اعلم جيدا انك ستقول لي بعد هذا السرد الذي اعتقد انه لا يتجاوز مقدمة بحق بطشك وقلة معرفتك بين مفهوم الدين والامانة ستقول من انت ولماذا لا تظهر علي باسمك الحقيقي لاقول لك يكفيني ويكفي اقربائي واهلي ما ذاقوه في ليبيا الى حد هذه اللحظة راجيا انك لن تتسلط علي ( وكما يقولون بالمثل العامي : تمرمر قلبنا على المصاري الي عندك ) يكفي الذي ذقناه لكن ما دار من سرد هو ليعرف الجميع من انت وما هو تفكيرك الذي لا يتخطى بعد أنفك .

ان الله وان اليه راجعون
حسبي الله ونعم الوكيل
#نوى_المرصاد

من بريد الصفحه
إخواني بالله أنا أختكم بنت عالم معروفة بالحق ومخافة الله انتصب عليب ٧٠٠٠ دولار من قبل شخص هو من ريف دمشق تل مسكن اسمه (حسين عدنان حسين) الملقب ب حيدر ابو علي السوري بيتهم جنب جامع الغزواني أمه صبحية الحرستاني وهو مقيم بليبيا ومصر بتاجر باأرواح ناس كانت بدها تطلع من نظام البائد بشار الخنزير وهو يستغلهم ياخد مصاريهم ويضحك عليهم حتى في شباب اتوفت ومسكوهم بسببب كذبه ونصبه عليهم انتخيت باأهل الخير وانتخيت بأخوه نزار أبو صياح وقلي أنه أخوه حرامي ونعم من أصحاب السوابق صدقته ووعدني خير يرجعلي جزء من حقي لكن هو متعامل مع أخوه وشريك لأنه طلب يرجعلي من الجمل إذنه ٣٠ مليون سوري فقط يعني ٢٠٠٠ دولار تقريبا مقابل أعتذر لأخوه حسين النصاب بمنشور على الفيس وهذا لايقبل في شرع الله وحكم القوي ع الضعيف لكن ياأهل النخوة ويأهل الله نحن اليوم تحت العدالة الكونية مالقيت طريقة إلا وحاولت معهم لكن رفضوا إرجاع حقي والله عالظالم والحرامي والكذاب هي العيلة الشهيرة باابنهم حسين نصابين وكذابين ولايخافون الله وإذا عندهم ذرة شرف ومخافة من الله يرجعولي حقي بلا وعود كاذبة ونصيحة لاحدا يتعامل معاه لأنه لايخاف الله وفي عالم كتيرررر اخد منها مصاري وشلحهم مصاريهم لكن ربنا موجود وأني منتخية فيكم ياأهل النخوة

هام السوريين الذين في ليبيا 👇








https://www.facebook.com/share/p/15cDo3jFRS/

#نوى_نوى_المرصاد
ان الله وان اليه راجعون
إكرام الميت دفنه
في تاريخ 20.11.2024
تم إنقاذ جثتين في البحر من قبل خفر السواحل الليبي
وتم تحويل الجثث إلى مشفى الرحمة في طرابلس
وهم من أبناء محافظة درعا الكرك الشرقي
علاء فوزات
وليد محمد محمد
والى الان متواجد ين في المشفى
اي دين واي ضمير يمنعك تدفن الميت طبعا تحسبهم عند الله شهداء
نداء الى السلطات الليبية والى الجاليه السورية
إكرام الميت دفنه
ان الله وان اليه راجعون
حسبي الله ونعم الوكيل

مناشده للقائد احمد الشرع ان يقوم بفتح السفاره في ليبيا طرابلس.وان يتواصل مع المسؤولين وحكومه الدبيبي
#نوى_نوى_المرصاد

يلي بحب ينشر شي..

المجموعة إلكم و لإبدعاتكم و أخباركم و منوعاتكم







https://www.facebook.com/groups/1065187768060505/?ref=share

عندي مَضلمة لجماعة وان شاء الله ما نقول الا الحق والله شاهد
اخوي نحن حريم أم وبنتين وطفلة (4اشخاص) تعرفنا ع جماعة من درعا (انخل) ع اساس جماعة اهل غيرة ونخوة، مُكنى ب ابو بشيى نحتفظ عن ذكر الاسم بالكامل حاليا هو كافل المهربين من البداية وقال عندو شخص اسمو ابو كاسم هوا مهرب، حكا معنا واحنا بلبلد (دير الزور) وقال انو الرحلة مضمونة مليار بل مية صدقناه ومشينا بتاريخ12/6/2024 ع كفالة ابو بشير طلعنا ع لبنان وانه قرايبو رح يكونو معنا ٢ كبار و ٢ صغار بيناتهم اخته ع اساس الرحلة من غاد والسفينة تستنانا خلال 5 ايام نكون في إيطاليا طلعنا ع لبنان و اول ما وصلنا اخذ منا 4000 الاف دولار كاش باليد، ابو بشير يعرف بيها يلي بعدين نكرها رغم انه كان اتفاقنا هيك وباقي المبلغ تشييك مكتب المهم بعد شهر ونص التغا السفر
وطلعونا ع ليبيا 2250$ للشخص الواحد حتى عالطفلة نفس المبلغ وسمعنا بعدين انهم كانو يرفعون السعر علينا عشان الجماعة المعانا يطلعو بسعر ارخص، وصلنا بنغازي وبعد اسبوع ودونا ع طرابلس اخذو ع الراكب 300$و ركبونا ع كرسيين فقط والجماعة طلعو بعد فترة طبعا بسعر ارخص بسيارة و مقاعدها الكاملة 500$(هيك حكو هم واللي نقلهم) المهم وصلنا طرابلس ستلمنا شريك ابو كاسم مندوب ثاني يدعى احمد نعيم الحلقي ( ابو نعيم) وارسلنا لصبراته انو من هنيك الرحلة عتزنا لمصروف شخصي وما كنا نعرف حدا حكينا المندوب قال نبعتها لاسمه هو يبعثلنياها فورا 1100$ ارسلوها أهلنا من سوريا فجأة نقطعت اخبار ابو كاسم، و ابو نعيم ماعاد رد علينا قال ما الكم شي عندي وفلوس التحويل خذوها من ابو بشير لانهم تخالفو بين بعض لسبب ما يعلمه الا الله و ع الهاتف بلشت الاتهامات بين بعض ع انت نصاب وانت محتال، المهم في شب اسمو احمد الناصر من درعا انخل اشتكى عليهم عند الشرطة بليبيا (ابو گاسم وابو نعيم وابو الكيف) وحصل حقو وحق رفقاتو واحنا ع اساس نفس الشي تجينا فلوسنا بنفس الشكوى لكن طلعونا من المولد بلا حمص وقال لمن يموت ابوه لابو گاسم يورث ويرجعلكم فلوسكم (هذا كلام اللي كفلهم للمهربية) المهم حولنا ع مندوب اخر وتجلت فيه كل معاني الدناوة والرداءة مكنى بابو الكيف كردي حطنا عند واحد ليبي اسمو احمد(سوري مجنس) هون بلشت اللعبة صار يجي الليبي علينا ويهددنا بل سلاح و بدو مصاري يعني مثل الخطف صارت وهربنا هريبة بعدما بعثنا المندوب سيئ الذِكر ع مكتب الفندق حتى نسكر الحساب وناخذ جوازاتنا ونروح لكن حطنا بالفخ انو نهرب من الليبي بدون ما يعرف لان بيناتهم فلوس و اجانا الليبي مثل المجنون ولا حول ولا قوة الا بالله ع يلي صار والجماعة اللي امّنا بيهم و ع اساس احنا اهل سوا حملونا سالفة مو كويسة تلفيق وزور وكل اللي شافونا يحلفو بروسنا ونضرب بينا المثل بالادب والاخلاق لكن هم اسائو الادب معنا وتعدو علينا لدرجة جابو علينا الليبي يحجزنا و يتطاول علينا عشان نخاف ويرهبونا هددونا فيه وفعلا جابوه متعاونين مع المندوب وصار يصيح علينا وكان بدو ياذينا لو ما رحمة الله ونحن جوازاتنا كانت معو لليبي ع اساس جوازات الكل معو لكن جوازاتهم طلعت معاهم مخبينها واحنا كنا طعم كمان عند هالعصابة الما تخاف ربها، كلفنا ترجيعها للجوازات حوالي 600 دولار طبعا بعد الابتزاز لان ما نعرف احد هون، وبالاخر طلعو كلهم متفقين علينا ونصبو علينا ما يقارب ال15000 الف، ابو بشير اللي دق ع صدرو بالبداية سحب ايدو منا و تركنا '' '' وما ننكر اهل درعا باكابريتهم واحترامهم لكن نصيبنا ودانا لناس ماتخاف الله ولا بيهم غيرة '' '' '' ونحن اسع علقانين في ليبيا ليومكم هذا ما النا غير الله وأهل الخير يلي يعرف عنهم اي اشي او ممكن يساعدنا نرجع حقنا منهم (ابو گاسم وابو نعيم) او من اهلهم عشان نرجع للبلد وحسبنا الله ونعم الوكيل وكفى به وكيلا

السلام عليكم
أنا شب موجود ب ليبيا صرلي 9 شهور عم حاول اطلع ع اوروبا عن طريق لبحر
او ما اجيت ع ليبيا ع الحكي يلي بنحكا من المناديب الوسخين يلي هنن ( سوريين ) بتفكر حالك جاي سياحه يومين بتكون واصل وامورك كلا تمام
جيت ع أساس اسبوع وكون ماشي ( هاد الحكي كل العالم بتسمع فيه قبل ما توصل ع ليبيا )
قعدت شهر لا طلعه ولا فوتة يجي واحد ليبي ياخد مني مصاري يروح يجبلي اكل وشرب ل يومين او تلاتة
حكا معي المندوب قلي في رحله جهز حالك وما بعرف شو
هون أنا متحمس جهزت حالي ولبست واجت سيارات وصارو ينقلو فينا ع منطقة الله وحدو بيعلم فيها بنص الصحرا مافي شي غير الرمل وشجر النخيل
ع أساس العدد ب رحله 35 وامورنا غير شكل لمهم كيف وشلون صرنا 70 محدا بيعرف
نسوان وولاد وشباب بس الاغلبية كانو معنا عائلات
كان معانا واحد ليبي قال لحقوني قلنالو لوين قال ع القارب قلنا يا رب وبلشنا مشي ب صحرا هاد الحكي ساعه 11 بالليل نمشي نمشي وما نعرف وين ماشيين بس ينغرزو رجلينا ب رمل وغصب نمشي ع نفس المشية للساعه 3 صبح هون صرنا نسمع صوت موج بس ما شفناه
قلنا يا فال الرحمن وصلنا ع القارب هاد ليبي بقلنا قعدو قعدو لكل ع آلأرض قعدنا ولاا صوت مابعرف شو صار يعيشا أفلام هندية ع مدري شو صار وفي كمين بالبحر ومابعرف شو ومافي رحله ليوم قلنالو يا ابن الحلال شو مافي رحله نهد حيلنا ع الفاضي
قال الله غالب قلنا يالله عسى ان تكرهو شئ وهو خير لكم كلو صار يحكي مندوب تبعو يقولو هيك هيك صار
المناديب قالو يلا رح نبعت سيارات ترجعكن مكان يلي كنتو فيه هون ساعه 5 الفجر
المهم فرطنا ما معنا شي حتى قنينة مي محدا معوو العالم نامت وعالم ضلت فايقة هيك للساعه 12 ضهر اجت سيارات وكل سيارة تشيل جماعة هاد فلان وهاد فلان
رجعنا ع نفس المكان يلي كنا فيه
بعد كم يوم كمان قال جهزو حالكن وصار نفس شي ونفس المشي منسمع بعهد الرسول ( صلَ الله عليه وسلم ) صحرا + هياكل عظمية + منافقين + كفار
كان نقص بس الجمل
بس قال شو هي المرة نمسك القارب ع شط حمدلله ما كنتو فيه قلنا يلا حمدلله ورجعنا كمان هي المرة مخذولين غير الخوف وغير العطش وغير تعب وغير توتر والحالات النفسية يلي صارت معنا ونحن لسا ما شفنا البحر بس سمعنا سمع صوت الموج
يتبع............

#نوى_نوى_المرصاد
الى متى أيها الليبيين (الخفر والأمن والسجون)
الى متى ستكونو عوناً لكل من ساهم بقتل وتهجير وتجويع وتدمير السوريين
إلى متى ستكملون رسالة اليهود الذين سلطو علينا بشار وإيران لقتل وتجويع وتدمير وتهجير السنة في سوريا
لكن إلى الأن صامدون لتهجير شخص واحد من كل عائلة لتحيا عائلة كاملة في سوريا إن وصلنا وإن لم نصل فقد قتلتمونا وقتلتم من ينتظر وصولنا
فنحن لجأنا اليكم لتكونو لنا عوناً
فأنتم الليبيين قد عرفتم ما حل بالسوريين من خوف وقتل وجوع وفقر وظلم وقد عُرف عنكم الرجولة والشهامة فقد علمونا أهلنا وكبارنا وحتى أجدادنا أن أهل ليبيا أحفاد عمر لم يكونو يوماً أعداء للسوريين أو لأي مسلم ودائماً مع المظلوم ضد الضالم ونحن والله ظُلمنا ولم نختر هذا الطريق طوعاً أنما اخترناه عنوةً وقد كنا متفائلين جداً ان طريق هجرتنا من ليبيا ونحن والله إلى الأن لم نفقد الأمل بكم لأننا نعلم أنكم من نسل طيب وشجاع وكريم

ولكن اليوم نحن ك سوريين متفاجئين جداً من الوضع الراهن في ليبيا ك مهاجرين شرعيين ل إيطاليا ولم اخطأ ابداً بأن أقول شرعيين لأن الوضع في سوريا يشرع لنا هذه الهجرة انسانياً وليس قانونياً لأن السوريين المهاجرين لم يهاجرو من أجل التفاخر أو الرفاهية أو الكماليات بل هاجرو لأن كل شخص يسعى في الهجرة ينتظره عائلة بأكملها معتمدة عليه بعد الله لكي تأمن قوت يومها بعد ما باعو ما باعوه او استلفو ما استلفوه لكي يسدو تكاليف هذه الهجرة
ف إننا والله نمر ب أيام صعاب ثقال ومهما علمتم بحالنا في سوريا فأنكم تعلمو القليل وأنه لا يعلم حالنا إلا الله وها نحن الأن نشكو ضعفنا وقلة حيلتنا لله وحده أمامكم عسى أن تكون يد الله على الأرض لتقفو معنا
و إننا ك سوريين نناشدكم بالله العظيم أن يسرو أمورنا ف إننا أتيناكم محبين في الله طالبين العون منكم بعد الله
لأننا على يقين أن الغرب ليس ب أرحم ولا أكرم منكم الذين يستقبلونا /ك سوريين/مهاجرين غير شرعيين
متابعة الصفحه 👇

