تاهت عيوني ب شواطي عيونةَ

الليلة بسَ أنتَ وشِهگتك
غَني وحِدك وأبچَي وحدِك
يَا وِحيد اللِيلة نَام بسِد وحِدتك .

عسـاك ب نار گلبي وخنگـة المُغرب .

انتَ خليك بمُكاني
الصار بيه يصير بيك
بنُص نهر لازم تعبره
وتلتفت ماتلگه ايديك
انا هذا الصار بيه
بنص نهر عافتني ايديه
وع الجرف بَـس الشماته
وانتَ گلي شلون اصيح

عفت كُل ألوجوه وَ ركزت بيك .

ألهوى يلتم عليَ منين ما ذكروك
وادگ برجلي وأضل بعازة الخنكة

وأغص بريحتك ما گمت اغص بالزاد
' المفارگ النسمة العابره تخنكه . .

-

رايحَ بس أحط كبالك ألعباس
و هو يضل جبيلكَ يحرگ سنينك
ي الخليتني ب دربَك صريم
ب نار مشبوشة
ألخباثة
أنجمدت ب طينك
مرة وياك يوسف
و مرةَ أصيرن بير
و همومك شلتهن
ماشلت زينك
وأنطيتك گلب بس
أمي جانت بي
شلته وقدميته
گبال سجينك

أَريدنَك تجي لِـ روحِي
تجي لِـ عيني
مِثل جَية الحِلم
مِن غير دگة باب

أنتَ لو شفت السواد ألجوة عيني
ما مَشيت ..
لو دريَت شگالت ألوادم من فارگتني
چا بجيت ..
شگد گلتلك أنا لو ما أنت اضيع
شگد بقيت مچلب ب مكفاك
حد ما ضل قميصك بين أديه وما ردتني
انا ذنبي تعودت وانتَ ذنبك تيهتني .

مشكلة من تحس وجودك
ماله عازة
مشكلة تحس أنتَ ميت
وأنتَ ماشايف جنازة
ياهو مثلي يريد يوگع
مدري وين
ياهو مثلي يريد يبچي
ومالگة لدموعة عين
ياهو مثلي بداخلة
ضجة مدينة وشكلة يضحك
مايحل مُشكلة لروحة ولمن
تشكيلة ينصحك…

توجعني الشلونك
وأنا أردها بخير!
كسروا خاطري كسرة جناح الطير
ويا طير اليعيش بكسرة جناحة!…

-

هايَ ألناس شلون تنام و تهود
وتسحَب أيدها من أنسان
عليها هواي متعود ؟

وَ بِيّة شگدَ عْتّبَ ، شگد مَلامةَ و حيف .

صَح كُلشي انتهى
وما يرجع الراح!
ويمكن هالفراگ يجيب اجلنا
ويمكن فترة شوگ ونرجع احباب
كُلشي يصير لانگطع املنا

بعدني وما بنيت الغيرك أحلام
ولا لعيونهم مشيت الأيام
وگف ميلي برحيلك صارله أعوام
ويلوموني وانا بيا حال وأنلام .

-