أذنب والگه خيرك جاي للبيت
يالمــغرگني مــن كوثر حنانـك

وتسامحني إشكثر —— يقرآن الفــجر
——————————————————
انـــي ذرّه—وانته حضـره
وگبه مخطوطه إبقلم رب العـــباد
لا متطرد—يـمك اگـصد
مجلسك يشطب عله إذنوبي إبسواد

متحملني اهــواي —يل ما شارب مــاي
شابع جيش اسهام—شنــجازيك إبــهاي

اعوفن دربك وهــم امشي لبعيد
وارد والگه إبدفو إتحضّر مكانــي

بَحر من الصبر — يقرآن الفــجر

——————————————————
ياهو مثــلك—سال دمك
وزعت جسمك على احلوگ السيوف
تنطي الاكبر —تنطي اكثر
إمسلّبه اثيابك لچــــن ســـاتر الوف

گلي إنروح الوين — لو عفناك احسين
عميان وصحناك —وافتحتلنه العـين

الشمس منريدهه وانته الضوه الزين
خل الـشمس تنزل وانتـــه اصــعــد

يوالدنه الذخر—يقرآن الفجر

——————————————————
يا حنـــانك—يـا امـــانـك
شيخ ومغطي السلف كل الجهــات
على ايتامك—على اخيامك
لحد هاي الساعه دم يبجي الفرات

صبرك ماله احدود—من شفت العامـود
طر راس الوفّــاي — ومايه اتبده الجود

ذبح عبدالله نبلة عين عباس
كل هذا تقدمه ابلا مقــابل

وتقدملي العُمر — يقرآن الفجر

——————————————————
إنته عِبره—إنته عَبره
إنتــه منـــحر مـــحتــقر ذبّـاحه
حيره عاشر—طبع حافر
ليش مثــلك ينــزف إمن اصفاحه

صدرك نجمه وليل—ليش اتدوسه الخيل
كلهه اسيوف ارماح—گامـــت بيك اتعيل

يل إمبچيني زيد حرگتي إعليك
وبمـشّايــتك سـجّلنــي زايــر

وتخليني افتخر —يقرآن الفجر

——————————————————
إبموتي تحضر—يبو الاكبر
وحشه گبري وخايف إيطول الحساب
وتبقه يمــي — تجلي همّي
وانته بيدك خـــــتم توقيــع الكــتاب

ضلمه وشع النور— لو بيّن عاشـور
بالبرزخ انعــــاك— دمك بيه إيفور

احبك يا ابو الكل اليخدمون
واليخدم عزائـك عالي شانه

مثل نسمه وتمر—يقرآن الفجر

——————————————————
🖊️—حسين حيدر اللامي

رَأى الخَليلُ مَشهَداً عَظـــيمْ
نــادى بِحُـزنٍ إنَّــني سَقــيمْ
فَعينهُ لَيسَت كَأَيِّ عَين..كانَت تُشاهِدْ مَذبَحَ الحُسَين
/////////
من نضر نضره اعله السمه..بالگوه جر أنفاسـه
إنــي سقيمٌ ناده بس .. من عنده راحت ناسـه
مشهد كئيب الشاهده.. حيله انكسر واحساسه
شاف الحسين ابكربله ..والـــشمر گاطع راســه

في نَضرَةٍ صامَ عَنِ الكَلامْ
تَكَــلَّمَ اللَّهيـبُ في الخيامْ
هَل يُعقَلُ الصَبرُ لِمُقلَتَين ..كانَت تُشاهِدْ مَذبَحَ الحُسَين
/////////
شاف الحرم يتراكظـن..عطــشانه تشبگ ثـــكله
واهنا ذكر هاجر لمـن.. بالوادي صــارت رحــله
امن المروه ركضت للصفا..تبحث المي الطفـله
بس زينب اهنانه اركضت..مــن الخــيم للـتلــه

أَم حِينَ صارَت إبنَةُ الصِراط
كَكَعبَةٍ تَطـــوفُها الـــسياط
لا تَدريَ النّساءَ تَهفو أَين ..كانَت تُشاهِدْ مَذبَحَ الحُسَين
/////////
گدامه هجمو عالخـــيم..والـــنار صــارت كـــبـره
حرگت شكو امدلل ركض.. وام عون سحگت جمره
والريح مـختاظـــه اجت ..والــدنيه صارت حمــره
چي خيل اميـه اتوجــهت..لحسين داســت صــدره

صارَت تَبُثُّ الحُزنَ والدموع
بِقَدرِ ما تَكَـــسَّـرَت ظُـــلوع
دمعاتها كَأنَّها اللُجَين ..كانَت تُشاهِدْ مَذبَحَ الحُسَين
/////////
شاف الكسوف ابنضرته.. وانحبسن اهنا الانفاس
سـاد الهــدوء ابكــربله..معــناهه طاح العبـاس
فرهود صاحو عالگــمر ..والتمــو اعــليه الـناس
معنى الكسوف الشاهده..بالعمد مهشوم الـراس

رَأى خُيولَ الكُفرِ وَ الأُلـــوف
تَعلوا عَلى العَباسِ بِالسُيوف
تِلكَ التي شاهَدَت اليَدَين ..كانَت تُشاهِدْ مَذبَحَ الحُسَين
/////////
شاف الضياع اهنا لمن..شـــاف الخدر مـحترگه
گدامه طلعت چــم مره..مــن الخيم مختنــگه
صوت التعب ضل ينسمع.. مابين دمعه وشهگه
واليعثر اگبال الـــعدو.. خيـــل ال اميه اتسحگه

مِن بَعدِها قَد أَحظَروا الحِبال
لِكَي يَشُّدّوا مَعــصَمَ الــعيال
وَ الاصعبُ مابَين جانبَين ..كانَت تُشاهِدْ مَذبَحَ الحُسَين
/////////
حسين حيدر اللامي

كُتِبَت على هذه الروايه👇🏻النبي ابراهيم عليه السلام

علي ابن محمد رفعه عن الصادق عليه السلام
في قوله تعالى(فَنَظَرَ نَظرَةً في النُّجُومِ فَقَالَ إِنّي سَقِيمٌ)
قال :حسب فرأى ما يحل بالحسين (عليه السلام)فقال
إني سقيم بما يحل بالحسين عليه السلام.

شرح اصول الكافي —مولي محمد صالح المازنداني
ج١٢–ص ٢٢

صلى الله على امير المؤمنين:

بِالعَدلِ ذا أصبَحتَ سَيفاً قاطِعاً
لِرِقابِ أهلِ الشِركِ وَ الطُغيــانِ

فَتَشتُ عَــــن شَئٍ يَلــيقُ بِحَيدَرٍ
فَـــلم يَـــلِقْـهُ مــا ســوا الآذانِ

روحُ النّــبيّ زَوجُ فــاطِــمَــةٍ وذا
أسَدٌ أُجـــامٌ جــامِــعُ الــقــرانِ

نَهجُ البلاغةِ وَ الكـمالُ بِنَهــجــهِ
نَثــرُ اللألئِ مُـــجمَــلُ الأيمــانِ

قَدْ صارَ لِلإِسلامِ حِصناً مانِـعاً
لِمَزالِقِ الأخـطـارِ وَالشيطـانِ

نادي عَليّاً في مَحطات الشِدَد
وِردٌ عــضيـمٌ ًخــــالِــدٌ لِلآنِ

كَهـفٌ كَبـيرٌ ضَمَّ أيتامَ الـورى
بِالحُـبِّ يَـزهو دافِئُ الجُـدرانِ

خَـبَزَ الحـنانَ مُدعَـماً بِـأنامـلٍ
كانَـت تُـقيمُ القِـسْطَ بِالــميزانِ

مَن بِالكَتائبِ أشجَعُ الفُرسـانِ
حَتماً عَليٌّ ذَلَّ اصنافَ العِدى

بَل لِلـشَجـاعةِ لامِعُ العُـنوانِ
قَتلُ ابنِ وِدٍ فَتحُ خَيبَرَ أم تُرى

أُحُـدٌ عَلـيٌّ يا عَـضيمَ الشـآنِ
وَبِـخَـندَقٍ لِـلهِ دُرُكَ يا عـلـي
في ضَـربَـةٍ كَعِـبادَةِ الـثَقَـلانِ

لِلحينِ نَذكُرُ حينَ فَرَّ جَميعُهُم
شَــعَرَ الرَسولُ بِشِدَةِ الخُذلانِ

فَانصــاعَ يَندِبُ صِهرَهُ مُتَيَقِناً
بِقُدومِ سَيفِ الحَقِّ وَ البُرهانِ

دَخَــلَ الوَصيُّ مُزَمجِــراً بِهُتافِـهِ
وَ المَوتُ كَبّرَ في صدى الأزمانِ

قَلَبَ اليَمينَ على الشِمالِ كَأنّهُ
نُوحُ الشَجاعةِ سَيدُ الطــوفانِ

ما كانَ غَيرُكَ بِالمَـــنايا فائِزاً
يا مَرجِعَ الإسلامِ وَ الشُجعانِ

حسين حيدر اللامي

يا إمامَ الوالِهين ..يا أَميرَ المؤمنين
علي مولى علي ..علي مولى علي
///////////////
صاح النبي ابصوت..ضد اليبغضون
لو اني موسه..چا انته هارون

گال بس هوه الخليفه..والبقه من ولده
فوگ بستان النبوه..خضّرت چن ورده
مو شمس بيدك تردهه..الكون كله اترده

يا طَريقَ السالِكين.. ..يا أَميرَ المؤمنين
علي مولى علي ..علي مولى علي
///////

فاروق الله..يعسوب الدين
حيدر ابو تراب..ليث الميادين

من تمر يا محلة ذكرك..انته مثل النسمه
بشر بس ذكرك عباده ..وسيد اعله الامه
الماشهدلك بالخلافه… خلي يسأل امه

أنتَ ذِكرُ العابِدين ..يا أَميرَ المؤمنين
علي مولى علي ..علي مولى علي
////////////

سورة يس..يالبيك اسرار
اسمك باللوح..حيدر المغوار
انته فوگ العالي عالي..وانته ضي الگمره
يا حبيب الله ونبيه..يا حبيب الزهره
اليندي اسمة بالقيامه..عالسراط اتعبره

يا دَليلَ التائِهين.. ..يا أَميرَ المؤمنين
علي مولى علي ..علي مولى علي
////////
قران ناطق..كافل الايتام
بايع نفسك.. من اجل الاسلام

من فتح حصن اليهودي..بيدك انطه الرايه
لو نزل قران ثاني..انته تنزل ايه
الجيش كله شويه يمك..وحيدر اننه اهوايه

قاتِلٌ لِلمارقين.. ..يا أَميرَ المؤمنين
علي مولى علي ..علي مولى علي
////
يا احلى مولود..وايحبه ربه
والمولد ايصير..داخل الكعبه

كلشي الاتريده يجيلك..والملائك كلهه صار
والي تطلگ بيك حقهه..ليهه ينشگ الجدار
لافتى الا عليٌ..ماكو سيف الا الفقار

يا مُبيدَ الناكثين .. ..يا أَميرَ المؤمنين
علي مولى علي ..علي مولى علي
////
بيك ويفخرون..الله ونبيه
حيدر الكرار..زوج الزچيه

انته فوگ العالي عالي..وانته ضي الگمره
يا حبيب الله ونبيه..يا حبيب الزهره
اليندي اسمك بالقيامه..عالسراط اتعبره

يا دَليلَ التائِهين.. ..يا أَميرَ المؤمنين
علي مولى علي ..علي مولى علي
////////
حسين حيدر اللامي

هوسات لأمير المؤمنين عليه السلام


بلّغ يا محمد خل يسمــــعــون
بس حيدر ولي وبكل وجــــــازه
علي رد الشمس وإبچفه الاكوان
هيج انسان عازه وجـــــهه عازه

((بس حيدرهه إيلوگ إعليهه)). هوسه
————————————————-

علي أول علي شيخ إعله الإسلام
علي الحَبه يظل مرفـــوع راســـه
تره اليكره علي من الله مـكــــروه
الخلل بيه بله خل إيشوف ساسـه

((تدري إمنين الصوچ إبساسه)). هوسه

————————————————
علي فارس مهيب إمحير الكـــــــون
علي إبكل معركه تلگا الاشـــــجـــع
علي جدنه وأبونه والجماعه إهنـاك
جدهم بالحرب گاضـــــــيهه ينزع

((يمك حيدر ذب إهدومه)). هوسه

————————————————

علي چم آيه نزلت بي لحــــد الان
علي جوهر عضيم إشكبر هلنعمه
علي سيفه يهلهل لو نــــظر روس
ذواق ويلگـــــط زلمــــــــه زلمه

((ذواق يدور عالقاده)). هوسه

————————————————

مشهودتله حيدر بدر صــــــفين
من خله الزلم راس إبحـلگ راس
ما ميت علي واليسأل إشلـــــون
إشلون إيموت المخلف العــباس

((مامات الخلّف عباسه)).. هوسه

————————————————
🖊️:حسين حيدر اللامي

أهواهُ عِشقاً عَلَويّاً سَرمَدي
فَكَشَخصِهِ لِلآنِ لا لَمْ يولَدِ

هوَ في شَراييني مَشــى مُتَشَبِّعاً
حتى بَنى في القَلبِ أسمى مَرقَدِ

قَد أرضَعوني حُبَّهُ مُنذُ الصِغَر
حُبُّ عَليٍّ طَــعمُـهُ كَالشَّـــهَدِ

هذا الذي لَو لاهُ ماكانَ الوَرى
لا تَعرِفُ اللهَ وَلا لَم يُعبَدِ

نَفسُ الرَّسولِ وَصِهرُهُ وَوَصيُّهُ
فَإذاً عَليٌّ كاَنَ روحَ مُحَمَّدِ

مدري اشگد هبط جبريل ذاك اليوم
وملائكة السمه مزدحمه واتشاهد

صله الهادي بيهم وصعد فوگ النوگ
وچف حيدر علي وي چفه متگايد

رفع ايد الصميده مثل ذو الفقار
وانطبگن سوه وساعد شبگ ساعد

ياناس اشهدو من كنت مولاه
علي مولاه وشيخه وسيده وقائد

صارت هوسه چن يوم القيامه وصار
واكو چم شخص ضل ابگلبه الف حسره

اليبايع علي ايبايع واهو الممنون
والما عاجبه ايطم روحه بالصحره

الضغط عدهم صعد واختلَّت الاوزان
لا عالبال لاعالخاطر الفكره

هيچ الباري راد وصار هالميعاد
ذكّر يا محمد تنفع الذكره

اصل شجرتنه گاع وبالسماء افروع
بالقرآن هم مذكوره هالشجره

تعرف ليش ربك راد ابو الحسنين
چي يدري ابعلي سلطان للفقره

حسين حيدر اللامي

إمامي غَريبْ. إمامي سَليبْ
حُسَينٌ حُسَينْ. حُسَينٌ حُسَينْ
———————————————
أرىٰ فيكَ صَمْتُاً يُحاكي الكَــلامْ
كَسَرْتَ بِــنورِكَ أَنــفَ الظَــلامْ
رَسَمْتُـكَ كَعْــبَةً لِــديِنِ الوِئــامْ
فَجائَتْ بِصَدرِكَ تَطـوفُ السِهامْ


سَتَبقى عَجيبْ. إمامي سَليبْ
حُسَينٌ حُسَينْ. حُسَينٌ حُسَينْ

———————————————
سُحِقْتَ بِخَيلِ العِدا وَالطُغاة
لِتروي بِكْأسِكَ مــاءَ الحَيــاة
فَجاعَتْ سُيوفٌ بِأيدي العُتاة
فَوَزَّعْتَ جِسمَكَ كُلَ الجهاتْ

أَميرُ النَّحيب. إمامي سَليبْ
حُسَينٌ حُسَينْ. حُسَينٌ حُسَينْ

———————————————
بِبَحْرِ المَعاصي شَرِبْتُ الـكَــثيـر
تَــصَدّقْ عَلَيَّ فَهــذا الـفَـقــيـر
مَقامي صَــغيرٌ وَ ذَنــبي كَــبيـر
وَأَشــهَـدُ حَــقاً بِــأنّي الحَسـير

فَأَنتَ الحَبيبْ . إمامي سَليبْ
حُسَينٌ حُسَينْ. حُسَينٌ حُسَينْ

———————————————
دَخَلـتَ حَيـاتي فَكُنْـتَ الضياءْ
كَنَجمٍ مُضيٍ يَجــوبُ السَّمــاءْ
ومُـذْ أَن عَرَفتُــكَ تَرَكتُ الهواء ْ
فَشَخصي مَريضٌ وَ أنتَ الدَواءْ