https://www.facebook.com/profile.php?id=61569028744940

بعتذر ع القصة انو طويلة بس هاد وجعي ووجع كل واحد ب ليبيا
تكملة......
بعد ما قضينا 10 ايام بسجن بير الغنم كل واحد مننا اهلو دفعولو وطلعنا رحنا ع فنادق تحممنا واكلنا ورتحنا شوي ورجع كل واحد جاب تلفون يمشي حالو فيه
المندوب ندقلو ما يرد علينا كل ندقلو حتا رد وقلنالو نحن ماخرج فنادق لاقيلنا شي بيت نقعد فيه الفندق بدو مصروف كبير
وهو ع ليوم وع بكرا رح لاقيلكن بيت منيح ومابعرف شو راحت القصة شهر ع نفس القعدة شي جو ما زابط وشي مشددين الخفر الليبي وشي عم جهزلكن رحلة واصلة خلص حاجتكن تعب انتو بدي وصلكن
دقلنا بعد شهر قال جهزو حالكن في رحله كويسة ومضمونه قلنالو جاهزين لمهم نوصل نحن ما بدنا منك شي تاني
دفعنا للفندق وطلعنا ساعه 8 وصلنا ساعه 10 ع بيت وشو الاساس انو في رحله وبالبيت كان فيه عالم قلنا تمام مانو عم يكذب هاد
جهزنا حالنا وكلو تمام وناطرين صارت ساعه 2 دقينالو قال يلا عم يجهزو القارب والمحركات ب البحر
قلنالو ماشي الله ييسرها وقاعدين وناطرين للساعه 5 صبح قلتلن يا شباب مافي رحله وهاد عم يكذب علينا خلينا ننام أحسن شي بكفينا حرق اعصاب وسهر وبالاخير ع الفاضي
نمنا وتاني يوم دقينالو قال الله ما يسر صارت معاهن مشكلة قلنا كلو خير
بس بعات حدا يجبلنا اكل وشرب قال يلا بعتت واحد شوي وبيجي قلنالو ماشي
المي يلي بالبيت مي مالحه مستحيل تقدر تشرب منها ومافي مي ولا في شي
شوي ولا جي واحد صار يوزع لكل واحد سمونه وجبنة وجايب معو طردين مي
نحن كنا بالبيت 37 واحد ومعنا ولاد وبنات صغار
كلنا نايممين ع آلأرض قلنا منصبر يوم او يومين عادي بدنا نخلص
كل يوم ندقلو بقلنا ل بكرا وبكرا
اول 3 ايام بهاد البيت كل يوم يجبولنا سمونه وجبنة ( مشان بس نضل عايشين ما مشان نشبع ونشيل حالنا )
وبعدين صارو ما يجو نضل 3 ايام بدون اكل وشرب نحن شباب نتحمل بس لولاد شو ذنبن كيف بدن يتحملوو
كان في بالبيت بصلة في ولد صار ياكل بصل بدون شي اكلا من هون وصار يستفرغ من هون
ضجنا وكل واحد يدق ل مندوبو وما حدا سائل ع حدا مناديب قاعدين بحضن نسوانن والعالم تموت عادي اخر همن
مرقو 10 ايام ع هي الحالة لحتا اجا واحد ليبي عامل حالو (افندي ) وشغلة كبيرة وبحكيك قال الله وقال الرسول وهو مابيفرق شي عن اليهود
قلنالو بكرا نحن كلنا طالعين من هون لحالنا وضجنا عليه صار يهدي ب العالم وراح جاب كم كيلو رز وكم كيلو بطاطا وكم علبة جبنه
راح وصار يجي صاحب البيت بالليل يفوتنا ع الغرفة ويخلينا نطفي الضو ويقعد ع الباب ساعتين او تلاتة يحط اركيلة ويشرب ولا كأنو في شي
رز صرنا نطبخو بدون ملح وبدون زيت هيك نسلقو سلق ( مافي غاز ) كان في شجرة بالبيت كسرنا منا وشغلنا حطب وصرنا نعمل رز لمهم شي نسند حالنا فيه ضلينا ع هي الحالة 20 يوم لحتا بالاخير قلنالو للمندوب خلص ما عاد في اي طاقة نتحمل ه الشي ونحن هلق طالعين من هون بدنا ننط من الحيط من السطح المهم طالعين
مافي ساعه تقريبا صارت تجي سيارات ورجعونا ع الفندق ضلينا بالفندق شي 15 يوم وبدقلنا يلا في رحله ع سريع جهزو حالكن بس انتو بدكن تدفعو اجار سيارة توصلكن
اجت سيارة وصلنا ع شاليه قريب ع البحر ودفعنالو اجارو
وصار يجي لعنا واحد ليبي هاد نفسو يلي كان يجبلنا غراض اول ما جينا ( يمكن هاد احسن واحد بمرق عليي ب ليبيا )
بقلنا نشالله ه المرة اموركن تمام بس يكونو المناديب عنجد يشتغلو متل ما عم يحكو ( فايبر وسريع وخلص بدنا نوصلن لهدول )
ضلينا 12 يوم ع هي الحالة بس أمورنا تمام اكل وشرب( نحن نعطي مصاري لليبي ويروح يجبلنا أغراض) وحمام وماشي حال
لوقت اجو لعنا المناديب صارو يقولو انو الفايبر عم ينمسك كتير وما زابط رح نجهزلكن بلم 🥲 احسن وبلم نوعية كويسة وفرنسي ومدري شو ومنركب عليه محرك (40)
صرنا نقلو حبيبي نحن دافعين كومه مصاري مشان تطالعنا ببلم المهم محدا وافق وكلنا قلنا ما منركب إذا كان بلم
رجعو قعدونا شي 5 ايام وجابو عالم جدد صرنا 33 واحد ونسوان وولاد وصارت لوشة كتير وقريب ع البحر (صاير متل المنتزه ) صرنا ندقلو ونقول شيل نص حطن ب مكان تاني مشان لوشة وصوت قال يلا تحملو هل يومين
تاني يوم ساعه 5 العصر دقيت للمندوب قلتلو إذا ما بتشيل نص العالم من هون رح ننمسك صوت كتير عالم قال لا ما بصير شي قلنالو نشالله بنفس اليوم الساعه 10 بيندق الباب وواحد عم يقول (افتح افتح) محدا رد عليه شوي لقيناهن عم ينطو من فوق الباب جينا بدنا نهرب أنا وكم شب صار ضرب رصاص ب الجو نزلنا وفتنا جوا مافي 5 دقايق منلاقيهن صار عنا وصوت سيارات شرطة ( البحث الجنائي ) ضبونا واخدونا ع المركز صارو يحققو معنا ويقولو نحن مابدنا ياكن انتو نحن بدنا المندوب (فلان ) يقولو اسمو وفرجونا صورتو نقلن ما منعرفو نمنا ليلة عندن بالمقر وتاني يوم حولونا ع نيابة العامه اخدو مننا جوازات وتلفونات وكلشي معنا

ب النيابة قالو روحو هلق وبتجو كل يوم أحد بتوقعو ع تعهد لمدة شهرين مشان تاخدو جوازات قلنالن كيف هيك بدنا نمشي بدون جوازات قال دبرو حالكن
صرنا ع باب نيابة في شرطي يسألنا وين بدكن تروحو نقلو ما منعرف ما ألنا حدا ( وعنجد ما منعرف )
هاد شرطي دق تلفون ل واحد سوري ( الله يوجهلو الخير ) قلو في جماعه هيك هيك قصتن عندك شي بيت نخليهن فيه لبينما يدبرو حالن قلو اي جاييك( زلمه عندو شغلو الخاص وما الو اي علاقة ب الهجرة وبهي شغله)
اجا هاد اخدنا ع بيت وجبلنا اكل وشرب ودخان وعطاني تلفون قلي اي شي بدكن اتصل عليي قلنالو كتر خيرك
صرنا نتواصل مع اهالينا ومع المناديب من التلفون وبعتنا موقع للمندوب ع أساس رح يبعت سيارات تاخدنا ع بيت من طرفو ( ولهلق ما اجو سيارات )
المسا أنا دقيت لهاد زلمه قلتلو مشان الله إذا بتعرف حدا بس ناخد جوازات قلي خليها للصبح
والله الصبح ما شفتو غير جي وصار ينقل فينا ع نيابة بسيارتو وفتنا ل جوا رحنا أنا وياه مابعرف لعند مين اخدني وقلي حكيلو قصتك وما تخاف حكيتلو يلي صار معنا وقلتلو ما بدنا شي بس بدنا جوازاتنا وكتر خيركن
قلي ما تاكل هم شي اموركن تمام مدري ع مين تصل قلو عطيهن الامانات وخليهن يمشو
وطلعنا والله عطونا جوازات وتلفونات وكل واحد الو غرض اخدو
شلت ودقيت ل هاد الليبي يلي كان يجبلنا غراض قلتلو أنا ع باب نيابة تعال شيلنا من هون والله اجا وصار ينقل فينا ع بيتو
وفي عالم قال نحن بدنا نروح ع الفندق راحو لحالن
يتبع.......

#نوى_نوى_المرصاد
بسم الله الرحمن الرحيم
باسمي وباسم الشعب السوري المتواجدين في ليبيا نتوجه الى الحكومه السوريه الجديده والى شركات الطيران التي تعمل حاليا في مطار دمشق الدولي بتسيير رحلات مباشره من طرابلس الى سوريا مباشرة للتخفيف من تكلفة الترانزيت التي تصل ال سعر ال500دولار للشخص الواحد ونتوجه الحكومه الليبيه بالنضر الي قانون الغرامات واعادت النضر فيها فنحن لا نريد الا العودة الى سوريا بعد انتهاء الحرب فيها وما اتيناكم الا لحسن ضيافتكم ونتمنى من حكومتنا السوريه بالنضر فينا كمواطنين سوررين ويسرو امورنا كما يسرو امور المواطنين في بلدان اخرى فوضعنا بليبيا صعب ونريد العود باسرع وقت ممكن

السلام عليكم
نريد منكم التدخل السريع بضجة اعلامية و كلمة تصل للسيد أحمد الشرع و كل من هو مسؤول عن الخطوط الجوية بين سورية الحرة و ليبيا من جميع مطاراتها في بنغازي و طرابلس نريد العودة إلى وطننا الغالي بأسرع وقت و لا يوجد غير خط الاردن و منه إلى دمشق و الاستغلال فاق الوصف و قد وصلت تذكرة الطيران إلى 800 دولار أمريكي على الشخص و اذا كان الموضوع يقف على شخص واحد فلا بأس لكن كلنا معنا اطفال و نساء و اعداد كل عائلة تصل من ثلاثة أشخاص إلى ثمانية أشخاص فلقد بلغ السيف العزل و الله اعلم الاب من أين سيأتي بهذه المبالغ لكي يعود إلى وطنه و أهله و أرضه الرجاء التدخل السريع لحل هذا الموضوع بأقل التكاليف لكي نعود إلى سويتنا الحرة في القريب العاجل بعد هذا النزوح الذي اخذ من عمرنا 12 عاما واعادة شبابناالرجاء التدخل
عاشت سورية حرة بهمة رجالها

#نوى_نوى_المرصاد
سلام عليكم ورحمة الله وبركاته
أما بعد
الاسم ياسر القويدر ابو عمار مندوب في ليبيا من سوريا درعا نوى
المعروفين بنوى بيت الزرعي
هاد شخص لا ضمير ولا أخلاق
يعني همو المصاري أما أرواح الناس اخر همو
يا ابو عمار ناس الها عندك من سنه. وانت ع كذب ونفاق اليوم وبكرا واخر شهر لا اميت يعني
خيو بيع ارض من الاراضي يلي شتريتهن من مصاري الناس
نوجه نداااء إلى اهلي واحبابي من بيت القويدر
انهم يقفو عند حدو وان يقومو بضغط علي لاسترداد مصاري لشباب...
يتبع...
صب عمي صب

#نوى_المرصاد
بسم الله الرحمن الرحيم
قال الرسول صلى الله عليه وسلم واصفاً المؤمنين: (مثل المؤمنين في توادهم وتراحمهم وتعاطفهم مثل الجسد، إذا اشتكى منه عضو تداعى له سائر الجسد بالحمى والسهر)
دعوه عامه
يا اهلنا في حوران ندعوكم لوقفه تظامنيه بساحة 18اذار دوار المحافظ يوم الاحد بتاريخ 19/1/2025 بدرعا المدينه مع ابنائكم العالقين في ليبيا للمناشدة الحكومة السورية الجديده بعودتهم السريعه
والذين يتعرضون لجميع انواع الضغوطات والابتزاز
والسجن والخطف وكل ما إلى ذلك من ممارسات عليهم من قبل تجار الب.شر من ناحية
ومن اخرى اجراءات العوده المعقده التي تتطلب من شهر الى شهر ونصف طبعا من نساء وأطفال وشياب وشباب وبشكل خاص الذين تخلو عنهم تجار الب.شر بعدما سلبوهم أموالهم ولم يتبقى لديهم ثمن الطعام وتهديدهم بالرمي في الشوارع وذلك لتسليم اماكن السكن الخاصه بتجار الب.شر

#نوى_نوى_المرصاد
الإسم .خالد عنتر الطوز الملقب ابو حمزه الشبل
من حماه الحاضر
احد اهم واخطر تج.ار الب.شر الموجودين
في طرابلس
يقوم هذا الشخص بالنصب على السوريين وخطف وتسليم شبابنا
الى الميل.يشيات الذين هربوا من القصف والموت من سوريا،
أول التسليم للشباب إلى الميلي.شيات. وطلب عليهم فدية مالية من قبل أهاليهم
وبعد ان عانوا وذاقوا المر في بلادهم فباعوا أملاكهم والعيش الرغيد ولم يعد يملك شيئا ليبيعه استدان آلاف الدولارات ووضعوها بين يدي هذا التاجر المسمى : ب الشبل بأخذ النقود كاش
ويبدأ بتجميعهم في مخازن تأبى الحيوانات العيش فيها، ٱملين بالهجرة اليوم او غدا او خلال عشرة ايام على الاكثر، ولكنهم بقوا في مخازنه لمدة تجاوزت اشهر قام خلالها بمحاولة لتسفيرهم
فقام بتسليم الشباب إلى الملي.شيات، وعند محاولة الأهالي الاتصال أغلق الموبايل
نطالب من شرفاء حماة بالضغط .على المدعو ب أسترجاع حقوق الناس..

#نوى_نوى_المرصاد
لا دين ولا مبدأ لهم سوى الدولار..!
استغاثات في المخازن والسجون الليبيه..نصب.. جوع.. إهانات..سجون..أمراض.. اعداد هائله من الشباب تحت شعار اطلع ع شقه مفروشه الطلعه بعد يومين ومصاريك مأمنه..
وكلو قبلناه وقلنا ع الله بس ييجي مهرب من بلدك حقو كندره يستغلك وينهب فيك والله مو حكي.. بريد الصفحه كلو
علوان المصري علوان المصري. ياخي استحي ع حالك م ظل حكي م حكيناه عنك جد استحي عحالك وعدمك بدها الشغله دم شو م فيش دم عندك والله مو طالبين اشي منك رجع الحقوق للبشر مش قايلين اعطي الناس من جيبتك بس بلفعل انك انسان تافه ولا مبدأ ولا دين.. الناس المظلومه فوق كل الهم والفقر كمان انسان خنزير مثلك يكل حقوق البشر والله مو منطق
تسع شهور ومعليش ويلله وبكرا برجعهن ويل وانت عم تخدر بلبشر جد بدها زوق الشغله
عشيرة المصري ب درعا اتحركوا.. شوفو البشر.. لكن ع شو تتحركوا يعني عساس رح تطلع نتيجه انسان لا بستحي ولا فيو ذرة الرجوله بدو يحط قيمه للعشيره.. احنا م منقول غير كلمة وحده..
حسبي الله ونعم الوكيل..
اللهمّ احصهم عددا ولا تغادر منهم احدا..
الك يوم الك يوم..

إلقاء القبض على قاربين من قبل الخفر اليبي
الانطلاق من منطقة صبراته
كان الله بعون الجميع
#نوى_نوى_المرصاد