حسين حيدر اللامي

الانصار

صلو جماعه وفتحــــو القـــصه
گلهم حبيب اغتنمو هالفـــرصه
مو هُــمه اليعوفوه بعدين
هُم فتيةٌ ماتو على حسين
/\/\/\/\/\/\/\/\/\/\/\/\/\/\/\/\/\/\/\/\/\/
أَذّن حبيب إمن الصبح..حَيَّ على راس الرمح
وامفرع الراس
من ركضو ووگفو سوه..إتقفلن بيبان الهوه
عجبو العباس

گَلوله ما تسمع فقط كلمـــــة تم
الياذيك بحچايه وعلي إنرشه إبدم
چا هوه اذا مو بيك بيــــمن نهتم

كلمن گلب بيــــده اجا شايل
اخذو رِتَبهــــم من ابو فاضل
لو ردنه نوصفهم كلمــتين
هُم فتيةٌ ماتو على حسين
/\/\/\/\/\/\/\/\/\/\/\/\/\/\/\/\/\/\/\/\/\/
ركّز زُهَير إعله الرگب..فاس ويحب جمع الحطب
گصهم سِماطَين
يم رجله أَنَس يحچي إبهمس..ممكن نسد عين الشمس
واتباهه يحسين

مايعبر الطير اعله خيمـــات الضَي
راح اگلب الطف إيتسرسحلك مي
طلّگت لعيونك إعيالي وكــل شَي

نحيه ونموت إنضل الف مـــره
شمحلاهه من إنفـرّح الزهــره
وداعت الرد الشمس مرتين
هُم فتيةٌ ماتو على حــسين
/\/\/\/\/\/\/\/\/\/\/\/\/\/\/\/\/\/\/\/\/\/
احرورتنه منك ياصدگ..لنضربه رأسن يحترگ
نقبضلك ارواح
دونك ابد لا ما نضل..باب الگلب بيك انقفل
عندك المفتاح

ســـورك امين واحنه الك حرّاسه
اليگطع درب والزهره نگطع راسه
كلمة المعصوم اشكثر حـــسّاسه

مِنهُم عله حسين انقــضى نَحبه
منهم لبس فوگ الـــدرع گلبـه
جمله ونحطّهه إبين قوسَين
هُم فِتيةٌ ماتو على حســـين
/\/\/\/\/\/\/\/\/\/\/\/\/\/\/\/\/\/\/\/\/\/
گلوله يا دگة النبُض..نقذفهم السابع ارض
ريش ابحضن ريح
لا تحچي بس أشّر بعد..تلگه الوگع لله صعد
يا احلى تسبيح

احچي البگلبك احنه هم اخوانك
إنخلي الفرات ايسلم اعله السانك
الله الذي اختارانه الك صحبانك

هاليوم اجينه إبخدمة الســـاده
مانقبل الموته علـــى اوســاده
اكتب علينه إبدمعــــة العين
هُم فِتيةٌ ماتو على حســـين
/\/\/\/\/\/\/\/\/\/\/\/\/\/\/\/\/\/\/\/\/\/
گالوله يا خير العمل..مانتخذ ليلك جمل
نتخذك إعيون
وإمناوش المُرهَف حِله..يوم القيامه إبكربله
خل تفرح ام عون

يالعالجرح يـــتعافه لمّن تنحـــط
شنهي الفرات انجيب جواكم شط
جيش ال اميه اويه الانصار اتـورط

الجندي يقدم راسه وإيغمّض
عاشر محرمّ عالشمر ميفض
حته تگول الناس بعدين
هُم فِتيةٌ ماتو على حســـين
/\/\/\/\/\/\/\/\/\/\/\/\/\/\/\/\/\/\/\/\/\/
حسين حيدر اللامي

❤6

744 viewsحسين حيدر, 16:12