𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_107 𖥧𖤣

... እስኪ ቆይ ለቤርሳቤህ እንደውልላትና የምታቀው ነገር እንዳለ እንደጠይቃት" አለና ኪሩቤል ስልኩን ከኪሱ አወጣ " ተወው ባክህ ደግሞ ሌላ ነገር ሊመስላት ይችላል"አለ ታሮስ " ይምሰላታ ታዲያ ዞሮ እኛ ማወቅ ያለብንን እንወቅ" አለና ደወለላት " እ ኪራ ሰላም ነው?" " ሰላም ነኝ ቤርሳ እንዴት ናችሁ እናንተ?" አለ " ደሕና ነን ደሐብ ግን ደሕና አይደለችም ድንገት ፀባይዋ እየተቀያየረ ነው"አለች " ምን ሆና ነው እንደዛ የሆነችው አልነገረችሽም?" " ኧረ አልነገረችኝም ግን ሲመስለኝ ቀዳማዊ ሰሞኑን ባለመምጣቱ በጣም ደብሯታል። ስጠይቃት ደግሞ ስለመምጣቱና ስላለመምጣቱ ምንም አይነት ስሜት እንደሌላት ነው የምትነግረኝ። ከሁኔታዋ እንደተረዳሁት ግን ለእሱ ያላት ስሜት የተቀየረ ይመስለኛል። ያው ከሁኔታዋ ስረዳ እንደዛ ነው። ከቻላችሁ እናንተ አዋሯት"አለች ቤርሳ

" እኛም አውርተናት ነበር ። ማለቴ ታሮስ አሁን ደውሎላት ነበር። እና እሱንም በስርአት አላወራችውም"አለ ኪሩቤል " ስለዚህ ሀሳቤ ልክ ነው ማለት ነው።"ብላ ራሷን ነቀነቀች " እኔ ግን አይመስለኝም አንቺ ጋር ካወራች በኋላ እኛም ተመሳሳይ ጥያቄ ስለጠየቅናት በጥያቄው ተሰላችታ ይሆናል። አንዳንድ የማይመለከቱን ጥያቄዎች ሲደጋገሙብን ያበሳጩናል። ስለዚህ ትክክለኛ ነገር ሳናውቅ ለውሳኔ ባንቸኩል አሪፍ ነው"አለ ኪሩቤል " እሱ ልክ ነህ ግን ምን ላድርግ በድንገት እኮ ነው ቅይርይር ያለችው ደሐብ እንዲህ አይነት ልጅ አልነበረችም። "አለች ቤርሳቤህ " እንደሚመስለኝ ከቀዳማዊ ጋር የሌለ እልህ ተጋብታለች። እሱ እልኋ ደግሞ አበሳጭቷታል እንደዛ ነው የምረዳው ስለዚህ አጠገቧ ሆነን ምን እንደተፈጠረ.ማወቅ አለብን።" አለ ና ኪሩቤል ከቤርሳቤህ ጋር ንግግራቸውን ጨረሱ።

" አሁን ልጁን መውደዷን እርግጠኛ ልሆን ነው መሰል!" አለ ታሮስ "ብየሀለሁ እኮ ወዳዋለች። እና እሱን መውደዷን ደግሞ ማንም እንዲያውቅባት አትፈልግም። ለጓደኛዋ ራሱ አልነገረቻትም። ግን ስታስበው እንዴት አንድ ቀን እንኳ አብሯት ያላወራን ልጅ ትምህርት በመቅረቱ ብቻ ይሄን ያህል ትጨነቅለታለች አይመስለኝም። እኔ ቆይቻለሁ ከጠረጠርኩ አንተ ነህ እንጂ አልገባህ ያለው።"አለ ኪሩቤል " እኔ እኮ እርግጠኛ የሆንኩት በቀዳማዊ ነው እንጅ በእሷ አይደለም። በእርግጠኝነት ልጁ ለእሷ ምንም አይነት ስሜት የለውም። "አለ ታሮስ

" እኔ እኮ የምትገርመኝ እርግጠኛ ነኝ ብለህ የምትነግረኝ ነገር። አሁን ቀዳማዊ ደሐብ እንደምትወደው ብትነግረው እምቢ የሚላት ይመስልሀል?" አለ ኪሩቤል " እሺ የሚላት አይመስለኝም" "አንተ ልጅ ያምሀል ልበል እንዴት ነው ደሐብን እሺ የማይለው? በምን ምክንያት ልጅቱ እኮ ሁሉም ወንድ የኔ በሆነች የሚላት አይነት ቆንጆ ናት"አለ ኪሩቤል "ኡፍፍ ኪራ ደግሞ በቃ እኔ ውስጤ ያለኝ እንግዲህ እሺ እንደማይላት ነው። ከዚህ ውጪ ምንም የሚሰማኝ ነገር የለም"አለና ታሮስ ተነሳ

○○○○○
" አይዞህ አሁን ሁሉም ነገር ተስተካክሏል። ትምህርትህ ላይ ብቻ አተኩር ስለ እኔ አትጨነቅ። የተፈጠሩትን ነገሮች በሙሉ አስተካክላቸዋለሁ። አንተ ገና ሕፃን ልጅ ነህ። ስለምንም ነገር ማሰብ የለብህም። በዚህ እድሜህ ማሰብ ያለብህ ትምህርትህን ብቻ ነው።"አለ ሙሉሰው " እሺ ጋሼ ከነገ ጀምሮ በደንብ አጠናለሁ" አለ ቀዳማዊ

ሕይወት ማብቂያ የለሽ ዘመን ናት። ሕይወት ተቃራኒ ገፆች እየተፈራረቁ የሚነግሱባት ዙፋን ነች። ከወዲህኛው የባህር ዳርቻ ፀሀይ በፈገግታ ከተደበቀችበት ስትወጣ በሌላኛው የውቂያኖስ ክፍል ደግሞ የብርሃን ጨረሯን ቀንሳ ቁልቁል እያዘገመች ትታያለች። በሁለቱም መሀል ግን የፀሀይ ወጋገን አለ። ለአንደኛው ልትጨልም ለሌላኛው ደግሞ ልትነጋለት። አዲስ ተስፋ አዲስ ሕልም ልትሆን ብቅ ስትል ለሌላኛው ግን ትጠልቅበታለች። በቃ ሕይወት ፀኃይ ናት ስታ ሁሉም ነገር አሁን የተስተካከለ ይመስላል። አቶ ሙሉሰው ሙሉበሙሉ ቁስሉ ባይድንለትም ነገር ግን የሕመም ስሜቱ በትንሹም ቢሆን እየቀነሰለት ነው።

○○○○○
"አይ የሆነ ነገርማ ሆኗል። ባይሆንማ ኑሮ አይቀርማም ነበር። አሁን የደሐብ ጭንቀትና ሀሳብ ገባኝ።"አለች ቤርሳቤህ " " እኔን ደግሞ ያስገረመኝ እንዴት እንዲህ በአጭር ጊዜ እጅ ልትሰጥ ትችላለች ነው? የሆነ ያሰበችው ነገርማ አለ። በዚህ መንገድ ልጁን ልትቀርበው አስባ ሊሆን ይችላል።"አለች ሐምራዊ " አንቺ ደግሞ የሌለ ሀሳብ ነገር የምታስቢው አሁን በዚህ ስአት እንዴት እንደዛ ልታስብ ትችላለች። መቼም ሁላችንንም ልትሸውደን አታስብም። የውሸቷን ቢሆን ኑሮ እሱ ሲመጣ ነበር እንዲህ መሆን የነበረባት ። ይሄ ግን በእርግጠኝነት የውሸቷን አይደለም።.....

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_108 𖥧𖤣

... ይሄ ግን በእርግጠኝነት የውሸቷን አይደለም። ""እና እንዴት በአጭር ጊዜ እንዲህ ልትሆን ትችላለች። አንቺ እንዳልሺኝ ከሆነ ልጁ ጋር የተወሰነ ቀናት ብቻ ነው ያወራቺው። ለዚያውም ሰላማዊ ባልሆነ አነጋገር ስለዚህ እንዴት እንዲህ ሊፈጠር ይችላል? እኔ በበኩሌ አላመንኳትም። ሆን ብላ ልጁን ግራ ለማጋባት ነው። " ምን ብሎ ግራ ይጋባል ስለሰሞኑ ስሜቷ እሷ ስለሆነችው ነገር አያውቅም። የሚነግረው ጓደኛም የለውም። ለእሱ የእሷን ሁኔታ እያንዳንዷን የሚነግረው ሰው ቢኖርስ መቼም ግምትሽን እቀበለው ነበር። ነገር ግን ያለምንም ፍንጭ ስሜቷን መጠራጠሬ እንኳ ልክ አይመስለኝም። በዛ ላይ የሆነ ነገር ቢፈጠር ሀሳቧን ብትቀይርና የሆነ ተንኮል ነገር ብታስብ ቀድማ ትነግረኝ ነበር"አለች ቤርሳቤህ

" ይቆርታ ይሄን ስልሽ ግን አንቺንም የዋሸችሽ ይመስለኛል" አለችና "በይ አሁን እሱን እንተወውና ቁርስ እንብላ " አለችና ተነሳች ቤርሳቤህ ግራ እንደተጋባች ተነሳችና ተከተለቻት።

○○○○
ደሐብ የቀን ውሎዋ ምን እንደሚመስል አልጋዋ ላይ ሁና ካሰበች በኋላ ተነስታ ወደ ማንበቢያ ክፍሏ ገብታ የቤት ስራዋን በአግባቡ ሰርታ የተወሰነ ካጠናች በኋላ ትንሽ ራሷን በፊልም ዘና አድርጋ ተኛች። " ቀ ዳ ማ ዊ " ብላ የስሞቹን ፊደል በየተራ ጠራችውና ኮርኒሱን እያየች አይኖቿን ክፍት ክድን አድርጋ ከተገላበጠች በኋላ በአንሶላው ተሸፈነች።

የማይሰሙ ድምፆች ትርጉም ያዘሉ ዝምታዎች እልፍ ቦታ ላይ ዘልቆ የሚገባ እይታ አይኖቹ ላይ በእዝነ ልቦናዋ አስተዋለች። ደሐብ በዚህ እድሜዋ ታስበዋለች ታየዋለች የማይባሉ ነገሮችን የማስተዋል ብቃቱ አላት። ልጀነቷ እጅግ ድንቅ ነበር። ታዲያ በዚህ ሁነቷ የቀዳማዊ እይታና እሳቤ ምን እንደሆነ ለማወቅ ብዙ ሀሳቦችን አውጥታለች አውርዳለች። በዚህ የጥሞናና የተመስጦ ጉዞዋ ላይ ያገኘችው ነገር ቢኖር እነ ቤርሳቤህ ስለ ቀዳማዊ የነገሯት የዋና ችሎታ ነው።" እንዴት እንደነገሩኝ አይነት ዋናተኛ ሊሆን ይችላል? ለዚያውም በዚህ እድሜው ብዙ ጊዜ ቤተሰቦቻችን ለዋና የሚልኩን ትልቅ ስንሆን ነው። በዚህ እድሜ ማንም ፐርፌክት ዋናተኛ አይሆንም። እና ታዲያ እሱ የት ነው የተወለደው? የት ነው ያደገው ለምንስ ለእኔ እንደዛ አይነት ፊት ይሰጠኛል? ከተፈጥሮው ግዴለሽ ሆኖ ነው? ወይስ ጢባር ወይስ ከማንም ጋር ማውራት ስለማይፈልግ? የቱም ይሆን ችግሩ ታዲያ ለዚህ ፀባዩ ምክንያቱ ምንድነው?" እያለች ቀዳማዊ ስላለው ና ስለሚያሳያት ባህሪ በብዙ አቅጣጫ እያሰበች ድንገት በመሀል ታሮስ ደግሞ ትዝ አላት።

ታሮስ የተረጋጋና እጅግ አስተዋይ መሆኑን አሰበች። ታሮስ ጋር በምትሆንበት ጊዜ የሚሰማት ስሜት ትዝ አላትና ፈገግ አለች። ስልኳን አውጥታ አብረው የተነሱትን ፎቶ አቅርባ እየተመለከተች ደስ አላት። ከታሮስ ጋር ከአምስተኛ ክፍል ጀምሮ ነው አብረው የተማሩት። የተለየና አዲስ ባህሪ የማይታይበት ታሮስ አንድም ቀን አስከፍቷትና ተነጋግረው እንደማያውቁ አሁንም በጥሩ ጓደኝነት እንደዘለቁ አስተዋለች። "ታሮስ ላይ እንደዛ መሆን አልነበረብኝም። አሁን ግራ ይጋባል። ለማንኛውም ነገ አወራዋለሁ"

○○○○
ቀዳማዊ የፊዚክስ አጋዥ መፅሐፍን አንስቶ እያነበበ እያለ ሙሉሰው ገባ። የሙሉሰውን መግባት ሲያይ " አቤት ጋሼ ፈለከኝ እንዴ? ምን ላምጣልህ?"አለ " አይ ልጄ ምንም አልፈልግም እንዲሁ ስታነብ ልይህ ብዬ ነው" ብሎ እጁን ከአፉ ጫን አድርጎ ትንሽ ካሰበ በኋላ " ግን የክፍል ጓደኛ የለህም ?" አለ " አዎ የለኝም " " ለምንድነው የሌለህ የክፍል ጓደኛ እኮ ግድ ነው። እንዲህ አሁን ችግር አጋጥሞህ ከትምህርት ስትቀር ያለፈህን ኖት የቤት ስራ ካለ እንድትሰራ ደብተራቸውን ያውሱሀል። አሁን ምን እንዳለፈህ አታውቅም። ስለዚህ አንድ ጥሩ ጓደኛ ቢኖርህ መልካም ነው። አንተም ታግዘዋለህ።"አለ አቶ ሙሉሰው " እሺ ጋሼ እሞክራለሁ። "

በዚህን ጊዜ ሙሉሰው የሆነ ያልተመቸው ነገር እንዳለ አሰበና " በእርግጥ አንዳንድ የሀብታም ልጆች ይኖራሉ። እነሱ ትንሽ ልቅ ና ያለመድከው ባህሪ ያላቸው ሊሆኑብህ ይችላሉ። ግን ደግሞ መጥፎዎች አይመስሉኝም።ያ ካልተመቸህ እንደፈለክ እኔ ብቻህን እንዳትሆን ስለፈለኩ ነው። " አውቃለሁ ጋሼ ልክም ነህ ነገር ግን የተወሰኑ ልጆች አሉ እና እኔ ምንም ስለማልግባባቸው ሁሌ ወደ እኔ እየመጡ "አንተ ማን ስለሆንክ ነው? ምናምን ስለሚሉኝ ነው የማልቀርባቸው። ሌሎቹ ተማሪዎች ደግሞ እነዚህን ልጆች ነው የሚቀርቧቸው። እኔን ያን ያህል ቀርቦ እኔ በፈለኩት መልኩ ጓደኛ የሚሆነኝን ስላጣሁ ነው"አለ ቀዳማዊ " ምን አይነት ልጆች ናቸው?.. .... ??

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_109 𖥧𖤣

...ምን አይነት ልጆች ናቸው?" " ሁሉም ተማሪ ማለት እችላለሁ እነሱ አድርጉ ሲሏቸው ያደርጋሉ ከእኔ ውጪ። ወንዱ ታሮስ ሴቷ ደግሞ ደሐብ ይባላሉ። እና ደግሞ እንዳልከኝ በጣም የሀብታም ልጆች ናቸው " አለ ቀዳማዊ " ጥሩ እንደዛ ከሆነ ከዚህ በኋላ የሚያስቸግሩህ ከሆነ ምንም ሳታቅማማ ንገረኝ። በምንም ታዕምር እንዳትሳቀቅ ደግሞ ስለ አንተ ምንም ነገር እንዳትነግራቸው። ከነገርካቸው ግን ዝቅ ዝቅ ሊያደርጉህ ይሞክራሉና ዝም በላቸው። ምንም አይነት መልስ አትመልስላቸው። እና ደግሞ በምንም አይነት ምክንያት ቢሆን እነሱን ከፍ አንተን ዝቅ አድርገህ ማሰብ የለብህም። እነሱ የሌላቸው ነገር አንተ አለህ። አለቀ። "አለ ሙሉሰው ኮስተር ብሎ "እሺ እኔም ፊት አልሰጠኋቸውም.....

○○○
ቀዳማዊ በጠዋት ተነስቶ አራራ ጊዮርጊስ ከተሳለመ በኋላ ወደ ቤት ተመልሶ የሚይዛቸውን የትምህርት አይነቶች ደብተርና መፅሐፍ ቦርሳው ላይ እያስቀመጠ " ቀዳማዊ ዛሬ ከትምህርት መልስ ታስጠናኛለህ አይደል ያለፈኝን እስካሁን አብረውኝ የሚማሩት ይበልጡኛል እ ቶሎ ቶሎ አጥንቼ እንድበልጣቸው ታደርገኛለህ አይደል?" አለች ሔመን.... ቀዳማዊ እቅፍ አደረጋትና " በደንብ እንጅ እህቴ አንቺ ብቻ ለማንበብ ዝግጁ ሁኝ እንጅ አታስቢ አለ ቀዳማዊ

" አይሆንም ሔሚ እሱም እኮ እንዳንቺ ያለፈውን ማንበብ አለበት ብዙ ትምህርት አምልጦታል። ስለዚህ እሱንም እንዳይበልጡት በደንብ አጥንቶ ማስተካል አለበት። ስለዚህ ብዙ ጊዜውን ባትሻሚው ጥሩ ነው።" አለ ሙሉሰው " ኧረ አባዬ ቀዳማዊ እኮ በጣም ጎበዝ ነው። እነሱ ትተውት ቢማሩም እሱ ግን ይበልጣቸዋል። ዝም ብሎ እኔን ያስጠናኝ" አለች ሔመን...

በሔመን አነጋገር ሙሉሰውና ቀዳማዊ ተያይተው ተሳሳቁ " እሺ በቃ ችግር የለም አስጠናሻለሁ። በደንብ ያለፈሽን ፅፈሽና ጠይቀሽ ነይ የክፍል ስራና የቤት ስራ የተሰጣቸውን ይዘሽ ነይ።" አለ ቀዳማዊ የሔመንን ጉንጮች በእጆቹ እየዳበሰ " እሺ ወንድሜ አመሰግናለሁ" አለችና ተንጠራርታ አቅፋ ሳመችው። ቀዳማዊ በሔመን የበዛ ፈገግታ ተደስቶ ቦርሳውን ይዞ ወደ ትምህርት ቤት ሄደ።...

○○○○○
" አለቃ ከስንት ድካም በኋላ ወይዘሮ ሰላማዊት ያለችበትን ቦታ ባለቤቷ አቶ ዳዊት ተናዟል። የት እንደደበቃት ተናግሯል " አለ ምክትል ኮሚሽነር አወቀ " ፍጠኑ አሁኑኑ መድረስ አለባችሁ። ደሕና ላትሆን ትችላለች።" አለ ዋና መርማሪ ኮሚሽነር " ላሳውቅህ ብዬ ነው እንጂ ትዕዛዝ አስተላልፊያለሁ ወደስፍራው የፖሊስ ኃይል ልኪያለሁ"አለ " ጥሩ አድርገሀል። ይሄን ጉዳይ አንድም ሰው ሳይጎዳ መጨረስ አለብን። ምንም አይነት የነፍስ ማጥፋት ወንጀል ሳይጨመር በዚሁ በነበረው እንዲያልቅ ማድረግ አለብን።

" እሺ ግን አንድ ልነግርህ የምፈልገው ወይዘሪት ማህደር እየረበሸችን ነው። ስራችን ላይ እንቅፋት እየሆነችብን ነው ዛሬ ራሱ በጠዋት ነው የመጣቺው አለ " ምን? እሷ ደግሞ ምን ፈልጋ ነው ምን አድርጉኝ ነው የምትለው?"አለ ዋና መርማሪ ስክርቢቶውን ጠረንጴዛው ላይ አስቀምጦ እጆቹን አነባብሮ በደንብ ትኩረት እየሰጠው።" ወንድሜ ንፁህ ነው። ማንንም አልጎዳም ማንንም ሊገድል አልሞከረም ሁሉም ነገር ተሳቦበት ነው። አቀናብረው ነው ወንጀለኛ ያደረጉት። እያለች ነው የምትጮኸው።" " ለምን እንደዛ ልትል ቻለች ምክንያቷ ምንድን ነው? ወይስ የምታውቀው እውነት አለ? እስኪ ወደ እኔ ቢሮ ላካት" አለ ዋና መርማሪ

ትዕዛዙን ተቀብሎ ምክትል ኮሚሽነር ከቤት ወጣ። " ለምንድነው የስራ ቦታ የምትረብሺው? የሕግ ማዕቀፍን በመረበሽ ወንጀል ተፈርዶብሽ እንደምትታሰሪ አታውቂም?"አለ ዋና መርማሪ "ዋና መርማሪ ወንድሜ ወንጀለኛ አይደለም። በጭራሽ ሊያደርገው አይችልም የተሳሳተ ሰው ነው የያዛችሁት። ወንድሜ ለብዙ አመታት ምንም አይነት የክስ ፋይል የለበትም። ደፍሮ ነፍስ ለማስወጣትም ማፊያዎችን አይደግፍም። ምን አልባት የያዛችሁት በወንድሜ ሚስት ጥርጣሬ ነው"አለች ማህደር

" ስነስርዓት ይዘሽ አውሪ። የምትናገሪውን ነገር መጀመሪያ ማወቅ አለብሽ። ስለምታወሪው ነገር ልታስቢ ይገባል። ፖሊስ ተጠርጣሪን የሚይዘው በከሳሽ ጠርጣሪነትና በአጠራጣሪ ሀሳብና ምልከታ ሳይሆን በማስረጃ ተደግፎ ነው። ወንድምሽ ለማድረጉ ደግሞ በጣም ብዙ ማስረጃዎችን አግኝተናል። ለምሳሌ በዛን ወቅት ማታ ማለትም አቶ መሉሰው በጥይት በተመቱበት እለት ምሽት የነበረው የስልክ ልውውጥ ሌላው ደግሞ ባለቤቱን ራሱን እንደደበቃት ተናዟል። ከዚህ በላይ አቶ ዳዊትን ማስፈረጃ ማስረጃ አያስፈልገንም። ከእሱ ሌሎች ማስረጃዎችን እንደምናገኝም እርግጠኛ ነኝ። ምክንያቱም አሁን ባለቤቱ ያለችበትን ቦታ አውቀናል። እንዲህ ሸንጥሽን ገትረሽ ስትከራከሪለት የነበረው ወንድምሽ ሚስቱን ሳይቀር ነው ያገተው። ያለችበትንም በእሱ እርዳታ አግኝተናል።"አለ

" አይሆንም ይሄ ውሸት ነው። ወንድሜ እንደዛ አያደርግም ጨክኖ የሚያፈቅራትን ሚስቱን አያግትም ይሄ ትልቅ ሴራ ነው።.....

