𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_102 𖥧𖤣

... ካልሆነ አሁን ሆስፒታል ሄደን እንጨርሰው?"አለ ኩራትና ጀብደኝነት በተሞላው አነጋገር "ኧረ ባክህ እውነትህን ነው ይሻላል?' አለ ዳዊት "አዎ አዎ "አለ "ኧረ ደግሞ ዝም ብል ማነው አንተን ያገናኘኝ ጂል ነህ እንዴ ጭራሽ ደግሞ እዛው ሂጄ ልያዝ እያልከኝ ነው? አሁን በፖሊሶች እየተጠበቀ እንደሆነ አጣኻው? ደግሞ ያ መርማሪ ይሄኔ ውሎና አዳሩ ሆስፒታል ነው። ብሽቅ! ትንሽ ማስረጃ የው የሚፈልገው እኔን ለማሰር" አለና "ስለዚህ ከዚህ በኋላ ምንም የምናደርገው ነገር የለም። እናንተም አርፋችሁ ተቀመጡ። እኔ ምንም ሳልላችሁ አንድ ነገር ለማድረግ እንዳታቅዱ" አለ ዳዊት "እሺ ጌታዬ ምንም አናደርግም ግን መጨረስ ያለብን ነገር ካለ እባክህ ንገረኝ " "ደግሞ ንገረኝ ትላለህ ? የእናንተ ስራ እኮ አየሁት የተሻለ ስራ መጠየቅ ብቻ ነው የእናንተ አቅም ሌላ ምንም የምትችሉት ነገር የለም?" ብሎ ቸው እንኳ ሳይለው ስልኩን ዘግቶ ወደ አንድ ስልክ ደወለ።

የደወለለት ስልክ አላነሳ ሲለው "ምን ሆኖ ነው ስልኬን የማያነሳው?" ብሎ በሌላኛው ስልኩ ደወለለት። ገና በመጀመሪያው ጥሪ ከወዲያኛው ስልክ "ሀሎ ዳዊት
"የሚል ፈጣን ምላሽ አገኘ። ዳዊት ግራ እየተጋባ " አሁን ደውየልህ ስልክ አታነሳም።'' አለ "አዎ ስራ ላይ ስለነበርኩ ና ያው ስስኩንም ስለማላቀው ነው አለ ።ይሄኔ ዳዊት ትዝ አለው። ለካ ሁለት ሲም ካርድ ነው ያለው አንደኛው ለምስጢራዊ ስራ ሌላኛውን ደግሞ ለዋና ስራ የሚገለገልበት መስመር እንደሆነ "አዎ አዎ ልክ ነህ ስህተቱ የኔ ነው በማታቀው ስልክ መደወል አልነበረብኝም "እኔ ምልህ ይሄኛው ሲም ሳንቲም ስሌለው በዛኛው ልደውልልህ አሁኑኑ አንሳው አለ ዳዊት "እሺ አቶ ዳዊት 'አለ

"ብራቮ ብራቮ ዳዊት "አለ ደመቅ አድርጎ እያጨበጨበ " አለቃ ሁለት ስልክ ነው ያለው እስካሁን ምንም አይነት ነገር ያልገባልን ለዛ ነው። አሁን ሁሉም ነገር ግልፅ ነው። ወንጀል የሚያስፈፅምበት ስልኩን እኛ አናውቀውም በእርግጠኝነት ይሄኛውን ስልክ እንደምንጠልፈው እርግጠኛ ነበር አለ ረዳት መርማሪው "አሁን ለተጨማሪ ጥያቄ እንጥራው አለ ዋና መርማሪ ''እሺ ብሎ ረዳት መርማሪው ወጣ።

ዋና መርማሪ ኮሚሽነር መላኩ ራሱን እየነቀነቀ ፊትለፊቱ ከተሰቀሉት ፎቶዎች መሀል የዳዊትን ፎቶ በቀይ ማርከር አከበበውና የእጁን መዳፍ አገጩ ላይ አስደግፎ "እንዴት አድርገህ ነው ያደረከው?" ብሎ ትንሽ ካሰበ በኋላ ደግሞ . አይኑን ወደ ሌላኛው ፎቶ አደረገ የማህደር ፎቶ ላይ 'አንቺስ በምን መልኩ ነው እዚህ የግድያ ሙከራ ላይ የተሳተፍሽው በምን መልኩ? እንዲገደል የተፈረደበትን ሰው ሳታውቂ ነው ወይስ እያወቅሽ? እያወቅሽ ከሆነስ እንዲህ ያሳደገሽ ወንድምሽ ላይ ለመጨከን የሚያበቃ ምን አድርጎሽ? ወይስ የወንድምሽን ገመና ለመጠበቅ? ለሁሉም ጥያቄዎቼ መልስ የማገኘው በጣም በቅርቡ ነው።

የሁላችሁም በር ላይ መቆሜ አይቀርም እያለ በሩ ተንኳኳ "ይግቡ "አለ ከጥያቄ ሀሳቦቹ ጋር ለጊዜውም ቢሆን በመፋታት "ምክትል መርማሪ አወቀ ነበር። የፖሊስ ሰላምታ ተለዋወጡና ተቀመጡ "እሺ ምን አዲስ ነገር አለ? መቼም አዲስ ነገር ተገኝቷል።"አለ ዋና መርማሪ "አዎ አዲስ ነገሩ ግን ግራ የሚያጋባ ነው። ወይዘሮ ሰላማዊት ወደ ቤተሰቦቿም ሆነ ወደ ቅርብ ጓደኛዋ አልሄደችም! " "ምን? ቤተሰቦቿንም ጓደኛዋንም ጠይቃችኋል?" "አዎ ሁላቸውንም ጠይቀናቸዋል። ምን አልባት ብለን እንኳ የሆነ ፍንጭ ብናገኝ ብለን አቶ ሙሉሰው የተተኮሰበትን እለት ሁሉ ስንነግራቸው የሆነ መረጃ ብንጠብቅም ነገር ግን ሁላቸውም ስለዚህ ጉዳይ ምንም የሚያውቁት ነገር እንደሌለ ነው የነገሩን" "እየዋሹ እንዳይሆን 'አለ ዋና መርማሪ በጥርጣሬ " እንደዛ አይመስለኝም ላለማመን ሞክሬ ነበር ግን ከሁኔታቸው የተረዳሁት ምንም ነገር እንደማያውቁ ነው።" " በምርመራ ውስጥ እምነት ወንጀለኛን የማስመለጫ ስስ ጎን ሲሆን በሌላ በኩል ደግሞ የተጎጂዎችን የእረፍት አልባ ሌሊት እድሜ ማርዘም ነው። ስለዚህ ማንንም አትመን ሁሉንም ደግሞ መጠራጠር አለብህ። አንዳንድ ጊዜ የምትፈልገውንና . የሚያስፈልግህን መረጃ ራሱ ቶሎ ልታገኘው ትችላለህ እንዴት ቶሎ እንዳገኘኸው ራስህን መጠየቅ አለብህ። ምክንያቱም መረጃውን ያገኘኽበት መንገድ መረጃውን የማጥፋትና እንዳይደረስበት የማድረግ አንዱ እቅድ ስለሚሆን። አሁንም እነዚህን ሰዎች ብታምናቸውም ግን ትንሽ ደግሞ ልትጠራጠራቸው ይገባል። አሁን ዳዊት ይመጣል ሰዎች እንዲያመጡት ልኪያለሁ።" አዲስ ነገር አለ?" " አዎ በደንብ አዲስ ነገር አለ አቶ ዳዊት ሁለት ስልክ ነው ያለው። ሁለት ስልክ እንዳለው ያወቅነው በተደበቀው ስልክ ደውሎ አላነሳ ላለው ሰው በዋናው ስልኩ ደውሎ በሌላ ስልክ ደውሎለት እንደነበር ሲነግረው ነው።" ስለዚህ ምስጢራዊ ስራዎቹን የሚሰራው በዚያኛው ስልኩ ነው ማለት ነው። "አዎ እንደዛ ነው ጥርጣሪያችን"


🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_103 𖥧𖤣

... ስለዚህ ምስጢራዊ ስራዎቹን የሚሰራው በዚያኛው ስልኩ ነው ማለት ነው። "አዎ እንደዛ ነው ጥርጣሪያችን" "እና ምንድነው የምናደርገው?" "ሁለት አይነት ዘዴዎች አሉ ያቀድኳቸው የዳዊትን ሌላኛውን ስልክ ለማግኘት... አንደኛው ቴሌዎችን በአቶ ዳዊት ስም የወጣ ሌላ ሲም ካለ ጠይቆ ቁጥሩን ማግኘት ሲሆን ሁለተኛው ደግሞ ያን በስልክ ያወራውን ሰውዬ ስልክ በመያዝ ሄዶ ፖሊስ መሆናችንን ሳናሳውቅ ለስራና ለንዳንድ ነገሮች እንደምንፈልገው አስመስለን ስልክ ቁጥሩን መቀበል"

"አሪፍ ነው ግን ሁለተኛው ማለትም ሰውየው ስልኩን እንዲሰጠን መጠየቁ ላይ የሆነ ፍራቻ አለኝ። ፍራቻዬ ደግሞ ስልኩን እንደሰጠንና ስልኩን የጠየቀው ሰው እንደነበር ደውሎ ከነገረው ዳዊት ሊነቃብን ይችላል። ከነቃ ደግሞ ወይ እንዳላወቀ ሆኖ ሊጫወትብን ይችላል ወይም ደግሞ ምንም ነገር ላይሰራበት ይችላል። ስለዚህ ሰውየውን መጠየቁን ብንተወውና ቴሌዎችን ብንጠይቃቸው ደግሞ የሰውየውን ስልክ ሰጥተናቸው ማን ማን ጋር እንዳወራና ስልክ ቁጥራቸውንም ይነግሩናል። "አለ ምክትል መርማሪ አወቀ

" በትክክል ልክ ነህ። እንደዛ ብናደርግ ይሻላል። ካልሆነ አንተ እንዳልከው ከደወለለት በቀላሉ ይጠቀምብናል። ስለዚህ አሁኑኑ ወደ ቴሌ መስሪያ ቤት መሄድ አለብኝ አለና ብድግ አለ።

○○○○○
"አሁን የምትረዳኝ ነገር አለ..... "አሁን የምታግዘኝ ነገር አለ። በአሁኑ ስአት በወንድሜ የግድያ ሙከራ ጉዳይ ፖሊሶች እኔን ጠርጥረዋል። መጠርጠር ብቻ አይደለም እኔ ላይ ማስረጃ እየፈለጉ ነው። እነሱ የሚያስቡት እኔ እንዳደረኩት ነው። እኔ ደግሞ አላደረኩትም። "አለ ዳዊት " እና አንተ ካላደረከው ለምን አንተ እንዳደረከው አድርገው ይከታተሉሀል?" "የሚከታተሉኝማ ከወንድሜ ጋር ባለኝ ጥልና ቂም መሰረት ነው። ባለቤቱ ስትጠየቅ ዳዊት ነው፡ ከእሱ ውጪ ጠላት የለውም። አለቻቸውና ጭንቅላታቸው ላይ ስሜን አፅፋዋለች።ለዛ ነው።"እሺ እና እኔ እንዴት ነው ልረዳህ የምችለው።"

" አንተ የምትረዳኝ በአንድ ነገር ብቻ ነው። የሆነች ልጅ ከትምህርት ቤት ታሳፍንልኛለህ። '' ከባድ ነገር የምትጠይቀኝ ግን ጠቀም ያለ ገንዘብ ትከፍላለህ ። "እሱ ችግር የለም እኔም እከፍልሃለሁ የታገተባቸው ቤተሰቦችም ይከፍሉሀል።" አለ ዳዊት። በዚህ መሀል ፖሊሶች መጡና ዳዊትን ለጥያቄ ይዘውት ወደ ፖሊስ ጣቢያ ይዘውት ሄዱ። ዳዊት ገና እንዳያቸው ነበር ሁሉም ነገር እንደተበላሸ የገባው። ካሰባቸው በላይ የሆነበት።

ዋና መርማሪ ኮሚሽነር ቴሌ ሄዶ የአንድ የግድያ ወንጀል መርማሪ ኃላፊ እንደሆነ ተናግሮና መታወቂያውን አሳይቶ የሚፈልገውን በሙሉ ጠይቆ ያለውን ማስረጃ ይዞ ወደ ጣቢያ ተመለሰ። በደስታ እየተፍለቀለቀ ወደ ቢሮው ሲመለስ። ዳዊትን ቢሮው ተቀምጦ አገኘው። "ኦው የሚያስፈልገኝን ሰው በሚያስፈልገኝ ጊዜ ማግኘት እንዴት ደስ ይላል። አሁን እቃየን ጠቅልዬ ወደ አንተ ልመጣ ነበር። "ብሎ በአትኩሮት ተመለከተው። "አሁን እሺ ለምን እንደፈለከኝና ለምን እንዳስጠራኸኝ ንገረኝና ወደ ስራዬ ልመለስበት አለ ዳዊት። "ያስጠራውህ አንዳንድ ጥያቄዎችን ልጠይቅህ ነበር አሁን ግን ሁሉም ማስረጃ በእጄ ስለገባ። የምጠይቅህ ነገር ቢኖር ሁሉንም ነገር እንድታምን ነው። በራስህ ራሴ ነኝ ያስደረኩት እንድትል እፈልጋለሁ። ከአቶ ሙሉሰው ሞትስ ምን ጥቅም ታገኛለህ?" ምን ለማለት እየሞከርክ ነው? ደግሞ ወንጀለኛ አደረከኝ? ሃሃሃሃሃ "አለና ዳዊት በረጅሙ ሳቀ።

ጥሩ እንግዲያውስ አቶ ሙሉሰው በተገደለበት በዚህ ስልክ ቁጥር ምን ብለህ እንዳዘዝካቸው ና ምን ስትላቸው እንደነበር ከቴሌ መውሰድ ችለናል። ከተኮሱበት በኋላ ደግሞ የነበራችሁን የስልክ ግንኙነት ከቴሌ ወስደናል። አሁን ግብረ አበሮችህን እንዲያዙ አዝዣለሁ አቶ ዳዊት ድራማህን በአጭር ቋጭቸዋለሁ። ሌላው ደግሞ በዚህ ጉዳይ ላይ ምስክር ልትሆነን የምትችለውን ሰውም አግተሀታል። የገዛ ባለቤትህን እንዳትመሰክርብህ በማሰብ ብቻ ያገትካት አንተ እንደሆንክ ጥርጥር የለኝም። ቤተሰቦቿ አንተ ላይ ነው ክስ ያቀረቡት። እኛም ክሱን ጨምረንበታል። አሁን ወደ እስር ቤት ትሄዳለህ በቅርቡ ደግሞ ለፍርድ ትቀርባለህ። "አለና ፖሊሶችን ጠርቶ አስወሰደው።

ማህደር የዳዊትን መታሰር ስትሰማ በፍጥነት ወደ ፖሊስ ጣቢያ በመምጣት ዳዊትን ለመጠየቅ ሙከራ ብታደርግም ነገር ግን የተሰጣት መልስ "አሁን መጠየቅ አትችይም ነገ... ከነገወዲያ ነው "የሚል ነበር። ማህደር ወዲያው ወጣችና ለዳዊት ጠበቃ ደውላ ሁሉንም ነገር ነገረችው። ጠበቃው የተፈጠረውን ነገር እንደሚያውቅና ሁሉም ነገር መከላከያ የሌለው ክስ እንደሆነ ነገራት "እና ወንድሜን ዝም ብለህ ልትተወው ነው ገና ለገና ጠፋተኛ ነው ብለህ?"ማህደር በንዴት አምባረቀችበት። ''እንደዛ አላልኩሽም ገና ነፃ የሚሆንበት ምንም አይነት የሕግ ክፍተት የለም ያሉትን ነገሮች በሙሉ እያየሁ ነው" አለ "አዎ እንደምንም ብለህ ማግኘት አለብህ።"ብላ ምላሽ ሳትጠብቅ ስልኩን ዘጋችው።

" ወይዘሪት ማህደር ምነው የጨነቀሽ ትመስያለሽ?"አለ ምክትል መርማሪ አወቀ። " ቅድም የሰጠኸኝን ስራ ጨርሻለሁ አለቃ "አለ ሳሙኤል የፖሊስ ሰላምታ ከሰጠው በኋላ ማህደር የሳሙኤልን ድምፅ ሰምታ ዘወር ስትል ሳሙኤል እሷና ምክትል መርማሪ ወዳሉበት እየመጣ ነው፡፡ እንዳየችው ድንግጥ አለች.......

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_104 𖥧𖤣

... እንዳየችው ድንግጥ አለችና አይኖቿን ከፈት ዘጋ ብታደርገውም የተቀየረ ነገር አልነበረም። ሳሙኤል በምክትል መርማሪና በዋና መርማሪ ኮሚሽነር መላኩ የተመለመለ የዚህ ወንጀል ሰላይ ነበር። ለዚህ ወንጀል ደግሞ የመጀመሪያው ተጠርጣሪ አቶ ዳዊት እንደመሆኑ ማህደር ደግሞ ትኖርበታለች ልትረዳው ትችላለች በሚል እሳቤና ግምት ነው ሳሙኤል ከስር ከስሯ ሆኖ እንቅስቃሴዋን እንዲያጠና የተመደበው

"ያ ማንነት ለእኔ ወጥመድ የተዘጋጀ ነበር ማለት ነው? አዎ በደንብ እንጂ እነሱ ፈልገው ማግኘት ያቃታቸውን መረጃ በእኔ በኩል ለማግኘት" እያለች ለ ደቂቃዎች ያህል ሳሙኤልን ራሷን ስታወራ ከቆየች በኋላ ሳሙኤልን ገላምጣው ወጣች። " ጥሩ አሽኮርማሚ ነበርክ ማለት ነው። አንተ ከተናገርከው በላይ እሷ ቃል ሳታወጣ በአይኗ ብቻ ያወራችው ይበልጣል። ለዚህ ስራህ ሽልማት ይኖርሀል "አለ ምክትል መርማሪ አወቀ "እሺ አመሰግናለሁ አለቃ "አለና ሳሙኤል ሰላምታ ሰጥቶት ተመለሰ።


" አሁን ደግሞ ወይዘሮ ሰላማዊት የት እንዳለች ማወቅ አለብን። ሕይወቷ አስጊ ደረጃ ላይ ነው። ምን አልባትም ደግሞ የአቶ ዳዊት ማፍያዎች መሪያቸው በመታሰሩ ተበሳጭተው እሷን አንድ ነገር ሊያደርጓት ይችላሉ። ስለዚህ በቶሎ መድረስ አለብን። ሁሌም አቋራጭ መንገድና ፈጣን ምላሽ ከእኛ ይጠበቃል።" አለ ኮሚሽነር መላኩ ሌሎች የፖሊስ አባላትን ሰብስቦ።

ኮሚሽነር መላኩ በመርማሪነት ለብዙ አመታት ያህል የሰራ ትጉህ ታታሪና ጎበዝ ነው። በአለቆቹና በስራ ባልደረቦቹም "አቦሸማኔው መርማሪ" የሚል ቅፅል ስምን ሰጥተውታል። ብዙ የወንጀል ስራዎችን እስከመጨረሻው በመጋፈጥና ወንጀለኛን ለመያዝ የሚጠቀምበትን ብልሀት መረጃን ለማግኘት በሚዘይደው ዘዴ ደግሞፐለአለቆቹ እፎይታን ሰጥቷል። መልከመልካሙ መርማሪ ኮሚሽነር መላኩ ልጅም ሆነ ሚስት የለውም። ይሄ ሁኔታው ለብዙዎች አግራሞት ቢጭርም እሱ ግን " ሚስትና ልጅ ትዳርና ቤተሰብ የተከበረና የሕይወት ሌላኛው የደስታ መክፈቻ በር ነው። ይህ በር ደግሞ በአንድ ልብ እንጂ በሁለት ልብ መከፈት የለበትም። ትዳር ያለ ምንም ስጋትና ፍርሃት ሊኖረው የሚገባ ነገር ነው። ከዚህ ስራ ጋር ደግሞ ፈፅሞ አይሄድም ምን አልባት ይሄን ስራ ስለቅ የራሴን ሕይወት መጀመር ይኖርብኝ ይሆናል እንጂ በጭራሽ አሁን ላይ ለወንጀለኞች መታሰሪያ አልሆንም። አገራችን ላይ ያሉ በርካታ ባንዳዎች ወደውና ፈቅደው አይደለም። በብዙ ነገሮች ስለሚታሰሩ ነው። በሚስታቸው በልጃቸው በባላቸው እንዲሁም በእናትና አባታቸው። በሚወዱት ሰው ነው የሚጠቁት እንደሚባለው የፖሊስ ሕይወትም በዚሁ ድልድይ የሚያልፍ ነው። ብዙዎቹ የተከበሩ ኮሚሽነሮች ለሕዝብ የገቡትን ቃል የሚያጥፉት በሚወዷቸው ሰዎች ስለሚታሰሩ ነው። በእርግጥ እስሩ ቃልን በማፍረስም ቢሆንም ግን በእነሱ ምክነያት የሌላ ንፁህ ሰው አደጋ መውደቅን ስለማይፈልጉ ብቻ ራሳቸውን አሳልፈው ይሰጣሉ። ታዲያ ከራስ ጋር ከመጣላት ቃልን ከማጠፍ የሚወዱትን ሰው ላለማጣት ወንጀል ውስጥ ከመዘፈቅ አለማግባት ለጊዜው መፍትሔ አይደለም?!" የሚል ግላዊ ፍልስፍና አለው።

ብዙዎቹ ግን ሀሳቡን በሌላ የተሻለ ሀሳብ በመተካት ቢያጣጥሉትም ጥቂት የማይባሉ የበሰሉና በሙያው የረቀቁ ሰዎች ደግሞ ሀሳቡንና ፍልስፍናውን ሙሉ በሙሉ ይደግፉታል። ኮሚሽነር መላኩ ነገሮችን ባልታዩበት አቅጣጫ ብቻ ሳይሆን ሊታሰብ በማይችልበት አቅጣጫ ያያል።" ፖሊስ አይኑ መላ ሰውነቱ ና አእምሮው ነው" የሚል እምነትም አለው።

አቶ ሙሉሰው የሆስፒታል ሕክምናውን ጨርሶ ቤት ሆኖ ራሱን እያስታመመ ነው። ቤት መምጣቱ ሲሰማ በርካታ ሰዎች የስራ ባልደረቦቹ የሚሳራባቸው ድርጅት ባለቤቶች ቤት በመምጣት 'እንኳን ለዚህ አበቃህ እንኳን እግዚአብሔር አተረፈህ። አላህ ይጠብቅህ የሚሉ ሀይማኖታዊ ምኞቶችን እየተመኙለት በደንብ አነጋግረውት ይመለሳሉ። የሚመጣለት የእንኳን አተረፈህ ስጦታ እጅግ ብዙ ነው። አንዳንድ ድርጅቶች በግ በመግዛት በቶሎ እንዲድን ያላቸውን አበርክቶት አሳይተዋል። በዚህም የእነ አቶ ሙሉሰው ጊቢ የበግ ማርቢያ ሊሆን ብዙም አልቀረውም ። አቶ ሙሉሰው አሁን በሙሉ ጤንነት ላይ ነው። ነገር ግን ስራ ለመውጣት ትንሽ ረፍት ማድረግ ስላለበት ገና አልጀመረም።

ቀዳማዊ ላለፉት ቀናት በስቃይና በፍራቻ ስላሳለፈ ትምህርቱ ትዝም አላለውም። ሀሳቡ ሁሉ የሙሉሰው ጤንነት ላይ ነበር። አንድም ቀን ከዚህ ሀሳብ በስተቀር ምንም ነገር አያስብም ነበር። በመጨረሻ አቶ ሙሉሰው በሙሉ ጤንነት ላይ ሲሆን ሀሴት ተሰማው። የተስፋው ብርሀን ከእንደገና በሙሉ ፀሀይ ተሞላ ከፊቱ ላይ የነበረው ጭጋጋማ ሕይወት በሙሉ ተገፈፈ ወደ ሰማይም ተነነ። ሕይወት እንዲህ ናት አንዳንድ ጊዜ ታሳዝነንና ግን ደግሞ አንዳንድ ጊዜ ከሀዘናችን ጊዜ በላይ ታስደስተናለች። ታስፈነድቀናለች።በቃ ማግኘትና ማጣት ማጣትና ማግኘት ሁለቱም የአንድ ሳንቲም ሁለት ገፅ ናቸው።

ኤሊያናና ሔመን አባታቸው በመታመሙ እየተላቀሱ። ትርጉሙ በተወላከፈ አማርኛቸው ስሜታቸውን እየገለፁ። ያለፉትን አስጨናቂ ጊዜዎች በሀዘን ከርመው አሁን ከህመሙ ከተሻለው አባታቸው ጉያ ተወሽቀው በናፍቆት እያዟዟሩ ይስሙታል። ይህን ትዕይንት የምትከታተለው ወይዘሮ ሔዋን ደስታዋን መቆጣጠር አቅቷት በደስታ ስቅስቅ ብላ አለቀሰች። "ፈጣሪዬ ሆይ አመሰግንሀለሁ አንተ ለዚህ ባታበቃው እኔ ምን እሆን ነበር። ምን ይውጠኝ ነበር? አንተ ቸሩ መድኃኔዓለም ምስጋናህ አይጓደል። ተስፋየን መልሰህልኛልና ምስጋና ለአንተ ይገባሀል"ብላ አመሰገነችው።

አቶ ሙሉሰው የተፈጠረውን አንድ በአንድ አስታውሶ ፊት ለፊቱ ሶፋው ላይ ፊቱን ወደ ቴሌቪዥኑ አዙሮ የሚመለከተውን ቀዳማዊ ለተወሰነ ደቂቃ ያህል ሲያየው ከቆዬ በኋላ. ..... ..... ....

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_105 𖥧𖤣

... ለተወሰነ ደቂቃ ያህል ሲያየው ከቆዬ በኋላ "ምስኪን ልጅ አሁን ጭንቅላትህ ላይ ምን ይፈጠር ይሆን? ፊት ለፊትህ ስወድቅ እንዴት ብለህ አሳልፈህ ይሆን? ምንስ እያሰብክ ይሆን? ''አለና ''ቀዳማዊ..!'' አለ ቀዳማዊ ጥሪውን ሲሰማ በፍጥነት ዘወር ብሎ "አቤት ጋሼ' አለ " ትምህርት እንዴት ነው?' አለ ድንገተኛ ጥያቄ ነበር በዚህ ስአት ይጠይቀኛል ብሎ ያላሰበው ጥያቄ " አይ ጋሼ ይቅርታ ይሄን ሳምንት ሄጄ አላውቅም። ደግሞስ አንተን አሞህ እንዴት ትምህርት ቤት ልማር እሄዳለሁ ብሄድስ እንዴት ተቀልቤ ሆኜ እማራለሁ"አለ።

ሙሉሰው የጠበቀውን መልስ ነበር ያገኘው ምንም አልገረመውም። "በሉ ከዚህ በኋላ እኔ ድኛለሁ ሁላችሁም ወደ ትምህርት ቤት ትሄዳላችሁ መዘናጋት የሚባል ነገር የለም። ምንም የሚያሳስብ ነገር የለም። እሺ ልጆች?"አለ። ሁላቸውም ራሳቸውን በእሺታ አወዛወዙ።''በድጋሚ የምነግራችሁ ነገር ቢኖር እናንተ የሚያሳስባችሁ ትልቁ ነገር መሆን ያለበት ትምህርታችሁ ነው። ትምህርታችሁ ላይ በጭራሽ መዘናጋት የለባችሁም። እኔን የምታስደስቱኝ በሱ ነው እሺ ልጆቼ አለና ቀዳማዊን ወደ እሱ እስጠግቶ አቀፋቸው።

○○○○○
" ምን ሆኖ ነው የቀረው? ለምን ሳምንቱን ሙሉ? ምን አይነት ችግር አጋጥሞት ነው? ወይስ አሞት ነው?" ደሐብ ነበረች ያላፉት ቀናት የቀዳማዊን ወደ ትምህርት ቤት አለመምጣቱን ተከትሎ ራሷን ስትጠይቅ ነበር። ደሐብ በቀዳማዊ ላይ የሆነ የተፈጠረ ችግር እንዳለ ገብቷታል። ነገር ግን ማንን ስለ እሱ ትጠይቅ ምንም አይነት ጓደኛ የለውም። "አዎ በእርግጠኝነት ታሞ ነው እንጂ ይሄን ያህል ቀን አይቀርም ነበር።' እያለች ለብቻዋ እያሰበች ሳለ ቤቷ ደረሰች።

" ለምንድነው ግን አንተ ግልፁን የማትነግራት? ምን አልባት እሷም ልትወድህ ትችላለች። ከእሷ እስኪመጣ በጠበክ ቁጥር ልታጣት ትችላለህ? ይሄኔ እሷም እሱ ካልጠየቀኝ ብላ ይሆናል እስካሁን ምንም ነገር ያላለችህ። አንተ ነገሮችን ማመቻቸት አለብህ እሷን ማቅረብ አለብህ ይበልጥ ፓሪዎችን አዘጋጅ ከጓደኞቿ ጋር ጋብዛት ጥሩ ጊዜ እናሳልፍ ነገሮችን ማመቻቸት የእኛ ስራ ነው"አለ ኪሩቤል።

ታሮስ ዝም ብሎ ሲያዳምጠው ከቆዬ በኋላ " እሱ ልክ ነህ ግን አይተሀት ከሆነ ሰሞኑን ጣል ጣል አድርጋኛለች። ላናግራት ስሞክር እንኳ ከራሷ ጋር ሆና አታወራኝም። በሀሳብ ትሄዳለች። ሲመስለኝ ያን ቀዳማዊ የተባለን ልጅ ሳይሆን አይቀርም የምታስበው። ሰሞኑን ትምህርት ቤት ስላልመጣ ቅር ያላት ይመስለኛል። የሆነ ስሜት ሳይኖራት አይቀርም። እንደሚመስለኝ ከእሱ ጋር እልክ ብቻ የተጋባች አይመስለኝም። ሳትወደው አትቀርም።" አለ ታሮስ

ኪሩቤል በረጅሙ ሳቀና "አዬ ታሮስ መቼም እየቀለድክ መሆን አለበት"አለ "ውይ ኪራ ደግሞ ነገሮችን ቶሎ ያለማመን ችግር አለብህ እንዴት ነው በዚህ ስአት የምቀልደው? ብቀልድ ብቀልድ በደሐብ እቀልዳለሁ?''አለ ታሮስ ቆጣ እያለ " እህ እኔ ምን ላድርግ ራስህን በሆነ በማይረባ ልጅ ስታወዳድር በዛ ላይ ማወቅ ያለብህ ማንኛዋም የሀብታም ልጅ ፍቅረኛዋ እንዲሆን የምትፈልገው በእሷ ተመሳሳይ የሀብት ደረጃ ላይ ያለን ሰው ነው። ቀዳማዊ ደግሞ ከአንተ ጋር የሚወዳደር ልጅ አይደለም። በዛ ላይ ዝም ብለህ ተጠራጠርክ እንጂ እሱ ላይ ምንም ነገር አላየህበትም። ደሐብን ራሱ ዞር ብሎ አይቷት አያውቅም። ከመሬት ተነስተህ እንዴት እንደዚህ እንዳሰብክ አልገባኝም አለ ኪሩቤል።

"እየውልህ ኪራ በእሱ እርግጠኛ ነኝ። ቀዳማዊ ለእንደዚህ አይነት ነገር ጊዜ የለውም። ደሐብንም ቢሆን እንደማንኛውም ተማሪ ነው የሚያያት። ግን ችግሩ እሷ በምን አይን ነው የምታየው ነው? እሱ ባይወዳት እንኳ እሷ ከወደደችውና ጥላቻዋ እልኳ ወደ ፍቅር ከተቀየረባት ብዬ ነው የፈራሁት።" አለ ታሮስ " ለምንድነው እልክ የምትጋባው? ቀዳማዊ እንደ ሌሎቹ ልጆቹ አብሮ ስላላጀባት ስለናቃት የራሱን መንገድ ብቻ ስለያዘ አይደል? ስለዚህ እሱን እንደሌሎቹ ተማሪዎች እግሯ እግሯ ስር እንዲል ማድረግ እንችላለን"አለ ኪሩቤል።

" እንደዛ ለማድረግ ባለፈው ጊዜ ወዲያው ገና ትምህርት እንደጀመርን አውርቼው ነበር ግን ልጁ ምስኪን ነው፡፡ አላማው ትምህርት ብቻ ነው። እና ግርግር አይመቸውም። ስለዚህ ምንም ነገር መጋፋት የለብንም። 'አለ ታሮስ " ቆይ ባህሪው ትክክለኛ ስብዕናው እንደዛ ባይሆንስ ሆነ ብሎ እሷ እልክ እንድትጋባ ከእሱ ፍቅር እንዲይዛት ቢሆንስ እንደዛ የሚያደርገው ''አለ ኪሩቤል በጥርጣሬ " እንደዛ አይነት ወንዶችን እኔም ሆንኩ አንተ ጠንቅቀን እናውቃቸዋለን ቀዳማዊ ደግሞ እንደዛ አይነት ወንድ አይደለም። ይሄን እርግጠኛ ነኝ። የእውነቱን ነው የሚያየው የእውነቱን ነው የሚያወራው።"አለ ታሮስ " ጥሩ ይሄን ያህል በእሱ እርግጠኛ ከሆንክ እኔ ምንም ልልህ አልችልም ግን.....

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_106 𖥧𖤣

... ግን አንድ የምነግርህ ነገር ቢኖረኝ ማመን እንደሌለብህ ነው በቀዳማዊ ይሄን ያህል እርግጠኛ መሆን እንደሌለብህ ነው። እንደዚህ አይነት ልጆች እየቆዩ ነው ጭንብላቸው የሚገፈፈው።"አለ ኪሩቤል " እሺ ችግር የለም ወንድሜ ያን ያህል ሞኝ አይደለሁም አንድ ነገር ካየሁበት ምንም ጥርጣሬ አይግባህ ያኔ እኔም ሌላኛውን ታሮስ አሳየዋለሁ። ግን እሱ ላይ ምንም ነገር ሳላይ ዝም ብዬ አልደርስበትም። ለማንኛውም ይሄን ሳምንት ለምን ትምህርት ቤት እንዳልመጣ ማወቅ አለብን። አሞት ሊሆን ይችላል።"አለ ታሮስ

" እሺ ወንድሜ ሰኞ እንጠይቀዋለን። " ታውቃለህ ልጁ ግን ብዙ ችግር ያለበት ልጅ ነው። ዝም ብሎ ያሳዝነኛል።" አለ ታሮስ " በል ተነስ ዝም ብሎ ማዘን ትወዳለህ።አሁን እሱ ምን ያሳዝናል? በል በል ተነስ እንውጣና ዘና እንበል" ብሎት ተያይዘው ወጡ።

○○○○
ደሐብ ቤቷ ደርሳ ክፍሏ ውስጥ ተቀመጠች። ሁሉንም አንድ በአንድ ለማሰብ ሞከረች። የምሯን ከልቧ ምን ሆኖ እንደቀረ ተጨነቀች በመጨረሻ ስልኳን አነሳችና ደወለች። " ወይዬ ደሐብ "አለች ቤርሳቤህ " በጣም ጨንቆኛል ቤርሲ በዛ ላይ ልቤ ዝም ብሎ ይፈራል።"አለች ደሐብ እየተቅለሰለሰች። " ተነጋግረን የለ እንዴ ሰኞ ካልመጣ ያለውን ነገር እናጣራለን። ግን በእርግጠኝነት ሰላም ይሆናል። "አለች ቤርሳቤህ ደሐብን ለማረጋጋት እየሞከረች " አንድ ሀሳብ መጥቶልኝ ነበር። ለምን እሑድ ቀዳማዊ የሚዋኝበት ሆቴል አንሄድም። ደሕና ከሆነ እዛ ይመጣል። ካልመጣ ግን የምር አሞታል ማለት ነው"አለች ደሐብ

" እንዴ ደሐብ ምን ሆነሽ ነው? ልጁን ወደድሺው እንዴ?"አለች ቤርሳቤህ " አይ አይ መውደድ አይደለም። የምር በጣም ስላስጨነቀኝ ነው" አለች ደሐብ " ተይ እንጂ ዝም ብሎ መጨነቅ ብቻ? ለማታቂው ሰው በዛ ላይ ምንም ለማትቀራረቢው ልጅ? " " የእውነት ቤርሲ ብወደው አልነግርሽም ነበር! በቃ ዝም ብዬ ነው እንደ አንድ ተማሪ ነው የተጨነኩት ደግሞ ሁሉም ተማሪ ነው ግራ ተጋብቶ የተጨነቀው። ምክንያቱም ልጁ በጭራሽ አንድ ነገር ባይኖር ከትምህርቱ አይቀርም ነበር። ለዛ ነው እንጂ መውደድ ምናምን የሚባል ነገር የለም። በዛ ላይ ልጁ ታየፔ አይደለም እሱን ደግሞ ጥንቅቅ አድርገሽ ታውቂያለሽ" " እንደዛ ከሆነ ጥሩ ግን ደሐብ የምነግርሽ ነገር ቢኖር ልጁ ከራሱ ጋ ብቻ መሆን የሚፈልግ ልጅ ነው። ከራሱ ውጪ ማንንም አይሰማም በዛ ላይ ገና ልጅ ነው። ካሰብሽ እንኳ በእድሜ የሚበልጥሽን ነው። " አለች ቤርሳቤህ

" ቤርሲ ደግሞ ፍቅር በፍላጎት ነው እንዴ የሚሆነው እኔ ትልቅ ስላስፈለገኝ ብቻ እወደዋለሁ ማለት ነው? ለማንኛውም የምታስቢው ሁሉ ልክ አይደለም እኔ ለቀዳማዊ ምንም አይነት የፍቅር ቦታ የለኝም። በድጋሚ ስነግርሽ እንደሚያውቀው ሰው ነው እንደዛ የሰብኩት እንደውም እሁድ ወደ ሆቴሉ መሄዱን ትቼዋለሁ" አለች ደሐብ በተረጋጋ መንፈስ

" ኧረ እንደዛ አላልኩሽም። ጥርጣሬየን እኮ ነው የነገርኩሽ "አለች ቤርሳቤህ " አዎ ገብቶኛል ችግር የለውም እኔ እንደገና እያወራሁሽ እያለ ስላሰብኩበት ነው። ማለቴ ያን ያህል ሆቴል ድረስ ሄዶ የሱን ደሕንነት ለማጣራት ማሰቡ በራሱ ሞኝነት ነው። ለዚያውም ያን ያህል ቀረቤታ ሳይኖረን። ለሚሰማው ሰውም ሆነ ለሚያይ ልክ አይደለም። ስለዚህ አልሄድም።"አለች ደሐብ በፅኑ አቋም

" እንደፈለግሽ ግን እኔና ሐምራዊ መሄዳችን ስለማይቀር አብረሽን መምጣት ትችያለሽ።"አለች ቤርሳቤህ " እስኪ አላውቅም ከቻልኩ እሞክራለሁ " ከቤርሳቤህ ጋር ወሬያቸውን ከጨረሱ በኋላ ደሐብ ስልኳ ጠራ። ታሮስ ነበር አነሳችው። " እንዴት ነሽ?" አለ ታሮስ ቀዝቀዝ ባለ ድምፅ " ደሕና ነኝ አንተስ" " እኔ ደሕና ነኝ ክላስ ውስጥ እኮ ሰሞኑን ጥሩ ስሜት ላይ አለመሆንሽን አይቼ ልጠይቅሽ እያሰብኩ ነበር።"አለ

" እናንተ ሰዎች ዛሬ ምን ሆናችኋል? ሁሉም ምን ሆነሻል የሚለኝ ምን ሆኗል? እንዴ ከተማሪው የተለየ ምን ሆኜ ነው? አንተስ ምን ሆኜ አየኸኝ?"አለች ደሐብ በቁጣ " ኧረ አትቆጭ እንደዛ ለማለት አይደለም። ማለቴ እኛም ደብሮን ነበር። እና የኛን ድብርት ከምነግርሽ የአንቺን ብንጠይቅሽ ይሻላል ብለን ነው።"አለና ቁጣዋን ለማብረድ ሞከረ። " አሁን ውጪ ነን። ሻይ ቡና እያልን። እና መጥተሽ ብንጫወት ደስ ይለኛል።" በላት ብሎ በጀሮው አንሾካሾከለት ኪሩቤል " ከቻልሽ አሁን መምጣት ትችያለሽ እኔና ከሩቤል ካፌ ነን። ተጨዋውተን ትመለሻለሽ"አለ ታሮስ።

ደሐብ ትንሽ ካሰበች በኋላ " አይ አልችልም አሁን ቤት ውስጥ የምሰራው ስራ አለ"አለች " እሺ በቃ እንደዛ ከሆነ ሰኞ እንገናኝ" አለ ታሮስ " እሺ ቸው ሰኞ እንገናኝ " አለች ደሐብ

" ምን ሆና ነው እንደዛ ስላት የተናደደችው? ለምንድነው የተበሳጨችብኝ? ቆይ ለምን? ትንሽ ግራ የሚያጋባ ነገር ነው ያሳየችኝ! ወይስ ከእኔ በፊት ያዋራት ሰው ነበር?"አለ ታሮስ " እስኪ ቆይ ለቤርሳቤህ እንደውልላትና የምታቀው ነገር እንዳለ እንደጠይቃት"አለና ኪሩቤል ስልኩን ከኪሱ አወጣ......!!!

