𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_88 𖥧𖤣

... ለማንኛውም ቶሎ ስራና ኦዲት አስደርግ" አለ አቶ ሙሉሰው "እሺ የአቅሜን እጥራለሁ። እኔምልህ ሙሉሰው መኪና ይዘሀል እንዴ?" አለ እዝራ "አዎ ምነው ዛሬ አልያዝክም አንተ?"አለ አቶ ሙሉሰው "አዎ ባለቤቴ ይዛት ሔዳብኝ ዛሬ እግረኛ ነኝ"አለ እዝራ "እና ጭራሽ እግረኛ ሆነህ ነው እንዲህ ያመሸኸው? ያንተ ደግሞ ለየት ያለና ግሩም ነው። እኔስ መኪና ይዤ የሚያነጋግረኝን ልጄን ይዤ ነው። ያው በነዳጅ በለው የማመሸው" አለ አቶ ሙሉሰው እየሳቀ" ለዛሬ በላዳ ለመሄድ አስቤ ነበር። አንተ ከያዝክ ግን በዛው ጥለኸኝ ትገባለህ"አለ "እና የላዳ ሒሳቡን ለእኔ ልትሰጠኝ ነው ወይስ ልታተርፍብኝ ነው?" አለ አቶ ሙሉሰው ሳቅ እያለ "ምን ጥያቄ አለው ላተርፍብህ ነዋ!" አለ እዝራ " ኧረ ጭካኔ ነው! በዚህ ማታ አዲሱ ገበያ ድረስ ወስደኸኝ የሻይ እንኳ አትለኝም?"አለ አቶ ሙሉሰው

"ሻይ እንኳ እልሀለሁ ግን እሱንም ቤቴ ነው"አለ እዝራ እየሳቀ "አንተ ልጅ እንደ ወጣት አይደለሕም። ከፍተሀል። እና ግብዣ የሚጠይቅህን ሁሉ ቤት ጋብዘህ ትችለዋለህ?"አለ ሙሉሰው " እሱማ ይቻላል ውጪ ከመጋበዝ አስር እጥፍ ይሻላል ለዛውም ከጥራትና ከትርፍ ጋር " አለ እዝራ " ፅ ፅፅ የአንተ እኩዮች ብር እንዲህ አይዙም። ደፋ ደፋ ነው የሚያደርጉት። አንተ ግን ያለ እድሜህ ነው የበሰልከው። ጎበዝ ልብ በአርባ አመት ነበር የሚባለው አንተ ላይ ግን በሀያወቹ መጨረሻ ላይ ሆኖልሀል። እድለኛ ነህ የተናገርከውን ከኖርከውና ካደረከው መልካም ነው። "አለና አቶ ሙሉሰው

"ለማንኛውም እንዲህ አይነት ልምድ ቆንጆ ነው። ቤትንም ራስንም ያቆማል። በርታ ያለ ምክንያት ገንዘብ ማውጣት ሞኝነት ነው። ብዙዎቹ የያዙትን እንደ ዘር እየበተኑና የያዙትን ገንዘብ እንዴት መጠቀም እንዳለባቸው ስላልተገነዘቡ ነው እንደዋዛ የቀሩት" አለና የእዝራን መቆም ሲመለከት " በል ቁጭ በል ትንሽ ነው የቀረኝ ተቀመጥ ተቀመጥ ተቀመጥ አትለውም ነበር ልጅ ቀዳማዊ "አለ አቶ ሙሉሰው " ግን ልጁን አላስተዋወከኝም "አለ እዝራ " እንዴ ትልቅ ሰው ነዋ ያላስተዋወኩህ በል ተዋወቀው የወደፊቱን ኢንጅነር ወንድሜ ነው"አለ አቶ ሙሉሰው

"እሺ እኔ እዝራ እባላለሁ "አለና እጁን ዘረጋለት "ቀዳማዊ እባላለሁ "አለና እጁን ጨበጠው። "ደስ የሚል ስም ነው።እስከዛሬ ሌላ ወንድም እንዳለህ አላውቅም ነበር። ማህደርንና ዳዊትን ነው የማውቀው"አለ "እንግዲህ ምን ታደርገዋለህ ይሄው ምን የመሰለ ሸበላና አንበሳ የሆነ ጎበዝ ተማሪ ወንድም ነው ያለኝ" አለ አቶ ሙሉሰው በኩራት "በሉ እንውጣ አንተንም አስመሸንህ "ብሎ የዲስክቶፑን መብራት አጠፋፍቶ ተነሳ። ሶስታቸውም አብረው ተያይዘው ወረዱ።

ወደ ግራውንድ መኪና ማቆሚያ የሚውስደውና ወደ በሩ በሚወስደው ፍሎር ላይ ሲደርሱ "እዝራ ለጥበቃው በሩን እንዲከፍትልን አሳውቀው በእሱ ውጣና " ብሎ ሙሉሰው ከቀዳማዊ ጋር ወደ ግራውንድ ፓርኪንግ ተጓዘ። የመጀመሪያ ፍሎሩን ደረጃ ጨርሰው ወደ ግራውንድ ሊገቡ ሲል ሙሉሰው የሆነ የእግር ኮቴ የሰማ መሰለውና 'አንተ እዚህ ቁም 'አለና ቀዳማዊን እሱ ቀስ እያለ ግራና ቀኙን በፍጥነት እየቀያየረ እየተመለከተ ወደ መኪናው ተጠጋ።

መኪናውን ሊከፍት ሲል እሱ ከቆመበት በምስራቅ አቅጣጫ በተተኮሰ ጥይት መሬት ላይ ተዘረረ። ቀዳማዊ በአይኑ እየተከታተለው ስለነበር ተተኩሶበት ሲወድቅ "ጋሼ "አለና እየሮጠ ሄደ። ቀዳማዊ ሲደርስ ሙሉሰው ብዙ ደም እየፈሰሰው ነበር። ራሱንም ስቷል " ጋሼ ኧረ ጋሼ እያለ ቢጣራም ጩኸቱና ለቅሶው ሰሚ አልባ ሆነ። በዚህ ጊዜ በሩ ተከፈተ ቀዳማዊ እየሮጠ ወደ በሩ ሄደና እያለቀሰ " ጋ ጋ ጋ ጋሼ ላይ ጥይት ተተኩሶበት ወድቋል። ስጠራውም አይሰማም ነፍሱ የለችም መሠል አለ ለእዝራ "ምን ? "አለና እዝራ እየሮጠ ወደ መኪና ማቆሚያው ገባ ጥበቃውም ተከሎት ገባ።

አንገቱ ላይ ያለውን ምት በእጆቹ ጣት አስደግፎ ሲያዳምጥ ምንም ነገር የለም ከዘበኛው ጋር አንስተው ወደ መኪናው ውስጥ አስገብተው እዝራ መኪናውን አስነስቶ ወደ ጥቁር አንበሳ ሆስፒታል ይዘውት ሄዱ። ሆስፒታል እንደደረሱ እርዳታ ጠይቆ ዶክተሮች አልጋ አስጠግተው በፍጥነት ይዘውት ወደ ድንገተኛ ክፍል ሄዱ። እዝራ ራሱን ይዞ ቆመ። ቀዳማዊ እያለቀሰ ነው። እዝራ ቀዳማዊን ሊያረጋጋው ቢሞክርም ለቅሶውን በጭራሽ አላቆመም።

" እንዴት ነው የሆነው? እስኪ ንገረኝ የተኮሱበትን ሰዎች አይተሐቸዋል?''አለ " አ አ አይ አላየኋቸውም። ግን የሆነ ድምፅ ሲሰማ እኔን ባለሁበት እንድቆም አዞኝ ሄደ ከዛ ተኮሱበትና ወደቀ። ሲወድቅ እየሮጥኩ ብሄድም ግን እሱ...''አለና ያቆመውን ለቅሶ ቀጠለ፡፡

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_89 𖥧𖤣

... ያቆመውን ለቅሶ ቀጠለ፡፡ "በቃ እሺ አሁን አታልቅስ"ብሎ ቀዳማዊን አቅፎ ለማባበል ሞከረ። እዝራ በተፈጠረው ድርጊት አዝኖ ድርጊቱን አደጋውን በአቅራቢያው ለሚገኝ ፖሊስ ጣቢያ ጠቁሞ ወደ ሆስፒታል ተመለሰ። እስካሁን ዶክተሮቹ ምንም ያሉት ነገር የለም። የተፈጠረውን ለወይዘሮ ሔዋን ማሳወቅ ቢፈልግም ግን ደግሞ በጣም ስለመሸ ግራ ገባው። በድንጋጤ የሆነ ነገር ብትሆንስ ብሎ በማሰብ ዝም ብሎ የሆስፒታሉ ኮሪደር ላይ ይንቆራጠጥ ጀመር። በዚህ ሀሳብ ላይ እያለ የ አቶ ሙሉሰው ስልክ ጠራ። እዝራ ስልኩ ሲጠራ ደነገጠና ማን እንደደወለ አዬ። "sister' ይላል። በፍጥነት አነሳው "ሄሎ አለ እዝራ " ማን ልበል የሙሉሰው ስልክ አይደለም እንዴ አለች ማህደር " ነው ግን አሁን "ብሎ ለመናገር አቅሙ አጠረው " እህ ግን? ለምንድነው ስልኩን አንተ ያነሳኸው? አለች ማህደር " "ሙሉሰው ሆስፒታል ነው ያለው ሰዎች ተኩሰውበት" አለ "ምን" አለችና ማህደር በድንጋጤ ስልኩን ጣለችው።

ለብዙ ደቂቃ ያህል ራሷን ይዛ ከቆየች በኋላ ከእንደገና ደውላ ያለበትን ሆስፒታል ጠይቃ ላዳ ታክሲ ይዛ ወጣች። " እኔ ነኝ ጥፋተኛዋ እኔ ነኝ ጠላትህ ወንድሜ ዘገየውብህ "እያለች ታለቅሳለች ማህደር ። "ኧረ ባክሺ አንቺ ልጅ አታሟርች እንዴ ምን ሆነሻል? ገና ዶክተሮቹ እኮ ምንም ያሉን ነገር የለም"አለ እዝራ። ነገር ግን ማህደር ለቅሶዋን ልታቆም አልቻለችም።' ሁሉም ነገር የሆነው በእኔ ጥፋት ነው" እያለች "እሺ ለሔዋን እንዴት ብለን እንንገራት"አለች ማህደር እያለቀሰች "አሁን ለእሷ መንገሩ ጥሩ አይደለም። እንረጋጋና መጀመሪያ ዶክተሮቹ የሚሉንን እንስማ " አለ እዝራ

ሁሉም ዶክተሮች ሲማሩና ሲመረቁ በገቡት የሰውን ልጅ ሕይወት የማትረፍ ቃልኪዳን የአቶ ሙሉሰውን ሕይወት ለማትረፍ የበኩላቸውን እየጣሩ ነው፡፡ ዶክተሮች በፍጥነት ርዳታ እያደረጉለት ነው። ነርሶች የሚጠበቅባቸውን እርዳታ እያደረጉና ለማድረግ አኮብኩበዋል።

○○○○
"መቼም የደወልክልኝ ስራህን ጨርሰህ መሆን አለበት'አለ ዳዊት " አዎ አለቃ ጨርሰነዋል።" አለ " እርግጠኛ ነህ ሞቷል? አለ ዳዊት ባለማመን " አዎ ሞቷል በደንብ ነው አነጣጥረው የተኮሱበት አለ። " ጥሩ ዜናውን እንግዲህ አብረን የምንሰማ ይሆናል። ብርህን ነገ አስገባልሀለሁ ከዛ በኋላ እኔና አንተ በፍፁም አንተዋወቅም።"አለ ዳዊት " እሺ ጌታዬ ገንዘቡን ብቻ በጠዋት ያስገቡልኝ"አለ " እሱን አታስብ በል ደህና እደር " አለና ዳዊት ስልኩን ዘግቶ ባትሪውን ነቅሎ ሲም ካርዱን አውጥቶ ኪሱ ውስጥ አስገባና ሌላ ሲም ካርድ አስገብቶ ወደ መኝታ ክፍል ሄዶ በሩን ከፈተና " አሁን የማይሆን ነገር አደርጋለሁ እንዳትይ ባለቤቴ ነሽ እንደባለቤትነትሽ ከእኔ ጎን ትሆኛለሽ። አሁን ደውለውልኝ ነበር ሙሉሰውን ገድለውታል" አለ ዳዊት።

ሰላማዊት የሰማችውን ባለማመን አይኖቿን ካስለመለመች በኋላ "አስገደልከው" አለችና አልጋው ላይ ራሷን ስታ ተዘረረች። ዳዊት ቀስ ብሎ አየር እንድታገኝ ከዳረጋትና ውሃ ከደፋባት በኋላ ከተወሰነ ደቂቃ በኋላ ነቃች። በሰመመን ውስጥ ሆና "ያልከኝ እውነት ነው ዴቭ? ሙሉሰውን አስገድለኸዋል?' አለች። ዳዊት ራሱን እየነቀነቀ "አዎ አስገድየዋለሁ ሞቷል። ይሄን ምስጢር ለማንም እንዳትናገሪ እንኳን ለሌላ ሰው ለማንም ይቅርና ለአንቺ ራሱ "አለ። "ቅድም በሩን ስትዘጋብኝ ለእህትህ ሁሉንም ነግሪያታለሁ" አለች ሰላማዊት " ምን አልሺ" አለና በጥፊ ደረገማት " የማትረቢ ነሽ የማትወጃት ማህደር አሁን ነው ትዝ ያለችሽ? ለክፋት ሲሆን አሁን ለእሷ ማን ተናገሪ አለሽ? እኔና እሷን ለማጣላት?" አለና በሌላኛው እጁ ደግሞ ደገማት። 'እና ታዲያ ምን ማድረግ ነበረብኝ እ? ምስኪን ሰው ስትገድል ቆሜ ልይህ? የልጆች አባት ስትገድል ቆሜ ሰምቼ ልይህ? አለች ሰላማዊት "እና አሁን ምን አመጣሽ? ከመሞት አተረፍሺው እ ከመሞት ዳነ?' አለ ዳዊት " እሱ የኔ ጉዳይ አይደለም የሆነውን እየነገርኳት እህትህ ባለማመኗ ና በቶሎ ስላልደረሰችለት ነው የሞተው። እንጂ ወዲያው ነበር የነገርኳት። እህትህም እንዳንተ ስለሆነች ይሄው.ተባብራችሁ ገደላችሁት። እነዚህ ህፃናት እንዴት እንደሚያድጉና በምን ስሜት እንደሚያድጉ ታያለህ?" አለችና ከመኝታ ቤት ወጣች።

" ወደየት ልትሄጅ ነው? ልትጠቁሚብኝ ነው?" አለና እጇን ሲይዘው እጇን ከእጁ መንጭቃ እንዳትከተለኝ። አሁን ከመታኸኝና ከተከተልከኝ እጮሃለሁ። ስለዚህ ስርአትህን ያዝ ወደ ፈለኩት መሄድ እችላለሁ"አለች " ወደፈለግሺውማ መሄድ አትችይም አለና የቤቱን በር ተሽቀዳድሞ ሄዶ ቆለፈው። በዚህ ጊዜ ሰላማዊት እየሮጠች ወደ መኝታ ክፍል ተመለሰችና ከውስጥ ቆልፋ ተቀመጠች። " ምን ለማድረግ እየሞከርሽ ነው? ክፈቺልኝ አሁን "አለ ዝም አለች። እየሮጠ ወደ ውጪ ወጣና የመኝታ ቤቱን መስኮት ተመለከተ አልተከፈተም። እፎይታ ተሰማው። ሰላማዊት ስልኳን አውጥታ ለማህደር ደወለች።.....

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_90 𖥧𖤣

... ሰላማዊት ስልኳን አውጥታ ለማህደር ደወለች። ማህደር እያለቀሰች ስልኩን አንስታ " ይቅርታ ሰላማዊት ላምንሽ ይገባ ነበር። በእኔ ጭፍንነት ወንድሜን አጣሁት። ወንድሜን ገደልኩት። አሁን እኔ እህት ነኝ? እ? " አለች እያለቀሰች። ሰላማዊት እየሳቀች "እንዴ ለምንድነው የምታለቅሽው ይሄማ ደስታሽ ነው። እንኳን ደስ አለሽ ይሄን አይደል የፈለግሽው? ከወንድምሽ ጋር በመተባበር ነው የገደልሺው" አለች ሰላማዊት እርር እያለች በማህደር ለቅሶ

" በእናትሽ እንደሱ አትበይ ይበልጥ ሀዘኔን አታብሽው"አለች ማህደር " የአንቺ ሀዘን አይብስም የሚብሰው ሚስቱ ነው ያለባል በመቅረቷ። ሀዘናቸው የሚብሰው የነዛ ህፃናቶች ነው። የልጆቹ ።ያለ አባት በመቅረታቸው። ምን ችግር አለው አሁን ወዲያው እንደነገርኩሽ ውሸቴን እንደሆነ አውቀሽ እንኳ ብትጠብቂው? ብትከላከይለት እ አሁን ደስ ይበልሽ እስኪ ህፃኖቹ ያለ አባት ያድጋሉ የአባታቸው ገዳይ ደግሞ አጎታቸው አስቦበት አውቆ ተዘጋጅቶበት እና ደግሞ አክስታቸው በቸልተኝነት በልበሙሉነት በማን አለብኝነት እንደሆነ ሲያውቁ እነሱም ይሞታሉ። እኔ ወንድምሽን ከገዳይነት ላድነው ነበር ግን አንቺ ባለመተባበርሽ ሁለቱንም ወንድሞችሽን አጣሽ" አለችና ስልኩን ጆሮዋ ላይ ዘጋችው። ማህደር ምንም የመናገር ሞራሉ ስላልነበራት ስራዋ ማልቀስ ብቻ ሆነ። በለቅሶዋ በእንባዋ የውስጥ ችግሯ የሚርስ ይመስል ያለቅጥ ታለቅሳለች።

ዳዊት አሁን ከአሁን ትወጣለች በማለት የመኝታ ቤቱ መስኮት ላይ እየጠበቀ ነው። ነገር ግን ሰላማዊት እዛው መኝታ ክፍል ሆና በሀዘን ተኮራምታለች። ስለ ሙሉሰው ልጆችና ባለቤት ወይዘሮ ሔዋን እያሰበች ነው። ሰላማዊት አይኖቿን ከድና የሔዋንን ሁኔታ መገመት ሁሉ ከበዳት። የሔዋንን መሪር ሀዘን ማሰብም ዘገነናት። " ሰው የፈለገ ክፉ ቢሆን እንዴት ቅጣቱ ሞት ይሆናል? እንኳንስ ሙሉሰው ምስኪኑ" አለችና ስቅስቅ ብላ አለቀሰች። አይ አይ እዚህ ላይ የኔ አስተዋጽኦም አለበት እኔም አንዷ ተባባሪ ነኝ። ዳዊትን ያሳሳትኩት እኔ ነኝ እኔ መውለድ እንደማልችልና መኻን እንደሆንኩ ቢያውቅ ይሄን ሁሉ አያደርግም ነበር። ወንድሙ ላይም የሞት ቀለሃ አይጥልም ነበር። ስለዚህ ለሁሉም ነገር ተጠያቂዋ እኔ ነኝ መሆን ያለብኝ። አይ አይ እኔማ አልሆንም። እኔ የራሴን ሀላፊነት ተወጥቻለሁ። እንዳይሞት ብዙ ጥሪያለሁ። እንዲሞት የፈረደችበት ማህደር ናት ስለዚህ እኔ ምንም ነገር የሚያፀፀትኝን ስራ አልሰራሁም። ሄጄ እንዳላድነው በር ተዘግቶብኛል። ሁሉም ነገር ለእኔ ተቆልፎ ነበር አዎ። እንጂ ለእነዛ ህፃናት ልጆች ስል ብቻ ሙሉሰውን አድነው ነበር። "እያለች ከራሷ ጋር በረጅሙ ስትሟገት ቆየች።

