إستشهاد الامام الحسن عليه السلام:

أَبعَث رساله و دَمعي سچاب
للباقي گبره إحجــاره وإتراب

العــنوان واحروفه بچن
مشتاگ ازورك يالحسـن
///////////////////////////////////////
يبو نعش اليضيّف اسهام—حته ابمـوتك إمعــزّب
ريح إفراكك إبهاليـــوم— مـن كل الــجهات إتهب
ضهر حسين أبو السجاد—لاجل إمصابك إمحدب
الما زاير شخص معصوم—رسائل إله إيظل يكتب

إبهذا المسه تبچيك كل عيـن
وإتدگ صدر خــدام الحسين

وإتصيــح هالليــله معـاً
مشتاگ ازورك يالحسـن
///////////////////////////////////////
رساله من گلب مكسور—إلى حضرة گلب ملچوم
إبتوقيع الدمع خطّـيت—واويلي عله المسموم
منعوك إبقرب جدك—تنام انته ومتت محروم
مضيف وتمشي فوگ الگاع—گبرك ليش ضل مهدوم

وإبهاي كلشي باقي يشهد
منعوك من جدك محمد

يالشَمَّة إترابــــك وطـن
مشتاگ ازورك يالحسـن
///////////////////////////////////////

شحلاهه لو الك مرقد.. وصحن متروس حنــيه
واجيك ابكل سنه مشاي..مـــثل الاربـعــينــيه
مجالس بالبقيع إتصير..نقره إهناك لطـــميـه
وتحضر فاطمه الزهراء.. تدگ عالضلع محـنيه

لَمََن ننوح إبكل مســــيه
نشفي كسر ضلع الزچيه

إتخايلته وإدموعي جـرن
مشتاگ ازورك يالحسـن
///////////////////////////////////////
حچولي الراحو الگبرك..وإدموعي إعله خدي إتزيد
ماخلّوهـــم إيــزوروك ..مـــولاي إلاّ مــن ابعــيـد
أَشهد أَنَّ هـذا اليـــوم..لاهل الكـــفر مـــثل العيد
وآنه الليـله يامـــولاي ..غـــير الدمــعه لامــــاريد

إبداعة حسين وكسر ضلعه
ترزقـــني يا مـــولاي دمعه

هالأمـنيه طــــول الزمـن
مشتاگ ازورك يالحـسـن
///////////////////////////////////////
مُعزّ المؤمنين إنته —كل أهل العدل سمّـــوك
شايل هيبة الهادي—لهذا أهل الكفر ســـمّوك
جرح أخظر إبعز الصيف—وإبديرة ملح عافـوك
هم بغضاً إبداح الباب—إبحقد أم الجمل غدروك

إبطشت المنيه إبليل وحدك
ومن الألم تقـذف إبچـــبدك

بس من بـــعد هاي المـــحن
مشتاگ ازورك يالحـسـن
///////////////////////////////////////
حسين حيدر اللامي

الاربعين:

راجعين..من بـعـد رحلة ذبح
راجعين..كل نحر شابگ رمح
إبحظني راس حسين چانت امنـياتي
حتــه مـــن الحر اغطيه إبــــعباتي
______________________
حطيت خدي اعله الرمح..بلكت يحاچي اضنوني
كلما سحب سوطه الشمر..رأســــن تفز إمتـوني
تيّهــت واني ام العــرف.. جيبو اليـــدلي إعيوني
يالنايمين إمن الـــذبـح..زيــنب أنه إتــسمعوني؟

وينكم..گومو خل نرجع سوه
وينكم..إبريتي دخّان وهــوه
ارد أشـــــوفن يا گبـــر بي ذكرياتي
حتــه مـــن الحر اغطيه إبــــعباتي
______________
مو اربعين اعله الفگد..ذن اربعيـــن اجروحي
ماسولف إبسب وشتم..آنه ارد اشم مذبوحي
يطلعلي من جوه الگبر..لو هسه تطلع روحـي
آنه جبل من الـــحزن.. وامهـدمات إسفوحي

يالأهل..بالسبـــي المدللــه
يالأهل..وهـسه طبت كربله
وين اخوي الي يغطـــي اربع جهاتي
حتــه مـــن الحر اغطيه إبــــعباتي
______________
كلهم غوالي المشــــكله..ياهـــو الاروح الگبـره
بس رايحه الذاك الگبر..بي ريحــــة امي الزهره
گبر الحسين أرد اسأله..هم بعده ينزف نـحـــره
مو عَبره خنگت صدري بس..الخـانگتني العشره

حايره..وصوتي الهم معتلي
حايره..يهلي گومو ابيا عـلي
يا ذبيــح إيگـــوم يســـتقبــل بناتي
حتــه مـــن الحر اغطيه إبــــعباتي
______________
مو مسألة آه وعتب..لا من شمر وإســيوفه
الحمد لله والشكر..رديــت ما مــــچتوفـه
بس المصيبه هالخدر.. كل البرايه إتـشوفه
ومن دون عباس الگمر..ابيا حاله اطب للكوفه

ساهره..عيني من درب السبي
ساهره.. إملطخه دم العـــبي
ردت جرح الي كفل خدري وحــياتي
حتــه مـــن الحر اغطيه إبــــعباتي
______________
ذبيت روحي اعله الگــبر..واتبــــدت الحنيه
يالساده گومو امن الچتل..هل ردت العلويه
محتاجه يسألني الكِفَل..اشبيه واشـــما بـيه
خاطر اگله ام الخدر..ردّت إلك مسبيـــه

كون اموت..واصعد السابع سمه
كون اموت ..واگعد ابفيّ فاطـمه
رايده الخنـــصر قبل ســاعة مماتي
حتــه مـــن الحر اغطيه إبــــعباتي
______________
حسين حيدر اللامي

خدام للمنبر..أنصار أبو الأكبر
أصواتنه نفخر..تعتلي
————————
خل يسمع الحاقد عدل لمن يصوب إسهامه
لجل الحــــسين وعيــلته الله خلق لـــطامه

نلطم ونبچي ونطبر ننـــصب إقــــرايه
نسحگ إخشوم النواصب نمشي مشايه

نفديه بالمنحر .أنصار أبو الأكبر
أصواتنه نفخر..تعتلي
————————
جنسيتي خادم وأفتخر وإموقعه إبلطميه
عنوان أهلنه والسكـــن تلگاني بحسينيه

هم فصيلة دمي تدري لو تدور زين
تنظر إبنص الهويه أو زائد حســين

كل هذا وأكثر .أنصار أبو الأكبر
أصواتنه نفخر..تعتلي
————————
إل يا عشيره تنتمي نفرظ إجه متسائل
أُم البنين المدرسه وآنه چبيري الكافل

آنه تاج الدنيه كلهه وأفتـخـــر يانـاس
حگي من أحچي وأفاخر خادم العباس

آذان قد كبر .أنصار أبو الأكبر
أصواتنه نفخر..تعتلي
————————
أجمل عطر أتنفـسه لمن أطب للـــحظره
يــم الحسين آنه عبد وأشتغل عند الزهره

يم حبيب إبنَ مُظاهر دفتر الأسماء
وبلقيامه التشفعلنه فاطمه الزهراء

وتسقينه الكوثر .أنصار أبو الأكبر
أصواتنه نفخر..تعتلي
————————
آل النبي ظحو إلي إبدم وعـــيال ومـنــحر
من الطفوف إتعلمت ماجامل إعله المنبرء

الخدمه هــم تبقـــه أمانه ورايـده حارس
إحروره كل إحنه خذينه من عشگ عابس

إبكل مجلس نحظر .أنصار أبو الأكبر
أصواتنه نفخر..تعتلي
————————
🖊️:حسين حيدر اللامي

يا رسول الله..يا رسول الله
———————————
محمد من إجــانه إبـدين.. حاجب ما عله إعله العين
إسمع يلخدمت إحــسين..واعـرف عن نبـــيَّك زيـــن

يل تبچي إلمصاب أم عون.. مظبوطه صـــلاتـــك كون
وراك أَعـــداء يتـنــطـرون..بالـــخــدام يتشـــمتـــون

يا رسول الله..يا رسول الله

———————————
مصايب عدنه لا مو عيد.. ألحان الـــطرب ميــريد
أكو شـــمات مـن إبعيد..تِهَدم هــلخدامـه إتريــد

رســول اللة يريـــد أفعال .. ميريد القلت والـقال
وإعله الخدمه تربه أجيال..وبـــينه تنـضرب امثـال

يا رسول الله..يا رسول الله

———————————
كون ابگلبـــك النـــيه.. دمعه وصوت ولطميه
نواسي العمته مـسبيه..ونجري الدمعه لــيليـه

من الطـــف إخذ عِبره.. وعوف إترندك وشـهره
تره متــعرفك الزهــره.. وما تحصد رضه العتره

يا رسول الله..يا رسول الله

———————————
يل تخدم ابو الاكبر..أحفظ حرمة المـنبر
تره الصانه عدل يكبر..والما صانه يتعـثر

علمجلس غيور إتصير..عوف الكامره وتصوير
أبد ليهمك التشهير..من آل النـــبي التقـــدير

يا رسول الله..يا رسول الله

———————————
وحركات العزاء إتليق..مو تتمايل وتصـــفيق
حبك بلعزا تطبيق..من هل غفوه كون إتفيق

يا خادم تره الخدمه..تدلي اليــمشي لو أعمه
بقت بحساسي بس كلمه..إلٰهي أدم هلنعمه

يا رسول الله..يا رسول الله

———————————
🖊️:حسين حيدر اللامي

النبي والسيده الزهراء صلوات الله عليهم:

مادام ضل اخر نفس ..بيك ويلوّح موتك
خل افرش اعيوني دمع..واتمدد ابتابوتك

اتشوف لون العالم اسود
فاطمــه ابلايـــه محمـد
————————————————-
ضمني يمك .. ارد اشمك
اني فاطم بويه غطيني ابعباتك
يابو گلبي.. انكسر گلبي
شلون گدامي دنت ساعة وفاتك
فگدك ديره مال اجراح— هاي شلون وانسدهــه
باچر بس تغمض الـــعين—بنتـك ينــصطر خدهه

هيّه العلامه الفـــاصله ..من عينك الحد دمعي
بس ترحل ارسومك عَليّ..احسبني كسرو ظـلعي

يابو روحــي حــيلي ينهد
فاطمــه ابلايـــه محمـد
————————————————-
ياظوه العين .. رايح الوين
گلبك ابيض والخلگ نيّتهه سمره
ابعيني طوفان .. وگلبي نيران
هوه اليفارگ ابو ينكسر ضهره

مثل طبع النهر دمعي..شكد يجري لجن سكته
كلبي ايذوب شمعه ابخيط.. ونفخة صور احس دكته

أُشدد حيازيم الهجـــر..وخل اني اشد اجروحي
كلما ترف عينك احـس..يابويه تطلــع روحـــي
مــوت ثاني هــــذا ينعد
فاطمــه ابلايـــه محمـد
————————————————-
الدنيه هيمه .. وانته خيمه
إبفيّ حنانك وين ماريدن اسافر
ياكسرتي .. يا حسرتي
وين اروحن من بعد كل هالمشاعر

بعدني زغــيره يابويــه—ومو مالت هجــر تدري
ماكاسرني مــره ابيوم—شو هـسه انكسر ظهري

يالجاي من رب السمه..الـهاي العوالم نِعمـه
لو غـمضن اعيونك بعد..فاطـمه ابنيتك تعمه
هيه كـسره الله يــــشهد
فاطمــه ابلايـــه محمـد
————————————————-
انته دنياي .. شوفتك ماي
ماردت اي شي فقط ردلي ابسلامه
يعني معقول ..هجرك إيطول
سـاعة إفراگك مثل يوم القـــيامه

ابوجهك چم صباح الخـير— عيني ابشوفتك ترتاح
هجرك صيف مال افراگ— وآنه ابگـلبي الف فلاح

غيمة حزن مثل الجفن..وإمحَمّله إبأشجاني
مطرت دمع مثل الشمع..واتفطرن گيعــاني
والحــسافه بيــهه تـمتد
فاطمــه ابلايـــه محمـد
————————————————-
كلشي يبچي ..فدوه احچي
كل عذاب الدنيه طاح ابوسط عيني
لمَّن إتموت .. وتمشي تابوت
إهنانه هم لازم أگولن سَنّديني

هذا آخـــر كـــلام إوياك—وإتنـــام إنتـــه جوه أتراب
مقسومتلي بعدك هاي—إضلوعي إيطبعن اعله الباب


نتلاگه بالجــنه ونــضل..مابين حسره وكسره
وراح آني أدنگ هامتي..خافن تشوف الصطره
وبالبواچــي اعيوني ترمد
فاطمــه ابلايـــه محمـد
————————————————-
حسين حيدر اللامي

