🌹
18 🌹
🌹



بعد مرور سنوات قد ملاك وسميه هذه السنه صف تاسع وبدأ ❤ قلب سميه يدق يدق

وهن جالسات مراعيات لهم يجولهن يروحين من المدرسه ....


سميه : ملاك أنتي قد حبيتي أي واحد

ملاك :هههههه ماشي أو قد بتحبي يابنت عمي

سميه : وهي خازيه ووجها محمر مدرى هو هذا الحب ولا مع

ملاك : وهي بتضحك عليها وقالت لها بلقانه هيا هيا منهو قلي لي ياعبله ...

سميه : عبلوا راسش هيا والله ماقلش

ملاك: ببتريحم وتفعل حركات سعم بتمسح الدموع خلاص آسفه هيا قلي لي

سميه : بينفقده قوى لما ما أبسرش ولو أبسرته أجلس فارحه ولما أحاكيه أخزا قلبي يجلس يدق قووى تخايلي انه عيسمعه وبينجلس أفكر فيه خيرات

ملاك : وهي بتتكركر هيا ياحبيبتي هذا مشو حب هذا قد عتجنني عليه هيا قلي له بسمه كيفهو خالي

سميه : وهي بتتبع وتحرك لسانها ماعليا أصلا أنتي ماتعرفيش لاكن حالي ساع القمرى يوووه جبرني براسه

بيييييب بيييييب سميه : يوووه الطريقه حقنا قذا هاني جالي قد كمل محاضراته


ملاك: يله تمام مع السلامه هيا ابسرتي جلسنا نتجابر ع حبيب القلب وغمزت بعيونها ونسيت اديلش رقم تلفوني الي اشتروا لي بابا شديه لش بكره

سميه : قومي نوصلش معانا شكل السواق حقكم ماعيجيش قد تأخر قوي
ملاك : اسهل شاراعي زد شويه

سميه : بغير خباله ماشفلتش وحدش
هاني بيطرق قووى

سميه : راعي أبسر ملاك عاد السواق ماجاش جي ادعيها نروحها

نزل هاني يدعيها وقلها عيتصل لعمه انهم عيوصلوها



🌹meme-abdalgaleel

🌹
19 🌹
🌹

طلعين البنات فوق السياره وراء سميه ركبت وراء هاني وملاك وراء الكرسي الي جنب السواق



سميه : هيامالك ماقد خطيت

هاني : مراعي لهذا للغجه نزل للبقاله
إفتتتح باب السياره وطلع 😉😉

هاني : قلتلك لغجه محد يفلتك تنزل وحدك

ياسر: ناهي ياسماجه ولفت لاوراء وهو بيقل هيا كيف بنت خالتي سمي.. وعلق جت عيونه في عيون ملاك ..😉

سميه : هيا ماله مايتم اسمي
ييييه يامطنن يييييه غلق فمك عيدخلين الذبان

هاني : ههههههه مالك

ملاك : ابسرته ووطت راسها ع طول وقالت في نفسها الله منهو هذا الوسيم طبعا قد كانت نسيت ياسر قدلها منه وهي طفله.

ياسر: إبتسم من ذيه الشق للشق الثاني هذه البرنسيسه صوووووح

هاني : هههههه عادك ذاكر

ياسر : ابسر فالمرايه لاعند ملاك ورفع صوته أحد ينسى عيون الملايكه هذه ولا الدلع وسوبر مان وعاد هذك الجعاله بسمها بسمها ياهاني ....

هاني : ييييه عتغازل بنت عمي قدامي كان زد استحي

ياسر: ههههههه بصراحه ماقاومتش عيونها ياخي بحر لوحده من أبسره غرق

ملاك : قدهي مستحيه ووجها محمر ولاعد قدرت ترفع راسها

سميه: قلبت وشها وقالت بهنجمه ماهي قله الأدب هذه رجاء لاعاد تروحش مع أخي دور من يروحك سخافه وعصرت وشها

هاني: سميه مالش هو بيمزح ذكر ماكانت تجننه وهي جاهله أو مارأيش ياملاك

ملاك : ساكته ولا كلمه جالسه موطيه
سميه : هذك زمان يازمان قدهو رجال وهي مره من قله الحياء

ياسر: خلاص آسفين ياقله حيا والعفو منش ياملاك

ملاك : بصوت واطي سميه قليله يسرع اشتي أروح

سميه : هيا اقطب شرق ع البنت روحها بساعتك وابسرت ياسر وقالت ثقاله
ملاك وصلت وهي بتنزل من السياره ....

سميه : يوووه نسيتي ماتدي لي رقمش الي اشترولش عمو

ملاك : ***

نزلت ملاك وطبعا عيون ياسر بعدها ولا فلتها بيتفرجها لما دخلت من الباب..

🌹
20 🌹
🌹



فوق السياره ......


ياسر: هو هذا بيتهم الي جينا وعادحنا صغار شكله تغير ولا بيتخايلي

هاني: هههه هنيت لك ياتغير الله يرزقهم هذا بيت ثاني ساع هذاك 4مرات ومسبح داخل البدروم وواحد فالحوش ومعاهم داخل حيوانات وماحكيلك لاهاناك لاهاناك

ياسر: الله يرزقنا ساع مارزقهم لاكن شكلهم متفتحين قوى أو بيتخايلي بينبسرها لابسه غر جاكت طويل وجينز وهي زد قمر ماهي عتشدف خلق الله ليش مايلثموها وزد معاها تلفون


سميه: بمقارحه ماعليكم من الناس ياأستاذ ياسر كل واحد حر في بناته ومن الأخير مالكش دخل ببنت عمي وقفت وشها لاعند الزجاج

هاني: ناهي وأنتي خلاص سعم مدرى ماقال

ياسر: خلاص ناهي يابنت عمي ماعد عندخلش

وصلوا البيت سميه نزلت وصرعت الباب

هاني : مارأيك ندخل نتغدا وبعدا عنشتري القات

ياسر: ماشي أنا شارحلي امي مراعيين
هاني : حنقت من سميه

ياسر: ماشي غر مدرى مالهم هذه الايام كودهم سومه أسير أبسرهم
في أمان الله .....



