❤️ وشآءت الأقدار ❤️

بارت 111

كمل يوم الدروع ويوم الذبال ..

اليوم يووم النقش حق مريم في القاعه ...


اليوم صنعاني بكل ترتيباته ..

اغلب النسوان المتزوجات يلبسين زنين مطرزه ومصر طالعي ونازلي فوق رؤوسهن والعروسه تلبس في البدايه القميص البلدي اللي تتغطى وبعدها زنه مطرزه وتغطي وجهها بلثمه خفيفه وتكون فاعله مكياج وتسريحه للشعر ومعلقه طرحه مطرزه في شعرها ...



في بيت هاشم 🏡...

سلا : تجهزت ولبست فستانها 👗 وصلحت شعرها كملت بدري ولبست العبايه قدها جاهزه وخرجت جالسه عند امها وعمتها ..


سلاف : قررت تعيش جو النسوان المزوجات وتلبس زنه مطرزه 😍 ومصر طالعي ونازلي من حق الراس .. اتصلت الصبح لأحمد يدي لها لأنها في بيتهم .. لبست زنه حمراء مطرزه وفعلت مكياج ثقيل وروج أحمر 💄 صلحت شعرها كله مطاوي وفتحته وصلحت النبعه ع جنب .. حاولت تلبسه ماقدرتش خرجت لعندهن ... دخلت حطته لهن فوق الفرش .. ماقدرت أصلحه 😅 صلحوه لي ياماما ...


سميره : ضحكت 😂 مع شحطتش حين انتي متعوده تلبسي ههه هيا جي لعندي اسبره لش خلي لأمش حالها ...


سلا : بتضحك 😂 ايووه وفي القاعه من عيكون يسبره لش لو يبتعد .. ماطلع لش تلبسيه مدام ماتقدريش ..


سميره : إسهل شاوريها كيف تفعله جي إجلسي قبالي أصلحه لش ..


سلاف : جلست تصلحه لها ...


أحمد :جاء يوصلهن بيداعي .. ييييه هييا ياسلاف شررق شتأخر معي موعد مع الرجال ...


سميره : جاوبته ادخل ادخل بين اصلح لمرتك المصر 😅 قبيلي ويشتي يتمدن ...


أحمد : دخل سلام عليكم .. ابسرها في الأرض ضحك🤣 وهذه مالها جالسه في القاع ويدكم في رآسها او عترقوها تخرجوا الجني ههههه ..


سلاف : لفتت له 😏 بعصره فم ..جني في عينك 👹 بيسبروا لي المصر ماقدرتش ...


أحمد : إبتسم😍 أول مره تفعل مكياج ثقيل هكذا وتلبس مصر شكلها حلوو ... الله الله ماهو هذا الحلا 😍 اسكه سنبي ابسرش سواء ...


سلاف : خزيت 😅 اول مره يقلها هكذا قدامهن ... لفت وجهها ع طول انت قلت جني ...


سميره واميره : ضحكين عليهم ...


سلاف : شاسير ألبس العبايه بسرعه لانتأخرش وخرجت بسرعه 🏃‍♀️ تهرب ...


سميره : الحق مرتك ابسرها ماعتروحش عترقد عن مريم هههه ..


أحمد : خرج بعدها يبسر شكلها باللبس هذا ويحانكها 😜..


أميره : لفتت 👀 تصدقي ياسميره كنت اقل انها مش مرتاحه الله يسعدهم يارب ..


سميره : لاتقلقي ولا شي والله انها مرتاحه أنتي كن ادعي لهم بس ..


سلاف : دخلت غرفتها.. وقفت بتبسر نفسها قدام المرايه 🪞 وعجبها شكلها سحبت العبايه علشان تلبسها ...


أحمد : فتح الباب ودخل .. ايووه يادلع اسكه ابسر الحلا هذا 😍 حق من هذه القمر ...


سلاف : ضحكت 😅 اخرج بطل جنان مالك لحقتني ماعيقلوا ...


احمد : ضحك ههه 🤣 ماعيقلوا مرتي وأنا حر ليش مادخلهم جيت أبسرها وأتحيلى لها ..


سلاف : بتدهفه .. أحمد امانه اخرج😅 هيا البس العبايه بسرعه واجي ...