القصيده:رايح يروحي

أداء:الرادود محمد سلام المگصوصي

كلمات :حسين حيدر اللامي


https://
youtu.be/-6bBgsCbq0k?si=b4019sBGNPKDd2sP

بِالنّورِ يا شَمسَ الكرامَةِ فَاشهَدي
جاءَ الضياءُ السَّرمَديُّ السّـــؤدَدِ
قَد نادَتِ الفِردَوسُ مِن عَليـــائِها
أَهلاً وَ سَــــهلاً بِالنَّـــبيّ مُحَـــمَّدِ

حسين حيدر اللامي

القصيده: حسين اللازم ظهري

أداء: الرادود مصطفى التميمي

كلمات : حسين حيدر اللامي

https://youtu.be/FHwR4m2b8MU?si=EoD5I3fW0Qnab4Ec

أوبريت: بَيتُ محمد يُهدم

أداء: هيئة العباس (ع) مدرسة الرادود الحسيني

كلمات:حسين حيدر اللامي

عزاء استشهاد رسول الله (ص)


https://youtu.be/8WDk8nnwQvE?si=9r35s4jgjsvw9VlU

السيده الزهراء عليها السلام حين دخلت لقصر الطاغيه بدات بخطبتها:

احنه ناس اويه النجم عنوانهه
التركع إبچفنه إنسهه وجانهه
___________________
احنه شمس العافيه إبوكت البرد
احنه اصل الدنيه والبـــاقي سرد
سادة السادات عــــدنه من تعد
وبيدنه الدنيه ونحــــرك أوزانهه
___________________
راح اعدّدلك واريـــدنك تـــشوف
احنه خلينه النقاط اعله الحــروف
الكعبه تسعى الدارنه وبينه تطوف
چيف قسط اهل السمه وميزانهه

___________________
الله رازقنـــه خلــــگ كــلش طويل
إنعَدّل الدنيــــه إذا بيكـــم تميـــل
ايصير خير امن الله يم چفنه القليل
ووالدي الهاي الخلگ سلطانهه
___________________
انتم اصحــــاب الكفر والطــلقـاء
واحنه سمانه الله اصحاب الكساء
ناس مانعرف شنــــو معنه الفـناء
والحيا حبنه صبح شريانهه
__________________
حادّين وما تِـــحد حَدنه حـــدود
كلشي لامس چفنه يصعد للخلود
وإنته بس لا من نسل عاد وثـمود
اي أكيد وهم مثل كفرانهه
__________________
خاف ناسي وخاف ماعندك علم
أوصـــياء وبـــيدنه إنلوح النجم
الله شـــــاء الكون الــنه ينرسم
والسمه النه اصبحت بُنيانهه
__________________
حسين حيدر اللامي

ذاتَ يَومٍ جَلَسو الإِخـوه مَعَاً
سَأَلَ العَباسُ عَنْ أُمِ الحَسَن
حَدّثوني وَضعَها.. ما جَرى في ضِلعِها
صارَ يَسأَل..
\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/
يسأل العـباس وإدموعه جـــرن
ياهو گلولي كسر ضلع أُم حـسن
وإبخياله إيـريد يرجــع بالزمــن
من سؤاله الباب وإجذوعه بچن

زَينَبٌ قامَت لِكَي تَروي لَهُ
بَدَأَ العباسُ يَجــري دَمعَهُ
قِصَةٌ في بابِها .. ما جَرى في ضِلعِها
صارَ يَسأَل..
\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/
ذاكه باب العله صــدر أمي إنـــطبگ
إهنا بچينه إهنانه من خدهه إنصفگ
وأذكر إعله العتبه محسنهه إنســحگ
چف إديـــهه إبجـمـر وإبـنـار إحتـرگ

بَقيَت تَحتامُ خَلفَ البابِ
زُمرَةُ الكُفّارِ في الأَعتـابِ
أَكثَرو في ضَربِها .. ما جَرى في ضِلعِها
صارَ يَسأَل..
\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/
إنوب سولفله الحسن موقف صعب
گلــه داســـو بيـــتنــه وادم غــرب
ورجع صاح إبحسره وإدموعه تصب
ياهـو يرضــه اگبـاله أُمه تنــضـرب

بَعدَها صارَ الحُسَينُ قائِماً
لِلمُصيبه راويــاً وَمُكــمِلاً
مِكمِلاً لِجَرحِها .. ما جَرى في ضِلعِها
صارَ يَسأَل..
\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/
يابو فاظل من لزمت أمـي وبــچيـــت
فَزَّت وإيديهــه مــحــترگه نســيــت
إشگد دعيت أُمي تِظل وإشگد دعـيت
مــادريــت إتــروح منــي مــا دريــت

وَسَمِــعــنا صارِخاً بَعــدَ زَمَـن
ياعلي نَحي الحُسَينَ وَ الحَسَنْ
صِرتُ أَشكو رَبـها .. ما جَرى في ضِلعِها
صارَ يَسأَل..
\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/
من تجــر النفــس يلچــمهــه الـهـوه
أُمــنـه مــا تنــزف دمــه تنزف ظــوه
إهــوايــه حــاولــنـه نــدور عــن دوه
تالي مــاتــت وآنه كـل حــيلي خـــوه

لا يَزالُ الحُزنُ فينا مُنتَشِـر
نَحنُ نَبكي ظِلعَ أُمٍ مُنكَسِر
وَكَبيرٌ فَقدُها .. ما جَرى في ضِلعِها
صارَ يَسأَل..
\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/
🖊️:حسين حيدر اللامي

مكسور ولبيته رجع—يمشي وعله وجـهه وگع
حيدر عجيبه حالته—ما يحچي من گد الوجع
————————————————-
طب منقهر حيدر علي..للــدار وإيصــب الدمـع
حيله إنهدم لمن لگه ..فاطمته مكــسورة ظــلع
باوع عله خدهه وصرخ..من صرخته طاح الجذع
وجهچ مثل وجه السمه..وجه السمه هم ينصفع؟

وإهنانه زينب شبگته—مسحت دموعه وباسِته
وَدّعهه بــويــه نادته—ما يحچي من گد الوجع
————————————————-
راحو سوه للمغتسل..واعيــونهم ســكته جــرن
ابچفه لزم زينب علي..وحسين لازم چف حســن
غَسَّلهه وايصيح ابحزن..وينچ تره اعيوني انعـمن
ومن ايده مرت عالظلع..اهنانه وگف حته الزمـن

طگة ظلع منهه سِمَع—عاف الغسل لحظه ورجع
يبچي بقه اهواي وجِزَع —ما يحچي من گد الوجع
————————————————-
قالـــع الباب وخيــبــره.. الباب كاســرله گلـــب
نار ابوسط صدره بقت..چي بالگـبر دافنلــه حب
إيگولون من گد البچي..بدموعه مرشوش الـدرب
صاير يطيح اعله الوجه..الما طاح فد يوم ابحرب

لجله بچت اهل السمه—بدموعه غَسَّل فاطمه
صارت حياته مظلمه —ما يحچي من گد الوجع
————————————————-
كسرو ظلع للفاتحه..خد السماوات انصـــطر
باقي وحيد ابغربـــته..غربة نجــوم ابــلا گمر
وايلچمه طاري المگبره..وجفنه تِعَوَّد عالسهر
الكاسر اظهور المعركه..بفراگ ام بيــته انكسر

ظل تايه ابوادي الهجر—صيف وعليه شح الصبر
ظي عينه دافنهه ابگبر —ما يحچي من گد الوجع
————————————————-
عاش ابدنيته مختنــگ..چي هاجر وراح الــهـوه
اصبح مريظ ابعلِّتــه ..و أُم الحـــسن هــيه دوه
عطشان ظل بير الصبر.. يلهج باسمهــه وارتــوه
عاشو سوه ابعشرة عمر..چا لــيش ما ماتو سوه

يذكر حرگ جفهه ابجمر—ويذكر الباب وينعصر
ظاع الامل ظاع العمر —ما يحچي من گد الوجع
————————————————-
🖊️:حسين حيدر اللامي

ميمر مجنس
هيه الشفع هيه الوتر
..هيه القظا هيه القدر
كوثر عظيم ام حسين..واتحبهه كل الفقره
——————————————————
هاي الذي رب العرش علّاهه
ماكو ارض ماكو سمه لو لاهه
فاز الذي يمشي عدل وياهــه

اتشد الهمم الكل الخدم..
غيمه وتصب خير ونِعَم
نتوظه كون المفــروظ.. لو گـلنه اســم الــزهــره
——————————————————
جانت هـدية طـه هيــه الكــوثـر
گله اليـظدك شــانه هوه الابــتر
ماكو كفو لام الحسن بس حيـدر

گله تره بس حــيدره ..
الـــهه كفو وعالمقدره
فارس مظر داحي الباب هوه اليصون العشره
——————————————————
يوم الحشر بيديهه تحمل رايــه
اتصيح الخدم واتكافئ المشايه
نوگف حدرهه آيه وابصـف آيـه

الي لطم والي انتحب..
وبالخدمه شد حيله وتعب
باچر تجـــيه الزهـراء.. اتفرحــه وتــزيـــد قــدره

——————————————————
اليدخل عزاهه ودمعه طاحت منه
باچر تگله اوليــدي طــب للجنــه
انوب الخلـــگ تــتحسر وتتـــمنه

لو خادِمه يم فاطمه..
واتظل تحسده ارض وسمه
هذا اقل شي موجود..وقيس اعله هــاي الفــكره

——————————————————
باچر كتاب المعبر اعلـــه النيه
اكتاب الخدم چنه شعر لطميه
والجنه چن باب وعزه احسينيه

نظره غداً امن ام الحسن..
بينه تظل طول الزمن
مشكوره مولاتي اهواي..اموفقتني ابچــي وأقره

——————————————————
🖊️:حسين حيدر اللامي

القصيده :مرسال الهجر

اداء: الرادود جسام الكعبي

كلمات : حسين حيدر اللامي

https://youtu.be/TmjcgHvtus4?si=tccAxqxd3sgRibEY

فَمُــذ رَأوهــا عَـــصَروها عَــصره
حد ما وصلهم صوت ظلع الزهره

آه يا أُمَّ الحَسَن —آه يا أُمَّ الحَسَن
///////////////////////////////////////////////
كلشي اختلف امره..من سطرو الزهره
محسنهه عالغبره..واگع مــثل شذره

باب من اجذوع من دفعو علــيهه
مشتعل بالنار واحترگن ايـــديهـه
والنذل بيده صطر وجه ام ابيــهه

لكنـــهــا لاذت وراءَ البــــابِ
گالت اموت وما يطيح احجابي

آه يا أُمَّ الحَسَن —آه يا أُمَّ الحَسَن
///////////////////////////////////////////////
لالا مراعوهه ..چا ليش عصروهه
تتلوه خـلوهه.. والدار حرگوهــه

والعلي لــــو ما امر ذيچ الوصــيه
چان محد إيده مدهه اعله الزچيه
وچان محسن ماوگع سكته رميــه

مكسورةَ الاضلاعِ بَل مــــحنيه
من مات ابوهه اتغيرت موهيه

///////////////////////////////////////////////
حيدر يـــهل دمعه..چن منكسر ضلعه
عايش بقه ابفجعه..من شاهد الصفعه

چفه بارد لكن ابنص روحه الف نار
ينلچم كلما يشوف اگباله بســمار
إبيا گلب رايح يشوف اولاده الازغار

عَن مَوتِها لِلدارِ كَيــــفَ يَذهَب
گد ما حنينه يخاف يلچم زينب

آه يا أُمَّ الحَسَن —آه يا أُمَّ الحَسَن
///////////////////////////////////////////////
مدري شنو اتكسر..يمكن گلب حيدر
من يمشــي يتعثر.. عالفرگه مايـگدر

الأصعب امن الموت سئلو شنهو ابو اتراب
گال حيدر حيــــل يكـــتل فگد الاحـــباب
تفرش اعيونك ادمــــوع ابعتبـــة الـــباب

مُكتَئِبَـــاً باِلحُزنِ تَـــغدو مُفعَــــم
اتعيش ابحياتك مثل ضلع امهشم

آه يا أُمَّ الحَسَن —آه يا أُمَّ الحَسَن
///////////////////////////////////////////////
الرد الشمس مرتين..مارجَّع ام حسين
مكـسور الاجناحين..منه خذاهه البَين

يحچي وي سلمان وادموعه جِريه
گله يا عم فاطـــمه ماتـــت بديه
ابلحظه طبت دارنه سكته المـنيه

في قِصَّتي رَبُّ الجَلاله يَشهَد
كفّار هجمو عله بت محمد

آه يا أُمَّ الحَسَن —آه يا أُمَّ الحَسَن
///////////////////////////////////////////////
حسين حيدر اللامي