وهم بيتكلموا يوسف فتح الباب 🚪 ودخل فارح 😍 بيداعي ييييه يا أهل البييت ودخل لعندهم هو ومايا ...

ابو أحمد : هيا ماله إبني بيصيح ماقد لك فارح هكذا ..


يوسف : وجهه مبتسم فارح 😌 إحم إحم عتوقع أب بعد ٩ شهور مايا حامل عادحنا روحنا سيرنا نفعل فحص ...

أم أحمد : فرحت 😍 هيا مبرروك الله يعينها ويقيمها بالسلامه ..

أحمد : لفت لعندهم مبرروك ..

يوسف : عقبالكم ..

أحمد : لفت لعند سلاف وإبتسم 🙂 إحنا مش مستعجلين مثلكم إحنا نشتي نجلس عرسان ماقد قدرنا للهرم حق الأطفال .

سلاف : حست بغصه إن أحمد مقهور بس بيحاول يكابر إبتسمت وقامت تبوس مايا😘 وتبارك لها ودخلت غرفتها .

🌹meme_abdalgaleel



@qesasanani

❤️ وشآءت الأقدار ❤️

بارت 90

بعد إسبوع ...

في بيت هاشم 🏡..

سلاف : جالسه عند سلا لأنها وحدها كانت ضابحه اتصلت لها📱 تجي عندها ..

سلا : بتنفخ اوووف 😤 ذلحيين أبوش ليش مارضيوش يخلونا نسير معاهم مايوقع لو سيرنا كنت أشتى أدرى مافي بطن ماما بنت والا ولد .

سلاف : رجمتها بالوساده .. وليش المنافخه والضبح 😤 عيروحوا وندرى وبعدا ليش نسير ونفعل زحمه خلي بابا بس نفسهم يسيروا ياررب يفرح قلبهم ❤️ ويطلع ولد مع إنه بنت والا ولد والله انه سواء بس مدري ليش يحسوا الآباء إن العيال يكونوا سند ..

سلا : مسكت الوساده ودكت عليها بيدها .. هم بابا بيهمونا لو يحصلهم شي يكون معانا أخ ينتبه لنا مش هم داريين إنه عنرجع نبزيه ونوبه له إحنا 😅...

سلاف : إبتسمت 😊 الله يفرح قلبهم بمافي نفسهم ويقيم ماما بالسلامه هذا أهم شي ..

سلا : ايوه صح ذكرتيني ماعتشتري لأحمد لعيد ميلاده 😊..

سلاف : طننت شويه 😅 وابتسمت ليش ضروري سعم أشتري له ...

سلا : خفعتها 👋🏻 هيا لكن لش بطلي خباله كيف ماهو ضروري تشتري له.. زوجش قدنا راكنه إنش عتفعلي له مفاجأه ومدري ماعترتبي ..

سلاف : إسهل عادي ولو زوجي شرجع اقله كل سنه وأنت طيب 😅..

سلا : هنجمت فوقها 😠 عييب عليش بطلي والله لوهي مايا لاتفعل ليوسف احلى حفله وأنتي هكذا وبعدين إسهل لو مابش معش زلط💵 أنا شدي لش بس أمانه افعلي له مفاجأه .

سلاف : امممم 🤔 شاافكر ..

سمعين صوت الباب افتتح 🚪 قامين ع طول ...

هاشم : دخل فارح 😍 ماسك أميره من يدها بيخطى ..

سلا : نبعت لعندهم .. هييا ماهو ماقالوا لكم 😊..

أميره : إبسرتها ضحكت 🤣 مجنونه ساع أبوش..

هاشم : قالوا أمش عتدي لنا نونو حالي يشبه أمش 😍 ...

سلاف : فرحت 😊 صددق يعني ولد الله يفرح قلبكم ياررب ..

سلا : بتقلد زعل 😔 يعني عيجي وتبطلوا تحبونا صح جاء لكم الولد ..

هاشم : ضحك 🤣 هزرها حضنها وشعفل شعرها أنتي روح الروح حقي كيف أبطل أحبش ..

أميره : ذلحين يله جين ندور إسم حالي لأخوكن قد تشارطت مع أبوش إن انا شاسميه أنا ...

........ ........ ......

في بيت مريم 🏡..

مريم : بتحاكي حمزه 📱 في التلفون . حمززه بس لكن بطل ثقاله دم ...

حمزه : خارج في السياره 🚗 واقف باب بيتهم ضحك هههه 🤣 ثقاله دم ليش حرر خلاص خطيبتي محد عيصيح إطمني هيا أخرجي شليهن أمانه والله إن انا كل ما أخطى من هاناك أذكرش وأضحك وأرجع أنزل أشتري ..

مريم : وأنت مدام قد عتتجمل وعتشتري إشتري حاجه تفتح النفس ماحفظت الإ البطاط والا شكلك حاذق إعترف 😜...

حمزه : هههه 🤣 حاذق وبخيل قووي إخرجي خرجت نفس ابليسش هو هكذا اللي يتجمل معش وبعدا كلها يومين ثلاث وأجي أعقد وأكون أدخله لش أنا ...

مريم : ماااعه والله ماتعقد للعرس وإعقد ..

حمزه : في المشمش الصدق أشتي يجي عرس أختي وقدش مرتي حلالي أدخل اتصور معاها براحتي وأنتي داخل مش تتهروبي ونخلي المصوره 📸 تصورنا مع بعض بدل حفله العقد..

مريم : فكرت شويه 🤔 إنه عتكون فرصه يكون لهم صور حلوه في قاعه قبل العرس .. أقلك أنت حر مش انا داريه هذا الموضوع اتفق فيه مع بابا ..

حمزه : يله تمام وأنتي إفتحي الباب شامكن الولد الصغير 🧍🏻هذا اللي قدامي يدخله لش ..

........ ........ .......

الليل 🌚...

في بيت صاحبه سلا 🏡..

غسان : روح من خارج دخل بيدور أمه بيداعيها ...

أم غسان : هاه إبني جي أنا في المطبخ بين افعل العشاء 🥘..

غسان : دخل لعندها وقف باب المطبخ 🚪 يا أمه زوجوني ..

أم غسان : لفتت لعنده مستغربه 😳 ما أفعل ...

غسان : ضحك هههه 🤣 خلاص لاتفتجعوش أخطبوا لي 💍 بس وزوجوني بعد الجامعه ...

أم غسان : خفعته بالملعقه الخشب 🥢 هذا إبني كان عند عرس حسد العريس أو ماحصل ..

غسان : مابلا إبنكم جلس يفكر طول الطريق وهو بيسوق 🚗 مروح إفتجع لا يشلوا عليه البنت وهو جالس ساكت ..

ام غسان : حطت يدها ع فوق راسها 🙆🏻‍♀️.. الله الله وقد به في باله بنت والكل هذه شكلها معاك فالجامعه صح ..

غسان : خفع وجهه بيده وهز رآسه ماشي 🤦🏻‍♂️ اين جامعه ... أنا إشتي تخطبوا لي سلا صاحبه أختي خطوبه بس والعرس بعد ما اتخرج واتوظف المهم تمسكوا لي البنت لو أحد يخطبها ....

أم غسان : هزت رآسها بإبتسامه 😄 كان قلت لي مارآس بكارتك يوميه توصل أختك المعهد ومهتم تروحها وكودك بتوبه لها وإنك بترسم ع صاحبتها ههههه ..

غسان : خزي 😅 ماشي مع والله مش هو علشانها هو علشان أختي ..

أم غسان : ضحكت هههه 🤣 ناهي ناهي صدقتك خلاص خليني أبسر كيف أول وأحاكي أبوك وبعدا لنا خبر ..

غسان : دخل حبها في رآسها 😘 يووه جبرني برآسكم قووى بسرعه لاتتأخروش ...

🌹meme_abdalgaleel



https://t.me/qesasanani/4825




@qesasanani

❤️ وشآءت الأقدار ❤️

بارت 91

بعد يومين ...

في بيت أبو أحمد 🏡 ...

بعد ماكملوا يتغدوا ...

أحمد : كان جالس فوق السرير مرتزح حاطط رجل فوق رجل ماسك تلفونه 📱 بيتراسل مع عمته مبتسم ..(ياعمه والله مافي حسها اليوم عيد ميلادي ولاحتى قالت لي كل سنه وأنت طيب أنا قرحت قلبي 😅)..

سميره : ردت عليه هههه 🤣 حسبي الله فيك بس انت وياها طيب رسلي فويس قلي يله الآن اوذا شخرج أكيد ماشتأخرش خليها تسمعك حسسها انك عتخرج تحتفل ..

سلاف : كانت جالسه قدام التسريحه فوق الكرسي 🪑 بتمشط شعرها وبتتفرجه من المرايه بتحاكي نفسها اضحك لك بس يعلم الله مابتقلك لما قدك مبتسم هكذا قد نفسي أعرفها 🤔...

أحمد : رسل الفويس ( صددق والله يعني معي مفاجأه يله الآن أقوم أتجهز وأجي ) حط تلفونه وقام يفتح دولابه وبيخرج له ملابس ويختار الألوان ويبدل ويتصلح ويتعطر ..

سلاف : بتتفرجه سكته حست بغصه إنه ماقالت له حتى كل سنه وأنت طيب وهو يوم عيد ميلادها فاجأها هي والبنات مسكت تلفونها 📱ورسلت لسلا شارسلش حاجات اخرجي اشتريهن لي أنتي ومريم شتصلها واديهن لاتتاخريش ..

أحمد : كمل تجهز وخرج 🚶🏻‍♂️ وهو بيقلد فارح إن معه مفاجأه ..

سلاف : تأكدت إنه خرج خرجت لعند يوسف خلته يسير يشترى لها حاجات بسرعه ع ماتجي مريم وسلا ...

مايا : دخلت لعندها تبسر ماتشتي تساعدها ..

....... ........ .........

في السوق ..

مريم : بتحطم 😏 هذه أختش مجنونه والا ماهو ذلحين كيف عنلقى كل هذه الحاجات وتشتيهن بسرعه ..

سلا : إسهل عنلقاهن كل واحده تدخل محل وتدور ..

مريم : طيب والهديه كيف اي حين عتتجهز ..

سلا : اسمعي ماعليش شي أنا شتصرف في الهديه امرها بسيط لو قد شليناها عيجهزها ويغلفها ويرسلها لنا للبيت المهم نشل البعاسيس قد الترته والبالونات خلت يوسف يسير يشتريهن 🎈🎂 ..

مريم : الناس يرتبوا من قبل أيام وهذه صنفت في لحظه ..

سلا : مجنونه 🤣 يله خلينا نقطب لانتأخر حطيني عند .... حق الهدايا هو تعامله ضخم قوي أنا زبونته عيجهز لي اللي أطلبه ولو مستعجل مانفعل .

........ ....... ........

في الشارع ...

أحمد : بيلوي بالسياره 🚗 ويضحك ع نفسه محلاني قدلي نص ساعه ساع الأهبل مصدق نفسي إن انا خرجت مع حبيبتي ومعي مفاجأة وأنا مبور هكذا خرج تلفونه 📱 بيتصل لعمته ...

سميره : جاوبته بتضحك عليه 🤣 ههههه اسهل اسهل والله ان الخطه عتنفع لاتضبح ..

أحمد : ياعمه والله انها صبه مسلح مابتحس 🤣 مراعي عتبسرني وتضبح وهي ولافي حسها جالسه تمشط شعرها قد كان نفسي من يقوم يقصه لها اقهرها هههه ...

سميره : ههههه 🤣 إحنا بندور تصلح الوضع بينكم ولا تخربه قلك يقصه .. ذلحين جي عندي أنا جالسه في البيت وقبل ماتروح ضروري تشتري هديه🎁 تروح بها نسبك اللعبه ..

أحمد : ههههه غبني ع قلبي كم ششقى ع نفسي هدايا 🎁 لكن يله كله علشان عيون سلاف يهون بس يارب تحس بي ..

سميره : أنت داري أصلا هي مش مستوعبه إنك بتحبها صدق لأنك كنت تعاملها أخت بتحس انك بس رحمتها ..

أحمد : والله ماهو هكذا ياعمه صح أنا كنت بين اعاملها أخت بس والله انها كانت شي مميز عندي من وإحنا صغار وكنت اقلها شتزوج بش بس لما كبرنا وكنتوا تقلوا اخوش واختك وانخطبت قلت يمكن ان انا فاهم احساسي غلط واعتبرتها اخت بس بعد موت خالد لما كنت معاها ع طول وفالشغل حسيت ان انا فعلا كنت أحبها ❤️ ولو ماكانش عمي حاكوني كنت أنا شاحاكيهم واخطبها 💍 بس سلاف ماقدرت تصدق خاصه بعد اللي فعلت سهام ..

سميره : اسهل لاتقهرش نفسك هي عتحس وعتذكر كلامي وتحبك أكثر من حبك لها ❤️..

أحمد : إبتسم 😊 ياارب .. يله أنا شنزل أبسر مشترى لي هديه 🎁..

سميره : أوكي بس أهم شي ماتروح الإ العشي كانك كنت خارج بتحتفل صدق ...

أحمد : نزل محل الهدايا🎁 وبالصدفه هو نفس المحل اللي كانت فيه سلا بس قد خرجت .. جلس يلف يشوف مايشتري ..

صاحب المحل : جالس يجهز هديه أحمد 😍 ..

أحمد : قرب لعنده حط المحفظه مع الساعه غلفهن لي ..

صاحب المحل : حاضر الان من عيوني ادعي العامل يغلفهن لك ..

أحمد : شاف الهديه إبتسم 😊 ماشاء الله شكلها يجنن بوكس مدور مفتوح معلق فيه اشكال غيوم من القطن ومنزل منها سلاسل كريستال ومحطوط في البوكس ورد طبيعي🌹 وطقم عطر مع اللوشن والشاور جل وساعه مكتوب فيها حرفه وتعليقه فضه للسياره مع خاتم وبوكس يدور مجمع فيها صوره بس ماقد حط الصور ...
هذه شكلها أكيد بنت عتهديها له مابش صاحب عيدي له هديه مدلعه هكذا ...

صاحب المحل : ضحك ههه 🤣 شكلك خطير بيوقع لك من هذولاء خيرات قدك فاهم مابلا هذه مرته بتجهز له هديته بس إشتي أكملها بسرعه وعادنا اشتي أكتب العباره تشتيها نحت ع خشبه ..

أحمد : ابتسم😊 مدام مرته اذا والله ان عادهم عرسان مالو قد لهم خيرات ان قد نسيت ماعتكتب له من عباره ..

صاحب المحل : قالت تشتي أكتب ياجنه عمري ياسماء قلبي كل عام وأنت بخير ❤️..

أحمد : الله يسعدهم يارب هيا صيح لصاحبك يجي يغلف لي هذه 🎁..

...... ....... ........

في بيت هاشم 🏡...

أميره : بتحاكي التلفون 📱 حيا الحمدلله كيف حالش ..

أم غسان : الله يحييش ..الحمدلله في خير كيف الحمل معش ابسري محلانا البنات صاحبات وإحنا ماقد تعارفنا ..

أميره : والله انه صدق أصلا أنا خرجاتي قليل لكن ذلحين ولايهمش البيت بيتش تنوري أي وقت ونتعرف ع بعض ...

أم غسان : أيوه ضروري والله وأنا قد شليت الرقم من بنتي قلت علشان أتصلش 📱 اعزمش عندنا والا نجي عندش نتعرف ع بعض ..

أميره : خلاص أن شاء الله كيف بعد بكره يناسبش تجي عندي ..

أم غسان : خلاص اتفقنا إن شاء الله 😊...

أميره : ان شاء الله تنوري أي وقت ...

جلسين يتجابرين شويه ويتعرفين ع بعض ...

🌹meme_abdalgaleel




@qesasanani

❤️ وشآءت الأقدار ❤️

بارت 92

في بيت أبو أحمد 🏡..

في غرفه أحمد ..

أم أحمد : دخلت لعندهن بتضحك عليهن 🤣 هنيت لكن امانه والحشيره هذه كلها قد أنتين كلكن بتسبرين هذا الجنان ماقد عرفت أفعله حفله من حين وعادهو جاهل واليوم وقدهو رجال مسبع مربع مزوج عتفعلين له حفله ..

مايا : ولو مره عمي هي إسمها أجواء رومانسيه 😍 شو لكان ولك الواحد بيتجوز منشان يلقى واحده تهتم فيه هيك وتدلعه ...

أم أحمد : بتحطم 😏 دلعين دلعين مابه عليكن المهم حسكن عينكن يدرى أبوكن ويبسر والله ماقدرت له كما قد عقله خفيف هذه اليومتين من حين زوج عياله قد كوده بيحسد ويمكني أنا شاجدد شبابي ...

سلا : ضحكت بتحانكها خلاص ياعمه وأنتوا خلوهم يجددوا شبابهم ونزوجهم بسوريه قبالش واحده حاليه يامايا 😜 ..

أم احمد : خفعتها ببالونه 🎈 جددوا راسش بدل ماتدافعي ع عمتش هاه أنا أوريش من عيني وحطت اصبعها ع عينها 🧏🏻‍♀️ ..

سلا : قربت تبوسها ماسخاني عليكم أنا بين امزح بس 😘..

سلاف : ربطت المخدات بشرايط حمراء وفعلت فيهم ورد 🌹 لفتت لعند مريم هكذا ..

مريم : كانت بتنفخ البالونات 🎈 أيووه وقع شكلهن جميل ..

ام أحمد : يله خاطركن الله يعينكن ع جنانكن أنا شخطى عند أمش ياسلاف أبسرها شويه وخرجت 🚶‍♀️ ..

بعد ماكملين جهزين الغرفه وفعلين شموع وورد مجفف وحطين الترته وجهزين اغنيه عيد ميلاد ..

مايا : لفتت لعند سلاف .. فاضل تتجهزي أنتي وتلبسي شي حلو 😊..

سلاف : في نفسها لا طبعا أنا يله حبيت أجهز له مفاجأة مثل مافعلي وعلشان لما يروح يعرف الفرق بين اللي احتفلت به انها مش ذواقه ..

مريم : خفعتها .. 👊🏻 ييييه سمعتي ماقالت لش اومع وقربت تشاورها في اذنها 👂🏻 بطلي خباله والبسي قد اسمش عتحتفلي به واطمني مش أنتي خاينه وبعدا امانه عيد ميلاد وانتي مشعفله هكذا ..

سلاف : أصلا انا شدعيهم كلهم نحتفل به ليش ألبس وانتي داريه ..

مريم : رفعت يدها 🤲🏻 يااارب صبر قلبي أنتي حره قد إسمش تجملتي معه إتجملي سواء ..

مايا : يله لكان أنا خلصت تجهيز راح روح أشوف يوسف إذا بده شي 😊..

سلا : أيووه يامريم وإحنا هيا نخطى عاد معي واجب وتحضير للمعهد ماقد كملت ونروح قبل مايجي أحمد قدهو بعد المغرب ..

مريم : خفعت وشها 😱 يووه وين الهديه نسيناها ماقد اداهاش ..

سلا : ضحكت هههه 🤣 الإ الإ لاتقلقيش قد اتصلي قدهو فالطريق عيخرج يشلها منه يوسف ..

سلاف : خرجت تلفونها 📱 أتصل لأحمد ابسر فين هو لايجي فجأة ويخرب علينا كل شي .. بتتصله ..

أحمد : رد عليها 📱 وهو بيضحك ع نهايه الضحكه 🤣 ههه هاه ايووه مالش..

سلاف : ولا لي شي بس قلت أسال أين أنت علشان قبل ماتروح أشتي تعبي لي رصيد ..

أحمد : هاه طيب أنا عادنا تقريبا نص ساعه نكمل الحفله أصلا اليوم عيد ميلادي وناس الله يحفظهم فعلوا لي حفله فاجأوني 😜..

سلاف : قحصت شفايفها تبرقطت .. تشتي تبين له انه مش فارق معها هااه حلو انه متذكرين يله لقيت حد يحتفل فيك المهم لاتنسى الرصيد ولما قدك قريب من البيت لوسمحت اتصلي يمكن اذكر شي باي ...

مريم : لفتت لعندها بضبح 😤 يابرود قلبش أقسم بالله ان قلبش حجر ومابش عندش احساس وعتضيعيه من يدش لكن انتي حره ولفتت لسلا هيا نروح وهي حره ..

سلا : بهررت فوقها 😠 قومي البسي ساع الناس ومشطي شعرش قلك تحتفل به هي والشعب كله ..

بعد مافلتنها وروحين ويوسف دخل الهديه 🎁 ...

سلاف : جالسه تتفرج الغرفه كيف قد شكلها يجنن بتكلم نفسها ذلحين ابدل شي بسيط والا اخليني عادي هكذا طيب عادي هي حفله البس حاجه ناعمه وبس وبعدين انا فعلت هكذا ارجع له جزء بسيط من اللي بيفعله علشاني مش لأني بدات أحبه هو فاهم أصلا واكيد ماعيفكرش هكذا .. قامت تجهزت لبست فستان 👗 طويل شيفون لونه وردي فاتح ومشطت شعرها ع جنب وفعلت روج وردي ع لون الفستان كان شكلها ناعم وبسيط ..

أحمد : بيتصلها 📱 هيا مه وصل الرصيد وماعد تشتي قد انا جنب البيت ..

سلاف : هاه ايوه وصل يله خلاص ماعد أشتي شي .. قفلت واتصلت ليوسف لما يدخل البيت يفعلها رنه وجهزت الأغنيه وطفت الضوء وقفلت الباب بالمفتاح 🗝️...

أحمد : دخل بيفتح باب الغرفه مغلقه بيدقدق ✊🏻..

سلاف : حملت لاقدام المرايه تشوف كيف شكلها بتتصلح ولصت الشمع وحملت لعند الباب 🚪 تفتح له وفتحت الأغنيه ع دخلته ...

أحمد : أول مادخل من الباب 🚪 بيشوف اللي قدامه تفاجأ وفرح 😍 مااهو هذا ...

سلاف : إبتسمت له .. كل سنه وأنت طيب عقبال ميه سنه 🥰..

أحمد : مصدوم مش متوقع نهائيا رجم كيس الهديه اللي اشتراها لنفسه 🎁 يووو ياسلاف محلااش ومحلى هذه المفاجأه وحضنها 😍...

سلاف : يبست مكانها 😨 ماتوقعتش ردة فعله بعدت ع طول .. هيا جي طفي الشموع بسرعه قبل ماتطفى ..

أحمد : إبتسم 😊 حس انها هربت لأنه حضنها .. قرب بيطفي الشمع .. راعي راعي اول اتمنى أمنيه ووقف غمض عيونه ..

سلاف : في نفسها .. اكيد بتتمنى تحبك قوي هذه اللي كنت معاها...

احمد : لفت لعندها بيحانكها 😜 حقي الأمنيه ضخمه ماشقلش ماهي ..

سلاف : بتغالط هيا طفيهن عيذوبين بسرعه ..

أحمد : طفى الشموع 🕯️ وابسر الهديه تفاجأ 🤗 اوووه مش معقوله والله انها هي ..

سلاف : لفتت له ماهي🤔..

أحمد : الهديه اللي شفتها عند صاحب المحل وعجبتني وعرفت انها لواحد من مرته وحسدتهم بس ماخطر في بالي للحظه انه ممكن اكون أنا لأن انا مش متوقع منش خالص 😅...

سلاف : إبتسمت 😊 يعني قدرت افاجأك ..

أحمد : وأحلى مفاجأة في حياتي خاصه العباره اللي إخترتيها يكتبها .😍..

سلاف : استغربت واستحت تقله انها ما اختارت شي يكتبه انها سلا ولاقد قريتها قربت تقرآها ..

احمد : رفع صوته قبل ماتقرآها ياجنه عمري ياسماء قلبي كل عام وأنت بخير 😍...

سلاف : دخن جسمها 😤 ويبست بقعتها حست الأرض بتدور بها .. ماعيقل ذلحين حسبش الله ياسلا انا شاوريش .. لفتت لعنده أكيد انت الجنه اللي ربي عوضني بك من معاملتك الحاليه لي وضحيت علشاني وقبلت تكون اخي وابن عمي لذلك قررت افعل لك هكذا لأنه مش ربع اللي بتفعله 😅..

احمد : ماعاد حب يحرجها أكثر بيكلم نفسه خليها براحتها خلاص كل شي عيجي خطوه خطوه لاتحرجهاش اكثر ... ذلحين هيا جي نقطع الترته 🎂 ..

سلاف : شافت الكيس حق الهديه اللي روح به في الأرض 🎁 شلته وحطته فوق الكومدينو بدون أي تعليق ..

أحمد : حس إنها تضايقت فرح 😁 لأنه بدأ يحس بغيرتها وفي نفس الوقت مايشتيهاش تزعل مشي لجنبها مسك يدها وباسها 😘 فدديت اليد هذه اللي فعلت لي وجهزت هذا كله ..

سلاف : أحمد بس لكن وتشتي تسحب يدها 🤝 لاتفهمش غلط أنا فعلت هكذا بس لأنه ..

أحمد : لاغلط ولاصح أنتي كم ما جلستي عتحسي بحبي لش ولو كنت بين اكلم البنت هذه لأن هذا طلبش وتشتي أعيش حياتي بس لو أحس للحظه إنش صدقتي إحساسي وعرفتي أنتي أيش ..

حط يدها فوق قلبه واتفرج عيونها ❤️ لو حسيتي كم هذا يحبش وقتها كل شي عيتغير ومستعد أفلت الدنيا كلها علشان تقبلي حبي وأعيش أنا وأنتي أحلى أيام وأحلى حياه .

سلاف : لأول مره من يوم ماتزوجت با أحمد تحس قلبها يدق بهذه السرعه ❤️ ومش قادره تبسر عيونه 👁️ نزلت عيونها ع طول و قفت مشيت بتتكلم وهي مرتبكه .. جي خرج ترته للباقي أنا شاحطهن لك فالصحن وخرجهن ..

أحمد : إبتسم 😊 لأنه فهم إحساسها والتهراب . طيب أنا شاخرجهن وأنتي دوري لنا فيلم حالي جديد نسهر عليه ونفعل لنا جو حلو ...

كل سنه وأنت طيب يا أحمد ربي يحنن قلب سلاف عليك وتخلصنا من العناد حقها وتحبك 😅...

🌹meme_abdalgaleel



@qesasanani

❤️ وشآءت الأقدار ❤️

بارت 93

بعد عشر أيام بدأت مراسيم زفاف أخت حمزه ..

في الكوافير ..

أخت حمزه : جالسه فوق الكرسي بعد ماخلصت مكياج 👰🏻‍♀.. لفتت لعند مريم هيا كيف شكلي ..

مريم : ماشاء الله تجنني طالعه مثل القمر 😍..

أخت حمزه : بإبتسامه 😊 من يصدق سبحان الله يوم خطوبتي كنتي معي صاحبه بس واليوم في عرسي قد أنتي مره أخي مش أنا مصدقه إن المجنون نفذ كلامه وعقد هههه ...

مريم : ضحكت هههه 😅 والله إنه مجنون صدق قلك يعقد علشان يشتي يتصور فالقاعه قد إسمها مصوره وقاعه .

أخت حمزه : بيدور يزاحمني حتى يوم عرسي😂 ...

قاطعهن إتصال حمزه 📱 ..

مريم : ضحكت وبتأشر لها بالتلفون 📱 هيا جبنا في سيره القط جاء ينط ... جاوبته ..

حمزه : حيا بروحي 😍 هيا قد العرايس حقنا جاهزات ..

مريم : خزيت منه 😅 اهلا .. قدنا جاهزه عروستنا بس باقي تصلح لها الطرحه 👰🏻‍♀ وكملنا ..

حمزه : يعني كم أزيد أراعي ١٠ دقايق أنا خارج فوق السياره 🚗 ..

مريم : ضحكت ههه بطل جنان ماجاء بك 🤣 هو ع أساس إنه عيجوا لنا عمو والا أخوك ..

حمزه : إحم إحم 😌 وأضيع عليا فرصه إن انا أشوفش وبعدين الصدق أنا قد حاكيت المصوره تفعل لنا ساعه تصوير ذلحين قبل العرسان ...

مريم : 🥰 ههه والله إنك مجنون صدق أنا قلت انه لما ترجع تدخل الليل تسلموا ع اختك عنتصور صورتين مش جلسه تصوير ..

حمزه : ضحك عليها 😂 ومنش صدق شجنن واعقد علشان ٢ صور العشي كنت شاتصورهن سرقه 😜 أنا أشتي صور صور أفعل بروفه للعرس . هيا اقطبين كملين تجهزين واخرجين مراعي ...

....... ....... ........

في بيت هاشم 🏠..

سلا : بتتحانب مع سلاف اي وجعتيني هذا ماعدهوش سشوار قد كملتي شعري هزوره 😤..

سلاف : وأنا مفعلش هو شعرش 😜..

سلا : أنا الصدق شاسير أقصه تعبت منه الصدق اووف 😤 ..

سلاف : خلاص باقي شويه ونكمل أنا شفعل لشعري جل بس اليوم شاخليه كيرلي ع قوله بابا مشعفله 👩🏻‍🦱 ..

سلا : اهم شي أحمد حاكيتي أحمد يجي بدري مش نتأخر إشتي أتعرس سواء والله ان قدنا ضابحه معهد ..

سلاف : أيوه قد قال عيجي لما أتصله📱 والله لو ماقد جننتني مريم اجي ما أسير كم قدلي من هذه الأجواء ..

سلا : سحبت السشوار من يدها وطفته .. سلاف ذلحين ممكن أسالش سؤال وإحلفي لاتقلي لي الصدق 😅..

سلاف : مااهو مالش 🤔...

سلا : ليش بين احس انش وأحمد بتمثلوا قدامنا بس إن انتوا مبسوطين مابين احس ان انتوا ازواج مثل الباقي حتى لما تحاكيه فالتلفون 📱 ماقد سمعتش يوم تقلي له كلمه حاليه والا رساله ..

سلاف : إرتبكت 😅 هاه ماشي ليش قلتي هكذا..

سلا : والله انه واضح أصلا عادش لابسه السلسله اللي فيها صوره خالد وقد حتى سمعت ماما بيتحاكوا هم وعمتي ان انتوا مش مثل يوسف ومايا ..

سلاف : تنهدت 😟 والله ماعدنا داريه بشي شاقلش سر بس أمانه لاتتحاكيش هي مريم بس اللي داريه أنا وأحمد اتفقنا نكون أخوه من العرس نرضي بابا بس وهو قال انه بيحبني وأنا مارضيت أصدقه وهذه الفتره تعرف ع بنت في العمل وبيحاكيها وأنا مدري كيف بين احس قد شجنن 😔 بس أرجع أقل لنفسي ماشي بطلي خباله أنتي بتحبي خالد والصدق أحمد بيدور كيف يراضيني بس قدهو هذه الفتره ماعد بيهتم بي عادي قدهو فوق التلفون 📱 ع طول يراسلها ..

سلا : بهررت عيونها 😨 أيييش اخوه وعندش عادي يجابرها والله لو هو زوجي وهو مثل أحمد لا اقتله قلك يجابر أنتي زيدتي الدلع ياسلاف والله ماتلقي أحد مثل أحمد وأحمدي ربش انه صابر عليش وبعدين خالد الله يرحمه صح انش حبيتيه وحاسه بإحساسش بس هذا اسمه غضب ع الله وبتعترضي ع قدره مافيش أحد بيموت بعد أحد الرسول حب سيدتنا خديجه ورغم هذا تزوج بعدها لما ماتت ومانسيهاش وحب زوجاته وسيدتنا عايشه ❤️ وأنتي عتجلسي هكذا أنتي عترجعي تندمي لما يضيع أحمد من يدش ويتزوج غيرش وبعدين ماتلقيش حد يحبش مثله وانتي حره ...

سلاف : سكتت شويه وفلتتها دخلت غرفتها🚶‍♀️ جلست تتفرج صور العرس حقها هي وخالد وبتفكر في كل الأحداث اللي حصلت ومواقف أحمد معاها ...

....... ........ .......

في بيت صاحبه سلا 🏠..

غسان : بيتحانب مع أمه .. مااهو مدام عجبتكم امها وقلتوا ناس طيبين وعجبوكم وسلا عاجبه لكم ليش ماقد كلمتوهم لليوم 😤 الصدق انا ضبحت ..

صاحبه سلا : ضحكت هههه😂 يا اخبل لاتضبحش أحمد الله بتوصلنا وتبسرها كل يوم افرض مايوافقوش ويرفضوك ماعد عتبسرهاش ولاتوصلها ...

غسان : في يده قاروره ماء نزفها 🍾 أنطقي خير قلك يرفضوا ..

ام غسان : ضحكت عليهم هههه😂 هو صدق ياغسان لو يرفضوا ماعاد عيخلوهاش تجي معك توصلها ..

غسان : ضبح اوووف 😤 منكم انتوا تشتوا احاكيها انا صح والله لا احاكيها معاكم إسبوع والا شاحاكيها وفلتهن وحنق 🚶🏻‍♂️...

🌹meme_abdalgaleel



@qesasanani

❤️ وشآءت الأقدار ❤️

بارت 94

بعد ماروحين من العرس ..

في بيت أبو احمد 🏠..

في غرفتهم ...

سلاف : بتبعد الإكسسوارات قدام المرايه 🪞...

أحمد : بيلعق الجاكت 🧥 في الشماعه إبسرها إبتسم 🙂 إسكه إسكه وريني الشعفاله 👩🏻‍🦱...

سلاف : ضحكت ههه 😅 مالك ياشعفاله إسمه كيرلي ..

أحمد : جالس بيتفرجها مطنن في وجهها بيتحيلى لها 😍 مبتسم ..

سلاف : نزلت وجهها ع طول خزيت ☺️ بتحاكي نفسها اووف ماله هذا بيتفرجني هكذا مال قلبي دق❤️ هكذا من نظراته ..

أحمد : شافها وطت رآسها ☺️ قرب لجنبها مسك شعرها وشعفله كون افعليه هكذا خيرات وقع شكلش حالي مع انش حاليه ع طول وغمز لها 😉.

سلاف : إرتبشت 😅 بعدت ع طول .. هيا عتخرج ابدل ...

أحمد : ضحك 😂 أيووه الان قدنا حافظ الدرس الله يفرجها عليا بس ويحنن قلبش عليا مع إن انا اليوم ماقد اشتيش تبدلي شكلش حالي وبيتفرجها في عيونها 😍 ..

سلاف : قربت بتدهفه هييا اخرج أمانه اشتي ابدل قووي برررد قد بين احس نفسي مزكمه من المكيف حق القاعه ..

أحمد : أول مره تدهفه مسك يدها وباسها 😘 حااضر ماسخاني ع روحي وخرج..

سلاف : قفلت الباب 🚪 وارتزحت وراه .. اوووف 😅 ماله هذا بيتخيبل قد بين احس قلبي عيوقف من كثر مابيدق هكذا ❤️..

أحمد : فتح الباب 🚪 وهي مرتزحه دخل رآسه وهو مبتسم نسيت ما أقلش أحبش خيرات وباسها في الهواء وقفل 😘..

سلاف : دهفت الباب🚪 بسرعه وقفلته بالمفتاح وجلست تضحك على تصرفاته.. كملت تبدل وخرجت عندهم تسمر مع البقيه ..

....... ...... ........

في بيت مريم 🏠 ..

بعد ماروحوا من الصاله ..

مريم : قدهي هالكه وصلت ارتجمت فوق السرير ..رن تلفونها 📱..

حمزه : عادهو وصل بالسياره🚗 وصلوا العروسه ... حيا بروحي حيا بمرتي 😍 ماهو هذا الحلى اليوم منش صدق حاليه هكذا والا الكوافير غيرت لش وجه ثاني اعترفي ..

مريم : ضحكت بخزا 😅 ايووه فعلت لي قناع شكل واحده ثانيه ..

حمزه : اووف 😤 ذلحين ليش الحناك اليوم هذا ليش.. قدش مرتي وبعدا كنتي مصلحه ولابسه فستان ولو مش هو أبيض أسهل وقد تصورنا وكل شي ليش ما كنت اروحش معي وبس ليش عاد عنراعي شهرين ..

مريم : ضحكت ههه😂 ايوه أروح هكذا ع طول صح والعرس ..

حمزه : ماتفعلي بالعرس مانشتيش عرس أمانه إن انا كنت اخبل الصدق ليش ماروحتش ..

مريم : ع اساس بابا عيرضوا يخلوك عاد انت عتراعي يوم العرس لما تقل بس لما يدوني .. خرجه العروسه من بيت أبوها عسره ..

حمزه : حط يده ع السكان 🚗 هيا ناهي قلك عسره سعم عاد شاراعي لأبوش يخرجش شدخل أتصور معش وأشلش والهربه ..

مريم : حمزه ممكن سؤال ؟؟

حمزه : بدون ممكن ياروح حمزه 🙂..

مريم : ليش كنت تجلس تعاندني وما اعترفت لي بحبك مدام بتحبني هكذا ..

حمزه : ضحك هههه😂 كنت استمتع بعذابش ههه لاتصدقيش لاتصدقيش كنت اوقات احسش مابتحبينيش وكنت اخاف اصارحش اخسرش ..

مريم : الله يقلعك كم كنت تقهرني كنت أتمنى أخنقك ..

حمزه : ذلحين اخنقي كلي فداش 😍 المهم انش في الأخير حقي ومرتي ..

...... ....... ......

في بيت أبو أحمد 🏠 ..

بيتفرجوا التلفزيون سامرين 📺..

مايا : جالسه جنب يوسف ابن عمي مافي هون كرز موهيك ..

يوسف : إبتسم🙂 ولو مابش كرز ندي لروحي كرز ليش قد بتتوحمي عليه وتخوريه ..

أبو أحمد : ابسرهم وضحك 😂 ولفت لعند مرته . ابسرتي الناس ماتتخور وانتي قمتي تتخوري لي ماء من حق المداعه ومره قص مانا داري ماهن خوراتش العجيبه هههه ...

سلاف : ضحكت 😂 صددق ياعمه خورتوا ماء من حق المداعه ماطلع لكم وهي بتكلمها عطست هاااتشو هااتشو ...

أحمد : قام ع طول لجنبها وادالها فاين 🤧 سلامه روحي هذا اكيد بردتي من المكيف ع ماقلتي ..

سلاف : ابسرته واستغربت من تصرفه 😳 مايفعلش هكذا قدامهم شلت المناديل منه سكته ..

أحمد : هيا هيا قوومي الغرفه علشان تدفي سواء لاتمرضي عليا ..

ام أحمد : بتحاكي نفسها 🤔 هيا اوذا مالهم شي وسديين حميت قلق اميره ع الفاضي ..

أبو احمد : لفت لسلاف ..صدق يابنتي قومي غرفتش اشربي لش ٢ حبوب وادفي سواء مدام قد بتعطسي لاعاد تمرضي 🤧..

احمد : أيووه أيووه اوذا شدي لها حبوب وأخليها تدفي سواء مد يده علشان يمسكها تقوم ..

سلاف : خزيت قدامهم تكسفه رجعت🤝 مسكته وقامت تمشي معه ..

احمد : وهم بيمشوا 👫 للغرفه .. يووه جبرها القمر هذه ابو نخره حمراء 🤧 اللي عتمرض عليا ..

سلاف : اول مادخلت الغرفه وقفت بتهنجم فوقه 😠 احمد بس مالك اليوم بطل خباله ..

احمد : ضحك ههه😂 مفعل بين احبش اليوم خيرات الشعر المشعفل حرك مشاعري ..

سلاف : ضبحت😤 هيا والله لا ادخل اغسله ماعد شاراعي للصبح .. فلتته ودخلت للحمام تغسله ..

أحمد : بيداعيها يامجنونه خلاص جي كذا شسكت لاعاد تغسلي شعرش عتمرضي ترقدي وهي مبلول ..

سلاف : طنشته وسارت تغسله تعانده 😅....

آح من عنادش بس ياسلاف لكن اسهل الصبر جميل 🥰

🌹meme_abdalgaleel



@qesasanani

❤️ وشآءت الأقدار ❤️

بارت 95

ثاني يوم الصبح ☀️

في طريقهم للمعهد ..

سلا : جالسه وراء هي وصاحبتها ..

غسان : يسوق شويه ويرجع يتفرج لسلا من المرايه🪞 يشتي يتكلم ويرجع يسكت ..

سلا : فتحت الكتاب 📖 بتسأل صاحبتها .. انتي داريه مامعنى هذه الكلمه قد جننتني من أمس كل ما أترجمها يطلع لي معنى مختلف مشو مناسب ع الجمله ..

صاحبه سلا : ضحكت 😂 يعني الحمدلله مشو أنا بس قد بين اقل إن انا غبيه ..

سلا : إبتسمت ☺️ وبصوت واطي كان نفسي أشمت فيش وأقل غبيه بس لأن انا فالنص شسكت ..

غسان : إستغل الفرصه جت لبين يده 😍 ع مابتتحانبين اسكه ورني وأنا شبسر لو أعرف ماهي ..

سلا : مكنت صاحبتها الكتاب 📖 هاه مكنيه ..

غسان : ضحك ههه 😂 والله مابين اكل بشر إطمني ولفت لعند أخته هيا وريني ...

سلا : خزيت منه 😅 هاه مع مشو قصدي بس قلت هي اقرب ...

صاحبه سلا : خفعته في رآسه بالكتاب 📖 داريه انه بيدور مجبر معاها ..

غسان : بيحانكها يووه ع جلافه ذلحين أنتي بنت والا ماهو أي حين عتتعلمي الرقه شويه المفروض إن قد تعلمتي من صاحبتش غبني ع من عيودف بش 😜..

صاحبه سلا : ضحكت ههه 😂 ناهي يارقه سووق وأنت مركز لاتصدم بنا عيقلد انه حساس سبحان مغير الأحوال ..

سلا : مغطيه فمها بتضحك عليهم 🤭 وبتتحيلى لهم بتحاكي نفسها ريت والله وكان معي أخ نفعل هكذا بس الحمدلله حتى لو جاء ذلحين عيكبر ويعوضنا .

....... ....... ......

في بيت هاشم 🏠

في غرفتهم ...

أحمد : قام يبدل يتجهز عيسير الشغل ..

سلاف : عادها راقده 😴 بتتقلب وتأن اح اح ..

أحمد : سمعها👂🏻 مالها هذه بتأن هذه شكلها بتحلم مكوبسه حرام اصحيها قرب لعندها بيداعيها سلاف يييه ..

سلاف : ردت عليه بصوت تاعب 🤒 هاااه وترتعش بارده ..

أحمد : يووه 😨 مالش بترتعشي هكذا .

سلاف : برررد🥶 لوسمحت دفيني بالبطانيه الثانيه ..

أحمد : افتجع عليها 😨 بررد مه هذا شكلش قدش مريضه بيحس جبهتها وقدهي حمى 🤒 يووه قدش حاميه ساع النار قد بين اقلش لاتغسليش شعرش عتمرضي مدام قد استبردتي من المكيف ..

سلاف : بترتعش 🥵 دفيييني دفييني ببطانيات خيرات ..

أحمد : أين بطانيات هيا قوومي أشلش المستشفى 🏥 نفعلش ابره من حق البرد تفتهني ..

سلاف : بصوت بيرتعش ماااعه 🥶 مششتيش ابره ومستشفى أنا شفتهن دفيني بس وأدي لي أي حبه 💊..

أحمد : شل البطانيه الثانيه ودفاها بها وخرج للمطبخ ادى منشفه وماء بارد وجاء جلس جنبها يفعلها كمادات 🤒 ومسك تلفونه 📱 اتصل للشغل ماعيجيش..

سلاف : اح اح هااااتشو 🤧 ..

احمد : ضحك هههه😂 هاتشو لاوجهي تشتي تعديني صح ..

سلاف : بصوت باررد 🥶 ااااه اسفه اسفه .. رحلك بس وانا ششرب حبه بس وأفتهن ...

أحمد : حط الكماده ع رآسها .. بإبتسامه 😊 أسير وأفلت مرتي وروحي وحدها مريضه ..

سلاف : خزيت غمضت عيونها ☺️ علشان لايبسرهاش ..

أحمد : ضحك ههه 😂 غمضي غمضي افعلي مشتيتي ماناش سايري جالس عندش لما تفتهني .. يله غمضي بس علشان أتفرجش براحتي ..

سلاف : فتحت عيونها وبهررت 😠 أحمد إحنا ما أتفقنا مشو اتفاقنا هكذا ..

احمد : بنظره كلها حب 😍 مفعل حبش بيكبر في قلبي كل يوم وبعدا مافعلت ذلحين أنا بين اوبه لش بس حين انتي مريضه ماتشتي يقلوا مرته مريضه وفلتها وخرج علشان نكمل التمثيليه بس وضحك هههه 😂..

سلاف : أفتهن وبعدا عنتفاهم قووم ادي لي جاكت🧥 عادنا بارده .

أحمد : خلس الجاكت حقه 🧥 وبيمكنها هيا ادي يدش البسش ..

سلاف : 😠 بهنجمه مشتيش أصيح حلقي بيوجعني ادي جاكتي ..

أحمد : بيحانكها والله ماتلبسي الا جاكتي 😜 والا قومي أدي جاكتش لنفسش ..

سلاف : بتبعد البطانيه تشتي تقوم ماقدرت جسمها كله بيتقطع 🥵 رجعت مكانها ..

أحمد : هههه هيا ادي يدش ألبسش 😜..

سلاف : سكتت وخلته يلبسها الجاكت حقه 🧥...

أحمد : شخرج للمطبخ ابسر ما ادي لش تاكلي عاد امي راقدين علشان تشربي حبه 💊...

سلاف : بعد ماخرج ابتسمت من تصرفاته 😊 وخوفه عليها وبتشم الجاكت نفس العطر حق عيد ميلاده اللي ادته له فرحت انه معطر منه ..

...... ....... ......

في بيت هاشم 🏠..

هاشم : نكز من النوم يوووه 😨 ماهو هذا الصياح والرصاص ..

أميره : فتحت عيونها 😴 كانت راقده يووه ياساتر ماهو هذا مابه ..

هاشم : حمل🏃🏻‍♂️ لاخارج يبسر مابه ..

أميره : بتلحقه بتصيح لاتخرجش يييه جي كذا بتسمع الرصاص ..

هاشم : فتح الباب🚪 وان قد عندهم فالشارع ناس محوشين عند بيت الجيران خرج يبسرهم ويهديهم عيال الجيران بيتضاربوا وواحد ضرب رصاص للجو ..

أميره : وهي بتحمل🏃‍♀️ طحست للأرض ..

هاشم : بعد ماهدوهم دخل للبيت ..

اميره : ممدده في الأرض بتبكي 😭 ماقدرتش تقوم وكانت خايفه عليه ..

هاشم : افتجع عليها 😱 مالش ..

أميره : بين الحقك لاتخرجش وطحست ماعد قدرت أقوم الجاهل وبتبكي 😭 لاعاد يخرج ...

هاشم : مسكها ع طول قيمها ولبست وشلها للمستشفى🏥 يسعفها ويطمنوا ع الحمل ..

🌹meme_abdalgaleel



https://t.me/qesasanani/4825



@qesasanani

❤️ وشآءت الأقدار ❤️

بارت 96

بعد العصر ...

في بيت أبو أحمد 🏠..

في غرفتهم ..

سلاف : ممدده فوق السرير 🛌🏻 مريضه ..

أحمد : جالس عندها مافلتهاش ..

سلاف : أدي لي حبه راسي بيوجعني 🤕..

أحمد : أشر بأصبعه لالا ☝🏻 مابش حبوب وبطنش فاضيه ماقد أكلتي شي.. تشتي علاج كلي ..

سلاف : شابعه مشتيش .

احمد : كلي ملعقتين من الشوربه اللي فعلوا لش أمي 🥘 وادي لش ..

سلاف : ملعقتين بس تمام .. يله اديها أكل ..

أحمد : قام للمطبخ سكب لها شربه🥘 واداها ..

سلاف : جلست وبتمد يدها تشلها منه .

أحمد : هز رآسه نو نو 🧔🏻 مابش ماتفعلي بها انتي مريضه يعني أنا شاكلش ..

سلاف : بتهز اكتافها مااعه ماشي انا شأكل نفسي 😊..

أحمد : سحب الكرسي 🪑 وجلس جنب السرير وشل الملعقه وبيغرف شوربه 🥘 وينفخها ..

سلاف : بتقزز 😫 مع مع لاتنفخش يع يع ..

أحمد : ضحك ههه 😂 امرضي ساع الناس قلك يع لاتخليني اكل بالملعقه اول ..

سلاف : ابسرته بتقلد زاعله 😞 خلاص تمام ...

أحمد : بيتحيلى لها ويبتسم 😍.. فدديت الزعوله حقي هيا افتحي فمش هم هم ...

سلاف : ضحكت ههه😂 سعم ان انا نونو ..

أحمد : واحلى نونو كبيره🙂 .. هيا افتحي فمش وبيأكلها ..

سلاف : سرحت بتحاكي نفسها🤔 .. ذلحين هذا منه صدق بيحبني مش معقوله انه بيكذب عيونه باينه يارربي ماهو هذا مشتيش أتعلق به ..

أحمد : كان عيسكب الشوربه فوقها .. يييه اين سرتي عتوسخي نفسش ..

سلاف : ضحكت 😂 انت قلت انا نونو خلاص خليني أوسخ ..

أحمد : كمل يأكلها وقام ادى منديل مبلل يمسح لها..

سلاف : سحبت المنديل من يده ومسحت هي ...

أحمد : فتح الكيس وخرج لها علاج 💊 وادالها ماء ..

سلاف : شلت الماء🍸 وشربت العلاج .. لفتت لعنده شكرا تعبتك معي ..

أحمد : أنتي شكرا وأنا أحبش وفعلها شكل قلب 🫶 بيده ..

سلاف : خزيت 🥰 وغطت وجهها بالبطانيه ..يووو ياربي هكذا ماعنسدش مالي قد بين احس نفسي هكذا بين اضعف قدامه ...

أحمد : مدام عترقدي شفتح لي التلفزيون📺 شويه ولو تشتي شي قلي لي .. جلس فوق الكنبه ورسل لعند عمته يقلها باللي بيحصل وانه بيتعامل معاها هكذا ..

سميره : ردت عليه وجلسوا يتراسلوا .

سلاف : بتسمع صوت الرسايل ..حاولت تدعمم بس قلبها بيغلي ❤‍🔥 ماقدرت تصبر فتحت البطانيه ... ممكن تخرج تتراسل أنت وحبيبتك هذه خارج اوووف 😤...

أحمد : قرح ضحكه 😂 شاف الغيره في وجهها وعرف إنه ماشي صح ..

سلاف : بعصبيه عاده بيضحك 😠 شلت المخده اللي جنبها ورجمتها لافوقه اخرج جابرها من خارج ...

أحمد : بيضحك هههه 😂 مسك المخده وقام حطها مكانها وجلس طرف السرير جنبها وبيتفرجها بقوه أحبش يامجنونة وغمز لها 😉.

سلاف : قفت وجهها ورجعت تخبيه بالبطانيه .. قلت لك بطل كذب لاتحبنيش حب اللي بتجابر ...

أحمد: بيحانكها 😜 قلي لي أحبك وأنا الآن أقلها لاعاد تحاكينيش ..

سلاف : مادخلني حاكيها او تخايلك ان انا بين اغير ماعليا اصلا ...

أحمد : ضحك هههه 😂 مع مع من قال انش بتغيري ليش عتغيري أنا غر اخوش .. يله خلاص مدام ماتحبينيش شخرج الغرفه الثانيه اتصلها قدهو لا أضيع الثنتين من يدي ع الأقل معي واحده تحبني ولو غيرتي رأيش وعتحبيني قلي لي قبل ما اخطبها 🤪 لأن انا بين احبش أنتي بس مفعل اعيش حياتي .. فلتها وخرج 🚶🏻‍♂️..

سلاف : بعد ماسمعت الباب تقفل 🚪تشنجت 😖 الله يشلها لكن وتكرهك ...

...... ...... .......

في بيت هاشم 🏠..

أميره : في غرفتها ممدده 🛌🏻 منعتها الدكتوره من الحركه بعد مانكعت لأن الطفل ممكن يخرج وادت لها علاجات وابر ..

هاشم : جالس جنبها لو تحتاج شي ..

سلا : دخلت لعندهم .. يابابا اسهل خلوني اجلس عندكم مريم ماعتتحاكاش والله قد قلت لكم شعتذر منها أنتوا تاعبين ماعينفعش تنتبهوا ع ماما أنتوا..

أميره : ماشي يابنتي قد قلنا لش أنتي اخرجي معاها بس ماشحتاج شي ماينفعش تفلتيها ماعدباقي لعرسها شي ومريم مابتقصر معاكن وبتوقف معاكن في كل شي أخرجي معاها حرام تشتي حاجات خيرات وماقد كملت تتجهز للعرس ..

سلا: وسلاف هذه حبكت تمرض اليوم والا كانت عتخرج هي معاها وانا اجلس عندكم ..

هاشم : استغرب 😳 ليش مالها اي حين مرضت اوذا امس سيرتين العرس من هانا ..

سلا : هي جلست تحت المكيف وبين اتصلها اول اشتي اقلها من ماما وجاوبني احمد من تلفونها 📱 قال مريضه برد وهو عندها ..

هاشم : لفت لعند أميره 👀 هيا دريتي ليش أخترت احمد لأن انا داري إنه رجال وماعيسخاش عليها ابسرتي مريضه برد وهو عندها ..

أميره : تنهدت 😞 ع الله بس مدري ليش قلبي حاسس انها مش مرتاحه .

سلا : تشتي تغالط أمها .. قلك مش هي مرتاحه والعيد ميلاد 🎈🎊 والجنان اللي فعلته ودوشتنا في ساعه ماهو بطلوا تفكروا هكذا والله انها بتحبه وقد بتنسى خالد وعتذكروا كلامي أنتوا انتبهوا للي في بطنكم بس أشتي أخ قد بين احسد صاحبتي وأخوها وجلست تحكي لهم عنهم وكيف غسان بيفعل لها وانها بتتمنى وان معاها اخ مثله ..

🌹meme_abdalgaleel



@qesasanani

❤️ وشآءت الأقدار ❤️

بارت 97

بعد إسبوعين ...

عند دكتوره الولاده ..

مايا : يا الله ياسلاف شو زعلانه كثير 😞 أول سونار لإبننا ويوسف منو موجود ..

سلاف : اسهل لاتزعليش الايام جايه ابسرتي الموضوع مش بيده قد كان عيجي معش بس ماينفعش يفلت صاحبه وهو اتصله يجي معه فالعنايه حالته خطيره .. وبعدا قدنا معش واحمد اوذا ادانا ولا مايكفيش ..

مايا : ابتسمت😊 لها تكفي وزياده ياروح قلبي لوتعرفي قديش فرحانه انه راح اسمع دقات قلبه واشوفه ..

الممرضه دعت اسم مايا ..

سلاف : لفتت لعند أحمد خلاص اوذا عندخل ..

احمد : يله تمام وأنا شنزل أراعي لكن فوق السياره 🚗أمد ماتخرجين ..

بعد مادخلين والدكتوره بتفعلها السونار وتوريها فين راسه ورجله ويده وتسمعها دقات قلبه ❤️..

مايا : دكتوره ماقلتي لي بنت والا ولد ..

الدكتوره : مش واضح لما تكملي الرابع نعيد لش السونار ونشوف وقتها عيظهر ..

سلاف : بتصور الشاشه فيديو فارحه 😃 علشان توريهم وتسمعهم دقات قلبه ...

بعد ماخرجين ونزلين ..

سلاف : أول ماطلعت السياره 🚗 بتوري احمد .. ابسر محلاه يجنن 😍 سع من عادهو صغير ومحلى صوت قلبه ❤️...

احمد : بيتفرجه ويبتسم 🙂 ياقلبي عليه ماشاء الله يجي بالسلامه يارب .. لفت لسلاف عقبالنا لما اصور النونو حقنا هكذا..

سلاف : ارتبكت 😅 وسحبت التلفون من يده 📱 ذلحين اللي يشتي يتفرجه في البيت يحاسبني وانا اوريه بزلط خاصه يوسف 💴 ..

مايا : ضحكت ههه 😂 اي والله ماتخليه يتفرج وخذي منه اللي بدك ياه وانا واقفه معك وفي صفك .

احمد : لف وجهه لعندها 👀 يووه منكم يابنت حواء لما تتفقين ع واحد الله يخارجنا منكن ..

سلاف : ضحكت ههه😂 والله ان احنا مسكينات ..

أحمد : أين مسكينات قد خرجتين آدم من الجنه وبعدا أنتي تحديدا أخر واحده يقلوا عليها مسكينه 😝..

سلاف : بتقلد زعل 😞 خلاص حذ لاعاد تحاكينيش مدام مش انا مسكينه ..

مايا : حرام عليك سلاف كثير حبابه وطيوبه ..

احمد : طيوووبه كثير وحبابه ورفع حواجبه 😌 اقلها مابتفعلي بي ياحبابه وطيوبه ..

سلاف : لأول مره تتصرف معه بعفويه بدون تركيز خفعته بيدها 👋🏻في يده وهو بيسوق بس بطل هباله ..

أحمد : ابسر مايا من المرايه فتحت تلفونها بترسل 📱 لفت لسلاف وباسها في الهواء 😘 أحبش ..

سلاف : ضحكت وقفت وجهها 🥰 وجلست تتفرج للشارع لما وصلوا . .

....... ........ .......

في بيت صاحبه سلا 🏠..

غسان : روح وفي يده علب شوكلاتات خيرات 🍫...

ام غسان : يوووه ماهو هذا كله قد عنفتح بقاله 😅...

غسان : حطهن فوق الماسه . ماشي يابقاله هذولاء علشان تسيروا بكره تزوروا أم سلا قد إسمها مريضه وتتعرفوا عليها سواء وتحطوا لهم خبر .

أم غسان : عوجت فمها 😏 الله الله هذولاء كلهن حين أمها مريضه وانا امرض لما أشبع ما اعرف منك قفص عصير 🧃...

غسان : رفع يده 💁🏻‍♂️ هيا ناهي قد عنبداها محاسده ودحس من أولها هذا علشان بس يرضوا نرشيهم بس ..

أم غسان : يله افعل ماتشتي لكن الصدق ماشاشلهن كلهن مشتيش يقلوا من اولها ان احنا فشارين شاشل مابيشلوا الناس .

غسان : ماليش دخل من الناس أنا حر أشل اللي أشتي خلاص انتوا مكنوا امها واختي تمكن سلا الباقيات تديهن لها وشازيد أشتري لكم ورد والكل 💐 .

أم غسان : بدأت تحس بالغيره 😏 وورد والكل هذا قد شدفت حسك قووي ..

غسان : قرب باسها في راسها 😘 يا أمه هيا لكن مالكم وانتوا قلبكم حالي وفساح عتحسدوا من خطيبه ابنكم ..

ام غسان : ذلحين يرضوا بك ياخطيبه إبني ...

غسان : أنا حاسس انهم عيوافقوا أحم أحم أين عيلقوا واحد مثلي في وسامتي 😌 وشخصيتي ورجالتي وبعدا جيت لبنتهم من الباب مش انا لعاب لو اشتي كنت شالف عليها وأجابرها قدهي قدام عيني واصل بالعكس ابوها عيحترمني قوي ويرضى وانتوا عتبسروا ..

أم غسان : الله يوفقك ويسخر لك بس لاتزيدش لها الدلع من ذلحين وأنت حر ..

غسان : غالط وغير الموضوع ذلحين قلوا لي ماعتدوا لي اكل جاوع .

ام غسان : قامت تدي له اكل ..

........ ....... .......

مريم : بدات ترتب وتجهز أشيائها باقي قليل لعرسها وبتخطط هي وحمزه ايش يجهزوا للعرس والاشياء اللي نفسهم فيها 😍..

🌹meme_abdalgaleel



@qesasanani

❤️ وشآءت الأقدار ❤️

بارت 98

ثاني يوم ..

في بيت هاشم 🏠...

أميره : ممدده في السرير 🛌🏻 .. ماهو هذا يعني حبكت صاحبتش وأمها يجين عندنا اليوم امانه كيف شقدر استقبلهن وأنا ممدده هكذا ..

سلا : واقفه جنب السرير ماافعل أنا ياماما قد ابسرتوا كيف إحرجتني ورجعت أمها هي اللي حاكتكم ..

أميره : وأختش هذه مالها ماتجي ع الأقل تساعدش ...

سلا : الإ عتجي بس هي سارت لها مريم الصبح خرجين للسوق وعيرجعين لاهانا .. ذلحين أوضع لكم بقعه داخل في الديوان قد كل شي مجهز ومرفع لاتهموش ..

أميره : أيووه علشان اجلس مع أمها لو قد عزمتها من أول انه أحسن مش انا داريه مالها مصنفه هكذا ...

سلا : ضحكت 😂 تشتي تتجمل منكم وانا المودفه أرفع ..

....... ....... .......

في السوق ...

مريم : وهن بيشترين حاجات ابسرت بدله عرسان رجالي 🤵🏻‍♂ يوووه محلاها ابسريها ..

سلاف : الله شكلها يجنن 😍 قووي اشتريها لحمزه للعرس ..

مريم : بضبح 😤 اوووف أين أشتريها مارضيش قد تراشيته لما قلت بس يلبس بدله قال ماشي عيلبس اللبس حقنا حق العرسان ..

سلاف : طيب يلبسها لما يدخل يتصور وفي العرس حقه يلبسه ..

مريم : مسكتها هزرتها 👭 اخطي اخطي بس من حريق الدم هو حر يلبس مايشتي ..

سلاف : خطيت وهي بتلف بتتفرج البدله وتبتسم 😊 والله انها ضخمه بس حمزه مدري ماله ..

....... ....... ........

في بيت أبو أحمد 🏠...

أبو أحمد : وصل من خارج بيداعي هيا اين الغداء 🥘🍲 قدنا ميت جوع ..

سميره : خرجت من المطبخ مبتسمه 🙂.. جالس أنت وهذه الطبيعه وقت الأكل تمكنها صياح ..

أبو أحمد : ضحك ههه 😂 حيا حيا وأنتي هانا عندنا ...وقام يسلم عليها ...

أحمد : خرج من المطبخ وفي يده صحن 🍝 مكرونه ابسروا كيف رحمتكم وإديت لكم هذه تصبيره ...

سميره : سحبت الصحن من يده 🍝 ماشي امانه لاتخليه يأكل ماعاد عيرضاش يتغدى وقد اسمي اليوم خورت أتغدى عندكم خلينا نتغدى جمعه ..

أبو احمد : أيوه يا ابني اسهل شازيد أصبر شويه علشان أكل مع عمتك شدخل أبدل وأصلي أمد مايجهز باقي الأكل .. ودخل غرفته 🚶🏻‍♂️..

سميره : مسكت أحمد سحبته .. هيا جي إجلس جنبي جابرني سواء مابيحصل نبسر ماعنفعل 😇..

أحمد : ضحك ههه😅 والله مانا داري ما أقلكم بين احسها بتغير وتأكل نفسها قووي وفجأه تفعل تصرف تخرب كل شي أحس ان كل احساسي غلط ...

سميره : أنت الوحيد اللي عتقدر تعرف مشاعرها اذا بدأت تتغير وبدأت تحبك أو ماشي ❤️ .

أحمد : والله ان قد بين افعل كل اللي اقدر عليه حتى هذه الفتره الصدق قد انا جريء 😅 وبين امكنها كلام حب وبين ادور نقاط ضعفها وخلفت اتفاقي معاها انه اعاملها أخت ..

سميره : غمزت له 😉 جبر اللي قدهو جريء ..

أحمد : 🙆🏻‍♂️ حط يده ع رآسه وضحك هههه يالهووي والله لو تدرى إن احنا متفقين لاتموتني...

سميره : أنت داري مارأيك اليوم لو تفعل لها شي بتحبه خاصه انها مابحد عتسير بيتهم تجي تلقاه قدامها ..

احمد : 🤩 أيوووه حاضر خلاص شخرج أشترى لها لوحات رسم وألوان 🎨 ..

سميره : أيووه صح قدلها خيرات ماعد رسمت 🎨 عتفرح بهن وأشرط عليها اول رسمه ترسمك انت ...

أحمد : تذكر 🤔انها ماعد كانت ألا ترسم صور لخالد بس .. لكن ياعمه مدري عترضى او ماشي ...

سميره : إستخدم قدراتك وماعتغلبش😉 واذا رسمتك معناها انه فعلا إحساسك صح لأنها حلفت ماعد ترسم احد بعد خالد ..

أحمد : رفع يدده 🤲🏻 يااارب سخر لي قلبها والله ان انا بين احبها صددق ياعمه ❤️ ولو مادخل خالد وقتها في النص ان قدها مرتي من زمان ومااعتبرتها اخت ..

🌹meme_abdalgaleel



@qesasanani

❤️ وشآءت الأقدار ❤️

بارت 99

بعد العصر ...

في بيت هاشم 🏠..

أميره : اهلا وسهلا شرفتينا ...

أم غسان : تسلمي ياروحي 🥰 والله لو تبسري كم قدلي وانا نفسي أتعرف عليش ولاسبرت فرصه بس مابعد دريت إنش مريضه قلت ماشي والله ماعد يسبر ضروري أجي أزورش وأتعرف عليش ..

أميره : تسلمي والله زارتش العافيه ..

جلسين يتجابرين ويتعرفين ع بعض ..

سلاف : جالسه تتكلم هي ومريم ويختارين أشياء يرتبين الدخله حقها والتوزيعات وبقيه التفاصيل حق العرس ..

سلا : جالسه هي وصاحبتها يتجابرين ويضحكين 😂 ويعلقين ع الطالبات والطلبه حق المعهد ..

قبل مايروحوا ...

أم غسان : قربت لجنب أميره .. بتحاكيها بصوت واطي أنا داريه يا أختى إن الوضع مايسبرش أتحاكى فيه بس والله ان قد إبني جنني وكسر رآسي مابلا أجي وأحاكيكم قال مايشتيش ينزل من نظركم يشتي يجي من الباب ع طول 🚪..

أميره : استغربت وفتحت عيونها 😳 باب مه وإبنش أيش ..

أم غسان : إبني غسان الله يحفظه يشتي يتقدم لسلا يخطبها 💍والله لو تبسري كم قد له بيدحسني بس ماقد لقيت فرصه بيشكر في أدبها وأخلاقها وقال شوعه حين هو بيوصلهن بيأنبه ضميره يشتي يجي من الباب مايشتيش يتأخر ...

أميره : 😟 إكتبدت .. خطوبه مه 💍 ياختي ابوهن والله مابيرضى يزوجهن الا بعد الجامعه ..

أم غسان : وإحنا ماقد نشتي زواجه عاد ابني سنه ٢ والكل ويشتيها تكمل جامعتها🏢 عادهو عيتخرج ويتوظف بس قال خطوبه ذلحين ..

أميره : والله إن انا حسيت قلبي نكع 💔 مدري مش انا متخيله ان سلا تنخطب وتتزوج وتفلتني ..

أم غسان : ياختي لاقد عتتزوج ولا قد عنشلها أنتي حاكيي ابوها وأبسروا وإسالوا والله يقدم مافيه الخير الله يجعلها من نصيبه ويسخر لهم ...

....... ....... .......

الليل 🌚..

في بيت أبو هاشم 🏠..

سلاف : بعد ماروحت دخلت تسمر عندهم ...

أحمد : دخل وفي يده بطه 🧧هيا من عيلعب معي بحكم ..

يوسف : مد يده اديها انا شاقسم والله لأهزمك وأحكم عليك احكام بضمير ..

مايا : شو راح تلعبوا من غيري يله يله وسعوا لي ..

احمد : لفت لسلاف هيا نلعب غمزه 😉 احنا فريق وهم فريق نوريهم اللعب ع أصوله ...

يوسف : بيأشر لمايا جي جي يامرتي نتفق ع علامه نوريهم من عيوري الثاني اللعب ع أصوله 😌.

سلاف : بتتشاور هي وأحمد خلاص نخلي كلمه السر بيننا 👂🏻

احمد : خلاص تمام وركزي ع حركات وجهي والكل ☺️...

بدأوا يلعبوا ويضحكوا ومره يفوز أحمد وسلاف ومره يوسف ومايا ويشخبطوا وجوه بعض بالفحم والخاسر يعاقبوه ويحكموا عليه ..

أبو أحمد : بيتحيلى لهم ويضحك 😂 دخل يلعب معاهم هو ومرته ..

كانت ليلتهم حلوه ومزح وضحك 😊 وأحمد فارح لأن سلاف قريبه منه لانهم فريق وتضربه لما يخسروا ..

بعد ماكملوا يلعبوا ودخلوا غرفهم ..

احمد : كان مخبي لوحة الرسم والألوان وراء الستاره 🎨 ..

سلاف : دخلت وهي مبسوطه من اللعب ☺️ بتبسر وجهها في المرايه يووه كيف قد وجههي مشخبط كله بسببك خسرتني ومسكت المخده ورجمته بها ..

أحمد : مسك المخده وبيضحك 😂 بس تشتي الصدق قمر في كل حالاتش ولا رضيتي توقعي شوعه أو يمكن لأن انا احبش خيرات ❤️ بين ابسرش قمر ع طول ...

سلاف : بهررت فوقه 😠 هاااه ماسدينا رجعنا للهرم ..

أحمد : ضحك مفعل مشو بيدي ودخل يده تحت الفنيله حقه من جهه قلبه ❤️ بيحركها ابسري كيف بيدق حين يبسرش 😜 ...

سلاف : قفت وجهها فارحه بكلامه وحركاته ☺️ وبتحاكي نفسها اووف منك يا أحمد بطل تفعل هكذا مشتيش أستسلم أنت مابتفعل بي ...

أحمد : قرب لجنبها ..سلافي معي لش مفاجأه أشتريت لش حاجه 😊..

سلاف : صدددق ماهو 😄 ..

احمد : حاجه تعجبش بس غمضي عيونش 😌..

سلاف : غمضت عيونها 😌.. هيا وريني ماهو ..

أحمد : خرجهن وحطهن فوق السرير 🎨.. يله افتحي عيونش ..

سلاف : إبسرتهن وإبتسمت 😊 الله كم قدلي ماعاد رسمت حتى ماعاد اديت حقي من البيت ..

أحمد : اصلا قلت بتجلسي اوقات فاضيه تكون تتوالهي ترسمي 🎨..

سلاف : ابتسمت له ☺️ شكرا .

احمد : شكرا حاف مايخارجنيش 😉..

سلاف : بهررت 😠 كان ماهو ماتشتي . .

احمد : ضحك هههه 😂 مالش أنا أشتي ترسميني بس .

سلاف : ضحكت هاه 😅 اسهل تمام شرسمك ماهذه بسيطه ...

احمد : فرح 😍 إنها وافقت ع طول وماترددت لحظه حس انه خلاص بدأ يملك قلبها ..

سلاف : بترفعهن وتحاكي نفسها مستغربه أنا مالي مجنونه وافقت هكذا ع طول 😅 ماهو أنا حلفت ماعد ارسم احد مابيحصل معي معقووله قد بدأت أحبه لالا ماشي هو بين اتعامل معه عادي اوووف ماهو مالي هكذا مربوشه ...

🌹meme_abdalgaleel



@qesasanani

❤️ وشآءت الأقدار ❤️

بارت 100

ثاني يوم الصبح 🌞

في بيت هاشم 🏠..

سلا : قامت مثل كل يوم تلبس وتتجهز عتسير المعهد ..

هاشم : دقدق عليها الباب 🚪 سلا صباح الخير ..

سلا : فتحت له .. صباح الفل 😊 ع أحلى بابا ...

هاشم : شاوصلش المعهد أنا خلاص نبي ع صاحبتش لاعاد تكنش تمر لش ..

سلا : إستغربت 😳 لييش في شي ..

هاشم : دخل وجلس فوق السرير 🛏️ مابش شي بس يكفي نتعب الناس معانا شاكون أشلش أنا ..

سلا : طيب حاضر ع ماتشتوا ..

هاشم : لفت لعندها ياسلا مارأيش في أخو صاحبتش هذا غسان 🤔..

سلا : إفتجعت😰 لو سمع عنه شي غلط ومنعها من السيره معه .. كيف يعني مارأيي فيه ..

هاشم : أقصد مارأيش في أخلاقه وكيف طباعه ..

سلا : مقدرش أحكم لأن انا ما أعرفه هو بيوصلنا بس مابيجلس يجابر ولا حتى يلتفت بين ابسره قووى محترم وطباعه حاليه مع أخته ويجلس يمزح معاها وهي بتقل انه حبوب اوذاك قلت لكم بين اخور أخ بسببهم ..

هاشم : هز رآسه 🤗 آها يعني مابتتواصلوا ولا قريبين من بعض ..

سلا : بهررت عيونها 😨 مااهو يابابا والله مابين احاكيه ولابيننا شي يعني انتوا بتحسبوا ان انا بين اكلمه وتشتي ابطل أسير معاهم ..

هاشم : ضحك ههه 🤭 ماشي ماشي مالش أنا داري مامعي وواثق وداري ان لو بينكم شي عتجي وتقلي لي مش هو الموضوع هكذا خالص .. جي جي اجلسي جنبي وأنا أفهمش ..

سلا : جلست جنبه كان ماهو 😰 قلقتوني ..

هاشم : أنا بين اسألش مارأيش فيه مش لأنه بينكم شي أمس أمه جت تتقدم لش قالت إن الولد معجب فيش ويشتي يخطبش 💍 ومايشتيش نقل عليه أي شي لأنه بيوصلش ونقل انه خان ثقتنا فيه جاء من الباب..

سلا : غطت فمها بتضحك.. يخطبني 🤭...

هاشم : ضحك هههه 😂 البنت لما يقلوا لها جاء لش خطيب تخزى وتحمر وتصفر مش تضحك ..

سلا : بعدت يدها بتحاول تبطل ضحك 😅 أصلا آستغربت ماصنف له قلك يخطبني والله انه مجنون أصلا مابين افكرش في هذا الموضوع أبدآ ولاقد أشتي أتزوج عادنا بين اتخيل نفسي دكتوره 🥼..

هاشم : اللي فهمته من كلام أمش إن هو والكل ماقد يشتيش عرس يشتي تكملي دراستش وبعدين زواج وبعدا أنا والكل من رأي بنتي ماقد أشتيش أفلتها إشتي أشبع منها بس قلت أكون أوصلش أنا أحسن علشان لانحرجه ..

سلا : أيووه هكذا أحسن وقربت تبوسه 😘 أنا فداله أحلى بابا اللي بيحب بنته ...

هاشم : يله كملي البسي علشان أوصلش لاتتأخريش واتصلي📱 لصاحبتش لاتجيش ..

........ ........ ........

في بيت أبو أحمد 🏠..

في غرفتهم ...

أحمد : قام يلبس ويتجهز عيسير الشغل..

سلاف : فتحت عيونها 🥱 إبسرته بيتجهز إبتسمت صباح الخير ..

أحمد : بإبتسامه 😊 صباح الورد صباح العسل صباح الحب ❤️..

سلاف : ماخاور أفعلك صبوح 🍳..

أحمد : أمممم 🤔 خاووور خاووور
أقلش قوومي البسي هيا نخرج نصتبح خارج وأشلش معي للشركه معي عمل سريع بس ونكمل يومنا خارج نسير أي مكان فيه شجر 🌳 وخضره وماء ..

سلاف : عوجت فمها 😏 الشركه .. تشتي تعرفني ع حبيبتك صح ..

أحمد : قرح ضحكه 🤣 ههههه آاي يابطني أين سار حسش فدديت اللي بيغار عليا ويكابر .. قوومي قوومي مابحدهي إطمني وبعدا محد حبيبي غيرش أنا قلت أجرب بس أعيش حياتي بس مقدرتش أحبها مفعل طلعتي مسيطره 😉..

سلاف : ضحكت احم احم 😌 وهمشيك مسطره📏 ..

أحمد : مشيني كيف ماتشتي مسطره والا علبه الهندسه كلها 📐📏.. المهم تصدقي إن انا بين احبش 🫶 ..

سلاف : غالطته .. بعدت البطانيه من فوقها ... يله شاقوم ألبس بسرعه علشان نخرج 😊 ...

........ ....... .......

في المعهد 🏢...

صاحبه سلا : جالسه جنبها في الكلاس .. مالش منش صدق ماعاد تشتيش تجي معانا 😔...

سلا : ماتزعليش مني هيا لكن بطل هباله أصلا حطي نفسش مكاني لو يطلع إن أخي يشتي يخطبش 💍 ماعاد عترضيش تجي معي اوصلش أصلا إحراج لي وله وبعدا أنا زاعله منش ليش ماتقلي لي خليتيني هبلاء مش فاهمه شي ..

صاحبه سلا: 🤦🏻‍♀️ غطت وجهها بيدها .. مفعلش هو غسان حلفني ما أقلش شي ماكان يشتي يحرجش لما يرتب أموره ويجي من الباب ولو كنت قلت لش كنتي عتفعلي هكذا وتبطلي تجي معانا نوصلش ..

سلا : بس ياريت وأنتي قلتي لي علشان أقلش رأيي قبل ماتتقدموا لأنه مشتيش تزعلي مني أنا أصلا ماقد بين افكرش في الزواج خالص ولاقد أشتي أفتح هذا الموضوع ..

صاحبه سلا : 😧 تغيرت ملامحها .. مااهو منش صددق لاتقليش مش أنتي موافقه ياسلا ماشي حرام عليش والله لاتقهري غسان قووي لوتبسري كيف بيحبش ..

سلا : هو أخوش وأكيد بتحبيه وأنا صاحبتش والمفروض تحبيني ولاتزعليش مني .. صح غسان طيب وحبوب بس ماقد اشتيش أفتح هذا الموضوع ..

صاحبه سلا : زعلت ع غسان 😔 خلاص إسمعيني لاقد تقرريش ذلحين خلينا نكمل الكلاس ونتفاهم ..

إيش رأيكم سلا عترفض غسان خلاص والا ممكن تراجع نفسها 🤔

🌹meme_abdalgaleel



@qesasanani

❤️ وشآءت الأقدار ❤️

بارت 101

في الشلال🌊 ...

سلاف : يوووه محلى هذا المكان🤩 كم قدلي من هانا من واحنا صغار حين كنا نجي كلنا بس قد تغير قوي ..

أحمد : بيأشر لها 👈🏻 أبسري هاناك هذه البقعه اللي كنا دايما نجلس فيها عند هذك الشجر 🌳...

سلاف : يا الله محلاها من أيام كيف كنا نفرح لما نخرج ونلعب بالماء 🌊 بس ذلحين ليش سدوه هكذا وفعلوا قوارب 🚤..

أحمد : أصلا كان به ناس خيرات يجلسوا يدخلوا يتسبحوا ويموتوا وبعدا هكذا أحسن علشان يخزنوا الماء ابسري كيف وقع شكله كأنه بحر 🌊...

سلاف : قد فرحت حين قلت لي عتديني الشلال خاوره اتمشى بين الماء ...

أحمد : مد يده لها 👋🏻 جي معي وأنا أدخلش لامكان فيه ماء وشجر 🌳بس عنخطى شويه ماعتدخلش السياره🚗 ..

سلاف : وقفت شويه بتتفرج يده رجعت مسكت يده 🤝 ومشيت معه 👫 كم عنجلس نخطى شويه والا خيرات جزمتي👠 مش هي مريحه 😅...

أحمد : ضحك 😂 عيس تستاهلي علشان تكون تتعلمي تلبسي جزم ساع الناس قلت لش كن البسي واطيات فلات للأرض والا كوتش 👟..

سلاف : ضحكت وبتخطى معه 👫 حاضر شاوقع عسكري وأزيد البس مسدس 🔫..

أحمد : رفع لها حواجبه 😌 بيحانكها ايووه ايووه احلى شي أصلا مشتيش أحد يبسرش اشتي توقعي أشوع واحده فالشارع اشتي الحلا هذا لي لوحدي بس ...

سلاف : قدامهم طلعه حجره كبيره بتحاول تطلع حنبت جزمتها 👠 ضحكت 😂 ايووه وكيف شقدر أطلع من هانا ..

أحمد : بيحانكها هذه جزاه اللي يخرج وهو مدلع 😜 ..

سلاف : بتخفع الأرض برجلها .. أحمد بس بطل اوووف .. سعم ماشقدرش هاه عتبسر وبعدت الجزمه 👠 بتحاول تطلع حافيه صاحت يوووه يووه حامي وبتتقفز والجزمه في يدها ...

احمد : ضحك عليها 😂 مسكها حضنها ورفعها لافوق الحجره .. هذه المره بس شاساعدش رحمتش بس لو عاد به حجار ماشدخلش 😜...

سلاف : دخنت وحست قلبها❤️ بيدق بسرعه عيخرج من مكانه ماعد قدرت تبسر لعنده 🫣 وهي موطيه رآسها خلاص خلينا نرجع شكله الطريق بعيد ...

أحمد : ضحك عليها لأنها محرجه 😂 هو أحلى شي إنه بعيد الله يكثر الحجار اللي تحنبي فيهن ومشي قدامها علشان تلحقه ..

سلاف : بتمشي وراه 🚶‍♀️وهي خازيه منه 🥰 وبتلاعنه في داخلها الله يقلعك يا أحمد قووى أبعد عني ليش بتفعل هكذا ليش ليش ياررب مشتيش أضعف أكثر من هكذا أنا وعدت خالد ..

........ ....... ......

في بيت حمزه 🏠..

حمزه : يا أخي دلا دلا انتبهوا لاتكسروا الزجاج حق المرايا ...

العامل : ضحك عليه 😂 يا اخي مالك صل ع النبي محسسنا إن احنا أول مره نركب غرفه نوم ..

حمزه : انحرج 😅 لالا العفو منك بس والله لو تبسر كم قد خرجت روحي لما عجبت المره قد لفيت المحلات كلهن ولاعجبها شي بين اهم لو يوقع بها شي عيرجع الهرم والدحس فوق رآسي ..

العامل : ضحك هههه 😂 شكلها صميل الله يعينك ماكلفك الله قدك عزب مفتهن ماذلحين الله يعينك ع الهرم والدحس حق النسوان ..

حمزه : مانفعل الحب ياخوك 😍.. ضحك ههه هيا ذكرناها هاه بتتصل حكنها أرجلها 😂..

مريم : مالك بين اتصلك📱 من اول ماجاوبت ..

حمزه : اتصلتي اول وكنت مشغول ادوا غرفه النوم بيصلحوها 🛏️..

مريم : صددق 🤩 اسكه صورها لي وريني كيف وقعت ..

حمزه : طيب من عيوني لما يكملوا واصورها لش جاهزه ..

مريم : ماعه ماعه صورها لي ذلحين حتى لو ماقد كملوش افرض أماكن السرير والدولاب ماعجبنيش علشان اقلك يغيروهن ..

حمزه : ضحك 😂ههه حاضر ياهرمه يله قفلي اوذا شاصورها وأرسلها لش ...
غلق ولفت للعامل والله ان شكلك صادق وان انا شدخل بحر الدحس والهرم 😅..

🌹meme_abdalgaleel



@qesasanani

❤️ وشآءت الأقدار ❤️

بارت 102

فوق السياره 🚗 ع رواحتهم ...

غسان : ذلحين سلا سعم ماجتش معانا علشان موضوع أمس حين كلموهم أمي 🤔..

صاحبه سلا : بوجه حزين 😔 ايووه قالت ماعد ينفعش تجي معانا بعد ماعرفت انك تشتيها ..

غسان : يله إسهل شويه وعتوقع خطيبتي وخليها تتهروب مني ذلحين براحتها 😜...

صاحبه سلا : لفتت لعنده وبنبره حزينه 😔 ماعتوقعش خطيبتك مش هي موافقه ...

غسان : إكتبد 😨 ووقف السياره 🚗 ع جنب ..مااهو ..

صاحبه سلا : اليوم قالت لي إنها مابتفكرش في هذا الموضوع ولاقد تشتي تنخطب 💍 وعادهي اصلا تشتي تدرس طب ولو أحبها ماعد افتح هذا الموضوع معاها ..

غسان : زعل 😔 ليش هكذا قلتي لها ان انا حتى انا اشتيها تكمل دراستها أول ماقد اشتيش عرس أهم شي بس إنه أخطبها علشان محد يتقدم لها ..

صاحبه سلا : 😔 والله مارضيت تدي لي مجال اناقشها وشكل أمها عتتصل لأمي هذه اليومين تقلهم مابش نصيب ...

غسان : ضبح 😤 مااهو مابش نصيب سعم أنه بمزاجها وأن انا قلت لها بكره العرس مالها هذه الناس يفكروا مش العشي نقلهم نشتي نخطب البنت والصبح تقل ماشي ...

صاحبه سلا : والله مانا داريه ماقلك 😔...

غسان : يله خيرة الله 😔 وشغل السياره 🚗 وخطي وهو ضابح 😤..

........ ....... ........

في الشلال 🌊...

سلاف وأحمد وصلوا جالسين تحت شجره 🌳 وقدامهم سايله فيها ماء من الشلال ..

سلاف : الله هذه البقعه احلى من هاناك يعجبني الماء هكذا بين الشجر 🌳والخضره ..

أحمد : أيووه وبعدا حالي من الزحمه والدوشه ونظيف اللي هاناك قد هاناك مزبله من كثر ما الناس بيراجموا الزباله ليش بيوسخوا مش انا داري ويشوهوا بالمكان لو كل واحد بينظف مكانه انه بيجلس نظيف وحالي ..

سلاف : أيووه لو كل واحد بيعتبره انه بيته ومثل مايشتي بيته 🏠 وسيارته نظيفه ينظف بعده ..

احمد : خرج تلفونه 📱 وفتح اغنيه سلافي هذه مني لش 😉..

( أحبك ايه😍 للموت أريدك بس تعال..
نقضي العمر حب ووصال .. أشوفك عشق فوق الخيال يابعد عيني..

مني وعد طول العمر امشي بخطاك همي الوحيد أكسب رضاك بس انت لي ومالي سواك ياعمري وسنيني ❤️ ) ..

سلاف : إبتسمت ووطت رآسها 🥰 قامت لعند الماء وهي بتسمعها دخلت ارجلها بتتمشي في الماء ..

احمد : خلاها لما هي مقفيه وبتلعب بالماء وجاء نزفها رشها بالماء لاوجهها 💦...

سلاف : بتمسح وجهها وتضحك 😂 مالك ..

احمد : علشان تكون تركزي في الأغاني لما احد يقلش هذه لش 😁 ..

سلاف : غالطته وقفت كأنها عتمشي 🚶‍♀️ وطفشته بالماء في وجهه وجلست تضحك 😂..

أحمد : والله هكذا 😅 طاااايب ورجع يطافشها 💦 ويضحكوا ...

كمل اليوم وهم مبسوطين كان يومهم حلو كله مرح ومزح 😍 وروحوا وهم بيضحكوا وكل يوم أحمد بيتقرب من سلاف أكثر وأكثر ...

........ ........ .......

في السوق ...

يوسف ومايا خرجوا يشتروا حاجات للبيبي 👶🏻..

يوسف : ماسك طقم أطفال ولادي 👶🏻 الله إبسري محلى هذه نشلها ...

مايا : حطت يدها ع خصرها .. ولللك يازلمه يكفي كل محل بندخله تروح ع لبس الأولاد 👶🏻 قلت لك أنا متأكده انها صبيه مو صبي ..

يوسف : بيحانكها 😛 صبي صبي وحياتك ..

مايا : طاايب بالعند فيك ماراح نأخذ هذا الطقم وراح اخذ كل شي لون زهري لأنها صبيه 👧🏻 ..

يوسف : خلاص خلاص والله😅 أقلش جي نشل الوان تناسب الاثنين والسرير لون خشبي ..

مايا : بهنجمه بس راح اخذ فساتين كمان 😠 ..

يوسف : وأنا شاشل بدلات لإبني وكل واحد حر 😜...

كملوا يشتروا الحاجات اللي في نفسهم ومراعيين بفارغ الصبر لما موعدهم الثاني عند الدكتوره يعرفوا نوع الجنين ...

اللي بكيوا أول القصه وكانوا ضابحين من الأحداث اعتقد انكم مبسوطين هذه الأيام اللي عاجبه له الأحداث يرفع يده ✋🏻..

🌹meme_abdalgaleel


https://t.me/qesasanani/4825




@qesasanani

❤️ وشآءت الأقدار ❤️

بارت 103

بعد يومين ...

في المكتب ..

هاشم : جالس في مكتبه في الشغل ..

غسان : دق عليه الباب 🚪 ودخل السلام عليكم عم هاشم صح ومد يده🫲 يسلم عليه ..

هاشم : إستغرب مايعرفه وقف مد يده يسلم عليه 🤝وعليكم السلام ..

غسان : وقف قدامه أنا غسان ال... أكيد عرفتوني ذلحين ...

هاشم : هز رآسه .. هاااه حياك الله وأشر بيده 🫲 اجلس ..

غسان : كيف حالكم كيف صحكتم ان شاء الله بخير ..

هاشم : الحمدلله في خير .. ماتشرب.

غسان : 😅 خازي منه .. هاه ولاشي تسلموا .. بيحك رآسه بيده . أنا داري إن أنتم عتستغربوا من جيتي بس قلت أجي أحاكيكم بنفسي وتتعرفوا عليا سوى وعلشان لاتأخذوش عني فكره غلط ..

هاشم : الله المستعان ياابني ليش أخذ عنك فكره غلط أنت جيت دقيت البيت من بابه 🚪 لالعبت ع البنت ولاتسليت ..

غسان : والله ياعمي إن انا نيتي طيبه😅 والصدق أعجبت بسلا وأخلاقها وماحبيتش إن انا أجلس ساكت فتره أطول وخاصه إن انا بين اوصلها كلمتهم في البيت علشان يكلموكم وأنا أصلا ماقدناش مستعجل ع الزواج أنا في نفسي عادنا طالب وماعنديش أي أعتراض إنها تكمل دراستها والكل ..

هاشم : أيووه قد قالوا لي هذه التفاصيل وأنا الصدق كبرت في نظري اليوم أكثر إنك جيت بنفسك قبل ماحتى أتعرف ع الوالد ..

غسان :حس بزنط 😌 تسسلموا الله يبارك فيكم وأنا قد قلت أجي وسألت ع مكان عملكم قلت أكلمكم أبن وأبوه من غير كلام الأهل والقرار هو قراركم وهذا هو نصيب ولو ان انا عشمان فيكم وبإذن الله ربنا يسهلها ..

هاشم : الله يقدم مافيه الخير ياابني شازيد أبسرهم في البيت وان شاء الله خير ...

غسان : خرج من عنده وهو فارح 😁 انه عجبه خاصه انهم اتفقوا يخرجوا يوم يتغدوا مع بعض ...

......... ........ .......

في بيت أبو أحمد 🏠..

في غرفتهم ...

سلاف : بعد ماكملت اللي وراها فتحت اغاني 🎼 وشلت اللوحه والألوان 🎨 ترسم احمد لأنها وعدته بس تشتي صوره ترسمها لأن مافيش معاها ولاصوره له في تلفونها رسلت له 📱
( رسل لي صوره حاليه لك )..

أحمد : قد كان وصل عند البيت بيفتح الباب 🚪 قري الرساله إبتسم 🙂 رد عليها ( للدرجه هذه وحشتش 😉 ماعد قدرتي تتحملي لما أروح تشتي صورتي ) ...

سلاف : قريتها وضحكت 😂 بتحاكي نفسها بصوت عالي ثقيل دم أقسم بالله قلك وحشني.. صح إن قدهو بيوحشني وقد بين افكر فيه خيرات وبين اذكره دايما بس والله ما اقله مشتيش يحس ان انا بين اضعف واخلف بوعدي شارد عليه وأكتب له لك وحش ياكلك هيا رسل الصوره ارسمك وضحكت 😂هههه ..

أحمد : كان واقف عند الباب 🚪 سمعها وهي بتتكلم فرح 😄 بس ماحسسهاش انه سمع رجع لوراء فعل نفسه كأن عاده وصل وبيغني (قديش أنا مشتاق لك ليتك شعرت كثر المطر كبر السماء قد البحر )ودخل وهو مبتسم 🙂 بيغني ...

سلاف : ضحكت هههه 😂 مسرع وصلت ..

أحمد : بيحانكها 😝 مرتي حبيبتي مشتاقه لي وتشتي صورتي وماتشتيش أجي بسرعه ...

سلاف : بدلع اوووف 🤗 وثقاله الدم اللي فيك أنا كنت اشتي الصوره علشان أرسمك لأن انا مالقيتش معي صور ..

أحمد : شاف شعرها ذيل حصان 👱🏻‍♀️ سحبه بيقلد هنجمه 😠 مااهو مابش معش صور هاه به واحده مابش معاها صور لزوجها وابن عمها ...

سلاف : بتصيح بدلع بسسس امانه فلت شعري ☺️ خلاص رسلي يله بعدا شاغير رأيي وماعد أرسمك .

احمد : بعد يده ماسخيش عليها يله هذه المره بس لش وجلس فوق الكنبه 🛋️ افتحي تلفونش يله أرسلش وبيختار الصور اللي يشتي ورسلهن لها ..

سلاف : بتستقبلهن 📲 ييييه ماهن هذولاء كلهن 😅 أنا قلت لك صوره بس علشان أرسمك ...

أحمد : غمز لها 😉 علشان كل ما اوحشش تبسريهن ..

سلاف : إبتسمت😊 ناهي صدق نفسك ذلحين اين صوره تشتي أرسمك ...

أحمد : وراها خلفيه تلفونه 📱 هذه صورته وهو عريس ...

سلاف : بتتفرجه سكته 😑..

أحمد : بهرر عيونه 🙄 هيا مالها والا الصوره شوعه ماعجبتهاش ...

سلاف : ارتبكت 😅 هاه مع مع حاليه خلاص رسلها وشرسمها ... حطت تلفونها 📱 وبدات تجهز اللوحه والألوان 🎨..

احمد : كان فارح 😍 انه سمعها مسك تلفونه ورسل لسميره يقلها بالتطورات اللي حصلت ..

🌹meme_abdalgaleel



@qesasanani

❤️ وشآءت الأقدار ❤️

بارت 104

اليوم حفله توديع العزوبيه حق مريم 😍😍😍...

في بيت مريم 🏠...

سلاف وسلا عند مريم من الصبح بيجهزين معاها ويخلصين ترتيبات ..

مريم : خرجت لعندهن هيا مه ما عاد باقي..


سلاف : بتدهفتها ترجعها للغرفه ماعاد باقي شي أنتي ادخلي يله كملي اتجهزي ...

مريم : بتضحك 😂 خليني اساعدكن قد أنتين تاعبات ...

سلا : محناش تاعبات باقي اشياء بسيطه بس وندخل نتجهز أنتي كملي لبس بس يجين البنات وأنتي جاهزه ياعروسه 👰🏻...

مريم : طيب تمام .. ودخلت تكمل لبسها ..

سلا : بتتفرج الأشياء اللي سوونها والترتيبات 🤩 الله كل شي وقع يجنن يارب فالعرس كل شي يكون هكذا حالي ..

سلاف : يااارب 🤲🏻 الله يسعدها ويتمم لها عرسها ع خير وعقبالش ياروحي ...

سلا : خزيت ☺️ بدري عليا عادنا إشتي أكمل دراستي وأكون دكتوره ...

سلاف : ذلحين اسمعيني صدق ليش رافضه غسان مع إنه شاب كويس قوي وانتي بنفسش بتشكري أخلاقه و سمعتي بابا كيف بيشكروه ومرتاحين له قوي 🙂 وفوق هذا كله بيحبش وشاريش ويشتيش تكملي دراسه وبعدا تتزوجوا يعني كل شي فيه حالي ...

سلا : سكتت شويه 😑 ياسلاف مش أنا داريه الصدق صح هو وسيم 😍 وطباعه حاليه ورجال بس الصدق بين احس عادنا صغيره ع خطوبه وزواج ومشتيش أرتبط وأضيع دراستي ...

سلاف : عتسمعي أختش وتصدقيها .. مدام والرجال شاريش وبيحبش توكلي ع الله قدش أصلا عتسجلي جامعه 🏢و هو اصلا عاده بيدرس يعني ع مايتخرج ويشتغل تكوني خلصتي دراستش خاصه انش تعرفيه ومش شخص غريب عليش من مره...

سلا : طننت شويه 🤔 وافرضي ماحبيته ...

سلاف : شسألش سؤال أنتي مبدئيا مرتاحه له وعاجبه لش شخصيته وطباعه والا لا ..

سلا: حمرت ☺️ ابسري هو الصدق حبوب وطباعه حاليه وبين احسد أخته وأجلس أقلها نفسي لو معي أخ ساعه وزد وسيم ...

سلاف : ضحكت ههه 😂 وخفعتها 👊🏻 وهذا مايسموه ياقمر يسموه إعجاب وشويه شويه لو جت لش فرصه تقربي منه وتتعرفي عليه سواء عتلقي نفسش بتحبيه ...

سلا : أقلش حاجه بس قوى لاتزعليش 😔 مشتيش أذكرش ونخرب اليوم أنا خايفه اتزوج مثلش وأنا مابين احبش ابسري كيف قلبش❤️ معلق بخالد وماقدرتي تنسيه ولاتحبي أحمد ونفسي في شخص يحبني مثلش أنتي وخالد ...

سلاف : تنهدت ومسكت السلسه اللي في رقبتها .. الله يرحمك ياخالد صح ان انا بين احبه ❤️ وعمري ماشنساه لما أموت بس شاقلش حاجه ماقد قلتهاش لحد وعادنا بين احاول أغالط نفسي حب 😍 احمد لي واهتمامه فيني وخوفه عليا رغم اسلوبي الجلف معاه وصدي له غير فيني حاجات خيرات ...

سلا : بإستغراب ودهشه 😳 صدددق ..

سلاف : خزيت 🥰 صددق ..

سلا : لحظه لحظه أرسل بسرعه📱 لماما نسيت جزمتي .. ورجعت لفتت لها 😠 بنبره تهديد مااهو يله إحكي لي بسرعه انا ارويش 👌🏻 مخبيه عليا هاه ...

سلاف : إبتسمت ☺️ ماشي والله مش انا مخبيه شي بس عادنا مش فاهمه مشاعري صح ومشتيش أتحاكى يمكن انه مش حب ..

سلا : أنتي الوحيده اللي قادره تعرفي هي مشاعر حب ❤️ والا بس متجمله منه لأنه بيعاملش هكذا ..

سلاف : وطت رآسها ☺️ بقدر ماكنت اتضايق اذا قلي كلمه حب و أبكي😭 أحس نفسي خاينه لخالد بقدر مابين افرح ذلحين لما يقلي كلمه حاليه ..

قدهو بيوحشني خيرات واشتي أفعل أي شي يسعده 😍 وبين ازعل عليه قوي لما أشوف كيف مايا ويوسف وهو متحملني وراضي بالوضع ومايوم جرحني بكلمه بالعكس بيدور رضايا ولما قلت له يحب ويتزوج عادي وبدأ يكلم واحده تعرف عليها كنت أحس قلبي نار ❤‍🔥 وكنت أموت غيره وأغالط نفسي مشتيش يكون لواحده ثانيه بس في نفس الوقت مشتيش اكون خاينه لخالد ...

سلا : فررحت 😁 الله الله هذا كله وعادهو مشو حب خلاص استسلمي واعترفي له هههه وعيشوا حياتكم .

سلاف : ضحكت 😂 مجنونه والله ما اقله تشتي يزنط.
تنهدت وبعدا عاد قلبي بيوجعني 💔 بين احس نفسي خاينه قلت لش مشتيش خالد يزعل مني ...

سلا : خالد عيزعل منش لأنش بتفعلي بنفسش هكذا مابين اقلش انه تنسيه والا تبطلي تحبيه❤️ بس الحي أبقي من الميت واللي بتفعليه غضب ع أمر الله سيدنا محمد كان يحب زوجته خديجه وجلس يحبها لما مات ومانسيهاش وطلب منهم مره بعد سنين يحسنوا لمره عجوز 👩🏻‍🦳 لأنها صاحبه خديجه بس من كثر حبه لها ❤️ ومع هذا تزوج وحب زوجاته وخاصه سيدتنا عايشه ومات في حضنها وطلب يقبروه في حجرتها مافكرش مثلش ولاقال عتقول خديجه أنا حبيت غيرها وتزوجت أنتي هكذا بتخالفي شرع الله ...

سلاف : سكتت 😑 شويه ... سلا ممكن طلب ..

سلا : أمري ياعيون اختش 🙂...

سلاف : إشتي اتصل لشيخ أساله لو افعل هكذا الميت مايزعلش مني وهو بيحس بس معرفش احد أنتي فالمعهد تعرفي بنات خيرات أساليهن لو واحده تعرف رقم أحد ...

سلا : إبتسمت 🙂 إبشري اعتبري الرقم عندش يله هيا نتجهز عنتأخر عيجوا الضيوف وأحنا مشعفلات مسكت تلفونها 📱ومشيت ...

....... ....... .......

في بيت صاحب أحمد 🏠

أحمد : كان فاتح تلفونه 📱 بعد ماجاله الاتصال من سلا بيسمع 👂🏻مشو مصدق الكلام اللي سمعه اول ماغلقت كان يصيح فارح 😄 ويتقفز اخيرررا اخيررررا ...

صاحب احمد : مستغرب 😳 ماااهو مالك مابه جننت من أتصل ...

أحمد : مسك صاحبه وباسه 😘 أخيررا اخيررا وشل نفسه وخرج للسياره 🚗 يتصل لسلا يفهم منها بالضبط .

صاحبه : رفع يده 👆🏻 لاحول ولاقوة الإ بالله هذا ماله جنن ماجرى عليه ..

أحمد : بيتصل لسلا 📱 التلفون بيرن ..

سلا : شافت رقمه دخلت غرفه وحدها تجاوبه 📱 وهي بتضحك هههه 😂 هيا ماله بيتصل مايشتي ...

أحمد : بيضحك 😅 اول شي عليش لعنتي اللي داريه بالإتفاق اللي بيني وبينها ومخبيه عليا إنش داريه لو كان قلتي لي إن احنا إتفقنا في خطط أنا وأنتي .. ثاني شي ماهو اللي سمعته 😍 أمانه صدق بتحبني ..

سلا : بصوت واطي لاتسمعها سلاف ضحكت 😂 والله ان عادنا دريت قريب ولما اليوم قررت تعترف لي بمشاعرها ماسخيت عليك ابسر كيف إتصلت لك تسمع الحمدلله انك جاوبت كنت أهم لو ماتردش او تقفل لأن انا ماتكلمت ...

أحمد : هههه أنا فدالش يا احلى اخت فالدنيا الحمدلله ان التلفون 📱كان في يدي وبعدا كان عتسجلي فرضا لو مارديت ...

سلا : ماعد ركزت خفت تكشفني ذلحين مبرروك ياعم 😍 المهم انتبه تحاكيها واقطبني برقم شيخ تتصله ..

أحمد : إبشري من العيون👁️ الآن أسير أدور أطرف شيخ في جامع🕌 وأحكي له مأساتي هههه وأرسلش رقمه أخليه يقنعها اليوم تقلي أحبك هههه ...

سلا : ضحكت😂 يله مراعيه لاتنساش أنا شاقفل النسوان عيجين .. باي ..

🌹meme_abdalgaleel



@qesasanani

❤️ وشآءت الأقدار ❤️

بارت 105

الليل 🌚

في بيت هاشم 🏠..

سلاف : روحت مع سلا بيتهم ترقد هاناك لأنهن روحين متأخر ..

سلا : يووه مسكينه مريم زعلت عليها حين كان نفسها نرقد😴 عندها ..

سلاف : إن شاء الله عنعوضها فالعرس باقي لها اسبوعين للعرس وعيجي وقد ماما تحسنوا ..

سلا : ايوه صح ذكرتيني قد صاحبتي رسلت لي رقم الشيخ 😉 شابكر الصبح أتصله ...

سلاف : ضحكت 😂 مسرع قد إديتيه مقطوبه ..

سلاف : أصلا اختش إنسانه ملتزمه حق صلاه وصيام وعباده ماتصاحب الإ مطوعات رسلت لهن ع طول ماقصرين هههه 😜...

سلاف : ناهي يامطووعه خاطرش أدخل ارقد في غرفتي 😴 قدنا هالكه اليوم ..

سلا : وانا والكل قدنا ميته نووم 😴 يله تصبحي ع خير..

سلاف : دخلت غرفتها وبتتجهز للنوم 🥱 رن تلفونها 📱 أحمد جاوبت ...

أحمد : مساء الفل مساء الورد 🌹مساء العسل 🧉 ع أحلى من ملك قلبي ❤️...

سلاف : خزيت مادريت ماترد ..هاه 😅 مساء النور ..

أحمد : بيحانكها بعد ماعرف وتأكد ان قدهي بتحبه ❤️ مساء النور حاف مابش وحشتني😜 مابش اليوم شوعه لأن انا ماشفتك طول اليوم ..

سلاف : غطت فمها 🤭 لايبانش انها بتضحك مااشي عادي مايوقع لو ماشفتك ...

أحمد : بيقلد زعل 😔 صددق ماوحشتش.. طيب ع الأقل جامليني إكذبي عليا ..

سلاف : هههه 🤭 الكذب حرام والكذاب يدخل النار ليش اقل وحشتني وانت أصلا ماوحشتنيش ...

أحمد : لش وحش يأكلش 👹 لكن لما يخليش تعرفي إن الله حق ويوريش قيمه أحمد هذا المسكين اللي تعب من كثر حبه لش ❤️ وأنتي ولاحسيتي فيه ...

سلاف : ليش أحد قلك إن انا جهاز حساس 😜...

أحمد : ضحك 😂 ههههه قدش زباجه هاه فلتش اليوم وتعلمتي الزبج ..

سلاف : أيووه عاد حين أفلتك طول عرس مريم وأرقد 😴 عندها شرجع وقدنا زباجه ...

أحمد : ماهو ماهو ترقدي 😴 عند من أصلا من عيخليش ترقدي قدنا ضابح والغرفه كئيبه وانتي مابحد قدنا مراعي يطلع الصبح اجي لش شتصلش بدري📱واجي لش ونخرج نصتبح زلابيا وبرعي ..

سلاف : فرحت 😄 انه ضابح من غيرها .. ماهو بدري ماشي أصلا ملاني نوم إشتي أرقد وبعدا قدنا فاقده للغداء 🥘🍲 مع بابا إرجع جي لي العشي ..

أحمد : عشم إبليسو 😈 قلك العشي مدخلش .. المهم قلي لي ارتحتي فالعرس كنتي القمر حقهن صح أكيد الكل حسبش العروسه صح 😍 ..

سلاف : بلقانه ماااشي 😜 هم يعرفوا العروسه هههه..

أحمد : أحبش يامجنونه 😍 أحبش ياعنيده أحبش يا أم رآس ناشف الله يوصلني لما قلبش يحن ويلين ❤️ وتحني عليا ..

سلاف : كان نفسها تقله وأنا أحبك ❤️ بس ماتشتيش تتهور أو تقل شي قبل ماتتصل للشيخ هل هي هكذا تعتبر ظالمه لزوجها أو لا..

أحمد : ألووو يا ألووو هذا شكل حبيبتي ❤️ رقددت ..

سلاف : هااه قلدت نفسها منعسه 🥱 أيووه قدنا هالكه نووم ..

أحمد : يله خلاص أخليش ترقدي😴 تصبحي ع حبي 😍..

سلاف : وانت من اهل الخير .. قفلت التلفون وجلست مبتسمه 😊 بتتذكر كلامه ..

....... ...... ......

في بيت صاحبه سلا 🏠..

غسان : ماقدرش يرقد 😴 جالس يتقلب قلبه بيحرقه ❤‍🔥 لأن سلا ماقد وافقت فتح تلفونه جالس يقلب فالتلفون 📱 بيبسر الحالات شاف حاله سلا صور من حفله مريم جلس يفكر 🤔 وتردد يرسلها او لا رجع علق ع الحاله عقبالش ياررب ...

سلا : كانت في غرفتها ممدده فالسرير 🛌🏻 وتلفونها في يده .. شافت الرساله 📱 استغربت عفوا من معي .

غسان : أنا غسان وداري إن تصرفي هذا غلط بس أنا فعلا وصلت لمرحله إنه تعبت ونفسي تحسي فيني وبشعوري أنا حبيتش ❤️ وشاريش وجيت من الباب لأن انا مش حق لعب ولا لف ودوران نفسي اعرف بس إيش العيب اللي فيني اللي خلاش ترفضيني لأني فعلا مقهور من يوم مارفضتيني وأنا بين احس بالنقص وجالس افكر ماهو الغلط اللي فيني 😔 ..

سلا : 😨 خاافت لما قريت رسالته ماعرفت إيش ترد والا إيش تقله وفي نفس الوقت زعلت عليه قفلت تلفونها وحاولت ترقد 😴 جلست تتقلب ماقدرتش جلست للصبح وهي بدون نوم بتفكر 🤔 في كلامه ...

مساءكم وحدوي 🇾🇪 كل عام وأنتوا بخير

🌹meme_abdalgaleel


https://t.me/qesasanani/4825



@qesasanani