أحمد : تمام شخرج بس توعديني عتلبسي هذا اللبس لماتروحي البيت بعد مايكمل عرس مريم ...


سلاف : حاضر 🥰 بس يله اخرج ..


أحمد : رفع يده 🤲🏻 يااارب صبرني وحنن قلبها عليها ولفت لها أحبش ❤️...


سلاف : بخزا .. 🥰 وأنا ...


أحمد : ابسرها 😬 وقشنن ماهو ماقلتي ..


سلاف : ☺️ وطت رآسها . قلت وأنا ..


أحمد : ضحك 😂 ايووه وانتي ماهو إشتي أسمع ...


سلاف : ضحكت 😂 ودهفته يله يله عتتاخر بعدا ع موعدك وخرجته ..


احمد : خرج .. ومن الباب اسهل اسهل عيديش الزمن وعتقليها بدل المره ألف 😉...


سلاف : لبست بسرعه وخرجت ..


........ ........ ........


في القاعه ...

كملت الزفه الاوله حق لبس القميص الصنعاني ...

مريم : بتتجهز للبس الثاني .. زنه مطرزه ثقيله خاصه بالعرايس مع لثمه خفيفه نفس اللون والقناع المطرز في شعرها مثل الطرحه .. لابسه تاج ذهب ولبست ذهبها كله والحزام ..


سلاف : بتمكنها المسكه 💐 هاه مريومتي بس لو سمحتي لما تدخلي وقت الزفه اخطي دلا مش مثل اول بسرعه ..


مريم : 😂 ضحكت مفعلكم هذاك اللبس ثقيل يطفح قووي وجهي كله مغطى ماقدرتش اتنفس ..


سلا : ابتسمت 🙂 والله انه لبس ضخم قد خورت البسه بطلي دلع ...


سلاف : لفتت لها بغمزه 😉 وافقي بس وأنتي عتلبسيه .. انتي عزمتيهم او مع ...


مريم : غمزت لها 😉 اكيييد كتبت دعوتهم بيدي هههه ..


سلا : بضبح 😤 الله يقلعكن أنا عزمتها لأنها صاحبتي بس ...


مريم : ههههه ناهي وإحنا ماقلنا 😜 هيا هيا قلي للمغنيه تزف إشتي أدخل قبل المغرب أتهنى بعرسي ..


دخلت العروسه وكان عررسها يجنن 😍 بكل تفاصيله.. وروحت سلا وسلاف يرقدين عندها لأنها ثاني يوم عتتنقش ويجهزين ملابسها يشلنها بيت زوجها قبل الزفاف ...


مريم : بتحاكي سلاف بصوت واطي .. هيا مه مازد فعلتي اتفقتي مع مايا ...


سلاف : مااشي قد قلت شرجع أسير بسرعه للبيت أنا واجهزها شاخلي يوسف يجي لي بسرعه ويرجعني للكوافير شاحاكيه بكره واتفق معه ...

مرريم : 😍 يوووه والحلا الله يسعدش يارروحي ...


مريم : ويسعدش ياارب 😍..


سلاف : ذلحين منش صدق مقاطعه حمزه ...


مريم : ايووه 😂 ولا عاد شاكلمه الا لمايجي القاعه ظهر نتصور خليه يشتاق لي ..


سلاف : صدددق خلاص وأنا بعدش 😉 ..

🌹meme_abdalgaleel



@qesasanani

❤️ وشآءت الأقدار ❤️

بارت 112

اليووم أخر ليله لعروستنا الحلووه في بيتهم ...

سلا : بتبخر باقي الملابس وتحطهن في الشنط 🧳 ...

مريم : المنقشه عندها بتتنقش 😍...


سلاف : دخلت لعندها .. يابنتي جاوبي زوجش قد اتصل فوق ٣٠ مكالمه 📱 لاتلفونش ..


مريم : ضحكت 🤣 والله ما اجاوبه رسلي له رساله (قلي له مريم بتتنقش قالت ماعتجاوبش باقي اليوم بس ولاتنسى بكره الساعه ١ ونص تجي للقاعه علشان جلسه التصوير لاتتأخرش) ...


