القصيدة:جاء الوعد

أداء:الرادود سيف المطيري
الرادود سجاد رائد

كلمات:حسين حيدر اللامي و
الميرزا علي عامر


https://youtu.be/TVDQKw0r35E?si=cl4ZuRBNZo2i4AAC

القصيدة:على دين ابو فاظل

أداء:الرادود مرتضى مهاوي العلياوي

كلمات : حسين حيدر اللامي

المحفل السنوي لهيئة العباس ع


https://youtu.be/g5_3_VG6kRY?si=VhtIsZr_c16A2V5f

القصيدة:دلوني بحسين

اداء: الرادودكرار الغراوي

كلمات:حسين حيدر اللامي


https://youtu.be/VhjoQ8Yok0Y?si=DHZtsRml2V9qsejn

القصيدة: يابو صالح

أداء:الرادود هشام الغراوي

كلمات: حسين حيدر اللامي



https://youtu.be/iw7ttnd-obs?si=FrMYAQes_VsmKJpz

لوفاة شيخ البطحاء ابي طالب ع:


ورث الكفاله ايصير ناقل
من ابو طالب لابو فاظل
الشيء المشترك مابين الاثنين
وگع بيت النبي وخيمات الحسين
/\/\/\/\/\/\/\/\/\/\/\/\/\/\/\/\/\
كفيلين ونبي ومعصوم واخيام
قريش احجارهم ودوهه للشام
موتت ابو طالب عام الآلام
وعلي مو ثلمه كسره ابظلع الاسلام

موت ابو طالب كسره لا ريب
وابحايط المسجد طلع شيب
ابسط شي حدث بعد الكفيلين
وگع بيت النبي وخيمات الحسين
/\/\/\/\/\/\/\/\/\/\/\/\/\/\/\/\/\
من طاح ابو فاظل والسبط حار
زينب للايتام احتاجت الغار
نفسه الموقف اويه النبي المختار
اتراب الگبر بارد والگلب حار

فاگد وطن رد من مشيته
ودم الگمر صابغ لحيته
لا كافل محمد لا ضوه العين
وگع بيت النبي وخيمات الحسين
/\/\/\/\/\/\/\/\/\/\/\/\/\/\/\/\/\
ابو طالب رئة وايوزع انفاس
غمّض وابو الزهره ايدگ على الراس
ابظهر عاشر عطش وامضاحك الناس
اتخيل شم اخوه ومات عباس

رجّال يبچي الموت رجّال
ظهر ابو اليمه صاير اهلال
ابفگدهم جمله حطهه ابين قوسين
وگع بيت النبي وخيمات الحسين
/\/\/\/\/\/\/\/\/\/\/\/\/\/\/\/\/\
من مات الكفيل ابلا خيارات
زينب وگفوهه إباب ساعات
شي ضربوه شي مصدوم شي مات
واكو اعليه انغمه من الحجارات

دم الضعن رش لون الاغروب
وراس الحسين ابرمحه مصلوب
اجه من الاجروح الصوت بعدين
وگع بيت النبي وخيمات الحسين
/\/\/\/\/\/\/\/\/\/\/\/\/\/\/\/\/\
ابو طالب دفنته وصوته مسموع
واجه من صدره يشلع حته الاضلوع
طاف اعله الگبر رشّا بالادموع
بقه من عمره شيب وگلب مشلوع

يتقاسم اجروحه الغميجه
بس علي والزهره وخديجه
كفيلين وعليهم سيّر البين
وگع بيت النبي وخيمات الحسين
/\/\/\/\/\/\/\/\/\/\/\/\/\/\/\/\/\
حسين حيدر اللامي

هَل انشَقَّ القَمَر..أَمِ الرأسُ انطَبَر
شهيدٌ فَانتَصر ..وداعاً ياعلي
///////////////////////////////////////////////
سلاماً يا أَمينَ اللهِ حَقّا
فَذا رَأَسُ السَّماءِ اليَومَ شُقّا
شَهيداً ساجِداً للهِ تَرقا
أتى الحزنُ عَليكَ البابَ دَقّا

الهٌ نَظَرَك..إليهِ قَبَظَك
وذا الكَونُ ارتبَك.. وداعاً ياعلي
///////////////////////////////////////////////
فَأَهلُ الغَدرِ لَم يُبقوا سلاما
مِنَ الآنِ لَقَد صِـــرنا يَتامى
وَقــالَ اللهُ فـــيكَ يا إماما
(فَيدعونــي قُعــوداً وَقياما)

(الذينَ يَذكُرونَ اللهَ قياماً وَقُعوداً)آل عمران ١٩١

وذا قَلبي نَزَف..إلى أرضِ النَّجَف
وَ باِلدّمعِ هَتَف …وداعاً ياعلي
///////////////////////////////////////////////
يَنوحُ العَرشُ أمّا الارضُ ضَجّه
لَساخَت أرضُنا مِن دونِ حُجّه
عَليٌّ ماتَ أم مــاتَتِ البَهجــه
أَعادَ العَنكَبوتُ الحُزنَ نَسـجَه

حَبيبٌ قَد رَحَل.. إذاً ماتَ الأَمَل
فَذا خَيرُ العَمَل …وداعاً ياعلي
///////////////////////////////////////////////
فَأَنتَ اخترتَ اصحابَ المَشاقِ
فَـخيرُ النّاسِ هُــم أَهلُ العِراقِ
فَــهُم أهلُ الأَمــانتِ الــوُثــاقِ
(إلى يَــومٍ تَلِفُّ الــساقُ ســــاقِ )

(وَالتَفَّتِ الساقُ بِالساقِ) ٢٩ القيامه

نِداءٌ يَعتَلي..على حُبِّ الوَلي
فَهيا قائِلي …وداعاً ياعلي
///////////////////////////////////////////////
مَعَ الصَّــــوتِ سرى اللهُ أَكبَر
يصيحُ الكُلُّ ماتَ اليَومُ حَيّدَر
فَكَم قَلبٍ حَزينٍ قَدْ تَكَسَّـــر
وَلَونُ الكَونِ رُعباً صارَ أَحـمَر

وَمضلوماً قضى..عَليُّ المُرتضى
وَ بِالفَوزِ حضى …وداعاً ياعلي
///////////////////////////////////////////////
حسين حيدر اللامي

مِن مِأزرك رد يعني كلشي واظح
صَـوائِحٌ تَتـبَعُها نَــوائِح
/\/\/\/\/\/\/\/\/\/\/\/\/\/\/\/\/\/\/
صح كل من على وجه الارض فان
بس العافية مرات بانسان
إثنين إتواردن وي جية الاذان
فَتحت راسك وفتحت القُرآن

من المحاجر دمع كله نازح
صَـوائِحٌ تَتـبَعُها نَــوائِح
/\/\/\/\/\/\/\/\/\/\/\/\/\/\/\/\/\/\/
نحبك ياعلي مابيك تقصير
رغيفك ساد احلوگ التنانير
يبو طيلة خلگ بس عمرك اگصير
طبرو راسك وسوينه تطبير

حته الورد لو كض ادينه جارح
صَـوائِحٌ تَتـبَعُها نَــوائِح
/\/\/\/\/\/\/\/\/\/\/\/\/\/\/\/\/\/\/
اذا تسأل علينه إبوين ما وين
تطيح افصوصنه ونردهه للعين
كرهنه الدنيه لمّن شفنه بعدين
دمك يابس اعله اخدود الحسين

يا متن ليش اعله المنيه طايح
صَـوائِحٌ تَتـبَعُها نَــوائِح
/\/\/\/\/\/\/\/\/\/\/\/\/\/\/\/\/\/\/
نزفت اخلاق چيف السيف چذاب
مادگينه ندري ايغثك الباب
ردنه اوياك ندخل جوه الاتراب
بس سيفين ما يتحمل اگراب

هالمره مِنه وموش إلنه رايح
صَـوائِحٌ تَتـبَعُها نَــوائِح
/\/\/\/\/\/\/\/\/\/\/\/\/\/\/\/\/\/\/
علي المروه مو تعلوم تعويد
توصلنه چنت قبل المواعيد
تصيح امنه منو وانگلهه اجه العيد
قديم اثياب لكن خبزك اجديد

خسرو الجنه وانته بيهه رابح
صَـوائِحٌ تَتـبَعُها نَــوائِح
/\/\/\/\/\/\/\/\/\/\/\/\/\/\/\/\/\/\/
حسين حيدر اللامي

لا حولَ ولا قوّةَ إلّا بالله العليّ العظيم
تَهَدّمَت والله أركانُ الهُدى💔

القصيدة:انخه علي

أداء:الرادود سيف المطيري

كلمات: حسين حيدر اللامي





https://youtu.be/raG_5qXg7FE?si=oJm6cx-8IDeywVoX

القصيدة:ليلة الوحشة

أداء:الرادود سيف المطيري

كلمات: حسين حيدر اللامي



https://youtu.be/t4FOSyf9n20?si=t-Zo6s_tzOvU0TVX

هدم قبور أئمة البقيع (ع):


يهل الجرح..هاكم جرح
شوفوله چاره
ازيارة عبد..بس من بُعد
هاي الزياره
/\/\/\/\/\/\/\/\/\/\/\/\/\/\/\/\/
احنه الاگلوب الجمرهن حاشه يبرد
وانتم اهل البيت بس ابلايه مرقد
الارض الكم لچن حقكم تفرهد
ياهو بيكم ينجرح نلبسله اسود

إنّا لَكُم..نشبع لطم
بينه حراره
ازيارة عبد..بس من بعد
هاي الزياره
/\/\/\/\/\/\/\/\/\/\/\/\/\/\/\/\/

هايه ام عباس نبچي اعليهه كلنه
غده عنهه الشر عسه بگبور اهلنه
التلطم اعله حسين هسه اتريد ونّه
وشو غريبه سيدة اهل المحنه

انتو الحُجج..يمتى الفرج
يمتى البشاره
ازيارة عبد..بس من بعد
هاي الزياره
/\/\/\/\/\/\/\/\/\/\/\/\/\/\/\/\/

والحسن المشبع الدنيه ابرغيفه
الياكل ابزاده ركض طيّح مضيفه
من بچينه اعرفنه طينتنه نضيفه
والثگيله ابچفه سواهه خفيفه

اصل الوعي..بيت النعي
الماله مناره
ازيارة عبد..بس من بعد
هاي الزياره
/\/\/\/\/\/\/\/\/\/\/\/\/\/\/\/\/
ابلوعة السجاد كلنه انموت حسره
الجمَّع اظلوع الهواشم شذره شذره
ثاري مو بس للخيم عباس كسره
الماله ابو فاظل يهدون اعله گبره

طاحت خيم..گبره انهدم
چانت اشاره
ازيارة عبد..بس من بعد
هاي الزياره
/\/\/\/\/\/\/\/\/\/\/\/\/\/\/\/\/
وين الامجازه الصبر جعفر على الهم
گبره متروك وشرايينه انملت سم
الباقر ولاشك بديهم گبره يُهدم
سابقاً طاح اعله عماته المخيم

كلشي وهم..انتو الاهم
كهف الحياره
ازيارة عبد..بس من بعد
هاي الزياره
/\/\/\/\/\/\/\/\/\/\/\/\/\/\/\/\/

حسين حيدر اللامي

القصيدة:ماتت قهر

أداء:الرادود هشام الغراوي

كلمات:حسين حيدر اللامي


https://youtu.be/IolxxunsXJQ?si=sSILC2AmDlGiFwAp

ميمر (ذو جناسات)

حتى انبياء المعبود..مرتبطه ويه المنبر
//////////////////////////////////////////
حيــيّ الــــمآتم و الخِـــدَم يا حـيّه
المات إعله حُب حسين خالد يحيّه
لمّـــن سِمــــع مجلس تِحَزَّم يحيى

من گبره فز يركض راح..لِلَّطمه صدره اتحضر

//////////////////////////////////////////
يم الحسين الدنيه حلوه و مُر يم
غيره، وتوَجّه بالخميـس و مُر يم
گبره،تشاهد عيســــى ويا مريم

مو نخلة هزّت شباچ..وبيرغ خذت للمحشر

//////////////////////////////////////////
إتراب اليطب للحضره يطلع ماسه
راس البـــچه چف ابو فاضل مسّه
الشگت بحر ســــواهه رايه موسى

بيّتهه يم العباس..وشدّلهه بيرغ اخضر

//////////////////////////////////////////
صوت النواعي يمشي وي كل آذان (جمع أُذُن)
داودد يدعـــي الله أأدخُــل إءذن
گام النــــــبي إبراهــيم بيهم أذّن

مِن كُلِ فَج جتي الناس..تبچي إعله مِلحه الغزَّر

//////////////////////////////////////////
اليمشي عدل بالخدمه وياه صلّح
گلبه،وتحوّل اسمه خادم صالح
وصلت المجلس تمشي ناقة صالح

طلبت تِرد لارض الشام..ويه الخِدر تتيَّسر

//////////////////////////////////////////
حسين حيدر اللامي

يكتمل كل انسان..بحب عيون السلطان
ريته تنشد..ابهوه مشهد
بحب عيون السلطان
___________________
مشهد كهف آمن..بيهه الضوه الثامن
يم گبة الضامن..اشگد راحه نفسيه

من تدخل ابصحنه..عبالك الجنه
يطلع صده منه..كل شده مگظيه

يبرد ابحبه اليحترگ..علي بن موسى
تريد الصدگ هذا الصدگ..علي بن موسى
بس واحد اليسوه العشگ..علي بن موسى
ياهوه ال بابه ندگ..علي بن موسى

يرتوي كل عطشان بحب عيون السلطان
ريته تنشد..ابهوه مشهد
بحب عيون السلطان
___________________
الزاره اعله حنيته..يحرس هله وبيته
زمزم يرد نيته..وايرتبه وايوفقه

اليم بابه يتوسل..معصومه تنطي حل
لا يتعب ويسأل..ختمو عله الورقه

عنده مناره عاليه..علي بن موسى
چنهه قطوفٌ دانيه..علي بن موسى
مي صحنه عذبٌ جاريه..علي بن موسى
الجنه يعني ما هيه..علي بن موسى

من فروض الايمان .. بحب عيون السلطان
ريته تنشد..ابهوه مشهد
بحب عيون السلطان
___________________
راء الرضا رسمه..ضاد الضوه ونجمه
الفٌ الف رحمه..تنزل على روحه

حددت انه الوجهه..للماكو من وجهه
وازياره ناتجهه..گلبي شفه اجروحه

تاج الملوك اعمامته..علي بن موسى
سبحان عطفه ورحمته..علي بن موسى
قل هل اتى مثله فته..علي بن موسى
مولاي واني بخدمته..علي بن موسى


نلگه سر الغفران بحب عيون السلطان
ريته تنشد..ابهوه مشهد
بحب عيون السلطان
___________________
بيت الگلب عرشه..وبدمي يتمشه
طير ولگه عشه..روحي اويه شباچه

راعي الشكو بهجه..والعاصي ميحرجه
ابتاج الرضا ايتوجه..
چي هوه ملّاچه

ارزقنا ربي ازياره ال..علي بن موسى
يمه الكَهِل يرجع طفل..علي بن موسى
لا ماكو بالدنيه مثل..علي بن موسى
شسمه العطف لو انسأل..علي بن موسى

آنه دومي ربحان.. بحب عيون السلطان
ريته تنشد..ابهوه مشهد
بحب عيون السلطان
___________________
حسين حيدر اللامي

بطاقة دعوة للاجناس..والعنوان وجداني
تعال انعرفك اعله حسين..تتحول بشر ثاني
________________________

تعال وشوف هذا الخير..جرّب واسلك ابنهجه
واليدخل عليه بذنوب..عادي حسين ميحرجه
متعمقين بيه ودوم..عله كل سالفه انورجه

دشوف اشحالنه امرتبه
سمار اوجوهنه ايحبه
رئيس إيدلل ابشعبه

غشيم الما يحب حسين..تلگا كلّش إيعاني
——————————————
گلبه ابيض مثل عباس..لمعة گبته مصداقه
وتره هوه الحزن هم ذوق..والطف اله ذوّاقه
يقبل حر جديد اتصير..والحر جابته اخلاقه

هذول احنه الفلا نبرد
عزيز اهدومنه الاسود
نريد جروح ماتنسد

ربينه اعله الخيم والجود..أَمّا الدنيه شي فاني

—————————————
اوازيدك عالشِعر ابيات..وانته اتخيل المنضر
احنه اعگالنه العباس..وانصاحب شكو منبر
اخذ من عدنه كلشي وعوف..بس حسين خط احمر

جرّب بالعزه اتعلق
وشوف اشلون تتوفق
امبيّن ذاكه هوه الحق

وابشرك تره الدنيه بخير..تعال اويانه شمتاني
—————————————
يسويك الحسين اهواي..من تنكسر يمه
اشوي
بحيث الدمعه من اتطيح..بالنسبه النه كائن حي
ومو احنه النعوف حسين..لو دگن اجراس الرّي

العزيز الما نمل ضيمه
من الخيمه للخيمه
ابصيف الله طلع غيمه

وراح تگول هذا حسين..يم الخير ودّاني
————————————-
احنه البسطاء اهواي..عدنه معرفه وفطره
وعلي لمّن يضكنه العوز..يمنه اتسيّر الزهره
محرم عدنه عِشره وزاد..مو ايام بس عشره

حمزه ويا شهر عاشور
شعر من كاظم المنظور
نسمعهن نحس بقصور

بعزاء الزهره طب لطام..عوف القاصي والداني
————————
حسين حيدر اللامي
2026/3/15