○○○○
እዝራ ለባለቤቱ ደውሎ የተፈጠረውን ነግሯት ወደቤት እንደማይሄድና እንዳታስብ ነግሯት ስልኩን ዘግቶ ብዙ ካሰበ በኋላ ለወይዘሮ ሔዋን ማሳወቅ እንዳለበትና መስማት መብቷ እንደሆነ አመነ። እንዴት እንደሚነግራት ግን ግራ ገባው። ብዙ የመንገሪያ ሀሳቦችን አውጥቶ አወረደ። ነገር ግን አንዳቸውም የእርሷን ድንጋጤ የሚቀንሱ ስላልሆኑ ተዋቸውና በመጨረሻ ወስኖ ደወለላት። ወይዘሮ ሔዋን ስልኳን በፍጥነት አንስታ ስታይ የማታውቀው ስልክ ነው። ልቧ ከሁለት ስንጥቅ አለ፣ከንፈሯ ተንቀጠቀጠ፣ ሰውነቷ ያለቅጥ ተርበተበተ። "ማ ማ ማ ማንነው በዚህ ምሽት ለምንድንስ ነው የሚደውልልኝ?" ብላ በውስጧ ካወራች በኋላ " ፈጣሪዬ እባክህ ባለቤቴን ጠብቅልኝ። አምላኬ ሆይ አደራህን ክፉ ነገር እንዳታሰማኝ " አለችና ስልኩን ልታነሳው ስትል ጥሪው አለቀና ተዘጋ።

"ተኝታ ይሆን? ምን ሆና ነው ስልክ የማታነሳው?"ብሎ ዕዝራ በጭንቀት ወዲያና ወዲህ እየተንቆራጠጠ ከቆዬ በኋላ ከእንደገና ደወለላት። መስመሩ ተይዟል ይላል። መልሳ እየደወለችለት እንደሆነ አወቀ። እሷም መስመሩ ተይዟል ሲላት እየደወለልኝ ነው ብላ ስልኳ በድጋሚ እስኪጠራ መጠበቅ ጀመረች። ዕዝራም እስክትደውልለት መጠበቁን ቀጠለ። ነገር ግን አንዳቸውም ወደ አንዳቸው ሊደውሉ አልቻሉም። ሁለቱም እየተጠባበቁ ነው። በመጨረሻ ወይዘሮ ሔዋን ስልኩን አንስታ ደወለች።

የዕዝራ ስልክ ጠራ ሲያየው ወይዘሮ ሔዋን ናት ከእንደገና ላቡ መጣ። ምን ብሎ እንደሚነግራት ያሰበው ሁሉ ጠፋበት። ም ም ምንድነው የምላት? ቆይ እንዴት ብዬ እባክህ አምላኬ ብርታቱን ስጠኝ "አለና ስልኩን አነሳው "ሃሎ ማን ልበል ተደውሎ ነበር?"አለች ወይዘሮ ሔዋን በሰለለ ድምፅ..... ዕዝራ የተወሰነ ሰከንድ ዝም ካለ በኋላ ".እየውልሽ የሚያሳስብ ነገር አይደለም ግን እንዲሁ ማወቅ ስላለብሽ ነው ልነግርሽ የፈለኩት" አለ ዕዝራ ይበልጥ ሊነግራት በቀረበ ቁጥር ፍርሃቱና ስጋቱ እየጨመረ 'እኮ ምንድን ነው እሱ ንገረኝ ሙሉሰው ምን ሆኖ ነው? የሆነውን ንገረኝ "አለች " አይ እንደነገርኩሽ ነው ምንም አልሆነም ትንሽ አመም አድርጎት ወደ ሆስፒታል ይዘነው ሄደናል እና እንዳትደነግጭ "አለ ምን ምኑን ነው ያመመው? አሞኛል አላለኝም ። ሲወጣ እኮ ደህና ነበር "አለች "አዎ ልክ ነሽ ግን ከስራ ብዛት ይመስለኛል ብቻ እንድታውቂው እና አሁን መምጣት ከፈለግሽ እንድትመጭ ነው" አለ እዝራ ነገሩ ከባድ እንዳልሆነ ለማስመሰል እና በደህና ወደዚህ እንድትመጣ ከማሰብና ከመጨነቅ አንፃር
" የት ሆስፒታል ነው?' አለች ሔዋን "ጥቁር አንበሳ
"አላት።

ወይዘሮ ሔዋን ደቂቃ እንኳ ሳታባክን በፍጥነት ከቤት ወጥታ ትንሽ የእግር ጉዞ ካደረገች በኋላ አስፓልት ዳር ከተደረደሩት አንደኛውን ላዳ በመኮናተር ወደ ጥቁር አንበሳ ሆስፒታል ወረደች።

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_91 𖥧𖤣

... ወይዘሮ ሔዋን ሆስፒታል እንደደረሰች የድንገተኛ ክፍሉ ጋር ስትደርስ ቀዳማዊን የሆስፒታሉ ማዕዘን ላይ ኩርምት ብሎ ሲያለቅስ አየችው። እየሮጠች ወደ ቀዳማዊ ተጠጋችና " ልጄ.. ምንድን ነው የሆነው?" አለች ሔዋን " እ እ እትዬ ጋሼ ላይ በጥይት ተኮሱበት " አለ ፊቱ በእንባ ታጥቦ "ምን?" አለችና አይኖቿን አስለምልማ ራሷን ስታ ወደቀች። ራሷን ስታ ስትወድቅ ማህደር እየተንደረደረች ሄዳ አነሳቻት ነገር ግን ፀጥ ብላለች። ወዲያው ሀኪሞች አፋፍሰው ወደ እርዳታ መስጫ ክፍል ወሰዷት። "አንተ መሀይም ሔዋን አንድ ነገር ትሁንና የማደርገውን እኔ ነኝ የማውቀው" አለች ማህደር በንዴት ቀዳማዊን።

ቀዳማዊ ግን ከድንጋጤው የተነሳ ፍዝዝ ብሎ በድን ሆኖ ቆመ። እዝራ የሔዋንን ጉዳይ ተከትሎ ምን እንደሆነች ከሀኪሞቹ ሲጠይቅ "የጭንቀት ችግር ና ቀላል የራስ መሳት በሽታ እንደሆነ ገልፆ ትንሽ ረፍት አድርጋ ትወስዳታለህ የሚል መልስ ተመልሶለት ወደ አቶ ሙሉሰው የህክምና መስጫ ክፍል ሲመለስ ማህደር ቀዳማዊ ላይ ስትጮኽበት ደረሰ። "ምን ሆነሻል? ለምንድነው ልጁ ላይ የምትጮኺበት?'' አለና ተቆጣት። እንደነገርኩህ ነው አንተ ምናምንቴ የሆነ ነገር ትሁንና የማደረገውን እኔ ነኝ የማውቀው"አለች።

እዝራ ዶክተሮቹ እስካሁን ምንም ባለማለታቸው በጣም ተጨነቀ ልቡን ፍርሃት ፍርሃት አለው ። በመጨረሻ አንድ ረዳት ሀኪም ከአቶ ሙሉሰው የሕክምና ክፍል ሲወጣ እዝራ ተከትሎ "ለምንድነው እስካሁን ምንም ያላላችሁት? ቆይ ምንድን ነው እየተካሄደ ያለው ዶክተር እባክህን ንገረኝ። በጭንቀት ስንት ስአታችን"አለ እዝራ ረዳት ሀኪሙ የእዝራን አይኖች ከተመለከተ በኋላ 'ይሄ ነው ይሄ ነው ብልህ ደስ ይለኝ ነበር ። ግን እኔ አይደለሁም የሚነገር ነገር ካለም ዋና ዶክተሩ ይነግራችኋል። ከትንሽ ደቂቃ በኋላ ያለውን እውነት.ይነግራችኋል። ታገሱ አይዟችሁ እና እባካችሁ በትዕግሥት ጠብቁ።"ብሎት ሄደ።

እዝራ ከእንደገና ወደ ቦታው ተመለሰና ስለ አቶሙሉሰው ሁኔታ መረጃ የሚሰጠውን ዶክተር መውጣት ሲጠብቅ ዶክተሩ ወጣ። " እናንተ ናችሁ የታካሚው ቤተሰቦች?" አለ ዶክተሩ " አዎ " አለች ማህደር እዝራ ዶክተሩ የሚለውን ለመስማት እየጓጓ "ጥሩ... ታካሚው ተጎድቷል። ነገር ግን ሕይወቱን ለማትረፍ የቻልነውን ያህል እየጣርን ነው።.አሁን ወደ ቀዶ ሕክምና ክፍል ይገባል የሚቀጥሉት 24 ስአት ወሳኝ ናቸው።" አለና የማህደርን ትከሻ ቸብ አድርጎት አለፈ።

ቀዳማዊ ጥግ ተቀምጦ ማህደርን በፍራቻ ይመለከታታል። ሕይወቱ በድጋሚ ወደሌላ ችግር የተጋለጠ መሰለው። ወደ ሌላ የሕይወት ወጥንቅጥ ከሞቀ ጎጆ ወጥቶ ጎዳና ላይ በዝናብና በነፋስ የተፈራረቀ ቦታ ላይ የወደቀ መሰለው። የሕይወቱ ቀጣይነት በአቶ ሙሉሰው መኖርና አለመኖር የተወሰነ መሰለው። በሌላ በኩል የሚወደውን እንደ ልጁ የሚያየውን የሚንከባከበውን ሰው የሚያጣ እየመሰለው ልቡ በፍርሀት ይናጣል። ከእንደገና ደግሞ " አይ ጋሼ ይተርፋል። ደህና ይሆናል''እያለ ያወራል።

አንዳንድ ጊዜ የሰው ልጅ ተስፋ እንደ በረሀ አበባ ናት። በጋመን ስትከስም ስትጠወልግ ስትጠነዝል መቃናት ያቅታታል። ሕይወት ትርጉም አልባ የምትሆነው ሕይወት ትርጉም እንዲኖራት የሚያደርጉ ሰዎች ሲጠፉ ነው። ቀዳማዊ በዚች ቁንፅል እድሜው ያላየው ነገር የለም። ሕመምና ደስታን አቀያይሯል። አሁን ላለበት ደግሞ አቶ ሙሉሰው ሰፊውን ድርሻ እንደሚወስድ በሙሉ ልቡ ያምናል። ለዚህም ነው ከእናቱ ከእህቶቹ ሁሉ አስበልጦ የሚወደው። ለእሱ እህቶቹ ና እናቱ ሞተዋል ከረሳቸው ቆይቷል። አሁን ላይ ደግሞ የሚወደው ሰው የሞት አፋፍ ላይ እንደሆነ ሲያይ ስቃዩ በረታበት። ስለ እነ ሔመንና ኤሊያና ያስባል። ስለ ወይዘሮ ሔዋን ይጨነቃል። አእምሮው መሸከም እስኪያቅተው ድረስ አአምሮውን በሀሳብ ሞላው። ያወጣል ያወርዳል።

ማህደር አሁን ከልቧ ያዘነች ትመስላለች። ለመጀመሪያ ጊዜ በውሳኔዋ ተፀፀተች። ዳዊትን ማመን መፈለጓ ስህተት እንደሆነ ተረዳች። ሙሉሰው ዳዊትን ለምን እንደሚጠላው በተወሰነ መልኩ ተገለፀላት። ሙሉሰው እንዲድን ከልቧ መማፀኗን ቀጠለች። ጥልቅ የሆነ ፀፀትና መሪር ሐዘን፡ የውስጧ ሀዘን ከመብዛቱ የተነሳ ራሷን ጠላችው። ሙሉሰው ሞተም ዳነም አሁንም ራሷን ተጠያቂ ከማድረግ አልቦዘነችም።

ሰላማዊት ስትነግራት ያልሰማችበትን ጊዜ ጠላችው። ስልኳን መዝጋቷ አናደዳት " ቆይ ምን አለበት እየጠላኋት እንኳ ባምናትና ወንድሜን ባተርፈው አሁን እንዴት ነው ቀና ብዬ አይኑን የማየው? ይሄን ሁሉ ሲሰማስ እንዴት ነው ይቅር የሚለኝ? መቼም ቢሆን ይቅር አይለኝም። እሱ እንኳ ይቅር ቢለኝ ሔዋንና ልጆቹ ለዘለአለም ይጠሉኛል። ለነገሩ እንዴት አይጠሉኝ አባታቸውን እንዲያጡ ምክንያት ሆኜባቸው። እንዴት አሜን ብለው ይቀበሉኛል?! ደግሞም ልክ ናቸው፡ እኔም ብሆን የማደርገው ይሄን ነበር።" እያለች አንዱን ከአንዱ እያላተመች ራሷን በሌላ ሰው እያስገባች ማሰቧን ማሰላሰሏን ቀጠለች።

ወይዘሮ ሔዋን ራሷን ስታ የተወሰነ ብትታከምም አሁን ግን ወደ ራሷ ተመለሰች። ሁሉንም ነገር አወቀች። ምንም ሳትናገር እምባዋን ትለቀዋለች። "አምላኬ ሆይ ሒይወቴን እንዳትወስድብኝ የልጆቼን ተስፋ እንዳትነጥቅብኝ አደራህን "እያለች በለቅሶ ፈጣሪን ትለማምናለች። ሰማይ ምድሩ ተደፋባት ሔዋን ከልቧ የምታፈቅረው የልጆቿ አባት ተስፋዋ ሁሉ ነገሯ አሁን ሆስፒታል በከፍተኛ ክትትል ላይ መሆኑንን ተረዳች። ግን ደሞ ይሄን አምኖ መቀበል አቃታት " ለምን ግን እኔን? ምን አድርጌ እኮ እንዴት እኔ ላይ ይሄን መአት ፈጣሪያ በምን አቅሜ እቀበለዋለሁ። እኔ እኮ ያለ እሱ መኖር አልችልም። እባክህን ያላወኩት ሀጢያት ካለ ይቅር በለኝ በዚህ አስተምረኸኝ እለፍ እንጅ አትቅጣኝ። የምቋቋምበት አቅሙ የለኝም። እኔ ጠንካራ ሴት አይደለሁም ሁሉም ነገር ነው የሚቀየርብኝ። "እያለች ያለመታከት ፈጣሪዋን በእንባ ትጠይቀዋለች።

የጥቁር አንበሳ ሆስፒታል ቀዶ ጥገና ክፍል ከመቼውም ጊዜ በላይ የአቶ ሙሉሰውን ሕይወት ለማትረፍ እየተራወጡ ነው።ዶክተሮቹ ከእግር ጥፍራቸው እስከ ራስ ፀጉራቸው ድረስ የሕክምና ቱታ ጋወን ለብሰዋል። እርስ በእርስ በአይን እየተግባቡ ስራቸውን ይሰራሉ። ውጪ ላይ መርዶ ወይም የምስራች ለመስማት የሚጠብቁት እነ ማህደር ቀዳማዊና እዝራ አሉ። እዝራ እስካሁን ድረስ ወደ ቤቱ አልሄደም።...............

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_92 𖥧𖤣

... ውጪ ላይ መርዶ ወይም የምስራች ለመስማት የሚጠብቁት እነ ማህደር ቀዳማዊና እዝራ አሉ። እዝራ እስካሁን ድረስ ወደ ቤቱ አልሄደም።... ፖሊስ ምርመራውን ቀጥሏል። ሙሉሰው የተተኮሰበትን ቦታ አስምሮ ያጠቁት አካላት ከየትኛው አቅጣጫ እንደሆነ ለመለየት እየሞከሩ ነው። ቀዳማዊን በተደጋጋሚ እየጠሩ ጠይቀውታል። ነገር ግን ቀዳማዊ የሰዎቹን ማንንት እንደማያውቃቸው ተናገረ። እዝራ ስለ ጉዳዩ በጭራሽ እንደማያውቅና እሱም የተገኘው በድንገት እንደሆነ ተናገረ። በመጨረሻ ማህደርን ጠሯት።

" እሽ ወይዘሪት ማህደር ከአቶ ሙሉሰው ጋር ያለሽ ዝምድና ምንድን ነው?'' አለ መርማሪው ማህደር እያለቀሰች "ወንድሜ ነው"አለች። "ወንድምሽ ጠላት አለው ማለትም የዛተበት ወይም እንደሚገድለው ያስፈራራው ሰው አለ?' አለ መርማሪው። ማህደር አሁንም ለቅሶዋን ሳታቆም "እኔ በጭራሽ አላውቅም። እኔ የማውቀው ወንድሜ ከማንም ጋር እንደማይደርስና ስርአት ያለው ቤተሰቡን የሚንከባከብ ኃላፊነት የሚሰማው እንደሆነ ነው።"አለች " እህ እና አንቺም አብረሽው ነው የምትኖሪው?"አለ " አይ አይደለም እኔ ከእሱ ጋር አይደለም የምኖረው አሁን ላይ ተከራይቼ ነው። ነገር ግን ከእሱጋር ነበር የምኖረው" "እና በምን ምክንያት ነው ከቤት የወጣሽው?" " መርማሪ ምን ለማለት እየፈለክ ነው? በቃ በአንዳንድ ነገሮች ላይ አልተስማማንም ነበር። መጨረሻ ላይ ወጣሁና ቤት ተከራየሁ።" " እንደሰማሁት ከሆነ የአዲስአበባ ዩኒቨርሲቲ የአራተኛ አመት ተማሪ ነሽ እና ታዲያ የቤት ኪራይሽን ማን ነው የሚከፍልልሽ? ገቢሽ ምንድን ነው?'' አለ መርማሪው በደንብ በጥሞና እየተመለከታት

'ከወንድሜ ሙሉሰው ጋር እንደተጣላሁ ከሌላኛው ወንድሜ ዳዊት ጋር አረፍኩ ከዛ ከሁለታቸውም ጋር ላለመሆን ስል ለብቻዬ ቤት መከራየትን መረጥኩ። የቤቱን ኪራይ ደግሞ ዳዊት ነው የከፈለልኝ።"አለች መርማሪው ካዳመጣት በኋላ " ከሁለታቸውም ጋር ላለመሆን ስል ስትይ? ከአንዳቸው ጋር ብትሆኝ ምን ችግር አለው?" አለ ሀሳቧ ላይ በደንብ እያጤነባት። ይሄኔ ማህደር ድንግጥ አለች። "ለምንድነው የደነገጥሺው ምነው ችግር አለ?"አለ " አይ ችግር የለም"አለች "እና ችግር ከሌለ ለምን ደነገጥሽ ጥያቄየንስ ለምን አትመልሽልኝም?" አለ "አይ ወንዶሞቼ አይዋደዱም በጣም ነው የሚጠላሉት እና ተነጋግረው አያውቁም። እና እኔንም ያሳደገኝ ሙሉሰው ነው፡፡ ዳዊትን ገና በቅርብ ነው የተግባባነው፡፡ ግን የምወደው ወንድሜ ነው። " "ለምንድነው ወንድሞችሽ እርስ በእርስ የማይዋደዱት ለምንስ ነው ሙሉሰው አንቺን ብቻ ያሳደገሽ?'' አለ መርማሪው ራሱን እየነቀነቀ "እሱን አላውቅም። እኔም ደፍሬ ሙሉሰውን ልጠይቀው አልቻልኩም። እውነተኛ ፀባቸው ምን እንደሆነ ሳይነግረኝ ከእኔም ጋር በመጨረሻ ተጣላን። ዳዊትንም አልጠየኩትም። "አለች ማህደር

መርማሪው በዝምታና በአርምሞ በደንብ ከተመለከታት በኋላ ''እና ወንድምሽ ዳዊት ሙሉሰውን ይጎዳዋል... ሊገለው ይፈልጋል ብለሽ ታስቢያለሽ?" አለ መርማሪው " አይ መርማሪ ወንድሜ ዳዊት እንደዚህ አይነት ነገር አያደርግም የፈለገ ወንድሙን ቢጠላው ግን ለመግደል አይሞክርም። ምንም ቢሆን እኮ ወንድሙ ነው። ሊገድለው አያስብም" አለች "እሺ ወይዘሪት ማህደር አመሰግናለሁ ተጨማሪ ጥያቄዎች ሲኖረን እንጠራሻለን። እባክሽ ያስታወሽው ትዝ ያለሽ ነገር ለእኛ ያልነገርሽን ነገር ካለ አሳውቂን ገዳዩን ለመያዝ ይረዳናልና በፍፁም እንዳትደብቂን" አለ " ምንም ችግር የለም እናገራለሁ። እንዴት እደብቃለሁ? ተጎጂው እኮ ወንድሜ ነው። ምንም ቢፈጠር እኔም ገዳዩ ማን እንደሆነ ለማወቅ ነው የምፈልገው።"አለች "መልካም " አለና ማህደርን ሸኝቶ ጓደኛውን መርማሪ ጠርቶ ያለችውን ነገር በሙሉ ነገረው።

"ይቺ ልጅ እውነቷን ነው። ግን ደግሞ እስካሁን የሚታወቅ ጠላት ወይም የተጣላው ሰው አለመገኘቱ ትንሽ ግራ የሚያጋባ ነገር ነው።" አለ " እኔ ግን ይቺ ልጅ የምታውቀውን ሁሉ የነገረችኝ አይመስለኝም። የሆነ የደበቀችው ነገር አለ። ለምሳሌ ለምን ከሁለቱ ጋር ላለመሆን ስል ስትይ ስላት በጣም ነበር የደነገጠችው ስለዚህ የሆነ የያዘችው ነገር አለ። ለማንኛውም አሁኑኑ ክትትል ይይደረግባት። ምን አልባት መንገዳችን ልትሆን ትችላለች። ወደ ዋናው ሰው ይዛን ትሄዳለች። "አለ ዋና መርማሪው "እሺ አለቃ እንዳልክ አሁኑኑ ሲቪል መርማሪዎችን አሳውቃቸውና ይከታተሏታል። ''አለና ሊወጣ ሲል "ሌላው ደግሞ ዳዊትንም ክትትል ይደረግበት።" አለ መርማሪው። ረዳት መርማሪው ግራ በመጋባት "እንዴ አለቃ የእሱን ቃል እኮ አልተቀበልንም። "አለ "አውቃለሁ አየህ ቃሉን ሳንቀበለው በፊት ክትትል እንደምናደርግበት አያውቅም። ቃሉን ከተቀበልነው በኋላ ግን ክትትል እንደምናደርግበት አውቆ መረጃዎችን ሊያጠፋ ይችላል። ያው ለመግደል ሙከራ ያደረገው እሱ ከሆነ። ስለዚህ ነገ ቃሉን እንቀበላለን አሁን ለጊዜው ተከታተለው። ያለውን ነገር አሳውቀኝ" አለ "እሺ መርማሪ እንዳልክ አደርጋለሁ። ረዳት መርማሪው ወጣ።

ለጊዜው ዋና መርማሪው በአቶ ሙሉሰው የግድያ ሙከራ ላይ የጠረጠረው ብቸኛ ሰው ዳዊትን ነው። ዳዊት ሊሆን ይችላል የሚል ድምዳሜ ላይ ለመድረሱ የማህደርን ቃል ዋና ምክንያት አደረገው፡፡ ወይም ደግሞ ማህደር ልትሆን ትቾላለች። ለዚህ ሁሉ መልስ በትንሹም የምትሰጠኝ ሔዋን ናት። ወይዘሮ ሔዋንን እንደምንም ማናገር አለብኝ አለ::

ማህደር ራሷን ያዘች "አሁን አለቀልኝ በቃ ይደርሱበታል። እኔም መረጃ በመደበቅ እስር ቤት እገባለሁ። አዬ መከራዬ እንደው ምን ውስጥ ነው ያለሁት? አለችና ስልኳን አውጥታ ደወለች ዳዊት ስልኩን በፍጥነት አነሳውና "አቤት ማህደር እባክሽን ልትወቅሽኝ እንዳይሆን 'አለ።.......

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_93 𖥧𖤣

... አቤት ማህደር እባክሽን ልትወቅሽኝ እንዳይሆን 'አለ። "ምነው እኔ ወቅሼህ ንፁህ በሆንክ እየውልህ አሁን የደወልኩልህ ለሁሉም ነገር ወይ ተዘጋጅ ወይ ደግሞ ተጠንቀቅ ልልህ ነው' ' አለች "ምን ማለት ነው እሱ አልገባኝም?!" አለ ዳዊት " አሁን ከፖሊስ ጣቢያ ቃሌን ሰጥቼ መውጣቴ ነው እና ከሙሉሰው ጋር እንደተጣላችሁና መቼም ተነጋግራችሁ እንደማታውቁ ነግሪያቸዋለሁ። መቼም ልክ አይደለሽም እንደማትለኝ ተስፋ አደርጋለሁ። እና ከሙሉሰው ጋር የተጣላኸው አንተ ብቻ እንደሆንክ ደርሰውበታል መሰል ከመርማሪው የተረዳሁት እንደዛ ነው" አለች ማህደር ዳዊት በሙሉ ልብ " የፈለጉትን ሊያስቡ ይችላሉ እኔ ምን አገባኝ። ይሄ እኔን የሚመለከት ጉዳይ አይደለም።"አለ " ም ም ምን ማለት ነው አል አል አልገባኝም። አፍህን ሞልተህ እንዲህ ትላለህ እንዴ እኔ ላንተ ብዬ እኮ ነው። አንተ እንደሆንክ ያስተኮስክበት ከደረሱበት እኮ ያልቅልሀል።"አለች ማህደር 'እየውልሽ ማህ እኔ ስለዚህ ጉዳይ ምንም አይመለከተኝም። እኔ አልተኮስኩበትም። የተኮሱበትን ደግሞ አላውቃቸውም። ባውቃቸው ኑሮ ለፖሊስ አመለክት ነበር ምንም ቢሆን እኮ ወንድሜ ነው!" አለ ዳዊት " እሺ አሁን የት ነው ያለኸው?" ማህደር ተናዳ ጠየቀችው። አራት ኪሎ አካባቢ ነኝ አለ "ማህደር እሺ አሁኑኑ እመጣለሁ። ጠብቀኝ"አለችና ስልኩን ዘጋችው። ማህደር በዳዊት አነጋገር በጣም ብሽቅ ብላ "ደግሞ እኔን ሊዋሸኝ ይፈልጋል እንዴ? የማያፍር በጣም ነው የሚያናደው"አለች

ዳዊት አራት ኪሎ ከአንድ ካፌ ተቀምጦ ሻይውን እየጠጣ " አሁን መኖር እጀምራለሁ። ሁሉንም ነገር የቀማኝ እሱ ነው ሁሉንም ነገር ሳልቀማው አልሞትም። ምንም ነገር አላስቀረልኝም ሁሉንም ነው የወሰደብኝ ስለዚህ አሁን ከሕይወቱ ጀምሪያለሁ። ሕይወቱን ስለወሰድኩት አሁን መልካም እንቅልፍ መተኛት እችላለሁ። ቀጣይ የማደርገው ደግሞ የሱ የሆነን ነገር በሙሉ አንድ በአንድ እወስድበታለሁ። ብራቮ ዴቭ ጀግና ነህ አምባሳ ስንት አመት ብትዘገይም ይሄው በስተመጨረሻ አሳካኸው።" አለና በደስታ ሳቀ።

በግራ እጁ ፂሙን አገጩን እየነካካ ፊቱን ወደ አስፓልቱ አድርጎ ይበልጥ በደስታ ተነፈሰ። በዚህ ጊዜ ማህደር መጣችና አጠገቡ ካለው ባዶ ወንበር ተቀመጠችና አንድ ጊዜ ትኩር ብላ እያየችው። "በስልክ ያልከኝን እንድትደግምልኝ ነው የመጣሁት ልትደግምልኝ ትችላለህ ውዱ ዳዊት" አለች ማህደር እሳት ለብሳ እሳት ጎርሳ "እየውልሽ ያቺ የማትረባ ምን እንዳለችሽ አላውቅም። ግን እኔ ከወንድምሽ መመታት ጋር የሚያገናኘኝ ነገር እንደሌለ እንድታውቂ እፈልጋለሁ"አለ ዳዊት "ቆይ ስታየኝ የአራት አመት ህፃን ልጅ እመስልሀሁ እንዴ እንዲህ የማይመስል ውሸትህን የማምንህ?"አለች "እኔ እኮ የነገርኩሽ እንድታምኝኝ አይደለም እውነቱን ነው እንጅ በዛላይ እንድታምኝኝ አላስገደድኩሽም አትመኝ ያለውን እውነት ግን መቀበል ባትችይ ስሚ አለ እና እጁን በደረት አጣምሮ ተቀመጠ። " ያን እለት ማታ ሙሉሰውን እንዲገድሉት የላካቸው ሰዎች ጋር በስልክ ስታወራ የነበረውን በሙሉ ሰላማዊት ሰምታሀለች። ወዲያው ለእኔ ደውላ ለእኔ ነግራኛለች። ስለዚህ ዝም ብለህ የሌለ ውሸት አትዋሽ በጭራሽ አላምንህም። ግን አንድ የማልዋሽህ ነገር አንተ አሳልፌ አልሰጥህም ምክንያቱም ምንም ብታደርግ ወንድሜ ስለሆንክ ስለዚህ.ያለውን ነገር ንገረኝና እኔ የምረዳህን ልርዳህ በሀሳብ ደረጃም ላማክርህ እኔን እንደ ሌላ ባዳ አትየኝ።ምንም ብትል እንዳልኩህ እውነቱ አንተ ነህ ጥፋተኛ ያስደረከውም አንተ ነህ ይሄን ደግሞ አንተ በደንብ አሳምረህ ታውቃለህ "አለች ማህደር

"ሃ ሃ ሃ ሃ 'ዳዊት በረጅሙ ሳቀና "በይ አታስቂኝ ዛሬ ምን ነክቶሻል አንቺ ሌጅ ከመጣሽ ጀምሮ እኮ ብዙ እያወራሽ ነው። የምናገረው እኮ አማርኛ ነው አይገባሽም እንዴ? ምን አይነት ጣጣ ነው። ወንድምሽን እኔ አይደለሁም ያስተኮስኩበት። አዎ በእርግጥ አልክድሽም እኔ በጣም ነው የምጠላው። ግን ደግሞ ለዛ ለማይረባ ብዬ ራሴን ችግር ውስጥ የምከት ከንቱ ሰው አይደለሁም።ኤ ይቺ ሰላማዊት አለችኝ የምትይው ነገር ደግሞ ምንም ማረጋገጫ የለሽም። እስኪ ደውለሽ ጠይቂያት ምን እንዳለችሽ ራሱ ትዝ አይላትም ምክንያቱም በጊዜው በጣም ተጣልተን ጠጥታ ነበር የገባችው እኔ ራሱ ስትገባ አላስታውስም። እና አለኝ የምትይው እርግጠኛ የሆንሽበት መረጃ ካለ ንገሪያቸው። ነገር ግን ሁለተኛ እኔን አንተ ነህ ያስገደልከው አንተ ነህ ልታስገድለው የሞከርከው ብለሽ ብትናገሪኝ አስቀይምሻለሁ"አለ ዳዊት ኩስትር ብሎ

"አዎ አሁን አወኩህ ታደርገዋለህ። እርግጠኛ ነኝ አይደለም ማስቀየም ማስገደልም ትችላለህ። ብቻ አንተ ከፈለክ ምንም ስለምታደርግ በእሱ ምንም ጥርጥር የለኝም። ግን ከሁሉም የሚያበሳጨኝ እና የሚፀፅተኝ አንተን የመረጥኩኝ እለት ነው። አንተን መምረጤ ስህተት ብቻ ሳይሆን እብድነትም ነው። ራሴን አልነበርኩም። ያን ምስኪን እንደ እናት እንደ አባት እንደ ሁሉም ነገር ሁኖ ከስቶ እንደ ሴት ልጅ ሆኖ ሳይበላ ያበላኝን ሳይለብስ ያለበሰኝን ወንድሜን ትቼ አንተን መምረጤ። በምንም የማይወጣለትን አሳቢየን ከአንተ ጋር ሁኜ ከጀርባው ወጋሁት። አጠገቡ ሁኜ ልጠብቀው ላስደስተው በሚገባኝ ጊዜ እኔ ግን አንድም ቀን አይቶኝ ከማያውቅ ወንድሜ ጋር ሄድኩ። እሱንም አይን ለአፈር አልኩት። በጣም ነው የማሳዝነው።.....

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_94 𖥧𖤣

... አይን ለአፈር አልኩት። በጣም ነው የማሳዝነው። እኔ እርኩስ ፍጥረት ነኝ። ምንም የማላገናዝብ። ግን ታውቃለህ ስለ አንተ ለጭንቅላቴና ለውስጤ ይሄ ሰው ምን አልባትም ከሙሉሰው የተሻለ ጥሩ ና ደግ ነው... በሙሉሰው ደግነት ብቻ ስለተሞላሁኝ ነው። እስኪ የሌላኛውን ወንድሜን የዋህነትና ደግነት ደግሞ ልይ ብዬ ለራሴ ነገርኩት። ግን ፈጣሪም ማየት የምፈልገውን ሳይሆን ማየት ያለብኝን የአንተን ድብቅ ማንነት አሳየኝ። አይኔን እንድገልጥ አደረገኝ። አሁን ምንም እንደማይመስልህ ስለ እኔ ምንም አይነት ሀሳብ እንደሌለህ አሳይተኸኛል አመሰግናለሁ። ከአንተ ያቺ የምጠላት ሚስትህ አራት እጥፍ ትሻለኛለች። ቢያንስ ወንድሜን እንዳተርፈው ነግራኝ ነበር። ክፉ ናት የሰይጣን ቁራጭ ናት የምላት ሴትዮ ግን እውነቱን ልታሳየኝ ሞከረች። ውስጧ ምን ያህል በቆሻሻ ቢሞላም ግን በሞት ላይ አልፈረደችም ነበር። የወንድሜን መሞት አልተቀበለችውም ነበር። እኔ ደግሞ ምን አደረኩ በአንተ ልዩ የሆነ ፍቅርና አክብሮት በመጨፈኔ የምትለውን እንኳ ሳልሰማት ስልኳን ዘጋሁባት። ለዘላለም የምፀፀትበት ራሴን የምረግምበት የምጠላበት ጊዜ በል ለሁሉም አመሰግናለሁ። ሚስትህን ምን ብለህ ብታሳምናት እውነት አንድ ቀን መውጣቷ አይቀርም። ያኔ እየመረረህም ቢሆን ትጠጣታለህ። ለእኔ ያደረከውን ደግሞ ፈጣሪ ይክፈልህ አሁን ብቻየን አስቀርተኸኛል። ችግር የለውም ምን አልባት ፈጣሪ በአንተ ተመስሎ የሕይወትን ምንነት ሊያስተምረኝ ይሆናል። ስለዚህ የሚመጣብኝን ሁሉ በፀጋ እቀበላለሁ።" አለችና ማህደር ተነስታ ሄደች።

ዳዊት በአይኑ አብሯት ተከትሎ "ሂጅ ምንም አትፈይጅልኝም ምንም አትሰሪልኝም ተጨማሪ ችግር ነው የምትሆኝብኝ። ደግሞ እውነቱን ትለኛለች እንዴ በራሴ ላይ ካቴና ላስገባ እንዴ አሁን ቀጣዩን እርምጃ መውሰድ አለብኝ "ቀጣዩ እርምጃ ሰላማዊትን ማሳመን ወይም መሸምጠጥ እሷ በእርግጥ እኔን አሳልፋ አትሰጠኝም። እንግዲህ የምትወደኝ ከሆነ "አለ እና እየሳቀ ከካፌው ተነሳና ሒሳቡን ከፍሎ ወጥቶ መኪናውን አስነስቶ ወደ ስቴዲየም የሚወስደውን ሰፊ አውራ መንገድ ይዞ መንዳት ጀመረ።

መርማሪው ፖሊስ ጥቁር አንበሳ ሆስፒታል ሲሄድ እዝራንና ቀዳማዊን አገኛቸው። የቀዳማዊ ሁኔታ አሳዘነውና "ይሄ ልጅ ግን ምግብ እየበላ ነው?""አለው መርማሪ ፖሊስ እዝራን "ኧረ ምን ይበላል ይሄው ሙሉሰው ከተተኮሰበት ጊዜ ጀምሮ ማልቀስ ነው ስራው ለነገሩ ምን ያድርግ እያየው አይደል ከፊቱ የተኮሱበት ድንጋጤውስ እንዴት ብሎ ይለቀዋል። በዛ ላይ ልጅ ነው።"አለ እዝራ "በጣም "አለና በደንብ ተመለከተው። "እስኪ አሁን ደህና ከሆነች የወይዘሮ ሔዋንን ቃል ልውሰድ "አለና ወይዘሮ ሔዋን ወዳረፈችበት የሕክምና ክፍል ገባ።

"በቅድሚያ እንኳን ተሻለሽ ለባለቤትሽም ጤንነትንና ምህረትን እመኛለሁ። "አለ "አሜን አሜን "አለች ወይዘሮ ሔዋን የእንባዋን ሳግ እየሳበች። "እሺ አሁን ፈቃደኘ ከህንሽ የተወሰኑ ጥያቄዎችን ልጠይቅሽ ነበር።"አለ "እሺ መርማሪ ደህና ነኝ ጠይቀኝ ለሁሉም ነገር ዝግጁ ነኝ። "አለች "መልካም እንደው በቅድሚያ ባለቤትሽን ሊጎዳው ይችላል የምትይው ሰው ወይም በስራ አጋጣሚ አለመግባባት የፈጠረው ሰውና ያስፈራራው ሰው ካለ "አለ " ምንም የለም ባለቤቴ ስራውን ብቻ የሚሰራ ከሰዎች ጋር አይደለም መጣላት የማይግባባው ሰው እንኳ የለም። ሁሉም ሰው ነው የሚወደው። ነገር ግን ጠላቱ ወንድሙ ነው ይሄን ነገርም ያደረገው በእርግጠኝነት እሱ ነው። ከእሱ ውጪ ማንም ሊያደርግበት አይችልም። ለምን ይሄን ያህል እንደሚጠላው ባላውቅም። በተለይ ካለፈው አመት ጀምሮ ይሄው ጠምዶ ይዞት ነበር በመጀመሪያ ከማህደር ጋር አጣልቶ ማህደርም ይጠቅማት መስሏት እንደ ልዕልት የሚንከባከባትን ወንድሟን ትታ ከዛ መናጢ አረመኔ ጋር ሆነች። በእርግጥ ባለቤቴ ምንም አልመሰለውም። ምክንያቱም እሷ በመሄዷ እኛም ሆንን ባለቤቴ የሚያጣው ነገር አልነበረም። ስለዚህ ምንም አልተቃወማትም። ምክንያቱም ሁሉንም እንድታየው ስለፈለገና ለእሷ መልካም ነገርን በማሰብ። ምክንያቱም አንዳንድ ጊዜ የሰው ልጅ ለራሱ ብለህ ብዙ ነገር ስታደርግለት አይገባውም። በተቃራኒው ነው የሚረዳህ እንደዛ እሱን በመንከባከብህ ለእሱ ጥሩ ነገር በማድረግህ የምትጠቀመው ነገር እንዳለ ያስባል። እናም ባለቤትም ይሄን ሲረዳ በነፃነት ተዋት። እሷም ሄደች ባሌን ጥፋተኛ አድርጋ ምንም እንዳላደረገላት በማስመሰል ከዳዊት ጋር ስታነሳ ስትጥለው ከረመች። በመጨረሻም እንግዲህ ለመግደል ተስማምተው ይሆናል ማን ያውቃል?"አለች ሔዋን " እና ማህደርም ልትረዳው ትችላለች ስለ ጉዳዩ ታውቃለች እያልሽኝ ነው?"አለ መርማሪው ሰፍ ብሎ....

