𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_76 𖥧𖤣

... ቀዳማዊ በብዙ አጀብና ድል አዲሱን አመት ተቀብሎ ደስተኛ ሆኗል። ያለፈ ሕይወቱን ለመርሳት እየሞከረ ይመስላል! ነገር ግን ደግሞ በየ አንዳንዷ ደስታው ገና በዚያ ወቅት በልጅነት ጊዜው ያገኘው ተስፋ ህልም የሆነው ባልንጀሩ ሙሉቀን አይኖቹ ላይ ይደቀንበታል። 'ይሄን ብር ከእናቴ ነው የሰረቅኩት ውሰደውና ከዚህ መከራ ተገላገል። አንድ ቀን ብሩን ትመልሳለህ የመንግስት ሰራተኛ ስትሆን። ሁሉም ነገር ያልፋል ወንድሜ ቀዳማዊ ይሄን መከራ አልፈህ በከተሜ ሕይወት ትጀምራለህ። አንተ ለገጠር ለገበሬነት ሳይሆን ለትምህርት ነው የታደልህ። ስለዚህ ሂድ ባልንጀሬ አታስብ አንተ እኔ ለእናቴ ሁሉንም እነግራታለሁ። የኔ እናት እንደ አንተ እናት መናጢ አደለችም። በቃ ለወዲያው ብትቆጣኝ ነው እንጅ ምንም አትለኝም! ሂድ ሂድ " ይቺን ንግግር ነበር ሙሉቀን በመጨረሻ ያለው።

ቀዳማዊ ዛሬም ልክ እንደሌሎቹ ቀናቶች ሁሉ አስታወሰው የመጨረሻዋ ንግግር ሁሌም አእምሮው ላይ እንዳቃጨለች ነው። እንደ ደወል በደስታውም በምኑም ጊዜ እየደወለች ታነጥበዋለች። ንግግሯን እንደ ዳዊት እየደገመ ለራሱ አሁንም አሁንም ይነግረዋል። ሁሌም ራስ አምባን ሲያስብ ሙሉቀንና መምህር ደረጄ ናቸው የሚመጡለት። ቀዳማዊ ብዙ ጊዜ መምህር ደረጄን ያስበዋል "ወዴት ይሆን ያለው? አሁን እዚህ እንዳለሁ ቢያውቅ እነ ጋሼን ቢያቃቸው እነ እትዬ ሔዋንን ቢያይ እዚህ አዲስአበባ ያለኝን የትምህርት ደረጃ ቢያይ ምን ያህል ደስ ይለው ይሆን?! በጣም ነው እንጅ በእኔ ደስ የሚሰኘው እያለ ስለ እሱ የሚሰማውን ደስታ እያሰበ ደስ ይሰኛል።

የነ ቀዳማዊ ትምህርት ቤት የአስረኛ ክፍል ማትሪክ ፈተናን አራት ነጥብ ያመጡ ተማሪዎችን ፎቶ ባመጡት ውጤት መሰረት በቅደም ተከተል ሰቅሎ ማን ከፍተኛ ውጤት ማን አራት ነጥብ እንዳመጣ ተለዬ፣ በዚህም ውጤት ቀዳማዊ ቀዳሚ ነበር። ሁሉንም ትምህርት ስለሆነ ኤ ያመጣው። ሌሎቹ አራት ነጥብ ያምጡ እንጅ አንድ ትምህርት ሁለት ትምሀርት ቢ ያመጡ አሉ! ያው ቢ ያመጡትን ትምህርት ሲጥሉት ውጤታቸው አራት ነጥብ ይሆናል። ያው ዋናወቹን እንደ እንግሊዝኛ ና ሒሳብ አይነት ትምህረቶችን ኤ ከሆነ ያመጡት ። በዚህም የብዙ ተማሪዎች አይን ቀዳማዊ ላይ አረፈ። "ማነው? ከየት ነው የመጣው ምን ክፍል ነበር?" ቀዳማዊ ስሙ በትምህርት ቤቱ እንደ ጉድ ተወራ ዝመተኛው ዝነኛ ሁለት አመት የተማረበት ትምህርት ቤት ውስጥ ባይተዋር ሆነ። ማንም አያውቀውም ነበር።

አስራ አንደኛ " A" ክፍል የተመደበው ቀዳማዊ ለሌላ የድል አጥቢያ ወንበሩ ላይ ተቀመጠ። ተማሪዎች ሁሉም ገብተው የክፍሉን ወንበር ሞሉት። አንድ መምህር ገብቶ ስሙንና የፊዚክስ መምህር እንደሆነ ራሱን አስተዋወቀና "እሺ አሁን ደግሞ እናንተን ልተዋወቅ ከአንተ ልጀምር ስምክን " " ሮቤል፣ መስዑድ፣ አቤሌ፣ኄኖክ፣ " "እሺ አንተ አለ መምህሩ ድንገት ከወደ የዳር ኮርነር ጨርሶ ከተቀመጠበት በመነሳት ቀዳማዊ ፣ፍቅር፣ ታሮስ፣ ማህሌት፣እንቁ፣ደሐብ…እያሉ ሁላቸውም የራሳቸውን ስም አስተዋወቁ። ጥሩ ስለተዋወቅን ደስ ብሎኛል። ያው ክፍል ውስጥ የሚረብሽ የሚያንሾካሹክ ተማሪ አልወድም። በተረፈ ያልገባችሁ ነገር ካለ በማንኛውም ጊዜና ቦታ ጠይቁኝ።"በማለት ለመጀመሪያ ቀን የተወሰነ መግቢያና ማግባቢያ ያህል አስተምሮ ወጣ።

ሁሉም አስተማሪዎች እንደ ፊዚክስ መምህር ራሳቸውን በማስተዋወቅ ና የተማሪዎቹን ስም በመጠየቅ በመተዋወቅ ጀመሩ። የሒሳብ መምህር ታዲያ ተዋውቆ ብቻ ዝም አላለም "አንተ ማን ነበር ያልከኝ ስምህን? አለ የእጁን ጣት ወደ ቀዳማዊ እየጠቆመ "ቀዳማዊ'አለው። ስምህ አዲስ አልሆነብኝም "አለና ለትንሽ ደቂቃ ካሰበ በኋላ "አዎ ማትሪክን ጥሩ ውጤት ያመጣከው ልጅ ነህ! ሁሉንም ትምህርት ኤ እንዳመጣህ ሰምቻለሁ። ጎበዝ በርታ ጥሩ ጊዜ ይኖረናል ብዬ አስባለሁ"አለ ቀዳማዊ በአክብሮት አይን ተመለከተውና እሺ መምህር አለ።

በዚህ መልኩ ትምህርት ተጀመረ። ተማሪዎች እርስ በእርስ እየተዋወቁ የክፍል ጓደኝነቱንም ቀጠሉ፡ ቀዳማዊ ግን ከአንዳቸውም ጋር አልተዋወቀም። ክፍል ውስጥ ብቻ ነው የሚገናኘው በእረፍት ስአት ትምህርት ቤቱ አጠገብ ከሚገኘው ሳሮን ካፌ ኬክ ነገር ተመግቦ ተመልሶ ወደ ክፍሉ ይመለሳል። ክፍሉ ውስጥ ያሉ ተማሪዎች በብዛት የሐብታም ልጆች ናቸው። በተለይ ደሐብና ታሮስ የታወቁ የሐብታም ልጆች ናቸው።ሌሎች ተማሪዎች ስለ እነሱ ቤተሰቦች የሐብት መጠን ስራየ ብለው ያወራሉ። ቀዳማዊ ግን ስለሚወራው ወሬ ግድ አይሰጠውም ሁለቱን ተማሪዎች ጓደኛ ለማድረግ ሌሎች ተማሪዎች ይሯሯጣሉ። ነገር ግን ታሮስም ሆነ ደሐብ ትኩረታቸው እነሱን ጓደኛ ለማደረግ ምንም ያላደረገው ቀዳማዊ ላይ ሆነ። "ቆይ ግን ማን ስለሆነ ነው እሱ "አለች ደሐብ "ቆይ እስኪ እኔ አወራዋለሁ"አለና ቀዳማዊ ወደ ተቀመጠበት ቦታ ሔደ.......!!!!!!!

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_77 𖥧𖤣

...ቀዳማዊ ወደ ተቀመጠበት ቦታ ሔዶ "ሰላም ነው ወንድሜ ታሮስ እባላለሁ " እሽ እኔ ደግሞ ቀዳማዊ እባላለሁ!" አለ "ምነው ብቻህን ከእኛ ጋር አትቀላቀልም?" አለ ታሮስ "ኧረ ችግር የለውም ወንድሜ ታሮስ ከራሴ ጋር መሆን ስለምፈልግ ነው እንጅ ስፈልግ እቀላቀላችኋለሁ።" አለ ቀዳማዊ "እሺ ግን ጣጣ የለውም ብራዘር የሚያሳስብህ ነገር ካለ ንገረኝ "አለ ታሮስ "እሺ እነግርሃለሁ አታስብ ወደ ጓደኞችህ መመለስ ትችላለህ!" አለ

