صح هيه انسبت بس اخت الحسين
جــبل والـي يــعـانــدهـه تدوســه
ما شالت ســلاســل زجــر واسيـاط
شالت بالســبي عــصّـات مــوســه

((چنهه العباس ابهيبتهه))هوسه

مــن السمــه نزلت چـنهه قرآن
كل خــطــوه ترف ويـــاهه رايه
من گد ما عفيفه وعالشرف تاج
اول مـا اجــت لبســت عــبايه

((جابت ريح الجنه اوياهه)) هوسه


علاقتهه قويه اويه اهــل الاكوان
چبيره وبــت چبــير وچـنهه آيه
طريق امن السمه مفتوح للگاع
بحيث اتگوم تصــعد بــايه بايه

((من فوگ ابصوت ايحيّيوهه)) هوسه

لو ردنه نقيس الكون بام عـون
يتحطم شكــو قانون مــقياس
عظيمه امدللة ينطوهه شتريد
والله العينــهه خالــق العبـاس

((خاطر بالطف ايحاميهه)) هوسه


حسين حيدر اللامي

هالليله فرحانه السمه ..تضوي ابغزل مو مظلمه
مولوده نزلٰــت للارض..چنهـه الزچـــيه فاطمــه
———————————
وصــلتـــلنه الســيده الوفّـــايــه.
هـيه مــن الجــنه نــزلــت ايــــه.
لان زينب خيـر واتــــحب الصــلاة
گمُّــطــتهه البــظعه بــمـصــلايه..

سموهه لبوة كــربله.. صاح العرش كل الهله
باب الحوائج هيه هم..للعنده شدّه ومعظله

———————————
النـــخاهه ابــشدته مامــره خاب
الهه من اهل السمه مفتـوحه باب
هيه من گد ما كريـــمه وبت كرام
جابت لاهل الارض عــفه وحجاب

يمهه عجز كل الشـــعر..وصف الاميره ام الخدر
ورثت امن امهه المكرمه..وكل الوفه وكل الصبر
———————————
العنده حاجه ابمحفل الحره يگول
يا اميره امحلفچ ابـــستر البتـــول
كلنه خلي ابصوت واحد خل نصيح
صلو بـــحروره علـــى ال الرســول

ننثر ورود اعله الزمن..تفرح اويانه ام الحسن
تتوعَّد إلكل الـــخدم.. بالاخــره جنـــة عدن

———————————
بـيهه نور المــصطــفى والانبــيــاء
ركع يم ظلهه الــقدر وي القظــــاء
ليلة المولد اجه امن العرش صوت
إنا اعطيناك گمـره امــن الـــسماء

بت حيدره الغيره الفحل..موجوده چانت بالازل
الوصف الجمال الزينبي ..ماتكفي ابد كل الجمل

———————————
سرهه ما واحد وصل تفسـيره
مثل امــهه الكون كلـه اتـديره
من كثر هيبتهه تشبه ذو الفقار
اسست للدنــيه مصـــنع غيره

اشرف مره ابكل البشر..منهه انخلق نور الگمر
للشرف صارت يا خلگ..تجري مثل منبع نهر

———————————
حسين حيدر اللامي

گام و وگع عجيب..وابظهره كــسره
من شاهد البتول..وابخدهه صطره

دم تصب دمعهه..منكسر ظلعهه
////////////////////////////////////////////
گلبه مطعون ابمصيبه وروحه تتنازف صبـر
راد يلزمهه ويباوع چفهه محــــروگ ابجمر
فاطــمه ازغيره ونحيله اشلون بله تنـعصـر
هيه بله اشسوت الهم حته عالخد تنصـطر

ظايع علي وحزين..تـــنزل دموعه
من المصيبه چن..كسره إبظلوعه

من تون سمعهه ..منكسر ظلعهه
////////////////////////////////////////////
ذاك ابو الثام الصميده ناگع ابثــوبه الدمـــع
يمكن ابفــگد الزچــيه منكســـر منه ظلـــع
ايصيح وينچ يالحبيبه إيصيح بس ما ينسمع
چن صلاة الليل تبچي وفاگده الــوتر وشفــع

چانت اذا تجي..يشفن جروحه
مادافن البتول.. چن ظام روحه

يعلم ابوجعهه ..منكسر ظلعهه
////////////////////////////////////////////
الباب عاش اهوايه عدهم عاشــرو عشرة عمر
مادرو بي مـــن خــلاله صدر امهـم ينكســر
طاحو اهل البيت كلهم ويـه محسنهه الطهر
ومو قماش اگماطه صار اگماطه صاير بالگبر

محسن وگع شهيد..راح امن اديهه
ما لحگ إبدمــوع..يبــچي عليــهه

شاهد الدفعهه ..منكسر ظلعهه
////////////////////////////////////////////
زينب اتگله يـــبويه امــنه گلي اشلــونهـه
مره اذكر من شفتـــهه اثر دم بعـــيونهــه
ذبلـــت وكل ســاعه تــذبل وايتغيّر لونهه
يمكن امن السوط زرگه ودم تصب امتونهه

ماتت من الضرب.. ماتت حزينه
چانت ابكـــل وقت..تسأل علينه

هم خلص عمرهه ..منكسر ظلعهه
////////////////////////////////////////////
من دفنهه ناده حيـــدر فاطــمه انـه علي
مثل ما ردّيت شمسچ گـومي بس ردي الي
عايش ابهمي وغربتـــي يا بعد ناسي وهلي
صعبه عند العرب حرمه ابيتهه ومن تنولي

نتلاگه بالجنــان ..باچر سويه
نبچي ابدمع ثجيل..آ يالزچيه

حسرتي إشكبرهه ..منكسر ظلعهه
////////////////////////////////////////////
حسين حيدر اللامي

الأيتام يَرون الامير صلوات الله عليه من بعيد
ويَتهامَسون بينهم!!

شوفو حيدر چنه ميت// جثه وادموعه تهل
توه دافن بيده روحه///شو اجه يمشي عدل

قرآن وينزف آيات..لحظه!يمكن حيدر مات
////////////////////////////////////////////////////////////
هـــذا حيدر لو مشاعر حايـره ومتـبعثره
زهرة اسنينه وحياته مختصرهه ابمـگبره
مره يوگف مره يمشي مره يـــرجع ليوره
هــوه يوم وفارگاهه هالسنــين إشكّــبره

هذا حيدر لا اضنن// يونس وبالعته حوت
گعدت ابنيته ورجع//للبيت خايف لاتموت

گاظيهه ابحزنه وآهات ..لحظه!يمكن حيدر مات
////////////////////////////////////////////////////////////
اليندل ادروب السمــاء اشلون منه اتظيـع دار
علي اصـــبح چـــفه بارد لـكن ابنص گلبـه نار
صحره ايامه الجميله وما يمر بيهه الـخظار
جبل فوگ الگاع يمشي وصاير ابجسمه انهيار

هوه ابو اتراب وعجيبه//اشلون يشتم بالتراب
ينحني لمن يشاهد // دار وايلاگــــيه بــــاب

ايام ابعينه اللحظات ..لحظه!يمكن حيدر مات
////////////////////////////////////////////////////////////
هوه من يوصل گبرهه الدنيه تصبح مظلمه
ايطيح فوگ الگبر صرخه ابيا حياتي فاطمه
ما تحسه گبر فاطم چنه طاح امن السمه
چنه ماي اتبده يمهه وبعد ياهو ايلملمه

اســد الـله ونبـــيه//راجـــع ابــنص العـــرين
جايب اوياه ريحة امهم//حته ميموت الحسين

بشفافه اتحير الچلمات ..لحظه!يمكن حيدر مات
////////////////////////////////////////////////////////////
ايصيـح يالـــزهره ارجعي والصـــده ابداره يدور
ايصيح بس لمن تسمعه اتحسه نافخ بيده صور
اشــلون لو رمـــضان اجـــاهم نار وابروحه تفور
هوه حيــدر چان عـــــنده بس وجه فاطم فطور

اهو القالع باب خيبر//شو اجه مقلوع حيل
نفس واحد ظيع اهله//ابديره غربه ودنيه ليل

متروسه ابوجهه الشيبات ..لحظه!يمكن حيدر مات
////////////////////////////////////////////////////////////
هــــذا ابو نهج البلاغه اشصار بيه امن الالم
يمشي بس ماكو مدامع يمشي واينگط حكم
اشلون واحد ماكو درعه ونابت ابـگلبه سهم
الـــراح چــنه اكتاب يمشي راجع ابهيئة قلم

عــلي يتلثم ابطـــبعه//من يسيّر عله ايتام
شو رجع للبيت وحده//وشاد ابوجهه اللثام

يتنفس حسره وشوغات ..لحظه!يمكن حيدر مات
////////////////////////////////////////////////////////////
حسين حيدر اللامي

طال يا مهدي الصبر
وانته بظلوعك كسر
تهمل العبره..لصطرة الزهره
وانته بظلوعك كسر
///////////////////////////////////////////
البگه ابعمرك ابد ماگول..البقيه إبظلعك وكسره
طحت من طاح داحي الباب..طيحة ورگه من شجره
ابيا زهراء ساعه اتگوم..ساعه اتطيح تتعثر
اصعب شي شفت بالعين ..ظربو جدتك صطره

موت.. والـصوط انطبع بيهه
موت..الباب انطبگت اعليهه
موت..اشحالك من تصد ليهه
دمه گلبك نزف

صــعبه فاطــم تحترگ
صعبه محسن ينسحگ
بالگلب حسره ..لصطرة الزهره
وانته بظلوعك كسر

///////////////////////////////////////////
مريم هزّت النخله..ورطب متروسه ايديهه
وفاطم مو رطب مريم.. اجذوع الطاحت اعليهه
من گد الحقد والغيظ..منهم طلّعو فكره
اجتمعو زمرة الكفّار..عله ياهو اليبَّچيهه

اه..راس اهل السمه شيّب
اه..ضهر المرتٰظى حدّب
اه..والحيطان هم تنحب
مصايبكم جلل

صعبه من وادم غرب
تدخل البيتك غصب
وينهتك خدره ..لصطرة الزهره
وانته بظلوعك كسر

///////////////////////////////////////////
داحي الباب ابو الكلفه..الباب الي كسر گلبه
ما صدك ابد مولاي..حيدر ظايع ابدربه
دافن روحه ام حسين..چن دافن علي نفسه
ويتيتم ابو الايتام..ما تنگال ابد صعبه

حيل ..المصايب طلّعت روحه
حيل..يون وي ونة اجروحه
حيل..شكو احچايات مذبوحه
بقه ابگلبه كسر

راح من عنده الصبر
دافن اسنينه ابگبر
الله اليصبره ..لصطرة الزهره
وانته بظلوعك كسر

///////////////////////////////////////////
يا مهدي اشعضم هالحال..لمن رد عله اولاده
يصيح ام الحسن راحت..ايا كسرة الساده
زينب وينچ امي اتصيح..حسن لازم چفوف احسين
طاحو كلهم اعله الگاع..من يا فاطمه ناده

افراگ.عله البيت ابحزن خيّم
افراگ..شكو حيل ابعلي اتهدم
افراگ.. بيت المرتظى اتيتم
عگب ام الحسن

گـــلبك اشــكبره لعد
حزن يبدي امن المهد
گلبك اتعصره ..لصطرة الزهره
وانته بظلوعك كسر

///////////////////////////////////////////
نفسهه الوادم الهجمو.. وعصرو فاطمه الزهره
هجمو كلهم اعله حسين..لحد ما ينگطع نحره
شعلو نار باب الدار..وشعلو نار عالخيمه
كسرو ظلع من فاطم..وحسين انكسر عشره

اهناك ..يمهدي چم فرس داسه
اهناك.. مـــگفه منگطـــع راسه
اهناك.. حيره ومـــاكو عبـــاسه
عله وجهه وگع

طايح ويجري الدمع
مــا بقه عنده ظلع
منگطع نحره ..لصطرة الزهره
وانته بظلوعك كسر

///////////////////////////////////////////
ذيچ الچان ابو الحسنين.. ايعزهه اهوايه وايحبهه
دارت دنية الاوهام..وشمر ابسوطه يظربهه
دخلوهه اعله اهل الشام..صاح الحادي متشمت
وهيه الوزّعت قربان..اخوهه ولرظه ربهه

الشام..اخذ من عدهه علويه
الشام..صاحو الــهه مســبيه
الشام..تتــــذكــره ليلــــيـه
عثرات الهزل

صعبه زينب بالقصر
والي دخّلهه الشمر
بيهه چم ذكره ..لصطرة الزهره
وانته بظلوعك كسر

///////////////////////////////////////////
يالمكسور كسرة عود.. وي كسراته تطلع صوت
اهواي ايحبكم اهل البيت.. لذلك سيّر الكم موت
نجمه وظايعه ابنص ليل..ماينعدن اجروحك
هيچ اتخايلك مرات..يونس طايح ابنص حوت

نوح.. دمع مــتناثر ابعينك
نوح..مصايب الله اليعينك
نوح.. دمه تتنازف اسنينك
قهر دمعك يهل

ظلــم ماتــت فاطـمه
اصبحت ظلمه السمه
ظلت الجمره ..لصطرة الزهره
وانته بظلوعك كسر

///////////////////////////////////////////
حسين حيدر اللامي

هيه نعــمه وابد ما حفظـوهه
فاطمه إبچف اجنبي صطروهه
//////////////////////////////////////////
صعدت النعمه الچبيره للسمه
ابمتن اسود ظـــلع يتــناثر دمه
لعنة اعله العــصابه الغــاشمـه
هيه مشكاة الله بس طفّوهه

//////////////////////////////////////////
فـشله لو شافاهه مدميه الرســول
يا لسان الظالـم اشيحچي إشيگول
ياهو منــهم صاطــر الزهره البتول
اشلون يسمع فاطمه عصروهه

//////////////////////////////////////////
هايه بنت السمه هاي ام الاحسين
صعدت لباريهـه محتـرگات إديــن
نعمـــة الله وما رعوهــه الكافريـن
هاي وادم ذرّه ما رحموهه