🌹meme-abdalgaleel

🌹
21 🌹
🌹


في بيت محمد ....


نجلاء : مالش تأخرتي لاذلحين قد شجنن وتلفونش مابترديش

ملاك: يوووه آسفه ياماما كان سايلنت من لما كنت في الكلاس المس بتصتيح

نجلاء: ومالش تأخرتي

ملاك: السواق ماجاش وروحني هاني ابن عمو علي

نجلاء: ماهو ياابن عمي يله خلصنا منهم عنرجع من جديد قدنا ساكته أن سميه بتدرس معش لاهانا وبس

ملاك: ليش بتكرهوهم هكذا
نجلاء: بصراحه مش من مستوانا و طباعهم قبيليه مشتيش تتأثري بهم

ملاك: بس مهما كان هم أهلي وأنا اشتي اتعرف عليهم سوى قدلي منهم واحنا صغار حتى فالعيد بابا كان يسيروا واحنا ماشي

نجلاء : ولاعتتعرفي عليهم اخطي غيري أخلي الشغاله تجهز الغداء أمد ماصحي بابا نايم

ملاك : طلعت غرفتها وامتدت فوق السرير بتتذكر كلام ياسر فوق السياره وابتسمت وبتحاول تتذكر شكله وهو صغير ....

إبسرت تلفونها بيسرج لأنه صامت ......

🌹
22 🌹
🌹




ملاك: طبعا ماقد بش أرقام مسجله في تلفونها جديد فتحته ألو أهلا

سميه : هههه ياحركات قلك أهلا الناس اول يدروا من معاهم

ملاك: بتضحك سميه ياهبلا هو أنتي

سميه: أيوه قلت أسمع صوتش في هذا التلفون كيف عيقع وأقلش ابردي من كلام الأخبل ياسر

ملاك: نبعت من فوق السرير وبصوت عالي يس يس ياسر

سميه: مالش صرفوا

ملاك : وات از ذا مين اوف صرفوا

سميه: شاقلش بعدا وات از ذا مين للمه صيحتي

ملاك: أصلا من أول بينحاول اتذكر شكله واسمه وانتي ذكرتيني هذا الي اكتسرت رجلي بسببه صح أكرهه

سميه: أيوه هو اكرهيه بس يله شتصلش بعدا أقوم أقرب امي عيدسعوني

ملاك : أوكي باي تيك كير



في بيت علي .....


سوسن : ساعه بتبدلي هيا غداء قدو مقرب ياقمر

سميه : اتصلت لملاك عمي اشتروا لها تلفون قلت ابسر الرقم صح او غلط أشتروا لي يابابا ساعه

عبدالله: مابش معانا بنات يشلين تلفون ولا عتصدقي نفسش لاقدش بتدرسي في مدرسه خاصه

علي: ماعليكم من بنتي ماعتخليهاش أقل من صاحباتها لمايقع لي زلط من عيوني

أمل : وأنا يابابا

علي : لكن الثنتين كم معي بنات

سميه : قربت تحبه وهي بتخرج لسانها لعبدالله الله يخليكم لنا

أمل: كانت خزويه قوي مشي لقنه ساع سميه قالت له الله يحفظكم

هاني: إبسرتوا يابه مافعلت بنتكم بياسر مازد دخلش يتغدا وقد سدينا نذاكر جمعه تعذر ان خالتي عاتقه مريضه وحكى له ماحصل

سوسن: يوووه هيا أقوم أتصلها ذكرتني هيا قدلها أسبوع بتقل راسها ......



🌹meme-abdalgaleel

🌹
23 🌹
🌹



ياسر: طبعا ساكن في بيت جده معاهم نازل 2غرف وحمام ومطبخ ساكن هو وامه فتح باب البيت وهو مبتسم وبيغني (عيناها سبحان المعبود) والدواير في يده بيلعب بهن

عاتقه : إبتسمت هيا ماقد معانا ياعيناها

ياسر: يووووه يايمه ع عيوووون تسحر

عاتقه: هيا تم قرايتك ياعيون دخلنا الجامعه نقرا مش نشتدف أوبه لقرايتك ادخل بدل أمد ماقرب الغداء

ياسر: شابع شابع لاعاد أشتي أكل ولاشرب قد شوفتها اشبعت جوعي لاتقيمونيش شدخل ارقد

عاتقه : يعلم الله ماقد معاه هذا الله يهديه ماقدهوش وقت لايحب ولايتزوج يله نكافح مصاريف قرايته

ياسر: دخل ع طول يفتح دولابه يخرج الورقه الي شطها من دفتر ملاك و تمدد فوق السرير بيتفرجها يضحك وجالسه يتذكر شكلها

خفع راسه :اووووووه ع نسوه وقام بسرعه يفتح جيب الجاكت وخرج تلفونه وكتب حاجه وابتسم ....😉😉
تقلوا ماكتب ....

🌹
24 🌹
🌹



ملاك : كملت تذاكر ونزلت تسمر مع أبوها

محمد: أهلا بحبيبه بابا جي جنبي هيا كيف المذاكره هذه السنه تاسع نشتي أوائل مثل كل سنه

ملاك : المذاكره تجنن ساعي وأن شاء الله أوائل جمهوريه إطمنوا

سامي: ماهو هذا الحب كله لملاك قدلنا ساعه انا وسمير عندكم ماقلتوش نجي جنبكم

سمير : هههه ياخي هذه حبيبه أبوها احنا لنا الله

نجلاء: أنتوا حبايب قلبي

محمد: هيا ياحبايب قلبي إشتحطوا هم رجال قذا عتسافروا تدرسوا جامعه عند خالكم في أمريكا وعادنتوا تشتوا تجلسوا جنبي

نجلاء: ذكرتوني صدق قال خالكم ترسلوا له الشهايد وبقيه الأوراق

كملوا يسمروا وطلعت ملاك غرفتها ترقد قدهو وقت نومها

عاتقه : هيا ذلحين عتقلي مالك اليوم مشدوف هكذا يعلم الله منهي الي شلت حسك

ياسر: آآآح يايمه لاكن أين احنا وأين هم بيتنا ساع غرفه الحارس حقهم

عاتقه : مد لحافك يابني ع قدر رجلك لاتبسرش مطلع عتكتسر رقبتك الله يقنع قلبك أوبه لقرايتك وعيدي لك الله واحده من قيسنا

ياسر: وطي رآسه ودخل غرفته جالس مطنن في كلام أمه ماقدرش يرقد بيتقلب
رجع قام مسك تلفونه بيتفرجه ويضحك



🌹meme-abdalgaleel

🌹
25 🌹
🌹




ياسر : امممممم يارب وهو هو أجرب مع مع ماينفعش خلاص أرقد وبس والله ان كلام أمي صح

رجع يتقلب يمين شمال ولاقدر يرقد شل الوساده يغطى وشه ربط عيونه
يوووف من هذا الجنان مايرقدني خلاص شاجرب وع الله لاكن ما أكتب وجالس طارح يده ع صابره بيفكر
أيوووووووووه 😁 لقيتها

ملاك : في غرفتها راقده سمعت صوت رساله في تلفونها وبتجابر نفسها من عيرسلي محد داري بالرقم إلا بيتنا وسميه أكيد قدهي هذه المجنونه بترسل من تلفون عمو والله ماقوم

ياسر: ماسك التلفون بيده وعيونه مبهرره يارب يارب


خطيت ربع ساعه وهو جالس مطنن رجع ضبح وطرحه جنب راسه شكلي غلطت حميت السمره لاهذه الساعه ورقد


...... مسكين ياسر تقلوا مافعل بتلفونه لما كان مراعي 😜

🌹
26 🌹
🌹




وقت صلاه الفجر ....

عاتقه : ياسر هيا أبني عتقوم تصلي أذن فجر

ياسر: يمه ملاني نوم عادنا رقدت خلوني أرقد شاصلي قبل ماخطى الجامعه

رجع ذكر التلفون قام يبسره مالقي شي ضبح وطار النوم رجع قام يصلي وصيح لأمه أوذا شخرج اشرب قلص بن عند عم صالح أديلكم معي

عاتقه : اسلم ياروحي وانا ادخل افعلك صبوح دافي قبل ماتسير الجامعه

ياسر: خرج وهو ضابح ووشه أسود ولاحتى فكر يمشط شعره الحالي *___^


عاتقه : يووووه ربي يقنع قلبك يابني يعلم الله منهي هذه الي قلبته هكذا الله يسخرلك القلوب القاسيه ويجعلها من نصيبك لافيها خير لك وان فيها شر الله يبعدها عن طريقك

عم صالح : مسرع بكرت اليوم

ياسر: بيتحاكى بضبح أشتي بن مركز ياعم صالح أصحصح عادنا بغير نوم

عم صالح: إبسره وهو بيضحك وقرب لاجنبه ومسكه من كتفه كلنا كنا هكذا يابني أمانه ان عمك صالح كان قيس الملوح لاكن وقت الصدق ماعتتزوج الا بواحده تختارها لك أمك وعتتعود

ياسر: تنهد بعد كلام عم صالح
خلاص ياعم صالح شبعت لاعاد تدوش بن شاسير البس واخطى الجامعه



🌹meme-abdalgaleel

🌹
27 🌹
🌹




عاتقه : هيا مسرع رجعت

ياسر: ماعاد شربت شدخل ابدل واخطى الجامعه

عاتقه : مسرع عتخطي اوذا ادخل ادي الصبوح قد خبزت دافي

ياسر: اسلموا مابش نفس كودي اخطى رجل أنفخ شويه
خرج ياسر وهو خاطي بيفكر في ملاك ويتفرج تلفونه

ملاك : قامت تتجهز للمدرسه ذكرت انها سمعت صوت رساله العشي فتحت تلفونها تقراها مكتوب فيها مكتوب فيها مكتوب أقلكن ولا مع خلنها مفاجاه

نجلاء: هيا صبووووح

ملاك : حاضر الآن ونزلت تصتبح ماقريتهاش

ياسر: وصل الجامعه ودخل القاعه ماقدبش أحد طرح رآسه فوق الكرسي وفعل يده قفى راسه ورفع أرجله للجدر مفعل ذلحين أدعمم بس ولا مع أيوه خلاص شادعمم مثل ماقالوا أمي

ملاك : وصلت المدرسه وغلقت التلفون

ياسر: الصدق ماعاد قدرتش خرج تلفونه وأتصل
(إن إلاتصال بالرقم المطلوب غير ممكن حاليا)

خفع الماسه بيده وشل كتبه وخرج ع دخله هاني القاعه

هاني: ييييه ياسر أين عتسير يييه ماله هذا مدعمم أو حانق مني من كلام سميه أمس

ياسر: خرج من الجامعه وسار لاجنب المدرسه حق ملاك وسميه .

ملاك: بصوت واطي فالفصل ماتشتي ياهرمه رسلتي العشي ماقد قريتهاش .
سميه : أيحين مارسلتش .

ملاك: يووه كان من رسل ماقد أحد داري بالرقم وخرجت تلفونها سكته بدون ماتنتبه الأبله
.....

🌹
28 🌹
🌹




سميه : غمزت بعينها ومدت لسانها هيا افتحي بسرعه نبسر لاقدمعش معجب .

ملاك : مشنا سميه ههه عادنا شاخليش تعترفي فالبريك منهو الي قد جننش ..

سميه : خزيت ووطت راسها ناهي ياهرم ابسري اول من رسلش ..

ملاك : لفتت لسميه وهي بتضحك مش معقول معجب خطير

سميه : سحبت التلفون بسرعه تبسر من .

ملاك : خرجت لسانها وبتضحك ههههههههه تستاهلي طلعت الشركه يامعجب

الأبله ابسرتهن بيضحكين صيحت وهن سكتين

ياسر: بيجابر نفسه الصدق ماعاد قدرت أصبر قدهي راحه شاجرب اتصل خرج تلفونه وبيتصل جاوبه رجال قله ماهو ياخي امس رساله وذلحين اتصال ياسر اعتذر منه وغلق خفع راسه اوووو ع خباله فيني هي قالت لها دبل اوو يعني 00 ورجع يضحك ع نفسه




🌹meme-abdalgaleel

🌹
29 🌹
🌹



ياسر: خلاص يكفي حريق دم من أمس شاغمض عيوني وأرسل

ملاك وسميه فالحوش حق المدرسه بيلعبين

تلفون ملاك في جيبها دن دن دن دن
سميه: ضحكت هههه هيا جاوبي المعجب

ملاك: دكمتها وببتخمر عليها أيوه صح المعجب حق الشركه ياذكيه ههههه

سميه: هيا افتحيها نقراء مارسلوا

ملاك : أول لما تقلي لي وغمزت بعينها وابتسمت

سميه : حمرت وضحكت ههه قذاك قلتلش مدراني هو هكذا قدنا بينحب سعم أو ماهو

ملاك: سحبتها من يدها وجلستها فوق الدرج يله إحكيلي من الألف للياء

سميه : سنبت وبتحمل وتفعل بيدها حركات محانكه لملاك ماتعرفيش هو يقربلي من جهه أمي لاكن الصدق يجنن يارب وهو يحبني مثل مابينحبه

ملاك: هيا ناهي يايحبش مسكين عيودف هههه تأخرنا عيبدأ الكلاس يله

سميه: ورساله المعجب حق الشركه

ملاك : إبردي منهم شكلهم مزعجين ..

ياسر: أووووف شكل اليوم عيطير بعد أمس


كملت المدرسه والبنات بيروحين وياسر جالس مراعي

سميه وملاك خرجين سميه ركبت مع أخوها وملاك عادها مراعيه جالسه تتمخطر فالحوش .

ياسر: خرجين عيونه من كثر مابيلاحقها وهي سيره وجيه بيجابر نفسه يووووه ع حلا فيها وبعدا ما معاها بالجينز هكذا ماتلبس بالطو إذا مالثمتها ...أين لثمه طربال طربال 😉

🌹
30 🌹
🌹




ملاك : طلعت فوق السياره وخرجت تلفونها تلعب أمد الطريق إبسرت رساله جديده قالت مش وقتها ألعب شويه علشان أذاكر فالبيت

ياسر: وصل البيت من الباب يااامه ياااامه جاوع عتغديني .

عاتقه : معصبه راسها بمصر يوووه مافعلتش غداء مدرى مالي تاعبه شويه لاكن شاقوم ذلحين بساعتي جعلي الجوع وأنت جاوع

ياسر: سلامتكم مالكم مابلا تسيروا تتعالجوا قدلكم فتره تاعبين والغداء لاتهموش ادخلوا ارقدوا وشاسير أشتري من خارج لي ولكم .


ملاك : وصلت اتغدت وطبعا مثل كل يوم جلست ساعه مع أبوها يتجابروا وطلعت غرفتها تذاكر لأنها شهاده .

ياسر: مخزن وحده بيذاكر مارضيش يسير يذاكر مع هاني وكل شويه بيتفرج تلفونه رجع ضبح وطرحه شكلي غلطت بعد أمس ضروري أبسرلي طريقه وأشله من سميه .


سوسن : اتصلت لعاتقه ألووو

عاتقه: حيا باأختي

سوسن : ماله صوتش أوو جالسه تاعبه

عاتقه : راسي ياختي مدرى ماله مسنب لي وبينسوم ووشيش في أذاني

سوسن: ماعاد ينفعش تصبري شامرلش الصبح ونسير للمستشفى نبسر مالش

عاتقه: خلاص نسير بحين اشتي اروح أفعل غداء لياسر

سوسن: مع لاتفعلي ولا عنروح لاعندي وشانبي ع هاني يروح هو و ياسر كذا

عاتقه: خلاص ان شاء الله مع السلامه

ملاك : كملت تذاكر ونزلت تسمر معاهم وجلست تتحانك مع أخوتها وأبوها يدافع عليها

يله شطلع أرقد تصبحوا ع خير يا أحلا أخوه قصدي يا اهرم أخوه هههه وقربت تحب أبوها وأمها وطلعت غرفتها


مسكت تلفونها توقت المنبه للصبح يوةة ماقريتش رساله المعجب حق الشركه ع قوله سميه

فتحت الرساله لقيت مكتوب فيها ....



🌹meme-abdalgaleel

🎈 31 🎈




فتحت الرساله لقيت مكتوب فيها....
(تشتي طرزان ^___*)..


ملاك: مستغربه ماهو هذا شكله غلطان أمس الشركه واليوم غلطان وطرحت تلفونها فوق الكومدينو وتمددت ترقد ..



في بيت ياسر:

ياسر: كمل يذاكر وجالس مطنن بعد خداره قات بيفكر في ملاك ويتذكر شكلها اليوم فالمدرسه .

عاتقه : ياسر ييه ياااسر أصنج ييييييه هزته مالك مطنن

ياسر: هاه يايمه ماسمعتش

عاتقه : خيرت الله صورتها شدفتك قووي انساها يابني عتتعب بس مدام مشحنا من قيسهم المهم لا أنسى العشاء جهزته لك فالمطبخ شدخل ارقد تاعبه شويه والصبح شاسير مع خالتك للمستشفى اتعاين وعنروح لاعندها نتغدا روح مع هاني .


ياسر: أيوه عيس نبسر مالكم قد كودكم تاعبين سيروا ارتاحوا وأنا شتعشى بعدا.

بيجابر نفسه ... ذلحين ضروري أدورلي خطه أشل رقم ملاك من سميه ...

ملاك: بتتقلب ماقد جالهاش نوم صاحت أيووووة بعدت البطانيه من فوقها بسرعه ومسكت التلفون تفتح الرساله تتأكد مامكتوب فيها ...

ياسر: كمل يتعشى وبيوضع بقعته يرقد سمع رنه رساله في تلفونه يعلم الله من بيرسل مسك التلفون يفتحه ...

عاتقه : بتصيح يااااسر يا يااااسر جي كذا بسرعه مدرى مالي قد شطفح .

ياسر: رجم التلفون من يده وحمل لاعندها مالكم بتعرقوا هكذا مابه مابتحسوا .

عاتقه : راسي وأذاني بتوش وسومه قد شادوخ وبتفلت .

