القصيدة:عيون الزهره

أداء:الرادود سيف المطيري

كلمات: حسين حيدر اللامي

المجلس الاسبوعي لمدرسة الرادو الحسيني الليالي الفاطمية الرواية الاولى


https://youtu.be/e0E_IEfEqP0?si=THqEMRhYNoY8-TMb

بابُ الأَسى وَ الأوْجاعِ
مِســمارُهُ في أَضلاعي

تَمَهَّلي تَمَهَّلي..يا فاطِمه هذا علي
////////////////////////////////////////////////
چانــت اتغطيــــچ إديه وهسه غطــاچ التـراب
حيدر اخلافچ يتيم إظلوعه هم عاصرهه بـــاب
الدنيه بين اعيوني صارت تشبه الوان الســراب
امقرحات إجفون عيــــني وطايح ابديرة عذاب

ذي زَينَبٌ زادَت هَـمّي
قالَت فَهَل رَحَلَت أُمي

هذا ندائي يَعتَلي ..يا فاطِمه هذا علي
////////////////////////////////////////////////
من بعد عشره ومشاعر فرگتچ صارت صدگ
هسه اصبح چفي بارد وانتي چـــفچ محترگ
أَمَّنــــت يـم باب گبرچ ضلــٰع لمّن نفتــرگ
والگبر مو مثـــل بابچ عالـــصدر ماينطبــگ

يا زَهرَتي وَسْطَ الدارِ
مَجروحَةً بِالمِسمارِ

بِكِ هُمومي تَنجَلي .يا فاطِمه هذا علي
////////////////////////////////////////////////
فاطمه ام روح العزيزه إشلون ضمّاچ اللحد
كل خظار اسنيني صحره وبالگبر دافـن ورد
مدّي إيدچ يالحنينه إچفوفي جاساهه البرد
عالگبر اوگف واسلّم والصده وحـــشه يرد

سارَ اللظى في الأَحشاءِ
أَحتاجُكِ يا زَهــــــرائي

وَالدَّمعُ يَشكو ما يَلي .يا فاطِمه هذا علي
////////////////////////////////////////////////
التارس الدنيه إبوجوده من عگب عينچ وحيد
حرب يــــفراگ الزچيه وحيدر الـطايح شهيد
حلم نتلاگه سويه وهالحـــلم اصبـــح بـعيد
اتكسرن بيبان گلبي واني الأمـليّنِ الـــــحَديد

أغدو كَسيراً بِالحَسره
ظاعَت مِنَّ الكَفِّ دُرّه

قَلبي الحَزينُ يَشكو لي .يا فاطِمه هذا علي
////////////////////////////////////////////////
حضّرت تابوت گلــــبي ودمعـــي يحفر بالگبر
جيتچ وقرآني بيـدي آنه وادمــــوعي الحـــمر
إشتاگت إعيوني الوگفتچ گومي خنصلي الفجر
جوهره ورحتي إمن إديه وراحت أحلام العمـــر

شَهيدَةُ البابِ الكَوثَر
لِفَقــدِكِ يَبكي حَيدَر

نادَيتُكِ لا تَرحَلي .يا فاطِمه هذا علي
////////////////////////////////////////////////
حسين حيدر اللامي

القصيدة: توجع هالخساره

أداء: الرادود حسين الكعبي

كلمات: حسين حيدر اللامي

المجلس الاسبوعي لمدرسة الرادود الحسيني
الليالي الفاطمية الرواية الاولى


https://youtu.be/kzjyxJ0W6vo?si=_ixt46HczkeJ_Uwn

القصيدة: آه إعليچ يافاطمة

أداء:الرادو هشام الغراوي

كلمات: حسين حيدر اللامي



https://youtu.be/x7vmI9q1r-o?si=wX84gjQYFOjfFHEN

غُربه ورايد موت..وانشال ابتابوت
هضم هضم هضم
لا طيَّب هالعيش..تتعوضين إبيش
هضم هضم هضم
/////////////////////////////
هاجر ناسي..وشيب ابراسي.. عفتي بگلبي كسره
امراية عمري..ماچنت ادري..ادفن بيدي عشره

مقلوعه روحه القالع الباب
معقوله هاي احرورة اصواب
ما دره اشماخذ مني الاتراب
يفراگچ الماحاطله احساب

آنه امتعب الخيل..رايد منچ حيل
هضم هضم هضم
تعبي وراسي الشاب..ايروح ابدفعة باب
هضم هضم هضم
/////////////////////////////
وي قرآني..لبيت احزاني..بيت احزاني يمچ
ابثوبي الاسود..ودمعي اعله الخد..ارتاح امن اكلمچ

يُستَحَب كل ما طب للگبور
انحني اشلون الضلعه مكسور
من غربة الايام مغدور
عصرة المحسن گلبي معصور

قبّاض الارواح..يم اترابچ طاح
هضم هضم هضم
ابسط ما ينگال..صاير ضهري اهلال
هضم هضم هضم

/////////////////////////////
غربة دربي..ولازم گلبي..دافن بيدي روحي
ميت دونچ..امغمضه اعيونچ..وامعاشر جروحي

ودعتچ و ودعت الاحلام
واعليه جارت هضم الايام
دمعاتي صارن مثل الايتام
والجفن مامتعود اينام

يانور المشكاة.. حيدر بعدچ مات
هضم هضم هضم
ذكره النه اتعوفين..رحه وسبحة طين
هضم هضم هضم

/////////////////////////////
صحره ارسومي..وجيش اهمومي..كل مغرب يجيني
عايش شلي..الموت احسلي..وايسكت ونيني

اليدفن خليله ايعيش محتار
چف ايده بارد والگلب حار
ابكل زاوية بالبيت تذكار
وادموع عينه ايصيرن انهار


البيده ايحرك الريح..هسه ابساع ايطيح
هضم هضم هضم
وي كل لحظه اشتاگ..وطبع الدنيه افراگ
هضم هضم هضم

/////////////////////////////
زهو ايامي..وروح احلامي..راحت من اديه
خضره اجروحي..ودافن روحي..ومدري اشباقي بيه

لو ساحب السيف امن الاگراب
چا مكه ضلت تحسب ارگاب
لا طاب عمري وكلشي لاطاب
عشرة عمر بس جوه الاتراب

والسر المَكنون..عايش بس مدفون
هضم هضم هضم
يا ضد النسيان..متروحين آذان
هضم هضم هضم

/////////////////////////////
حسين حيدر اللامي

القصيدة:بيت ينزف چنه عين

أداء:الرادود أمير التميمي

كلمات: حسين حيدر اللامي

المجلس الشهري لهيئة العباس ع مدرسة الرادود الحسيني



https://youtu.be/e0Sw5cWXW3g?si=kbtJmKcFJqz9SwcF

القصيدة:ذات يومٍ

اداء:الرادود احمد البغدادي

كلمات :حسين حيدر اللامي


https://youtu.be/7mT1rLl-4GY?si=ChD34MWXOGFoJ3Na

القصيدة:خمسة ليالي

أداء:الرادود علي سعيد العبودي

كلمات: حسين حيدر اللامي

المجلس الاسبوعي لمدرسة الرادود الحسيني



https://youtu.be/2iuUwp3d-x4?si=erCK-KnN-i_GH9lI

القصيدة:لاطيّب هالعيش

أداء:الرادود أمير الدراجي

كلمات: حسين حيدر اللامي

المجلس الاسبوعي لمدرسة الرادود الحسيني


https://youtu.be/VijAnxYGza4?si=e_9aoYvarEiUEp4n

ميمر لسيدة الفيوض الالهيه:

دين المُهج..وام الحُجج
إبعسرك تمد..خيط الفرج
الله يفك بابه إشلون..إبفتحة إعيون الزهره
/\/\/\/\/\/\/\/\/\/\/\/\/\/\/\/\/\/\/\/\/\/
إياكِ أعني واسمعي ياجارة
مجلس الزهره حلوه حيل آثاره
يلگه الرزق گدامه طب الداره

(واترش الخير إبماعونه)

يلفي الفرح..ضيگ انشرح
طوّل خلگ..واخدمهه صح
قسّم دمعتك نصين..مابين عِبرة وعَبرة
/\/\/\/\/\/\/\/\/\/\/\/\/\/\/\/\/\/\/\/\/\/
عدنه تجمع على گد مدمعنه
اسم الحسين ابكل عزه يجمعنه
ندفع دمع للجنه هم تدفعنه

(وحسين اليجمعنه بخيره)

الصدره يدگ..صاحب صدگ
وإيطفي باب..المحترگ
قال الامام المعصوم..ماتنطفي هالجمره
/\/\/\/\/\/\/\/\/\/\/\/\/\/\/\/\/\/\/\/\/\/
قانون منبرهه رسوم إعلينه
إبميدانهه كلمن وهوه وعينه
تدوّر تره وين ابو الدمعه الزينه

(يتغربل يلا يقبلونه)

اكبر درع..سيل الدمع
اليلطم يصيحوله..السبع

تلتقط شيعتهه الزين..والما خدمهه اتوخره
/\/\/\/\/\/\/\/\/\/\/\/\/\/\/\/\/\/\/\/\/\/
هاي المنابر زلم خشنه اتخلف
موش اعله دگ الطبل رجلينه اتخف
شط عدهه والبي زود كل شَي يغرف

(بس اشوي نيتك صفيهه)

إيضخ للگلب..هذا الدرب
وإيطيحه ليدوّر..غلب

باچر يصطره العباس..ليدوّر ازغر عثره

/\/\/\/\/\/\/\/\/\/\/\/\/\/\/\/\/\/\/\/\/\/
اتقوّي النضر دمعه التطيح ابغصه
هوه العمر ركضه استغل هالفرصه
عوف اليذمك هذا من گد نقصه

(من تهتم يبقى شگد يلهث)

الخدمه ذهب ..تسوه التعب
اليحچي فلا..لاح العِنب
افتح شليلك وامليه..واستنگي من يا شجره
/\/\/\/\/\/\/\/\/\/\/\/\/\/\/\/\/\/\/\/\/\/
اخدم وعوف اليرضه والما يرضه
شوف الفرق بين الحجر والفضه
موبيدهم يحچون والله مُرضه

(عاملهم كلمن گد عقله)

شلك غرض..بياهو انتفض
هو الله حط..بيهم مرض
اليكسر گلب خادم يوم..الله الي يكسر ضهره
/\/\/\/\/\/\/\/\/\/\/\/\/\/\/\/\/\/\/\/\/\/
حسين حيدر اللامي

القصيدة:بابُ الأسى

أداء:الرادود سليم الدريساوي

كلمات: حسين حيدر اللامي

المجلس الاسبوعي لمدرسة الرادود الحسيني



https://youtu.be/cg6aTMb__Hs?si=vY_vvSGQgbx7Jz4b

القصيدة:مساءُ الدماء

أداء:الرادود محمد الدراجي

كلمات: حسين حيدر اللامي

المجلس الاسبوعي لمدرسة الرادود الحسيني



https://youtu.be/V70V57vM9rs?si=K6i6j7x8V46dGARZ

مِن مُنطَلَق يا عقيل جِد لي مَرأة وَلَدَتها فُحول العَرب لام البنين ع:

إمن إعضيده طب.. زوجه طلب
من طينة إفحول..العرب
حته تِخلَف العباس..ويصبح عزيز الزهره
////////////////////////////////
كِتبَت عباره وعلّگتـــهه إبقوســين
فدوه تروح الدنيه لعيون حســـين
حاجب يضل ماتعله فوگاه العـين

إبكلشي رضت..وإشخلّفت
وين اليشد..حيله ودعت

حالي من حال الخدام..من عنده اطلب نضره
////////////////////////////////
شدت همم اربع ولد بحچايات
لا تَحسَبوا الذَّبو رِگبهم امـوات
جيبو عرش بلقيس للعلــويات

احنه الخَدَم..هُمّه الاَهــم
إشيحچي الأخو..گلوله تم

إفترو عليه إگلادات..وهوه إبوسطكم شذره
////////////////////////////////
أربع بواشـــط جابـــت و ما تحــتار
عدهه اليـصيحـوله ابو راس الــحار
ما يحچي يم حسين بس كلمة صار

هذا الگمر .. إينزل المطر
نافذ بصيره..والبصر

چا وينه سد ذو القرنين..خيشوف سد العتره
////////////////////////////////
التوفيق گللــهه أأدخُــل ياريــت
أم البنين أخذت گلب أهل البيت
ليهسه تسأل فاطمه هــل وفّيت

البوصــــله..لأي قافله
الشده تحلهه..إمعدله

كلشي أنطت العين حسين..وتصرخ بعدني إمقصره
///////////////////////////////
اول مره موقــفهه يــنحط عالـــراس
إيگلهه الحسين الراضيه ام الاحساس
مشكوره چــي خلفتي للــطف عباس

خوش إزلمه..بمخيّمه
إيشوفونه ..وايروح الضمه

الحمزه رجع وإبعاشور..بابنچ يعيد الكرّه
///////////////////////////////
گالت اريد إبكــــربله إتـــطير الروس
يم الخيم يوصل صدى طگة اضروس
وحته الهوه إبنص ملحمتكم محبوس

دورو الضحه..مثل الرحه
والقاده تقره..الفاتحه

ويحچي لسان التاريخ..عن ملحمتنه الكُبره
/////////////////////////////////////
حسين حيدر اللامي

القصيدة:فَوقَ الإمكانِ

اداء:الرادود هشام الغراوي

كلمات: حسين حيدر اللامي


https://youtu.be/9jP3uRKq1gY?si=5lrle2C8-FZMZCoR

أوبريت تُفاحة الخُلود

أداء:مدرسة الرادود الحسيني

كلمات:حسين حيدر اللامي

ولادة سيدة نساء العالمين فاطمة (ع)



https://youtu.be/r5zbaqTX8PY?si=3x8a3Napb85u_7Ct