//////////////////////////////////////////
وجه فاطــم يا خلگ وجه السماء
مو ظلعهه الي انكسر ظلع الكساء
ابنار ظالمهه احترگ چــف الدعاء
من بعد نور النبي أذوهه

//////////////////////////////////////////
إيعين گلـــبك يا علي بهـذا المصاب
والزچــيه الطاهــره عــاصرهه بـاب
الباب من دم فاطمه اتحنه ابخظاب
صعدت املاك السمه اتلگوهه

//////////////////////////////////////////
باچر القائم يجي إبروحه الحزن
يذكر الزهره الزچيــه مــن تون
وينتقم من إلي گـــال الهه وإن
ويسحگ إخشوم الذي ضربوهه

//////////////////////////////////////////
حسين حيدر اللامي

لبو عـــلي..نذرت الوفيه
وفه وزلم..غيره هاشميه

/////////////////////////////////////////////////
اعضم مره مرّت على طول السنين
الراضيه المرضيه هاي ام البـــنين

غيره ونخوه ونوماس..جابت للطف عباس
ام عباس الوفّايه
گالتله اطفيهه العين..يا يمه العين حسين
ام عباس الوفّايه
گمر گمر..يومه غاظريــه
وفه وزلم..غيره هاشميه

/////////////////////////////////////////////////
ربت اله اربع زلم باحله الصـــفات
حته تحيطه باچر امن اربع جــهات

فدوه لخاطرهه ام عون..خل ولدي ينذبحون
ام عباس الوفّايه
ابدمهم خل ايكتبون..حا سين وياء ونون
ام عباس الوفّايه

ابدمه النحر..خَضِّبو الوطيه
وفه وزلم..غيره هاشميه

/////////////////////////////////////////////////
وصَّـــتهم ابعاشر اذا صار الصبح
حيَّ على خير العمل واعله الذبح

لا ترجع من اتروح..متوذر لو مذبوح
ام عباس الوفّايه
من اتقاتل الاعداء..ابيا حيدر يا زهراء
ام عباس الوفّايه

كفو وعلي..غيره حيدريه
وفه وزلم..غيره هاشميه
/////////////////////////////////////////////////
باذن الــبنين الاربعه ليهسه صوت
يا يمه يوم الطف تره زلمه اليموت

بالعاشر صيرو افياي..ياماي وانتو الماي
ام عباس الوفّايه

خدّام لاهل البيت..صيرو ومحلا هالصيت
ام عباس الوفّايه

الى الحرم..صيرو فدائيه
وفه وزلم..غيره هاشميه
/////////////////////////////////////////////////
اي شي يكول حسين بس كلوله صار
مرتاحه تعرف بابو فاضل راسه حــار

ياهيبه ورفعة راس..ياخوان العباس
ام عباس الوفّايه

يا ايه ويا قران..يا نوح ويا طوفان
ام عباس الوفّايه

حچت حچي..ابنبره حسينيه
وفه وزلم..غيره هاشميه
/////////////////////////////////////////////////
حسين حيدر اللامي

هوسات لولادة مولاتي الزهراء صلوات الله عليها:

المحمد والعلي مخلوقه الاكوان
صاغاهه ابـــكـرم رب الــبــريـه
وحيدر وي محمد ويــه الاكـوان
كلهم صـــارو العيـــن الزچــيه

محبوبة ربنه ايسمّوهه((هوسه))

اميـــرة شرف متفـــظله اعله الاســلام
اكـابـــر بنـــت اكــابــر بنـــت اكــابــر
حچيهه اويه السمه ابلا صوت مسموع
قـبل رد البـــصـر يـوصــل مــبـاشـــر

رب الكون امفاخر بيهه((هوسه))

الگايل يا محمــد مـــا الك جـــاه
عمت عينه ويضل كل عمره ابتــر
عله اعناده السمه ضلت تشع نور
واحنه ابهل مسه اعطيناك كــوثر

كوثر نازل يروي الشيعه((هوسه))

العندك حاجه ارفع ايدك وصـيح
الهي ابفاطمه وهل دمعة العيـن
يقضي حاجتك رب السمـــاوات
اذا شاف ابدعائك ام الحـــسين

بس ترفع ايدك مگظيه((هوسه))

تحيه امن الخدم لام الخدم هيل
خدم يمهه نصـير وكــون ننعــد
نستقبل ســــماحــة ام الحسين
صلو اعله النبي المصطفى احمد

نستقبلهه ابذكر الهادي((هوسه))



حسين حيدر اللامي

مخيلة الشاعر: ان الامامين الحسين والعباس عليهما السلام ذهبا لدفن العقيله صلوات الله عليها حينما وَصلا
تحدث العباس قائلاً:

جيتچ للدفن ما جايب الـــماي
بس هالمره جبت حسين وياي
وجاوبت زينب ابحسره..ليش اجه ومگطوع نحره
////////////////////////////////////////
صوت من بطن الجنازه مختنگ
شلونه صدر حسين ذاكه المنسحگ
خلي احچي اهواي گلبي محترگ
اتقربو يمي خويه ماحب نفترگ

عطشانه بعدني يا ضوه عيوني
اريدن كون بيديكم تدفنوني
اتگابلو حسره اويه حسره .ليش اجه ومگطوع نحره
////////////////////////////////////////
كافي تبچي فدوه يا راعي العلم
اشلون تبچي وانته بعيونك سهم
ابقو يمي خويه بس گولو نعم
بيه خوفه امنهد نيران الخيم

اشتهيت الماي اشربه من هذاكه الجود
بس اتذكرت صابوك بالعامود
حسين اخوك انكسر ضهره .ليش اجه ومگطوع نحره
////////////////////////////////////////
يابو فاضل تدري اريدن گبري وين
اني اريدن كبري بعيون الحسين
من تشيل النعش حيره يالحنين
اشلون گلي وانته ما عندك ايدين

اول مره اخوي حسين ما يحچي
مشتاگتله حيل اهواي لا يبچي
كون اشمن لحضه عطره .ليش اجه ومگطوع نحره
////////////////////////////////////////
وحچه حسين ودمعِته ابخده تسيل
عله شيل اجنازتچ مابيه حيل
هوه شيصير التدوس ابصدره خيل
ايموت صبحه وكل نهاره ايصير ليل

لهسه اذكرهن النضرات بعيونچ
صار اهواي ما گايلچ اشلونچ
شيلة التابوت كسره .ليش اجه ومگطوع نحره
////////////////////////////////////////
بعد ما خلّص حديث المگبره
اهناك بالبرزخ سوه لزمو سره
حسين وي زينب وسبع الگنطره
والتقو وي ام ضلوع امكسره

عوفوهه ابحضن فاطمه ختنام
خاف انوب تتحلم بالايتام
وابحضن فاطمه الزهره .ليش اجه ومگطوع نحره
////////////////////////////////////////
حسين حيدر اللامي

خلّص عمرهه—وابگبرهه— الهسه تنحب
بنص الترايب—والـخرايب—اتنـــام زينب
——————————————————-
كلشي هيّن والصعب—زينب ابنص الغرب
صعبة كلش بت محمد طبت الشام

خلصت اسنين العمر—تالي نامت بالگبر
يمكن الحد هسه تتحلم بالايتام

هايه طوفان الصبر—-اشلون تسحگ عالجمر
وابعبايتهه بقت دخان الخيام

تبدي قصتهه ابجرح—تنتهي ابراس الرمح
اگماط عبدالله تريد اتشبگه واتنام


چلمة ســـبيه—خارجيه —ماتحبهه
يم الكفلهه—والحملهه—ضل عتبهه

——————————————————-
صاحت ابدمعه وعتب—ما اجيتوني شعجب
يعني معقوله رحل كل تعب السنين

وينه عباس الگمر—خل يجيني امن النهر
عادي خل يشبگني لو ماعنده چفين

اتصيح تعبني السبي—ابسوطه يضرب اجنبي
لمن اعثر شفته يهتز راس الحسين

حسين يبست شِفِّته—اگبالي داسو جِثّته
وابقميصه اتروح تشتم النساوين

عبالي اشمه—شفت دمه—تارس الگـاع
ضليت ادوّر—ماكو خنصر—يمنته ضاع

——————————————————-
ساعه ياذيهه الزجر—ساعه يضربهه الشمر
مره تركض مره تعثر مره تنحب

وانگطع راس الاخو— واختفه ذاكه الدفو
وانسحگ صدر الإمامه وكلشي شيّب

بيا شريعه ويا حرب— هايه زينب تنضرب
شاهدت خيمة رُقيه ابنار تلهب

ذاكه شيّال العلم—نابت ابعينه السهم
من وگع ضهر المخيم كله حَدّب

يهلي وعيوني—ماتجوني—صاحت ابصوت
واهنانه غُربه—فرگه صعبه—اهوّن الموت

——————————————————-
داير اعليهه الزمن—وحشه ماعدهه وطن
هيه زينب وينهه و وين الدواوين

من بعد ذاكه الخدر—تالي طبت للقصر
امگيده ابچفه وتهل دمعتهه بالعين

بيهه يتشمت عدو—لا ابو يمهه واخو
ايگلهه زينب يالسبيه وين ترحين

املطخه ابفيض الدمه—هايه ريحة فاطمه
اشلون وسفه و دخلت ابين الملاعين

لا يمهه كافل—وابو فاضل—عالشريعه
ميت تشوفهه..اويا چفوفه—هم گطيعه

——————————————————-
السبي اصعب درب— والي تعثر تنضرب
وزينب ابضل العبايه صارت افياي

لمن خلوهه ابنعش—بيهه اثار العطش
عطش ملگه الشوف اخوهه مو عطش ماي

حرمه محترگه الجِدِم— ركضت ابين الزلم
حارت ابيا صوب تركض والعده اهواي

من رحل منهه الگمر—الغربه راموهه ابحجر
صاحت انهض يا بوفاضل تايه الراي

بنت الإمــامه—باليــتامه— حارت اهواي
ياهو التلزمه — يجري دمه— ايصيح بهداي

——————————————————-
حسين حيدر اللامي

ام الگمر واخت الگمر .. سولفن عالطف مره
بسياط وادموع وحزن.. چانت تدور الفكره
ومن وصلن الليل اهدعش
صار الحچي كله عطش
///////////////////
مره گعدن خوش گعده امن العمر
انجمعن ام عباس وي ام الخدر
وبالسوالف نبرة المچوي ابجمر
سولفن من صبح عاشر للعصر

زينب بدت بالفاجعه..وام البنين التسمع
السهم بحسين انغرس..ومگفاه صار المطلع
واهناكه ضل ابلا نعش
صار الحچي كله عطش
///////////////////
اتگول زينب سمعي يا ام البنين
الخيل عشره وداست ابصدر الحسين
وذاكه ابو فاضل سهم طافيله عين
راد ينهض بس نسه مگطوع ادين

وام البنين الطاهره..سألتهه فرد احچايه
شو من رجعتو امن السبي..عدكم نقص عبايه
ذاك الشمل محلاته طش
صار الحچي كله عطش
///////////////////
يمه يمه من تصير الدنيه ليل
نبچي كلنه انخاف لا تسحگنه خيل
الحيل راح اويه ابو اليمه وماكو حيل
الهضمني العبد عالساده يعيل

صار الحچي لام الگمر..وادموعهه مذروفه
اشحالچ يزينب عالهزل..وانتي ابحبل مچتوفه
والخدر عالگاع افترش
صار الحچي كله عطش
///////////////////
الدنيه مُــره واجرعت كاس الـصبر
زينب اني اشلون امشي اويه الشمر
بيمن انلوذ ومــنو الـــيفزع ســـتر
حيلي خلّص بس بقه ابگلبي صــبر

المره الاخيره امن اسألت..اشحال الحرم والايتام
ابذيچ الخرابه والزجر لو من دخلتو اعله الشام
والگلب منهه ارتعش
صار الحچي كله عطش
///////////////////
اني اول ضيف بالطف دخلوه
مو هلا بحجار كلهه استقبلو
ولو وگف مجبور يمشي ايعثّروه
بدل ما گواكم الله ايشَتّموه

ختمن الگعده بالدمع.. والآه منهن تحدي
يايمه باچر لو طلع..ياخذ ابثاري المهدي
والعقل بيه اندهش
صار الحچي كله عطش
///////////////////
حسين حيدر اللامي

مولاتي العقيله عليها السلام تگول:

علينه راس اخوي حسين مره
واعيون الخلگ يا نــاس مُره
للشام ادخــــلت مرتين مره
اجنازتي ومره سبيه

نزله:

غيره ووفه ام الخدر رفعة راس
من الله زينب هيه تشبه عباس
///////
گالو سبيه و هيه رفـعة هامه
شيمة اخوهه اتكفلّت بايتامه
ذلّت يزيد وســــــوّدت ايامه
نمرود هوه وحطمت اصنامه

بحچاية وحده سكتت احلوگ الناس
من الله زينب هـــيه تشـبه عـــباس
///////
طوفان دم يا زينب المـحـروسه
هيبة علي وابچفهه عصة موسه
خزرة الكافل بيهــه وي ناموسه
چنهه جبل والعانـداهه اتدوسه

هيه الخدر والتضحيه والنوماس
من الله زينب هيه تشــبه عباس
///////
من طاح ابو فاضل عالـــمسنــايه
زينب بدت قصتهـــه وي الـــرايه
زرعت عشگ بگلوبنه امن احچايه
ابهـــذا زرعهه خضّــرت مـــشايه

رفعت هممنه وبينه خلت احـساس
من الله زينب هـــيه تـــشبه عباس
///////
معروفه هـــــيه وتنذكر كالعاده
زينب سِبَت كل جيشهم والقاده
واليسأل اعليهه وجـــــوابه راده
من الله هوه حـــار دم الـــساده

ما همهه كل الي حچوه الارجاس
من الله زينب هيه تشبـــه عباس
///////
گد ما عضيمه وبالصبر موصــوفه
صيت العقيله اهناكه طب للكوفه
كعبه خدرهـه وانبـــياء اتطـــوفه
عبالك العـــباس مـــن اتــشوفـه

للباطـــل وللحـــق صـــفت كالمقياس
مـــن الله زيـــنب هـــيه تشــبه عباس
///////
حسين حيدر اللامي

قصيدة:ذاتَ يَومٍ

أداء:الرادود رحيم الشويلي

كلمات:حسين حيدر اللامي

عزاء بقية النبوه

https://youtu.be/2jvUYoebvvw?
si=tKvUDfoUsDEbRzns

قصيدة:بير الحزن

اداء:الرادود ابراهيم الياسري

كلمات:حسين حيدر اللامي

المجلس الشهري لهيئة العباس(مدرسة الرادود الحسيني)

https://youtu.be/w4MRRcdJvGA?si=ut04uzk4qf16fZ4J

يا إمامَ الوالِهين ..يا أَميرَ المؤمنين
علي مولى علي ..علي مولى علي
///////////////
صاح النبي ابصوت..ضد اليبغضون
لو اني موسه..چا انته هارون

گال بس هوه الخليفه..والبقه من ولده
فوگ بستان النبوه..خضّرت چن ورده
مو شمس بيدك تردهه..الكون كله اترده

يا طَريقَ السالِكين.. ..يا أَميرَ المؤمنين
علي مولى علي ..علي مولى علي
///////

فاروق الله..يعسوب الدين
حيدر ابو تراب..ليث الميادين

من تمر يا محلة ذكرك..انته مثل النسمه
بشر بس ذكرك عباده ..وسيد اعله الامه
الماشهدلك بالخلافه… خلي يسأل امه

أنتَ ذِكرُ العابِدين ..يا أَميرَ المؤمنين
علي مولى علي ..علي مولى علي
////////////

سورة يس..يالبيك اسرار
اسمك باللوح..حيدر المغوار
انته فوگ العالي عالي..وانته ضي الگمره
يا حبيب الله ونبيه..يا حبيب الزهره
اليندي اسمة بالقيامه..عالسراط اتعبره

يا دَليلَ التائِهين.. ..يا أَميرَ المؤمنين
علي مولى علي ..علي مولى علي
////////
قران ناطق..كافل الايتام
بايع نفسك.. من اجل الاسلام

من فتح حصن اليهودي..بيدك انطه الرايه
لو نزل قران ثاني..انته تنزل ايه
الجيش كله شويه يمك..وحيدر اننه اهوايه

قاتِلٌ لِلمارقين.. ..يا أَميرَ المؤمنين
علي مولى علي ..علي مولى علي
////
يا احلى مولود..وايحبه ربه
والمولد ايصير..داخل الكعبه

كلشي الاتريده يجيلك..والملائك كلهه صار
والي تطلگ بيك حقهه..ليهه ينشگ الجدار
لافتى الا عليٌ..ماكو سيف الا الفقار

يا مُبيدَ الناكثين .. ..يا أَميرَ المؤمنين
علي مولى علي ..علي مولى علي
////
بيك ويفخرون..الله ونبيه
حيدر الكرار..زوج الزچيه

انته فوگ العالي عالي..وانته ضي الگمره
يا حبيب الله ونبيه..يا حبيب الزهره
اليندي اسمك بالقيامه..عالسراط اتعبره

يا دَليلَ التائِهين.. ..يا أَميرَ المؤمنين
علي مولى علي ..علي مولى علي
////////
حسين حيدر اللامي

مدد مدد يابو الرضا
/////////////////////////
ياهو الاجه والدربك اتعنه
اتگول الروايه يضمن الجنه

من ابعيد انشم الحضره..گبرك بي ريحه امن الزهره..
ما يتراجع حبنه تجاهك..يالحبيناك اعله الفطره

مدد مدد يابو الرضا
/////////////////////////
هوه اليطوفك ما يضل تعبه
ابنص الصحن چن طايف الكعبه

باب الحاجه الما يتكرر..امك فاطم جدك حيدر
يالگبتك احلى امن الدنيه.. وابهل الدنيه چفك محور

مدد مدد يابو الرضا
/////////////////////////
حيره صفاتك ماكو بالدنيه
مسجون لكن كله حنيه

يا مصحف نازل يا آيه..طلعت لعيونك مشايه
من البصره الحد الحضره.. زوارك يا موسى اهوايه

مدد مدد يابو الرضا
/////////////////////////
حگهه الملائك تحضر اتطوفك
هيه السلاسل باست اچفوفك

يا سورة كوثر مقريه..ابسجنك بس انته ابحريه
گلبي ايريد ايعوف اضلوعي..لو جابو موسى وطاريه

مدد مدد يابو الرضا
/////////////////////////
ياداحي بغداد وضواحيهه
گبرك تره هوه الي حاميهه


متعودين احنه وكالعاده.. ياهو اليگصد فاز امراده
من الله يا عالم هايه .. كله احروره دم الساده

مدد مدد يابو الرضا
/////////////////////////
حسين حيدر اللامي

في مَسرَحِ العِشقِ الإلٰهي قائِماً
ذاكَ الـــحُسَينُ لِلــبَلايا صابِراً

فَضَميرُ سَيفٍ حَزَّ نَحرَ إمامِنا
لِلآنِ يَحذو خاشِعاً مُتَصَدِعاً

فَتواصِلُ الطَعناتُ مِلأَ سُيوفِهم
هُم يَطعَنونَ وَجِسمُهُ مُتَعَبِداً

لا لَم أُشاهِد فارِساً مِثلَ الَذي
أَدى التَحيةَ لِلرِماحِ مُفاخِراً

فَيُخاطِبُ الرَّبَّ الجَليلَ بِنَبرَةٍ
خُذ يا إلٰهي جَسَداً مِتَقَطِّعَاً

إن كانَ يُرضيكَ إنسحاقي بِحافِرٍ
فَابشِر إذاً هذا الحُسَينُ مُسَحَّقاً

قَد أَعجَبَ السَبعونَ صَبرَ فؤادِهِ
تَسبيحَةَ الزَّهراءِ كانَ مُسَبِّحاً

مَنِ الَذي يَجرؤُ قَتلَ حُسَينِهِم
صاحَ اللَّعينُ مَن تُرى مُتَقَدِماً

قَد هَروَلوا نَحوَ الإمامِ بِحِقدِهِم
ما بينَ شَمتانٍ وَ آخرَ طامِعاً

وَصَلوا إلى سِبطِ النَّبي مُحَمَّدٍ
فَوَجَدوهُ مِن سَيلِ الدِما مُتَخَضِباً

فَتَهامَسوا ما بَينَهُم بِتَعَجُّبٍ
هَل كانَ عطشاناً تُرى مُتَهَجِّداً

هيا أَريحوهُ مِنَ النَّزفِ القَوي
وَمَن يُريحُهُ كانَ عِنديَ فائزاً

مِن شِدَّةٍ النّورِ الَذي في وَجهِهِ
صارَ الجَميعُ إلى الورا مُتَراجِعاً

قَطَعَ نِزاعَ القَومِ قَطعُ وَريدِهِ
ذَهَبَ الإمامُ ألى الجِنانِ مُحَلِقاً


ما كانَ ضَمآناً على رَأسِ القَنا
فَالسِبطِ لِلقِرآنِ كانَ مُرَتِلاً


اول مره اشوفن هيجي انسان
لاهوه وحي ولا هوه قران

نبرة صوته جانت مو غريبه
يمكن سامعيهه بوكت الاذان

چبير الدنيه كلهه وسيد الكون
بس وكت العباده اتشوفه خجلان

شفنه اهواي مذبوحين بالسيف
وما شفنه قبل مذبوح عطشان

عزب للخيول الگصدته اضلوع
چا هوه الحسين ابصدره ديوان

يوصل للعقيله ابروده تلفيه
ومن ايدير وجهه اتلوحه نيران

يلم الشوك بيده حته متدوسه
بنات المصطفى من ماكو صيوان

ينزل دم رجع ويشمره ليفوگ
كريم وأبي هيچ احسينهم چان

وربنه چي جميل وراد يرضيه
قدم طفله چي هذا احله قربان

حسين حيدر اللامي

هذا ضعن البي عطر اهل السماء
من تشوفه اتحس مسيرة انبياء
////////////
هالضعن كله وفه وحب ممتلي
فاطمه كل حرمه كل زلمه علي
لو شفتهم كل همومك تنجلي

وچن محمد گاصد الطف كربلاء

////////////
اهناكه هم موجود عباس الگمر
للعطاشه ريشته تصبح نهر
امن الگناطر ضلت ابعينه صور

طود يمشي وشايل ابچفه اللواء
////////
هايـــه زينب بين اهلهه امدللة
مادرت بس توصل الطف كربله
الشمر يوليهه ابزجر وي حرمله

وتركض ابدمعه وعويل امن الخِباء
//////
حسين يمشي والمنايه قادمه
گاصد لأهل الوجوه القاتمه
هذا ابن العرش وامه فاطمه

ايصير مسلوب العمامه والرداء
///////
ضعن من عنده يشع نور الرضيع
ونبله تذبح طفل هالمنضر فجيع
حسين كل اعياله بالعاشر تضيع

والعبي تتلطخ ابسيل الدماء
//////
يوم عاشوراء كل ذاكه الخدر
تركض ابنص هيمه تسحگ عالجمر
وزينب الحره العقيله ام الخدر

ما توصّف ضيمهه احروف الهجاء
///////
حسين حيدر اللامي