"እ ምን ሆኖ ነው? 'አለች ደሐብ ስለ ቀዳማዊ ታሮስ እስኪነግራት እየቸኮለች።" ልጁ የሆነ ምስኪን ልጅ ይመስላል። በክፋት ምናምን ሳይሆን ከራሱ ጋር መሆን ስለፈለገ ነው። እሱም ያለኝ እንደዛ ነው። ተቀላቀለን ስለው። ለጊዚው እንደማይፈልግ ነገር ግን በሚፈልግበት ጊዜ እንደሚቀላቀለን ነገሮኛል። ደግሞ ታቂያቸው የለ ሜጋ ተማሪዎች እኮ የሆነ ጠሽ ነገር ናቸው።''አለ ታሮስ "አይመስለኝም ይሄማ ኩራተኛ ስለሆነ ነው እንጅ ስንት ጎበዝ ተማሪ እናውቅ የለ አብረው የሚጫወቱ አብረው የሚላፉ ምናምን ይሄ እኮ ትምህርት ከጀመርን ጀምሮ ከእኛ ጋር አይደለም አብሮ ማሳለፍ በውል እንኳ ሰላም አልተባባልንም ምንም ነገር አላለም።"አለች ደሐብ "እሺ እና ታዲያ ምን እናድርገው እንዴ ፍላጎቱ ከሆነ ብቻውን ይሁን እኛ የራሳችንን እንቀጥል በቃ ልጁን ፍቺው " አለ ታሮስ 'እኔማ ዝም አልለውም ይሄ እኮ ስላላየኸው ነው እንጅ ትልቅ ንቀት ነው። የማን የማን ልጆች እንደሆንን ስለማያውቅ ነው ይሄን ደግሞ ማወቅ አለበት" አለች እና ደሐብ ወደ ቀዳማዊ ሄደች። "አይ ደሐብ እንደው ሁሉን ነገር በእልህ እንደተመለከትሽ ነው" አለ ታሮስ።

ደሐብ ቀዳማዊ ጋር ልትደርስ ስትል ቀዳማዊ ተነስቶ ሄደ። ደሐብ ቀዳማዊ እሷ ልትደርስ ስትል ተነስቶ ሲሄድ እያየች ግራ ተጋባችና "አይቶኝ ነው የወጣው? ወይስ በአጋጣሚ? አይ በአጋጣሚማ አይደለም ሲያየኝ ነው የተነሳው። ሃሃሃሃሃሃሃ ከእኔ ከደሐብ ጋር የማይሆን ጨዋታ ብቻ እንዳትጫወት ከእኔ ጋር የተጫወቱ ሁሉ ተሸንፈዋል። ለመሸነፍ ባትቸኩል ጥሩ ነው። 'አለችና ተመለሰች " እ ምን አለሽ ምን አወራችሁ?" አለ ታሮስ "ምንም አለች "ምንም ማለት አልገባኝም"አለ ታሮስ " እኔን ሲያይ ተነስቶ ሄደ "አለች "የእውነት አንቺን ሲያይ ነው ተነስቶ የሄደው?''አለ ታሮስ " አዎ በእርግጠኝነት እኔን አይቶ ነው የተነሳው "አለች "ኧረ ልጁ ኧረ ልጁ ጨዋታ ይችላል ማለት ነው። አንቺን አይቶ ከተነሳ የምር ቁማርተኛ ነው። በለው ሲያዩት የዋህ መስሎ እሳት የላሰ ነውሳ ይሄማ ትምህርት ላይ ብቻ አይደለም ሜጋ የሰው አእምሮ ላይም ሜጋ ነው።''አለ ታሮስ "ባክህ አንተ ደግሞ ፐ አትጀምረኝ ታያለህ ልኩን ካላሳየሁት እኔ ደሐብ አይደለሁም ማን እንደሆንኩ ስላላወቀ ነው " አለች " ይቅናሽ ይሳካልሽ ግን ወደ ሌላ እልክ ውስጥ ባትገቢ እና ከእሱ ጋር ጊዜ ለመጨረስ ባትሞክሪ ደስ ይለኛል።"አለ "የምን እልህ ነው የምታወራው? እኔ ደሐብ ነኝ ከዛ እልህ የሚይዘኝ ቱ ታያለህ እንደውም ጭንብሉን ነው የምገልጥለት አለች " አቦ አንቺ ግን ለምን ገና ሳይጀመር ገመድ ትሆኛለሽ እርሽው በቃ እንዴ ምን ከእሱ ጋ በሆነ ባልሆነው መነታረክ አይደብርሽም። ገና ለገና ሰላም አላለኝም ለምን እንደሌሎቹ አልሰገደልኝም ብለሽ ማሳደድ አያስጠላሽም አለና ትቷት ሄደ።

ደሐብ ቀዳማዊ በሚያደርገው ነገር ተናዳ ትምህርት ቤት ውስጥ የሚያደርጋቸውን ነገሮች ከስር ከስር ትከታተለዋለች። ብቻውን ሲሆን ጠብቃ ደግሞ ለማናገርና ለመሳደብ እያሰብች ነበር። አንድ ቀን ታዲያ እየተማሩ ክፍል ውስጥ ሆና እንዴት አድርጋ ምን ብላ እንደምታስቀይመው እያሰበች እያለ መምህሩ ማስተማሩን ጨርሶ ጥያቄ ካላችሁ መጠየቅ ትችላላችሁ ብሎ የሚጠይቀው ሲያጣ ለሌላኛው መምህር ስአቱን አስረክቦ ሄደ። ደሐብ አዳር ዝም ብላ የተኛች አትመስልም። ታሮስም ሁኔታዋን አይቶ ስለተረዳት በንቃት እየተከታተላት ነው።

እንደተለመደው የእረፍት ስአት ደርሶ ሁሉም ተማሪ እየተጋፋ ከክፍል ወጡ። ቀዳማዊ ግን ሁሉም ተማሪ ከወጣ በኋላ ለመውጣት በማሰብ የተቀመጠበት ወንበር ሆኖ ደብተሩን እያስተካከለ መፅሀፉን ወደ ቦርሳው እያስገባ ጠብቆ ሊነሳ ሲል "እሺ ቀዳማዊ "አለች ደሐብ ከኋላው ቀዳማዊ ድንግጥ ብሎ ወደ ኋላ ዞረ......!!!!

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

ተደባድበህ የፊት ጥርስህ እንዳለ አልቆ ቤት ስትገባ ፋther አይቶ

እያሳቀ ነው እንዴ የደበደበህ😂😁😂

🙈🙈
  S. H. A. R. E.
🎃  @quoteopia 🎃
🎃  @quoteopia 🎃

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_78 𖥧𖤣

... ቀዳማዊ ድንግጥ ብሎ ወደ ኋላ ዞረ "ምነው ደነገጥክ አለች ሳቅ እያለች " አይ ሰው ያለ ስላልመሰለኝ ነው "አለ ቀዳማዊ " ኧረ እንደዛ ነው እንዴ እኔ እኮ እኔን ስታይ መስሎኝ አለች "አንቺን ሳይ ለምን እደነግጣለሁ የሚያስደነግጥ ፊት የለሽ' አለና ሊወጣ ሲል 'ቆይ እኔ ምን አድርጌህ ነው እኔን ስታይ ፊትህ የሚቀየረው። እኔ ላወራህ ስልስ ለመሄድ የምትቸኩለው?"አለች ደሐብ "እኔ አንቺ ልታወሪኝ ስትይ ሄጄ አላውቅም ደግሞ ምን አድርገሽኝ እንደዛ አደርጋለሁ በውል እንኳ አንተዋወቅ" አለ ቀዳማዊ "ለምሳሌ ትላንት ላወራክ ወደ አንተ ስመጣ ተነስተህ ሄድክ "አለች " አይ ተሳስተሻል እኔ አንቺን አይቼ አልተነሳሁም ሲጀመርም ወደ እኔ እየመጣሽ እንደሆነ ቀርቶ ስትንቀሳሸሽም አላየሁሽ" አለ "ኧረ ባክህ ታሮስ ካወራህ በኋላ ላወራክ እየመጣሁ እንደነበር አላየህም። ሲጀመር ደግሞ እኔና ታሮስ አብረን ተቀምጠን ስናወራ አይተሀል። እሱ መጥቶ ካወራህ በኋላ እኔ መጥቼ እንደማወራህ ደግሞ ታውቅ ስለነበር ነው ተነስተህ የሄድከው"አለች። ቀዳማዊ እንደመሳቅ አለና "ይሄን ሁሉ ካልኩሌሽን እንዴት እጠቀማለሁ ለማይጠቅመኝ ነገር። ይሄ አሁን አንቺ ያልሽው ሂሳብ እኮ ስራየ ተብሎ የሚሰራ የሚታቀድ ነው። ያ ማለት ገና ከመጀመሪያው ይጀምራል። ከመጀመሪያው ማለትም ታሮስ መጥቶ እንዲያወራኝ ከማድረግ ይጀምራል። እኔ ደግሞ ይሄን ያህል አይደለም በትንሹ እንኳ አስቤ አላውቅም እና ተሳስተሻል እህቴ ደሐብ አለና ትቷት ወጣ::

ደሐብ ተከትላው ወጣችና መውረጃ ደረጃው ላይ ሲደርሱ ታሮስን አገኙት "ሰላም ነህ ወንድሜ ታሮስ"አለ ቀዳማዊ "ፒስ ነው ቀዳማዊ "ብሎ ታሮስ አፀፋውን መለሰለት። ቀዳማዊ አንገቱን በመነቅነቅ መልሶለት ታሮስን ከደሐብ ጋር አያይዟቸው ሁልጊዜ ትኩስ ነገር ወደ ሚጠጣባት የትምህርት ቤቱ ካፍቴሪያ ሄደ።