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

ዛሬ ማካካሻ ይኖረናል 🙏

አላቹ ኣ??🫣

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_107 𖥧𖤣

... እስኪ ቆይ ለቤርሳቤህ እንደውልላትና የምታቀው ነገር እንዳለ እንደጠይቃት" አለና ኪሩቤል ስልኩን ከኪሱ አወጣ " ተወው ባክህ ደግሞ ሌላ ነገር ሊመስላት ይችላል"አለ ታሮስ " ይምሰላታ ታዲያ ዞሮ እኛ ማወቅ ያለብንን እንወቅ" አለና ደወለላት " እ ኪራ ሰላም ነው?" " ሰላም ነኝ ቤርሳ እንዴት ናችሁ እናንተ?" አለ " ደሕና ነን ደሐብ ግን ደሕና አይደለችም ድንገት ፀባይዋ እየተቀያየረ ነው"አለች " ምን ሆና ነው እንደዛ የሆነችው አልነገረችሽም?" " ኧረ አልነገረችኝም ግን ሲመስለኝ ቀዳማዊ ሰሞኑን ባለመምጣቱ በጣም ደብሯታል። ስጠይቃት ደግሞ ስለመምጣቱና ስላለመምጣቱ ምንም አይነት ስሜት እንደሌላት ነው የምትነግረኝ። ከሁኔታዋ እንደተረዳሁት ግን ለእሱ ያላት ስሜት የተቀየረ ይመስለኛል። ያው ከሁኔታዋ ስረዳ እንደዛ ነው። ከቻላችሁ እናንተ አዋሯት"አለች ቤርሳ

" እኛም አውርተናት ነበር ። ማለቴ ታሮስ አሁን ደውሎላት ነበር። እና እሱንም በስርአት አላወራችውም"አለ ኪሩቤል " ስለዚህ ሀሳቤ ልክ ነው ማለት ነው።"ብላ ራሷን ነቀነቀች " እኔ ግን አይመስለኝም አንቺ ጋር ካወራች በኋላ እኛም ተመሳሳይ ጥያቄ ስለጠየቅናት በጥያቄው ተሰላችታ ይሆናል። አንዳንድ የማይመለከቱን ጥያቄዎች ሲደጋገሙብን ያበሳጩናል። ስለዚህ ትክክለኛ ነገር ሳናውቅ ለውሳኔ ባንቸኩል አሪፍ ነው"አለ ኪሩቤል " እሱ ልክ ነህ ግን ምን ላድርግ በድንገት እኮ ነው ቅይርይር ያለችው ደሐብ እንዲህ አይነት ልጅ አልነበረችም። "አለች ቤርሳቤህ " እንደሚመስለኝ ከቀዳማዊ ጋር የሌለ እልህ ተጋብታለች። እሱ እልኋ ደግሞ አበሳጭቷታል እንደዛ ነው የምረዳው ስለዚህ አጠገቧ ሆነን ምን እንደተፈጠረ.ማወቅ አለብን።" አለ ና ኪሩቤል ከቤርሳቤህ ጋር ንግግራቸውን ጨረሱ።

" አሁን ልጁን መውደዷን እርግጠኛ ልሆን ነው መሰል!" አለ ታሮስ "ብየሀለሁ እኮ ወዳዋለች። እና እሱን መውደዷን ደግሞ ማንም እንዲያውቅባት አትፈልግም። ለጓደኛዋ ራሱ አልነገረቻትም። ግን ስታስበው እንዴት አንድ ቀን እንኳ አብሯት ያላወራን ልጅ ትምህርት በመቅረቱ ብቻ ይሄን ያህል ትጨነቅለታለች አይመስለኝም። እኔ ቆይቻለሁ ከጠረጠርኩ አንተ ነህ እንጂ አልገባህ ያለው።"አለ ኪሩቤል " እኔ እኮ እርግጠኛ የሆንኩት በቀዳማዊ ነው እንጅ በእሷ አይደለም። በእርግጠኝነት ልጁ ለእሷ ምንም አይነት ስሜት የለውም። "አለ ታሮስ

" እኔ እኮ የምትገርመኝ እርግጠኛ ነኝ ብለህ የምትነግረኝ ነገር። አሁን ቀዳማዊ ደሐብ እንደምትወደው ብትነግረው እምቢ የሚላት ይመስልሀል?" አለ ኪሩቤል " እሺ የሚላት አይመስለኝም" "አንተ ልጅ ያምሀል ልበል እንዴት ነው ደሐብን እሺ የማይለው? በምን ምክንያት ልጅቱ እኮ ሁሉም ወንድ የኔ በሆነች የሚላት አይነት ቆንጆ ናት"አለ ኪሩቤል "ኡፍፍ ኪራ ደግሞ በቃ እኔ ውስጤ ያለኝ እንግዲህ እሺ እንደማይላት ነው። ከዚህ ውጪ ምንም የሚሰማኝ ነገር የለም"አለና ታሮስ ተነሳ

○○○○○
" አይዞህ አሁን ሁሉም ነገር ተስተካክሏል። ትምህርትህ ላይ ብቻ አተኩር ስለ እኔ አትጨነቅ። የተፈጠሩትን ነገሮች በሙሉ አስተካክላቸዋለሁ። አንተ ገና ሕፃን ልጅ ነህ። ስለምንም ነገር ማሰብ የለብህም። በዚህ እድሜህ ማሰብ ያለብህ ትምህርትህን ብቻ ነው።"አለ ሙሉሰው " እሺ ጋሼ ከነገ ጀምሮ በደንብ አጠናለሁ" አለ ቀዳማዊ

ሕይወት ማብቂያ የለሽ ዘመን ናት። ሕይወት ተቃራኒ ገፆች እየተፈራረቁ የሚነግሱባት ዙፋን ነች። ከወዲህኛው የባህር ዳርቻ ፀሀይ በፈገግታ ከተደበቀችበት ስትወጣ በሌላኛው የውቂያኖስ ክፍል ደግሞ የብርሃን ጨረሯን ቀንሳ ቁልቁል እያዘገመች ትታያለች። በሁለቱም መሀል ግን የፀሀይ ወጋገን አለ። ለአንደኛው ልትጨልም ለሌላኛው ደግሞ ልትነጋለት። አዲስ ተስፋ አዲስ ሕልም ልትሆን ብቅ ስትል ለሌላኛው ግን ትጠልቅበታለች። በቃ ሕይወት ፀኃይ ናት ስታ ሁሉም ነገር አሁን የተስተካከለ ይመስላል። አቶ ሙሉሰው ሙሉበሙሉ ቁስሉ ባይድንለትም ነገር ግን የሕመም ስሜቱ በትንሹም ቢሆን እየቀነሰለት ነው።

○○○○○
"አይ የሆነ ነገርማ ሆኗል። ባይሆንማ ኑሮ አይቀርማም ነበር። አሁን የደሐብ ጭንቀትና ሀሳብ ገባኝ።"አለች ቤርሳቤህ " " እኔን ደግሞ ያስገረመኝ እንዴት እንዲህ በአጭር ጊዜ እጅ ልትሰጥ ትችላለች ነው? የሆነ ያሰበችው ነገርማ አለ። በዚህ መንገድ ልጁን ልትቀርበው አስባ ሊሆን ይችላል።"አለች ሐምራዊ " አንቺ ደግሞ የሌለ ሀሳብ ነገር የምታስቢው አሁን በዚህ ስአት እንዴት እንደዛ ልታስብ ትችላለች። መቼም ሁላችንንም ልትሸውደን አታስብም። የውሸቷን ቢሆን ኑሮ እሱ ሲመጣ ነበር እንዲህ መሆን የነበረባት ። ይሄ ግን በእርግጠኝነት የውሸቷን አይደለም።.....

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_108 𖥧𖤣

... ይሄ ግን በእርግጠኝነት የውሸቷን አይደለም። ""እና እንዴት በአጭር ጊዜ እንዲህ ልትሆን ትችላለች። አንቺ እንዳልሺኝ ከሆነ ልጁ ጋር የተወሰነ ቀናት ብቻ ነው ያወራቺው። ለዚያውም ሰላማዊ ባልሆነ አነጋገር ስለዚህ እንዴት እንዲህ ሊፈጠር ይችላል? እኔ በበኩሌ አላመንኳትም። ሆን ብላ ልጁን ግራ ለማጋባት ነው። " ምን ብሎ ግራ ይጋባል ስለሰሞኑ ስሜቷ እሷ ስለሆነችው ነገር አያውቅም። የሚነግረው ጓደኛም የለውም። ለእሱ የእሷን ሁኔታ እያንዳንዷን የሚነግረው ሰው ቢኖርስ መቼም ግምትሽን እቀበለው ነበር። ነገር ግን ያለምንም ፍንጭ ስሜቷን መጠራጠሬ እንኳ ልክ አይመስለኝም። በዛ ላይ የሆነ ነገር ቢፈጠር ሀሳቧን ብትቀይርና የሆነ ተንኮል ነገር ብታስብ ቀድማ ትነግረኝ ነበር"አለች ቤርሳቤህ

" ይቆርታ ይሄን ስልሽ ግን አንቺንም የዋሸችሽ ይመስለኛል" አለችና "በይ አሁን እሱን እንተወውና ቁርስ እንብላ " አለችና ተነሳች ቤርሳቤህ ግራ እንደተጋባች ተነሳችና ተከተለቻት።

○○○○
ደሐብ የቀን ውሎዋ ምን እንደሚመስል አልጋዋ ላይ ሁና ካሰበች በኋላ ተነስታ ወደ ማንበቢያ ክፍሏ ገብታ የቤት ስራዋን በአግባቡ ሰርታ የተወሰነ ካጠናች በኋላ ትንሽ ራሷን በፊልም ዘና አድርጋ ተኛች። " ቀ ዳ ማ ዊ " ብላ የስሞቹን ፊደል በየተራ ጠራችውና ኮርኒሱን እያየች አይኖቿን ክፍት ክድን አድርጋ ከተገላበጠች በኋላ በአንሶላው ተሸፈነች።

የማይሰሙ ድምፆች ትርጉም ያዘሉ ዝምታዎች እልፍ ቦታ ላይ ዘልቆ የሚገባ እይታ አይኖቹ ላይ በእዝነ ልቦናዋ አስተዋለች። ደሐብ በዚህ እድሜዋ ታስበዋለች ታየዋለች የማይባሉ ነገሮችን የማስተዋል ብቃቱ አላት። ልጀነቷ እጅግ ድንቅ ነበር። ታዲያ በዚህ ሁነቷ የቀዳማዊ እይታና እሳቤ ምን እንደሆነ ለማወቅ ብዙ ሀሳቦችን አውጥታለች አውርዳለች። በዚህ የጥሞናና የተመስጦ ጉዞዋ ላይ ያገኘችው ነገር ቢኖር እነ ቤርሳቤህ ስለ ቀዳማዊ የነገሯት የዋና ችሎታ ነው።" እንዴት እንደነገሩኝ አይነት ዋናተኛ ሊሆን ይችላል? ለዚያውም በዚህ እድሜው ብዙ ጊዜ ቤተሰቦቻችን ለዋና የሚልኩን ትልቅ ስንሆን ነው። በዚህ እድሜ ማንም ፐርፌክት ዋናተኛ አይሆንም። እና ታዲያ እሱ የት ነው የተወለደው? የት ነው ያደገው ለምንስ ለእኔ እንደዛ አይነት ፊት ይሰጠኛል? ከተፈጥሮው ግዴለሽ ሆኖ ነው? ወይስ ጢባር ወይስ ከማንም ጋር ማውራት ስለማይፈልግ? የቱም ይሆን ችግሩ ታዲያ ለዚህ ፀባዩ ምክንያቱ ምንድነው?" እያለች ቀዳማዊ ስላለው ና ስለሚያሳያት ባህሪ በብዙ አቅጣጫ እያሰበች ድንገት በመሀል ታሮስ ደግሞ ትዝ አላት።

ታሮስ የተረጋጋና እጅግ አስተዋይ መሆኑን አሰበች። ታሮስ ጋር በምትሆንበት ጊዜ የሚሰማት ስሜት ትዝ አላትና ፈገግ አለች። ስልኳን አውጥታ አብረው የተነሱትን ፎቶ አቅርባ እየተመለከተች ደስ አላት። ከታሮስ ጋር ከአምስተኛ ክፍል ጀምሮ ነው አብረው የተማሩት። የተለየና አዲስ ባህሪ የማይታይበት ታሮስ አንድም ቀን አስከፍቷትና ተነጋግረው እንደማያውቁ አሁንም በጥሩ ጓደኝነት እንደዘለቁ አስተዋለች። "ታሮስ ላይ እንደዛ መሆን አልነበረብኝም። አሁን ግራ ይጋባል። ለማንኛውም ነገ አወራዋለሁ"

○○○○
ቀዳማዊ የፊዚክስ አጋዥ መፅሐፍን አንስቶ እያነበበ እያለ ሙሉሰው ገባ። የሙሉሰውን መግባት ሲያይ " አቤት ጋሼ ፈለከኝ እንዴ? ምን ላምጣልህ?"አለ " አይ ልጄ ምንም አልፈልግም እንዲሁ ስታነብ ልይህ ብዬ ነው" ብሎ እጁን ከአፉ ጫን አድርጎ ትንሽ ካሰበ በኋላ " ግን የክፍል ጓደኛ የለህም ?" አለ " አዎ የለኝም " " ለምንድነው የሌለህ የክፍል ጓደኛ እኮ ግድ ነው። እንዲህ አሁን ችግር አጋጥሞህ ከትምህርት ስትቀር ያለፈህን ኖት የቤት ስራ ካለ እንድትሰራ ደብተራቸውን ያውሱሀል። አሁን ምን እንዳለፈህ አታውቅም። ስለዚህ አንድ ጥሩ ጓደኛ ቢኖርህ መልካም ነው። አንተም ታግዘዋለህ።"አለ አቶ ሙሉሰው " እሺ ጋሼ እሞክራለሁ። "

በዚህን ጊዜ ሙሉሰው የሆነ ያልተመቸው ነገር እንዳለ አሰበና " በእርግጥ አንዳንድ የሀብታም ልጆች ይኖራሉ። እነሱ ትንሽ ልቅ ና ያለመድከው ባህሪ ያላቸው ሊሆኑብህ ይችላሉ። ግን ደግሞ መጥፎዎች አይመስሉኝም።ያ ካልተመቸህ እንደፈለክ እኔ ብቻህን እንዳትሆን ስለፈለኩ ነው። " አውቃለሁ ጋሼ ልክም ነህ ነገር ግን የተወሰኑ ልጆች አሉ እና እኔ ምንም ስለማልግባባቸው ሁሌ ወደ እኔ እየመጡ "አንተ ማን ስለሆንክ ነው? ምናምን ስለሚሉኝ ነው የማልቀርባቸው። ሌሎቹ ተማሪዎች ደግሞ እነዚህን ልጆች ነው የሚቀርቧቸው። እኔን ያን ያህል ቀርቦ እኔ በፈለኩት መልኩ ጓደኛ የሚሆነኝን ስላጣሁ ነው"አለ ቀዳማዊ " ምን አይነት ልጆች ናቸው?.. .... ??

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_109 𖥧𖤣

...ምን አይነት ልጆች ናቸው?" " ሁሉም ተማሪ ማለት እችላለሁ እነሱ አድርጉ ሲሏቸው ያደርጋሉ ከእኔ ውጪ። ወንዱ ታሮስ ሴቷ ደግሞ ደሐብ ይባላሉ። እና ደግሞ እንዳልከኝ በጣም የሀብታም ልጆች ናቸው " አለ ቀዳማዊ " ጥሩ እንደዛ ከሆነ ከዚህ በኋላ የሚያስቸግሩህ ከሆነ ምንም ሳታቅማማ ንገረኝ። በምንም ታዕምር እንዳትሳቀቅ ደግሞ ስለ አንተ ምንም ነገር እንዳትነግራቸው። ከነገርካቸው ግን ዝቅ ዝቅ ሊያደርጉህ ይሞክራሉና ዝም በላቸው። ምንም አይነት መልስ አትመልስላቸው። እና ደግሞ በምንም አይነት ምክንያት ቢሆን እነሱን ከፍ አንተን ዝቅ አድርገህ ማሰብ የለብህም። እነሱ የሌላቸው ነገር አንተ አለህ። አለቀ። "አለ ሙሉሰው ኮስተር ብሎ "እሺ እኔም ፊት አልሰጠኋቸውም.....

○○○
ቀዳማዊ በጠዋት ተነስቶ አራራ ጊዮርጊስ ከተሳለመ በኋላ ወደ ቤት ተመልሶ የሚይዛቸውን የትምህርት አይነቶች ደብተርና መፅሐፍ ቦርሳው ላይ እያስቀመጠ " ቀዳማዊ ዛሬ ከትምህርት መልስ ታስጠናኛለህ አይደል ያለፈኝን እስካሁን አብረውኝ የሚማሩት ይበልጡኛል እ ቶሎ ቶሎ አጥንቼ እንድበልጣቸው ታደርገኛለህ አይደል?" አለች ሔመን.... ቀዳማዊ እቅፍ አደረጋትና " በደንብ እንጅ እህቴ አንቺ ብቻ ለማንበብ ዝግጁ ሁኝ እንጅ አታስቢ አለ ቀዳማዊ

" አይሆንም ሔሚ እሱም እኮ እንዳንቺ ያለፈውን ማንበብ አለበት ብዙ ትምህርት አምልጦታል። ስለዚህ እሱንም እንዳይበልጡት በደንብ አጥንቶ ማስተካል አለበት። ስለዚህ ብዙ ጊዜውን ባትሻሚው ጥሩ ነው።" አለ ሙሉሰው " ኧረ አባዬ ቀዳማዊ እኮ በጣም ጎበዝ ነው። እነሱ ትተውት ቢማሩም እሱ ግን ይበልጣቸዋል። ዝም ብሎ እኔን ያስጠናኝ" አለች ሔመን...

በሔመን አነጋገር ሙሉሰውና ቀዳማዊ ተያይተው ተሳሳቁ " እሺ በቃ ችግር የለም አስጠናሻለሁ። በደንብ ያለፈሽን ፅፈሽና ጠይቀሽ ነይ የክፍል ስራና የቤት ስራ የተሰጣቸውን ይዘሽ ነይ።" አለ ቀዳማዊ የሔመንን ጉንጮች በእጆቹ እየዳበሰ " እሺ ወንድሜ አመሰግናለሁ" አለችና ተንጠራርታ አቅፋ ሳመችው። ቀዳማዊ በሔመን የበዛ ፈገግታ ተደስቶ ቦርሳውን ይዞ ወደ ትምህርት ቤት ሄደ።...

○○○○○
" አለቃ ከስንት ድካም በኋላ ወይዘሮ ሰላማዊት ያለችበትን ቦታ ባለቤቷ አቶ ዳዊት ተናዟል። የት እንደደበቃት ተናግሯል " አለ ምክትል ኮሚሽነር አወቀ " ፍጠኑ አሁኑኑ መድረስ አለባችሁ። ደሕና ላትሆን ትችላለች።" አለ ዋና መርማሪ ኮሚሽነር " ላሳውቅህ ብዬ ነው እንጂ ትዕዛዝ አስተላልፊያለሁ ወደስፍራው የፖሊስ ኃይል ልኪያለሁ"አለ " ጥሩ አድርገሀል። ይሄን ጉዳይ አንድም ሰው ሳይጎዳ መጨረስ አለብን። ምንም አይነት የነፍስ ማጥፋት ወንጀል ሳይጨመር በዚሁ በነበረው እንዲያልቅ ማድረግ አለብን።

" እሺ ግን አንድ ልነግርህ የምፈልገው ወይዘሪት ማህደር እየረበሸችን ነው። ስራችን ላይ እንቅፋት እየሆነችብን ነው ዛሬ ራሱ በጠዋት ነው የመጣቺው አለ " ምን? እሷ ደግሞ ምን ፈልጋ ነው ምን አድርጉኝ ነው የምትለው?"አለ ዋና መርማሪ ስክርቢቶውን ጠረንጴዛው ላይ አስቀምጦ እጆቹን አነባብሮ በደንብ ትኩረት እየሰጠው።" ወንድሜ ንፁህ ነው። ማንንም አልጎዳም ማንንም ሊገድል አልሞከረም ሁሉም ነገር ተሳቦበት ነው። አቀናብረው ነው ወንጀለኛ ያደረጉት። እያለች ነው የምትጮኸው።" " ለምን እንደዛ ልትል ቻለች ምክንያቷ ምንድን ነው? ወይስ የምታውቀው እውነት አለ? እስኪ ወደ እኔ ቢሮ ላካት" አለ ዋና መርማሪ

ትዕዛዙን ተቀብሎ ምክትል ኮሚሽነር ከቤት ወጣ። " ለምንድነው የስራ ቦታ የምትረብሺው? የሕግ ማዕቀፍን በመረበሽ ወንጀል ተፈርዶብሽ እንደምትታሰሪ አታውቂም?"አለ ዋና መርማሪ "ዋና መርማሪ ወንድሜ ወንጀለኛ አይደለም። በጭራሽ ሊያደርገው አይችልም የተሳሳተ ሰው ነው የያዛችሁት። ወንድሜ ለብዙ አመታት ምንም አይነት የክስ ፋይል የለበትም። ደፍሮ ነፍስ ለማስወጣትም ማፊያዎችን አይደግፍም። ምን አልባት የያዛችሁት በወንድሜ ሚስት ጥርጣሬ ነው"አለች ማህደር

" ስነስርዓት ይዘሽ አውሪ። የምትናገሪውን ነገር መጀመሪያ ማወቅ አለብሽ። ስለምታወሪው ነገር ልታስቢ ይገባል። ፖሊስ ተጠርጣሪን የሚይዘው በከሳሽ ጠርጣሪነትና በአጠራጣሪ ሀሳብና ምልከታ ሳይሆን በማስረጃ ተደግፎ ነው። ወንድምሽ ለማድረጉ ደግሞ በጣም ብዙ ማስረጃዎችን አግኝተናል። ለምሳሌ በዛን ወቅት ማታ ማለትም አቶ መሉሰው በጥይት በተመቱበት እለት ምሽት የነበረው የስልክ ልውውጥ ሌላው ደግሞ ባለቤቱን ራሱን እንደደበቃት ተናዟል። ከዚህ በላይ አቶ ዳዊትን ማስፈረጃ ማስረጃ አያስፈልገንም። ከእሱ ሌሎች ማስረጃዎችን እንደምናገኝም እርግጠኛ ነኝ። ምክንያቱም አሁን ባለቤቱ ያለችበትን ቦታ አውቀናል። እንዲህ ሸንጥሽን ገትረሽ ስትከራከሪለት የነበረው ወንድምሽ ሚስቱን ሳይቀር ነው ያገተው። ያለችበትንም በእሱ እርዳታ አግኝተናል።"አለ

" አይሆንም ይሄ ውሸት ነው። ወንድሜ እንደዛ አያደርግም ጨክኖ የሚያፈቅራትን ሚስቱን አያግትም ይሄ ትልቅ ሴራ ነው።.....

