𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_72 𖥧𖤣

... የባሰው ናፍቆቱም ለከፋ ብቸኝነት ዳርጎታል። ከማንም ጋር አይደበለቅም የሚውለው ብቻውን ነው። የቀዳማዊ ትዝታ አሁንም አሁንም ያለ እረፍት እያናጠበው ሲሻው በዋሽንቱ ያንጎራጉራል። አልሆን ሲለው ደግሞ ስቅስቅ ብሎ ያለቅሳል። ሙሉቀን እንዲያ ነው የሚል ለቅሶውን በዋሽንቱ ቀዳዳዎች በጣቶቹ እያፈነ እየለቀቀ በደንብ ስሜቱን ያወጣባታል።
ስወርድ ሜዳውን ስወጣ አቀበቱን፣ እየሳቀ ፊቴ
አሁን ገና ከፋው ቀረ መሰል ጓዴ ዛለበኝ ጉልበቴ
እንዲህ እያለ በዋሽንቱ ዜማ እያብላላ የውስጡን ስቃይ ትዝታና ናፍቆት በትንፋሹ እያወጣ ትንንሾቹን የዋሽንት ቀዳዳ በጣቶቹ ደፈን ከፈት እያደረገ በዜማ እያወጣ ራሱን ለማፅናናት ይሞክራል። የዋሽንቱን ዜማና ድምፅ ሲሰሙ እንጨት ለመልቀም ወደ ጫካው ወደ ወንዙ የወረዱ ልጃገረድ ሳዱላዎች በመደመም የእንጨት ስብርባሪና የወዳደቁ የዛፍ ቅጠል ርጋፊ ኮሽታ እንዳይረብሻቸው ቀስ ብለው ባሉበት ቆመው ጆሯቸውን ለዋሽንቱ ሰጥተው በተመስጦ ያዳምጣሉ።

ሙሉቀን አንድ ጊዜ ዋሽንት መንፋት ከጀመረ በኋላ አቁም አቁም አይለውም። ለዚህም ነው ልጅ ሙሉቀን ዋሽንት ሲነፋ ነብር ይጠራል እየተባለ የሚወራው። በዚች የገጠር ቀበሌ ዋሽንት እንደ ሙሉቀን መንፋት የሚችል የለም። የዋሽንቱን ዜማ የሰሙ ልጃገረዶች ደግሞ እርስበእርስ " ኧረግ እንዴት ነው ዋሽንቷን የሚያደርጋት! አንጀትም አይደል የሚገባ ፐ በደስታ እኮ መቀኔቴን ልፈታ ነበር አንቺው። " " ኧረ ምን መቀነት ብቻ አቅሌንም አስቶኝ ነበር'' እየተባባሉ እንጉርጉሮ የሚችሉ እንጨታቸውን እየለቀሙ በዛው ባለዋሽንቱን ጎሸም ያደርጉታል አንዷም እንዲህ ስትል ጮክ ብላ ዘፈነች
" አንተ ልጅ አንተ ልጅ ዋሽንት የምትነፋው፣
ቀልብያየን ወስደህ ከጫካ አሳደርከው። " አለች " ኧረ አንቺስ ደግሞ ምኗ ነሽ ልጅ እኮ ነው። አሁን ያልሽውን የሚሰማሽ መሰለሽ?" አለች ሌላኛዋ " እና ታያ ምን አገባኝ ልይ መሆኑ ጥሩ አሳድገዋለሁይ ታያ ይህን የመሰለ ልይማ አልተወውም " ትልና በረጅሙ ትስቃለች።

ታዲያ አንድ ቀንም.እንደለመዱት እንዲህ እያሉ እየተጫወቱ ሳሉ ጨዋታቸውን ዝም ብላ ብቻ የምታዳምጠውን ዳሳሽን " ቆይ አንቺ ልይ ግን ምን ሆነሻል እንዲህ እንዲህ ዱርር ያለብሽ እንዴ ባልሽን ያጣሽ እኮ ነው የምትመስይው። "አለች አንደኛዋ "አዎ አንቺየ እኔም ልላት ስል ነበር የቀደምሽኝ ቆይ ምን ሆነሻል?" አለቻት ሌላኛዋ " ኧረ እናንተው ምን እሆን ብላችሁኝ ግን የዛ የቀዳማዊ ነገር አይደንቅም ማንም በዛው ይቀራል ብሎ ሳይገምት እንደወጣ ሲቀር?" አለች ዳሳሽ ከውስጧ ያለውን ለራሷ ስታብሰለስለው የነበረውን ጥያቄ እየጠየቀቻቸው ። እርስ በእርስ ተያዩና " አሁን እሱ እንዴት መጣልሽ እኛ እያወራን ያለው ስለዚህ ትንሽየ ልይ ባለዋሽንት ነው አለች አንዲት በእድሜ የምትበልጣት ልጃገረድ " በቃ ስለ ሙሉቀን ስናወጋ ባለፈው የእሽውላሌ ባ'ል ግዜ ተሙሉቀን ጋር ስለቀዳማዊ አውግተን ስለነበር ነው ትዝ ያለኝ እንጂ እንዴት ዘልዬ አወሳዋለሁ እናንተው ለምንድነው ሌላ ነገር የምታስቡት ኧረግ አለችና እንጨቷን መልቀም ያዘች። " ኧሽ በቃ አታኩርፊ አሉና አብረዋት መልቀም ጀመሩ።

○○○
ልጄ ቀዳማዊ እየናፈቀው ሆደ ቡቡ ሆኗል። በየቀኑ ነው ስለ እሱ የሚያስበው። ምን እንደማደርግ አላውቅም። ሰሞኑን ጭራሽ የሚበላም እየተወሰደው አይደለም። እንደው ቀዳማዊይስ እንዲህ በሰላም ይሆን ኮቴው ዱካው የጠፋው?''እያለች ከራሷ ጋር ስትምሰለሰል ትቆይና። የሙሉቀን እናት የሙሉቀንን ሁኔታ አይታ የልጇን ጓደኛ ሰላምና ጤንነት እየተመኘች እንደለመደችው "አንድ ቀን ይመጣል። አሁን የማይመጣው እየተማረ ስለሚሆን ነው። ትምህርቱን ሲጨርስና የመንግስት ሰራተኛ ሲሆን ይመጣል። አሁን ግን አይችልም ምክንያቱም ለመምጣት ቢፈልግ እንኳ ወደዚህ የሚመጣበትን ብር ከየት ያመጣል። ተማሪ እኮ ብር አያገኝም። እንደይሰራ ደግሞ ተማሪ ነው። ስለዚህ አትጨነቅ እሺ የኔ ልጅ ቀዳማዊ በጣም ስለሆነ የሚወድህ አንድ ቀን ይመጣና ያጫውትሀል እሺ" እያለች ታፅናናውና ናፍቆቱን ለማስታገስ ትሞክራለች።

ቢሆንም ግን በእርምጃው ዳና ዱካውን እያሰበ ይበልጥ ይናፍቀዋል። ለሰኮንድ እንኳ ቀዳማዊን ረስቶት አያውቅም አሳሳቁ አወራሩ ሳይቀር በጭንቅላቱ ታትሞ ወዲህም ወዲያም ሲዞር የሚመለከተው እሱን ሆኗል።

