بارت 33


بعد إسبوع ...

سلا : مرتبكه طول الليل بتهم بكره اول يوم فالامتحانات ...


رهف : قامت من فجر بتذاكر وتراجع 📖 وحاسه ان كل المعلومات طارت مفتجعه..


ريان : قد قام بدري علشان يوصلهن قد اتفقوا انه يوم عليه ويوم ع محمد لان المدرسه بعيده ...

محمد : اتصل لرهف يهداءها وخرج مع سلا لعند السياره ..

ريان : بيضحك عليهن والله اننتين البنات فجاعات والله انحنا كنا نمتحن ونفلت الورق فاضيات ونخرج واحنا بنضحك وانتين قد شربتين الكتب 📖 ومفتجعات ..


سلا : بتصيح فووقه اسكت 🤫ولا عاد اشتي اسمع كلمه قدشجنن طلعت فوق السياره وبتراجع ..

محمد : ابتسم لرهف .. أهم شي تهداءي وخليش واثقه من نفسش لاتفتجعيش .واول ماتخرجي من الامتحان طمنيني مراعي لاتصالكن ..

رهف : تمام وادعي لنا ..

ريان : ضحك ههه ياررب نجحهن نخلص من قرايتهن نشتي نتزوج 🤣...


محمد : ضحك ودهفه للسياره 🚘 يله شرق يالقانه عيتاخرين ماشي شاكن اوصلهن انا ..


وصلين الإمتحان وحلين كلشي وحسين انهن كانين خايفات ومرعوبات اكثر من اللازم ..



........ ......... ..........

في بيت 🏡حسين ...

ماجد : نزل يصتبح 🍲🍛عند ابوه ويحاكيه ..


حسين : بيصتبح وفي حضنه فراس ..

هيفاء : بتسكب لهم شاهي ☕ ورنا مالها ماتنزل تصتبح معانا ..

ماجد : مالو كنتوا تشتونا ماكنش عتخلونا وحدنا لكن يله ماعدعوش وقت هذا الهدار انا نزلت احاكي أبي ع موظوع يوسف ..


حسين : قدوذاك قلتلكم كما البنت كملت تختبر عنبسر رائيها ...

هيفاء : استغربت 😯 ماهوو رائيها في مه او يوسف يشتيها ..


حسين : أيوه هو خالد حاكاني وانا الصدق مشتيش نمحق أخوتنا وماقد اشتيش ازوج البنت اشتي تكمل قرايتها بس علشان ابري ذمتي اقلها ..


هيفاء : حطت القلص الشاهي ☕من يدها بغير خباله ماعنزوجهاش به مره اخوك هرمه وبعدا انا داريه براي بنتي انا مشهي راضيه شرخت راسها لحد ذكر لها يوسف ..


ماجد : ضبح 😤 يعني ماهوو ماتشتوا تقلوا انه عتكسروا كلمتي والله ماسبرت انا قد إديت للرجال كلمه وقلتله تكمل اختباراتها ونخطب💍 ..


هيفاء : عصبت فوقه وصاحت 😡 تكتسر لك انت وكلمتك لاقد عتزوجها صميل ..


ماجد : رجم الصبوح🍛🍲 وقام هذا ماعدهوش عمر ولاعادهي عيشه وانا قسما بالله ماتكتسر لي كلمه كما كملت تختبر لنا كلام ..


هيفاء : ابسرت لحسين 👀 اتصل لأخوك قله البنت مشي راضيه ..


حسين : تنهد زاعل 😞 وهز رآسه .. خلينا لابعد الاختبارات لاقد ندخلش في هدار معه تكمل البنت وبعدا اسهل محد عيزوجها غصب وراسي يشم الهواء ...


....... ...... .......

في بيت توفيق 🏬..

سميره : بتحاكي التلفون 📱 انتي داريه كيف نرجع نسير لابيتهم وتبسريها ..

اختها : مع خزا يا اختي مارائيش تخلي سمر تعزم سلا وتعزمها معاها تقلها معاها جلسه بنات وانا شاجي وأبسرها ..


سميره : وهذه فكره والكل ولاقد عجبتش معني متاكده انش عتخطبيها ع طول عنرجع نحاكي غاده ونخليها تحاكي امها انحنا نشتي نسير عندهم نتعرف عليهم ..


أختها : يله تمام أيحين عتحاكي بنتش ..

سميره : شاخليها ترجع تسد هي وسلا وانبيش لان عادها بتختبر ثالث ثانوي ..


أختها : يله تمام وإحنا نزد ذيه الإسبوع ندور والكل معانا حين نخرج نتعرس ...


ياترى ايش الي عيحصل معش يارهف لما تكملي اختبارات
الكل منتظر لش بفارغ الصبر بس من الي عيفوز فيش

بطل قصتنا محمد ولا ابن عمش يوسف ولا ابن خاله سمر ...

توقعاتكم 😜...

https://t.me/joinchat/AAAAAERja9LRzSkmuZYIRw


🌹meme_abdalgaleel

@qesasanani

بارت 40


في بيت أحمد 🏬...


سلا : دخلت لعند محمد أبسرته معصب 😡 و تلفونه مرجوم وطت وشلته بتركبه ..


محمد : جالس فوق السرير ارجله فالأرض وطارح يده فوق ركبه مغطي وجهه مخنوق..

سلا : جلست جنبه بتهداءه .. مالك يامحمد صل ع النبي سعم ان قد خطبوها💍 هم بيقلوا يشتوا يحاكوهم بس وبعدا رهف ماعترضاش أكيد لاتزعلش نفسك هكذا ...


محمد : نفخ 😤 ولفت لها ماعدهوش ع هذا بس انا داري إنها عترفض أنا من موقف أبي سمعتي كلامهم عليها يعني لو أحاكيهم أشتيها ماعيقلوا وزد رهف رسلت لي رساله حرقت دمي ...


سلا : استغربت 😳 ليش تصايحتوا ..


محمد : شل التلفون من يدها 📱 وفتحه .. هاه اقري بنفسش ورفع صوته يعني من من اوقع اسكه قلولي ..


رهف : قريت الرساله ...وحطت التلفون 📱 جنبها ... مالك محد عيزوجها غصب والله مايرضوا عمي أحمد وماجد كلامه لاعيقدم ولايأخر أنت أتصلها وحاول تفهم منها ماحصل علشان ترتاح وانا شاسير عصر عندها نتجابر ..


محمد : أنا خلاص الصدق شاحاكي اليوم أبي ماشاراعيش لما يشلوها عليا وانا بينتفرج ..


سلا : أيوه تمام هذا أحسن حل بس اول حاكي ماما معتقدش انهم عيقلوا ماشي علشان يوقفوا معك وانا شاكون في صفك لاتقلق ..


تلفون محمد بيرن 📱 ...

سلا : بتمكنه .. هاه جاوب ..

محمد : إبسر الرقم وانه ياسمين .. فتح رد وهو معصب 😡 ايش في ياياسمين لاقد به موضوع جديد مع الزفت وليد قلتلش حله انه تشتكي به للإداره ونتصرف معه ...


أم ياسمين : مالك بتصيح يا ابني أنا ام ياسمين ...


محمد : خفع راسه بيده احرج 😱 هاه العفو منكم بس انا كان معي مشكله خير مابه مالكم ..


أم ياسمين : والله يابني انا اتصلت منك كنت أشتي أعرف ماهو الموظوع بعد الكلام الي وصلنا ع بنتنا بس انت قد اختصرت الكلام في ردك..


محمد : ماسك التلفون وبيخطى فالغرفه 📱 وبيجابرها ويشرح لها ..

سلا : خرجت من عنده ودخلت غرفتها تتصل لريان 📱..


ريان : جالس باب بيتهم خارج هو وفارس وفراس قام سنب وخطي شويه من جنبهم و رد عليها 📱 اهلا بسلاتي وسلوتي😍 ..

سلا : بصوت ضابح كيف انت ..


ريان : مال حبيبي صوتش مش عاجب لي هيا ماهو ..


سلا : مقهوره ع محمد اليوم اتصلوا اهل خطيبه مهند عجبتهم رهف يشتوا يخطبوها 💍..


ريان : ضحك هههه 😂 وابن عمي يشتي يخطبها ومحمد ودف وانا شازد اقله عتدي لي اختك ماشي شازوج اختي بواحد منهم هههه ...

