حكايات نشوى السلطان 💙

حجن بالفراش والجودليات

اني صوت فاروق ماغاب عني لحضه

شوي وجان اسمع صوته بالمطبخ

ول شيماء تعاي ..

اني احس گلبي فز من سمعت نبرة صوته

خالتي كالت كومي عمج من الصبح طلع

شوفي شيريد

راحت شيماء تمشي ...

اني كاعده بمكاني بس احس روحي مرتبكة خايفه
خجلانه ..

اسمع يكللها هاج هذا الحم والمسواك سوولنا

هبيط راهم ..

صاحت الحجية يفاروووق تعاي

اي حجية جاي...

باوعتلي كالت يمه ماتسويله ريوك خاف ما متريك

اني باوعت لخالتي .. رجعت نداريت عليها
كتلها اني اسويله؟

اي يمه دكومي استكان جاي وجبنات اشجان عدكم
جيبله خل ايتريك

خالتي كالت اي والله ماتريك كومي شوفي شيماء
اذا ماتكدرين خل هي تسوي..

هزيت راسي اي وكمت..

طلعت للمطبخ ..

لكيت المطلخ مليان صناديك ..

فاكهةة ومخضر .

وكفت على صفحة .. كتلها شيماء الحجية تكلي
سويله ريوك

شيماء تشيل بالغراض وتعزل

كالت اي تعاي خلي القوري عالنار وهذا خبز حار

كتلها اي هسه...

طب هو يمشي ماباوعلي خلة صندوك بالكاع

ومشة للسنك غسل ايده

دخل للهول وهو ينشف بأيده..

اسمعه يكللها الله حيووو هلا بالحجية اني رحت خليت القوري عالنار

الحجية عسة الف هلا تعال يياب وينك ماجيت عليه اليوم

اسمعه يكلها والله طلعت من الصبح بشغلة

وهاي جيتي للبيت..
ابوي يمه خطار لو وحده

لا كاعد بالديوان وحده وكاعده يمه نوفة

صاح فاروق اكو ريوك يولوا

شيماء خفي ايدج عفية

كتلها اي هسه كملت...

بسرعة بسرعة جهزت صينية الريوك ...

كتلها هاج انت وديها ...

موداقطع بالحم وديها انت ليش مستحية

لا لا نااستحي بس

عجل وديها وسكتي يلا راح يبرد الجاي

كتلها اي ...

طبيت وبيدي الصينه ...

امشي وايدي ترجف..

طبيت امشي... واني مدنكة ..

الكل يسولفون ملتهين

اني مارفعت راسي داكة عيني بالصينية
كل ذاك الساني راح

كلمه احبج خربطة كل احوالي

ماعرف ناصب عليه مدري فعلا يحبني

واني امشي حجة ..

هين هين يمعوده لا تكعين ..

رفعت راسي باوعتله ..

ابتسملي .. ارتبكت اريد انزل الصينية بالكاع

بدون وعي خليت الصينية بيده..

هو لزمها ماعرف شلون

ضحك وكال يمعوده شبيج جان كلبتي الجاي عليه

سكتت

نزلها بالكاع ..

امي صاحتني.. كالت اليوم نخابر عالجيران نشوف ابوج شخبارهم

هو ورايه كاعد ..

كال الها حجية ..

ها يابه كول

حجيه زوجوني عاد

اي يا امي هذا يوم المنى عجل لو ما انتوسل بيك
اني والحجي..

اني مدنكة بس احس عيونه عليه ..

امي تسولف جابتها من الجيران لمختار فرت بغداد كلها
اني اذاني وبالي كلها يم فاروق

اسمعه يكلها حجية اخذت حيلي

منهي ياب

الي تسر الروح شوفتها

هي منهي دحجي والله مدري شجاي تسولف

صبي عيني .. حجية احبببها

هاا يبو دكة المباركة بس منهي هاي دحجي يمكن هيه

اني باوعتله صارت عيونه بعيوني دنكت انداريت الامي

حجية ماتحس اخذت نص حيلي

ياستار اسم الله حولك وحواليك

اني بعد مااكدر ابقى كاعده ارتبكت
احس الكل عينه عليه .. كمت مشيت

كال الها .. اييي تورث كلبي بعشكها حجية
زوجينيها تحجين بيت الله وانت اهينه كاعده

منهي اسرار مو دكول يايابه

اني دنكت وطبيت للمطبخ

وكفت يم الكاونتر احس كلبي يريد يطير من مكانه

شيماء كالت رواق وينها

نايمه

ماتكعديها خل تكعد

اي هسه اكللها...

طبيت للهول.. هو كاعد يشرب بالجاي

عبرت من يمه للممر...

طبيت للغرفة لكيت رواق توها كاعده دتلم بشعرها

كتلها كومي شيماء تريدين

اي هسه

كامت رواق طلعت اني بقيت بالغرفة

افتر مثل الخبلة امشي واتهمس بوجهي احسه نار

مر يوم كامل واني استحي اطلع

حابسة نفسي بالغرفة ..

كل مايسالوني اكول الهم نعسانه لحد ما مر يوم
كامل واني لا شفته ولا سمعت صوته

صار الليل بيومها امي جانت يم بيت خالي بايته

ورواق كاعده ترسم ... بالغرفة شيماء

جانت مخليه علاج الوجهه نامت من وكت

بقيت بس اني احس گلبي مره يريده ومره لا
احتاريت بأمري..

ساعة اكول ومختار واهلي

واهله. اكيد مايوافقون عليه

وارد اتذكر عصبيته وغلطة وصياحة

ويرجع عقلي ينسى كل هالامور بمجرد اتذكر
نبرة صوته وهو يحاجيني گلبي وروحي
اتحن اله..

كمت كتلها رواق اشرب ماي واجي..

طلعت واني ما ادري اذا هو موجود يمهم
لو يم اهله

فتحت الباب على كيفي..

مشيت على اطراف اصابيعي..

امشي وكلبي يدك .. البييت هدووووء

امين بغرفته .. باوعت الجهاز الارضي يمه

توقعت ديحجي ويا اللي يحبها خطيه
كون تكون من نصيبه

طلعت امشي للهول .. ظلام
الانارة كلها مطفية ...

صوت روكي وهو ينبح ..

يفززني واني داخل البيت..

وصلت الهول واني عيني عالاستقبال

الانارة مشتغلة بيها...

حجيت بصوت ناصي كلت اي هنا هو اكيد بالاستقبال

انداريت اريد اطب للمطبخ

جان يكول

اي هين يترگب شوفتج

فزيت عطت ورجعت سديت حلكي

باوعت زين بتركيز شفته عالجودلية مدد

كعد الحيله

1.0K viewsاا, 21:19