القصيدة:سيرة حلوة
اداء:حسين طالب
كلمات:حسين حيدر اللامي




https://youtu.be/QW70L1yw5UM?si=p3nuSkmjpAOP-cm3

القصيدة:شخص فاهم
اداء:احمد الحمداني
كلمات:حسين حيدر اللامي



https://youtu.be/vHB2ppibl3Y?si=0QeBd7ckdZcZKE2C

القصيدة:المالك الرسمي
الرادود:محمد الصغير
كلمات: حسين حيدر اللامي



https://youtu.be/QwK28rl-lnM?si=5bCSpHxU6zlhLZGn

القصيدة:حرب الدفن

أداء:الرادود أمير الدراجي

كلمات:حسين حيدر اللامي

ليالي محرم الحرام

https://youtu.be/yX2s8G_QO0w?si=2oao2pPRW7xlWDrp

اليقره ابوجه ضيفه اشضام ماضام
اعله نعشه مو بيارغ طشــو اسهام
چان البيته شريان
الحسن هم مات عطشان
/\//\/\/\/\/\/\/\/\/\/\//\/\/\/\/\/\/\/\/\/\/\/
مو خوش يوم إشلون اجـــه..بالگوه طر مصباحه
من يـــوم سد عينه الحسـن..زينــب فلا مرتاحه
التمو بني هاشم ســـوه..إنياحـــه تجـر إنيــاحه
وعباس من شاف النعش..بچفوفه كض اصفاحه

من سد باب عينه وخلّص انفاس
انكسر ضهر الحسين وشدّه عباس
اخوته كلهم احنان
الحسن هم مات عطشان
/\//\/\/\/\/\/\/\/\/\/\//\/\/\/\/\/\/\/\/\/\/\/
وحسين يحچي اويه الجسد..يكبر سنه ابكل خطوه
هالدنيه بـــعدك يالحسن..والله فلــــس ما تسوه
طب بيته وانوبه صـــرخ..زيــــنب دفنــــت الخوّه
شيبي ركض مثل الصـبح..شوفي ابدفنـــته اشسوه

تركض يمه من تسمعله اي صوت
وره فتره الحسن طبلهه تابوت
نعش بس حيل تعبان
الحسن هم مات عطشان
/\//\/\/\/\/\/\/\/\/\/\//\/\/\/\/\/\/\/\/\/\/\/
فرغت دواوين الــــعرب..والـــــطير طيّح عشه
صله الحسين اعله الجسد..هالليله ليـلة وحشه
وشّلت عينه اعله الگبــر..جي بالمـــــدامع رشّه
زينب عگب عين الحسن..يصحه نضرهه ويغشه

مشه وحته طريقه تيّهه امنين
رجع للبيت كله اتراب الحسين
دافن بيده قرآن
الحسن هم مات عطشان
/\//\/\/\/\/\/\/\/\/\/\//\/\/\/\/\/\/\/\/\/\/\/
سولف حسين ابدمعته..عن كربله وعالمقتل
گلتله زينــب يالأخو.. إبهالحاله ممكن أسأل
لو كسّر اضلوعك رمـح..وين اتجّـــه ما اندل
گللهه راح ابقه انتضر..أشريلي من فوگ التل

ابهالأثناء گلـــــهه ابفـــــرد موضوع
ابليل اهدعش رجعي ابصدري الاضلوع
لو غطّتهه تربان
الحسن هم مات عطشان
/\//\/\/\/\/\/\/\/\/\/\//\/\/\/\/\/\/\/\/\/\/\/
امشي اعله نگاط الدمه..خلي العيون اتدوّر
زينب ابداعت فاطمه..رجعي ابچفوفي الخنصر
اتلاگيني راح ابكل كتر..چي عالترب متطشر
حته الغيوم اتعسكرت..ماترضه يمچ تمطر

مصباح اهدعش يسبوچ للشام
وراچ اطبول وامتانيچ دمام
بشر مابيهم انسان
الحسن هم مات عطشان
/\//\/\/\/\/\/\/\/\/\/\//\/\/\/\/\/\/\/\/\/\/\/
حسين حيدر اللامي

لاستشهاد الامام الحسن المجتبى (ع):


اليوم هاشم چافيات ادلالهه
طاح من سَم الچبد خيّالهه
//////////////////////////////////////
عالحسن الوجوه كون إتملـخـت
هــوه چا غير انرفع نــعش البخت
چردست بغيومهه الــدنيه ورخت

وراد يوگع بالبقيع اهلالهه
/////////////////////////////////////
غمض اعيونه ومشه الگول وفعل
وبــقه كل واحد إبيته و مـــنعزل
الناس ماعــدهه بعـد ردّة فــعل

منهم وبيهم طلّع چتالهه
/////////////////////////////////////
والعرب تحچي اويه تابوت الضوه
ياچبـــير اخــوانك انـــطينه هوه
يامَن إمعــــزّب الأخـــضر والنّوه

وشّلت حيل الترست اسلالهه
/////////////////////////////////////
هضمو الـــعباس هالــــوادم لإن
طشو اعله الهاشمي اسهام الفتن
گالهم كلشي ولا نعش الحــــسن

اوصيه عنده چان فت اوصالهه
/////////////////////////////////////
ويــن اليـــحب الحــــسن للآخره
الحسن صاحب فضل عالطف تره
چبـــدته چنهه شـــفاه امفــطّره

يخفي جرحه الاجل عضم اهوالهه
/////////////////////////////////////
هاي طيحة شيخ واتكسر الضهر
شيبو راس ابو السجاد ابصفر
نايبه اتشگ الگلب تسوه السهر

جفّت الگاع اندفن شلالهه
/////////////////////////////////////
حسين حيدر اللامي

القصيدة:أُمرُر على آل عقيل

أداء:الرادود امير الدراجي

كلمات: حسين حيدر اللامي



https://youtu.be/evCMUWOpOjw?si=tywBoTXHP066iCEK

القصيدة - هالخدمة هوى

أداء - الرادود مصطفى السوداني

كلمات - حسين حيدر اللامي




https://youtu.be/UddmAlemJ3M?si=uEme53-jnBq41IU1

يا رسول الله


ياهـــــوّه سَمّه
ثبتــــت التُهمه
هـــاي التَــتمّه..لمقتل محمد
/\/\/\/\/\/\/\/\/\/\/\/\/\/\/\/\/\/\/\/\/
حرثو إبستان الفِتَن..وإبليس يمهم يبذُر
واول غصن عدهم حچه..إِنَّ الرجل ضل يهجر
خلّو شرايين النبي..بيهه الدمه متكسر
وجه ام حسن مسّه الضمه..ووجه ام جمل مستبشر

ثبـــتت عليهم
قتــــلة نبيهم
ماصخ حچيهم..دمعه ابحضن خد
/\/\/\/\/\/\/\/\/\/\/\/\/\/\/\/\/\/\/\/\/
وضعت السم ام الجمل..والدنيه چانت صنطه
فرحت وللزمره مشت..تحچي ابنجاح الخـــطه
زوجاته أذّنّه اشكثـــر .. واهــنانه نوضع نقطــه
سورة التحريم الحچت..من عدهن اول غلطــه

اشلون ايتأمـنن
سـر ما يضـمّن
اتقاسمن كلمن..مشهدهه اسود
/\/\/\/\/\/\/\/\/\/\/\/\/\/\/\/\/\/\/\/\/
شردت وما قبلت علي..ايوگفّهه وايحاچيهه
والتشرد امن الحادثه ..تثبت التهمه اعليهه
هيه (الحُمَيراء)التي..دست السم بيديهه
ووالدهه گال ابهالفعل..شرعيه راح انطيهــه

ابهاي البشاره
اجتمعو ابداره
وحضرهه ناره..الثاني موگد
/\/\/\/\/\/\/\/\/\/\/\/\/\/\/\/\/\/\/\/\/
من لا تلدولي الدوه ..ودسو ضاگت ريته
والأسَّس الهل واقعه..افته ابقتل ذريــته
بس فاطمه چانت حضن.. شابگته وامداريته
نسوانه ما چانن سند..نسوانه هدمن بيته

سم ابعسلهه
ركبت جملهه
چانت جُملهه..تصفية احمد
/\/\/\/\/\/\/\/\/\/\/\/\/\/\/\/\/\/\/\/\/
تعّبت حيدر هالمره..من عدهه حيدر شيّب
وهذا الجمل خلّف هزل..للسبي اخذن زينب
ابليس لو يمهه يجي..من عدهه هم يتعجب
عن هالنتانه اشگد حچي..ما ينتهي وما يُحسَب

حاربت مُصحف
مـــهّدت للطف
والحچي اشخلّف..تهديم مرقد
/\/\/\/\/\/\/\/\/\/\/\/\/\/\/\/\/\/\/\/\/
حسين حيدر اللامي

حَديثٌ مَعَ روح الامام العسكري (ع):

شُقّي طَريقَ الأَضلُعِ
ثُمَّ إلى اللهِ ارجِعـي
وكَلّميهِ..ما خَبّـأَت خُزانَةُ الدّمــاءْ
وأخبِريهِ..ذا أيُّ جُرحٍ عَرَجَ المَساءْ
/\/\/\//\/\/\/\/\//\/\/\/\/\/\/\/\/\/\/\/\/\/\/\/
إحچي إشفتي مابين الخلايه
مره محترگه واتطفي ابعبايه
لان عاشور اساس ابهالحكايه
خلايه الدم مشت بيهن سبايه

فَالسُّـــمُ مِرآةُ الأَلم
أساسُهُ حَرقُ الخيَم
وَ يَعتَريهِ..ضَعنٌ غَدى يَجوبُ في العَراء
وأخبريهِ..ذا أيُّ جُرحٍ عَرَجَ المَساءْ
/\/\/\//\/\/\/\/\//\/\/\/\/\/\/\/\/\/\/\/\/\/\/\
ارجــــعي الربچ البالنشأة يهــتم
واخذي إوياچ من العـــسكري دم
گــليلـــه امــنهد حرگ المــخيم
شكو معصوم طلعت روحه بالسَم

بِناسِهِم هيّا اخسفي
وَحاولي أَن تَعـصِفي
هيا إسأليهِ..هل هَكذا لِطيبكِ الجَزاء
وأخبريهِ..ذا أيُّ جُرحٍ عَرَجَ المَساءْ
/\/\/\//\/\/\/\/\//\/\/\/\/\/\/\/\/\/\/\/\/\/\/\/
گليله إجيت وبيه غصه
قصة مقتله مامنهه قصه
كلمن اخذ منصب واخذ حصه
وچبد العسكري مجسوم نصه

وَحاولي أَن تَصِلي
حَيثُ البَتولُ وَ عَلي
وَما يَليهِ..إحتَضِني عَطيشَ كَربلاء
وأخبريهِ..ذا أيُّ جُرحٍ عَرَجَ المَساءْ
/\/\/\//\/\/\/\/\//\/\/\/\/\/\/\/\/\/\/\/\/\/\/\/
گد ما تعب منهم سدهه عينه
مات وطاحت ابيوت المدينه
واحچي الربچ ابنبره حزينه
ابن الزهره ليش امسمّمينه

عَمّا جَرى فيهِ اشرَحي
فَالقَومُ قَطْ لا تَستَحي
تَلوذُ فيهِ..كُلُّ الوَرى وَيَدفَعُ البَلاءْ
وأخبريهِ..ذا أيُّ جُرحٍ عَرَجَ المَساءْ
/\/\/\//\/\/\/\/\//\/\/\/\/\/\/\/\/\/\/\/\/\/\/\
چان الحسن الهم خوش نعمه
مات وصار بالاسلام ثلمه
يروح العسكري مشهد الختمه
شفتي المهدي كض چبده ويشمه

فَالقَومُ صُنّاعُ الفِتَن
وَالسُّمُ دَفعٌ لِلثَّمَن
فَوَدّعيهِ..وَفي السَّماءِ أُنصبي العَزاء
وأخبريهِ..ذا أيُّ جُرحٍ عَرَجَ المَساءْ
/\/\/\//\/\/\/\/\//\/\/\/\/\/\/\/\/\/\/\/\/\/\/\
حسين حيدر اللامي