سهام : ( مبروك يا أحمد قالوا عرسك بكره الله يسعدك وأنا ربي قادر يجبر كسر قلبي 💔 ويصبرني ع فراقك حبيتك وأحبك وشجلس أحبك طول عمري ومش ناسيه أي لحظه حلوه بيننا ) ..

أحمد : فتح الرساله وجالس مطنن 🤔 أنا خايف ان ربي يعاقبني كسرت قلبها بس مش بيدي أنا ماوعدتها بشي بس حرام أقل شي أجبر خاطرها بكلمتين رد عليها

( أنا آسف ياسهام سامحيني إنتي غاليه عليا قوي بس هذا النصيب وأي شي تحتاجيه أنا معش ع طول انتبهي لنفسش ) ..

سهام : صورت الرسايل ودخلت حساب سلاف في الوتس رسلت لها صوره الرسايل وصورها مع أحمد في عيد ميلادها وهم مع بعض وهو بيمكنها الهديه🎁 .. وكتبت لها

( سلاف ماتزعليش مني أنا داريه إن تصرفي غلط إن انا أرسلش هذولاء بس أنتي بنت مثلي وحاسه بالنار اللي في قلبي والله إنه حرام إننا نفترق أنا وأحمد علشان يتزوجش 😔 وينتهي كل شي بيننا في لحظه لو سمحتي علشان خاطري ماتكلمي أحمد بشي ولا إن انا رسلت لش لأنه ممكن يفعل شي يؤذيني لأنه قلي ما أكلمش حرام تحسي إنه مابيحبش ) ..

سلاف : كانت بتقفل شنطها 🧳 شافت الرساله .. فتحت عيونها 😳 بتقلب الصور وتقرأ الكلام ..

معقوول يا أحمد بتحبها وكنت بتكذب عليا وتتضايق من تصرفاتها علشان ما احس باللي بينكم وأزعل وأحس إنك مغصوب عليا ترضى بابا بس ليش توجعني وتقل إنك تحبني 😔 وأنت قلبك مع واحده ثانيه والله انه حرام أكون سبب في فراقكم وأنت تشتيها ومغصوب عليا وأنا نفس الشي ..

الله يسامحكم يابابا ظلمتوا الكل بطلبكم هذا ...

🌹meme_abdalgaleel



@qesasanani

❤ وشآءت الأقدار ❤

بارت 68

ثاني يوم ...

العرس 😍...

في قاعه الرجال ..

يوسف : بيترقوص مع أصحابه فارح 😍 .

أحمد : جالس عاقل مشاعره 🙄متضاربه مشو عارف هو فرحان والا زاعل ليش مايقوم يرقص وينبسط مثل يوسف طيب يوسف عيروح ويلقى قدامه مرته وحبيبته بس أنا شاروح وسلاف مش مهتمه .. المفروض كنت أخليها تحبني قبل ماأفكر أتزوجها مش أوافق ع شرطها نكون أخوه .

في عز ماهو سارح بيفكر ويكلم نفسه 🤔 قاطعه هاشم ..

هاشم : قرب لجنبه .. هيا ماله إبني جالس هكذا ولاكأنه عرسه ولافارح ..يا أحمد شكلي غصبتك بدون ماأدرى بس والله ماكنت أشتي الإ أطمن عليها بس لاشكلك فارح ولاشكل سلاف فارحه 😔...

أحمد : مسك رآسه وباسه 😘 مالكم ياعمو الله المستعان ليش هذا الكلام من قال إن انا مغصوب والله العظيم وربي شاهد عليا إن انا كنت شاحاكيكم في هذا الموضوع حتى لو ماطلبتوا مني أين شلقى أحسن من بنت عمي بس أنا جالس سارح🤔 بين افكر فيها اليوم مسكينه لأنه عتتقلب عليها ذكريات عرسها وقلبي موجوع عليها💔 بس ..

هاشم : الله عصام القلوب يا ابني وأنا واثق إنك قادر تنسيها ومعاها معاها عتنشغل وعتنسى وطبعا ماعيحتاج أوصيك عليها وع عمتك وسلا لوحصلي شي ما أخترتك الإ وأنا واثق وداري مامعي ..

أحمد : لاتقلوش هكذا الله يطول في عمركم وتوبهوا لنا كلنا .. ذلحين قوموا نبترع أنا وأنتوا 😁 ..

....... ........ ........

في الكوافير ...

الكوافير : بتصلح لها الطرحه 👰🏻‍♀ إسكه لفي راسش أثبتها ..

سلاف : بتتذكر كيف كانت فارحه يوم عرسها بخالد واليوم كله وجع وقهر 💔...

مريم : بتهزها .. يييه بتسمعي بتقلش لفي رآسش تثبت الطرحه ..

سلاف : انتبهت .. هآااه عفوا عفوا ماسمعتش ولفت رآسها ..

مريم : قربت لجنبها عتمكنيها طنان خلاص صل ع النبي ..

سلاف : اللهم صل وسلم وبارك عليه .إتصلي لسلا إبسري قد روحت هي وعمتي من القاعه حق مايا والا ماشي هن قالين عيروحين بسرعه علشان ماما وحدهم في البيت يساعدنهم ...

مريم : ناهي يايساعدنهم محسسه لي إن البيت ملان وعرس من صدق مش هن معدودات بالأصابيع اللي عزمتوا وعيجين العشي يسمرين يبسرنش ..

سلاف : بضبح 😤 ناهي يالقانه اليوم ماسكه نفسي بالصميل لا أقرح قد بين احس روحي عتخرج إتصلي لهن وأنتي ساكته ...

مريم : حست إنه منها الصدق وفعلا الزعل باين في وجهها 😔.. مسكت تلفونها 📱 إتصلت لسلا ...

........ ....... ..........

الليل 🌚

في بيت هاشم ...

النسوان في الديوان بيتجابرين مراعيات لسلاف يبسرنها ..

واحده من النسوان : خرجت من الديوان تدورهن يا أختي أين الغناء والزقعه جينا عرس والا موت ..

سلا : يووه ياخاله😅 آسفين بالحناك المسجله اليوم تعطلت من كثر ما ماما مكنونا غناء طول الإسبوع وسماعات الإم بي الكبار شلوهن بيت عمي لما يستقبلوا العرايس ...

المره : يله كان خيره الله ودخلت تجلس ..

سلاف : داخل في غرفتها جالسه فوق سريرها مطننه بتتفرج اللوحات والصور حق خالد في الجدار ...

سميره : دخلت لعندها .. يووه يابنتي عادش ماقد لبستيش الفستان هيا شرق النسوان خارج ملان مراعيات يبسرنش ..

سلاف : عيونها دموع 🥺 شلبسه بعدا لما قد عيجوا لي وأدخل بسرعه يبسرني وبس ..

سميره : ركزت ع يدها إبسرت الدبله حق خالد 💍 .. سلاف داريه إنه صعب عليش بس مايسبرش يابنتي تسيري والدبله حق خالد في يدش حتى لو أحمد داري بكل شي بس ذلحين قدهو زوجش ومن حقه يغير .

سلاف : مسكت السلسله المعلقه في رقبتها بيدها ياعمه أحمد أدالي هذه بنفسه وعليها صوره خالد يعني عيغير من دبله 💍 وبعدا اطمنوا هو داري وعادي ..

أميره : دخلت وفي يدها أكل 🍱 هاه بنتي كلي تعشي قبل ماتسيري ..

سلاف : و قفت حضنت أمها وبكيت 😭 الله يحفظكم لي أمانه إدعوا لي خيرات بين احس روحي عتخرج وقلبي عيوقف ..

أميره : بكيت معاها 😭 الله يحفظش ويحميش من كل شر قوى بنتي لاتقهرينيش عليش لو ماتشتيش تتزوجي عادحنا فيها ..

سميره : بعدتهن ييه إذكرين الله ماهو ماتشتيش وبعدا بدل ماتعقليها عادش بتزيدي تبكيها تخربي المكياج يله شرق خليها تلبس نخرجها عند النسوان شويه وجوا لها ...

مريم : خارج عند النسوان بتقرب لهن شاي ☕ وتوزع لهن كعك وكيك هي وسلا ..رن تلفونها 📱 حمزه كنسلت ..

حمزه : ضبح 😤 رجع يتصل لها من جديد ..

مريم : خرجت للبرنده ..ردت بضبح 😤 مالك ماتشتي .. ( مقرره تستفزه وتبعد علشان يحس بها 😅) ..

حمزه : بإستغراب 😳 ماتشتي هكذا مالش بتتحاكي هكذا ..

مريم : مابلا مشغوله عرس سلاف وبعدا قلت لك علشان أتعود كيف شتعامل معك بعد الخطوبه .. أين هم هذولاء اللي يقربوا لك أوذا مابش منهم خبر ..

حمزه : بصوت عالي 😠 وهنجمه ولا عيجوا ولاعيخطبوا وأقسم بالله ماعتكوني لحد غيري فهمتي والا أفهمش ..

مريم : إبتسمت 😃 بس حاولت ماتبين له إنها سمعت ماقال تشتي تحانكه أكبر وقت ممكن .. ألوو مابتقل ييه ماسمعتش بعدت السماعه أجاوب لأن أم سلاف بيداعوا ..

حمزه : خفع الجدر بيده 🤛🏻 لأنها ماسمعتش .. ضبح 😤 خلاص سيري يله جاوبي مش وقت ذلحين ..

مريم : أيووه صح وبعدا خليني أدخل أتحيمش وأقرب للنسوان يتحيلين لي يخطبني😜 ..

حمزه : خطبش يهودي معه زنانير .. خاطرش ..غلق وهو ضابح إنها ماسمعتش ومش شايف منها اي مشاعر بالعكس فارحه بتدور تنخطب ..

مريم : فارحه حاسه بنشوة الإنتصار 💪🏻...

🌹meme_abdalgaleel



@qesasanani

❤ وشآءت الأقدار ❤

بارت 69

في بيت أبو أحمد 🏡..

بعد ماروحين الجيران والأهل اللي جين يبسرين العرايس 👰🏻‍♀...

سميره : هيا ماذلحين دخلي كل واحده غرفتها قد العياال في الطريق ..

سلا: جالسه جنب سلاف زاعله😔 .. ذلحين خلاص عتفلتيني ياشوعه ..

سلاف : بتحاول تكابر ماسكه دموعها 🥺 بالغصب علشان محد يحس انها مغصوبه .. أنتي ذلحين ليش تشتي تبكيني ليش زد جيتي أصلا يله قومي روحي ..

سلا : والله ماقد اروح عادنا أشتي أصورش أنتي وأحمد حين تقطعوا الترته 🎂 مايوسف قد دخل القاعه وتصوروا باقي انتوا ..

سلاف : تذكرت خالد ولما دخل القاعه طننت شويه وتنهدت بحرقه 😔 سلا لو تحبيني قومي روحي عند ماما حرام ذلحين وحدهم ابسرتي خرجت وهم بيبكوا ...

سميره : بتحجر العرسان وصلوا .. الصدق أنا شدخل مع أحمد إشتي أبسر ردة فعله حين يبسر مرته ما يوسف قد إبسرناه ..

يوسف : ضحك 😂 هههه هيا ناهي لكم ياعمه مابلا بتحبوا أحمد وبعدا عيس الصدق أنا ماعد أشتيش أحد يصورني ولا يزعجني مش أنا مصدق إن قدهي مرتي وتحقق حلمي قرب لجنب أمه حبها في رآسها 😘 تسلموا لي ..

أم أحمد : باسته 😘 سلمك ربي يله شرق مرتك مراعيه الله يسعدكم ويوفقكم يارب ...

يوسف : دخل غرفته ..

أحمد : واقف محتار قلبه بيدق ❤️ فارح أنها مرته وفي نفس الوقت متذكر إنه وعدها أنه كل شي عيكون تمثيل قدامهم بس ويعيش حياته براحته ويتزوج ...

أم أحمد : بإبتسامه 😊 هيا ماله مطنن شررق أدخل أبسر مرتك ونصوركم ..

أحمد : إبتسم هآه 😅 الآن الآن وخطي للغرفه وسميره وأمه بعده ..

سلا: إبسرته دخل الغرفه بتأشر له راعي راعي أصوركم حين تدخل وفي يدها الكاميرا 🎥..