سلاف : ضحكت 🤣 والله انش مجنونه حرام عليش جاوبيه قدلش شهر مقاطعه له ..


مريم : عييس 😜 علشان يتشوق يشوفنا بكره ..


سلاف : ناهي يايتشوق .. اسمعيني شاسير ذلحين أنا وخاله نشل حقش الشنط 🧳 بيت زوجش شارتبهن لش وأصور لش علشان تعرفي فين كل شي ..


مريم : تمام ولاتنسي ماتمري مع الطريق تشلي اللي بالي بالش 😉...


سلاف : ضحكت هههه 😅 أيووه قد اتصلت وقالوا جاهزه .. وقد اكدت ع صاحبه الجاتووه 🎂 والكل قالت الساعه ١٠ والاوله جاهزه والثانيه ١ عتدي الثانيه ...


مريم : والمصوره والكوافير زد أكدتي عليهن ..


سلاف : أيووه بس قالت الكوافير مابلا بدري لأن معاها عرايس👰🏻‍♀ خيرات ..


مريم : إبتسمت 😁 تصدقي ان انا متحمسه أكثر منش ههههه والله ان انا للآن مش انا مصدقه ..


سلاف : 😬 فعلت لها حركه باسنانها عرووسه ثقيله دم هههه يله بايو لانتأخرش ...

....... ....... ........


الساعه ٢ الظهر ..

في بيت حمزه 🏡. .

بيت عرس والدنيا كلها أغاني وفرحه اليوم القاعه حق حمزه قرر يفعله قبل مريم بيوم علشان يقدر يتصور براحته ومايحنب بالوقت ...


حمزه : بعد ماكملوا يلبسوه لبس العرريس الصنعاني 😍 نزل يسلم ع أمه وأخته وخالاته وعماته ...


النسوان بيزغرطين وفارحات 😍..


أم حمزه : بتبكي 🥹 من الفرحه .. يوووه الف مبرووك يا ابني ..


حمزه : بيسلم عليها 😘 الله يبارك فيكم .. جوا نتصور ..


الرجال : بيصيحوا هييا شرق عيتأخروا يشتوا يبدأوا الزفه من البيت قد صوت البرع والمزمار 🎺 ملان البيت ...


حمزه : خرج لعندهم وبيزفوه أخوه وأصحابه 😍 والنسوان بيتشقرين من الطيقان ويزغرطين ...


أخت حمزه : صورت حمزه وصورته جزء من الزفه ورسلتهن لمريم توريها شكله لأنه قلها والله مايوريها مدام مارضيت تحاكيه هههه..


مريم : بعد ماشافتهن رسلتهن له بتحانكه (قدرت أبسرك وانت يامسكين ولا ابسرتني ولايوم طول العرس 😜 ) ..


حمزه : شافهن وضحك 😂 يله هانت باقي يووم وعتكوني عندي وبعدا عنبسر من اللي عيكون يعاند الشاطر اللي يضحك في الآخر .. أحبش ❤️)..


........ ......... ........


في بيت صاحبه سلا 🏡 ..

غسان : جالس مع اخته اشترى لها جعاله 🍡🍭🍫 رشووه علشان تتصل لسلا يسمعها تكلمها منه وتسألها اي وقت ممكن أمها تسير عند الولاد وقدهي موجوده فالبيت ...


صاحبه سلا : إتصلت📱 لها بتسألها كيف هي وأي حين روحين مع مريم وبتجابرين مابتفعل ...


سلا : بنكمل باقي التجهيزات حق بكره وأنتي مابتفعلي ...


صاحبه سلا : جالسه أكل جعاله 🍡🍭🍫 إشترى لي غسان أنا فدداله بيدلعني خيرات لو تبسري كم قد اشترى لي ...


سلا : مش هي داريه إنه بيسمعها .. بتحانكها 😜 ياخبلاء هو بيدلعش لأنش صاحبتي بس هيا خلي قسمي من الهواره .


غسان : إبتسم لما سمعها ☺️ قلي لها ششتري لها من عيووني ماتشتي وانا الان أشلش عندها وتشليهن لها ..


سلا : سمعته خزيت ☺️ وبتلاعنها أنتي عتبسري حسابش عندي ليش ماتقلي انه عندش ...