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

ዛሬ አካክሰናል ብዬ አስባለው😌

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_95 𖥧𖤣

... ማህደርም ልትረዳው ትችላለች ስለ ጉዳዩ ታውቃለች እያልሽኝ ነው? "አለ መርማሪው ሰፍ ብሎ "አዎ ፖሊስ እርግጠኛ ነኝ ስለዚህ ጉዳይ ማህደር በደንብ ታውቃለች እሷን ጠይቋት ወይ ታውቃለች ወይም ደግሞ ሰምታለች።"አለች "ይቅርታ ወይዘሮ ሔዋን አሁን ስላልሽው ነገር እኛ በደንብ ጠይቀናት ምንም ነገር እንደማታውቅና ምንም ሳላውቅ አንዳንድ ቦታዎች ላይ ይልከኝ ነበር ብላለች። ስለዚህ በእርግጠኝነት ላታውቅ ትችላለች" አለ መርማሪ "እአእ እንደዛ ካለችህ ሁሉንም ነገር ታውቃለች ማለት ነው። ስለዚህ እሷን በደንብ መከታተል አለባችሁ" አለች ሔዋን "ባሌን በጥይት ያስመታው እንዲገደል ትዕዛዝ የሰጠው አንድና አንድ ጠላቴ ዳዊት ነው። ማህደርም ልትኖርበት ትችላለች። ከዛ ሰይጣን ጋር ተባብራ አይደል ከእኛ ጋር የተጣላችው። ስለዚህ መርማሪ እነዚህን ወንጀለኞች እንድታስርልኝ እፈልጋለሁ። ካልሆነ እንቅልፍ አይወስደኝም በጭራሽ።"አለች "አታስቢ ችግር የለም ወይዘሮ ሔዋን ምን ያህል ጊዜ ቢሄድም እውነተኛ ወንጀለኛውን እንይዘዋለን። ይሄ ስራችን ነው። ብቻ አንቺ ሌላ ተጨማሪ ነገር የምትነግሪን ነገር ሲኖር መምጣት ትችያለሽ።"ብሎ ተሰናብቷት ወጣ።

መርማሪ ፖሊሱ የሔዋን ቃል እያምሰለሰለ ለረዳት መርማሪው ደወለለት። ረዳት መርማሪው ፈጥኖ ስልኩን አነሳና "እ መርማሪ ወይዘሮ ሔዋንን አናገርካት?"ብሎ ጠየቀው "አዎ እሷ ሙሉ በሙሉ ዳዊት እንዳደረገው ነው የተናገረችው። ከእሱ ውጪ ማንም ጠላት እንደሌላቸው ነው የነገረችኝ። አንተ ጋርስ ምን አዲስ ነገር አለ? እንዳልኩህ አደረክ?" አለ ዋና መርማሪ "አዎ አለቃ ወይዘሪት ማህደር ከምርመራ በኋላ ቀጥታ ከሆነ ሰው ጋር አወራችና ወደ አራት ኪሎ ሄደች ከዛም ከአንድ ሰው ጋር ቁጭ ብላ ስትጨቃጨቅ ከቆየች በኋላ ተነስታ ወጣች።"አለ ምክትል መርማሪ "ብራቮ ስለዚህ የመጀመሪያ መላ ምቴ ልክ ነው ማለት ነው። ከእኛ ስትወጣ የደወለችለትና ያገኘችው ሰው የመጀመሪያ ተጠርጣሪያችን ነው ማለት ነው። አሪፍ አሁን ነገሮች በጥሩ ሁኔታ እየሄዱ ነው። በል አሁንም መከታተልህን ቀጥል። በእርግጠኝነት ማህደር ስለ ግድያ ሙከራው በደንብ ታውቃለች። ስለዚህ ከአይንህ እንዳትሰወር በተረፈ አስፈላጊውን የህግ ስርአት በመጠቀም ስልኳን እጠልፋለሁ።" አለ ዋና መርማሪ ኮሚሽነር መላኩ ይርዳው ....

ማህደር ከዳዊት እንደተለያየች ለሰላማዊት ስልክ ደወለች። ነገር ግን ሰላማዊት ስልኳን አታነሳም። ግራ ተጋባች "ለምንድነው ስልኳን የማታነሳው? ምን ሆና ነው?"ብላ ትንሽ ካሰበች በኋላ " ቆይ ዳዊት ምን አድርጓት ነው። ያን ጊዜ ሰክራ ነበር ሲል ምን ማለቱ ነው? ቆይ ምን አድርጓት ነው? ወይኔ ፈጣሪዬ እባክህ ገድሏት እንዳይሆን እንጂ ወይኔ ምን አይነት መከራ ነው የገባሁት!? አሁን እንዴት ነው የሚሆነው? ቆይ ፖሊሶቹ እኔን ተጠርጣሪ ቢያደርጉኝስ እኔን ጥፋተኛ ቢሉኝስ እንዴት ነው ከዚህ መአት የማመልጠው?" እያለች ከራሷ ጋር ስታወራ ከቆየች በኋላ "አይ ሁሉንም ነገር አስተካክለዋለሁ አሁን ወደ ሆስፒታል ልሂድ አለችና ታክሲ ያዘች።

ወይዘሮ ሔዋን ማህደርን ስታያት በጣም ተናደደችና " አንቺ ነሽ አንቺና ያ እርጉም ወንድምሽ ናችሁ ባሌን የተኮሳችሁበት" አለችና ዘላ አነቀቻት። "ወይዘሮ ሔዋን ምን እያደረግሽ ነው? ተይ እንጂ እባክሽ ልቀቂያት"አለና አስለቀቃት። "ሰማሽኝ በራሴው እጄ ነው ሁለታችሁንም የማጠፋችሁ ባሌ አንድ ነገር ቢሆን በየተራ ነው አሰቃይቼ የምገላችሁ። ደግሞ የልብሽን ሰርተሽ ሳታፍሪ ትመጫለሽ? ቆሻሻ ነሽ አንቺ ጡት ነካሽ የተረገምሽ። እ መከራውን አይቶ ባሳደገሽ ባስተማረሽ አንቺ ዞረሽ ከጠላቱ ጋር ቡድን ሆነሽ እሱ ለመግደል አሰብሽ። ጌታዬ እንጀራ አይውጣልሽ "እያለች በእዝራ እየተገለገለች ወንበሩ ላይ ተቀመጠች።

ማህደር እያለቀሰች ከሆስፒታሉ ወጣችና በኢትዮጵያ ቴሌቪዥን በኩል ታጥፋ ብሔራዊ ባንክን በቀኝ በኩል በመተው ወደ ብሔራዊ ትያትር ካፌ አመራች።"አሁን ሁሉም ነገር ቀስ በቀስ እየሄደ ነው። ሙሉሰውን አጥቼዋለሁ። ከዚህ በኋላ አይኑን ማየት አልችልም። በጥፋት ላይ ጥፋት ደራርቤበታለሁ ስለዚህ ምንም ማድረግ አልችልም።" አለች ማህደር ተስፋ በቆረጠ አነጋገር ልክ የፈሰሰ ውሃ እንደማይቃናው ሆነባት።

ከመጀመሪያው ጀምሮ ሙሉሰው የተናገራትን በየተራ አስታወሰች። ሙሉሰው በእሷ ላይ በጣም ብዙ ፈተናዎች ደርሰውበታል። ግን በፅናትና በፀሎት ተሻግሮታል። ማህደር ለእሱ ሁሉ ነገሩ ናት። የእናቱ ምትክ በጣም ይሳሳላታል። እስከዚህ እድሜዋ ድረስ አንድም ቀን በክፉ አይን በቁጣም ተመልክቷት እንደማያውቅ ተረዳች። ከእሱ ጋ የተጣላችበት መንገድ ልክ እንዳልሆነና ጥፋተኛ እንደሆነች አሰበች።"አዎ ወንድሜ ልክ ነበር። ከእኔ የሚጠበቀው እንደ እህት የእሱን ልጆች ጥሩ ነገር ማስተማር ነበር። ያን ማድረግ ባልችል እንኳ ሲቆጣኝ ጥፋቴን አምኜ መቀበልና ማስተካከል ነበረብኝ ብቻ ጥሩ ነገር አይደለም ያደረኩት። ጥፋት ስህተት ነው። ለዛ ስህተት ነው አሁን ዋጋ እየከፈልኩ ያለሁት የማላቀውን ሰው ከማውቀው ወንድሜ አብልጬ በማመኔ ነው እየተቀጣሁ ያለሁት"እያለች ብቻዋን እያወራች ቁጭ ብላ ሳለ ። አንድ መልከመልካም ወጣት ማህደርን በደንብ ሲመለከታት ከቆየ በኋላ የተቀመጠበትን ወንበር ትቶ ማህደር ወደ ተቀመጠችበት ወንበር መጣ ......!!!!!


🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_96 𖥧𖤣

... አንድ መልከመልካም ወጣት ማህደርን በደንብ ሲመለከታት ከቆየ በኋላ የተቀመጠበትን ወንበር ትቶ ማህደር ወደ ተቀመጠችበት ወንበር መጣና "ሰው አለው?" አለ ማህደር መልስ አልመለሰችለትም። ዝም ብሎ ተቀመጠ። ዝም አለችው ትንሽ ካያት በኋላ። "ብቻ መሆን መፈለግን የብቻ ማውራት ትርጉምን የማውቀው እኔ ብቻ ነኝ!" አለ ወጣቱ ልጅ ቀጠለና "እኔ እዚህ ከአንቺ ወንበር መጥቼ የተቀመጥኩት ችግርሽን ለመስማት አይደለም። ችግርሽ ምንም ይሁን ምን ችግር ነው በቃ ችግር ደግሞ ያስጠላል። ከራስ ጋር ያጣላል። እኔም ከአመታት በፊት በሆንኩት ነገር ይሄው አለሁ "አለ ማህደር ቀልቧን ሰብሰብ አደረገችና "ምን ሆነህ ነው?" አለች።

"የምትወደኝን ልጅ ከራሷ በላይ የምታምነኝን የምታፈቅረኝን ፍቅረኛየን ያጣሁት በራሴ ጥፋት ነው። አንዳንድ ጊዜ ያ ሰው ሙሉ የሚያደርገሽ እንደሆነ የምታውቂው ጎደሎ መሆንሽን ስታውቂና ያ ሰው አጠገብሽ አለመኖሩን አለመሆኑን ስትረጂ ነው። ከዛ መፍትሔ ታመጪ ይመስል ብቻሽን በየሄድሽበት በተቀመጥሽበት በተኛሽበት ሁሉ ብቻሽን ታወሪያለሽ። ግን የምትታገኝው መልስ የረፈደ ፀፀትን ብቻ ነው።

በቃ ፀፀት ምነው ባላደረኩት ምነው ባልተናገርኩት....... በቃ እንዲህ ነው የምትሆኚው እና ወንበሬ ተቀምጬ ወደ ካፌው እንዴት ኤንደገባሽ ተመለከትሁ ተቀምጠሽ ደግሞ የነበረሽን ሁኔታ ሳጤነው ሕመሜ ያመመሽ እንደሆነ ተረዳሁ ለዛም ነው ከአጠገብሽ መሆን የፈለኩት።"አለ "አዝናለሁ ለደረሰብህ ነገር"አለች ማህደር። "ኧረ አትዘኚ በራስሽ የምታዝኚው ይበቃሻል ለማንኛውም ሳሙኤል እባላለሁ" አለ "እኔ ደግሞ ማህደር እባላለሁ።"አለች ከእጇ ጋር ፈገግታ እየሰጠችው "ስለተዋወቅን ደስ ብሎኛል "አለ እኔም ደስ ብሎኛል ሁልጊዜም እዚሁ ነህ? ".አለች። "አዎ ሁሌም እዚሁ ነኝ "አለ። " ይቅርታ ግን.መጠየቅ ካልነበረብኝ ይሄ ቦታ ለአንተ ትርጉም አለው?"አለች ያልጠበቀው ጥያቄ ነበር።

"እ ነበር ይሄ ቦታ ከሜላት ጋር መጀመሪያ የተያየንበት ቦታ ነው አዎ ቲያትር ለማየት ያቺ ጉደኛ የሆነች ቀን እለት ብትን ያለውን ፀጉሯን አስተካክላ ዘወር ስትል ነበር ሁሉ ነገር የተቀያየረብኝ። አይኖቿ ውስጥ ነበር ራሴን በድንጋጤ የተመለከትኩት ሁኔታየን ስታይ ወዲያው ወደ እኔ መጣችና አሞህ ነው ወንድሜ አለችኝ። ሌላኛው ውበቷ ደግሞ ፍፁም አዛኝ መሆኗ ወዲያው ተረዳሁ ውበቷ ከ አዛኝነቷ ጋር ተዳምሮ እኔን የእሷ ግዞት ምርኮኛ አደረገኝ። በዛ ቅፅበት ከልቤ እንደገባች ኖረች። እሷም ጋር በጊዜ ሂደት ፍቅር ያዘትና ጥሩ ፍቅረኛሞች ሆንን ከዛ በኋላ ወደ ዚህ ስፍራ እየመጣን የተገናኘንበትን ቦታ እየዘከርን ሁልጊዜም ጥሩ ጊዜ እናሳልፍ ነበር። በጣም ሲበዛ ቆንጆ ና ውብ ጊዜ።ለዚህም ነው ከአስቀየምኳት በኋላ ሁልጊዜ ወደዚህ የምመጣው "አለ ሳሙኤል "አይዞህ ያው ምን አልባት ይቅርታ ልታደርግልህ ትችል ይሆናል። እሷም ስለምታፈቅርህ አትጨክንብህም። የፈለገው ያህል ቀን ቢሄድ እሷ ለአንተ ልቧ ማዘኗና መከፋቷ አይቀርም። ስለዚህ ሩቅ ጊዜ አይደለም በትዕግሥት ጠብቅ"አለች ማህደር "አይ ማህደር ምነው በሕይወት ኑራ ይቅርታ ባላደረገችልኝ። እሱ ቢሆን ምን ያህል ደስ ባለኝ። የዘላለም ፀፀቴ ከነ ፍቅሬ ከነ ጥፋቴ ትታኝ እስከወዲያኛው በመሄዷ ነው።"አለ ሳሙኤል እንባውን ከጉንጮቹ ላይ እየጠረገ

"ምን እንደምልህ አላውቅም በጣም አዝናለሁ ምን ያህል አስከፊ ጊዜ እያሳለፍክ እንደሆነ ከአንተ በላይ ባላውቅም ግን ያፈቀሩትን ሰው ማጣት ከባድ እንደሆነ ማወቅ አያዳግተኝም ከባድ እንደሚሆን ግልፅ ነው። በተለይ ከፀፀት ጋር ሲሆን ብቻ አሁን አንተ ሌላ ሕይወት መጀመር ስላለብህ መጠንከር አለብህ። ከሁሉም ነገር በላይ አንተ መቀጠልና መኖር አለብህ። መኖርህ ለሌሎች አስፈላጊ ነው።"አለች ማህደር። " ከባድ ነው በጣም ከምነግርሽ በላይ "አለ " አውቃለሁ ከባድ እንደሆነ ግን አንተ እንዲህ በሆንክ ቁጥር በአንተ የሚያዝኑ ሰዎችም ይበዛሉና የእነሱን ሀዘን መቀነስ አለብህ።ሕይወት ሁለተኛ እድል ትሰጣለች እሱን ደግሞ በደንብ መቀበል አለብህ። ለሌላ ሕይወት መጀመሪያ ስትል ያለፈውን በተወሰነ መልኩም ቢሆን መተው አለብህ።"አለች ማህደር "ልክ ነሽ ግን እንዴት ልቻል ሳልሞክር የቀረሁ ይመስልሻል ከብዶኝ እኮ ነው። ትንሽ በሞከርኩ ቁጥር እንደገና እመለሳለሁ።ብቻ ተይው ይቅርታ በእኔ ጉዳይ ያዝኩሽ የኔ ነገር ተነግሮ አያልቅም አንቺስ ምን ሆነሽ ነው እንደዛ ከፍቶሽ ከራስሽ.ጋር ስታወሪ የነበረው?"አለ ሳሙኤል ማህደር ድንግጥ አለችና "የእኔ እንኳ ቀላል ነው እንደ አንተ ከባድ አይደለም ያው ግን እኔ ደርሶብኝ ስለማያውቅ ትንሽ ነገር ስለሚያስጨኔቀኝ ነው።"አለች "እሺ እንደዛ ከሆነ ከሁኔታሽ ግን በትልቅ ሁኔታ የተረበሽ ነበር የምትመስይው። እንዳልሽው ትልቅ ጉዳይ ካልሆነ ችግር የለውም" "አዎ ትልቅ ጉዳይ አይደለም...........

