القصيدة:علي يا مولاي

أداء:الرادود احمد الموالي

كلمات: حسين حيدر اللامي


https://youtu.be/fVluBSU4prg?si=HFM90isXhtYFAZfJ

القصيدة:رحت إبجنحانك

أداء:الرادود محمد السورميري

كلمات: حسين حيدر اللامي


https://youtu.be/TwBxRFoZztM?si=xJP-btk1_euz_raH

القصيدة:يالرايد نجاتك

أداء:الرادود محمد السورميري

كلمات: حسين حيدر اللامي


https://youtu.be/HvOIUDEi7q0?si=QHBqZolm2Nip0K2R

القصيدة:وجودي

أداء:الرادود سيف المطيري

كلمات: حسين حيدر اللامي


https://youtu.be/IAMm2hzdZWw?si=nKvbhbWkrctUwhN6

القصيدة:كلهه تريده

أداء:الرادود ايهاب الخزعلي

كلمات : حسين حيدر اللامي

المجلس الاسبوعي لمدرسة الرادود الحسيني





https://youtu.be/BKnu3V_aego?si=HYvF3UKL1fNcJkvX

للدفن:

وصل لاجل الدفن وادموعه بالعين
ولگاه اعله الوجه مگلوب الحسين
——————————————
يگــله يا ضـوه فانوس الاخــيـام
مثل ارموش عينك فوگك اسهام
من ذبحوك گطعو راس الاسـلام
المصابك مو گلب ينراد گلبيــن
—————————————
وگف لحظه وحچــه چلمه چـبــيره
سلام الله علــه شــيخ الـعــشـيــره
يبــويــه راح المــك بالـحــصـيــره
بقية جسمك الـــطاهر صفت ويـن

—————————————
صفن كلشي وحچت بالسكته الادموع
وحچي الگــلب ياعــالــم ممسمــوع
بـــقه بــيده يــلـم إبــاقي الاضــلـوع
ولگه چــبد الابو مگــســـوم نـصــين

—————————————
انكسر يـم الجســد ويعد بالاجراح
وذكر لـمَّن صـعد عالصـــدر ذباح
الحـوافـر ابـــد ما خَــلَّنه يــرتـاح
تناثر جسـمه من الدوس صوبــين

—————————————
من الصدمه صاح ابصوت مبحوح
اول مــره اشـوفك بويـه مـذبــوح
مــن النـوح رادت تطــلع الــروح
طير ويمشي مكســور الــجناحين

—————————————
حسين حيدر اللامي

ما بَينَ الغُبارِ وَ اقتِرابِ اللَّيـــل
شاهَدتُ أَبي تَعلوا عَليهِ الخَيل

جِسمٌ على الغبرا فاَرَقَ الروحا
آهٍ كَالأَضاحي مـــاتَ مَذبوحا
—————————————-
الـــقتل عاده النه نعـــرف والشـــهاده للأبـي
لكن اهـل البيــت احنه وما يلوگلـــنه السـبي
امدللات حسين ركضن نار مشتــــعله الـعبي
الچان ما ينشاف ضلهه شافهه اشچم اجـنبي


صِحتُ قُل أعوذُ وَبِرَبِ النّاسْ
مِن أَشرارِ قَومٍ قَتَـلوا العَباسْ

قَلبُ السِبطِ مِنهُ باتَ مَجروحا
آهٍ كَالأَضاحي مـــاتَ مَذبـوحا
—————————————-
التعب ماخذ كل مكانه ودم عله اوجوه الزغـار
ليل كل دنــيانه صارت كــسرو اضــلوع النهار
فجأة صارت دنيه صحره وعالنهر طاح الخـظار
الخــير نايم عله الغــبره واني ادري الرمل حــار

أَم حينَ هَوى في يَومِ عاشـــوراء
تَحتَ السِبطِ مَدَّت كَفَّها الزهراء؟

إبنُ العَرشِ هذا باتَ مَطــروحا
آهٍ كَالأَضاحي مــــاتَ مَذبـوحا
—————————————-
كلشي يركض يوم عاشر شاهدت عيني العجب
فوگ صدر حسين يسحگ كُلُّ مَن هَـبَّ وَ دَب
غَيّمَت غيمة بواچي ومطـــرت اعـــلينه تعب
مو بعثنه حسين رحمه ليش بالحومه انسـلب

زَينَب عَــمَّتي تَندُبُ وَسطَ البَر
شاهِد إبنَكَ المَذبوح يا حَيـدَر

ذا أَطـهَرُ دَمٍّ صــارَ مَـــسفـوحا
آهٍ كَالأَضاحي مــــاتَ مَذبـوحا
—————————————-
انذبحنه ابسيف فرگه امن المخيم للوريــد
اگبالي علوياتي كلـــــهن گيدوهن بالحديد
خاطبت عمتي الحنينه وما الي ناصر وحيد
شدّي راية ابو فاضل بلكي يرجع من جديد

آهٍ لَو يَرى هذا اباالفــــضَلِ
زَينَب تَلطِمُ الخَدَّ على التَّلِ

جِفنُ الال مِنهُ صارَ مقـــــروحا
آهٍ كَالأَضاحي مــــاتَ مَذبـوحا
—————————————-
آه يا شـيــخ العشـــيره تارك ابگلـــبي جــمر
اختلت احوال الطبيعه من گطع راسه الشمر
من سحگ هاي الحوافر ضهره طبگو بالصدر
ايعيــنه الله كل بنــاته اگــباله راحن لليــسر

في فَرضِ المَنايا وَ لظى العاشِــر
صَلّى فَوقَ صَدر ِالسِبطِ كَم حافِر

أَمّا جُرحُهُ بِالطَعنِ مَفــتوحـــا
آهٍ كَالأَضاحي مــــاتَ مَذبـوحا
—————————————-
حسين حيدر اللامي

حديث الاجساد
في مشهدٍ من خيال الشاعر، حين وصل الإمام السجاد (ع) للدفن، سمعت الأجساد الطاهرة وقع خُطاه بعد ثلاث ليالٍ من الوحشة، فدبّ فيها الأمل، ودار بينها حوار كالمشتاقات، تكلّمن كأنهن ينتظرن هذا المجيء منذ دهور:

من وين هذا النبضه محبوس
إتلگّنّه بلكت جايب الــــروس
متعودات تفتر يمـــنه الاسبـــاع
منو هذا لعيونه اتضــوي بالگــاع
///////////////////////////////////////////
إتلگـــنه گــومن يا جــثث..بالياعلي واســــم الله
خــل جثـــه ترسمله ســـهم..منا لَحَد عـــبدالله
غمضن شكو عدچن جرح..لوقـــام بــــينه وصلّه
يالسالمات إمن السحگ..وحسين ضل چم وصلّه

يدفنّـــه خـــلي أهـــنانه بعدين
بس عاده خيلم جسم الحسين
خلــي إبراحـته إيدور عـــله الضاع
منو هـــذا لعيـــونه اتضوي بالگاع
///////////////////////////////////////////
المشكله الروس ومشن.. چا صحنه بي وإنحذره
دم الضلـــع توّه يبــس..لنّـــوب يــــوگع صدره
اكثر بشر بالطف نــــزف..دفّــانه شنــهو إمأخره
يشبه السبحه التنگطع..كــض وذره تـــوگع وذره

طلّع سهــــم بحشاه مدفوع
معقوله هلگد ضايعه اضلوع
إيشم بيه ضل وإيشبگه كلســاع
منو هذا لعيونه اتضوي بالــگاع
///////////////////////////////////////////
مابيـــچن إتأشـــرن لعد..نـــزفن إلــــه ودلّنّه
وخــرن إذا منچـــن عبر..بعــدين خــل يدفنّه
خيشيل شيّال العلـم..چم عـــضم طالع مـنه
حلوه النعاوي اعله الجثث..امـشنّه خل نتدنه

عدنه اليطب گـاع النواويس
خل ينعه وين الونّه التجيس
يم كل جثه كون إنجيـــب جزّاع
منو هذا لعيونه اتضوي بالــگاع
///////////////////////////////////////////
مايبقـــه مطروح الحِمِــل..لا بُد أنِ إيشـــيلونــه
بس احنه من خلصو ذبح..جوه الشمس خلّــونه
تتذكرن حسين الضـــــهر..من نشف مي إعيونه
خيّطو خاصرته ابـــــرمح.. لمّن فزع لضعـــونه

تــطلع شمس وايرد الاغروب
ومحَّد يعدل حسين مگلـوب
على الباقين كون إيلحّگ إبـساع
منو هذا لعيونه اتضوي بالــگاع
///////////////////////////////////////////
شو كلّش اهتم بالــــدفن..مــــعقوله يهتم هلـگد
ياهي التعرفه إمن الجثث..خل تحچي ناقصنه الـرد
بي ريحة حسيـــن اشكثر..عــبدالله دمّه اعله الخد
بس لا ابن ذاك الـــــذي..سيــف اعله مگفاه انحد

إحتارينه كلـش ها يالاجساد
لتخافن الطب علي السجاد
چِنّه اهــــواي نسأل بينه أوجاع
منو هذا لعيونه اتضوي بالــگاع
///////////////////////////////////////////
حسين حيدر اللامي

القصيدة:دعوة عزاء

أداء:الرادود أمير الدراجي

كلمات: حسين حيدر اللامي

مجالس العشرة الاولى محرم الحرام
١٤٤٧هــ



https://youtu.be/Er2za6EPdOA?si=ADFaAXXAfDoEv3EV

القصيدة:سيرة حياتي

أداء:الرادود أمير علي الدراجي

كلمات: حسين حيدر اللامي

مجالس العشرة الاولى محرم الحرام
١٤٤٧هــ

https://youtu.be/mXSeW7q7szk?si=4QKjFLPsKalyttFO

القصيدة:بنتك واعرف تكليفي

أداء:الرادود أمير الدراجي

كلمات: حسين حيدر اللامي

مجالس العشرة الأولى محرم الحرام
١٤٤٧هــ

https://youtu.be/VzxgoiXIA4c?si=DI61S4BfsMXVyKvD

القصيدة: إستخارة ام البنين

أداء:الرادود أمير الدراجي

كلمات: حسين حيدر اللامي

مجالس العشرة الأولى محرم الحرام
١٤٤٧هــ



https://youtu.be/1XjoteHAFlM?si=ftllsWPNzpvfkLLY

القصيدة:إنَّ القلوبَ أَوعية

أداء:الرادود حسين الساعدي

كلمات: حسين حيدر اللامي

المجلس الشهري لهيئة العباس ع
مدرسة الرادود الحسيني



https://youtu.be/RsrfgrzhZBI?si=fEXu7FZ34St7Jb_g

إستشهاد الامام الحسن عليه السلام:

أَبعَث رساله و دَمعي سچاب
للباقي گبره إحجــاره وإتراب

العــنوان واحروفه بچن
مشتاگ ازورك يالحسـن
///////////////////////////////////////
يبو نعش اليضيّف اسهام—حته ابمـوتك إمعــزّب
ريح إفراكك إبهاليـــوم— مـن كل الــجهات إتهب
ضهر حسين أبو السجاد—لاجل إمصابك إمحدب
الما زاير شخص معصوم—رسائل إله إيظل يكتب

إبهذا المسه تبچيك كل عيـن
وإتدگ صدر خــدام الحسين

وإتصيــح هالليــله معـاً
مشتاگ ازورك يالحسـن
///////////////////////////////////////
رساله من گلب مكسور—إلى حضرة گلب ملچوم
إبتوقيع الدمع خطّـيت—واويلي عله المسموم
منعوك إبقرب جدك—تنام انته ومتت محروم
مضيف وتمشي فوگ الگاع—گبرك ليش ضل مهدوم

وإبهاي كلشي باقي يشهد
منعوك من جدك محمد

يالشَمَّة إترابــــك وطـن
مشتاگ ازورك يالحسـن
///////////////////////////////////////

شحلاهه لو الك مرقد.. وصحن متروس حنــيه
واجيك ابكل سنه مشاي..مـــثل الاربـعــينــيه
مجالس بالبقيع إتصير..نقره إهناك لطـــميـه
وتحضر فاطمه الزهراء.. تدگ عالضلع محـنيه

لَمََن ننوح إبكل مســــيه
نشفي كسر ضلع الزچيه

إتخايلته وإدموعي جـرن
مشتاگ ازورك يالحسـن
///////////////////////////////////////
حچولي الراحو الگبرك..وإدموعي إعله خدي إتزيد
ماخلّوهـــم إيــزوروك ..مـــولاي إلاّ مــن ابعــيـد
أَشهد أَنَّ هـذا اليـــوم..لاهل الكـــفر مـــثل العيد
وآنه الليـله يامـــولاي ..غـــير الدمــعه لامــــاريد

إبداعة حسين وكسر ضلعه
ترزقـــني يا مـــولاي دمعه

هالأمـنيه طــــول الزمـن
مشتاگ ازورك يالحـسـن
///////////////////////////////////////
مُعزّ المؤمنين إنته —كل أهل العدل سمّـــوك
شايل هيبة الهادي—لهذا أهل الكفر ســـمّوك
جرح أخظر إبعز الصيف—وإبديرة ملح عافـوك
هم بغضاً إبداح الباب—إبحقد أم الجمل غدروك

إبطشت المنيه إبليل وحدك
ومن الألم تقـذف إبچـــبدك

من بـــعد هاي المـــحن
مشتاگ ازورك يالحـسـن
///////////////////////////////////////
حسين حيدر اللامي

اليقره ابوجه ضيفه اشضام ماضام
اعله نعشه مو بيارغ طشــو اسهام
چان البيته شريان
الحسن هم مات عطشان
/\//\/\/\/\/\/\/\/\/\/\//\/\/\/\/\/\/\/\/\/\/\/
مو خوش يوم إشلون اجـــه..بالگوه طر مصباحه
من يـــوم سد عينه الحسـن..زينــب فلا مرتاحه
التمو بني هاشم ســـوه..إنياحـــه تجـر إنيــاحه
وعباس من شاف النعش..بچفوفه كض اصفاحه

من سد باب عينه وخلّص انفاس
انكسر ضهر الحسين وشدّه عباس
اخوته كلهم احنان
الحسن هم مات عطشان
/\//\/\/\/\/\/\/\/\/\/\//\/\/\/\/\/\/\/\/\/\/\/
وحسين يحچي اويه الجسد..يكبر سنه ابكل خطوه
هالدنيه بـــعدك يالحسن..والله فلــــس ما تسوه
طب بيته وانوبه صـــرخ..زيــــنب دفنــــت الخوّه
شيبي ركض مثل الصـبح..شوفي ابدفنـــته اشسوه

تركض يمه من تسمعله اي صوت
وره فتره الحسن طبلهه تابوت
نعش بس حيل تعبان
الحسن هم مات عطشان
/\//\/\/\/\/\/\/\/\/\/\//\/\/\/\/\/\/\/\/\/\/\/
فرغت دواوين الــــعرب..والـــــطير طيّح عشه
صله الحسين اعله الجسد..هالليله ليـلة وحشه
وشّلت عينه اعله الگبــر..جي بالمـــــدامع رشّه
زينب عگب عين الحسن..يصحه نضرهه ويغشه

مشه وحته طريقه تيّهه امنين
رجع للبيت كله اتراب الحسين
دافن بيده قرآن
الحسن هم مات عطشان
/\//\/\/\/\/\/\/\/\/\/\//\/\/\/\/\/\/\/\/\/\/\/
سولف حسين ابدمعته..عن كربله وعالمقتل
گلتله زينــب يالأخو.. إبهالحاله ممكن أسأل
لو كسّر اضلوعك رمـح..وين اتجّـــه ما اندل
گللهه راح ابقه انتضر..أشريلي من فوگ التل

ابهالأثناء گلـــــهه ابفـــــرد موضوع
ابليل اهدعش رجعي ابصدري الاضلوع
لو غطّتهه تربان
الحسن هم مات عطشان
/\//\/\/\/\/\/\/\/\/\/\//\/\/\/\/\/\/\/\/\/\/\/
امشي اعله نگاط الدمه..خلي العيون اتدوّر
زينب ابداعت فاطمه..رجعي ابچفوفي الخنصر
اتلاگيني راح ابكل كتر..چي عالترب متطشر
حته الغيوم اتعسكرت..ماترضه يمچ تمطر

مصباح اهدعش يسبوچ للشام
وراچ اطبول وامتانيچ دمام
بشر مابيهم انسان
الحسن هم مات عطشان
/\//\/\/\/\/\/\/\/\/\/\//\/\/\/\/\/\/\/\/\/\/\/
حسين حيدر اللامي