قياس عبارة عن سباق مع زمن الاختبار
يعني لازم تكون جاهز من ناحية القوانين ، الافكار ، سرعة التطبيق
القوانين: جمع أي قانون يخص الرياضيات موجود في كتب الرياضيات من صف اول متوسط الى ثالث ثانوي + جميع القوانين لحل اسئلة الملزمة
تسمي القانون وتشرحه ولماذا يستخدم.

الافكار: السؤال تقدر تحله بطريقة تقليدية قانون وتعويض وخطوات أو بالرسم أو بالتخمين أو بتجريب الاختيارات.....

سرعة التطبيق في الحل: بكثر الممارسة و التدرب وحفظ القوانين وتعددها و استخدامها والتكرار بتكون سريع في الحل وقد تصل لمستوى انك تحلها بخريطة ذهنية وهذا يدل على إنك أبدعت ووصلت لمرحلة متقدمة جداً


الملزمة... هي أهم شي متوفر وجاهز بين يديك
خذ وقتك مع كل سؤال و اعطه هامش تشرح فيه خطوات الحل ولماذا استخدمت طريقة الحل الموجودة وتدوين ملاحظاتك الشخصية في خوارزمية الحل من فهمك
إذا انت شرحت الحل من فهمك وطلع صحيح100% فثق تماما إنه بيرسخ بسهولة



المذاكرة بقلم و عدة دفاتر منها دفتر لتجميع القوانين ودفتر لشرح السؤال وخطواته ودفتر للتدريب والحل و اختبار نفسك
نظم نفسك و أسلوبك عشان يتهيأ عقلك لذلك وتسهل عليك المذاكرة وكلما كررت (حفظ القوانين وقراءتها،التدرب،حل أمثلة بسيطة خارجية و أمثلة الملزمة) اكثر رسخت المعلومات و الأفكار أكثر و انتقلت إلى التلقائية في اكتشاف المطلوب و الفكرة للحل وتطبيقه


كل هذا بإذن الله = 100% في جزء الرياضيات
لإن باختصار هذي هي الرياضيات ليست مذاكرة بالنظر ولا اطلاع .

نصيحه من فاعل خير 👆🏻

جزاه الله الخير وجعلها في ميزان حسناته

موقع لايجاد تكامل أو اشتقاق دالة ، فقط اكتب الدالة ثم اضغط Go
للتكامل:
integral-calculator.com

للإشتقاق:
derivative-calculator.net

(( مناهج الرياضيّات الجديده ))

أعمال الناس متشابهة، الذي يجعلها مختلفة هي ( النيّة )،
و الذي يجعلها مقبولة هو ( الإخلاص )

https://t.me/GroupMath


جزا الله من انشأها خيراً 🌹

وعليكم السلام ورحمة الله وبركاته
نصيحة مني خذ كتاب أمل القحطاني (الشامل ) لتخصص الرياضيات + تجميع اسئلة أعوام سابقة .
وصدقوني اللي ما قد نجح في الاختبار راح ينجح بشرط تتمرن كثير ، كل ما جاك سؤال لا تحاول تحله بالنظر بل حله بيدك وتمرن كثير سواء من الكتاب او من التجميعات وبضمن لكم النجاح والدرجات العالية

مادة الرياضيات تحتاج تطوير من أنفسكم من خلال اي معلومه تشوفون انكم تجهلونها تعلموها باانفسكم واكتبوها بخط ي ماراح تنسونها ابد ويتطور مستواكم في الماده من خلال يوت يوب وقوقل واي مكان يتواجد فيه معلومات الرياضيات بشكل مفيد

ابحث عن اي حد درجته في العام فوق 80
و ذاكر الاسئلة حقت الاعوام بإجابتها الصحيحة فقط وليس مع الاختيارات

للامانة انا مع قياس ولا اشوفه تعجيزي.. بالنسبة لتخصصنا
لكن المفروض ان الواحد يذاكر ويشوف وين نقاط ضعفه ويقوي نفسه فيها خصوصا ان في دليل لمعايير الاختبار.. و اسئلة الاختبار السابقة منتشرة والكثير/ات مايقصرون ينشرون اوراق تلخيص قوانين وشرح لها......الخ
ما انا دافور ولا انا ذكي ولا شي و لا لاني مجتاز اتساهله... هذي وجهة نظري
دخلت الاختبار المرة الاولى مستوى اول عشان اشوف هو صدق صعب او لا لان كلام الناس انه صعب ودوافير اللي يرددون ذا الشي لكن ماحصلته الا اساسيات مو اسئلة تعجيزية✋

حاول ترتب افكارك شوف معايير الاختبار
ماتتعدى معيار الا وانت فاهم الاساسيات فيه على الاقل
الكتب كثيره انا ذاكرت من كتاب امل القحطاني وكتاب ثاني اظن البابطين بس كتاب امل جميل 👍🏼
واذا يمديك تدخل دوره مبالغهم رمزيه بس اهم شي انت تجتهد وتسترجع معلوماتك كويس
وربي يوفقك ويوفقك الجميع

اول شى لازم تنظم وقت مذاكرتك ، والبدايه قبل الاختبار بشهرين ، والقناه هاذي استفدت منها كثير ، وكتاب الشامل لأمل القحطاني ، وحل أسئلة قياس السابقه ، وكثرة الاستغفار ❤️.. فالك النجاح

هذي القناه مفيده مرره واجتزت الاختبار
لكن الاسااس كله علليك مطلوب منك تفرغ نفسك شهريين وتراجع كل شي وكأنك طاالب

مع اني ضد هالشي

وأحب الشخص يعتمد على نفسه ويبحث ويذاكر لنفسه

لأن هالطريقة تضمن له نتيجه أفضل

ولكن اذا كان ولابد ..فابحثي عن معلمة سبق واطلعت على قياس

أو ذاكرت لناس اختبرو قياس ..وأهم شي تعطيها جميع نماذج اسئلة قياس



رأيي الشخصي " الوقت فيه متسع للي يبغى يأسس نفسه ويذاكر

ويجيب درجة فوق ال70..والقناة فيها كل المعلومات والملفات والروابط اللي تساعدك "

وبالتوفيق 🌹

نصيحه للي يبي يعدي قياس باذن الله يبدا قبل الاختبار بشهرين تقريبا ،،، ويذاكر بجد وتركيز

عن نفسي اشوف القروب ينفع للمراجعه الي يبي يذاكر يجمع كتب الثانوي كل الصفوف ويمر عليهم

المهم ترا كل شخص وله مخاوفه من الاختبار واهم شي يكون عندك اراده وعزيمه والشي الاهم اذا نجحت فالله كاتب لك واذا رسب اعرف ان رزقك ماانكتب للحين

اول شي ابدئي بالاساسيات شوفي باليوتيوب فهد التميمي يشرح الاساسيات ..فيه مقاطع لأمل شوفيها هن 8 وشوفي قناة اميره بتفيدك وفيه قناة سلطان البشري بعد ..وبتوفيق يارب

اللي يبي يجتاز يذاكر اهم القوانين بكل مرحله ويتدرب ع اسئلة قياس بيجتاز بإذن الله والحين القناة تبع القروب شامله وكافيه لكل شي مايحتاج دورات واستغلال

خلوكم بالقروب والقناة والله مااجتزت الابفضل الله ثم هذولاي الثنين والاساتذه
واذا كان عن المناهج تلم فيها هذي دورة الاستاذ سمير رائعه جدا وانا اشتركت فيها اذا كنت ملم بالاساسيات بيتسير كل شيء

تبدين تذاكرين قبل بشهرين ثلاث افضل ابدئي بالاساسيات ثم اذا عندك مناهج راجعي منها او من المعايير الي بالقناه والملزمه واسئله العوام السابقه وهذا القروب وباذن الله تجتازين

ابداوا بالاساسيات بعدين المعايير ومحاضرات امل القحطاني باليوتيوب واسئله الاعوام السابقه واذ احتجت اي سوال مو فاهمه ارسلو ع قروب المناقشه اهم شي ابدا بنفسك بعدين ادخل مع قروب المناقشه اذ دخلت ناسي القوانين ماراح تفهم شي وان شاء الله بتعدون بدرجه حلوه