ياسر: ياسيد ييييه حمل يدعي سيده من الباب الي بين الطرحه حقهم وحق سيده طالع ياسييد أمي تاعبين قوى ادولي دواير السياره اسعفهم .

حنان: بنت عم ياسر هي دبه وسمراء قووى وأكبر من ياسر ب3سنين حملت تجاوبه مالك مابه لاتفتجعش اوذا الداير هاه ادوه سيدي وانا ألبس بسرعه وأجي مع عمتي أشبحهم .

ياسر: بساعتش ياأختى قووى .

ملاك : مراعيه جنب التلفون يوووه شكل توقعي غلط حميت الرساله .



ياسر وحنان وعاتقه فالمستشفى ..

ياسر: هادكتور طمني .

الدكتور: الضغط عندها مرتفع قوى فعلنالها إبره ولازم تبسروا دكتور مختص .

حنان: ابسرتوا ياعمه كودكم بتتبرقطوا ع هذا الأخبل لما مرضتوا .

ياسر: أخبل في عينش ياتنجره ..

عاتقه : ضحكت ههه بس قوى من المحانكه ضحكتوني

حنان : الله يشفيكم هيا أتصل يا أخبل لسيدي طمنهم .

ياسر: يووه نسيته فالبيت لماسمعت أمي بيصيحوا يله قذا عنروح ونطمنهم .


وصلوا البيت....


حنان : ادخل ارقد انت بس معك جامعه أنا شرقد عند عمتي

ياسر: تسلمي يا أختي تعبناش .

حنان: تعب عمتي راحه .

عاتقه: اسلمي يابنتي كثر خيرش.

ياسر: دخل غرفته قدهو تاعب أمس مارقدتش واليوم فالمستشفى تمدد يرقد ومسك تلفونه ...

🎈 32 🎈



ياسر: دخل غرفته قدهو تاعب أمس مارقدتش واليوم فالمستشفى تمدد يرقد ومسك تلفونه ..


فتح الرساله: (أنت ياسر صح )..
إبتسم بقوه ورفع يده وصيح قووي يس يس يس عرفتني ..

حنان : بتدق الباب ياسر بتصيح تشتي شي ..

ياسر: ضحك هههههه للمه صوتي كان عالي إسلمي ياختي مابلا رسلولي الخبره نتيجه اديت درجه عاليه صيحت فرحه .

حنان: الله يوفقك تصبح ع خير.

ملاك : بتتقلب أوووف من قلي أرسل ذلحين لوهو ياسر عيقل اني فارحه فيه وعجبني معاكسته لي فوق السياره ولو مشهو ياسر عيقل اني بينعاكسه مالي تخيبلت هكذا المفروض كنت أطنش وبس .


ياسر : نسي التعب وطار النوم فارح ان ملاك عرفته امممم مارد عليها بس لاعد عتقل اني واحد صايع واشتي أزعجها خلاص شتأسف منها رسل (أيوه ياسر أنا أسف لو أزعجتش برسالتي بس حبيت أعتذر منش ع الكلام الي قلته فوق السياره نسيت ان قدحنا كبار وماعد ينفعش أحانكش ).


ملاك : متردده أرد أو أطنش خلاص شارد أخر رساله علشان مايزعلش ( عادي مش مشكله مابش داعي للأسف إحنا أخوه ).

ياسر: بهرر عيونه وبيجابر نفسه أخوه في عينش لوتدرى أني مانسيتش لحظه من موت عمش جت تقلي أخوه ههههه لاكن يله أخوه أخوه أمد مانلقى لنا باب ندخل منه ...

رسلها ( وأنا أتشرف يكون لي أخت قمر قوي ساعش وفعلها صوره غمزه 😉).
ملاك : قريتها وخزيت ورسلت(بس من أدالك رقمي).

ياسر: ( حفظته لما اديتيه لسميه قد غلطت ألف غلطه شرجع أحكيلش ذلحين أرقد شويه تاعب عادنا روحت أمي من المستشفى تاعبين ).

ملاك: ( سلامتهم . وأنت من أهله).



🌹meme-abdalgaleel

🎈33 🎈




الصبح بحين جت سوسن لعاتقه يسيرين المستشفى ع ما أتفقين مشي داريه انهم إسعفوها وصلها هاني ..

حنان: فتحت الباب حيا خاله إدخلوا قدهم أشكل بعد ما اسعفناهم.

سوسن : يوووه أيحين ماوقع اوذا شدخل ابسرها وانتي ادعي ياسر يخطى الجامعه مع هاني مراعي له خارج .

ياسر: طلع السياره وفالطريق ذكر ملاك خرج تلفونه ورسل (صباح الورد يا ملاكي وصوره ورده🌹).

هاني: هيا ماقد معانا بنوزع إبتسامات من الصبح .

ياسر: خفع هاني مشو عليك ههههه .

ملاك : فالطابور التلفون هز في جيبها خرجته سكته قريت الرساله ضحكت ورسلت( وجه مستغرب😱 ملاكك).

سميه : دكمتها ييييه حظيه مش وقت التلفون عيعاقبونا خبيه ولا قد موظف الشركه بيصبح عليكم ههه).

ملاك : ههههه ضحكت ذكريني أجابرش بعدا .

ياسر: قريها وقال بصوت واطي أيوه ملاكي وحبيبه قلبي .

هاني: التفت له ماهو ماقلت بتحاكيني ..
ياسر: سوق سوق أنت غر أبسر طريقك ..
هاني: هز راسه وغيوز عيونه يعلم الله ماقد معانا يابن خالتي لاكن ماعليك إلا أخرطك ..


فالمستشفى الدكتور فعل فحوصات لعاتقه و كتب لها علاجات ولازم ترتاح طلع عندها الضغط والسكر والمراره ملتهبه ..

في نص المحاضره ياسر ذكر ورسل ( ملاكي أوبهي تقلي لسميه أني رسلتلش عتبدع بي ).


فالبريك :

سميه : هيابنت عمي ما أذكرش تجابريني ولا قد عديتش قد ذيه واشرت لاعند قلبها بيدق دق ..

ملاك : ذكرت رساله ياسر وضحكت غيرت الموضوع مشنا سميه المجنونه أنا بس قلت احنا هذه السنه تاسع شهاده لوتكن تجي عندي نذاكر ...😉



رحت عاتقه بيت علي مع سوسن وأمل بتجهز الغداء قد كملت الثانويه هذه السنه .

وصلين وبيتجابرين وأمل سمعتهن

سوسن: ابسرتي تقيه مره صالح ال**** أمس اتصلت لي قالت تشتي أمل لأبنها ماقد سخيت أحاكي أبوها ..

عاتقه : يوووه ياختي وأنتي للمه ماتقلي له يسأل ولاهو رجال سوى الله يستر عليها

أمل : سمعت سكته وخطيت سمعتهن بيقلين ياسر رجعت تسمع سكته .

عاتقه : يوووه ياختي مانا قد شجنن آح ولا داخل بس شكل ياسر قد بيحب واحده من بنات الجامعه ويعلم الله بنت منهي مشتيش يتعلق بها ومايرضوش قذا بتبسري حالتنا بيندبدب ع مصاريف جامعته ..

روحت سميه وأمل حملت تهزرها لاغرفتهن تقلها من موظوع الخطيب وهي خازيه .

سميه : يهي يهي أنا فدال الحريوه حقنا بتخزوا ..

أمل : هيا لكن والله ماكن أزد أقلش حاجه بعدا أنتي داريه ان ياسر بيحب وحكت لها ..


فوق الغداء ....

علي : هيا كيف الجامعه ياياسر بتقروا سوى أنت وهاني نشتي مهندسين بإمتياز وأنت يا أبراهيم وسميه نشتي مجموع أنتوا شهاده ..

عبدالله : واحنا اسألوا علينا ولا حن أحنا أعلام مانخارجش ..

علي : ههههه أنت الله ينور قلبك راكن مامعي هم غر هولاء المهافيف ..

سميه : أنت رجال وسيد الرجال ياعبدالله هو غر الباقي بدل مايدخلوا يقروا دخلوا يبسروا مطلع لما تكتسر رقبتهم إن شاء الله وقامت من فوق الغداء ...

ياسر: دكم هاني مالها هذه المهفوفه من تقصد تقل انا أو أنت .

هاني : والله ماعلم مابتتمجنن هذه خبلا محد يعتب عليها..

ملاك : جالسه بتذاكر وحسها عند تلفونها بتجابر نفسها ماله مارسلش شكله زعل مني لما قلتله ملاكك 😱 امممم أيوه شارسله ياسعم أسأل كيف أمه (حبيت أطمن كيف قد خاله ).


ياسر: مخزن مع العيال إبسر تلفونه وأبتسم ورد(تسلم لي العسل الي بتطمن ع خالاتها قال الدكتور قد عندهم ضغط وسكر والمراره ..

ملاك : ( الله يشفيهم يارب ويخليهم لك ).

ياسر: ( ويخليش لي يارب يا أختى ورسل لها صوره غمزه 😉..

🎈34 🎈




عبدالله : هيا ماقد معانا يا أبتسامات .

هاني : ياخي يعلم الله ماحكايته من الصبح وهو هكذا وهزر التلفون من يده ..

ياسر : هاني بطل خباله والله لو ماتديه لأقوم أرحلي ..

هاني : هاه خلاص إشبحه شكلك ضايقت صدق محد يصافدك .

ياسر: أيوه لاحد يصافدني وشل تلفونه وجلس مقفي ..

إبراهيم : بيحاكي عبدالله دلا هذا شكله بيحب واحده من الجامعه يعني باقي لي سنه وأحب ساعه هههه ..


عبدالله : أنت غر ذاكر سوى ياثالث ثانوي وبعدا إسهل .

ملاك : يووووه ماهو هذا ماينفعش أراسله عيقل عليا بنت صايعه وماكرهن رسلي أرد عليه خلاص ماعاد شارسلش أبدآ ونزلت ..

نجلاء : خلاص كلشي جاهز يعني قد عتفلتوني .

سامي : باقي يأكدوا لنا التاريخ بس .

سمير: هيا أنتوا قلتوا مابلا ندرس في أمريكا مانا لو عتزعلوا شجلس ماعاد شاسيرش .

محمد: لاتصدقش أمك مستقبلكم أهم وبعدا كما قد هي فاقده لكم ماعتبسروها إلا عندكم قد خليت خالكم استأجر لكم شقه لاتجلسوش في سكن الجامعه أمد مايلقى شقه حاليه نشتريها ولاتهموش التنظيف والأكل قد عتجي أخت الشغاله حقه تطبخ لكم وتنظف قد رتبت لكم كلشي أشتي توقعي غر رجال وترفعوا راسي ساع ملاكي ماشاء الله عليها متفوقه من صغرها تكمل الثانويه وتجي تكمل جامعتها عندكم .

ملاك : وأفلتكم ماعه شاموت رجلي ع رجلكم .

محمد : ههههه قلك عتموت عادحنا عنزوجش سعم عتجلسي عندي طول العمر.

ملاك : أنا ماشتزوجش أبدا

نجلاء : ناهي يا ماعتتزوجيش لوتبسري كم قد يشتوش قد صاحباتي بيدحسين يشتين يخطبنش ..

محمد: ولاقد تفتحي الموظوع مع أحد عاد ملاكي جاهله كما تمت جامعتها لنا خبر .

نجلاء : وأنا قد بينقلهن هكذا عاد بنتي جاهله ..

ملاك : بابا معي طلب ممكن بس مفتجعه من ماما عيصيحوا .
نجلاء: ومدام داريه شاصيح ليش تتطلبيه ولا علشان بابا يخليش أنا ماليش احترام .

ملاك : ماسخاني أنتوا روحي من بيدلعني هذا الدلع كله إلا أنتوا وبابا ومعيشين لي أميره بس قلت لأني شهاده لو سميه تكن تجي نذاكر جمعه لأنه به مواد قدهي شاطره فيهن قووى بيذاكر لها أخوها هاني وابن خالتها .

نجلاء : عندي لش مدرس وخلاص عادنا بينقل شاسالش لوتشتي هذا السنه ..

محمد : اسهل تجي حيابها لكن المدرس أحسن قدهو يذاكر لكن جمعه ..
نجلاء : اسهل تجي مدام وهو في مصلحه مستقبلش قد طرحتوني امام الأمر الواقع من حن سجلها بابا معش ..

ياسر : بيداعي أمه هيا أمه كيف قد أنتوا هيا نروح شرق .

سوسن : أمك ماعتروحش شاخليها عندي لماتفتهن وأنت سير ادي لكم لده مافايده تكن تروح كن سير انت وهاني الجامعه .

ياسر: علي مايشتوا .

ملاك : بتتصل لسميه ألوو سماسم بابا قالوا نبسر مدرس يكن يجي يذاكر لنا عندنا فالبيت .

سميه : خراطه يله عيس ياملاك علشان ندي مجموع .

ياسر : سمعها بتحاكي ملاك فالتلفون سنب عند الباب سكته لما كملت قلها ماهو ياعيس ماقد معش انتي وبنت عمش مزقرعه .

سميه : مادخلك أنت غر خليك عند القمر حقك .

ياسر: تفاجأ افتجع لاقد ملاك قالت شي لسميه قمر مه ياسميه ماهو ماقصدش مافهمتش .

سميه : ببتحاكى بغرق أنت أخبر حبيبتك الي فالجامعه الي قالوا خالتي .
ياسر : تنهد وضحك ههههه الحمدلله فجعتيني ياخبلا تخايلي مدرى مابه هذه خالتش قد بتربش والله مامعي بنت فالجامعه ولا قد ابسرت واحده .
ذلحين مامعاكن مزقرعه ...

سميه :بفرحه قل والله مابه بنت ..

ياسر: بطلي رفاس قلنا مابش مالش ذلحين .

سميه : حكت له ع موظوع المدرس .
روح يدي ملابس لأمه وضابح فالطريق مسك تلفونه ورسل لملاك ( مابش معي مدرس رجال يجي يدرسكم ياقمر وتجلسوا معه).



🌹meme-abdalgaleel

🎈 35 🎈




ملاك : ماله هذا مادخله هذا أكيد سميه قالت له أخوتي الصدقيين ماقالوش هكذا وهو أخي من أمس ويشتي يتحكم بي أنا أصلا اديت له وجه المفروض كنت أطنشه .

سميه : قالت لأبوها ع موظوع المدرس وهم سامرين ..

علي : الصدق محمد أخي قد بيحرجني قوي مايكفيش مصاريف مدرستش والتلفون الي اشترالش انتي وأمل زد ذلحين مدرس .

عاتقه : مايقع يا اخي علي هو أخوك ريت والله وأعموم ياسر ساعه ولابينهم مصاريفه هم وهم بيلعبوا بالزلط لعب هم وسيده سعم قدهم متجملين حن مجلسين لنا عندهم في الطرحه النازليه .

سوسن : صدق ياعلي لو تحاكي أخوك محمد لو يبسر له وظيفه عنده فالشركه يعاون نفسه ع مصاريف الجامعه .

أمل : أيوه يابابا صدق ابسروا كيف قد خاله مريضين من كثر البرقطه .

علي : والله ماقلكن إلا كل خير شابسر .


ياسر: بيلوم نفسه ليش أقلهاهكذا ذلحين مادخلني ذلحين ماعتقل عليا مالي تخيبلت ذلحين لاعد تحنق مني رسلها ( أنا آسف مادخلش افعلي الي تشتي بس لو هي أختي ماشاخليش رجال يدرسها بس أنتوا يمكن عندكم عادي يافري ).

ملاك : اوووف منه ماله هذا أحسن حل أمسح رقمه وبس .

ياسر : مالها هذه ماترد شكلها حنقت صدق أزيد أجرب ( ملوكه خلاص آسف ) .

ملاك : غلقت تلفونها ورقدت .

علي : ألو مساء الخير كيف أخي.

محمد : سلمك وعافاك كيف أنت .

علي : ياخي للمه الشغله بتحرجني هكذا بتقلي سميه ع موظوع المدرس يكفي مابتفعله .

محمد : ليش أو مشهي سميه بنتي غثيتني الصدق بدل ما تأمر وتتشرط أنت أبي بدل أبي الله يرحمهم .

علي : مايأمر عليك ظالم غر قلت لو تذكر ياسر أبن عديلي الله يرحمه لوتبسر له لابه عمل عندك يعاون نفسه ع مصاريف الجامعه بيدرس هندسه ماقد حاكيتش ولا قلت أول أسألك .

محمد: هاه قصدك ياسر ماشاء الله عليه قدهو هندسه كم كنت أتحيلالا له من جهله عرفت عاتقه تربي هيا معي فكره مدام وهو هندسه أكيد شاطر ..

علي : أيوه ذكي ماشاء الله أدى 93 مجموعه
قالوا عيدوا له منحه ولاسبر شي .

محمد : هيا مارأيك لو نخليه نجي يذاكر للبنات قدهو نأمن عليهن معه قدهو من البيت والي عنديها للمدرس نديها له .

علي : والله انها فكره خلاص شابسره واردك خبر مشو داري اني شادورله عمل غر رحمت أمه قدهي مريضه قلت يعاونها .

محمد : تمام وردني خبر مع السلامه .

🎈 36 🎈




ياسر: ماسك تلفونه بيرسل لملاك بيعتذر منها لأنها ماعد رضيت ترد عليه .. بيحاكي نفسه أنا أخبل بدل ما أحاول أتقرب منها خربت الدنيا .


علي: مارأيك ياياسر لو نبسرلك عمل بكم تعاون أمك في مصاريف الجامعه حرام تجلس تخيط وقدهي مريضه .

ياسر: مكره ياعم علي لاكن من عيرضى يشغلني عنده وأنا بينقراء مانا مكره أعاونهم .

علي: تشتي الصدق أنا قد حاكيتلك محمد أخي يبسرلك عمل عنده وقال تمام .

ياسر: إقتلب وشه وطنن وقال في نفسه يوووه مالقيتوا لي عمل إلا عنده .

علي : ييييه مالك طننت هيا ماقلت ذلحين قلنا تدرس ملاك وسميه خصوصي مارأيك ..

ياسر: إبتسم وقال هآه ماهو أدرس ملاك وسميه أيوه أيوه أكيد موافق 😁.

علي: ههههه ومالك زقرعت هكذا.

ياسر: ارتبش وعس راسه بيده هآه مابلا فرحت انه عمل ماعيأثرش ع دراستي .


في بيت محمد.....
محمد: خلاص لقينا لملاكي من يدرسها ياسر ابن عاتقه أخت سوسن مره علي قدهو نأمن عليها معه معروف ونكسب فيه أجر قلت شدفع له زياده ع المدرس قدهو نعاونه مارأيش ؟

نجلاء : هآه عرفته الي كسر رجل ملاكي لاكن لو نبسر مدرس أحسن لو مايفهمهاش سوى مدام عادهو طالب .

محمد: قالوا ذكي وبيذاكر لسميه وإحنا نجرب إن فهمت منه ماشي سبرله أي عمل عندي.

نجلاء : خلاص قد أنت أخبر..

ملاك : فالمدرسه ياسماسم لاتتأخريش عيجي المدرس الساعه4.


بعد العصر.....

ملاك : كملت تتغدا وطلعت تتجهز لبست بنطلون جينز وبلوزه طويله لاعند الركب مرسوم فيها ورود وردي وطرحه بيج ع وردي وجهزت كتبها .

ياسر: تحمم وبدل وفعل لشعره جل وتعطرجالس قبال المرايه ساعه وخرج من البيت ذكر تلفونه نسيه رجع يديه وزد دخل يتمرى مع الطريق 😉.

ملاك : ألوو سماسم هيا أين أنتي؟

سميه: قدنا فالطريق بس أتأخروا بابا بالسياره ساروا يسألوا ع واحد يشتي يخطب أمل شاجابرش لما أوصل .

ياسر: وصل بيت ملاك بيحاكي الحارس يدخله إنه المدرس حق ملاك ...



🌹meme-abdalgaleel

🎈 37 🎈





في بيت علي ....


سوسن : هيا مه مافعلتوا؟

علي : والله ماقلش إلا كل خير كلهم بيشكروه وبيقلوا رجال محترم مصلي وإبن ناس .

سوسن : يعني قدك موافق.

علي: مبدائا موافق لاكن الرأي الأول والأخير لأمل .


ملاك وسميه طالع في غرفتها بيتجابرين ع العريس حق أمل.

الشغاله : ملاك ياملاك المدرس وصل.
ملاك: دخليه الصاله وأديله عصير وكيك لما أنزل .

ياسر: دخل وبيتفرج البيت آآح بس صدق برنسيسه وهذا قصرها ..

الشغاله : دخلت عصير وكيك لياسر قالت له ملاك عتنزل بعد شويه .


علي : إدعي أمل نبسر مارأيها.
سوسن: سارت تدعيها.

أمل: هاه بابا قالوا ماما أجاوبكم..

علي: جبر القمر حقنا ماشاء الله كبرتي وقدنتي عروسه مارأيش يابنتي به ناس تقدموا لش وأنا سألت ع الولد ومابش عندي أي اعتراض عليه لاكن الرأي رأيش ..

أمل: خزيت وحمرت وطت وشها وقالت ع ماتشتوا وقامت.

سوسن : ضحكت كان ماذلحين أتصل لأختي تقيه أقلها موافقين يرسلوا الرجال.

سميه وملاك نزلين : دخلت ملاك الأوله وسميه قفاها ...


ياسر: كان بيشرب العصير إبسر ملاك سنب وجلس متسمر والقلص في يده مبتسم .

ملاك : إبسرته بإستغراب وساكته.

سميه : ههههههه ياسرج ماجاء بك قالوا لنا المدرس جاء مش أنت.

ياسر: خزي إبسر ملاك وقال عفوا أنا تخايلي أن عندكن خبر أني شادرسكن أنا بس عادي لو وجودي ضايقكن شاروح وبيلفلف ورقه يمشي ..

ملاك: لا عادي يا أستاذ ليش نتضايق أهم شي نفهم شرحك .

سميه: بتضحك فارحه ان ياسر عيدرسها وتجلس معه كل يوم إطمني ياملاك شرحه يجنن قووى مابينفهم إلا منه .

ملاك : ساكته جلست فوق الكرسي وفتحت كتابها .

ياسر: بيبسر ملاك إن شاء الله تفهموا مني أي ماده تحبي نبداء .

ملاك: ماتفرقش معي .

ياسر: حاسس ان ملاك عادها زاعله منه بعد الرساله وتضايقت من وجوده حاول يلطف الجو ذلحين الي عتفهم أسرع وتحل الواجبات شاكن أديلها طرزان وغمز بعيونه لملاك.

سميه : طرزان أبو عشره ياحاذق شاكن أشتريه لك أنا مابلا تدي جعاله ساع الناس .

ملاك : طبعا ساكته ماردتش عليه وقالت لسميه خلاص ممكن نبدأ الدرس بدل مانضيع وقتنا ع الفاضي .

ياسر: ضبح منها تمام يا أخت ملاك .


سوسن: ألو تقيه كيف أنتي ياختي.

تقيه : حيا حيا هيا مه بشريني ماقالوا فرحي قلبي .

سوسن : الله يفرح قلبش ماذلحين لاهم عيجوا الرجال حيابكم يرحبوا.


محمد: اتصل لنجلاء تنزل تبسر البنات وكيف ياسر عادهو أول يوم يجي علشان يطمن ...

نجلاء : نزلت هآه بنات كيف ان شاء الله فهمتين كيف مستواهن يا أستاذ ؟

ياسر: ماشاء الله عليهن ذكيات بس مدري ملاك عجبها شرحي أو لا لأنها ساكته .

نجلاء : هاه مامي فهمتي منه .

ملاك : إبسرت أمها ماقد بدأناش في مواد صعبه علشان أحكم بس مبدائا تمام.

ياسر: متضايق من إسلوب ملاك .. وابسر نجلاء: احنا كملنا اليوم بكره شاشرح لها أي ماده صعبه تختارها علشان تقدر تحكم وتقرر أذا تشتي أكمل أدرسها .. هيا سميه أروحش معي لأن أمي عندكم شاسير أديها ..