𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_62 𖥧𖤣

....በቃ ሱሰኛ ሰካራም እንድትሆኚ ነበር የሚፈልገው" አለ ዳዊት እሳት ለብሶ " እኔ እንደዛ ብሆን ምን ጥቅም ያገኛል? ለምንስ ብሩን ያባክናል?" " አይይ ማህደር ያን ሁሉ ብር የሚያስገባልሽማ ጥሩ ለመምሰል ነው። እንድትወጂው ወይም የሆነ ማድረግ የነበረበትን ነገር ሳያደርግልሽ ቀርቶ ተፀፅቶ እሱን ለማካካስ ይሆናል። የጥፋተኝነት ስሜት ተሰምቶት ''አለ " አዎ ልክ ነህ የጥፋተኝነት ስሜት ተሰምቶት ነው። " አለችና ተነስታ መኝታ ክፍሏ ውስጥ ገብታ ልብሷን በቶሎ ቀያይራ ቦርሳዋን ይዛ ወጣች። " ወደ የት ነው የምትሄጅው?" አለና ዳዊት ተከተላት። " የትም አልሄድም ወንድሜ እመለሳለሁ የሆነች ጓደኛየ ጋር ደርሼ መጣሁ!" ብላ መለሰችለት

"ይሄው ገንዘብህ የአንተን ገንዘብ አልፈልግም። ስታስበው ያደረስክብኝን ነገር ገንዘብ ስላስገባህልኝ የምረሳልህ መስሎህ ነው? ቆይ እንዴት ነው
የምታስበው? የአንተ ማባበያ ገንዘብ ነው። ሁሉም ነገር በገንዘብ የሚሆን ይመስልሀል? እኔ ከአንተ ምንም ነገር አልፈልግም። ገንዘብህንም ውሰድ' አለችና ማህደር ጠረንጴዛው ላይ አስቀምጣለት እየተመናቀረች ወጣች።
አቶ ሙሉሰው ዝም ብሎ ሲያዳምጣትና ሲከታተላት ከቆየ በኋላ ስልኩን አንስቶ ለባለቤቱ ለሔዋን ደወለ። ሔዋንም በቶሎ አነሳች።" ልክ አልነበረም መሰል ያደረኩት ሔዋኔ ገንዘቡን አሁን አምጥታ ፊቴ ላይ ጥላው ሄደች። " "ምን አለችህ? ቆይ ለምንድነው ገንዘቡን አውጥታ የሰጠችህ?" " እንግዲህ እሷ እንዳለችው ከሆነ ገንዘቡን ያስገባሁላት በስራዬ ስለተፀፀትኩ በገንዘብ ልሸነግላት እንዳሰብኩ ነው። እሷም የአደረከኝ ነገር በገንዘብ የሚሽር አይደለም አለች። እኔ እምልሽ ግን ያኔ በጥፊ ስመታት አብሮ ሰይጣንም መትቷት ነበር እንዴ? ግራ ገባኝ እኮ መቼም ሰይጣን ካልተጨመረበት በቀር በእኔ አንድ ጥፊ ይሄን ያህል ትቀየራለች ብየ አላሰብኩም ነበር። ለማንኛውም አሁን የነበረችን የመጨረሻ ክር ሳትበጠስ አልቀረችም። ዳዊት ቆንጆ ሰይጣን አድርጓታል። በእርግጠኝነት ያስገባሁላትን ብር ነግራው እንድትመልስልኝ የሆነነገር ብሏታል።" " እንግዲህ አንተ የቻልከውን አድርገሀል። በቃ ምንአልባት ከዚህ በኋላ ማህደርን መተው ሳይኖርብን አይቀርም። ይበልጥ ልንረዳት በሞክርን ቁጥር እየተበላሸች ይመስለኛል።" "አዎ ከዚህ በኋላ ከራሷ ጋር እንተዋት ከዳዊት ጋር አዲስ ፍቅር ላይ ናት።" አዎ ልክ ነህ" " እነ ሔሚን ከትምህርት ቤት አመጣሻቸው?" " አዎ አምጥቻቸዋለሁ!" " ቀዳማዊይስ መጣ?' ' አዎ መጥቷል። ቶሎ በልቶ ነው ወደ ጥናት የገባው ፈተና ደርሷል በዚህኛው ሳምንት ና በዛኛው ሳምንት ነው የምንጨርሰው ሲል ነበር" "ጥሩ የሚፈልገው መፅሐፍ ካለ እንድገዛለት እስኪ ላናግረው ስልኩን ስጪው!" "እሺ ቀዳማዊ ሙሉሰው ሊያወራህ ይፈልጋል ና ቶሎ " አለች።

ቀዳማዊ በፍጥነት መጥቶ " አቤት ጋሼ " " እንዴት ዋልክ ደህና ነህ ትምህርት ቆንጆ ነበር?" " ሸጋ ነበር ጋሼ ሁሉም አሪፍ ነበር" " ጥሩ የምትፈልገው አጋዥ መፅሐፍ አለ? አሁን ወደ ገበያ ልሄድ ስለሆነ እንድገዛልህ የምትፈልገው መፅሐፍ ካለ" " አዎ አለ ጋሼ " አለና የሚፈልገውን መፅሐፍ በዝርዝር ተናገረ " ጥሩ በቃ ይዤልህ እመጣለሁ! እስከዛው መልካም ጊዜ" እሺ ጋሼ' አለና ስልኩን ለወይዘሮ ሔዋን ሰጥቶ ተመልሶ ወደ ክፍሉ ገባ።

አቶ ሙሉሰው ለቀዳማዊ የፊዚክስ፣የሒሳብ፣የእንግሊዝኛ አጋዥ መፅሀፍትን ገዝቶ ለሔመንም የተወሰኑ መፅሐፍትን ገዝቶ አስረከበ። ቀዳማዊ እጅ ነስቶ በጣም አመስግኖ ተቀብሎ ወደ መፅሐፍ ማስቀመጫው አስቀመጦ ለእራት ተቀመጠ። ሔመን አባቷን ስማ " አመሰግናለሁ አባዬ'' አለች " የምን ምስጋና ነው ደግሞ ልጄ ለአንቺ ምንም ማድረግ እኮ ግዴታዬ ነው። ጎበዝ ተማሪ እስከሆንሺና ልጄ እስከሆንሽ ድረስ የምትፈልጊውን ና የሚያስፈልግሽን የማቅረብ ና የመስጠት ግዴታ አለብኝ" አለ ። " ግን ምን መሆን ነው የምትፈልጊው?" " እኔ ሳይንቲስት ነው መሆን የምፈልገው "አለች " እሺ ቀዳማዊይስ ምን ለመሆን ነው የምታስበው?" " ኧረ እኔ እንኳ ይሄ ነው ብዬ አንድም ቀን አስቤ አላውቅም ግን ሶስተኛ ክፍል እያለን የአማርኛ አስተማሪያችን ምን መሆን ትፈልጋላችሁ? ብሎ ሲጠይቀን ኦኔ ስተማሪ አልኩ ግን አሁን አስተማሪ ሳይሆን ኢንጅነር ብሆን ደስ ይለኛል። " "ጥሩ ጎበዞች በይ አንቺም ሳይንቲስት ለመሆን በደንብ ተግተሽ ማንበብ አለብሽ። አንተም ደግሞ ኢንጅነር ለመሆን በደንብ በርትተህ ማጥናት አለብህ!' አለ እና አቶ ሙሉሰው " በሉ አሁን እራት እንብላ የኔ ፍቅር ከየትኛው ነው የሚሻልሽ? አንቺ ነሽ ደግሞ ሌላኛዋ አንበሳ " አለና ኤሊያናን ሳም አደረጋት። ሁሉም የሚፈልገውን ያህል ቁርጥ አንስቶ ራታቸውን በልተው ማዕድ አነሳስተው ሌላ ጨዋታ ጀመሩ።

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

የተራበ ትራፊክ ስልክ እያናገረ ሚነዳ ሰው ሲያይ


😳እንዴ ጥሬ ስጋ

😄😄
  S. H. A. R. E.
🎃  @quoteopia 🎃
🎃  @quoteopia 🎃

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_63 𖥧𖤣

....ሁሉም የሚፈልገውን ያህል ቁርጥ አንስቶ ራታቸውን በልተው ማዕድ አነሳስተው ሌላ ጨዋታ ጀመሩ።

ፍቅር የነገሰበት ቤት ሰርክ ጨዋታ ና ደስታ የማይጠፋው ሆኗል። ማታ ላይ ከእራት በኋላ ሁላቸውም በየተራ መጫወታቸውን ቀጥለዋል። ቀዳማዊ ደስተኛ ሕይወት እየመራ ነው። እስካሁን አንዳቸውም ቢሆን መጥፎ ፊት አሳይተውት አያውቁም። ወይዘሮ ሔዋንንም ሆነ አቶ ሙሉሰውን በጣም ነው የሚወዳቸው። እንደ እናት እንደ አባት ብቻም ሳይሆን እንደ እህትና እንደወንድም ነው የሆኑለት። እነ ሙሉሰውም በቀደማዊ ስነስርዓት ና ባህሪ ሁሌም አዲስ እንደሆኑ ናቸው። በየቀኑ አዲስ ነገር ያሳያቸዋል። ከሚሰሩበት ስራ ተመልሰው ማታ ሲያገኙት አንድ አዲስ ነገር አድርጎ ይጠብቃቸዋል።

ከሁሉም ግን የሔመን ጉዳይ በጣም ያስገርማል። አሁን እሳት የላሰች ተማሪ ሆናለች። ያለፈውን አመት በአማካይ ውጤት ተበልጣ ነው እንጅ አንደኛ ነበር የወጣችው። በዚህ አመት ደግሞ ጭራሽ እሳት የላሰች ተማሪ ሆናለች። ቀዳማዊይም አዲስ አበባን እየለመዳት በትምህርቱም ይበልጥ ታታሪ ሆኗል። የዘጠንኛ ክፍል የደረጃ ውጤቱ የነበረው ሁለተኛ ነው ። ታዲያ በዚያን ጊዜ ሁለተኛ ወጥቶ ቤት የተመለሰ ጊዜ በነ አቶሙሉሰው ፊት መቆም አፈረ። ለራሱም እነዲህ አለ" አሁን እንደዛ አጥንቼ ስበለጥ በጣም ነው የሚታዘቡኝ አሁን ለቀጣይ አመት እንዴት አድርጌ አጥንቼ ልበልጠው እችላለሁ? " እያለ ከራሱ ጋር እያጉተመተመ ቤት ደረሰ። አቶ ሙሉሰውም ቀድሞ ሰርተፍኬቱን ተቀብሎ ተመለከተው ቀዳማዊይም ሰጠውና ፊቱን ወደ ኋላ አዙሮ እንደማፈር አለ። " በለው በለው እነዚህን ልጆች አልቻልናቸውም ውዴ እሳት ሆነውልን የለ እንዴ? በቃ ልጆቻችን እንዲ ከሆኑልንማ ነገር አለቀ!' አለ በጣም እየተደሰተ " በደንብ እንጂ እነሱ የሚጠበቅባቸውን እያደረጉ ነው የቀረው የእኛ ተግባር ነው። እስኪ ተመልክተኸዋል አማካይ ውጤቱ 96.8 ነው አንደኛ የወጣው ልጅ በትንሽ ነው የበለጠው" አለች " አዎ አይቼዋለሁ እጅግ በጣም ጥሩ ውጤት ነው። እንዲህ ነው ልጅ ማለት' አለና ቀዳማዊን አቅፎ ሳመው በጆርውም እንዲህ ሲል አንሾካሾከለት" አንተ ጎበዝ ኢንጅነር ትሆናለህ!" አለው

ቀዳማዊ አሁን የፈራውና ያሳፈረው ነገር ከጭንቅላቱ ሲጠፋ ታወቀው። ከዚህ በኋላ ነበር ይበልጥ ለትልቅ ውጤትና ስኬት ክረምቱን በማንበብ ያሳለፈው ክረምት ላይ የአስረኛ ክፍል ትምሀርቶችን በአጋዥ መፅሐፍ ሲያነብ ከረመ ሁሉም ነገር ሙሉ ሀኖለት ነበር። የአስረኛ ክፍል የመጀመሪያ ሲሚስቴር ውጤቱም አሪፍ ሆነ አንደኛ ነው የወጣው። ነገር ግን ከደረጃው በላይ ለማትሪክ በደንብ እንዲዘጋጅ ሙሉሰው ስለመከረው። ምክሩንም ተግባራዊ በማድረግ ከበፊቱ በይበልጥ ታትሮ እያጠና ነው። እንደ ባለፈው አመት አሁን ብዙም አይጫወትም። ሔመንም ብትሆን እያጠናች ነው ሆኖም ጨዋታ ሲያምራት ግን እህቷን ይዛ ትጫወታለች እንጅ ቀዳማዊይን እንጫወት አትለውም። ይሄን እንዳትል ደግሞ ቀስ አድርጎ የነገራት አቶ ሙሉሰው ነው። ቀዳማዊ ግን የደረጃውን የማትሪኩንም ነበር እኩል የሚያጠናው ማትሪክ ነው የሚያሳልፈኝ ብሎ እሱ ጋ ብቻ ትኩረት አላደረገም።

አቶ ሙሉሰውም ሆነ ወይዘሮ ሔዋን እንደ ሁልጊዜው ሁሌም እንደሚያደርጉት ቀዳማዊይን ማታ ማታ ወደ ፒያሳ እየወሰዱ አዝናንተው ያመጡታል። ይሄን የሚያደርገው በብዛት አቶ ሙሉሰው ነው፡፡

○○○○○○○○○○○○○○
ከተወሰኑ ወራትች በኋላ የማትሪክ መፈተኛ ቀን ደረሰ ግንቦት ፳፰(28) ቀዳማዊ ፈተና ከመግባቱ በፊት አቶ ሙሉሰው ቁጭ አድርጎ በስርዓት መከረው የተለያዩ ልጆች ያጋጥሙሀል። ብዙ እሳት የላሱ ኮራጅ ተማሪዎች አሉ። እና እነሱን እረዳለሁ እንዳትል እንደዛ ስታደርግ ከተያዝክ ፈተናህ ካንስል ይደረግባሀል። ስለዚህ የራስህን ብቻ ስራ በጭራሽ ስህተት እንዳትሰራ በተረፈ ፀልይ ፈተና ከመጀመርህ በፊት አቡነዘበሰማየትን ድገምበት። ተረጋግተህ እያንዳንዷን ጥያቄ መስራትህንና የአንሰር ሺቱ ላይ ማጥቆርህን መርሳት የለብህም" አለውና ግንባሩን ስሞ ሸኘው። ቀዳማዊይም የመፈተኛ ክፍል ውስጥ ገብቶ በተረጋጋ መንፈስ ፀልዮ የመጀመሪያዎቹን ፈተናዎች አንገቱን አቀርቅሮ ሰርቶ ወጣ። የሆነ ሸክም የቀለለው መሰለው በጣም ፈርቶ ስለነበር ቁና ቁና እየተነፈሰ እግዚአብሔር ይመስገን የመጀመሪያው ቀን በሰላም ተጠናቋል። አለና ወደ ቤት ተመለሰ።

የተፈጠረውን ነገር ለመስማትና ምን እንዳጋጠመው ለማወቅ እነ አቶ ሙሉሰው ጓጉተው ነበርና ገና ቤት እንደገባ በጥያቄ አጣደፉት " እንዴት ነበር ፈተናው? ቀላል ነው ወይስ ከባድ? ምን አጋጠመህ የረበሸህ ተማሪ ነበር?" እያሉ የጥያቄ ናዳ ያወርዱበት ጀመር። ቀዳማዊም አታስቡ 'እንዳላችሁኝ አድርጌ ነው የጨረስኩት ፈተናው እስክጨርስ አንገቴን ቀና አላደረኩም ነበር። ብዙ ልጆች እየጠሩኝ ብሰማቸውም ነገር ግን እንዳልሰማ ሰው ሆኜ ዝም አልኋቸው። ፈተናየን ስጨርስ ብቻ ተነስቼ ወጣሁ!" አለ " ጎበዝ እና ፈተናውስ እንዴት ነበር!?'' አለች ወይዘሮ ሔዋን " ፈተናውም ሸጋ ነው ትንሽ ቀለል ሳይለኝ አይቀርም ። አለ " ጥሩ ዛሬ የሚበረታታ ስራ ነው የሰራኸው ስለዚህ በዚሁ ቀጥልበት እንደዛሬው " አለ አቶ ሙሉሰው " እሺ ጋሼ " አለና ቀዳማዊ ሁሉንም የፈተና ቀናቶች በዚሁ መልኩ ተፈትኖ ፈተናውን ጨረሰ።

○○○○○○○○○○○○
ሰላማዊት ከመጀመሪያው ቀን ጀምሮ ማህደርን አልፈለገቻትም። በጭራሽ አትወዳትምም:: ይሄን ድርጊቷን ደግሞ በየቀኑ ነው የምታሳያት.... ነገር ግን ማህደር ምንም ማድረግ ስለማትችል ዝም ብላ ችላ ተቀምጣለች። ለዳዊት እንዳትነግረው ከሰላም ጋር ይጣላሉ ብላ ፈራች። ዝም እንዳትል ደግሞ በጣም እየተጎዳች ነው። የሰላማዊት ፊት ቀን በቀን ነው የሚለዋወጠው። ዳዊት በሌለ ጊዜ በጣም የሚያስጠላ ፊት ታሳያታለች። ዳዊት በኖረ ጊዜ ደግሞ የውሸት ፈገግታ ና የለበጣ ሳቋን ትቸራታለች። በዚህ ድርጊቷ ይበልጥ እየጠላቻት ሄደች ነገር ግን አማራጭ ስለሌላት ችላ ተቀምጣለች። " ወንድሜን ብዬ ነው እንጂ አንቺስ ርካሽ ቆሻሻ ነሽ ደግሞ ለአንቺ ብዬ የወንድሜን ቤት ትቼማ አልወጣም የሰው ሰይጣን ምን እንደምታመጭ እናያለን እስኪ! እርር ድብን ትያለሽ እንጅ የትም አልሄድም.....!!!???

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_64 𖥧𖤣

....እርር ድብን ትያለሽ እንጅ የትም አልሄድም። ከእንደገና ደግሞ ታስብና ልሂድስ ብል ወደየት እሄዳለሁ? " አለች ለራሷ " እሺ ለማንኛውም ባይሆን አንድ መፅናኛ አለኝ እሱም ወንድሜ ዳዊት ነው። " አለች...

አቶ ዳዊት የNGO ድርጅት ውስጥ በዳይሬክተርነት ነው የሚሰራው እና ጥሩ ገቢም ያገኛል። እስካሁን ልጅ አለመውለዱ ትንሽ ያስቆጨዋል። ሁሌም ሰላማዊት ጋር በዚህ ጉዳይ ነውየሚጣሉት ውለጅልኝ ብሎ ይገፋፋታል ነገር ግን እሷ ምላሿ 'ያለን ገቢ በቂ አይደለም!' የሚል ነው። አሁን ላይ ጠይቆ ጠይቆ ስለሰለቸው ዝም ብሏታል። ማህደርም እስካሁን አለመውለዷን ከተመለከተች በኋላ " ለምንድነው እስካሁን ያልወለዱት? ምን አልባት መኻን ሆና ሊሆን ይችላል!!"አለችና ሳቅ ብላ " እስኪ ጉድሽን እናያለን አንድ ነገር ማግኘቴማ አይቀርም! ቆይ ያኔ ደግሞ እኔ በተራዬ አወራለሁ እናገራለሁ አንቺ ደግሞ ፀጥ ትያለሽ!' አለች እና ወደ ዩኒቨርሲቲ ለመሄድ ወጣች። ነገር ግን ወደ ዩኒቨርሲቲ መሄዱን ትታ ወደ ዳዊት መስሪያ ቤት ሄደች። ወደ ቢሮው ሄዳ የእንግዳ ማረፊያ ከተቀመጠች በኋላ ፅሀፊዋ ለአቶ ዳዊት ደውላ ማህደር እንደመጣች ነግራው መግባት እንደምትችል ና ብቻውን እንደሆነ በነገራት መሠረት ማህደርን ወደ ቢሮው አስገባቻት። "እንዴት ዛሬ ብቅ አልሽ? ውዷ እህቴ" አለ ዳዊት " እንዲሁ ነው ወንድሜ ናፍቀኸኝ በዛ ላይ ከአንተ ጋር የተወሰነ ልቆይ ልጫወት ብዬ "አለች " እንዴ እና ታዲያ ለምን አልደወልሽልኝም? ይሄ መጫወቻ ቦታ አይደለም። የስራ ቦታ ነውኮ"አለ " ኧረ ይሄን ሁሉ አላሰብኩም ነበር እንዲሁ መምጣት ፈልጌ ነው የመጣሁት እንጅ በቃ ወንድሜ ስራ ከበዛብህ ወደ ማታ አካባቢ እንደዋወልና እንጫወታለን " ብላ ልትወጣ ብድግ ስትል "አሁንማ መጥተሻል። ነገር ግን ከምትደክሚ ቀድመሽ ልታሳውቂኝ ትችይ ነበር ነው ያልኩሽ አሁን ብዙም ስራ ስለሌለብኝ ወጥተን መጫወት እንችላለን።" አለና ኮምፒውተሩን ዘጋግቶ ጠረምጴዛው ላይ የነበሩ ፋይሎችንና ወረቀቶችን በትክክል ካስቀመጠ በኋላ ተነስቶ ፅሀፊውን ጠርቶ ያሉትን ፋይሎች እንድታዘጋጅና ወጣ ብሎ እንደሚመለስ ነግሯት ከማህደር ጋር ተያይዘው ወጡ።

" እሽ ቆንጆዋ እህቴ እንዴት ነው ትምህርት? ከሱ ብንጀምር አሪፍ ነው! ኮምላቲቭ ጂፒኤሽ እንዴት ነው?" አለ " አ አ አሪፍ ነው ምንም አይልም " አለች! ስንት ነው ግን ውጤትሽ? " " 3 ቤት ነው ከሶስት ነጥብ በላይ ነው ኡፍፍፍ" አለችና በጭንቀት ተነፈሰች። " ዛሬ ግን እስካዛሬ ጠይቀኸኝ የማታውቀውን ጥያቄ ነው የጠየከኝ ምነው?" አለች " እንዲሁ ነው። ሙሉሰው እንዴት አድርጎ እንዳስተማረሽ ማወቅ ስለፈለኩ ነው። "አለና " እና ዛሬ እንዴት ፈለግሽኝ ዋናውን ርዕስ ዘነጋሁትኮ " አለ " እኔምልህ ወንድሜ በግል ሕይወቴ ገባች አትበለኝና እስካሁን ልጅ ለምንድነው ያልወለድከው?" አለች ዳዊትም ትንሽ ካሰበ በኋላ " እንዴት ልትጠይቂኝ ቻልሽ ይሄን ጥያቄ?" "እንዲሁ ቤት ተቀምጨ ነው የመጣልኝ እና እስካሁን አልመውለድህ ትንሽ አስገርሞኝ ነው። ሙሉሰውም ሁለት ልጆች አሉት " አለች " ለምን መቶ አይወልድም የራሱ ጉዳይ! ነገር ግን እኔ እስካሁን ያልወለድኩት ስላልፈለኩ ነው!" አለ ዳዊት " ስላልፈለኩ? እህ ወንድሜ ለምንድነው የማትፈልገው? ምን ጎድሎህ የምትፈልገው ነገር እንዳለ አለህ አይደል? " በቂ አይደለም!" ጮክ አለባት። ማህደር ድንግጥ አለች። " ይቅርታ ማሂ ስለጮኩብሽ ግን የማይሆን ጥያቄ ስላነሳሽብኝ ነው። " አለ ዳዊት " እ እሺ በቃ ይቅርታ የማትፈልገውን ጥያቄ ስላነሳሁብህ ግን እኔ ግራ ስለገባኝ ነው። ከሙሉሰው ጋር ስለተጣላችሁ ልጆቹን እንኳ ማየት አትፈልግም። እ ከእሱ ጋ በምን እንደተጣላችሁም አላውቅም። አንተ ደግሞ ብቻህን ሆነህ እንኳ በዚህ ግጭት ውስጥ የሚያረሳሳህ ልጅ ለመውለድ አለመፈለግህ ግራ ስላጋባኝ ነው። እይ እስኪ ሙሉሰውን አንተንም ሆነ እኔን በአጭር ጊዜ ረስቶናል። ምክንያቱም የሚያስረሱት ልጆች አሉት። አሁን ደግሞ አንድ የማደጎ ልጅ አግኝቷል በእሱ ደግሞ ጭራሽ በጣም ደስተኛ ሆኗል። እና አንተስ ደስተኛ ለመሆን ቤተሰብ ለመመስረት አባት ለመሆን ለምን አልፈለክም?" አለች ማህደር " እየውልሽ ማሂ ብዙ የማታውቂያቸው ነገሮች አሉ። ደግሞም ባታውቂው ይሻላል" አለ አቶ ዳዊት አይኖቹን ወደ አልፎ ሒያጁ እየወረወረ ይመልሳል። " እሺ እንደፈለክ አትንገረኝ ነገር ግን አንድ የጠረጠርኩትንና የገመትኩትን ልንገርህ" አለች "እሺ ምንድን ነው እሱ " አለ " ማለቴ ሰላማዊት መኻን ሆና ቢሆንስ ቆይ በምን ታውቃለህ?" አለች " ምን እንደዛማ አይሆንም " አለ " እየውልህ ለማመን ሊከብድህ ለመጠራጠርም ሊያስቸግርህ ይችላል። ነገር ግን ይሄን ማሰብ አለብህ እሺ አንተ ስለፈለክ ብቻ የማትወልድ ይመስልሀል። እድሜዋኮ እየሄደ ነው መውለድ በምትፈልግበት ስአት ልውለድ ብትል መውለድ ትችላለች? እ ልንገርህ የአንተ ሀሳብ ምንም ይሁን ምን የእሷን የመውለድ ተፈጥሮ እስከተሻማባት ድረስ አትቀበልህም። ደግሞስ ሴት ሆና እንዴት ነው ልጅ የማትፈልገው? ስታስበው የአንተን ያለመውለድ ፈቃድ ለመጠበቅ ብላ ብቻ ይመስልሀል? እ ደግሞስ ከአንተ ታሪክ ምን አግብቷት ልጅ አልፈልግም? ትላለች። ሴት ልጅ ብልህ ናት አወንድ በተሻለ አርቃ ማሰብ ትችላለች። ነገሮችን በአንድ አቅጣጫ ብቻ አትመልከት። አንድ እርግጠኛ የምሆንበት ነገር ቢኖር መውለድ ብትፈልግ ኑሮና መውለድ የምትችል ቢሆን የአንተን ፈቃድ ሳትጠይቅ ትወልድ ነበር። ነገር ግን ሳስበው መውለድ የምትችል አይመስለኝም!" አለች ማህደር....

ዳዊትም ሳቅ አለና " አዬ ማህደር የምትገርሚ ልጅ ነሽ! ነገር ግን የኔ ፍቅር ሰላም መውለድ እንደምትችል እርግጠኛ ነኝ መጠራጠር አልፈልግም። አንቺን እህቴን ባምንሽ ደስ ይለኝ ነበር። ነገር ግን ይሄን ወሬ አላምንም። " አለ ዳዊት " እሺ እንደፈለክ! አትመን! እኔ ብቻ ያወራሁት እንድታምነኝ ሳይሆን የታየኝንና የመሰለኝን እንዲሁም ጥርጣሬየን ነው። ለማንኛውም ለዚህ ጉዳይ ነበር የፈለኩህ አሁን ወደ ጊቢ እየሄድኩ ነው ቻው" አለች ና ተነሳች። " ቸው እህቴ " ብሎ እጁን በቀስታ አንስቶ አውለበለበላት። ዳዊት ማህደር ከሄደች በኋላ ብቻውን ካፌ ላይ ተቀምጦ ማህደር ያለችውን ነገር ማሰብ ጀመረ " እንዴት ሊሆን ይችላል የእውነት መውለድ አትችል ይሆን? ወይስ የእኔን ፍላጎት ለማክበር ይሆን? አንደኛው መልስ ነው። ነገር ግን በጣም ነው የምትወደኝ ሁሌም ብቻየን በነበርኩበት የሚያፅናናኝ ሰው በሌለበት እሷ ናት የእኔ አፅናኝ እሷ ምንም ነገር አትዋሸኝም በጣም ነው የምታፈቅረኝ። ግን ማህደር እንዳለችው እኔ በፈለኩበት እድሜ መውለድ እችላለሁ። ነገርግን እሷ ይሄን እንዴት አላሰበችም። ነው ወይስ እህቴ እንዳለችው መውለድ እንደማትችል አውቃ ነው? አይመስለኝም አይ በጭራሽ ሰላምማ ምንም ነገር አትደብቀኝም! ግን እህቴ ለምን ይሄን ዛሬ ልትለኝ ቻለች? ምን አልባት ሰላም ላይ የሆነ አጠራጣሪ ነገር አይታባት ይሆን? ወይስ ምን አይታ ነው? " ብሎ ብዙ ጥያቄዎችን ሲያወጣ ሲያወርድ ከቆዬ በኋላ አስተናጋጁን ጠርቶ ሒሳቡን ከፍሎ ወጥቶ ወደ ቢሮው ሄደና ለፅሀፊዋ ተመልሶ እንደማይመጣ ነግሯት ቀጥታ ወደ ቤቱ ሄደ።.....!!!!!??????? 🖎​✐✎ ይቀጥላል...​ ✎​✐✍︎..

በጣም ቀጭኑን ጀለስ በቀን ግን ስንቴ ነው ምበላው ብዬው 8ጊዜ ሲል

ታድያ man Sport ቀንሺያ ማኘኩ እኮ ነው ያከሳሽ😂😁

😄😁😁🤣
  S. H. A. R. E.
🎃  @quoteopia 🎃
🎃  @quoteopia 🎃

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_65 𖥧𖤣

....ለፅሀፊዋ ተመልሶ እንደማይመጣ ነግሯት ቀጥታ ወደ ቤቱ ሄደ።

" መቼም ቢሆን ይቺ ቆሻሻ ልጅ እስካለች በሰላም መኖር አልችልም። ልጅቱ ሲያይዋት ደህና መስላ መሠሪ ናት። ስለዚህ በጊዜ ቦታ መፈለግ አለብኝ " አለች ሰላማዊት " ስለዚህ ዳዊትን የማሳምንበትን አንድ መንገድ መፈለግ አለብኝ! እዚህ ቤት ከእኔ ጋርማ እንድትኖር አልፈልግም። ደግሞስ ለሔዋን ያልሆነች ለእኔ ልትሆነኝ ነው? ሲወዷትና ሲጠሏት የማታውቅ እንደ ማስቲካ ከጣበቀችብን እኮ ከአመት በላይ ሆናት። አሁን እንዴት ብዬ የማይመስል ነገር ልንገረው? ምን አይነት መላስ ልዘይድ? ዳዊትን ምን ብዬ ብጠይቀው ማህደርን ከዚህ ቤት መንጥቆ ያስወጣልኛል" እያለች በምታስብበት ጊዜ ዳዊት ገባ

" እንዴ ፍቅር መጣህ እንዴ እንኳን መጣህ ብቻየን ዝም ብዬ ስቀባጥር አንዱን ሳወጣ ሌላኛውን ሳወርድ ነበር። ለብቻ መሆን ግን እንዴት ነው የሚያጃጅለው! "አለች ሰላማዊት " እና ብቻሽን ከሆንሽ አትደውይልኝም ነበር ከእኔ ጋ ወጣ እንል ነበርኮ" አለ " ስራ ላይ ትሆናለህ ብዬ ነዋ። ስራህንም እንዳላቋርጥ ብዬ ነዋ!" አለችና ሳመችው። ዳዊትም " በእርግጥ ጥሩ ነው ያሰብሽው ነገር ግን ከአንቺ የሚበልጥ ስራ ደግሞ እንደሌለ ማወቅ አለብሽ አንቺ ከሁሉም ነገር ትበልጫለሽ ስለዚህ ለአንቺ ሁሌም ቅድሚያ እሰጣለሁ! " አላትና ሶፋው ላይ ተቀመጠ። " በይ የሚበላ ነገር አምጭለት እንጅ " አለች ሰላማዊት ሰራተኛዋን ሰራተኛዋም በፍጥነት ከመታጠቢያ ውሃ ጋር ምግብ አቀረበችለት።

ዳዊት የቀረበለትን ምግብ በልቶ ከጨረሰ በኋላ ቁጭ ብለው እየተለፉ መጫወታቸውን ያዙ። ከደስታ ጫፍ እስከ የደስታ ጫፍ ረብ የለሽ ማብቂያ ድረስ ይስቃሉ። ከፊታቸው ረጅም የብርሃን ፀዳል ጎልቶ ይታያል። ሰላማዊትም ሆነ ዳዊት ያለ ረፍት እየሳቁ ነው። ዳዊትም ከፈገግታ አለሙ ሳይናጠብ "ግን አይገርምም በዚህ እድሚያችን ከልጃችን ጋር በመላፋት ፋንታ እኛ ስንላፋ?" አለና ሳቀ " ግን አሁንም ደስተኞች ነን ልጆች ካላቸውም በላይ አይደል የኔ ፍቅር? " አለች ሰላማዊት በእጆቿ መዳፍ የዳዊትን ፊት እየዳበሰች። " ግን እስከመቼ ነው እንዲህ የምንቀጥለው ፍቅር?" አለ ዳዊት " ማለት አልገባኝም እስከመቼ የሚባል ጥያቄ የለም እስከ ማብቂያችን ነዋ! " አለች ሰላማዊት ግራ በተጋባ ሁኔታ ለቀቅ እያደረገችው። " ያው ማለትማ ልጅ መውለድ አለብን! ደስታችን ከዚህም በላይ እጥፍ ድርብ እንዲሆን ማለት ነው" አለ ዳዊት እጆቹን ከአፉ እንቅስቃሴ ና የደስታ ቃላት ከፈገግታ ጋር አጣምሮ እያስረዳት " ምን? ምንድን ነው የምትለው ይሄን ሀሳብ ደግሞ ዛሬ እንዴት መጣልህ?" አለች ሰላማዊት ፊቷ ላይ የነበረው የደስታ ብርሃን በአንድ ጊዜ በግራ መጋባትና በጭንቀት ደመና ውስጥ እየገባ፡ እና በድንጋጤ እየተሸፈነ

" ይሄ ሃሳብ ሳይመጣልኝ ቀርቶ ይመስልሻል እስከዛሬ? ትቼው ነው እንጅ። አሁን ግን ሁሉንም በልጄ መርሳት ነው የምፈልገው አንቺንም ከልጄ ጋር መንከባከብ ስለምፈልግ እንድንወልድ እፈልጋለሁ!" አለ ዳዊት " ኧ ኧ ኧረ እንደዛ ነው የምታስበው? በ በ በጣም ደስ ይላል ግን እኔ የገረመኝ እንዲህ አይነት ሀሳቡን ዛሬ እንዴት በዚህ ስአት ልታነሳልኝ ቻልክ? ነው" አለች የዳዊትን አይኖች ትክ ብላ እየተመለከተች።

እሱም ሲመለከታት ከቆየ በኋላ አይኖቹን ሰበር አደረገና " እሱማ ከማህደር ጋር እያወራን ነበር። ታውቂያለሽ እኔ እስካሁን በአንድ መንገድ የምመለከተውን እሷ ግን በተለያየ አይን እንዳየውን በሌላኛው መንገድ መሄድ እንደምችል አስተማረችኝ። ለካ አንድ መንገድ ላይ ነበር የቆምኩት። ነገር ግን ትልቁ ይሄን ማስተዋል ሳልችል ታናሼ ግን አስተዋለችውና ምክረ ሀሳቧን አቀረበችልኝ። " አለ ዳዊት " አልገባኝም ማለት?" አለች ሰላማዊት ራሷን እየነቀነቀች። ......

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_66 𖥧𖤣

....አልገባኝም ማለት?" አለች ሰላማዊት ራሷን እየነቀነቀች። " ማለትም ቅድም ከእህቴ ጋ እያወራን ሳለ ስለዛ የተረገመ ወንድሜ አንስታ እኔንና እሷን የረሳንና የተወን ምንም የማንመስለው ልጆች ስላሉትና ቤተሰብ ስለመሠረተ ነው። ስለዚህ አንተም ቢሆን በሆነ ባልሆነው በእሱ ከምትበሳጭ የራስህን ቤተሰብ መስርት ልጅ ውለድና ሁሉንም ነገር እርሳው። ብላ ስትነግረኝ ታውቂያለሽ በታናሽ እህቴ ሀሳብ ተገረምኩም ተማረኩም። ደግሞም ያመጣችው ምክረሀሳብ ልክ ነበር ከእኔም ተሻለች። እስከዛሬ ያላየሁትን ያላሰብኩትን ነገር ነበር ያሳሰበችኝ እናም ጥሩ ሀሳብ አንደሆነ ነገርኳትና ተቀበልኳት።" አለ " ኧረ ነው እንዴ በጣም ጥሩ ምክር ና ሃሳብ ነው። ልጁን የምትይዘው እሷ ትመስል ና ልጅ መውለድ ቀላል ይመስል እንደ ተራ ነገር ቀለል ባለ አማርኛ ስትጠቀመው ታሳፍራለች። ብላ ለራሷ ካጉተመተመች በኋላ " ሌላስ ምን አለችህ?" አለች ሰላማዊት ከማህደር ጋ ያወሩትን ሁሉንም ለመስማት እየጓጓች።

"ሌላ ምንም ነገር የለም ይህንኑ ነግራኛና ከአንቺ ከውቧና ከቆንጆዋ ባለቤቴ ጋር በጉዳዩ እንድንመክርበት እንድናስብበት አስታውሳኝ ነው የሄደችው" አለ ምነው ባልተመለሰች በሄደችበት በዚያው ምን አለ አንድ ነገር ቢያስቀራት ብላ ማህደርን በሆዷ ዳዊት ሳይሰማት ከተራገመች በኋላ " እና እሷ ስላለችህ ብቻ ደርሰህ ነው መውለድ አለብን የምትለው? በደንብ ሳናስብ" አለች ሰላማዊት ለዳዊት የቅሬታ ፊት እያሳየችው። "ደግሞ እሱ ምን ማለት ነው? ማህደር ስላለችኝ ብቻ እንዴት ሳላስብ እንውለድ እልሻለሁ? ውዴ ልጅ እኮ ብዙ ነገር ያስፈልገዋል! ዝም ተብሎ በስሜት አይወለድም! ይሄን ደግሞ በደንብ አውቃለሁ። ግን ደግሞ እኔ በዚህ ስአት ለልጄ የሚሆን ነገር እስካለኝ ድረስኛ ለማዘጋጀት የምችለውን ያህል እንደምጀምር እስካመንኩ ድረስ ልጅ መውለድ አለብን ማለቴ ስህተት አይደለም። እህቴ ካለችኝ በኋላ ብዙ ሃሳቦች በጭንቅላቴ ሲመላለስ ነበር።ወዲያው የጀመርኩት ነገርም አለ። አንቺም ለእኔ ብለሽ ነውና እስካሁን የቆየሽው ይሄው እኔ አሁን ፈቃደኛ ነኝ አንቺንም ልጄንም ደስተኛ ለማድረግ። የምንወልደው ልጃችንንም ደስተኛ ሕይወት እንዲኖረው ለማድረግ ቆርጫለሁ!" አለ ዳዊት።

ሰላማዊት አሁን ከንፈሯ መንቀጥቀጥ ጀመረ እግሮቿ ያለ ቅጥ ተርበተበቱ። ምንም ማለት እንዳለባት ጠፋት ዝም አለች " ምንድን ነው ዝም አልሽ በዛ ላይ የደነገጥሽ ትመስያለሽ " አለ ዳዊት " ኧረ ምን ያስደነግጠኛል ብለህ ነው ያው በደስታ የምናገረው ጠፍቶብኝ ነው እንጅ። ማለቴ አንድም ቀን እንደዚህ አይነት ውሳኔ ትወስናለህ ብዬ አስቤ አላውቅም ነበር። ነገር ግን ይሄው በመጨረሻ ወደ ራስህ ተመለስክ ተመስገን ነው " አለች ሰላማዊት " ልክ ነሽ እኔም አንድም ቀን እንደዚህ ይፈጠራል ብዬ አላስብም ነበር። ግን ሁሉም ነገር ለካ በጊዜው የሚፈጠረው አይታወቅም! ሁሌም እርግጠኛ መሆን አይቻልም። እሱን ነው የተማርኩት! ማንኛውም ውሳኔ ደግሞ በጊዜ ብዛት እንደሚቀየር አውቂያለሁ! አሁን ግን አንቺም ሳልወልድ እድሜዬ ሄደ ምናምን ከሚል ሰቀቀን ትላቀቂያለሽ ማለት ነው። እሺ የኔ ወድ"አለ " እሱ ልክ ነህ " አለች ራሷን በአዎንታ እየነቀነቀች። " ግን ታውቂያለሽ አንቺን የመሰለች ሚስት ፈጣሪ ባይሰጠኝ ኑሮ እንዴት ነው እስካሁን የምቆየው? ያለምንም ቤተሰብ ሕይወት ከባድ ይሆንብኝ ነበር ነገር ግን አንቺ መጣሽና ሁሉንም ክፍተቴን ሞላሽልኝ ብቸኝነቴን አስረሳሽኝ ችግሬን ተረድተሽ ፍላጎትሽን ሳታስቀድሚ ለእኔ ብቻ በማሰብ ለእኔ ብዙ ነገር ሆነሽልኛል እና ፈጣሪን አመሰግነዋለሁ " ብሎ እጇን ሳመና " በይ አሁን የሆነ ቦታ ደርሼ ልምጣ " አለ ሲወጣ " ግን የት ነው የምትሄደው?"አለች ወይዘሮ ሰላማዊት በፍርሃት "የሆነ ጓደኛየ ጋ ነው እመለሳለሁ ብዙም አልቆይ"አለ።

ሰላማዊትም በአይኗ ተከትላ ከሸኘችው በኋላ " ቆይ አሁን ምንድን ነው የማደርገው ሁሉንም ነገር እኮ እየደረሰበት ነው። ወይ አምላኬ የሆነ ነገር በቶሎ ማድረግ አለብኝ ካልሆነ ተጋለጥኩ በቃ ። ያቺ መርዝም አትለቀኝም። የሆነ ነገር ጠርጥራም ይሆናል ዳዊትን እንዲወልድ የነገረችው። ይቺ መሰሪማ አትቀድመኝም" አለችና በፍጥነት ወደ መኝታ ክፍሏ ገባታ ልብሷን ቀየያይራ ወጣች

" ጓደኛዬ ጉድ ሆኜልሻለሁ! አሁኑን ከዚህ መአት አውጪኝ እህትና ወንድም ለሁለት እያደኑኝ ነው። ከሁለት አንዳቸው ሊደርሱብኝ ይችላሉ!" አለች ሰላማዊት......

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

አንዱ ታሞ ሆስፒታል ሄዶ ወደ ውጪ ሀገር ሄደህ መታከም አለብህ ሲባል ምን ቢል ጥሩ ነው
°•°
○●
□■ አማረኛ ፊልም እየቀረፃቹ ነው እንዴ🙄😁

🤣
  S. H. A. R. E.
🎃  @quoteopia 🎃
🎃  @quoteopia 🎃

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_67 𖥧𖤣

....ከሁለት አንዳቸው ሊደርሱብኝ ይችላሉ!" አለች ሰላማዊት " ቆይ ቀስ ብለሽ ያለውን ነገር ንገሪኝ እስኪ አትርበትበችብኝ ቆፍጠን በይ " አለች የሰላማዊት ጓደኛ ማዕዛ " እየውልሽ ማዕዚ እኔና ዳዊት እንዴት እንደተገናኘን ታውቂያለሽ የእሱን መውለድ እንደማይፈልግ ሳውቅ አይደል የተጋባነው ነገር ግን እኔ መውለድ እንደማልችል ቀድሜ አውቅ ነበር። እናም ዳዊትን በጣም ስለምወደው አጋጣሚውን ተጠቀምኩበት። ከዛም በእኔ ምንም ነገር እንዳይጎልበትና ልጅ ባለመውለዱ እንዳይፀፀት ሀሳቡን እንዳይቀይር አድርጌ ይዤው ነበር። አሁን ከእህቱ ጋር ሲያወሩ መውለድ አለብህ ምናምን ብላው ካልወለድን እያለ ነው።" አለች "ቆይ እና ታዲያ እህቱ ከዚህ ከአንቺ ችግር ጋር ምን ያገናኛታል ለሁለት ነው የሚያድኑኝ የምትይው? "አለች ማዕዛ " እሷማ ከእኔ ጋር ተጣልተናል። ማለትም እኛ ጋር እንድትኖር አልፈልግም። ለዚህም ደግሞ ከእሷ ጋር በግልፅ አውርተናል። እና ለዚህ በቀል የሚሆን ነገር እያሰበች ስለሆነ እና መውለድ አለመውለዴን ሳትጠራጠር አልቀረችም። ያው በደንብ ነው እንጅ የምትጠረጥረው ሴት አይደለች? እኔም በአሷ ቦታ ብሆን የምጠረጥረው ነገር ነው። አሁን የእሷን ጥርጣሬና የዳዊትን ልጅ መውለድ መፈለግ እንዴት እንደምቋቋመውና ሁለታቸውም አንድም ነገር ሳያውቁብኝ እንዴት ነው የማልፈው?" አለች ሰላማዊት

" በጣም ከባድ ሁኔታ ነው የገጠመሽ ጓደኛዬ አሁን እንዴት ነው ከዚህ አጣብቂኝ የምትወጪው አንዳቸው ቢሆኑ እንኳ ይቀለን ነበር። " አለች ማዕዛ " አዬ ማዕዚ አንዳቸው ቢሆኑማ እኔም አማክሪኝ አልልሽም ነበር። አሁን ለጊዜው ለዳዊት የሚሆን መላ እንፈልግ " አለች ሰላማዊት " ለእሱማ ቀላል ነው እሱ እንደምትወልጂ ነገር ግን ለእሱ ስትይ እንደማትወልጂ ስለሆነ የሚያውቀው ለእሱ የምትይው አሁን መውለድ አልችልም ምክንያቱም የአምስት አመት የወሊድ መከላከያ ነው የምጠቀመው እሱን ደግሞ ያስቀበርኩት በቅርቡ ነው ትይዋለሽ። ከዛ ምንም አይልም ምክንያቱም መውለድ እንደማይፈልግ እንደነገረሽ ስለሚያውቅና ፍላጎቱን ለማክበር የወሊድ መከላከያ እንደተጠቀምሽ ያምናል ማለት ነው። ስለዚህ በቀላሉ ከእሱ ታመልጫለሽ ለጊዜው ይሄን ለእሱ ካዘጋጀን በኋላ ሌሎች አስተማማኝ ነገሮችን ደግሞ እሱ ሲረጋጋ ማሰብ አለብን። " አለች ማዕዛ " ኡፍፍ በጣም እኮ ነው የምወድሽ ጓደኛዬ ይሄን ማሰብ ራሱ አልቻልኩም ነበር አእምሮዬ ተዛብቶ ነበር። ብታይ የምይዘው የምጨብጠው ነበር የጠፋኝ ኡፍፍፍ አሁን በጣም ነው የቀለለኝ። ግን ማህደርንስ እንዴት ነው እኔን መከታተል እንዳትችልና በሆነ ነገር እርግጠኛ እንድትሆን የምናደርገው?" አለች

" እሱ ቀላል ነው ለማህደር ለዳዊት የነገርሽውን ነገር እንድታረጋግጥ እናደርጋለን!" አለች ማዕዛ " ማለት እንዴት አድርገን?" አለች ሰላማዊት የማዕዛን እቅድ ለማወቅ እየጣረች " እሱማ አሁን አንቺ ሄደሽ ለዳዊት ሁሉን ነገር ስትነግሪው እሱ ደግሞ ምነው ባልጠየኳት ብሎ ይፀፀታል። ለእሱ ብለሽ ወሊድ መከላከያ እንደምትጠቀሚ ያምናል ከዛ ያለውን ነገር በሙሉ እምነት ለማህደር ይነግራታል። ማህደርም ቶሎ አታምነውም ። ከዛ ትጠራጠርሽና አንቺን መከታተል ትጀምራለች ከዛ አንቺ ወደ አንድ ክሊኒክ ትገቢያለሽ ለዶክተሩ የሆነች ልጅ እንደምትመጣ ትነግሪውና እሱ የሚናገረውን ትነግሪዋለሽ ከዛ በኋላ ብር ትሰጭዋለሽ። እሱም ብሩን ሲያይ ያለምንም ማቅማማት ነው እሺ የሚልሽ። እንኳን ለዚች ተራ ነገር ብዙ ነፍሶችን ያጠፉ የለ እንዴ ለገንዘብ ብለው። "አለች " ኧረ ባክሽ አልፈልግም ገንዘብ አልቀበልም ብሎ ቢያዋርደኝስ?" አለች ሰላማዊት

" አዎ በእርግጥ ልክ ነሽ ለሞያቸው ታማኝና ሀቁን እውነቱን ብቻ ተከትለው የሚያክሙ ሀላፊነት የሚሰማቸው ዶክተሮችና በጭራሽ ሙስና የማይቀበሉ ዶክተሮች አሉ። ነገር ግን እንደነዚህ አይነት ዶክተር እንዳሉት ሁሉ እንኳን ይሄን ያህል ብር ሰጥተሻቸው ጋወናቸውን እንኳ በትንሽ ብር እያከራዩ ወንጀል የሚሰሩና ብር በማሳደድ የሰውን ሕይወት ከቁብ የማይቆጥሩ የራሳቸውን ፍላጎት ብቻ የሚያሳድዱ ዶክተሮችም አሉ። ይሄን ደግሞ እኔ አጣራና ቦታውን ክሊኒኩን የዶክተሩን ስም ከነገርኩሽ በኋላ ነው ይሄን ጨዋታ ከማህደር ጋር የምንጫወተው! "አለች ማዕዛ ፍፁም በሆነ መረጋጋት።

ሰላማዊት በአግራሞት ስታዳምጣት ከቆየች በኋላ " ግን እኮ ሳልነግርሽ ቀድመሽ አውቀሽ ለእኔ የምትነግሪኝ ነው እኮ የመሰለኝ እንጅ አሁን ነግሬሽ የምትመልሽልኝ አልመስል አለኝ " አለች ሰላማዊት

○○○○○○○○○○○○○○○○○○○○○

" እሺ እና ምን ተፈጠረ? እያንዳንዷን ነገር እንድትነግሪኝ እፈልጋለሁ!" አለች ማህደር " እሺ እነግርሻለሁ ግን አደራ ችግር ላይ እንዳትጠይኝ ወይዘሮ ሰላማዊት እንደነገርኩሽ ያወቀች ጊዜ ትገለኛለች" አለች ሰራተኛዋ በፍርሃት እየተርበደበደች .........!!!!????

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_68 𖥧𖤣

....ወይዘሮ ሰላማዊት እንደነገርኩሽ ያወቀች ጊዜ ትገለኛለች" አለች ሰራተኛዋ በፍርሃት እየተርበደበደች " በጭራሽ እህቴ ምንም ሀሳብ አይግባሽ እንዳትጠራጠሪኝ " እሺ እንግዲያውስ የተፈጠረውን አንድ በአንድ ልንገርሽ ይቺ መድረሻ ቢስ መቼ ይሆን ከዚህ የምትላቀቀው ምናምን እያለች እያለ አቶ ዳዊት መጣ እንደመጣም ምሳ አቅርቤለት ከበላ በኋላ ከወይዘሮ ሰላማዊት ጋር ከሶፋው እየተሳሳቁ ሲጫወቱ ከቆዩ በኋላ ድንገት አቶ ዳዊት ልጅ መውለድ እንደሚፈልግ ተናገረ። ከዛ ወይዘሮ ሰላማዊት በአንድ ጊዜ ኩምሽሽ አለች በጣም ደነገጠች። ከዛ ቀስ ብላ የሆነ ነገር ስትጠይቀው። እሱም በደንብ አስቤበታለሁ አላት ከዛ ብዙ ካወሩ በኋላ አቶ ዳዊት ወጣ ወይዘሮ ሰላማዊትም የእሱን እግር ተከትላ ወጣች። በቃ ይሄን ብቻ ነበር የሰማሁት ያየሁት ከዛ በኋላ እኔም ወይዘሮ ሰላማዊት ሳታየኝ ሲያወሩ እንደሰማኋቸው እንዳታውቅ ብዬ ወደ ማዕድ ቤቴ ተመለስኩ።"አለች

" ጎበዝ የኔ እህት በጣም ነው የማመሰግነው ምን ያህል ትልቅ ነገር እንዳደረግሽልኝ አታውቂም ግን ልጅ መውለድ እፈልጋለሁ ሲላት በጣም ደነገጠች?" አለች ማህደር " አዎ በጣም ነው የደነገጠችው "አለች ሰራተኛዋ " ጥሩ በጣም ደስ ይላል። ሌሎች ነገሮችም ሲኖሩ በጥንቃቄ እየተከታተልሽ ንገሪኝ " ብላ ሰራተኛዋን ለብቻዋ ወደ መናፈሻው ወጣችና " በይ አሁን ደግሞ ከወንድሜ ጀርባ የደበቅሽውን ነገር እደርስበታለሁ። ምን አይነት ጉዳይ እንዳለ እደርስበታለሁ አሁን የእኔን ትክክለኛ ማንነት አሳይሻለሁ። ከአንቺ ብሶ ደግሞ እኔ ማህደርን እንደዛ ከፍ ዝቅ ማደረግሽ ። ከዚህ በኋላ ለአንቺ ውርደት ነው በደንብ የማነበው እሺ የአንቺን ድብቅ ሴራ ደግሞ በማጋለጥ እመረቃለሁ። ያን ጊዜ እኔ ማን እንደሆንኩ ታውቂኛለሽ።" አለች ማህደር ከንፈሯን እየነከሰች።

አይኖቿ ላይ እልህና ጥላቻ ይነበባል ከንፈሯን በተደጋጋሚ ትነክሳለች። ወይዘሮ ሰላማዊት ከቤት እንድትወጣላት ያለቻትን በሙሉ አንድ በአንድ አስታወሰች። ንዴቷ ይበልጥ ጨመረ " ለተናገርሽኝ እያንዳንዷ ነገር በሙሉ ዋጋ ትከፍሊያለሽ ማን ከዚህ ቤት እንደሚወጣም እናያለን። በቅርቡ የደበቅሻቸውን ጉዶች በሙሉ ለወንድሜ አጋልጥልሽና እንደ ቆሻሻ አውጥቶ የትም ይጥልሻል ብዙም አይቆይም። እስከዛው ግን በምትሄጅበት ሁሉ እከተልሻለሁ!" እያለች ከራሷ ጋር ታወራለች።

ማህደር ያለባትን ችግር የረሳች ትመስላለች። ትምህርቷን ማጥናት ትታ ስራየ ብላ ሰላማዊትን መከታተሏን ተያያዘች። ሰላማዊትም ለአቶ ዳዊት ከማዕዛ ጋር ሆነው የደረሱትን ድርሰት እያለቀሰች በትወና መልክ አቀረበችለት። አቶ ዳዊትም ያለ ምንም ነገር ያለ አንዳች ጥርጣሬ በሙሉ ልቡ የሰላማዊትን ድርሰት ተቀብሎ አመነ። በነገረችው የፈጠራ ምከንያትም ራሱን ተጠያቂ በማድረግ ለፀፀተ አደረገ። " ቆይ እሺ አሁን መድኀኒቱን ስትጠቀም ኖራ በኋላ ላይ ለመውለድ ቢያስቸግራትስ መውለድ አትችይም ብትባልስ? ራሴን መቼም ይቅር አልለውም በማይረባ ሀሳብ ባለቤቴን ያለ ልጅ አስቀረኋት ምን አይነት የሰይጣን ሀሳብ ቢኖረኝ ነው እንደው ልጅ መውለድ አልፈልግም እስከማለት ያደረሰኝ? ቆይ ይሄ ምን አይነት የእብድ ሀሳብ ነው? እሺ አሁን ምንድን ነው የማደርገው? እንዴትስ አድርጌ ነው ከዚህ መአት የማወጣት ደግሞ እኮ ምንም እንዳላደረገ ሰው በሙሉ ልብ ልጅ መውለድ እፈልጋለሁ እንድንወልድ እፈልጋለሁ ማለቴ ኤጭ ምን አይነቱ የማልረባ ሰው ነኝ እንዴት አልጠራጠርም ይሄ እንደሚመጣ መገመት ያቅተኛል? " እያለ ራሱን ይጠይቃል ፤ ያጨናንቃል። የሚያደርገው የጠፋበት መሰለው ሁሉም ነገር ድብልቅልቅ አለበት። ዳዊት ያስደስተኛል ብሎ ያመጣው ሀሳብ ለሀዘን ለጭንቀት ዳረገው። ዳዊት ያቺ ከ ማህደር ጋር ያወራባትን ቀን በሰላማዊት ላይ ጥርጣሬ ያደረሰበትን ቀን ደጋግሞ ረገመው።

○○○○○○○○○○○○○○○○○○○

ሰላማዊት ማዕዛ ባቀረበችላት የማምለጫ መንገድ እየተደሰተች ከቤት ተመለሰች ልብሷን ለባብሳ ወጣች። ማህደር " ወደየት ይሆን የምትሄጅው? አሁን እደርስበታለሁ" እያለች ተከተለቻት ሰላማዊት እንደምትከተላት ስላወቀች እየሳቀች "ተከተይኝና እስኪ ሁኔታየን ተረጂልኝ የደረስኩበትን እወቂልኝ እንደው ለወንድምሽ ስል እኮ ያላደረኩት ነገር የለም። "ብላ እየሳቀች ብዙም ሳትርቅ ከአንድ መለስተኛ የግል ክሊኒክ ገባችና " በል አሁን ልጅቱ ከኋላየ እየተከተለችኝ ስለሆነ ትንሽ እዚህ ከቆየን በኋላ አብረን ወጥተን የክሊኒኩ ኮሪደር ጋር የተወሰነ ቁመን የምናወራ አስመስለን እኔ እጅህን በልመና ስይዝ አንተ ደግሞ በፍጥነት ታነሳዋለህ ብቻ በሁለታችን የሆነ ነገር ያለ እና የምለምንህ ነገር እንዳለ እንድታይ ስለምፈልግ ነው። "አለች ዶክተሩም በሰላማዊት ሀሳብ ተስማምቶ እንደተባባሉት ከአስር አስራምስት ደቂቃ በኋላ ወጡና ኮሪደሩ ላይ ለአስር ደቂቃ ያህል አውርተው ተለያዩ።......

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia

በውሀ በስብሰክ እያየክ ዝናብ መትቶክ ነው ሲልክ

አይ ከፈጣሪ ጋር Water day እያከበርን😡😂😁

😩🫠

  S. H. A. R. E.
🎃  @quoteopia 🎃
🎃  @quoteopia 🎃

𝓦 ❀༉‧₊˚. ኤሴቅ .˚₊‧༉❀
𖤣𖥧 #ክፍል_69 𖥧𖤣

....ለአስር ደቂቃ ያህል አውርተው ተለያዩ። ሁሉንም በእርቀት ተደብቃ ስትከታተል የነበረችው ማህደር ሰላማዊት ከዶክተሩ ጋር እንደተለያየች ስታይና ሰላማዊትን ተከትላ እስከተወሰነ መንገድ ሸኝታ ተመልሳ ዶክተሩን አገኘችው። ወደ ቢሮው ገብታ "እኔ ምልህ ዶክተር ከይቅርታ ጋር አንድ ነገር ላስቸግርህ ነበር " አለች " ምንድነው የምታስቸግሪኝ ከባድ ነገር ካልሆነ ችግር የለውም " አለ ዶክተር " እሱማ አዎ ግን የምታከብደውም አንተ ነህ የምታቀለውም አንተ ነህ ፈቃደኛ ከሆንክ ብቻ ነው እንጅ ካልሆንክማ ምን አጠያየቀኝ "አለች " እህ ይሄን ያህል መጀመሪያ ጠይቂኛ ካልሆነ እንዴት ፈቃደኛ ልሆን እችላለሁ" በቃ እሺ ቅድም ኮሪደሩ ላይ ስታወራት የነበረችውን ሴት ታውቃታለህ?"አለች ማህደር "አዎ አውቃታለሁ ግን ምነው?"አለ "ስለ እሷ አንዳንድ ነገሮችን ልጠይቅህ ፈልጌ ነበር ፈቃድህን ብትሰጠኝ በጣም አስፈላጊ ነገር ነው። " አለች " ይቅርታ ስለ ታካሚ መረጃ መስጠት እንኳ የሞያየ ስነ ምግባር አይፈቅድልኝም"አለ "ዶክተር በጣም አስፈላጊ ነገር እባክህን ንገረኝ ግዴለህም ካልነገርከኝ ብዙ መጥፎ ነገሮች ይፈጠራሉ እና ያለውን እውነት ካወኩ ግን ማስተካከል ስላለብኝና ስላለብን ነው " አለች ማህደር እንዲነግራት ይበልጥ እየለመነችው " እህ እሷን ታውቂያታለሽ ማለት ነው? "አለ " አዎ አውቃታለሁ እና የወንድሜ ባለቤት ነች እያታለለችው ስለሆነ እውነቱን ለእኔ ብትነግረኝ እኔም ሆንኩ ወንድሜ ወረታህን እንከፍላለን አታስብ ብቻ አንተ ሁሉንም ንገረኝ"አለች " ኧረ እውነቱ ይሄን ያህል አስፈላጊ ነው ማለት ነው?" አለ " አዎ ከምነግርህ በላይ በጣም አስፈላጊ ነው የፈለከውን ያህል እከፍልሀለሁ " አለች ማህደር " እሺ ቆይ አንድ ጊዜ ከአለቃየ ጋር ልነጋገር "አለና ማህደርን እዛው እንድትጠብቀው ነግሯት ወጣና ለሰላማዊት ደወለ።

ሰላማዊት በፍጥነት አነስታ " አንበሳ ጨረስከው? የተነጋገርነውን ነገርካት? "አለች " አይ አልነገርኳትም አሁን ቢሮየ ውስጥ ናት አለቃየን እንደማወራ ነግሪያት ነው የወጣሁት እናም ሳስበው ከምሰራው ስራ አንፃር የሰጠሽኝ ገንዘብ በቂ አይደለም ልጅቱ የጠየኳትን እንደምሰጠኝ እየነገረችኝ ስለሆነ አሁኑኑ ጭማሪ ገንዘብ አስገቢልኝ " አለ " ኧረ እንደዚህ አይነት ጨዋታ መጫወት ፈለክ? ጥሩ በል አሁኑኑ የተነጋገርነውን ንገራትና ላካት እኔ ሀያ ሺህ ብር አስገባልሀለሁ የማትረባ" አለች "እሺ ጥሩ " አለና ዶክተሩ ወደ ማህደር ጋር ገባ " ምን አለህ እሺ አለ ?" አለች " አዎ ያው ቤተሰብ እንደሆንሽ ስነግረው ንገራት አለኝ ስለዚህ ሁሉንም ነገር እነግርሻለሁ እየውልሽ ወይዘሮ ሰላማዊት የክሊኒካችን ደንበኛ ናት። እናም እኛ ጋ መጥታ የወሊድ መከላከያ ትወስድ ነበር። እናም በቅርቡ የአምስት አመት የወሊድ መከላከያ ወስዳ ነበር አሁን ግን ድንገት መውለድ እፈልጋለሁ አለች እኔም ግራ ተጋባቼ እንዴት እንደዛ ትያለሽ ይሄኮ ከባድ ነገር ነው። ይሄ ሀሳብ ውስጥሽ ላይ ካለ ለምን መርፌውን እንድንሰጥሽ ፈለግሽ ብዬ ስጠይቃት እያለቀሰች በቃ ድንገት ነው የተፈጠረው ባለቤቴ መውለድ እንደማይፈልግ ነበር ሲነግረኝ የቆየው ነገር ግን በድንገት መውለድ እንደሚፈልግ ነገረኝ እኔም እንደዛ ሲለኝ ደስ አለኝ ግን ደግሞ እንደማልችል ሳውቅ ከፋኝ እና ይሄን ወሊድ መከላከያ ማስወገድም ፈለኩ እናም አምስት አመት መጠበቅ አልችልም ከዚያ በፊት መውለድ የምችልበት መንገድ ካለ እባክህን እንደምንም ብለህ እንድወልድ እርዳኝ እያለች ብዙ ለመነችኝ። ግን ደግሞ ይሄ እኔ ብፈልግም የሚሆን ነገር እንዳልህነ እና ጊዜው ካበቃ በኋላ እንደሆነ መውለድ የምትችለው ነገርኋት። እሷ ግን በጭራሽ አልተረዳችኝም በጣም ተሰምቷታል።" አለ " በጣም ነው የሚገርመው በጣም አመሰግናለሁ ዶክተር " አለችና ማህደር ከቢሮ በፍጥነት ልትወጣ ስትል " ሌላም መረጃ እንድሰጥሽ ከፈለግሽ ስልክሽን አስቀምጠሽልኝ ሂጅ ወይዘሪት ማህደር "አለ " እሺ ደስ ይለኛል በድጋሚ አመሰግናለሁ " አለችና የስልክ ቁጥሯን ነገረችው።

የማህደርን ስልክ ሴቭ አደረገና ለሰላማዊት ደወለላት ሰላማዊት አነሳችውና " መቼም ሌላ ገንዘብ ፈልጌ አትለኝም?" አለች " ሁሉንም ነገር ነግሪያታለሁ። አሁን ነው የወጣችው" አለ " እና እንዴት ነው አምናኻለች? ምን አለች?" አለች ሰላማዊት በጉጉት ፈጥና እየጠየቀችው " ምንም አላለችም ዝም ብላ ራሷን ይዛ በሀዘን ስትነቀንቅ ነበር። በጣም የተሰማት ይመስለኛል " አለ " ጥሩ በል ከዚህ በኋላ እኔና አንተ ጨርሰናል። ያልኩሁን ብር እርሳው እሺ መጀመሪያ የተነጋገርንበትን ብር ደግሞ ሰጥቼሀለሁ። ስለዚህ ከእኔ ሌላ ተጨማሪ ገንዘብ እንዳትጠብቅ " አለች ሰላማዊት ዶክተሩ በደንብ በረጅሙ ሳቀና " እንዲህ እንደምትይ ስላወኩ ነበር የወይዘሪት ማህደርን ስልክ ቁጥር የወሰድኩት ያው አንዳንድ ነገሮችን ማወቅ ሲኖርባት ለማሳወቅ ብዬ ሃሃሃሃሃሃሃ ጥሩ ነው አይደል ያደረኩት? ሃሃሃሃሃሃሃሃሃሃሃሃሃሃሃሃሃሃ........

🖎​✐✎ ይቀጥላል...​ ✎​✐✍︎
ቶሎ እንዲቀጥል አንብበው ሲጨርሱ like...
@quoteopia
@quoteopia