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_97 𖥧𖤣

... አዎ ትልቅ ጉዳይ አይደለም ከወንድሜ ሚስት ጋር ተጣልተን ስለመጣሁ ነው!" አለች "ኧረ? አንቺ በጣም ነው የምትገርሚው ከወንድምሽ ሚስት ጋር ተጣልተሽ በመምጣትሽ ነው እንደዚህ የተከፋሽው? ስትገርሚ" አለ ሳሙኤል እየሳቀ "እንዴት ለምን እንደዛ አልክ?"አለች "ማለቴ ያው የተለመደ ነው ብዙ ጊዜ የባል እህተና የባል ሚስት አይዋደዱም ይህም ደግሞ ሚስት ለባሏ.... እህት ለወንድሟ ስለሚያስቡ ነው ብዬ ነው"አለ "እ እንደዛ ነው ይሆናል ግን እኔና የወንድሜ ሚስት በድንገት ነው የተጣላነው"አለች " የመጀመሪያችሁ ጥል ከሆነ ያስጠላል ማለት በመሀላችሁ የሆነ ሰይጣን ገብቷል ማለት ነው። እንድትጣሉ ያደረጋችሁ መቼም ሰው ነው"አለ ሳሙኤል "እሱስ ረጂም ነው ታሪኩ ግን ታውቃለህ እኔም እንደ አንተ ጥፋተኛ ነኝ። በጥፋቴ ምክንያት ነው የተጣላነው። ልክ ነች የሚጠበቅብኝን አላደረኩም። ብቻ ፀፀቴ ዘልቋል። በእኔ ግዴለሽነት ምክንያት ወንድሜ በጥይት ተመትቶ አሁን ቀዶ ጥገና እየተደረገለት ነው። ይሙት ይትረፍ ገና ዶክተሮቹ ያሉት ነገር የለም።እና ለዚህ ደግሞ ጥፋተኛዋ እኔ ነኝ"አለች

"እንዴ ምን ጥፋት ይኖርብሻል አንቺስ ተጎጂ አይደለሽ?!"አለ ተወው ብቻ አንተው ሁሉም ነገር ሰላም እንዲሆን እና ደህና እንድሆን ይልቅ ወንድሜ መትረፍ አለበት"አለች "አይዞሽ ምንም አይሆንም ፈጣሪ ይጠብቀዋል።አንቺም ጠንካራ መሆን አለብሽ።" ብሎ ሊቀጥል ሲል ስልኩ ጠራ ስልኩን አውጥቶ ሲያየው የሚያውቀው ስልክ ነው "ይቅርታ አንድ ጊዜ ስልክ ላንሳ" አለና የማህደርን ፈቃድ ጠይቆ ስልኩን አንስቶ አውርቶ ከጨረሰ በኋላ " ይቅርታ ማህደር መሄድ አለብኝ። አለና ብድግ አለ "በሰላም ነው ድንገት እንዲህ ልሂድ ያልከው?" አለች "አዎ በሰላም ነው ለስራ ጉዳይ በአስቸኳይ ስለተፈለኩ ነው።ሌላ ቀን ምን አልባት ከመጣሽ እንገናኛለን" አለና ሰላም ብሏት ሄደ።

○○○○○
" እሺ አቶ ዳዊት አቶ ሙሉሰውን ታውቀዋለህ?"አለ ዋና መርማሪ "አዎ በደንብ እንጂ የእናት የአባቴ ልጅ ወንድሜ ነው። "አለ ዳዊት "ጥሩ እና መቼም አሁን ስላለበት ሁኔታ አውቀሀል?!"አለ ዋና መርማሪ "አዎ ሲስተር ነግራኝ በጣም ነው ያዘንኩት ምንም እንኳ በሁለታችን አለመነጋገር ቢኖርም ግን ዜናውን እንደሰማሁ በጣም ነው ያዘንኩት ምንም ቢሆን ወንድሜ ነው። እንግዲህ ነፍሱን በገነት ያኑራት ከማለት ውጪ ምን ማለት እችላለሁ?"አለ ዳዊት በእርግጠኝነት "አቶ ዳዊት ምን እያልክ ነው? አቶ ሙሉሰው እኮ አልሞተም ገና ከፍተኛ ክትትል ላይ ነው ያለው ሀኪሞቹም ምንም ያሉት ነገር የለም"አለ ዋና መርማሪ በአግራሞት ዳዊትን እየተመለከተው "አይ መቼም አይተርፍም ብዬ ነው እንደዛ በጥይት ተመትቶ "አለ ዳዊት "እንደዛ ስትል እንዴት ነበር የተመታው? የምታውቀው ነገር አለ?"አለ ዋና መርማሪ በፍጥነት "አ አ አይ የማውቀው ነገር የለም። ያው በጥይት ነው የተመታው ስትለኝ እህቴ ሊተርፍ አይችልም ብዬ ነው። "አለ ዳዊት ምንም እንደማያውቅ በማስመሰል የመርማሪወን አይን እየተመለከተ

" ግን አቶ ሙሉሰው በተተኮሰበት እለት ምሽት አንተ የት ነበርክ?"አለ ዋና መርማሪ "የት ልሆን እችላለሁ ቤቴ ነዋ "አለ ዳዊት በልበ ሙሉነት። "ለእሱ ማስረጃ አለህ? በወቅቱ ከቤትህ ለመሆንህ?"አለ ዋና መርማሪ " እንግዲህ አቶ ሙሉሰው ይጎዳል ብዬ ገና ለገና እሱ ሲጎዳ ፖሊስ ይጠይቀኛል ብዬ ማስረጃ አላዘጋጅም ቤት ለመሆኔ ደግሞ ማስረጃ ማቅረብ አይጠበቅብኝም። አንተ ይሄን ጥያቄ ከመጠየቅህ በፊት ማወቅ የነበረብህ ዳዊት በዚያ ስአት ውጪ ነበር ወይ የሚለውን ነበር።"አለ ዳዊት ኮስተር ብሎ...

ዋና መርማሪው በዳዊት ንግግር ፈገግ አለና "ልክ ነህ እሱን በሚገባ አውቃለሁ ግን በወቅቱ ቤት እያለህ ባለቤትህ አልነበረችም?"አለ ዋና መርማሪ ዳዊት ትንሽ ካሰበ በኋላ "አዎ ነበረች።" "እሺ አቶ ዳዊት ጥያቄያችንን ጨርሰናል ባለቤትህን ለጥያቄ ስለምንፈልጋት እሷን ላክልን"አለ "አይ ዋና መርማሪ ባለቤቴ ትላንት ጧት እንደወጣች አልተመለሰችም። ስልኳም ጋር ስደውልላት አይሰራም እና በአቅራቢያችን ወዳለ ፖሊስ ጣቢያ አመልክቼ ነበር እና እነሱ የሰጡኝ ምላሽ 24 ስአት አልሞላትም ነው እናም ሚስቴ ጠፍታብኛለች"አለ ዳዊት በሀዘን ስሜት.... ዋና መርማሪ ራሱን ነቀነቀና ወደ ኋላ ተለጥጦ ተቀመጠና እጁን አገጩ ላይ አስደግፎ " አሁን ጨዋታው ተጀመረ" አለ በሆዱ " እሺ አቶ ዳዊት የሚስትህን ጉዳይ የእኛም ቡድን ይከታተላል ፍለጋም ይጀምራል። አሁን መሄድ ትችላለህ ጨርሰናል"አለና ዳዊትን ሸኘው።

ዋና መርማሪው ምክትል መርማሪውን ጠራና "የአቶ ዳዊት ባለቤትን የመጥፋት ኬዝ ከያዘው የፖሊስ ጣቢያ ጋር ግንኙነት ፍጠር ይሄ ነገር እንዳሰብነው ቀላል አይደለም። አሁኑኑ በፍጥነት ይሁን ለምን እንደጠፋች በምን ምክንያት እንደጠፋች የተቀበሉትን ቃል ከመረመረው ፖሊስ ማየት አለብህ ምን አልባት አቶ ዳዊት እዛ የሆነ ፍንጭ ሊተው ይችላል። ወይም ደግሞ መረጃ ሊያስቀምጥ ይችላል።እና ደግሞ አሁን እሱን ይበልጥ ተከታተሉት።"አለ ዋና መርማሪ "እሺ አለቃ እንዳልክ "አለና ሊወጣ ሲል "የወይዘሪት ማህደር ጉዳይስ?"........!?!?!?!

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_98 𖥧𖤣

... የወይዘሪት ማህደር ጉዳይስ?"አለ "አለቃ የእሷን ጉዳይ የሚከታተል አንድ ሰው መድቤ በደንብ እየተከታተላት ነው። በቅርቡ ጥሩ መረጃ ይዞ ይመጣል ብዬ አስባለሁ።"አለ "ጥሩ እንፍጠን መፍጠን አለብን 'ጊዜ የማያዳላ ዳኛ ነው። time is the best arbiter ' ይላል ራሻዊው ደራሲ ፊዮዲዬር ዶስቶቭስኪ ስለዚህ በደንብ መፍጠን አለብን ተጋጣሚዎቻችን ከእኛ በበለጠ ተጠናክረዋል ይሄ ጉዳይ ወደ አንድ ሚስጢር ሊወስደን ይችላል።"አለ ዋና መርማሪ ኮሚሽነር መላኩ ይርዳው "እሺ አለቃ ሌላ ደግሞ ያልነገርኩህ ማህደር ከዚህ.ከምርመራ እንደወጣች ደውላ ያገኘችው ሰው ዳዊት ነው"አለ ምክትል መርማሪ " ገምቻለሁ ሁሉም ፍንጮች እየወሰዱን ያሉት ወደ እሱ ነው። ግን እስካሁን ማስረጃ የለንም። ሰላማዊት የግድ ታስፈልገናለች። እሷን መፈለግ አለብን"አለ ኮሚሽነር መላኩ " እንፈልጋታለን "አለና ምክትል መርማሪ አወቀ ቢሆነኝ የፖሊስ ሰላምታ ሰጥቶት ወጣ......

○○○○○
ከብዙ አድካሚ ሕክምና በኋላ የቀዶ ጥገና ስፔሻሊስቶቹ የሙሉሰውን ቀዶ ጥገና በተሳካ ሁኔታ ጨረሱ የጥይቱን ቀለሃ አወጡት። ብዙም አልገባም ነበር። አሁን ከነበረበት ትንሽ ገብቶ ቢሆን በሕይወት ላይተርፍ ይችል ነበር። ግን እንደ እድል ሆኖ ተርፏል። አለ አንደኛው ሐኪም ሌላኛው በአዎንታ ራሱን ነቀነቀለት። "እሽ ጥሩውን ዜና አሁን ለቤተሰቦቹ ሄጄ ልንገራቸው" አለ አንደኛው ሐኪም።

ሐኪሙ ከቀዶ ጥገና ክፍል ሲወጣ እንደተለመደው ቀዳማዊና እዝራ ሰፍ ብለው ወደ ዶክተሩ ተጠግተው "እ ዶክተር "አሉ በአንድ ላይ። ወይዘሮ ሔዋን ቁጭ ብላ በሚያሳዝን አስተያየት በአይኖቿ ሐኪሙን ስለ ባሏ መሪር ነገር እንዳይናገር ሞቷል ሄዷል እንዳይላት ትማፀነዋለች። ሐኪሙ አሳዘነችው 'አንቺ የታካሚው ባለቤት ነሽ?''አለ ''አ አ አዎ ዶክተር አለች ወይዘሮ ሔዋን በሚንቀጠቀጥ ድምጿ።

አሁን ከመቼውም ጊዜ በላይ ፈራች። የቁርጥ ቀን የደረሰ መሰላት። " እባክህ ዶክተር ንገረኝ እባክህ ጉልበቴ እየከዳኝ ነው። ራሴ ራሴን መሸከም አቅቶታል ብላ አይኖቿን.አንከራተተቻቸው።"እባክህ ዶክተር ንገረን እንደምታያት ደሕና አይደለችም። ያለፉት ጊዚያት ለእሷ በጣም ከባድ ነበሩ'አለ አዝራ ፊቱን ወደ ወይዘሮ ሔዋን አዙሮ "እሺ እሺ የባለቤትሽን ሕይወት ማትረፍ ችለናል። እንኳን ደስ አለሽ አላችሁ። አንዳንድ ሕክምና እናድርግለትና ታዩታላችሀሁ። "አለ ሐኪሙ

ሔዋን ሐኪሙ ላይ ዘላ ተጠመጠመችበት "በጣም ነው የማመሰግነው ዶክተር እግዚአብሔር ይመስገን"ብላ አለቀሰች " ኧረ የምን ማልቀስ ነው እመቤት አሁን ምንም የሚያስለቅስ ነገር የለም። ሁሉም ነገር ተስተካክሏል። "አለና ሐኪሙ ትቷቸው ሔደ።


ቀዳማዊ እንደ አዲስ የተወለደ መሰለው። ስንት ጊዜ ነው ግን እንደ አዲስ የተወለደው? ፊቱ በብርሃን ተሞላ። ወይዘሮ ሔዋን እዝራን "በጣም ነው የማመሰግነው የኔ ወንድም ስለ ሁሉም ነገር አንተ ባትኖር ምን አልባት አሁን ላይ ባሌን በሕይወት ማግኘት አልችል ይሆን ነበር።"አሁን ሔደህ አረፍ ማለት ትችላለህ። ለማየት ሲፈቀድልን እደውልልህና ትመጣለህ። "አለች "እሺ ወይዘሮ ሔዋን በዜናው በጣም ተደስቻለሁ ስለዚህ ለባለቤቴም ብነግራት መልካም ነው።''አለና ተነስቶ ወጣ እዝራን ሸኝታ ዘወር ስትል ቀዳማዊ አንገቱን ሰበር አድርጎ ዝም ብሎ መሬት መሬቱን ይመለከታል። ወይዘሮ ሔዋን ዝም ብላ ስትመለከተው ከቆየች በኋላ ወደ ቀዳማዊ ተጠጋችና አቀፈችው። "አሁን ሁሉም ነገር ተስተካክሏል እሺ ልጄ ሙሉሰው በሕይወት ተርፏል። ስለምንም ነገር አታስብ ከዚህ በኋላ በምንም አይነት መልኩ ብቻውን አንተወውም" አለች። ቀዳማዊ ግን በድጋሚ ይሄ ነገር ላለመፈጠሩ እርግጠኛ መሆን አልቻለም። ፊቱ ላይ የተፈጠረው ነገር ተደቀነበት። ያን ምሽት አስታወሰው።


○○○○○
ዋና መርማሪ መላኩ የአቶ ሙለሰውን መትረፍ ሲሰማ ትልቅ እረፍት ተሰማው። "እና አሁን በመልካም ጤንነት ላይ ነው የሚገኘው?''አለ ዋና መርማሪ ኮሚሽነር መላኩ "አዎ አለቃ "አለ ምክትል መርማሪ "እንዴት ደስ ይላል በል አሁኑኑ ከፍተኛ ጥንቃቄ ይደረግ ሊገድለው የሞከረው ሰው መትረፉን ሲያውቅ ሊጨርስ መምጣቱ አይቀርም። ስለዚህ መጠበቅ አለብን። የሆነ ሀይል ወደ ሆስፒታሉ ላክና እንዲጠብቁት አድርግ። ከዚህ በኋላ አንድ ነገር ቢሆን በእኛ ጥፋት ነው። ስለዚህ ምንም አይነት ስህተትና መዘናጋት መኖር የለበትም። አለ ዋና መርማሪ "እሺ ኮሚሽነር እንዳልከኝ አሁኑኑ የተወሰኑ የፖሊስ ሀይል እልካለሁ። ከዚህ በኋላ ምንም አይነት ስህተት አንሰራም።"አለ ምክትል መርማሪ

"ጥሩ የማህደርን ጉዳይስ ከምን አደረስከው? እንዴት እየሄደልህ ነው?"አለ "ነግሬህ የለ አንድ ሰው እንደመደብኩ እሱ እየተከታተላት ነው። " " ምን ያህል ጎበዝ ነው?''አለ ዋና መርማሪ የሚናገረውን ሳያስጨርሰው። " በጣም ብልህ ጎበዝ አስተዋይና ጠንቃቃ ነው።'' አለ ምክትል መርማሪ "እሺ ለማንኛውም በምንም ታዕምር የሚከታተላት ሰው እንዳለ ማወቅ የለባትም።".ብሎ ወጣ.......


🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_99 𖥧𖤣

... ከብዙ አድካሚ ሕክምና በኋላ የቀዶ ጥገና ስፔሻሊስቶቹ የሙሉሰውን ቀዶ ጥገና በተሳካ ሁኔታ ጨረሱ የጥይቱን ቀለሃ አወጡት። ብዙም አልገባም ነበር። አሁን ከነበረበት ትንሽ ገብቶ ቢሆን በሕይወት ላይተርፍ ይችል ነበር። ግን እንደ እድል ሆኖ ተርፏል። አለ አንደኛው ሐኪም ሌላኛው በአዎንታ ራሱን ነቀነቀለት። "እሽ ጥሩውን ዜና አሁን ለቤተሰቦቹ ሄጄ ልንገራቸው" አለ አንደኛው ሐኪም።

ሐኪሙ ከቀዶ ጥገና ክፍል ሲወጣ እንደተለመደው ቀዳማዊና እዝራ ሰፍ ብለው ወደ ዶክተሩ ተጠግተው "እ ዶክተር "አሉ በአንድ ላይ። ወይዘሮ ሔዋን ቁጭ ብላ በሚያሳዝን አስተያየት በአይኖቿ ሐኪሙን ስለ ባሏ መሪር ነገር እንዳይናገር ሞቷል ሄዷል እንዳይላት ትማፀነዋለች። ሐኪሙ አሳዘነችው 'አንቺ የታካሚው ባለቤት ነሽ?''አለ ''አ አ አዎ ዶክተር አለች.ወይዘሮ ሔዋን በሚንቀጠቀጥ ድምጿ።

አሁን ከመቼውም ጊዜ በላይ ፈራች። የቁርጥ ቀን የደረሰ መሰላት። " እባክህ ዶክተር ንገረኝ እባክህ ጉልበቴ እየከዳኝ ነው።ራሴ ራሴን መሸከም አቅቶታል ብላ አይኖቿን አንከራተተቻቸው።"እባክህ ዶክተር ንገረን እንደምታያት ደሕና አይደለችም። ያለፉት ጊዚያት ለእሷ በጣም ከባድ ነበሩ'አለ አዝራ ፊቱን ወደ ወይዘሮ ሔዋን አዙሮ "እሺ እሺ የባለቤትሽን ሕይወት ማትረፍ ችለናል። እንኳን ደስ አለሽ አላችሁ። አንዳንድ ሕክምና እናድርግለትና ታዩታላችሁ። "አለ ሐኪሙ

ሔዋን ሐኪሙ ላይ ዘላ ተጠመጠመችበት "በጣም ነው የማመሰግነው ዶክተር እግዚአብሔር ይመስገን"ብላ አለቀሰች " ኧረ የምን ማልቀስ ነው እመቤት አሁን ምንም የሚያስለቅስ ነገር የለም። ሁሉም ነገር ተስተካክሏል። "አለና ሐኪሙ ትቷቸው ሔደ።

ቀዳማዊ እንደ አዲስ የተወለደ መሰለው። ስንት ጊዜ ነው ግን እንደ አዲስ የተወለደው? ፊቱ በብርሃን ተሞላ። ወይዘሮ ሔዋን እዝራን "በጣም ነው የማመሰግነው የኔ ወንድም ስለ ሁሉም ነገር አንተ ባትኖር ምን አልባት አሁን ላይ ባሌን በሕይወት ማግኘት አልችል ይሆን ነበር።"አሁን ሔደህ አረፍ ማለት ትችላለህ። ለማየት ሲፈቀድልን እደውልልህና ትመጣለህ። "አለች "እሺ ወይዘሮ ሔዋን በዜናው በጣም ተደስቻለሁ ስለዚህ ለባለቤቴም ብነግራት መልካም ነው።''አለና ተነስቶ ወጣ.

እዝራን ሸኝታ ዘወር ስትል ቀዳማዊ አንገቱን ሰበር አድርጎ ዝም ብሎ መሬት መሬቱን ይመለከታል። ወይዘሮ ሔዋን ዝም ብላ ስትመለከተው ከቆየች በኋላ ወደ ቀዳማዊ ተጠጋችና አቀፈችው። "አሁን ሁሉም ነገር ተስተካክሏል እሺ ልጄ ሙሉሰው በሕይወት ተርፏል። ስለምንም ነገር አታስብ ከዚህ በኋላ በምንም አይነት መልኩ ብቻውን አንተወውም" አለች።

ቀዳማዊ ግን በድጋሚ ይሄ ነገር ላለመፈጠሩ እርግጠኛ መሆን አልቻለም። ፊቱ ላይ የተፈጠረው ነገር ተደቀነበት። ያን ምሽት አስታወሰው።

○○○○○
ዋና መርማሪ መላኩ የአቶ ሙለሰውን መትረፍ ሲሰማ ትልቅ እረፍት ተሰማው። "እና አሁን በመልካም ጤንነት ላይ ነው የሚገኘው?''አለ ዋና መርማሪ ኮሚሽነር መላኩ "አዎ አለቃ "አለ ምክትል መርማሪ "እንዴት ደስ ይላል በል አሁኑኑ ከፍተኛ ጥንቃቄ ይደረግ ሊገድለው የሞከረው ሰው መትረፉን ሲያውቅ ሊጨርስ መምጣቱ አይቀርም። ስለዚህ መጠበቅ አለብን። የሆነ ሀይል ወደ ሆስፒታሉ ላክና እንዲጠብቁት አድርግ። ከዚህ በኋላ አንድ ነገር ቢሆን በእኛ ጥፋት ነው። ስለዚህ ምንም አይነት ስህተትና መዘናጋት መኖር የለበትም። አለ ዋና መርማሪ "እሺ ኮሚሽነር እንዳልከኝ አሁኑኑ የተወሰኑ የፖሊስ ሀይል እልካለሁ። ከዚህ በኋላ ምንም አይነት ስህተት አንሰራም።"አለ ምክትል መርማሪ

"ጥሩ የማህደርን ጉዳይስ ከምን አደረስከው? እንዴት እየሄደልህ ነው?"አለ "ነግሬህ የለ አንድ ሰው እንደመደብኩ እሱ እየተከታተላት ነው። " " ምን ያህል ጎበዝ ነው?''አለ ዋና መርማሪ የሚናገረውን ሳያስጨርሰው። " በጣም ብልህ ጎበዝ አስተዋይና ጠንቃቃ ነው።'' አለ ምክትል መርማሪ "እሺ ለማንኛውም በምንም ታዕምር የሚከታተላት ሰው እንዳለ ማወቅ የለባትም።"ብሎ ወጣ


ዋና መርማሪ ኮሚሽነር መላኩ ጥቁር አንበሳ ሆስፒታል እንደደረሰ.ከሔዋን ጋር ተቀምጦ ሙሉሰው በመትረፉ በጣም እንደተደሰተና እንኳን ደስ አለሽ ብሏት ምን አልባት ያልነገረችው ነገር እንዳለ በማሰብ የተወሰኑ ጥያቄዎችን ጠይቋት ተሰናብቷት ወጣ።

ማህደር የሙሉሰውን መትረፍና በሕይወት መኖር ስትሰማ እየሮጠች ወደ ሆስፒታል መጣች። እንደደረሰች በደስታ አለቀሰችና ሔዋን ላይ ተጠመጠመችባት።......!!!!???

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_100 𖥧𖤣

... እንደደረሰች በደስታ አለቀሰችና ሔዋን ላይ ተጠመጠመችባት። "ምን ያህል ደስ እንዳለኝ አታውቂም ፈጣሪ ሆይ ተመስገን ለአንተ ምን ይሳንሀል"አለች ማህደር ። ሔዋን በንቀት ስትመለከታት ከቆየች በኋላ"ሰምተሽኛል ፈጣሪ እንደ አንቺ መሰሪነት ና እንደወንድምሽ ሰይጣንነት አይደለም። ለእኔና ለልጆቼ ሲል ይሄው.በሕይወት ኖረልን፡ አንቺና ወንድምሽ ግን እኔን ያለ ባል ልጆቼን ያ አባት ልታስቀሯቸው ነበር። እናንተ ክፉዎች። ነገር ግን እግዚአብሔር እንባዬን ተመለከተና አበሰልኝ። አየሽ ሰው ምን ያህል ክፉ ቢሆንና የፈለገውን መጥፎ ነገር ቢያደርግ ፈጣሪ ካልፈቀደ በቀር ምንም ማድረግ አይችልም። ፈጣሪ ደግሞ አላዛርን ከመቃብር ያነሳ ጌታ ነው፡፡ ለእሱ ምንም የሚሳነው ነገር የለም"አለችና በንቀት ተመለከተቻት።

ደግሞ በደንብ ይሻለውና አንቺንም ልክ እንደ ዳዊት ሙሉበሙሉ ከሕይወቱ እንዲያስወጣሽ አደርገዋለሁ። ለአንቺ ክፉ አልነበርኩም ሆኜም አላውቅም። ነገር ግን አንቺም የምትፈልጊውን ሰው መርጠሽ እየጠበቅሽ ነው። እኔም የምፈልገውን ና የምወደውን ባሌን መጠበቅ ይኖርብኛል። እና ደግሞ ከዚህ በኋላ በዙሪያችን አታንዣቢ። በርግጥ ለምን ወደዚህ አስር ጊዜ እንደምትመጪ አውቃለሁ መሞቱን ና አለመሞቱን ለማረጋገጥ በይ ሒጅና ለወንድምሽ ሙሉሰው ተርፏል። እስኪ ሆስፒታል መጥቶ ይጨርሰው እንደሁ እናያለን። በይ ሒጅ ንገሪው"አለችና በአገጯ መውጫውን በር ጠቆመቻት

"ሰማሽ አንቺ የሚመለከትሽን ያህል ሳይሆን ከሚመለከትሽ በላይ ስለ ወንድሜ የሚያሳስበኝ እኔ ነኝ። ምንም እንኳ አሁን ብንጣላም። ስለዚህ በስርዓቱ ተናገሪ እስካሁን ዝም ያልኩሽ ጥሩ ስሜት ላይ አይደለሽም ብዬ ነው። አሁን ግን አበዛሽው ሁለተኛ በማላውቀው ጉዳይ አትክሰሽኝ የእሱ መትረፍ ከምንም በላይ ያስደሰተኝ እኔን ነው። "አለች ማህደር ተናዳ ወደ ሔዋን ተጠግታ "በይ እሺ አሁን ከዚህ ሒጅልኝ ሁለተኛ እንዳትመጪ አንቺም ሆነ ወንድምሽ ገደል ግቡ። አንቺ የበለሻበትን ትሪ ሰባሪ ነሽ ለሙሉሰው ነው ጀርባሽን ሰጥተሽ አንድ ቀን ዘወር ብሎ ላላየሽ ሰው አብረሽ ምንም የማያውቀውን ባሌን ልታስገድሊው ያቀድሺው የሆንሽ የማትረቢ ከሀዲ ደግሞ እኔ ነኝ በጣም ያዘንኩት በመትረፉ ደስ ያለኝ ከአንቺ በላይ እኔ ነኝ ትለኛለች እንዴ? ሆ የማትረባ አለች

ማህደር ሔዋንን እያመናጨቀች ከሆስፒታሉ ከወጣች በኋላ የኢትዮጵያ ቴሌቪዥን መስሪያቤት ስትደርስ ስልኳን አውጥታ ደወለች።"ምን ፈለግሽ ደግሞ ስልክ እንዳትደውይልኝ ብዬሽ አልነበር?''አለ ዳዊት "አስቸኳይ ነው የት ነው ያለኸው? ወይ ያለህበት መምጣት እችላለሁ።"አለች ማህደር "አይ መምጣት የለብሽም ቢሮ ነኝ። እኔ ራሴ እመጣለሁ የት አካባቢ ነሽ?"አለ "አሁን ብሔራዊ አካባቢ ነኝ" "ጥሩ በአስራአምስት ደቂቃ ውስጥ እመጣለሁ ብሔራዊ ጠብቂኝ "ብሎ ስልኩን ከዘጋው በኋላ ለፅኃፊው ባለ ቀጠሮ ካለ ሌላ ጊዜ እንዲመጡ እንድታደርግ ነግሯት ወጣ።

ፅኃፊዋ.በሰሞኑ የዳዊት ሁኔታ ግራ በመጋባት ትዕዛዙን ተቀብላ ተቀመጠች። ማህደር ብሔራዊ ተቀምጣ ቡናዋን እየጠጣች ድንገት ሳሙኤል ትዝ ሲላት ባለፈው ከእሷ ጋር ከመተዋወቁ በፊት ተቀምጦበት የነበረው ወንበር ላይ ስትመለከት ሳሙኤል ተቀምጦ ከእሷ አቅጣጫ በ ሰሜን ዙሮ አየችው። ለትንሽ ደቂቃ ያህል ከተመለከተችው በኋላ "ሲያሳዝን!"አለች።"

ፍቅር ከማዘን ይጀምራል። በኋላ የምንወደው ወይም የምናፈቅረው ሰው መጀመሪያ ልባችን ውስጥ በእዘኔታ ነው የሚገበው ከዛ ያለምንም ሀይል እዛው ይቀመጣል አለ ማህደር ድንግጥ ብላ ዘወር ስትል ዳዊት ነበር።"እንዴ ወንድሜ መጥተሀል እንዴ? ለምን ቆምክ ቁጭ በል እንጂ "አለች እያፈረች። "እኔ እኮ ለሆነ ብርቱ ጉዳይ የቀጠርሽኝ መስሎኝ ነበር። አንቺ ግን የምትወጂውን ሰው ልታሳይኝ ነው መሰል የቀጠርሺኝ አለ "ኧረ አይደለም ዴቭ ልጁ ባለፈው እዚሁ ተቀምጦ ነው ያገኘሁትና በጣም የሚያሳዝን ታሪክ አለው። በጣም የተጎዳ ልጅ ነው ለዛ ነው ሳየው ያዘንኩት እና ምንም ደግሞ አንተዋወቅም በደንብ አንድ ቀን ብቻ እዚህ እኔም ብቻየን ሆኜ ሳለ አለች

"እሺ ችግር የለም መውደድም ሆነ ማዘን መብትሽም ምርጫሽም ነው። አሁን ወደ ጉዳዬ ልግባና ለምንድነው የፈለግሺኝ?"አለ "የፈለኩህ እባክህ ወንድሜ ራስህን ጠብቅ በተቻለህ መጠን መረጃዎችን ለማጥፋት ሞክር ምንም ያህል ወንድሜ ላይ ብታስተኩስበትም አንተም ወንድሜ ነህ እኩል ነው የምወዳችሁ። እና ሙሉሰውን ልታስገድለው እንደሞከርክ ከታወቀ እስር ቤት ትገባለህ የሰውን ነፍስ ለማጥፋት በመሞከር ተብለህ ነው የምትከሰሰው ቅጣቱም ብዙ ነው ስለዚህ ተጠንቀቅ። ያ መርማሪ ከኋላ ሁኖ እንደ ውሻ እያነፈነፈ ነው። ሊደርስብህ ይችላል ። አሁን ደግሞ ሙሉሰው ስለነቃና በጥሩ ሁኔታ ላይ ስለሆነ ቅሬታና ክስ ከመሰረተብህ ያኔ ያልቅልሀል።"አለች "ምን ሙሉሰው ተረፈ?"አለ በድንጋጤ ከተቀመጠበት ብድግ ብሎ.......!¡!!!????????¿¿¿¿

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_101 𖥧𖤣

... ምን ሙሉሰው ተረፈ?"አለ በድንጋጤ ከተቀመጠበት ብድግ ብሎ "አዎ ተርፏል። አሁን እዛ ነበርኩ። ሔዋን እንደ እብድ እያደረጋት ነው። አንተ እና እኔ በጋራ ሆነን እንዳደረግነው ነው የምታስበው ሁሉም ነገር አሁን ከባድ ሆኗል ከዚህ በኋላ እኔና አንተ ራሱ በምስጢር ነው መገናኘት ያለብን። "አለች አይ አይሆንም በምስጢርም አንገናኝም ከእኔ ጋር ትኖሪያለሽ። አብረን ነው መኖር ያለብን 'አለ ዳዊት "እሺ እንዳልክ በል ይሄን ልንገርህ ብዬ ነው"አለችና ተነሳች "ወደ የት ልትሄጅ ነው?"አለ "ወደ ጊቢ መሄድ አለብኝ ሰሞኑን በዚህ ጉዳይ ተዘናግቻለሁ እዛ ደግሞ ምን እየተፈጠረ እንደሆነ ማወቅ አለብኝ" አለች "ጥሩ ስትጨርሺ ደውይልኝ መጥቼ እወስድሻለሁ። አሁን እንዳላደርስሽ እቸኩላለሁ"አለ ና አብሯት ተነሳ። "ችግር የለውም እንደተለመደው እመጣለሁ ስራህን ጨርስና ባለቤትህንም መፈለግ እንዳትረሳ ብላው ሔደች።

" አሁን አውርተው ተለያዩ። ብዙም ያሉትን አልሰማኋቸውም ግን ዳዊት የተደናገጠ ይመስላል።"አለ " ይሄ መረጃ አይደለም። የሆነ ነገር ፈልግ ብቻ እንዴትም አድርገህ አምጣ ፈልግ የመረጃ እጥረት ላይ ነን። ማስረጃ ያስፈልገናል። ካልሆነ ሊቀድሙንና ተጨማሪ ጥፋት ሊያደርሱ ይችላሉ ተረድተኸኛል አይደል?"አለ ምክትል ኮሚሽነር አወቀ "አዎ አለቃ እንደምንም ብዬ አመጣለሁ።የቻልኩትንና የአቅሜን ያህል"አለ

ማህደር ዳዊትን ሸውዳ መሄዱን ካረጋገጠች በኋላ ተመለሰችና ሳሙኤል የተቀመጠበት ወንበር ተቀመጠች። ሰላም ነሽ ማህደር? እንዴት እዚህ መሆኔን አወቅሺ?"አለ "ቅድም ነው ያየውህ ወንድሜ ጋር እያወራሁ ሳለ እና እሱ ስለነበረ መምጣት አልቻልኩም። "አለች "ችግር የለም እኔ ግን አላየኋችሁም። ማለቴ ያው አንቺ ወደ ተቀመጥሸበት አቅጣጫ ስላላየሁ ነው እንጂ ባይ ኖሮ አይሽ ነበር ብሎ ፈገግ አለ። "አሁን ታዲያ ወንድምሽን የት ሸኝተሺው መጣሽ?" " ወደ ዩኒቨርሲቲ ነው የምሄደው አልኩትና ሸውጄው ተመልሼ መጣሁ። " " እንኳን መጣሺ ደብሮኝ ነበር። " አለ ሳሙኤል "ምን ሁነህ ነው የደበረህ?" አለች ማህደር "ተይው እኔ ድብርት አያጣኝም ለማንኛውም ከወንድምሽ ጋር ምን እያወራችሁ ነበር። አጭር ደቂቃ የቆያችሁት?''አለ ሳሙኤል " ምን እናወራ ብለህ ነው ያው እንደተለመደው አንዳንድ ነገሮች ላይ ለምሳሌ ወንድሜ ከሞት ተርፏል። ስለ እሱ እየነገርኩት ነበር። "አለች " ደስ ሲል "አለ "ምኑ ነው ደስ የሚለው?"አለች " ወንድምሽ ነዋ ስለ ወንድምሽ ደህንነት ና ጤንነት ስለሚያሳስበው አይደል አንቺን የሚጠይቅሽ?''አለ "እ እ ብለህ ነው?"አለች ዝም አለች።

" ምነው ቅር ያለሽ ትመስያለሽ " "ኧረ ቅር አላለኝም ለምን ቅር ይለኛል። ያልከውን እያሰብኩት ነበር። "አለች "አንድ ነገር ልንገርሽ የሆነ ነገር በተናገርኩ ቁጥር የምትቆዝሚ ሀሳብ የሚገባሽ ከሆነ አላወራሽም። ወይ ያለብሽን ችግርና ሀሳብ ነግረሽኝ በነፃነት ላውራሽ፡፡ እኔ በበኩሌ ለእኔ ብቻ የያዝኩትን ምስጢር ሳይቀር ነው የነገርኩሽ አንቺ ግን ብዙ የያዝሻቸው ምስጢሮች አሉሽ። እሱ ደግሞ እኔን ይረብሸኛል ምክንያቱም በነፃነት እንዳወራሽ አያደርገኝም። እና ከቻልሽ ንገሪኝ ካልቻልሽ ደግሞ ቢያንስ የሆነ ነገር እንዳልነገርሽኝ የሚያሳይ ሁኔታ ባታሳይኝ ደስ ይለኛል። ያው እኔን ስለሚረብሸኝ ነው"አለ ሳሙኤል።

ማህደር ግራ በመጋባት ትንሽ ከተመለከተችው በኋላ " ይሄን ያህል የረበሸህ አልመሰለኝም ነበር። በጣም ይቅርታ እሺ "አለች " ችግር የለውም ያን ያህል እንኳ አታጋኝው ይቅርታ የሚያስጠይቅ ጉዳይም አይደለም። በርግጥ የሰው ልጅ የራሱ የሆነ ምስጢር ይኖረዋል። እንኳን ለሌላ ሰው ይቅርና ለራሱ መንገር የሚያስጠላው ቢሆንም ግን ሁለታችን ስንገናኝ በራሳችን ችግሮች ተጠምደን ጊዚያችንን አሰልቺና አስቀያሚ እንዳናደርገው ብዬ ነው እንጂ አንቺን ለመጫን አስቤ አይደለም። ይሄን እንድትረጂኝ እፈልጋለሁ።"አለ ሳሙኤል ፍፁም በሆነ ፈገግታ "ተስማምቻለሁ ከዚህ በኋላ በጭራሽ እስካሁን የተፈጠረው ነገር አይፈጠርም ። ካለና በጣም የሚረብሸኝ ከሆነ ደግሞ ወይ እነግርሀለሁ ወይም ደግሞ አላገኝህም" ብላ ትንሽ ከቆየች በኋላ " ግን የሚገርም ነው። በሁለተኛ ቀን መገናኘት ብዙ ነገር እያወራን ነው። የማይታመን ነገር እኔ እንደዚህ በአጭር ጊዜ ሰው ተግባብቼና ለረዝም ጊዜ እንደማውቀው ሰው ተሰምቶኝ አያውቅም። በጣም ነው የገረመኝ አለች ማህደር "ኧረ ባክሽ ሳይቀድመኝ ልቅደመው ነው? ግን እንደኔ አይሆንም። እኔ እኮ ሁሉንም ችግሮቼን ነው የረሳሁት። ይሄን ሁኔታየን እናቴና እህቴ ቢያዩ ምን ያህልደስ እንደሚላቸውና እንደሚያመሰግኑሽ "አለ " ይሄ ሁሉእንኳ ይገባኛል ብዬ አላስብም ያደርጉልኛል ብዬም አላስብም።" " እሱ ስላላጋጠመሽ ምንም ማለት አትችይም".

○○○○○○○○
"እናንተ መሀይሞች አፈር ብሉ! እንዴት ነው ያመንኳችሁ እ? በፍጹም ማመን አልነበረብኝም። ብቻ ለዚህ ስራችሁ ዋጋ ትከፍላላችሁ። "አለ ዳዊት በጣም ከመጠን በላይ በመናደድ "አይ ጌታዬ አስተማማኝ ቦታ ላይ ነበር እኮ የወጉት ወይ ሰውየው በጥይት አይሞት ይሆናል ማለት ነው እንጂ የማይተርፍበት ቦታ ነበር የመታነው።"አለ "ዝም በል የማትረባ አሁን አስተካክሎ መምታት ያቅታችኋል ጠጋ ብላችሁ" እንደዛማ ከባድ ነው። ወይ ካልሆነ አሁን ሆስፒታል ሄደን እንጨርሰው?"አለ ኩራትና ጀብደኝነት
በተሞላው አነጋገር .......