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_110 𖥧𖤣

... ጨክኖ የሚያፈቅራትን ሚስቱን አያግትም ይሄ ትልቅ ሴራ ነው። ሆን ተብሎ እሱ ወንጀለኛ እንዲሆን የተቀነባበረ ነው"አለች ማህደር። ማህደር ለምን እንደዚህ እንደሆነች ለማወቅ በመገረም ለተወሰነ ደቂቃ ያህል እጁን አገጩ ላይ አስደግፎ ከተመለከታት በኋላ " ግን ለምንድነው እንዲህ በድንገት ለአቶ ሙሉሰው ጀርባሽን የሰጠሺው? እሱ አይደል እንዴ ያሳደገሽ ያስተማረሽ። እንደሰማሁት ከሆነ ዳዊት አንድም ቀን ጠይቆሽ አያውቅም። እ በተጨማሪ ደግሞ ለአንቺ ሲል ብዙ ነገር ሆኖልሻል። ታዲያ በድንገት ትላንት ለተዋወቅሺው ወንድምሽ ከለላ የምትሰጪበት ምን ምክንያት ቢኖርሽ ነው? ለምንስ ነው እንዲህ በማስረጃ የተደገፈ እውነት እየነገርኩሽ ለማመን የማትፈልጊው?" ብሎ ጠየቃት ።

" ሁለቱም ወንድሞቼ ናቸው። ዋናው እሱ ነው። ምን አልባት አንዱን ከአንዱ በላይ ለመውደድ ደግሞ ብዙ አመት አብሮ መኖር አያስፈልግም። አዎ ዳዊትን ትላንት ነው ያወኩት። ሙሉሰው ጋ ደግሞ እድሜየን ሙሉ ነገር ግን ዳዊትን የምወድበት ምክንያት እንዳለኝ ሁሉ መሉሰውንም የምወድበት ምክንያት ይኖረኛል የምጠላበትም ምክንያት እንደምወድበት ምክንያት ይለያያል። አሁን ዳዊት ወንጀለኛ አይደለም ማለቴ ለሙሉሰው ጀርባ መስጠቴን የሚያሳይህ ከሆነ እሱን አላውቅም ለእኔ ግን ግድ አይሰጠኝም። ሁለቱንም በአንድ አይን ነው የማያቸው። ዳዊትን ደግሞ በደንብ አውቄዋለሁ በሙሉሰው ጥላቻ ምክንያት ወንድሜን ሳላውቀው ፍቅሩን ሳላጣጥም ኖሪያለሁ። አሁን ደግሞ በሌላ ሰው ጥላቻ ምክንያት ወንድሜን ማጣት አልፈልግም። ስለዚህ ያሉህን ማስረጃዎች በደንብ ተመልከታቸውና ወደ ዋነኛው ወንጀል ብታመራ ጥሩ ነው። ነገር ግን ወንድሜ ላይ ብቻ ችክ ብለህ ትክክለኛ ወንጀለኛውን በነፃነት እንዲራመድ ታደርገዋለህ" ብላ ሌላ ሀሳቧን ልትቀጥል ስትል አቋረጣትና

" እሺ ጥሩ ግን ሌላ ወንጀለኛ ለማግኘት ትንሽ ጭላንጭል እውነት መያዝ አለብን። ወይም ጥርጣሬ ልናገኝ ይገባል። አንቺ የምትጠረጥሪው ሰው ካለ ያን ሰው በድብቅ እንድንከታተለውና እንድንመረምረው የሰውየውን ማንነት ንገሪን። ካልሆነ ግን ዝም ብለሽ ወንድሜ ወንጀለኛ አይደለም ምናምን ብትይ አይሰራም።" አለ " እሺ ገባኝ እኔ የምጠረጥረው ሰላማዊት ራሷን የወንድሜን ሚስት ነው። በእርግጠኝነት መርማሪ እራሷ ናት ይሄን ሁሉ ያቀናበረችው" አለች ማህደር። " ኧረ ለምን እሷን ጠረጠርሻት? ከወንድምሽ ዳዊት ጋር ፀብ አለባት? ወይስ ሙሉሰው ጋር? " "ከሁለቱም ጋር የለባትም። ነገር ግን በጣም ገንዘብ ወዳጅ ናት። በዚያ ላይ ወንድሜን ዋሽታዋለች። መውለድ እንደማትችል አልነገረችውም። ዝም ብላ ያልሆነ ምክንያት እየሰጠችው ነው አብራው ያለችው" " እና ይሄን አንቺ እንዴት ልታውቂ ቻልሽ?"

" እ እ እንዴት አላውቅም አንዳንድ ጥርጣሬዎች ፈጠሩብኝና እንደ ጓደኛ አቅርቢያት የሆነ ጊዜ ላይ ሀኪም ቤት እንሂድ ብዬ ይዣት ሄድኩ በዚያው ለዶክተሩ እሷ ሳታውቅ ምርመራ እንዲያደርግላት ነገሬው አደረገላት ከዚያ ሁሉንም ማወቅ ቻልኩ።'' እና እሱን ማስረጃ አሁን አለሽ? ልትሰጪኝ ትችያለሽ?" " አሁን የለኝም ግን ማምጣት እችላለሁ።" ጥሩ ነው ምን አልባት ለዚህ እውነት ባይሆነን ለሌላ ድብቅ ነገር መክፈቻ ቁልፍ ስለሚሆነን ማስረጃውን ትሰጭኝና በአግባቡ እንመረምረዋለን። "

" እሺ ደስ ይለኛል።አሁን ከጨረስን መሄድ እችላለሁ?" አለች ከተቀመጠችበት ለመነሳት በእጆቿ የወንበሩን መደገፊያ ይዛ " አዎ ትችያለሽ። ግን ሁለተኛ እስከዛሬ እንዳደረግሺው ለሌሎች የፖሊስ አባላትን እንዳትረብሺ። ይሄን ቃሌንና ማስጠንቀቂያን ችላ ብለሽ ካገኘሁሽ ግን ያለምንም ጥያቄ አስርሻለሁ። አንቺ እንደ ተጎጂም እንደ ሕዝብም ጥቆማ መስጠት ትችያለሽ ነገር ግን እርግጠኛ ባልሆንሽበት ነገር ሌላ ሰው ላይ መጠቆም ራሱን የቻለ ወንጀል ነው። ፖሊስ የራሱ አሰራር አለው። በቃ ለጊዜው ይህን ነው የምልሽ በድጋሚ ላስታውስሽ ተማሪ ነሽ።' ብሎ በሩን በእጁ ምልክት አሳያት

○○○○○
ምክትል መርማሪ ኮሚሽነር አወቀ ወይዘሮ ሰላማዊትን ከታገተችበት ስፍራ አውጥተው ወደ ሆስፒታል ይዘዋት ሄዱ። ከአዲስ አበባ ወጣ ብላ በምትገኘው ሞጆ በምትባል ከተማ በአንድ ባዶ ቤት ውስጥ ለቀናቶች የቆየችው ወይዘሮ ሰላማዊት ምንም ሳትሆን ነው የተገኘችው። አሁን ደግሞ ይበልጥ ጤነነቷን ለማረጋገጥ ሙሉ ምርመራ እየተደረገላት ነው። ሁሉንም ነገር ምክትል መርማሪ አወቀ ለዋና አለቃው ሲነግረዋ ዋና መርማሪ ማህደር ያለቺው ትዝ አለውና 'እስኪ ዶክተሩን በዛው ማርገዝ እንደማትችልና እንደምትችል እንዴት ማወቅ እንደሚቻል ጠይቀው።

በአጭሩ መኸን መሆኗንና አለመሆናን የሚያረጋግጥ ምርመራ በዚያው እንዲያደርግላት ንገረው። እሱ ውጤት ያስፈልገናል። ስለዚህ ይሄን ለማወቅ ደግሞ ከዚህ ቀን ሌላ የተሻለ የለም።"አለ " እሺ አለቃ እንዲሰራልን እንነግረዋለን።"አለ መርማሪ አወቀ ራሱን በአዎንታ እየነቀነቀ። ንግግራቸውን እንደጨረሱ ዶክተሩን ጠራውና ያለውን ነገር ነገረው። ዶክተሩ በእሺታ ጥያቄውን መልሶ የሁሉንም ናሙናዎች ወደ ላብራቶሪ ላከ።

ከተወሰኑ ስአታት በኋላ የሰላማዊት ላብራቶሪ ውጤት ደረሰ። ሀኪሙ ሁሉንም ውጤቶች ከተመለከተ በኋላ። ታካሚዋ በሙሉ ጤንነት ላይ ትገኛለች። ምንም የሚያሰጋ ነገር የለባትም።'' አለ ሀኪሙ " እናመሰግናለን ዶክተር የዛኛው ምርመራስ?' አለ......!!!!!

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_111 𖥧𖤣

... እናመሰግናለን ዶክተር የዛኛው ምርመራስ?' አለ ስለእሱ ምንም ስላላለው የረሳው መስሎት" ያኛው ምርመራ ይቆያል ከሁለት ቀን በኋላ ይደርሳል። ብዙ ናሙናዎችን ነው ማየት ያለብን። ስለዚህ ሲደርስ አሳውቃችኋለሁ ስልክህን ትተህልኝ ልትሄድ ትችላለህ።" ብሎ ወደ ሰላማዊት ክፍል ገባና " ወይዘሮ ሰላማዊት አሁን በሙሉ ጤንነት ላይ ነሽ። ስለዚህ የተወሰኑ ጥያቄዎችን ስለምንጠይቅሽ ወደ ጣቢያ መሄድ አለብን።' አለ ምክትል መርማሪ አወቀ።

ሰላማዊት ቀና ብላ ካየችው በኋላ " ገና ከድንጋጤየ እኮ አልወጣሁም። ምን ሊፈጠር እንደሚችል አላወቃችሁም ምን አልባት ልሞትም እችል ነበር። ስለዚህ ትንሽ እቤቴ ማረፍ እፈልጋለሁ"አለች።'' ታርፊያለሽ ግን ከዚያ በፊት ዋና መርማሪ የተወሰኑ ጥያቄዎችን ሊጠይቅሽ ይፈልጋል "አለ ወይዘሮ ሰላማዊት የሙሉሰውን መዳን ስትሰማ ግራ ተጋባች። አንዳንድ ሀሳቦችን እያወጣች እያወረደች ማንም ምንም ሳይጠይቃት ፖሊስ ጣቢያ ከደረሰች በኋላ ወደ ዋና መርማሪ ክፍል አስገቧት።

○○○○
ቀዳማዊ ክፍል ውስጥ ተቀምጦ ደብተሩን ያገላብጣል። በዚያውም ያለፉት ቀናት መምህሮች ስለሚጠይቁት ጥያቄ መልስ የሚሆን እያሰበ እያለ ታሮስና ኪሩቤል እያወሩ ገቡ። ታሮስ ቀዳማዊን ሲመለከተው ድንግጥ ብሎ " ልጁ መጣ " አለ " እና ቢመጣስ ወትሮስ ላይመጣ ነበር አለ ኪሩቤል " በእናትህ ኪራ ሌላውን ነገር ተወውና እናውራው በንፁህ ልብ አለ ታሮስ " እሺ እንደፈለክ" "ታዲያ ሌላ ነገር እንዳትቀባጥር አለ ታሮስ በማስጠንቀቂያ አዘል "እሺ የምር ምንም አልልም"አለ ኪሩቤል " የእውነት ሌላ ነገር ብትቀባጥር በጣም ነው የምቀየምህ" " እሺ አልኩህ እኮ ታሮ ምን ሆነክ ነው? ይሄን ያህል የምታስጠነቅቀኝ" "ያው የምትለው ነገር አይታወቅም ብዬ ነዋ"ብሎ ተራመደ ኪሩቤል ተከተለው።

ቀዳማዊ የተቀመጠበት ወንበር አጠገብ ታሮስ ተቀመጠ። ቀዳማዊ ቀስ ብሎ ሲዞር ታሮስ ነው። ምንም ሳይመስለው ወደ ማንበቡ ተመለሰ። ቀዳማዊ እንደለመዱት ሊሆኑ ነው ብሎ ስላሰበ ብዙ ቦታ አልሰጣቸውም።" ይቅርታ ቀዳማዊ ካላስቸገርኩህ የሆነ ጥያቄ ልጠይቅህ ነበር" አለ ታሮስ። ቀዳማዊ አንገቱን ቀና አድርጎ " ምን አይነት ጥያቄ?"አለ " ምን ሆነህ ነው ሳምንቱን ያልመጣኸው? ያው የሆነ ነገር አጋጥሞህ ነው ብለን ስላሰብን ነው የጠየኩህ" አለ ታሮስ ጨዋነት በተሞላው አነጋገር

" ሰዎች ስለ አንተ ማወቅ ይፈልጋሉ። ሁልጊዜም ዝምተኛና ለመናገር ቁጥብ ስትሆን ሰዎች ስለ አንተ ማንነት ምንነት ለማወቅ ይፈልጋሉ። ዝምታህን እይታህን ሁሉ ሳይቀር በራሳቸው መላምት ሊዘረዝሩት ይችላሉ። የተደበቀ ነገር ስናይ ሁሌም እኛ እንደዚህ ነን። አንተም ይበልጥ አለመናገርን በመረጥክ ጊዜ በዝምታህ ምክንያት ጫና ይደርስብሀል። ሰዎች ቁስልህን ለማከክ ና የቁስልህን ቦታ ለመንካት አሳዛኝም አዛኝም መስለው ይቀርቡሀል። በእርግጥ ይሄን ለምን እንደምነግርህ
አላውቅም ። ምክንያቱም በዚህ እድሜህ ስለ ሰው ልጅ ባህሪ ውስብስብነት የመረዳት ደረጃው ላይ አይደለህም ነገር ግን ሰዎች ስለ አንተ በጠየቁህ ቁጥር ይችን ንግግሬን አስታውስ ብሎ ሙሉሰው የነገረውን አስታወሰና " አዎ በሰላም ነው። ዝም ብዬ እንዲሁ አንዳንድ የቤተሰብ ስራዎች ነበሩ። እነሱን እያገዝኳቸው ነበር አለ ቀዳማዊ። ታሮስ የቀዳማዊን አጭር መልስ ከሰማ በኋላ ትንሽ ዝም አለና…::

" በእርግጥ የአንተን ችግር ለመጠየቅ የሚያስችል የጓደኝነት ደረጃ እንዳልደረስኩ አምናለሁ። ግን የምትናገረው ነገር ካለ የምታወራው ሰው ከፈለክ አለሁኝ።" አለና ከተቀመጠበት ወንበር ተነሳ " እየውልህ ጓደኛዬ ታሮስ በጣም መልካም ነው። የጠየቀህ ስለምታሳዝነውና ስለሚያዝንልህ ነው። እኔም ቢሆን ከእሱ ስሜት ተቃራኒ አይደለሁም። ጥያቂያችን ግራ ሊያጋባህ ይችላል። ግን ማወቅ ያለብህ ምንም አስበን ሳይሆን እንዲሁ ምን እንደሆንክ አውቀን የምንረዳህ ነገር ካለ እንድንረዳህ በማሰብ ነው"አለ ኪሩቤል። " ገብቶኛል። ስለሁሉም ነገር በጣም አመሰግናለሁ። እኔ ግን ምንም አይነት እርዳታ አያስፈልገኝም"አለ ቀዳማዊ ታሮስ በቀዳማዊ መልስ ብሽቅ ብሎ ወጣ ኪሩቤልም ተከትሎት ወጣ።

እነሱ ወጥተው ብዙም ሳይቆዩ ሁሉም ተማሪ ወደ ክፍሉ ገባ ደሐብ እንደገባች ቀዳማዊ የሚቀመጥበትን ወንበር ስትመለከት ቀዳማዊ የለም። "ዛሬም አልመጣም?" አለችና ሁልጊዜ የምትቀመጥበት ወንበር ላይ ተቀመጠች። መምህሩ ገብቶ የእለቱን የትምህርት ርዕስ ጥቁር ሰሌዳው ላይ በትልቁ ፃፈው። " እሺ ወደ ትምህርታችን ከመግባታችን በፊት ቅዳሜና እሁድን እንዴት አሳለፋችሁት?" አለ። ሁሉም ዝም አለ።

" ጥሩ እሺ አንተ እንዴት ነው ያሳለፍከው?"አለ ፊት ለፊት ወንበር የተቀመጠውን ልጅ " እኔ የቤት ስራየን በመስራት ና በመጫወት አለ " ጎበዝ እሺ አንተስ?' አለ ሌኛውን ከመሀል የተቀመጠውን ልጅ በጣቱ እየጠቆመ።" እኔ ቅዳሜን የቤት ስራዬን ስሰራ ቆይቼ ከዛ ደግሞ አጠናሁ። እሁድ ደግሞ ፕሌይስቴሽን ከወንድሜ ጋር እየተጫወትኩ ነው ያሳለፍኩት።"

ጥሩ ሁላችሁም በተለያየ መንገድ እንደምታሳልፉት እርግጠኛ ነኝ። ዋናው ጊዚያችሁን በአግባቡ መጠቀማችሁ ነው።" አለና ሁሉንም ተማሪ ካማተረ በኋላ ቀዳማዊን አየው " አንተ ሳምንቱን ለምንድነው ያልመጣኸወ?" አለ ኮስተር ብሎ " የቤተሰብ ችግር አጋጥሞኝ ነው አለ ቀዳማዊ " እኮ ምን አይነት ችግር?" ቀዳማዊ ምንም አልመለሰለትም ዝም አለ " ደግሞ ዝም ትለኛለህ እንዴ? ውጣ በእኔ ክፍለ ጊዜ ወላጅ ሳታመጣ እንዳትገባ ብሎ አስወጣው።......!!!????


🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_112 𖥧𖤣

... ውጣ በእኔ ክፍለ ጊዜ ወላጅ ሳታመጣ እንዳትገባ" ብሎ አስወጣው። ቀዳማዊ ቀስ ብሎ ደብተሩን ቦርሳው ላይ አስገባና ወጣ። ሁሉም ተማሪ አንድ ላይ ሳቁ " ዝም በሉ! እኔ የሚቀር ተማሪ አልወድም። በርግጥ ችግር ያጋጥማል ነገር ግን በጤና እክል ካልሆነ ሳምንት የሚያስቀር የቤተሰብ ችግር አያጋጥምም። ልትቀሩ ካሰባችሁ.ደግሞ መጀመሪያ ልታስፈቅዱኝ ይገባል። ስምጠሪያችሁና የባዮሎጂ መምህራችሁ ነኝ።" አለና ኖት መፃፍ ጀመረ።

ደሐብ ቀዳማዊ በመምጣቱ ደስ ቢላትም ነገር ግን በመምህሩ ድርጊት ተናዳለች።ተማሪዎቹን ጠላቻቸው። ዘወር ብላ ገላመጠቻቸው።

○○○○
ወይዘሮ ሰላማዊት ዋና መርማሪ ቢሮ ገብታ " ለምን እዚህ መጣሁ እረፍት እንኳ ማድረግ አልቻልኩም። አሁን ትልቅ ጭንቀት ላይ ነኝ የገዛ ባለቤቴ እንደዛ ያደርገኛል ብዬ አስቤም አልሜም አላውቅም። እና እባክህ ዋና መርማሪ በዚህ ሁኔታ ሁኜ ምንም የሚጠቅም መረጃ ልሰጥህ አልችልምና ተረዳኝ" አለች። ዋና መርማሪ እስክትጨርስ ከጠበቃት በኋላ

" እስኪ ወይዘሮ ሰላማዊት ስለዛ ምሽት የምታስታውሺውን ንገሪኝ ምን ነበር የሰማሽው ባለቤትሽስ ለምንድነው ያሳገተሽ?" አለ " ምን ምክንያት ሊኖረው ይችላል ያው በዛ ስአት ምን ሲያዝ እንደነበርና ሙሉሰውን ለማስገደል ገሆኑ ሰዎች ጋር እያወራ መሆኑን ስለሰማሁትና ምስጢሩን ስለደረስኩበት ነዋ" አለች " በወቅቱ ለምንድነው ለፖሊስ ሪፖርት ያላደረግሺው?" አለ አይኗን በደንብ እየተመለከተ " በወቅቱ ለፖሊስ ያላሳወኩት ባለቤቴ አደጋ ውስጥ እንዳይሆን ብዬ ነበር። ነገር ግን ለእህቱ ደውዬ ነግሪያታለሁ እሷ ግን ከእኔ ጋር ባላት ጥላቻ ምንም ልታምነኝ ባለመፈለጓ ይሄ ሁሉ ተፈጠረ። ባለቤቴም ሁሉንም ነገር እንዳወኩ ሲያውቅና ለእህቱ እንደነገርኳት ስነግረው ተናደደብኝና ያገኛችሁኝ ቦታ አስሮ አስቀመጠኝ።" አለች

" እህ ለምንድነው ባለቤትሽ ወንድሙን ሊገድል የፈለገው? " ሁለቱ ምንድነው የሚያገናኛቸው ምን ጉዳይ ቢኖራቸውስ ነው እንደዚህ የከረረ ፀብ ውስጥ የገቡት። ባለቤትሽ ምንም ነገር አልነገረሽም? እስኪ ለማስታወስ ሞክሪ ሊጠቅመን ይችላል።" አለ ዋና መርማሪ " መርማሪ የማቀውን ነገር ነው የነገርኩህ ከዚህ ውጪ ምንም ነገር አላውቅም።" አለች " እሺ አንቺና አቶ ዳዊት ልጅ የላችሁም አይደል?" አለ ።ሰላማዊት ድንግጥ አለችና " ምን ለማለት ፈልገህ ነው? " አለች በንዴት " ምን ለማለት እፈልጋለሁ ብለሽ ነው ያው ብዙ አመታችሁ ነው ከተጋባችሁ ግን ልጅ የላችሁም ምን ሆናችሁ እንዳልወለዳችሁ አላውቅም"አለ

" ዋና መርማሪ ሲመስለኝ ምርመራህ ስለግድያ ሙከራ እንጅ ልጅ ስላልወለዱ ባለትዳሮች አይደለም ። ይሄን ከሆነ የምትመረምረው ደግሞ በአገሩ ብዙ ልጅ የሌለበት ትዳር አለ እና በደንብ እየዞርክ መርምር። እኛ ግን ያልወለድነው አሁን መውለድ ስለማንፈልግ ነው። ስለዚህ የባለትዳርን ምስጢር ለማወቅ መሞከር በራሱ ትልቅ ስህተት ነው። እንዲህ ብሎ ጠየቀን ብዬ ለዋና አለቃህ ብናገር ከስራህ ትነሳለህ አለች ሰላማዊት" ማስፈራሪያሽን ተይውና ለሌላ ጥያቄ ስንፈልግሽ መምጣታችን ስለማይቀር ከአዲስ አበባ እንዳትወጪ ታግደሻል። ለሁሉም የትራንስፖርት አገልግሎት ፋይልሽን እንበትናለን። የእናንተ ቤት በምስጢር የተሞላ ነው። አንዱ ሲባል አንዱ ለማንኛውም ሁሉንም ነገር እደርስበታለሁ'። አሁን መሄድ ትችያለሽ ወይዘሮ ሰላማዊት" አለና ከክፍሉ አስወጥቷት ስልኩን አንስቶ ደወለ።

" እስኪ አንድ ጥያቄ ልጠይቅሽ ወይዘሮ ሰላማዊት የምትከታተልበት የሕክምና ጣቢያ የለም አታውቂም?'' አለ ዋና መርማሪ ከንፈሩን ነክሶ፡ "አውቃለሁ በደንብ እኔ እንደውም ስለእሷ ልጠይቀው ሄጄ ነበር። በውሸት ሪፖርት መለሰኝ እንጂ ለማንኛውም አድርሻውን በመልዕክት ልላክልህ" አለችና ስልኩን ዘግታ የክሊኒኩን አድራሻ ላከችለት። መልሳ ደወለችለት " እሺ ወይዘሪት ማህደር ደርሶኛል። ለትብብርሽ አመሰግናለሁ " አለ " ምንም ነገር ሳታገኝ አታመስግነኝ። ደግሞ ግዴታዬ ነው የማቀውን መረጃ የመስጠት ይልቅ መፍጠን አለብህ። አሁን ስለጉዳዩ ልትጠረጥር ስለምትችል መረጃዎችን ታሸሻቸዋለች ወይም ልታጠፋቸው ትሞክራለች ስለዚህ ዋና መርማሪ አሁኑኑ መፍጠን አለብህ። ወይም ስልኳን መጥለፍ ትችላለህ አለች ማህደር " እሺ ትዕዛዝሽን ተቀብያለሁ "ብሎ አሾፈባትና ስልኩን ዘግቶ ያለውን ነገር ለምክትል መርማሪ አሳወቀውና ወይዘሮ ስላማዊትን በጥብቅ እንዲከታተሏት ትዕዛዝ እንዲያስተላልፍ ነገሮት ገባ፡፡

ወንበሩ ላይ ተቀምጦ እስክርቢቶውን በሌባ ጣቱና በመሀል ጣቱ መሀል አድርጎ እያሽከረከረ ፊት ለፊቱ የሰቀለው ሸራ ላይ ፎቷቸውን የለጠፋቸውን ሰዎች ተመለከተ ዳር ዳርና ዳር አቶ ዳዊትና ወይዘሮ ሰላማዊት ከዳዊት ጎን ዝቅ ብላ ደግሞ ማህደር ከእነሱ መሀል ደግሞ አቶ ሙሉሰው።

ከወንበሩ ቀስ ብሎ ተነሳና የሶስቱንም ፎቶ እያፈራረቀ ካየ በኋላ እጁን አገጩ ላይ አስደግፎ ቆይ እናንተ ከአቶ ሙሉሰው ምንድን ነው የምትፈልጉት? የዳዊትን ፎቶ በቀስት ወደ ሙሉሰው ፎቶ አመልክቶ በፓርከር አደመቀው። የሰላማዊትን ፎቶ ደግሞ ወደ ዳዊት በቀስት ካገናኘ በኋላ የማህደርን ፎቶ ዝም ብሎ በደማቁ አከበበውና ወደ ሶስቱም ፎቶዎች አገናኛት።.....!!


🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_113 𖥧𖤣

... የማህደርን ፎቶ ዝም ብሎ በደማቁ አከበበውና ወደ ሶስቱም ፎቶዎች አገናኛት። " ከአቶ ሙሉሰው ምን አጥተሽ ነው? ወይስ ምን አድርጎሽ ነው? በድንገት እንዲህ ጠላትሽ ያደረግሺው? ከሰላማዊት ጋርስ ምንድን ነው ያጋጨሽ? የጥቅም ጉዳይ ነው? ከሰላማዊት ጋር ጥርስ ያናከሰሽ? እህ አሃሃሃ የወንድምሽን ገንዘብ እንዳትወስድበት?? ለምን በምን ምክንያት?'' አለና የማህደርን ፎቶ ትኩር ብሎ ተመለከተው።

" ለጊዜው የፈለጋችሁትን ያህል ብትወሳሰቡም እኔ ግን እደርስበታለሁ። ምን አልባት ቀናት ሊፈጅብኝ ይችል ይሆናል። ነገር ግን ከእኔ ተደብቆ የሚቀር አንዳችም የወንጀል ሪከርድ የለም። ስለዚህ ከእያንዳንዳችሁ ጀርባ ያለውን ተንኮል ጥላቻ እደርስበታለሁ።''አለና ወደ ወንበሩ ተመለሰ።

○○○○○
ቀዳማዊ ከክፍል ወጥቶ በረንዳው ላይ ተቀመጦ ለሁለት ተከፍሎ ሀሳቡን በየተራ እያደመጠ ነው። አንደኛው ልቡ ወደ ቤት ስለመሄድ ሲነግረው ሌላኛው ልቡ ደግሞ ይህኛውን ክፍለጊዜ አሳልፈህ ከሁለተኛው ጀምሮ ተማር ይለዋል። እንደገና ይሄን ሀሳብ ደግሞ የሚሽር ሀሳብ ይመጣበታል። ሌሎቹ መምህራኖችስ ቢያስወጡኝ?" አለ። በመጨረሻ ቢያንስ ከስምጠሪው መምህር ጋር ሁለት መምህራኖችን ማየት እንዳለበት አምኖ መጠበቅ ጀመረ። በዚህ ምክንያት ብዙ ሀሳቦችን እያወጣ እያወረደ ሳለ የመጀመሪያው ክፍለ ጊዜ አለቀ። ቀዳማዊ ደወሉን ሲሰማ ወደ በሩ ጠጋ አለ። " አንተ ጋር ገና አልጨረስኩም ወላጅህ ጋር እናወራለን።" አለና ሄደ ቀዳማዊ ያለውን ካዳመጠው በኋላ ወደ ክፍል ገባ።

የፊዚክስ አስተማሪ ስአቱን ጠብቆ ወደ ክፍሉ ገባና ጥቁር ሰሌዳውን እንዲያጠፋለት ዳስተሩን ፊት ለተቀመጠ አንድ ተማሪ ሰጥቶ " አርብ ምንድን ነው የተማርነው? ምን ላይስ ነው ያቆምነው? አርብ ከተማራችሁት ያልገባችሁ ነገር አለ?" አለ። አለም የለምም ያለው ተማሪ አለመኖሩን ሲያይ " ዝምታችሁን እንደገባችሁ አድርጌ ወስጄዋለሁ። ለማንኛው በባለፈው ትምህርታችን ምሳሌ ሁለት ጥያቄ እሰራላችሁና የክፍል ስራ ደግሞ እሰጣችኋለሁ። ስለዚህ በደንብ ተከታተሉኝ" አለና ሁሉንም ተማሪዎች እስከ ጥግ ሲያይ አንገቱን የደፋ ተማሪ ተመለከተ።

" ማነህ አንገትህን የደፋኸው ቀና በል እስኪ አለ። ቀዳማዊ ካቀረቀረበት ቀና አለ። እንዴ ቀዳማዊ ምን ሆነህ ነው አንገትህን የደፋኸው?"አለ መምህሩ ወደ እሱ አቅጣጫ እየተራመደ፡ ቀዳማዊ ምንም አልመለሰለትም 'አሞህ ከሆነ ችግር የለም ፈቃዴን እሰጥሀለሁ" አለ " አይ መምህር አላመመኝም" እሺ እንደዛ ከሆነ በደንብ ተከታተል አለና ትንሽ አሰብ አደረገና " ቆይ ሳምንቱን አላየውህም ምን ሆነህ ነው የቀረኸወ?" አለ ቀዳማዊ የፈራውን ጥያቄ ጠየቀው። አንገቱን በመድፋቱ ተናደደ፡ በእርግጥ አንገቱን የደፋው መምህሩ ሲገባ አይቶት እንዳያስወጣውና ሌላ ተማሪ ነው ብሎ እንዲያስብ ለማድረግ ቢሆንም አሁን ያመጣበትን ጥያቄ ሲያስብ በአድራጎቱ ተቆጨ። " የቤ የቤ የቤተሰብ ችግር አጋጥሞኝ ነው" ብሎ ተንተባተበ። " እና አሁን ችግሩ ተፈትቷል?' አለ መምህሩ " አ አዎ" አለ ቀዳማዊ እንደመሳቀቅ ብሎ ጥሩ ዋናው መፈታቱ ነው። በል ያለፉህን ኖቶችና አንዳንድ ጥያቄዎችን ገልብጠህ አንብብ ያልገባህ ነገር ካለና የተለዬ ሁኔታ ከገጠመህ በግል ልትጠይቀኝ ትችላለህ። ቢሮዬም መምጣት ትችላለህ። በነገራችሁ ላይ ይሄ ለቀዳማዊ ብቻ አይደለም ለሁላችሁም ኘው በየትኛው ቦታ ብሆን ያልገባችሁ ነገር ካለ ጠይቁኝ። ፊዚክስ ቀን በቀን ልትሰሩት የሚገባ ትምህርት ነው። እንደሌሎቹ ትምህርቶች ቀላል ካልኩሌሽንና ተሸምዳጅ አይደለም። ፊዚክስ የሁሉ ነገር መሠረት ነው። የፊዚክስ አሻራ የትም ቦታ አለ። አለምን ለተለዬ ስልጣኔ የዳረጋት የሕይወት ወሳኙ ትምህርት ነው ፊዚክስ" አለና ወደ እለቱ ትምህርት ተሸጋገረ።

ቀዳማዊ በመምህሩ ሁኔታ እጅግ በጣም ተደሰተ። የፈራው ሳይሆን ቀረ። በንፁህ መንፈስም ሲከታተለው ቆዬ። ሁለት ጥያቄዎችን ለምሳሌ ያህል ከሰራ በኋላ የክፍል ስራ ብሎ ሶስት ጥያቄዎችን ፃፈ። " ቀድሞ ለጨረሰ ሶስት ተማሪ አርማለሁ። ሶስቱንም ጥያቄ ልክ ከሆነም አምስት ማርክ ቦነስ ያገኛል። ይህም ማለት ከመቶው መቶ ብታገኙ መቶ አምስት አድርጌ እሞላላችኋለሁ ማለት ነው ''አለና እጆቹን ወደ ኋላ አጣምሮ እየዞረ ሁላቸውንም ያያል።

" ፈጠን ፈጠን ብላችሁ ጨርሱ የሰጠኋችሁ አስር ደቂቃ ነው" አለ። ሁሉም የራሱን ለመሞከር እስከርቢቶውን ከደብሩ አገናኘ። ቀዳማዊ ሰርቶ ከጨረሰ በኋላ እጁን አወጣ።.....


🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_114 𖥧𖤣

...ቀዳማዊ ሰርቶ ከጨረሰ በኋላ እጁን አወጣ። "ጨርሰኽ ነው "አለ መምህሩ ስአቱን እያየ በስድስት ደቂቃ መጨረሱ አስገርሞት " አዎ " አለ ቀዳማዊ አንዳንድ ልጆች አጎንብሰው ከሚሰሩበት ቀና ቀና ብለው ቀዳማዊን ተመለከቱት። ሁሉንም ጥያቄ በደንብ አይቶ አረመለት ሶስቱንም ጥያቄ ልክ ነበር። ጥሩ አድርጎ ነው የሰራው " ጎበዝ እሺ በርታ ባለፉት ቀናትም እንደዚሁ የክፍል ስራ የቤት ስራ ሰጥቻቸው ስለነበር በደንብ እነሱን መስራት አለብህ አለና ፈርሞለት " ሌሎቹ እስኪጨርሱ እስኪ ደግሞ ይችን ጥያቄ በዚህ መልኩ ስራት " አለና አንድ ጥያቄ እዛው ደብተሩ ላይ በቀይ እስክርቢቶ ፅፎለት ተነሳ።

ብዙ እየተዟዟረ ከተመለከታቸው በኋላ " ምነው ጥያቄው ከባድ ነው እንዴ?"አለ " አዎ ቲቸር " አሉ የተወሰኑ ልጆች " ኧረ ይሄን ያህል? እስኪ ተወያይታችሁ ስሩት ብሏቸው ከክፍል ወጣ። እርስ በእርስ ሲወያዩ እየተወያዩ ጥያቄውን ለመስራት ሞከሩ። ውይይቱ ከውይይት አልፎ ጩኸት ሲሆን መምህሩ ወደ ውስጥ ገባና " በሉ ይበቃችኋል። አሁን ፈቃደኛ የሆነ ተማሪ ወጥቶ ይስራልኝ። ብትሳሳቱን ችግር የለም ትክክለኝነት የሚመጣው ከመሳሳት ነው። ስለዚህ እሳሳታለሁ ብላችሁ እንዳትፈሩ። ማንም አውቆና ልክ ሆኖ የተፈጠረ የለም። መጀመሪያ በመሳሳት ነው የሚለምደው አለና ወጥተው እንዲሰሩ አደፋፈራቸው።

የተወሰኑ ልጆች እጃቸውን አወጡ። " ምነው ወጥታችሁ ስሩ ሲባል ዝም አለሳ ቀዳማዊ። ጠርጥሬ ነበር በዛ ስአት ጨርሻለሁ ያለው የመምህሩን ትኩረት ለመሳብ ነው እንጂ በትክክል አልሰራም። አስተውለህ ከሆነ መምህሩ ለተወሰነ ደቂቃ ሲያወራው ነበር። ይሄ ማለት ልክ ስላልነበር እያሳየው ነበር ማለት ነው። ደግሞስ እንዴት በዛሬ ምሳሌ ብቻ ይሰራል?' አለ ኪሩቤል " ታሮስ ዝም ብሎ አዳመጠው አልመለሰለትም። ሁለቱን ጥያቄዎች ሌሎች ልጆች ሰርተው ተጨብጭቦላቸው ገቡ። ሶስተኛውን ግን ደፍሮ ለመስራት እጁን ያወጣ አንድም ተማሪ ጠፋ።

" ሶስተኛውን ጥያቄ ሁላችሁም ከብዶችኋል ነገር ግን ቀዳማዊ ስለሰራው ቀዳማዊ እስኪ ወጥተህ እንዴት እንደሰራኸው አስረዳቸው' አለ " መምህሩ በፈገግታ ቀዳማዊ የመምህሩን ትዕዛዝ ተቀብሎ ተነሳና ጠመኔውን አንስቶ እንዴት እንደሰራው በደንብ አብራርቶ ወደ ወንበሩ ተመለሰ። መምህሩም… ለሌሎቹ ልጆች እንዳስጨበጨበው ለቀዳማዊም አስጨበጨበለትና። " በጣም ጎበዝ ቀዳማዊ ሁልጊዜም ስትሰሩ በተለያዩ አተያዮች ማየት ያስፈልጋል። ሁልጊዜም በምሳሌ እንደተሰራላችሁ ሆኖ ጥያቄ አይመጣም ፈተናውም ከዚህ በተሻለ ከበድ ብሎ ነው የሚወጣው። ስለዚህ ተማሪ ሁልጊዜም መመራመር አለበት ባልተሰራው መስራት አለበት። ቀዳማዊ የሰራውን አሰራር አይታችኋል አይደል አሁን ደግሞ እኔ በሌላ አሰራር ሰርቼ ላሳያችሁ"አለና በሌላ መኔገድ ሰርቶ አሳያቸው።

ኪሩቤል በቀዳማዊ ሁኔታ አፍሮ ምንም ሳይል ዝም አለ። ታሮስም ለኪሩቤል ወሬ ደንታ ሳይሰጥ መምህሩን መከታተሉን ይዟል። ሌሎች ጥያቄዎችንና ኖቶችን ከሰጣቸው በኋላ ስአቱ ስላለቀ ወጣ። ከዚህ በኋላ ሁለት ትምህርቶችን ከወሰዱ በኋላ ለእርፈት ወጡ። ታሮስ እርቦት ስለነበር ከክፍል እንደወጡ ቀጥታ ወደ ካፍቴሪያ ሄደ። ደሐብ ከሁሉም ተማሪ ወደ ኋላ ቀረችና ቀዳማዊን በአይኗ እየተከታተለች ቁጭ አለች። በመጨረሻ ሁሉም ተማሪ ወጥቶ ቀዳማዊና ደሐብ ቀሩ። ደሐብ ከተቀመጠችበት ተነሳችና ቀዳማዊ ጋ ሄዳ ቆመች።

" ደግሞ አንቺ ምን ልትይኝ ነው? ልትረጂኝ ነው? ወይስ ለምን ሳምንቱን እንደቀረሁ ልትጠይቂኝ። ለምን እንደቀረሁ ልትጠይቂኝ ከሆነ ለመምህሩ ከሰጠሁት መልስ ውጪ የለኝም" አለ ቀዳማዊ። ደሐብ ምንም አልመለሰችለትም። " እና ስለ እኔ ምንም አታስቡ"አለና ብድግ አለ።

" እኔ ማን እንደሆንክ አላውቅም ከየት እንደመጣህም አላውቅም። ከአንተ የምፈልገው ነገርም የለም። የራስህ ችግርና ምስጢር ሊኖርህ ይችላል። ግን በራስህ ችግር ምክንያት ሰዎችንም እንዲህ አይነት ፊት መስጠትህ ልክ አይደለም። ባለፉት ቀናት አለመምጣትህ ብዙ ነገር አሳስቦኝ ነበር። ግን በመጨረሻ በሰላም መጥተኸል። ፍራቻየና ስጋቴ ልክ ባለመሆኑ ተደስቻለሁ አንድ የምነግርህ ነገር ቢኖር እኔ አንተን ለመጉዳት ወይም ለማበሳጨት እንደማልሞክር ነው። ከዚህ ውጪ ሌላ ነገር ልልህ አልችልም። ከዚህ በኋላ እንድታወራኝ ችክ አልልብህም። እንደ ፈለክ መሆን ትችላለህ ይቅርታ ለእስካሁኑ ። ሳላውቅ ስላስቀየምኩህና ያለ ፍላጎትህ ላወራህ ስለሞከርኩ። ግን አንተ ማውራት ከፈለክ ልታወራኝ ትችላለህ እኔም ልሰማህ ዝግጁ ነኝ" አለችና ወጣች። ቀዳማዊ ደሐብን በአይኑ ተከተላት።......


🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_115 𖥧𖤣

... ቀዳማዊ ደሐብን በአይኑ ተከተላት።" ለምንድነው እንደዚህ አይነት ንግግር የምትናገረኝ? ዛሬ ደግሞ በጣም ለየት ብላለች" አለ ቀዳማዊ ራሱን በአግራሞት እየነቀነቀ። ደሐብ ከክፍል ወጥታ እያለቀሰች ወደ ኳስሜዳው ወረደች። የደሐብን ሁኔታ የተመለከተችው አንዲት የአስራ ሁለተኛ ክፍል ተማሪ ጓደኛዋ ተከተለቻትና " ምን ሆነሽ ነው? ደሐብ ምን ተፈጥሮ ነው? ማነው ያስለቀሰሽ?" እያለች ብትጠይቃትም ደሐብ ግን ከመመለስ ይልቅ ማልቀሷን ተያያዘችው። " አንቺ ልጅ ከመቼ ወዲህ ነው እንደዚህ መሆኖ የጀመርሺው? ተይ እንጂ ደሐብ ጠንካራ እኮ ነሽ በማንም ንግግር እንዲህ መረበሽማ የለብሽም"አለች ማህሌት " ቆይ እኔ ላይ እንደዛ የሚሆነው ምን ሆኖ ነው? እኔ ምን ያልኩት ነገር አለ? ነው ሁሉም ተማሪ ከእኔ ጎን ስለሆነ ? ደግሞስ እንዴት እንደዛ ያወራኛል። ማሂ ከልቤ እኮ ነው ሳምንቱን ስላልመጣ በጣም ተጨንቄ ነበር። ቤርሲም ታውቃለች እንዴት እንደነበርኩ።እሱ ግን የምንጫወትበት እና የምቀልድበት ነው የሚመስለው" ብላ አለቀሰች።

" በቃ እሺ እታልቅሽ ስታለቅሺ ደካማ ትሆኛለሽ አሁን ተረጋጊና አስቢ ምን አልባት አንቺ ላይ እንደዛ የሚሆነው እየቀለዳችሁ አይቷችሁ ይሆናል። እንደዛ ከነበር ደግሞ አሁን ደርሶ ሊያምንሽ አይችልም። ወይም ደግሞ ልጁ የሀብታም ልጅ ስለሆንሽ ልትቀልጅበት እንደሆነ ሊያስብ ይችላል። ይሄ ደግሞ ማንም ሰው እንዲሆንበት የማይፈልገው ነገር ነው። ስለዚህ በእሱም መፍረድ የለብሽም በእርግጠኝነት ትክክለኛ ማንነትሽን ስታሳይውና ሲያውቅ ይወድሻል። በዛ ላይ ደግሞ ማወቅ ያለብሽ ልጅ መሆኑን ነው። በዚህ እድሜው ከራሱ ውጪ ስለሌላ ሰው ሀሳብ ምንም ነገር አያስብም። አንቺም እንደዛው ነሽ የራስሽን እንጅ የእሱን ሀሳብ አታውቂም። በትምህርትሽ ጎበዝ ስለሆንሺ ብቻ በሌላ ነገርም ጎበዝ ነሽ ማለት አይደለም። ስለዚህ ከማልቀስሽ በፊት ቆም ብለሽ ልታስቢ ይገባል። እንደዚህ መነፋረቅ ያስጠላብሻል። በእርግጥ መነፋረቅ ማንም ጋር ባያምርም አንቺ ላይ ግን ይበልጥ ያስጠላል "አለች ማህሌት

" እሺ ከዚህ በኋላ አላለቅስም። ማንነቴን አሳየዋለሁ እኔ ደሐብ አይደለሁም" አለችና በእንባ የራሱ ጉንጮቿን አባብሳ ሳቅ አለች።" እንደዚህ ነው ያልኩሽ የኔ ቆንጆ በይ አሁን የሚበላ ነገር እነብላ "ብላ ማህሌት ወደ ካፍቴሪያ ይዛት ሄደች።

" መጣችልህ መጣችልህ"አለ ኪሩቤል ደሐብን ከማህሌት ጋር ወደ ካፍቴሪያ ስትገባ አይቷት " ተዋታ ትምጣ "አለ ታሮስ " ምን ሆነሀል ታሮ?"አለ ኪሩቤል የታሮስ ሁኔታ አላምር ቢለው " ምን ሆንኩ ምን ስሆን አየህ?"አለ አሁንም በንዴት " ወይ ጉድ እኔ ምን አደረኩህ የምትጮህበኝ "አለ ኪሩቤል ቀዝቀዝ ባለ አነጋገር " እና ምን ልበልህ የማይሆን ነገር እየተናገርክ መጣችልሃ ምናምን ምን አስባለህ? ስትመጣ ንገረኝ ብየሀለሁ? "አለ ታሮስ ፊቱ እየተቀያየረ " እሺ በቃ ይቅርታ እንዲህ ያናድድሀል ብዬ አላሰብኩም ነበር። ለማንኛውም ከዚህ በኋላ አላነሳብህም"አለና ኪሩቤልም ዝም አለ።

○○○○○○
ወይዘሮ ሰላማዊት ከፖሊስ ጣቢያ ከወጣች በኋላ ለጓደኛዋ ርብቃ ደወለች። " አንቺ ደሕና ነሽ አገር ምድሩን እያሰስነው እኮ ነበር በፍለጋ ያ እብድ ባልሽ የመጨረሻ እብደት ላይ ነው መሠል?"አለች " አዬ ጓደኛዬ ተይኝማ የሆነ ችግር ውስጥ ሳልገባ አልቀርም። " ምነው ምን ሆንሽ የምን ችግር ?" " ያቺ የተረገመች እኔ ላይ ሳትደርስብኝ አትቀርም። እንደፈራሁት ለፖሊሶች የሆነ ጥርጣሬ ጭራባቸዋለች ፖሊሱም ጀመር አድርጎ ነው የተወልኝ" " ውይ ሰላምዬ ይሄ በጣም ከባድ ነው ከቻልሽ በጥንቃቄ ራስሽ ምን ማድረግ እንዳለብሽ አስቢና የሆነ ነገር አድርጊ "አለች " እንዴ ብቻየን ልተተይኝ ነው? አትረጂኝም ?"አለች ሰላማዊት " አይ ይሄን እንኳ ራስሽ ፍቺው ስለዛኛው ሲሆን ግን እረዳሻለሁ። በአንድ ጊዜ እጄን ሁሉም ቦታ አላስገባም እሺ የኔ ቆንጆ ለመውጫም እንዲመቸኝ ከዛኛው ብቻ ነው የማግዝሽ"አለች " ቆይ ለምን እንደምትረጂኝ ቃል ገብተሽልኝ ነበር እኮ አሁን ምን ተገኝቶ ነው ታዲያ?"አለች ሰላማዊት " ብዙ ጓደኛ ነው ያለሽ ይሄኛውን ስትጀምሪ ደግሞ አላውቅም። ስለዚህ ሲያግዙሽ ከነበሩት ጋር ተወጪው። እኔ አንዱ የጀመረውን አልጨርስም እራሴ የጀመርኩትን ግን እጨርሳለሁ። ለዚህ ነው ቃል የገባሁልሽ"አለች።

በዚህ ጊዜ ሰላማዊት ምን ማድረግ እንዳለባት ማሰበ ጀመረች።"ምን ባደርግ ነው ከዚህ መአት የምወጣው?" ብላ ጣቷን ከንፈሯ ላይ ጫን አደረገችና አሰበች። የሆነ ሀሳብ መጣላት። ከዛ ስልኳን አንስታ የሆነ ሰው ጋር ደወለች።" አቤት ሰላማዊት እንዴት ነሽ?"አለ የወጣት ድምፅ " እንዴት ነህ አቤል? " አለች ሰላማዊት እየተሽኮረመመች " ደሕና ገኝ በጣም ሰላማዊት አንቺ እንዴት ነሽ? እደውላለሁ ብለሽ በዛው ጠፋሽ " " ምን እጠፋለሁ የገዛ ባለቤቴ አግቶኝ ነው እንጂ" አለች

" እውነትሽን ነው?"አለ አቤል ሰላማዊት በነገረችው ነገር ተገርሞ "አዎ እንዴት እዋሽሀለሁ? ያ ነፈዝ ባሌ ምስጢሩን እንዳለ ሳውቅበት አፍኖ ወስዶ አንድ ባዶ ቤት ዘግቶኝ በስንት ፍለጋ ነው ፖሊሶች ያገኙኝ። እና ከቻልክ ቤት ብትመጣ ደስ ይለኛል።በጣም ደብሮኛል ናና ዘና እንበል"አለች " ደስ ይለኛል አንቺ ጠይቀሽኝ እንዴት እምቢ ብዬ እቀራለሁ። አሁኑኑ ነው ስበር የምመጣው"አለ " እሺ የኔ ታዛዥ እሱን ነው የምፈልገው ጭንቀቴ የሚለቀኝ አንተ ስትመጣልኝ ብቻ ነው። ሁሊም በዙሪያየ ያለ ሰው በሙሉ ትቶኝ እየሄደ ነው።"አለች በተከፋ ስሜት " ተያቸው ይሂድ መጀመሪያም ከአንቺ ጋር አልነበሩም ። የአንቺን አስፈላጊነትና ውድነት የሚረዳ ብቻ ነው ከአንቺ ጋር የሚቀረው። ሌሎቹ ውድነትሽን ስለማያውቁ ይሄዳሉ"አለ ። አቤል በተናገረው ነገር ተደስታ " ምን አለ አንተ ብቻ ሁሉ ነገሬ ብትሆን"አለች " እንዴ ሁሉ ነገርሽ አይደለሁም እንዴ ኧረ ክህደት"አለ አቤል ሳቅ እያለ "ሁሉ ነገሬማ ነህ ሲከፋኝ የምታፅናናኝ ሲደክመኝ የምትደግፈኝ ጉልበት የምትሆነኝ አንተ አይደለህ።ከአንተ ውጪ ማን አለኝ?"አለች ሰላማዊት "እሺ በቃ አታለቃቅሺ አሁኑኑ እመጣለሁ"አለ "እሺ ፈጠን በል አለችውና ስልኳን ዘግታ ወደ መታጠቢያ ክፍል ገባች።......


🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_116 𖥧𖤣

... እሺ ፈጠን በል አለችውና ስልኳን ዘግታ ወደ መታጠቢያ ክፍል ገባች። ሰውነቷን ተጣጥባ ልብሷን ለብሳ አልጋዋ ላይ ተንጋላ ተኛች። አሁን በትንሹም ቢሆን ጭንቀቷና ፍርሀቷ የለቀቃት ይመስላል።

አቤል ከሰላሳ ደቂቃ በኋላ ደረሰ። የመጥሪያ ደወሉን ሲነካ እንደመጣ ገብቷት በፍጥነት ወደ በሩ ሄደችና ከፈተችለትና ገብቶ በሩ ላይ ቆም አለ ሰላማዊት በሩን ዘግታ በውስጥ በኩል ቆልፋ " እንኳን ደምና መጣህ የኔ ቆንጆ ብላ "ተጠመጠመችበት። ሻወር ወስዳ የተቀባችው ልዩ ማዕዛ ያለው ሽቶ አቤልን አነሆለለው። "እንዲህ አምሮ መጠበቅ አሁን ምን ይሉታል? እየነዳሁ ነው የመጣሁት ትንሽ ሳላርፍ ልንዳ ብለሺ ነው?"አለ " እሱ አንተ እንደፈለክ ልረፍም ካልክ ትችላለህ ግን ካረፍክም ደግሞ እኔ ጭን ላይ ነው" አለችና እየጎተተች መኝታ ክፍሏ አስገብታ "ምነው አልናፈኩህም እንዴ?"ብላ ከንፈሩን እየሰማች የሸሚዙን ቁልፎች መፍታት ጀመረች። አቤል አልተቃወማትም።

○○○○○
" በደንብ እየተከታተላችኋት ነው?" " አዎ አለቃ ከፖሊስ ጣቢያ እንደወጣች የሆነ ሰው ጋር ደውላ ካወራች በኋላ ወደ ቤቷ ሄደች። ከስአታት በኋላ የሆነ ወጣት ልጅ ቤቷ ገባ " እንደተነጋገርነው አድርጋችኋል?""አዎ አለቃ እሷ ከቤት ወጥታ ወደ መናፈሻው በሄደችበት ወቅት አድርገነዋል" " የት የት ቦታ ነው ያደረጋችሁት?" " ሳሎንና መኝታ ቤት" ጥሩ ምን አልባት ቤቷ የቀጠረችውና ያጣው ልጅ ለአንድ የተለየ ተልዕኮ ፈልጋው ነው። ስለዚህ አሁን ከምንጊዜውም በላይ ነቅታችሁ ጠብቁ ምን አልባት መቅረፀ ድምፁን ብታገኘው እንኳ ልትጠምብን ስለምትችል እናንተ እንቅስቃሲያቸውን በደንብ ተከታተሉ። በምንም ታዕምር ከእጅታችሁ እንዳይሰወሩ ።"አለ ምክትል መርማሪ አወቀ " እሺ አለቃ እንጠብቃለን አንዘናጋም"" እሺ አዲስ ነገር ካለና የሆነ ነገር ከተፈጠረ አሳውቀኝ"አለና ምክትል መርማሪ አወቀ የመነጋገሪያ ሬዲዎውን ጠረንጴዛው ላይ አስቀመጠ።

○○○○○
ቀዳማዊ የእለቱን ትምህርት ጨርሶ ወደቤት ተመለሰ። ትምህርት ቤት ስለተፈጠረው ነገር ለአቶ ሙሉሰው ሊነግረው ቢያስብም ከቤት አጣው።" ጋሼ የት ሄዶ ነው እትዬ"አለ ወይዘሮ ሔዋንን " ይመጣል ቁጭ በል አንተ ምሳ ብላ " ምሳ ለቀዳማዊ አቅርቢለት "አለቻት ሰራተኛዋን ። ስራተኛዋ የምግብ ስሀን ይዛ ቁርጥ እንጀራ በስሀን አድርጋ በፍጥነት መጣች።

" ክላስ እንዴት ነበር? መምህራኖችህ ምን አሉህ ?"አለች ወይዘሮ ሔዋን " አሪፍ ነው ሁሉም መምህራኖች ለምን ሳምንቱን እንደቀረሁ ጠየቁኝ እኔም የቤተሰብ ችግር አጋጥሞኝ ነው አልኳቸው። እነሱም ተረዱኝ እና ምንም አላሉኝም ነገር ግን አንደኛው መምህር የባዮሎጂ መምህሬና ስምጠሪዬ አመናጨቀኝና ከክፍል አስወጣኝ። ወላጅ ይዘህ ካልመጣህ በእኔ ክፍለ ጊዜ አትገባም ብሎኝ ሔደ። እና ከቻልሽ ነገ አብረን ብንሄድ ደስ ይለኛል። ብታይ በጣም የሚያስፈራ አስተማሪ ነው።"አለ ቀዳማዊ " እሺ እንሄዳለን ግን ለዛሬ እንድትማር አድርጎ ለነገ ወላጅ ካላመጣህ አትገባም ቢል ጥሩ ነበር ትምህርቱን ከሚቀጣህ። ግን ታካክሰዋለህ የአንዱ ጓደኛህን ደብተር ተውሰህ ታጠናዋለህ።"አለች ና ምን አይነት ጓደኛ እንዳለው ጠየቀችው።

ሁሉንም ገገር ነገራት ምንም አይነት ጓደኛ እንደሌለውና ማንንም እንደማይቀርብ። እንዲሁም ስለ አንዳንድ ተማሪዎች ፀባይ በዝርዝር አጫወታት። ወይዘሮ ሔዋን ቀዳማዊ በነገራት ገገር ተገርማ " ለምን እንደዚል አደረክ ብላ ስትጠይቀው ስለ ሁሉም ነገር ከአቶ ሙሉሰው ጋር ማውራቱን ነገራት። በዚህም ጥሩ ልጅ ካገኘሁ ብቻ እንጂ የግድ ጓደኛ እንዲኖረኝ ብዬ ከእንደነ ደሐብ አይነቷ ሞልቃቃ የሀብታም ልጅ ሁሉንም ነገር በገንዘብ ከሚያስቡ ልጆች ጋር መሆን አንደሌለብኝ ነገረኝ። እኔም ከመጀመሪያው እያደረኩት ስለነበር ምክሩን ተቀበልኩ"አለ ቀዳማዊ፡

ወይዘሮ ሔዋን የቀዳማዊን ወሬ ካስጨረሰችው በኋላ " እ ሙሉሰው ያለህ ነገር ልክ ነው። አንተን እንዳያሳስቱህና መንገድህን እንዳትረሳ ነው። ነገር ግን ማወቅ ያለብህ ሰውን የምታውቀው ስትቀርበው እንጂ ከላይ ብቻ አይተህ በመልኩ ተንተርሰህ አይደለም። ሁልጊዜም ሰዎችን ከምታርቅ ብታቀርብ ይሻላል ለአንተ ጥሩ እንኳ ባይሆኑ ይበልጥ ስታቀርባቸው ትጠነቀቃቸዋለህ የሚያደርጉትን የሚያወሩትን የሚያስቡትን በትንሹም ቢሆን ልታውቅ ትችላለህ። ካራካቸው ግን እንኳን ምን እንደሚያስቡ እንደሚያደርጉ ይቅርና ምን በእጃቸው እንደያዙ አታውቅም። ሲቀጥል ደግሞ ሁሉም የሀብታም ልጅ ሞላጫና ባለጌ ነው ብዬ አላምንም። በጣም ብዙ ልቅ የሆኑ ልጆች እንዳሉ ሁሉ በዛው ልክ በስርአት ያደጉ የተቆነጠጡና የተገሰፁ የሀብታም ልጆችም አሉ። ስለዚህ በደፈናው የሀብታም ልጅ ብሎ መፈረጁ ልክ አይደለም። ደግሞም የሀብታም ልጅ ብቻ አይደለም ባለጌው ብዙ የድሃ ልጆችም አሉ። ከየት ከማን እንደተወለዱ ማንነታቸውን ረስተው ሕልማቸውን የቤታሰባቸውን ድካም ወደ ጎን ብለው የማይሆን ቦታ የሚውሉ ስለዚህ ከአንተ የሚጠበቀው ሁሉንም መቅረብ ነው። ስትቀርባቸው ባትወዳቸውም አትጠላቸውም። ማህበራዊ ኑሮህ ተግባቦትህ በዛው ልክ እየሰፋ ይሄዳል። ሙሉ በሙሉ ልብህን ከፍተህ ሳይሆን እነሱ እንደሚሆኑት እየሆንክ አብረሀቸው ትማራለህ። እንጂ ሁሉንም ተማሪ የጎሪጥ እየተመለከትክ አትዘልቀውም። ምን አልባት ደሐብና ታሮስ እውነተኛ ጓደኛህ መሆን ፈልገው ሊሆን ይችላል። ባይሆን እንኳ ልክ አለመሆናቸውን አቅርበህ ነው እንጂ አርቀህ አይደለም የምታሳያቸው ብልህና አስተዋይ መሆን አለብህ" ቀዳማዊ የምትናገረውን እያንዳንዷን ቃል በልቡና በአእምሮው እየፃፈ በፀጥታ አዳመጣት

"በዛ ላይ እኔ የምፈልገው ሁለገብ ተማሪ እንድትሆን ነው እንጂ በትምህርት ብቻ ጎበዝ እንድትሆን አልፈልግም። ከትምህርት ውጪም ያሉ የሀይማኖትና የድርሰት መፅሐፎችን ማንበብብ አለብህ። ያን ሙሉ ሰው ትሆናለህ እሺ?"አለች። ቀዳማዊ በእሺታ ራሱን ነቀነቀ። " ጎበዝ ልጅ በል አሁን ምሳህን በደንብ ብላና ማንበብ ከፈለክ አንብብ ማረፍ ከፈለክ እረፍ እንደፈለክ ስለ መምህሩ ምንም ነገር አትጨነቅ ነገ ከእኔ ጋር ሄደን አናግረዋለሁ"አለች ወይዘሮ ሔዋን.......


🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_117 𖥧𖤣

... ስለ መምህሩ ምንም ነገር አትጨነቅ ነገ ከእኔ ጋር ሄደን አናግረዋለሁ"አለች ወይዘሮ ሔዋን " እሺ እትዬ "አለና ቀዳማዊ ሳህኑ ላይ ሁለት ቁርጥ አስቀምጦ ትንሽ ከፀለዬ በኋላ አማትቦ ደረቅ እንጀራ ያለ ወጥ ቆረስ አድርጎ ከበላ በኋላ ወጥና እንጀራ እየጨመረ ምሳውን እስኪጠግብ ተመግቦ ወደ መኝታ ክፍሉ ገባ።

ቀዳማዊ ወይዘሮ ሔዋን መምህሩን ሄዳ የምትሰድበው መስሎት በጣም ተጨነቀ። ከመምህር ጋር ተጋጭቶና ተጣልቶ የማያቀው ቀዳማዊ አሁን ግን የመምህር አይን ውስጥ ገብቷል። ይሄ ደግሞ አስጨንቆታል። ግን ደግሞ የመምህሩን ድርጊት እንዴት ከክፍል እንዳሰወጣው ሲያስብ ተማሪዎቹ ሲስቁ የነበረውን ሁሉንም አንድ በአንድ አስታወሰ። ቀዳማዊ ተማሪ ከክፍል የሚወጣው የቤት ስራ ሳይሰራ የቀረ ተማሪ ነበር የሚመስለው። በሌሎች የደረሰው ከክፍል የመውጣት እጣ እሱ ላይም ደረሰ።

ሕይወት ለቅፅበትም ቢሆን የሰውን ማንነትና ስብዕና እንደምትቀይር ተረዳ። መጥፎ የነበረው ጥሩ ጥሩ የሆው መጥፎ ሰጭ የነበረው ገብጋባ ገብጋባ የነበረው ደግ እንደሚሆን ። የሰከንድና የደቂቃዎች ፍትጊያ የሚፈጥሩት እሳታማ ማንነት ከዋናው የሰው ልጅ ስብዕና ጋር እንደሚላተም የተረዳ ይመስላል።

○○○
ወይዘሮ ሔዋን ከቀዳማዊ ጋር በጠዋት ወደ ትምህርት ቤት ሄዳ የመምህሩ ቢሮ ውስጥ ተቀመጠች። ቀዳማዊ አብሯት ተቀምጦ እየጠበቁት እሱ ሲመጣ ምን ማለት እንዳለባት እያሰበች እያለ መምህሩ አየተቻኮለ ገባ። እንደገባ ስታይ ወይዘሮ ሔዋን ከተቀመጠችበት ብድግ በማለት ለመምህሩ ሰላምታ አቀረበችለት። መምህሩ የቀዳማዊ ወላጅ እንደሆነች ቀዳማዊ አብሯት በመሆኑ አወቀ ነገር ግን በጣም እንደቸኮለና ከክፍል ሲወጣ እንደሚያናግራት ተናግሮ እንደምንም ሳይቆጥራት ወጣ። " ምን ማለት ነው ከክፍል እስክወጣ ማለት"አለችና እንደመሳቅ ብላ " በል አንተ የመጀመሪያ ክፍለጊዜ እንዳያመልጥህ ገብተህ ተማር ስትጨርስ እዚህ ትመጣለህ "አለች " አሁን እኮ የእሱ ክፍለ ጊዜ ነው ላያስገባኝ ይችላል "አለ ቀዳማዊ በፍርሃት " እሱን እናያለን አላስገባህም ይበልና ያኔ የምናገረውን አውቃለሁ" አለችና ቀዳማዊን አቅፋ ወደ መማሪያ ክፍሉ ሄዱ።

ከሁለት ማንኳኳት በኋላ መምህሩ በሩን ከፈተ። ቀዳማዊ ሊገባ ሲል በእጁ ገፍተር አደረገውና " በእኔ ክፍለጊዜ አትገባም ብየሀለሁኮ መጀመሪያ ወላጅህን ካናገርኩ በኋላ ነው የምትገባው" አለ " አቤት አቤት ለምንድነው የማይገባው እኔ መጥቻለሁ አንተ ማስተማርህን እስክትጨርስ ድረስ ልጄ ትምህርት እንዲያመልጠው አልፈልግም።"አለች "ወይዘሮ ሔዋን ስለ ልጅሽ ጉዳይ ካወራን በኋላ ነው ወደ ክፍል የማስገባው" ሀሳብህ ምንድነው በአንተ ክፍለጊዜ እንዳይገባ ማድረግህ ነው? ትላንትም አስወጥተኸዋል ዛሬም ልትደግመው ነው? ቆይ ምን አስበህ ነው?" አለች

" ተናገርኩ እንግዲህ አይገባም ካልኩ አይገባም ነው" አለ ኮስተር ብሎ " ምን አይነት ጋጠወጥ መምህር ነህ? በዚህ ስብዕና ነው ተማሪዎችን የምታስተምረው? አንተ ብትፈልግም ልጄ በአንተ እንዲማር አልፈልግም። እስከምመጣ ድረስ ልጄ ባለማወቅ የሆነ ጥፋት ያጠፋ ነበር የመሰለኝ አሁን ግን እርግጠኛ ነኝ ያለ ምንም ምክንያት እንደሆነ ተረድቻለሁ።" ብላ " ና እንሂድ ልጄ "አለችና ቀዳማዊን ይዛ ወደ ርዕሰ መምህሩ ቢሮ ገባች።

ወይዘሮ ሔዋን የመምህሩን ተግባር እያንዳንዱን ለርዕሰመምህሩ በንዴት ነገረችው። በአርባዎቹ መጨረሻ እድሜ ላይ የሚገኘው ርዕሰ መምህር ወይዘሮ ሔዋንን ከነ ንዴቷ ዝም ብሎ ካዳመጣት በኋላ በእርጋት ቀስ ብሎ " ያልሺውን በሙሉ ሰምቼሻለሁ እንደ ርዕሰ መምህር ሳይሆን እንደ አንድ የልጅ ወላጅ ሆኜ አንቺን በራሴ ቦታ አድርጌ ችግርሽን ተረድቼሻለሁ። ንዴትሽ ይገባኛል አሁን ወደ ክፍሉ መሄድ አለብን ና ልጅ ቀዳማዊ "አለና ሶስታቸውም ተያይዘው ወደ ክፍል ሄዱ።

የትምህርት ቤቱ ርዕሰ መምህር አቶ መርዕድ ቀስ አድርገው ክፍሉን ከቆረቆሩ በኋላ በሩን ከፈት አድርጎ መምህሩን ጠራው። መምህሩ አቶ መርዕድን ሲያው ድንግጥ ብሎ ወደ ውጪ ወጣ ። ቀዳማዊን ወደ ክፍሉ አስገባውና "አንተ ማስተማርህን ስትጨርስ ቢሮዬ ና "አለውና ከወይዘሮ ሔዋን ጋር ተመለሰ" ምን አልባት ግን ከቀዳማዊ ጋር ተጣልተው ይሆን ማለትም በብዛት የመምህርና የተማሪ ፀብ የታወቀ ነው። የቤት ስራ ካልሰራ የክፍል ስራ በስአቱ ካልጨረሰ እና ክፍል ውስጥ ከረበሸ"ብሎ ሊቀጥል ሲል ወይዘሮ ሔዋን አቋረጠችውና " በጭራሽ አቶ መርዕድ ቀዳማዊ አሁን ያልካቸውን በሙሉ በጥንቃቄ ነው የሚያደርገው በዛ ላይ ጎበዝ ተማሪ ነው የአስረኛ ክፍል ውጤቱን ማየት ትችላለህ "አለችና በኩራት " ከሁሉም የአስረኛ ክፍል ተፈታኝ ስትሬት ኤ ያመጣው እሱ ብቻ ነው። በዚያ ላይ በባህሪው በጣም ዝምተኛና ከሰው ጋር የማይደርስ እንኳን ከመምህር ጋር ከልጆች ጋር የማይጣላ ልጅ ነው። እሱን ደግሞ ማንም ይመሰክራል።" አለች ወይዘሮ ሔዋን

" መምህሩ ቀዳማዊን እየገለመጠ ትንሽ ካስተማረ በኋላ " እናንተ ተማሪ እስከሆናችሁ ድረስ መምህር የሚላችሁን መፈፀም አለባችሁ። "አለ በዚህ ጊዜ ተማሪዎች ወደ ቀዳማዊ ዞሩ።......


🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_118 𖥧𖤣

... ተማሪዎች ወደ ቀዳማዊ ዞሩ። መምህሩ ማንን መናገር እንደፈለገ ገብቷቸዋል። " እናቱ ግን አስፈሪ ናት። መምህሩን እንዴት ነው ያናገረችው?"አለ ኪሩቤል " መምህሩ ራሱ በጣም ነው ያበዛው። ቀዳማዊ ምንም ሳያደርገው እንደዚህ መሆን አልነበረብም። ደግሞ ከመቅረት ውጪ ሌላ ምንም አላደረገውም። "አለ ታሮስ በመምህሩ እየተናደደ " ቢሆንም የቀዳማዊ እናት ግን ደስ ትላለች። አባቱ ቢመጣ ጭራሽ ምን ሊያደርግ እንደሚችል መገመት ቀላል ነው። በእርግጠኝነት ልደብድበው ነው የሚለው"አለ ኪሩቤል " ቢል አልፈርድበትም መምህሩም ይገባዋል።"አለ ታሮስ

" አንተ ይሄን ልጅ በጣም ወደኸዋል" " መውደድ ሳይሆን በቃ ልጁ ምንም አይነት እንከን አላየሁበትም የራሱን ኑሮ ብቻ ነው የሚኖረው። እንዲህ አይነት ልጅ ደግሞ ደስ ይለኛል በአጠቃላይ። ስለዚህ ዝም ብለህ እንዲህ ነው እንዲህ ነው አትበል"አለ ታሮስ

ደሐብ በመምህሩ ድርጊት በጣም ተደስታለች። " ደግ አደረገው የታባቱንስ? ደግሞ እናቱ ስታስጠላ የሆነች ነገረኛ ቢጤ ናት። የዚች ልጅ ሆኖ ነው እንደዛ ትቢተኛ የሆነው? ቆይ ያየዋል። በባህሪው ካልተቆጨ ቱ "አለች።

መምህሩ ክፍለጊዜውን ጨርሶ የቤት ስራ ሰጥቶ ወጥቶ ቀጥታ ወደ ርዕሰመምህሩ ቢሮ ሄደ።" ግባ ግባ "አለ አቶ መርዕድ የመምህሩን በር ላይ መቆም ተመልክቶ። መምህሩ ተቀመጠ። " እስኪ በቀዳማዊና በአንተ መሀል የተፈጠረውን አለመግባባት ንገረኝ ከአንተ ልስማው"አለ አቶ መርዕድ " እሺ ያው በእኔና በልጁ ምንም ችግር የለብንም ግን ያለፈውን ሳምንት ሙሉ ትምህርት ቤት አልመጣም። እኔ ደግሞ እንደስምጠሪ ተማሪዎች ከሶስት ቀን በላይ ከቀሩ አልቀበልም ወላጅ እንዲያመጡ አደርጋለሁ ይሄ ደግሞ የእኔ ሕግ ነው። በዛ ላይ ልጁ እንደተማሪ አይደለም በጣም ነው የሚኮራው ክፍል ውስጥ ሌሎች ተማሪዎች ሲሳተፉ እሱ አይሳተፍም። የክፍል ስራ ራሱ አሳርሞኝ አያውቅም። ይሄ የሚያሳየውእኔ ጋር ችግር እንዳለበት ነው። ሌሎች መምህሮችን ጠይቂያቸዋለሁ። ስለ እሱ ነግረውኛል። ስለዚህ ከሌሎች መምህርና ከእኔ ጋር አንድ አይደለም። ስለዚህ ልጁ ችግር እንዳለበት ግልፅ ነው። እ በዋናነት ወላጅ እንዲያመጣ ያደረኩት ሳምንቱን ለምን እንደቀረ ለማወቅና ስለ ልጁ አንዳንድ ችግሮች ለመነጋገር ነበር።"

አቶ መርዕድ የመምህሩን አቤቱታ በደንብ ካዳመጠ በኋላ ወይዘሮ ሔዋንን ወደ ቤቷ እንድትሄድ ችግሩ እንደሚፈታ ቃልገብቶላት ሸኛት። ቀዳማዊን ደግሞ ሌላ ትምህርት እንዳያመልጠው ወደ ክፍል እንዲገባ ነግሮት ከመምህሩን ጋር ብቻቸውን ማውራት ጀመሩ። " እኛ አስተማሪዎች ነን። ለተማሪዎቻችን የተለየን መሆን አለብን። እኛ ከምናስተምራቸው ትምህርት ይልቅ ከእኛ ምግባር የሚማሩት ለነገ ስንቃቸው ይሆናል። በጥላቻና በቂም የተመረዘ አአምሮ ያለው ተማሪ እንዲኖረን አንፈልግም። ምክንያቱም ያ ተማሪ ምን ሊሆን እንደሚችል ስለማናውቅ። እኛ የምንፈልጋትንና የምንመኛትን ኢትዮጵያ የሚያሳዩን እነዚህ ለጋ ኢትዮጵያዊያን ናቸው። ስለዚህ የምንፈልጋትን አገር ለማየት እነዚህን እንቁዎች መንከባከብ አለብን... መንገድ መሆን አለብን። ስለ ቀዳማዊ ያለህ አተያይ ልክ አይመስለኝም። ታውቃለህ ብዙ ተማሪዎች ክፍል ውስጥ መሳተፍ የማይፈልጉ በጭራሽ መታወቅ የማይፈልጉ እንዳሉ። እኔም በተማሪነት ጊዜዬ እንደቀዳማዊ አይነት ተማሪዎችን አይቻለሁ። አቅሙ እያላቸው ዝምታን የሚመርጡ። ይሄ ደግሞ ባህሪያቸው ነው። የመምህር ትልቁ ችሎታ ተማሪዎችን እንደ እርሱ ባህሪ ሳይሆን እንደ ተማሪዎቹ ባህሪ ማስተማር መቻሉ ነው። አንተም ይሄን ፍላጎትህን ወደ ጎን ትተህ የልጁን ባህሪ ተረዳው። አንብበው እናቱ የተናገረችውን ነገር በደንብ ማሰብና ማረጋገጥ ያስፈልጋል። ለምሳሌ ቀዳማዊ በከፍተኛ ውጤት እንደመጣ ታውቃለህ። የአስረኛ ክፍል ውጤቱ የሚያሳየው ሁሉንም ትምህርት ኤ እንዳመጣ ነው። ስለዚህ ልጁ ጋር ብዙ ነገር አለ ማለት ነው። እንደስም ጠሪ ይሄን ነገር በደንብ ተመልከተው። ልጁ አቅም እያለው ለምንድነው ዝም የሚለው? እስኪ ዝምታውን ለማዳመጥ ሞክር አቅርበው ስለ እሱ ከሌሎች መምህራን ጠይቅ"አለ ና አቶ መርዕድ ዝም አለ

" እሺ መርዕድ ያልከኝን ነገር አደርጋለሁ። በጣም ይቅርታ ስለ ሁሉም ነገር" " ተቀብያለሁ ለመጨረሻ ጊዜ የምነግርህ ተማሪዎችህን በአንተ አይን ሳይሆን በራሳቸው አይን ለማየት ሞክር። መምህርነት ትልቅ ሙያ ነው"አለና ሸኘው።

ቀዳማዊ ወደ ክፍል ከገባ ጀምሮ ተማሪዎች የጎንዮሽ ይጠቋቆሙበታል። ስለ እሱና ስለ ወይዘሮ ሔዋን ያንሾካሹካሉ። ቀዳማዊ ይህን ሊያደርጉ እንደሚችሉ ስላወቀ ብዙም ትኩረት አልሰጣቸውም። " ማነው የሚያንሾካሹከው?" አለ መምህሩ ድንገት። ሁሉም ፀጥ አሉና መምህሩን መመልከት ጀመሩ። ከዚህ ሁሉ ተማሪ ግን ታሮስ በተለዬ መልኩ ቀዳማዊን ያየው ጀመር። ቀዳማዊ የሆነ የተደበቀ ሕይወትና ታሪክ እንዳለው ሁልጊዜም ሲያየው ውስጡ ይነግረዋል። ለምን ጓደኛ ለመያዝ ፈቃደኛ እንደማይሆን ሲያስታውስ ደግሞ.ይበልጥ ግራ ይጋባል። በጓደኛው የሆነ ነገር ሆኖ ይሆን? ወይስ የተለዬ ምክንያት ይኖረው ይሆን ብቻውን ለመሆን የፈለገበት" እያለ ከራሱ ጋር ያወራል።

○○○○○
"አለቃ የሆነ ወጣት ልጅ ጋር ነበረች። አሁን ከቤቷ ወጥቷል። እየተከተልነው ነው" " ጥሩ አድርጋችኋል በደንብ ተከተሉት ከደረሳችሁ በኋላም እንቅስቃሴውን ተመልከቱ። ምን አልባት ስራዎቿን የሚሰራላት እሱ ሊሆን ይችላል። አሁንም በድንገት የጠራችው የሆነ ነገር እንዲያደርግላት ፈልጋ ይሆናል። ስለዚህ ከአይናችሁ እንዳይሰወር። በምንም ታዕምር ደግሞ እንደምትከታተሉት እንዳያውቅ"አለ ምክትል መርማሪ አወቀ "

ሰላማዊት ከአቤል ጋር ከተለያየች በኋላ ለማህደር ደወለች። ማህደር ራሷን በአግራሞት እየነቀነቀች "አታፍርም ይቺ የማትረባ ደግሞ ትደውልልኛለች ወይ ፈጣሪ!.....!!!


🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_119 𖥧𖤣

... አታፍርም ይቺ የማትረባ ደግሞ ትደውልልኛለች ወይ ፈጣሪ "አለችና ስልኩን አንስታ " ትንሽ አታፍሪም ወንድሜን እንደዛ አድርገሽ ለእኔ የምትደውይልኝ? ቆይ ከእኛ ምንድን ነው የምትፈልጊው?"አለች ማህደር " አትንጨርጨሪ የደወልኩት ጩኸትሽን ለመስማት ሳይሆን ላስጠነቀቅሽ ነው። ሰምተሽኛል ከመንገዴ ዞር በይልኝ። ፈጠራሽን ለፖሊሱ አንቺ እንደነገርሽው እርግጠኛ ነኝ። ከዚህ በኋላ ግን በመንገዴ ላይ ከቆምሽብኝ የማደርገውን እኔ አውቃለሁ" "በእሱ እርግጠኛ ነኝ። አንቺ ለብር ብለሽ ምንም ታደርጊያለሽ። አንድ የምነግርሽ ነገር ቢኖር ግን ወንድሜ ታስሮ አይቀርም በቅርቡ ይፈታል" " በእሱ እንኳ ብዙ እርግጠኛ አትሁኝ ወንድምሽ አምኗል ሁሉንም ነው የተናዘዘው። ግን የምትገርሚው አንቺ ነሽ። እንዴት የተበደለው እና ሊሞት የነበረው ወንድምሽን ክደሽ ከገዳዩ ወንድምሽ ጎን ትቆሚያለሽ? ለነገሩ አንዷ ተባባሪ አንቺ አይደለሽ። ያኔ ስደውልልሽ የማታቂ መስሎኝ ነበር። ለካ ሁሉንም ነገር አብራችሁ ነበር ስታቅዱ የነበረው። እኔ የምለው ግን ቢሞት ምንድንነው የምትጠቀሙት ሀብቱ እንደሁ ለልጆቹና ለባለቤቱ ነው የሚሆነው። ነው ሌላ እቅድ ነበራችሁ ሚስቱንና ልጆቹን የመግደል?" አለች ሰላማዊት " ዝም በይ "አለችና ማህደር ጮኸች።" እስካሁን በደንብ አታውቂኝም። አሁን ስራሽን በሙሉ ለወንድምሽ እልክለታለሁ ሕይወትሽን የመከራ ነው የማደርገው እንድትሰቃይ ነው የማደርግሽ አንቺ ከሀዲ"አለችና ስልኩን ዘግታ ያዘጋጀችውን ፋይል ለአቶ ሙሉሰው ላከችለት።

○○○○
ዋና መርማሪ የማህደርንና የሰላማዊትን ንግግር ካዳመጠ በኋላ " ማህደር አቶ ሙሉሰው እንደሚገደል ቀድማ ታውቃለች ማለት ነው። ሌላው ደግሞ ሰላማዊት መውለድ አትችልም። የምርመራውን ውጤት አረጋግጣልናለች።"አለና ከወንበሩ ተነስቶ " ሁለቱንም ወደ ጣቢያ እንዲመጡ አድርግልኝ"አለ። ከዚህ የግድያ ሙከራ ጀርባ የሁለቱም ሴቶች እጅ እንዳለበት እየተሰማው መጣ።

○○○○
አቶ ሙሉሰው የተላከልትን የድምፅ ፋይል ከፍቶ ሲያዳምጠው። ማህደር ከሰላማዊት ጋር ያወሩትን በኮል ሪከርደር አዳመጠ። የማህደርን መልስ በተደጋጋሚ ሲያዳምጠው ግድየለሽነቷና ሰላማዊት ስለምትነግራት ነገር ምንም ጉዳይ የሰጣት አትመስልም። አቶ ሙሉሰው ካዳመጠ በኋላ ከአይኖቹ የእንባ እንክብሎች ይወርዱ ጀመር። በማህደር ሙሉበሙሉ ተስፋ ቆረጠ። " ቆይ ምን አድርጊያት ነው?"አለና ተነስቶ ወደ ፖሊስ ጣቢያ ሄደ።

ፖሊስ ጣቢያ ዋና መርማሪውን ማግኘት እንደሚፈልግ ተናግሮ ለዋና መርማሪ ወይዘሮ ሰላማዊት የላከችለትን የድምፅ መልዕክት ሰጠው። ዋና መርማሪ ካዳመጠው በኋላ "የተለዬ ነገር አላከችልህም ይሄን እኛም እናውቀዋለን። ከቴሌዎች ጋር ሊንክ በመፍጠር ሰጥተውናል። ጉዳዩን በደንብ እየተከታተልነው ነው። ትንሽ ወሰብሰብ እያለ ነው። አቃቤ ህግም ምርመራ ጀምሯል። እኛም የተለያዩ ስራዎችን እየሰራን ነው። አንተ ብቻ ተረጋጋ እውነቱ ተዳፍኖ አይቀርም።"አለ ዋና መርማሪ

" ዋና መርማሪ እኔን ሊገድሉኝ የሞከሩት ወንድሜና እህቴ ናቸው። ሌላ ማንም ጠላት የለኝም። ይሄው እህቴ እንኳ እንደምገደል እያወቀች ምንም አላለችም። ስለዚህ እዚህ ጉዳይ ላይ እጇ የለበትም ብዬ አላምንም። እሷም እንድሞት ትፈልጋለች። ለዚህም ከዳዊት ጋር ተባብራለች። በሕግ እንድትጠየቅ እፈልጋለሁ። እሷንም ዳዊትንም መክሰስ እፈልጋለሁ። ይሄ መቼም ትልቅ ማስረጃ ነው። ደግሞ አሁንም አስተማማኝ ሁኔታ ላይ አይደለሁም። ከግብረ አበሮቻቸው ጋር ሆና የሆነ ነገር ልታደርግብኝ ትችላለች።"አለ አቶ ሙሉሰው " ለእሱ ምንም አታስብ ሁሉም አይኖቻችን እናንተ ና እነሱ ላይ ናቸው። ሁለቱንም እየተከታተሏቸው ነው።ስለዚህ አንተ ራስህን ጠብቅ ስራውን ለእኛ ተወው"አለ ዋና መርማሪ በሙሉ ራስ መተማመን " ጥሩ ልጆቼ የሚማሩበትን ትምህርት ቤትም ክትትል ቢደረግልኝ። እነዚህ ሰይጣኖች በልጆቼ ሊመጡ ይችላሉ።"አለ አቶ ሙሉሰው ከዋና መርማሪ ቢሮ ሲወጣ ማህደርንና ሰላማዊትን በተለያየ አቅጣጫ ተመለከታቸው። እሳት ለብሶ እሳት ጎርሶ ወደ ማህደር በፍጥነት ገሰገሰ......!!!


🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_120 𖥧𖤣

... እሳት ለብሶ እሳት ጎርሶ ወደ ማህደር በፍጥነት ገሰገሰና እንደደረሰ በጥፊ መታት። አጠገቧ ያለው ፖሊስ ሙሉሰውን ያዘውና " ምን እያደረክ ነው? በሕግ ጥላ ስር ያለን ሰው መማታትም ሆነ ማስፈራራት ወንጀል እንደሆነ አታውቅም?"አለ "እየውልህ ፖሊስ ይቺ ልጅ እኮ ሊገድለኝ ከሚፈልግ ሰው ጋር ሆና ልትገድለኝ ነበር። እግዚአብሔር ሲያተርፈኝ ነው እንጅ እሷማ አስገድላኝ ነበር"አለና አቶ መሉሰው ድጋሚ ሊመታት ሲል ፖሊሱ ክንዱን ያዝ አደረገው።

" አሁን ሀሳቤን ሳልቀይር ከዚህ ሂድ ካልሆነ እንድትታሰር አደርጋለሁ "አለ " እሺ እሺ ምንም አላደርጋትም። ይቺን መሰሪ ምንም ሳላደርጋት እሄዳለሁ። ግን ማወቅ ያለባት ነገር ሁለታችሁም ጋር ክስ መስርቻለሁ። ከዛ ቆሻሻ ወንድምሽና ከቆሻሻ ሴራችሁ ጋር አብራችሁ እስር ቤት ትሆናላችሁ። አንቺን ማሳደጌ ስህተት ነበር። ከዛ መናጢ ጋር ነበር ማደግ የነበረብሽ የለየልሽ ሰይጣን ትሆኝ ነበር። ምን አልባትም ጥሩ ማፊያና ነፍሰ በላ "አለና ምራቁን ተፍቶ በፍጥነት ከፖሊስ ጣቢያ ወጣ።

ማህደር ስቅስቅ ብላ አለቀሰች። ወንድሟን ለመጨረሻ ጊዜ የምታወራው መሰላት። አቶ ሙሉሰው ከዚህ በኋላ በጭራሽ እንደድሮው እንደማይሆንላት ተረዳች። የመጨረሻ ንግግርም እንዳደረጉ አረጋገጠች። ይህ የተስፋ መቁረጥ ስሜት በተደጋጋሚ ሲጠናወታት ነበር። ማህደር ራሷን መሆን አቃታት። ይሄ ሁሉ ተፈጥሮ ራሱ ለምን ለዳዊት እንደምትወግን አልገባትም። ግን ማንም እንደሌለው ታስባለች። በዙሪያው ያሉት ሁሉ በእሱ ውድቀት የሚስቁና የሚደሰቱ መሰላት። ሙሉሰው ይችን አጋጣሚ እየጠበቀ ያለ መሰላት። ሰላማዊት በሁኔታዎች ለመጠቀምና ያለውን ገንዘብ ለመውሰድ በማኮብኮብ ላይ እንዳለች ታያት። ይሄን ሁሉ በአእምሮዋ እያመላለሰች ራሷ ሲዞርባት ራሷን በሁለት እጇ ይዛ ትንሽ እንደተራመደች ተዝለፍልፋ ወደቀች። ፖሊሶች ወዲያው አንቡላንስ ጠርተው ይዘዋት ወደ ሆስፒታል ሄዱ።

○○○○○
ቀዳማዊ ጭልጥ ያለ ሀሳብ ውስጥ ገባ። የቤቱ በረንዳ ላይ ተቀምጦ ቁልቁል የራስ መኮነን ድልድይ አቅጣጫን ይዞ ማማተሩን ቀጠለ። በሀዘንና በመከፋት እያንዳንዷን ቅፅበት ማስታወስ ጀመረ። " ይሄ ሁሉ የሆነው በእኔ ምክንያት ነው"አለ በለሆሳስ " በአንተ አይደለም በፍፁም እንደዛ ማሰብ የለብህም።"አለች ወይዘሮ ሔዋን ከኋኋላው ቆማ ድርጊቱን እየተከታተለች።

" አይደለም እኔ ባልመጣ ኖሮ ምን አልባት ማህደርም ከቤት አትወጣም ነበር። ወጥታም ጋሼ ከሚገድል ሰው ጋር አታብርም ነበር። ስለዚህ ምንም እንኳ ከጉዳዩ ነፃ እንደሆንኩ ብትነግሪኝም ነገር ግን እውነታውና መነሻው የምነግርሽ ነው። እስኪ እትዬ እያንዳንዱን ነገር ተመልከቺ ጋሼ ቢሞት ኖሮስ የሰይጣን ጆሮ ይደፈንና.. ይሄ ምንም ማብቂያ የለውም። እኔ እድለቢስ ነኝ በምንም ነገር ደስተኛ እንዳልሆን ነው የተፈጠርኩት። በቃ ሒወቴ እንዲህ ነው የሚቀጥለው?" አለና ስቅስቅ ብሎ አለቀሰ

" ተው አታልቅስ ሁሉም ነገር ይስተካከላል "አለችና አቀፈችው።" አያልቅም።" የዛች የተረገመች ጂማሬ ሳይጨርሰኝ ምንም ነገር አይስተካከልም"አለ " የማን" አለች ወይዘሮ ሔዋን " የእናቴ ነዋ!"አለ " ምን ምን ማለትህ ነው? አልሞተችም እንዴ?"አለች ወይዘሮ ሔዋን። ቀዳማዊ እነ ወይዘሮ ሔዋን እንደማያውቁ ትዝ ሲለው በለቅሶ ሹራቡን ውልቅ አደረገና "እይው እትዬ የወለደችኝ እናቴ ምን እንዳደረገችኝ! ይታይሻል እነዚህ ሰንበሮች ገና በጨቅላነቴ እናቴ በአባቴ ላይ ያላትን ቂም የተወጣችበት የለበቅ ሰንበር ነው። አባቴ ሞቶ እንኳ የእሷ ቂም ስላላለቀ በእኔ ላይ ትወጣ ነበር። ሁሉም እህቶቼና እናቴ እኔ ጠላታቸው ነበርኩ። ምክንያቱም እኔ ብቸኛ ወንድ ልጅ ስለሆንኩና አባቴ ከመሞቱ በፊት ያለውን ንብረት በእኔ ስላዞረው። እኔም ሁሉን ጥዬ ወደማላቀው አገር መጣሁ"አለ እያለቀሰ። ፊቱ በእንባ ርሶ

" ታዲያ እኔም ወላጅ አለኝ ብል እርዳታ የምጠይቀው ሰው ጠግቦ ጠፍቶ የመጣሁ ስለሚመስለው የትም እወድቃለሁ። እሱ ደግሞ አስፈራኝ ትምህርቴ የሚቋረጥና የማልማር መሰለኝ ለዛ ነው ከመጀመሪያው ያልነገርኳችሁ እባክሽ እትዬ ይቅርታ "አለና ሁሉንም ነገር አንድ በአንድ ነገራት።

ወይዘሮ ሔዋን ቀዳማዊን እያለቀሰች ስታዳምጠው ከቆየች በኋላ በመጨረሻ " እንዴት በዚህ እድሜህ ይሄን ሁሉ መከራ ቻልከው የኔ ምስኪን?"አለችና ወደ እቅፏ አስጠጋችውና ፀጉሩን ሳመችው የፊቱን እንባ በእጆቿ መዳፍ ጠረገችለትና " አይዞህ ሁሉም ነገር ያልፋል። የተሻለ ቦታና ደረጃ እንደምትደርስ ደግሞ እርግጠኛ ነኝ። አንተን የመሰለ ልጅ ስላገኘን እኛም ደስ ብሎናል። ሁሌም ቢሆን አንተ የቤተሰባችን አንድ አካል ነህ። በዛ ላይ ሰናይ ባህሪና ጠባይ ያለህ ልጅ ነህ። በምንም ነገር አትከፋ፡ ሁሉንም እርሳው የእናትህንና የእህቶችህን ጉዳይም ተወው። አንተ እንደነሱ አይደለህም ሁላቸውንም ፈጣሪ ይቀጣቸዋል። አንተ ንፁህ ልጅ ነህ ደስታ ይገባሀል። ከዚህ በኋላም ደስተኛ ትሆናለህ ክፉዎችን ከክፉ ድርጊታቸው ጋር ተዋቸው። እድለኛ ነህ የሕይወትን መራራነት ገና በአፍላ እድሜህ ቀምሰሀል ስለ ሕይወት ቀድመህ ተምረሀል። አንተ ከዚህ በኋላ የሚያቆምህ ምንም አይነት መሰናክል የለም። የልጅ አዋቂ ነህ ፊት ለፊትህ ትተህ የደስታና የስኬት ዘመን ይጠብቅሀል። አታልቅስ አታልቅስ"አለችና አባበለችው።

ቀዳማዊ የሆነ ትልቅ ሸክም የቀለለው ይመስላል። ወይዘሮ ሔዋንን ቀና ብሎ ተመለከታት። እሱን ከዛ ማዕት ለማውጣት የተላከች መላዕክት መሰለችው። አይኖቿን ሲያይ አይኖቹን በስስት እየተመለከተችው እንደሆነ ተረዳ። የፍቅር ጥጓን አሳየችው። ከልቡ ትልቅ ደስታ ተሰማው " ምን አለ ይቺ እናቴ ብትሆን ኖሮ"አለ በልቡ።


🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_121 𖥧𖤣

... ከልቡ ትልቅ ደስታ ተሰማው " ምን አለ ይቺ እናቴ ብትሆን ኖሮ"አለ በልቡ። አሁንም እናቴ ናት። ከእናትም በላይ እናት ናት። እሷን በምንም አልተካትም። በዚች ምድር እሷ እግዚአብሔር የሰጠኝ የአባቴ ምትክ ናት። አባቴም በሕይወት ቢኖር እንደ እትዬ ነበር የሚንከባከበኝ" እያለ በውስጡ ካምሰለሰለ በኋላ ተረጋግቶ ማሰብ ጀመረ።

አቶ ሙሉሰው ተናዶ ቤት ገባ "ምን ሆነህ ነው ሙሉ"አለች ወይዘሮ ሔዋን ጥሩ ያልሆነውን ፊቱን እያየች" ተይኝማ ሔዋኔ ያቺን መሰሪ ፖሊስ ጣቢያ አገኘኋት" ወይዘሮ ሔዋን ድንግጥ አለችና " መቼም ያልሆነ ነገር እንዳላደረክ ተስፋ አደርጋለሁ" አለች የተፈጠረውን ነገር ለማወቅ ይበልጥ እያየችው።" አልጠገብኩም ያቺን አስመሳይ በደንብ ነበር መምታት የፈለኩት ግን ምን ያደርጋል ፖሊስ ጣቢያ ሆነችብኝ"አለ ሙሉሰው በቁጭት " ተው እንጅ ሙሉዬ ምን ሆነህ ነው። ለእሷ ብለህ ራስህን ልትቀይር ነው። ተው ከራስህ ጋር አትጣላ። ይሄ የአንተ ፀባይ አይደለም። እባክህ ተረጋጋ ሁሉም ነገር እኮ በጊዜው ይጋለጣል። እሷም ካለችበት ፖሊስ ይደርስበታል"አለች ፊቱን እየዳበሰች " ወይኔ ሙሉሰው የእሷ መጫወቻ ልሁን ይቺ...." እያለ ሳለ ስልኩ ጠራ::

ሙሉሰው ስልኩን አውጥቶ ሲመለከት የማያውቀው ስልክ ነው። " ጤና ይስጥልኝ" " አቶ ሙሉሰው ነህ?" " አዎ ነኝ ማን ልበል?" ከሆስፒታል ነው የምደውልልህ ወይዘሪት ማህደር ሆስፒታል ገብታለች" " ትግባ ኣ ታዲያ እኔ ምን አገባኝ" " እህትህ እንደሆነች መርማሪ ፖሊስ ነግሮን ነው" ሙሉሰው ስልኩን ዘጋው " ምንድነው "አለች ወይዘሮ ሔዋን " ምንም አይደለም" " ምን ማለት ነው ምንም አይደለም ማለት" " በቃ ማህደር ሆስፒታል ናት ነው የሚሉኝ" " ምን? ታዲያ ምን እያደረክ ነው? አንሄድም እንዴ?"አቶ ሙሉሰው ወይዘሮ ሔዋንን ዝም ብሎ ተመለከታትና " እንደ አንቺ አይነት ንፁህ ልብ ቢኖረኝ ምንኛ በታደልኩ ነገር ግን የኔ ፍቅር አልችልም። ያደረገችኝን ረስቼ ልሄድ አልችልም። ይቅር በይኝ ግን እህቴን ከውስጤም ከሕይወቴም አስወጥቻታለሁ። ምንም ብትይ ልቤ ላይ የተቀመጠው ይሄ ነው። ስለዚህ እንዳትጠይቂኝ"አለና ወደ መኝታ ክፍሉ ገብቶ ከውስጥ ቆልፎ ተኛ።

አቶ ሙሉሰው በትዝታ የኋሊት ተጓዘና ሁሉንም አስታወሰ። ልጅነቱን ወደ ኋላ ተመለከተው። ምንም ልጅንት የሌለውን ሕይወቱን፣ በየጎዳና ሲንከራተትበት የነበረውን የልጅነት ጊዜ። እህቱን ለማብላት ለማልበስ የሚሰራውን ስራ። ያለ አቅሙ ሸክም እንደተሸከመ። የቢራ ካሳዎችን እያመላለሰ ከአንድ ካሳ ሀያ አምስት ሳንቲም እየታሰበ የሰበሰባትን ሳንቲም ለእህቱ የምትፈልገውን ነገር ሲገዛላት። ግንባሩ ላይ የሚወጣው ነጭ ላብ። ከዛ ማህደር ፈገግ ስትል የገዛላትን ነገር ስትስመው። በደስታ ስትፈነጥዝ ስትዘል እያንዳንዱን ነገር አስታወሰ።

" እና ለእኔ የሚገባኝ ይሄ ነው? እኔን ከልጆቼ መነጠል? እኔ ያለፍኩበትን መንገድ ዞሬ እንኳ ማየት የማልፈልገውን መንገድ ለልጆቼ! ልጆቼ እንዲያልፉበት? ምን አይነት ክህደትና ቂም ነው?" አለና አልጋው ላይ በሆዱ ተደፍቶ ተኛ። ብዙ ኳኳታዎችና የሚንጫጩ ድምፆችን ከኋላው በመተው አይኖቹን ጭፍን አድርጎ ተኛ። ነገር ግን አሁንም እዛው የአምና ሕይወቱን በጨረፍታ እየተመለከተ ነው።

የአቶ ሙሉሰው ሁኔታ ግራ ያጋባት ወይዘሮ ሔዋን ልታናግረው ወደ መኝታ ክፍል ብትሔድም በሩ ቁልፍ በመሆኑ አልቻለችም። በሩ ላይ ትንሽ ከቆመች በኋላ ተመለሰች። "አሁን ምን ማድረግ ነው የለብኝ?" ብላ ሌባ ጣቷን ከንፈሮቿ ላይ አስቀምጣ ማሰብ ጀመረች። ቀዳማዊ የአቶ ሙሉሰውን ሁኔታ ሲያይ ምን ያህል በሀዘን ውስጡ እንደተጎዳና በማህደር ምን ያህል ቂም እንደያዘባት ገባው። ይሄ ደግሞ አሁን ለወይዘሮ ሔዋን የነገራትን ነገር ለእሱ ለመንገር እቅድ የያዘበትን ስአት አበላሸበት። ለእሱም መንገር የፈለገው በዚህ ወቅት ነበር ነገር ግን ያለበት ሁኔታ የእሱን ያለፈ ችግር ሰምቶ የሚቋቋምበት ስላልመሰለውና እስካሁን ለምን አልነገርከኝም ብሎ የሚጮኸበት መሰለው። ከዚህ ሁሉ አልመንገርን መረጠ።

የቀዳማዊ ጭንቀት የገባት ወይዘሮ ሔዋን " እኔ እነግረዋለሁ ሙሉሰው ምንም አይልም። አሁን በእህቱና በወንድሙ ስለተበሳጨ ተወው። አንተ ብቻ እንደነገርኩህ ወደፊት እንጅ ወደ ኋላ ማለት የለብህም። አሁን ስለ እሱ ማሰቡን ተውና እህቶችህን አስጠናቸው። ካላስጠናኝ እያለች ነው ሔመን እንደ እሷ አባባል ሁሉንም ተማሪ እንድትበልጥ አድርገህ አስጠናት።"ብላ ሳቅ አለችና ወደ ሙሉሰው ጋ ተመለሰች። ነገር ግን ሙሉሰው አሁንም እንደተኛ ነበር።

○○○○
ሰላማዊት ቃሏን ለፖሊስ ከሰጠች በኋላ ተለቀቀች። አቤል በሌላኛው ምርመራ ሲመረመር ከቆዬ በኋላ ተለቀቀ። ፖሊስ ከአቤልና ከሰላማዊት ያገኘው መረጃ ምንም አዲስ ነገር የለም። ሰላማዊት መውለድ እንደማትችል ለፖሊስ የተላከው ሌላኛው የላብራቶሪ ምርመራ አረጋግጧል። ነገር ግን የማትወልደበትን ምክንያት በማስረዳቷና ዶክተሮችም ስለተናገሩ በነፃ ተለቃለች። በአቶ ሙሉሰው የግድያ ሙከራ ላይ የተለዬ ምስጢር እናገኛለን ብለው ቢያስቡም ነገር ግን ምንም ያገኙት ነገር የለም። ዋና መርማሪ ኮሚሽነር መላኩ በንዴት ጠረንጴዛውን እየነረተ ከንፈሩን ነከሰ።

" ምን አይነት መርማሪ ነው? እንዴት የአቶ ሙሉሰው የግድያ ሙከራ ላይ እኔን ይጠረጥረኛል? ለምን ብዬ አደርገዋለሁ? ደግሞስ ምን ትርፍ ላገኝ? በጣም ነው የቆጨኝ " አለች ሰላማዊት ከፖሊስ ጣቢያ እየወጣች....


🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia