يا رسول الله..يا رسول الله
———————————
محمد من إجــانه إبـدين.. حاجب ما عله إعله العين
إسمع يلخدمت إحــسين..واعـرف عن نبـــيَّك زيـــن

يل تبچي إلمصاب أم عون.. مظبوطه صـــلاتـــك كون
وراك أَعـــداء يتـنــطـرون..بالـــخــدام يتشـــمتـــون

يا رسول الله..يا رسول الله

———————————
مصايب عدنه لا مو عيد.. ألحان الـــطرب ميــريد
أكو شـــمات مـن إبعيد..تِهَدم هــلخدامـه إتريــد

رســول اللة يريـــد أفعال .. ميريد القلت والـقال
وإعله الخدمه تربه أجيال..وبـــينه تنـضرب امثـال

يا رسول الله..يا رسول الله

———————————
كون ابگلبـــك النـــيه.. دمعه وصوت ولطميه
نواسي العمته مـسبيه..ونجري الدمعه لــيليـه

من الطـــف إخذ عِبره.. وعوف إترندك وشـهره
تره متــعرفك الزهــره.. وما تحصد رضه العتره

يا رسول الله..يا رسول الله

———————————
يل تخدم ابو الاكبر..أحفظ حرمة المـنبر
تره الصانه عدل يكبر..والما صانه يتعـثر

علمجلس غيور إتصير..عوف الكامره وتصوير
أبد ليهمك التشهير..من آل النـــبي التقـــدير

يا رسول الله..يا رسول الله

———————————
وحركات العزاء إتليق..مو تتمايل وتصـــفيق
حبك بلعزا تطبيق..من هل غفوه كون إتفيق

يا خادم تره الخدمه..تدلي اليــمشي لو أعمه
بقت بحساسي بس كلمه..إلٰهي أدم هلنعمه

يا رسول الله..يا رسول الله

———————————
🖊️:حسين حيدر اللامي

النبي والسيده الزهراء صلوات الله عليهم:

مادام ضل اخر نفس ..بيك ويلوّح موتك
خل افرش اعيوني دمع..واتمدد ابتابوتك

اتشوف لون العالم اسود
فاطمــه ابلايـــه محمـد
————————————————-
ضمني يمك .. ارد اشمك
اني فاطم بويه غطيني ابعباتك
يابو گلبي.. انكسر گلبي
شلون گدامي دنت ساعة وفاتك
فگدك ديره مال اجراح— هاي شلون وانسدهــه
باچر بس تغمض الـــعين—بنتـك ينــصطر خدهه

هيّه العلامه الفـــاصله ..من عينك الحد دمعي
بس ترحل ارسومك عَليّ..احسبني كسرو ظـلعي

يابو روحــي حــيلي ينهد
فاطمــه ابلايـــه محمـد
————————————————-
ياظوه العين .. رايح الوين
گلبك ابيض والخلگ نيّتهه سمره
ابعيني طوفان .. وگلبي نيران
هوه اليفارگ ابو ينكسر ضهره

مثل طبع النهر دمعي..شكد يجري لجن سكته
كلبي ايذوب شمعه ابخيط.. ونفخة صور احس دكته

أُشدد حيازيم الهجـــر..وخل اني اشد اجروحي
كلما ترف عينك احـس..يابويه تطلــع روحـــي
مــوت ثاني هــــذا ينعد
فاطمــه ابلايـــه محمـد
————————————————-
الدنيه هيمه .. وانته خيمه
إبفيّ حنانك وين ماريدن اسافر
ياكسرتي .. يا حسرتي
وين اروحن من بعد كل هالمشاعر

بعدني زغــيره يابويــه—ومو مالت هجــر تدري
ماكاسرني مــره ابيوم—شو هـسه انكسر ظهري

يالجاي من رب السمه..الـهاي العوالم نِعمـه
لو غـمضن اعيونك بعد..فاطـمه ابنيتك تعمه
هيه كـسره الله يــــشهد
فاطمــه ابلايـــه محمـد
————————————————-
انته دنياي .. شوفتك ماي
ماردت اي شي فقط ردلي ابسلامه
يعني معقول ..هجرك إيطول
سـاعة إفراگك مثل يوم القـــيامه

ابوجهك چم صباح الخـير— عيني ابشوفتك ترتاح
هجرك صيف مال افراگ— وآنه ابگـلبي الف فلاح

غيمة حزن مثل الجفن..وإمحَمّله إبأشجاني
مطرت دمع مثل الشمع..واتفطرن گيعــاني
والحــسافه بيــهه تـمتد
فاطمــه ابلايـــه محمـد
————————————————-
كلشي يبچي ..فدوه احچي
كل عذاب الدنيه طاح ابوسط عيني
لمَّن إتموت .. وتمشي تابوت
إهنانه هم لازم أگولن سَنّديني

هذا آخـــر كـــلام إوياك—وإتنـــام إنتـــه جوه أتراب
مقسومتلي بعدك هاي—إضلوعي إيطبعن اعله الباب


نتلاگه بالجــنه ونــضل..مابين حسره وكسره
وراح آني أدنگ هامتي..خافن تشوف الصطره
وبالبواچــي اعيوني ترمد
فاطمــه ابلايـــه محمـد
————————————————-
حسين حيدر اللامي

القصيده:رايح يروحي

أداء:الرادود محمد سلام المگصوصي

كلمات :حسين حيدر اللامي


https://
youtu.be/-6bBgsCbq0k?si=b4019sBGNPKDd2sP

بِالنّورِ يا شَمسَ الكرامَةِ فَاشهَدي
جاءَ الضياءُ السَّرمَديُّ السّـــؤدَدِ
قَد نادَتِ الفِردَوسُ مِن عَليـــائِها
أَهلاً وَ سَــــهلاً بِالنَّـــبيّ مُحَـــمَّدِ

حسين حيدر اللامي

القصيده: حسين اللازم ظهري

أداء: الرادود مصطفى التميمي

كلمات : حسين حيدر اللامي

https://youtu.be/FHwR4m2b8MU?si=EoD5I3fW0Qnab4Ec

أوبريت: بَيتُ محمد يُهدم

أداء: هيئة العباس (ع) مدرسة الرادود الحسيني

كلمات:حسين حيدر اللامي

عزاء استشهاد رسول الله (ص)


https://youtu.be/8WDk8nnwQvE?si=9r35s4jgjsvw9VlU

السيده الزهراء عليها السلام حين دخلت لقصر الطاغيه بدات بخطبتها:

احنه ناس اويه النجم عنوانهه
التركع إبچفنه إنسهه وجانهه
___________________
احنه شمس العافيه إبوكت البرد
احنه اصل الدنيه والبـــاقي سرد
سادة السادات عــــدنه من تعد
وبيدنه الدنيه ونحــــرك أوزانهه
___________________
راح اعدّدلك واريـــدنك تـــشوف
احنه خلينه النقاط اعله الحــروف
الكعبه تسعى الدارنه وبينه تطوف
چيف قسط اهل السمه وميزانهه

___________________
الله رازقنـــه خلــــگ كــلش طويل
إنعَدّل الدنيــــه إذا بيكـــم تميـــل
ايصير خير امن الله يم چفنه القليل
ووالدي الهاي الخلگ سلطانهه
___________________
انتم اصحــــاب الكفر والطــلقـاء
واحنه سمانه الله اصحاب الكساء
ناس مانعرف شنــــو معنه الفـناء
والحيا حبنه صبح شريانهه
__________________
حادّين وما تِـــحد حَدنه حـــدود
كلشي لامس چفنه يصعد للخلود
وإنته بس لا من نسل عاد وثـمود
اي أكيد وهم مثل كفرانهه
__________________
خاف ناسي وخاف ماعندك علم
أوصـــياء وبـــيدنه إنلوح النجم
الله شـــــاء الكون الــنه ينرسم
والسمه النه اصبحت بُنيانهه
__________________
حسين حيدر اللامي

ذاتَ يَومٍ جَلَسو الإِخـوه مَعَاً
سَأَلَ العَباسُ عَنْ أُمِ الحَسَن
حَدّثوني وَضعَها.. ما جَرى في ضِلعِها
صارَ يَسأَل..
\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/
يسأل العـباس وإدموعه جـــرن
ياهو گلولي كسر ضلع أُم حـسن
وإبخياله إيـريد يرجــع بالزمــن
من سؤاله الباب وإجذوعه بچن

زَينَبٌ قامَت لِكَي تَروي لَهُ
بَدَأَ العباسُ يَجــري دَمعَهُ
قِصَةٌ في بابِها .. ما جَرى في ضِلعِها
صارَ يَسأَل..
\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/
ذاكه باب العله صــدر أمي إنـــطبگ
إهنا بچينه إهنانه من خدهه إنصفگ
وأذكر إعله العتبه محسنهه إنســحگ
چف إديـــهه إبجـمـر وإبـنـار إحتـرگ

بَقيَت تَحتامُ خَلفَ البابِ
زُمرَةُ الكُفّارِ في الأَعتـابِ
أَكثَرو في ضَربِها .. ما جَرى في ضِلعِها
صارَ يَسأَل..
\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/
إنوب سولفله الحسن موقف صعب
گلــه داســـو بيـــتنــه وادم غــرب
ورجع صاح إبحسره وإدموعه تصب
ياهـو يرضــه اگبـاله أُمه تنــضـرب

بَعدَها صارَ الحُسَينُ قائِماً
لِلمُصيبه راويــاً وَمُكــمِلاً
مِكمِلاً لِجَرحِها .. ما جَرى في ضِلعِها
صارَ يَسأَل..
\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/
يابو فاظل من لزمت أمـي وبــچيـــت
فَزَّت وإيديهــه مــحــترگه نســيــت
إشگد دعيت أُمي تِظل وإشگد دعـيت
مــادريــت إتــروح منــي مــا دريــت

وَسَمِــعــنا صارِخاً بَعــدَ زَمَـن
ياعلي نَحي الحُسَينَ وَ الحَسَنْ
صِرتُ أَشكو رَبـها .. ما جَرى في ضِلعِها
صارَ يَسأَل..
\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/
من تجــر النفــس يلچــمهــه الـهـوه
أُمــنـه مــا تنــزف دمــه تنزف ظــوه
إهــوايــه حــاولــنـه نــدور عــن دوه
تالي مــاتــت وآنه كـل حــيلي خـــوه

لا يَزالُ الحُزنُ فينا مُنتَشِـر
نَحنُ نَبكي ظِلعَ أُمٍ مُنكَسِر
وَكَبيرٌ فَقدُها .. ما جَرى في ضِلعِها
صارَ يَسأَل..
\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/
🖊️:حسين حيدر اللامي

مكسور ولبيته رجع—يمشي وعله وجـهه وگع
حيدر عجيبه حالته—ما يحچي من گد الوجع
————————————————-
طب منقهر حيدر علي..للــدار وإيصــب الدمـع
حيله إنهدم لمن لگه ..فاطمته مكــسورة ظــلع
باوع عله خدهه وصرخ..من صرخته طاح الجذع
وجهچ مثل وجه السمه..وجه السمه هم ينصفع؟

وإهنانه زينب شبگته—مسحت دموعه وباسِته
وَدّعهه بــويــه نادته—ما يحچي من گد الوجع
————————————————-
راحو سوه للمغتسل..واعيــونهم ســكته جــرن
ابچفه لزم زينب علي..وحسين لازم چف حســن
غَسَّلهه وايصيح ابحزن..وينچ تره اعيوني انعـمن
ومن ايده مرت عالظلع..اهنانه وگف حته الزمـن

طگة ظلع منهه سِمَع—عاف الغسل لحظه ورجع
يبچي بقه اهواي وجِزَع —ما يحچي من گد الوجع
————————————————-
قالـــع الباب وخيــبــره.. الباب كاســرله گلـــب
نار ابوسط صدره بقت..چي بالگـبر دافنلــه حب
إيگولون من گد البچي..بدموعه مرشوش الـدرب
صاير يطيح اعله الوجه..الما طاح فد يوم ابحرب

لجله بچت اهل السمه—بدموعه غَسَّل فاطمه
صارت حياته مظلمه —ما يحچي من گد الوجع
————————————————-
كسرو ظلع للفاتحه..خد السماوات انصـــطر
باقي وحيد ابغربـــته..غربة نجــوم ابــلا گمر
وايلچمه طاري المگبره..وجفنه تِعَوَّد عالسهر
الكاسر اظهور المعركه..بفراگ ام بيــته انكسر

ظل تايه ابوادي الهجر—صيف وعليه شح الصبر
ظي عينه دافنهه ابگبر —ما يحچي من گد الوجع
————————————————-
عاش ابدنيته مختنــگ..چي هاجر وراح الــهـوه
اصبح مريظ ابعلِّتــه ..و أُم الحـــسن هــيه دوه
عطشان ظل بير الصبر.. يلهج باسمهــه وارتــوه
عاشو سوه ابعشرة عمر..چا لــيش ما ماتو سوه

يذكر حرگ جفهه ابجمر—ويذكر الباب وينعصر
ظاع الامل ظاع العمر —ما يحچي من گد الوجع
————————————————-
🖊️:حسين حيدر اللامي

ميمر مجنس
هيه الشفع هيه الوتر
..هيه القظا هيه القدر
كوثر عظيم ام حسين..واتحبهه كل الفقره
——————————————————
هاي الذي رب العرش علّاهه
ماكو ارض ماكو سمه لو لاهه
فاز الذي يمشي عدل وياهــه

اتشد الهمم الكل الخدم..
غيمه وتصب خير ونِعَم
نتوظه كون المفــروظ.. لو گـلنه اســم الــزهــره
——————————————————
جانت هـدية طـه هيــه الكــوثـر
گله اليـظدك شــانه هوه الابــتر
ماكو كفو لام الحسن بس حيـدر

گله تره بس حــيدره ..
الـــهه كفو وعالمقدره
فارس مظر داحي الباب هوه اليصون العشره
——————————————————
يوم الحشر بيديهه تحمل رايــه
اتصيح الخدم واتكافئ المشايه
نوگف حدرهه آيه وابصـف آيـه

الي لطم والي انتحب..
وبالخدمه شد حيله وتعب
باچر تجـــيه الزهـراء.. اتفرحــه وتــزيـــد قــدره

——————————————————
اليدخل عزاهه ودمعه طاحت منه
باچر تگله اوليــدي طــب للجنــه
انوب الخلـــگ تــتحسر وتتـــمنه

لو خادِمه يم فاطمه..
واتظل تحسده ارض وسمه
هذا اقل شي موجود..وقيس اعله هــاي الفــكره

——————————————————
باچر كتاب المعبر اعلـــه النيه
اكتاب الخدم چنه شعر لطميه
والجنه چن باب وعزه احسينيه

نظره غداً امن ام الحسن..
بينه تظل طول الزمن
مشكوره مولاتي اهواي..اموفقتني ابچــي وأقره

——————————————————
🖊️:حسين حيدر اللامي

القصيده :مرسال الهجر

اداء: الرادود جسام الكعبي

كلمات : حسين حيدر اللامي

https://youtu.be/TmjcgHvtus4?si=tccAxqxd3sgRibEY

فَمُــذ رَأوهــا عَـــصَروها عَــصره
حد ما وصلهم صوت ظلع الزهره

آه يا أُمَّ الحَسَن —آه يا أُمَّ الحَسَن
///////////////////////////////////////////////
كلشي اختلف امره..من سطرو الزهره
محسنهه عالغبره..واگع مــثل شذره

باب من اجذوع من دفعو علــيهه
مشتعل بالنار واحترگن ايـــديهـه
والنذل بيده صطر وجه ام ابيــهه

لكنـــهــا لاذت وراءَ البــــابِ
گالت اموت وما يطيح احجابي

آه يا أُمَّ الحَسَن —آه يا أُمَّ الحَسَن
///////////////////////////////////////////////
لالا مراعوهه ..چا ليش عصروهه
تتلوه خـلوهه.. والدار حرگوهــه

والعلي لــــو ما امر ذيچ الوصــيه
چان محد إيده مدهه اعله الزچيه
وچان محسن ماوگع سكته رميــه

مكسورةَ الاضلاعِ بَل مــــحنيه
من مات ابوهه اتغيرت موهيه

///////////////////////////////////////////////
حيدر يـــهل دمعه..چن منكسر ضلعه
عايش بقه ابفجعه..من شاهد الصفعه

چفه بارد لكن ابنص روحه الف نار
ينلچم كلما يشوف اگباله بســمار
إبيا گلب رايح يشوف اولاده الازغار

عَن مَوتِها لِلدارِ كَيــــفَ يَذهَب
گد ما حنينه يخاف يلچم زينب

آه يا أُمَّ الحَسَن —آه يا أُمَّ الحَسَن
///////////////////////////////////////////////
مدري شنو اتكسر..يمكن گلب حيدر
من يمشــي يتعثر.. عالفرگه مايـگدر

الأصعب امن الموت سئلو شنهو ابو اتراب
گال حيدر حيــــل يكـــتل فگد الاحـــباب
تفرش اعيونك ادمــــوع ابعتبـــة الـــباب

مُكتَئِبَـــاً باِلحُزنِ تَـــغدو مُفعَــــم
اتعيش ابحياتك مثل ضلع امهشم

آه يا أُمَّ الحَسَن —آه يا أُمَّ الحَسَن
///////////////////////////////////////////////
الرد الشمس مرتين..مارجَّع ام حسين
مكـسور الاجناحين..منه خذاهه البَين

يحچي وي سلمان وادموعه جِريه
گله يا عم فاطـــمه ماتـــت بديه
ابلحظه طبت دارنه سكته المـنيه

في قِصَّتي رَبُّ الجَلاله يَشهَد
كفّار هجمو عله بت محمد

آه يا أُمَّ الحَسَن —آه يا أُمَّ الحَسَن
///////////////////////////////////////////////
حسين حيدر اللامي

سَأحمِلُ صَمتي..إلى حَيثُ أنتي..وَأمضي كَسير
أَنا لَستُ قـــادِر..علــى أنْ أُكابِر.. فَحُزني كَبير
_____________________________
في قَلبي ســؤالٌ باتَ مُـــحتارا
كَيفَ أَدخَلو في الظِلعِ مِسمارا
ألا شُلَّت يَدا مَن أَشــعَلَ النّارا
وَ فَجَّرَ في العُيونِ سَبــعَ أنهارا

قَتيلٌ لَديكِ.. فَمُدّي يَـــدَيكِ.. بِكِ أَستَجير
أَنا لَستُ قادِر..على أنْ أُكابِر.. فَحُزني كَبير
_____________________________
سَأَسقي بِدُموعي دَكَّـةَ القَـــبرِ
مِنَ الأَسحارِ حَتى مَطلَعِ الفَجرِ
أَجيبيني أَفاطِمُ مَااْلذي يَجــري
فَهَل مُتُّ أنا أَم أَنتـــي لا أدري

فَقَلبي فَجيعُ.. وَلا أَستَطيعُ..بَلاكِ المَســير
أَنا لَستُ قادِر..على أنْ أُكابِر.. فَحُزني كَبير
_____________________________
فَقارِبُ حُزنِنا قُربَ الأَســى يُرسي
وَذي عَيناكِ تَشكو ضَربَةَ الرّجسِ
أَما كُنــــتِ بِــقُربي لَيلَةَ الأَمـسِ
عودي فَالنَّهارُ بِحاجَةِ الشَـــمسِ

حَياتي عَسيره.. بِفَقدِ الأمــيره..يَمـــوتُ الامير
أَنا لَستُ قـــادِر..علــى أنْ أُكابِر.. فَحُزني كَبير
_____________________________
حينَ أَصبَحَ فَرضُ الاسى واجِـب
أَتى يَبكي عَليُّ إبـــنُ أَبي طـالِب
أَسَدُ الله في الهَيجا غَدا غاضِب
بَعدَ الفَقدِ اغدو اشحَبَاً ناحِــب

الى الآبِدينا..سَأَبقى حَزينــا..بِجُرحِ الـــــظَمير
أَنا لَستُ قـــادِر..علــى أنْ أُكابِر.. فَحُزني كَبير
_____________________________
في كُلِّ الاَماكِنِ تَبقى ذِكــــراكِ
أَنسى روحي حينَ أَقولُ أَنساكِ
يُمنايَ تَحِــنُّ لِدِفئِ يُــــمناكِ
أيا دُرّاً أَفيقي أَينَ مَحـــــــياكِ

وَ مِسكُ الخِتامِ..عَلَيكِ سَلامي.. بِدَمــــعٍ غَزير
أَنا لَستُ قـــادِر..علــى أنْ أُكابِر.. فَحُزني كَبير
_____________________________
حسين حيدر اللامي

انتي مــن گد ما حنــينــه الله يحــبچ
ومن اجه البسمار ظيف انطيتي ظلعچ

اني اول مــره اشوفنــلي امـيــره
تملك الكون وتنام اعله الحصيره
////////////////////////////////////////////////////
حيره إويـاچ فاطــم شكــتب وشــقره
وإســمچ بالــعرش سلـطــانة الفقـره
هديه إمن السمه تسبيحه لاهل البيت
سمــاهه النــّبي تسبـيــحــة الـزهـره

دارت اعليچ القرون ودارت اسنين
وانتي مفتاح الخلق يا ام الحسين

يالزچيه وانتــي خيمــتنه الچبيره
تملك الكون وتنام اعله الحصيره
////////////////////////////////////////////////////
يالأسمـــچ دوه للمــا بــرد جرحــه
تفــريــن الفلــك وي فـرَّة الـرحّــه
كل هاي الكواكب والشمس والكون
خاطتهه السمه وسوتهه الچ سبـحه

انتي كوثر بــت محـــمد نبي العزّه
واشتريتي الدنيه كلهه ابكسر خبزه

والله حيره اشنوصفچ اي والله حيره
تملك الكون وتنام اعله الحـــصيره
////////////////////////////////////////////////////
اتزوجتي علي هالفخـر واشـكــبره
وخلّفتي الحسن وحسين يا گـمره
شجره وچن غصن متفرع العباس
هله ابطول ابو فاظل كبَّر الشجره

ابعالم الارحام صرتي وچن تحاچيه
فاطمه ابخدر العقيله چن توصــيه

ابو فاظــل يالزچـــيه كــله غيـره
تملك الكون وتنام اعله الحصيره
////////////////////////////////////////////////////
هاي المعــجزه وكل الكــرامـات
يمـچ مو ســره لزمن ســـراوات
سرب من الملائك تجي كل يـوم
ابعتبـة دارچ اتلـم الصـــلاوات

نهر فيظچ بالكرامه عابر الـنيل
وينزل ايردد سلامه الچ جبريل

عالمه ابسر السمه كــلش خبيره
تملك الكون وتنام اعله الحصيره
////////////////////////////////////////////////////
لو سئلوني ياهو اجمل الاسماء
اكيد ابلا منازع فاطمه الزهـراء
افديلچ نظر عيني وهلي والروح
ويرحولچ فده الاموات والاحياء

والي عنده حاجه يم دارچ تعنه
باب بيتچ بالكـرم متروس حـنه

للموده وللعلـــم صــرتي سفيره
تملك الكون وتنام اعله الحصيره
////////////////////////////////////////////////////
حسين حيدر اللامي

من اجه الليل وصفن كلشي وسكت
اجت زينب غطّت اخوتهه وبچـــت

وشبگت حسين إشعجب. شافته إهوايه نحب
\//\/\/\/\/\/\/\//\/\/\/\/\/\/\/\/\/\/\/\/\/\/\/\/\/\/\/\/\/\/
مشت للباب وتهل سكته الدمــع
الحسن شافاهه ومشيهه ينسمع
رجعي يا زينب صرخ بس منفجع
إهناك يا خويه يكسرولـچ ظـلــع

إتگله خويه مادريتــك گاعـد
أرد أروح أمسح الدم الجامد

ويه باب أمي عتب . شافته إهوايه نحب
\//\/\/\/\/\/\/\//\/\/\/\/\/\/\/\/\/\/\/\/\/\/\/\/\/\/\/\/\/\/
گعدت إويه الباب وإتسولف محـن
إتگله ليش إكسرت ظلع ام الحسن
ومن بچت خشباته كلهه إتحـركــن
ويه زيـنب ناحــن إهــواي وبــچـن

دائِماً تبـــچي وتون وإتنـــوحــهه
إمن الحزن والنوح طلعت روحهه

تدعي عالچان السبب . شافته إهوايه نحب
\//\/\/\/\/\/\/\//\/\/\/\/\/\/\/\/\/\/\/\/\/\/\/\/\/\/\/\/\/\/
دخلت الحجرتهه واتصيح ابكسر
يمه وينچ گومي خنصلي الفجــر
يمه خَلَّص گلــبي اذاني الـــصبر
أنه إزغيــره ويني ويـــن الــهجـر

والله مشتاگتلج آنه اهوايه
منتظرتچ تبچي المصـلايه

إنتي من روحي أَحَب . شافته إهوايه نحب
\//\/\/\/\/\/\/\//\/\/\/\/\/\/\/\/\/\/\/\/\/\/\/\/\/\/\/\/\/\/
چنه ندعي وبالــدعاء أگـعــد وراچ
ليش غفله الموت من إيدي خذاچ
هسه وحدي وگمت أتغطه إبعباچ
يمه مريــلي ابحلـم واخذيني هاچ

دمعي يهمل هسه وينچ ما تجــين
إهوايه يبچون الحسن وي الحسين

اسمچ ابدمعي انكتب . شافته إهوايه نحب
\//\/\/\/\/\/\/\//\/\/\/\/\/\/\/\/\/\/\/\/\/\/\/\/\/\/\/\/\/\/
ردت ألزم إيــدهه قــبل الوفــاة
فزت وصاحت إديه إمحرّگـــات
وشاهدتهه گوه گامـت للـصلاة
مو ظلع يمكن ظلوع إمكسرّات

صارت إتگوم وتخط گوه الجِدَم
ويه كل دمعه تطيح إيسـيل دم

وحقهه من عدهه إنسلب . شافته إهوايه نحب
\//\/\/\/\/\/\/\//\/\/\/\/\/\/\/\/\/\/\/\/\/\/\/\/\/\/\/\/\/\/
🖊️: حسين حيدر اللامي