''አየሽው አይደል ልጁ በጣም አሪፍ ልጅ ነው። በዛ ላይ ስርአት አለው ዝም ብሎ ከሰው ጋር አይጋጭም አይገናኝም አይሳፈጥም ራሱን ጠብቆ ራሱን ችሎ ነው የሚንቀሳቀሰው። ይሄ ደግሞ መብቱ ነው። የራሱን ፍላጎት ነው ማራመድ ያለበት እንጅ እኛ እሱ ወደ እኛ ስላልመጣ ብለን ፍላጎቱን ልንሻማበት አይገባም በፈለገበት ጊዜ ይምጣ ደግሞስ መጣ ቀረ ለእኛ ምን ይሰራልናል። ታውቂያለሽ ሌሎቹ እኛን የሚቀርቡን ለአንድና ለአንድ ነገር ነው ገንዘባችንን ብለው በነፃ መጋበዝ ስለሚፈልጉ። ቀዳማዊ ግን ይሄን አይፈልግም ምንም ነገር ከእኛ አይፈልግም። ጭራሽ ስለ እኛ የሀብታም ልጅ መሆንም ግዱ አይደለም። ይሄ ደግሞ የሚያሳየው ጥሩነቱንና የራስ መተማመኑን ነው። እኛ ወደ እኛ ለምን አልመጣም ለምን አላወራንም ብለን እንደምናስበው ሁሉ እሱም ለምን ወደ እኔ አይመጡም ብሎ ሊያስብ ይችላል። ስለዚህ ደሐብ እንፍታው "አለ ታሮስ

" አይ እኔማ እንዲሁ አልተወውም ማንነቱን ማወቅ እፈልጋለሁ! ማንነቱን ሳላውቅ የኩራቱን ምንጭ ሳላውቅ አልተወውም "አለች "ይሄን ያኽል እኔን ለምን ለማወቅ ትጥሪያለሽ?" አለ ቀዳማዊ ታሮስና ደሐብ ክው ብለው ደነገጡ" ከማንነቴ ይልቅ እኔነቴ አይሻልሽም። በዛ ላይ ይሄን ያህል ምንም ያደረኩሽ ነገር የለም እኮ እንዲህ ጠምደሽ የያዝሽኝ። እንዴ ኧረ ጥሩ አይደለም ሁለታችንም የፕሪ ተማሪዎች ነን። ስለዚህ አርፈን ትምህርታችንን ብቻ ብንማር አይሻልም? እስካሁን እንደ ክፍል ጓደኛ ነበር የማይሽ ነገር ግን አንቺ አላማሽ እኔን ማስቀየም ነው። እሱን ከሆነ የምትፈልጊው እንደ ፈለግሽ እኔ በጨዋ ደንብ ያወራሁሽ እንግባባለን ብዬ እንጅ አንቺን የማውራት ግዴታ የለብኝም ነበር ከዚህ በኋላ ግን በምንም ታዕምር አጠገቤ ድርሽ እንዳትይ አለና ገልምጧት ሄደ።

ደሐብ ከድንጋጤዋ ሳትወጣ "የት ነበር ወደ ካፍቴሪያው አልሄደም ነበር? ወይስ ተደብቆ እያዳመጠን ነበር?"አለች "አይ ባጋጣሚ ነው የሚመስለኝ በእጁ እኮ ብስኩት ነገር ይዟል አላስተዋልሽው ይሆናል እንጅ ያ ማለት ካፍቴሪያ ሄዶ ነው የገዛው "አለ " ውይ ሲያስጠላ በእናትህ አጠፋሁ ሀሳቤን ሊሰማ አይገባም ነበር አለች "ካጠፋሽማ ቆየሽ ግን አልገባኝ ያለው እዚህ ልጅ እንዲህ ጥብቅ ያደረገሽ ነገር ነው? ምንድነው ታውቆሻል ግን?"አለ ታሮስ "ምን ያጣብቀኛል ታውቃለህ እኔን ሰው ሲዘጋኝ እንደማልወድ እኔ ስዘጋቸው እንጅ እነሱ ሲዘጉኝ ደስ አይለኝም ለዚህ ነው ገባህ?" አለች " ግን አይመስልብሽም ለማንኛውም ከዚህ በኋላ በቀዳማዊ ጉዳይ ከእኔ ጋር አናወራም በስህተት ራሱ ማለት ነው። ስለ እሱ ማውራት ስትፈልጊ ስለ እሱ ማውራት ከሚፈልግ ሰው ጋር አውሪ እኔ ጋር ድጋሚ እንደዚህ አንነጋገርም። ደስ አይለኝም"አለ ታሮስ ኮስተር ብሎ....

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_79 𖥧𖤣

... ደሐብ ከጓደኛዋ ከቤርሳቤህ ጋር ስለ ታሮስ እያወራች "ታውቂያለሽ ግን ታሮስ እኮ ልክ ነው። ከዚህ ሰገጤ ጋር የማይሆን እልህ ነው የያዘሽ። በዛ ላይ እሱ አወራሽ አላወራሽ ጓደኛሽ ሆነ አልሆነ ምንም የሚያመጣልሽ ለውጥ የለም። "አለች ቤርሳቤህ "እሱማ ልክ ነሽ። ግን እኔ ያበሳጨኝ ማን ስለሆነ ነው እሱ እንዲህ ጥብር ያለው። "አለች " ኧረ ማን ሊሆን ይችላል የአንዱ የድሀ ልጅ ነዋ የሚሆነው የድሃ ልጅ ደግሞ ኩራቱ ከሀብታም ልጅ ይበልጣል። "አለች ቤርሳቤህ....

ቤርሳቤህ የደሐብ የልብ ጓደኛዋ ናት አንድ ሰፈር ነው የሚኖሩት ያዳጉትም አብረው ነው። ሁለቱም የሐብታም ልጆች ስለሆነ በተሻለ መንገድ ና ሀሳብ በደንብ ይግባባሉ። አስተሳሰባቸው አንድ ነው። " እሺ አንድ ነገር መጣልኝ እሱን የማጠምድበት ምርጥ ዘዴ " አለች ደሐብ " ሃሃ አይ አንቺ ልጅ ደግሞ ምን አገኘሽ? "አለች ቤርሳቤህ " ከዚህ በኋላ ምስኪን ሆኜ ነው የምቀርበው። ዝምተኛ የተረጋጋች ልጅ እሆንና ጓደኛየ እንዲሆን አደርጋለሁ"አለች ደሐብ "እውነትሽን ነው? እየቀለድሽ?"አለች ቤርሳቤህ "እውነቴን ነው ቤርሲ "አለች ደሐብ " ቆይ ይሄን ያህል እሱ ጓደኛሽ ካልሆነ ትሞቻለሽ ተብለሻል? እንዴ ምን ሁነሽ ነው?"አለች ና ቤርሳቤህ ተቆጣች።"ዝም ብለሽ እቅዴን ተቀበይኝማ ይልቅ ጓደኛዬ"አለች ደሐብ "አንቺ እህቴ አብደሻል እንደው ስሙን እንኳ በደንብ የማታቂው ልጅ ላይ እንዲህ መሆን "አለችና እያጉተመተመች እንደምታግዛት ቃልገባችላት።

○○○○
ማህደር ዳዊት የተከራየላት ቤት ሆና አዲሱን አመት ተቀበለች። ማንም ጋር አልሄደችም ነበር። ቤቱ ሰፋ ያለ ሆኖ ለእሷም ተስማሚ ቢሆንም ነገር ግን የሚያወራትም ሆነ አብሯት የሚያሳልፍ ሰው ባለመኖሩ ከፍቷታል። አልፎ አልፎ ጓደኞቿን ብታመጣም ነገር ግን ትንሽ ቆይተው ስለሚመለሱ ድብርቷ ይበልጥ ይሆናል።ከሙሉሰው ጋር ከተጣለች ሁለት አመት ሆኗታል። አሁን የአራተኛ አመት ተማሪ ሆናለች። እንደ አብዝሀኛው የአዲስ አበባ ልጅ ተማሪ ትምህርቷን ተምራ ወደ ቤቷ ትመለሳለች ። ዳዊት በቃሉ መሠረት ምንም ያጎደለባት ገገር የለም። ግን የሚያማት የሰላማዊትን ጉድ አውጥታ ለወንድሟ ባለማሳየቷ ነው።

አሁንም ድረስ ምቾት አልሰጣትም። "በእርግጠኝነት የሆነ ነገርማ ወንድሜን ደብቃዋለች። እንደደበቀች ስደርስባት ደግሞ እኔን እንደምንም ብላ ከመንገዷ አስወጣችኝ። ወንድሜም በእኔ ላይ ወሰነ። አሁን ሰላማዊት በነፃነት እየወጣች ትገባለች። ወንድሜ ደግሞ ማንም የለውም አሁን ማንም እንደሌለው ስትረዳ ደግሞ ይበልጥ እንደፈለገች ታደርገዋለች። ይሄንማ አልታገስም አንድ ቀን ጉድሽን አወጣዋለሁ አንቺ እስስት የሆንሽ ልጅ" እያለች ማህደር በሰላማዊት ላይ ከንፈሯን ትነክሳለች።

ማህደር ይህ የወንድሟ ጉዳይ ቢያስጨንቃትም ትኩረቷን ግን ትምህርቷ ላይ ማድረግ እንዳለባት የዘነጋች አትመስልም። internship በሁለተኛው ሲሚስቴር ስለሚወጡ በደንብ እያነበበች ነው። አንዳንድ ጎበዝ ተማሪዎች ጋር እያነበበች የተሻለ ውጤት ማምጣት እንዳለባት አምናለች። ምክንያቱም ዳዊት በጣም ጎበዝ ተማሪ እንደሆነች ነው የሚያስበው። ስለዚህ በተቻላት መጠን በትንሹም ቢሆን ለማስተካከል አስባለች።

○○○○
ሰላማዊት አሁን የሚያሳስባት ነገር እንደሌለ በሙሉ ልቧ አምናለች። ማህደር ከቤት በመውጣቷ ትልቅ እፎይታን ሰጥቷታል።"ልጅ መውለድ እንደማልችል እኮ ልታውቅብኝ ነበር ህ ለስንት አመት የያዝኩትን ምስጢር እሷ በአንድ ጊዜ ልታውቅ?! መከራየን አይቼ የኔ ያደረኩትን ዳዊትንማ እንዲህ በቀላሉ አላጣውም። የፈለገው ነገር ይምጣ እንጅ እሱን ላለማጣት የማላደርገው ነገር የለም።.......

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_80 𖥧𖤣

... የፈለገው ነገር ይምጣ እንጅ እሱን ላለማጣት የማላደርገው ነገር የለም። አስፈላጊውን ነገር ሁሉ አደርጋለሁ" እያለች ከራሷ ጋር ማውራቷን ያዘች። ዳዊት ስለ ሰላማዊት አብዝቶ ይጨነቃል። በተለይ ለእሱ ብላ መውለድ አለመቻሏን እያሰበ በራሱ ተፀፀተ "አሁን ምን የሚሉት አሳብ ነው ልጅ አልፈልግም ያልኩት? ቆይ ምን አስቤ ነው። የሚወለደው ልጅ የሙሉሰው ይመስል? እንደው ያኔ አትውለጅልኝ ያልኩበትን ቀን አሁን አፌን ቢዘጋው ምን አለ!"እያለ ያን መጥፎ ጊዜና ቀን በአይነ ሕሊናው እያሰበ ተራገመ።

○○○○
"እሺ ልጅ ቀዳማዊ ይሄ ትምህርት እንዴት ይዞሀል? "አለ አቶ ሙሉሰው " አሪፍ ነው ጋሼ መምህራኖቹም ደጎች ናቸው። ሲያስተምሩም ጎበዝ ናቸው በተለይ የሒሳብና የፊዚክስ አስተማሪያችን በቃ ሳላስበው ነው ደቂቃው የሚያልቅብኝ"አለ " ኧረ ጥሩ ከመምህራን ጋር መልካም ግንኙነትም መስርት ያልገባህን ተከትለህ ጠይቃቸው እንዳትፈራ"አለ አቶ ሙሉሰው "ችግር የለም አልፈራም ጋሼ ደግሞም እስካሁን እየጠየኳቸው ነው"አለ

"ተማሪዎቹስ እንዴት ናቸው እስካሁን የክፍል ጓደኛ አልያዝክም? " አለ ሙሉሰው "ኧረ የለም ጋሼ "አለ ቀዳማዊ ፊቱን ወደ ጎን እያዞረ"ሶስት ወር ሙሉ እስካሁን? እንኳን በሶስት ወር በአንድ ሳምንት እኮ ጓደኛ ይያዛል። ጨዋታ አለ ብቻ ብዙ ነገር " አለ አቶ ሙሉሰው "እሱማ ልክ ነህ ግን ለእኔ የሚሆን ጓደኛ የለም ጋሼ ሁሉም የሚያወሩት ቋንቋ ለየት ያለ ነው። የዚህን የአዲስአበባ ቋንቋ ለምጄው ነበር። ነገር ግን የእነሱ ቋንቋ ወጣ ያለ ነው" አለ ቀዳማዊ አቶ ሙሉሰው በሳቅ ወደቀና "ምን አይነት ቋንቋ ነው የሚያወሩት?"አለ "እኔ እንጃ ብቻ በቃ ወጣ ያለ ነው በዛ ላይ የሀብታም ልጆች ናቸው። ሁሉንም ነገር በገንዘብ ና በሀብት ነው የሚያስቡት። የሆኑ ሁለት ልጆች ለምን ጓደኛችን አልሆንክም ብለው ደግሞ ይጨቃጨቃሉ። እኔ ደግሞ ባህሪያቸው ደስ ስላላለኝ አልቀርባቸውም። ሙሉ የክፍላችን ተማሪዎች ግን ከእነሱ ስር ስር ነው የሚሉት። ቦንቦሊኖና ኬክ ስለሚጋብዟቸው በቃ እነሱ ጋር ነው የሚያሳልፉት። እኔ እንደነዛ ልጆች ከስር ከስራቸው ስላልሆንኩላቸው በእኔ አቂመው ማን ስለሆንክ ነው የምትኮራው እንደሌሎቹ ተማሪዎች የማትሆነው እያሉ"አለ ቀዳማዊ

" ሃ ሃሃ እንዲህ እኮ ናቸው የከተማ ልጆች ለየት ያለ ልጅ ሲያዩ አይናቸውን ይጥሉበታል። ወደ ራሳቸው መንገድ ለመውሰድ የማያደርጉት ነገር የለም። ስለዚህ ተዋቸው የራስህን መንገድ ብቻ ተከተል። በምንም ታዕምር ጆሮ እንዳትሰጣቸው። እነሱ የፈለጉትን ሊሉ ይችላሉ። እንድትናደድ ሊያደርጉህ ስለሚሞክሩ ቦታ እንዳትሰጣቸው። የሚያደርጉትን ነገር ከቁብ አትቁጠረው እሺ "አለ አቶ ሙሉሰው "እሺ ጋሼ ዝም ነው የምላቸው አልመልስላቸውም ግን እንደዛውም ብሎ አንደኛው ልጅ ታሮስ የሚባለው ልጀ በቃ እንደፈለገ ይሁን እንተወው ምን ከእሱ ጋር እልህ አገባባን ብሎ ነበር። ግን ደሐብ የምትባለው ልጅ የማታደርገው ነገር የለም።"አለ " ምን አባቷ ሆና ነው እኒህ ዘላኖች እንደፈለጉ ሆነው ያድጋሉ። ሁሉንም ነገር እንዳላቸው ያስቡና የማይችሉትን ነገር የእነሱ ለማድረግ ራሱ ያለ አቅማቸው ይንፈራገጣሉ። ጉድ እኮ ነው። "አለ አቶ ሙሉሰው

ቀዳማዊ ትንሽ እንደማሰብ አደረገና " ጋሼ በዚህ ሳምንት ግን የመዋኛ ሆቴሉ ጋር አትወስደንም እኔና ሔመንንን?"አለ ቀዳማዊ ፈራ ተባ እያለ " አይ የኔ ነገር ለካ ከዋኛችሁ ቆይታችኋል ስራና ቀጠሮ ሲበዛብኝ ጊዜ እረሳሁት እኮ። ችግር የለም በአሁኑ ግን የፈለገ ቀጠሮ ቢኖርብኝም ለሌላ ጊዜ አዛውሬ ይዣችሁ እሄዳለሁ"አለ ሙሉሰው። ቀዳማዊ ደስ አለው።

○○○○
" እንዲህ የእኔን ደስታ ነጥቆኝማ አይቀርም እገለዋለሁ ይሄን እርኩስ። እንደውም አሁን ጊዜው ሳይሆን አይቀርም። "አለና ዳዊት ስልኩን አውጥቶ ደወለ። "እየውልህ አሁኑኑ መገናኘት አለብን ለሆነ ስራ እፈልግሀለሁ። "ብሎ ስልኩን ዘግቶ በፍጥነት ከቢሮ ወጣና መኪናውን አስነስቶ ቁልቁል በ ቦሌ መድኃኔዓለም ቤተክርስቲያን ታጥፎ ወደ ደምበል የሚወስደውን ሰፊ ጎዳና ይዞ እየሄደ ድልድዩን ተሻግሮ ሸዋ ዳቦ ቤት መታጠፊያ ካለ አንድ ካፌ ውስጥ ተቀመጠ። "ምን ልታዘዝ ጌታዬ" ከተቀመጠ ገና ሰከንድ ሳይሆነው ነበር አስተናጋጇ መጥታ የጠየቀችው። ቀና ብሎ ከተመለከታት በኋላ "እም ቡና አምጪልኝ "አለ። "እሺ "አለችና አስተናጋጇ አክብሮቷን ራሷን ዝቅ አድርጋ ገልፃ ትዕዛዟን ይዛ ተመለሰች።" በምን አይነት መልኩ መሆን አለበት? እንዴት ይሻላል?" እያለ ከራሱ ጋር እያወራ እያለ አንድ በሀያዎቹ መጨረሻ እድሜ ላይ ያለ አንድ ልጅ ዳዊት ጋ መጥቶ ተቀመጠ።.......!!!!

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

ኩረጃ❗️❗️❗️

ሁለቱ ጓደኛማቾች ለጠቅላላ ዕውቀት ለቃለመጠይቅ ወደ ስቱዲዮ ሊገቡ ነው፡፡ አበበ ግን ሰነፍ ነገር ስለነበር በር ላይ ይቀርና ጓደኛው ከበደ ወደ ስቱዲዮ ገባ፡፡

ጠያቂ፡- ሬዲዮ መቼ ተፈጠረ?

ከበደ፡- በ1886 ተሞክሮ በ1896 ተሳካ፡፡

ጠያቂ፡- የአለማችን የኳስ ንጉስ ማነው?

ከበደ፡- መጀመሪያ ላይ የብራዚሉ ፔሌ ነበር፡፡ ኋላ ላይ የአርጀንቲኒው ማራዶና ሆኗል፡፡

ጠያቂ፡- ማርስ ላይ የሰው ልጅ መኖር ይችላል?

ከበደ፡- አለ ይባላል፤ ነገር ግን በሳይንስ አልተረጋገጠም፡፡

ደመቀ ይህን የጓደኛውን ቃለ-መጠይቅ በር ላይ ሆኖ ሰምቶ እሱም ለመጠየቅ ወደውስጥ ገባ፡፡

ጠያቂ፡- የተወለድከው መቼ ነው?

ደመቀ፡- በ1886 ታስቦ በ1896 ተሳካ፡፡

ጠያቂ፡- እየተገረመ እሺ አባትህ ማነው?

ደመቀ፡- መጀመሪያ ላይ የብራዚሉ #ፔሌ ነበር፤ ኀላ ላይ የአርጀንቲናው ማራዶና ሆነ፡፡

ጠያቂ፡- በጣም በመናደድ ለመሆኑ ጭንቅላት አለህ?

ደመቀ፡- አለ ይባላል፤ ነገር ግን በሳይንስ አልተረጋገጠም፡፡😡😜😂

✍እንዲህ አይነት ፍጥጥ ያለ ኮራጅ ገጥሟችሁ አያውቅም? በህይወት ውስጥም ብዙ አሉ ፊልም ላይ ያዩትን ያዩዋትን ሙሉ ለሙሉ Copy ለማድረግ ሲኳትኑ የእራሳቸውን አለም እረስተው በሰው አለም የሚኖሩ፡፡ እራስን መሆን ውበት ነው፡፡

  S. H. A. R. E.
🎃  @quoteopia 🎃
🎃  @quoteopia 🎃

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_81 𖥧𖤣

... በሀያዎቹ መጨረሻ እድሜ ላይ ያለ አንድ ልጅ ዳዊት ጋ መጥቶ ተቀመጠ። " ታውቃለህ ይሄን ለማድረግ ትቼ ነበር። ነገር ግን የሰሞኑ የሚስቴ ሁኔታን ሳይ ጥላቻዬ ከእንደገና አገረሸብኝ። ልጅ መውለድ በምፈልግበት ጊዜ መውለድ እንዳልችል ያደረገኝ እሱ ነው" ብሎ ከንፈሩን ነከሰ። " ግን በደንብ አስበህበታል ዳዊት? በኋላ እንዳይፀፅትህ" አለ ወጣቱ ሕዝቅኤል።

ሕዝቅኤል የዳዊት የልብ ጓደኛና ብዙ ስራዎችን የሚሰራለት ልጅ ነው። ከምንምና ከማንም በላይ ዳዊት ሕዝቅኤልን ያምነዋል። ነገር ግን በብዛት ዳዊት የሚያደርገውን ነገር ይቃረነዋል። ነገር ግን ሁሉንም ያዘዘውን ስራ ይሰራለታል። ለዚህም ነው አሁን ስላሰበው ነገር ሕዝቅኤልን የመረጠው።" አሁን ምክርህን ሳይሆን ትዕዛዜን እንድትፈፅም ነው የጠራውህ። አንተ የምትነግረኝ ነገር ቢኖር ሙሉሰውን እንዴት ልናስወግደው እንደምንችል ብቻ ከሞያህና ከሚቀልህ መንገድ አንፃር ብቻ የሚመችህን ትነግረኛለህ። ከዛ ውጪ ያለውን ተወው። አሁን በምን አይነት መልኩ ቢሆን ደስ ይልሀል? " አለ ዳዊት::

ሕዝቅኤል ዳዊትን ትኩር ብሎ እየተመለከተ ጣቱን ጉንጩ ላይ አስደግፎ አሰበና " እንግዲህ ያው ማድረግ የምንችለው የመኪናውን ፍሬን መበጠስ ነው።" አለ " እሺ እሱን እንዴት ነው እሱን የምታደርገው? መቼስ ነው የምታደርገው?" አለ ዳዊት " አልዋሽህም ይሄን ለማድረግ እንኳ ጊዜ ይፈጃል። ሙሉሰው የሚይዘውን መኪና ማወቅ ያስፈልጋል። ምክንያቱም እንዳይተርፍ የሚያደርገው የትኛውን የሞተር ክፍል መጉዳት ሲኖርብን እንደሆነ ማወቅ አለብኝ። ከዛ በኋላ ደግሞ ቢሮው የት የት እንደሆነ የትኛው ቢሮ ላይ ብዙ ጊዜ እንደሚፈጅ ብዙ እንደሚቆይ እ መኪናውን የሚያስቀምጥበት ቦታ። አዘውትሮ ፓርኪንግ የሚጠቀምበትን ቦታ ማወቅና ዘበኞቹ ጋር መወዳጀት መግባባት ሁሉንም ነገር ማቀድና ማስተካከል ይኖርብናል። ከዛ በኋላ ደግሞ አደጋውን በሰው የተደረገ ሳይሆን በኪናው ችግር የሆነ እንዲመስል መጀመሪያ ላይ የተወሰኑ ስራዎችን መስራት አለብኝ። " አለ ሕዝቅኤል

" ማለት በመኪናው ችግር እንዲሆን ስትል አልገባኝም" አለ ዳዊት " በመኪናው ችግር ማለትም በቅድሚያ የመኪናውን ሞዴል ካጠናን ና በበቂ ሁኔታ መረጃ ከሰበሰብን በኋላ የመኪናውን ስስ ጎን ማለትም ሰው ያደርገዋል የማይባለውን ክፍል በማበላሸት አነስተኛ ችግር እንዲፈጠርና ከአንድ ጊዜም ሁለት ጊዜ ወደ ጋራጅ ይዞት ይሄዳል። ባለ ጋራጁ ጋር ደግሞ ስምምነት እንፈጥራለን። ያው መቼም መኪናውን የሚወስደው አቅራቢያው ወደሚገኝ ጋራዥ ነው። እሱን እኛ እናስተካክላለን ማለትም ወደ እኔ እንዲልኩት አደርግና በምፈልገው መልኩ አድርጌ እሰራለታለሁ" አለ ሕዝቅኤል

" በጣም ጥሩ ነው ያሰብከው። እኔ ካሰብኩት በላይ ሰፋ አድርገኸዋል። በዚህ መልኩ ካደረከው እንኳ በጭራሽ ሰው እንዳደረገው አይታወቅም። ቆንጆ ነው ወድጄዋለሁ። ስለዚህ ከአሁኑ ጀምር የሚያስፈልግህን ብር ጠይቀኝ። እ የምንገናኘውና የምናወራው ደግሞ በስልክ ነው አንገናኝም። "አለ ዳዊት " እንደፈለክ ብቻ የሚያስፈልገኝን ብር አስገባልኝ እንደነገርኩህ ነው ፕሮሰሱ ብዙ ነው። በየቦታው ብር ማስቀመጥ አለብኝ በመንገዳችን ላለ ሰው ሁሉ አፉን መዝጊያ የተወሰነ መስጠት ያስፈለጋል። እሱን ሁሉ በማሰብ አስገባልኝ" አለ ሕዝቅኤል።

ዳዊት ሕዝቅኤል ያለውን ነገር ትንሽ ካሰበ በኋላ "ለምን ከዚህ ሁሉ በአንድ ቀን የሆነ ነገር አድርገህ አትገልልኝም" አለ ዳዊት ድንገት " እንዴ ዳዊት ምን ሆነሀል? ተነጋገርን አይይደል እንዴ? ሁሉም ነገር በእቅድና በጥንቃቄ ካልሆነ እያዛለሁ። ያው እኔ ከተያዝኩ ደግሞ አንተ ጋር ለመድረስ ጊዜ አይፈጅባቸውም። ስለዚህ የመጀመሪያ ሀሳቤን ተቀበል። ገና ለገና ብር አተርፋለሁ ብለህ ራሳችንን አደጋ ላይ የሚጥል ስራ እንድሰራ አታስገድደኝ። ኧረ ካልክ ግን ስራውን አልቀበልም። ራሴን አደጋ ውስጥ ማስገባት አልፈልግም። ሌላ ሰው ፈልግ በፈለከው መንገድ የሚያደርግልህን ሰው እኔ እንደሆነ አልሰራም።"አለ ሕዝቅኤል " እሺ በቃ ተቀብያለሁ። እንዳልክ ማታ ላይ ብሩን አስበህ እና ስንት እንደምትፈልግ ቴክስት አድርግልኝ" አለና ዳዊት ተነስቶ ሁለታቸውም የተጠቀሙትን ትኩስ ነገር ሒሳብ ከፍሎ ወጣ።

ዳዊት በሀሳብ ጭልጥ ብሎ ሄደ። ሁኔታውን ግራ ተጋብታ የምትመለከተው ሰላማዊት። ዝም ብላ ስታየው ከቆየች በኋላ " ዳዊት ግን ዛሬ ደህና ነህ? ከመጣህ ጀምሮ እኮ ዝም ብለህ በሀሳብ ተዋጥክ። ምንድን ነው የምታስበው? ይሄን ያህል የሚያሳስብህስ ነገር ምንድን ነው?" አለች ሰላማዊት አገጩን በእጇ ደግፋ አይን አይኑን በፍቅር እየተመለከተች። " ምንም የለም ፍቅር አታስቢ እንዲሁ ስለስራ ምናምን ነው እያሰብኩ ያለሁት" አለና ዳዊት ትኩረቷን ለመቀየር ሳቅ ብሎ አቀፋት።

ነገር ግን ሰላማዊት አልተዋጠላትም። ያቀፋት ለማረሳሳትና ተራ ሽንገላ እንደሆነ አላጣችውም። እሷም አቀፈችውና አይኗን ጨፈን አድርጋ ትንሽ ካሰበች በኋላ " ነው በእኔ ጉዳይ ነው። መውለድ ስለማልችል ነው አይደል?" አለች ሆነ ብላ ይሄን ስታነሳበት እንደሚበሳጭና እውነቱን እንዲነግራት በማሰብ......

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_82 𖥧𖤣

... ይሄን ስታነሳበት እንደሚበሳጭና እውነቱን እንዲነግራት በማሰብ... አልተሳሳተችም። " ምን ሆነሻል ሰላም ይሄን ደግሞ ከየት አመጣሽው? ይሄን ችግር ሁለተኛ እንዳታነሺ ብየሽ አልነበር? ደግሞስ እንዲሁ እንውለድ አልኩሽ እንጅ ያን ያክል አስፈላጊኮ አይደለም። መድኃኒትሽን ስትጨርሺ እንሞክራለን። ባይሆንም ደግሞ ችግር የለም። ምን ልጅ እኮ ማሳደግ እንችላለን።" አለ " እውነትክን ነው የኔ ፍቅር እኔም እያሰብኩ ነበር። ካልሆነ እስክንወልድ ድረስ አንድ ልጅ በማደጎ እንድናሳድግ ልጠይቅህ ነበር።" አለች " እንዴታ በጣም ደስ ይለኛል። አንቺን ደስ እንዳለሽ! ብቻ በሆነ ባልሆነው ልጅ ስለማልወልድ ነው ምናምን እያልሽ እንድትቆዝሚ አልፈልግም። አንቺ እኮ የእኔ ሁሉ ነገር ነሽ። ከአንቺ ጋ እስክሞትም ቢሆን አብሬ ነኝ። አንቺ ሚስቴ ብቻ አይደለሽም እህቴና እናቴም ጭምር ነሽ። በዛ ላይ በጣም አፈቅርሻለሁ ስለዚህ በምንም ታዕምር መጥፎ ስሜት እንዳይሰማሽ። እኔ በተለያዩ ነገሮች በሀሳብ ልጠመድ እችላለሁ። በነዚህ ችግሮችና ሀሳቦች በተጠመድኩ ቁጥር ደግሞ አንቺ ሌላ ነገር ልታስቢ አይገባም እሺ"አለና ሳማት።

ሰላማዊት በሚያሳዝን አተያይ ራሷን በመነቅነቅ መስማማቷን ገለፀችለት። ይሄን እንዲላት ነበር የፈለገችው። የማደጎውን ልጅ ሀሳብም በድንገት እንጅ አስባበት አልነበረም ያቀረበችለት። " ስለዚህ እንደዛ ካልክ አንተም የሆንከውን ንገረኛ ስትጨነቅ እኮ እጨነቃለሁ። የሆንከውን ካለማወቄ የተነሳ ብዙ ነገር ስለሚመጣልኝ ና ስለማስብ ነው። ስለዚህ በቻልከው መጠን ብትነግረኝ ደስ ይለኛል። ፊትህ ላይ የሀዘን ስሜት ማየት አልፈልግም"አለች ሰላማዊት አይኖቿን እያርገበገበች " እሺ ከዚህ በኋላ እነግርሻለሁ። እኔ እኮ ብቻ ተይው እሺ በቃ "አለ

ዳዊት ስልኩን አሁንም አሁንም ቢመለከት የሕዝቅኤል መልዕክት አልደርሰው ሲል ስልኩን አንስቶ ደወለለት። " ምንድነው እስካሁን ዘገየህሳ እንዴ የድርጅቴን ሒሳብ የምትሰራ እኮ አስመሰልከው። ኧረ የሆነ ቁጥር ዝም ብለህ ላክ"አለ። " እንዴት ዝም ብዬማ እልክልሀለሁ። በዚህ ስራ ውስጥ ምን ያህል ሰው እንዳለ እና ስንት እንደሚያስፈልጋቸው ካሰብኩ በኋላ ነው እንጅ ዝም ብዬማ እንዴት እልክልሀለሁ። አሁን ጨርሻለሁ የሰውን ብዛትና እያንዳንዳቸው ስንት ብር ስንት ብር እንደሚፈልጉ አብሬ እፅፍልሀለሁ።" አለና ሕዝቅኤል ስልኩን ዘጋው ዳዊት በሕዝቅኤል ንግግር እየተበሳጨ " ምንድነው የሚለው ይሄ ልጅ ወንድሜን መግደል እፈልጋለሁ ስለው ጊዜ ሙሉ ገንዘቤን ሊወስደው ነው እንዴ?" እያለ ዳዊት እያጉረመረመ ባለበት መልዕክት ገባለት በፍጥነት ስልኩን አነሳና ተመለከተው።

መልዕክቱን ሲያይ አይኖቹ ተስለመለሙ፣ ከንፈሩ ተንቀጠቀጠ፣ ሕዝቅኤል እያንዳንዱን ነገር አውጥቶ በዝርዝር ነው የላከለት። መልስ ሳይመልስለት ሲቆይ ጊዜ ሕዝቅኤል ደወለ። ዳዊት ስልኩን አንስቶ" ምንድን ነው የላክልኝ ከእኔ ሀብቴ ድርሻህን ነው የምትፈልገው? ነው ብሩን ፈርቼ መግደሉን እንድተው ሆነ ብለህ የሰራኸው ስራ ነው? ወይስ ይሄን ያህል ገንዘብ አውጤቼና ሰጥቼ አስገድዬው እፎይ እንድል ፈልገህ ነው? ወይስ እኔን በገንዘቤ ምክንያት አስረህ የምፈልገውን እንዳላደርግ እየሞከርክ ነው?"አለ ዳዊት ፊቱ ልውጥውጥ እያለ። ሕዝቅኤል ይሄ እንደሚፈጠር ቀድሞ ስላወቀ መልሱን በሚገባ ተዘጋጅቶበታል።" እንደነገርኩህ ነው ዳዊት ምንም አይነት ማስረጃ ላለመተው ነው ይሄን ሁሉ ብር የጠየኩህ እንዴ ምን ሆነሀል ግድያ እኮ ነው የምንፈፅመው ቀላል ነገር መሠለህ እንዴ አንድ ነገር ቢገኝብን እኮ ተያይዘን ነው የምንገባው። አንተ ለገንዘብህ ስትጨነቅ እኮ እኔም ለራሴ ሕይወት እጨነቃለሁ። ከተስማማህ አስገባልኝና በፍጥነት ስራውን ልጀምር ኧረ ካልክ ደግሞ አንተ የራስህን መንገድ ተጠቀም እኔ ግን የለሁበትም"አለ ሕዝቅኤል ኮስተር ብሎ

"አንተ ልጅ ያምሀል የጠየከኝ ብር እኮ 300,000 ብር ነው ይሄን ሁሉ ገንዘብ ከፍዬ ነው የማስገድለው? ቆይ መሞቱ ምኑን ጠቀመኝ ገንዘቤን ይዞት ከሄደማ?" አለ ዳዊት በብስጭት እየጮኸ " እንግዲህ ያለው ነገር ይሄው ነው በዚህ ካልተስማማህ ወይ ብተወው ይሻላል" አለና ሕዝቅኤል ስልኩን ዘጋው " እምምም ይሄ የተረገመ በቃ ለመሞትም እኔን ሳይገድል አይሆንለትም ራሱን አስወደደ ማለት ነው? እኔማ ዝም አልልም አንተን ሳልገድል። የአንተን እስትንፋስ ለመንጠቅ አንዲት ብር አላወጣም ጠብቅ ብቻ " አለ ዳዊት

○○○○
አቶ ሙሉሰው ሔመንና ቀዳማዊይን ይዞ ቤሮን ሆቴል የዋና ወረፋቸው እስኪደርስ ድረስ መናፈሻው ላይ ተቀምጠዋል። "ጋሼ ግን የምትረሳው መስሎኝ ነበር"አለ ቀዳማዊ አንገቱን ሰበር አድርጎ " አሁንማ እንዴት እረሳዋለሁ ጎረምሳው በጥብቅ እኮ ነው ያስታወስከኝ። ከዚህ በኋላ ስኬጁል ማለቴ መርሀግብር እናወጣለን የምትዋኙበትን ቀን በዛ ቀን እኔ ቢዚ እንኳ ብሆን ሔዋን ይዛችሁ እንድትመጣ አደርጋለሁ" አለና አቶ ሙሉሰው ሁለቱንም አቀፋቸው።

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_83 𖥧𖤣

... አቶ ሙሉሰው ሁለቱንም አቀፋቸው። "አባዬ ግን ከቀዳማዊና ከእኔ ማንን ነው በጣም የምትወደው?" አለች ሔመን " አንቺን ነዋ!" አለ ቀዳማዊ በፍጥነት " አንቺን ነዋ እንዴ ይሄ እኮ ለጥያቄ የማይቀርብ ነገር ነው። እኔን እኮ በቅርብ ነው የሚያውቀኝ አንቺን ደግሞ....ገና ተረግዘሽ እያለ ስለዚህ አንቺንና ኤሊያናን ነው "አለ ቀዳማዊ የሔመንን ጉንጭ ይዞ " አይ እኔ ሁለታችሁንም ነው የምወዳችሁ አንዳችሁን ከአንዳችሁ አስበልጬ አላያችሁም ስለዚህ እንደዚህ አትጠይቂ እሺ የኔ ማር! ደግሞ ቀዳማዊ ባይመጣና ለአንቺ ወንድም ባይሆንሽ ኑሮ ጎበዝ ተማሪ አትሆኝም ነበር! " አለ አቶ ሙሉሰው ሔመኔን በፍቅር እየተመለከታት " አዎ አዎ አባዬ ጎበዝ ተማሪ መሆን ግን እንዴት ደስ እንደሚል ወደ ፊት እንደ ቀዳማዊ ሁሉንም ኤ ነው የማመጣው። "አለች ሔመን " አንቺማ ከእኔም ትበልጫለሽ ኤ ፕላስ ነው የምታመጭው እንዴ ጎበዝ እኮ ነሽ"አለ ቀዳማዊ "እውነትክን ነው ከአንተ በላይ ጎበዝ ነኝ?"አለች ሔመን ባለማመን "አዎ ይሄ ምን ጥርጥር አለው እኔ እኮ በአንቺ የክፍል ደረጃ እያለሁ እንደአንቺ ጎበዝ አልነበርኩም"አለ ቀዳማዊ ።

ሔመን በጣም ደስ አላት "በሉ ልጆች አሁን ተራችን ደርሷል ወደ ዋና ገንዳው እንጠጋ "አለና አቶ ሙሉሰው ተነስቶ ይዟቸው ሄደ። የሳምንቱ ረፍት ቀን በመሆኑ ብዙ ሰዎች ልጆቻቸውን ይዘው ተገኝተዋል። ቀዳማዊ ገና ዋና ሳይጀምር ውጭ ላይ እያወሩ ባሉበት አንዳንድ ቀዳማዊን ሲዋኝ ያዩትና የወደዱት ሰዎች መጥተው ያበረታቱትና ጎበዝ እንደሆነ እየነገሩት አቶ ሙሉሰውንም እጅ ነስተው ይሄዳሉ። " ጎረምሳው ታዋቂነት እንዴት ነው? ይሄው ስንት አመት የኖርኩት ሰውዬ ሳልታወቅ አንተ ትላንት መጥተህ ከእኔ በላይ ታወክ "አለና አቶ ሙሉሰው እየሳቀ "ለነገሩ የአንተ እውቅና ለእኔም ጠቅሞኛል ታዋቂ አድርጎኛል። ይሄው በየ ሄድኩበት የዛ ልጅ አባት የዛ የጎበዝ ዋናተኛው ልጅ አባት ኤያሉ በአንተ መጠራት ጀመሪያለሁ"አለ አቶ ሙሉሰው ቀዳማዊ እንደማፈር ብሎ አንገቱን ሰበር አደረገ።

"አየህ ልጅ ቀዳማዊ እውቅና ና መደነቅ የሚመጣው ስትሰራ ነው ስትጥር ነው። አሁን ጎበዝ ዋናተኛ ባትሆን እነዚህ ሰዎች መጥተው አድናቆት አይለግሱህም ነበር። አንዳንድ ጊዜ የአንተ ደስታ ከአንተ አልፎ ለሌሎች የደስታ ምንጭና የስኬት መነሳሻ ሲሆን ታስተውላለህ። ተመልከት የትም ሳትሄድ ልጄን ሔመንን አሁን እንደምታየው በጣም ታታሪ ሆናለች። ደስታዋ ከእሷ አልፎ ለእኔም ሆኗል። በእርግጥ በጉብዝናዋ ከፍተኛውን ጥቅም የምታገኘው እሷ ብትሆንም ነገር ግን እኔም ተጠቅሚያለሁ። በእሷ ደስታ ደስ ብሎኛል። ስለዚህ እኔ ከሕይወቴ በመነሳትና ከደረሰበኝ ውጣ ውረድ አንፃር ካሳለፍኩት ዳገትና ቁልቁለት የተነሳ የምልህ ነገር አለኝ። ሁሉንም ልብ ብለህና ጆሮ ሰጥተህ አዳምጠኝ። ስማኝ ምክንያቱም ከራስህ ሕይወት ባሻገር በሌሎች ሕይወትም መማር አለብህ።

አንተ መማር እስካላቆምክ ሕይወት ማስተማሯን አታቆምም እናም መጀመሪያ የምልህና የምመክርህ ነገር ቢኖር....... አደራህን በትንሽ ስኬት እንዳትረካ! ከረካህ አጓጉል መንገድ ላይ ትቆማለህ። የሰዎች አድናቆት ለሌላ ስኬት ማበረታቻ እንጂ መስነፊያ ሊሆንህ አይገባም። ስለዚህ አድናቆትን ተቀበል ግን ውስጥህ ላይ ቦታ አትስጠው። ምክንያቱም እብሪተኝነት ጀግንነት ሊጠናወትህና ግትር ሊያደርግህ ይችላል። ሌላው ደግሞ ሁሌም ቢሆን ምክንያታዊና አሳቢ አሰላሳይ ልትሆን ይገባል። የመጨረሻው ምክሬ ደግሞ "አለና የቀዳማዊን ራስ ዳበስ ዳበስ አደረገው።

አይ አጋጣሚና መንገድ ይገርማል "አንተ ቤቴ ከገባህ በኋላ ካደረኩልህ በላይ ነውና ያደረክልኝ ተባረክ ፈጣሪ ነው በምሳሌ አስመስሎ አንተን የሰጠኝ"አለ አቶ ሙሉሰው "ኧረ ጋሼ እኔ ነኝ ከዛ ሁሉ መከራና ልመና አስወጥተኽ እዚህ ላደረስከኝ ላመሰግንህ የምገባው። አንተ እና እትዬ ያደረጋችሁልኝን መቼም ቢሆን አልረሳውም። ከዛ ሁሉ ስቃይ እኮ ነው የገላገላችሁኝ"አለ አቶ ሙለሰውን በፍቅር ተመልክቶ..... ነገር ግን ዘወር ሲልለት ቀዳማዊ ፊቱ ቅይር አለ። ጥርሱን ከጥርሱ ጋር አያይዞ በቀስታ ራሱን ሽቅብና ቁልቁል ያወዛውዝና" አሁን አንቺም እናት ትባይ ይሆናል? እናንተም እህቶች ትባሉ ይሆናል? ፈጣሪ ግን ጥሎ አልጣለኝም። እንደ እናንተ ክፋት ቢሆን ኖሮ ጋሼንና እትዬን የሚያህሉ ደግ ሰዎች ፈጣሪ አይሰጠኝም ነበር።.....

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_84 𖥧𖤣

... እንደ እናንተ ክፋት ቢሆን ኖሮ ጋሼንና እትዬን የሚያህሉ ደግ ሰዎች ፈጣሪ አይሰጠኝም ነበር። ነገር ግን የአባቴ ውቃቢ ይከተለኛልና ይሄው ሳልንገላታ ፆም ሳልውል ሳላድር ጋሼን ሰጠኝ እትዬን ሰጠኝ እንደወንድም የምትወደኝን ሔመንን እህት አድርጎ ሰጠኝ። አሁን የተመቻቸ ሕይወት እንደምኖር ብታዩ ምን ያህል ትበሳጩና ትናደዱ ይሆን እኔም በንዴታችሁ ደስ ይለኝ ነበር። ግን ግዴለም አሳያችኋለሁ። የእናንተን ክፋት የነዚህን ሰዎች ደግነት የሙሉቀንን የዋህነት ገና በዚህ እድሜዬ አሳይታችሁኛልና ለሁሉም ነገር እንመሰጋገናለን"አለና የለበጣ ሳቅ..... የፌዝ ሳቅ..... የምፀት ሳቅ.... የበቀል ሳቅ.... የለቅሶ ሳቅ.... የደስታ ሳቅ ስቆ መቆዘሙን ቀጠለ።

አቶ ሙሉሰው የቀዳማዊን ፊት በድንገት መቀየር ሲመለከት እንደ መደንገጥ አለና "ደህና ነህ ልጄ "አለው ቀዳማዊ ከሀሳቡ ብንን በማለት "ደህና ነኝ ጋሼ ደህና ነኝ "አለ። በዚህ ጊዜ ሔመን እየሮጠች መጣችና "እንዋኝ የእኛ ተራ ነው"አለች " እሺ "አለና ቀዳማዊ ተነስቶ ልብስ ወደ ሚቀይሩበት ቦታ ሄደው ልብሳቸውን ቀይረው መጥተው ወደ ዋና ገንዳው ተወረወሩ። ገንዳውን ለሁለት እየቀዘፉ ለተወሰነ ጊዜ አብረው ከሄዱ በኋላ ሔመን ስለደከማት ተመለሰች ቀዳማዊ ደግሞ መዋኘቱን ቀጠለና ጫፉ ላይ ሲደርስ መሰላሉ ላይ ራሱን አራግፎ ከእንደገና የጀርባ እየዋኘ ተመለሰ።

ቤርሳቤህ ከጓደኛዋ ሐምራዊ ጋር ለመዋኘት የመዋኛ ልብሷን ለብሳ ልትዋኝ ስትል ቀዳማዊን የጀርባ እየዋኘ አየችው። ዘወር ብላ ሰዎቹን ስታያቸው ሁሉም ሰው ቀዳማዊን እየተመለከቱት ነው" እንዴ ልጁ ታዋቂ ዋናተኛ ነው ማለት ነው?" አለች ቤርሳቤህ "ማንን ነው?" አለችና ሐምራዊም ቤርሳቤህን ጠየቀቻት "እያየሽው ነው የሚዋኘውን ልጅ እንዴት የጀርባ እንደሚቀዝፍ የጀርባ ቀዘፋ እኮ ቀላል አይደለም። በጣም ከባድ ነው እንዴት እንደዚህ በቀላሉ በፍጥነት ይሄደዋል? ዋው ጀግና ነው"አለች ቤርሳቤህ በአድናቆት " በጣም! ቤርሲ ይሄማ የአሳ ዘር ሳይኖርበት አይቀርም። ሙሉ ዘሩማ ሰው አይመስለኝም። ወይም ደግሞ ባህር ውስጥ ነው የተወለደው"አለች ሐምራዊ ትንሽ ከተመለከተችው በኋላ።

ቤርሳቤህ ግን በተመስጦ ዝም ብላ ትመለከተዋለች " ኧረ ቤርሲ አይንሽን ንቀይ እንዴ ምንድነው እንዲህ መመሰጥ" አለች ሐምራዊ "ገርሞኝ እኮ ነው ማለቴ ብዙ ዋናተኞችን አውቃለሁ። አይቻለሁም። ግን ሁሉም ማለት ትችያለሽ የጀርባ ቀዘፋ ትንሽ እንኳ አይሄዱም ይከብዳቸዋል። እሱ ግን በቀላሉ ነው የሚዋኘው ተመልከቺው" እያለች በደንብ እንድታየው ታመላክታታለች። "እኔ ምልሽ ግን ሁል ጊዜ ባይሆንም ቅዳሜና እሁድ አልቀርም እንዴት አይቼው አላውቅም" አለች ቤርሳቤህ "እኔም አላውቅም ባክሽ ወይም ደግሞ ከዋኘን በኋላ ወይም ፊት መጥቶ እየዋኘ ይሆናል። ተይው ባክሽ የራሳችንን ዋኝተን እንውጣ።"አለች ሐምራዊ "እስኪ ሊወጣ ነው መሰል ሄደን እንዬው "አለች ቤርሳቤህ " አቤት ቤርሲ ደግሞ ምንድን ነው እንደዚህ አጋኖ መመልከት በቃ ልጁ ዋና ይችላል። አለቀ ሌላ ምን ያስፈልጋል ? ብታይው ባታይው ምን ይሰራልሻል?" አለች ሐምራዊ " ከቻለ ያስለምደናል። ምን ማወቁ ይከፋል? "አለችና ቤርሳቤህ ቀዳማዊ ወደ ሚወጣበት አቅጣጫ እየሄዱ እያሉ ቀዳማዊ ከገንዳው ወጥቶ መሠላሉ ላይ ሆኖ ፊቱን ሲያዞር ቤርሳቤህ ስታየው የአይኖቿን ብሌን በአንድ አቅጣጫ ብቻ አደረገቻቸው መሽከርከራቸውን አቁመው ፊት ለፊቷ ያለውን ልጅ ባለማመን ትኩር ብላ ተመለከተችው።

ደንግጣ ዝም ስትል ሐምራዊ በቤርሳቤህ ድንጋጤ ደንግጣ "ቤርሲ ደህና ነሽ?"አለች። ቤርሳቤህ ግን አልመለሰችላትም። ሐምራዊ አሁንም በድጋሚ "ቤርሲ ደሕና ነሽ?"አለች " ደ ደሕና ነኝ ሐምሪ " አለች አሁንም ትኩረቷን ቀዳማዊ ላይ እንዳደረገች።" ምኑን ደሕና ነኝ ትይኛለሽ? ደሕና አለመሆንሽንማ እያየሁ እኮ ነው። እንዴ ድርቅ ብለሽ ቀረሽ እኮ ታቂዋለሽ እንዴ?" አለች ሐምራዊ

ቤርሳቤህ በመጠራጠርና አይኗን ባለማመን ከእንደገና ጨፍና ከፈተችው ነገር ግን የተቀየረ ነገር አልነበረም ራሱ ቀዳማዊ ነው። "ኧረ ባክሽ ግራ አታጋቢኝ የምታቂው ከሆነ የት እንደምታውቂው ንገሪኝ የማታውቂው ከሆነ ደግሞ ለምን እንደዚህ እንደሆንሽ ንገሪኝ " አለች ሐምራዊ እየተቅበጠበጠች። .....

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_85 𖥧𖤣

... ለምን እንደዚህ እንደሆንሽ ንገሪኝ " አለች ሐምራዊ እየተቅበጠበጠች። ቤርሳቤህ ከረጅም የተመስጦ ምልከታ በኋላ ወደ ጓደኛዋ ሐምራዊ ዙራ " ይሄ ልጅ ስሙ ቀዳማዊ ነው የሚባለው:: የሚማረው ከነ ደሐብ ጋር ነው። እና ብታይ ሰሞኑን ስለ እሱ ከደሐብ ጋር እያወራን ነበር። ማለቴ ያው ደሐብ ችክ ብላበታለች። "አለች ቤርሳቤህ " አልገባኝም ችክ ብላበት ስትይ ወዳው ነው?"አለች ሐምራዊ "ኧረ አይደለም ምን ሆነሻል። ልጁ ጢባራም ነገር ስለሆነ በዛ ተናዳ ነው። አለ አይደል እልክ ምናምን ተጋብታበት። እንጅ እንዴት ትወደዋለች ያው ታውቂያለሽ ደሐብ የውስጧ ና የልቧ ካልሆነላት እንደምትናደድ ያን ሰው በተደጋጋሚ እንደምታስብ በዛ ላይ ይሄ አዲስ ባህሪዋ አይደለም። እኔ በጣም የገረመኝ እንደዚህ ጎበዝ ዋናተኛ በመሆኑ ነው። እሱ መሆኑን በጭራሽ አልጠበኩም።" አለችና ቤርሳቤህ ወደ ቀዳማዊ ዞር አለች።

" እኔ አሁንም አልገባኝም ምን ማለት ነው እንደዚህ አልጠበኩትም ማለት እንዴት ነበር የጠበቅሽው? ቆይ ልጁንስ እንደማታቂው ታውቂያለሽ ምን ያስገርማል? እሺ ልጁንስ ብታውቂው እኔ እኮ እንደዚህ ዋና እንደሚችል አላውቅም ነበር እኔ እሱን የማውቀው በዚህ በዚህ ነው ብትይኝ እረዳሽ ነበር ግን የማይመስል ነገር ልጁን አላውቀውም ብለሽ ከዛ ደግሞ እንደዚህ እንደሆነ አላውቅም። ሃሃሃሃሃ አታስቂኝ "አለች ሐምራዊ " እህ ሐምሪ ደግሞ ችግር አለብሽ ያለውን እውነት ነገርኩሽ አይደል እንዴ? እኔ አላቀውም መልኩንም ደሐብ ነች በቅርብ ያሳየችኝ " አለች ቤርሳቤህ እየተቆጣች

ቤርሳቤህና ሐምራዊ ቀዳማዊን ከዋና ወጥቶ ከነ ሔመንና አቶ ሙሉሰው ጋር መኪና ገብቶ እስኪሄድ ድረስ ሲያዩት ከቆዩ በኋላ እርስ በእርስ ተያዩና እኩል ወደ ዋና ገንዳው ተወረወሩ።

○○○○
"ዛሬ ስራ ስለሚበዛብኝ አምሽቼ ነው የምመጣው"አለ አቶ ሙሉሰው " ኧረ አታምሽ በጠዋት ብትገባ ይሻላል እንጅ የማታ ስራ ጥሩ አይደለም ሙሉ "አለች ሔዋን "ያው እኔም አልወድም ግን የግድ ነገ ሪፖርት የሚደረግ ስለሆነ ዛሬ መጨረስ አለብኝ። በይ በሩን ክፈቺልኝ"አለና አቶ ሙሉሰው መኪናውን ይዞ ወጣ። ወይዘሮ ሔዋን አቶ ሙሉሰው ጠዋት ከቤት ከወጣ በኋላ ጥሩ ስሜት እየተሰማት አይደለም። ልቧ ያለ ቅጥ ይመታል አሁንም አሁንም ድንግጥ ድንግጥ ብርግግ ትላለች። " ምን ሆኜ ነው ዛሬ እንደዚህ የሚሰማኝ? ፈጣሪዬ ልጆቼንና ባለቤቴን በሰላም አስወጥተህ በሰላም አስገባልኝ።"እያለች እጆቿን አጣምራ ወደ ላይ ትፀልያለች።

ስአቱ ሲደርስ እነ ሔመንን ይዛ ወደ ቤቷ ተመለሰች። እነ ሔመን ሰላም በመሆናቸው ትንሽ ጭንቀቷ ቀለላት። እነሱን አስምጥታ ትንሽ እንደቆየች ቀዳማዊም ከትምህርት ቤት ተመለሰ። ቀዳማዊ ከትምህርት እንደተመለሰ ምሳውን በልቶ እያነበበ አመሸ። አመሻሽ 1:30 ገደማ "ቀዳማዊ እስኪ ና "አለች ሔዋን። ቀዳማዊ በፍጥነት ወደ ሔዋን ሔደና "አቤት እትዬ" አለ " እስኪ ልጄ ወደ ሙሉሰው ሂድና አብረኸው አምሽ ውስጤን ምንም ጥሩ ስሜት እየተሰማኝ አይደለም።" አለች ሔዋን " ምነው እተዬ የተፈጠረ ነገር አለ?"አለ ቀዳማዊ " አይ የለም ደውዬለት ነበር ደሕና ነው ነገር ግን እኔ ምንም ጥሩ ስሜት እየተሰማኝ አይደለም። እየተረበሽኩ ነው።"አለች ወይዘሮ ሔዋን "ችግር የለውም እሔዳለሁ የት ነው ቢሮው"አለና ቀዳማዊ የሙሉሰውን አድራሻ ተቀብሎ ወጣ ።

ወይዘሮ ሔዋን የነገረችው ፎቅ ቢሮ ቁጥር ላይ አቶ ሙሉሰው በሩን ገርበብ አድርጎ እየሰራ አገኘው። አቶ ሙሉሰው ቀዳማዊን ሲያየው ድንግጥ ብሎ "ምነው በሰላም ነው? ችግር አለ?"አለ " ኧረ ችግር የለም ጋሼ እትዬ ብቻውን እንዳይሆን እንድታነጋግረው ሂድለት ብላኝ ነው"አለ ቀዳማዊ " አይ የእሷ ነገር ትንሽ ያመሸሁ ጊዜ ይጨንቃታል። ግን ምንም የሚያስጨንቅ ነገር የለውም። ጠላት የለኝ "አለ አቶ ሙሉሰው " ቢሆንም እትዬ ጥሩ ስሜት እንዳልተሰማት ነግራኝ ነው የመጣሁት"አለ ቀዳማዊ "እሷ እንዲሁ ናት ስለማታውቃት ነው "አለ አቶ ሙሉሰው

○○○○
" በምንም ታዕምር ስህተት መስራት የለብህም። ስተተኩስበት ሰው እንዳያይህ ዙሪያ ገባውን በደንብ አይተህ ነው። በጭራሽ ዛሬ እንዳያመልጥህ"አለ ዳዊት " ችግር የለም ጌታዬ ዛሬውኑ እንጨርሰዋለን።"አለ ከወዲያኛው መስመር ዳዊትን የሚያወራው ወጠምሻ። ዳዊት የቤቱ ሳሎን ውስጥ ሆኖ ወዲያ ወዲየህ ይንጎራደዳል።.........!!!!!!????????


🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia