اليقره ابوجه ضيفه اشضام ماضام
اعله نعشه مو بيارغ طشــو اسهام
چان البيته شريان
الحسن هم مات عطشان
/\//\/\/\/\/\/\/\/\/\/\//\/\/\/\/\/\/\/\/\/\/\/
مو خوش يوم إشلون اجـــه..بالگوه طر مصباحه
من يـــوم سد عينه الحسـن..زينــب فلا مرتاحه
التمو بني هاشم ســـوه..إنياحـــه تجـر إنيــاحه
وعباس من شاف النعش..بچفوفه كض اصفاحه

من سد باب عينه وخلّص انفاس
انكسر ضهر الحسين وشدّه عباس
اخوته كلهم احنان
الحسن هم مات عطشان
/\//\/\/\/\/\/\/\/\/\/\//\/\/\/\/\/\/\/\/\/\/\/
وحسين يحچي اويه الجسد..يكبر سنه ابكل خطوه
هالدنيه بـــعدك يالحسن..والله فلــــس ما تسوه
طب بيته وانوبه صـــرخ..زيــــنب دفنــــت الخوّه
شيبي ركض مثل الصـبح..شوفي ابدفنـــته اشسوه

تركض يمه من تسمعله اي صوت
وره فتره الحسن طبلهه تابوت
نعش بس حيل تعبان
الحسن هم مات عطشان
/\//\/\/\/\/\/\/\/\/\/\//\/\/\/\/\/\/\/\/\/\/\/
فرغت دواوين الــــعرب..والـــــطير طيّح عشه
صله الحسين اعله الجسد..هالليله ليـلة وحشه
وشّلت عينه اعله الگبــر..جي بالمـــــدامع رشّه
زينب عگب عين الحسن..يصحه نضرهه ويغشه

مشه وحته طريقه تيّهه امنين
رجع للبيت كله اتراب الحسين
دافن بيده قرآن
الحسن هم مات عطشان
/\//\/\/\/\/\/\/\/\/\/\//\/\/\/\/\/\/\/\/\/\/\/
سولف حسين ابدمعته..عن كربله وعالمقتل
گلتله زينــب يالأخو.. إبهالحاله ممكن أسأل
لو كسّر اضلوعك رمـح..وين اتجّـــه ما اندل
گللهه راح ابقه انتضر..أشريلي من فوگ التل

ابهالأثناء گلـــــهه ابفـــــرد موضوع
ابليل اهدعش رجعي ابصدري الاضلوع
لو غطّتهه تربان
الحسن هم مات عطشان
/\//\/\/\/\/\/\/\/\/\/\//\/\/\/\/\/\/\/\/\/\/\/
امشي اعله نگاط الدمه..خلي العيون اتدوّر
زينب ابداعت فاطمه..رجعي ابچفوفي الخنصر
اتلاگيني راح ابكل كتر..چي عالترب متطشر
حته الغيوم اتعسكرت..ماترضه يمچ تمطر

مصباح اهدعش يسبوچ للشام
وراچ اطبول وامتانيچ دمام
بشر مابيهم انسان
الحسن هم مات عطشان
/\//\/\/\/\/\/\/\/\/\/\//\/\/\/\/\/\/\/\/\/\/\/
حسين حيدر اللامي

القصيدة:هُم فتيَةٌ

أداء :الرادود أمير الدراجي

كلمات: حسين حيدر اللامي

مجالس العشرة الثالثه محرم الحرام
١٤٤٧هـ
مدرسة الرادود الحسيني
هيئة ساقي عطاشى كربلاء



https://youtu.be/VYOB4WGUAl8?si=KT4kZiFyYBX9SAXq

القصيدة: جروح ملفوفه بعبي

أداء:الرادود أمير الدراجي

كلمات: حسين حيدر اللامي

ليالي العشرة الثانيه محرم الحرام
١٤٤٧هـــ

موكب أمينة الله -بغداد


https://youtu.be/0_ntXXd9gGE?si=MrP9q7RAkes1Lbnb

حَديثٌ مَعَ روح الامام العسكري (ع):

شُقّي طَريقَ الأَضلُعِ
ثُمَّ إلى اللهِ ارجِعـي
وكَلّميهِ..ما خَبّـأَت خُزانَةُ الدّمــاءْ
وأخبِريهِ..ذا أيُّ جُرحٍ عَرَجَ المَساءْ
/\/\/\//\/\/\/\/\//\/\/\/\/\/\/\/\/\/\/\/\/\/\/\/
إحچي إشفتي مابين الخلايه
مره محترگه واتطفي ابعبايه
لان عاشور اساس ابهالحكايه
خلايه الدم مشت بيهن سبايه

فَالسُّـــمُ مِرآةُ الأَلم
أساسُهُ حَرقُ الخيَم
وَ يَعتَريهِ..ضَعنٌ غَدى يَجوبُ في العَراء
وأخبريهِ..ذا أيُّ جُرحٍ عَرَجَ المَساءْ
/\/\/\//\/\/\/\/\//\/\/\/\/\/\/\/\/\/\/\/\/\/\/\
ارجــــعي الربچ البالنشأة يهــتم
واخذي إوياچ من العـــسكري دم
گــليلـــه امــنهد حرگ المــخيم
شكو معصوم طلعت روحه بالسَم

بِناسِهِم هيّا اخسفي
وَحاولي أَن تَعـصِفي
هيا إسأليهِ..هل هَكذا لِطيبكِ الجَزاء
وأخبريهِ..ذا أيُّ جُرحٍ عَرَجَ المَساءْ
/\/\/\//\/\/\/\/\//\/\/\/\/\/\/\/\/\/\/\/\/\/\/\/
گليله إجيت وبيه غصه
قصة مقتله مامنهه قصه
كلمن اخذ منصب واخذ حصه
وچبد العسكري مجسوم نصه

وَحاولي أَن تَصِلي
حَيثُ البَتولُ وَ عَلي
وَما يَليهِ..إحتَضِني عَطيشَ كَربلاء
وأخبريهِ..ذا أيُّ جُرحٍ عَرَجَ المَساءْ
/\/\/\//\/\/\/\/\//\/\/\/\/\/\/\/\/\/\/\/\/\/\/\/
گد ما تعب منهم سدهه عينه
مات وطاحت ابيوت المدينه
واحچي الربچ ابنبره حزينه
ابن الزهره ليش امسمّمينه

عَمّا جَرى فيهِ اشرَحي
فَالقَومُ قَطْ لا تَستَحي
تَلوذُ فيهِ..كُلُّ الوَرى وَيَدفَعُ البَلاءْ
وأخبريهِ..ذا أيُّ جُرحٍ عَرَجَ المَساءْ
/\/\/\//\/\/\/\/\//\/\/\/\/\/\/\/\/\/\/\/\/\/\/\
چان الحسن الهم خوش نعمه
مات وصار بالاسلام ثلمه
يروح العسكري مشهد الختمه
شفتي المهدي كض چبده ويشمه

فَالقَومُ صُنّاعُ الفِتَن
وَالسُّمُ دَفعٌ لِلثَّمَن
فَوَدّعيهِ..وَفي السَّماءِ أُنصبي العَزاء
وأخبريهِ..ذا أيُّ جُرحٍ عَرَجَ المَساءْ
/\/\/\//\/\/\/\/\//\/\/\/\/\/\/\/\/\/\/\/\/\/\/\
حسين حيدر اللامي

القصيدة:يمطيح بيوت العرب

أداء:الرادود عيسى الشويلي

كلمات: حسين حيدر اللامي

ليالي العشرة الثالثه محرم الحرام١٤٤٧ مدرسة الرادود الحسيني
هيئة ساقي عطاشى كربلاء

https://youtu.be/XoKSPmyWhAU?si=SBJxCW5abdEjlTNZ

القصيدة:علي وليدي

أداء:الرادود ايهاب الخزعلي

كلمات: حسين حيدر اللامي

ليالي العشرة الثالثه محرم الحرام١٤٤٧ مدرسة الرادود الحسيني
هيئة ساقي عطاشى كربلاء




https://youtu.be/sPgUEqUJmk0?si=sPZ4JWRx_CSKOuJX

القصيدة:قصة تتبع قصة

أداء:الرادود علي الزيداوي

كلمات : حسين حيدر اللامي

العزاء المركزي الثالث لشهادة رسول الله (ص) هيئة العباس (ع)
مدرسة الرادود الحسيني



https://youtu.be/RD7BY3eWPMA?si=ufGCazND91hCkqvT

القصيدة:مقتل محمد

أداء:الرادود رضا الموسوي

كلمات: حسين حيدر اللامي

العزاء السنوي الثالث لاستشهاد رسول الله (ص)
هيئة العباس (ع) مدرسة الرادود الحسيني




https://youtu.be/iLosAlrULn8?
si=bWNXgjYWNLOexnc1

ن مُنطَلَق أَنها كانت تُخفي الالآم عن علي (ع)واولادها
تصويراً للحاله:

من اولادهه يرحون من يمهه
تمسح بابهه المتلطخ ابدمهه
/////////////////////////////////////////
مشهــــد يرعب وكل حيل يـتهدم
شاف حسين وجه الزهره شابع دم
تبچي ام الحسن والطگهه يتــبسم

حنينه هواي ياشيطان لاطمهه

/////////////////////////////////////////
طاحت عالارض طيحة حطب للنار
شهگت فاطمه من صابهه البسمار
يطگهه السوط حيل امنين ماتندار

والباب اعله حايط دارهم ضمهه

/////////////////////////////////////////
من كل صوب اجوهه وهجمو اعليهه
انهضمت فاطمه من حرگـــو ايديهه
ضل ايجيبـــهه الـــسوط وايــوديهه

ابجذع لاذت ونار الباب تلچمهه

/////////////////////////////////////////
مثل طبع الجِفِن لو راد يشبــگ عيـن
هيچ الباب طبـــگوه اعله أم حسـين
انــصطرت عينهه وحارت تروح الوين

صطرة عينهه ليهسه تهظمهه

/////////////////////////////////////////
راح ادخل حجــــرتي الفضه من گـالت
اذا خــف صوتي گولي ام الحسن ماتت
اهــــلاً يارســـول الله مـــن صـــاحت

اخذهه ابحضنه هادي الرحمه وايشمهه

/////////////////////////////////////////
طب للمغتـــسل حيدر علـي مقــــهور
مسح بچفوفه خدهه وشاهده مصطور
انصدم لمّن لزم بيـــده ضــلع مكسور

وبقه ابدمعات عينه من يكلّمهه

/////////////////////////////////////////
علي حَضّر نعشهه امحدّب وكبران
اول تالي يمشــي ابفاطـمه دفـان
بالتابـــوت شايل سورة الإنــسان

وروحه اتريد تطلع گوه لازمهه

/////////////////////////////////////////
يلطمون الحسن وحسين فوگ الراس
وزينـب شــــايله بيديــهه شَدَّة ياس
ابضهر حيــدر وسمعو ينحب العباس

رايح حيدره بالدفنه يكرمهه

/////////////////////////////////////////
زيــنب بالـــترايب مـدري شتــدَوّر
تسوي اوساده چيف الضلع متكسر
وحسين ابدمعته اهناكه متخوصـر

مشاعرهم تره بس الله يعلمهه

/////////////////////////////////////////
اهل البيـــت صلّو ليلة الوحشه
وعلي بدموعه گبر الطاهره رشّه
نعش الزهره شايل بيده لو نعشه

الترب من شوفة الاولاد يحرمهه

/////////////////////////////////////////
حسين حيدر اللامي

القصيدة:يُحكى أنها

أداء:الرادود هشام الغراوي

كلمات: حسين حيدر اللامي



https://youtu.be/erHko86_FbQ?si=R-hu4Vl-Yl6oTrK2

سَأحمِلُ صَمتي..إلى حَيثُ أنتي..وَأمضي كَسير
أَنا لَستُ قـــادِر..علــى أنْ أُكابِر.. فَحُزني كَبير
_____________________________
في قَلبي ســؤالٌ باتَ مُـــحتارا
كَيفَ أَدخَلو في الظِلعِ مِسمارا
ألا شُلَّت يَدا مَن أَشــعَلَ النّارا
وَ فَجَّرَ في العُيونِ سَبــعَ أنهارا

قَتيلٌ لَديكِ.. فَمُدّي يَـــدَيكِ.. بِكِ أَستَجير
أَنا لَستُ قادِر..على أنْ أُكابِر.. فَحُزني كَبير
_____________________________
سَأَسقي بِدُموعي دَكَّـةَ القَـــبرِ
مِنَ الأَسحارِ حَتى مَطلَعِ الفَجرِ
أَجيبيني أَفاطِمُ مَااْلذي يَجــري
فَهَل مُتُّ أنا أَم أَنتـــي لا أدري

فَقَلبي فَجيعُ.. وَلا أَستَطيعُ..بَلاكِ المَســير
أَنا لَستُ قادِر..على أنْ أُكابِر.. فَحُزني كَبير
_____________________________
فَقارِبُ حُزنِنا قُربَ الأَســى يُرسي
وَذي عَيناكِ تَشكو ضَربَةَ الرّجسِ
أَما كُنــــتِ بِــقُربي لَيلَةَ الأَمـسِ
عودي فَالنَّهارُ بِحاجَةِ الشَـــمسِ

حَياتي عَسيره.. بِفَقدِ الأمــيره..يَمـــوتُ الامير
أَنا لَستُ قـــادِر..علــى أنْ أُكابِر.. فَحُزني كَبير
_____________________________
حينَ أَصبَحَ فَرضُ الاسى واجِـب
أَتى يَبكي عَليُّ إبـــنُ أَبي طـالِب
أَسَدُ الله في الهَيجا غَدا غاضِب
بَعدَ الفَقدِ اغدو اشحَبَاً ناحِــب

الى الآبِدينا..سَأَبقى حَزينــا..بِجُرحِ الـــــظَمير
أَنا لَستُ قـــادِر..علــى أنْ أُكابِر.. فَحُزني كَبير
_____________________________
في كُلِّ الاَماكِنِ تَبقى ذِكــــراكِ
أَنسى روحي حينَ أَقولُ أَنساكِ
يُمنايَ تَحِــنُّ لِدِفئِ يُــــمناكِ
أيا دُرّاً أَفيقي أَينَ مَحـــــــياكِ

وَ مِسكُ الخِتامِ..عَلَيكِ سَلامي.. بِدَمــــعٍ غَزير
أَنا لَستُ قـــادِر..علــى أنْ أُكابِر.. فَحُزني كَبير
_____________________________
حسين حيدر اللامي

القصيدة:مكسور ولبيته رجع

أداء:الرادود حسن المالكي

كلمات: حسين حيدر اللامي




https://youtu.be/SQaNHl-2smM?si=Ggc-qyn5FOoS2-Xp

القصيدة:اول مهاجر

أداء:الرادود حسين السويعدي

كلمات: حسين حيدر اللامي



https://youtu.be/fBJ_Smk_k7I?si=yoW4PRkFvIZ9IWRL