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_102 𖥧𖤣

... ካልሆነ አሁን ሆስፒታል ሄደን እንጨርሰው?"አለ ኩራትና ጀብደኝነት በተሞላው አነጋገር "ኧረ ባክህ እውነትህን ነው ይሻላል?' አለ ዳዊት "አዎ አዎ "አለ "ኧረ ደግሞ ዝም ብል ማነው አንተን ያገናኘኝ ጂል ነህ እንዴ ጭራሽ ደግሞ እዛው ሂጄ ልያዝ እያልከኝ ነው? አሁን በፖሊሶች እየተጠበቀ እንደሆነ አጣኻው? ደግሞ ያ መርማሪ ይሄኔ ውሎና አዳሩ ሆስፒታል ነው። ብሽቅ! ትንሽ ማስረጃ የው የሚፈልገው እኔን ለማሰር" አለና "ስለዚህ ከዚህ በኋላ ምንም የምናደርገው ነገር የለም። እናንተም አርፋችሁ ተቀመጡ። እኔ ምንም ሳልላችሁ አንድ ነገር ለማድረግ እንዳታቅዱ" አለ ዳዊት "እሺ ጌታዬ ምንም አናደርግም ግን መጨረስ ያለብን ነገር ካለ እባክህ ንገረኝ " "ደግሞ ንገረኝ ትላለህ ? የእናንተ ስራ እኮ አየሁት የተሻለ ስራ መጠየቅ ብቻ ነው የእናንተ አቅም ሌላ ምንም የምትችሉት ነገር የለም?" ብሎ ቸው እንኳ ሳይለው ስልኩን ዘግቶ ወደ አንድ ስልክ ደወለ።

የደወለለት ስልክ አላነሳ ሲለው "ምን ሆኖ ነው ስልኬን የማያነሳው?" ብሎ በሌላኛው ስልኩ ደወለለት። ገና በመጀመሪያው ጥሪ ከወዲያኛው ስልክ "ሀሎ ዳዊት
"የሚል ፈጣን ምላሽ አገኘ። ዳዊት ግራ እየተጋባ " አሁን ደውየልህ ስልክ አታነሳም።'' አለ "አዎ ስራ ላይ ስለነበርኩ ና ያው ስስኩንም ስለማላቀው ነው አለ ።ይሄኔ ዳዊት ትዝ አለው። ለካ ሁለት ሲም ካርድ ነው ያለው አንደኛው ለምስጢራዊ ስራ ሌላኛውን ደግሞ ለዋና ስራ የሚገለገልበት መስመር እንደሆነ "አዎ አዎ ልክ ነህ ስህተቱ የኔ ነው በማታቀው ስልክ መደወል አልነበረብኝም "እኔ ምልህ ይሄኛው ሲም ሳንቲም ስሌለው በዛኛው ልደውልልህ አሁኑኑ አንሳው አለ ዳዊት "እሺ አቶ ዳዊት 'አለ

"ብራቮ ብራቮ ዳዊት "አለ ደመቅ አድርጎ እያጨበጨበ " አለቃ ሁለት ስልክ ነው ያለው እስካሁን ምንም አይነት ነገር ያልገባልን ለዛ ነው። አሁን ሁሉም ነገር ግልፅ ነው። ወንጀል የሚያስፈፅምበት ስልኩን እኛ አናውቀውም በእርግጠኝነት ይሄኛውን ስልክ እንደምንጠልፈው እርግጠኛ ነበር አለ ረዳት መርማሪው "አሁን ለተጨማሪ ጥያቄ እንጥራው አለ ዋና መርማሪ ''እሺ ብሎ ረዳት መርማሪው ወጣ።

ዋና መርማሪ ኮሚሽነር መላኩ ራሱን እየነቀነቀ ፊትለፊቱ ከተሰቀሉት ፎቶዎች መሀል የዳዊትን ፎቶ በቀይ ማርከር አከበበውና የእጁን መዳፍ አገጩ ላይ አስደግፎ "እንዴት አድርገህ ነው ያደረከው?" ብሎ ትንሽ ካሰበ በኋላ ደግሞ . አይኑን ወደ ሌላኛው ፎቶ አደረገ የማህደር ፎቶ ላይ 'አንቺስ በምን መልኩ ነው እዚህ የግድያ ሙከራ ላይ የተሳተፍሽው በምን መልኩ? እንዲገደል የተፈረደበትን ሰው ሳታውቂ ነው ወይስ እያወቅሽ? እያወቅሽ ከሆነስ እንዲህ ያሳደገሽ ወንድምሽ ላይ ለመጨከን የሚያበቃ ምን አድርጎሽ? ወይስ የወንድምሽን ገመና ለመጠበቅ? ለሁሉም ጥያቄዎቼ መልስ የማገኘው በጣም በቅርቡ ነው።

የሁላችሁም በር ላይ መቆሜ አይቀርም እያለ በሩ ተንኳኳ "ይግቡ "አለ ከጥያቄ ሀሳቦቹ ጋር ለጊዜውም ቢሆን በመፋታት "ምክትል መርማሪ አወቀ ነበር። የፖሊስ ሰላምታ ተለዋወጡና ተቀመጡ "እሺ ምን አዲስ ነገር አለ? መቼም አዲስ ነገር ተገኝቷል።"አለ ዋና መርማሪ "አዎ አዲስ ነገሩ ግን ግራ የሚያጋባ ነው። ወይዘሮ ሰላማዊት ወደ ቤተሰቦቿም ሆነ ወደ ቅርብ ጓደኛዋ አልሄደችም! " "ምን? ቤተሰቦቿንም ጓደኛዋንም ጠይቃችኋል?" "አዎ ሁላቸውንም ጠይቀናቸዋል። ምን አልባት ብለን እንኳ የሆነ ፍንጭ ብናገኝ ብለን አቶ ሙሉሰው የተተኮሰበትን እለት ሁሉ ስንነግራቸው የሆነ መረጃ ብንጠብቅም ነገር ግን ሁላቸውም ስለዚህ ጉዳይ ምንም የሚያውቁት ነገር እንደሌለ ነው የነገሩን" "እየዋሹ እንዳይሆን 'አለ ዋና መርማሪ በጥርጣሬ " እንደዛ አይመስለኝም ላለማመን ሞክሬ ነበር ግን ከሁኔታቸው የተረዳሁት ምንም ነገር እንደማያውቁ ነው።" " በምርመራ ውስጥ እምነት ወንጀለኛን የማስመለጫ ስስ ጎን ሲሆን በሌላ በኩል ደግሞ የተጎጂዎችን የእረፍት አልባ ሌሊት እድሜ ማርዘም ነው። ስለዚህ ማንንም አትመን ሁሉንም ደግሞ መጠራጠር አለብህ። አንዳንድ ጊዜ የምትፈልገውንና . የሚያስፈልግህን መረጃ ራሱ ቶሎ ልታገኘው ትችላለህ እንዴት ቶሎ እንዳገኘኸው ራስህን መጠየቅ አለብህ። ምክንያቱም መረጃውን ያገኘኽበት መንገድ መረጃውን የማጥፋትና እንዳይደረስበት የማድረግ አንዱ እቅድ ስለሚሆን። አሁንም እነዚህን ሰዎች ብታምናቸውም ግን ትንሽ ደግሞ ልትጠራጠራቸው ይገባል። አሁን ዳዊት ይመጣል ሰዎች እንዲያመጡት ልኪያለሁ።" አዲስ ነገር አለ?" " አዎ በደንብ አዲስ ነገር አለ አቶ ዳዊት ሁለት ስልክ ነው ያለው። ሁለት ስልክ እንዳለው ያወቅነው በተደበቀው ስልክ ደውሎ አላነሳ ላለው ሰው በዋናው ስልኩ ደውሎ በሌላ ስልክ ደውሎለት እንደነበር ሲነግረው ነው።" ስለዚህ ምስጢራዊ ስራዎቹን የሚሰራው በዚያኛው ስልኩ ነው ማለት ነው። "አዎ እንደዛ ነው ጥርጣሪያችን"


🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_103 𖥧𖤣

... ስለዚህ ምስጢራዊ ስራዎቹን የሚሰራው በዚያኛው ስልኩ ነው ማለት ነው። "አዎ እንደዛ ነው ጥርጣሪያችን" "እና ምንድነው የምናደርገው?" "ሁለት አይነት ዘዴዎች አሉ ያቀድኳቸው የዳዊትን ሌላኛውን ስልክ ለማግኘት... አንደኛው ቴሌዎችን በአቶ ዳዊት ስም የወጣ ሌላ ሲም ካለ ጠይቆ ቁጥሩን ማግኘት ሲሆን ሁለተኛው ደግሞ ያን በስልክ ያወራውን ሰውዬ ስልክ በመያዝ ሄዶ ፖሊስ መሆናችንን ሳናሳውቅ ለስራና ለንዳንድ ነገሮች እንደምንፈልገው አስመስለን ስልክ ቁጥሩን መቀበል"

"አሪፍ ነው ግን ሁለተኛው ማለትም ሰውየው ስልኩን እንዲሰጠን መጠየቁ ላይ የሆነ ፍራቻ አለኝ። ፍራቻዬ ደግሞ ስልኩን እንደሰጠንና ስልኩን የጠየቀው ሰው እንደነበር ደውሎ ከነገረው ዳዊት ሊነቃብን ይችላል። ከነቃ ደግሞ ወይ እንዳላወቀ ሆኖ ሊጫወትብን ይችላል ወይም ደግሞ ምንም ነገር ላይሰራበት ይችላል። ስለዚህ ሰውየውን መጠየቁን ብንተወውና ቴሌዎችን ብንጠይቃቸው ደግሞ የሰውየውን ስልክ ሰጥተናቸው ማን ማን ጋር እንዳወራና ስልክ ቁጥራቸውንም ይነግሩናል። "አለ ምክትል መርማሪ አወቀ

" በትክክል ልክ ነህ። እንደዛ ብናደርግ ይሻላል። ካልሆነ አንተ እንዳልከው ከደወለለት በቀላሉ ይጠቀምብናል። ስለዚህ አሁኑኑ ወደ ቴሌ መስሪያ ቤት መሄድ አለብኝ አለና ብድግ አለ።

○○○○○
"አሁን የምትረዳኝ ነገር አለ..... "አሁን የምታግዘኝ ነገር አለ። በአሁኑ ስአት በወንድሜ የግድያ ሙከራ ጉዳይ ፖሊሶች እኔን ጠርጥረዋል። መጠርጠር ብቻ አይደለም እኔ ላይ ማስረጃ እየፈለጉ ነው። እነሱ የሚያስቡት እኔ እንዳደረኩት ነው። እኔ ደግሞ አላደረኩትም። "አለ ዳዊት " እና አንተ ካላደረከው ለምን አንተ እንዳደረከው አድርገው ይከታተሉሀል?" "የሚከታተሉኝማ ከወንድሜ ጋር ባለኝ ጥልና ቂም መሰረት ነው። ባለቤቱ ስትጠየቅ ዳዊት ነው፡ ከእሱ ውጪ ጠላት የለውም። አለቻቸውና ጭንቅላታቸው ላይ ስሜን አፅፋዋለች።ለዛ ነው።"እሺ እና እኔ እንዴት ነው ልረዳህ የምችለው።"

" አንተ የምትረዳኝ በአንድ ነገር ብቻ ነው። የሆነች ልጅ ከትምህርት ቤት ታሳፍንልኛለህ። '' ከባድ ነገር የምትጠይቀኝ ግን ጠቀም ያለ ገንዘብ ትከፍላለህ ። "እሱ ችግር የለም እኔም እከፍልሃለሁ የታገተባቸው ቤተሰቦችም ይከፍሉሀል።" አለ ዳዊት። በዚህ መሀል ፖሊሶች መጡና ዳዊትን ለጥያቄ ይዘውት ወደ ፖሊስ ጣቢያ ይዘውት ሄዱ። ዳዊት ገና እንዳያቸው ነበር ሁሉም ነገር እንደተበላሸ የገባው። ካሰባቸው በላይ የሆነበት።

ዋና መርማሪ ኮሚሽነር ቴሌ ሄዶ የአንድ የግድያ ወንጀል መርማሪ ኃላፊ እንደሆነ ተናግሮና መታወቂያውን አሳይቶ የሚፈልገውን በሙሉ ጠይቆ ያለውን ማስረጃ ይዞ ወደ ጣቢያ ተመለሰ። በደስታ እየተፍለቀለቀ ወደ ቢሮው ሲመለስ። ዳዊትን ቢሮው ተቀምጦ አገኘው። "ኦው የሚያስፈልገኝን ሰው በሚያስፈልገኝ ጊዜ ማግኘት እንዴት ደስ ይላል። አሁን እቃየን ጠቅልዬ ወደ አንተ ልመጣ ነበር። "ብሎ በአትኩሮት ተመለከተው። "አሁን እሺ ለምን እንደፈለከኝና ለምን እንዳስጠራኸኝ ንገረኝና ወደ ስራዬ ልመለስበት አለ ዳዊት። "ያስጠራውህ አንዳንድ ጥያቄዎችን ልጠይቅህ ነበር አሁን ግን ሁሉም ማስረጃ በእጄ ስለገባ። የምጠይቅህ ነገር ቢኖር ሁሉንም ነገር እንድታምን ነው። በራስህ ራሴ ነኝ ያስደረኩት እንድትል እፈልጋለሁ። ከአቶ ሙሉሰው ሞትስ ምን ጥቅም ታገኛለህ?" ምን ለማለት እየሞከርክ ነው? ደግሞ ወንጀለኛ አደረከኝ? ሃሃሃሃሃ "አለና ዳዊት በረጅሙ ሳቀ።

ጥሩ እንግዲያውስ አቶ ሙሉሰው በተገደለበት በዚህ ስልክ ቁጥር ምን ብለህ እንዳዘዝካቸው ና ምን ስትላቸው እንደነበር ከቴሌ መውሰድ ችለናል። ከተኮሱበት በኋላ ደግሞ የነበራችሁን የስልክ ግንኙነት ከቴሌ ወስደናል። አሁን ግብረ አበሮችህን እንዲያዙ አዝዣለሁ አቶ ዳዊት ድራማህን በአጭር ቋጭቸዋለሁ። ሌላው ደግሞ በዚህ ጉዳይ ላይ ምስክር ልትሆነን የምትችለውን ሰውም አግተሀታል። የገዛ ባለቤትህን እንዳትመሰክርብህ በማሰብ ብቻ ያገትካት አንተ እንደሆንክ ጥርጥር የለኝም። ቤተሰቦቿ አንተ ላይ ነው ክስ ያቀረቡት። እኛም ክሱን ጨምረንበታል። አሁን ወደ እስር ቤት ትሄዳለህ በቅርቡ ደግሞ ለፍርድ ትቀርባለህ። "አለና ፖሊሶችን ጠርቶ አስወሰደው።

ማህደር የዳዊትን መታሰር ስትሰማ በፍጥነት ወደ ፖሊስ ጣቢያ በመምጣት ዳዊትን ለመጠየቅ ሙከራ ብታደርግም ነገር ግን የተሰጣት መልስ "አሁን መጠየቅ አትችይም ነገ... ከነገወዲያ ነው "የሚል ነበር። ማህደር ወዲያው ወጣችና ለዳዊት ጠበቃ ደውላ ሁሉንም ነገር ነገረችው። ጠበቃው የተፈጠረውን ነገር እንደሚያውቅና ሁሉም ነገር መከላከያ የሌለው ክስ እንደሆነ ነገራት "እና ወንድሜን ዝም ብለህ ልትተወው ነው ገና ለገና ጠፋተኛ ነው ብለህ?"ማህደር በንዴት አምባረቀችበት። ''እንደዛ አላልኩሽም ገና ነፃ የሚሆንበት ምንም አይነት የሕግ ክፍተት የለም ያሉትን ነገሮች በሙሉ እያየሁ ነው" አለ "አዎ እንደምንም ብለህ ማግኘት አለብህ።"ብላ ምላሽ ሳትጠብቅ ስልኩን ዘጋችው።

" ወይዘሪት ማህደር ምነው የጨነቀሽ ትመስያለሽ?"አለ ምክትል መርማሪ አወቀ። " ቅድም የሰጠኸኝን ስራ ጨርሻለሁ አለቃ "አለ ሳሙኤል የፖሊስ ሰላምታ ከሰጠው በኋላ ማህደር የሳሙኤልን ድምፅ ሰምታ ዘወር ስትል ሳሙኤል እሷና ምክትል መርማሪ ወዳሉበት እየመጣ ነው፡፡ እንዳየችው ድንግጥ አለች.......

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_104 𖥧𖤣

... እንዳየችው ድንግጥ አለችና አይኖቿን ከፈት ዘጋ ብታደርገውም የተቀየረ ነገር አልነበረም። ሳሙኤል በምክትል መርማሪና በዋና መርማሪ ኮሚሽነር መላኩ የተመለመለ የዚህ ወንጀል ሰላይ ነበር። ለዚህ ወንጀል ደግሞ የመጀመሪያው ተጠርጣሪ አቶ ዳዊት እንደመሆኑ ማህደር ደግሞ ትኖርበታለች ልትረዳው ትችላለች በሚል እሳቤና ግምት ነው ሳሙኤል ከስር ከስሯ ሆኖ እንቅስቃሴዋን እንዲያጠና የተመደበው

"ያ ማንነት ለእኔ ወጥመድ የተዘጋጀ ነበር ማለት ነው? አዎ በደንብ እንጂ እነሱ ፈልገው ማግኘት ያቃታቸውን መረጃ በእኔ በኩል ለማግኘት" እያለች ለ ደቂቃዎች ያህል ሳሙኤልን ራሷን ስታወራ ከቆየች በኋላ ሳሙኤልን ገላምጣው ወጣች። " ጥሩ አሽኮርማሚ ነበርክ ማለት ነው። አንተ ከተናገርከው በላይ እሷ ቃል ሳታወጣ በአይኗ ብቻ ያወራችው ይበልጣል። ለዚህ ስራህ ሽልማት ይኖርሀል "አለ ምክትል መርማሪ አወቀ "እሺ አመሰግናለሁ አለቃ "አለና ሳሙኤል ሰላምታ ሰጥቶት ተመለሰ።


" አሁን ደግሞ ወይዘሮ ሰላማዊት የት እንዳለች ማወቅ አለብን። ሕይወቷ አስጊ ደረጃ ላይ ነው። ምን አልባትም ደግሞ የአቶ ዳዊት ማፍያዎች መሪያቸው በመታሰሩ ተበሳጭተው እሷን አንድ ነገር ሊያደርጓት ይችላሉ። ስለዚህ በቶሎ መድረስ አለብን። ሁሌም አቋራጭ መንገድና ፈጣን ምላሽ ከእኛ ይጠበቃል።" አለ ኮሚሽነር መላኩ ሌሎች የፖሊስ አባላትን ሰብስቦ።

ኮሚሽነር መላኩ በመርማሪነት ለብዙ አመታት ያህል የሰራ ትጉህ ታታሪና ጎበዝ ነው። በአለቆቹና በስራ ባልደረቦቹም "አቦሸማኔው መርማሪ" የሚል ቅፅል ስምን ሰጥተውታል። ብዙ የወንጀል ስራዎችን እስከመጨረሻው በመጋፈጥና ወንጀለኛን ለመያዝ የሚጠቀምበትን ብልሀት መረጃን ለማግኘት በሚዘይደው ዘዴ ደግሞፐለአለቆቹ እፎይታን ሰጥቷል። መልከመልካሙ መርማሪ ኮሚሽነር መላኩ ልጅም ሆነ ሚስት የለውም። ይሄ ሁኔታው ለብዙዎች አግራሞት ቢጭርም እሱ ግን " ሚስትና ልጅ ትዳርና ቤተሰብ የተከበረና የሕይወት ሌላኛው የደስታ መክፈቻ በር ነው። ይህ በር ደግሞ በአንድ ልብ እንጂ በሁለት ልብ መከፈት የለበትም። ትዳር ያለ ምንም ስጋትና ፍርሃት ሊኖረው የሚገባ ነገር ነው። ከዚህ ስራ ጋር ደግሞ ፈፅሞ አይሄድም ምን አልባት ይሄን ስራ ስለቅ የራሴን ሕይወት መጀመር ይኖርብኝ ይሆናል እንጂ በጭራሽ አሁን ላይ ለወንጀለኞች መታሰሪያ አልሆንም። አገራችን ላይ ያሉ በርካታ ባንዳዎች ወደውና ፈቅደው አይደለም። በብዙ ነገሮች ስለሚታሰሩ ነው። በሚስታቸው በልጃቸው በባላቸው እንዲሁም በእናትና አባታቸው። በሚወዱት ሰው ነው የሚጠቁት እንደሚባለው የፖሊስ ሕይወትም በዚሁ ድልድይ የሚያልፍ ነው። ብዙዎቹ የተከበሩ ኮሚሽነሮች ለሕዝብ የገቡትን ቃል የሚያጥፉት በሚወዷቸው ሰዎች ስለሚታሰሩ ነው። በእርግጥ እስሩ ቃልን በማፍረስም ቢሆንም ግን በእነሱ ምክነያት የሌላ ንፁህ ሰው አደጋ መውደቅን ስለማይፈልጉ ብቻ ራሳቸውን አሳልፈው ይሰጣሉ። ታዲያ ከራስ ጋር ከመጣላት ቃልን ከማጠፍ የሚወዱትን ሰው ላለማጣት ወንጀል ውስጥ ከመዘፈቅ አለማግባት ለጊዜው መፍትሔ አይደለም?!" የሚል ግላዊ ፍልስፍና አለው።

ብዙዎቹ ግን ሀሳቡን በሌላ የተሻለ ሀሳብ በመተካት ቢያጣጥሉትም ጥቂት የማይባሉ የበሰሉና በሙያው የረቀቁ ሰዎች ደግሞ ሀሳቡንና ፍልስፍናውን ሙሉ በሙሉ ይደግፉታል። ኮሚሽነር መላኩ ነገሮችን ባልታዩበት አቅጣጫ ብቻ ሳይሆን ሊታሰብ በማይችልበት አቅጣጫ ያያል።" ፖሊስ አይኑ መላ ሰውነቱ ና አእምሮው ነው" የሚል እምነትም አለው።