لِجرحي طَبيبْ. إمامي سَليبْ
حُسَينٌ حُسَينْ. حُسَينٌ حُسَينْ

———————————————
لَبِســتُ لِحُــزنِكَ ثَوبَ الحِـدادْ
فأَنـتَ العَــزيزُ وَأَنــتَ الجَــوادْ
دُفِنــتَ وَ قَبــرُكَ أَنــارَ الـــبِلادْ
وَقَدْ ناحَ فيكَ ضَمـــيرُ الجَــمادْ

لِقَـلبي قَريـب. إمامي سَليبْ
حُسَينٌ حُسَينْ. حُسَينٌ حُسَينْ

———————————————
🖊️-حسين حيدر اللامي

ليلة العليله عليها السلام:

لمّيت حيلي وفرفحـــت—لاهلي ابدفو وحـنيه
ماظل مكان اويه الضعن— عدكم نقص علويه
هلي…هلي
/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/
مشيت ودمعي فوگ الخد فرض صله
بين الـــحسره والعــثرات واسـم الله
هلي معقوله نگــطع چـــلمة الوصله
عاد اخـــذوني اهز كــاروك عــبدالله

حاچيت عمي ابكل خجل— تانوني لو بس لحظه
باوعلي وادموعه تصب—گال الابو مايرظه
هلي…هلي
/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/
يعمي إزغيره لچن والله مـــلچومـه
الجِفِن لو رحتو إحسب زاعل النومه
ماترهـــم تره عــلـويه مـهظــومـه
اثاري الفرگه مثل الطاب للـحومــه

وجهت وجهي إلعمّتي—والجِفن صاير غيمه
أتعلعل إهـنا وحّدي__وياكم أصحه ابخيمه
هلي…هلي
/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/
اذا ســــافر ضعنّـــه ومارجـــعتـــولي
وصيه امـــن العليـــله الفاتحه اقرولي
بقت بس چلمه وحده اتبات وي طولي
جيــبــولي ابوي حــسـيــن جــيبــولي

من باوعت وجه الابــو—مهضوم حيــل وحاير
اتاكدت راح ابقه ابغرب—والضعن كله مسافر
هلي…هلي
/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/
صحت لاهل الضعن بس طلع گوه الصوت
واحس روحة اهلنه چنهه روحة موت
إفراگ الــغالي يــشبه طَــبَّت التابـــوت
ومثل جــثه غريبـــه وما لگــت زاتــوت

يشرب دمع وكت العطش—هذا اليعوف اعزازه
كافـور كل مغـــرب يـمر— والخنگه هيه اجنازه
هلي…هلي
/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/
سارو بالضعن وابگلبي الف كسره
وضلت بالدرب بس ريحة الزهره
ابوي حسين ما ردلي طلب مره
شعجب هسه تركني ابدمعتي الحمره

عاشرت دمعات الحزن—شبسرعه اجتي الفرگه
وي الاهل راح الهـــوه—وضــليت أنه مختنگه
هلي…هلي
/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/
حسين حيدر اللامي

ام البنين عليها السلام:

گلبي ينشد اعليك يوليد الزچـــية
اقمار اربعة افديك يا شمعة رقية
——————————————————
ناطرتلك لية ترجـع وانتـضر عنـك خبــــر
ياضـوة عيـوني ومهجتي والله دلالي انفطر
لـخاطر عـيونك ييـمة بزود ربيـت الكمـر
كتلة تعريف الوفاء چفوف ذبهة اعلة النهر

غالي بدمنة نشريك حد يوم المنية
اقمار اربعة افـديك يا شـمعة رقـية

——————————————————

شلــون لو تــدري ييمـة عذبتــني كربلـة
مثل لو كل المنـاجل حاوطــلهن ســنبلة
ولدي سويهم مضايف خير متروسة هلـة
ينگلب عباس دلة تفور بيهــة الــمرجــلة

زلمك يبو الاحرار وفوهة الوصـية
اقمار اربعة انطيك يا شمعة رقية

——————————————————

گلبي موجوع بغيابك حيل متاذي ويــنوح
ترجع تمنيت سالم وجهك يشافي الجروح
حضرتلك ولدي للطف زلم بالغيرة تفــوح
واذا ما كفـوك ولـدي انـي ويـــاهـم اروح

جندي احسبني وياك ضد جيش ال امية
اقمــار اربعة انطــيك يا شمـــعة رقــية

——————————————————

باجر بيوم القيــامة بيش الاگــي فاطــمة
زينب مچــواية اديهة وانـة ادية سالــمـة
ما يسدهم ضلع امك هالعصابة الـظالمة
ردو بخيل اعوجية على ضلوعـك هاجمــة

جسمك شايل اجروح وانة الحسرة بية
اقمار اربعة انطـــيك يا شــمعة رقيــة

——————————————————

روحي مـا تهـدة اعلة ونهة والدمـع يـنزل جمـر
والله عگبك صرت اعاني وكلشي ما يسوة العمر
بـيـن نـاس الــشـيـعتني اعليـك دورت شـكثـر
لـلدفـن تـانيـت تحـضـر يـبـني وتـسـد الـگبـــر

دمعي بگبري وياي عالراحت سبية
اقمار اربعة انطيك يا شمعة رقــية

——————————————————
🖊️—حسين حيدر اللامي

القصيده::عمري ذخري

أداء: الرادود الحسيني سيف المطيري

كلمات: حسين حيدر اللامي

العزا الشهري لهيئة العباس(ع) مدرسة الرادود الحسيني بغداد



https://youtu.be/5paqO3wdd6k?
si=8gjBzGc8N8tosi9E

عمري — ذخري
يالساكن كل نبضه ابگلبي
خادم — عندك
من ابچيلك اشكر ربي
////////////////////////////////
يا حبيبي ومهجتي—يافرحتي ودمعتي
وابحياتي قدوتي..حسين

انت يا وجه الصبح —نابت ابنحرك رمح
والله مو مالت ذبح ..حرام

والله اموتن بالبواچي وصـــدري بالهم يختنگ
لمن اسمع طايح انته وبالحــوافر منســــحگ


اجزع والطم
من اسمع زينب مسبيه
ويلاه ركظت
بالهيمه اشلون العلويه
////////////////////////////////
حبي الك چن قافله —امن المدينه الكربله
عشگي الك ما اجمله ..جروح

يانحر ذابحله سيف..ياصدگ والباقي طيف
نسمه حلوه ابدنيه صيف .. تجي


حبي الك من البدايه سيدي حب من صدگ
ادعـــي الله انـــي وانــته للابد مــانفــترگ

عشگي ودربي
بس حسين الظل ابعيني
اتبره منهن
لو عافن دربك رجليني
////////////////////////////////
يمك ارد اگظي العمر..ياحبيب ام الخدر
ابچي لو اسمك يمر..حنين

الطم ابقوه الصدر..لان صدرك منكسر
انت قرآن الفجر..تطيح

وَمِنَ الحُب ما قَتَل هــذا المثل ادري اكـيد
يعني اليموت ابمحبتك هذا عند الله شهيد


يمك رايد
يامنحر نازف باحساس
ابقه ابچفك
مثل الرايه ابچف عباس

////////////////////////////////
نفترظ صارت صدگ— عن خدمتك إفترگ
والله اموت واختنگ..عليك

ابلا مجالس فاطمه..الدنيه هيمه ومظلمه
ابچي دمعاتي دمه.. عذاب

ابلا مجالس لا منابر نفترض يگــظي العمر
الدنيه بين اعيوني تصبح ليله الاوله بالـگبر

الخدمه نعمه
صارت للخادم شريان
والله الهه
ما يتوفق اي انسان
////////////////////////////////
وين اكو مثلك حنين..يا حبيبي يا حسين
اعمه اني وانته عين..امان

يا ملاذ الانبياء—يا سليب ابكربلاء
يا غريب الغرباء..وحيد

لهذا جرحك لسه تبچي مو دمع دم السماء
قبلة الاسلام كعبـــه وقبلة الحــــب كربلاء

طايح وحدك
لا انصار ولا خوان
صعبه وكلفه
وسفه حسين اعله التربان
////////////////////////////////
حسين حيدر اللامي

ميمر لمسلم بن عقيل عليه السلام


كل الكتب والتاريخ جهلت حقيقة أمره
—————————————————
جايب رساله من ابن عمه إحسين
والــعانـده يتخــيّر إبّــين إثنـيــن
لو صطره لو سيفه يگسمه نصّـين

والصطره تطبع نيشان وحروره مثل الجمره

—————————————————
إمبين علي عمه الفحل من چـفه
موت الكتايب بالحرايب وصـفـه
رَكّب جماجمهه إعله هيئة تُحفه

بي ريحه من داحي الباب وإبدمه تمشي الزهره

—————————————————
مسلم أسد كل الاجت حاصرهه
وروس العده من ضربته فطـرّهه
خيل وزلم گاع النجف كاســرهه

وإبچفه چن ذو الفقار والكوفه كلهه إبأمره

—————————————————
بيهم صرخ لكن تحس نفخة صــور
من گصته تعرگ مرجله اتصب ونور
چم كربله بيهم بده وچــم عاشــور

متحس زلم چن نسوان تتراجف امن الخزره

—————————————————
سيفه إبيمينه وما شرب گطرة مــاي
كلــش قليله المعركه وهوه إهــواي
طبع الوفــه مـثل الكفـــيل الوفّــاي

بي شمره من العباس واوصافه مثل الگمره

—————————————————
🖊️—حسين حيدر اللامي

لسان حال الامام العباس عليه السلام:

أصعب حال.. من اتطيح إگبال إعداك وكلهه اتشوفك
أصعب حال..إتريد إتگوم وتتذكر مگــطوعه إچفوفك

إتشيل الجربه سهم العين؟
لو تمسح دمعات حــسين
///////////////////////////////////////
عادي اي زلمه يـــطيح ابحرب وايهل مدمعه
بس صعب من ابو فاظل يوگع اعله المشرعه
عطش واســيوف ورماح ونبــل كلشي يوجعه
شايل الدنيا اعله چتفه بس چفوفه امگطّــعه

خويه حسين..هاي الخويه الكسرت گلبه وحيل اتالم
خويه حسين..راس العباس ابعامـــود البيــن اتهشم

طايح بس ماعنده ايـدين
لو تمسح دمعات حسين
///////////////////////////////////////
طحت من مهري ولكن عينـي شــبحت للخيم
ردت اشوفن حال زينب بس اجه ابعيني سـهم
وگلت خويه حسين اخيَّك يعتذر حيـــل ابندم
الگطعو ايساره ويمينه ايطيح من ايده العــلم

خويه اسمع..زينب منتظرتني وماتدري ابچفـــيني
خويه اسمع.. گلهه العباس اهناك ايگول اتعذريني

مگطوعات ابسيف البين
لو تمسح دمعات حسين
///////////////////////////////////////
الطيحه للذرعانه عنده ســـهله نعرف هالخـبر
وآني طحت ابلايه ايدين وسهم البعيني انكسـر
واليطيح وهوه ضــامي ابماي تفزعـــله البشـر
وآنه طحت اعله الشريعه وتالي فزعولي ابحجر

حيره اهواي..زينب عطشانه وذبــلانه كلش صـــعبه
حيراه اهواي..من اتصدمك نبلة موت اتشگ الجربه

ايحير الماي ايطيح امنين
لو تمسح دمعات حسين
///////////////////////////////////////
من وصلني حسين اخويه شفت ضهره منكسر
گلي يم خيـــماتي ارجعك گتله ياخــويه اعتذر
شفت بعيونه انكســـار وخـــيبة امال الـــخدر
الما عثر مره ابمشيته هسه طــــاح امن المهر

كلشي ايهون..هاي اچفوفي الطاحن فدوه لكل العتره
كلشي ايهون..باچر ترفعـــــهن بالمحشر امي الزهره

واتعوض بس بجناحـــين
لو تمسح دمعات حسين
///////////////////////////////////////
ارجعت حاچيته ابحسرتي وصوتي ضايع مختنگ
گـــتله ياخـــويه آنه أخافن عالــمخيم يحتــرگ
وحيل اخافن على صـــدرك بالــحوافر ينسحـگ
شلون ضهرك ويه صدرك عله الغبــره ينـــطبگ

هذا اوداع.. رايح يم الباري وگلبي اعليك اتكســر
هذا اوداع.. اسم الله اعليك امن الخياله لاتتوذر

أسأَل هَل وَفــيت الدين؟
لو تمسح دمعات حسين
///////////////////////////////////////
حسين حيدر اللامي