خلوكم بالقروب والقناة والله مااجتزت الابفضل الله ثم هذولاي الثنين والاساتذه
واذا كان عن المناهج تلم فيها هذي دورة الاستاذ سمير رائعه جدا وانا اشتركت فيها اذا كنت ملم بالاساسيات بيتسير كل شيء

تبدين تذاكرين قبل بشهرين ثلاث افضل ابدئي بالاساسيات ثم اذا عندك مناهج راجعي منها او من المعايير الي بالقناه والملزمه واسئله العوام السابقه وهذا القروب وباذن الله تجتازين

ابداوا بالاساسيات بعدين المعايير ومحاضرات امل القحطاني باليوتيوب واسئله الاعوام السابقه واذ احتجت اي سوال مو فاهمه ارسلو ع قروب المناقشه اهم شي ابدا بنفسك بعدين ادخل مع قروب المناقشه اذ دخلت ناسي القوانين ماراح تفهم شي وان شاء الله بتعدون بدرجه حلوه

كتاب امل حلو تنشط فيه مخك يعني لو محتاجين مراجعة اساسيات وكذا ادخلوا دورات لكن اذا اساسكم بطل تابعوا القناة وهالقروب وبتعدون بإذن الله تعالى ،،

انا لو رجع بي الزمن لورى والله ما اذاكر الاكتب الثانوي والمتوسط وافهمها صح

لاني شفتها كلها بالكفايات واخص بهذا منهج اول ثانوي كلا الترمين

المذاكرة من مناهج الثانوي والمتوسط،، تلخيص القوانين و استخدامها مع مثال مبسط فقط فقط
التركيز ع اسئله قياس السابقه

يكفي وزيادة،، بلا دورات بلا خرابيط ،اشتغل ع نفسك وتدرب اكثر

برأيي :
البعض يحتاج من يشرح له وينبه
ويحب المذاكرة بشكل مشترك وجماعي ويفهم اكثر ..

لكن من تجربة شخصية وشفت نتائجها بعيني ..

لمدة شهر كامل ( 30 يوم ) فعلي
كل يوم لمدة خمس ساعات مذاكرة بجديه
وتبدأ من منهج اول متوسط إلى ثالث ثانوي

+
وتاخذ كتاب امل القحطاني كمراجعه
+
واسئلة الاعوام السابقة لتطبيق ماتعلمته ومعرفة افكار الاختبار .

واضمن لك اقل شيء باذن الله 75‎%‎ تجيب في الاختبار

تجميع القوانين في ورقه خاصه وحفظها + تجميع جميع اسئلة السنوات الماضيه وفهمها وحلها اكثر من مره + المذاكره مدة ساعه الى ساعتين قبل بداية الاختبار بشهر

الدورات ارى ان لا فائده لها

وبالتوفيق للجميع ..

اكتشفت ان قياس مو بالصعوبه اللي كنت اتخيلها خصوصاً ب اخر اختبار اختبرته و السبب اني بدأت اذاكر من قبل الاختبار ب ٦ شهور و للامانه بدأت من كتب الابتدائي و اسست نفسي بالاساسيات و بعدين بدأت بالمعايير و الحمدلله مالقيت صعوبه و للامانه م دخلت دورات او اشتريت كتب كل شي كان من كتب المدارس و قناة و قروب كفايات رياضيات رجعت له كمراجعه و اجتزت الحمدلله ب ٧٩ م كنت احلم فيها ، انصحهم يعتمدون ع انفسهم و يكتبون بيدهم و يضغطون ع انفسهم شوي و ان شاء الله يجتازون ، الله يوفقهم .

اختبرت ثللاث مرات ولله الحمد المره الثالثه اجتزت
اول سنه اول ماحطو القياس كان وقتهاا جمييع. العام والتخصص وكنت توي خريجه فدخلت الاختبار على عمى اول سنه وماجتزت
وبعدهاا دخلت الاختبار مع مراجعه بس الاساسيات واطلعت علي شي بسيط من الاسئله السابقه وقبل الاختبار اقل من شهر وطلعت من الاختبار وانا اقول الاسئله سهله لكن لازم اشتغل على نفسي شوي السنه الجاايه
لكن العااام راجعت وبتركييز والتزمت هنا اتابع النقاشاات مرره مفييده ومررنت نفسي بحل الاسئله
لدرجه حفظت الاجابات من كثر ما اعييد 😂
والحمدلله اجتزت

والسنه هذي بعييد الاختباار لتحسيين فقط 😬

الحمد لله بديت بعد رمضان في مناهج الثانوي وبعدها اسئله اعوام اجتزت بدرجه حلوه

انا عني خذيت معلم وقال احفظ الاساسيات زي اسمك وبعدين جيت عنده وبديت معه باأسئلة الاعوام كلها يشرحها باأسهل طريقة والحمدلله كل مادخلت اختبار اجتزت بعد توفيق الله

اللهم لك الحمد والشكر ابشركم نجحت بقياس

شدو حيلكم واسأل الله لي ولكم التوفيق ٨ اختبارات والحمد لله اجتزت بعد عنا طويل

لا تيأسو ولا تقنطو من رحمة الله

عليكم بأسألت الأختبارات السابقة

نسأل الله التوفيق

حرام تضيع من عمرك 4 سنوات

عشان بس مو قادر تضغط ع نفسك شهرين تذاكر فيهم
شهرين بس التزم بالمذاكره اليوميه
والاساسيات والقوانين وتكون عارف كيف تطبق القانون ومتى بالضبط
بعدها اسئله الاعوام السابقه

والله والله ان الاسئله السابقه هي مفتاح النجاح بعد توفيق الله تعالى

ضيعت من عمرك اربع سنين
منت قادر تجتهد شهرين بس
دفتر وسجل بخط ايدك
الااساسيات القوانين
امثله بسيطه تطبيق للقانون
بعدها ابدا بالاسئله السابقه
شوف السؤال بدون الاجابه وحاول تحل بيدك
تعود تمرن ايدك ع الحل والسرعه
والتجربه والخطأ
المحاوله والفشل
عادي
اهم شي انك حاولت ومرنت عقلك وايدك
التمرين والممارسه اهم شي في الرياضيات
اما سالفه اذاكر بعيوني بس
هذي انسى انك تجتاز


اجتهد .. تمرن .. اكتب سؤال
حاول تحل .. احفظ قوانين
كررها كتابياً وصوتياً
املا البيت اوراق حلول ودفاتر واقلام

لاتفكر انك اذا شريت كتاب امل ولا الشامل راح تجتاز

انا ماكان عندي لاكتاب ولا ملزرمه
كنت معتمده ع الله ثم ع الاسئله والقوانين اللي القاها بالنت
اكتب واحل واخطي واحاول واسأل الغير
والحمدلله قدرت اجتاز


لان الرياضيات موجوده من قبل قياس
ولاننا درسنا مايقارب 4 سنوات او اكثر بالكليات
وقبلها 12 سنه بالمدرسه
يعني عندي خلفيه مو بسيطه بهذا العلم
اتمنى مايكون قياس بالجبل في نظركم

ترا الموضوع كله مايتعدى
( قلم \ ورقه / أصابعك / عقلك / سؤال / ومحاوله اجابه سريعه )

اللي ناسي الاساسيات ويبي يراجع مناهج مستحيل تكفي 3 اساببع..
الافضل يستعد للاختبار من شهرين لثلاثة.

انا ذاكرت بكتب امل القحطاني لا دورات ولا شي شريتها وذاكرته وعديت بدرجه رايعه

شريت كتاب واحد لها وبلحالي اذاكر يالمجلس لمدهه شهرين

نصيحة مجربه ..افادتني بعد توفيق الله هذه القناة والاعتماد الشخصي في النهاية هو اساس النجاح طبعا بعد توفيق الله
كثرة حل مسائل بطرق مختصره والتدريب عليها وأسسسسسسئلة الاعوام السابقه لها دور كبير ونحسن الظن بالله وحده ونتوكل عليه .

انصحك تبدأ بالأساسيات من اليوتيوب ، وبعدين كتاب أمل القحطاني ، وآخر شى تكون متواجد في هاذي القناة .. قسم بالله استفدت منهم من تمارين وشروح

قياس عبارة عن سباق مع زمن الاختبار
يعني لازم تكون جاهز من ناحية القوانين ، الافكار ، سرعة التطبيق
القوانين: جمع أي قانون يخص الرياضيات موجود في كتب الرياضيات من صف اول متوسط الى ثالث ثانوي + جميع القوانين لحل اسئلة الملزمة
تسمي القانون وتشرحه ولماذا يستخدم.

الافكار: السؤال تقدر تحله بطريقة تقليدية قانون وتعويض وخطوات أو بالرسم أو بالتخمين أو بتجريب الاختيارات.....

سرعة التطبيق في الحل: بكثر الممارسة و التدرب وحفظ القوانين وتعددها و استخدامها والتكرار بتكون سريع في الحل وقد تصل لمستوى انك تحلها بخريطة ذهنية وهذا يدل على إنك أبدعت ووصلت لمرحلة متقدمة جداً


الملزمة... هي أهم شي متوفر وجاهز بين يديك
خذ وقتك مع كل سؤال و اعطه هامش تشرح فيه خطوات الحل ولماذا استخدمت طريقة الحل الموجودة وتدوين ملاحظاتك الشخصية في خوارزمية الحل من فهمك
إذا انت شرحت الحل من فهمك وطلع صحيح100% فثق تماما إنه بيرسخ بسهولة



المذاكرة بقلم و عدة دفاتر منها دفتر لتجميع القوانين ودفتر لشرح السؤال وخطواته ودفتر للتدريب والحل و اختبار نفسك
نظم نفسك و أسلوبك عشان يتهيأ عقلك لذلك وتسهل عليك المذاكرة وكلما كررت (حفظ القوانين وقراءتها،التدرب،حل أمثلة بسيطة خارجية و أمثلة الملزمة) اكثر رسخت المعلومات و الأفكار أكثر و انتقلت إلى التلقائية في اكتشاف المطلوب و الفكرة للحل وتطبيقه


كل هذا بإذن الله = 100% في جزء الرياضيات
لإن باختصار هذي هي الرياضيات ليست مذاكرة بالنظر ولا اطلاع .

قياس هو يتعمد على الاساسيات الاكثر شي
اول شي قبل كل شي توكل على الله انه الاختبار هذا مجرد اي اختبار راح اعدي فيه باذن الله
ثاني شي اعتماد نفسي على الاساسيات في الثانوي قبل المتوسط
ثالث شي المناهج
الرابع شي تابع نفسك في قروب اي شي واسل باي شي حتى لو كان بسيط
اخر شي ملزمه
باذن الله انه الامور جدا بسيط توكل على الله ومن ثم اجهتد مع دعواتنا لكم التوفيق يارب