አቶ ሙሉሰው የሆስፒታል ሕክምናውን ጨርሶ ቤት ሆኖ ራሱን እያስታመመ ነው። ቤት መምጣቱ ሲሰማ በርካታ ሰዎች የስራ ባልደረቦቹ የሚሳራባቸው ድርጅት ባለቤቶች ቤት በመምጣት 'እንኳን ለዚህ አበቃህ እንኳን እግዚአብሔር አተረፈህ። አላህ ይጠብቅህ የሚሉ ሀይማኖታዊ ምኞቶችን እየተመኙለት በደንብ አነጋግረውት ይመለሳሉ። የሚመጣለት የእንኳን አተረፈህ ስጦታ እጅግ ብዙ ነው። አንዳንድ ድርጅቶች በግ በመግዛት በቶሎ እንዲድን ያላቸውን አበርክቶት አሳይተዋል። በዚህም የእነ አቶ ሙሉሰው ጊቢ የበግ ማርቢያ ሊሆን ብዙም አልቀረውም ። አቶ ሙሉሰው አሁን በሙሉ ጤንነት ላይ ነው። ነገር ግን ስራ ለመውጣት ትንሽ ረፍት ማድረግ ስላለበት ገና አልጀመረም።

ቀዳማዊ ላለፉት ቀናት በስቃይና በፍራቻ ስላሳለፈ ትምህርቱ ትዝም አላለውም። ሀሳቡ ሁሉ የሙሉሰው ጤንነት ላይ ነበር። አንድም ቀን ከዚህ ሀሳብ በስተቀር ምንም ነገር አያስብም ነበር። በመጨረሻ አቶ ሙሉሰው በሙሉ ጤንነት ላይ ሲሆን ሀሴት ተሰማው። የተስፋው ብርሀን ከእንደገና በሙሉ ፀሀይ ተሞላ ከፊቱ ላይ የነበረው ጭጋጋማ ሕይወት በሙሉ ተገፈፈ ወደ ሰማይም ተነነ። ሕይወት እንዲህ ናት አንዳንድ ጊዜ ታሳዝነንና ግን ደግሞ አንዳንድ ጊዜ ከሀዘናችን ጊዜ በላይ ታስደስተናለች። ታስፈነድቀናለች።በቃ ማግኘትና ማጣት ማጣትና ማግኘት ሁለቱም የአንድ ሳንቲም ሁለት ገፅ ናቸው።

ኤሊያናና ሔመን አባታቸው በመታመሙ እየተላቀሱ። ትርጉሙ በተወላከፈ አማርኛቸው ስሜታቸውን እየገለፁ። ያለፉትን አስጨናቂ ጊዜዎች በሀዘን ከርመው አሁን ከህመሙ ከተሻለው አባታቸው ጉያ ተወሽቀው በናፍቆት እያዟዟሩ ይስሙታል። ይህን ትዕይንት የምትከታተለው ወይዘሮ ሔዋን ደስታዋን መቆጣጠር አቅቷት በደስታ ስቅስቅ ብላ አለቀሰች። "ፈጣሪዬ ሆይ አመሰግንሀለሁ አንተ ለዚህ ባታበቃው እኔ ምን እሆን ነበር። ምን ይውጠኝ ነበር? አንተ ቸሩ መድኃኔዓለም ምስጋናህ አይጓደል። ተስፋየን መልሰህልኛልና ምስጋና ለአንተ ይገባሀል"ብላ አመሰገነችው።

አቶ ሙሉሰው የተፈጠረውን አንድ በአንድ አስታውሶ ፊት ለፊቱ ሶፋው ላይ ፊቱን ወደ ቴሌቪዥኑ አዙሮ የሚመለከተውን ቀዳማዊ ለተወሰነ ደቂቃ ያህል ሲያየው ከቆዬ በኋላ. ..... ..... ....

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_105 𖥧𖤣

... ለተወሰነ ደቂቃ ያህል ሲያየው ከቆዬ በኋላ "ምስኪን ልጅ አሁን ጭንቅላትህ ላይ ምን ይፈጠር ይሆን? ፊት ለፊትህ ስወድቅ እንዴት ብለህ አሳልፈህ ይሆን? ምንስ እያሰብክ ይሆን? ''አለና ''ቀዳማዊ..!'' አለ ቀዳማዊ ጥሪውን ሲሰማ በፍጥነት ዘወር ብሎ "አቤት ጋሼ' አለ " ትምህርት እንዴት ነው?' አለ ድንገተኛ ጥያቄ ነበር በዚህ ስአት ይጠይቀኛል ብሎ ያላሰበው ጥያቄ " አይ ጋሼ ይቅርታ ይሄን ሳምንት ሄጄ አላውቅም። ደግሞስ አንተን አሞህ እንዴት ትምህርት ቤት ልማር እሄዳለሁ ብሄድስ እንዴት ተቀልቤ ሆኜ እማራለሁ"አለ።

ሙሉሰው የጠበቀውን መልስ ነበር ያገኘው ምንም አልገረመውም። "በሉ ከዚህ በኋላ እኔ ድኛለሁ ሁላችሁም ወደ ትምህርት ቤት ትሄዳላችሁ መዘናጋት የሚባል ነገር የለም። ምንም የሚያሳስብ ነገር የለም። እሺ ልጆች?"አለ። ሁላቸውም ራሳቸውን በእሺታ አወዛወዙ።''በድጋሚ የምነግራችሁ ነገር ቢኖር እናንተ የሚያሳስባችሁ ትልቁ ነገር መሆን ያለበት ትምህርታችሁ ነው። ትምህርታችሁ ላይ በጭራሽ መዘናጋት የለባችሁም። እኔን የምታስደስቱኝ በሱ ነው እሺ ልጆቼ አለና ቀዳማዊን ወደ እሱ እስጠግቶ አቀፋቸው።

○○○○○
" ምን ሆኖ ነው የቀረው? ለምን ሳምንቱን ሙሉ? ምን አይነት ችግር አጋጥሞት ነው? ወይስ አሞት ነው?" ደሐብ ነበረች ያላፉት ቀናት የቀዳማዊን ወደ ትምህርት ቤት አለመምጣቱን ተከትሎ ራሷን ስትጠይቅ ነበር። ደሐብ በቀዳማዊ ላይ የሆነ የተፈጠረ ችግር እንዳለ ገብቷታል። ነገር ግን ማንን ስለ እሱ ትጠይቅ ምንም አይነት ጓደኛ የለውም። "አዎ በእርግጠኝነት ታሞ ነው እንጂ ይሄን ያህል ቀን አይቀርም ነበር።' እያለች ለብቻዋ እያሰበች ሳለ ቤቷ ደረሰች።

" ለምንድነው ግን አንተ ግልፁን የማትነግራት? ምን አልባት እሷም ልትወድህ ትችላለች። ከእሷ እስኪመጣ በጠበክ ቁጥር ልታጣት ትችላለህ? ይሄኔ እሷም እሱ ካልጠየቀኝ ብላ ይሆናል እስካሁን ምንም ነገር ያላለችህ። አንተ ነገሮችን ማመቻቸት አለብህ እሷን ማቅረብ አለብህ ይበልጥ ፓሪዎችን አዘጋጅ ከጓደኞቿ ጋር ጋብዛት ጥሩ ጊዜ እናሳልፍ ነገሮችን ማመቻቸት የእኛ ስራ ነው"አለ ኪሩቤል።

ታሮስ ዝም ብሎ ሲያዳምጠው ከቆዬ በኋላ " እሱ ልክ ነህ ግን አይተሀት ከሆነ ሰሞኑን ጣል ጣል አድርጋኛለች። ላናግራት ስሞክር እንኳ ከራሷ ጋር ሆና አታወራኝም። በሀሳብ ትሄዳለች። ሲመስለኝ ያን ቀዳማዊ የተባለን ልጅ ሳይሆን አይቀርም የምታስበው። ሰሞኑን ትምህርት ቤት ስላልመጣ ቅር ያላት ይመስለኛል። የሆነ ስሜት ሳይኖራት አይቀርም። እንደሚመስለኝ ከእሱ ጋር እልክ ብቻ የተጋባች አይመስለኝም። ሳትወደው አትቀርም።" አለ ታሮስ

ኪሩቤል በረጅሙ ሳቀና "አዬ ታሮስ መቼም እየቀለድክ መሆን አለበት"አለ "ውይ ኪራ ደግሞ ነገሮችን ቶሎ ያለማመን ችግር አለብህ እንዴት ነው በዚህ ስአት የምቀልደው? ብቀልድ ብቀልድ በደሐብ እቀልዳለሁ?''አለ ታሮስ ቆጣ እያለ " እህ እኔ ምን ላድርግ ራስህን በሆነ በማይረባ ልጅ ስታወዳድር በዛ ላይ ማወቅ ያለብህ ማንኛዋም የሀብታም ልጅ ፍቅረኛዋ እንዲሆን የምትፈልገው በእሷ ተመሳሳይ የሀብት ደረጃ ላይ ያለን ሰው ነው። ቀዳማዊ ደግሞ ከአንተ ጋር የሚወዳደር ልጅ አይደለም። በዛ ላይ ዝም ብለህ ተጠራጠርክ እንጂ እሱ ላይ ምንም ነገር አላየህበትም። ደሐብን ራሱ ዞር ብሎ አይቷት አያውቅም። ከመሬት ተነስተህ እንዴት እንደዚህ እንዳሰብክ አልገባኝም አለ ኪሩቤል።

"እየውልህ ኪራ በእሱ እርግጠኛ ነኝ። ቀዳማዊ ለእንደዚህ አይነት ነገር ጊዜ የለውም። ደሐብንም ቢሆን እንደማንኛውም ተማሪ ነው የሚያያት። ግን ችግሩ እሷ በምን አይን ነው የምታየው ነው? እሱ ባይወዳት እንኳ እሷ ከወደደችውና ጥላቻዋ እልኳ ወደ ፍቅር ከተቀየረባት ብዬ ነው የፈራሁት።" አለ ታሮስ " ለምንድነው እልክ የምትጋባው? ቀዳማዊ እንደ ሌሎቹ ልጆቹ አብሮ ስላላጀባት ስለናቃት የራሱን መንገድ ብቻ ስለያዘ አይደል? ስለዚህ እሱን እንደሌሎቹ ተማሪዎች እግሯ እግሯ ስር እንዲል ማድረግ እንችላለን"አለ ኪሩቤል።

" እንደዛ ለማድረግ ባለፈው ጊዜ ወዲያው ገና ትምህርት እንደጀመርን አውርቼው ነበር ግን ልጁ ምስኪን ነው፡፡ አላማው ትምህርት ብቻ ነው። እና ግርግር አይመቸውም። ስለዚህ ምንም ነገር መጋፋት የለብንም። 'አለ ታሮስ " ቆይ ባህሪው ትክክለኛ ስብዕናው እንደዛ ባይሆንስ ሆነ ብሎ እሷ እልክ እንድትጋባ ከእሱ ፍቅር እንዲይዛት ቢሆንስ እንደዛ የሚያደርገው ''አለ ኪሩቤል በጥርጣሬ " እንደዛ አይነት ወንዶችን እኔም ሆንኩ አንተ ጠንቅቀን እናውቃቸዋለን ቀዳማዊ ደግሞ እንደዛ አይነት ወንድ አይደለም። ይሄን እርግጠኛ ነኝ። የእውነቱን ነው የሚያየው የእውነቱን ነው የሚያወራው።"አለ ታሮስ " ጥሩ ይሄን ያህል በእሱ እርግጠኛ ከሆንክ እኔ ምንም ልልህ አልችልም ግን.....

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_106 𖥧𖤣

... ግን አንድ የምነግርህ ነገር ቢኖረኝ ማመን እንደሌለብህ ነው በቀዳማዊ ይሄን ያህል እርግጠኛ መሆን እንደሌለብህ ነው። እንደዚህ አይነት ልጆች እየቆዩ ነው ጭንብላቸው የሚገፈፈው።"አለ ኪሩቤል " እሺ ችግር የለም ወንድሜ ያን ያህል ሞኝ አይደለሁም አንድ ነገር ካየሁበት ምንም ጥርጣሬ አይግባህ ያኔ እኔም ሌላኛውን ታሮስ አሳየዋለሁ። ግን እሱ ላይ ምንም ነገር ሳላይ ዝም ብዬ አልደርስበትም። ለማንኛውም ይሄን ሳምንት ለምን ትምህርት ቤት እንዳልመጣ ማወቅ አለብን። አሞት ሊሆን ይችላል።"አለ ታሮስ

" እሺ ወንድሜ ሰኞ እንጠይቀዋለን። " ታውቃለህ ልጁ ግን ብዙ ችግር ያለበት ልጅ ነው። ዝም ብሎ ያሳዝነኛል።" አለ ታሮስ " በል ተነስ ዝም ብሎ ማዘን ትወዳለህ።አሁን እሱ ምን ያሳዝናል? በል በል ተነስ እንውጣና ዘና እንበል" ብሎት ተያይዘው ወጡ።

○○○○
ደሐብ ቤቷ ደርሳ ክፍሏ ውስጥ ተቀመጠች። ሁሉንም አንድ በአንድ ለማሰብ ሞከረች። የምሯን ከልቧ ምን ሆኖ እንደቀረ ተጨነቀች በመጨረሻ ስልኳን አነሳችና ደወለች። " ወይዬ ደሐብ "አለች ቤርሳቤህ " በጣም ጨንቆኛል ቤርሲ በዛ ላይ ልቤ ዝም ብሎ ይፈራል።"አለች ደሐብ እየተቅለሰለሰች። " ተነጋግረን የለ እንዴ ሰኞ ካልመጣ ያለውን ነገር እናጣራለን። ግን በእርግጠኝነት ሰላም ይሆናል። "አለች ቤርሳቤህ ደሐብን ለማረጋጋት እየሞከረች " አንድ ሀሳብ መጥቶልኝ ነበር። ለምን እሑድ ቀዳማዊ የሚዋኝበት ሆቴል አንሄድም። ደሕና ከሆነ እዛ ይመጣል። ካልመጣ ግን የምር አሞታል ማለት ነው"አለች ደሐብ

" እንዴ ደሐብ ምን ሆነሽ ነው? ልጁን ወደድሺው እንዴ?"አለች ቤርሳቤህ " አይ አይ መውደድ አይደለም። የምር በጣም ስላስጨነቀኝ ነው" አለች ደሐብ " ተይ እንጂ ዝም ብሎ መጨነቅ ብቻ? ለማታቂው ሰው በዛ ላይ ምንም ለማትቀራረቢው ልጅ? " " የእውነት ቤርሲ ብወደው አልነግርሽም ነበር! በቃ ዝም ብዬ ነው እንደ አንድ ተማሪ ነው የተጨነኩት ደግሞ ሁሉም ተማሪ ነው ግራ ተጋብቶ የተጨነቀው። ምክንያቱም ልጁ በጭራሽ አንድ ነገር ባይኖር ከትምህርቱ አይቀርም ነበር። ለዛ ነው እንጂ መውደድ ምናምን የሚባል ነገር የለም። በዛ ላይ ልጁ ታየፔ አይደለም እሱን ደግሞ ጥንቅቅ አድርገሽ ታውቂያለሽ" " እንደዛ ከሆነ ጥሩ ግን ደሐብ የምነግርሽ ነገር ቢኖር ልጁ ከራሱ ጋ ብቻ መሆን የሚፈልግ ልጅ ነው። ከራሱ ውጪ ማንንም አይሰማም በዛ ላይ ገና ልጅ ነው። ካሰብሽ እንኳ በእድሜ የሚበልጥሽን ነው። " አለች ቤርሳቤህ

" ቤርሲ ደግሞ ፍቅር በፍላጎት ነው እንዴ የሚሆነው እኔ ትልቅ ስላስፈለገኝ ብቻ እወደዋለሁ ማለት ነው? ለማንኛውም የምታስቢው ሁሉ ልክ አይደለም እኔ ለቀዳማዊ ምንም አይነት የፍቅር ቦታ የለኝም። በድጋሚ ስነግርሽ እንደሚያውቀው ሰው ነው እንደዛ የሰብኩት እንደውም እሁድ ወደ ሆቴሉ መሄዱን ትቼዋለሁ" አለች ደሐብ በተረጋጋ መንፈስ

" ኧረ እንደዛ አላልኩሽም። ጥርጣሬየን እኮ ነው የነገርኩሽ "አለች ቤርሳቤህ " አዎ ገብቶኛል ችግር የለውም እኔ እንደገና እያወራሁሽ እያለ ስላሰብኩበት ነው። ማለቴ ያን ያህል ሆቴል ድረስ ሄዶ የሱን ደሕንነት ለማጣራት ማሰቡ በራሱ ሞኝነት ነው። ለዚያውም ያን ያህል ቀረቤታ ሳይኖረን። ለሚሰማው ሰውም ሆነ ለሚያይ ልክ አይደለም። ስለዚህ አልሄድም።"አለች ደሐብ በፅኑ አቋም

" እንደፈለግሽ ግን እኔና ሐምራዊ መሄዳችን ስለማይቀር አብረሽን መምጣት ትችያለሽ።"አለች ቤርሳቤህ " እስኪ አላውቅም ከቻልኩ እሞክራለሁ " ከቤርሳቤህ ጋር ወሬያቸውን ከጨረሱ በኋላ ደሐብ ስልኳ ጠራ። ታሮስ ነበር አነሳችው። " እንዴት ነሽ?" አለ ታሮስ ቀዝቀዝ ባለ ድምፅ " ደሕና ነኝ አንተስ" " እኔ ደሕና ነኝ ክላስ ውስጥ እኮ ሰሞኑን ጥሩ ስሜት ላይ አለመሆንሽን አይቼ ልጠይቅሽ እያሰብኩ ነበር።"አለ

" እናንተ ሰዎች ዛሬ ምን ሆናችኋል? ሁሉም ምን ሆነሻል የሚለኝ ምን ሆኗል? እንዴ ከተማሪው የተለየ ምን ሆኜ ነው? አንተስ ምን ሆኜ አየኸኝ?"አለች ደሐብ በቁጣ " ኧረ አትቆጭ እንደዛ ለማለት አይደለም። ማለቴ እኛም ደብሮን ነበር። እና የኛን ድብርት ከምነግርሽ የአንቺን ብንጠይቅሽ ይሻላል ብለን ነው።"አለና ቁጣዋን ለማብረድ ሞከረ። " አሁን ውጪ ነን። ሻይ ቡና እያልን። እና መጥተሽ ብንጫወት ደስ ይለኛል።" በላት ብሎ በጀሮው አንሾካሾከለት ኪሩቤል " ከቻልሽ አሁን መምጣት ትችያለሽ እኔና ከሩቤል ካፌ ነን። ተጨዋውተን ትመለሻለሽ"አለ ታሮስ።

ደሐብ ትንሽ ካሰበች በኋላ " አይ አልችልም አሁን ቤት ውስጥ የምሰራው ስራ አለ"አለች " እሺ በቃ እንደዛ ከሆነ ሰኞ እንገናኝ" አለ ታሮስ " እሺ ቸው ሰኞ እንገናኝ " አለች ደሐብ

" ምን ሆና ነው እንደዛ ስላት የተናደደችው? ለምንድነው የተበሳጨችብኝ? ቆይ ለምን? ትንሽ ግራ የሚያጋባ ነገር ነው ያሳየችኝ! ወይስ ከእኔ በፊት ያዋራት ሰው ነበር?"አለ ታሮስ " እስኪ ቆይ ለቤርሳቤህ እንደውልላትና የምታቀው ነገር እንዳለ እንደጠይቃት"አለና ኪሩቤል ስልኩን ከኪሱ አወጣ......!!!

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia