🍓
45
🍓


رهآم وعبدالعزيز: في المطار مراعيين لموعد الرحله ..

رهآم: 😃 جالسه فوق الكرسي ..يووه كم قدنا فارحه شابسر أهلي وأطمن ع أبي ..


عبدالعزيز: مسنب جنبها في يده الجوازات.... تصدقي لو أقلش كان يكتسر رآسي لما يتصلي أبي أجي صنعاء وبالذات لاقلي أجي أصوم ..


رهآم: مستغربه ...😳ليش .. أحد يضبح لما يسير عند أهله ..


عبدالعزيز: ضحك هههه وأشربيده لاعنده أنا 😁 ههههه بس هذه المره فارح اني شاسير وحبيبتي ومرتي معي أجواء رمضان عتكون غير معاها ...


رهآم: هذا بيداعوا رحلتنا صح ..


عبدالعزيز: أيوه يله مسك يدها ودخلوا ....


..........



سلوى: فالمستشفى فاقت ذكرت ان زوجها مات صاحت وبكيت وينوووووو عااادل شلوني عنده إشتتتتتي زوووجي وبتهزور المغذيه من فوقها تبعدها تشتي تقوم 😭.


مريم: كانت عندها فالمستشفى بتهديها وتمسك يدها قوى يا أختى اذكري الله وسارت تدعي الممرضه ...



الممرضه: دخلت فعلت لها إبره مهدئه 💉..



........


هناء : يوووه ياعمه مازيد أفعله من أول بيبكي قد إديت له فاير وحليب نيدو ولاسكت ..


نجات: مربطه رآسها 😱 يوووه يابنتي إسلمي تعبناش إسكه اديه أبسره لاهي بطنه وقلي للشغاله تفورله يانسون لما نبسر أمه قد عيخرجوها ظهر مسكين يشتي حليب أمه ....


هناء: تمام حاضر اوذا شديله وأنتوا اقربوا اصتبحوا ماقد اكلتوا شي من امس ...



نجات: مازيد ماقدرت أكل شابعه .. ذكرت يوووه نسيت سمر من أمس مازد إبسرتها إبسرتي ع ربشه ...


هناء: إطمنوا قد صبحتها وخليت السواق يشلها بيتنا عند البنات بدل جلستها هانا بين الموت والجنان ...





.........


أروى: قامت جهزت صبوح وخبزت دافي وقيمتهم ...



سيده: يووه ماشاء الله ع مره إبني إسلمي ...


عبدالله: دكم سيده كيف لها قدهي طيبه هكذا ....

سيده: الله يهديها .ودخلت تقيم سامي ..



عبدالله : أينهو وليد قيميه يصتبح ..



أروى: قد صبحته وخرج العمل ...




......


رهآم:.فوق الطياره مفتجعه مطبات هوائيه ✈..



عبدالعزيز: بيضحك عليها ويمسكها 😃.



@qesasanani

🍓
46
🍓


فوق الصبوح ....

أروى: بتفكر كيف توصل العمل لرهآم 🤔 ياعمه مارأيش لونشتري حاجات من حق رمضان وحوايج ونرسلهن لرهآم ..


سيده : والله إنه صدق حلا حن ذكرتيني مسكينه أول رمضان عتصومه وحدها وغربه ومابش معاهم من أكلنا ذكريني غطوه نخرج نشتري ..



سامي: قلبه بيفور ❤ ع موضوع الزلط ومستغرب من تغيير أروى ... إبسرها أروى كيف لوما لقيتي زلط في جيبي ..


أروى: كنت بينتفقد الجيوب قبل ما أصبن ولقيتها ...


سامي: إبسرها بنظره شك😯 ومن أيحين بتصبني لداتي ..


أروى: إفتجعت وقلبها دقها
❤ بسرعه ارتبشت هآه قلت أعاون عمتي ..و غرفت طاسه مطيط وطرحتها لعبدالله هآه عم إشربها دافيه .



سامي: إبسرها مربوشه شك فيها والله إنه شكله أنتي بس من عيثبت عليش 🤔..




.........



سلوى: وصلت البيت مع مريم دخلت من الباب ذكرت عادل لما كان ممدد وهو ميت اطرحت ع ركبها تبكي 😭😭..



هناء: حملت تمسكها وبتقيمها .. قوى ياختى مابلا إمسكي نفسش حرام عليش إبنش تشتي تموتيه ماقد سكتش من أمس ..



سلوى: وينهو إديه لاعندي ماعد معي أحد في الدنيا إلاهو بعد أبوه 😭😭..


الشيخ ناصر: ع دخلته سمعها ... مسكها وحضنها وإحنا أين سيرنا تقلي هكذا وعاد أبوش وأمش فالوجود ...


سلوى: الله يحفظك ياأبه ويخليك لي قد شكل قلبك كان حاسس فعلت لي غرفه ولإبني عندكم ...



الشيخ: وأديلكم عيوني وأزيد أسمعش تقلي هكذا مره ثانيه مسكها ودخلها ....



مريم: بتتصل لزوجها إن قد روحت من المستشفى يدي لها لده عتجلس في بيتهم لابعد المووت ..



........

رهآم: بتنزل من فوق الطياره بتشم الهوآء .. الله محلا شم صنعاء ..


عبدالعزيز: ضحك هههه بيحانكها كيف شمها حلبه 😉.


رهآم: خعغته يووف منك يالقانه هههه أقصد شم الهواء حقنا ثاني ..



عبدالعزيز: بيضحك ههه قلك ثاني انزلي سوى عتتكحولي قدش دبه ماعد أحد عيعرفش 😜.


رهآم: هن 5كيلو سعم مدرى كم ...


عبدالعزيز: 😱 5بس هيا إنزلي إنزلي عيكتسر السلام هههههه ...




@qesasanani

🍓
47
🍓



أروى: رفعت الصبوح ودخلت تتصل لأمها ... هآه أمه خلاص عنشتري مصروف وحاجات لرهام ونرسلهن كيف أفعل به ..

أم أروى: هي قالت تسكبي الحاجات الي ادتلش بين أي شي أهم شي تأكله أو تشربه ...

أروى: خلاص مارأيش هي يعجبها الشفوت قوي مارأيش أشتري لها حوايج شفوت جاهزه وأفعلهن بينهن ..


أم أروى : أيوه تمام .. يله خاطرش أبسر مره أخوش هذه البده ماقد كملتش تصبن ...

أروى: أيووه إشحطيها وخليها تزيد تنفض البيت قبل رمضان ..


.............


سلوى: مطننه 🤔 في الديوان والنسوان بيجين يعزين ..


مريم: في غرفه أحمد هي وهناء .

هناء: جبره محلاه ماشاء الله كيف هجع بعد مارضعته أمه هجع ورقد ولا بكاء واصل من أمس ..


مريم: يووه ماقرب الموت ياالله سترك كيف قد بينهم سمعت زوجي قال أبي قد رسل رجال ومرافقين مسلحين ومتحلفين يشلوا ثار عادل يعني عندخل في جنان ومشاكل ودم ..

هناء: 😱 يوووه وأنا بينقل مالهم الرجال هذولاء كلهم قبايل متغديين ..


مريم: الله يستر ويحقن الدماء قالوا جاء الظابط وأبي رده قله ماباش لحد عندنا دم ..


هناء: يعني عمي عيشل دم عادل بطريقته الله يستر ويلطف ...


........


رهآم: فوق التاكسي .. لو اتصلنا لأحد يجيلنا انه أحسن ..


عبدالعزيز: خليها مفاجئه أحسن يبسرونا قدامهم ..

.....


حفيظه: بتدقدق الباب ..

سامي: فتح الباب هآه أمه جاوبي خالتي حفيظه ..

سيده: كانت عند عبدالله بتساعده يبدل لداته قلها تدخل أمد ماتم ..


أروى: حملت لاعندها يووه حيا حيا إدخلي أمد ماتجي عمتي ..


حفيظه: مستغربه 😳
في نفسها يووه صرفوا منين شرقت الشمس قدهي مأدبه ..


سيده: هآه أختي كيف أنتي سامحيني كنت عند عبدالله ..


حفيظه: إسهل يا أختي غير قلت أجي لاعندش أبسر قدش داريه إن زوج سلوى أخت عبدالعزيز قتلوه أمس .



سيده : 😱 يووه ياحافظ ياحفيظ هيا راعي أنبي ع عبدالله يسير يعزي وأنا ألبس وأجي معش ..

أروى: صاحت لهن راعين لي شلبس بساعتي شاجي معاكن ..



🌹meme_abdalgaleel


@qesasanani

🍓
48
🍓



عبدالعزيز ورهآم وصلوا بالتاكسي للبيت 🚕.