صاحبه سلا : ضحكت ههه😂 وأنا مفعلش أنتي اللي صوتش عالي من التلفون مدراني إنه عيدخل ع هذه الجمله .. ذلحين ماتشتي أخليه يشتري لش وأجي اديهن لش .


سلا : بتصيح فوقها 😡 بطلللي والله لأزعل منش مشتيش حاجه من أي حين بين اقبل شي من واحد غريب وأنتي داريه ...


غسان : صيح بصوت عالي تسمعه 👂🏻قلي لها والله ماشجلس غريب وأنها عتوافق و شجلس اراعي لها لما تكمل دراستها لاتركنش إن انا شخطب 💍واحدة ثانيه واليوم شاسير لعند عمي هاشم مره ثانيه ...


سلا : فرحت😊 إنه مصمم عليها وضبحت😤 في نفس الوقت لأنه مش متعوده ع هذه التصرفات .. يله شاقفل اقوم أبسر مريم ماتحتاج عنتواصل بعدا وغلقت ..


غسان : ضحك من ردة فعلها 😂 .. ولفت لعند أخته .. تعرفي أين هو بيت العروسه بالضبط ..


صاحبه سلا : هو قريب من بيتهم بس مش انا متأكده من العنوان ...


غسان : خلاص قومي البسي أمانه أشلش عندهن وأشتري لها شوكلاته 🍫🍭 وعتتصلي لها من الطريق تسأليها اين هو بالضبط عتحرج منش وقدش قريبه ..


صاحبه سلا : بتحانكه الحب الحب ❤️ الله يرزقنا بواحد هكذا ...


غسان : خفعها 👋🏻 يرزقش بعصيه لأذبحش لو تحبي احد ...


صاحبه سلا : ضحكت هههه هو حقنا حق وحق الناس مرق 😜 يله اقوم البس بسرعه أمد ماتخرج تشتري ..


🌹meme_abdalgaleel



@qesasanani

❤️ وشآءت الأقدار ❤️

بارت 113


اليووم زفاف مريم 👰🏻‍♀..


الصبح 🌞 ...

في بيت مريم 🏡..

سلاف : بتتصل ليووسف 📱 يوووه عادك راقد يايووسف هييا بطل أمانه يله قد هو أخر يوم في العرس نتعبك معانا وبعدا عتفتهن من هرمي ..


يوسف : بيتقعم ملانه نووم 🥱 حسبي الله ونعم الوكيل بس هن هكذا النسوان هرمات أنا ماطلع لي أصدقش ...


سلاف : ضحكت 😂 يله إسهل شاعوضك في ولاد مرتك ذلحين هيا جي وصلنا عند الكوافير مايسبرش عروسه ونخليها اليوم تسوق ..


يوسف : نااهي ياعروسه قدهو مكتوب عليا توصيلات العرايس والأخت هذه اللي جنبي قد اديها من ذلحين والكل بدل ميه مشوار ..


سلاف : ماشي قد سلا اتفقت مع أحمد عيديهن الثنتين ظهر عيخرج من العمل بدري ويجي لهن شاسير ذلحين انا ومريم بس ..


يوسف : يله الآاان تجهزين أمد ما البس ...


سلاف : لفتت لعند مريم 😊 مبتسمه يله ياعروسه تجهزي قد عيجي ..


مريم : هو مابلا التاج والطرحه ادي ذلحين صح ..


سلاف : أيووه قد الفستان والأشياء الباقيه مع سلا قد سبقت بهن للقاعه علشان المصوره تشتي تبدأ تصور عتجي الساعه ١٠ وسلا عندها ..


مريم : خطيت بدون ما ازيد ااكد عليها تصور لي الكوشه والترتيبات كله سابر .


سلاف : لاتقلقيش كله عيكون مثل مافي نفسش أنا شتصلح الأوله قبلش أمد ماتجي سلا وشسبق وأشيك ع كل شي بنفسي ..


بعد ماجاء لهن يوسف ووصلين للكوافير...


سلاف : بعد مانزلت مريم بتمكن يوسف ظرف ✉️ هاه قدهن داخل كلهن اللي قلت اووبه يضيعين لأخنقك ...


