ጥያቄህን ወደ ኪስህ አስቀምጠው"አለ። ወደ ኪስህ አስቀምጠው ሲል ዳዊት ትዝ አለውና " እሽ በቃ ገባኝ አለና ኪሱ ላይ ሁለት መቶ ብር አውጥቶ ሰጠው" ፖሊሱም ግራ ቀኙን ከተመለከተ በኋላ ይዞት ወደ ግድግዳ ስልክ ማናገሪያ ይዞት ሄደ። "

ቶሎ ፈጠን ብለህ ጨርስ ሌላ ጠባቂ ካየህ የድርሻ ይጠይቅሀል" አለ " እሺ ችግር የለም። ትንሽ ነገር ብቻ ነው የማወራው " ብሎት ገባ። ለጠበቃው የሆነ ነገር አለውና ብዙም ሳይቆዩ ወሬያቸውን ጨርሰው ዳዊትም ወደ ፖሊሱ በመጠጋት " ይሄው ቶሎ ጨረስኩ " "ጥሩ ታማኝ ነህ ። በዚህ ከቀጠልክ በየቀኑ እንድታወራ እፈቅድልሀለሁ።" አለና ይዞት ወደ ውስጥ አስገብቶ ከውጪ ቆልፎበት ተመለሰ።

ሰላማዊት ጊዚያዊ የማረፊያ ክፍል ሆና አቤል ሊሄድ የሚችልባቸውን ቦታዎች ገመተች። ነገር ግን የትኛውም ግምቷ እርግጠኛ ሊያደርጋት የሚችል አንዳች ማረጋጋጫ ማግኘተ አልቻለችም። ግምቶቿ ባህርዳር፣ አዋሳ፣ ናዝሬት ቢሆኑም ግን እነዚህ ቦታዎች ስለመሄዱ ሙሉበሙሉ እርግጠኛ አይደለችም። ከእንደገና ደግሞ " እነዚህ ቦታማ አይሄድም። ትኩረትን ሊስቡና ማንኛውም ሰው ይሄድባቸዋል ብሎ የሚገምታቸው ቦታዎች ናቸው። ምን አልባት ከእነዚህ ከተሞች ወጣ ያለ ሌላ አይን የማይስብ ከተማ ነው የሚሄደው። ብቻ ግን የትም ይሂድ የትም ደሕና ይሁን። ይሄን ሁሉ ጣጣ ያመጣሁበት እኔ ስለሆንኩ ጥሩ ኑሮና ጥሩ ቦታ ይገባዋል" ብላ ስለዳዊት አሰበች።

ዳዊት ይሰጣት የነበረውን ፍቅር ና እንክብካቤ አሰበች። ነገር ግን ሁሌም ቢሆን በእሱ ደስተኛ አይደለችም። ዳዊት የእርሱን ስሜት እንጅ የእሷን ስሜት ጠብቆላት አያውቅም።

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_132 𖥧𖤣

... ዳዊት የእርሱን ስሜት እንጅ የእሷን ስሜት ጠብቆላት አያውቅም። ይሄ ደግሞ ሰላማዊትን ሌላ ወንድ እንድትመለከት አድርጓታል። በስራ ጫና የሚበዛበት ዳዊት የሰላማዊትን አይደለም የምልክት ቋንቋዎቿን የንግግር ቃላቶቿን ራሱ መፍታት ተሰኖት ነበር። ለዚህ ደግሞ ሁሌም ይቅርታ ቢጠይቃትም። እርሷ ግን ከቀን ወደ ቀን የእሱ ፍቅር እየወጣላት ሄደች። ሰላማዊት የዳዊትን የውስጥ ቂምና ጥላቻ በየቀኑ ስትመለከት እሱን ማግባቷን ተፀፀተች። ግን ምንም ማድረግ አልቻለችም ሀብታምነቱ መዘነባት። በባህሪው ትታው ከምትሄድ በገንዘቡ መጫዎትን መረጠች። እየቆየች ባህሪውንና ስነልቦናውን እየለመደችው ሄደች። ከዛ በኋላም የእሷን መውለድ አለመቻል ስታውቅ ይበልጥ ዳዊትን መያዝ እንዳለባት አመነች። አምናም የለበጣ ፈገግታዋን ሲወጣና ሲገባ እየሰጠች ለእሱ እንደምትጨነቅና እንደምታስብ በማስመሰል መኖሯን ቀጠለች።

ዳዊት በዚህ ኑሮና በሰላማዊት ደስተኛ ሆኖ ለብዙ አመታት ቆይተዋል። ከቅርብ ጊዚያት በኋላ ግን እንደዛ መቀጠል አልቻለም። ማህደር መጥታ የቤቱን ድባብ በገሀድ ለዳዊት ለማሳየት ሞከረች " ይቺ የማትረባ ዝም ብላ አርፋ ብትቀመጥ ኖሮ ይሄ ሁሉ አይመጣም ነበር። እሷም አርፋ ትምህርቷን እየተማረች ሕይወቷን ትቀጥል ነበር። እኔም ሆንኩ ዳዊት እስር ቤት አንገባም ነበር። ይሄው ባመጣችው ጦስ ራሷ ናት የተጎዳችው። የሞተ ተጎዳ ይላል ያገር ሰው እውነቱን ነው:: ምን አቅለብልቧት የሰው ምስጢር ለማጋለጥ አሰበች።" አለችና በሞተችው ማህደር ትበሳጭ ያዘች።

○○○○
" በሁሉም የክልል ከተሞች ፎቶውና ሙሉ መረጃው ይበተን። ይሄን ወንጀለኛ ካልያዝኩ ከራሴ ጋር እንደተጣለሁ ነው የምቀጥለው። አልችልም..! አልችልም..!! አልችልም..!!! ፖሊስ መሆን አቤልን ሳልይዝ መርማሪ መሆን አልችልም። መርማሪነቴ ለወንበር ሳይሆን የንፁሀንን እንባ በፍትሕ ማበስ አለብኝ። ይሄ ቃልኪዳኔ ነው። በፖሊስነቴ ለሕዝቤ የምሰጠው ስጦታ ይሄን ብቻ ነው። ከእጄ ወጥቷል አምልጧል ብዬ እንደማንኛውም ሰው እጄን አጣጥፌ መቀመጥ አልችልም። እኛ ከሁሉም በላይ ሀላፊነት አለብን። እዚህ የተቀመጥነው። ሁሉም ኢትዮጵያዊ በሰላም ገብቶ እንዲወጣ ሰርቶ እንዲያድግና የመኖር መብቱ እንዲጠበቅና የመኖር መብቱን የተጋፉትን ለፍርድ ማቅረብ ነው። በቃ የፖሊስ ስራ ይሄ ነው።

ስለዚህ አሁን የምናርፍበት ስአት አይደለም። ሌት ከቀን መስራት አለብን። ወንጀለኛ እንዲህ የሚያመልጠን ከሆነ ነገም ሌላ ወንጀለኛ ያመልጠናል። ስለዚህ የቻላችሁትን ብቻ ሳይሆን ከምትችሉትም በላይ ስሩ እኔም ልስራና ይሄን ወንጀለኛ ይዘን ለፍርድ አቅርበን የማህደርን ምዕራፍ እንዝጋው። "አለ ዋና መርማሪ ኮሚሽነር መላኩ ሁሉንም የምርመራ ቡድን ሰብስቦ " እመኑኝ በምታገኙት ገንዘብ ከምታገኙት ደስታ እጥፍ በላይ በስራችሁ ውጤታማ መሆን ትረካላችሁ። ለዛ ነው ፖሊስ ከደመወዙ በላይ በስራው ደስታ አበል የሚያገኘው። እኔ ከእናንተ ተሽዬ ሳይሆን ቦታው ላይ ኃላፊ ምክትል ኃላፊ ምናምን መባል ስላለበት ነው። እንጂ እኔ ከመርማሪ አወቀ በላይ የሆነ እውቀት የለኝም። አሁን ከበፊታችን በላይ ትብብርና መናበብ ያስፈልገናል። እስኪ አቤልን ለመያዝ ይጠቅማል ብላችሁ ያሰባችሁት ሀሳብ ካለ" አለና ሁላቸውንም በአይኑ አማተረ።

ትንሽ እርስ በእርስ ከተያዩ በኋላ አንድ የቡድኑ አባል እጁን አወጣ " እሺ ቀጥል" አለና በእጁ እንዲያወራ ምልክት ሰጠው " አለቃ አሁን ካለን የመረጃ መረብ በላይ ስራችንን ሊያፈጥንልን የሚችል ሀሳብ በየቦታው የእኛን ሰዎችና የፌደራል ፖሊስ በማሰማራት መከታተል "ብሎ ቁጭ አለ። ሌላኛው እጁን አውጥቶ የማውራት እድሉን አግኝቶ " አለቃ እኔ እንደማስበው ደግሞ ከፖሊስና ከፌደራል ሀይሉ በተጨማሪ ሆቴሎንና ፔንሲዮኖች ላይ መረጃ በመስጠት አልጋ ለመያዝ ሲሄድ ያኔ በእነሱ ጥቆማ ልንይዘው እንችላለን"አለና ተቀመጠ።

ሌላኛውም ተነሳና " እኔ ደግሞ አለቃ አቶ አቤል በድንገት ስለሆነ የወጣው በዛ ያለ ብር ኪሱ ላይ ላይኖር ይችላል። ይህም ማለት ወደ የትኛውም ስፍራ ለመሄድ ገንዘብ ያስፈልገዋል። ስለዚህ የአቤልን ስምና ሙሉ መረጃ ሰጥተን እነሱ እንዲከታተሉትና ለሁሉም ቅርንጫፋቸው መልዕክት እንዲሰጡ ማድረግ ቢቻል። ሊያወጣ ሲሄድ ለፖሊስ እንዲጠቁሙ ብናደርግ። ወይም እኛን ቀድሞ ብር አውጥቶ ከተገኘም የመጨረሻውን ብር የወጣበትን ባንክ አካባቢ በማጥናት ልንይዘው እንችላለን"አለና ቁጭ አለ።

ዋና መርማሪ የሁላቸውንም ሀሳብ በጥሞናና በአርምሞ አዳመጠ። ሌሎቹም የራሳቸውን ሀሳብ ካስቀመጡ በኋላ ምክትል መርማሪ አወቀ ተነስቶ " ሁላችሁም ያነሳችሁት ሀሳብ ግሩም ፣በጣም የተሻለና ገዢ ነው። ስለዚህ አሁን ያነሳችሁትን ሀሳብ በአንድ ላይ አዋህደን ሀይላችንን እናጠናክራለን። አሁን የመዝጊያ ሀሳብ ዋና ኮሚሽነር እንስማና ወደ ስራችን እንሄዳለን"ብሎ እድሉን ለዋና መርማሪ መላኩ ሰጠ። ዋና መርማሪ መላኩ ፊቱ ሳይፈታ " በቃ እኔ ብዙ ማለት አልችልም። በጥንቃቄ ና በብልሀት እንስራ ማለት ብቻ ነው የምፈልገው"ብሎ ንግግሩን ቋጨ።

○○○
አቤል ደሴ ከተማ የአውቶብስ መነሀሪያ እንደደረሰ በአድናቆትና በመገረም የደሴን ደጀን ተራራ በአይኑ ከገረመመ በኋላ ፈገግ ብሎ " እውነትም ታሪካዊና አስገራሚ ከተማ ለካ የወሎ እንብርት ደሴ! የሚሉሽ ወደው አይደለም .......!!

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_133 𖥧𖤣

... ለካ የወሎ እንብርት ደሴ! የሚሉሽ ወደው አይደለም " አለና ረዣዥም ህንፃዎቿን እየገረመመ ሲያይ "አልጋ አለ!" ፣ ፔንሲዮን ምናምን የሚሉ ማስታወቂያዎችን እየተመለከተ ከመረጠ በኋላ ወደ አንዱ ፔንሲዮን ቤት ጠጋ ብሎ አልጋ እንዳለ ጥይቆ አልጋ ይዞ የያዘውን እቃ ነገር አስቀምጦ አካባቢው ላይ ያለ ፀጉር ቤት ገብቶ ፀጉሩን ፂሙን ተሰርቶ ራሱን በተወሰነ መልኩ ቀየረ ። አሁን በትንሹም ቢሆን የቀለለው ይመስላል። ነገር ግን ረፍት የነሳው ነገር ቢኖር የስሙ ጉዳይ ነው። ስሙ በየቦታውና በየክፍለሀገሩ ከነፎቶው ሊበተን እንደሚችል አውቋል። ነገር ግን ስሙን ምን ማድረግ እንዳለበት ግራ ገብቶታል። መቀየር አይችል ነገር እንዴት አድርጎ በምንስ መታወቂያ እዚህ ደሴ ደግሞ የሚያቀው ሰው የለውም። በዚህ ግራ መጋባት ላይ እንዳለ አንደኛውን ስልኩን ከፈተውና ጂፒኤሱን አጥፍቶ አልጋው ላይ ጋደም ብሎ ቀጣይ ስለሚያደርገው ነገር ማሰብ ጀመረ።

በብዙ መንገዶች እየታደነ እንደሆነ ሲገባው አንድ ውሳኔ መጣለት። " ያለኝን ገንዘብ በሙሉ ማውጣት አለብኝ። ከዛ በኋላ የተወሰኑ ሰዎችን ባገኝ ከዛ ነገሮችን እጨርሳለሁ።" አለና ተነስቶ የፔንሲዎኑን እንግዳ ተቀባይ ምግብ እንዲመጣለት አዝዞ ወደ መኝታ ቤቱ ተመልሰ። እራቱን በልቶ ተኛ። ከእንቅልፉ እንደተነሳ ቁርስ ነገር ቀማምሶ ወደ አምስት ስአት አካባቢ ያሰበውን ስራ ማስኬጃ ብር ለማውጣት አጠገቡ ካለ የኢትዮጵያ ንግድ ባንክ ሄደ። በጥርጣሬ ባንኩን ዞር ዞር ብሎ ከተመለከተ በኋላ የገንዘብ ማውጫ ፎርም አንስቶ እየሞላ እያለ ወጪ ብሩን ምን ያህል እንደሚያወጣ ግራ ገባው። ትንሽ ብር እንዳያደርግ ሊያንሰው ሆነ አብዝቶ እንዳያወጣ ደግሞ በጥርጣሬ ሊመለከቱኝ ይችላል ትኩረት እስባለሁ ብሎ አሰበና ተጨነቀ። ብዙ ካወጣና ካወረደ በኋላ ስልሳ ሺህ ብር ሊል ሲል ከእንደገና ሀሳቡን ቀየረና ሰማንያ ሺህ ብር ብሎ ከባንክ ደብተሩ ጋር ከእሱ ቀድመው ከተቀመጡት የባንክ ደብተሮች ስር አስቀመጠና ደንበኞች የሚቀመጡበት ወንበር ላይ ተቀምጦ ያደረገውን ኮፍያ ከፍ ዝቅ እያደረገ ወረፋውን መጠበቅ ጀመረ።

ከእርሱ በፊት የነበሩት ሰዎች አገልግሎት አግኝተው ሲጨርሱ የእሱ ስም ተጠራና ወደ መስኮት ጠጋ አለ። ሴቷ የባንክ ሰራተኛ የቡኩ ፎቶንና የአቤልን ፎቶ እያመሳከረች ከተመለከተች በኋላ በተወሰነ መልኩ እንደመጠራጠር ብላ " ይቅርታ መታወቂያህን አንድ ጊዜ ልታሳየኝ ትችላለህ?" አለች። አቤል እንደመፍራት ብሎ " ምነው በሰላም ነው?"አለ " አዎ በሰላም ነው አካውንቱ የእርሰዎ መሆኑን ለማመሳከር ነው።"አለች " እሺ "አለና ፈጠን ብሎ ከኪሱ አውጥቶ ሰጣት። የባንክ ደብተሩ የአቤል መሆኑን ስታረጋግጥ የወጪ ገንዘብ መጠኑን ስታይ ደግሞ ይበልጥ ግራ ተጋባችና " በድጋሚ ይቅርታ አንድ ጊዜ በውስጥ ገብተው ዋና ሰራ አስኪያጁን ያናግሩት "አለችና በትሕትና ጠየቀችው።" ወይኔ ጠረጠሩ ማለት ነው። ፅ ፅ ፅ ፅ ገንዘቡን ማብዛት አልነበረብኝም"አለና ቀስ እያለ ወደ ዋና ስራ አስኪያጁ አመራ።

○○○○
አሁን ሁሉም በየ አቅጣጫው ተበትኗል። የምርመራ ቡድኑ በከፍተኛ ጥንቃቄ እየተከታተሉ ነው። ነገር ግን አቤል እስካሁን የት እንዳለ ሊያውቁ አልቻሉም። የመረጃ አድማሳቸውን ሁሉ አብዝተዋል። በፍርድ ቤት ትዕዛዝ መሠረት የአቤል አካውንት ተዘግቷል። ይሄን ለማድረግ ብዙ ውጣ ውረድ ቢፈጅም በመጨረሻ ግን ለማዘጋት ተችሏል። በተለይ ይሄ ውሳኔ 24 ስአት ሳይሞላው መከናወኑ የዋና መርማሪ መላኩ ቡድን ምን ያህል ርቀት እንደተጓዘ የሚያመላክት ነው። ለዚህ ስራ መሳካት ደግሞ የትኛውም የቡድኑ አባል እንቅልፍ በአይኑ አልዞረም።

በዚህም መሰረት በተባለው መሠረት ለባንኮች ለትራፊኮች ለሆቴሎች ለቴሌዎች የተጠርጣሪውን ሙሉ መረጃ ተበትኖላቸዋል። እንዲሁም በየክልሉ ላሉ የወንጀል መርማሪዎች ከፌደራል መንግስት በአንድ ስአት ውስጥ ትዕዛዝ ተላልፎላቸዋል።" ዛሬ ነው ያመለጠው። ስለዚህ ዛሬ ሲጓዝ ቢውል ዛሬውኑ እንቅስቃሴ አይጀምርም። ነገ ግን ገንዘብ ያስፈልገዋል። ባያስፈልገው እንኳ ጊዜው በሄደ ቁጥር እንደሚያዝ መረብ ውስጥ እንደሚወድቅ ስለሚያቅ በፍጥነት ገንዘቡን ያዘዋውራል። ስለዚህ ገንዘቡን ለማውጣት ሲሄድ ባንኮች በአንዳንድ ጥያቄ እንዲያዘገዩት ይደረጋል። እንዳይጠረጥር አድርገው። በዚህ መሠረት ቀስ አድርገን እንይዘዋለን ማለት ነው"ብሎ ነበር ዋና መርማሪ ኮሚሽነር መላኩ

○○○○
" ሌላ ነገር አሌፈልግም። በቃ አሁን የምፈልገው ውስጤ ላይ ያለው እሳት እንዲቀዘቅዝ ነው። አሁን በጣም እየተቃጠልኩ ነው።ምን ያህል እንደምቃጠል ስላልደረሰብህ አታውቀውም"አለ ዳዊት " እረዳሀለሁ ይገባኛል። ግን የምትፈልጋቸውን ሰዎች አምጥቼልሀለሁ"አለ የዳዊት ጓደኛ። በእርግጥ ያን ያህል ጓደኛ የሚባሉ ባይሆንም ነገር ግን ሁለቱም ችግር ላይ ሲሆኑ እርስ በእርስ ይደጋገፋሉ። ሀሳብ ይሰጣጣሉ እንጂ እንደ ጓደኛ አብረው አይታዩም።" እሺ አመሰግናለሁ በል አንተ ውጣና እነሱን አስገባልኝ"አለ ዳዊት የመጡትን ሰዎች ለማውራት እየጓጓ......!!

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_134 𖥧𖤣

... እሺ አመሰግናለሁ በል አንተ ውጣና እነሱን አስገባልኝ"አለ ዳዊት የመጡትን ሰዎች ለማውራት እየጓጓ "እሺ"ብሎ ወጣና ሰዎቹ ገቡ። ዳዊት ፖሊሶቹን ዘወር ብሎ ከገላመጠ በኋላ ቀዝቀዝ ባለ አነጋገር " መቼም ስለ ጉዳዩ ከጓደኛዬ ሰምታችኋል"አለ ዳዊት በየተራ እየተመለከታቸው ራሳቸውን በአዎንተ ነቀነቁ " እየውላችሁ አንድና አንድ የምፈልገው ጥርት ያለ ስራ ነው። ከዚህ በፊት የቀጠርኳቸው ሰዎች ጀምረው ትተው ነው እኔን አሁን እዚህ ውስጥ ያስገቡኝ። ገንዘቡ ገቢ የሚሆንላችሁ ስራችሁን ስታጠናቅቁ ነው። ታመው ሆስፒታል ገብተው ምናምን አይሰራም በቃ መሞት አለባቸው። አስፈላጊውን ጥንቃቄ ታደርጋላችሁ። ምንም አይነት ፍንጭ እንዳትተው። የሆነ መረጃ ከተዋችሁ የሚያልቅላችሁ እናንተ እንጅ እኔ አይደለሁም እኔ እንደሁ አንድ ጊዜ እስር ቤት ገብቻለሁ"አለ ዳዊት

" ለስራችን ምንም ሀሳብ እንዳይገባህ እኛም ስራ ሳንሰራ ብር አንቀበልም። የምንቀበለው ከሰራን በኋላ ነው። በእኛ ላይ ክህደት ና ውሸት አይሰራም። ስምምነቱን ለሚያፈርስ ሰው የትም ቦታ አንሄድም። ቅጣቱን ራሳችን ነን የምንሰጠው። ለክህደቱም ትልቅ ዋጋ ይከፍላል።"አለ አንደኛው " እሱን አድርጌም አላቅም አላደርግምም የሰውን ዋጋ ወስጄ አላቅም የእኔንም ሲወስዱብኝ ደሽ አይለኝም። ስለዚህ በስራችሁ እርግጠኛ ከሆናችሁ በእኔ በኩል እንዲች ብላችሁ እንዳትጠራጠሩ። የእውነቴን ነው የምላችሁ ሁሉንም ውክልና ለጓደኛዬ መስጠት እችሊለሁ ስለዚህ ስራችሁን ጨርሱ የምትጠይቁትን ደግሞ እኔ እከፍላችኋለሁ።"አለ ዳዊት " እንደዛ ከሆነ ጥሩ መልካም ጊዜ"ብለው ሰላም ብለውት ወጡ።

እነሱን ከሸኘ በኋላ ዳዊት አንዱን ጠባቂ ፖሊስ ጠርቶ ለተወሰኑ ደቂቃዎች ጓደኛውን መልሶ ማናገር እንዲችል እንዲፈቅድለት ጠየቀው። ጠባቂ ፖሊስም "አይሆንም ስአት አልቋል። አሁንም የተጠቀምከው ከበቂ በላይ ነው ስለዚህ ምንም ነገር አትጠይቅ"አለ " እባክህ አስፈላጊ ነው። ትንሽ ደቂቃ ብቻ የምነግረው መልዕክት ስላለ ነው። ከዛ በጭራሽ አላስቸግርህም"አለ ዳዊት በልመና አስተያየት ፖሊሱም ትንሽ ገልመጥ አድርጎ ከተመለከተው በኋላ "እሺ ሶስት ደቂቃ ብቻ"ብሎ የዳዊትን ጓደኛ እንዲገባ መልዕክት ሰጠ። " እየውልህ ብዙ ጊዜ የለኝም። እንደምታየው ብዙ ማውራት ራሱ አይቻልም። ስለዚህ እነዚህ ሰዎች የምፈልገውን የሚያደርጉልኝ ይመስለኛል። ያው ካወራራቸው የተረዳሁት ለስራው ታማኝ መሆናቸውን ነው። በእርግጠኝነት ያጠናቅቁልኛል። "አለ ዳዊት በመጓጓት " እና ስንት ልክፈላቸው?"አለ " እነሱ ስንት ነው ያሉህ?" አለ ዳዊት ጥያቄውን በጥያቄ " " ሰላሳ ሺህ"አለ። ዳዊት ራሱን ነቀነቀና " ይሁን ሁልጊዜ ከምብሰለሰል በሰላሳ ሺህ በቀሌን እበቀላለሁ። ያኔ በሰላም እተኛለሁ ከሕይወቴም ያኔ አስወግዳቸዋለሁ። የእህቴ መሞት ምክንያት የሆኑትን እነርሱን ነው መበቀል የምፈልገው። ስለዚህ በሰላሳ ሺህ ደስ ይለኛል። እነሱ ብቻ አንድም ሰው እንዳይቀር ይጨርሱልኝ"አለ ዳዊት በእልህ ከንፈሩን እየነከሰ።

○○○○
ዋና ስራ አስኪያጁ አቤሌን በደንብ ከተመለከተው በኋላ ጥርጣሬ አደረበት። ምንም እንኳን የተላከላቸው የአቤል ፎቶ አሁን ካለው አቤል የተለዬ ቢሆንም ግን በቀላሉ ሊለቀው አልፈለገም። ዋና ስራ አስኪያጁ ከተቀመጠበት ቀስ ብሎ ተነሳና " ይቅርታ ያው የስራችን ፀባይ ነው። በዛ ያለ ብር ሲሆን ለጥንቃቄና ለባለሒሳቡ ደሕንነት ሲባል እንዲህ ጉዳዩን እንመረምራለን"አለና ትኩር ብሎ ተመለከተው።

አቤል በጭንቀት ልቡ ልትከፈል ደረሰች። ላቡ ከግንባሩ ላይ መፍለቅ ጀመረ። ይሄኔ ዋና ስራ አስኪያጁ የአቤልን ያለቅጥ መደንገጥና መፍራት ሲመለከት ስልኩን ቀስ አድርጎ አውጥቶ ደወለ። አቤል የሚያደርገው ጠፍቶት አንድ ጊዜ ወደሰማይ አንድ ጊዜ ወደ ምድር አቅጣጫ እየተመለከተ ነው። ከተወሰኑ ደቂቃዎች በኋላ ፖሊስ ወደባንኩ በመግባት አቤልን በቁጥጥር ስር አዋለው።


" አሁኑኑ ወደዚህ በፍጥነት አምጡት ምንም አይነት ጊዜ እንዳታጠፉ "አለ ዋና መርማሪ ኮሚሽነር የአቤልን መያዝ እንደሰማ ወዲያው ይሄን ትዕዛዝ ካስተላለፈ በኋላ ደግሞ ለምክትል መርማሪው " ጓድ አሁኑኑ ለቴሌዎችና ለየ ቅርንጫፍ ባንኮች የላክነውን አፋልጉኝ ማስታወቂያ እንዲተውትና ተጠርጣሪው እንደተያዘ ንገራቸው።"አለ ዋና መርማሪ ከነበረበት ጭንቀት ትንሽ ቀለል ያለው ይመስላል። ወንበሩን ወደ ኋላ ለጠጥ አድርጎ ተንጋሎ ከተኛ በኋላ " በስተመጨረሻ አገኘሁህ እስከመቼ ነበር ከእኔ ተደብቀህ ለመኖር ያሰብከው? የማትረባ "

○○○○
ሰላማዊት ፍርድ ቤት ቀርባ። በዳኛው ፈቃድ አቃቤ ህግ ያቀረበባትን ክስ ካሰማ በኋላ እሷና ጠበቃዋ ክሱን የመቃወሚያ ሀሳብ ቢያቀርቡም የግራ ቀኙ ፍርድ ቤት ዳኞች ግን ተከሳሽ በግድያ ወንጀል በአባሪነትና በመሪነት፣ መረጃን ለማጥፋት በመሞከር ፍርድ ቤቱ የየሀያ አመት ፅኑ እስራት ፈርዶባታል። በዚህም ወደ ወህኒ ቤት ገብታለች። ሰላማዊት የያዘችው ነገር እንዲኖራት የምትፈልገው ነገር ስታልመው የነበረው ሁሉ በህልም አለሟ እንደሆነ አሰበች። ቅዠት እንደነበር አመነች። አሁን ሁሉም ነገር ተቀያይሯል። ያላት ገንዘብም ለባሏ እንደመካሻ ሊሰጥ እንደሚችልና ምንም አይነት ንብረት እንደማይደርሳት አመነች።

○○○○
" አባዬ የሆኑ ሰዎች ከእኛ ቤት በር መውጫ ትንሽ ገባ ብሎ መታጠፊያው ላይ ቁጭ ብለዋል።"አለች ሔመን.... አቶ ሙሉሰው ሳቅ አለና " እና ይቀመጡ እንጂ የኔ ቆኖጆ ሰው እዛ ለምን ተቀመጥክ ተብሎ አይወቀስ እ? "አለ " እና ከጧት ጀምረው እኮ ነው"አለች " ከጧት?"አለና ድንግጥ ብሎ ተነሳ "አዎ ጠዋት ወደ ትምህርት ቤት ስትወስደኝም አይቻቸዋለሁ"አለች ሔመን ወይዘሮ ሔዋንና አቶ ሙሉሰው እርስ በእርስ ተያዩ።

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_135 𖥧𖤣

... ጠዋት ወደ ትምህርት ቤት ስትወስደኝም አይቻቸዋለሁ"አለች ሔመን ወይዘሮ ሔዋንና አቶ ሙሉሰው እርስ በእርስ ተያዩ። " እስኪ ና ልጄ ወጥተን እንያቸው "ብሎ ከቀዳማዊ ጋር ወጥቶ ሔመን ባለችው ቦታ ሲያማትር እውነትም የተቀመጡ ሁለት ሰዎች አሉ። ይሄኔ ሙሉሰው ግራ ይጋባና ለዋና መርማሪው ይደውላል። ነገር ግን ዋና ኮሚሽነር ስልክ አያነሳም። ሙሉሰው ይበልጥ ሀሳብ ገባው ወጥቶ ወደ ፖሊስ ጣቢያ እንዳይሄድ ሊገሉት የሚፈልጉ ሰዎች ወይም ቤተሰቡ ላይ ጥቃት የሚያደርሱ ሰዎቾ ናቸው ብሎ በመፍራት የመሄድ ሀሳቡን ሰረዘውና ተመልሶ ወደ ቤት ገባ። " ልክ ነች አይደል?"አለች ሔዋን " አዎ ግን ለፖሊሱ ስደውል ስልክ አያነሳም። ምን አልባት ጥቃት እንዳይደርስብን ጠባቂ ሲቪልፖሊስ አስቀምጦልን ይሆናል። ደግሞ በእርግጠኝነት እንደዛ ነው የሚሆነው። እንጂ እኛን ለማጥቃት የሚፈልግ ሰው አይኖርም። "በማለት የእሱን ፍርሃት በውስጡ ይዞ መላምቱንና የማረጋጊያ ግምቱን ነግሯቸው ዝም አለ።

" ቆይ እንዴት ነው የሚጎዳን ሰው የማይኖረው? ዳዊት አርፎ የሚቀመጥ ይመስልሀል? እንደዛ ብለህማ አትሸወድ እሱ እስር ቤት ቢሆን እንኳ በሰዎቹ አማካኝነት እኛን መጉዳት ይፈልጋል"አለች ሔዋን " ተይ እንዲዚህ አትጨነቂ እምልልሻለሁ ድጋሚ አይፈጠርም። ቃል እገባልሻለሁ"አለና ወደ መኝታ ክፍሉ ገብቶ ወደ አንድ የቅርብ ጓደኛው ጋ ደወለ። " ሃሎ ሙሉሰው "አለ " እንዴት ነህ አዛርያስ "አለ ሙሉሰው " ደሕና ነኝ እግዚአብሔር ይመስገን አንተ እንዴት ነህ? እየበረታህ ነው?"አለ "አዎ መቼም እየሞከርኩ ነው ግን አልቻልኩም ወዳጄ እህቴን ማጣቴን አላመንኩም በጭራሽ። ህልም ውስጥ ያለሁ ነዎ የሚመስለኝ"አለ ሙሉሰው "አይዞህ እንግዲህ ወዳጄ ሌላ ምን እልሀለሁ በርትተህ ቤተሰብህንም ማበርታት አለብህ"አለ አዛርያስ

"እሺ እሺ እየሞከርኩ ነው። እንደው አንድ ነገር ላስቸግርህ ነበር አዛርያስ!"አለ ሙሉሰው " ምን ችግር አለው ጠይቀኝ "አለ አዛርያስ በቅንነት " ያው ያለሁበትን ሁኔታ ታውቃለህ መቼም በስጋት ነው ያለሁት። እና ደግሞ ዛሬ የሆኑ የማላቃቸው ሰዎች ቤቴ አካባቢ አየኋቸው ሙሉቀን እዛው ነው የዋሉት። እና ፈራሁ ልጆቼ አንድ ነገር ቢሆኑብኝስ ብዬ እና ከቻልክ ጠባቂዎችን ብታመጣልኝ እንደ ጋርድም ምናምን ብቻ ፈርጠም ያሉ ቢሆኑ ጥሩ ነው ቤቴንና ቤተሰቦቼን የሚጠብቁልኝ ንቁ ጠባቂዎችን እፈልጋለሁ ። ከዚህ በኋላ ያለፈውን ስህተት መድገም አልፈልግመ።" አለ ሙሉሰው " ምንም ችግር የለም። ይሄማ ቀላል ነው ነገውኑ እናደርገዋለን" አለ አዛርያስ።

" በጣም አመሰግናለሁ አዛርያስ ሸክሜን ነው ያቀለልክልኝ። ያው ጊዜ የሚሰጠው ነገር ስላልሆነ ነው በዚህ ምሽት ራሱ የደወልኩልህ" " እንዴ ሙሉሰው እንኳን ደወልክ አይዞህ በቻልኩት መጠን አብሬህ ነኝ። ለጊዜው እኔ ጠባቂ ስለማያስፈልገኝ ከእኔ ጋ ያሉትን ጥበቆች እልክልሀለሁ። በጣም ጎበዞች ናቸው። የውትድርና ስልጠናም ሰልጥነዋል። የቴኮንዶ ምስክር ወረቀትም አላቸው። ነገውኑ እልክልሀለሁ።ከአንተ ጉዳይ የእኔ አይበልጥም።"አለ አዛርያስ " እውነት በድጋሚ በጣም ነው የማመሰግነው "አለና ቸው ተባብለው ንግግራቸውን ጨረሱ። " ገምቼ ነበር። እንደዛ ያልከኝ እኔ እንዳላስብ እንደሆነ ገባኝ "አለች ሔዋን የሙሉሰውን ንግግር ስታዳምጥ ከቆየች በኋላ በሩን ከፍታ በመግባት ላይ እያለች።

ሙሉሰው ድንግጥ አለና "የማወራውን እያዳመጥሽ ነበር?"አለ " አይ ሁኔታህ ስላላማረኝ ለብቻችን የምታወራኝ መስሎኝ ተተከትየህ ስመጣ ስልክ እያወራህ ነበር ከዛ ባልፈልግም አዳመጥኩ"አለች። "እኔ እኮ እንድትጨናነቂ ስለማልፈልግ ነው!"አለ " የአንተን ጭንቀትስ የማላቅ ይመስልሃል? ጭንቀትህንና ፍራቻህን በሚገባ አውቀዋለሁ። የምትሆነውንና የምታደርገውን በማየት ብቻ ማወቅ አያቅተኝም። ስለዚህ ምንም ነገር አትደብቀኝ። አውቃለሁ ለክፋት እንደማምደብቀኝ። ግን ደግሞ ለብቻህ መጨነቅ የለብህም አብረን ሆነን ነው መፍትሔ ማስቀመጥ ያለብን። ያልነገርከኝ ነገር እንዳለ ሳስብ ይበልጥ እጨነቃለሁ። እና እባክህ የኔ ፍቅር ምንም ነገር አትደብቀኝ።"ብላ ለመነችው። ሙሉሰው በእሺታ አንገቱን አወዛወዘላት።

○○○○
"ይህ አለም የእውነት ያልሆነ አለም ነው። ከጊዜህ ከእድሜሄ ያጣላችኋል። በሆነውም ባልሆነውም እያኳረፈ ዘመናችሁን እየቀነሰው ይሄዳል። ክርስቶስ ይቺን ምድር ለእኛ መኖሪያ ሳይሆን መማሪያ ለማድረግ ነው ለያይቶ የፈጠራት። የአለም ቅርፅና ስፋት በሰው ልብ ውስጥ የተሰፋው ለዚህ ነው። እርሱ ጥበበኛ ፈጣሪ ነው። በሀዘን የሟሸሹ አይኖችን በደስታ ማብራት ይችልበታል። አለም በነውጠኞች፣ በከሀዲዎች፣በፅንፈኞችና በየዋሆች እንድትሞላ የሚሻውም ለዚህ ነው። ሰው መሠረቱን እንዳይረሳ። እንጅ ከሀዲዎችንና አጥፊዎችን ማጥፋት ማውደም ለእርሱ ቀላል ነገር ነበር። ነገር ግን እኛ በእነሱ መገፋት ፈጣሪያችንን እንድናስታውስ ከፈጣሪያችን ጋር እንድንገናኝ ስለሚያደርጉን ነው።......

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

ትምህርት ለመጀመር ሙሉ ዝግጅቴን ጨርሻለው

አሁን የቀረኝ ስንተኛ ክፍል እንደነበርኩና የት ት/ቤት እንደምማር ማስታወስ ብቻ ነው😂😁😁

😇😇😇
  S. H. A. R. E.
🎃  @quoteopia 🎃
🎃  @quoteopia 🎃