سلا : بتصيح فوقه 😠 ريان مش وقت ثقاله الدم حرام عليك بدل ماتساند صاحبك وتوقف معه بتزبج ..


ريان : مالش انتي وياه من الجنان معقدين لها سعم أن غطوه عرسها محد عيزوجها الإ برضاها وابن عمي قدوذا اليوم تقفل الموضوع وقالت لعمي مشهي موافقه وهذولاء الناس عنقلهم ماشي وخلاص ..


سلا : طيب وماجد كيف ؟؟؟


ريان : يدق راسه في الجدر .. ذلحين ابردي لش منهم وحشتيني الصدق انا مضايق هكذا عاد المدرسه احسن اقلها بينبسرش ع خرجتش ماهكذا مايخارجش .


سلا : ابتسمت وحمرت خدوها ☺ شاجي اليوم عند رهف وانت اجلس فالشارع لكن بشرط تجعلي ..


ريان : موافق بس بشرط ... تفعلي لي بسبوسه 🥧...


سلا : نوووو لانه اليوم كسله و ماعدبش وقت اليوم اجعلي وبكره افعلها لك ..

ريان : خلاص سدينا قبل ماتخرجي من البيت افعلي لي ميسد وانا شخرج ولا اقلش قدنا جالس هنيه ماعد شتحرك بكم اعاكس لي لابه بنت حاليه امد ماتجي 😉...


سلا : خخخخخ ثقيل .. يله باي اقوم اتجهز وانت حاكي محمد هداءه قوى ..

ريان : طيب يله وممنوع تلبسي الكعب👠 ولا تتعطري مدام عتخطي رجل ..


سلا : حسستني اني شاسافر مشو خطوه من الباب للباب يله باي يا مزعج هههه 🙂 ..


🌹meme_abdalgaleel



https://t.me/joinchat/AAAAAERja9LRzSkmuZYIRw


@qesasanani

بارت 50

العشي 🌚..

في بيت أحمد 🏬...


أحمد : بيسأل ناديه .... ماقد روحتش غاده وسلا ..

ناديه : ماشي قالين عيجلسين يسمرين شويه ..


أحمد : إتصلتي لبناتش يجين يعزين ..

ناديه : الصدق ماشي ..قدوذا سيرت أنا كفايه ..

أحمد : مع مايسبرش قدهم جيران لازم يجين ..

ناديه : إبسرته بإستغراب 😳 لييش او قد غيرت رائيك ..

أحمد : بهنجمه 🤨 كل شي في بابه هم جيران وحسين ماقدا
ابسرنا منه الإ كل خير ومن أهله بس أنه اناسبهم ماشي أنتي داريه مابنتزوج الإ مننا فينا ماشاخليش أحد من الأسره يتحاكى عليا ...


ناديه : بتقشر له تفاح 🍎 الي صدمني صدق مهند محمد ونعرفه بس مامهند امانه انه فاجائني قوي ..


أحمد : شل التفاحه 🍎 من يدها ... هوو هذا الي بينهمه لايسير صدق يجنن ويفعلي نثره مع توفيق ويخرب عليا كل شي لوتبسري كيف سبر موضوعي مع البنك بس حين حاكاه ..

ناديه : طيب والحل كييفه ماعتفعل ..

أحمد : اليوم طبعا مدعممين لي فالصاله بس حاكيت محمد قلتله يروحوا اشتيهم وكما جاء شاقله اني شافكر فالموضوع وذلحين مش وقت نفاتح أهلها فالموضوع عادهم بعد موت ع الأقل نصبر تيه السنه عاد قلوبهم موجوعه ..

ناديه : إبتسمت 🙂 أيووه والله انها فكره حاليه نهجع من جنانهم ونسكتهم وانا شجلس فوق راس أم سمر وشويه وشافاتح هيفاء ومايدرى محمد الا وقد عيخطبوها 💍...


........ ........ ...........

في بيت 🏬 توفيق ...

فوق العشاء 🍛🍲..

سميره : يوووه 😱 مسااكين كيف مات ..


توفيق : قالوا هو فيه مرض القلب ❤ من زمان ..


