موشح ابا الفضل العباس (صلوات الله عليه)
……………………………………………………..


صال طيرهة الرتب بچفوفة
الزلم وصلت زحف للكوفة
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هجم كومهة الجنود اعلة الثرة
الشمر كام يصيح ويرد ليورة
هذا عباس ارتجز لو حيدرة
اخو خيتة يشرد من يشوفة
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
نزل گام يگطع بفرسانها
يجدح بعينة ويغير الوانها
المشرعة بيده لواهة اذانها
والفرات بكلبة ضلت خوفة
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
جابتة وفرحانة بي ام البنين
انطتة درس الوفة ودرس اليقين
صاح بالطف لا حياة بلا حسين
وصار كعبة والمناية تطوفة
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اجة امن الميمنة والجربة تسيل
گام يكفخ روسهة كفخ الذِليل
واصبحت تصارخ و يسطرهة حيل
سطرة العباس تعمي الشوفة
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
سيفة من گد الذَبح صاير جمر
غاص بيهة وخاف من يمة الشمر
الموت هلهل غضب وعيونة حمر
والنهر ضل يبچي وي إجروفة
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
✍️. . حسين حيدر اللامي

📜»قصيدة: لوحة الطف
🖊️ » كلمات: حسين حيدر اللامي
- — ——— ——— ————

سيدي… اسمحلي اتخيل ضلوعك سالمات
وشارب ومتروي من ماي الفرات
سيدي… اسمحلي اتخيل بروحي الراس باقي اعلة الجسد
والرباب بواهس تهز بالمهد ….. سيدي

🔺🔻🔺🔻🔺🔻🔺🔻🔺🔻🔺
إرسـمـت للـطف غيـوم بكـل حنـين
بلكـت ِتفيـي على جسـم الحسـين
لكـن الفاجـئهة دامـي ِالـودجـين
وطـلعت مـن اللـوحة بصيـاح الحزين
وناثرة تـراب الذبـح فـوك السـنين
وحمّـلت بـس مو مـطر خيل وأنـين

سيدي…اسمحلي اتخيل الخَيل الغايرات
تعبر وما تسحك اعلة الذاريات
سيدي…اسمحلي اتخيل بصوتك قُلْ هوَاللهُ احد
والرباب بواهس تهز بالمهد 🔺🔻🔺🔻🔺🔻🔺🔻🔺🔻🔺🔻🔺
إرسـمت ريشـات بـس طاح القـلم
وبمـخيلتي اجـة دور العـلم
ردت ارسـمة تفاجئـت من الالـم
ثـاري باللـوحة طلـع نابت سهم
و وكعت من الرسمة چفين وشِيَم
وبّـدال اللـون الاخـضر سـال دم

سيدي…اسمحلي اتخيل رسومك واضحات
خاف هنة من الضرب متشوهات
سيدي…اسمحلي اتخيل ايامك باقية طول الامد
والرباب بواهس تهز بالمهد

🔺🔻🔺🔻🔺🔻🔺🔻🔺🔻🔺🔺

وبمـخيلـتي ارسـمت ارض الطـفـوف
وجـملـتهة ورتـبتـهـة لليـشـوف
وارسـمت بالجـو كمـر بـس بيـه خسوف
وانثــرت بيـدي غيـوم الحُـب أُلُـوف
والطـيور هـناك بيـهة وچـن تطـوف
لَـوَّن بـس طر الفجـر ًصـارن سـيوف

سيدي…اسمحلي اتخيل خيامك طافيات
حتة مايحركهن احد للممات
سيدي…اسمحلي اتخيل خيامك عامرة تضل للابد
والرباب بواهس بالمهد….. سيدي

🔺🔻🔺🔻🔺🔻🔺🔻🔺🔻🔺🔻🔺
وإرسـمتْ جاسـم يزفـونة الشبـاب
چنـت فرحـان وابـد ماكـو ارتيـاب
فجـأة مادري ارسـمت جو بـي تراب
واسـمع إنسـلت سيـوف من الكراب
وتنـجلي الغبـرة ويـرفـعون الـنِگاب
وإذا بـعريـسـنة مـحـنة بـخِضـاب


سيدي…اسمحلي اتخيل عيونة الذابلات
صاعدات لرب عزيز وشاكيات
سيدي…اسمحلي اتخيل جروحك عايشة بروحي مدد
والرباب بواهس تهز بالمهد
🔺🔻🔺🔻🔺🔻🔺🔻🔺🔻🔺🔻🔺
الـمهم اتـعـذبـت بالـلـوحة حـيــل
شـمـا زرعتـلهـة ورد أثـمـرت خـيـل
شـما احطلـهة شمـس تنكلـب ليـل
بيهـة مـن انـي ارسمـت راوتنـي ويل
والدمـة من اللـوحة صار يسيل سيَل
وفجـأة من رسـمة جثثهـم فاح هَيـل


سيدي…اسمحلي اتخيل عيالك كاصدات
من العدو وبفي حنانك لايذات
سيدي… اسمحلي اتخيل بروحي الراس باقي على الجسد
والرباب بواهس تهز بالمهد 📜

📜قصيدة: ماذا جرى؟
✍️كلمات :حسين حيدر اللامي
……………………………………..
َشمْسٌ تُضيئُ ألاَرضَ نوراً ساطِعاً
مالي أرى لِلشمسِ ضوءً أحمرا

أوَ يَنجلي وَجهُ السماءِ تَخَدُشاً
أم يَلتَقْي بِالغَيمِ أشْعَثَ أغْبرا

أوَ كَوكْبٌ في الارضِ يَركُضُ جازِعاً
أم مِن ذُهُولٍ لا اُصَدِقُ ما أرى

هَل لِلحِجارةِ طَبْعُ أنْ تَبكي دَمْاً
أم لِلحِجارةِ طْبعُ أن يَتَحجْرا

فَنَضْرتُ في الصْحراءِ حَيثُ أُلوفُهم
سَيفٌ يُقطّعُ تارةْ يَطْعَنُ خِنْجرا

سِرتُ إلى تِلكَ السْيوفِ مُبادِراً
عَلّي أُشاهِدُ خطبْهُم عَمّا جرى

فَبرى الجوابُ مِثْلَ صَوتٍ زاهِقٍ
قُتِلَ الحُسَينُ في يَدَيْ أشقى الورى

قَدْ هشّموا أضلاعَهُ بِخُيْولِهم
وَالماءُ في جَسَدِ الغريبِ تَصحْرا

فَالبعْضُ يَقْصِدُ حَلقهُ بِحِجارةٍ
والبعضُ يَسْلِبُ تارةْ يَقْطعُ خُنْصُرا

قْالوا نُقاتِلُ أخِذينَ بِثأرِنا
بُغضاً مِنَ الآبآءِ نُبغِضُ حَيدرا

قدْ قطّعوا أشلائهُ بِحِرابِهم
وَالجُرحُ في جَسَدِ الإمامِ تَحَيّرا

سَلَبْوا رِدآءَ العالَمْينَ بِسَلبِهمْ
سِبْطَ النّبيّ المُصْطفى خَيرِ الورى

وَالرأسُ فَوْقَ الرُمْحِ يَنْزِفُ آيةً
ما أعْذَبَ الصوتْ الذي مِنه سرى

فَتَوَجهتْ صَوبَ الخيامِ سياطُهمْ
ضرباً على الأيتامِ وَالدمْعُ جرى

رَكَضت إلى تْلِ النَحيبِ أميرةٌ
فَتَوْقفتْ وَ الدمْعْ فيِهِ تَعَسْكرا

إنْ كُنَتَ حَياً فَالعِيالُ تَشَتتْ
إنْ كُنتَ مَيتاً كَسْرُنا لَنْ يُجبرا

سادَ الفضاءُ مِنْ سَوادِ خِيامِها
حُزناً شَديداً يَملئُ الأُفْقَ سرى

سْيقوا إلى الشامِ العَسيرِ بِيَأسِهمْ
وَ البؤسُ في خَدِ الطَريقِ تَعَفرا

سَلَكو طَريقَ السوقِ طَوعَ سياطِهم
دَخَلوا وَقَلبٌ لِلعَليلِ تَكَسْرا

وَ بِوَسطِ ذاكَ الضُلمِ كانَ سؤالُها
هَل لِلمُروءةِ أن تُباعُ وَ تُشترى