يوسف : ضحك 😂 المشكله شختنق أنا وأنتي ...


سلاف : ههههه 😅 المهم اللي قلت لك ياويلك لو شي ناقص ...


يوسف : من عيووني 👁️ والله لأشيك بنفسي وأطيب نفسش وتكون مفاجأه حلووه ...


سلاف : تسسلم يايووسف وقووى لاتنسى ماتتصل📱 بحمزه تأكد عليه ...


يوسف : ولايهمش إطمني قدهن معي والآن شاسير ..


سلاف : تسلم لي 😊 يله باي لانتأخرش .. ومشيت ..


مريم : واقفه مراعيه لها .. هيا مالش ماعد جيتي ..


سلاف : جالس بيحاكيني ع مايا اتصايحوا وحنقت العرس أتصلها 📱 تجي ..

.......... ....... ........


في القاعه 🛕...

سلا : حطت الأشياء في غرفه العروسه ونزلت بتشيك ع الترتيبات والبنات اللي فالقاعه ...


منسقه العرس : طيب يعني الاغنيه الأوله هذه والعرض حق البروجكتر صح ..


سلا : أييووه والا اقلش خلاص ادي هذه الفلاشه شاخليها عندي وشرجع اديها لش بعدا ..امسكي هذه بس وحطي الاضاءات والفشيش هانا ..


المنسقه : ابتسمت 🙂 طيب اووك فهمت ولايهمش الا كله يسبر .


سلا : لفتت يله حلوو والجاتووه 🎂 كمان وصل والمصوره قدها فالطريق ..


المنسقه : خلاص لاتقلقيش والله الا كل شي يسبر أنتي الآن سيري تصلحي علشان تجي بسرعه ...


سلا : أيووه شوويه وعيجي لي يشلني ازيد بس أبسر باقي الأشياء ..


........ ........ .......


بعد ساعتين ...

في الكوافير ...

مريم : بتحاكي الكوافير اللي بتصلحها ..لحظه بس وقامت لعند سلاف وهي بتضبط اللمسات الأخيره تبسرها ..


سلاف : ابسرتها وابتسمت 😊 هيييا مااهو كييف ..


مريم : بإبتسامه كلها فرح 😍 يوووه ياشوووعه تجنني والله انها صلحتش تجنني قووي عتوقعي احلى من العروسه ...


سلاف : ضحكت🤣 إطمني محد عيلفت الإنتباه فالقاعه اليوم غيرش ..


مريم : فدديتها صاحبتي العسل من انا ومن أنتي يله اتصلي ليوسف📱 لاتتأخريش ..


سلاف : ايوه قد اتصلت له قدهو فالطريق وسلا قد عتجي ذلحين هي ومايا المهم تقطبين الساعه ١ ونص وانتي فالقاعه ...


مريم : ايووه أطمني قدوذا بتسمعش ولفتت للكوافير عتكملنا بسرعه صح ..


الكوافير : ايووه لاتقلقيش والله والعاملات قد عيجهزين البنات امد ما اخلصش يله اجلسي لانتاخرش ..


سلاف : مسكت تلفونها وبتتصل لأحمد 📱...


أحمد : حييا بروحي حيييا 😍 حيا باللي شلتها صاحبتها مني ...


سلاف : ضحكت هههه ☺️ يله هانت اليوم شاروح قد صاحبتي عيشلها زوجها وانا أروح العشي بس عتخرجني معاها تمام لما نوصلهم في الزفه ...


أحمد : حاااضر من عيووني👁️ ولو أن انا شحسدهم لأنه ماوقع ليش عرس مثلهم ولا زفه ...


سلاف : ضحكت 😂 بطل طمع اوذك فعلت عرس ..


أحمد : أيووه عرس لي وحدي وعرس بدون عروسه ...


سلاف : غالطته ... ناهي ذلحين إسمعني قد سيرت تدي سلا والا عادك ..


أحمد : أييوه قدنا فالطريق اشلها هي ومايا ..


سلاف : طيب أنت زد حلقت والا مع ..


أحمد : ضحك ههه 😂 اييوه والله هو أنا أقدر أقلش لا ماروحت أمس الا وقد حلقت شعري والدقنه ماصنف لش مدري ...


سلاف : ضحكت 😂 كيف ماصنف لي أصلا صاحباتنا عيبسرنك حين نزف مريم اشتي يقلين زوجي حالي ...


أحمد : الللله 😍 زوووجي محلى الكلمه هذه من فمش ...اسكه قليها مره ثانيه ...


سلاف : بتتهرب
... يله باي باي يوسف بيرن قد جالي يله لاتتاخرش ع سلا مريم وحدها باااي..


🌹meme_abdalgaleel




@qesasanani

❤️ وشآءت الأقدار ❤️

بارت 114

بعد ساعه ...

في القاعه 🛕...

سلاف : وصلت وبتشيك ع كل شي طلع كله مرتب 😍 ع ماخططين ..


المصووره : يله اطلعي تجهزي مابش وقت وانا شاساعدش ..


سلاف : يله الآن كله جاهز باقي البس بس بس دقيقه اتصل 📱 مسكت تلفونها وبتتصل لأحمد..


أحمد : الله الله من قددي اليوم اتصالين 📱..


سلاف : بتقلد صووت بكاء 😭 أين انت قريب والا بعيد ..


أحمد : إفتجع 😨 مالش بتبكي مابه ..


سلاف : إشتي تجي لي للقاعه بين انزل من الدرج وإدربت ووجعت رجلي جي تشلني المستشفى 🏥 ماعاد بين اقدرش اخطى ...


أحمد : إفتجع عليها 😱 يوووه كيف فعلتي يله ١٠ دقايق وأنا عندش كويس ماقد روحت البيت ...


سلاف : يله تمام لاتتاخرش .. قفلت ولفتت للمصوره هييا كييف 😉..


المصوره : بتضحك 😂 طلعتي خطيره ... يله البسي وجي اعلمش كيف تفعلي ...



بعد ربع ساعه ....

أحمد : وصل بيتصلها 📱 هاه روحي أنا باب القاعه عتقدري تخرجي والا أدخلش ..


سلاف : كاتمه الضحكه 🤭 مااشي ماشقدرش أنزل أدخل انت اوذا شاخلي المصوره تنزل تدخلك ..


المصوره : يله أنا شنزله علشان أطلعه ..


أحمد : شاف المصووره ... هاه فين هي ..


المصوره : طاالع في غرفه العروسه 👰🏻‍♀ ..


أحمد : يشتي يطلع ..


المصوره : هاه لحظه لحظه ممنوع تطلع .. وإبتسمت له 🙂 ..


أحمد : بضبح 😤 كيف ممنوع اطلع إشتي أنزلها ... اسكه لو سمحتي..


المصوره : مكنته كيس .. هاه لو تشتي تطلع شل اللي داخل والبسها 😊...


أحمد : لاحول ولاقوه الإ بالله إحنا والهباله هذا الساع يا اختي لوسمحتي خليني أطلع أبسر مرتي ..


المصوره : ضحكت 😂 طيب لو سمحت البسها سلاف بخير ولافيها شي هي فعلت هكذا متعمده علشان تخليك تجي للقاعه وهي اللي مكنتني هذا الكيس علشان تلبسها وقالت لي ما تطلع الا وانت لابسها ولو مش مصدق اتصلها 📱..


أحمد : مسك الكيس وفتحه بيخرج اللي فيه ابسر بدله عرريس 🤵🏻‍♂ يعني مااهوو ..(البدله اشترتها مريم اللي عجبتهن بعد ما اتفقين يفعلين هكذا ) ...


المصوره : يعني تلبسها بسرعه علشان أصوركم قبل ماتجي مريم 👰🏻‍♀وزوجها سلاف مراعيه لك طالع ...


أحمد : شل الكيس ومشي للحمامات يبدل وهو فارح 😍..


سلاف : واقفه فووق بتضحك متوتره حاسه نفسها عرروسه من صدق 👰🏻‍♀ كأنه اول يوم احمد عيشوفها ...


أحمد : كمل يلبس وبيتعطر قدام المرايه🪞 ويصلح شعره سلاف قد جهزت عطر وفرشه للشعر وجزمه وشرابات كل شي يحتاجه .. كمل تجهز وخرج ..