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_110 𖥧𖤣

... ጨክኖ የሚያፈቅራትን ሚስቱን አያግትም ይሄ ትልቅ ሴራ ነው። ሆን ተብሎ እሱ ወንጀለኛ እንዲሆን የተቀነባበረ ነው"አለች ማህደር። ማህደር ለምን እንደዚህ እንደሆነች ለማወቅ በመገረም ለተወሰነ ደቂቃ ያህል እጁን አገጩ ላይ አስደግፎ ከተመለከታት በኋላ " ግን ለምንድነው እንዲህ በድንገት ለአቶ ሙሉሰው ጀርባሽን የሰጠሺው? እሱ አይደል እንዴ ያሳደገሽ ያስተማረሽ። እንደሰማሁት ከሆነ ዳዊት አንድም ቀን ጠይቆሽ አያውቅም። እ በተጨማሪ ደግሞ ለአንቺ ሲል ብዙ ነገር ሆኖልሻል። ታዲያ በድንገት ትላንት ለተዋወቅሺው ወንድምሽ ከለላ የምትሰጪበት ምን ምክንያት ቢኖርሽ ነው? ለምንስ ነው እንዲህ በማስረጃ የተደገፈ እውነት እየነገርኩሽ ለማመን የማትፈልጊው?" ብሎ ጠየቃት ።

" ሁለቱም ወንድሞቼ ናቸው። ዋናው እሱ ነው። ምን አልባት አንዱን ከአንዱ በላይ ለመውደድ ደግሞ ብዙ አመት አብሮ መኖር አያስፈልግም። አዎ ዳዊትን ትላንት ነው ያወኩት። ሙሉሰው ጋ ደግሞ እድሜየን ሙሉ ነገር ግን ዳዊትን የምወድበት ምክንያት እንዳለኝ ሁሉ መሉሰውንም የምወድበት ምክንያት ይኖረኛል የምጠላበትም ምክንያት እንደምወድበት ምክንያት ይለያያል። አሁን ዳዊት ወንጀለኛ አይደለም ማለቴ ለሙሉሰው ጀርባ መስጠቴን የሚያሳይህ ከሆነ እሱን አላውቅም ለእኔ ግን ግድ አይሰጠኝም። ሁለቱንም በአንድ አይን ነው የማያቸው። ዳዊትን ደግሞ በደንብ አውቄዋለሁ በሙሉሰው ጥላቻ ምክንያት ወንድሜን ሳላውቀው ፍቅሩን ሳላጣጥም ኖሪያለሁ። አሁን ደግሞ በሌላ ሰው ጥላቻ ምክንያት ወንድሜን ማጣት አልፈልግም። ስለዚህ ያሉህን ማስረጃዎች በደንብ ተመልከታቸውና ወደ ዋነኛው ወንጀል ብታመራ ጥሩ ነው። ነገር ግን ወንድሜ ላይ ብቻ ችክ ብለህ ትክክለኛ ወንጀለኛውን በነፃነት እንዲራመድ ታደርገዋለህ" ብላ ሌላ ሀሳቧን ልትቀጥል ስትል አቋረጣትና

" እሺ ጥሩ ግን ሌላ ወንጀለኛ ለማግኘት ትንሽ ጭላንጭል እውነት መያዝ አለብን። ወይም ጥርጣሬ ልናገኝ ይገባል። አንቺ የምትጠረጥሪው ሰው ካለ ያን ሰው በድብቅ እንድንከታተለውና እንድንመረምረው የሰውየውን ማንነት ንገሪን። ካልሆነ ግን ዝም ብለሽ ወንድሜ ወንጀለኛ አይደለም ምናምን ብትይ አይሰራም።" አለ " እሺ ገባኝ እኔ የምጠረጥረው ሰላማዊት ራሷን የወንድሜን ሚስት ነው። በእርግጠኝነት መርማሪ እራሷ ናት ይሄን ሁሉ ያቀናበረችው" አለች ማህደር። " ኧረ ለምን እሷን ጠረጠርሻት? ከወንድምሽ ዳዊት ጋር ፀብ አለባት? ወይስ ሙሉሰው ጋር? " "ከሁለቱም ጋር የለባትም። ነገር ግን በጣም ገንዘብ ወዳጅ ናት። በዚያ ላይ ወንድሜን ዋሽታዋለች። መውለድ እንደማትችል አልነገረችውም። ዝም ብላ ያልሆነ ምክንያት እየሰጠችው ነው አብራው ያለችው" " እና ይሄን አንቺ እንዴት ልታውቂ ቻልሽ?"

" እ እ እንዴት አላውቅም አንዳንድ ጥርጣሬዎች ፈጠሩብኝና እንደ ጓደኛ አቅርቢያት የሆነ ጊዜ ላይ ሀኪም ቤት እንሂድ ብዬ ይዣት ሄድኩ በዚያው ለዶክተሩ እሷ ሳታውቅ ምርመራ እንዲያደርግላት ነገሬው አደረገላት ከዚያ ሁሉንም ማወቅ ቻልኩ።'' እና እሱን ማስረጃ አሁን አለሽ? ልትሰጪኝ ትችያለሽ?" " አሁን የለኝም ግን ማምጣት እችላለሁ።" ጥሩ ነው ምን አልባት ለዚህ እውነት ባይሆነን ለሌላ ድብቅ ነገር መክፈቻ ቁልፍ ስለሚሆነን ማስረጃውን ትሰጭኝና በአግባቡ እንመረምረዋለን። "

" እሺ ደስ ይለኛል።አሁን ከጨረስን መሄድ እችላለሁ?" አለች ከተቀመጠችበት ለመነሳት በእጆቿ የወንበሩን መደገፊያ ይዛ " አዎ ትችያለሽ። ግን ሁለተኛ እስከዛሬ እንዳደረግሺው ለሌሎች የፖሊስ አባላትን እንዳትረብሺ። ይሄን ቃሌንና ማስጠንቀቂያን ችላ ብለሽ ካገኘሁሽ ግን ያለምንም ጥያቄ አስርሻለሁ። አንቺ እንደ ተጎጂም እንደ ሕዝብም ጥቆማ መስጠት ትችያለሽ ነገር ግን እርግጠኛ ባልሆንሽበት ነገር ሌላ ሰው ላይ መጠቆም ራሱን የቻለ ወንጀል ነው። ፖሊስ የራሱ አሰራር አለው። በቃ ለጊዜው ይህን ነው የምልሽ በድጋሚ ላስታውስሽ ተማሪ ነሽ።' ብሎ በሩን በእጁ ምልክት አሳያት

○○○○○
ምክትል መርማሪ ኮሚሽነር አወቀ ወይዘሮ ሰላማዊትን ከታገተችበት ስፍራ አውጥተው ወደ ሆስፒታል ይዘዋት ሄዱ። ከአዲስ አበባ ወጣ ብላ በምትገኘው ሞጆ በምትባል ከተማ በአንድ ባዶ ቤት ውስጥ ለቀናቶች የቆየችው ወይዘሮ ሰላማዊት ምንም ሳትሆን ነው የተገኘችው። አሁን ደግሞ ይበልጥ ጤነነቷን ለማረጋገጥ ሙሉ ምርመራ እየተደረገላት ነው። ሁሉንም ነገር ምክትል መርማሪ አወቀ ለዋና አለቃው ሲነግረዋ ዋና መርማሪ ማህደር ያለቺው ትዝ አለውና 'እስኪ ዶክተሩን በዛው ማርገዝ እንደማትችልና እንደምትችል እንዴት ማወቅ እንደሚቻል ጠይቀው።

በአጭሩ መኸን መሆኗንና አለመሆናን የሚያረጋግጥ ምርመራ በዚያው እንዲያደርግላት ንገረው። እሱ ውጤት ያስፈልገናል። ስለዚህ ይሄን ለማወቅ ደግሞ ከዚህ ቀን ሌላ የተሻለ የለም።"አለ " እሺ አለቃ እንዲሰራልን እንነግረዋለን።"አለ መርማሪ አወቀ ራሱን በአዎንታ እየነቀነቀ። ንግግራቸውን እንደጨረሱ ዶክተሩን ጠራውና ያለውን ነገር ነገረው። ዶክተሩ በእሺታ ጥያቄውን መልሶ የሁሉንም ናሙናዎች ወደ ላብራቶሪ ላከ።

ከተወሰኑ ስአታት በኋላ የሰላማዊት ላብራቶሪ ውጤት ደረሰ። ሀኪሙ ሁሉንም ውጤቶች ከተመለከተ በኋላ። ታካሚዋ በሙሉ ጤንነት ላይ ትገኛለች። ምንም የሚያሰጋ ነገር የለባትም።'' አለ ሀኪሙ " እናመሰግናለን ዶክተር የዛኛው ምርመራስ?' አለ......!!!!!

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_111 𖥧𖤣

... እናመሰግናለን ዶክተር የዛኛው ምርመራስ?' አለ ስለእሱ ምንም ስላላለው የረሳው መስሎት" ያኛው ምርመራ ይቆያል ከሁለት ቀን በኋላ ይደርሳል። ብዙ ናሙናዎችን ነው ማየት ያለብን። ስለዚህ ሲደርስ አሳውቃችኋለሁ ስልክህን ትተህልኝ ልትሄድ ትችላለህ።" ብሎ ወደ ሰላማዊት ክፍል ገባና " ወይዘሮ ሰላማዊት አሁን በሙሉ ጤንነት ላይ ነሽ። ስለዚህ የተወሰኑ ጥያቄዎችን ስለምንጠይቅሽ ወደ ጣቢያ መሄድ አለብን።' አለ ምክትል መርማሪ አወቀ።

ሰላማዊት ቀና ብላ ካየችው በኋላ " ገና ከድንጋጤየ እኮ አልወጣሁም። ምን ሊፈጠር እንደሚችል አላወቃችሁም ምን አልባት ልሞትም እችል ነበር። ስለዚህ ትንሽ እቤቴ ማረፍ እፈልጋለሁ"አለች።'' ታርፊያለሽ ግን ከዚያ በፊት ዋና መርማሪ የተወሰኑ ጥያቄዎችን ሊጠይቅሽ ይፈልጋል "አለ ወይዘሮ ሰላማዊት የሙሉሰውን መዳን ስትሰማ ግራ ተጋባች። አንዳንድ ሀሳቦችን እያወጣች እያወረደች ማንም ምንም ሳይጠይቃት ፖሊስ ጣቢያ ከደረሰች በኋላ ወደ ዋና መርማሪ ክፍል አስገቧት።

○○○○
ቀዳማዊ ክፍል ውስጥ ተቀምጦ ደብተሩን ያገላብጣል። በዚያውም ያለፉት ቀናት መምህሮች ስለሚጠይቁት ጥያቄ መልስ የሚሆን እያሰበ እያለ ታሮስና ኪሩቤል እያወሩ ገቡ። ታሮስ ቀዳማዊን ሲመለከተው ድንግጥ ብሎ " ልጁ መጣ " አለ " እና ቢመጣስ ወትሮስ ላይመጣ ነበር አለ ኪሩቤል " በእናትህ ኪራ ሌላውን ነገር ተወውና እናውራው በንፁህ ልብ አለ ታሮስ " እሺ እንደፈለክ" "ታዲያ ሌላ ነገር እንዳትቀባጥር አለ ታሮስ በማስጠንቀቂያ አዘል "እሺ የምር ምንም አልልም"አለ ኪሩቤል " የእውነት ሌላ ነገር ብትቀባጥር በጣም ነው የምቀየምህ" " እሺ አልኩህ እኮ ታሮ ምን ሆነክ ነው? ይሄን ያህል የምታስጠነቅቀኝ" "ያው የምትለው ነገር አይታወቅም ብዬ ነዋ"ብሎ ተራመደ ኪሩቤል ተከተለው።

ቀዳማዊ የተቀመጠበት ወንበር አጠገብ ታሮስ ተቀመጠ። ቀዳማዊ ቀስ ብሎ ሲዞር ታሮስ ነው። ምንም ሳይመስለው ወደ ማንበቡ ተመለሰ። ቀዳማዊ እንደለመዱት ሊሆኑ ነው ብሎ ስላሰበ ብዙ ቦታ አልሰጣቸውም።" ይቅርታ ቀዳማዊ ካላስቸገርኩህ የሆነ ጥያቄ ልጠይቅህ ነበር" አለ ታሮስ። ቀዳማዊ አንገቱን ቀና አድርጎ " ምን አይነት ጥያቄ?"አለ " ምን ሆነህ ነው ሳምንቱን ያልመጣኸው? ያው የሆነ ነገር አጋጥሞህ ነው ብለን ስላሰብን ነው የጠየኩህ" አለ ታሮስ ጨዋነት በተሞላው አነጋገር

" ሰዎች ስለ አንተ ማወቅ ይፈልጋሉ። ሁልጊዜም ዝምተኛና ለመናገር ቁጥብ ስትሆን ሰዎች ስለ አንተ ማንነት ምንነት ለማወቅ ይፈልጋሉ። ዝምታህን እይታህን ሁሉ ሳይቀር በራሳቸው መላምት ሊዘረዝሩት ይችላሉ። የተደበቀ ነገር ስናይ ሁሌም እኛ እንደዚህ ነን። አንተም ይበልጥ አለመናገርን በመረጥክ ጊዜ በዝምታህ ምክንያት ጫና ይደርስብሀል። ሰዎች ቁስልህን ለማከክ ና የቁስልህን ቦታ ለመንካት አሳዛኝም አዛኝም መስለው ይቀርቡሀል። በእርግጥ ይሄን ለምን እንደምነግርህ
አላውቅም ። ምክንያቱም በዚህ እድሜህ ስለ ሰው ልጅ ባህሪ ውስብስብነት የመረዳት ደረጃው ላይ አይደለህም ነገር ግን ሰዎች ስለ አንተ በጠየቁህ ቁጥር ይችን ንግግሬን አስታውስ ብሎ ሙሉሰው የነገረውን አስታወሰና " አዎ በሰላም ነው። ዝም ብዬ እንዲሁ አንዳንድ የቤተሰብ ስራዎች ነበሩ። እነሱን እያገዝኳቸው ነበር አለ ቀዳማዊ። ታሮስ የቀዳማዊን አጭር መልስ ከሰማ በኋላ ትንሽ ዝም አለና…::

" በእርግጥ የአንተን ችግር ለመጠየቅ የሚያስችል የጓደኝነት ደረጃ እንዳልደረስኩ አምናለሁ። ግን የምትናገረው ነገር ካለ የምታወራው ሰው ከፈለክ አለሁኝ።" አለና ከተቀመጠበት ወንበር ተነሳ " እየውልህ ጓደኛዬ ታሮስ በጣም መልካም ነው። የጠየቀህ ስለምታሳዝነውና ስለሚያዝንልህ ነው። እኔም ቢሆን ከእሱ ስሜት ተቃራኒ አይደለሁም። ጥያቂያችን ግራ ሊያጋባህ ይችላል። ግን ማወቅ ያለብህ ምንም አስበን ሳይሆን እንዲሁ ምን እንደሆንክ አውቀን የምንረዳህ ነገር ካለ እንድንረዳህ በማሰብ ነው"አለ ኪሩቤል። " ገብቶኛል። ስለሁሉም ነገር በጣም አመሰግናለሁ። እኔ ግን ምንም አይነት እርዳታ አያስፈልገኝም"አለ ቀዳማዊ ታሮስ በቀዳማዊ መልስ ብሽቅ ብሎ ወጣ ኪሩቤልም ተከትሎት ወጣ።

እነሱ ወጥተው ብዙም ሳይቆዩ ሁሉም ተማሪ ወደ ክፍሉ ገባ ደሐብ እንደገባች ቀዳማዊ የሚቀመጥበትን ወንበር ስትመለከት ቀዳማዊ የለም። "ዛሬም አልመጣም?" አለችና ሁልጊዜ የምትቀመጥበት ወንበር ላይ ተቀመጠች። መምህሩ ገብቶ የእለቱን የትምህርት ርዕስ ጥቁር ሰሌዳው ላይ በትልቁ ፃፈው። " እሺ ወደ ትምህርታችን ከመግባታችን በፊት ቅዳሜና እሁድን እንዴት አሳለፋችሁት?" አለ። ሁሉም ዝም አለ።

" ጥሩ እሺ አንተ እንዴት ነው ያሳለፍከው?"አለ ፊት ለፊት ወንበር የተቀመጠውን ልጅ " እኔ የቤት ስራየን በመስራት ና በመጫወት አለ " ጎበዝ እሺ አንተስ?' አለ ሌኛውን ከመሀል የተቀመጠውን ልጅ በጣቱ እየጠቆመ።" እኔ ቅዳሜን የቤት ስራዬን ስሰራ ቆይቼ ከዛ ደግሞ አጠናሁ። እሁድ ደግሞ ፕሌይስቴሽን ከወንድሜ ጋር እየተጫወትኩ ነው ያሳለፍኩት።"

ጥሩ ሁላችሁም በተለያየ መንገድ እንደምታሳልፉት እርግጠኛ ነኝ። ዋናው ጊዚያችሁን በአግባቡ መጠቀማችሁ ነው።" አለና ሁሉንም ተማሪ ካማተረ በኋላ ቀዳማዊን አየው " አንተ ሳምንቱን ለምንድነው ያልመጣኸወ?" አለ ኮስተር ብሎ " የቤተሰብ ችግር አጋጥሞኝ ነው አለ ቀዳማዊ " እኮ ምን አይነት ችግር?" ቀዳማዊ ምንም አልመለሰለትም ዝም አለ " ደግሞ ዝም ትለኛለህ እንዴ? ውጣ በእኔ ክፍለ ጊዜ ወላጅ ሳታመጣ እንዳትገባ ብሎ አስወጣው።......!!!????


🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_112 𖥧𖤣

... ውጣ በእኔ ክፍለ ጊዜ ወላጅ ሳታመጣ እንዳትገባ" ብሎ አስወጣው። ቀዳማዊ ቀስ ብሎ ደብተሩን ቦርሳው ላይ አስገባና ወጣ። ሁሉም ተማሪ አንድ ላይ ሳቁ " ዝም በሉ! እኔ የሚቀር ተማሪ አልወድም። በርግጥ ችግር ያጋጥማል ነገር ግን በጤና እክል ካልሆነ ሳምንት የሚያስቀር የቤተሰብ ችግር አያጋጥምም። ልትቀሩ ካሰባችሁ.ደግሞ መጀመሪያ ልታስፈቅዱኝ ይገባል። ስምጠሪያችሁና የባዮሎጂ መምህራችሁ ነኝ።" አለና ኖት መፃፍ ጀመረ።

ደሐብ ቀዳማዊ በመምጣቱ ደስ ቢላትም ነገር ግን በመምህሩ ድርጊት ተናዳለች።ተማሪዎቹን ጠላቻቸው። ዘወር ብላ ገላመጠቻቸው።

○○○○
ወይዘሮ ሰላማዊት ዋና መርማሪ ቢሮ ገብታ " ለምን እዚህ መጣሁ እረፍት እንኳ ማድረግ አልቻልኩም። አሁን ትልቅ ጭንቀት ላይ ነኝ የገዛ ባለቤቴ እንደዛ ያደርገኛል ብዬ አስቤም አልሜም አላውቅም። እና እባክህ ዋና መርማሪ በዚህ ሁኔታ ሁኜ ምንም የሚጠቅም መረጃ ልሰጥህ አልችልምና ተረዳኝ" አለች። ዋና መርማሪ እስክትጨርስ ከጠበቃት በኋላ

" እስኪ ወይዘሮ ሰላማዊት ስለዛ ምሽት የምታስታውሺውን ንገሪኝ ምን ነበር የሰማሽው ባለቤትሽስ ለምንድነው ያሳገተሽ?" አለ " ምን ምክንያት ሊኖረው ይችላል ያው በዛ ስአት ምን ሲያዝ እንደነበርና ሙሉሰውን ለማስገደል ገሆኑ ሰዎች ጋር እያወራ መሆኑን ስለሰማሁትና ምስጢሩን ስለደረስኩበት ነዋ" አለች " በወቅቱ ለምንድነው ለፖሊስ ሪፖርት ያላደረግሺው?" አለ አይኗን በደንብ እየተመለከተ " በወቅቱ ለፖሊስ ያላሳወኩት ባለቤቴ አደጋ ውስጥ እንዳይሆን ብዬ ነበር። ነገር ግን ለእህቱ ደውዬ ነግሪያታለሁ እሷ ግን ከእኔ ጋር ባላት ጥላቻ ምንም ልታምነኝ ባለመፈለጓ ይሄ ሁሉ ተፈጠረ። ባለቤቴም ሁሉንም ነገር እንዳወኩ ሲያውቅና ለእህቱ እንደነገርኳት ስነግረው ተናደደብኝና ያገኛችሁኝ ቦታ አስሮ አስቀመጠኝ።" አለች

" እህ ለምንድነው ባለቤትሽ ወንድሙን ሊገድል የፈለገው? " ሁለቱ ምንድነው የሚያገናኛቸው ምን ጉዳይ ቢኖራቸውስ ነው እንደዚህ የከረረ ፀብ ውስጥ የገቡት። ባለቤትሽ ምንም ነገር አልነገረሽም? እስኪ ለማስታወስ ሞክሪ ሊጠቅመን ይችላል።" አለ ዋና መርማሪ " መርማሪ የማቀውን ነገር ነው የነገርኩህ ከዚህ ውጪ ምንም ነገር አላውቅም።" አለች " እሺ አንቺና አቶ ዳዊት ልጅ የላችሁም አይደል?" አለ ።ሰላማዊት ድንግጥ አለችና " ምን ለማለት ፈልገህ ነው? " አለች በንዴት " ምን ለማለት እፈልጋለሁ ብለሽ ነው ያው ብዙ አመታችሁ ነው ከተጋባችሁ ግን ልጅ የላችሁም ምን ሆናችሁ እንዳልወለዳችሁ አላውቅም"አለ

" ዋና መርማሪ ሲመስለኝ ምርመራህ ስለግድያ ሙከራ እንጅ ልጅ ስላልወለዱ ባለትዳሮች አይደለም ። ይሄን ከሆነ የምትመረምረው ደግሞ በአገሩ ብዙ ልጅ የሌለበት ትዳር አለ እና በደንብ እየዞርክ መርምር። እኛ ግን ያልወለድነው አሁን መውለድ ስለማንፈልግ ነው። ስለዚህ የባለትዳርን ምስጢር ለማወቅ መሞከር በራሱ ትልቅ ስህተት ነው። እንዲህ ብሎ ጠየቀን ብዬ ለዋና አለቃህ ብናገር ከስራህ ትነሳለህ አለች ሰላማዊት" ማስፈራሪያሽን ተይውና ለሌላ ጥያቄ ስንፈልግሽ መምጣታችን ስለማይቀር ከአዲስ አበባ እንዳትወጪ ታግደሻል። ለሁሉም የትራንስፖርት አገልግሎት ፋይልሽን እንበትናለን። የእናንተ ቤት በምስጢር የተሞላ ነው። አንዱ ሲባል አንዱ ለማንኛውም ሁሉንም ነገር እደርስበታለሁ'። አሁን መሄድ ትችያለሽ ወይዘሮ ሰላማዊት" አለና ከክፍሉ አስወጥቷት ስልኩን አንስቶ ደወለ።

" እስኪ አንድ ጥያቄ ልጠይቅሽ ወይዘሮ ሰላማዊት የምትከታተልበት የሕክምና ጣቢያ የለም አታውቂም?'' አለ ዋና መርማሪ ከንፈሩን ነክሶ፡ "አውቃለሁ በደንብ እኔ እንደውም ስለእሷ ልጠይቀው ሄጄ ነበር። በውሸት ሪፖርት መለሰኝ እንጂ ለማንኛውም አድርሻውን በመልዕክት ልላክልህ" አለችና ስልኩን ዘግታ የክሊኒኩን አድራሻ ላከችለት። መልሳ ደወለችለት " እሺ ወይዘሪት ማህደር ደርሶኛል። ለትብብርሽ አመሰግናለሁ " አለ " ምንም ነገር ሳታገኝ አታመስግነኝ። ደግሞ ግዴታዬ ነው የማቀውን መረጃ የመስጠት ይልቅ መፍጠን አለብህ። አሁን ስለጉዳዩ ልትጠረጥር ስለምትችል መረጃዎችን ታሸሻቸዋለች ወይም ልታጠፋቸው ትሞክራለች ስለዚህ ዋና መርማሪ አሁኑኑ መፍጠን አለብህ። ወይም ስልኳን መጥለፍ ትችላለህ አለች ማህደር " እሺ ትዕዛዝሽን ተቀብያለሁ "ብሎ አሾፈባትና ስልኩን ዘግቶ ያለውን ነገር ለምክትል መርማሪ አሳወቀውና ወይዘሮ ስላማዊትን በጥብቅ እንዲከታተሏት ትዕዛዝ እንዲያስተላልፍ ነገሮት ገባ፡፡

ወንበሩ ላይ ተቀምጦ እስክርቢቶውን በሌባ ጣቱና በመሀል ጣቱ መሀል አድርጎ እያሽከረከረ ፊት ለፊቱ የሰቀለው ሸራ ላይ ፎቷቸውን የለጠፋቸውን ሰዎች ተመለከተ ዳር ዳርና ዳር አቶ ዳዊትና ወይዘሮ ሰላማዊት ከዳዊት ጎን ዝቅ ብላ ደግሞ ማህደር ከእነሱ መሀል ደግሞ አቶ ሙሉሰው።

ከወንበሩ ቀስ ብሎ ተነሳና የሶስቱንም ፎቶ እያፈራረቀ ካየ በኋላ እጁን አገጩ ላይ አስደግፎ ቆይ እናንተ ከአቶ ሙሉሰው ምንድን ነው የምትፈልጉት? የዳዊትን ፎቶ በቀስት ወደ ሙሉሰው ፎቶ አመልክቶ በፓርከር አደመቀው። የሰላማዊትን ፎቶ ደግሞ ወደ ዳዊት በቀስት ካገናኘ በኋላ የማህደርን ፎቶ ዝም ብሎ በደማቁ አከበበውና ወደ ሶስቱም ፎቶዎች አገናኛት።.....!!


🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_113 𖥧𖤣

... የማህደርን ፎቶ ዝም ብሎ በደማቁ አከበበውና ወደ ሶስቱም ፎቶዎች አገናኛት። " ከአቶ ሙሉሰው ምን አጥተሽ ነው? ወይስ ምን አድርጎሽ ነው? በድንገት እንዲህ ጠላትሽ ያደረግሺው? ከሰላማዊት ጋርስ ምንድን ነው ያጋጨሽ? የጥቅም ጉዳይ ነው? ከሰላማዊት ጋር ጥርስ ያናከሰሽ? እህ አሃሃሃ የወንድምሽን ገንዘብ እንዳትወስድበት?? ለምን በምን ምክንያት?'' አለና የማህደርን ፎቶ ትኩር ብሎ ተመለከተው።

" ለጊዜው የፈለጋችሁትን ያህል ብትወሳሰቡም እኔ ግን እደርስበታለሁ። ምን አልባት ቀናት ሊፈጅብኝ ይችል ይሆናል። ነገር ግን ከእኔ ተደብቆ የሚቀር አንዳችም የወንጀል ሪከርድ የለም። ስለዚህ ከእያንዳንዳችሁ ጀርባ ያለውን ተንኮል ጥላቻ እደርስበታለሁ።''አለና ወደ ወንበሩ ተመለሰ።

○○○○○
ቀዳማዊ ከክፍል ወጥቶ በረንዳው ላይ ተቀመጦ ለሁለት ተከፍሎ ሀሳቡን በየተራ እያደመጠ ነው። አንደኛው ልቡ ወደ ቤት ስለመሄድ ሲነግረው ሌላኛው ልቡ ደግሞ ይህኛውን ክፍለጊዜ አሳልፈህ ከሁለተኛው ጀምሮ ተማር ይለዋል። እንደገና ይሄን ሀሳብ ደግሞ የሚሽር ሀሳብ ይመጣበታል። ሌሎቹ መምህራኖችስ ቢያስወጡኝ?" አለ። በመጨረሻ ቢያንስ ከስምጠሪው መምህር ጋር ሁለት መምህራኖችን ማየት እንዳለበት አምኖ መጠበቅ ጀመረ። በዚህ ምክንያት ብዙ ሀሳቦችን እያወጣ እያወረደ ሳለ የመጀመሪያው ክፍለ ጊዜ አለቀ። ቀዳማዊ ደወሉን ሲሰማ ወደ በሩ ጠጋ አለ። " አንተ ጋር ገና አልጨረስኩም ወላጅህ ጋር እናወራለን።" አለና ሄደ ቀዳማዊ ያለውን ካዳመጠው በኋላ ወደ ክፍል ገባ።

የፊዚክስ አስተማሪ ስአቱን ጠብቆ ወደ ክፍሉ ገባና ጥቁር ሰሌዳውን እንዲያጠፋለት ዳስተሩን ፊት ለተቀመጠ አንድ ተማሪ ሰጥቶ " አርብ ምንድን ነው የተማርነው? ምን ላይስ ነው ያቆምነው? አርብ ከተማራችሁት ያልገባችሁ ነገር አለ?" አለ። አለም የለምም ያለው ተማሪ አለመኖሩን ሲያይ " ዝምታችሁን እንደገባችሁ አድርጌ ወስጄዋለሁ። ለማንኛው በባለፈው ትምህርታችን ምሳሌ ሁለት ጥያቄ እሰራላችሁና የክፍል ስራ ደግሞ እሰጣችኋለሁ። ስለዚህ በደንብ ተከታተሉኝ" አለና ሁሉንም ተማሪዎች እስከ ጥግ ሲያይ አንገቱን የደፋ ተማሪ ተመለከተ።

" ማነህ አንገትህን የደፋኸው ቀና በል እስኪ አለ። ቀዳማዊ ካቀረቀረበት ቀና አለ። እንዴ ቀዳማዊ ምን ሆነህ ነው አንገትህን የደፋኸው?"አለ መምህሩ ወደ እሱ አቅጣጫ እየተራመደ፡ ቀዳማዊ ምንም አልመለሰለትም 'አሞህ ከሆነ ችግር የለም ፈቃዴን እሰጥሀለሁ" አለ " አይ መምህር አላመመኝም" እሺ እንደዛ ከሆነ በደንብ ተከታተል አለና ትንሽ አሰብ አደረገና " ቆይ ሳምንቱን አላየውህም ምን ሆነህ ነው የቀረኸወ?" አለ ቀዳማዊ የፈራውን ጥያቄ ጠየቀው። አንገቱን በመድፋቱ ተናደደ፡ በእርግጥ አንገቱን የደፋው መምህሩ ሲገባ አይቶት እንዳያስወጣውና ሌላ ተማሪ ነው ብሎ እንዲያስብ ለማድረግ ቢሆንም አሁን ያመጣበትን ጥያቄ ሲያስብ በአድራጎቱ ተቆጨ። " የቤ የቤ የቤተሰብ ችግር አጋጥሞኝ ነው" ብሎ ተንተባተበ። " እና አሁን ችግሩ ተፈትቷል?' አለ መምህሩ " አ አዎ" አለ ቀዳማዊ እንደመሳቀቅ ብሎ ጥሩ ዋናው መፈታቱ ነው። በል ያለፉህን ኖቶችና አንዳንድ ጥያቄዎችን ገልብጠህ አንብብ ያልገባህ ነገር ካለና የተለዬ ሁኔታ ከገጠመህ በግል ልትጠይቀኝ ትችላለህ። ቢሮዬም መምጣት ትችላለህ። በነገራችሁ ላይ ይሄ ለቀዳማዊ ብቻ አይደለም ለሁላችሁም ኘው በየትኛው ቦታ ብሆን ያልገባችሁ ነገር ካለ ጠይቁኝ። ፊዚክስ ቀን በቀን ልትሰሩት የሚገባ ትምህርት ነው። እንደሌሎቹ ትምህርቶች ቀላል ካልኩሌሽንና ተሸምዳጅ አይደለም። ፊዚክስ የሁሉ ነገር መሠረት ነው። የፊዚክስ አሻራ የትም ቦታ አለ። አለምን ለተለዬ ስልጣኔ የዳረጋት የሕይወት ወሳኙ ትምህርት ነው ፊዚክስ" አለና ወደ እለቱ ትምህርት ተሸጋገረ።

ቀዳማዊ በመምህሩ ሁኔታ እጅግ በጣም ተደሰተ። የፈራው ሳይሆን ቀረ። በንፁህ መንፈስም ሲከታተለው ቆዬ። ሁለት ጥያቄዎችን ለምሳሌ ያህል ከሰራ በኋላ የክፍል ስራ ብሎ ሶስት ጥያቄዎችን ፃፈ። " ቀድሞ ለጨረሰ ሶስት ተማሪ አርማለሁ። ሶስቱንም ጥያቄ ልክ ከሆነም አምስት ማርክ ቦነስ ያገኛል። ይህም ማለት ከመቶው መቶ ብታገኙ መቶ አምስት አድርጌ እሞላላችኋለሁ ማለት ነው ''አለና እጆቹን ወደ ኋላ አጣምሮ እየዞረ ሁላቸውንም ያያል።

" ፈጠን ፈጠን ብላችሁ ጨርሱ የሰጠኋችሁ አስር ደቂቃ ነው" አለ። ሁሉም የራሱን ለመሞከር እስከርቢቶውን ከደብሩ አገናኘ። ቀዳማዊ ሰርቶ ከጨረሰ በኋላ እጁን አወጣ።.....


🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_114 𖥧𖤣

...ቀዳማዊ ሰርቶ ከጨረሰ በኋላ እጁን አወጣ። "ጨርሰኽ ነው "አለ መምህሩ ስአቱን እያየ በስድስት ደቂቃ መጨረሱ አስገርሞት " አዎ " አለ ቀዳማዊ አንዳንድ ልጆች አጎንብሰው ከሚሰሩበት ቀና ቀና ብለው ቀዳማዊን ተመለከቱት። ሁሉንም ጥያቄ በደንብ አይቶ አረመለት ሶስቱንም ጥያቄ ልክ ነበር። ጥሩ አድርጎ ነው የሰራው " ጎበዝ እሺ በርታ ባለፉት ቀናትም እንደዚሁ የክፍል ስራ የቤት ስራ ሰጥቻቸው ስለነበር በደንብ እነሱን መስራት አለብህ አለና ፈርሞለት " ሌሎቹ እስኪጨርሱ እስኪ ደግሞ ይችን ጥያቄ በዚህ መልኩ ስራት " አለና አንድ ጥያቄ እዛው ደብተሩ ላይ በቀይ እስክርቢቶ ፅፎለት ተነሳ።

ብዙ እየተዟዟረ ከተመለከታቸው በኋላ " ምነው ጥያቄው ከባድ ነው እንዴ?"አለ " አዎ ቲቸር " አሉ የተወሰኑ ልጆች " ኧረ ይሄን ያህል? እስኪ ተወያይታችሁ ስሩት ብሏቸው ከክፍል ወጣ። እርስ በእርስ ሲወያዩ እየተወያዩ ጥያቄውን ለመስራት ሞከሩ። ውይይቱ ከውይይት አልፎ ጩኸት ሲሆን መምህሩ ወደ ውስጥ ገባና " በሉ ይበቃችኋል። አሁን ፈቃደኛ የሆነ ተማሪ ወጥቶ ይስራልኝ። ብትሳሳቱን ችግር የለም ትክክለኝነት የሚመጣው ከመሳሳት ነው። ስለዚህ እሳሳታለሁ ብላችሁ እንዳትፈሩ። ማንም አውቆና ልክ ሆኖ የተፈጠረ የለም። መጀመሪያ በመሳሳት ነው የሚለምደው አለና ወጥተው እንዲሰሩ አደፋፈራቸው።

የተወሰኑ ልጆች እጃቸውን አወጡ። " ምነው ወጥታችሁ ስሩ ሲባል ዝም አለሳ ቀዳማዊ። ጠርጥሬ ነበር በዛ ስአት ጨርሻለሁ ያለው የመምህሩን ትኩረት ለመሳብ ነው እንጂ በትክክል አልሰራም። አስተውለህ ከሆነ መምህሩ ለተወሰነ ደቂቃ ሲያወራው ነበር። ይሄ ማለት ልክ ስላልነበር እያሳየው ነበር ማለት ነው። ደግሞስ እንዴት በዛሬ ምሳሌ ብቻ ይሰራል?' አለ ኪሩቤል " ታሮስ ዝም ብሎ አዳመጠው አልመለሰለትም። ሁለቱን ጥያቄዎች ሌሎች ልጆች ሰርተው ተጨብጭቦላቸው ገቡ። ሶስተኛውን ግን ደፍሮ ለመስራት እጁን ያወጣ አንድም ተማሪ ጠፋ።

" ሶስተኛውን ጥያቄ ሁላችሁም ከብዶችኋል ነገር ግን ቀዳማዊ ስለሰራው ቀዳማዊ እስኪ ወጥተህ እንዴት እንደሰራኸው አስረዳቸው' አለ " መምህሩ በፈገግታ ቀዳማዊ የመምህሩን ትዕዛዝ ተቀብሎ ተነሳና ጠመኔውን አንስቶ እንዴት እንደሰራው በደንብ አብራርቶ ወደ ወንበሩ ተመለሰ። መምህሩም… ለሌሎቹ ልጆች እንዳስጨበጨበው ለቀዳማዊም አስጨበጨበለትና። " በጣም ጎበዝ ቀዳማዊ ሁልጊዜም ስትሰሩ በተለያዩ አተያዮች ማየት ያስፈልጋል። ሁልጊዜም በምሳሌ እንደተሰራላችሁ ሆኖ ጥያቄ አይመጣም ፈተናውም ከዚህ በተሻለ ከበድ ብሎ ነው የሚወጣው። ስለዚህ ተማሪ ሁልጊዜም መመራመር አለበት ባልተሰራው መስራት አለበት። ቀዳማዊ የሰራውን አሰራር አይታችኋል አይደል አሁን ደግሞ እኔ በሌላ አሰራር ሰርቼ ላሳያችሁ"አለና በሌላ መኔገድ ሰርቶ አሳያቸው።

ኪሩቤል በቀዳማዊ ሁኔታ አፍሮ ምንም ሳይል ዝም አለ። ታሮስም ለኪሩቤል ወሬ ደንታ ሳይሰጥ መምህሩን መከታተሉን ይዟል። ሌሎች ጥያቄዎችንና ኖቶችን ከሰጣቸው በኋላ ስአቱ ስላለቀ ወጣ። ከዚህ በኋላ ሁለት ትምህርቶችን ከወሰዱ በኋላ ለእርፈት ወጡ። ታሮስ እርቦት ስለነበር ከክፍል እንደወጡ ቀጥታ ወደ ካፍቴሪያ ሄደ። ደሐብ ከሁሉም ተማሪ ወደ ኋላ ቀረችና ቀዳማዊን በአይኗ እየተከታተለች ቁጭ አለች። በመጨረሻ ሁሉም ተማሪ ወጥቶ ቀዳማዊና ደሐብ ቀሩ። ደሐብ ከተቀመጠችበት ተነሳችና ቀዳማዊ ጋ ሄዳ ቆመች።

" ደግሞ አንቺ ምን ልትይኝ ነው? ልትረጂኝ ነው? ወይስ ለምን ሳምንቱን እንደቀረሁ ልትጠይቂኝ። ለምን እንደቀረሁ ልትጠይቂኝ ከሆነ ለመምህሩ ከሰጠሁት መልስ ውጪ የለኝም" አለ ቀዳማዊ። ደሐብ ምንም አልመለሰችለትም። " እና ስለ እኔ ምንም አታስቡ"አለና ብድግ አለ።

" እኔ ማን እንደሆንክ አላውቅም ከየት እንደመጣህም አላውቅም። ከአንተ የምፈልገው ነገርም የለም። የራስህ ችግርና ምስጢር ሊኖርህ ይችላል። ግን በራስህ ችግር ምክንያት ሰዎችንም እንዲህ አይነት ፊት መስጠትህ ልክ አይደለም። ባለፉት ቀናት አለመምጣትህ ብዙ ነገር አሳስቦኝ ነበር። ግን በመጨረሻ በሰላም መጥተኸል። ፍራቻየና ስጋቴ ልክ ባለመሆኑ ተደስቻለሁ አንድ የምነግርህ ነገር ቢኖር እኔ አንተን ለመጉዳት ወይም ለማበሳጨት እንደማልሞክር ነው። ከዚህ ውጪ ሌላ ነገር ልልህ አልችልም። ከዚህ በኋላ እንድታወራኝ ችክ አልልብህም። እንደ ፈለክ መሆን ትችላለህ ይቅርታ ለእስካሁኑ ። ሳላውቅ ስላስቀየምኩህና ያለ ፍላጎትህ ላወራህ ስለሞከርኩ። ግን አንተ ማውራት ከፈለክ ልታወራኝ ትችላለህ እኔም ልሰማህ ዝግጁ ነኝ" አለችና ወጣች። ቀዳማዊ ደሐብን በአይኑ ተከተላት።......


🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_115 𖥧𖤣

... ቀዳማዊ ደሐብን በአይኑ ተከተላት።" ለምንድነው እንደዚህ አይነት ንግግር የምትናገረኝ? ዛሬ ደግሞ በጣም ለየት ብላለች" አለ ቀዳማዊ ራሱን በአግራሞት እየነቀነቀ። ደሐብ ከክፍል ወጥታ እያለቀሰች ወደ ኳስሜዳው ወረደች። የደሐብን ሁኔታ የተመለከተችው አንዲት የአስራ ሁለተኛ ክፍል ተማሪ ጓደኛዋ ተከተለቻትና " ምን ሆነሽ ነው? ደሐብ ምን ተፈጥሮ ነው? ማነው ያስለቀሰሽ?" እያለች ብትጠይቃትም ደሐብ ግን ከመመለስ ይልቅ ማልቀሷን ተያያዘችው። " አንቺ ልጅ ከመቼ ወዲህ ነው እንደዚህ መሆኖ የጀመርሺው? ተይ እንጂ ደሐብ ጠንካራ እኮ ነሽ በማንም ንግግር እንዲህ መረበሽማ የለብሽም"አለች ማህሌት " ቆይ እኔ ላይ እንደዛ የሚሆነው ምን ሆኖ ነው? እኔ ምን ያልኩት ነገር አለ? ነው ሁሉም ተማሪ ከእኔ ጎን ስለሆነ ? ደግሞስ እንዴት እንደዛ ያወራኛል። ማሂ ከልቤ እኮ ነው ሳምንቱን ስላልመጣ በጣም ተጨንቄ ነበር። ቤርሲም ታውቃለች እንዴት እንደነበርኩ።እሱ ግን የምንጫወትበት እና የምቀልድበት ነው የሚመስለው" ብላ አለቀሰች።

" በቃ እሺ እታልቅሽ ስታለቅሺ ደካማ ትሆኛለሽ አሁን ተረጋጊና አስቢ ምን አልባት አንቺ ላይ እንደዛ የሚሆነው እየቀለዳችሁ አይቷችሁ ይሆናል። እንደዛ ከነበር ደግሞ አሁን ደርሶ ሊያምንሽ አይችልም። ወይም ደግሞ ልጁ የሀብታም ልጅ ስለሆንሽ ልትቀልጅበት እንደሆነ ሊያስብ ይችላል። ይሄ ደግሞ ማንም ሰው እንዲሆንበት የማይፈልገው ነገር ነው። ስለዚህ በእሱም መፍረድ የለብሽም በእርግጠኝነት ትክክለኛ ማንነትሽን ስታሳይውና ሲያውቅ ይወድሻል። በዛ ላይ ደግሞ ማወቅ ያለብሽ ልጅ መሆኑን ነው። በዚህ እድሜው ከራሱ ውጪ ስለሌላ ሰው ሀሳብ ምንም ነገር አያስብም። አንቺም እንደዛው ነሽ የራስሽን እንጅ የእሱን ሀሳብ አታውቂም። በትምህርትሽ ጎበዝ ስለሆንሺ ብቻ በሌላ ነገርም ጎበዝ ነሽ ማለት አይደለም። ስለዚህ ከማልቀስሽ በፊት ቆም ብለሽ ልታስቢ ይገባል። እንደዚህ መነፋረቅ ያስጠላብሻል። በእርግጥ መነፋረቅ ማንም ጋር ባያምርም አንቺ ላይ ግን ይበልጥ ያስጠላል "አለች ማህሌት

" እሺ ከዚህ በኋላ አላለቅስም። ማንነቴን አሳየዋለሁ እኔ ደሐብ አይደለሁም" አለችና በእንባ የራሱ ጉንጮቿን አባብሳ ሳቅ አለች።" እንደዚህ ነው ያልኩሽ የኔ ቆንጆ በይ አሁን የሚበላ ነገር እነብላ "ብላ ማህሌት ወደ ካፍቴሪያ ይዛት ሄደች።

" መጣችልህ መጣችልህ"አለ ኪሩቤል ደሐብን ከማህሌት ጋር ወደ ካፍቴሪያ ስትገባ አይቷት " ተዋታ ትምጣ "አለ ታሮስ " ምን ሆነሀል ታሮ?"አለ ኪሩቤል የታሮስ ሁኔታ አላምር ቢለው " ምን ሆንኩ ምን ስሆን አየህ?"አለ አሁንም በንዴት " ወይ ጉድ እኔ ምን አደረኩህ የምትጮህበኝ "አለ ኪሩቤል ቀዝቀዝ ባለ አነጋገር " እና ምን ልበልህ የማይሆን ነገር እየተናገርክ መጣችልሃ ምናምን ምን አስባለህ? ስትመጣ ንገረኝ ብየሀለሁ? "አለ ታሮስ ፊቱ እየተቀያየረ " እሺ በቃ ይቅርታ እንዲህ ያናድድሀል ብዬ አላሰብኩም ነበር። ለማንኛውም ከዚህ በኋላ አላነሳብህም"አለና ኪሩቤልም ዝም አለ።

○○○○○○
ወይዘሮ ሰላማዊት ከፖሊስ ጣቢያ ከወጣች በኋላ ለጓደኛዋ ርብቃ ደወለች። " አንቺ ደሕና ነሽ አገር ምድሩን እያሰስነው እኮ ነበር በፍለጋ ያ እብድ ባልሽ የመጨረሻ እብደት ላይ ነው መሠል?"አለች " አዬ ጓደኛዬ ተይኝማ የሆነ ችግር ውስጥ ሳልገባ አልቀርም። " ምነው ምን ሆንሽ የምን ችግር ?" " ያቺ የተረገመች እኔ ላይ ሳትደርስብኝ አትቀርም። እንደፈራሁት ለፖሊሶች የሆነ ጥርጣሬ ጭራባቸዋለች ፖሊሱም ጀመር አድርጎ ነው የተወልኝ" " ውይ ሰላምዬ ይሄ በጣም ከባድ ነው ከቻልሽ በጥንቃቄ ራስሽ ምን ማድረግ እንዳለብሽ አስቢና የሆነ ነገር አድርጊ "አለች " እንዴ ብቻየን ልተተይኝ ነው? አትረጂኝም ?"አለች ሰላማዊት " አይ ይሄን እንኳ ራስሽ ፍቺው ስለዛኛው ሲሆን ግን እረዳሻለሁ። በአንድ ጊዜ እጄን ሁሉም ቦታ አላስገባም እሺ የኔ ቆንጆ ለመውጫም እንዲመቸኝ ከዛኛው ብቻ ነው የማግዝሽ"አለች " ቆይ ለምን እንደምትረጂኝ ቃል ገብተሽልኝ ነበር እኮ አሁን ምን ተገኝቶ ነው ታዲያ?"አለች ሰላማዊት " ብዙ ጓደኛ ነው ያለሽ ይሄኛውን ስትጀምሪ ደግሞ አላውቅም። ስለዚህ ሲያግዙሽ ከነበሩት ጋር ተወጪው። እኔ አንዱ የጀመረውን አልጨርስም እራሴ የጀመርኩትን ግን እጨርሳለሁ። ለዚህ ነው ቃል የገባሁልሽ"አለች።

በዚህ ጊዜ ሰላማዊት ምን ማድረግ እንዳለባት ማሰበ ጀመረች።"ምን ባደርግ ነው ከዚህ መአት የምወጣው?" ብላ ጣቷን ከንፈሯ ላይ ጫን አደረገችና አሰበች። የሆነ ሀሳብ መጣላት። ከዛ ስልኳን አንስታ የሆነ ሰው ጋር ደወለች።" አቤት ሰላማዊት እንዴት ነሽ?"አለ የወጣት ድምፅ " እንዴት ነህ አቤል? " አለች ሰላማዊት እየተሽኮረመመች " ደሕና ገኝ በጣም ሰላማዊት አንቺ እንዴት ነሽ? እደውላለሁ ብለሽ በዛው ጠፋሽ " " ምን እጠፋለሁ የገዛ ባለቤቴ አግቶኝ ነው እንጂ" አለች

" እውነትሽን ነው?"አለ አቤል ሰላማዊት በነገረችው ነገር ተገርሞ "አዎ እንዴት እዋሽሀለሁ? ያ ነፈዝ ባሌ ምስጢሩን እንዳለ ሳውቅበት አፍኖ ወስዶ አንድ ባዶ ቤት ዘግቶኝ በስንት ፍለጋ ነው ፖሊሶች ያገኙኝ። እና ከቻልክ ቤት ብትመጣ ደስ ይለኛል።በጣም ደብሮኛል ናና ዘና እንበል"አለች " ደስ ይለኛል አንቺ ጠይቀሽኝ እንዴት እምቢ ብዬ እቀራለሁ። አሁኑኑ ነው ስበር የምመጣው"አለ " እሺ የኔ ታዛዥ እሱን ነው የምፈልገው ጭንቀቴ የሚለቀኝ አንተ ስትመጣልኝ ብቻ ነው። ሁሊም በዙሪያየ ያለ ሰው በሙሉ ትቶኝ እየሄደ ነው።"አለች በተከፋ ስሜት " ተያቸው ይሂድ መጀመሪያም ከአንቺ ጋር አልነበሩም ። የአንቺን አስፈላጊነትና ውድነት የሚረዳ ብቻ ነው ከአንቺ ጋር የሚቀረው። ሌሎቹ ውድነትሽን ስለማያውቁ ይሄዳሉ"አለ ። አቤል በተናገረው ነገር ተደስታ " ምን አለ አንተ ብቻ ሁሉ ነገሬ ብትሆን"አለች " እንዴ ሁሉ ነገርሽ አይደለሁም እንዴ ኧረ ክህደት"አለ አቤል ሳቅ እያለ "ሁሉ ነገሬማ ነህ ሲከፋኝ የምታፅናናኝ ሲደክመኝ የምትደግፈኝ ጉልበት የምትሆነኝ አንተ አይደለህ።ከአንተ ውጪ ማን አለኝ?"አለች ሰላማዊት "እሺ በቃ አታለቃቅሺ አሁኑኑ እመጣለሁ"አለ "እሺ ፈጠን በል አለችውና ስልኳን ዘግታ ወደ መታጠቢያ ክፍል ገባች።......


🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_116 𖥧𖤣

... እሺ ፈጠን በል አለችውና ስልኳን ዘግታ ወደ መታጠቢያ ክፍል ገባች። ሰውነቷን ተጣጥባ ልብሷን ለብሳ አልጋዋ ላይ ተንጋላ ተኛች። አሁን በትንሹም ቢሆን ጭንቀቷና ፍርሀቷ የለቀቃት ይመስላል።

አቤል ከሰላሳ ደቂቃ በኋላ ደረሰ። የመጥሪያ ደወሉን ሲነካ እንደመጣ ገብቷት በፍጥነት ወደ በሩ ሄደችና ከፈተችለትና ገብቶ በሩ ላይ ቆም አለ ሰላማዊት በሩን ዘግታ በውስጥ በኩል ቆልፋ " እንኳን ደምና መጣህ የኔ ቆንጆ ብላ "ተጠመጠመችበት። ሻወር ወስዳ የተቀባችው ልዩ ማዕዛ ያለው ሽቶ አቤልን አነሆለለው። "እንዲህ አምሮ መጠበቅ አሁን ምን ይሉታል? እየነዳሁ ነው የመጣሁት ትንሽ ሳላርፍ ልንዳ ብለሺ ነው?"አለ " እሱ አንተ እንደፈለክ ልረፍም ካልክ ትችላለህ ግን ካረፍክም ደግሞ እኔ ጭን ላይ ነው" አለችና እየጎተተች መኝታ ክፍሏ አስገብታ "ምነው አልናፈኩህም እንዴ?"ብላ ከንፈሩን እየሰማች የሸሚዙን ቁልፎች መፍታት ጀመረች። አቤል አልተቃወማትም።

○○○○○
" በደንብ እየተከታተላችኋት ነው?" " አዎ አለቃ ከፖሊስ ጣቢያ እንደወጣች የሆነ ሰው ጋር ደውላ ካወራች በኋላ ወደ ቤቷ ሄደች። ከስአታት በኋላ የሆነ ወጣት ልጅ ቤቷ ገባ " እንደተነጋገርነው አድርጋችኋል?""አዎ አለቃ እሷ ከቤት ወጥታ ወደ መናፈሻው በሄደችበት ወቅት አድርገነዋል" " የት የት ቦታ ነው ያደረጋችሁት?" " ሳሎንና መኝታ ቤት" ጥሩ ምን አልባት ቤቷ የቀጠረችውና ያጣው ልጅ ለአንድ የተለየ ተልዕኮ ፈልጋው ነው። ስለዚህ አሁን ከምንጊዜውም በላይ ነቅታችሁ ጠብቁ ምን አልባት መቅረፀ ድምፁን ብታገኘው እንኳ ልትጠምብን ስለምትችል እናንተ እንቅስቃሲያቸውን በደንብ ተከታተሉ። በምንም ታዕምር ከእጅታችሁ እንዳይሰወሩ ።"አለ ምክትል መርማሪ አወቀ " እሺ አለቃ እንጠብቃለን አንዘናጋም"" እሺ አዲስ ነገር ካለና የሆነ ነገር ከተፈጠረ አሳውቀኝ"አለና ምክትል መርማሪ አወቀ የመነጋገሪያ ሬዲዎውን ጠረንጴዛው ላይ አስቀመጠ።

○○○○○
ቀዳማዊ የእለቱን ትምህርት ጨርሶ ወደቤት ተመለሰ። ትምህርት ቤት ስለተፈጠረው ነገር ለአቶ ሙሉሰው ሊነግረው ቢያስብም ከቤት አጣው።" ጋሼ የት ሄዶ ነው እትዬ"አለ ወይዘሮ ሔዋንን " ይመጣል ቁጭ በል አንተ ምሳ ብላ " ምሳ ለቀዳማዊ አቅርቢለት "አለቻት ሰራተኛዋን ። ስራተኛዋ የምግብ ስሀን ይዛ ቁርጥ እንጀራ በስሀን አድርጋ በፍጥነት መጣች።

" ክላስ እንዴት ነበር? መምህራኖችህ ምን አሉህ ?"አለች ወይዘሮ ሔዋን " አሪፍ ነው ሁሉም መምህራኖች ለምን ሳምንቱን እንደቀረሁ ጠየቁኝ እኔም የቤተሰብ ችግር አጋጥሞኝ ነው አልኳቸው። እነሱም ተረዱኝ እና ምንም አላሉኝም ነገር ግን አንደኛው መምህር የባዮሎጂ መምህሬና ስምጠሪዬ አመናጨቀኝና ከክፍል አስወጣኝ። ወላጅ ይዘህ ካልመጣህ በእኔ ክፍለ ጊዜ አትገባም ብሎኝ ሔደ። እና ከቻልሽ ነገ አብረን ብንሄድ ደስ ይለኛል። ብታይ በጣም የሚያስፈራ አስተማሪ ነው።"አለ ቀዳማዊ " እሺ እንሄዳለን ግን ለዛሬ እንድትማር አድርጎ ለነገ ወላጅ ካላመጣህ አትገባም ቢል ጥሩ ነበር ትምህርቱን ከሚቀጣህ። ግን ታካክሰዋለህ የአንዱ ጓደኛህን ደብተር ተውሰህ ታጠናዋለህ።"አለች ና ምን አይነት ጓደኛ እንዳለው ጠየቀችው።

ሁሉንም ገገር ነገራት ምንም አይነት ጓደኛ እንደሌለውና ማንንም እንደማይቀርብ። እንዲሁም ስለ አንዳንድ ተማሪዎች ፀባይ በዝርዝር አጫወታት። ወይዘሮ ሔዋን ቀዳማዊ በነገራት ገገር ተገርማ " ለምን እንደዚል አደረክ ብላ ስትጠይቀው ስለ ሁሉም ነገር ከአቶ ሙሉሰው ጋር ማውራቱን ነገራት። በዚህም ጥሩ ልጅ ካገኘሁ ብቻ እንጂ የግድ ጓደኛ እንዲኖረኝ ብዬ ከእንደነ ደሐብ አይነቷ ሞልቃቃ የሀብታም ልጅ ሁሉንም ነገር በገንዘብ ከሚያስቡ ልጆች ጋር መሆን አንደሌለብኝ ነገረኝ። እኔም ከመጀመሪያው እያደረኩት ስለነበር ምክሩን ተቀበልኩ"አለ ቀዳማዊ፡

ወይዘሮ ሔዋን የቀዳማዊን ወሬ ካስጨረሰችው በኋላ " እ ሙሉሰው ያለህ ነገር ልክ ነው። አንተን እንዳያሳስቱህና መንገድህን እንዳትረሳ ነው። ነገር ግን ማወቅ ያለብህ ሰውን የምታውቀው ስትቀርበው እንጂ ከላይ ብቻ አይተህ በመልኩ ተንተርሰህ አይደለም። ሁልጊዜም ሰዎችን ከምታርቅ ብታቀርብ ይሻላል ለአንተ ጥሩ እንኳ ባይሆኑ ይበልጥ ስታቀርባቸው ትጠነቀቃቸዋለህ የሚያደርጉትን የሚያወሩትን የሚያስቡትን በትንሹም ቢሆን ልታውቅ ትችላለህ። ካራካቸው ግን እንኳን ምን እንደሚያስቡ እንደሚያደርጉ ይቅርና ምን በእጃቸው እንደያዙ አታውቅም። ሲቀጥል ደግሞ ሁሉም የሀብታም ልጅ ሞላጫና ባለጌ ነው ብዬ አላምንም። በጣም ብዙ ልቅ የሆኑ ልጆች እንዳሉ ሁሉ በዛው ልክ በስርአት ያደጉ የተቆነጠጡና የተገሰፁ የሀብታም ልጆችም አሉ። ስለዚህ በደፈናው የሀብታም ልጅ ብሎ መፈረጁ ልክ አይደለም። ደግሞም የሀብታም ልጅ ብቻ አይደለም ባለጌው ብዙ የድሃ ልጆችም አሉ። ከየት ከማን እንደተወለዱ ማንነታቸውን ረስተው ሕልማቸውን የቤታሰባቸውን ድካም ወደ ጎን ብለው የማይሆን ቦታ የሚውሉ ስለዚህ ከአንተ የሚጠበቀው ሁሉንም መቅረብ ነው። ስትቀርባቸው ባትወዳቸውም አትጠላቸውም። ማህበራዊ ኑሮህ ተግባቦትህ በዛው ልክ እየሰፋ ይሄዳል። ሙሉ በሙሉ ልብህን ከፍተህ ሳይሆን እነሱ እንደሚሆኑት እየሆንክ አብረሀቸው ትማራለህ። እንጂ ሁሉንም ተማሪ የጎሪጥ እየተመለከትክ አትዘልቀውም። ምን አልባት ደሐብና ታሮስ እውነተኛ ጓደኛህ መሆን ፈልገው ሊሆን ይችላል። ባይሆን እንኳ ልክ አለመሆናቸውን አቅርበህ ነው እንጂ አርቀህ አይደለም የምታሳያቸው ብልህና አስተዋይ መሆን አለብህ" ቀዳማዊ የምትናገረውን እያንዳንዷን ቃል በልቡና በአእምሮው እየፃፈ በፀጥታ አዳመጣት

"በዛ ላይ እኔ የምፈልገው ሁለገብ ተማሪ እንድትሆን ነው እንጂ በትምህርት ብቻ ጎበዝ እንድትሆን አልፈልግም። ከትምህርት ውጪም ያሉ የሀይማኖትና የድርሰት መፅሐፎችን ማንበብብ አለብህ። ያን ሙሉ ሰው ትሆናለህ እሺ?"አለች። ቀዳማዊ በእሺታ ራሱን ነቀነቀ። " ጎበዝ ልጅ በል አሁን ምሳህን በደንብ ብላና ማንበብ ከፈለክ አንብብ ማረፍ ከፈለክ እረፍ እንደፈለክ ስለ መምህሩ ምንም ነገር አትጨነቅ ነገ ከእኔ ጋር ሄደን አናግረዋለሁ"አለች ወይዘሮ ሔዋን.......


🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_117 𖥧𖤣

... ስለ መምህሩ ምንም ነገር አትጨነቅ ነገ ከእኔ ጋር ሄደን አናግረዋለሁ"አለች ወይዘሮ ሔዋን " እሺ እትዬ "አለና ቀዳማዊ ሳህኑ ላይ ሁለት ቁርጥ አስቀምጦ ትንሽ ከፀለዬ በኋላ አማትቦ ደረቅ እንጀራ ያለ ወጥ ቆረስ አድርጎ ከበላ በኋላ ወጥና እንጀራ እየጨመረ ምሳውን እስኪጠግብ ተመግቦ ወደ መኝታ ክፍሉ ገባ።

ቀዳማዊ ወይዘሮ ሔዋን መምህሩን ሄዳ የምትሰድበው መስሎት በጣም ተጨነቀ። ከመምህር ጋር ተጋጭቶና ተጣልቶ የማያቀው ቀዳማዊ አሁን ግን የመምህር አይን ውስጥ ገብቷል። ይሄ ደግሞ አስጨንቆታል። ግን ደግሞ የመምህሩን ድርጊት እንዴት ከክፍል እንዳሰወጣው ሲያስብ ተማሪዎቹ ሲስቁ የነበረውን ሁሉንም አንድ በአንድ አስታወሰ። ቀዳማዊ ተማሪ ከክፍል የሚወጣው የቤት ስራ ሳይሰራ የቀረ ተማሪ ነበር የሚመስለው። በሌሎች የደረሰው ከክፍል የመውጣት እጣ እሱ ላይም ደረሰ።

ሕይወት ለቅፅበትም ቢሆን የሰውን ማንነትና ስብዕና እንደምትቀይር ተረዳ። መጥፎ የነበረው ጥሩ ጥሩ የሆው መጥፎ ሰጭ የነበረው ገብጋባ ገብጋባ የነበረው ደግ እንደሚሆን ። የሰከንድና የደቂቃዎች ፍትጊያ የሚፈጥሩት እሳታማ ማንነት ከዋናው የሰው ልጅ ስብዕና ጋር እንደሚላተም የተረዳ ይመስላል።

○○○
ወይዘሮ ሔዋን ከቀዳማዊ ጋር በጠዋት ወደ ትምህርት ቤት ሄዳ የመምህሩ ቢሮ ውስጥ ተቀመጠች። ቀዳማዊ አብሯት ተቀምጦ እየጠበቁት እሱ ሲመጣ ምን ማለት እንዳለባት እያሰበች እያለ መምህሩ አየተቻኮለ ገባ። እንደገባ ስታይ ወይዘሮ ሔዋን ከተቀመጠችበት ብድግ በማለት ለመምህሩ ሰላምታ አቀረበችለት። መምህሩ የቀዳማዊ ወላጅ እንደሆነች ቀዳማዊ አብሯት በመሆኑ አወቀ ነገር ግን በጣም እንደቸኮለና ከክፍል ሲወጣ እንደሚያናግራት ተናግሮ እንደምንም ሳይቆጥራት ወጣ። " ምን ማለት ነው ከክፍል እስክወጣ ማለት"አለችና እንደመሳቅ ብላ " በል አንተ የመጀመሪያ ክፍለጊዜ እንዳያመልጥህ ገብተህ ተማር ስትጨርስ እዚህ ትመጣለህ "አለች " አሁን እኮ የእሱ ክፍለ ጊዜ ነው ላያስገባኝ ይችላል "አለ ቀዳማዊ በፍርሃት " እሱን እናያለን አላስገባህም ይበልና ያኔ የምናገረውን አውቃለሁ" አለችና ቀዳማዊን አቅፋ ወደ መማሪያ ክፍሉ ሄዱ።

ከሁለት ማንኳኳት በኋላ መምህሩ በሩን ከፈተ። ቀዳማዊ ሊገባ ሲል በእጁ ገፍተር አደረገውና " በእኔ ክፍለጊዜ አትገባም ብየሀለሁኮ መጀመሪያ ወላጅህን ካናገርኩ በኋላ ነው የምትገባው" አለ " አቤት አቤት ለምንድነው የማይገባው እኔ መጥቻለሁ አንተ ማስተማርህን እስክትጨርስ ድረስ ልጄ ትምህርት እንዲያመልጠው አልፈልግም።"አለች "ወይዘሮ ሔዋን ስለ ልጅሽ ጉዳይ ካወራን በኋላ ነው ወደ ክፍል የማስገባው" ሀሳብህ ምንድነው በአንተ ክፍለጊዜ እንዳይገባ ማድረግህ ነው? ትላንትም አስወጥተኸዋል ዛሬም ልትደግመው ነው? ቆይ ምን አስበህ ነው?" አለች

" ተናገርኩ እንግዲህ አይገባም ካልኩ አይገባም ነው" አለ ኮስተር ብሎ " ምን አይነት ጋጠወጥ መምህር ነህ? በዚህ ስብዕና ነው ተማሪዎችን የምታስተምረው? አንተ ብትፈልግም ልጄ በአንተ እንዲማር አልፈልግም። እስከምመጣ ድረስ ልጄ ባለማወቅ የሆነ ጥፋት ያጠፋ ነበር የመሰለኝ አሁን ግን እርግጠኛ ነኝ ያለ ምንም ምክንያት እንደሆነ ተረድቻለሁ።" ብላ " ና እንሂድ ልጄ "አለችና ቀዳማዊን ይዛ ወደ ርዕሰ መምህሩ ቢሮ ገባች።

ወይዘሮ ሔዋን የመምህሩን ተግባር እያንዳንዱን ለርዕሰመምህሩ በንዴት ነገረችው። በአርባዎቹ መጨረሻ እድሜ ላይ የሚገኘው ርዕሰ መምህር ወይዘሮ ሔዋንን ከነ ንዴቷ ዝም ብሎ ካዳመጣት በኋላ በእርጋት ቀስ ብሎ " ያልሺውን በሙሉ ሰምቼሻለሁ እንደ ርዕሰ መምህር ሳይሆን እንደ አንድ የልጅ ወላጅ ሆኜ አንቺን በራሴ ቦታ አድርጌ ችግርሽን ተረድቼሻለሁ። ንዴትሽ ይገባኛል አሁን ወደ ክፍሉ መሄድ አለብን ና ልጅ ቀዳማዊ "አለና ሶስታቸውም ተያይዘው ወደ ክፍል ሄዱ።

የትምህርት ቤቱ ርዕሰ መምህር አቶ መርዕድ ቀስ አድርገው ክፍሉን ከቆረቆሩ በኋላ በሩን ከፈት አድርጎ መምህሩን ጠራው። መምህሩ አቶ መርዕድን ሲያው ድንግጥ ብሎ ወደ ውጪ ወጣ ። ቀዳማዊን ወደ ክፍሉ አስገባውና "አንተ ማስተማርህን ስትጨርስ ቢሮዬ ና "አለውና ከወይዘሮ ሔዋን ጋር ተመለሰ" ምን አልባት ግን ከቀዳማዊ ጋር ተጣልተው ይሆን ማለትም በብዛት የመምህርና የተማሪ ፀብ የታወቀ ነው። የቤት ስራ ካልሰራ የክፍል ስራ በስአቱ ካልጨረሰ እና ክፍል ውስጥ ከረበሸ"ብሎ ሊቀጥል ሲል ወይዘሮ ሔዋን አቋረጠችውና " በጭራሽ አቶ መርዕድ ቀዳማዊ አሁን ያልካቸውን በሙሉ በጥንቃቄ ነው የሚያደርገው በዛ ላይ ጎበዝ ተማሪ ነው የአስረኛ ክፍል ውጤቱን ማየት ትችላለህ "አለችና በኩራት " ከሁሉም የአስረኛ ክፍል ተፈታኝ ስትሬት ኤ ያመጣው እሱ ብቻ ነው። በዚያ ላይ በባህሪው በጣም ዝምተኛና ከሰው ጋር የማይደርስ እንኳን ከመምህር ጋር ከልጆች ጋር የማይጣላ ልጅ ነው። እሱን ደግሞ ማንም ይመሰክራል።" አለች ወይዘሮ ሔዋን

" መምህሩ ቀዳማዊን እየገለመጠ ትንሽ ካስተማረ በኋላ " እናንተ ተማሪ እስከሆናችሁ ድረስ መምህር የሚላችሁን መፈፀም አለባችሁ። "አለ በዚህ ጊዜ ተማሪዎች ወደ ቀዳማዊ ዞሩ።......


🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_118 𖥧𖤣

... ተማሪዎች ወደ ቀዳማዊ ዞሩ። መምህሩ ማንን መናገር እንደፈለገ ገብቷቸዋል። " እናቱ ግን አስፈሪ ናት። መምህሩን እንዴት ነው ያናገረችው?"አለ ኪሩቤል " መምህሩ ራሱ በጣም ነው ያበዛው። ቀዳማዊ ምንም ሳያደርገው እንደዚህ መሆን አልነበረብም። ደግሞ ከመቅረት ውጪ ሌላ ምንም አላደረገውም። "አለ ታሮስ በመምህሩ እየተናደደ " ቢሆንም የቀዳማዊ እናት ግን ደስ ትላለች። አባቱ ቢመጣ ጭራሽ ምን ሊያደርግ እንደሚችል መገመት ቀላል ነው። በእርግጠኝነት ልደብድበው ነው የሚለው"አለ ኪሩቤል " ቢል አልፈርድበትም መምህሩም ይገባዋል።"አለ ታሮስ

" አንተ ይሄን ልጅ በጣም ወደኸዋል" " መውደድ ሳይሆን በቃ ልጁ ምንም አይነት እንከን አላየሁበትም የራሱን ኑሮ ብቻ ነው የሚኖረው። እንዲህ አይነት ልጅ ደግሞ ደስ ይለኛል በአጠቃላይ። ስለዚህ ዝም ብለህ እንዲህ ነው እንዲህ ነው አትበል"አለ ታሮስ

ደሐብ በመምህሩ ድርጊት በጣም ተደስታለች። " ደግ አደረገው የታባቱንስ? ደግሞ እናቱ ስታስጠላ የሆነች ነገረኛ ቢጤ ናት። የዚች ልጅ ሆኖ ነው እንደዛ ትቢተኛ የሆነው? ቆይ ያየዋል። በባህሪው ካልተቆጨ ቱ "አለች።

መምህሩ ክፍለጊዜውን ጨርሶ የቤት ስራ ሰጥቶ ወጥቶ ቀጥታ ወደ ርዕሰመምህሩ ቢሮ ሄደ።" ግባ ግባ "አለ አቶ መርዕድ የመምህሩን በር ላይ መቆም ተመልክቶ። መምህሩ ተቀመጠ። " እስኪ በቀዳማዊና በአንተ መሀል የተፈጠረውን አለመግባባት ንገረኝ ከአንተ ልስማው"አለ አቶ መርዕድ " እሺ ያው በእኔና በልጁ ምንም ችግር የለብንም ግን ያለፈውን ሳምንት ሙሉ ትምህርት ቤት አልመጣም። እኔ ደግሞ እንደስምጠሪ ተማሪዎች ከሶስት ቀን በላይ ከቀሩ አልቀበልም ወላጅ እንዲያመጡ አደርጋለሁ ይሄ ደግሞ የእኔ ሕግ ነው። በዛ ላይ ልጁ እንደተማሪ አይደለም በጣም ነው የሚኮራው ክፍል ውስጥ ሌሎች ተማሪዎች ሲሳተፉ እሱ አይሳተፍም። የክፍል ስራ ራሱ አሳርሞኝ አያውቅም። ይሄ የሚያሳየውእኔ ጋር ችግር እንዳለበት ነው። ሌሎች መምህሮችን ጠይቂያቸዋለሁ። ስለ እሱ ነግረውኛል። ስለዚህ ከሌሎች መምህርና ከእኔ ጋር አንድ አይደለም። ስለዚህ ልጁ ችግር እንዳለበት ግልፅ ነው። እ በዋናነት ወላጅ እንዲያመጣ ያደረኩት ሳምንቱን ለምን እንደቀረ ለማወቅና ስለ ልጁ አንዳንድ ችግሮች ለመነጋገር ነበር።"

አቶ መርዕድ የመምህሩን አቤቱታ በደንብ ካዳመጠ በኋላ ወይዘሮ ሔዋንን ወደ ቤቷ እንድትሄድ ችግሩ እንደሚፈታ ቃልገብቶላት ሸኛት። ቀዳማዊን ደግሞ ሌላ ትምህርት እንዳያመልጠው ወደ ክፍል እንዲገባ ነግሮት ከመምህሩን ጋር ብቻቸውን ማውራት ጀመሩ። " እኛ አስተማሪዎች ነን። ለተማሪዎቻችን የተለየን መሆን አለብን። እኛ ከምናስተምራቸው ትምህርት ይልቅ ከእኛ ምግባር የሚማሩት ለነገ ስንቃቸው ይሆናል። በጥላቻና በቂም የተመረዘ አአምሮ ያለው ተማሪ እንዲኖረን አንፈልግም። ምክንያቱም ያ ተማሪ ምን ሊሆን እንደሚችል ስለማናውቅ። እኛ የምንፈልጋትንና የምንመኛትን ኢትዮጵያ የሚያሳዩን እነዚህ ለጋ ኢትዮጵያዊያን ናቸው። ስለዚህ የምንፈልጋትን አገር ለማየት እነዚህን እንቁዎች መንከባከብ አለብን... መንገድ መሆን አለብን። ስለ ቀዳማዊ ያለህ አተያይ ልክ አይመስለኝም። ታውቃለህ ብዙ ተማሪዎች ክፍል ውስጥ መሳተፍ የማይፈልጉ በጭራሽ መታወቅ የማይፈልጉ እንዳሉ። እኔም በተማሪነት ጊዜዬ እንደቀዳማዊ አይነት ተማሪዎችን አይቻለሁ። አቅሙ እያላቸው ዝምታን የሚመርጡ። ይሄ ደግሞ ባህሪያቸው ነው። የመምህር ትልቁ ችሎታ ተማሪዎችን እንደ እርሱ ባህሪ ሳይሆን እንደ ተማሪዎቹ ባህሪ ማስተማር መቻሉ ነው። አንተም ይሄን ፍላጎትህን ወደ ጎን ትተህ የልጁን ባህሪ ተረዳው። አንብበው እናቱ የተናገረችውን ነገር በደንብ ማሰብና ማረጋገጥ ያስፈልጋል። ለምሳሌ ቀዳማዊ በከፍተኛ ውጤት እንደመጣ ታውቃለህ። የአስረኛ ክፍል ውጤቱ የሚያሳየው ሁሉንም ትምህርት ኤ እንዳመጣ ነው። ስለዚህ ልጁ ጋር ብዙ ነገር አለ ማለት ነው። እንደስም ጠሪ ይሄን ነገር በደንብ ተመልከተው። ልጁ አቅም እያለው ለምንድነው ዝም የሚለው? እስኪ ዝምታውን ለማዳመጥ ሞክር አቅርበው ስለ እሱ ከሌሎች መምህራን ጠይቅ"አለ ና አቶ መርዕድ ዝም አለ

" እሺ መርዕድ ያልከኝን ነገር አደርጋለሁ። በጣም ይቅርታ ስለ ሁሉም ነገር" " ተቀብያለሁ ለመጨረሻ ጊዜ የምነግርህ ተማሪዎችህን በአንተ አይን ሳይሆን በራሳቸው አይን ለማየት ሞክር። መምህርነት ትልቅ ሙያ ነው"አለና ሸኘው።

ቀዳማዊ ወደ ክፍል ከገባ ጀምሮ ተማሪዎች የጎንዮሽ ይጠቋቆሙበታል። ስለ እሱና ስለ ወይዘሮ ሔዋን ያንሾካሹካሉ። ቀዳማዊ ይህን ሊያደርጉ እንደሚችሉ ስላወቀ ብዙም ትኩረት አልሰጣቸውም። " ማነው የሚያንሾካሹከው?" አለ መምህሩ ድንገት። ሁሉም ፀጥ አሉና መምህሩን መመልከት ጀመሩ። ከዚህ ሁሉ ተማሪ ግን ታሮስ በተለዬ መልኩ ቀዳማዊን ያየው ጀመር። ቀዳማዊ የሆነ የተደበቀ ሕይወትና ታሪክ እንዳለው ሁልጊዜም ሲያየው ውስጡ ይነግረዋል። ለምን ጓደኛ ለመያዝ ፈቃደኛ እንደማይሆን ሲያስታውስ ደግሞ.ይበልጥ ግራ ይጋባል። በጓደኛው የሆነ ነገር ሆኖ ይሆን? ወይስ የተለዬ ምክንያት ይኖረው ይሆን ብቻውን ለመሆን የፈለገበት" እያለ ከራሱ ጋር ያወራል።

○○○○○
"አለቃ የሆነ ወጣት ልጅ ጋር ነበረች። አሁን ከቤቷ ወጥቷል። እየተከተልነው ነው" " ጥሩ አድርጋችኋል በደንብ ተከተሉት ከደረሳችሁ በኋላም እንቅስቃሴውን ተመልከቱ። ምን አልባት ስራዎቿን የሚሰራላት እሱ ሊሆን ይችላል። አሁንም በድንገት የጠራችው የሆነ ነገር እንዲያደርግላት ፈልጋ ይሆናል። ስለዚህ ከአይናችሁ እንዳይሰወር። በምንም ታዕምር ደግሞ እንደምትከታተሉት እንዳያውቅ"አለ ምክትል መርማሪ አወቀ "

ሰላማዊት ከአቤል ጋር ከተለያየች በኋላ ለማህደር ደወለች። ማህደር ራሷን በአግራሞት እየነቀነቀች "አታፍርም ይቺ የማትረባ ደግሞ ትደውልልኛለች ወይ ፈጣሪ!.....!!!


🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_119 𖥧𖤣

... አታፍርም ይቺ የማትረባ ደግሞ ትደውልልኛለች ወይ ፈጣሪ "አለችና ስልኩን አንስታ " ትንሽ አታፍሪም ወንድሜን እንደዛ አድርገሽ ለእኔ የምትደውይልኝ? ቆይ ከእኛ ምንድን ነው የምትፈልጊው?"አለች ማህደር " አትንጨርጨሪ የደወልኩት ጩኸትሽን ለመስማት ሳይሆን ላስጠነቀቅሽ ነው። ሰምተሽኛል ከመንገዴ ዞር በይልኝ። ፈጠራሽን ለፖሊሱ አንቺ እንደነገርሽው እርግጠኛ ነኝ። ከዚህ በኋላ ግን በመንገዴ ላይ ከቆምሽብኝ የማደርገውን እኔ አውቃለሁ" "በእሱ እርግጠኛ ነኝ። አንቺ ለብር ብለሽ ምንም ታደርጊያለሽ። አንድ የምነግርሽ ነገር ቢኖር ግን ወንድሜ ታስሮ አይቀርም በቅርቡ ይፈታል" " በእሱ እንኳ ብዙ እርግጠኛ አትሁኝ ወንድምሽ አምኗል ሁሉንም ነው የተናዘዘው። ግን የምትገርሚው አንቺ ነሽ። እንዴት የተበደለው እና ሊሞት የነበረው ወንድምሽን ክደሽ ከገዳዩ ወንድምሽ ጎን ትቆሚያለሽ? ለነገሩ አንዷ ተባባሪ አንቺ አይደለሽ። ያኔ ስደውልልሽ የማታቂ መስሎኝ ነበር። ለካ ሁሉንም ነገር አብራችሁ ነበር ስታቅዱ የነበረው። እኔ የምለው ግን ቢሞት ምንድንነው የምትጠቀሙት ሀብቱ እንደሁ ለልጆቹና ለባለቤቱ ነው የሚሆነው። ነው ሌላ እቅድ ነበራችሁ ሚስቱንና ልጆቹን የመግደል?" አለች ሰላማዊት " ዝም በይ "አለችና ማህደር ጮኸች።" እስካሁን በደንብ አታውቂኝም። አሁን ስራሽን በሙሉ ለወንድምሽ እልክለታለሁ ሕይወትሽን የመከራ ነው የማደርገው እንድትሰቃይ ነው የማደርግሽ አንቺ ከሀዲ"አለችና ስልኩን ዘግታ ያዘጋጀችውን ፋይል ለአቶ ሙሉሰው ላከችለት።

○○○○
ዋና መርማሪ የማህደርንና የሰላማዊትን ንግግር ካዳመጠ በኋላ " ማህደር አቶ ሙሉሰው እንደሚገደል ቀድማ ታውቃለች ማለት ነው። ሌላው ደግሞ ሰላማዊት መውለድ አትችልም። የምርመራውን ውጤት አረጋግጣልናለች።"አለና ከወንበሩ ተነስቶ " ሁለቱንም ወደ ጣቢያ እንዲመጡ አድርግልኝ"አለ። ከዚህ የግድያ ሙከራ ጀርባ የሁለቱም ሴቶች እጅ እንዳለበት እየተሰማው መጣ።

○○○○
አቶ ሙሉሰው የተላከልትን የድምፅ ፋይል ከፍቶ ሲያዳምጠው። ማህደር ከሰላማዊት ጋር ያወሩትን በኮል ሪከርደር አዳመጠ። የማህደርን መልስ በተደጋጋሚ ሲያዳምጠው ግድየለሽነቷና ሰላማዊት ስለምትነግራት ነገር ምንም ጉዳይ የሰጣት አትመስልም። አቶ ሙሉሰው ካዳመጠ በኋላ ከአይኖቹ የእንባ እንክብሎች ይወርዱ ጀመር። በማህደር ሙሉበሙሉ ተስፋ ቆረጠ። " ቆይ ምን አድርጊያት ነው?"አለና ተነስቶ ወደ ፖሊስ ጣቢያ ሄደ።

ፖሊስ ጣቢያ ዋና መርማሪውን ማግኘት እንደሚፈልግ ተናግሮ ለዋና መርማሪ ወይዘሮ ሰላማዊት የላከችለትን የድምፅ መልዕክት ሰጠው። ዋና መርማሪ ካዳመጠው በኋላ "የተለዬ ነገር አላከችልህም ይሄን እኛም እናውቀዋለን። ከቴሌዎች ጋር ሊንክ በመፍጠር ሰጥተውናል። ጉዳዩን በደንብ እየተከታተልነው ነው። ትንሽ ወሰብሰብ እያለ ነው። አቃቤ ህግም ምርመራ ጀምሯል። እኛም የተለያዩ ስራዎችን እየሰራን ነው። አንተ ብቻ ተረጋጋ እውነቱ ተዳፍኖ አይቀርም።"አለ ዋና መርማሪ

" ዋና መርማሪ እኔን ሊገድሉኝ የሞከሩት ወንድሜና እህቴ ናቸው። ሌላ ማንም ጠላት የለኝም። ይሄው እህቴ እንኳ እንደምገደል እያወቀች ምንም አላለችም። ስለዚህ እዚህ ጉዳይ ላይ እጇ የለበትም ብዬ አላምንም። እሷም እንድሞት ትፈልጋለች። ለዚህም ከዳዊት ጋር ተባብራለች። በሕግ እንድትጠየቅ እፈልጋለሁ። እሷንም ዳዊትንም መክሰስ እፈልጋለሁ። ይሄ መቼም ትልቅ ማስረጃ ነው። ደግሞ አሁንም አስተማማኝ ሁኔታ ላይ አይደለሁም። ከግብረ አበሮቻቸው ጋር ሆና የሆነ ነገር ልታደርግብኝ ትችላለች።"አለ አቶ ሙሉሰው " ለእሱ ምንም አታስብ ሁሉም አይኖቻችን እናንተ ና እነሱ ላይ ናቸው። ሁለቱንም እየተከታተሏቸው ነው።ስለዚህ አንተ ራስህን ጠብቅ ስራውን ለእኛ ተወው"አለ ዋና መርማሪ በሙሉ ራስ መተማመን " ጥሩ ልጆቼ የሚማሩበትን ትምህርት ቤትም ክትትል ቢደረግልኝ። እነዚህ ሰይጣኖች በልጆቼ ሊመጡ ይችላሉ።"አለ አቶ ሙሉሰው ከዋና መርማሪ ቢሮ ሲወጣ ማህደርንና ሰላማዊትን በተለያየ አቅጣጫ ተመለከታቸው። እሳት ለብሶ እሳት ጎርሶ ወደ ማህደር በፍጥነት ገሰገሰ......!!!


🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_120 𖥧𖤣

... እሳት ለብሶ እሳት ጎርሶ ወደ ማህደር በፍጥነት ገሰገሰና እንደደረሰ በጥፊ መታት። አጠገቧ ያለው ፖሊስ ሙሉሰውን ያዘውና " ምን እያደረክ ነው? በሕግ ጥላ ስር ያለን ሰው መማታትም ሆነ ማስፈራራት ወንጀል እንደሆነ አታውቅም?"አለ "እየውልህ ፖሊስ ይቺ ልጅ እኮ ሊገድለኝ ከሚፈልግ ሰው ጋር ሆና ልትገድለኝ ነበር። እግዚአብሔር ሲያተርፈኝ ነው እንጅ እሷማ አስገድላኝ ነበር"አለና አቶ መሉሰው ድጋሚ ሊመታት ሲል ፖሊሱ ክንዱን ያዝ አደረገው።

" አሁን ሀሳቤን ሳልቀይር ከዚህ ሂድ ካልሆነ እንድትታሰር አደርጋለሁ "አለ " እሺ እሺ ምንም አላደርጋትም። ይቺን መሰሪ ምንም ሳላደርጋት እሄዳለሁ። ግን ማወቅ ያለባት ነገር ሁለታችሁም ጋር ክስ መስርቻለሁ። ከዛ ቆሻሻ ወንድምሽና ከቆሻሻ ሴራችሁ ጋር አብራችሁ እስር ቤት ትሆናላችሁ። አንቺን ማሳደጌ ስህተት ነበር። ከዛ መናጢ ጋር ነበር ማደግ የነበረብሽ የለየልሽ ሰይጣን ትሆኝ ነበር። ምን አልባትም ጥሩ ማፊያና ነፍሰ በላ "አለና ምራቁን ተፍቶ በፍጥነት ከፖሊስ ጣቢያ ወጣ።

ማህደር ስቅስቅ ብላ አለቀሰች። ወንድሟን ለመጨረሻ ጊዜ የምታወራው መሰላት። አቶ ሙሉሰው ከዚህ በኋላ በጭራሽ እንደድሮው እንደማይሆንላት ተረዳች። የመጨረሻ ንግግርም እንዳደረጉ አረጋገጠች። ይህ የተስፋ መቁረጥ ስሜት በተደጋጋሚ ሲጠናወታት ነበር። ማህደር ራሷን መሆን አቃታት። ይሄ ሁሉ ተፈጥሮ ራሱ ለምን ለዳዊት እንደምትወግን አልገባትም። ግን ማንም እንደሌለው ታስባለች። በዙሪያው ያሉት ሁሉ በእሱ ውድቀት የሚስቁና የሚደሰቱ መሰላት። ሙሉሰው ይችን አጋጣሚ እየጠበቀ ያለ መሰላት። ሰላማዊት በሁኔታዎች ለመጠቀምና ያለውን ገንዘብ ለመውሰድ በማኮብኮብ ላይ እንዳለች ታያት። ይሄን ሁሉ በአእምሮዋ እያመላለሰች ራሷ ሲዞርባት ራሷን በሁለት እጇ ይዛ ትንሽ እንደተራመደች ተዝለፍልፋ ወደቀች። ፖሊሶች ወዲያው አንቡላንስ ጠርተው ይዘዋት ወደ ሆስፒታል ሄዱ።

○○○○○
ቀዳማዊ ጭልጥ ያለ ሀሳብ ውስጥ ገባ። የቤቱ በረንዳ ላይ ተቀምጦ ቁልቁል የራስ መኮነን ድልድይ አቅጣጫን ይዞ ማማተሩን ቀጠለ። በሀዘንና በመከፋት እያንዳንዷን ቅፅበት ማስታወስ ጀመረ። " ይሄ ሁሉ የሆነው በእኔ ምክንያት ነው"አለ በለሆሳስ " በአንተ አይደለም በፍፁም እንደዛ ማሰብ የለብህም።"አለች ወይዘሮ ሔዋን ከኋኋላው ቆማ ድርጊቱን እየተከታተለች።

" አይደለም እኔ ባልመጣ ኖሮ ምን አልባት ማህደርም ከቤት አትወጣም ነበር። ወጥታም ጋሼ ከሚገድል ሰው ጋር አታብርም ነበር። ስለዚህ ምንም እንኳ ከጉዳዩ ነፃ እንደሆንኩ ብትነግሪኝም ነገር ግን እውነታውና መነሻው የምነግርሽ ነው። እስኪ እትዬ እያንዳንዱን ነገር ተመልከቺ ጋሼ ቢሞት ኖሮስ የሰይጣን ጆሮ ይደፈንና.. ይሄ ምንም ማብቂያ የለውም። እኔ እድለቢስ ነኝ በምንም ነገር ደስተኛ እንዳልሆን ነው የተፈጠርኩት። በቃ ሒወቴ እንዲህ ነው የሚቀጥለው?" አለና ስቅስቅ ብሎ አለቀሰ

" ተው አታልቅስ ሁሉም ነገር ይስተካከላል "አለችና አቀፈችው።" አያልቅም።" የዛች የተረገመች ጂማሬ ሳይጨርሰኝ ምንም ነገር አይስተካከልም"አለ " የማን" አለች ወይዘሮ ሔዋን " የእናቴ ነዋ!"አለ " ምን ምን ማለትህ ነው? አልሞተችም እንዴ?"አለች ወይዘሮ ሔዋን። ቀዳማዊ እነ ወይዘሮ ሔዋን እንደማያውቁ ትዝ ሲለው በለቅሶ ሹራቡን ውልቅ አደረገና "እይው እትዬ የወለደችኝ እናቴ ምን እንዳደረገችኝ! ይታይሻል እነዚህ ሰንበሮች ገና በጨቅላነቴ እናቴ በአባቴ ላይ ያላትን ቂም የተወጣችበት የለበቅ ሰንበር ነው። አባቴ ሞቶ እንኳ የእሷ ቂም ስላላለቀ በእኔ ላይ ትወጣ ነበር። ሁሉም እህቶቼና እናቴ እኔ ጠላታቸው ነበርኩ። ምክንያቱም እኔ ብቸኛ ወንድ ልጅ ስለሆንኩና አባቴ ከመሞቱ በፊት ያለውን ንብረት በእኔ ስላዞረው። እኔም ሁሉን ጥዬ ወደማላቀው አገር መጣሁ"አለ እያለቀሰ። ፊቱ በእንባ ርሶ

" ታዲያ እኔም ወላጅ አለኝ ብል እርዳታ የምጠይቀው ሰው ጠግቦ ጠፍቶ የመጣሁ ስለሚመስለው የትም እወድቃለሁ። እሱ ደግሞ አስፈራኝ ትምህርቴ የሚቋረጥና የማልማር መሰለኝ ለዛ ነው ከመጀመሪያው ያልነገርኳችሁ እባክሽ እትዬ ይቅርታ "አለና ሁሉንም ነገር አንድ በአንድ ነገራት።

ወይዘሮ ሔዋን ቀዳማዊን እያለቀሰች ስታዳምጠው ከቆየች በኋላ በመጨረሻ " እንዴት በዚህ እድሜህ ይሄን ሁሉ መከራ ቻልከው የኔ ምስኪን?"አለችና ወደ እቅፏ አስጠጋችውና ፀጉሩን ሳመችው የፊቱን እንባ በእጆቿ መዳፍ ጠረገችለትና " አይዞህ ሁሉም ነገር ያልፋል። የተሻለ ቦታና ደረጃ እንደምትደርስ ደግሞ እርግጠኛ ነኝ። አንተን የመሰለ ልጅ ስላገኘን እኛም ደስ ብሎናል። ሁሌም ቢሆን አንተ የቤተሰባችን አንድ አካል ነህ። በዛ ላይ ሰናይ ባህሪና ጠባይ ያለህ ልጅ ነህ። በምንም ነገር አትከፋ፡ ሁሉንም እርሳው የእናትህንና የእህቶችህን ጉዳይም ተወው። አንተ እንደነሱ አይደለህም ሁላቸውንም ፈጣሪ ይቀጣቸዋል። አንተ ንፁህ ልጅ ነህ ደስታ ይገባሀል። ከዚህ በኋላም ደስተኛ ትሆናለህ ክፉዎችን ከክፉ ድርጊታቸው ጋር ተዋቸው። እድለኛ ነህ የሕይወትን መራራነት ገና በአፍላ እድሜህ ቀምሰሀል ስለ ሕይወት ቀድመህ ተምረሀል። አንተ ከዚህ በኋላ የሚያቆምህ ምንም አይነት መሰናክል የለም። የልጅ አዋቂ ነህ ፊት ለፊትህ ትተህ የደስታና የስኬት ዘመን ይጠብቅሀል። አታልቅስ አታልቅስ"አለችና አባበለችው።

ቀዳማዊ የሆነ ትልቅ ሸክም የቀለለው ይመስላል። ወይዘሮ ሔዋንን ቀና ብሎ ተመለከታት። እሱን ከዛ ማዕት ለማውጣት የተላከች መላዕክት መሰለችው። አይኖቿን ሲያይ አይኖቹን በስስት እየተመለከተችው እንደሆነ ተረዳ። የፍቅር ጥጓን አሳየችው። ከልቡ ትልቅ ደስታ ተሰማው " ምን አለ ይቺ እናቴ ብትሆን ኖሮ"አለ በልቡ።


🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_121 𖥧𖤣

... ከልቡ ትልቅ ደስታ ተሰማው " ምን አለ ይቺ እናቴ ብትሆን ኖሮ"አለ በልቡ። አሁንም እናቴ ናት። ከእናትም በላይ እናት ናት። እሷን በምንም አልተካትም። በዚች ምድር እሷ እግዚአብሔር የሰጠኝ የአባቴ ምትክ ናት። አባቴም በሕይወት ቢኖር እንደ እትዬ ነበር የሚንከባከበኝ" እያለ በውስጡ ካምሰለሰለ በኋላ ተረጋግቶ ማሰብ ጀመረ።

አቶ ሙሉሰው ተናዶ ቤት ገባ "ምን ሆነህ ነው ሙሉ"አለች ወይዘሮ ሔዋን ጥሩ ያልሆነውን ፊቱን እያየች" ተይኝማ ሔዋኔ ያቺን መሰሪ ፖሊስ ጣቢያ አገኘኋት" ወይዘሮ ሔዋን ድንግጥ አለችና " መቼም ያልሆነ ነገር እንዳላደረክ ተስፋ አደርጋለሁ" አለች የተፈጠረውን ነገር ለማወቅ ይበልጥ እያየችው።" አልጠገብኩም ያቺን አስመሳይ በደንብ ነበር መምታት የፈለኩት ግን ምን ያደርጋል ፖሊስ ጣቢያ ሆነችብኝ"አለ ሙሉሰው በቁጭት " ተው እንጅ ሙሉዬ ምን ሆነህ ነው። ለእሷ ብለህ ራስህን ልትቀይር ነው። ተው ከራስህ ጋር አትጣላ። ይሄ የአንተ ፀባይ አይደለም። እባክህ ተረጋጋ ሁሉም ነገር እኮ በጊዜው ይጋለጣል። እሷም ካለችበት ፖሊስ ይደርስበታል"አለች ፊቱን እየዳበሰች " ወይኔ ሙሉሰው የእሷ መጫወቻ ልሁን ይቺ...." እያለ ሳለ ስልኩ ጠራ::

ሙሉሰው ስልኩን አውጥቶ ሲመለከት የማያውቀው ስልክ ነው። " ጤና ይስጥልኝ" " አቶ ሙሉሰው ነህ?" " አዎ ነኝ ማን ልበል?" ከሆስፒታል ነው የምደውልልህ ወይዘሪት ማህደር ሆስፒታል ገብታለች" " ትግባ ኣ ታዲያ እኔ ምን አገባኝ" " እህትህ እንደሆነች መርማሪ ፖሊስ ነግሮን ነው" ሙሉሰው ስልኩን ዘጋው " ምንድነው "አለች ወይዘሮ ሔዋን " ምንም አይደለም" " ምን ማለት ነው ምንም አይደለም ማለት" " በቃ ማህደር ሆስፒታል ናት ነው የሚሉኝ" " ምን? ታዲያ ምን እያደረክ ነው? አንሄድም እንዴ?"አቶ ሙሉሰው ወይዘሮ ሔዋንን ዝም ብሎ ተመለከታትና " እንደ አንቺ አይነት ንፁህ ልብ ቢኖረኝ ምንኛ በታደልኩ ነገር ግን የኔ ፍቅር አልችልም። ያደረገችኝን ረስቼ ልሄድ አልችልም። ይቅር በይኝ ግን እህቴን ከውስጤም ከሕይወቴም አስወጥቻታለሁ። ምንም ብትይ ልቤ ላይ የተቀመጠው ይሄ ነው። ስለዚህ እንዳትጠይቂኝ"አለና ወደ መኝታ ክፍሉ ገብቶ ከውስጥ ቆልፎ ተኛ።

አቶ ሙሉሰው በትዝታ የኋሊት ተጓዘና ሁሉንም አስታወሰ። ልጅነቱን ወደ ኋላ ተመለከተው። ምንም ልጅንት የሌለውን ሕይወቱን፣ በየጎዳና ሲንከራተትበት የነበረውን የልጅነት ጊዜ። እህቱን ለማብላት ለማልበስ የሚሰራውን ስራ። ያለ አቅሙ ሸክም እንደተሸከመ። የቢራ ካሳዎችን እያመላለሰ ከአንድ ካሳ ሀያ አምስት ሳንቲም እየታሰበ የሰበሰባትን ሳንቲም ለእህቱ የምትፈልገውን ነገር ሲገዛላት። ግንባሩ ላይ የሚወጣው ነጭ ላብ። ከዛ ማህደር ፈገግ ስትል የገዛላትን ነገር ስትስመው። በደስታ ስትፈነጥዝ ስትዘል እያንዳንዱን ነገር አስታወሰ።

" እና ለእኔ የሚገባኝ ይሄ ነው? እኔን ከልጆቼ መነጠል? እኔ ያለፍኩበትን መንገድ ዞሬ እንኳ ማየት የማልፈልገውን መንገድ ለልጆቼ! ልጆቼ እንዲያልፉበት? ምን አይነት ክህደትና ቂም ነው?" አለና አልጋው ላይ በሆዱ ተደፍቶ ተኛ። ብዙ ኳኳታዎችና የሚንጫጩ ድምፆችን ከኋላው በመተው አይኖቹን ጭፍን አድርጎ ተኛ። ነገር ግን አሁንም እዛው የአምና ሕይወቱን በጨረፍታ እየተመለከተ ነው።

የአቶ ሙሉሰው ሁኔታ ግራ ያጋባት ወይዘሮ ሔዋን ልታናግረው ወደ መኝታ ክፍል ብትሔድም በሩ ቁልፍ በመሆኑ አልቻለችም። በሩ ላይ ትንሽ ከቆመች በኋላ ተመለሰች። "አሁን ምን ማድረግ ነው የለብኝ?" ብላ ሌባ ጣቷን ከንፈሮቿ ላይ አስቀምጣ ማሰብ ጀመረች። ቀዳማዊ የአቶ ሙሉሰውን ሁኔታ ሲያይ ምን ያህል በሀዘን ውስጡ እንደተጎዳና በማህደር ምን ያህል ቂም እንደያዘባት ገባው። ይሄ ደግሞ አሁን ለወይዘሮ ሔዋን የነገራትን ነገር ለእሱ ለመንገር እቅድ የያዘበትን ስአት አበላሸበት። ለእሱም መንገር የፈለገው በዚህ ወቅት ነበር ነገር ግን ያለበት ሁኔታ የእሱን ያለፈ ችግር ሰምቶ የሚቋቋምበት ስላልመሰለውና እስካሁን ለምን አልነገርከኝም ብሎ የሚጮኸበት መሰለው። ከዚህ ሁሉ አልመንገርን መረጠ።

የቀዳማዊ ጭንቀት የገባት ወይዘሮ ሔዋን " እኔ እነግረዋለሁ ሙሉሰው ምንም አይልም። አሁን በእህቱና በወንድሙ ስለተበሳጨ ተወው። አንተ ብቻ እንደነገርኩህ ወደፊት እንጅ ወደ ኋላ ማለት የለብህም። አሁን ስለ እሱ ማሰቡን ተውና እህቶችህን አስጠናቸው። ካላስጠናኝ እያለች ነው ሔመን እንደ እሷ አባባል ሁሉንም ተማሪ እንድትበልጥ አድርገህ አስጠናት።"ብላ ሳቅ አለችና ወደ ሙሉሰው ጋ ተመለሰች። ነገር ግን ሙሉሰው አሁንም እንደተኛ ነበር።

○○○○
ሰላማዊት ቃሏን ለፖሊስ ከሰጠች በኋላ ተለቀቀች። አቤል በሌላኛው ምርመራ ሲመረመር ከቆዬ በኋላ ተለቀቀ። ፖሊስ ከአቤልና ከሰላማዊት ያገኘው መረጃ ምንም አዲስ ነገር የለም። ሰላማዊት መውለድ እንደማትችል ለፖሊስ የተላከው ሌላኛው የላብራቶሪ ምርመራ አረጋግጧል። ነገር ግን የማትወልደበትን ምክንያት በማስረዳቷና ዶክተሮችም ስለተናገሩ በነፃ ተለቃለች። በአቶ ሙሉሰው የግድያ ሙከራ ላይ የተለዬ ምስጢር እናገኛለን ብለው ቢያስቡም ነገር ግን ምንም ያገኙት ነገር የለም። ዋና መርማሪ ኮሚሽነር መላኩ በንዴት ጠረንጴዛውን እየነረተ ከንፈሩን ነከሰ።

" ምን አይነት መርማሪ ነው? እንዴት የአቶ ሙሉሰው የግድያ ሙከራ ላይ እኔን ይጠረጥረኛል? ለምን ብዬ አደርገዋለሁ? ደግሞስ ምን ትርፍ ላገኝ? በጣም ነው የቆጨኝ " አለች ሰላማዊት ከፖሊስ ጣቢያ እየወጣች....


🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_122 𖥧𖤣

... ለምን ብዬ አደርገዋለሁ? ደግሞስ ምን ትርፍ ላገኝ? በጣም ነው የቆጨኝ " አለች ሰላማዊት ከፖሊስ ጣቢያ እየወጣች " አትናደጅ ውዴ ይሄ የፖሊሶች አይን ነው። በዛ ላይ እንዴት ወንድሙን ይጠረጥራሉ። ያው ለዚህ የሚያበቃ ችግር ይኖርባቸዋል ብለው ስላላመኑ ይሆናል። እ ደግሞ አንቺ መውለድ እንደማትችይ ሲያውቁ አቶ ዳዊትን ተጠራጠሩት። ምክንያቱም እሱ የአንቺ ተጎጅ እንደሆነ ያስባሉ። ይህን አለመግባባታችሁን መሠረት በማድረግ አንቺ ሙሉሰውን ገድለሽ በአቶሙሉሰውና በዳዊት ያለውን ፀብ ምክንያት በማድረግ እሱ እስር ቤት እንዲገባና ገንዘቡን ብቻሽን ለመጠቀም ያሰብሽ መስሏቸው ነው"አለ አቤል

" የምትገርም ነህ አንተም አያንዳንዷን ነገር እያሰባካት ነበር? እንዲህ ልታደርግ ትችላለች ብለህ?" በበብስጭት ጠየቀችው። አቤል እንድትረጋጋ በእጁ ምልክት ከሰጣት በኋላ አቀፋትና " እንዴት እንደዛ እጠረጥራለሁ ግን ያው ሊያስቡት የሚችሉትን አስቤ ነው የነገርኩሽ በእርግጠኝነት ከዚህ በላይ አይደለም።"አለ " ግን እኮ እንደማልወልድ ያወቁት አሁን ነው"አለች " እኮ አሁን ቢያውቁስ ከመጀመሪያው ይከታተሉሽና ከዛ አንድ ፍንጭ ሲያገኙ ለምርመራ ጠሩሽ። ይሄው ነው በቃ እርሺው ይሄን ያህል ምንም የሚያሳስብ ነገር የለም። አሁን ነፃ ነሽ"አለ አቤል

○○○○
ማህደር እስካሁን አልነቃችም። ራሷን ስታ ሆስፒታል ከገባች ከሁለት ስአት በላይ ሆኗታል። ሁኔታዋ ያስደነገጠው ምክትል መርማሪ አወቀ ለዋና መርማሪ ደወለለት። ዋና ኮሚሽነርም ግራ ከገባው ፊቱ ላይ ይበልጥ ቁጣ እየጨመረበት የሰቀለውን ፎቶ እያየ ሳለ የስልኩን መጥራት ሲሰማ ከሀሳቡ ናጠበና ስልኩን አንስቶ ላውድ ስፒከር ላይ አድርጎ አይኑን እዛው ፎቶው ላይ ሳይነቅል " ቀጥል እየሰማውህ ነው።"አለ

" አለቃ እስካሁን አልነቃችም። ሀኪሞቹ የቻሉትን እያደረጉ ነው። ነገር ግን እስካሁን ምንም አይነት ምላሽ አላገኘንም።"አለ " ምንም አትሆንም በደንብ ታገሱና ጠብቁ ከዛ ለእያንዳንዱ ጥያቄያችን መልስ ትሰጠናለች። መልካም ጊዜ" አለና ስልኩን ዘጋውና ጃኬቱን አድርጎ እየተቻኮለ ከቤት ወጣ።

አሁን ሁሉም ለየቅል የሆነ ይመስላል። ዋና መርማሪ የፈለገውን ነገር አለማግኘት ያበሳጨው ይመስላል። " በዚች አገር ላይ ያልተሟላና እቃና ኑሮ ብቻ ሳይሆን ግልፅ ያልሆነና ለማሰብ የሚከብድ ጥልፍልፍ የወንጀል ሴራም ይከናወንባታል። ይሄን ደግሞ እኔ አንድ ተራ መርማሪ ልፈታው አልችልም መንግስት በየቦታው እና በየመንገዱ ካሜራ መግጠም አለበት። ሕንፃዎች የራሳቸው የሆነ ካሜራ ሊኖራቸው ይገባል። ካልሆነ የወንጀል ብዛቱን እያበዛው ይሄዳል እንጅ አያመነምነውም። ከቴሌ የምናገኘው መረጃ ራሱ ያን ያህል አጥጋቢ አይደለም። በቃ የእኔ አቅም በዚህ ነው የሚለካው? በእርግጠኝነት ይቺ ሰላማዊት እዚህ የግድያ ሙከራ ላይ እጇ አለበት። እጇ እንዴት ነው ያለበት የሚለውን ግን ለማግኘትም ሆነ መረጃ ለመሰብሰብ የቻልኩት ነገር የለም። ለምን?..... ማብቂያ የሌለው ጥያቄ......