سُبيَتْ عِيالُ اللهِ ضُلماً غاصِباً
وَالحُزنُ في صَوتِ الجوامِع كبّرا

دَخَلوا إلى قَصرِ الطُغاةِ بِتَعبِهم
وَالضُلمُ وَالعُدوانُ فيهِ تَجَمْهرا

طُرِحَ السؤالُ مِنْ أميرِ كُفرِهمْ
وَالصَوتُ في طرْحِ السؤالِ تَبْخْترا

قولي وَما أحوالُ ذَبحِ كَبيرِكُمْ
قالت جميلاً وَالجمالُ تَصَدرا

بَطَشّتْ بِعَرشِ الجُبنِ ذاكَ بِخُطبةٍ
فَالقْصرُ فيهمْ كادَ أنْ يَتَفَجّرا

صارَتْ تُصَبِرُ قَلبَ كُلِ يَتيمةٍ
تِلكَ العَقيلَةُ قَلبُها ما صُبّرا

أدّتْ رِسالَتَها بِحِفظِ إمامَةٍ
هيَ زَينَبٌ بَلْ فاطِمٌ بَلْ حَيدرا.
.-.-.-.-.-.-.-.-.-.-.-.-.

! لَيْتَ شِـعْرِي أيْنَ اسْتَـقَرَّتْ بِكَ النَّـوَى 💔

قصيدة : يا حسين

أداء :الرادود زين العابدين الربيعي

كلمات : حسين حيدر اللامي

مدرسة الرادود الحسيني
https://youtu.be/01vaoWDpROY

قصيدة 📜،،، ميزانُ الحقّ
كلمات🖊️ ،،، حسين حيدر اللامي
—————————
يا مَنبَعاً لِلحَنان
لَلكَونِ أنتَ أمان
في الشِدَةِ مُستَعان
كفّاكَ فيها الجِنان

بِالعَدلِ ذا أصبَحتَ سَيفاً قاطِعاً
لِرِقابِ أهلِ الشِركِ وَ الطُغيــانِ
فَتَشتُ عَــــن شَئٍ يَلــيقُ بِحَيدَرٍ
فَـــلم يَـــلِقْـهُ مــا ســوا الآذانِ
روحُ النّــبيّ زَوجُ فــاطِــمَــةٍ وذا
أسَدٌ أُجـــامٌ جــامِــعُ الــقــرانِ
نَهجُ البلاغةِ وَ الكـمالُ بِنَهــجــهِ
نَثــرُ اللألئِ مُـــجمَــلُ الأيمــانِ

يا أولَ المُسلِمين
يا أصدَقَ الصادِقين
يا أوفَرَ الشاكِرين
كفّاكَ فيها الجِنان
……………………………………
قَدْ صارَ لِلإِسلامِ حِصناً مانِـعاً
لِمَزالِقِ الأخـطـارِ وَالشيطـانِ
نادي عَليّاً في مَحطات الشِدَد
وِردٌ عــضيـمٌ ًخــالِــدٌ لِـلآنِ
كَهـفٌ كَبـيرٌ ضَمَّ أيتامَ الـورى
بِالحُـبِّ يَـزهو دافِئُ الجُـدرانِ
خَـبَزَ الحـنانَ مُدعَـماً بِـأنامـلٍ
كانَـت تُـقيمُ القِـسْطَ بِالميزانِ

ما مؤمِناً قَدْ أتاه
في أيّ كَربٍ دَعاه
إلّا وَ نالَ مُناه
كفّاكَ فيها الجِنان
………………………………..
سَلِ ألأحْزابَ سَل بَدراً حُنَـيناً
مَن بِالكَتائبِ أشجَعُ الفُرسانِ
حَتماً عَليٌّ ذَلَّ اصنافَ العِدى
بَل لِلـشَجـاعةِ لامِعُ العُـنوانِ
قَتلُ ابنِ وِدٍ فَتحُ خَيبَرَ أم تُرى
أُحُـدٌ عَلـيٌّ يا عَـضيمَ الشـآنِ
وَبِـخَـندَقٍ لِـلهِ دُرُكَ يا عـلـي
في ضَـربَـةٍ كَعِـبادَةِ الـثَقَـلانِ

في الحَربِ لَيثُ الصِعاب
لِلــهِ عَـبـدٌ أنــأب
وَمـا سِواهُ سَـراب
كفّاكَ فيها الجِنان
……………………………..
لِلحينِ نَذكُرُ حينَ فَرَّ جَميعُهُم
شَعَرَ الرَسولُ بِشِدَةِ الخُذلانِ
فَانصاعَ يَندِبُ صِهرَهُ مُتَيَقِناً
بِقُدومِ سَيفِ الحَقِّ وَ البُرهانِ
دَخَلَ الوصيُّ مُزَمجِراً بِهُتافِهِ
وَ المَوتُ كَبّرَ في صدى الأزمانِ
قَلَبَ اليَمينَ على الشِمالِ كَأنّهُ
نُوحُ الشَجاعةِ سَيدُ الطوفانِ

يا سيداً لِلعَطاء
يا والِدَ الفُقَراء
يا أكرَمَ الكُرَماء
كفّاكَ فيها الجِنان
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وَبِفَجرِ ذاكَ السَيفِ تُطبَرُ هامةٌ
كانَت بِفَيضِ العِلمَ كَالبُركانِ
فَالكَونُ أشعَثُ وَ المَجَراتُ امتَلت
حُزناً شَديداً صبَّ في الأزمانِ
فَالبيتُ يَنحَبُ يَا عليُّ مُزامِناً
بَنتَ البَتولِ وَ دَمعَةَ الحَسَنانِ
ما كانَ غَيرُكَ بِالمَنايا فائِزاً
يا مَرجِعَ الإسلامِ وَ الشُجعانِ

مَولايَ نَرجو رِضاك
هَيهاتَ نَهوا سِواك
عَلى الصِراطِ نَراك
كفّاكَ فيها الجِنان

تَهَدَّمَتْ وَالله أركانُ الهُدى

واكسرتاه بَعدَكَ يا أبانا ياعلي 💔

عَجيبٌ أَنْتَ حَبيبي حُسينْ

عن قريب تنزل انشاء الله قصائد شهر محرم الحرام بحيل ساداتي ال محمد

صلى اللهُ عَلَيكَ يا مَولايَ الجَوادْ💔

إلى الإمامْ مُحَمَدْ الجَوادْ(عَلَيهِ السَّلامْ) :

جواد وجود فضلك تارس العـيــن
ضريحك بيه زياره ابطعم الحسين

جدك راد شمس الله الوسيعه
أمرك سيدي واجــب نطيــعه
——————————————-
مملكتك إچبيره..جود اووفه وغيره..
كل الفلك والكون—بالاصبع إتديره

هيـه امــك الكــوثر ..منانه واتصور
اهل السمه يركعون..يم نورك الابهر

قبل السؤال إترد عليه هاك امــراد
گبرك مناره وحگهه تفخر بغـــداد


الطلب ذريه ودمــوعه إبلــحيــتـه
يرد تترسله حضــنه ويحله بــيــته
ويجي للحضره جايبلك رضيعه
أمرك سيدي واجـب نطــيعــه

——————————————-
ما رجَّعِت سائل..چنك أبو فـــاضل
والمارضه إبحبك..جاهل ابن جاهل

عشاگك إهوايه ..ترفـعلك الــرايــه
إبنص العزاء إتصيح ..مشايه مشايه


اليدخل ضريحك بيه يشم هيل وياس
ومو عجبه لو حيهّ الخدم چف عبـاس


الامان إيخاف وإبنص صحنك آمن
رؤوف وتشبه الوالـــــد الضــامن
يم اسمك نأمن كل فجيعه
أمرك سيدي واجب نطيعه

——————————————-
عطر الحسن عطرك..جنة عدن حدرك
حته صبر ايوب .. ضل يسجد إلصبرك

سامره هم تحدي..وبالــتعــزيه تبدي
والعسكري إتعناك..والهادي والمهدي

سفرة حوائج تفرش إبصحنك دوم
للاعمى للطاح إبمرض للـمهـمـوم


بيدك جاذبيه إعله الــعــــوافي
إمام وهم عضيم وهم تشــافي
منك صار منهاج الشــريعه
أمرك سيدي واجب نطيعه

——————————————-
بعين الگلب رسمك ..فدوه رحت لاسمك
يا سيدي ومـولاي..قــربنــي مــن يمــك

خدامك احبابك..باب الله چــن بابـــك
كل معجزات الكون..صلت إعله اعتابك

عدكم بسيطه الدنيا يا اهل البيت
كل التواضع بيكم وكل الــصيــت

يمن باب الله بيدك ضال مفتـوح
عطر الجنه من شباچــك يفــوح
ما همتكم الدنيه الوضيعه
أمرك سيدي واجب نطيعه

——————————————-
عالِم على العالِم..سيد علــى الـــوادم
بحر العلم والدين..والعانـــــدك نادم

رادو يحجبــــونـك..رادو ينـــزلــونــك
بس الزمــان انــدار..والضـلت اعيونك

اسمك بحر فوگ العطاشه إنشوفه
بس اليحبك يرتوي إمــن إحـروفه


كوكب تبقــه ما بيــن الكـــواكـــــب
ونورك فاگــس إعـيـــون النواصـــب
وصدى صوتك على الشيعه تذيعه
أمرك سيـــدي واجـــب نطيــعه

——————————————-
🖊️:حسين حيدر اللامي

موعدنه يم باب المراد
لبيكَ مولايَ الجـــــواد.. يامولاي
——————————————-
اهل السمه نصبوله فوگ إقرايه
واهل الارض راحــو إله مشــايه

هـــــوه سيد الساده
حنين أبجودة كلعاده
يفرش سفــرتة وزاده
ويگلي اتفظل

الشيخ العـــام عالديره
صعب يصعب تفاسيره
اليطيح ابشدة وابحيره
يگصده وتنحل

كل الخدم لبست ســواد
لبيكَ مولايَ الجـــــواد.. يامولاي
——————————————
محله المناره إبداره محـله الحظره
إبن الرضا وبي ريـحه أُمــــه الزهره

الحوائج بيده جمعهه
على الخدام وزعـهــه
حنين ومايرجـــــعهه
امير النعمه

عضيم وگبته اچبيــــره
مظيفه عامر ابخــــيره
ابجـواره عاشت الطيره
برودة نسمه

اسمه يضل سيد العــباد
لبيكَ مولايَ الجـــــواد... يامولاي
——————————————
إبكل سنه زواره ضـلـــــت تـزداد
وكل الطرق صارت تؤدي البغداد

ربنا ابعصمته اتجــله
بحيث ايشافي كل عله
ياهو ابعلمه يوصــــلّه
بشر أَتحَدّه

الامام الراكع الســـاجد
الشّاب المــتقي العابد
حبيب الخالق الواحــد
مثال إلجدَّه

فوگ العرش علگو حداد
لبيكَ مولايَ الجـــــواد... يامولاي
——————————————
واحدنه بتراب الدرب يتـــحنّه
شفنه طريقه هوه درب الجـنه

حـــنين ويحــن علفــقره
امــــاني صــٰاير بگبــــره
ردت من عنده بس نضره
ويسجل اسمي

بحر جوده طفح گدره
چبير يبلـل الصــحـره
هوه بــــحالـــتي أدره
يحقق حلمي

حلمي معَ المهدي الجهاد
لبيكَ مولايَ الجـــــــواد... يامولاي
——————————————
اليعشگ حروفه للابد ما يحتار
حبه امان وتــبرئه مــن النـــار

هواك الدخل بانفاســـي
رفع صيتي ورفع راســـي
بقت تحسدني كل ناسي
على هلخدمه

وأضل بخدمتـــك دائـــم
الى ان يضـــهر القائـــــم
چبيره كلـــمة الخـــــادم
إشعظم هلكلمه


ناح وبچه حته الجــــمــاد
لبيكَ مولايَ الجـــــــــواد... يامولاي

——————————————
🖊️:حسين حيدر اللامي

أذنب والگه خيرك جاي للبيت
يالمــغرگني مــن كوثر حنانـك

وتسامحني إشكثر —— يقرآن الفــجر
——————————————————
انـــي ذرّه—وانته حضـره
وگبه مخطوطه إبقلم رب العـــباد
لا متطرد—يـمك اگـصد
مجلسك يشطب عله إذنوبي إبسواد

متحملني اهــواي —يل ما شارب مــاي
شابع جيش اسهام—شنــجازيك إبــهاي

اعوفن دربك وهــم امشي لبعيد
وارد والگه إبدفو إتحضّر مكانــي

بَحر من الصبر — يقرآن الفــجر

——————————————————
ياهو مثــلك—سال دمك
وزعت جسمك على احلوگ السيوف
تنطي الاكبر —تنطي اكثر
إمسلّبه اثيابك لچــــن ســـاتر الوف

گلي إنروح الوين — لو عفناك احسين
عميان وصحناك —وافتحتلنه العـين

الشمس منريدهه وانته الضوه الزين
خل الـشمس تنزل وانتـــه اصــعــد

يوالدنه الذخر—يقرآن الفجر

——————————————————
يا حنـــانك—يـا امـــانـك
شيخ ومغطي السلف كل الجهــات
على ايتامك—على اخيامك
لحد هاي الساعه دم يبجي الفرات

صبرك ماله احدود—من شفت العامـود
طر راس الوفّــاي — ومايه اتبده الجود

ذبح عبدالله نبلة عين عباس
كل هذا تقدمه ابلا مقــابل

وتقدملي العُمر — يقرآن الفجر

——————————————————
إنته عِبره—إنته عَبره
إنتــه منـــحر مـــحتــقر ذبّـاحه
حيره عاشر—طبع حافر
ليش مثــلك ينــزف إمن اصفاحه

صدرك نجمه وليل—ليش اتدوسه الخيل
كلهه اسيوف ارماح—گامـــت بيك اتعيل

يل إمبچيني زيد حرگتي إعليك
وبمـشّايــتك سـجّلنــي زايــر

وتخليني افتخر —يقرآن الفجر

——————————————————
إبموتي تحضر—يبو الاكبر
وحشه گبري وخايف إيطول الحساب
وتبقه يمــي —حسين امي
وانته بيدك خـــــتم توقيــع الكــتاب

ضلمه وشع النور— لو بيّن عاشـور
بالبرزخ انعــــاك— دمك بيه إيفور

احبك يا ابو الكل اليخدمون
واليخدم عزائـك عالي شانه

مثل نسمه وتمر—يقرآن الفجر

——————————————————
🖊️—حسين حيدر اللامي

بسم الله الرحمن الرحيم
نبدأ تنزيل قصائد شهر محرم الحرام

العليله عليها السلام:

آنــه ودَمـعــتي واللـيل — سولفنه إبدفو إحروفك
نزلت نجمه مدري إمنين — ثــاري إدور إچفـوفـك

جرح الـفُرگه ماطــاب— آيا فــگـد الاحــبـاب
—————————————————————
هــذا حالي إخلاف وجهك طير محبوس إبقفص
وبـالنـوايـح بـيـر صبـري هـم ابـشــرنك خلـص

مرني إبحلم لو بالصدگ عـازة نفـس للمخــتنـگ
دلالي بس باسمك يدگ ما ضل الي صبر

انــه العليــله وانتــضــر. دمعي نزل مثل الجمر
لو ردته هاك اخذه العمر. بس ترجع وتمر


أرجع واغفه باحـزاني — وانه ادري البُعُد حرّاگ
هيه الجنه باحضانك — وانه بنيــتك وأشتــاگ

أصيح اويه الهوه الهاب—آيا فــگـد الاحــبـاب

—————————————————————
الشجره لو تكسر غصنها يطير واهس كـل زرع
وانه مصيوبه إبشظايه إفـراگ واتنــازف دمــع

غرگــانه واستنشق حزن واسمك يجي إبالي واحن
‏والبيت صاير چن سجن ما يرحم القَدر

يا بويه يا اجـمل نــحر منـك اخــذ لونه الگُـمَر
طفله انه شيبني القـهر فَگدك كِسَر ضَهَر


اجمع ذكرياتي إبشوگ — والفرگه تطـشّــرهـن
كـل أَيـامي وسنيــني — عگبك والله ما حبهن

عـيني مناطــره الباب—آيا فــگـد الاحــبـاب

—————————————————————
نجمه تاهت بالـعوالم وإنگطـع درب السمــه
هيج احس انه بصــفنتي وداعت امك فاطـمه

ليش النحبه ما يضــل. ودروبه يترسهه الزعل
وكل المشاعر والخجل. تتبده چن نهر

وبكل كتر نبقه نــصد. ها لو يرد لو ما يرد
سيف ويذَّبِّحنه البُعِد. ونتاني اي خبر


آخ إتكـض ضهر چـــم آخ. وتلم قــوّتي لباچـر
هيچ أكضي العمر ضليت. انه ولوعتي إنكــابـر

بالطــف عندي غيّـاب —آيا فــگـد الاحــبـاب

—————————————————————
أسال أوراق الخريف الچانت أبطولك تِحف
لان اول بشــر انته إيــصير طاريــك تــرف

ليل الهجر لمن يجي. اشبع هضم اشبع بچي
واتذكر اوياك الحچي وينك يكل هلي

اكتبلك بدمعي اليصيب. شوگ إبضرف رشيته حُب
وإموقع إبختـم الگلــب. بلكت ترد الي


حيره إمحــزمه ابـــالآم —تفتر إبوسط حلمي.
مثل الملح وسط العين —هيج إموصّفه هَمّي

جفني إمن التعب شاب — آيا فــگـد الاحــبـاب

—————————————————————
انه من يـــوم الٰـفتح عينــاي رب العالــمــيـن
خله كل دگات گلبي إبصوت تصرخ ياحسيـــن


احسبني طيره إويه الضعن — ماتندل وعينك وطن
واتجرعت كــاس المــحن — مــحد الــي التــفت

من رحت عنّي إشكد صحت — اوگف گمت واعثر طحت
اوصــــل الـــك انـــه ردت — بــس دمــعتي صــفــت


مل كل الصبــر والآه — سوده وموحشــه داري
لو سبع ابحر وانهار — مــــا تطفــه بعــد ناري

عندي اوياكم إعتاب — آيا فــگـد الاحــبـاب

—————————————————————
🖊️—حسين حيدر اللامي

سَيّدُ العِزَّة:

إمامي غَريبْ. إمامي سَليبْ
حُسَينٌ حُسَينْ. حُسَينٌ حُسَينْ
———————————————
أرىٰ فيكَ صَمْتُاً يُحاكي الكَــلامْ
كَسَرْتَ بِــنورِكَ أَنــفَ الضَــلامْ
رَسَمْتُـكَ كَعْــبَةً لِــديِنِ الوِئــامْ
فَجائَتْ بِصَدرِكَ تَطـوفُ السِهامْ


سَتَبقى عَجيبْ. إمامي سَليبْ
حُسَينٌ حُسَينْ. حُسَينٌ حُسَينْ

———————————————
سُحِقْتَ بِخَيلِ العِدا وَالطُغاة
لِتروي بِكْأسِكَ مــاءَ الحَيــاة
فَجاعَتْ سُيوفٌ بِأيدي العُتاة
فَوَزَّعْتَ جِسمَكَ كُلَ الجهاتْ

أَميرُ النَّحيب. إمامي سَليبْ
حُسَينٌ حُسَينْ. حُسَينٌ حُسَينْ

———————————————
بِبَحْرِ المَعاصي شَرِبْتُ الـكَــثيـر
تَــصَدّقْ عَلَيَّ فَهــذا الـفَـقــيـر
مَقامي صَــغيرٌ وَ ذَنــبي كَــبيـر
وَأَشــهَـدُ حَــقاً بِــأنّي الحَسـير

فَأَنتَ الحَبيبْ . إمامي سَليبْ
حُسَينٌ حُسَينْ. حُسَينٌ حُسَينْ

———————————————
دَخَلـتَ حَيـاتي فَكُنْـتَ الضياءْ
ومُـذْ أَن عَرَفتُــكَ تَرَكتُ الهواء ْ
فَشَخصي مَريضٌ وَ أنتَ الدَواءْ
كَنَجمٍ مُضيٍ يَجــوبُ السَّمــاءْ

لِجرحي طَبيبْ. إمامي سَليبْ
حُسَينٌ حُسَينْ. حُسَينٌ حُسَينْ

———————————————
لَبِســتُ لِحُــزنِكَ ثَوبَ الحِـدادْ
فأَنـتَ العَــزيزُ وَأَنــتَ الجَــوادْ
دُفِنــتَ وَ قَبــرُكَ أَنــارَ الـــبِلادْ
وَقَدْ ناحَ فيكَ ضَمـــيرُ الجَــمادْ

لِقَـلبي قَريـب. إمامي سَليبْ
حُسَينٌ حُسَينْ. حُسَينٌ حُسَينْ

———————————————
🖊️-حسين حيدر اللامي