سلاف: موطيه رآسها ودموعها لا إراديا نزلت من عيونها😭 تذكرت كيف فعل خالد لما دخل وكلامه لها ..

أحمد : حط يده ع جبهتها بيقرأ لها الفاتحه وفتش لها الطرحه 👰🏻‍♀ .. شاف الدموع في عيونها لفت لعندهن ذلحين مامعاكن هانا يله خرجه من عندي وبيضحك 😂 ..

سلا : بتهز أكتافها ماعليا والله ماخرج إشتي أصوركم وأنتوا بتقطعوا الترته 🎂..

أحمد : حط السيف من يده (من ضمن لبس العريس ) وبيدهفها يله يله خرجه من هانا ولا عاد واحده عنتصور لأرواحنا ..

سميره : بتضحك ههه😂 وتحاكي أم أحمد إبسرتي إبنش النزغه ماعاد يشتي أحد يصورهم كان يحبها ومخبي علينا كلنا ...

أم أحمد : مبتسمه 😊 يووه ربي يسعدهم ويفرحني بهم جي جي نتصل لأميره نطمنها ذلحين قلبها بيفور زاعله ع بنتها ..

سلا : خرجت وهي مكبوده وبتهدده بيدها .. ناهي 👌🏻 لاراحت لك يا أحمد .. ومكنته الكاميره 🎥 هاه لارجعت تصوروا بها ..

أحمد : غلق الباب🚪 ولفت لعندها وإبتسم 😊.. أحد قلش إنش مثل القمر واليوم طلعتي فوق الحلاوه حلاوه ...

سلاف: رفعت رآسها وعيونها أثرهن دموع 🥺 بتتفرجه سكته ..

أحمد : مالش بتبكي😭 ساع الجهال يانونو شل مناديل ومكنها .. هاه مسحي دموعش أنا عند وعدي واللي يريحش كله شاسويه وهذا عهد الله بيننا ياسلاف أنتي قطعه مني ومن دمي قبل ما أحبش❤️ وتكوني مرتي يعني زعلش مايرضينيش .. لمح السلسه والدبله لابسه لهن .. تأكد إنه استحاله تنسى خالد زعل 😔 ..

سلاف : بتمسح دموعها 🥺 يعني مش زاعل مني إنه شرطت عليك هكذا ...

أحمد : باإبتسامه 😊 ماشي يكفيني سعادتش مدام هذا الشي عيرضيش .. ذلحين قومي بدلي وخذي راحتش أنا شفرش لي بطانيه في الأرض وأرقد والصبح نكون نرفعها ومحد عيدرى وقدامهم نعيش الدور ونصدق إن احنا عرسان ...

سلاف : تسلم لي يا أحمد وأنت الله يعوضك ويسخرلك بالبنت اللي بتحبها وشخطبها لك💍 بيدي بس لاتسخاش عليها لاتكسرش قلبها حرام ...

أحمد : في داخله زاعل تنهد إنها بتدعي له يتزوج بغيرها .. حاول مايبين زعله .. يله شاشل ملابسي وأبدل في الحمام وأنتي خذي راحتش فلت وخطي ...

......... ........ .......

في غرفه يوسف 😍..

يوسف : جالس جنبها مسك يدها وباسها 😘 معقووله خلاص تزوجنا وكل شي تمنيته حصل .. أخيرا قد أنتي مرتي وحبيبتي وحقي ...

مايا : إبتسمت 😊 لا هيدا حلم ماتصحى منه لأنه راح تتفاجأ انه مافي شي صاير ولساته حماتي مو موافقه ...

يوسف : ضحك 😂 ههه هيا اوبهي تسمعش أمي وأنتي بتقلي حماتي عتكرهش ..سحبها من يدها وقفها وفتح أغاني هادئه اليوم أشتي أرقص معش وأنبسط اليوم أنا أسعد مخلوق ع الدنيا أخير أتزوجت بحبيتي اللي محد لفت انتباهي في الدنيا الإ هي .. أحبش مووت مايتي ❤️..

مايا: وطت رآسها بتخزا 🥰 وأنا بحبك أكثر ..بمووت فيك ...

ياعيني عليك يا احمد فرحتك إنكسرت 💔 بس هذا قرارك ووافقت ربي يعوضك بواحده تحبك ..

إيش تفضلوا الزواج التقليدي والا عن حب وإيش سلبيات وإيجابيات كل واحد 🤔

🌹meme_abdalgaleel


https://t.me/qesasanani/4825





@qesasanani

❤ وشآءت الأقدار ❤

بارت 70

ثاني يوم الصبح 🌞..

في بيت أبو أحمد 🏡..

في غرفه أحمد ..

أحمد : نكز من النوم 🥱 كان فارش له ع الأرض قام بيرفع البطانيات ..

سلاف : شافته لأنه ماقدرت ترقد .. لفتت لعنده 👀 أحمد حطهن شاقوم أرفعهن أنا ...

أحمد : إبتسم 😊 صباح السعاده ماشي مابش رفاع أنتي عروسه ..

سلاف : قامت من فوق السرير ..لفتت لعنده وإبتسمت بتنهيده .. عروسه منك صدق .. هذا وأنت داري بكل شي وبتقل هكذا ..

أحمد : شل البطانيه بعد ماعطفها وبيرفعها .. هو لأني داري بكل شي بين اقلش ياعروسه يله أنا شاخرج أبسر أمي يدوا لنا الصبوح🍱 وأنتي إلبسي وتجهزي ...

سلاف : شكرا يا أحمد أنا آسفه ع كل شي وعيش حياتك كأن انا مش موجوده ..

أحمد : بيصلح شعره بيده قدام المرايه .. بس أنتي موجوده وحياتي إرتبطت بش... يله شخرج تأخذي راحتش ..

....... ....... .......

في غرفه يوسف ...

مايا : سحبت ورده 🌹 من اللي فالغرفه اللي فعلت لهم سميره .. بتحركها ع أنف يوسف ..

يوسف : نووم بيحك أنفه 👃🏻 بيده ..

مايا : بتضحك 😂 وترجع تعيد الحركه ..

يوسف : فتح عيونه شافها إبتسم 😍 وعيونه قلوب .. ياصباح الحب ياصباح السعاده ياصاحب الورد ..

مايا : خزيت وطت راسها 🥰 صباح الخير ابن عمي ..

يوسف : ضحك 😂 يا إبن عمي والله إن انا اليوم ولا العقيد ابو شهاب في باب الحاره ...مسك يده وباسها 😘 أخيرا شاكون أصحى من النوم ع الوجه الحالي هذا 😁 عادنا مش مصدق بين احس إنه حلم وعاد أمي رافضين ...

مايا : لا مو حلم وصرت حقك مو هييك اسمها حقك صح .

يوسف : ضحك 😂😂 أيوه حقي ياحقي أنا فدال اللي يشتي يتعلم صنعاني وشعفل شعرها ..

مايا : ضحكت😅 وبعدت من جنبه يله إصحى يكفي كسل علشان نفطر مع حماتي مابدي تقول عني كسلانه من أول يوم ...

........ ........ ........

بعد ساعتين تقريبا ...

هاشم : بيصيح يييه يا أهل البيت هيا أين العرسان حقنا ...

أبو أحمد : سمعه حيا حيا با أخي حيا الله من جاء وبيسلم عليه 😘..

هاشم : هيا كيف العرسان حقنا اين جوا نسلم عليهم ..

سلاف : سمعت صوت ابوها 👂🏻 نزلت بسرعه بتسلم عليه 😘 وتحضنه ...

هاشم : حيا بروحي 😘 كيف أنتي ..

سلاف : جلست جنبه .. الحمدلله كيف ماما وسلا فقدتهم ..

هاشم : خرج تلفونه 📱 هاه إتصلي لأمش حاكيها مارقدتش كل شويه بتدخل غرفتش وتبكي حاسه نفسها مضيعه ..

سلاف : شلت التلفون 📱 وبتتصل ..

أحمد : نزل وبيسلم ع عمه 😘..

هاشم : خرج من جيبه ٤ تذاكر سفر 🧧 هاه أحمد هذولاء هديتكم أنتوا ويوسف حجزت لكم رحله لجزيره سقطرى شامله الفندق ورحلات سياحيه داخل الجزيره تسيروا شهر العسل أنا داري إن سلاف نفسها تسيرها من زمان ..

أحمد : يوووه تسلموا ليش تتعبوا نفسكم 😊..

هاشم : أنتوا عيالي قلك تعب يله قوموا تجهزوا أنت وسلاف تجوا تبسروا عمتك قد جننتني اتغدوا عندنا لأن انتوا بكره عتسافروا رحلتكم بكره ..

......... ......... ........

في بيت مريم 🏡...

مريم : لابسه البالطوه واقفه وفي يدها مفتاح السياره 🔑 بتحاكي أمها ... ماشي مابش عمل اليوم ماشاسيرش من مره قد اتصلت لي سلا سلاف عتجي تتغدى عندهم وبكره عتسافر سقطرى شهر العسل شاسير عندهن ...

أم مريم : ناهي .. قبل ماتخطى أشتي أحاكيش أمس جت لعندي بنت ال... وانتي عند سلاف قالت إنهن إبسرنش في عرس وسألوا عليش وأعجبتيهم قووي ويشتوا يتقدموا لش لأخوها قالت هو محامي وإدت صورته تبسريه والكل وحطت رقمها وتفاصيل ع أخوها نسأل عليه .. وأنا ماقد صديتش أحاكي أبوش قلت أحاكيش أول تبسري صورته لو اقتنعتي شاحاكيه ولو ماعجبش شتعذر لها بأي شي ماقلتي ...

مريم : واقفه مطننه 🤔 بتفكر في كلامها وبتفكر في حمزه ..

أم مريم : بتأشر بيدها قدام وجهها 👋🏻 يييه من بين احاكي ماقلتي ...

مريم : هاه 😅 للعشي للعشي خلوني أسير أبسر سلاف وبعدا لما أروح عنتجابر خرجت وغلقت الباب 🚪 طلعت فوق سيارتها خرجت تلفونها 📱 رسلت لحمزه تحانكه 😂 ( بارك لي جالي عريس محامي وأدوا صورته أبسره بس ماقد فضيت أبسره للعشي شبسره وارسلك صورته والكل تشوفه معي وتقرر معي شكل هذه الفتره موسم عرسان يشتوا ألحق صاحبتي بسرعه ) ...


🌹meme_abdalgaleel




@qesasanani

❤ وشآءت الأقدار ❤

بارت 71

بعد يومين...

في سقطرى 🌊..

الصبح 🌞

أحمد : نزل من الفندق 🏢 بيتلفت يمين و شمال شاف يوسف ومايا بيصتبحوا 🥪🥐.. خطي لعندهم صباح الخير ..

يوسف : بإبتسامه😊 والشاي في يده ☕ ياصباح الوورد هييا صبوح ..

أحمد : إسهل عنصتبح أول إبسرتوا سلاف ..

مايا : إييه شفتها لما نزلت قالت راح تتمشى شوي ع البحر 🌊..

أحمد : خلاص أوكي شخرج أبسرها وخطي للبحر 🌊...

سلاف : جالسه قدام البحر🌊 بتتفرجه وفي يدها حجار جالسه تراجمهن لوسط البحر ..

أحمد : جاء من وراها .. بخ أنتي هانا وأنا بين ادورش😄 ...

سلاف : لفتت له بإبتسامه 😊 صباح الخير أصلا إبسرتك في سابع نومه 😴 ماقيمتك قلت أنزل أتمشى ع البحر شوويه إبسر محلاه كيف هو يجنن صافي وكل شي هانا يجنن كأنه خيال ...

أحمد : جلس جنبها .. أكيد في سابع نوومه قدلي يومين بين ارقد ع الأرض وضحك 😂 قدنا مكسر يله إطرحت أمس ماعد دريت أين أنا .. شل حجره من يدها ورجمها بقووه للبحر 🌊..

سلاف : أحمد ...

أحمد : ياعيوون أحمد 😍...

سلاف : بهررت فووقه 😠 مااهو ياعيون أحمد ...

أحمد : ضحك هههه 😂 ماهو ماهو مالش صل ع النبي بين اقل عيوني للي في الشارع ماشاقلش وأنتي بنت عمي ومرتي ..

سلاف : بضبح 😤 قصدي ..

أحمد : هزرها من يدها 🤝🏻 ووقف .. ولاقصدي ولاقصدش قووومي هيا نلووي إبسري محلى الجزيره هيا نركب القارب هذاك 🛶...

سلاف : قامت .. أنا أصلا كنت إشتي أقلك أشتي المركب 🛶..

أحمد : إبسرتي كيف قلبي دليلي وغمز لها 😉..

سلاف : إبتسمت 😊 ثقيل دم وخطيت معه يطلعوا المركب ..

....... ......... .........

في بيت سهام 🏡.

سهام : قامت من النوم 🥱 ع صوت تلفونها بيرن 📱.. ردت ألووو...

صاحبها : يا محلى الألووو المنعسه هذا عاد القمر صحيت من النوم 🥱..

سهام : أيوووه نكزني صوت التلفون 📱 مامعك بتتصل من هذا الساع ...

صاحبها : سألت لش ودريت في أي فندق نزل 🏢 معي صاحب في مكتب السفريات وقلي أين بينزلين الأفواج حق الرحلات ..

سهام : صددق 😍 يله بسرعه الان رسل لي ..

صاحبها : أنا ذلحين نفسي أعرف🤔 ليش مهتمه بهذا الشخص وبتبعسسي بعده مش عوايدش ..

سهام : ضحكت هههه 😂 يا أخي هذا الشخص تحديدا إشتي أقهره لأنه قهرني خيرات أول ما أشتغلت وشايف نفسه قووي ومحد شاطر الإ هو ...

صاحبها : وذلحين ماعتفعلي 🤔 لاتقليش عتسافري ..

سهام : نزلت من السرير🛏️ ... يعجبني الشاطر .. أكييد شاسافر أخرب له أجواء شهر العسل الجميل قدلي يومين بين ادحس بابا نسافر سقطرى إشتي أعرفها ذلحين أسير أخليه يحجز لنا نفس الفندق يبسرني في وجهه والله لاخليه له شهر عسل محترم 😂...

صاحبها : ضحك 😂 حسبي الله في عقلش هذا يله شارسله لش ذلحين ولو تشتي أخلي صاحبي يحجز لكم الرحله كامله كلميني .

سهام: خلاص تمام إتفقنا شاحاكي بابا وأقلك ...

....... ........ ........

في بيت هاشم 🏡...

أميره : في المطبخ بتجهز الصبوح 🍲🍛 ...

هاشم : وقف باب المطبخ 🚪 صباح الخير ع أحلى أميرره في الدنيا كلها ..

أميره : بتسكب له قلص عصير 🍹 يا صباح الأنوار .. مكنته العصير مسرع قمت سمعت الدكتور ماقال ٦ شهور راحه ..

هاشم : شل العصير من يدها 🍹 تعببت مازد كملت هذه ال٦ شهور كم قد لي وبعدا قمت بدري اليوم علشان سلا تشتي تسجل فالمعهد وقلت حرام قد سمعتها 👂🏻بتحاكي صاحباتها قالت لهن خلاص يدخلين هن هي عتراعي لما يرجعوا العياال من السفر علشان يسجلوها قلت ماعيوقع بي شاقوم أشلها تسجل تدخل مع صاحباتها ماقدناش مطروح في الزوه ولا ميت أحرم بنتي من شي نفسها فيه ...

أميره : غطت فمه بيدها👋🏻 بعد الشر عليك أخر مره تقل هكذا وبعدا هو بس هذه الفتره ترتاح علشان تقدر ترجع الشغل وتعيش عادي ..

هاشم : بإبتسامه 😊بتفتجعي عليا .. ومسك يدها باسها 😘..

أميره : ومن معي غيرك في الدنيا هذه كلها أنت حياتي وعمري كله 😍 ..

سلا: خرجت من غرفتها سمعتهم .. إحم إحم نحن هنا 😜..

هاشم : ضحك هههه هيا إخطي البسي يالقنه أشلش تسجلي فالمعهد مع صاحباتش ..

سلا: فرحت 😍 صدددق يله الآن أدخل البس وأتصل لصاحبتي إن انا شاسير ...

🌹meme_abdalgaleel



@qesasanani

❤ وشآءت الأقدار ❤

بارت 72

في سقطرى 🌊..

وقت الغداء 🍕🍟...

يوسف : جالس وجنبه مايا ..

أحمد : سحب كرسي 🪑 لسلاف تجلس جنبه ..

سلاف : جلست وبتحاكيه بصوت واطي ليش تجلسني هانا ..

أحمد : قرب يشاورها اوووص 🤫 لازم نمثل صح والا عيكشفونا ويقلوا للباقي ..

مايا : يا الله ما أحلاها هالجزيره 😍 عن جد تجنن كثير كنت لما أسمعهم يتكلموا عنا بفكر إنم عم يبالغوا بس طلعت وااااو شي ولا في الخيال ...

يوسف : بيتفرجها بحب 😍 إنتي اللي طلعتي تجنني ولا في الخيال ..

مايا : ابتسمت بخزا 🥰 يوووسف خلاص مو وقته ..

يوسف : ضحك 😂 الإ وقته ونص أنا حر مرتي وأحب فيها وقت ما أشتي ...

سلاف : بتبسرهم ولفتت لأحمد زعلت عليه 😔 إيش ذنبه مايتزوج بواحده بتحبه ..

أحمد : إستغل الفرصه مسك الملعقه 🥄 وبيأكلها هم هم يا قمر 😜..

سلاف : بتتفرجه بلمت 😳 ..

أحمد : هيا قلبي❤️ إفتحي فمش عيعجبش ..

سلاف : إبتسمت 😊 فتحت فمها وأكلت ...

أحمد : بيحاكي نفسه ( خليش ياسلاف والله لا أجننش قدامهم لما أخليش تستسلمي ) ....

سلاف : قربت لجنبه بتشاوره 👂🏻 أحمد وقت الهباله حقك صح ليش تفعل هكذا ...

أحمد : ضحك 😂 ههههه يشتي يغالط وأنا والكل ..

سلاف : خفعته برجلها من تحت الماسه ..

مايا : شو رأيكم بعد الأكل نروح المغاره مو متذكره شو إسمها بس قالوا في مغاره حلوه كثير مشهور في سقطرى شفتها ع التلفزيون ..

أحمد : قصدش مغاره والا كهف لأنه به كهووف تجنن وأشهرهن هوك وجينبا وحوق وبه مغاره دي جب وجنيه شبهن وعاد باقي ملان ...

مايا : ايووه هيدا هووك اللي شفته ع التلفزيون واااو شكله كثير حلوو وجواته في مثل البحيره ..

يووسف : خلاص هيا نكمل نتغدى بسرعه ونسير قبل ماتظلم الدنيا ...

........ ........ ........

في بيت صاحبه سلا 🏡...

صاحبتها : حانقه مارضيتش تتغدى جالسه في غرفتها ..

غسان : دقدق لها الغرفه ✊🏻 ودخل وهذه مالها حانقه هانا ساع الجهال ليش ماتقومي تتغدي ...

صاحبتها : صاحباتي كلهن سجلين فالمعهد وأنا بابا قالوا مش وقت مابش من يشلني ويروحني مش ضروري هذه الفتره لما يبسروا من يشلني وأنا إشتي أسجل مع سلا علشان نكون نفس الكلاس😔 ..

غسان : ليش سلا عتسجل 🤔 معش ..

صاحبتها : أيووه قد اليوم أبوها شلها سجلها وقد عتبدأ تداوم من الاسبوع الجاي الصبح ...

غسان : إبتسم 😊 خلاص ولاتزعلي ذلحين أشلش بكره وأسجلش ولو تشتي نكون نرروح سلا معانا عادي .

صاحبتها : فرحت وباسته 😘 يوووه جبرني بأحلى أخ في الدنيا كلها أقوم أتصل لسلا 📱 أفرحها اقلها شاسجل ..

غسان : فتح تلفونه 📱 ودخل الوتس يتفرج الحالات ويشوف حاله سلا مثل كل يوم لأنه سجل رقمها لما إتصلت له أخته من عنده وفاعل إخفاء إنه شاهده الحاله ....

........ ........ ........

في بيت حمزه 🏡..

ام حمزه : بتتفرج موديلات فساتين 👗 في التلفون مارأيش في هذولاء ..

أخت حمزه : ياماما مشتيش من هذولاء أصلا أي واحده عتنزلهن من النت وتخيط مثلهن أنا قد قلت شاخلي مريم تفصلي فساتين العرس كلهن وبس ..

أم حمزه : يووه محلاها مريم أنا فدالها 😍 والله إن انا من يوم خطوبتش وأنا بين اقل إشتي أعزمها عندنا يوم تجي هي وأمها نتعرف عليها ..

أخت حمزه : ياماما مارأيكم فيها لو نخطبها لحمزه ..

أم حمزه : ضحكت 😂 نخطبها لحمزه .. لكن قال مش هي حاليه ماعجبته ..

أخت حمزه : قلك مش هي حاليه هذا ماعد يشتي بعدها خلوه عليا وأنا شاحاكيه أنا وأقنعه ..

أم حمزه : بتحاكي نفسها 🤭 قلك تقنعه هذا اذا مش هو اللي عيدحسنا بس عاده بيزنط ...

....... ....... .......

في بيت سهام 🏡...

سهام : بعد ماكلمت أبوها ووافق لأنه مايرفضش لها طلب دلوعته بس قلها معه شغل ماعيقدرش يسير تشل أخوها معاها اللي فالثانويه كلمت صاحبها يحجز لهم وبتجهز شنطتها 🧳 ...

🌹meme_abdalgaleel


https://t.me/qesasanani/4825




@qesasanani

❤ وشآءت الأقدار ❤

بارت 73

بعد يومين ....

في الفندق🏢 ...

أحمد : صحي الأول راقد فوق الكنبه 🛋️ قرر يفعل جو حلو ويبدأ يتقرب من سلاف اتصل للريسبشن يطلعوا لهم صبوح 🍱 وورد ...

الموظف : يا اخي منين ندي لك ورد🌹 وأجواء رومنسيه أنت وسط جزيره ..

أحمد : ضحك هههه هو لأن انا وسط جزيره أكيد به ورد🌹 من أي مكان يا أخي اقطف لي حتى ورده من حق الشجر ولو سمحت أشتي الصبوح مرتب سواء مش تطلع لي أي كلام ..

الموظف : ضحك هههه😂 الأخ راكن إنه في جزر المالديف لكن يله شاحاول أرتب لك ع قد مقدر ..

أحمد : والله إن سقطرى من جمالها ضيعت المالديف 🌊 بس للأسف مافيش استراتيجيه صح ولا أحد استثمرها صح لو تفعلوا فنادق ضخمه وترتيب وأماكن منظمه للسياحه والله ماعد أحد يسافر الكل عيجي هانا .. يله حاول ترتب اللي تقدر عليه وطلعه لي ..

....... ....... ......

فوق الباص 🚌..

أخو سهام : اووف ماهو هذا قدنا تاعب من هذه الرحله هذا التعب كله علشان نوصل للجزيره ماقد رقدت كنتي عتختاري وقت صح مش بدري هكذا ..

سهام : سانده رآسها ع الطاقه ع الباص 🚌 اوووص من الدحس أنت عتغير رأيك لما تبسر محلى الجزيره ..

أخو سهام : الله يعينني بس ع أختي الهرمه وضحك 😂..

سهام : ضحكت 😂 وخفعته في رآسه اووص بطل لقانه ع أختك الكبيره ...

....... ...... ......

في غرفتهم ...

الباب 🚪 دقدق وأحمد شل الصبوح منه .. فعلهم صحون بيضاء فيها الأكل وحاول يرتبه وورده واحده عباد شمس 🌻 شكله سار يدورها من الجزيره ..

أحمد : مسك تلفونه فتح اغنيه لفيروز 🎼
(شايف البحر 🌊 شو كبير كثر البحر بحبك)..

سلاف : نكزت من النوم من صوت الأغنيه 🥱 بتفتح عيونها مااهو هذا ..

أحمد : قرب لجنبها وفي يده صحن الصبوح 🍱 ياصباح الورد الأصفر حاولت والله أدور ورده حمراء مالقيت لش الإ هذه .. حط الصحن جنبها ومكنها الورده 🌻..

سلاف : ضحكت 🥰 وشلت الورده عباد شمس ماقد احد ادى عباد شمس الإ أنت .. وبعدا مسرع قمت..

أحمد : بيتريحم 😟 ليش أنا أصلا بين اقدر أرقد فوق هذه الكنبه لكن يله سهل الله يكتب الأجر ...

سلاف : رحمته .. يله خلاص جي نصتبح 🍱 ذلحين وانا ماعدبش فيني نوم شنزل أتمشى عند البحر وأنت أرقد ف السرير ومن اليوم نكون نرقد يوم بيوم يوم ع الكنبه ويوم ع السرير ...

أحمد : ضحك 😂 هيا ناهي قلك يوم أنت ويوم أنا قد قلت عترحميني وتقلي السرير كبير أرقد هانا وبعدا أطمني أنا أزابط بس يعني حتى لو وافقتي أرقد هانا ماعتقومي الصبح الإ وقد أنتي فوق الكنبه🛋️ ...

سلاف : إبتسمت 🥰 وماردت ع كلامه .. يله هيا كل الشاي عيبرد ☕..

أحمد : يله طيب وقومي بعد الصبوح نخرج نتمشى قالوا الخور روعه نسيره نهرب وحدنا ماقدرنا ليوسف ومايا عياخرونا مثل الكهف ..

....... ....... .......

في الريسبشن حق الفندق 🏢..

سهام : واقفه عند الموظف بتمكنه الجوازات والحجز ...

الموظف : أيووه تمام محجوز لكم الآن دقايق بس أخلي أحد يشل الشنط 🧳 ويطلعكم للغرف ...

أخو سهام : أيووه بسرعه لو سمحت قدنا خلاص هالك إشتي أرقد 😴 تاعب ..

الموظف : بيداعي العامل يجي يشل لهم الشنط ويطلعهم ..

سهام : قلبها بيحرق ❤‍🔥 قلي البشمهندس أحمد ال... وزوجته نازلين عندكم صح هم عرسان ومعاهم أخوه والكل ...

الموظف : بيفكر 🤔 هاه أيووه ذكرتهم عندنا عادنا جهزت لهم صبوح وطلعته تعرفيهم ..

سهام : أيووه زوجته صاحبتي وهو مهندس زميلي فالشغل هم اللي قالوا لي إن خدمتكم حلوه أجي هذا الفندق ..

الموظف : ابتسم 😊 شكله إتجمل مني من الورده بعد إيش فكرت وقطعت له عباد الشمس يشتي صبوح رومانسي ...

سهام : عوجت فمها 😏 في داخلها صبوح رومانسي يا أحمد يله إسهل أفعل اللي تشتي ..

ع طلعتهم للغرف واقفين قدام الاصانصير ينزل ..

أحمد وسلاف : خرجوا من الاصانصير لوجهها هي وأخوها 👫..

سلاف : إستغربت لما إبسرتها 😳 معقووله أحمد قلها تجي للدرجه هذه بيحبها ..

أحمد : ضبح أول ما أبسرها 😤 وبيتفرجها سكته ..

سهام : صباح الخير ومبروك العرس إيش الصدفه هذه ..

سلاف : تغيرت ملامحها 😥 صددفه والا ...

أخو سهام : يووه أنا ملان نوم شطلع وأنتي أجلسي جابري سحب الشنطه 🧳 وطلع مع الموظف ..

أحمد : مسك يد سلاف 👫 يله عنتأخر عتسلمي عليها بعدين سحبها ومشي ..

سهام : ضبحت 😤 وجالسه تخرج ضبحها في زرار الأصانصير تهمسه ينزل ...

🌹meme_abdalgaleel



@qesasanani

❤ وشآءت الأقدار ❤

بارت 74

سلاف : بإستغراب 😳 مالك سحبتني هكذا ليش ماتخليني أكلمها عادي إطمن لو خايف تقلي شي أنا داريه بكل شي ...

أحمد : وقف مستغرب 😳 وبعد يده من يدها 👫 ماتقلش ومن إيش خايف ..

سلاف : بضبح 😤 خايف تقلي إنكم بتحبوا بعض وإنك كنت تجلس تقلي إنها ماتعجبك وكنت تتضايق من لبسها وإسلوبها ...

أحمد : إييييش نحب بعض 😳 ماهو هذا الكلام الغبي ومن قلش هذا الخباص مالش ياسلاف أنا قد قلت لش والله إن انا حبيتش ❤️ أنتي والدليل إن أنتي اليوم مرتي مش هي ..

سلاف : ضحكت بإستهزاء 😅 حبيت من ... إيش يا أحمد قووى أنا داريه إنك فعلت هكذا علشان بابا ومش انا زاعله منك بالعكس أصلا خلصتني من إنه أتزوج بواحد ثاني زواج حقيقي أنا اللي زعلني إنك بتكذب وتقلي بتحبني ❤️ وفي قلبك واحده ثانيه إطمن ماشزعلش وإفعل اللي تشتي قلت لك زواجنا هو ع ورق بس وعيش حياتك بالطريقه اللي تعجبك بس لاتكذب وأنت البي أكيد قلت لها تجي هانا...

أحمد : بعصبيه 😠 قلت لمن تجي وكذب أيش سلاف عتبطلي خباله وتوهام وتقلي أشياء ماحصلتش أبدا ..

سلاف : ضبحت من رده 😤 اوووف بطل خباله أنت مش انا خبلاء وبعدا حبها أسكه مادخلني خليها تجي الجزيره أنا مادخلني أقلك شي أطلع إدعيها وأخرج أنت وياها أنا ماعد شخرجش .. فلتته وطلعت الغرفه 🚶‍♀️...

أحمد : بيلحقها 🏃🏻‍♂️ يبرر لها الموضوع ويفهمها ..

سلاف : دخلت الغرفه وغلقت ع نفسها الباب 🚪...

أحمد : بيدقدق ✊🏻 سلااااف هيا من الخباله لكن إفتحي لي ماعنسمعش الناس ..

سلاف : جالسه جنب الباب 🚪 من داخل والله ما أفتح سير أخرج أنت وياها لما تبطل كذب ولاعاد تجلس تدق لأنه عتقيم الراقدين ماشفتح ..

أحمد : نزل الريسبشن يجلس نازل وبيفكر 🤔 هذه كيف جت مادراها إن انا هانا وليش سلاف واثقه من كلامها هكذا فكر شويه وإبتسم 😊 ذلحين سلااف ليش ضبحت هكذا معقوله بدأت تفكر فيني وغارت عليا والا إيش بالضبط ...

سلاف : بعد ماحست بهدوء فتحت الباب 🚪 تتأكد إنه مابحد .. رجعت دخلت وجالسه تكلم نفسها 🤔 أنا ذلحين مالي هكذا جننت ليش الخباله هذه حتى لو قلها تجي هي حبيبته ليش ضبحت .. مع مع أنا ضبحت بس لأنه جالس يكذب إنه بيحبني المفروض أفتح له الغرفه عادي وما أخلي في حسي لأنه أصلا أتفقنا إنه يعيش حياته .

........ ....... ........

في المعهد 🏢...

سلا : واقفه في حوش المعهد من داخل في يدها تلفونها 📱 بتحاكي صاحبتها بتوصف لها المكان بالضبط .. أيووه لفي الفتحه اليمين عتلقيه ع طول أنا مراعيه لش فالحوش ...

صاحبتها : هاه أيووه يله الآن وصلنا اوذا شنزل ...

غسان : إبسر سلا 👀 واقفه .. لفت لعند أخته ذلحين صاحبتش ليش ماتتلثم واقفه هكذا فالحوش والمعهد ملان عيال يتفرجوها ...

صاحبتها : بتفتح باب السياره 🚗 وأنت ماعليك هي حره اهلها عندهم عادي نقلها إحنا تلثمي ..

غسان : بضبح 😤 أيووه نقلها يعني عاجبش يجلسوا يتفرجوها وبعدا ليش ماتسجلين معهد بنات ..

صاحبتها : سحبت شنطتها 👜 بااي ياهرم الله يعينها مرتك غبني عليها ماعتفعل بها .. فتحت الباب ونزلت ..

غسان : خرج رآسه من الطاقه ... بييه قلي لها تروح معانا عنكن نوصلها ...

....... ....... ........

في بيت مريم 🏡...

مريم : بتفعلها سندوتش 🌭 عتسير العمل ...

أمها : يوووه عتأكلي هكذا مسنبه إجلسي اصتبحي سواء ماعيطيرش العمل ...

مريم : مع قووى خلوني معي تصاميم خيرات إشتي أكملهن لأنه ابسرتوا بنت خاله صاحبه الدار اللي حاكيتكم منها الي قالت نجي عندهم إشتي أفعلها فساتين العرس كلهن مابش وقت ...

أمها : إجلسي مكنيني لعرس فلانه وعرس علانه وأنتي ماهو ذلحين الناس جننوني وأنا كل يوم بين اتعذر لهم ...

مريم : واللقمه في فمها ... وليش تتعذروا لهم قلت لكم قلوا لهم مابش نصيب وأي حين ماجاء نصيبي أنا شاوافق .. يله إتأخرت إدعوا لي .. مع السلامه فتحت باب البيت وخرجت جت تطلع السياره 🚗 لقيت سياره حمزه واقفه وراها🚗 ...

حمزه : بيطرق لها 🚗 جي شلي السندوتشات🌭 خورت لش صبوح ..

مريم : بتصيح فوقه 😠 والله إنك مجنون لو أحد يخرج ذلحين ويبسرك ماعيقل ...

حمزه : ضحك 😂 قلي لهم خطيبي ..

مريم : بلمت 😳 خطيبي ..

حمزه : ضحك 😂 يييه لاتتخاييش روحش أنا غر بين ادور لش عذر لو ودفتي وأحد إبسرش لاتصدقيش نفسش ...

مريم : ضبحت منه 😤 مابلا إلا قووى فارحه فيك والله ماقلهم الإ واحد قليل أدب بيعاكسني من الصبح واخليهم يضربوك تتعلم اللقانه .. فتحت باب سيارتها تطلع 🚗..

حمزه : بيداعيها يييه والسندوتشات 🌭..

مريم : بضبح 😤 إشبع بهن كلهن أنت وطلعت السياره 🚗 ..

حمزه : ضحك 😂 وبيلحق بعدها لما قدر يقرب جنبها ورجمهن لها من طاقه السياره لوسط السياره وأشر لها باي 👋🏻...

ليش ياسهام هكذا قد فرحنا أن سلاف ماصيحت فوق أحمد من الصبوح والدلع وكانوا سمن ع عسل أول ماوصلتي وخربتي الدنيا كيف لما تجلسي سواء ..

🌹meme_abdalgaleel



@qesasanani

❤ وشآءت الأقدار ❤

بارت 75

وقت الظهر 🌞

في بيت حمزه 🏡..

أم حمزه : دخلت الديوان وعاده مندش 😱 ييوه عادهو هكذا والناس عيجوا بتداعي بنتها يييه مالش ماقد رفعتي...

أخت حمزه : جت لعندها .. مفعل اسكه قلوا لي تعبت كملت ارفع نازل ودخلت افعل الغداء 🍛🍲🍝و فعلت كيك والحلا 🧁🍧 للعصر باقي لي هانا بس اين أزيد أجي بروحي وبعدا المفروض قدنا عروسه ماعد افعلش عمل لو قد زوجتوا أخوتي إن انا الآن مفتهنه ومحجبه ..

أم حمزه : ضحكت 😂 وإحنا مانشتي نفعل لكن أخوش هرم مشو مبين مع إن انا متأكده إنه يشتيها كل تصرفاته بتقل هكذا..

أخت حمزه : لكن يا أمه ماتحاكاش ولا أصلا مبين إنه يعرفها هو لو نقوم نقل شي للبنت بس وهو يرجع يكسفنا ويحرجنا معاهم ..

أم حمزه : ماشي إطمني مش انا مجنونه أصلا اقلها شي هو بس سعم نتعرف ع أمها من كثر ماقد انتين صاحبات نتعارف ..

حمزه : وصل بيداعي .. يييه ياأمه جاووع عتغدوني إشتي أخرج سريع ..

أم حمزه : بتصيح له إطلع إطلع إحنا طالع ..

حمزه : طلع الدرج ... هيا مالهن متجمعات هانا مامعاكن وين الغداء ميت جوع أشتي تغدوني أخرج معي عمل ..

أخت حمزه : بإبتسامه خطيره مانفعل للحجه حقنا عينهم ع مزه عجبتهم وعزموها اليوم هي وأمها تجي يتعرفوا عليها 😜 ..

حمزه : بإستغراب 🤔 مززه مه وليش يتعرفوا عليها..

أخت حمزه : يشتوا يخطبوها لك 😉..

حمزه : تغيرت ملامح وجهه اكتبد 🙁 يخطبوا لي ماهو ولفت لأمه مشتيش أخطب احد أنا أصلا ...

أم حمزه : ضحكت هههه 😂 أنت أصلا ماهو حاطط عينك ع واحده قلي من هي وخلصني وأسير أخطبها لك والا والله مخطب لك الإ اللي في نفسي وأنت أخبر ..

حمزه : بضبح 😤 ماااهو اللي في نفسكم عتتزوجوا بها أنتوا أو كيف ..

اخت حمزه : ياحمزه هيا وافق عليها والله إن مريم حاليه وغمزت له 😉..

حمزه : إرتبك 😅 وبان ع وجهه الارتباك مرريم مه من مريم ..

أم حمزه : ضحكت 😂 مرريم اللي عزمتها من مريم اللي بتشتغل في الدار مع بنت خالتك قصدي اخت صاحبك صح انت قلت هكذا اوو مه لبنت خالتك ..

حمزه : 🤷🏻‍♂️ فعل بيده مدري مش وقت ذلحين هذا المجبر جاوع إشتي أكل شنزل أغرف لي وأتغدى وهرب للمطبخ🏃🏻‍♂️ ...

أم حمزه : ضحكت 😂 ولفتت لبنتها هيا صدقتي قلت لش قلبي حاسس إنه يشتيها ...

........ ....... ......

في سقطرى 🌊...

مايا : عادها قامت من النوم 🥱يوووسف إصحى نمنا كثير اوووف ضيعنا علينا خروجه حلوه من الصبح ..

يوسف : بيتقعم 🥱 ويمط يده ...صباح العسسسل ع أحلى عسل في الدنيا 🍯 ..

مايا : بتهزر البطانيه من فووقه .. يلله إصحى بدنا نطلع راحت علينا نومه ..

يوسف : اتصلي لعند سلاف والا أحمد إبسري أين هم قلي لهم هيا نسير نتغدى سمك قالوا السمك🐟 السقطري يجنن طعمه خيال لأن البحر صافي ونسير عند الدلافين 🐬 نتفرجهن ..

مايا : إبتسمت عن جد 🐬 دلافين يله هلا بكلم سلاف ونطلع .. مسكت تلفونها 📱 وبتتصلها ...

سلاف : في الغرفه جالسه ضابحه 😤 ماعاد كلمت أحمد من حين قفلت عليه الباب ..جاوبتها .. هاه مايا ماشي أنا في الغرفه أحمد مدري اين هو أصلا نزل أول ..

مايا : شووو وحياة الله إنتي مجنونه تتركيه لوحده الرجال عينه زايغه ماينترك لحاله أنا لو بموت ماراح أترك يوسف ينزل لحاله إذا ماعنده شغل مو مثلك أتركه لحاله وإحنا بشهر العسل ..

سلاف : بتحاكي نفسها 🤔 أي شهر عسل والله ما أنتي فاهمه شي .

يله خلاص قفلي وأنا شتصله 📱 واقله أمد ماتتجهزوا . غلقت وبتتصل لأحمد ...

أحمد : رد عليها 📱 يا حيا بالحانقه أخيرا قلبش حن ❤️... وعبرتيني قدنا خادم من كثر اللوى بين الشمس من الصبح 🌞..

سلاف : بتتحاكى وتحاول تبين إن مابش شي .. وليش أحنق أنت حر وقلت لك هذه حياتك تفعل اللي تشتي وأنا إتصلت أقلك مايا ويوسف يشتوا نخرج وأنا قلت أقلك علشان تتصرف معاهم لأن انا داريه إنك تشتي تخرج مع سهام ...

أحمد : ضحك 🤦🏻‍♂️ وخفع وجهه لاحول ولاقوة الإ بالله أين سهام هذه اللي أخرج معاها .. ياسلاف قووا أنا فدالش بطلي تتوهمي .. أقلش حاجه أنا شتصل ليوسف أقله أين أنا وجي معاهم أنا في مكان يجنن قووي 😍 وعنتفاهم لما تجي ..

....... ....... .......

في المعهد 🏢..

سلا : بتتحانب مع صاحبتها ماشي مع والله لما أحاكيهم اليوم بابا عيجوا لي يكفي وقت الإمتحانات قد تعبتكم ..

صاحبتها : إتصلي لهم هيا 📱 والله انه تعب يزيد يجوا لش وبطلي خباله أنتي أصلا ع طريقنا لاتتعبيهمش وبعدا هو بس اليوم تأخرنا جلسنا نراعي للطلبه علشان نختبر من بكره شاكن أمر لش الصبح والكل .

سلا : بعد كثر الإحراجات إتصلت📱 لأبوها وإستأذنت منه ..

غسان : جاء بيطرق بالسياره 🚗 إبسر سلا بتخطى مع أخته 👭 للسياره فرح 😁...

سلا : طلعت مع صاحبتها وجالسه ساكته ..

صاحبتها : بتجابرها من المعهد والبنات ..

غسان : عينه 👀 بتجي عليها من المرايه سرقه .. رجع شافها وركز ع ملامحها سواء لأول مره بدون مايحسسها ...

🌹meme_abdalgaleel



https://t.me/qesasanani/4825

❤ وشآءت الأقدار ❤

بارت 76

بعد العصر .

في بيت حمزه 🏡.

مريم : جالسه هي وأخت حمزه جنب بعض بيتفرجين فساتين 👗.

أم حمزه : لفتت لعند مريم وإبتسمت 😊 ذلحين يكفيكن عتمكنيها فساتين هانا وفي الدار ..

مريم : خزيت وحطت التلفون ☺️ حاضر ...

أم مريم : والله إنها هرمه هكذا حتى في البيت كودها هكذا فوق الفساتين والرسومات حقها جننتني في روحي حتى الأكل قدهي بتمكنها سندوتشات🌯🌭.

أم حمزه : يووه ما الاكل الله يعيننا عليهن حتى هذه الهرمه والكل كودي بينتصايح معاها تأكل سواء ..

أم مريم : أيووه صددق ماينفعش خاصه إن قد عرسها قريب ..

أم حمزه : لفتت لمريم 👀 وأنتي يامريم ماقد تشتيش تتزوجي ..

أم مريم : يوووه لو تبسري مابين افعل أنا وياها كودها بترفض أمانه عادهو جالها واحد لو تبسري ع رجال وبتحكي لها ..

أم حمزه : لفتت لعند مريم تقيس نبضها .. يوووه هذه ساع ابني حمزه جنني في روحي ولارضي يخليني أخطب له شكل عينه ع واحده بس لاهو اللي تحاكى ولا هو اللي خلاني اخطب له 😉 ...

مريم : تغيرت ملامحها وحمرت ☺️ غالطت ع طول مسكت تلفونها يووه نسيت ما اتصل لسلا ياماما بترسلي من أول شتصلها بسرعه ..

أم حمزه : ضحكت 😂 تأكدت ان بينهم شي ..

...... ...... ......

في سقطرى 🌊

سلاف : من حين وصلوا وهي بتحاول ماتكلمش أحمد أو تجلس جنبه سحبت لها كرسي 🪑 بعد ماكملوا يتغدوا وجالسه قدام البحر ..

مايا : بتتحانب هي ويوسف تشتي تدخل تتسبح 🌊..

يوسف : بطلي جنان أصلا لو ندخل مابش ملابس ماعملناش حسابنا مديناش شي من الفندق 🏢 ماشتحملش أجلس بملابسي وملوحه البحر في جسمي لما نروح ..

مايا : قلدت زاعله 😔 وخلست جزمتها 🥿 بتتمشى وسط البحر 🌊 ...

يوسف : جاء من وراها .. لك دخيلو الزعول يقبرني أنا 😜..

مايا : لفتت لعنده .. ودهفته للبحر 🌊 وبتضحك عليه 😂 قلي هلا شو راح يمنعك من السباحه صارت ملابسك كلها مبلله ...

يوسف : ضحك 😂 والله ماراحت لش والله لأوريش وقف وبيسحبها للبحر وينازفها ...

أحمد : قرب لعند سلاف وقف جنبها .. بتبسري العرسان كيفهم مبسوطين 😜 وإحنا كأن بيننا ثار ...

سلاف : لفتت له بربع عين 😏 وأنت ليش ماتنبسط قد قلت لك حاكي سهام وأخرج معاها ...

أحمد : رفع يده للسماء 🤲🏻 يارررب خارجني من هذه المجنوونه كيف أفهمها إن مابش بيني وبين سهام شي وإن انا بين احبها هي ..

سلاف : بتحاكي نفسها 🤔 يييه إشتحطي أنتي قلتي ماعاد عتحاكيه هو حر عيحسب إنش بتغيري ...

أحمد : إبتسم وبيتخيبل بعيونه🙄 هيا مالها مطننه أكيد بدأتي تفكري فيني وترحمي قلبي صح ❤️ ...

سلاف : ضحكت 😂 ترحمك سهام مش أنا اللي عتتزوج بها أنا بنت عمك بس ...

أحمد : مسك يدها وسحبها من الكرسي 🤝🏻 هيا ناهي يا بنت عمي جي نستبح وبيسحبها وحمل 🏃🏻‍♂️..

سلاف : بتصيح وهو بيسحبها مششتيش بس بطل ..

أحمد : ضحك 😂 ودخلها للبحر 🌊...

سلاف : شافت نفسها وسط البحر 🌊استسلمت ورجعت تتسبح وتعيش اللحظه ...

......... ....... ........

في الفندق 🏢..

سهام : نزلت للريسبشن وبتسألهم فين غرفه أحمد وإن غرفتها ماعجبتهاش إذا في غرفه جنب غرفه أحمد وسلاف تشتي جنبهم لأنها صاحبتها علشان يكونين قريبات يجلسين مع بعض ...

🌹meme_abdalgaleel



@qesasanani

❤ وشآءت الأقدار ❤

بارت 77

ثاني يوم ...

في بيت حمزه 🏡...

جالسين يتغدوا 🥘🍛🍲...

أبو حمزه : ذلحين يابنتي ماناقصش علشان تجهيزات العرس ...

اخت حمزه : لفتت له 👀 إشتي تخلوا العيال يشلوني أشوف القاعات وأحجز وباقي أحجز المغنيات والكوافير وأكمل الكسوه ...

اخو حمزه : الملعقه في يده بيأكل 🥄 أنتين البنات طلباتكن مابتكملش إحنا الرجال سيرنا اشترينا لنا أي شي وخطينا الطريق ..

حمزه : رفع يده 🙋🏻‍♂️ هيا ناهي لك قلك وخطينا الطريق ما أنا في عرسي والله إن انا شادلع نفسي وأتشرط وأفعل كل مافي نفسي .

أم حمزه : لفتت له وإبتسمت 😁 أنت غر أنوي بس وأعرف أحلى عرس وأحلى كسوه ..

أبو حمزه : ذلحين صدق يا ابني ماعاد به قدهو وقت نبسر لك مره قدك موظف وأختك قد عتتزوج نزوجك تجي واحده والكل بدل أختك تعاون أمك ..

أخت حمزه : ضحكت 😂 هيا بتسمع ياحمزه مايشتوا بابا بيهموا أمي بس مش علشان يزوجوك علشان يدوا أحد يساعد أمي مابش في حسهم إن انا شارحلي والا تتزوج تبني أسره أهم شي أمي ...

أبو حمزه : ضحك 😂 كان ماتشتي هي الأصل والا عتغيري من أمش ..

حمزه : الله يحفظكم الاثنين أنا إسهل ماقد إشتيش أتزوج لما قدنا إشتي أتزوج وبعدا شاقلكم ذلحين نكمل عرس أختي ..

أم حمزه : ماعليك من عرس أختك ولا تتعذر وأنا الصدق قد دخلت نفسي مريم قووي وأمها ماشاء الله عليها مره طيبه وأسره محترمه والصدق أنا أشتي أخطبها لك ماعتجلسش تمكنها مش وقت مش وقت ...

حمزه : إشترغ باللقمه 😅 وبيسعل اح اح اح ..

اخت حمزه : ضحكت 😂 وبتخفعه في ظهره ... هيا ماله إكتبد ..

أخو حمزه : قدوذا يشتوا يزوجوه ويودفوا به وبعدا ياجماعه افرضوا به احد في باله ماعتزوجوه هكذا ع ماتشتوا (طبعا هو عارف من هذك المره انه بيحب واحده ) ..

أبو حمزه : لو به أحد في نفسه يتحاكى والله مايجي الإسبوع الثاني الإ وقدهي خطيبته ..

حمزه : لفت لعند أبوه 😅 لاتصدقوش مابش أحد بس لو قد هذه البنت اللي إبسروا أمي عجبتهم وهم أسره كويسه يتوكلوا ع الله ويحاكوهم ...

أم حمزه : ضحكت هههه وغمزت له 😉 مانا ماعليا أهم شي لاقد عجبتك أنت ...

حمزه : إنحرج 😅 حط الأكل من يده يووه شتأخر معي موعد أنا شخطى لي وأنتوا أخبر ماتشتوا فعلتوا وقام خرج 🚶🏻‍♂️..

أخت حمزه : لفتت لأمها وضحكت 😂 خلاص يا أمه حاكوا أمها ...

أم حمزه : مع يابنتي عنراعي زيد شويه عيبه في حقهم يقلوا جوا عندنا أمس ونحاكيهم نشتي بنتهم ع طول عيقلوا ان احنا اديناهم علشان هذا الخبر شويه واحاكي أمها وقد عنعزمهم في عرسش والكل ومريم قدهي معش واصل علشان فساتينش 👗وكسوتش نقوي علاقتنا فيهم شويه ..

أبو حمزه : وأنا قلين لي بيت من هم وكيف ومه علشان أزيد أسال عليهم والكل ..

أخو حمزه : نزل يسأل حمزة طيب والبنت اللي بيحبها ❤️ قله إنها هي بس بيغالط ...

....... ....... .......

في سقطرى 🌊..

في الفندق 🏢..

سهام : غيرت غرفتها جنب أحمد وسلاف ..
كملت لبست وحطت مكياج💄 وتصلحت وتدلعت وتعطرت وفتحت باب الغرفه 🚪 حقها مراعيه تسمعهم لما يخرجوا ..

سلاف : في غرفتهم .. مشتيش أخرج اليوم إشتي أتصل لماما وسلا ومريم قدنا فاقده لهن ...

احمد : يله تمام براحتش أنا الصدق مقدرش أجلس في الغرفه عيجي لي ضيق باي فتح الباب وخرج 🚪...

سلاف : مسكت تلفونها تتصل 📱 وإن التغطيه ضعيفه قربت لجنب الطاقه نفس الشي .. يوووه أحمل ألحق أحمد بسرعه يراعي لي قبل ماينزل حملت للباب تفتحه 🚪 تدعيه قبل ماينزل ...

سهام : أول ماسمعت فتحة الباب حق غرفتهم 🚪 حملت تخرج تبسرهم وإنه احمد وحده فرحت 😄 خرجت ع طول بتداعيه ... أحمد يا احمد ...

أحمد : لفت لعندها 😨 يوووه مالش قدش هكذا رجعتي تتعرسي ..

سهام : ضحكت 😂 أصلا أنا تغيرت علشان شخص والشخص هذا فلتني خلاص أرجع لحياتي لمن أتغير..

أحمد : بضبح😤 علشان نفسش قبل مايكون علشان حد ..

سلاف : فتحت الباب 🚪 تشتي تدعيه شافتهم واقفين بتسمعهم 👂🏻..

سهام : بتقلد زاعله 😔 اصلا من بعدك ماعاد تهمنيش نفسي وخاصه بعد ماشفتك مع سلاف حسيت قلبي أنكسر يا أحمد أنت حقي قبلها ...

أحمد : ماحبش أحد إنه يطول في الكلام او أحد يمشي ويشوفه واقف معاها ...لفت لعندها 😤 بضبح يله ادخلي إمسحي الشخبطه اللي في وجهش والبسي ساع الناس أنتي وسط جزيره ..

سهام : بدلع🥰 .. طيب علشانك بس شادخل أغير لبسي كله الإ زعلك ...

سلاف : بتتفرجهم وسمعت الكلام حست بقهر وضبح عصبت 😠 ورزعت الباب 🚪 بقوه ..

أحمد: سمع👂🏻 الرزعه حق الباب 🚪 لفت بسرعه عرف إنها سمعتهم وحمل بسرعه يدقدق لها ✊🏻...

سهام : فرحت ورمشت بعيونها 😌 وضحكت هههه بداايه حلووه والله لأخربها عليك يا أحمد ...

أحمد : بيدق الباب ✊🏻 سلاف ..

سلاف : جالسه فوق السرير وبتهز رجلها معصبه 😠 والله ماافتح له يسير يخرج معاها بس ليش بيكذب لييش مش انا غاصبه له يحبني ولا أشتي يحبني بس لايكذبش قد قلت له يعيش حياته بمزاجه بس ليش بيقلي أنه يكرهها الصدق أنا شاقله لما نرجع يسير يتزوجها ويخرج بيت وحده وأنا أعيش في بيت عمي وبس ..

أحمد : جالس يدقدق الباب 🚪 بضبح 😤 ييه سلاف ببنت افتحي عيسمعونا الناس ...

سلاف : أنا ليش أصلا مغلقه طز المفروض افتح هو أصلا عادي يحب من يشتي قامت وفتحت له الباب وخطيت 🚶‍♀️.

أحمد : مسكها من يدها 🤝🏻 يييه إسمعيني ...

سلاف : لفتت له بإبتسامه 😊 مالك ماأسمع وبعدا ليش رجعت بسرعه ..

أحمد : 🤨 عقد حاجبه مشو وقت الظرافه والخباله ذلحين أنا داري إنش سمعتيني أنا وسهام ...

سلاف : بتقلد حركه إستغراب 😳 سهاام كيف سمعتك أنت وسهام ..

أحمد : ضبح 😤 خفع رجله بيددده👊🏻 أووووف سلاف مش وقت الإستغباء ذلحين أنا داري إنش كنتي واقفه عند الباب خليني أشرح لش ..

سلاف : بإبتسامه 😄 ماتشرح لي وبعدا مادخلني أنا قد قلت لك أنت حر هذه حياتك إفعل اللي تشتي إحنا تزوجنا بهذا الشرط ومابش لي دخل في حياتك بس لاتكنش تكذب وضحكت مسكت تلفونها 📱 اووه قد فيه تغطيه اتصل لماما فتحته وأتصلت لأمها وقربت جنب الطاقه ...

أحمد : ضبح من تصرفها خلس الجاكت حقه 🧥 ورجمه للأرض اووووف وفتح التلفزيون يتفرج ...

🌹meme_abdalgaleel



@qesasanani

❤ وشآءت الأقدار ❤

بارت 78

في بيت هاشم 🏡..

بعد ماأميره غلقت مع سلاف لفتت لعند سميره كان متغديه عندهم ..👀 مدري مالها صوتها مشو عاجب لي أعرف بنتي لما مش هي مرتاحه ...

سميره :حطت الكيكه 🥧 من يدها يوووه كيف مش هي مرتاحه ماشاء الله عليه أحمد إبسرتي كيف مابيسخى عليها وهي بنت عمه عاد عيسخى عليها وهي مرته ...

أميره : يووه مع ما أحمد أنا فداله بس لو قد الناس عيوقعوا مثله بس صوتها ماعجبنيش كأن هي زاعله يمكن عادها مش هي متقبله الوضع الجديد والله ماعد دري حالي أنتي داريه شاخلي سلا والا مريم يتصلين لها📱 يجابرنها لو عيفهمين منها شي ..

سميره : أقلش خليني لما أروح وأنا شتصل لأحمد 📱 وأجابره عادي وشبسر لو به شي ..

أميره : أيوه قوى أنا فدالش طمني قلبي ..

....... ....... ........

في غرفتها ...

سلا : جالسه هي ومريم بياكلين بطاطس وجعاله 🍫🍫 يامريم والله إنش مجنونه أصلا باين من تصرفاته كلها إنه بيحبش ❤️..

مريم : بضبح 😤 أووووف ياسلا كيف بيحبني كيف وهو بيفعل هكذا يوم أحسه بيحبني و١٠ أيام ماشي وبعدا لو بيحبني كيف يقلي وافقي وتزوجي ..

سلا : أنتي داريه هيا والله إنه بيحبش ❤️ بس مغرور وزناط ويشتيها تجي منش مايشتيش يصارحش لاتصرعيه ..

مريم : ضحكت 😂 ياسلاااااام تجي مني أنا خايف يصترع هو الرجال ومشو خايف أصترع أنا ...

سلا : أنتي داريه أنا حاسه إن عزومه أمه لش أنتي وخاله مش من فراغ وإن في رآسها حاجه خاصه حين كانت تلمح لش بالكلام أنتي حاولي تتقربي من أخته وتفهمي منها بطريقه غير مباشره ..

مريم : فررحت 😍 صدددق يعني أتفاءل ..

سلا : أيووه ع ضمانتي أتفاءلي وهذه الفتره دعمميه ولاعاد تكلميه من مره ...

....... ....... ........

الليل 🌚

في سقطرى 🌊..

احمد :جالس ممدد فوق الكنبه🛋️ بيحاكى التلفون 📱 لالا يايوسف اتعشوا أنتوا ماعنجيش شبسر سلاف ماتشتي وشاخليهم هانا في الفندق يطلعوا لها أنا شابع ..

سلاف: فوق السرير مرتزحه حاطه رجل ع رجل وفي يدها التلفون بتلعب 📱 سمعته ردت عليه شاابعه مشتيش عشاء لاتطلب شي ...

أحمد : بعد ماغلق من يوسف 📱 لفت لها بضبح 😤 أيووه لاغداء ولاعشاء صح ..

سلاف : بترد وهي بتلعب بالتلفون 📱 مش معبره له ..

أحمد : عصب وعقد حواجبه 🤨 وقام من الكنبه قرب لجنبها سحب التلفون من يدها 📱 أنا من بين احاكي ..

سلاف : ضبحت منه 😤 وبتهزر التلفون منه .. اوووف منك ماتمسك تلفوني ...

أحمد : ركز إن خلفيه التلفون صوره خالد لفت لعندها👀 . . الله يرحمه والله ان ربي رحمه منش ع هذا العناد كنتي عتقرحي قلبه .

سلاف : ذكرت خالد لما كان يقلها يووه كيف بتقرحي قلبي تشارغين عيونها 🥺 بالدموع لفتت بعصبيه لعند احمد ماعليك منه لاتذكره ...

أحمد : ضبح منها 😤 أنتي اليوم مجنونه قووي أنا شنزل أشم شويه هواء عند البحر 🌊 أخليش تهدأي ...

ع خرجته من الغرفه تلفونه رن 📱جاوب وإنها سميره ..

أحمد : بصوت باين إنه ضابح 😤 حيا ياعمه كيف أنتوا ...

سميره : حيا بروحي كيف أنت وكيف سلافي ..

أحمد : بيحاول يغالط الحمدلله كلنا بخير ..

سميره : متأكد إن انتوا بخير كان ماله صوتك هكذا وعمتك قالت إن سلاف والكل صوتها مشو عاجب لها مالكم في شي ..

أحمد : بيحاكيها وهو بينزل 📱 خرج من الفندق وهو قدام البحر 🌊 سار جلس قدام البحر وبيحكي لها كل شي من أول إتفاقهم إنهم يكونوا أخوه واللي حصل مع سهام وإنه صدق بيحبها وهي مش راضيه تصدقه وطلب منها ماتكلمش أحد...

سميره : حطت يدها ع وشها 😱يوووه ومنكم صدق بتكذبوا علينا وأنتوا متفقين هكذا ..

أحمد : ياعمه مفعل إسكه قلوا لي والله ماسخيت أزعل عمي ولا سخيت عليها وفوق هذا والله ان انا بين احبها ❤️..

سميره : أنت داري خطرت في بالي فكره 🤔 وبتحكي له الفكره ..

أحمد : ضحك 😂 والله إن عمتي ذكييه جبر الخطيره حقنا 😘...

سميره : ضحكت 😂 هيا من اللقانه يله إسمع علشان نتفق سواء...

الله الله إيش الفكره اللي في راسش ياسميره😉..

🌹meme_abdalgaleel


https://t.me/qesasanani/4825


@qesasanani

❤ وشآءت الأقدار ❤

بارت 79

بعد يومين ...

ماكان في شي أحداث مهمه ..

في بيت صاحبه سلا 🏡...

غسان : دخل وهو فارح 😃 طلعت نتيجته طلع سنه ثالثه بيداعي يا أمه باركوا لي نجحت ..

أمه : هيا ألف مبروك 😃 عقبال ماتتخرج وتشل شهادتك ياارب ..

غسان : رفع يده 🤲🏻 أمين ياررب .. ذلحين أين اختي أعزمها اليوم ماتشتي ...

صاحبه سلا : كانت في غرفتها سمعته 👂🏻 خرجت بين اسمع عزومه 😁 ماعتعزمني ..

غسان : أشلش أين ماتشتي أغديش ..

صاحبه سلا : للآسف اليوم ماعينفعش 😅 سلا عتجي عندي العصر ..

غسان : إبتسم 🙂 خلاص شعزمش أنتي وهي وأشتري لكن حلويات وجعاله واللي تشتي كله ..

صاحبه سلا : فررحت وباسته 😘 أنا فداله أخي هذا الحالي الله ينجحك يوميه هيا جي بعدي للغرفه أكتب لك في ورقه ما أشتي من حاجات تشتري لنا ...

...... ........ ........

في سقطرى 🌊...

فوق القارب 🛶...

مايا : يا الله ما أحلاهن وبتمد يدها تلاعب الدلافين 🐬...

يوسف : بيلاعبهن 🐬 ويطافش مايا بالماء حق البحر 🌊..

مايا : بتضحك 😂 .. يوسف يصير ناخذ معنا عالبيت يجنننوا كثير ...

يوسف : بيضحك 😂 أيووه نشله ونحطه في البانيو حق الحمام عاد شي معش عقل ههههه ...

سلاف : جالسه في طرف القارب وحدها منزله يدها بتعس الماء 🌊 وتتفرج الدلافين 🐬...

أحمد : قرب لجنبها جلس بيحاكيها بصوت واطي .. ممكن قدامهم تمثلي سواء مشو حالي اللي بتفعليه ..

سلاف : لفتت له وإبتسمت 😊 ليش ضروري نكون مثلهم ضحك ولعب ..

أحمد : ع الأقل يحسب الله وإحنا عرسان قدامهم وجايين شهر عسل ننبسط ..

سلاف : محد منعك تنبسط أول مانروح أخرج انت وسهام وغمزت له 😉 ...

أحمد : ضبح منها 😤 بعد التيشرت 👕 من فوقه وقفز للبحر يسبح مع الدلافين 🐬..

مايا : واااااو يجنن 😍 كثير حلو ..

يوسف : إبسره قفز تشجع وقفز جنبه 🌊 وبيلعب مع الدلافين ويتسيمخ قدام مايا .

مايا : مبسوطه 😊 وبتصوره 📷..

احمد : قرب لجنب القارب 🛶 لجنب سلاف مسكه وبيحاكيها ذلحين لو أموت نفسي علشان أثبت لش أن انا بين احبش ❤️ عتصدقي ...

سلاف : ضحكت هههه😂 ماشي ماشصدقش ..

أحمد : طيب حاضر وغطس تحت الماء 🌊...

سلاف : مطنشه له وقامت تجلس فالجهه الثانيه في القارب 🛶 حسبته بيمزح .

أحمد : بيقلد إنه بيغرق 🌊 ..

مايا : صاحت😨 يوووسف أحمد عم يغرق ...

يوسف : سبح لعنده 🌊 يطلعه ..

سواق القارب : قفز والكل يساعده ..

سلاف : افتجعت وبتبكي 😭 حست انها السبب قربت لطرف القارب وبتصيح ..

يوسف : طلع أحمد هو والسواق للقارب 🛶 وماسك له ..

سلاف : قربت لجنبه بتبكي 😭 كيف قدك ...

أحمد : بيقلد إنه تاعب وبيقشط برد ..

سلاف : بتبكي 😭 وكانت لابسه شال بعدته ودفته به ..

أحمد : بيضحك من داخله 😂 وبيحاكي نفسه يله عيس إبكي عادش وعاد لما تستلمي ..

سلاف : بتحاكي مايا تمكنها حقه التيشرت جنبها تلبسه 👕...

مايا : مكنتها التيشرت 👕 ..

سلاف : شلت التيشرت وبتتلبسه هي ويوسف بيسنده ...

سواق القارب : بيرجع بهم للشاطى 🛶...

🌹meme_abdalgaleel



@qesasanani

❤ وشآءت الأقدار ❤

بارت 80

بعد العصر ...

في السوق ...

اخت حمزه : ماشيه وفي يدها أكياس حطتهن في الأرض جي نجلس هانا شويه نشرب عصير 🍹 قدنا تاعبه ..

جلست ولفتت لعند مريم 👀 أنا آسفه قووي يامريم قد بين اشغلش معي قووي ..

مريم : إسهل ياروحي مابش شي وبعدا مافعلت حين قد خرجت معش اليوم ...

أخت حمزه : أصلا الصدق ذوقش بيعجبني قووي وماما ذوقهم مختلف عني يشتوا الا زنين وأشياء مطرزه وأنا مايعجبنيش لو به معي أخت إن انا ماشغلتش معي ..

مريم : إخص عليش وأنا إعتبريني أختش والا ماتشتيش ...

أخت حمزه : إبتسمت 😊 والله إن انا إشتي ونص ونفسي اليوم قبل بكره ..

مريم : بإستغراب ليش نفسش اليوم قبل بكره اعتبريني أختش من اليوم ...

اخت حمزه : تشتي تسألها تقيس نبضها تعرف رأيها.. يامريم ممكن أسالش سؤال ....

مريم : سحبت الكرسي لاوراء 🪑وهي جالسه إتفضلي ياروحي ..

أخت حمزه : ليش رفضتي العرسان اللي قالوا خاله أمانه قلي لي أنتي قلتي أنا أختش به أحد في بالش بترفضي علشانه ...

مريم : إرتبكت 😅 هاه ماشي ماشي أنا بس ماقد أشتيش أتزوج عادنا الا بدأت أشتهر ...

أخت حمزه : يعني لو أشتي أخطبش لأخي حمزه ماعتوافقيش 😔...

مريم : حست قلبها بيدق بسرعه ❤️ وارتبشت مادريت ماتقل .. يووه ماله هذا تاخر مازد إداش العصير أمانه قد شاموت عطش ..

....... ....... .......

في ببت صاحبه سلا 🏡..

سلا : بتضحك عليها 😂 ماهو هذا كله يامفجوعه كم قد عنأكل ...

صاحبتها : ضحكت 😂 ههه خليني حين قد تسلبطت اليوم غسان نجح قال عيعزمني غداء قلت له مع يشتري الحاجات أنتي عتجي عندي بدل العزومه سار يشترى هذولا كلهن من نفسه إحمدي الله دلعنا ...

سلا : إبتسمت لها ☺️ هنيت لش حين معش أخ كان نفسي ومعي أخ عيال عمي صدق بين اعتبرهم أخوتي بس حالي لما معش اخ فالبيت وتدلعي عليه زيد ماذلحين سلاف تزوجت وإن البيت فضي عليا كودي ضابحه ...

صاحبه سلا : قد قلت لش كون جي عندي لاتجلسيش وحدش ..

سلا: قدوذا جيت .. معش بطه والا أي شي نلعب ...

صاحبه سلا : أقلش جي ندخل غرفه غسان نلعب بحقه البلايستيشن ..

سلا: يله تمام وقامت معاها ...

صاحبه سلا : فتحت البلايستيشن .. هاه ابسري اي لعبه عتختاري وأنا أسير أدي لنا الجعاله هانا وخرجت تديهن 🚶‍♀️...

غسان : دخل وهو راكن إنهن فالديوان دخل ع طول طريق غرفته نسي تلفونه📱 رجع له شاف باب غرفته مفتوح يشتي يدخل شاف سلا داخل مقفيه خزي😊 ورجع ع طول قبل ماتبسره وخرج بسرعه من البيت ..

....... ...... ........

الليل 🌚

في سقطرى 🌊..

في غرفتهم ...

أحمد : ممدد فوق السرير 🛌🏻 بيقلد مريض وبيعطس🤧 ..

سلاف : ادت له ليمون دافي طلبته من الفندق 🏢 بارد أزيد أدفيك ..

أحمد : بيقلد صوت تاعب 🤧 ويعطس ماشي اصلا قد شنزل من السرير علشان ترقدي شنزل الكنبه ..

سلاف : بزعل 😔 ماشي مابش كنبه اليوم أنت مريض أنا شرقد أنا فوق الكنبه 🛋️..

أحمد : هز رآسه طيب وبيحاكي نفسه 😁 جربي نومه الكنبه اليوم ..

سلاف : شلت لها مخده وبطانيه وفرشتهن ورقدت فوق الكنبه 🛋️..

أحمد : خلاها شويه ودعاها .. سلااااف ...

سلاف : بعدت البطانيه من فوقها ..ولفتت له👀 هاااه مالك تاعب ..

أحمد : أحبش قوووي ❤️...

سلاف : ابسرته بربع عين 😏 الكذب مشو حالي ورجعت غطت وشها بالبطانيه ..

أحمد : إبتسم🙂 من حركتها وقلد ضابح 😤 خلاص تمام أنا كذاب وكنت شاموت نفسي كذب ومدام كذاب ليش بكيتي عليا لكن خلاص تمام صح أنا ما أحبش وشفعل اللي تشتي قفى وجهه ورقد 😴..

سلاف : حاولت ترقد فوق الكنبه 😴 ماقدرتش جلست تتقلب يمين وشمال ضبحت رجعت قامت سحبت وسادتها وبطانيتها ورقدت في طرف السرير 🛌🏻..

أحمد : حس عليها وقرر يفعل يزيد يفعل نفسه يومين مريض علشان تتعود ترقد في السرير 🛌🏻...

🌹meme_abdalgaleel



@qesasanani

❤ وشآءت الأقدار ❤

بارت 81

بعد ٣ أيام ...

في بيت هاشم 🏡.

أميره : دخلت المطبخ تفعل الغداء 🍛🍲.. بتشم المطبخ شووعه يوووه مال المطبخ شمه هكذا وبتغطي وجهها 😷 من الشم هذا شكله فار🐁 ميت والا ماهو ..

فتحت دولاب المنظفات وخرجتهن وبتغسل المطبخ وبتدور تحت الدواليب ...

سلا : فتحت الباب🚪 رجعت من المعهد بتشم البيت كله منظفات ااااف ماهو هذا .. ياماما أين أنتوا ...

أميره : بتداعيها من المطبخ أنا هانا فالمطبخ جي يابنتي قووى إتصلي📱 لأبوش قلي له يشترى غداء من السوق حين يروح ...

سلا : وقفت إبسرتها يوووه 😱 مالكم ماله المطبخ قدهو معفوس هكذا ..

أميره : مدري ماله شمه شوعه شكله به فأر ميت بس ولا لقيته قد قلبت المطبخ كله قلب وفعلت هذه المنظفات لالقيت الفأر 🐁 ولاسار الشم ...

سلا : أين شم فأر ياماما الله يهديكم قد شم البيت كله يطفح من حين فتحت باب البيت 🚪 هيا بس يكفيكم إخرجوا عتختنقوا وأنا شتصل لبابا يشتروا معاهم غداء 🍛🍲 وأبدل وأجي أكمل أنظفه ...

......... ......... .........

في بيت مريم 🏡...

أم مريم : بتصيح فوقها 😡 هيا ناهي لكن من الجنان قدش سوق واصل أنتي وياها ماعد بين ابسرش والله لو هي إختش ماتفعلي هكذا عادش وصلتي من المعمل وذلحين عتخرجي معاها ..

مريم : بتلبس الطرحه قبال المرايه مفعل ياماما إتصلت لي إحرجتني قوى 😊 قالت المره إتصلت لها البضاعه وصلت واذا ماجت ذلحين عتبيعيهن لأن الزباين مراعيات وهي اتصلت لها الاوله لأنها عروسه ..

أم مريم : كان زيد اتغدي كلي حتى لقمه ..

مريم : إسهل لما ارجع ماعنتأخرش قدهي فالطريق عتمر لي ماقد كملت كلامها الا وتلفونها بيرن 📱 يله باي باي قدهي خارج ..

خرجت وشافت سياره حمزه 🚗 إكتبدت 😅 في نفسها حسبش الله قلتي عيوصلنا أبوش .. فتحت باب السياره وطلعت سلام عليكم ...

اخت حمزه : جالسه قدام حيا حيا 😁 وعليكم السلام كيف انتي..

مريم : بصوت واطي الحمدلله وجلست ساكته ..

حمزه : بيضحك بينه وبين نفسه 😂 الله والأدب أين لسانش الطويل .. إبسر بنت بتسوق 🚗 لفت لعند أخته أنتي داريه مره كنت موقف في مول ومانزلت الا وبه واحده قد صدمت سيارتي لو تبسري كيف كانت هبلاء ماتقدرش تريوس وبيضحك هههه😂 المفروض البنات مايدوا لهن سيارات ..

أخت حمزه : بطل ياحمزه مالك ع البنات والله انهن أحرف منكم بس أنتوا أصلا سواقتكم همجيه (تشتي تشارك مريم معاهم فالحوار علشان تقربها من حمزه ) صح يامريم أن سواقه البنات أحسن سواقه ...

مريم : حاولت تمسك نفسها لاتضحك 😊 مدري وسكتت ..

حمزه : لفت لعند أخته 👀 ذلحين خرجتيني وماقد تغديت ويعلم الله هذه المخلوقه قد اكلت أو مع سحبتينا هكذا ..

أخت حمزه : ناهي وأنت كلنا بدون أكل وبعدا أنا عروسه المفروض تقول أول مانخرج من عند المره هذه شاغديش ..

حمزه : إبتسم وإبسر مريم من المرايه موافق نخرج وأعزمكن ع حسابي 😉..

مريم : لالا شكرا أنا قد أكلت ..

أخت حمزه : لفت رآسها لعندها هييا لكن من التعزاز قلك قد أكلت حين قد خرجت عزومه من هذا البخيل عنخليه يشتري لنا سندوتشات 🍔 برغر ..

حمزه : وهو بيفتح أغاني 🎼 هيا ناهي قلك برغر أحمدي الله لو قد ششتري لكن بطاط هههه 😜...

مريم : موطيه بتضحك سكته 😅 متحلفه له لما تروح وعتوريه اللقانه .

...... ....... ........

في سقطرى 🌊..

أحمد : عجبته فكره😇 إنه مريض علشان لايخرج من الغرفه وسلاف تجلس معاه وترقد فوق السرير .

سهام : سارت بتدقدق ✊🏻 عليهم الغرفه ..

سلاف : لبست و فتحت الباب حسبته موظف الفندق ادى الغداء 🍱 إبسرتها إستغربت مالش ...

سهام : دخلت ع طول 🚶‍♀️ يوووه يا أحمد مريض ولاتقلي قلقتني عليك ...

أحمد : كان ممدد فوق السرير 🛌🏻 شافها جلس ع طول 😨 مااهو اقلش ليش مالش من الجنان ماهو هذا ..

سلاف : لفتت له بربع عين وعوجت فمها 😏 يوووه ياسهام لو أنا داريه إنه ماقلش إن انا قلت لش أنا كله الإ قلقش..

سهام : حست انها قهرتها فرحت 😁 بتحاكي نفسها الله أحلى تصرف فعلته خليه ماذلحين يدور كيف يبرر لها وقدنا عنده بين اطمن عليه والله لاخليها تفلتك ...

أحمد : بعصبيه 😠 يييه ماهي هذه قلة الأدب كيف تدخلي هكذا وبعدا ليش تقلقي عليا لو سمحتي ممكن تخرجي ...

سهام : بدلع ☺️ إسهل إسهل سلاف هي داريه إنك بتحبني وكل شي عندها حتى صورنا مع بعض ...

أحمد : اقتلبت صورته 😡 ورفع صوته صوور ايش أنتي مابتقلي لوسمحتي أخرجي من هانا ولاعاد اشتي أشوفش ...

سلاف : لأول مره حست إحساس مش فاهمه له ❤‍🔥 بس نفسها تقوم تضربها وتخرجها من الغرفه وتبكي بس مسكت دموعها بالغصب 🥺 لالا ليش تخرج أنا اللي شخرج أول مانروح وأنتوا تزوجوا لاتنسى اتفاقنا أنا شاسير لعند مايا وخرجت 🚶‍♀️...

أحمد : وقف وبيصيح 😡 يله من هانا إخرجي قلت لش أنتي عديمة إحساس والا آيش مابتفهميش أنا إحترمتش وماسخيت أكسر قلبش وقلت أعاملش أخت بس ماتستاهليش مابتدوري تخربي بيتي يله برع من هانا ..

سهام : بتتفرجه وبتضحك 🤣 وخرجت وهي بتغني ...

سلاف : نزلت ع طول جلست تتمشى في الجزيره وتبكي 😭...

حسبي الله ونعم الوكيل فيش ياسهام ماصدقنا إن أحمد بدأ يتقرب من سلاف جيتي خربتيها علينا 😡

🌹meme_abdalgaleel



https://t.me/qesasanani/4825



@qesasanani

❤ وشآءت الأقدار ❤

بارت 82

ثاني يوم الصبح 🌞 ...

سلاف : قامت جهزت شنطتها 🧳 وجالسه فوق الكنبه🛋️ مراعيه لما يقوم أحمد ...

أحمد : نكز من النوم 🥱 بيتقعم شاف الشنطه 🧳 قدامه .. وهذه مالها ...

سلاف : بضبح 😤 إشتي أرجع .

أحمد : بعد البطانيه وقام من السرير لاحول ولاقوة الإ بالله وسار يجلس جنبها فالكنبه 🛋️ ياسلاف المفروض ماتصدقيش سهام أنتي داريه إنها مش تمام من أول ماحاكيتش عنها من قبل حتى ماتعرفيها ياسلاف أقسم بالله ما أنا داري ليش بتفعل هكذا ولا ماهو غرضها صح هي قالت لي إنها تحبني بس والله ماسايرتها ولا بيننا شي ...

سلاف : بضبح 😤 أيوه صح مابش بينكم شي وهذا ماهو فتحت تلفونها 📱 وبتوريه الصور ..

أحمد : بيبسرهن 😳 يوووه ع واحده هذا يوم عيد ميلادها خلت من يصورنا إسمعيني والله ماجلست ان انا مكنتها الهديه لانها فعلت لي فيلم هندي لو ما اجيش ..

سلاف : قامت من الكنبه 🛋️ أنت حر يا أحمد وقد قلت لك عيش حياتك كأن انا مش موجوده حتى لو تتزوج أنا اللي قهرني وزعلني الكذب ليش بتكذب بس والا عادي كنت عتقلي إنك بتحبها بس لاتمكنيش إنك بتحبني وأنت تزوجت بي علشان بابا وأنا داريه .

أحمد : خفع وجهه بيده 🤦🏻‍♂️ والله إن انا أحبش كيف أثبت لش لكن خلاص تمام بعدش شاعيش حياتي من اليوم وأوعدش شادور لي عروسه وأبسر واحده ثانيه علشان ترتاحي وأكون نفذت وعدي أنتي تعيشي ع ذكرى خالد وأنا أعيش حياتي واتزوج ..مشي لجنب السرير🛏️ شل تلفونه 📱وبيتصل أذا به رحله يسافروا ...

........ ........ ........

وقت الظهر 🌞

في بيت هاشم 🏠...

أميره : راقده في سابع نوم 😴 .

هاشم : رجع من خارج إبسرها راقده يووه🤔 مالها هذه بيقيمها أميرره يييه ..

أميره : نكزت من النوم عين مفتوحه 👁️ وعين مغلقه .. هاااه ..

هاشم : مااهو هااه مالش مريضه اومه راقده😴 لذلحين ..

أميره : مدري مالي مشتيش أقوم منعسه إشتي أرقد 🥱 وبتتقعم ..

هاشم : واقف جنب السرير 🛏️ ضحك هههه 🤣 ناهي أرقدي ارقدي ..

أميره : بضبح 😤 مالك بتضحك عليا مايوقع لو رقدت يحسب الله وأنا كل هذه السنين بين اقوم بدري ...

هاشم : ضحك ولاشي 🤣 أمس فأر ميت واليوم تشتي ترقدي .. خرج تلفونه 📱 بيتصل لعند سميره ..

سميره : ياحيا بأخي .. كيف أنت 🙂...

هاشم : لش الحياه الحمدلله بخير قلي لي كيف كانت عيافه أميره بحملها بسلا تذكري 😅...

اميره : لفتت له 😠 بعصبيه ماااهو مابتقل عيافه مه ...

سميره : ماذكرك قد نسينا بس كان كودها راقده واصل 😴 وبتشم الدنيا كلها جيفه ...

هاشم : ضحك 🤣 كان هيا إقطبي جي شلي مره اخوش وسيرين عند الدكتوره والله إن شكل مره أخوش حامل ...

سميره : فرحت 😁 صددق ع طول إبشر أغدي زوجي والجهال وعصر وأنا عندكم ..

أميره : بعصبيه 😠 مااهو من الخباله حقك حمل مه مش انا حامل ماهو التبداع تتصل لسميره ودكتوره مه أنا منعسه بس ...

سلا : ع وصلتها روحت من المعهد سمعتهم فرحت 😁 دخلت ع طول لعندهم صددق قلوا والله ...

هاشم : حط يده ع كتف سلا وابتسم 😃 شكله والله وع الله ....

اميره : نزلت من السرير 🛏️ وبضبح 😤 ماااشي والله مابه شي بطلوا خباله اخطى افعلكم غداء بسرعه ...

هاشم : مسكها من يدها 🤝🏻 وابتسم 😊 اجلسي اجلسي عنطلب لنا مافي نفس روحي ماخاوره أشتري لها وغمز لها 😉...

أميره : ضبحت منهم 😤اووووف منكم ورجعت ترقد وغطت وجهها بالبطانيه ..

هاشم : ضحك 🤣 ومسك سلا وخرجوا يتصلوا يطلبوا غداء ...

....... ....... .........

في بيت حمزه 🏠...

فوق الغداء 🍱...

ابو حمزه : بيحاكي التلفون 📱 حيا بكم ترحبوا الله يتمم ع خير خلاص منتظر لكم العصر إن شاء الله ...

أم حمزه : بتتفرجه بتسأله من 🤔..

أبو حمزه : غلق التلفون 📱 هيا جهزين الديوان ولفت لعند بنته عيجوا اليوم اهل خطيبش قالوا يشتوا يعقدوا اليوم والعشي يشتي يدخل يبسرش عيجين أمه وخواته والكل ...

أخت حمزه : إرتبشت 😅 مااهو يبسرني كييفه ماشي مش اليوم ماشلحقش إشتي أسير عند كوافير واتصلح ماهو يدخل ع هذه الشعفله والله لايفتجع ...

أخو حمزه : ضحك هههه 🤣 خليه يبسرش ع حقيقتش مش تغالطيه بنص كيلو المكياج اللي بتفعلنه لابعد العرس ويكتشفوا الحقيقه المره ...

حمزه : ضحك هههه 🤣 والله انه صدق لكن الحمدلله انا قد نجيت اللي يشتوها امي قد إبسرتها بغير مكياج ...

أخو حمزه : لفت لعنده وغمز له 😉 اللي يشتوها امي هاه ..

حمزه : دكمه بيده 👊🏻 وغالط ذلحين هيا أقطبي لو تشتي اوصلش عند الكوافير..

أم حمزه : ماشي ولا ماتشتيش كوافير ولا إتصلي لمريم تجي معش وخليها تسبرش ماشاء الله عليها بتسبر نفسها حالي ومكياج خفيف وبس لاتزيديش الجنان ..

اخت حمزه : يله الآن وخرجت تلفونها وخطيت تتصل لها 📱..

نقوول مبرررروك لأميره والا نراعي لكلام الدكتوره 😉 ...

إبتدأت العشر الأواخر عشر العتق من النار اذكروني في دعائكم وأكثروا من العبادات أيام فضيله وإذا تأخرت عليكم سامحوني أيام فضيله وأيام عيد قد أنتوا اخبر 😅 لاتنسوني من الدعاء ...

🌹meme_abdalgaleel



@qesasanani