○○○○○○
አዲስ አበባ
ማህደር ስለ ሰላማዊት ያላትን ጥርጣሬ ለተወሰነ ጊዜ ያህል ትታ የማጠቃለያ ፈተናዋን ለመውሰድ አዲስአበባ ዩኒቨርሲቲ ሄዳ እዛው ዶርምተሪ ሆና እየተዘጋጀች ፈተናዋን በሚገባ ጨረሰች። ነገር ግን ውጤቷና የአንዳንድ ኮርስ ግሬዶች ዝቅ ብሏል። ውጤቷንም ከተመለከተች በኋላ ትንሽ ከቆዘመች በኋላ "ቀጣይ በአራተኛ አመት ውጤት አሻሽለዋለሁ ሲሚስቴር GPAየን ከፍ አደርገዋለሁ አለችና ከሁለት ሳምንት ቆይታ በኋላ ወደ ቤት ተመለሰች። "ናፍቀሽኝ ነበር እህቴ''አለና ዳዊት ተጠመጠመባት። የዘንድሮው ፋይናላችሁ ዘግይቷል።አከረማችሁኮ እዛው አለ "አዎ ወንድሜ እና እንዴት ነህ እንዴት ነበረ የአንተ ቆይታስ?' አለች ''አሪፍ ነበር ያው ምን የእኔ የተለየ መቆያ የለኝ ስራየ ነው ማቆያየ።" አለ

ሰላማዊት ማህደርን የጎሪጥ ስትመለከታት ከማህደር ጋር ተገጣጠሙ "አንቺስ የወንድሜ ሚስት.እንዴት ነሽ?"አለች ማህደር የውሸት ፈገግታ ፈገግ እያለች። ሰላማዊትም የውሸት ፈገግታዋን ሰጠቻትና "ደህና ነኝ ውጤትሽ አሪፍ እንደነበር ጥርጥር የለኝም ግን ግሬድሽን አታሳይንም እንዴ?''አለች። ማህደር ድንግጥ አለች።........!!!!????

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

ነገረኛ ሴት ጠብሰህ እኔ ለሀገሬ እሞታለው ስላት

ማነች ደሞ ሀገሬ😡😁

😒😒
  S. H. A. R. E.
🎃  @quoteopia 🎃
🎃  @quoteopia 🎃

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_73 𖥧𖤣

... ማህደር ድንግጥ አለች። "ምነው ደነገጥሽ?'ብላ ቀጠለች ሰላማዊት "አይ አላደነገጥኩም የኔን ውጤት ማየት የምትፈልጉ ስላልመሰለኝ ነው "አለች ማህደር እየተርበተበተች። "አይ እንዴት ነው የማንፈልገው ወንድምሽም ቢሆን የእህቱን ውጤት ማየት ይፈልጋል። አይደል እንዴ ፍቅር "ብላ ዳዊትን ጠየቀችው። "አዎ እፈልጋለሁ። ግን ደግሞ ባላየውም ችግር የለም። እህቴ እንደሆነች እሳት የላሰች ተማሪ ናት። ጥሩ ውጤቷን አስቀጥላ መውጣት አለባት።እሱ ግድ ነው። የሚያኮራው ውጤት ነው። "አለ "ልክ ነህ ወንድሜ አለችና ማህደር ወደ ክፍሏ ገባች። "የታአባትሽንስ አንቺ መሰሪ እንዲህ አድርጌ ነው ወገብሽን የምልሽ ገና ምን አይተሽ? ማን ከዚህ ቤት እንደሚወጣ እናያለን!'' አለችና ሰላማዊት "ፍቅር በቃ ዛሬ አብረን መዋል እንችላለን! መቼም በእለተ ሰንበት በእሁድ ቀን ስራ የለህም አለች "በደንብ ነዋ በደስታ "አለ ዳዊት...

"ይቺ ነቀዝ የትምህርት ውጤቴን አውቃ ደርሳበት ይሆን እንዴ? አይ አይሆንም እንዴት ልታውቅ ትችላለች? ግን በሆነ ነገር ወይ ጠርጥራኛለች ወይንም ደግሞ አውቃለች። ግን ደግሞ ብታውቅ ለዳዊት ትነግረው ነበር። እንደዚህ አይነት ነገር አግኝታ እኔን ብቻ በማስፈራራት ልታልፍ ሃሃሃሃ በጭራሽ አታደርገውም። ስለዚህ ጥርጣሬ ብቻ ነው ያላት እስካሁን ምንም የምታውቀው ነገር የላትም። ወይም የእኔን አንዳንድ ክፍተት አይታ ይሆናል ብላ አስባ ነው ስለዚህ እኔ ከዚህ በኋላ መደንገጥ የለብኝም። እንደዚህ አይነት ወሬ በድጋሚ ካነሳች ተኮሳትሬና ጥያቄዋን ምን እንደሚያስደግማት እጠይቃትና ከዳዊት በፊት ስናገራት ያኔ እሱ ለእኔ መወገኑ የማይቀር ነው።"አለች

አንድ ጊዜ ሰላማዊት ሌላ ጊዜ ማህደር ድል እየቀናቸው በየቀኑ በተለያዩ ጉዳዮች እየተቧጨቁ እየተጨቃጨቁ ሐምሌ ና ነሐሴን አሳልፈው አዲስ አመትን ሊቀበሉ አስራሶስተኛዋ የጷግሜ ወር ብቻ ቀረቻቸው። አንድም ቀን ተጣጥመው ተደጋግፈው የማያውቁት ማህደርና ሰላማዊት ጥላቸው እርስ በእርስ እንደማይዋደዱና እየተስማሙ እንዳልሆነ እንኳን በጎረቤት ቀርቶ አቶ ዳዊትም ገብቶታል። ሁለቱ የመረረ ጥል ላይ እንደሆኑ ደርሶበታል። ነገር ግን መወሰን ያለበት ነገር ግራ አጋብቶት ነው ዝም ያላቸው፡፡ ማንን ሊመርጥ ይችላል። ማህደርንም ከአቶ ሙሉሰው ጋር አጣልቶ የወሰዳት እኔ ደስተኛ አደርጋታለሁ ብሎ ነው። ሰላማዊት ደግሞ ለሱ ስትል ሕይወቷን የቀየረች በእሱ ፍላጎት ብቻ የምትኖር አንዲት የምታፈቅረው ልጅ ናት። ለዚህም ነው ከሁለቱ መምረጥ ተስኖት ዝም ብሎ ከዛሬ ነገር ፍቅር ይሆናሉ ይግባባሉ። ብሎ ተስፋ በማድረግ የሁለቱን ጥልና አለመግባባት ባለማወቅ ችላ ብሎ የሚኖረው። አሁን ግን የሁለቱን ችግር ቁጭ ብሎ እነሱን አንድ ላይ በማስቀመጥ ለማውጣትና ለመፍታት ያለመ ይመስላል።

ሁሉም ነገር ስልችት ብሎታል። የሁለታቸው አካሄድ አድክሞታል። ማህደር ጋር ሲሄድ ስለ ባለቤቱ መሠሪነትና እሷን እንዴት እንደምትጠላትና እንደምታንቋሽሻት ከቤት እንድትወጣ እንደምትፈልግ እና እኔን ማየት እንደማትፈልግ እያለች እያንዳዷን ጥቃቅን ነገር ሁሉ ሳትቀር ትነግረዋለች። ከሰላማዊት ጋር ሲሆን ደግሞ የማህደርን ተንኮል አንድ በአንድ እየዘረዘረች። በተለይ ለአንተ ልጅ መውለድ እንደማልችል ካየችና ከሰማች ጊዜ በኋላ ለእኔ ያላት ንቀት ጨምሯል። እነተ ጋር እንድሆን አትፈልግም። እኔ እንጃ ሙሉሰው ራሱ በዚህ ምላሷ ይመስለኛል የጠላትና የማይጠይቃት። ለነገሩ ለዛች ለሔዋን ያልሆነች ወትሮስ ለእኔ ልትሆን? ከንቱ ህልም ነው ትለዋለች።

ሁለቱም በተለያየ አጋጣሚ የራሳቸውን ስሜትና በደል ነው ያሉትን ነው የሚያቀርቡለት። ታዲያ ይሄን የሁለቱን ችግር ሁለቱን ቁጭ አድርጎ ካልፈታው አንዳቸውን ማጣቱ እርግጥ ሆኗል። ለዚህም ደግሞ አንዳቸውን ላለማጣት ነው እያሰበ ያለው። በተቻለው መጠን ለማግባባት አስቧል ካልቻለ እና ካልሆነለት ግን ለማህደር ቤት ለመከራየት አስቧል። ይሄን ሲያስብ ማህደር በጣም እንደሚከፋት ያውቃል ግን ደግሞ ባለቤቱ ያው ባለቤቱ ናት የሕይወት አጋሩ በዛ ላይ ሰላማዊት ሚስቱ ብቻም ሳትሆን ቤተሰብም እህትም ሆናው ነው እስከዚህ ጊዜ ድረስ የደረሰው፡፡ እና ለሰላማዊት ለየት ያለ ፍቅርና አክብሮት አለው። ምንም ብታደርግ ምን ሰላማዊትን በሙሉ ይቀበላታል። ለዚህም ነው አሁን እዚህ ውሳኔ የደረሰው። ሁለቱ ከተስማሙለት ግን ደስተኛ ሆነው አንድ ላይ መኖር እንደሚችሉ ያስባል። ነገር ግን ካልተስማሙለት ያለው ብቸኛ አማራጭ ያው መጀመሪያ እንዳሰበው ለማህደር ቤት መከራየተ ነው:: ይሄን ውሳኔ ወስኖ ሁለቱን በጠረጴዛ ዙሪያ ለማውራት አስቀመጣቸው። .....!!

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_74 𖥧𖤣

... ሁለቱን በጠረጴዛ ዙሪያ ለማውራት አስቀመጣቸው። " ሁሉም ነገር ሰልችቶኛል። እኔ ፊት ስትሆኑ ምንም እንዳልተፈጠረ ና ሰላም እንደሆናችሁ ለማሳየት ትሞክራላችሁ። ነገር ግን ደግሞ እውነቱ አንዳችሁ የአንዳችሁን ችግር ነው የምትነግሩኝ። ስለዚህ አሁን ይሄ መቆም አለበት። ለእኔ የምታስቡ ከሆነ ሁለታችሁ ሰላም ማውረድ አለባችሁ መተሳሰብ አለባችሁ። አንቺም እህቴ ነሽ ላጣሽ አልፈልግም። አንቺም ደግሞ ሚስቴ ነሽ ላጣሽ አልፈልግም። ስለዚህ በፈጠራችሁ ተስማሙ እስኪ ምንድን ነው ሀሳባችሁ?" አለና ሀሳባቸውን ለመስማት ዝም አለ።

ነገር ግን አሁንም ከዳዊት ፊት ሊደማመጡ አልቻሉም አንቺ ነሽ እንዲህ ያደረግሽኝ ። ኧረ አንቺ አይደለሽ እንዴ እንዲህ ብለሽ ከቤት እንድወጣ የፈለግሽው ስራየ ብለሽ ሴራ ስትጎነጉኝ የነበረው ከመጀመሪያው ጀምሮ እዚህ ቤት መምጣቴን አልፈለግሽውም እንድኖር አትፈልጊም 'እየተባባሉ እርስ በእርስ መነካከሳቸውን ቀጠሉ። "አቁሙ አቁሙ በቃ አለና እናንተን ለማነጋገር ማሰቤ ከንቱ ሀሳብ ነበር። እናንተ መቼም ቢሆን አትግባቡም። ችግር የለውም ሁሉንም ነገር አስቤበታለሁ ስለዚህ ሁለታችሁ ካልተስማማችሁ ብዬ የወሰንኩት አንድ ውሳኔ አለ። ማህደር ቤት ተከራይቼልሻለሁ! " አለና አቶ ዳዊት ፊቱን አዞረ " ቅድሚያ የሶስት ወር ከፍያለሁ። የምትፈልጊውን ነገር አሟላልሻለሁ። እዚህ ቤት የምታገኝውን በሙሉ በዚያም ታገኛለሽ። ለአንቺም ለነፃነቱ እሱ ይሻልሻል። በቃ ከዚህ በኋላ እዚህ ከሰላም ጋር ሰርክ ከምትነታረኪ ይሻልሻል። ምንም ነገር እንዲጎልብሽ አላደርግም። " አለ "ለምን ወንድሜ ለምን?" አለች ማህደር " የእናንተ ሁኔታ ነው ይሄን እንዳደርግ ያስገደደኝ። ስለዚህ በእኔ እንዳትፈርጂ አንቺንም ሚስቴንም የምደግፋችሁ በዚህ መልኩ ነው። ስለዚህ በተቻለሽ መጠን ለመረዳት ሞክሪ "አላትና "ይሄው አንቺም እህቴን መቀበል የሚያስችል ቅን ልብ ቢኖርሽ ሌላ ቤት ባልተከራየሁ ነበር። ሌላ ወጪ ባላወጣሁ ነበር ከወጩም በላይ ደግሞ የሁለታችሁ አለመግባባት ና አለመረዳዳት ያሳምማል።"አለ ዳዊት ሰላማዊትን ዞሮ እየተመለከተ ።

ይሄን ተናግሮ ዳዊት ዝም አለ። በሁላቸውም ዝምታ ሰፈነ ማንም ምንም አላለም።

○○○
ቀዳማዊ ክረምቱን እያነበበና እየተጫወተ አሳልፎ አዲስ አመትን በአዲስ መንፈስ በአዲስ ሕልም ተቀበለ። አቶ ሙሉሰውም እንደ ሁልጊዜው እንደሚያደርገው አዲስ አመት ሲገባ ለልጆቹ አዲስ ልብስ አዲስ ቦርሳ የምሳ እቃ ይገዛል። በዚህ አመትም ለነ ሔመን ኤሊያና እንዲሁም ለቀዳማዊ አዲስ ነገር ገዝቶ ሰጣቸው። "እንግዲህ በአዲስ አመት አዲስ ልብስ ተለብሶ ነው የሚጠበቀው ስለዚህ እናንተም በአዲስ መንፈስ ትምህርት ትጀምራላችሁ ማለት ነው" አለ " እናመሰግናለን አባዬ "ብላ ሔመን እቅፍ አድርጋ ጉንጩን ሳመቸው። "ጋሼ በጣም ነው የማመሰግነው 'አለና ቀዳማዊም አመሰገነ። "በሉ አሁን አታመስግኑ እናንተ ጎበዝ ተማሪ እስከሆናችሁ ድረስ ሽልማት አለ። ስለዚህ ምንም ምስጋና አያስፈልግም "አለ።

ሔመን የተገዛላትን ልብስ ለብሳ እየተዟዟረች ቦርሳዋንም አገላብጣ እያየች " አባዬ እንደአምናው አንደኛ ነው የምወጣልህ እሺ አለች "እሺ የኔ ልጅ በአንቺ እተማመናለሁ! ታደርጊዋለሽ''አለና ፈገግ ብሎ ተመለከታት።

ከሳምንት በኋላ የአስረኛ ክፍል ውጤት ተለቀቀ። በጭንቀት ክረምቱን ሲያሳልፉ የነበሩ ተፈታኝ ተማሪዎች ውጤታቸውን ለመቀበል ማለፍና መውደቃቸውን ለማየት በፍርሃት ትምህርት ቤት ተገኝተዋል። ቀዳማዊም ውጤቱ ምን ያህል እንደሆነ ለማየት ጓጉቶ እስኪሰጣቸው እየጠበቀ ነው። ከብዙ ደቂቃዎች በኋላ የማትሪክ ውጤታቸውን መቀበል ጀመሩ። ውጤታቸውን መጀመሪያ የተቀበሉ አንዳንድ ተማሪዎች በደስታ እየፈነጠዙ ውጤት ላላዩት ጓደኞቻቸው እያሳዩ ይደሰታሉ። ያላዩት ደግሞ እስኪያዩ ይበልጥ እየጓጉ በፍርሃትም እየረዱ እስኪያዩት በጭንቀት ይቁነጠነጣሉ።

አንዳንዶቹ ተማሪዎች ደግሞ ውጤታቸው ዝቅ ያለባቸውና እንደማያሳልፋቸው የተረዱ ልጆች ሲያለቅሱ የሚያለቅሱትን ልጆች ደግሞ አብረዋቸው የመጡ ጓደኞቻቸው ሲያፅናኗቸው ፣ ሲያባብላቸው ሲመለከት ቀዳማዊ ይበልጥ ልቡ ፈራ። እስከዚች ስአት ድረስ አንዳች ፍርሃት አልተሰማውም ነበር። ነገር ግን አሁን በርካታ ልጆች በውጤታቸው መሠረት እያያለቀሱ ሲያይ ደነገጠ። ውጤቱ እስኪደርሳቸው ቸኮለ። ከብዙ ጭንቀት በኋላ ቀዳማዊ ውጤቱን ተቀበለ። ውጤቱን ሲያይ በድንጋጤ አፉን ሸፍኖ ቁጭ አለ። ይሄን ሁኔታውን የተመለከተ አንዲት ልጅ መጣችና "ምን ሆነህ ነው ወንድሜ በሰላም ነው?'' አለችና አጠገቡ ላይ ተቀመጠች። ቀዳማዊ ግን አልመለሰላትም ዝም ብሎ ፍዝዝ ብሎ ፀጥ አለ። መልስልኝ እንጂ ወንድሜ አሞህ ነው?'ብላ በድጋሚ ጠየቀችው አልመለሰላትም ከዛ የያዘውን ካርድ ተቀብላ ስታየው እሷም ደነገጠች።.......!!!!????

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

ረዳቶች ግርም የሚሉኝ ነገር.....

ምንም ሰው ሳይኖር የሞላ 1 ሰው ....
1 ሰው ሲጎለው.. እንሂድ ስትለው ደግሞ...
ባዶየንማ አልሄድም ይልሀል😂😂

🥴🥴🥴🥴
  S. H. A. R. E.
🎃  @quoteopia 🎃
🎃  @quoteopia 🎃

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_75 𖥧𖤣

... የያዘውን ካርድ ተቀብላ ስታየው እሷም ደነገጠች። ሁሉም ትምህርት "A" ነው ያመጣው። "ወንድሜ ሁሉንም ትምህርት እኮ "A" ነው ያመጣኸው። "አዎ አይቼዋለሁ "አለ "እና ምን ሆነህ ነው ታዲያ እንዲህ የሆንከው?" "ደንግጨ ነዋ! እንደዚህ አመጣለሁ ብዬ አላሰብኩም"አለ። ልጅቱም በጣም ሳቀችና "የምትገርም ልጅ ነህ ሌሎቹ ወድቀው ያለቅሳሉ አንተ ደግሞ ይሄን ውጤት አምጥተህ እንደዚህ ትቆዝማለህ በል ተነስና ደስታህን አክብር አለችና ትታው ሄደች።'' እሺ አመሰግናለሁ ላደረግሽልኝ እርዳታ " አለ "ምን አይነት ልጅ ነው በእናታችሁ ሁሉንም ኤ አምጥቶ እኮ ነው እንደዛ የሚሆነው። "እያለች ለጓደኞቿ ነግራቸው ቀዳማዊይን በንዴት አይን ተመለከቱት።

ቀዳማዊ ካርዱን ይዞ ወደ ቤት እየሄደ በድጋሚ ውጤቱን አየው። ሁሉም ትምህርት ኤ ነው። የሆነ የደስታ ስሜት ከውስጡ ፈንቅሎት ወጣ። "አሁን ጋሼና እትዬ ውጤቴን ሲያዩ እንዴት ደስ እንደሚላቸው። ምን ይሉኝ ይሆን "እያለ ፈጠን ፈጠን ብሎ እየሄደ ቶሎ ቤት ደርሶ እስኪያሳያቸው ቸኮለ። ቀዳማዊ ቤት ሲደርስ ከወይዘሮ ሔዋንና ከሰራተኛዋ በቀር ማንንም አላገኘም ነበር። ወይዘሮ ሔዋን ወደ ቢሮ ለመሄድ እየተዘጋጀች እያለ ቀዳማዊ ቤት ሲገባ ስታይ 'ቀዳማዊ መጣ! እስኪ ይሄ ጀግና ልጅ ያመጣውን ውጤት እንይ "አለችና የያዘውን ካርድ ተቀበለችው። ውጤቱን ስትመለከት ወይዘሮ ሔዋን ስቅ እንዳላት ሰው ትንፋሿን ወደ ውስጥ ሳብ አደረገችና አፏን ከፈታ አይኖቿን ወጣ ወጣ አደረገቻቸው።

ውጤቱን አይታ ቀዳማዊን ቀዳማዊን አይታ ውጤቱን እያፈራረቀች ከተመለከተች በኋላ በደስታ ናልኝ እስኪ ና ና እቀፈኝ አለችና አቀፈችው ግንባሩን ሳም አደረገችውና "ጀግና ነህ የኔ አንበሳ አስገርመከኛል። እድግ በልልኝ "አለችና በድጋሚ ሳመችው። ቀዳማዊ ይብለጥ በጣም ተደሰተ የሳመችውን ጉንጩንና ግንባሩን በደስታ ያዝ አድርጎ እየዳበሰ ሳቅ ፈገግ ሸብረቅ አለ። "እውነት ይሄን ውጤት ሙሉሰው ሲያይ በጣም ነው የሚደሰተው። አኩርተኸናል እሺ ቀዳማዊ አንተ ጥሩ ልጅ ነህ በዚሁ ቀጥልበት አለችና ለሶስተኛ ጊዜ ስማው ማታ በአንድ ላይ ደስታችንን እናከብራለን። አሁን ለስራ መውጣቴ ነው "ብላ ወጣች።

አቶ ሙሉሰውም የቀዳማዊን ውጤት ሲያይ ልክ እንደ ወይዘሮ ሔዋን ነበር የሆነው። ውጤቱ አሪፍ እንደሚሆን ያውቃል ነገር ግን ይሄን ያህል ይሰቅላል ብሎ አላሰበም ነበር። በቀዳማዊ ይበልጥ ኩራት ተሰማው። ወይዘሮ ሔዋን የሆነ በትንሽዬ ዕቃ የተጠቀለለ ነገር ለቀዳማዊ ሰጠችው። 'ምንድን ነው እትዬ "አለ ቀዳማዊ "ክፈተውና እየው አለች በፈገግታ ታጅባ "እሺ ''አለና ሲከፍተው የአንገት ሀብል ነው። "ዋው የሚያምር ስጦታ ነው ሔዋኔ አለና አቶ ሙሉሰው በይ አንገቱ ላይ አድርጊለት እንጅ ታዲያ 'አለ። ወይዘሮ ሔዋንም ሀብሉን የቀዳማዊ አንገት ላይ አደረገችለት። ቀዳማዊ በደስታ ተፍለቀለቀ። ሀብሉ ላይ የስሙ ፊደል ተቀርፆበታል። አቶ ሙሉሰው የቀዳማዊን ደስታ ሲመለከት 'የእኔ እናት ተባረኪ እሺ አንቺ እናት ነሽ የኔ ደግሞ ሁሉም ነገር። እስኪ እይው ምን ያህል ደስ እንዳለው። አለ 'አንተ ያየኸው የሱን ደስታ ነው የኛን ፊትስ ተመልክተኸዋል? አስተውለኸዋል? እሱ ከመጣ ጀምሮ እኮ እኛም ደስተኞች ነን። ልጃችን እንደምታየው ስርአት ያላት ጎበዝ ተማሪ ሆናልናለች። ብቻ ብዙ ነገር ነው ቀዳማዊ የለወጠልን "አለች።

አዲስ የሕይወት ፅንፍ፤ በሌላኛው የአድማስ ባሻገር፤ በሌላኛው የፅሐይ ብርሀን ጨረር ወጋገን፤ በንጋት አጥቢያ ደወል ልዩ የማህሌት ፅናፅል በአዲስ አመት የዘመን መባቻ የተጀመረ የሕይወት ድል፣ በፈገግታ የታጀበ በደስታ የተሸበበ በንፁህ ፅዋ የተጠጣ የሕይወት ውሃ! በአዲስ መንፈስ በአዲስ ስነልቦና የትላንት ታሪክን ወደ ኋላ ለታሪክ በመተው ሌላ ውብ ቀን ፍለጋ በነፃነት መኳተን እንደምን ደስ ይላል! በኩራትና በልበሙሉነት እጆቹን ኪሶቹ ላይ አስገብቶ በፈገግታ የምትወጣዋን ጀንበር ና የምትጠልቀዋን ፀሐይ ያለ ምንም ጉም መመልከት። በቃ ሕይወት እንዲህ ናት። አንዱ አመት ሲያልቅ ሌላ አመት በሌላ እድል ይጠብቃል። ወይም ደግሞ ለሌላ ፈተና ለሌላ ሕይወት ለማዘጋጀት ዳገቱ ይበዛ ይሆናል። ግን ሁሌም አዲስ አመት አዲስ ነው። ውስጡ ያልታየ ምን እንደያዘ የማይታወቅ።...

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

እዚጋ ቢያልቅስ.....🤔

Guys..😅 አላለቀም .... መኖራቹን ለማረጋገጥ ነው 😉

ያባት እዳ ለልጅ ይባል ነበር ድሮ
ባያት እዳ ገባሁ እኔማ ዘንድሮ


😢😢😖

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_76 𖥧𖤣

... ቀዳማዊ በብዙ አጀብና ድል አዲሱን አመት ተቀብሎ ደስተኛ ሆኗል። ያለፈ ሕይወቱን ለመርሳት እየሞከረ ይመስላል! ነገር ግን ደግሞ በየ አንዳንዷ ደስታው ገና በዚያ ወቅት በልጅነት ጊዜው ያገኘው ተስፋ ህልም የሆነው ባልንጀሩ ሙሉቀን አይኖቹ ላይ ይደቀንበታል። 'ይሄን ብር ከእናቴ ነው የሰረቅኩት ውሰደውና ከዚህ መከራ ተገላገል። አንድ ቀን ብሩን ትመልሳለህ የመንግስት ሰራተኛ ስትሆን። ሁሉም ነገር ያልፋል ወንድሜ ቀዳማዊ ይሄን መከራ አልፈህ በከተሜ ሕይወት ትጀምራለህ። አንተ ለገጠር ለገበሬነት ሳይሆን ለትምህርት ነው የታደልህ። ስለዚህ ሂድ ባልንጀሬ አታስብ አንተ እኔ ለእናቴ ሁሉንም እነግራታለሁ። የኔ እናት እንደ አንተ እናት መናጢ አደለችም። በቃ ለወዲያው ብትቆጣኝ ነው እንጅ ምንም አትለኝም! ሂድ ሂድ " ይቺን ንግግር ነበር ሙሉቀን በመጨረሻ ያለው።

ቀዳማዊ ዛሬም ልክ እንደሌሎቹ ቀናቶች ሁሉ አስታወሰው የመጨረሻዋ ንግግር ሁሌም አእምሮው ላይ እንዳቃጨለች ነው። እንደ ደወል በደስታውም በምኑም ጊዜ እየደወለች ታነጥበዋለች። ንግግሯን እንደ ዳዊት እየደገመ ለራሱ አሁንም አሁንም ይነግረዋል። ሁሌም ራስ አምባን ሲያስብ ሙሉቀንና መምህር ደረጄ ናቸው የሚመጡለት። ቀዳማዊ ብዙ ጊዜ መምህር ደረጄን ያስበዋል "ወዴት ይሆን ያለው? አሁን እዚህ እንዳለሁ ቢያውቅ እነ ጋሼን ቢያቃቸው እነ እትዬ ሔዋንን ቢያይ እዚህ አዲስአበባ ያለኝን የትምህርት ደረጃ ቢያይ ምን ያህል ደስ ይለው ይሆን?! በጣም ነው እንጅ በእኔ ደስ የሚሰኘው እያለ ስለ እሱ የሚሰማውን ደስታ እያሰበ ደስ ይሰኛል።

የነ ቀዳማዊ ትምህርት ቤት የአስረኛ ክፍል ማትሪክ ፈተናን አራት ነጥብ ያመጡ ተማሪዎችን ፎቶ ባመጡት ውጤት መሰረት በቅደም ተከተል ሰቅሎ ማን ከፍተኛ ውጤት ማን አራት ነጥብ እንዳመጣ ተለዬ፣ በዚህም ውጤት ቀዳማዊ ቀዳሚ ነበር። ሁሉንም ትምህርት ስለሆነ ኤ ያመጣው። ሌሎቹ አራት ነጥብ ያምጡ እንጅ አንድ ትምህርት ሁለት ትምሀርት ቢ ያመጡ አሉ! ያው ቢ ያመጡትን ትምህርት ሲጥሉት ውጤታቸው አራት ነጥብ ይሆናል። ያው ዋናወቹን እንደ እንግሊዝኛ ና ሒሳብ አይነት ትምህረቶችን ኤ ከሆነ ያመጡት ። በዚህም የብዙ ተማሪዎች አይን ቀዳማዊ ላይ አረፈ። "ማነው? ከየት ነው የመጣው ምን ክፍል ነበር?" ቀዳማዊ ስሙ በትምህርት ቤቱ እንደ ጉድ ተወራ ዝመተኛው ዝነኛ ሁለት አመት የተማረበት ትምህርት ቤት ውስጥ ባይተዋር ሆነ። ማንም አያውቀውም ነበር።

አስራ አንደኛ " A" ክፍል የተመደበው ቀዳማዊ ለሌላ የድል አጥቢያ ወንበሩ ላይ ተቀመጠ። ተማሪዎች ሁሉም ገብተው የክፍሉን ወንበር ሞሉት። አንድ መምህር ገብቶ ስሙንና የፊዚክስ መምህር እንደሆነ ራሱን አስተዋወቀና "እሺ አሁን ደግሞ እናንተን ልተዋወቅ ከአንተ ልጀምር ስምክን " " ሮቤል፣ መስዑድ፣ አቤሌ፣ኄኖክ፣ " "እሺ አንተ አለ መምህሩ ድንገት ከወደ የዳር ኮርነር ጨርሶ ከተቀመጠበት በመነሳት ቀዳማዊ ፣ፍቅር፣ ታሮስ፣ ማህሌት፣እንቁ፣ደሐብ…እያሉ ሁላቸውም የራሳቸውን ስም አስተዋወቁ። ጥሩ ስለተዋወቅን ደስ ብሎኛል። ያው ክፍል ውስጥ የሚረብሽ የሚያንሾካሹክ ተማሪ አልወድም። በተረፈ ያልገባችሁ ነገር ካለ በማንኛውም ጊዜና ቦታ ጠይቁኝ።"በማለት ለመጀመሪያ ቀን የተወሰነ መግቢያና ማግባቢያ ያህል አስተምሮ ወጣ።

ሁሉም አስተማሪዎች እንደ ፊዚክስ መምህር ራሳቸውን በማስተዋወቅ ና የተማሪዎቹን ስም በመጠየቅ በመተዋወቅ ጀመሩ። የሒሳብ መምህር ታዲያ ተዋውቆ ብቻ ዝም አላለም "አንተ ማን ነበር ያልከኝ ስምህን? አለ የእጁን ጣት ወደ ቀዳማዊ እየጠቆመ "ቀዳማዊ'አለው። ስምህ አዲስ አልሆነብኝም "አለና ለትንሽ ደቂቃ ካሰበ በኋላ "አዎ ማትሪክን ጥሩ ውጤት ያመጣከው ልጅ ነህ! ሁሉንም ትምህርት ኤ እንዳመጣህ ሰምቻለሁ። ጎበዝ በርታ ጥሩ ጊዜ ይኖረናል ብዬ አስባለሁ"አለ ቀዳማዊ በአክብሮት አይን ተመለከተውና እሺ መምህር አለ።

በዚህ መልኩ ትምህርት ተጀመረ። ተማሪዎች እርስ በእርስ እየተዋወቁ የክፍል ጓደኝነቱንም ቀጠሉ፡ ቀዳማዊ ግን ከአንዳቸውም ጋር አልተዋወቀም። ክፍል ውስጥ ብቻ ነው የሚገናኘው በእረፍት ስአት ትምህርት ቤቱ አጠገብ ከሚገኘው ሳሮን ካፌ ኬክ ነገር ተመግቦ ተመልሶ ወደ ክፍሉ ይመለሳል። ክፍሉ ውስጥ ያሉ ተማሪዎች በብዛት የሐብታም ልጆች ናቸው። በተለይ ደሐብና ታሮስ የታወቁ የሐብታም ልጆች ናቸው።ሌሎች ተማሪዎች ስለ እነሱ ቤተሰቦች የሐብት መጠን ስራየ ብለው ያወራሉ። ቀዳማዊ ግን ስለሚወራው ወሬ ግድ አይሰጠውም ሁለቱን ተማሪዎች ጓደኛ ለማድረግ ሌሎች ተማሪዎች ይሯሯጣሉ። ነገር ግን ታሮስም ሆነ ደሐብ ትኩረታቸው እነሱን ጓደኛ ለማደረግ ምንም ያላደረገው ቀዳማዊ ላይ ሆነ። "ቆይ ግን ማን ስለሆነ ነው እሱ "አለች ደሐብ "ቆይ እስኪ እኔ አወራዋለሁ"አለና ቀዳማዊ ወደ ተቀመጠበት ቦታ ሔደ.......!!!!!!!

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_77 𖥧𖤣

...ቀዳማዊ ወደ ተቀመጠበት ቦታ ሔዶ "ሰላም ነው ወንድሜ ታሮስ እባላለሁ " እሽ እኔ ደግሞ ቀዳማዊ እባላለሁ!" አለ "ምነው ብቻህን ከእኛ ጋር አትቀላቀልም?" አለ ታሮስ "ኧረ ችግር የለውም ወንድሜ ታሮስ ከራሴ ጋር መሆን ስለምፈልግ ነው እንጅ ስፈልግ እቀላቀላችኋለሁ።" አለ ቀዳማዊ "እሺ ግን ጣጣ የለውም ብራዘር የሚያሳስብህ ነገር ካለ ንገረኝ "አለ ታሮስ "እሺ እነግርሃለሁ አታስብ ወደ ጓደኞችህ መመለስ ትችላለህ!" አለ

"እ ምን ሆኖ ነው? 'አለች ደሐብ ስለ ቀዳማዊ ታሮስ እስኪነግራት እየቸኮለች።" ልጁ የሆነ ምስኪን ልጅ ይመስላል። በክፋት ምናምን ሳይሆን ከራሱ ጋር መሆን ስለፈለገ ነው። እሱም ያለኝ እንደዛ ነው። ተቀላቀለን ስለው። ለጊዚው እንደማይፈልግ ነገር ግን በሚፈልግበት ጊዜ እንደሚቀላቀለን ነገሮኛል። ደግሞ ታቂያቸው የለ ሜጋ ተማሪዎች እኮ የሆነ ጠሽ ነገር ናቸው።''አለ ታሮስ "አይመስለኝም ይሄማ ኩራተኛ ስለሆነ ነው እንጅ ስንት ጎበዝ ተማሪ እናውቅ የለ አብረው የሚጫወቱ አብረው የሚላፉ ምናምን ይሄ እኮ ትምህርት ከጀመርን ጀምሮ ከእኛ ጋር አይደለም አብሮ ማሳለፍ በውል እንኳ ሰላም አልተባባልንም ምንም ነገር አላለም።"አለች ደሐብ "እሺ እና ታዲያ ምን እናድርገው እንዴ ፍላጎቱ ከሆነ ብቻውን ይሁን እኛ የራሳችንን እንቀጥል በቃ ልጁን ፍቺው " አለ ታሮስ 'እኔማ ዝም አልለውም ይሄ እኮ ስላላየኸው ነው እንጅ ትልቅ ንቀት ነው። የማን የማን ልጆች እንደሆንን ስለማያውቅ ነው ይሄን ደግሞ ማወቅ አለበት" አለች እና ደሐብ ወደ ቀዳማዊ ሄደች። "አይ ደሐብ እንደው ሁሉን ነገር በእልህ እንደተመለከትሽ ነው" አለ ታሮስ።

ደሐብ ቀዳማዊ ጋር ልትደርስ ስትል ቀዳማዊ ተነስቶ ሄደ። ደሐብ ቀዳማዊ እሷ ልትደርስ ስትል ተነስቶ ሲሄድ እያየች ግራ ተጋባችና "አይቶኝ ነው የወጣው? ወይስ በአጋጣሚ? አይ በአጋጣሚማ አይደለም ሲያየኝ ነው የተነሳው። ሃሃሃሃሃሃሃ ከእኔ ከደሐብ ጋር የማይሆን ጨዋታ ብቻ እንዳትጫወት ከእኔ ጋር የተጫወቱ ሁሉ ተሸንፈዋል። ለመሸነፍ ባትቸኩል ጥሩ ነው። 'አለችና ተመለሰች " እ ምን አለሽ ምን አወራችሁ?" አለ ታሮስ "ምንም አለች "ምንም ማለት አልገባኝም"አለ ታሮስ " እኔን ሲያይ ተነስቶ ሄደ "አለች "የእውነት አንቺን ሲያይ ነው ተነስቶ የሄደው?''አለ ታሮስ " አዎ በእርግጠኝነት እኔን አይቶ ነው የተነሳው "አለች "ኧረ ልጁ ኧረ ልጁ ጨዋታ ይችላል ማለት ነው። አንቺን አይቶ ከተነሳ የምር ቁማርተኛ ነው። በለው ሲያዩት የዋህ መስሎ እሳት የላሰ ነውሳ ይሄማ ትምህርት ላይ ብቻ አይደለም ሜጋ የሰው አእምሮ ላይም ሜጋ ነው።''አለ ታሮስ "ባክህ አንተ ደግሞ ፐ አትጀምረኝ ታያለህ ልኩን ካላሳየሁት እኔ ደሐብ አይደለሁም ማን እንደሆንኩ ስላላወቀ ነው " አለች " ይቅናሽ ይሳካልሽ ግን ወደ ሌላ እልክ ውስጥ ባትገቢ እና ከእሱ ጋር ጊዜ ለመጨረስ ባትሞክሪ ደስ ይለኛል።"አለ "የምን እልህ ነው የምታወራው? እኔ ደሐብ ነኝ ከዛ እልህ የሚይዘኝ ቱ ታያለህ እንደውም ጭንብሉን ነው የምገልጥለት አለች " አቦ አንቺ ግን ለምን ገና ሳይጀመር ገመድ ትሆኛለሽ እርሽው በቃ እንዴ ምን ከእሱ ጋ በሆነ ባልሆነው መነታረክ አይደብርሽም። ገና ለገና ሰላም አላለኝም ለምን እንደሌሎቹ አልሰገደልኝም ብለሽ ማሳደድ አያስጠላሽም አለና ትቷት ሄደ።

ደሐብ ቀዳማዊ በሚያደርገው ነገር ተናዳ ትምህርት ቤት ውስጥ የሚያደርጋቸውን ነገሮች ከስር ከስር ትከታተለዋለች። ብቻውን ሲሆን ጠብቃ ደግሞ ለማናገርና ለመሳደብ እያሰብች ነበር። አንድ ቀን ታዲያ እየተማሩ ክፍል ውስጥ ሆና እንዴት አድርጋ ምን ብላ እንደምታስቀይመው እያሰበች እያለ መምህሩ ማስተማሩን ጨርሶ ጥያቄ ካላችሁ መጠየቅ ትችላላችሁ ብሎ የሚጠይቀው ሲያጣ ለሌላኛው መምህር ስአቱን አስረክቦ ሄደ። ደሐብ አዳር ዝም ብላ የተኛች አትመስልም። ታሮስም ሁኔታዋን አይቶ ስለተረዳት በንቃት እየተከታተላት ነው።

እንደተለመደው የእረፍት ስአት ደርሶ ሁሉም ተማሪ እየተጋፋ ከክፍል ወጡ። ቀዳማዊ ግን ሁሉም ተማሪ ከወጣ በኋላ ለመውጣት በማሰብ የተቀመጠበት ወንበር ሆኖ ደብተሩን እያስተካከለ መፅሀፉን ወደ ቦርሳው እያስገባ ጠብቆ ሊነሳ ሲል "እሺ ቀዳማዊ "አለች ደሐብ ከኋላው ቀዳማዊ ድንግጥ ብሎ ወደ ኋላ ዞረ......!!!!

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

ተደባድበህ የፊት ጥርስህ እንዳለ አልቆ ቤት ስትገባ ፋther አይቶ

እያሳቀ ነው እንዴ የደበደበህ😂😁😂

🙈🙈
  S. H. A. R. E.
🎃  @quoteopia 🎃
🎃  @quoteopia 🎃

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_78 𖥧𖤣

... ቀዳማዊ ድንግጥ ብሎ ወደ ኋላ ዞረ "ምነው ደነገጥክ አለች ሳቅ እያለች " አይ ሰው ያለ ስላልመሰለኝ ነው "አለ ቀዳማዊ " ኧረ እንደዛ ነው እንዴ እኔ እኮ እኔን ስታይ መስሎኝ አለች "አንቺን ሳይ ለምን እደነግጣለሁ የሚያስደነግጥ ፊት የለሽ' አለና ሊወጣ ሲል 'ቆይ እኔ ምን አድርጌህ ነው እኔን ስታይ ፊትህ የሚቀየረው። እኔ ላወራህ ስልስ ለመሄድ የምትቸኩለው?"አለች ደሐብ "እኔ አንቺ ልታወሪኝ ስትይ ሄጄ አላውቅም ደግሞ ምን አድርገሽኝ እንደዛ አደርጋለሁ በውል እንኳ አንተዋወቅ" አለ ቀዳማዊ "ለምሳሌ ትላንት ላወራክ ወደ አንተ ስመጣ ተነስተህ ሄድክ "አለች " አይ ተሳስተሻል እኔ አንቺን አይቼ አልተነሳሁም ሲጀመርም ወደ እኔ እየመጣሽ እንደሆነ ቀርቶ ስትንቀሳሸሽም አላየሁሽ" አለ "ኧረ ባክህ ታሮስ ካወራህ በኋላ ላወራክ እየመጣሁ እንደነበር አላየህም። ሲጀመር ደግሞ እኔና ታሮስ አብረን ተቀምጠን ስናወራ አይተሀል። እሱ መጥቶ ካወራህ በኋላ እኔ መጥቼ እንደማወራህ ደግሞ ታውቅ ስለነበር ነው ተነስተህ የሄድከው"አለች። ቀዳማዊ እንደመሳቅ አለና "ይሄን ሁሉ ካልኩሌሽን እንዴት እጠቀማለሁ ለማይጠቅመኝ ነገር። ይሄ አሁን አንቺ ያልሽው ሂሳብ እኮ ስራየ ተብሎ የሚሰራ የሚታቀድ ነው። ያ ማለት ገና ከመጀመሪያው ይጀምራል። ከመጀመሪያው ማለትም ታሮስ መጥቶ እንዲያወራኝ ከማድረግ ይጀምራል። እኔ ደግሞ ይሄን ያህል አይደለም በትንሹ እንኳ አስቤ አላውቅም እና ተሳስተሻል እህቴ ደሐብ አለና ትቷት ወጣ::

ደሐብ ተከትላው ወጣችና መውረጃ ደረጃው ላይ ሲደርሱ ታሮስን አገኙት "ሰላም ነህ ወንድሜ ታሮስ"አለ ቀዳማዊ "ፒስ ነው ቀዳማዊ "ብሎ ታሮስ አፀፋውን መለሰለት። ቀዳማዊ አንገቱን በመነቅነቅ መልሶለት ታሮስን ከደሐብ ጋር አያይዟቸው ሁልጊዜ ትኩስ ነገር ወደ ሚጠጣባት የትምህርት ቤቱ ካፍቴሪያ ሄደ።

''አየሽው አይደል ልጁ በጣም አሪፍ ልጅ ነው። በዛ ላይ ስርአት አለው ዝም ብሎ ከሰው ጋር አይጋጭም አይገናኝም አይሳፈጥም ራሱን ጠብቆ ራሱን ችሎ ነው የሚንቀሳቀሰው። ይሄ ደግሞ መብቱ ነው። የራሱን ፍላጎት ነው ማራመድ ያለበት እንጅ እኛ እሱ ወደ እኛ ስላልመጣ ብለን ፍላጎቱን ልንሻማበት አይገባም በፈለገበት ጊዜ ይምጣ ደግሞስ መጣ ቀረ ለእኛ ምን ይሰራልናል። ታውቂያለሽ ሌሎቹ እኛን የሚቀርቡን ለአንድና ለአንድ ነገር ነው ገንዘባችንን ብለው በነፃ መጋበዝ ስለሚፈልጉ። ቀዳማዊ ግን ይሄን አይፈልግም ምንም ነገር ከእኛ አይፈልግም። ጭራሽ ስለ እኛ የሀብታም ልጅ መሆንም ግዱ አይደለም። ይሄ ደግሞ የሚያሳየው ጥሩነቱንና የራስ መተማመኑን ነው። እኛ ወደ እኛ ለምን አልመጣም ለምን አላወራንም ብለን እንደምናስበው ሁሉ እሱም ለምን ወደ እኔ አይመጡም ብሎ ሊያስብ ይችላል። ስለዚህ ደሐብ እንፍታው "አለ ታሮስ

" አይ እኔማ እንዲሁ አልተወውም ማንነቱን ማወቅ እፈልጋለሁ! ማንነቱን ሳላውቅ የኩራቱን ምንጭ ሳላውቅ አልተወውም "አለች "ይሄን ያኽል እኔን ለምን ለማወቅ ትጥሪያለሽ?" አለ ቀዳማዊ ታሮስና ደሐብ ክው ብለው ደነገጡ" ከማንነቴ ይልቅ እኔነቴ አይሻልሽም። በዛ ላይ ይሄን ያህል ምንም ያደረኩሽ ነገር የለም እኮ እንዲህ ጠምደሽ የያዝሽኝ። እንዴ ኧረ ጥሩ አይደለም ሁለታችንም የፕሪ ተማሪዎች ነን። ስለዚህ አርፈን ትምህርታችንን ብቻ ብንማር አይሻልም? እስካሁን እንደ ክፍል ጓደኛ ነበር የማይሽ ነገር ግን አንቺ አላማሽ እኔን ማስቀየም ነው። እሱን ከሆነ የምትፈልጊው እንደ ፈለግሽ እኔ በጨዋ ደንብ ያወራሁሽ እንግባባለን ብዬ እንጅ አንቺን የማውራት ግዴታ የለብኝም ነበር ከዚህ በኋላ ግን በምንም ታዕምር አጠገቤ ድርሽ እንዳትይ አለና ገልምጧት ሄደ።

ደሐብ ከድንጋጤዋ ሳትወጣ "የት ነበር ወደ ካፍቴሪያው አልሄደም ነበር? ወይስ ተደብቆ እያዳመጠን ነበር?"አለች "አይ ባጋጣሚ ነው የሚመስለኝ በእጁ እኮ ብስኩት ነገር ይዟል አላስተዋልሽው ይሆናል እንጅ ያ ማለት ካፍቴሪያ ሄዶ ነው የገዛው "አለ " ውይ ሲያስጠላ በእናትህ አጠፋሁ ሀሳቤን ሊሰማ አይገባም ነበር አለች "ካጠፋሽማ ቆየሽ ግን አልገባኝ ያለው እዚህ ልጅ እንዲህ ጥብቅ ያደረገሽ ነገር ነው? ምንድነው ታውቆሻል ግን?"አለ ታሮስ "ምን ያጣብቀኛል ታውቃለህ እኔን ሰው ሲዘጋኝ እንደማልወድ እኔ ስዘጋቸው እንጅ እነሱ ሲዘጉኝ ደስ አይለኝም ለዚህ ነው ገባህ?" አለች " ግን አይመስልብሽም ለማንኛውም ከዚህ በኋላ በቀዳማዊ ጉዳይ ከእኔ ጋር አናወራም በስህተት ራሱ ማለት ነው። ስለ እሱ ማውራት ስትፈልጊ ስለ እሱ ማውራት ከሚፈልግ ሰው ጋር አውሪ እኔ ጋር ድጋሚ እንደዚህ አንነጋገርም። ደስ አይለኝም"አለ ታሮስ ኮስተር ብሎ....

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia