أَريدنَك تجي لِـ روحِي
تجي لِـ عيني
مِثل جَية الحِلم
مِن غير دگة باب

أنتَ لو شفت السواد ألجوة عيني
ما مَشيت ..
لو دريَت شگالت ألوادم من فارگتني
چا بجيت ..
شگد گلتلك أنا لو ما أنت اضيع
شگد بقيت مچلب ب مكفاك
حد ما ضل قميصك بين أديه وما ردتني
انا ذنبي تعودت وانتَ ذنبك تيهتني .

مشكلة من تحس وجودك
ماله عازة
مشكلة تحس أنتَ ميت
وأنتَ ماشايف جنازة
ياهو مثلي يريد يوگع
مدري وين
ياهو مثلي يريد يبچي
ومالگة لدموعة عين
ياهو مثلي بداخلة
ضجة مدينة وشكلة يضحك
مايحل مُشكلة لروحة ولمن
تشكيلة ينصحك…

توجعني الشلونك
وأنا أردها بخير!
كسروا خاطري كسرة جناح الطير
ويا طير اليعيش بكسرة جناحة!…

-

هايَ ألناس شلون تنام و تهود
وتسحَب أيدها من أنسان
عليها هواي متعود ؟

وَ بِيّة شگدَ عْتّبَ ، شگد مَلامةَ و حيف .

صَح كُلشي انتهى
وما يرجع الراح!
ويمكن هالفراگ يجيب اجلنا
ويمكن فترة شوگ ونرجع احباب
كُلشي يصير لانگطع املنا

بعدني وما بنيت الغيرك أحلام
ولا لعيونهم مشيت الأيام
وگف ميلي برحيلك صارله أعوام
ويلوموني وانا بيا حال وأنلام .

-

شوف شكد فرق مابينك وبيني
انت الكاتب اسمي بدفتر النسيان
وانا الكاتب اسمك من ضمن ديني

من أدور ماكو حسه
من أسولف و ألهي روحي
وأصفن شديسوي هسه
هيج أسمعه ب كَل قصيده
هيج روحي تنگ تريده
هيج كلهم يمه ضلوا
واني صرت البعيده .

يا هوَ يلوگلِك عُگبي !

ألفراغ البين أصابيعك بعد م يهمنَي
أنا هواي الك ضحيت
وانتَ هواي تلچمني
جازفت ب سمعتي ألخاطر أرضيك
وتگل للناس يمعودين ما حبني

أجـانة العيد و عيـوونك بعيدة
عساك بخير وأيامك سعيده

كلشي انتهى حتى الفرص
وعَ الرجعة ابد ما انصحك
ما مستعد اسمَع چذب
لا حچيك يبرد الگلب
ولا حچيي راح يصلحكُ ..

صار هواي ننتظرك تـمرنةَ
وما أجيت