سمر : مسكينه رهف 😔 والله اني زعلت عليها ..

سميره : هيا نشتي نرجع نسير نعزي ..

سمر : ايووه وانا شاجي معاكن ..

سميره : أيووه وشازيد أتصل لخالتش والكل تجي ..

توفيق : حط الشاهي ☕ من يده بضبح 😤 ولفت لها ... ماتسير اختش تفعل الناس معاهم مووت وانتي فارحه تبسر البنت ..


سميره : استغربت من تصرفه 😨 يوووه مالك من عيتحاكى من خطبه هو بس تجي معي تعزي ..


توفيق : فلت العشاء وقام .. شدخل ارقد قيميني الصبح بحين معي عمل وخطي 🚶🏻‍♂..


سمر : لفتت لامها 😒 مااالهم بابا ..

سميره : حركت يدها مستغربه ☹ علمي علمش يعلم الله ماقلبه ..


........ ......... ..........

في بيت حسين 🏡..


رنا : دخلت لعند هيفاء وعندها الاهل والجيران بيسمرين عندهم .. وطت لجنبها .. بتشاورها 👂🏻يا أمه جاوبوا ماجد يشتي يبسركم ..

هيفاء : تحت عيونها حارق ومقهوره تاعبه 😔 لا إشتي إبسره ولايبسرني سيري قليله الله يحرق قلبه مثل ماحرق قلبي💔 ..


رنا : مع يا أمه قووى لاتدعوش عليه ..


غاده : مسكت يدها🤝🏻 قد حكت لها هيفاء وشكت لها ماحصل .. اسهل يا اختي قومي ابسريه ..

هيفاء : بكيت 😭 ماقدرش قلبي مشتيش أبسر له صوره ..

رنا : خرجت تقله مارضيوش ..

ماجد : بقلبه وجه ونخيط 😠 وحرك يده بلامبالاه 👋🏻
هيا ويرجعوا يقلوا هو عاصي سعمني قتلت أبي أنا هو كمل عمرهم لاهانا فلت وطلع ...


رهف : بتدعي سلا .. بتاشر لها بيدها تجي 👋🏻..

سلا : قربت جنبها ... هاه روحي مالش ماتشتي ..

رهف : إتصلي لريان ابسريه لما يجي لهم للعشاء لو عياكل اديله من الي اشترى لي محمد🍱 ..


سلا : حاضر .. لاتهميش قد محمد بيوبه له وريان ماشاء الله عليه متماسك ..


رهف : تنهدت ..آآح بس ياسلا بيحاول يبين أنه قوى وداخله مكسور 💔..


سلا : الله يصبركم يارب .. وخرجت تتصله ..

سميه : طبعا قد عيونها🙄 مفتحه عليهن ومضايقها وجود سلا .. قامت ع طول بسرعه للمطبخ تجهز العشاء ..


ريان : جاء للعشاء🍱 بيداعي لانهم بيسمروا الشباب في بيت الجيران ..

سميه : سمعته حملت تجاوبه لحضه الا وبتغروفه تخرجه له ...


رنا : جت تشله منها اديه لاتتعبيش نفسش اوذا شاخرجه ..

سميه : مع اسهل قدش تاعبه اوذا شامكنه وضعت الطرحه حقها وخرجته ..


ريان : شله منها .. تسلمي ..

سميه : سنبت فالباب 🚪 بصوت مدلع .. قووى رياان اتعشى لاتقهرنيش عليش يكفي قهرنا ع عمي ..


ريان : فتح عيوونه 😳 اقهررش ... وهز راسه تمام وفلت وخطي ..


يوسف : اليوم حانق ماروحش مع الشباب خرج من الصاله ع طول بيتهم مقهور بعد الي سمعه ...


🌹meme_abdalgaleel


https://t.me/joinchat/AAAAAERja9LRzSkmuZYIRw


@qesasanani

بارت 69


في الشركه 🏬...

أحمد : غلق التلفون 📱 مع ناديه قد عيجنن بيصيح 😡 ليش رجعوهن ماحصل وبيهم الأعمال الي بينهم خرج تلفونه وبيتصل لتوفيق ..


توفيق : شارف رقمه 📱 جاوب وهو قالب صوره 😠 نننننننعم ..


أحمد : بيحاول يبين انهو هادئ.. صباح الخير ياوجه الخير كيف أنت ..


توفيق : بعصبيه 😠 نعم ماتشتي ماعد به للاتصالات قدوذاك ادوا لك حاجاتكم ماعد به عندنا ...

أحمد : بريحمه ومسكنه 😞 ماالك يا اخي تعوذب من ابليس 👺 ماحصل مابه لهذا كله ماحصل ليش رجعتوا الشنطه .


توفيق : بصياح 😡 والله أنك أخبر وداري وقل لإبنك المحترم بنات الناس مشهن لعبه عنده ومدام كان مغصوب عليها ماكنش عيتشرط يشتي يدخل حفله الخطوبه ويجابرها بس الصدق الحمدلله إن ربي كشفه ع حقيقته من ذلحين خااطرك. ... هاااه ع فكره نسيت ما اقلك اي عمل بيننا انساه نكمل المشروع هذا الي بداءناه وماعدبش بيني وبينكم شي كل واحد في طريق وغلق السماعه في وشه 📱..


أحمد : أصترع 😥 وارتفع ضغطه وبيتصل لمهند مابيردش قد عيجنن 😡 اتصل لناديه وهو بيصيح قلي لأم العقاعقه العاصيين يجاوبوا تلفوناتهم ويخطى ابنها يتأسف للناس ويقلهم إنه كان بيفعل مقلب لخطيبته يبسر لو بتغير عليه وتحبه ماشي أنا شاوريهم القلبه سواء ...



........ ......... ........


في بيت 🏡 حسين ..


طالع في شقه ماجد ..


رنا : بتقرب لماجد الصبوح 🍷🥙 .. هااه روحي فعلت لك سندوتش وعصير قدهو ظهر علشان تتغداء ..


ماجد : بيتمطط كان راقد 😴 ليش ماقيمتيني أسير اداوم .


رنا : بتحاكيه بدلع 😊 ماسخيتش عليك ياقلبي قلت اخليك اليوم ترتاح قدك في جنان ومشاكل واصل مع اخوتك وذلحين موضوع هذا الي هرب ماعاد جاش يخطب قدوذا ابسرت كيف كلام أبوه ...


ماجد : نفخ بضبح 😤 أوووف لاعاد تذكرينيش أقسم بالله ان قد دمي بيفور لهم وزيد هذك الكلبه راضيه به وامي وريان لكن عيس قدوذا صرعهم وفحط ..


رنا : بتقسم له السندوتش 🥙 أصلا الصدق مشو الغلط منها الغلط من عمي وعمتي وزد ريان زيدوا لها الدلع خلوها تفعل مافي راسها لما ماعد احترمت أحد حتى أنت مع انك اخوها الكبير وتكسر راسها ...


ماجد : رفع حاجبه بهنجمه 🤨 خلااص قد انتهى زمن الدلع ماذلحين ماعد لها الإ جلسه فالبيت وقصده الله وماعدبش خرجات ولا خباير ولا تلفون لما يجي لها نصيب وزوجتها ..


رنا : إبتسمت 🙂 أيووه جبر زوجي المشحوط انا فداله وبعدا هو لها في مصلحتها مالها الإ زوجها وبيتها إبسر كيف أنا مالي فالأخير الإ انت وعيالي ....

https://t.me/joinchat/AAAAAERja9LRzSkmuZYIRw

🌹meme_abdalgaleel

بارت 87


ثاني يوم الصبح 🌞..


في بيت جد محمد 🏬...


محمد : عادهو راقد 😴....


مهند : قام قبله ابسره راقد😴 استغرب دخل يقيمه .. بعد البطانيه من فوقه يييه محمد هييا موخم عتقوم معك جامعه ....


محمد : سحب البطانيه وغطى وشه .. يا اخي خليني ارقد 😴 ما اسير افعل كما دبرت لهم زلط شاسير اليوم معي اختبار ولو اسير ماعيدخلونيش شرجع امتحنهن في اكتوبر...


مهند : سحب البطانيه من فووقه ...بهنجمه 🤨 قوووم قوووم شررق عليك قوم امتحن قلك اكتوبر قد دفعت لك قسط بس نسيت ما اقلك ...



محمد :فتح عيونه وانتهض بسرعه 😳 دفعت لي مااهو وكيف منين الزلط ..


مهند : مش وقت التحقيق ياكونان قوم الحق اختبارك ..


محمد : مشنا مذاكره كيف اسير..


مهند : قووم حل بالحاصل كودك فوق الكتب 📚 احسن ماتخليها لاكتوبر..


محمد : والزلط 💷منيه كيف فعلت ..


مهند : ضحك🤣 ودهفه يلله قووم شرق وبعدا عنتجابر ...



....... ........ .......


في بيت احمد 🏬...


أحمد : مارقدتش 😴 طول الليل بيفكر ...


سلا : قامت بتتجهز عتسير الجامعه 🏫 ..


احمد : دق لها باب الغرفه ✊🏻.. سلا عادش موجوده ..

سلا : فتحت له الباب 🚪 .. ايووه قدنا شخطى ذلحين ..


أحمد : اخوش محمد بيجي الجامعه 🏫... لو اجي معش شلقاه ..


سلا : إرتبشت 😅 وافتجعت لايتصايح معه ... هاااه مدري اصلا ..


أحمد : بهنجمه 🤨 بيجي ولا مااشي ...


سلا : مدري اصلا أوقات معه محاضرات مش في وقتي مابينبسره كل يوم ..


احمد : ببهراره 🙄إتصلي له يله 📱 قدامي ولا تقليش له أني بينسأل عليه وافتحي الاسبيكر ..


سلا : إفتجعت منه 😥.. طييب حاضر الان وبتتصله ..


محمد : فوق السياره مستعجل رد .. ع طوول مااهو ياهرم شرق عليا معي امتحان ماتشتي .


سلا : بربشه 😅 هاااه خلاص بس كنت اشتي اعرف عتجي او مع يله باي باي وغلقت..


احمد : اشر لها . يله اخطي قبالي شاجي معش وياويلش تحاكيه او ترسلي له ..


سلا : خرجت معه وتعذرت انه نسيت الكتاب 📙 دخلت بسرعه رسلت لرهف انه تحاول ماتبان علشان ابوها عيجي لايعرف انها معاهم فالجامعه ...



🌹meme_abdalgaleel

https://t.me/joinchat/AAAAAERja9LRzSkmuZYIRw


@qesasanani

بارت 93



بعد العصر ...


في بيت حسين 🏡...


هيفاء : جالسه في الصاله فووق الكنبه .. ماقلك عمك مايشتي ليش اتصل عيجي ...


ريان: إبسر رهف وغمز لها 😉 مااشي قالوا يشتوا يجوا معاهم موضوع يشتوا يحاكوكم ..


هيفاء : ان شاء الله خير بس قدوذا قلت لك ماينزلش ماجد ولا إشتي أبسر له صوره ..

ريان : قد قلت لهم قالوا اسهل اول عيجوا يحاكونا إحنا وبعدا عيدعوه ..


رهف : سمعت صوت الجرس حست قلبها نكع 💓 لانها داريه مايشتي ... هذا شكلهم عمو جو قامت فتحت له الباب 🚪 سلمت عليه ودخلت غرفتها وخلته مشقي بتتشقرهم وتسمع ماعيقلوا ...


خالد : بعد ماجلس شوويه وتجابر معاهم .. لفت لهيفاء 👀 ذلحين يا أختي امس جو لعندي بيت جيرانكم جاء احمد ال... ومحمد ابنه يشتوا يخطبوا رهف لمحمد وانا قلت لهم أول احاكيكم ونبسر مالنا وعلينا وبعدا لو به نصيب عيسخرها الباري ...


رهف : بتسمعهم 😄 حست قلبها 💗 طاار من الفرحه غلقت الباب وجلست تتقفز وتترقوص 💃...


هيفاء : إبتسمت 🙂 أنا عن نفسي ماشلقاش أحسن من محمد لافي رجالته ولا أخلاقه وتنهدت 😔 ريت والله وحسين عادهو بخير كم كان نفسه فيه ويتمناه لبنته ...

خالد : الله يرحمه ويوسع قبره .. ذلحين يعني موافقين أرجع الناس خبر ونبسر مالنا وعلينا ولاعاد انتوا تشتوا وقت وتسالوا رهف ونبسر ماجد ...


ريان : نبع ع طوول ... لا لا مووافقين اكييد رهف موافقه ع ضمانتي وماجد رائيه مش مهم عيفعل لنا هدار بس ابردوا منه ...


هيفاء : لفتت له 👀 إسهل يا ابني ماكان كان مايسبرش نتقفاه في موضوع مثل هذا ع الأقل قبال الناس ولا ماقلت يا اخي والي بيننا في بيتنا بس قبال الناس هو أخوها الكبير وعتقع شوعه في حق اختك ...


خالد : عداش العيب يا أختي ومدام والكل موافق ماجد ماعد عيقل شي وأشر لريان 👀 إطلع ادعي أخوك انا قد اتصلت له قال هو فالبيت ماعيخرجش خليه ينزل احاكيه ..


ريان : ضبح 😤 وطلع يدعيه وخايف من جغاره ماجد خاصه بعد كل المشاكل ومصياحته مع احمد ومحمد ....


....... ...... ..........


في بيت أخت سميره 🏡...


اخت سميره : هييا ناهي لش من الجنان سعم لاقد صبغ شعره 👨🏻 ان قد عيقوم يتزوج مابلا يمكن أنهو صدق فكر ان عمره سار وهو بين العمل عيقل يرتاح له شوويه ...


سميره : بتهز رآسها وحطت يدها ع قلبها ❤ ماااشي مدري ماله قلب نكز مشو توفيق هكذا ولا قد سمعته يتحاكى من عيال وكم قد تراشيته انا يتزوج واليوم يقلي هكذا مااشي مااشي والله ماهو قلبي مطمن ...


اختها : طيب ماقد ابسرتي عليه شي ولا كوده فوق التلفون 📱 نقل لاهو بيجابر احد وتعرف له ع واحده بتضحك ع عقله ..

سميره : ماااشي والله ولا به شي من هذا بس ماجراء عليه اليوم مدري ..


اختها : خلاااص بوردي ع قلبش ❤ ولا به شي ويمكن بس يشتي يجدد حياته بس وانتي حين تروحي خليش عادي واقنعيه وسافري معه تغيروا جو ..


سمر : ع دخلتها سمعت موظوع السفر مشهي عارفه بالكلام الي دار بينهن ... أيووه صدق ياماما هييا نسافر مع بابا حاكوهم بس اول نبسر اين عيسيروا ...


سميره : إبسرتها بإستغراب 😳 ليييش أبوش عيسافر ؟؟؟..


سمر : لفتت لها بتعجب 😳 يووه اوذا بتقلوا تخايلي أننتوا دارريين ...


اختها : انا بينقلها انا تحاكيه يسافروا يغيروا جو ...


سمر : هزت راسها كانت واقفه ... آااها يعني ماقد حاكوهمش شكلهم كان يشتوا يفعلوها لهم مفاجاءه وانا خربتها عليهم ..


سميره : ليش أيحين قلش إنه عيسافر ماجابرش ...

سمر : ولاشي بس لما وروني شنط الفساتين حق بنت صاحبهم العروسه الي ادوهن لها من تركيا بيسالوني لو حاليات قلتلهم اشتي اشل منهن عجبني قالوا هم عيسافروا قريب ويدولي ..


سميره : بهررت عيونها 😳 وفتحت فمها . شنط مه وعروسه مه ماهوو الموضوع ..


سمر : حكت لها ماحصل وانه اشترى نفس فستان الزفاف الي عجبها ...


سميره : ابليس 😈 دخل راسها ومليون فكره بتسير وتجي في راسها لفتت لأختها مصددومه ...


🌹meme_abdalgaleel


https://t.me/joinchat/AAAAAERja9LRzSkmuZYIRw


@qesasanani

سلاف : تسلم لي وربي مايحرمني منك أحبك ❤️...


أحمد : ولايحرمني منش 🫶..


🌹meme_abdalgaleel


https://t.me/+RGNr0tHNKSa5lghH




@qesasanani