نزله:

غيره ووفه ام الخدر رفعة راس
من الله زينب هيه تشبه عباس
///////
گالو سبيه و هيه رفـعة هامه
شيمة اخوهه اتكفلّت بايتامه
ذلّت يزيد وســــــوّدت ايامه
نمرود هوه وحطمت اصنامه

بحچاية وحده سكتت احلوگ الناس
من الله زينب هـــيه تشـبه عـــباس
///////
طوفان دم يا زينب المـحـروسه
هيبة علي وابچفهه عصة موسه
خزرة الكافل بيهــه وي ناموسه
چنهه جبل والعانـداهه اتدوسه

هيه الخدر والتضحيه والنوماس
من الله زينب هيه تشــبه عباس
///////
من طاح ابو فاضل عالـــمسنــايه
زينب بدت قصتهـــه وي الـــرايه
زرعت عشگ بگلوبنه امن احچايه
ابهـــذا زرعهه خضّــرت مـــشايه

رفعت هممنه وبينه خلت احـساس
من الله زينب هـــيه تـــشبه عباس
///////
معروفه هـــــيه وتنذكر كالعاده
زينب سِبَت كل جيشهم والقاده
واليسأل اعليهه وجـــــوابه راده
من الله هوه حـــار دم الـــساده

ما همهه كل الي حچوه الارجاس
من الله زينب هيه تشبـــه عباس
///////
گد ما عضيمه وبالصبر موصــوفه
صيت العقيله اهناكه طب للكوفه
كعبه خدرهـه وانبـــياء اتطـــوفه
عبالك العـــباس مـــن اتــشوفـه

للباطـــل وللحـــق صـــفت كالمقياس
مـــن الله زيـــنب هـــيه تشــبه عباس
///////
حسين حيدر اللامي

قصيدة:ذاتَ يَومٍ

أداء:الرادود رحيم الشويلي

كلمات:حسين حيدر اللامي

عزاء بقية النبوه

https://youtu.be/2jvUYoebvvw?
si=tKvUDfoUsDEbRzns

قصيدة:بير الحزن

اداء:الرادود ابراهيم الياسري

كلمات:حسين حيدر اللامي

المجلس الشهري لهيئة العباس(مدرسة الرادود الحسيني)

https://youtu.be/w4MRRcdJvGA?si=ut04uzk4qf16fZ4J

يا إمامَ الوالِهين ..يا أَميرَ المؤمنين
علي مولى علي ..علي مولى علي
///////////////
صاح النبي ابصوت..ضد اليبغضون
لو اني موسه..چا انته هارون

گال بس هوه الخليفه..والبقه من ولده
فوگ بستان النبوه..خضّرت چن ورده
مو شمس بيدك تردهه..الكون كله اترده

يا طَريقَ السالِكين.. ..يا أَميرَ المؤمنين
علي مولى علي ..علي مولى علي
///////

فاروق الله..يعسوب الدين
حيدر ابو تراب..ليث الميادين

من تمر يا محلة ذكرك..انته مثل النسمه
بشر بس ذكرك عباده ..وسيد اعله الامه
الماشهدلك بالخلافه… خلي يسأل امه

أنتَ ذِكرُ العابِدين ..يا أَميرَ المؤمنين
علي مولى علي ..علي مولى علي
////////////

سورة يس..يالبيك اسرار
اسمك باللوح..حيدر المغوار
انته فوگ العالي عالي..وانته ضي الگمره
يا حبيب الله ونبيه..يا حبيب الزهره
اليندي اسمة بالقيامه..عالسراط اتعبره

يا دَليلَ التائِهين.. ..يا أَميرَ المؤمنين
علي مولى علي ..علي مولى علي
////////
قران ناطق..كافل الايتام
بايع نفسك.. من اجل الاسلام

من فتح حصن اليهودي..بيدك انطه الرايه
لو نزل قران ثاني..انته تنزل ايه
الجيش كله شويه يمك..وحيدر اننه اهوايه

قاتِلٌ لِلمارقين.. ..يا أَميرَ المؤمنين
علي مولى علي ..علي مولى علي
////
يا احلى مولود..وايحبه ربه
والمولد ايصير..داخل الكعبه

كلشي الاتريده يجيلك..والملائك كلهه صار
والي تطلگ بيك حقهه..ليهه ينشگ الجدار
لافتى الا عليٌ..ماكو سيف الا الفقار

يا مُبيدَ الناكثين .. ..يا أَميرَ المؤمنين
علي مولى علي ..علي مولى علي
////
بيك ويفخرون..الله ونبيه
حيدر الكرار..زوج الزچيه

انته فوگ العالي عالي..وانته ضي الگمره
يا حبيب الله ونبيه..يا حبيب الزهره
اليندي اسمك بالقيامه..عالسراط اتعبره

يا دَليلَ التائِهين.. ..يا أَميرَ المؤمنين
علي مولى علي ..علي مولى علي
////////
حسين حيدر اللامي

مدد مدد يابو الرضا
/////////////////////////
ياهو الاجه والدربك اتعنه
اتگول الروايه يضمن الجنه

من ابعيد انشم الحضره..گبرك بي ريحه امن الزهره..
ما يتراجع حبنه تجاهك..يالحبيناك اعله الفطره

مدد مدد يابو الرضا
/////////////////////////
هوه اليطوفك ما يضل تعبه
ابنص الصحن چن طايف الكعبه

باب الحاجه الما يتكرر..امك فاطم جدك حيدر
يالگبتك احلى امن الدنيه.. وابهل الدنيه چفك محور

مدد مدد يابو الرضا
/////////////////////////
حيره صفاتك ماكو بالدنيه
مسجون لكن كله حنيه

يا مصحف نازل يا آيه..طلعت لعيونك مشايه
من البصره الحد الحضره.. زوارك يا موسى اهوايه

مدد مدد يابو الرضا
/////////////////////////
حگهه الملائك تحضر اتطوفك
هيه السلاسل باست اچفوفك

يا سورة كوثر مقريه..ابسجنك بس انته ابحريه
گلبي ايريد ايعوف اضلوعي..لو جابو موسى وطاريه

مدد مدد يابو الرضا
/////////////////////////
ياداحي بغداد وضواحيهه
گبرك تره هوه الي حاميهه


متعودين احنه وكالعاده.. ياهو اليگصد فاز امراده
من الله يا عالم هايه .. كله احروره دم الساده

مدد مدد يابو الرضا
/////////////////////////
حسين حيدر اللامي

في مَسرَحِ العِشقِ الإلٰهي قائِماً
ذاكَ الـــحُسَينُ لِلــبَلايا صابِراً

فَضَميرُ سَيفٍ حَزَّ نَحرَ إمامِنا
لِلآنِ يَحذو خاشِعاً مُتَصَدِعاً

فَتواصِلُ الطَعناتُ مِلأَ سُيوفِهم
هُم يَطعَنونَ وَجِسمُهُ مُتَعَبِداً

لا لَم أُشاهِد فارِساً مِثلَ الَذي
أَدى التَحيةَ لِلرِماحِ مُفاخِراً

فَيُخاطِبُ الرَّبَّ الجَليلَ بِنَبرَةٍ
خُذ يا إلٰهي جَسَداً مِتَقَطِّعَاً

إن كانَ يُرضيكَ إنسحاقي بِحافِرٍ
فَابشِر إذاً هذا الحُسَينُ مُسَحَّقاً

قَد أَعجَبَ السَبعونَ صَبرَ فؤادِهِ
تَسبيحَةَ الزَّهراءِ كانَ مُسَبِّحاً

مَنِ الَذي يَجرؤُ قَتلَ حُسَينِهِم
صاحَ اللَّعينُ مَن تُرى مُتَقَدِماً

قَد هَروَلوا نَحوَ الإمامِ بِحِقدِهِم
ما بينَ شَمتانٍ وَ آخرَ طامِعاً

وَصَلوا إلى سِبطِ النَّبي مُحَمَّدٍ
فَوَجَدوهُ مِن سَيلِ الدِما مُتَخَضِباً

فَتَهامَسوا ما بَينَهُم بِتَعَجُّبٍ
هَل كانَ عطشاناً تُرى مُتَهَجِّداً

هيا أَريحوهُ مِنَ النَّزفِ القَوي
وَمَن يُريحُهُ كانَ عِنديَ فائزاً

مِن شِدَّةٍ النّورِ الَذي في وَجهِهِ
صارَ الجَميعُ إلى الورا مُتَراجِعاً

قَطَعَ نِزاعَ القَومِ قَطعُ وَريدِهِ
ذَهَبَ الإمامُ ألى الجِنانِ مُحَلِقاً


ما كانَ ضَمآناً على رَأسِ القَنا
فَالسِبطِ لِلقِرآنِ كانَ مُرَتِلاً


اول مره اشوفن هيجي انسان
لاهوه وحي ولا هوه قران

نبرة صوته جانت مو غريبه
يمكن سامعيهه بوكت الاذان

چبير الدنيه كلهه وسيد الكون
بس وكت العباده اتشوفه خجلان

شفنه اهواي مذبوحين بالسيف
وما شفنه قبل مذبوح عطشان

عزب للخيول الگصدته اضلوع
چا هوه الحسين ابصدره ديوان

يوصل للعقيله ابروده تلفيه
ومن ايدير وجهه اتلوحه نيران

يلم الشوك بيده حته متدوسه
بنات المصطفى من ماكو صيوان

ينزل دم رجع ويشمره ليفوگ
كريم وأبي هيچ احسينهم چان

وربنه چي جميل وراد يرضيه
قدم طفله چي هذا احله قربان

حسين حيدر اللامي

هذا ضعن البي عطر اهل السماء
من تشوفه اتحس مسيرة انبياء
////////////
هالضعن كله وفه وحب ممتلي
فاطمه كل حرمه كل زلمه علي
لو شفتهم كل همومك تنجلي

وچن محمد گاصد الطف كربلاء

////////////
اهناكه هم موجود عباس الگمر
للعطاشه ريشته تصبح نهر
امن الگناطر ضلت ابعينه صور

طود يمشي وشايل ابچفه اللواء
////////
هايـــه زينب بين اهلهه امدللة
مادرت بس توصل الطف كربله
الشمر يوليهه ابزجر وي حرمله

وتركض ابدمعه وعويل امن الخِباء
//////
حسين يمشي والمنايه قادمه
گاصد لأهل الوجوه القاتمه
هذا ابن العرش وامه فاطمه

ايصير مسلوب العمامه والرداء
///////
ضعن من عنده يشع نور الرضيع
ونبله تذبح طفل هالمنضر فجيع
حسين كل اعياله بالعاشر تضيع

والعبي تتلطخ ابسيل الدماء
//////
يوم عاشوراء كل ذاكه الخدر
تركض ابنص هيمه تسحگ عالجمر
وزينب الحره العقيله ام الخدر

ما توصّف ضيمهه احروف الهجاء
///////
حسين حيدر اللامي

نادَت عَليّاً عَليَةُ العَلياءِ
اليَومُ جاءَكَ سَيّدُ الإحساسِ
قاضي الحَوائِجُ لِلهُمومِ شافِعاً
فَابشِر إذاً بِوِلادةِ العَباسِ
//////
أَهلُ العُلا لِلعالياتِ عُلاةُ
هوَ شَذرَةٌ وَ أَهلُهُ شَذَراتُ
هوَ عُجبَةٌ قَد فاقَتِ العُجَباتُ
مِن كَفّهِ يَسقي الفُراتَ فُراتُ
//////
في مَهدِهِ قَد كَلَّمَ العَلياءا
إن عَطَشَت زَينَب قِماطي الماءا
نَبضاتُ قَلبي تَعشّقُ الحَوراءا
أّنا غارُها صِرّتُ كَما حَرّاءا (غار حراء)

//////
إنولد والقلم حار وتاه ..شعره
وبس زينب تفهمه و مَحَد..شعّره (شِعَر بداخله)
الكافل ماعله اعله حسين..شعره
مثل ما وصته امه الابيه

شعبان بي يحله السهر ..بميلاد عباس الكمر
حي الله سبع الگنطره..عباس
////////////
جانه يا هالناس هذا اجمل خبر
الليله نفرح وي ابونه المنتضر
طلگت ارجاء السمه باجمل نهر
وجابتلنه اليوم عباس الگمر

سلطان فوگ اهل الستر..حماي لضعون الخدر
حي الله سبع الگنطره..عباس
////////////
وابسواد اعيونه حل كل الغسق
والضوه وجناته نقراله الفلق
حسين هنياله باخو هيج انرزق
باب للحاجات للان انطرق

عباس غيره ممتلي .. من يمشي چن يمشي علي
حي الله سبع الگنطره..عباس
////////////
اول احچايه تگله ام البنين
هذا وِردَك يا حبيبي ياحسين
ايزيد عشگه اشما يزيد اويه السنين
نهر للخوه وضفافه امن الحنين

يوم القيامه ينعرض ..عباس هوه اجمل فرض
حي الله سبع الگنطره..عباس
////////////
جاءَ من اقصى الضوه لاقصا الجمال
ماكو يم شباكه اي كلمة محال
هوه تاج اعله الرجوله وعالرجال
هوه عجبه لو حقيقه لو خيال

وجناته چم سورة فتح..وابعينه مرسوم الصبح
////////////
هوه مولود ويلالي چن نجم
وعنده طف بي يكسر اخشوم الزلم
بالبصيره نافذ ومنهج علم
لو جبت طاريه صيحو والنعم

وامكلل باجمل هدم .. عباس يا شيخ الزلم

////////////
حسين حيدر اللامي

شَعبانُ أَنتَ وطارِدُ الأَحزانِ
فيكَ السُرورُ وَ ضِحكَتي عُنواني

ولِدَ الحُسَينُ فَيا حَناجِرُ هَلّلي
ولِدَ الحُسَينُ بِرَحمَةِ الرّحمنِ

لا زِلتُ أَفخَرُ حينَ أَذكُرُ نِعمَةً
أنَّ الإله بِطينِهِ سَوّاني

في رابِعِ الأيامِ قَد ولِدَ القَمَر
في ذِكرِهِ قَد يَرتَوي العطشانِ

عَباسُ غيرَةُ حَيدَرٍ صَبرُ النَّبي
عَينُ البَتولِ و حِكمَةُ الحَسَنانِ

وَبِخامِسِ الأَيامِ يولَدُ زَينُهُم
لَيثُ العِبادَةِ سَيّدُ الإيمانِ

وَ عَزيزُ والِدِهِ عَليُّ الأكبَرُ
ولِدَ الوفا إحدى عَشَر الشَّعبانِ

وَ القائِمُ المَهديُّ نَوَّرَ أَرضَنا
وَغَداً بِحُكمِهِ يَسمو كالميزانِ

ابدي اباسم الله وعالنبي صليت
وبسمك ياگمر احجايتي وضيت
شهر چن معجزه بي نزلو اهل البيت

جم ضيغم مولود الليله(هوسه)

وثاني ايام شعبان الفرح محتار
وكل اگلوبنه متلهفه چن عالنار
ميلاد السبط سيدنه ابو الاحرار

شيخ الخدام اتعنانه(هوسه)

ورابع يوم من شعبان ابو الاحساس
الرابع يختلف بي نحبس الانفاس
چي بيه انولد هيبة علي العباس

چن حيدر بس اسمه الكافل(هوسه)

وخامس يوم بي كل الفرح ينعاد
وتلتم شيعته وتجدد الاعياد
من تسمع خبر بي مولد السجاد

فرحانه الزهره ابميلاده(هوسه)

وبيوم اهدعش شعبان نتحضر
وهم يكبر فرحنه وللصبح نسهر
بميلادك اجينه يا علي الاكبر

عدنه الحاجات امحضريهه(هوسه)

ويوم اخمسطعش كل خيره متبدي
ومن رب العباد امنيه أنه عندي
احيي مولدك يا سيدي المهدي

وي فسطاطك تاخذ بيدي(هوسه)

حسين حيدر

هله بشعبان وبجيته يگر العين
اول شهر بي تنجاب معصومين

طشينه الفرح بي طشة الچكليت
شيعه ورافضه هالليله فرحانين

وثاني ايامه صوت امن السمه ايصيحون
رزقناكم شمس تضوي على الافقين

حاء وسين ياء ونون احله احروف
معناهه انرزقنه ابجيتك يحسين

ورابع يوم بي يضوي الگمر عالگاع
بميلاد ابو فاضل كلنه مبتشرين


خامس يوم بي زين العباد هلال
انولد والسبحه والمحراب مبتسمين

وابيوم اهدعش بي ريحه من حسين
علي الاكبر عزيزه وضوه عالكونين

ويوم اخمسطعش مولد بقية الله
ابو صالح حبيبي اهوايه مشتاگين

شَعبانُ أَنتَ وطارِدُ الأَحزانِ
فيكَ السُرورُ وَ ضِحكَتي عُنواني

ولِدَ الحُسَينُ فَيا حَناجِرُ هَلّلي
ولِدَ الحُسَينُ بِرَحمَةِ الرّحمنِ

لا زِلتُ أَفخَرُ حينَ أَذكُرُ نِعمَةً
أنَّ الإله بِطينِهِ سَوّاني

في رابِعِ الأيامِ قَد ولِدَ القَمَر
في ذِكرِهِ قَد يَرتَوي العطشانِ

عَباسُ غيرَةُ حَيدَرٍ صَبرُ النَّبي
عَينُ البَتولِ و حِكمَةُ الحَسَنانِ

وَبِخامِسِ الأَيامِ يولَدُ زَينُهُم
لَيثُ العِبادَةِ سَيّدُ الإيمانِ

وَ عَزيزُ والِدِهِ عَليُّ الأكبَرُ
ولِدَ الوفا إحدى عَشَر شَّعبانِ

وَ القائِمُ المَهديُّ نَوَّرَ أَرضَنا
وَغَداً بِحُكمِهِ يَسمو كالميزانِ

ابدي اباسم الله وعالنبي صليت
وبسمك ياگمر احجايتي وضيت
شهر چن معجزه بي نزلو اهل البيت

جم ضيغم مولود الليله(هوسه)

وثاني ايام شعبان الفرح محتار
وكل اگلوبنه متلهفه چن عالنار
ميلاد السبط سيدنه ابو الاحرار

شيخ الخدام اتعنانه(هوسه)

ورابع يوم من شعبان ابو الاحساس
الرابع يختلف بي نحبس الانفاس
چي بيه انولد هيبة علي العباس

چن حيدر بس اسمه الكافل(هوسه)

وخامس يوم بي كل الفرح ينعاد
وتلتم شيعته وتجدد الاعياد
من تسمع خبر بي مولد علي السجاد

فرحانه الزهره ابميلاده(هوسه)

وبيوم اهدعش شعبان نتحضر
وهم يكبر فرحنه وللصبح نسهر
بميلادك اجينه يا علي الاكبر

عدنه الحاجات امحضريهه(هوسه)

ويوم اخمسطعش كل خيره متبدي
ومن رب العباد امنيه أنه عندي
احيي مولدك يا سيدي المهدي

وي فسطاطك تاخذ بيدي(هوسه)

حسين حيدر اللامي

ولادة مولاي صاحب الزمان عجل الله فرجه:
ملائكة السمه..تنادي فاطمه
ابو صالح اجه
//////
كل الخلايگ والارض مبتشره
جاكم ولد يشبه علي والزهره
عطر النبوه والامامه عطره
چنه محمد نازل ابسامره

بگماطه .. بس ساجد
ابجامع ..چنه گاعد
تسبيحه .. للواحد
مهدينه .. يالقائد

علي علي علي علي .. مهدينه هالليله انولد
علي علي علي علي .. للباري بگماطه سجد

يضوّي المضلمه .. مثل حامي الحمه
ابو صالح اجه
//////
من دوحة العطر الالهي نسله
وراث محمد بالصفات واهله
صوت الخدامه ابهل مسيه يعله
من الشهد ذكر ابو صالح احله

بسم الله .. الدائم
يافرحتنه .. القائم
لاهل البيت .. الخاتم
گلبي ابذكره.. هايم



علي علي علي علي .. خــــيراته للدنيه شمل
علي علي علي علي .. لاهل الارض كوكب نزل

رزق هالمكرمه .. يزيل القاتمه
ابو صالح اجه
///////
ابنص المهد لكن تشاهد صـوره
موسى الكليم ابعز وقاره وطوره
والشيعه كلهه ابصايته منصوره
ابمصحف هدايه هوه نازل سوره

يا ياسيــن..وكوثر
ذو الفقار..وحيدر
ياهو ايوصفهه..اتحيّر
من التوصيف ..اكبر

علي علي علي علي .. بهذا الفرح يحله السهر
علي علي علي علي .. وكل ناصبي خشمه انكسر

ابن حامي الحمه .. باوصافه والدِمه
ابو صالح اجه
////
بخمسطعش شعبان صوت انذيعه
وي ابو صالح للابد منبيعه
قائدنه واجب كل كلامه انطيعه
ولخاطر اعيونه اسمنه الشيعه

شيخ الكل ..الديره
وامغرگنه.. ابخيره
مانوصل.. تفسيره
ربنه ابدع.. تصويره


علي علي علي علي.. بلسم الكل عله وجرح
علي علي علي علي .. وجهه مثل وجه الصبح

التعوفه نادمه .. تتبعه الفاهمه
ابو صالح اجه
///
الليله فرصتنه ونگول احچايه
هذا عهدنه وللابد وفّايه
وين الله يحضر بيده ناشر رايه
نبني البقيع ونعتني مشايه

خدامك ..ونحبك
خلينه..ابنص گلبك
درب الباري..ابدربك
يسوه الدنيه..حبك

علي علي علي علي.. طول الدهر نِتنَطَّرَك
علي علي علي علي .. خلينه كلنه ابعسكرك

ومِسكُ الخاتمه.. الگلوب الهيامه
////
حسين حيدر اللامي

دَع فَجرَ كُلِّ النّائِمينَ سُباتُ
وَابزَغ لِفَرحٍ وَامسَحِ العَبَراتُ

قَد جاءنا المَهديُّ بِاسمِ مُحَمَّدٍ
فَلِذِكرِ أَحمَدَ تَعتَلي الصَلَواتُ

وَكَأَنَّهُ العَباسُ لَيلَ تَمامِهِ
مِن كَفِّهِ يَسقي الفُراتُ فُراتُ

يَعلو على عَلياءَ مِن عَلياءً
وَ أَهلُ العُلا لِلعالياتِ عُلاةُ

مُتَفَضِلٌ فَضلٌ عَلى الافضالِ
وَأَعارَ أَيضاً لِلصَّلاةِ صَلاةُ

دَرَسُ الإبا في كَفِّ مَعصومٍ أَبيّ
وَأَهلُ الإبا طولَ الزَّمانِ أُباةُ

ولِدَ على قَيدِ الحيا ماذا جرى
أَعطى بِكَفيّهِ الحياةَ حَياةُ

إنولد والعسكري ابهاللحضه شاهد
نزل من بطن امه لله ساجد

حافض عالگلب تسبيحة ام حسين
ابجامع مو مهد مهدينه گاعد

ملائكة السمه تفرش افراشه اتريد
وينزل للارض كلساع واحد

گالو ابو صالح ريحة من حسين
قائد وابن قائد وابن قائد



حسين حيدر اللامي

https://youtu.be/vOps2Zi3UI4?
si=DQ5XoFbOypRwpsDu

القصيده:وابحب علي والزهره

اداء: الرادود السيد حر الموسوي

كلمات:حسين حيدر اللامي

موكب عابس الشاكري (دولة المانيا)

https://youtu.be/nb1KxaEnCXY?si=GVV3bnjIMJ8HoLcc

القصيده:ملائكة السمه

أداء: الرادود حسين الحلفي

كلمات: حسين حيدر اللامي

تعزية الحجه المنتضر (عج)

https://youtu.be/MbMSCIduIXQ?
si=mXVq39PHbkmqsM43

القصيده: ام المصائب

اداء: الرادود عيسى الشويلي

كلمات: حسين حيدر اللامي

العزاء الاسبوعي لمدرسة الرادود الحسيني
(استشهاد السيده زينب عليها السلام)

https://youtu.be/oEMc9PyNur4?si=nb-mjdyaWymml_Gv

القصيده: طبينه للسوگ

اداء: الرادود حيدر الخزعلي

كلمات: حسين حيدر اللامي

عزاء غريبة الشام (استشهاد السيده زينب عليها السلام)

https://youtu.be/33WCV0AfVhk?si=L_NjUOVm0xGpVjNE

القصيده:زينب نبي ونازل

اداء: الرادود رحيم الشويلي

كلمات :حسين حيدر اللامي

موكب ساقي عطاشى كربلاء

يالفاتح بابك للفقره
بس حاچينه ابروح الزهره
ياسر الفرحه وضحكتنه..راحت لمتنه وگعدتنه

//////
يقرآن الله والاحـــــكام..علي يمبچي كل سوره
اضن مو راسك المطبور.. اضن ياسين مطبوره

قبــل ساعة موتتك صديت اليه
ضلت ابنفسك تزور امي الزچيه

يا اول واحد بالدنيه
مطبور وتنزف حنيه
يانبرة صوت اسوالفنه ..راحت لمتنه وگعدتنه

//////
يبو نهج البلاغه اشلون.. باللي ماتت احلامه
تگلي آنه زين ابخــير..چا شو حمره العمامه

انفــطر گلبي من شفت بعيوني دمك
بادي من راسك لحد ما وصل جدمك

يالقالع بچفوفك خَيبَر
هذا الدم نازل لو كوثر
دم راسك نزّل دمعتنه ..راحت لمتنه وگعدتنه
//////
يابو الملكه المعدل..يانبرة سوالفنه
لحضه الگعده لو وياك.. تسوه عندي الف جنه

تترس الدنيه ضوه لمن تجينه
ياحنين وكل وكت تسأل علينه

اتطب للدار وكلنه انطوفك
ونركض حته انبوس اچفوفك
يا هيبه وملح احچايتنه ..راحت لمتنه وگعدتنه
//////
يبويه المصحف امتانيك..والايات تتنطر
واكو سر بالقراءة ايصير..لمن توصل الكوثر

بالسلم توگف فاتحه وزلزله ابممشاك
مرات هوه المصحف اليتعنه يقراك

فكرة موتك كلش صعبه
يالمــولود ابنص الكعبه
داحي الباب اسمع ونتنه ..راحت لمتنه وگعدتنه
//////
يا تسبيحة الزهراء..وابكل خطوه ساندهه
چا هيه الحنينه اتموت..لو فارگهه والدهه

الطابر الهامه ابحقد الله خصيمه
هسه زينب صارت اخلافك يتيمه

يالــشايل اسرار ابصدرك
هاي اولادك حفرت گبرك
اتمنينه ابگبرك دفنتنه ..راحت لمتنه وگعدتنه
//////
حسين حيدر اللامي

شور:


علي سَيدِ الشهامه ورب الحرب
يواهس حمزه عمه الما ينغلب
يمن من گصته تعرگ غيره تصب
يطب للحومه حيدر ناشر رعب

يابو الكلفه .. شايل دين الله ابچفه
يعجز اي شي عن وصفه

يانوح وطوفانك عسكر

حيدر سوره.. رايه امن الله ومنصوره
موسى وإيمانه وطوره

يالقالع بچفوفك خيبر

اي تشهد لابن العاص ابيوم البارز للحومه
ذب سيفه ودرعه وذب ذاته وذب حته اهدومه

////////////
وصل صيته السماوي فوگ القمر
علي ليث العساكر دُر الدرر
علي بالدنيه كلهه خير البشر
فرض والما رضاهه والله كفر

الجنه ابدربه..المولود ابنص الكعبه
التوحيد ابروحه وگلبه

خير الحكام ابقانونه

يالماساجد..بس لله الباري الواحد
سيد للشيعه وقائد

يالضايع دين الله ابدونه

أُحُد وصفين واحزاب وخندق وي خيبر
كلهن ذني انتصرت بيهن بس راية حيدر
////////

علي ابيوم الولاده طر الجدار
غضب ليث المعارك بعيونه نار
مثل يوم القيامه بحروبه صار
يچن عزريل اجاهم شايل فقار

حيدر ايه.. الجيش اشوي هوه اهوايه
شايل دين الله ورايه

ياوارث طه وايمانه

هاي احروفه..كعبة حب واحنه انطوفه
ولو جبنه طاري اچفوفه

كل طاغي انقلعن بيبانه

ياهو اليوصل يمك حيدر ماجايبته امه
واليشرد گدامك هذا يعتبرو زلمه

/////////

علي ايريد اليخدمه صافي النيه
مجالس ترضي الله مو علاهيه
وابو صالح يباوع ليكم وليه
والاكرم عند ربه بالحسينيه

ولائيه ..انزهه امن الربوبيه
بالخدمه الحسينيه

چن ميثم رايد خدامه

مجالسنه ..هيه اصلاً مدارسنه
عالخدمه تِحَمِّسنه

والحيدر مرفوعه اعلامه

لو مات ودفنوه ابكبره حيدر اليحضره
وبالمحشر تنطيه ابشاره مولاتي الزهره

/////////
حسين حيدر اللامي