○○○○
ማህደር ለቀናቶች ያህል በልዩ ክትትል ሕክምና ሲደረግላት ቆይቶ አሁን ወደ ማገገሙ ደረጃ ደርሳለች። ፖሊሶች ግን ትተርፋለች የሚል እምነት አልነበራቸውም። ስትወድቅ በጀርባዋ ስለነበር ብዙ ደም ወደ ጭንቅላቷ ፈሶ ነበር። ዋና መርማሪ ኮሚሽነር ከማህደር ምን ማግኘት እንዳለበት በውል ባያውቅም ነገር ግን ሁልጊዜም ከዚህ ሆስፒታል አይጠፋም። ማህደርም ድና ቃል እንድትሰጥ ይፈልጋል። ምን አይነት ቃል ና መረጃ ነው ከእሷ የሚፈልገው? እሱንም አያውቅም። አንዳንድ ጊዜ ሰዎች በጭንቅላታቸው አንድን ሰው ተጠያቂ ማድረግ ከፈለጉና ካልፈለጉ መጀመሪያ የሚጣሉት ከገሀዱ እውነት ጋር ነው። የራሳቸውን ችግርና መፍትሔ ያስቀምጣሉ። ለዛ ችግር ደግሞ መፍትሔ የሆነውን ሳይሆን እንዲሆን የሚፈልጉትን ሲመኙ የራሳቸውን ሁለንተና ይዘነጉታል። በትንሹም ቢሆን ከሰውነት ባህሪያቸው ይነጠላሉ።ዋና መርማሪም የሆነው ይሄን ነው።

○○○○
ቀዳማዊ ስም ጠሪው ያለ ምንም ችግር ሰላም በማውረዱ ተደስቶ " ርዕሰ መምህሩ ምን ብሎት ይሆን?" ሲል ራሱን ጠየቀ። ከወትሮው በተለዬ አተያይና አነጋገር " እየውላችሁ ልጆች እናንተ ንፁህ ወረቀቶች ናቸው። እዛ ወረቀት ላይ ደግሞ ጥሩም ይሁን መጥፎ የማይለቅ ፊደል የሚፅፈው እስክርቢቶ ነው። ነገር ግን እስክርቢቶውም ተዘዋሪ እንጅ ዘዋሪ አይደለም። ትልቁ ጥያቄ ንፁህ ወረቀቱ ላይ ለመፃፍ እስክርቢቶውን የያዘው ማነው ነው? ዋናውና ትልቁ ጥያቄ እሱ ነው። ምክንያቱም እስክርቢቶው በራሱ አስቦ አይፅፍም። አስቦና አመዛዝኖ የእስክርቢቶውን አንገት የሚጨብጠው ሰው ነው። ሰው ደግሞ ሳያስብና በደመነፍስ የሚፅፈውን ነገር ሌሎች ያነቡትና ሊቀበሉት ይችላሉ። ሰው ደግሞ የተፃፈለትን እንጅ ሊፃፍ የሚገባውን ነገር አያውቅም። እና ምን ልላችሁ ነው። የውስጣችሁን የማያውቅ ሰው በምታደርጉትና በምትናገሩት ነገር በሚያደርገው ነገር ይበሳጫል። ነገር ግን የምታደርጉበትን ምክንያት ምን እንደሆነ ሊረዳ አይችልም። ሌሎች በማይገባችሁና እናንተን በማይለካ በማይገልፅ አገላለፅ ሊገልጿችሁ ይችላሉ። እና ብትችሉ ለሚቀርባችሁ ሰው ተናግራችሁ ጭንቀታችሁንና ህመማችሁን ማካፈል ትችላላችሁ። ይሄን የምላችሁ ከፊታችሁ ብዙ የሀዘንና የፈተና ጊዜ ስለሚጠብቃችሁ" አለና ጠመኔውን ከጠረንጴዛው ብድግ አድርጎ ለሁለት እየከፈለ

" እና ሁሌም ጥሩ የሆነ አመለካከት ሊኖራችሁ ይገባል። እንደ ባዮሎጂ አስተማሪ የምመክራችሁ ይሄ ነው። እናም ማንኛውም ችግር ካለባችሁና የገጠማችሁ ነገር ሲኖር መጥታችሁ ልታናግሩኝ እና ልታወሩኝ ትችላላችሁ።" አለና የእለቱን የትምህርት ርዕስ ጥቁር ሰሌዳው ላይ በቢጫ ጠመኔ ፃፈ።

" ሰውየው ዛሬ ምን ሆኖ ነው? አነጋገሩ እኮ ኑዛዜ ነው የሚመስለው "አለ ኪሩቤል። ታሮስ መምህሩን ካዳመጠው በኋላ ቀዳማዊን በደንብ ይመለከተው ነበር።......


🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_123 𖥧𖤣

... ታሮስ መምህሩን ካዳመጠው በኋላ ቀዳማዊን በደንብ ይመለከተው ነበር። አሁንም አይኖቹን አልነቀለም። " ታሮስ እየሰማኸኝ ነው? " አለና በእጁ ነካ አደረገው " ኪራ እየሰማሁ ነው። ግን ሌላ ነገር እያሰብኩ ስለሆነ ነው።"አለ ታሮስ " ኡፍፍፍ አንተ ደግሞ ዝም ብለህ ማሰብ ትወዳለህ። አሁን ደግሞ ምን አግኝተህ ነው እንዲህ የምትሆነው?"አለ ኪሮቤል እንደመገረምም እንደማሾፍም እያለ

" እስኪ አስተውል ይሄ መምህር ባህሪው ለምን ተቀየረ? እንዴት በአንድ ቀን የተለዬ ባህሪ ሊኖረው ይችላል። ትላንት በተፈጠረው ነገር ላይ የሆነ አዲስ ነገር አለ ማለት ነው። ያቺ የቀዳማዊ እናት የተናገረችው ነገር አለ ማለት ነው" " አቤት አቤት አንተ ገምቼ ነበር እንዲህ እንደምትል። ዞረህ ዞረህ ከቀዳማዊ ጋር የሚያገናኝህ ነገር አታጣም። ስለ እሱ ለማወቅ ያለህ ጉጉት ከቀን ወደ ቀን እያስገረመኝም ነው እያስጨነቀኝም ነው። ያስገረመኝ ስለእሱ ለምን ይሄን ያህል ማወቅ እንደምትፈልግ ሲሆን የሚያስጨንቀኝ ደግሞ የተሳሳተ ሁኔታ ላይ እንዳትሆን ነው። እኔ ከዚህ በላይ ምንም ልልህ አልችልም" ብሎ ፊቱንና ትኩረቱን ሙሉ በሙሉ መምህሩና ትምህርቱ ላይ አደረገ።

ታሮስ ኪሩቤልን አየት አደረገውና " ያቺ ሴት ምን ብላው ነው? ከርዕሰ መምህሩ ጋርስ ምን አውርተው ነው? ቆይ ይሄን ያህል ልጁ ማን ነው ከየት ነው"አለ

የእለቱ የትምህርት አይኖቶችን በተራ ተምረው የእረፍት ስአት ደረሰ። ሁሉም በግሩፕ ሆነው ከክፍል ወጥተው የእረፍት ስአታቸውን ወደ ሚያሳልፉበት ቦታ ይሄዳሉ። ቀዳማዊ ክፍል ውስጥ ተቀምጦ በመጨረሻ የተማሩትን የሒሳብ ትምህርት ተመልክቶ ድጋሚ እየሰራ የተወሰኑ ደቂቃዎችኝ በተቀመጠበት ወንበር አሳልፎ ሲጨርስ ከክፍል ወጣ። ከክፍል ሲወጣ ደረጃው ላይ ደሐብና ታሮስ ተቃቅፈው እያወሩ አገኛቸው። ደሐብ ቀዳማዊ እየመጣ መሆኑን ስታረጋግጥ ይበልጥ ታሮስ ላይ ተለጠፈች። ቀዳማዊ በዳር በኩል እነ ደሐብን በግራ በኩል ትቶ ወረደ።

" በጣም የሚያስጠላ ልጅ"አለች ደሐብ ፊቷን እየጨመደደች " እንደምትፈልጊው ስላልሆነልሽ ነው? የሚሰማ ልጅ አይደለም። የሚሄደው በራሱ አመለካከት ነው። ለዛ ነው ያስጠላሽ?" አለ ታሮስ " ሳቅ አለችና ኧረ አታስቀኝ ማን ስለሆነ ነው እሱ እኔ እንደምፈልገው የማይሆነው? ከፈለክ ላሳይህ እችላለሁ። የእንደነዚህ አይነት ልጆችን ደካማ ጎን ጠንቅቄ አውቃለሁ"አለች " ተይው ተይው አየሁሽ እኮ ብለሽ ብለሽ ተስፋ ስትቆርጪ ነው የምታሳይኝ። ቆይ ምን ተፈጠረ? ከትምህርት ቤት ቀርቶ እያለ ግን አንቺ ማንንም እስካለማናገርና እስከመደበር ደርሰሽ ነበር። ቆይ ምን ብሎሽ ነው እስኪ የተፈጠረውን ንገሪኝ!"አለ ታሮስ አንገቱን ወደ ግራና ቀኝ እያወዛወዘ

" ያው እንደማንኛውም ተማሪ በዛ ስአት ተጨንቄ ነበር ነገር ግን መጨነቄ ስህተትና መጨነቅ ለሌለብኝ ሰው ማሰቤ ሲገባኝ ወዲያው ተውኩት" አለች "ካልሽ እሰማሻለሁ ነገር ግን ይቅርታ ያልሽኝን አላምንሽም! " " ለምን ለምንድነው የማታምነኝ የተናገርኩትን ትጠራጠለህ?" አለች ደሐብ የውስጧን ያወቀባት መስሏት ብስጨት እያለች። " ህ በይ ተነሺ ወደ ካፌ እንሂድ እውነቱንንና ለምን እንዳላመንኩሽ እያወቅሽ ለምን ትጠይቂኛለሽ። ለምሳሌ ሌላውን ተይውና ዛሬ ያቀፍሽኝ ቀዳማዊ የሚቀና ስለመሰለሽ ነው። እሱ ግን ስለምታደርጊው ነገር ጉዳዩ አይደለም። ስለዚህ እየተዋወቅን መሸዋወድ የለብንም ደሐብ። እኔ አይደለም ድርጊት ቀርቶ ምልክቶችን በቀላሉ ነው የምረዳው። ስለዚህ ብዙ አታስቢ"እያለ ቀስ እያለ ደረጃውን መውረድ ጀመረ።

ደሐብ ደንዝዛ ቀረች ሙሉ ውስጧን ያወቀው መሰላት። ታሮስ ደረጃውን ጨርሶ ታች ላይ ሆኖ ዘወር ብሎ ሲመለከት ደሐብ ቆማለች" ምነው አትመጪም እንዴ?"አለ "አይ እየመጣሁ ነው አለችና ደረጃውን ትወርድ ጀመር። " ምነው የተናገርኩት ነገር አስደነገጠሽ እንዴ? ይሄን ያህልማ ፊል አታድርጊ ያጋጥምማል እኮ " አለና ስቆ አቀፋት። ደሐብ ግን ፍፁም አልተረጋጋችም። ታሮስ ያውቅብኛል ብላ ማሰብ ቀርቶ መገመት ያልቻለችውን እሱ ስላወቀባት በጣም ደንግጣለች። ድንጋጤዋ ወደ ፍርሃት ተቀይሮ የታሮስን አይን ቀና ማለት አፈረች። ለካ ሰው የሚያፍረውና የሚፈራው ጉዱ ወይም ገመናው በሰዎች ሲገለጥበት ነው።

ደሐብ በራሷ ተናደደች። መቀደምን መበለጥን የምትጠላና የማትቀበል ልጅ ናት። እሷ ያሰበችውን ሌሎች ሲያስቡትና እኩል ስትሆን ያናድዳታል። ይሄ ባህሪዋ ደግሞ ከልጅነቷ የጀመረ ነው። ከጓደኞቿ ጋር ስትጫወት ቀድማ መጫወት የምትፈልገውን ጨዋታ አስባ የመጫወቻ እቃውን አንስታ ልትጫወት ስትል ሌሎች ህፃናትም አስበውት ኖሮ ቀድመዋት መጫወቻውን ሲጫወቱበት ስታይ በጣም ትናደድ ነበር። እና ይሄ ባህሪዋ አድጋም ሊተዋት አልቻለም። ይበልጥ ሆና መቀጠሉን ተያያዘችው እንጅ። ቀዳማዊ ታሮስንና ደሐብን እጅ ለእጅ ተያይዘው ወደ ካፌ ሲገቡ አያቸውና በስሱ ፈገግ አለ።..........

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_124 𖥧𖤣

... ቀዳማዊ ታሮስንና ደሐብን እጅ ለእጅ ተያይዘው ወደ ካፌ ሲገቡ አያቸውና በስሱ ፈገግ አለ። ፈገግታው ብዙ ትርጉም ያዘሉ ነበሩ። አንዳንዶች ስለ ፈገግታ ትርጉም ሲናገሩ ስስ ደስታ ነው ፈገግታ ይላሉ ሌሎቹ ደግሞ የሰውነትህ አካል በሙሉ ሲረካና ሲደሰት ለጥርስ የሚሰጠው ትንፋሽ አነስተኛ ስለሚሆን ነው እንጅ ፈገግታ የሳቅ ትልቅ ወንድም ነው" ይላሉ። አንዳንዶች ደግሞ " እኛ ሰዎች ፈገግ የምንለው ያለፈውን ቆንጆ ትዝታዎችን መንዝረን ነው። እንጂ ዛሬማ ምኑን ፈገግ ያደርጋል" የሚሉ ትንሾች አይደሉም። ፈገግታን እንደ ምፀት ሳቅም የሚጠቀሙት ትንሾች አይደሉም። ከዚህ ሁሉ የፈገግታ መገለጫ ታዲያ የቀዳማዊ ፈገግታ ምን አይነት ትርጉም ያዘለ ነው? ትዝታን? ምፀትን? ፍፁም ደስታን ወይስ....!?

ደሐብና ታሮስ ወንበር ከያዙ በኋላ ደሐብን አስቀምጦ የሚበላና የሚጠጣ ነገር ለማምጣት ሄደ። ደሐብ ዙሪያውን እያየች ድንገት እሷ በተቀመጠችበት በግራ በኩል በውጭ መናፈሻ በኩል ቀዳማዊ ብቻውን ተቀምጦ አየችው። ሳታስበው ስላየችው እንደ መደንገጥ አለችና የታሮስን መመለስ ስታይ ድንጋጤዋን እንዳያይባት ስለፈራች ራሷን እንደማረጋጋት አድርጋ "እኔ አላምንም ተቆራጭ አመጣህ? እሱን እንደምወድ እንዴት አወክ? " "ሁልጊዜ ስትበይ የማይሽ ይሄን ነው።" አለ ታሮስ " ጥሩ ተመልካች ነህ አመሰግናለሁ በጣም" አለች። አንገቱን ሰበር አድርጎ ምስጋናዋን በፈገግታ ተቀበለው

○○○○○
ማህደር ድንገት የልብ ምቷ ሲቀንስ ዋና ሀኪሙ ግሉኮሱ ላይ የሆነ መድኃኒት ጨምሮ የልብ ምት ማዳመጫውን መሳሪያ ወደ ልቧ በማስጠጋት ተጫነው። ማህደር ግን በኤሌክትሪክ ሾኩ ታግዛ እንጅ ለብቻዋ መተንፈስ አልቻለችም። ማህደር እግሮቿ እየዛሉ ሰውነቷ ወደ በድንነት እየተቀየረ ሄደ። አይኖቿ ባሉበት ተገልጠው ቀሩ። ሰውነቷ እየቀዘቀዘ፣ እግሯቿና እጆቿ ባሉበት እየደረቁ ሄዱ። ነፍሷን ለማትረፍ የሚታገሉት ሀኪሞችና ዶክተሮች ደግሞ በሙያዊ ግዴታ የቻሉትንና መጠቀም ያለባቸውን መሳሪያ በሙሉ እየተጠቀሙ ነው። ነገር ግን ማህደር እስከወዲያኛው ልታሸልብ የሞትን ፅዋ ልትጎነጭ የቀራት ምንም ነገር የለም ነበር።

የሕክምና ባለሙያዎች የቻሉትን ሁሉ ቢጥሩም ማህደርን ግን ከሞት ሊታደጓት አልቻሉም። ማህደር ላትመለስ ይችን አለም ተሰናበተች። ጎልማሳው ሀኪም በማህደር ሕልፈት ከልቡ እያዘነ " ለቤተሰቦቿ መናገር አለብን አሁኑኑ ጥሯቸው"አለ። ሌላኛው ሀኪም ራሱን እየነቀነቀ ማንም ዘመድ አብሯት እንዳልመጣና ይዘዋት የመጡት የፖሊስ አባላት እንደሆነ ነገረው። " እሺ እንደዛ ከሆነ ለፖሊሶቹ እንንገራቸው"አለና ወጥቶ የማህደርን መሞት ነገራቸው።

የማህደር አስከሬን ወደ አስከሬን ላብራቶሪ ለምርመራ ተላከ። ዋና መርማሪ ኮሚሽነር መላኩ የሰማውን ዜና ማመን የፈለገ አይመስልም። በሀዘንም በግራ መጋባትም ራሱን ይዞ ከተቀመጠበት ተነሳ። " ቆይ ዋና መርማሪ ትላንት እኮ በጥሩ ጤንነት ላይ ነበረች። እንዴት እንደዚህ በአጭር ጊዜ ትሞታለች? ትንሽ ግራ የሚያጋባ ነገር ነው።" አለ አብሮት የነበረው ፖሊስ " አላውቅም አላውቅም ምን እንደተፈጠረ እኔ የማውቀው ልጅቷ ከጤንነቷ አገግማ ቃል እንደምትሰጠኝ ነው። ምን አይነት ፈተና ነው? ኡፍፍፍ" አለና እስክርቢቶውን ጠረምጴዛው ላይ ወርውሮ ወንበሩ ላይ ተቀመጠ።

ስልኩን አነሳና ወደ ሆስፒታል ደውሎ " አሁኑኑ አሳማኝ መረጃ አምጡልኝ። ሆስፒታል ምን እንደተፈጠረ እያንዳንዷን ነገር ማወቅ እፈልጋለሁ። ሌላው ደግሞ ማህደርን ለማየት የገባ ሰው ካለ እና ከትላንት ጀምሮ እሷ ክፍል አካባቢ ማን ማን እንደነበር አጣሩ አሁኑኑ ስራችሁን ጀምሩ።"አለና ስለኩን ዘግቶ ለምክትል መርማሪ አወቀ ደግሞ ደወለ። " አቤት አለቃ "አለ መርማሪ አወቀ " እየውልህ ወይዘሪት ማህደር ዛሬ ሞታለች እኔ ወደ ሆስፒታሉ እየሄድኩ ነው። የሆስፒታሉን ዋና አስተዳዳሪ አንዳንድ ጥያቄዎችን ልጠይቀው ነው። አንተ ደግሞ እንደተነጋገርነው ማድረግ አለብህ"አለ "እሺ አደርጋለሁ አለቃ " አለና ስልኩን ዘግቶ በድጋሚ ላሰማራቸው ቡድኖች የማስጠንቀቂያ አዘል መልዕክት አስተላለፈላቸው።

ዋና መርማሪ የሰማውን ዜና እያብሰለሰለ ቆይቶ ሌላ ሀሳብ ደግሞ ገባው። ለአቶ ሙሉሰው እንዴት እንደሚነግረው አስቦ በጣም ተጨነቀ። ለብዙ ደቂቃ ያህል ከራሱ ጋር ካወራ በኋላ ለአቶ ሙሉሰው ደወለ። ሙሉሰው ስልኩን በግራ መጋባት ካነሳ በኋላ " አቤት መርማሪ ደግሞ ምን አዲስ ነገር ተፈጠረ?"ብሎ ጠየቀው.......!!!

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_125 𖥧𖤣

... አቤት መርማሪ ደግሞ ምን አዲስ ነገር ተፈጠረ?"ብሎ ጠየቀው በዚህ ጊዜ ሊነግረው አስቦ ሲያበቃ ከእንደገና ሀሳቡን ቀየረና " አይ ምንም አዲስ ነገር የለም እንዲሁ ደሕንነትህን ለመጠየቅና ወይዘሮ ሔዋንን ለማውራት ነበር። "አለና ወዲያው ፈጠን ብሎ " ያው ስልኳ አልሰራ ሲለኝ ጊዜ ነው"አለ ዋና መርማሪ የውስጡን ያወቀበትና የደበቀው ነገር እንዳለ የተረዳ መስሎት በትንሹም ቢሆን እየፈራ " እሺ እኔ አገናኝሀለሁ ችግር የለም አለና " እንቺ ሔዋ መርማሪ መላኩ ሊያወራሽ ይፈልጋል "ብሎ ስልኩን ሰጣት።

ሔዋን እንደመደንገጥ ብላ ምነው በሰላም?"አለች " አዎ በሰላም ነው እንዲሁ ሊያወራሽ ፈልጎ ነው" አለ ሙሉሰው። " አቤት መርማሪ ሰላም ነህ?"አለች ሔዋን ቀዝቀዝ ባለ አነጋገር " ደሕና ነኝ ወይዘሮ ሔዋን እየውልሽ የአቶሙሉሰውን ፊት ሳታይ ዝም ብለሽ ከእሱ ራቅ በይና አዋሪኝ። ታዲያ ሳታስታውቂ" አለ " እሺ ደሕና ነን ሁላችንም አሁን ሁሉም ሰላም ነው ያው በእናንተ ስራ ላለመግባትና የደረሳችሁበትን ከእናንተ ለመስማት እንደጓጓን ነው። ግን ያን ያህል ውስብስብ ከሆነ እኛም ልንረዳችሁ ዝግጁ ነን።" ብላ እያወራች በቀስታ እየተራመደች ወደ በረንዳው ወጣችና ፊቷን ወደነ ሙሉሰው አዙራ " አሁን ከእሱ አካባቢ እርቂያለሁ። ይሄን ያህል ምን ተፈጥሮ ነው? በጣም አስጨነከኝ እኮ"አለች ወይዘሮ ሔዋን የግንባሯ ቆዳ ወደ ፀጉራ እየተሸበሸበ

" እ ያው በእርግጥ የምነግርሽ ነገር አንቺንም እንደሚረብሽሽና እንደሚያስከፋሽ ባውቅም ግን ከአቶ ሙሉሰው ለአንቺ መንገሩ ይቀላል ብዬ ስላሰብኩ ነው"አለ ዋና መርማሪ ኮሚሽነር መላኩ " እባክህ ይበልጥ አታስጨንቀኝ ልቤ ልትወጣ ነው ምንድን ነው የተፈጠረው ንገረኝ ዋና መርማሪ" " እነግርሻለሁ ግን እንዳልኩሽ መጀመሪያ አንቺ ተረጋጊ። ከተረጋጋሽ በኋላ እነግርሻለሁ ቁመሽ ከሆነ ደግሞ ተቀመጭ" ወይዘሮ ሔዋን በእሽታ ተቀብላ ተቀመጠች። " አዝናለሁ ወይዘሮ ሔዋን ማህደር ሕይወቷ አልፏል። ያው ሀዘኑ ጥልቅ እንደሚሆን ይገባኛል ነገር ግን እባክሽን ተረጋግተሽ ቀስ ብለሽ ለአቶ ሙሉሰው ንገሪው"አለ ዋና መርማሪ

ወይዘሮ ሔዋን ባለችበት ደርቃ ቀረች። ምንም አይነት ቃል ከአፏ ሳይወጣ ዝም ብላ ታነባ ጀመር። ዋና መርማሪዎው የሔዋን ዝምታ ምን ትርጉም እንዳለው አውቆታል። " እየሰማሽኝ ነው እየሰማሽኝ ከሆነ ፅኚ ፀንተሽ ባለቤትሽንም አፅናኝው። አንቺ ሳትረጋጊ እሱን ልታረጋጊው አትችይም። መልካም ጊዜ" ብሎ ከሔዋን ምንም መልስ ሳይጠብቅ ስልኩን ዘጋው። እምባዋ ፊቷን አርሶ ወደ አንገቷ መውረድ ጀመረ። ጮኻ እንዳታለቅስ ሙሉሰው ሊሰማት ሆነ። ስለዚህ ያላት አማራጭ ዝም ብላ በልቧ እያምሰለሰለች መተከዝ ነበር።

በዚህም የሰማችውን መርዶ ከነ ሀዘኗ ይዛ አቶ ሙሉሰው ጋር ሄዳ ተቀመጠች። ሙሉሰው የሔዋን ሁኔታ ስላላማረውና ከመጀመሪያው በተለዬ ፊቷ ቀላ ብሎ ሲያይ አንድ ነገር እንደተፈጠረ ገባው። " ምን ሆነሽ ነው ሔዋኔ እንደዚህ በድንገት ፊትሽ የተለዋወጠው? መርማሪ ምን ብሎሽ ነው?" አለ " ም ም ምንም" አለች ፊቷን አዙራ እያለቀሰች " እህ አንድ ነገርማ ተፈጥሯል። እሱማ ገብቶኛል ግን ምንድን ነው የተፈጠረው ነው ያልኩሽ በዛ ላይ ፊትሽን ለምንድነው የምታዞሪው " አለና ፊአቅፎ ፊቷን አየው። እንባዋን ተመለከተው... አሁን እርግጠኛ ሆኖ " ይሄን ያህል የሚያስለቅስ ነገር ምን ተፈጠረ?" ብሎ አስጨንቆ ጠየቃት። ነገር ግን ሔዋን ምንም ልትነግረው አልቻለችም። " ጥሩ! ለእሱ እንዳትነግሪው ያለሽን ሰው አወራው የለ እንዴ " አለና ስልኩን ከኪሱ አወጣ።

በዚህ ጊዜ ሔዋን የሙሉሰውን እጅ እየያዘች ተው ተው አትደውልለት እኔ እነግርሀለሁ።"አለች እየተርበተበተች " እሺ ንገሪኝ እየሰማሁሽ ነው"አለ ስልኩን ወደ ኩሱ እየመለሰ። " እ እ እየውልህ ሙሉ ምን መሰለህ ማለት " እያለች ስትንተባተብ " ምን ነክቷሻል ሔዋኔ አሁን የደበቅሽኝን ነገር እኮ መስማቴ አይቀርም። ከአንቺ ብሰማው ጥሩ ነው ብዬ ነው"አለ " አ አ አዎ ልክ ነህ ገብቶኛል ግን ከምን ልጀምርልህ! ጨንቆኝ እኮ ነው የኔ ፍቅር። እባክህን ከቻልክ አድረን ጠዋት እነግርሀለሁ"አለች። " በጭራሽ አይሆንም። ስታስቢው አንቺ ተረብሸሽ እኔ እንቅልፍ የሚወስደኝ ይመስልሻል? በዛ ላይ እንዲህ እያለቀስሽ በይ ንገሪኝ። አልናገርም ካልሽ የምር እደውልለታለሁ "አለ

ሔዋን የሙሉሰውን አይኖች ትኩር ብላ ተመለከተችና ካልነገረችው እንደማይተዋት ስትረዳ እንባዋን እየለቀቀች " ማ ማ ማ ማህደር ሞ ሞ ሞ ታ ለች " አለችና ያመቀችውን ዋይታ ለቀቀችው። ተንሰቅስቃ ማልቀስ ጀመረች። ሙሉሰው የነገረችውን መርዶ ለማመን የፈለገ አይመስልም። ፈፅሞ ባለማመን " እንዴት ሊሆን ይችላል በሁለት ቀን ውስጥ" ሃ ሃ ሃ አለና በረጅሙ ስቆ ከአንደገና ፊቱ ቅይር አለ። ሁኔታው አስፈሪ ሆነ። ፊቱ ላይ የነበረው የሰከንዶች የብርሃን ፀዳል ተገፈፈ። እንደ እናት እንደ እህት እንደ ሁሉም ነገር የሚያያትን እህቱን ሞት የሰማ ግን አይመስልም። የሔዋንን ትከሻ ይዞ በአንድ እጁ የእሷን እንባ እየጠረገ ያለቅሳል። ጥርሱን ገለጥ እያደረገ ጎርፍ እንባውን ያነባው ጀመር። በዝናብ ላይ ፅሀይ እንደመውጣት አይነት ለቅሶ። ሔዋን አይኖቿን አሽታ ፊቷን ጠረገችና ቀና ብላ ስትመለከተው። እየሳቀም እያለቀሰም ነበር። ይበልጥ የባለቤቷን ሁኔታ ስታይ ማልቀሷን ቀጠለች።

○○○○○
" የአስከሬኗ ምርመራ እንደሚያሳየው ከሆነ ከምትወስደው ግሉኮስ ላይ መርዝ እንደተጨመረ ነው። ይህም ማለት ሟች የሞተችው ተመርዛ ነው እንጅ በጤና ችግር አይደለም" አለ። ይሄን መረጃ ከምርመራ ክፍል ሲሰማ ዋና ኮሚሽነር በንዴት ቁጭ ብድግ አለ።

የሆስፒታሉን ዋና አስተዳዳሪ ወዲያው ሄዶ " አሁን የወይዘሪት ማህደርን የጤና ሁኔታ ሲከታተሉ የነበሩትን የሕክምና ባለሞያዎች ስም ዝርዝር እፈልጋለሁ። የእያንዳንዳቸውን ቃልም መውሰድ እፈልጋለሁ" አለ ንዴት ባዘለ አነጋገር " ዋና አስተዳዳሪው የመርማሪውን ስሜት ተመልክቶ እንደመገረም አለና " መጀመሪያ ተረጋጋና የምትፈልገውን ሳትበሳጭ ጠይቀኝ ምን ተፈጥሮ ነው እንዲህ በድንገት ስም ዝርዝራቸውን የፈለከው?" አለ

ዋና መርማሪ ኮሚሽነር መላኩ ራሱን ወደ ግራና ቀኝ አወዛወዘና " የሚገርም ነው የሆስፒታሉ ዋና አስተዳዳሪ ሆስፒታሉ ላይ ምን እንደሚፈጠር አያውቅም። ፈጣሪዬ ናልኝ ምን አይነት ድራማ ነው የምታሳየኝ። " አለና " ለማንኛውም የጠየኩህን ብቻ አሁኑኑ አዘጋጅና ስጠኝ" ብሎ ወጣ።

በአርባዎቹ መጀመሪያ የእድሜ ክልል የሚገኘው የሆስፒታሉ ዋና አስተዳዳሪ መርማሪው የተናገረውን ንግግር መልሶ ለራሱ እየተናገረ ምን ለማለት ፈልጎ ነው እንደዛ ያለው? ሆስፒታሉ ውስጥ ምን እየተካሄደ ነው አለና ወዲያው ስልክ አንስቶ ወደ ሆነ ሰው ደወለ። " ሄሎ ዶክተር " የሚል ምላሽ ሲያገኝ ፈጠን አለና " ሆስፒታል ውስጥ ምን እየተፈጠረ እንዳለ ልትነግረኝ ትችላለህ? "አለ " ዶክተር የሆነ ችግር ተፈጥሯል። የሆነች ታካሚ ፖሊሶች ይዘው መጥተው ነበር። እና እሷ ታካሚ ሞታለች። የሬሳ ምርመራ ሲደረግላት ደግሞ በመርዝ እንደሞተች ያሳያል" አለ " ምን? ያ ፖሊስ ያለው ልክ ነበር። እናንተ የማትረቡ ይሄ ሁሉ ሲደረግ ምን እያያችሁ ነበር"አለና ስልኩን ዘግቶ ከቢሮው ወጣ። ቀጥታ ወደ

ታካሚዋ ሕክምና መስጫ ሄደና ያሉትን መረጃወች በሙሉ ማጣራት ጀመረ።

○○○○○
" ዛሬ አኩርተኸኛል። በጣም ላመሰግንህ እፈልጋለሁ። ከተዋወቅን ጀምሮ እንደዚህ አይነት ስራ ሰርተኽልኝ አታውቅም።"አለች ሰላማዊት " እኔም ይሄን ነበር የምፈልገው ስለኮራሽብኝ ደስ ብሎኛል" አለ እንደመሽኮርመም ብላ " እና ደስ ካለህ ብቅ በላ "አለች " ታውቂያለሽ ባገኝሽ ምን ያህል ደስ እንደሚለኝ ነገር ግን በዚህ ስአት ብንገናኝ ትኩረት እንስባለን። ሁሉም አይኖች እኛን ነው የሚያዩት። በዚያ ላይ ያ መርማሪ ጠምዶ ይዞናል። እኔስ ሳይቀና አይቀርም መሰል። ከአንቺ ጋርማ ሲያየኝ የሚሆነው ነው የሚጠፋው"አለ አቤል " እንደዛ ይመስልሀል? ለማንኛውም ምክንያትህ ስላሳመነኝ ለጥቂት ጊዜ መገናኘት የለብንም"አለችና ሰላማዊት ስልኩን ዘግታ ማስታወስ ጀመረች።

ትውስታ፦ ከአንድ ቀን በፊት ምሽት...........

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_126 𖥧𖤣

... ትውስታ፦ ከአንድ ቀን በፊት ምሽት " ታውቃለህ አቤል ማህደር ሁሉንም ደርሳበታለች። የኔን ስራዎች ሁሉንም አውቃለች ማለት እችላለሁ እና ከጠበኳት በላይ አደገኛ ሆናለች። በእርግጠኝነት ከዚህ ህመሟ ከነቃች ለመርማሪው ብዙ ነገር ትለዋለች። ስለዚህ እሷን ለአንዴና ለመጨረሻ ማሰናበት አለብን። ካልሆነ የመንገድ ላይ ብሬከር ነው የምትሆንብን በምንፈልገው ፍጥነት እንዳንሄድ ነው የምታደርገን። የሁለታችን ግንኙነት ከታወቀ ደግሞ ምን ሊፈጠር እንደሚችል መገመት አያቅትህም ስለዚህ አንድ ነገር እናድርግ እሷን የምናስወግድበት እዛው ሆስፒታል እንዳለች "አለች ሰላማዊት " እሺ ደስ ይለኛል። ሁሌም የምትይውን ለመስማትና ለማድረግ እንዲሁም ለመደገፍ ነው አብሬሽ ያለሁት የኔ ቆንጆ "አለ " ጥሩ እንግዲያውስ እንዴት ልናስወግዳት እንደምንችል እናስብ ማለቴ እንዴት አድርገን? እንዴት ብለን እንዴት አድርገን? በጥንቃቄ ማሰብ አለብን ካልሆነ እዛው ፖሊሶች ይይዙናል። ስለዚህ በማያስነቃ መልኩ መሆን አለበት"አለች።

አቤል ዝም ብሎ ካሰበ በኋላ "" የሆነ ሀሳብ አለኝ! "አለ " ምን ሀሳብ መጣልህ? "አለች ሰላማዊት ፊቷ በደስታ ወከክ እያለ " ማህደር ያለችበት ሆስፒታል አንድ የማውቀው ሀኪም አለ። እሱ ከረዳን ልጠይቀው"አለ " በጣም አሪፍ ሀሳብ ነው። እባክህ አቤላ እንደምንም ብለህ አሳምነው። ለእሱ ይቀለዋል"አለች " እሺ ውዴ ልደውልለት" አለና ደወለለት።

የደወለለት ሀኪም ጓደኛው እዛ ሆስፒታል መስራት እንዳቆመ ይነግረውና ነገር ግን እዛ ሆስፒታል ሊረዳቸው የሚችል ሰው ይጠቁመዋል። አቤል ወደ ጠቆመው ስልክ ይደውልና ስልኩን የሰጠውን ሐኪም ስም ይነግረውና ወደ ጉዳዩ ይገባል። ልጁም የሚፈልገውን ያህል ገንዘብ ከጠየቀ በኋላ የጠየቀውን ገንዘብ እንደሚከፍለው ቃል ሲገባለትና ክፍያውን በሁለት ጊዜ እንደሚያጠናቅቅለት ሲነግረው ከአቤል ጋር ተስማማ።

አቤል " በቃ ይሄ ጉዳይ ተገድሏል እንዳለቀ ቁጠሪው። ልጁ እሷን የሚከታተል ዶክተር መስሎ ይገባና ግሉኮሱ ላይ የሆነ መርዝ ነገር እንደሚጨምርና በቀላሉ እንደምትሞት ነግሮኛል። ስለዚህ አሁን በተቻለን መጠን ገንዘቡን እናስገባለት።"አለ " ውይ እንዴት አይነት ትልቅ ሸክሜን መሰለህ ያቀለልክልኝ የኔ ማር አለችና ከንፈሩን ጎረሰችው።" ለዚህ ስራዬ ይቺን ብቻ ነው የምትሰጪኝ?" አለ አቤል ወደ ጆሮዋ ተጠግቶ በትንፋሹ አንገቷን እያሞቀ።

አይኖቿን እያስለመለመች። " ሁሉም ነገሬ የአንተ ነው። በአንተ ፍቅር ስለወደኩ አይደል ይሄን ሁሉ የማደርገው?!"አለችና አንገቱን ሳም አደረገችው። " እኔም እዚህ ትልቅ ወንጀል የገባሁት በፍቅርሽ ስለወደኩ ነው እንጅ አላደርገውም ነበር። ግን ይሄን ሁሉ ፈጣሪ ይቀር ይለነል አይደል?"አለ አቤል " አዎ በደንብ እንጂ ለፍቅር ብለን አይደል ይሄን ሁሉ ያደረግነው። በዛ ላይ ይቅር ባይ ፈጣሪ ነው።" አለች ሰላማዊት በሙሉ ልብ

" ለነገሩ ልክ ነሽ እሱስ የተሰቀለልን ስለሚወደን አይደል። የገረፉትና የሰቀሉት ላይስ መች ቂም ያዘና ይቅር ብሏቸው የል እኛንም ይለናል። ስለ እኛ ፍቅር አይደል መስቀል ላይ የተቸነከረው"አለና አቤልም ተፅናና።

ከአንድ ቀን በኋላ ከትውስታ በኋላ፦ " ልክ ነው በጣም መጠንቀቅ አለብን ግን ያመርማሪ በዚህ ስአት ምን እያደረገ ይሆን? በእርግጠኝነት የሚይዘውን የሚጨብጠውን አጥቷል። ሙሉሰውስ? ምን እያሰበ ይሆን? እሱም ቢሆን አንዲት እህቱ ናት ሞቷን አይፈልገውም አይቀበልም። አሳድጎ እዚህ አድርሶ ወግ ማዕረጓን ሳያይ በመቅረቱ ይበሳጫል። ምንም እንኳ እሷ ብትከዳውም እሱ ግን በጭራሽ አሳልፎ አይሰጣትም። ጉዳዩንም አይተወውም።

ስለዚህ የራሱን ምርመራ ሊያደርግ ስለሚችል ከእሱም መጠንቀቅ አለብኝ። ሌላ ምንም የሚያሰጋ የለም የቀድሞ ባለቤቴም አሁን ሕየውቱ በአራት ግድግዳ ላይ ተዘግቶበት ምንም አይነት መረጃ አይደለርሰውም " አለችና ጧ ብላ ሶፋዋ ላይ ተኛች። " ኡፍፍፍ አሁን ችግሮቼን በትንሹም ቢሆን እያስወገድኩ ነው ተመስገን "አለች

○○○○○
የሆስፒታሉ ዋና ሀላፊ በተፈጠረው ነገር እጅግ በጣም አዝኖ አስፈላጊውን መረጃ ሁሉ አጠናቅሮ ለመርማሪው ሰጠው መርማሪው በጥርጣሬ እየተመለከተ "እሱን እንኳ እርግጠኛ አይደለሁም። እዚህ ሆስፒታል ምን እየተካሄደ እንዳለ መረጃው አይደርስህም ብየ ለማመን ይቸግረኛል። "አለ ዋና መርማሪ ኮሚሽነር መላኩ " እመነኝ መርማሪ እኔም በጣም ነው ያዘንኩትና የተናደድኩት። ይሄ ስራ እኮ ትልቅ ወንጀል ነው። እዚህ ያለነው ሁላችንም ሀኪሞች ቃል የገባነው የሰውን ልጅ ሕይወት ከሞት ለማትረፍና በተሰጠን ሀላፊነት የታካሚዎችን ጤና መመለስ ነው። ለዚህ ነው የተማርኩት። እንደው ሕይወት ማትረፍ እንኳ ባንችል መግደል እንደሌለብን ነው በቃለ መሀላችን ያረጋገጥነው። ይሄን የምልህ መርማሪ ምንም እንኳ እንደሆስፒታሉ አስተዳዳሪነት በተፈጠረው ነገር ከተጠያቂነት ባልድንም ነገር ግን አድራጊው ማንም ይሁን ማንም የእሷ ሀኪም መስሎ ወይም ሀኪሟ እሷን የሚከታተላት ነው። ይሄን ድርጊት የፈፀመውን ወንጀለኛ ደግሞ ለሀላፊነቴ ሳይሆን ለሞያየ ስል እኩል ከእናንተ ጋር የምፈልገው ይሆናል። ስለዚህ መርማሪ ጥርጣሬህ እንዳለ ሆኖ እኔ የማስፈልግበት ነገር ላይ በሙሉ ልረዳችሁ ዝግጁ ነኝ".........

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia