فيديو. من شباب سوريين من ليبيا طرابلس
تناشد إدارة العمليات العسكرية في سوريا

https://www.facebook.com/share/v/15ZJpSi8wd/

شبان من درعا عالقون في ليبيا بعد تعرضهم لعملية نصب على يد مهربين، بينما ما يزال آخرون قيد الاعتقال

مناشدات من شبان وعائلات من محافظة درعا، عالقين في ليبيا بعد تعرضهم لعملية احتيال نفذها مهربون وعدوهم بتأمين طريق للهجرة إلى أوروبا مقابل مبالغ مالية ضخمة. ومع سقوط النظام السوري، اختفى المهربون ولا يرد بعضهم على الاتصالات، ومنهم مَن يماطل بحجج واهية، مما ترك الضحايا يواجهون ظروفاً إنسانية صعبة.

وأفاد المتضررون أن أكثر من 150 شخصاً، بينهم نساء وأطفال وشبان من مختلف الأعمار، عالقون في طرابلس ومناطق ليبية أخرى. وأوضحوا أنهم عند مراجعة السلطات الليبية للحصول على تسهيلات للعودة إلى سوريا أو ختم جواز السفر (إذن خروج)، يتلقون وعوداً متكررة دون تنفيذ: “عودوا غداً”.

📌 تفاصيل النصب والمعاناة اليومية

ذكر أحد الشبان أن مهرباً من مدينة طفس يُدعى (ر.ح) وشريكه ويدعى (أ.ع.ب) ويتواجد في مدينة طفس، أخذ مبالغ تتراوح بين 5000 و8500 دولار من كل شخص، بحجة توفير طريق آمن للهجرة إلى أوروبا. كما تورط مهرب آخر من درعا البلد يُدعى (علوان المصري)، وأخذ مبالغ من آخرين تتراوح بين 5000 و7000 دولار. وأضافوا أن المهربين أسكنوهم في ما يُعرف بـ”المخازن”، وهي أماكن تخلو من مقومات الحياة الأساسية، قبل أن يتخلوا عنهم نهائياً بعد ذلك.

وأشار أحد العالقين إلى أن الأوضاع ازدادت سوءاً بعد مغادرتهم “المخازن” بحثاً عن ظروف أفضل، حيث اضطر معظمهم إلى الإقامة في فنادق تكلفهم 100 دولار لليلة الواحدة. وقال: “هذا المبلغ يثقل كاهلنا، خاصة بعد خسارة مدخراتنا. يعتمد البعض على قروض من أصدقائه أو أهله، وآخرون لجأوا إلى معارفهم للإقامة بشكل مؤقت. ومع ذلك، فإن معظمنا على وشك استنفاد آخر ما نملك".

📌 تحركات الأهالي لمحاسبة المهربين

ذكر العالقون أن أهاليهم في درعا قدموا شكاوى إلى الجهات المختصة ضد المهربين والمتواطئين معهم. وأوضحوا أن والد (علوانالمصري)، المتورط في عمليات النصب والمقيم في درعا، يُعتبر شريكاً لابنه في تلقي الأموال. كما تم الإشارة إلى تورط بعض مكاتب الحوالات في درعا بتشييك المبالغ المحولة للمهربين. ومع ذلك، لم تُتخذ أي خطوات عملية للتحقيق مع المتورطين أو المتعاونين مع المهربين، حيث أُبلغوا بأن المحاكم لم تُفعَّل بعد، وأنه لم يتم تعيين نائب عام جديد في درعا حتى الآن.

وفي ختام حديثهم، ناشد العالقون السلطات السورية الجديدة والمنظمات الدولية التدخل الفوري لإنقاذهم من معاناتهم وتسريع إجراءات عودتهم إلى سوريا، مشددين على أن وضعهم يزداد سوءاً يوماً بعد يوم.

في سياق متصل، ماتزال المليشيات التي تتبع للواء "خليفة حفتر" في شرق ليبيا تعتقل شبان سوريين. بينهم العشرات من أبناء محافظة درعا، عُرف منهم خمسة، اثنان من مدينة جاسم وواحد من مدينة الصنمين والرابع من قرية جدية والخامس من معربة شرقي درعا، وحسب مصادر مُقربة من ذوي بعض المعتقلين فإن اعتقالهم كان عقب مشاركتهم في احتفالية رفعوا خلالها علم الثورة السورية احتفاءً بسقوط النظام السوري، ويناشد ذووهم بالعمل على إيجاد حلول عاجلة لإنقاذهم من هذا المصير المأساوي.

#سوريا #ليبيا #مناشدة #اعتقال #العودة #درعا #الإدارة_الجديدة_في_سوريا

مشاركت المنشور 👇👇👇

#العالقون في #طرابلس: معاناة بين #الاستغلال وتعقيدات #العودة إلى #سوريا

يواجه السوريون العالقون في طرابلس أزمة إنسانية خانقة، بدأت بسلب #جوازات سفرهم على يد بعض #الميليشيات، واستنزاف أموالهم عبر شبكات #المتاجرة بالبشر. أضيف إلى ذلك منعهم من دخول #بنغازي، وإجبارهم على دفع #ضرائب مرهقة في طرابلس، بينما ينتظر الكثير منهم العودة إلى وطنهم #بلاأموال كافية لتحقيق ذلك.

يزداد الوضع سوءًا مع الانتظار الطويل لصدور #موافقة #المغادرة، وهم يعيشون في أماكن تفتقر إلى #الأمان، معرضين #للخطر #دون أي #حماية تُذكر. ولن #أتطرق لذكر ما يحدث في مركز دائره الجوازات في طرابلس من ابتزاز وترهيب للمراجيعن لكي يدفعوا أكثر من #المطلوب منهم ليتم منحهم أذن #الخروج.

نناشد #الحكومتين #السورية و #الليبية العمل على تسهيل إجراءات مغادرتهم إلى وطنهم، وإعادة النظر في تعديل #التكاليف المرتفعة التي تعيق عودتهم.
إن هذه الأزمة تتطلب #تحركًاإنسانيًا عاجلًا لإنهاء معاناتهم #وضمان عودتهم #بكرامة #وأمان. كما نعيد المناشده للسيد #وزير الخارجيه والمغتربين #أسعد الشيباني أنت صاحب القرار أكثر من #الف مواطن #سوري موجودين في طرابلس من غير وثائق سفر أن لم يكون هناك أي تمثيل دبلوماسي للحكومه السورية لن يستطيعوا العوده.
#العالقون_في_طرابلس
#العودة_إلى_سوريا
#حقوق_المهاجرين
المؤسسة الوطنية لحقوق الإنسان بليبيا - Nihrl وزارة الخارجية والمغتربين في الجمهورية العربية السورية Mofa - Syria مطار معيتيقة الدولي مطار دمشق الدولي

#نوى_المرصاد
شارك المنشور
يا مسؤولين في ليبيا اتقو الله في أولادنا

والله أنهم مسلمون لماذا هذه المعامله وسجن لمدة أشهر ودفع مبالغ ماليا مقابل الخروج اين مرؤه العرب اين نخوت العرب اين الانسانيه اين الدين الاسلامي ولله المعامله جدا سيئه معاهم
اتقو الله في إخوانكم السوريين

والأن. أنهم يردون العودة إلى سوريا الحبيبه
لماذا كل هذه الاجراءات في طرابلس ضرايب وأوراق ووووووو
كونو رحيمين مع الشعب سوري .
يا ليبين مع مرور الوقت راح تنزل زور سوريا اترضا المعامله ب المثل.?
.
أما في منطقة بنغازي
لماذا تعتقولون السوري شو الذنب العظيم رفع علم بلدو هاي جريمه عندكم
اتقوا الله
.
العفو والصفح والتسامح من شيم الرجال الكرام ومن أخلاق الرجال العظماء التي يحث عليها ديننا الإسلامي الحنيف وأخلاقنا العربية
واتمنى انو رسالتي توصل وجزاكم الله خيرا......

#نوى_المرصاد
راح نحكي اليوم عن ام . ام باعت ذهبها واعطت ثمن علاجها حتى تسفر ابنها من سوريا
هاد الحكي من عدت اشهر قبل سقوط الطاغية
تم التواصل مع المهرب وخلا البحر بلاطه .بتعرفو حكي لمهرب كيف
المهم المهرب بدو كاش سلمتو كاش طلع برحله اول نص ساعه ب البحر نكمشت الرحله راحو المصاري.
انسجن ابنها يلي ما بيتجاوز سن ١٧. في سجن بير غنم
وطلبو ع استخارجو 2500 دولار ام الشب مامعها تدفع
طول فتره شهر ب السجن قام باعو إلى الميلي.شيات
وانطلب علي 4000دولار
على ضرب صبح ومسا وذل وجوع
وعندي جميع المعلومات عن المناديب وصور شب وهوه عم ينضرب ولكن
تم تهديد ام الشب اذا بتحكي راح يقتلو ابنها
رسالتي يلي فيو ضمير في ليبيا اذا حدا التقى فيو..
ليش هيك عم تعمل مشان الفلوس ترا الكفن ⚰️ مافيو جيوب
ترا دعوت الام ودعوت المظلوم مستجابه
حسبي الله ونعم الوكيل
حسبي الله ونعم الوكيل
الرجاء المساعدة من قبل الايادي البيضاء...

...نداء إلى عوائل السوريين "المفقودين" في ليبيا

إلى جميع عوائل السوريين الذين اختفوا قسرًا في الأراضي الليبية، ندعوكم لتزويدنا بجميع المعلومات المتوفرة عن ذويكم المفقودين، وذلك من خلال تعبئة البيانات ضمن الاستمارة المرفقة أدناه، علماً أن الاستمارة غير مخصصة للسوريين المحتجزين "المعروف مصيرهم" في السجون الليبية (سيتم العمل على جمع بياناتهم في رابط آخر).