عبدالعزيز: إبسر نسوان داخليات وخارجيات من باب بيتهم إستغرب 😳 مابه معانا ..


رهآم: لفتت له بإبتسامه 😊 يمكن لاهم أمي نجات ولا البنات معاهن عزومه ..

عبدالعزيز: ضبح 😤 يووف عتخرب المفاجئه كان نفسي يبسرونا قدامهم ..


رهآم : خلاص مارأيك جي نسير بيتنا للعشي .

عبدالعزيز: مع خلاص قدنا تاعب والكل ندخل نرتاح قد ركبت شريحتي شتصل لمريم أكيد هانا تفتح لنا الباب حق البدروم ونطلع جناحنا ..


هناء : بتداعي مريم كانت داخل ... مريم يييه وبتأشر لها تلفونش بيرن 📱أخي1 .


مريم: بتأشر لها بيدها جاوبي ..

هناء: ردت وهي خازيه ☺الووو ..

عبدالعزيز: هآه مريم كيف انتي أنتي عندنا ..


هناء: سمعت صوت عبدالعزيز إرتبشت وحست قلبها بيدق بسرعه ❤ هآه أنا هناء مريم عند النسوان ..


عبدالعزيز: هآه هناء كيف أنتي يله عيس إنش جاوبتي أنتي ..

هناء: فرحت 😃 في نفسها معقول فرح إنه سمع صوتي ..


عبدالعزيز: إسمعي أنا ورهومي جينا احنا خارج نشتي نفعلها لهم مفاجئه وعيس جاوبتي هبا إفتحي لنا الباب الخلفي نطلع جناحنا ..


هناء: زعلت فكرت إن عادهو بيفكر فيها تمام 😔 وسارت تفتح لهم..




الحارس : إبسر عزيز بينزل من التاكسي 🚕 حمل يسلم عليه وبينزل الشنط ..


عبدالعزيز: إرجع دخلهن بعدا مش وقت ذلحين وبه نسوان وين أبي مخزن هانا ..


الحارس : تخايله إنه جاء علشان الموت مشو داري إن عبدالعزيز مش عارف .. مع هم فالقاعه الرجال ..




عزيز ورهآم : دخلوا من وراء البيت ..


هناء: فتحت مراعي لهم فالباب 🚪.




رهآم: دخلت الأوله بتسلم عليها ..

هناء: بتسلم عليها وتتفرج عزيز قفاها بيدخل ..

عبدالعزيز: مد يده بيسلم عليها كيف بنت عمي .. مالش لابسه أسود ..

هناء: مقهوره لما إبسرته ماسك يد رهآم ... كان ماألبس فستان زفاف وهو موت ..😠 ..


عزيز : أيييييش مووت 😳 من مات ..


هناء: حست انه مش داري همت كيف تقله إرتبشت ..

عزيز: بعصبيه 😡😡😡 يييه من بينحاكي ..

رهآم: حبيبي بس إهداء راعي ..

هناء: عادل زوج سلوى قتلوه في الأرضيه الي بيتشارع عمي ..


رهآم : 😱 يووه مسكينه سلوى ..


عبدالعزيز: شطلع ألبس بسرعه وأسير لاعندهم وأنتي إدخلي عند النسوان ..




أصعب موقف لما يوصلك خبر موت قريب فجاءه فعلا صدمه 😱 ...



@qesasanani

🍓
49
🍓



رهآم: دخلت مع هناء لاعند النسوان ..


حفيظه: دكمت سيده هذك بنتش الي دخلت من الباب أو بيتخايلي ..

سيده: بتتبسر يووه 😱 إلا رهآم اقوم أبسرها جت ولاتقلنا ..


مريم: بتسلم ع رهآم .. حمدلله ع سلامتكم ليش ماتقلوا لنا ..


رهآم: كنا نشتي نفعلكم مفاجئه وصلنا ع هذا الخبر مسكين عبدالعزيز زعل قووى ..


سيده: ع خرجتها لاعند رهآم سمعتها .. رهآم كيف انتي ..


رهآم :حضنت أمها وبتبكي 😭 إبسرتوا ع مفاجئه وقعت لنا سافرت رجعت وقد أبي مريض وزوج سلوى ميت ..


سيده: الله يرحمه وأبوش الحمدلله لاتقلقيش عليه إوذا سار يعزي والكل ..


أروى: إبسرتها .. فرحت 😃 يووه الحمدلله جت برجلها لاعد تخسرناش مصروف ورسال سارت تسلم عليها ..


رهآم: شدخل أسلم ع أمي وسلوى ..


سلوى ونجات : في الديوان عند النسوان .. .




رهآم: دخلت قربت لاعندهن بتسلم وتبكي ..


سلوى: حظنتها وين أخي اشتي ابسره .


نجات: من قلكم يابنتي قد تحريناهم لحد يقلكم .



رهآم: احنا جينا نفعلكم مفاجئه وقعت لنا إحنا مفاجعه .. قوومي ياسلوى ادعيه تبسريه قبل مايسير عند الرجال ..




رهآم: طلعت تدعيه قدهو بيلبس الشال ..

سلوى: إبسرت وقرحت بالبكاء 😭 شلوه عليا يا أخي كسروا ظهري قتلوا عادل ماعد بش معي ظهر .

عزيز: دمعت عيونه حضنها بس ياأختي إدعيله بالرحمه أنا مملوك لش ولو لش روحي لاديها لاعد تقليش هكذا أنا سندش وظهرش ..



رهآم: بتبسرهم وتبكي ..


عبدالعزيز: نزل وسلم ع أمه بسرعه فالدرج وسار القاعه ..



..........


في القاعه : الشيخ تفاجأ لما ابسر عبدالعزيز ..


عبدالعزيز: سلم وجلس جنبه .. هكذا ولحد يقلي ..


الشيخ : قذا جيت ماكنتش اشتي نفجعك ..

عزيز: ماحصل بالظبط إحكيلي .



الشيخ: حكى له .

عزيز: الصدق انت غلطان تشتيها صميل سار زوج بنتك بسبتها ..


الشيخ: سعم شسكت ع دمه باقي غطوه نتم العزاء وعيبسروا منهو الشيخ ناصر ..


عبدالعزيز: إبسر صاحب قام يسلم عليه وبيتجابروا...




.........


أروى: جالسه جنب ريهآم .. أيووه جابريني كيف لندن وكيفو زوجش شكله مهني لش ومفتهنه إبسري كيف قدش دبه كم قد إشتريتي لش ذهب ..


رهآم: ضبحت منها 😤 بتبسري الناس في موت وانتي اين حسش .. قامت لاعند أمها شطلع غرفتي أفتهن شويه تاعبه من السفر قبل ماتخطوا اطلعوا لاعندي ابسركم لمايروح عزيز وأجي أبسر أبي ..




سيده: تمام يله إطلعي افتهني ..



حفيظه: ماشاء الله.شكلها مفتهنه معه إبسري ع قد وش معاها ماشاء الله زد فوق الحلا حلا ..



سيده: الله يسعدها ويحفظها ..




أروى: بتحرق في نفسها الله يشلها مفتهنه هكذا قلك يسعدها ...


@qesasanani

🍓
50
🍓


العشي ...


روحوا الشيخ وعبدالعزيز دخلوا يسمروا عند النسوان فاقدين لعزيز ويوالهوا سلوى شويه ..


عبدالعزيز: إبسر أحمد في يد هناء ماشاء الله هذا إبن سلوى ..


هناء: أيووه هذا أحمد الله يحفظه ..


عزيز: حضنه وبيبسر سلوى ماشاء الله محلاه ياسلوى إبسري محلا عيونه عسلي وشعره أسود وسيم قووى يشبهني صح 😜..


سلوى: تنهدت بحرقه يشبه أبوه الله يرحمه بس مسكين مازد إبسره لما يكبر ورجعت تبكي 😭😭..


الشيخ : هيا مه ماسدينا تشتي تحرقي زوجش بدموعش لكن يابنتي والله لأشل حق زوجش إطمني ..


عزيز: يا أبه به قانون ومحكمه هكذا عنمكنها ثارات.


الشيخ: 😡 مشو عليك يابن لندن تخايلك لاقد سافرت وتعلمت عتجي تعلمني مفعل ..

نجات : خلاص بس صلوا ع النبي ذلحين وأنت قوم شل مرتك بيتهم تبسر أبوها حرام تاعب ..


عزيز: يووه خفع رآسه ذكرتوني نسيت قد قلت لها تتجهز أول وبيداعيها .. رهوم حياتي ييييه رهآمي هيا حبيبي شاسبق للسياره ..


رهآم: طيب الآن شنزل ..


هناء: إبسرته بقهر وزعلت ع نفسها شلت أحمد وخرجت 😔.



.............



بيت عبدالله ...


عزيز: نزل كيس الهدايا في يده وبيغلق السياره 🎁.



رهآم: بتدقدق الباب 🚪.



سامي: فتح لها 😃 اهلا باختي بينقل مالها صنعاء نورت سلم عليها وع عزيز ..



أروى: سمعتهم حملت تدعي وليد يخرج يسلم ع عبدالعزيز ..


وليد: قلي مابحد انا إبردي ..


أروى : قووم يا أخبل المفروض تصاحبه قووى تستفيد منه لارجع إبسر لك وظيفه سوى ولا نفعك ..



وليد: قام لبس وخرج .



رهآم : دخلت للغرفه حق أبوها حظنته وبكيت لما إبسرت يده بتهتز واصل مايقدرش يحركها 😭..



عبدالله: للمه البكاء يابنتي هذا إبتلاء من الله له الحمد والشكر ..



سيده: شلت الكيس من يد عزيز ليش الشغله هكذا يابني مابش داعي ..



عبدالعزيز: مابش شي من قدركم وهذا الكيس لوليد ومرته والقمر حقهم ...



سامي: إبسر عبدالعزيز بيزبج أيووووه وأنا إبن البطه السوداء أومه 😡..


عزيز: ضحك هههه 😃 أنت هديتك ثانيه ومكنه كيس صغير في علبه قلم ذهبي ماركه 🖋.



أروى: الحمدلله هذه فرصتي أسير افعلهم عصير 🍹 شلت الحاجات الي إدت لها المره ودخلت المطبخ فعلته بين العصير لرهآم ..



سيده: حلا يابنتي قد سكبتي لهم قدنا جيه ادي لهم ..


أروى: اوذا شادخله لاتتعبيش ودخلته بتقرب لهم 🍹 ..



عزيز: مد يده يشل عصير ..


اروى: 😳
بفجيعه مع مع شل هذا الثاني فعلته بدون سكر ع مايعجب رهآم .




عبدالله: عصير مه هذا الساع حطوا من ايديكم سيرين قربين العشاء ..



رهآم: طرحته من يدها 🍹
صدق والله قدنا خاوره أكال أمي
..


أروى: 😤 ضبحت ناهي أشربي حتى شويه قد إسمي فعلته لاتكسفينيش ...


رهآم: إبتسمت 😊 لمانكمل نتعشاء هيا جاوعه ...


عبدالعزيز: بيتجابر مع وليد وسامي ..


رهآم: جالسه جنب أبوها بتحاكيه كيف لندن ....



أروى: ضبحت من رهآم ما شربتش في نفسها أنتي عتبسري والله لأخليش تشربيه غصب ولارضاء 😡 وسارت تجهز العشاء..





الله يحفظش يارهآم من شر أروى قولوا آمين ...



@qesasanani

🍓
51
🍓


كملوا يتعشوا ....


أروى: قامت تدي العصير 🍹 لرهآم تشربه ..


عبدالعزيز: إبسر الساعه يووه تأخرنا هيا رهامي نخطى ..


عبدالله: شويه إسمروا عندنا ..


عبدالعزيز: نروح نفتهن من حين ماوصلنا من المطار ع خبر الموت ماقد إرتحناش ..


عبدالله: كان الله يعينكم لاتغيبوش علينا ....


رهآم: ماذلحين يوميه عندكم ماعنسافر إلا بعد العيد ...


سيده : بتودعهم للباب ..

أروى: حملت بالعصير هآه رهآم اشربيه 🍹..


رهآم: قدهي في الباب من خارج .. يله إسهل مره ثانيه قدهو شرق علينا إسلمي ...



سامي: شله من يدها إديه شاشربه أنا ...


أروى: هزرته منه بفجيعه ... ماااع وحملت به للمطبخ تسكبه ...



سامي: إستغرب من تصرفها لحقها إبسرها بتسكبها طنن 🤔 مال هذه تصرفاتها أخر فتره ماعجبتنيش يعلم الله ماقد معاها إشتي أحاكي رهآم ...



...........



بعد إسبوع كمل العزاء الأهل عادهم بيجوا العصر ...



هناء: بتوكف لداتها تروح ..


سلوى: يووه أين عتسيري قوى ياهناء أجلسي بتوالهيني العشي بعد ماروحت مريم ..


هناء: جاوبتها بحرقه 😢 والله ماعد قدرت أصبر بينبسر عبدالعزيز كيفهو هو ومرته ويقرح قلبي مراعيه له وهو عايش حياته سامحيني ...



الشيخ : بيداعي ... يانجات قد دخلوا الحاجات الي إشتريت لرمضان جي إبسريهن مابه ناقص وأنا أسير الاعب حبيب جده ..
ع خطيته لغرفه أحمد سمع مجابره سلوى وهناء عرف إنها كانت بتحب عبدالعزيز ...




..........


أروى: بتتصل لأمها يا أمه ذلحين كيف نفعل الصدق قد شجنن لو تبسري الهدايا الي إدت لنا يعلم الله بكمهن حتى فساتين سندس كلهن ماركات ...



أم أروى: أكيد عتجي تتعشى عندكم باقي لرمضان يومين زيد إسكبي الباقيات في أي شي وأنا شاسير لاعند المره تزيد تفعلنا عمل مكتوب وانتي اتصرفي وسيري بيتها افعليه في غرفتها ...



أروى: خلاص تمام سيري اليوم قوى ...



..........



عبدالعزيز: نزل هو وريهآم بيداعي سلوى هيا أختي إلبسي نخرج نفعل لفه تغيري جو من حبسه البيت ...


نجات: يوووه يا ابني مايسبرش هي موجله مايسبرش تخرج إلا بعد 4أشهر ..



عبدالعزيز: سعم إنهي عتخرج ترقص تغير جو بس ..


نجات: مع مايسبرش ياإبني عاد به نسوان بيجين يبدين علينا ...


رهآم: خلاص عادي ممكن نخرج أحمد ياسلوى معانا ..

الشيخ : أيووه جي له حالي يشم هواء يغير جو .


نجات: هنيت لك ماقد عيدرى بتغير الجو عادهو إبن 3أشهر ...


الشيخ: جي إبسري الأجانب كيف بيخرجوهم عاني اوذا إبنش عندش إسأليه وبعدا ماعليش هذا حبيب قلبي والله لأخرجه أنا ..


عبدالعزيز:بيمزح 😉 يهي يهي واحنا ماعتخلي لعيالنا قدهو حبيب قلبك ..


الشيخ: خليهم يجوا وبعدا إسهل زادين عليك خواتك واحده إبنها جنبها والثانيه في الطريق وانت أيحين ..


عبدالعزيز: إبسر رهآم وضحك 😃إحنا نشتي نرتاح شويه عاد القمر حقي صغيره إشتي أدلعها خيرات وغمز لها 😉.


رهآم: خزيت وطت رآسها ☺..



هناء: مسنبه باب الغرفه سمعته وإقتهرت ...😔..




.....


@qesasanani

🍓
52
🍓


اليوم أول يوم في رمضان ..



طبعا الأجواء روحانيه والصبح هدوء الناس رآقدين ..

عبدالعزيز: بيتقلب بيقيم رهآم هيا جاوع إشتي صبووح ..


رهآم: بتبعد يده واقتلبت اوووف إشتي أرقد قوم اصتبح وحدك ..


عبدالعزيز: ضحك هههه 😃 رمضان رمضان ياصبوح قومي هيا قد أذن ظهر قومي نصلي ونخرج نشتري رواني وشعوبيات قدنا خاور رمضان صنعاء ...

رهآم: يووه منك يالغجه 👊🏻 وقامت تصلي ..


ع نزلتهم ...


نجات: فوق السجاده لابسه لداه الصلاه بتقراء قرآن ..


سلوى: في غرفتها ذكرت رمضان الأول عادل معاها وهذا ماعد بحدهو بكيت 😭..




عبدالعزيز: قرب حب رآس أمه هو ورهآم ماتشتوا شي من خارج ..

نجات: ولاشي إسلم قد كل شي موجود .


عبدالعزيز: شاخرج سلوى معي لاتقلوا موجله ولانسوان حرام تغير جو ..

رهآم: سارت تدعيها فتحت الغرفه وهي بتبكي 😭 إقتهرت عليها جلست تبكي جنبها .


عبدالعزيز: فتح عليهن الباب يهي يهي إدي كرتون مناديل يله بسرعه مراعي لكن خارج وادي حبيب خاله معش ...



خرجوا يتمشوا وعبدالعزيز طارح أحمد في حظنه وكل شويه بيحاول يمزح يخفف ع سلوى ...




........


بيت عبدالله ....



عبدالله : في الجامع هو وسامي ..



سيده: في المطبخ بتجهز العشاء .. يابنتي قيمي زوجش قد عيأذن عصر وماقد صلاش ظهر ..


أروى: مارضيش وأنا مفعله هي سندس بتبكي من الصبح ماهجعتش ..


سيده : مالها أومريضه ..

أروى: أظاهر لاهي مفتريه حين قد بتتقلب قد شاسير العشي إبسر أمي وأخليها تعصب لها ذلحين مارأيش نتصل لرهآم تجي تتعشى عندنا ..


سيده : مع خزا عادهو أول يوم خليها مع أهل زوجها كما بعد يومين عنتصلها تجي تتعشى هي وعبدالعزيز ...




....
الباب بيدق 🚪..

سيده : هيا إفتحي قدهو سامي وعمش ..


أروى: معاهم داير قدهي حفيظه الهرمه جت عندش أكيد .. سارت تفتح الباب وإنها رهآم جت تبسرهم ..


سيده: حيا حيا هيا وينهو زوجش ..



رهآم: مراعي لي فالسياره هو وسلوى خرجنا نفعل دوره واشترينا شعوبيات ورواني جيت ابسركم وادى عبدالعزيز قسمكم..


سيده: للمه الشغله يابنتي لاتكنش تخسري زوجش ..

رهآم: والله انه من نفسه مابيرضاش خلاص شخطى شرق علينا سلمي ع أبي والعيال شاجي غطوه أبسره .


أروى: أيوه جي تعشي انتي وزوجش مراعيين لكم ..


رهآم : تمام إن شاء الله يله مع السلامه ..



أروى: في نفسها والله لاخرج لش الفهنه من نخرش انتي بتلوى وانا فالمطبخ بينفعل عشاء وزوجي راقد له مرقده 😡.


@qesasanani

🍓
53
🍓


وقت الفطور ...

صوت الدريس ملان الجوامع ..

عبدالعزيز: بيحانب رهآم بتقلي السمبوسه ..


سلوى: كانت بتعاون رهآم بيقربين مع الشغاله ..


سمر: في يدها تمر مراعيه يأذن قدهي جاوعه 😅..


نجات : فوق السجاده مراعيه للآذان بتقراء قرآن ...


الشيخ ناصر: في حضنه أحمد بيلاعبه 😊..



أذن مغرب قربوا كلهم يفطروا ..
🍲🍝🌯🍟
.


سمر: بتتنفخ أوووف تعب والله مازيد أصوم غطوه 😢..



عبدالعزيز: بيضحك عليها هههه 😃
خلاص كن صومي يوم أيوه ويوم ماشي ..


رهآم : كن افعلي ساعي وأنا جاهله كنت أدخل الغرفه اتخبى وأكل في ظلمي لايبسرنيش رمضان 😅..


عبدالعزيز: ههههه أنا كنت ادخل اتمضمض ياسعم وأشرب بعد لعب الكره ⚽.

كلهم ضحكوا ع رهآم وبيحكوا ماكان يفعلوا وهم جهال إلا سلوى مطننه بتتذكر زوجها ..



فجاءه سمعوا أصوات 🔫💣💣🔫.. قوووويه ..



نجات : يووه ياحافظ ياحفيظ ماهو هذا ..


عبدالعزيز: نزلين رآسكن بسرعه ..



سمر: حضنت سلوى بتبكي 😭.



الشيخ وعبدالعزيز: شلوا الأوالي وخرجوا مع المرافقين ....



النسوان : بيصيحين فوقهم يدخلوا ..



بعد 10دقايق ..


عبدالعزيز: دخل هذولاء أصحاب الأرضيه جوا ضربوا سعم بيهددوا ..


الشيخ : دخل وبيصيح 😡 تخايلهم إنهم قدي مشهم داريين إني شمسحهم من وجه الأرض ..



سلوى : حملت مفتجعه لاعنده قوى يا أبه يكفينا عادل إبرد من هذه الأرضيه والمحكمه تحكم ع القاتل ..


عبدالعزيز: صدق يا أبه كميا أراضي ونسير نبلغ ذلحين انهم جو يهددوا وقل للظابط إنهم الي قتلوا عادل ..


الشيخ: دعممهم وفي يده التلفون بيتصل ... الووه هآه ماشتي يطلع الصبح إلا وقد إبنه فالقبر وقد بتطلعوا الجدر ويجي يورينا شطارته سوى ويتهجم ع بيتي إذا مارسلت له طقم ذلحين يسحبه من نخره ويعلمه كيف يتطاول ع أسياده 😡😡..


نجات : الله يستر ويكفينا شر هذا اليووم ...



.......


وليد: يوووف ماهو هذا الجنان يوميه في بيتكم قري فالبيت شويه ...


أروى: بتطلس له وتدلع يوووه وعتسخى عليا رمضان أسير أبسر أمي هيا حبيبي وجي سلم عليها إبسرت زوج أختك جاء من الصبح وإدى لنا رواني كم وليد معي جبرني بحبيب قلبي ...


وليد: ضحك 😃 جبر الي بتحبني هيا قومي إلبسي أخطيش ع طريقي ..



@qesasanani

🍓
54
🍓



ثاني يوم الصبح ....


أروى: قامت محموشه دخلت المطبخ ...


سيده: قامت .. مسرع يابنتي قد قمتي ..


أروى: قلت أشرع أفعل البارد ونفعل أكل حالي قدلها رهآم خيرات من أكلنا وزيد زوجها عيجي نفعل عشاء سوى ...



سيده: إسلمي يابنتي نور قلبش 😃 شاخطى أصلي ظهر وأجي أعاونش ..


أروى: قيمي سامي يسير يشتري الحاجات الناقصه ..


سيده: يله تمام وأزيد أخلي عمش يتصل لعبدالعزيز يأكد عليه ...



.........



رهآم : في المطبخ بتجهز العشاء ..



نجات: إبسرتها يووه يابنتي قلتي عتسيري بيتكم مابتفعلي فالمطبخ هيا اخطي هآه ..



رهآم : ماسخيتش أقيمه إبسرتوا ع ليله معانا قلت لما يقوم من نفسه ..


نجات: ماقلش مافعلوا الله يخارجنا ويكفينا شرهم ..


رهآم: قال مرافقين عمي ظربوا ع الرجال وفالعنايه وقد بيسوروا الأرضيه والعسكر شبحوا الباقي ...



نجات: 😱 يوووه ياحافظ إحنا وهذا الجنان سعم انهم عيسكتوا عيمكنونا ثار ودم مانا داريه ماصنف له في هذه الأرضيه ..



سلوى: دخلت سمعتهن بيتحاكين فتحت عيونها 😳 مات أو عادهو ..


رهآم : قالوا فالعنايه . الله يشفيه ..


سلوى: 😡 عصبت فوق رهآم .. عادهي بتقل الله يشفيه قلي الله يشله ويحرم جهاله منه ساع ماحرم ابني من أبوه وجلست في القاع تبكي 😭..



رهآم : حضنتها بس ياسلوى كم جهدش بكاء هكذا تعب عليش حرام علشان ابنش وهو بيرضع ..


سلوى: بتخفع صدرها بيدها .... قلبي محروق محروق ❤ قتلوا زوجي وهو مافعل بهم شي هو سار يتوسط خير ...



سمر: دخلت وفي يدها أحمد .. سلوى أين انتي بيندورش أحمد بيبكي ماخلانيش أرقد ..

نجات: إديه وأنا شاصبحه خلي لأختش حالها ..


سمر: وأنا إشتي اصتبح قدنا جاوعه ..


نجات: قدش مره صومي سوى يله قلك صبوح مابش كنت في عمرش وقد بينصوم الشهر كله ..



سمر: بكيت 😭 وسارت تشتكي لاعند الشيخ سمعته بيحاكي التلفون ..



الشيخ : بيتكلم بعنجهيه .. أحسن يستاهل عيديها برضاه خسر روحه ذلحين شلوا2 مليون مصاريف الموت وشلوها لاعند مرته سكتوها بها وقلوا لها ولاعد نشتي نسمع نخس تقل للرجال ماعد أحد له دخل وانها عتبيع لنا وهددوها بعيالها ياتبيع ياعنتصرف معاهم ...



سمر: بتبكي وبتحاكيه .. سمعت كلام أبوها افتجعت انه بيعامل الناس هكذا طننت وخطيت سكته 🚶..




........


رهآم : طلعت تقيم عبدالعزيز يسيروا يتعشوا في بيتهم ...




........

عبدالله : بيداعي سيده .. تجي تشل زلط تخلي وليد يشتري لرهآم سمبوسه من حق العدني تعجبها ويشتري حلويات ...



سيده: إسهل خلي الزلط تكفينا قد فعلنا فالبيت قد علاجك عيكمل وماعد عتكفيش لانهايه الشهر لما تستلم معاشك ..



عبدالله : تنهد وإقتهر ع نفسه ..الله يلعن العجز الي جلسني بقعتي ماكنتوا تحتاجوا شي وأنا بخير وذلحين بدل ما أديلكم بينشل نص الزلط علاجات😔 ..


سيده: ولاتقهر نفسك أنا قد قلت شانبي ع وليد يشارك في مصروف البيت وأنت معاشك مصاريف العلاج وحاجتنا ..



عبدالله : ذلحين خليه يسير يشتري وربش كريم عيفرجها من عنده ...




........



أروى: فعلت صحن شفوت لرهآم وحدها لأنه يعجبها فعلت فيه بسباس والخلطه الي ادت أمها ...





👹👹👹 الله يورينا فيش يا أروى الشريره ...





🌹meme_abdalgaleel


@qesasanani

🍓
55
🍓


سامي: دخل المطبخ الحاجات وبيفتش الأكل قبل المغرب ..


أروى: خفعت يده يووف منك رزي جاء يتفقد سير دخل العصير والفواكه عاوني قد عيأذن ...



سيده: كانت بتبدل لعبدالله قبل ماتوصل رهآم وزوجها ...



سامي: بيتفرج أروى بمحانكه 🙃 ليش او قالوا لش عليا مره أقرب ..


أروى: عوجت له فمها 😏وأنا مشنا الشغاله حقك أنت وأختك هيا قرب وطرحت العصير في يده ....



سامي: بيداعي يا أمه هيا جي إسمعي الي بتقلي إنهي طيبه قالت مشي شغاله لأختي سعم انها عندها يوميه هي اليوم عتجي ظيفه ...


سيده : خرجت يووه مالكم ماهو هذا الجنان ..


أروى: بتتريحم 😞 قلتله يعاوني يقرب معي فعل هذه الحفله كلها وشلت العصير من يده خلاص شاقرب أنا هو غير قلت شرق أقرب وأسير أبدل لسندس ..


سيده: رجعت تصيح فوق سامي ..


سامي: تعرجن يوووف خلوها بس تزيد عليكم صدقوها بس وسار يفتح الباب بيدق 🚪..





رهآم: مال صوتك لاخارج ..☺


سامي: خزي من عبدالعزيز ☺ مابلا جننتهن في المطبخ وقرب يسلم عليهم ...


عبدالله: حيا الله بمن جاء .

رهآم: سارت تسلم ع أمها وأروى تقرب معاهن قد بيدرس ..


أروى: مع لاتدخليش ذيه الصحن 🍛فعلته لش تفطري به قد سبكته لش وزيدت البسباس ..



رهآم: يوووه تسلمي 😘 والله إن قد نفسي عتنكع في شفوت أمي خوره ..



أذن مغرب قربوا كلهم يفطروا



عبدالعزيز: بيداعي رهآم هيا رهوم حبيبي أذن وفي يده سمبوسه بيمكنها 😍..


رهآم: دخلت وفي يدها صحن الشفوت 🍛 بتأكل منه قد معي أحلى فطور هههه كم قدنا خاوره له ..


عبدالله: كلي سمبوسه قد خليت سامي يشتري لش من العدني ..


رهآم: إسلم يا أبه شغلتك وأكلت عبدالعزيز شفوت هآه إطعم محلا شفوت بيتنا ..


عبدالعزيز: ضحك هههه وبيلهب هذا قدهو نار جهنم معدتش يامجنونه وسكب له عصير يشرب فح 🍹.



أروى : بتتفرج لهم سكته وفارحه في نفسها 😃 الله يجعلها أخر ضحكه بينكم ...



كملوا يفطروا قاموا يصلوا وأروى حملت ترفع الشفوت وتسكب الباقي للزباله ..


سامي : ع خطيته إبسرها إستغرب ليش بتسكبه .. دخل ليش سكبتيه 🤔..


أروى: إرتبشت .. هآه 😥 مابلا قلت اعاون نفسي أشرع ارفع ..



سامي: بيحاكي نفسه حركاتش أخر فتره مابتعجبنيش يعلم الله مافي رآسش ياعقربه ...




كملوا يتعشوا وعبدالعزيز ووليد وعبدالله دخلوا يخزنوا فالديوان ..


سيده: إتصلت لحفيظه تجي تسمر عندهن ...


@qesasanani

🍓
56
🍓


سمر: بتلاعب أحمد خفعته في الباب 🚪..


أحمد: بكي قووى 😭👶🏻.


سلوى: كانت بتصلي عشاء سمعته وحملت شلته منها وبتهمس رآسه أنا قلتلش لاتكن تفعلي به هكذا إبسرتي كيف وجعتي رآسه 😡..



سمر: بكيت 😭 والله لأموته لش كلكم بتحبوه وانا ماعد أحد بيحبني رجمت الشال حق أحمد وخرجت ...


نجات : سمعتها سارت لاعندها من قال ان محد بيحبش بس حرام هو جاهل وبعدا انتي المفروض توبهي له عيكبر وهو يحبش ويكن يسمع كلامش ..

سمر: طننت شويه 🤔 ويكن يسير يجعلي ..

نجات: ويجعلش ويشتري لش كل شي وتوقعي أصحاب انتي وهو .



............



بيت صاحب الأرضيه ..


البيت عزاء وناس ملان دخلت مره تعزي ..

المره: بتسأل أينهي مره الميت ... وسارت تسلم عليها عظم الله أجركم ..


مره صاحب الأرضيه : الحمدلله الله ينتقمهم قتلوه ..


المره: إسمعي ياختي أنا من طرف الشيخ معي لش كلمتين ..



مره صاحب الأرضيه : دهفتها وبتصيح قتلتوه وجيتوا تعزوا .😭.



المره : بتسكتها إهدائي رآعي اسمعي انا مدخلش لاقتلت أحد ولاعليا انا جيت أقلش كلمتين وحدنا وبعدا أنتي حره الشيخ قال هو ماقتلش زوجش إلا بعد ماقتلتوا زوج بنته انتوا بدائتوا بالدم وهذه الزلط الي فالشنطه قال حاجتش انتي والعيال والي يشتيه منش تسكتي أخوه زوجش والباقي ومحد يرفع شكوى مشنتوا حيره الدم يجر دم ومعش عيال اوبهي لهم وبيعي له الأرضيه برضاش ..



مره صاحب الأرضيه: بتلاعنها به محاكم ومشو غصب اخرجي من بيتي ..


المره: طرحت الزلط ورقمها فكري واتصلي ولاتنسيى معش جهال صغار مش بعدا لازوج ولاعيال وراحت لها ..




مره صاحب الأرضيه : بتبكي 😭 دخلت أمها حكت لها ماحصل ..


الأم: شلي الزلط يابنتي وبيعي له الأرضيه وإسلمي جهالش وزوجش الله يرحمه وبه رب يحاسبهم محناش حير الشيخ الحكومه والظباط معه والله محد يحبسه وزيد عيشل له الأرضيه بيعيها وشلي زلط وربي جهالش سكته..




مره صاحب الأرضيه : مطننه في كلام أمها 🤔..



إبنها الصغير: دخل يبكي 😭 ياماما واحد فالشارع كان عيصدمني بالسياره طلعت معه مره قلي قل لماما اليوم جت سليمه المره الثانيه عتموت .



مره صاحب الأرضيه : حضنت إبنها وبكيت 😭..




.......




رهآم : دخلت لاعند عبدالعزيز لاهو يشتي شي ..

عبدالعزيز: إسلمي ياروحي 😃.



سامي: بيتليقن عليهم هههه وأنازوجني يا أبه القى مره تدلعني هكذا 😉.



عبدالله : ضحك عليه هههه ذلحين كمل المدرسه ..




@qesasanani

🍓
57
🍓



أروى: كملت تبدل ولبست سندس فستان وردي من الي ادت لها رهآم وفعلت له قباضه ودخلتها ..👶🏻




حفيظه: يوو ماشاء الله حجاب الله ويسن ساع القمر تشبه عمتها قووى ..


أروى: عوجت فمها ونفخت 😏 للمه ماقمر إلا عمتها أو مه وانا ماعجبتش أوكيف ..



سيده: دكمت حفيظه بيدها ... مع مع هي قصدها فيها شبه من رهآم وانتي ماعد به بعدش ..


أروى: بضبح مكنتها البنت .. 👶🏻 هآه خليها عندش اسير اقرب لنا كيكه وقهوه ..


سيده: قد فعلت لرهآم بن ع حليب داريه مايعجبهاش القهوه اسكبيه لها ..



أروى: في نفسها 😃 عيس أزيد أشل الباقي أسكبه لها فيه ...



.........

بيت الشيخ


مريم: يووه قدنا فارحه جيت أسمر عندكم وانهي رهآم مابحد محلاها هذك البنت .


نجات: صدق ماشاء الله عليها معنها صغيره بس عقل أخوش معاها قوى حتى بينحسه سبر ..



سلوى: لو زوجتوه بهناء كان عيسبر والكل والله إنهي بتخزق قلبي بتقهرني عليها لما أبسرها ..


نجات: للمه تقهرش عليها ... جاوبيني بصدق هم كانوا يشتوا بعض ولا هو غير قلتين نخطبها هكذاك ..


مريم: هآه ..😳 تشتي تغالط يا أمه أيحين عيركض الجاهل يارب وهي بنت ..


سلوى: أيووه ونزوجها با أحمد ...


نجات: 😡 يييييه جاوبين بينقل ماشي شعرف بطريقتي ...



سلوى: خلاص ياأمه قدهو موضوع وإنتهى ..


نجات : يعني الموظوع صح ليش ماتقلين لي من اول بدل ماحرقنا قلب البنت وقهرناها 💔..



........


رهآم: في يدها الحليب بالبن 🍺 بتشربه يووه ماحلاه إسلمي يا أمه ..


أروى: يهنأ بالعافيه ..😃 هيا إشبحي سندس إتحيلي لها لو عتقومي تديلها أخت تلاعبها ..


سيده: أمانه خليها تفتهن لها شويه ....



حفيظه : كيفهي عمتش يابنتي وخوات زوجش مسكينه سلوى كم أنا غاثيه عليها ..


رهآم: الحمدلله مالهم شي وسلوى والله إنهي تخزق القلب كودها بتبكي 💔..



سيده: الله يعصم قلبها ويصبرها ..


.......



أروى: سارت تتصل لأمها.. قد فعلته لها بين الشفوت والبن مازيد أفعل ...


أم أروى: 😃 أيوووه عيس هكذا خلاص باقي الي ملفوف فالمشمع لو تفعليه في غرفتها ولا لداتها ..


أروى: لكن عتبسره فاللده 🤔 اممم خلاص شادي لها شنطتي الي اشتريت الجديده وشارقعه من داخل بدون مايبان شاقلها اشتريتها لها وكنت شارسلها مع المصروف ..


أم أروى: أيوووه يله تمام قومي افعليه بس اوبهي تبان الفتله ..




👹👹👹👹👹👹


شريرررات


@qesasanani

🍓
58
🍓



بعد ماروحوا وتسحروا ...


رهآم: شدخل أرقد شويه مدري مالي بينحس نفسي تاعبه وجسمي فالت شكلي قد شمرض وقيمني أشرب قبل مايأذن وأصلي فجر ...


عبدالعزيز: في يده الريموت بيقلب التلفزيوون .. تمام حبيبي ارقدي شويه وشاقيمش ..


........


بيت صاحب الأرضيه ..


مره صاحب الأرضيه : ياأمه فكرت في كلام المره خلاص شتصلها تقل للشيخ موافقه قد خسرت زوجي ماعتجيش هذه الأرض تخسرني جهالي قد كفايه خسرت أبوهم وربي عيشل حقي وينتقم منهم ...

الأم: بتطبطب عليها بيدها .. الله يعينش يابنتي ويصبرش لكن نبي عليها كما تم الموت وإبسرتي أهل زوجش عتبيعي مش ذلحين ماعيقلوا مات زوجها وهي فارحه تبيع تشتي زلط ..


مره صاحب الأرضيه : خلاص تمام شتصلها الصبح ..


.........


الشيخ: ليش ماتشبحي مريم ترقد عندنا معيفه تفعل لها يومين تغير جو ..


نجات: والله ان قد تراشيتها مارضيتش قالت ماعتفلتش زوجها وحده ..


الشيخ: قومي إديلي أحمد الأعبه شويه ..


سلوى: والله إن عادنا رقدته مدري ماله اليوم بيدحس من الصبح مارضيش يهجع ..


الشيخ: 😳 وليش ماتقلي.. تاعب نشله نعاينه .

نجات: ضحكت هههه 😃 ياهذا أحمد والحب هذا كله ماكنتش تفتجع ع الجهال هكذا وبعدا هو غير مواعيد نومه إرتبشت مع رمضان ..


الشيخ: 😡 ماهو ماتشتي ذلحين أو بتحسدي ولا شي .. هذا الولد من حين خرج ليدي بينحس حبه ثاني قد بينعد الأيام أيحين يكبر والله ماأخليه يطلب شي إلا وقدهو عنده ..

سلوى: تسلم يا أبه الله يجبرنا بعافيتك لكن لاتزيدش له الدلع قووى عيفسد بعدا ..

الشيخ: ابني وانا حر فيه محد عليه وأشر بيده يله قومي اديلي ماء أشرب عيأذن ..



نجات: وأنا أقوم اتوضاء وافعلي ركعتين ..


.......

رهآم: رآقده صااااحت 😱 وفزت من يومها ..


عزيز: سمعها كان فالصاله حمل لاعندها مسكها مالش إذكري الله .. عوذبي من الشيطان 😈.


رهآم: بتبكي 😭 يوووه يا الله مدرى من كان بيلاحقني وشبحني قدهو بيخنقني شكله يفجع 👹.


عزيز: إدالها ماء تشرب تعوذي من إبليس سعم هم مربطين رمضان ههه مابلا زيدتي السحور يادبه 😜..


رهآم: ماسكه فوق صدرها بيدها يووف امانه حسيت روحي عتخرج أقوم اتوضاء وأقراء قرآن قبل مايأذن ..




@qesasanani

🍓
59




بعد يوومين ....


وليد: بيصيح 😡😡 ماهو هذا الجنان جي شلي بنتش جننتني ماخلتنيش أرقد ..


سيده: فتحت باب الغرفه .. رقده مه يابني لاهذه الساع قووم قدهو عصر سير عملك عيخصموا عليك يله معاش أبوك لعلاجه ومصاريف سامي وحاجتنا ..


وليد: رجم البطانيه من فوقه ... سعم ماهو مابتلمحي أو تشتي أديلش معاشي أنا معول يله يسير حق حفاضات وحليب للبنت ..


سيده: وأبوك مشو مخاطب يأكلك وأنت رآقد شارك في مصروف البيت حرام عليك منين يدي لكم ..


أروى': كانت فالمطبخ ..سمعتهم سارت .. أيوه صدق إحنا معوليين يسير سامي يبسرله عمل عطله ولاخلي بنتش مزلطه قدهي مره إبن الشيخ تعاونكم مالقيتي إلا زوجي ..

سيده: إبسرتها مستغربه 😳 يووه صرفوا قد بينقل حلا سبرتي وانش عترجعي مثل ماكنتي ..



أروى: أنا سابره من يومي هو غير أنتي بتكرهيني أنا وزوجي مشنا داريه ليش بتكرهيه وكودش تجلسي تلاعنيه قبال النسوان وأنا مابينسخاش أقله لكن خلاص والله لأقله حتى زلطه تشتي تشليها 😡..



وليد: طنن في وش أمه ☹ بتلاعنيني قبال النسوان ليش بتكرهيني هكذا ..


سيده: بقهر وحرقه 😔 لاتصدقهاش يا إبني والله إنهي بتكذب ...


أروى: فعلت يدها في خصرها بينكذب أومه هيا أزيد أقلك ماقالت ...

عبدالله : سمع الصياح ..بيداعي محد بيجاوبه قام لاعندهم دخل ع لقانه أروى لطمها 👋🏻. إستحي ع نفسش ياقليله التربيه ...



أروى: بكيت 😭 وصاحت ماعد إلا أنت تمد يدك عليا مامدهاش زوجي لكن معي أهل وهو كما دري بقيمتي جالي وخرجت شنطتها بتلف لداتها وشلت بنتها وخرجت ..



وليد: خرج بعدها وصرع الباب 🚪.



.........


فوق العشاء ....



عبدالعزيز: غرف لرهآم وبيأكلها ...


رهآم: ردت يده مع ماقدرتش مشتيش شابعه وقامت ..

الشيخ: ماينفعش يابنتي قدلش يومين هكذا لا سحور ولاعشاء غاثيه من شي مالش من زعلش 😔..



رهآم: شكلها تاعب ..مابش شي بس تاعبه شويه .


سلوى: غمزت لأمها .. هيا سير إشتري فحص منزلي لمرتك لاقدهي واحمه ..


الشيخ: فرح 😃 صدق واحمه الحمدلله ..



عبدالعزيز: إبسر رهآم مستغرب 😳 واحمه صدق .


رهآم: إبتسمت بتعب ماشي مابش وحام تاعبه بس ..


الشيخ: رسل الحارس يشتري لها نتأكد ماعنخسر شي ولا مابش وحام شلها عند الدكتور ماينفعش صيام بدون أكل ...


عبدالعزيز: أيوه اليوم ضروري ماشتأخرش عليها..


......



🌹meme_abdalgaleel



@qesasanani

🍓
60
🍓


سيده: جي ياسامي حرآم إتصل لأخوك يجي يتعشى ..

عبدالله: بهرر فوقها سمعتي ماقلت هو خرج بعد مرته خليها تنفعه هذا العاصي سكتنا قلنا عيعقل وإنه مره مرته لازد رجع 😡..


سيده: إسهل يارجال ماكان كان رمضان مشو حق المشاكل والهدار خليه يتصله يجي يتعشى وبعدإ سد انت وهو ...


عبدالله : لاجاء غرفتي لي وحدي مشتيش أبسر صورته ...


سامي: قال شابع نخلي عشانا لنا مشو مرآعي هو عند عمته ..

عبدالله : 😡 قال هكذا .. هيا إتصله الآن يجي يشل لداته هو ومرته وإبسر من عينفعه مدام مشو مراعي لنا ويخلي عمته تنفعه وأنتي الآن قومي لفلفيهن ولاعد تخلي لهم عندنا خرقه ..


سامي: يا أبه حرآم مش هكذا حرآم سندس ماذنبها خليه يجي وتفاهموا ..


عبدالله: صيح 😡😡 بتسمعوا ولاماشي عاد لي كلمه في هذا البيت أومع ...



.......


عبدالعزيز: هيا مه ياقلبي ❤ بشري ..

رهآم: مبتسمه بتعب .. قلتلك ماشي أنا متأكده أصلا بينشرب الحبوب يوميه ...




عبدالعزيز: كان قومي تجهزي نسير للدكتور شكلش تاعب قووي.



رهآم : إسهل شفتهن خلينا بس ..


عزيز: ماشي. يله تجهزي .

.........


أم أروى : إسمعني مشي بنتي لعبه عندهم والله ماترجع إلا لما يجي أبوك يعتذر لها ويتراشاها ترجع ...



وليد: لكن.ياعمه ماقل لأبي جي تأسف ..


أم أروى: تشتي بنتي جاء تأسف ماتشتيهاش معاها أهل.. بنتي ماعتروحش ..

........


سيده : بتلفلف لداه وليد ومرته وهي بتبكي ..


سامي: فارح 😃 ليش بتبكي عيس تنقلع من عندنا نفتهن منها ..



سيده: بينهم أخوك كم جهده ايجار ولا مصروف والصدق قدنا متعوده ع سندس وجلست فوق السرير بتبكي 😭😭..



سامي: عيس خليه يدرى بقيمه أبي وبيتنا ..



@qesasanani

🌿
61


الدكتور : مبدائيآ شكل كل شي تمام يمكن إرهاق أو لخبطه في النوم مع رمضان بس افعلوا هذه الفحوصات نتأكد ..


رهآم: إبسرت عبدالعزيز .. إبسرت قلتلك مابش شي يس مدري مالي مخنوقه قووي وضابحه بينحس شي كاتم ع صدري ..


عبدالعزيز: ولو .. نطمن ذلحين نزيد نفعل الفحوصات ونبسر النتايج ..


.......



وقت السحور ....



سامي: بيعاون أمه بيقرب معاها ..



عبدالله: دخل للمطبخ .. إبنش المحترم ماروحش 😡..


سيده: إسهل خليه يهدأ وعيروح قوى لاعد تكبروش المشكله ..


عبدالله: جهزتي لداته مثل ماقلتلش ..

سامي: 😃 فارح إن أبوه عيخرجهم يفتهن من أورى ومشاكلها .. أيووه يا أبه جاهزات قد فعلناهن في شنط ..


سيده : خفعته في رآسه .. فارح أومه بدل ماتهدأ أبوك وتخليه يجلسهم ..


سامي: بقهر .. أيوه عيس يخرجوا نفتهن والله إنهي الي شلت الزلط وانتي عتبسري وهذه الأيام مدرى ماتشتي من رهآم مابتخلينيش أكل من الي بتفعلها وترجع ترجم الباقي الزباله لحد يأكله ...


سيده: مكنته الصحن 🍛.. هيا دخله من لغاجتك هذه الساع وطننت شويه في كلامه 🤔..



...............


سلوى: مالها مرتك ماتنزل تتسحر ..


عبدالعزيز: تنهد بقهر ... والله ماعد دري حالي مالها هذه اليومين حتى طول الليل بتتنكوز وتحلم أحلام شوعه وترجع تقوم تبكي ..


الشيخ: انت متأكد ماغثيتهاش بشي ولاتصايحتوا .. حرام عليك والله ان معك مره تسوى ذهب ..


عزيز: ماشي والله مابه شي هي هكذا من حين روحنا من بيتهم ..


نجات : لاهي غاثيه ع أبوها كيف قدهو ولا به مشاكل في بيتهم .. قوم طلع لها هذا الأكل وغرفت لها في صحن 🍛 مايسبرش تصوم عطوف ..



............


وليد: بيتسحر فالمطعم وبيفكر كيف يقل لأبوه يسير يتأسف لمرته 🤔...


سامي: بيتصله .. هآه أين أنت ..


وليد:.إتسحروا ماشاجيش قلتلك بتفهم أومع ..

سامي: إقتهر منه 😔 ناهي لاتفرحش بنفسك قوي ما أتصلتش تجي تتسحر جي شل لداتك أنت ومرتك قال أبي ماعدبش رجعه عندنا ..


وليد: 😱 أييييش مابتقل من الخباله أين أسير ... اوذا شاجي اتفاهم معه زيد بها مشو ع قوله .


سامي: إستحي ع نفسك هذا ابوك بتتحاكى عليه هكذا قليل أدب وغلق التلفون في وشه 📱.


.......


عبدالعزيز: طلع السحور لرهآم بيفتح باب الغرفه 🚪..


رهآم: بتبكي 😭 وتخفع نفسها إشتي أموووووت ضبحت هكذا ..


عبدالعزيز: حط الصحن من يده 🍛وحمل لاعندها افتجع عليها بيمسك يدها .. يييه رهآم مالش ييييه اهدائي مابه لهذا كله إحكيلي ....


رهآم: دهفته بيدها إخرج من عندي مشتيش أبسرك 😭 بينفتجع منك ..



عبدالعزيز: 😱 إستغرب منها.. نزل يدعي أمه .. يا أمه اطلعوا بسرعه إبسروا رهآم مدري مالها ...





حسبنا الله في كل شخص بيظلم يسبب الحسد والغيره .

مسكينه يارهآم 😔.


@qesasanani

🌿
62


وليد: وصل بيتهم بيدقدق ..


سيده: هذا أظاهر أخوك إفتح له ...



عبدالله: بهرر فوقه 😳 جلسه بقعتك أنا شفتح ...


وليد: إبسر ابوه فالباب فتح .. وطى رآسه .


عبدالله: بعصبيه ... الآن إدخل شل لداتك ولاعاد إشتي ابسرلك صوره 😡😡..


وليد: يا أبه لحضه .. ماهو أشل لداتي أين أسير .. ذلحين مابش شي الصبح جي نسير نتأسف لأروى وحلينا المشكله ...



عبدالله: 😡 ماهو لمن أسير أتاسف .. وبصياح خرجه من بيتي الآن يا ابن الكلب عادنا ازيد اسير اتأسف لها بدل ماتديها تعتذر مني ومن أمك خرجه من بيتي الآن ...



سيده: قوى ياعبدالله .. خلاص ياوليد اذكروا الله لاتكبروهاش وبتهدائهم ...


عبدالله: 😡 سمعتي ماقلت أومع بتفهمي الآن يخرج من بيتي ودخل غرفته وصرع الباب 🚪.


وليد: بيصيح .. ماهوو هذا الجنان بتسمعي زوجش أين أخرج مابلا شكل كله سببش طايرتي مرتي مشنا داري ليش تكرهيها هكذا لكن سعم مشنارجال شخرج وشفتح لي بيت مشنا رجال اومه ..


.........


سلوى ونجات: طلعين لعند رهآم .


عبدالعزيز: مسنب فالباب بيبسرها ومقهور عليها 😔..


نجات: يابنتي مالش أحد زعلش مننا عبدالعزيز غثاش قليلي مالش ..


رهآم: بتبكي ضابحه تاعبه بينحس بضيق قووى مشتيش أجلس في غرفتي بينحس نفسي شجنن 😭.



سلوى: هذا لاهي عين يا أمه مادام ومحد غثاها إسكه اقروا فوقها ..


عبدالعزيز: دخل لعندها شبحها وقيمها .. قومي معي نطلع الجباء شويه تشمي هواء ولانخرج الحوش ..


رهآم: شبحته وطلعت معه الجباء ..




نجات: الله يحفظهم مسكينه شكلها مقهوره قووي وتاعبه إبسري كيف قد تحت عيونها حارق .



سلوى: نزيد نخلي أحد يذرع لها ونقرأء فوقها قرآن لاهي عين ..



نجات: أيووه شتصل لمريم تخلي جده زوجها تذرع لها ذرعتها حاليه ...


........


وليد: بيدقدق بيت أهل أروى ..


أروى: 😱 يوووه ماهن هولاء الشنط ..

وليد: أبي طردنا من البيت شلي الشنط وأنا شبسر لي فندق أجلس فيه وانتي اجلسي في بيتكم أمد مادور لنا بيت ...



أم أروى: بتحطم .. بدل مايتأسفوا لبنتي زد طردوها .. هيا كما قدك رجال جيت لبنتي ماعد عترجعش معك .


وليد : ياعمه مفعل قد طردوني أنا والكل مازيد أفعل لاعد توفيهاش لي ..


أروى: فعلت يد فوق يد .. عادهو أحسن يا أمه افتهن منهم واخرج بيت وحدي وعيس المستأجر الي نازل قد عيخرج شستأجر منش أنا وقدهو عيس قريبه منش ..



وليد: أيووه ياعمه أجريه مننا قدهو أركن ع أروى والكل ..


......


عزيز: ماسك رهآم من كتفها ... ذلحين من زعلش والله سخيتي تقلي لي مشتيكش ...


رهآم: سامحني والله ماهو برضايا مدرى بينحس نفسي شاطير شجنن وزيد أوقات أضبح منك قووي مشتيش أبسرك ..


عبدالعزيز: حبها فوق رآسها 😘 يله إدلعي لش شويه أنا حاسس انه حمل وقدش معيفه لي ..


رهآم: مابش حمل اوذا فعلت الفحص مابش وبينشرب الحبوب .


عبدالعزيز: مدراش لوعادهو ماقد بان .. يله اضحكي وريني أسنانش الشوعه هذه وبيضحكها ..


رهآم: اشتي ارقد تاعبه هيا ننزل ....




مر نص رمضان ورهآم من سيئ لأسوئ..

رهآم: اشتي اسير بيتنا أغير جو شويه ..


عبدالعزيز: تمام ياروحي تغيري جو وترتاحي شويه ولو اني شفقدش .


@qesasanani

🌿
63



مريم: بتتصل لهناء .. هيا قوى أمانه جي نعيد أيام زمان ونسمر رمضان جيت امسي من اليوم للجمعه في بيتنا هيا جي ..


هناء: 🤔 أمممم شابسر أصلا ماعد بينقدرش أبسر عبدالعزيز بينقتهر لما أبسر مرته ...

مريم: هي تاعبه هذه اليومين سارت بيتهم عادهو شلها عبدالعزيز .

..........





سيده: افتح الباب ياسامي بيدقدق 🚪..


سامي: هذه رهآم يا أمه..وعبدالعزيز ..


سيده: إبسرتها وفي يدها شنطه صغيره 😱 يووه او حانقه مالكم يابني ..


عبدالعزيز: ضحك هههه 😃 تزوجت عليها ورديتها لكم ..

رهآم: خفعته بيدها .. سامج والله لأذبحك .

سامي: هيا قلك حانقه وهي بتصافده ... هذا مدرى ما ادت لنا ..



سيده: يووه حسبكم الله قد قلت مدري مافيكم.


عبدالعزيز: رهآم تاعبه شويه قلت تغير جو عندكم وبيحكيلها..

رهآم: دخلت تسلم ع أبوها ..


سيده: 😱 يوووه الله يشفيها هذا لاقدهي عين مدام مابش فيها شي شبسر حفيظه لاهي تعرف احد يقرا لها قرآن ..


عبدالعزيز: والله ماقلكم إلا خير قدنتوا أخبر أدخل اسلم ع عمي واروح شرق عيأذن ..



سامي: مابش والله ماتدي خطوه اتعشى عندنا اطعم طبخي قدنا معاونه أمي 😬...


عبدالعزيز: ضحك هههه هيا تمام يامعاونه شجلس نطعم عشاش ..


..........



في بيت الشيخ ...



سمر: بتدحس تشتي أحمد في حضنها ..

نجات: يابنتي قوى اطرحي الولد شلوطتيه ..


سمر: اصلا سلوى قالت لي هو حقي خلاص لاتجننيش ..



هناء: أمانه ياسلوى جي إلعبي معانا بطه ساع زمان ..

سلوى: ماقدرت ضابحه من روحي ..


مريم وهناء: بيهزورنها بصفاد ع دخله عبدالعزيز ..


سمر: سحبت عبدالعزيز مابلا يلعب معاهن ..



عزيز: جلس يلعب واتفقوا اللعب بحكم ..

هناء: خسرت والحكم عليها ..

سلوى: حكمت عليها تقلد عبدالعزيز كيف كان يضحك وهو جاهل ..


نجات: بهررت فوقها 😳.

هناء: خزيت وماقدرتش تقلد سوى .

عبدالعزيز: ضحك 😃 وتليقن عليها .

رهآم:.إبسرته وجت عينهافي عينه وطت رآسها 😊 ..


عبدالعزيز: دعمم خرج تلفونه 📱يتصل لرهآم يطمن عليها .




🌹meme_abdalgaleel


@qesasanani

🌿
64


عدت أيام ورهآم في بيتهم وعبدالعزيز كان يسير يطمن عليها.


رهآم: بتأكل في بيتهم ومفتهنه بس اول ماتبسر عبدالعزيز تضبح وتختنق منه ..


عبدالعزيز: بدأ يحس أنها بطلت تحبه 🤔 ليش في بيتهم بتأكل وعندنا ماشي لوكانت تشتي تسير بيتهم ليش ماتقلي أحسن من هذه الحركات ..


سيده: يابنتي عتعيدي هانا أومه يله ريحيلش بيت زوجش مايسبرش..

رهآم: يا أمه بينضبح عندهم 😔 ماعد اشتيش أرجع ..


عبدالله: سمعها .. خرج لاعندها .. مالش يابنتي احد فيهم بيزعلش قليلي بس عبدالعزيز بيفعل بش شي ..


رهآم: ماشي بس مدرى مالي قدنا ضابحه من بيتهم ولما ادخل غرفتي أجنن ونزلت دموعها 😭.



سيده: هذه عين يابنتي حسدوش ع الرآحه الي انتي فيها قد خليت حفيظه تذرع لش عند المره قالت عين ...


.....


الشيخ: بيداعي ...ياسلوى جي إبسري ماقد اشتريت لأحمد للعيد ..



سلوى: إبسرتهن وضحكت 😃 ماهو هذا كله يا أبه إسلم عيصغرين عليه وماقد لبسهن سوى وهذولاء كبار ...



الشيخ: وأنا مدراني 😬 مابسرته عجبني شليته .. وخرج من جيبه زلط 💵 شلي هذه واخرجي اشتري له ولش الي تشتوا ..


سمر: بتهزوره .. وأنا والا قد كلشي أحمد بس ..



نجات: قد زلطش عندي يابنتي ..

عبدالعزيز: ع نزلته من الدرج ... يهيه يهيه وأنا أشتي حق كسوه للمه ماهن ...


الشيخ: مغلاك هآه ومكنه زلط 💵وهذه اخرج انت ومرتك السوق .. ماقد عتروحش ..


عزيز: إلا قد إتصلت لي أجيلها..


سلوى: خلاص العشي نسيرلها ونخرج السوق ..




........


روحت رهآم بيت الشيخ وكل يوم بكاء وضابحه وتاعبه ومابش أكل ..



عبدالعزيز: يارهآم قليلي ماغيرش عليا ماعاد تشتينيش ..


رهآم: مسكت يده وبتبكي 😭 والله ماهو برضايا سامحني بينحس نفسي شاموت ..


عبدالعزيز: شكله إكتئاب خلاص قدحنا عنسافر بعد يومين ونزيد نبسر دكتور هاناك ..


رهآم: بتبسره مقهوره وزاعله عليه 😔 سامحني والله إني أحبك ..


عبدالعزيز: وأنا أحبش والله قومي نسير نبسر ماعد ناقصنا قبل السفر وتبسري بيتكم ...


@qesasanani