يعمل تجمع أحرار حوران بالتعاون مع غرفة الإنقاذ في ليبيا على توثيق هذه الحالات ضمن قاعدة بيانات مخصصة، بهدف متابعة شؤون المفقودين والسعي الحثيث للكشف عن مصيرهم.

سيتم مشاركة هذه البيانات مع الإدارة السورية الجديدة والجهات المسؤولة ذات الصلة في ليبيا لضمان تصعيد القضية واتخاذ الخطوات المناسبة لمعالجتها.

إن تعاونكم وسرعة استجابتكم يعزز من فرص الكشف عن المفقودين.

رابط تعبئة الاستمارة: https://forms.gle/fWaLKs1efPVgtKNu8

#أحرار_حوران

#نوى_المرصاد
رد على المدعو قاسم الوادي من انخل
بسم الله الرحمن الرحيم
إِنَّ اللَّهَ يَأْمُرُكُمْ أَنْ تُؤَدُّوا الْأَمَانَاتِ إِلَى أَهْلِهَا وَإِذَا حَكَمْتُمْ بَيْنَ النَّاسِ أَنْ تَحْكُمُوا بِالْعَدْلِ إِنَّ اللَّهَ نِعِمَّا يَعِظُكُمْ بِهِ إِنَّ اللَّهَ كَانَ سَمِيعًا بَصِيرًا [النساء:58].
تحية طيبة وبعد ،،،
السيد المحترم قاسم الوادي ،
القارئين المحترمين
شخص بعمر قاسم الوادي حيث لا يتعدى عمره الثلاثون عاما وبخبرة في هذا المجال لا تتعدى الخمس سنوات كاقصى حد ، ودرجة التعليم لا تتجاوز الابتدائية لإدارة او كتابة المعاملات والارقام الضخمة التي كانت توكل على عاتقه.
قاسم الوادي مع احترامي لشخصه الكريم والنقد هنا موجه لتفكيره الصبياني حيث بمعتقده ان الاموال الي بحوزته هي دين ولا يدري او انه ينسى او يتناسى او لايريد التفكير ان جميع ما بحوزته هو امانة وشتانة ما بين مصطلح الدين ومصطلح الامانة .
نقتبس بعض من جمله في المنشور " بالنسبة لمصاريهم الكل راح يوخذ مصاريه بس بدها صبر لا شهر ولا شهرين بحسن أسكر المبلغ للناس "
ماذا يفعل المغيبين حاليا في سجون ليبيا ايخرج احدهم ويقول لآمر السجن ويقول ان السيد المحترم ابو محمد كما يحب ان ينادى له ويقول له يا سيدي الآمر ان ابو محمد يمر في ضائقة مالية هل سيصبر آمر السجن والمليشيات التي تديره .
وأشخاص آخرون كانت رحلهم منذ شهرين قيد الانطلاق وتم تاجيلها بسبب ضائقة ابو محمد المالية اسيصبر المهرب (تاجر البشر) على ابو محمد ريثما تنتهي ضائقته المالية
ويعود بنا العائد الى الاشخاص التي استطاعت تامين نفسها ودفع فدية اثناء احتجاز ابو محمد في السجون ومروره في الضائقة المالية التي يتحدث عنها وهم الان يفترشون فنادق طرابلس في انتظار دائرة الهجرة للعودة الى بلادهم
لكن من اين سيتم توفير تذكرة العودة لا احد يعلم ، فالاشخاص الذين تم قصدهم للاستدانة منهم لكي يخرجوهم من السجن قد استنفذو اموالهم هم ايضا وينتظرون منهم سدادها .
وننتقل على الجانب الآخر حيث الأشخاص الي استدانت كامل المبلغ للوصول الى المانيا وهم الان بين شخص مغلق لجميع هواتفه كما فعل قاسم الوادي خوفا من (الديانة ) وقسم آخر في الفندق واهله في مخيم الزعتري او الازرق او سوريا يبيعون خبز اولادهم لكي يسددون ليلة الاقامة في الفندق ، وهم بنفس الوقت يطالبون بالدين الذي عليهم وقسم آخر يودون العودة الى بلادهم لكن اذا عادوا سيواجه الشخص الذي قاموا بالاستدانة منهم ينتظروهم على الحدود هذا اذا استطاعوا العوده لانه حتى اجار الطاريق لا يملكوه .

اما بالنسبة لقولك انا كنت انصح الجميع باتخاذ طريق غير طريق ليبيا
انت مثل يلي بشتري باكيت دخان ومكتوب عليه
التدخين مضر بالصحة ومسبب للسرطان
والناس راح تشتريه رغم التحذير

يعني بتحكيلهم هيك وعارف انو الطرق الثانية صعبة وشبه مستحيلة
انت تاجر بشر مثلك مثل يلي عم يركب الناس بالقارب

ويعود بنا العائد الى قاسم الوادي كما يدعي ساعد العديد من الناس والجميع على دراية بذلك حيث انه كان اي شخص ينقصه مال يقوم باكماله ليصل الى بر الامان لكن الا تتسائلون من اين له هذا اكان له ورث كبير ام اكان له معامل ومصانع وآليات تدر عليه الربح لنقول انه يساعد من حر ماله ، لكننا نعلم ان هذا المال لم يكن له . وما كان سوى عملية للبهورة و كما نقول في المثل العامي (تلبيس طواقي) وذلك ليبقى في نظر الجميع كما يحب ان يلقب بالشيخ ابو محمد اهذا عدل ان تاخذ مني في لحظة انا لست فيها بحاجة الى المال او ان رحلتي تاخرت قليلا لتعطي اموالي لشخص اخر قد نقص عليه المال اهذه هي الامانة اذا كذبت هذه النقطة فاين هو المال الذي بحوزتك برسم الامانة وليس برسم الدين
قال الله تعالى في محكم تنزيله ( ان الله لا يحب كل خوان ) (الحج:38)
ثلاثة اشهر ونيف يا قاسم والى غاية اللحظة وانت تغلق هاتف من جانب وتقفل باب لمنزلك من جانب آخر
انا كشخص استودعتك مالا وكنا على اتفاق مسبق انه في دقيقة ساقول لك اني اريده في هذا الوقت فما حاجتي به في وقت لاحق ؟
قال الله تعالى في محكم تنزيله ( ولا تخونوا اماناتكم ) (الانفال:27)
الشيخ ابو محمد ان دعاء كل ام ودمعة كل زوجة وسؤال كل طفل عن ابيه وحمية كل اخ عن اخيه وذوبان قلب كل اخت عن اخيها ستلقى بها الله يوم القيامة ولا اعتقد ان الله سيضيع عليهم تلك الأيام التي عاشوها لكي يصلو بها الى حلم كان قد يكون به الموت وانت تقول انني لست بآكل تلك الامول لكنك اقترفت ذنب واثم وانت سبب بتاخير الجميع الى فصل الشتاء كنت سبب في سجن الكثير منهم وذلك لاستغلال المهربين لهم ولنقودهم كنت سبب بمطالبة الناس لهم بدينهم حيث كانو يعتقدون انه خلال بضع أشهر سيصلون الى الحلم الأوروبي ويعملون ويقومون بسداد ذلك الدين واين هم الان يفترشون الشوارع والسجون حفاة عراة جياع .
وندعوا الله ان تلقى من الله ما كنت سبب بما نحن به الآن

اعلم جيدا انك ستقول لي بعد هذا السرد الذي اعتقد انه لا يتجاوز مقدمة بحق بطشك وقلة معرفتك بين مفهوم الدين والامانة ستقول من انت ولماذا لا تظهر علي باسمك الحقيقي لاقول لك يكفيني ويكفي اقربائي واهلي ما ذاقوه في ليبيا الى حد هذه اللحظة راجيا انك لن تتسلط علي ( وكما يقولون بالمثل العامي : تمرمر قلبنا على المصاري الي عندك ) يكفي الذي ذقناه لكن ما دار من سرد هو ليعرف الجميع من انت وما هو تفكيرك الذي لا يتخطى بعد أنفك .

ان الله وان اليه راجعون
حسبي الله ونعم الوكيل
#نوى_المرصاد

من بريد الصفحه
إخواني بالله أنا أختكم بنت عالم معروفة بالحق ومخافة الله انتصب عليب ٧٠٠٠ دولار من قبل شخص هو من ريف دمشق تل مسكن اسمه (حسين عدنان حسين) الملقب ب حيدر ابو علي السوري بيتهم جنب جامع الغزواني أمه صبحية الحرستاني وهو مقيم بليبيا ومصر بتاجر باأرواح ناس كانت بدها تطلع من نظام البائد بشار الخنزير وهو يستغلهم ياخد مصاريهم ويضحك عليهم حتى في شباب اتوفت ومسكوهم بسببب كذبه ونصبه عليهم انتخيت باأهل الخير وانتخيت بأخوه نزار أبو صياح وقلي أنه أخوه حرامي ونعم من أصحاب السوابق صدقته ووعدني خير يرجعلي جزء من حقي لكن هو متعامل مع أخوه وشريك لأنه طلب يرجعلي من الجمل إذنه ٣٠ مليون سوري فقط يعني ٢٠٠٠ دولار تقريبا مقابل أعتذر لأخوه حسين النصاب بمنشور على الفيس وهذا لايقبل في شرع الله وحكم القوي ع الضعيف لكن ياأهل النخوة ويأهل الله نحن اليوم تحت العدالة الكونية مالقيت طريقة إلا وحاولت معهم لكن رفضوا إرجاع حقي والله عالظالم والحرامي والكذاب هي العيلة الشهيرة باابنهم حسين نصابين وكذابين ولايخافون الله وإذا عندهم ذرة شرف ومخافة من الله يرجعولي حقي بلا وعود كاذبة ونصيحة لاحدا يتعامل معاه لأنه لايخاف الله وفي عالم كتيرررر اخد منها مصاري وشلحهم مصاريهم لكن ربنا موجود وأني منتخية فيكم ياأهل النخوة

هام السوريين الذين في ليبيا 👇








https://www.facebook.com/share/p/15cDo3jFRS/

#نوى_نوى_المرصاد
ان الله وان اليه راجعون
إكرام الميت دفنه
في تاريخ 20.11.2024
تم إنقاذ جثتين في البحر من قبل خفر السواحل الليبي
وتم تحويل الجثث إلى مشفى الرحمة في طرابلس
وهم من أبناء محافظة درعا الكرك الشرقي
علاء فوزات
وليد محمد محمد
والى الان متواجد ين في المشفى
اي دين واي ضمير يمنعك تدفن الميت طبعا تحسبهم عند الله شهداء
نداء الى السلطات الليبية والى الجاليه السورية
إكرام الميت دفنه
ان الله وان اليه راجعون
حسبي الله ونعم الوكيل

مناشده للقائد احمد الشرع ان يقوم بفتح السفاره في ليبيا طرابلس.وان يتواصل مع المسؤولين وحكومه الدبيبي
#نوى_نوى_المرصاد

يلي بحب ينشر شي..

المجموعة إلكم و لإبدعاتكم و أخباركم و منوعاتكم







https://www.facebook.com/groups/1065187768060505/?ref=share

عندي مَضلمة لجماعة وان شاء الله ما نقول الا الحق والله شاهد
اخوي نحن حريم أم وبنتين وطفلة (4اشخاص) تعرفنا ع جماعة من درعا (انخل) ع اساس جماعة اهل غيرة ونخوة، مُكنى ب ابو بشيى نحتفظ عن ذكر الاسم بالكامل حاليا هو كافل المهربين من البداية وقال عندو شخص اسمو ابو كاسم هوا مهرب، حكا معنا واحنا بلبلد (دير الزور) وقال انو الرحلة مضمونة مليار بل مية صدقناه ومشينا بتاريخ12/6/2024 ع كفالة ابو بشير طلعنا ع لبنان وانه قرايبو رح يكونو معنا ٢ كبار و ٢ صغار بيناتهم اخته ع اساس الرحلة من غاد والسفينة تستنانا خلال 5 ايام نكون في إيطاليا طلعنا ع لبنان و اول ما وصلنا اخذ منا 4000 الاف دولار كاش باليد، ابو بشير يعرف بيها يلي بعدين نكرها رغم انه كان اتفاقنا هيك وباقي المبلغ تشييك مكتب المهم بعد شهر ونص التغا السفر
وطلعونا ع ليبيا 2250$ للشخص الواحد حتى عالطفلة نفس المبلغ وسمعنا بعدين انهم كانو يرفعون السعر علينا عشان الجماعة المعانا يطلعو بسعر ارخص، وصلنا بنغازي وبعد اسبوع ودونا ع طرابلس اخذو ع الراكب 300$و ركبونا ع كرسيين فقط والجماعة طلعو بعد فترة طبعا بسعر ارخص بسيارة و مقاعدها الكاملة 500$(هيك حكو هم واللي نقلهم) المهم وصلنا طرابلس ستلمنا شريك ابو كاسم مندوب ثاني يدعى احمد نعيم الحلقي ( ابو نعيم) وارسلنا لصبراته انو من هنيك الرحلة عتزنا لمصروف شخصي وما كنا نعرف حدا حكينا المندوب قال نبعتها لاسمه هو يبعثلنياها فورا 1100$ ارسلوها أهلنا من سوريا فجأة نقطعت اخبار ابو كاسم، و ابو نعيم ماعاد رد علينا قال ما الكم شي عندي وفلوس التحويل خذوها من ابو بشير لانهم تخالفو بين بعض لسبب ما يعلمه الا الله و ع الهاتف بلشت الاتهامات بين بعض ع انت نصاب وانت محتال، المهم في شب اسمو احمد الناصر من درعا انخل اشتكى عليهم عند الشرطة بليبيا (ابو گاسم وابو نعيم وابو الكيف) وحصل حقو وحق رفقاتو واحنا ع اساس نفس الشي تجينا فلوسنا بنفس الشكوى لكن طلعونا من المولد بلا حمص وقال لمن يموت ابوه لابو گاسم يورث ويرجعلكم فلوسكم (هذا كلام اللي كفلهم للمهربية) المهم حولنا ع مندوب اخر وتجلت فيه كل معاني الدناوة والرداءة مكنى بابو الكيف كردي حطنا عند واحد ليبي اسمو احمد(سوري مجنس) هون بلشت اللعبة صار يجي الليبي علينا ويهددنا بل سلاح و بدو مصاري يعني مثل الخطف صارت وهربنا هريبة بعدما بعثنا المندوب سيئ الذِكر ع مكتب الفندق حتى نسكر الحساب وناخذ جوازاتنا ونروح لكن حطنا بالفخ انو نهرب من الليبي بدون ما يعرف لان بيناتهم فلوس و اجانا الليبي مثل المجنون ولا حول ولا قوة الا بالله ع يلي صار والجماعة اللي امّنا بيهم و ع اساس احنا اهل سوا حملونا سالفة مو كويسة تلفيق وزور وكل اللي شافونا يحلفو بروسنا ونضرب بينا المثل بالادب والاخلاق لكن هم اسائو الادب معنا وتعدو علينا لدرجة جابو علينا الليبي يحجزنا و يتطاول علينا عشان نخاف ويرهبونا هددونا فيه وفعلا جابوه متعاونين مع المندوب وصار يصيح علينا وكان بدو ياذينا لو ما رحمة الله ونحن جوازاتنا كانت معو لليبي ع اساس جوازات الكل معو لكن جوازاتهم طلعت معاهم مخبينها واحنا كنا طعم كمان عند هالعصابة الما تخاف ربها، كلفنا ترجيعها للجوازات حوالي 600 دولار طبعا بعد الابتزاز لان ما نعرف احد هون، وبالاخر طلعو كلهم متفقين علينا ونصبو علينا ما يقارب ال15000 الف، ابو بشير اللي دق ع صدرو بالبداية سحب ايدو منا و تركنا '' '' وما ننكر اهل درعا باكابريتهم واحترامهم لكن نصيبنا ودانا لناس ماتخاف الله ولا بيهم غيرة '' '' '' ونحن اسع علقانين في ليبيا ليومكم هذا ما النا غير الله وأهل الخير يلي يعرف عنهم اي اشي او ممكن يساعدنا نرجع حقنا منهم (ابو گاسم وابو نعيم) او من اهلهم عشان نرجع للبلد وحسبنا الله ونعم الوكيل وكفى به وكيلا

السلام عليكم
أنا شب موجود ب ليبيا صرلي 9 شهور عم حاول اطلع ع اوروبا عن طريق لبحر
او ما اجيت ع ليبيا ع الحكي يلي بنحكا من المناديب الوسخين يلي هنن ( سوريين ) بتفكر حالك جاي سياحه يومين بتكون واصل وامورك كلا تمام
جيت ع أساس اسبوع وكون ماشي ( هاد الحكي كل العالم بتسمع فيه قبل ما توصل ع ليبيا )
قعدت شهر لا طلعه ولا فوتة يجي واحد ليبي ياخد مني مصاري يروح يجبلي اكل وشرب ل يومين او تلاتة
حكا معي المندوب قلي في رحله جهز حالك وما بعرف شو
هون أنا متحمس جهزت حالي ولبست واجت سيارات وصارو ينقلو فينا ع منطقة الله وحدو بيعلم فيها بنص الصحرا مافي شي غير الرمل وشجر النخيل
ع أساس العدد ب رحله 35 وامورنا غير شكل لمهم كيف وشلون صرنا 70 محدا بيعرف
نسوان وولاد وشباب بس الاغلبية كانو معنا عائلات
كان معانا واحد ليبي قال لحقوني قلنالو لوين قال ع القارب قلنا يا رب وبلشنا مشي ب صحرا هاد الحكي ساعه 11 بالليل نمشي نمشي وما نعرف وين ماشيين بس ينغرزو رجلينا ب رمل وغصب نمشي ع نفس المشية للساعه 3 صبح هون صرنا نسمع صوت موج بس ما شفناه
قلنا يا فال الرحمن وصلنا ع القارب هاد ليبي بقلنا قعدو قعدو لكل ع آلأرض قعدنا ولاا صوت مابعرف شو صار يعيشا أفلام هندية ع مدري شو صار وفي كمين بالبحر ومابعرف شو ومافي رحله ليوم قلنالو يا ابن الحلال شو مافي رحله نهد حيلنا ع الفاضي
قال الله غالب قلنا يالله عسى ان تكرهو شئ وهو خير لكم كلو صار يحكي مندوب تبعو يقولو هيك هيك صار
المناديب قالو يلا رح نبعت سيارات ترجعكن مكان يلي كنتو فيه هون ساعه 5 الفجر
المهم فرطنا ما معنا شي حتى قنينة مي محدا معوو العالم نامت وعالم ضلت فايقة هيك للساعه 12 ضهر اجت سيارات وكل سيارة تشيل جماعة هاد فلان وهاد فلان
رجعنا ع نفس المكان يلي كنا فيه
بعد كم يوم كمان قال جهزو حالكن وصار نفس شي ونفس المشي منسمع بعهد الرسول ( صلَ الله عليه وسلم ) صحرا + هياكل عظمية + منافقين + كفار
كان نقص بس الجمل
بس قال شو هي المرة نمسك القارب ع شط حمدلله ما كنتو فيه قلنا يلا حمدلله ورجعنا كمان هي المرة مخذولين غير الخوف وغير العطش وغير تعب وغير توتر والحالات النفسية يلي صارت معنا ونحن لسا ما شفنا البحر بس سمعنا سمع صوت الموج
يتبع............

#نوى_نوى_المرصاد
الى متى أيها الليبيين (الخفر والأمن والسجون)
الى متى ستكونو عوناً لكل من ساهم بقتل وتهجير وتجويع وتدمير السوريين
إلى متى ستكملون رسالة اليهود الذين سلطو علينا بشار وإيران لقتل وتجويع وتدمير وتهجير السنة في سوريا
لكن إلى الأن صامدون لتهجير شخص واحد من كل عائلة لتحيا عائلة كاملة في سوريا إن وصلنا وإن لم نصل فقد قتلتمونا وقتلتم من ينتظر وصولنا
فنحن لجأنا اليكم لتكونو لنا عوناً
فأنتم الليبيين قد عرفتم ما حل بالسوريين من خوف وقتل وجوع وفقر وظلم وقد عُرف عنكم الرجولة والشهامة فقد علمونا أهلنا وكبارنا وحتى أجدادنا أن أهل ليبيا أحفاد عمر لم يكونو يوماً أعداء للسوريين أو لأي مسلم ودائماً مع المظلوم ضد الضالم ونحن والله ظُلمنا ولم نختر هذا الطريق طوعاً أنما اخترناه عنوةً وقد كنا متفائلين جداً ان طريق هجرتنا من ليبيا ونحن والله إلى الأن لم نفقد الأمل بكم لأننا نعلم أنكم من نسل طيب وشجاع وكريم

ولكن اليوم نحن ك سوريين متفاجئين جداً من الوضع الراهن في ليبيا ك مهاجرين شرعيين ل إيطاليا ولم اخطأ ابداً بأن أقول شرعيين لأن الوضع في سوريا يشرع لنا هذه الهجرة انسانياً وليس قانونياً لأن السوريين المهاجرين لم يهاجرو من أجل التفاخر أو الرفاهية أو الكماليات بل هاجرو لأن كل شخص يسعى في الهجرة ينتظره عائلة بأكملها معتمدة عليه بعد الله لكي تأمن قوت يومها بعد ما باعو ما باعوه او استلفو ما استلفوه لكي يسدو تكاليف هذه الهجرة
ف إننا والله نمر ب أيام صعاب ثقال ومهما علمتم بحالنا في سوريا فأنكم تعلمو القليل وأنه لا يعلم حالنا إلا الله وها نحن الأن نشكو ضعفنا وقلة حيلتنا لله وحده أمامكم عسى أن تكون يد الله على الأرض لتقفو معنا
و إننا ك سوريين نناشدكم بالله العظيم أن يسرو أمورنا ف إننا أتيناكم محبين في الله طالبين العون منكم بعد الله
لأننا على يقين أن الغرب ليس ب أرحم ولا أكرم منكم الذين يستقبلونا /ك سوريين/مهاجرين غير شرعيين
متابعة الصفحه 👇

https://www.facebook.com/profile.php?id=61569028744940

بعتذر ع القصة انو طويلة بس هاد وجعي ووجع كل واحد ب ليبيا
تكملة......
بعد ما قضينا 10 ايام بسجن بير الغنم كل واحد مننا اهلو دفعولو وطلعنا رحنا ع فنادق تحممنا واكلنا ورتحنا شوي ورجع كل واحد جاب تلفون يمشي حالو فيه
المندوب ندقلو ما يرد علينا كل ندقلو حتا رد وقلنالو نحن ماخرج فنادق لاقيلنا شي بيت نقعد فيه الفندق بدو مصروف كبير
وهو ع ليوم وع بكرا رح لاقيلكن بيت منيح ومابعرف شو راحت القصة شهر ع نفس القعدة شي جو ما زابط وشي مشددين الخفر الليبي وشي عم جهزلكن رحلة واصلة خلص حاجتكن تعب انتو بدي وصلكن
دقلنا بعد شهر قال جهزو حالكن في رحله كويسة ومضمونه قلنالو جاهزين لمهم نوصل نحن ما بدنا منك شي تاني
دفعنا للفندق وطلعنا ساعه 8 وصلنا ساعه 10 ع بيت وشو الاساس انو في رحله وبالبيت كان فيه عالم قلنا تمام مانو عم يكذب هاد
جهزنا حالنا وكلو تمام وناطرين صارت ساعه 2 دقينالو قال يلا عم يجهزو القارب والمحركات ب البحر
قلنالو ماشي الله ييسرها وقاعدين وناطرين للساعه 5 صبح قلتلن يا شباب مافي رحله وهاد عم يكذب علينا خلينا ننام أحسن شي بكفينا حرق اعصاب وسهر وبالاخير ع الفاضي
نمنا وتاني يوم دقينالو قال الله ما يسر صارت معاهن مشكلة قلنا كلو خير
بس بعات حدا يجبلنا اكل وشرب قال يلا بعتت واحد شوي وبيجي قلنالو ماشي
المي يلي بالبيت مي مالحه مستحيل تقدر تشرب منها ومافي مي ولا في شي
شوي ولا جي واحد صار يوزع لكل واحد سمونه وجبنة وجايب معو طردين مي
نحن كنا بالبيت 37 واحد ومعنا ولاد وبنات صغار
كلنا نايممين ع آلأرض قلنا منصبر يوم او يومين عادي بدنا نخلص
كل يوم ندقلو بقلنا ل بكرا وبكرا
اول 3 ايام بهاد البيت كل يوم يجبولنا سمونه وجبنة ( مشان بس نضل عايشين ما مشان نشبع ونشيل حالنا )
وبعدين صارو ما يجو نضل 3 ايام بدون اكل وشرب نحن شباب نتحمل بس لولاد شو ذنبن كيف بدن يتحملوو
كان في بالبيت بصلة في ولد صار ياكل بصل بدون شي اكلا من هون وصار يستفرغ من هون
ضجنا وكل واحد يدق ل مندوبو وما حدا سائل ع حدا مناديب قاعدين بحضن نسوانن والعالم تموت عادي اخر همن
مرقو 10 ايام ع هي الحالة لحتا اجا واحد ليبي عامل حالو (افندي ) وشغلة كبيرة وبحكيك قال الله وقال الرسول وهو مابيفرق شي عن اليهود
قلنالو بكرا نحن كلنا طالعين من هون لحالنا وضجنا عليه صار يهدي ب العالم وراح جاب كم كيلو رز وكم كيلو بطاطا وكم علبة جبنه
راح وصار يجي صاحب البيت بالليل يفوتنا ع الغرفة ويخلينا نطفي الضو ويقعد ع الباب ساعتين او تلاتة يحط اركيلة ويشرب ولا كأنو في شي
رز صرنا نطبخو بدون ملح وبدون زيت هيك نسلقو سلق ( مافي غاز ) كان في شجرة بالبيت كسرنا منا وشغلنا حطب وصرنا نعمل رز لمهم شي نسند حالنا فيه ضلينا ع هي الحالة 20 يوم لحتا بالاخير قلنالو للمندوب خلص ما عاد في اي طاقة نتحمل ه الشي ونحن هلق طالعين من هون بدنا ننط من الحيط من السطح المهم طالعين
مافي ساعه تقريبا صارت تجي سيارات ورجعونا ع الفندق ضلينا بالفندق شي 15 يوم وبدقلنا يلا في رحله ع سريع جهزو حالكن بس انتو بدكن تدفعو اجار سيارة توصلكن
اجت سيارة وصلنا ع شاليه قريب ع البحر ودفعنالو اجارو
وصار يجي لعنا واحد ليبي هاد نفسو يلي كان يجبلنا غراض اول ما جينا ( يمكن هاد احسن واحد بمرق عليي ب ليبيا )
بقلنا نشالله ه المرة اموركن تمام بس يكونو المناديب عنجد يشتغلو متل ما عم يحكو ( فايبر وسريع وخلص بدنا نوصلن لهدول )
ضلينا 12 يوم ع هي الحالة بس أمورنا تمام اكل وشرب( نحن نعطي مصاري لليبي ويروح يجبلنا أغراض) وحمام وماشي حال
لوقت اجو لعنا المناديب صارو يقولو انو الفايبر عم ينمسك كتير وما زابط رح نجهزلكن بلم 🥲 احسن وبلم نوعية كويسة وفرنسي ومدري شو ومنركب عليه محرك (40)
صرنا نقلو حبيبي نحن دافعين كومه مصاري مشان تطالعنا ببلم المهم محدا وافق وكلنا قلنا ما منركب إذا كان بلم
رجعو قعدونا شي 5 ايام وجابو عالم جدد صرنا 33 واحد ونسوان وولاد وصارت لوشة كتير وقريب ع البحر (صاير متل المنتزه ) صرنا ندقلو ونقول شيل نص حطن ب مكان تاني مشان لوشة وصوت قال يلا تحملو هل يومين
تاني يوم ساعه 5 العصر دقيت للمندوب قلتلو إذا ما بتشيل نص العالم من هون رح ننمسك صوت كتير عالم قال لا ما بصير شي قلنالو نشالله بنفس اليوم الساعه 10 بيندق الباب وواحد عم يقول (افتح افتح) محدا رد عليه شوي لقيناهن عم ينطو من فوق الباب جينا بدنا نهرب أنا وكم شب صار ضرب رصاص ب الجو نزلنا وفتنا جوا مافي 5 دقايق منلاقيهن صار عنا وصوت سيارات شرطة ( البحث الجنائي ) ضبونا واخدونا ع المركز صارو يحققو معنا ويقولو نحن مابدنا ياكن انتو نحن بدنا المندوب (فلان ) يقولو اسمو وفرجونا صورتو نقلن ما منعرفو نمنا ليلة عندن بالمقر وتاني يوم حولونا ع نيابة العامه اخدو مننا جوازات وتلفونات وكلشي معنا