المصوره : شافته ..👀 هاه خلاص قدك جاهزز نطلع ..


أحمد : إبتسم 😊 أيووه أيووه إشتي أطلع أبسر الكذابه هذه ههه ...


المصوره : بس كذابه مثل القمر ماشاء الله 😁.. وطلعت قبله وهو وراها ..


احمد : يشتي يدخل للغرفه يبسرها ..


المصوره : لا لوسمحت لحظه أنت خليك واقف هانا لما اقلك تدخل ...ودخلت لعند سلاف ..


سلاف : لابسه فستان زفاف أبيض مطرز بورد من الكتف معه ذيل شكلها مثل الأميرات وطرحه طويله بتنسحب وراها👰🏻‍♀ مكياجها برز ملامحها ولون عيونها 👁️ بتضحك وتهز أيديها ☺️ يوووه والله ان انا خاززيه منه صدق كيف افعل ..


المصوره: خليش هكذا مقفيه وهو لما يدخل لاتلفتيش لعنده اجلسي لفي شويه اصور ردة فعله لما يبسرش 😁...


سلاف : طيب 😅...


المصوره : دعت احمد يله ادخل ..ومشغله الكاميرا🎥 بتصور..


احمد : دخل شاف عرووسه صدق قدامه إبتسم وفرح 😍 رجلش مكسسسوره هاااه ... وعادش مقفيه متخبيه مني بيقرب لعندها يبسرها ...


سلاف : بتضحك وموطيه وجهها ☺️ وبتلف لايبسرهاش ..


أحمد : بيضحك 😂 ههههه يله خلاص أنا شجلس ولما تقرري تلفي ابسرش قلي لي ...


سلاف : ضحكت بخزا 🥰 ولفتت لعنده ..


أحمد : أبسررها فتح عيوونه وإبتسم بقووة 😍 اوووووف اووووف والحلا ماااهووو هذا عررووسه من صددق ...وقرب مسك ايديها الثنتين وباسهن 😘...


سلاف : كان قلبها يدق بقووه ❤️ وبتتنفس بسرعه مش مصددقه اللي بيحصل وموطيه وجهها ☺️ ..


أحمد : رفع وجهها بيده بيتفرجها ابتسم 😊 اوووف محلى ملامحش من قريب هكذا حتى عيوونش اليووم غييير ..


سلاف : لفت وجهها ☺️ سعم ماتعرفنيش ..


أحمد : قرب لجنب إذنها بيشاورها 👂🏻 بس ماقد تجرأت أتفرجش بتركيز قووي الا ذلحين بعد ما حن قلبش وقبلتي بي حبيب وزوج 😍...أحببش ..


المصوره : يله علشان ننزل الزفه والصور تحت ...


المنسقه فتحت أغنيه الزفه ..

سلاف وأحمد بينزلوا من الدرج 👫 وهم مبسوطين وبيبتسموا 😊...


الفشيش والأضاءت اشتغلين والأضواء ..


أحمد : فاارح😁 ومش مصددق ان هذه سلاف اللي كانت تعانده وبيتذكر وهم صغار لما يلعبوا لفت لها .. تذكري لما كنا نلعب عريس وعروسه ويزفونا هكذا ...


سلاف : بإبتسامه😊 ولاعمري توقعت إنه ممكن يحصل حقيقه ...


أحمد : بس حصل لأنش كنتي حبيتي وعتجلسي حبيتي ومرتي طول عمري 😍 ...


وصلوا للكوشه والمصوره جالسه تصورهم ..

المنسقه : فتحت لهم أغنيه عمرو دياب وأنا معاك يرقصوا عليها وشعلت الشموع اللي في الأرض 🕯️ ..


سلاف : لفتت لها هذه اهداء مني لك😍 ...


( النهارده ياحبيبي سيبلي نفسك دا انتي عمري اللي عمري ماعشته قبلك انت مني مش بإيدي دا غصب عني إنت كلمه أحلى من كلمه بحبك ❤️
وانا معاك بعيش وأقدر وأكون ولابخاف لو ايه في هواك يكون لو ده جنون ايه احلى من الجنون نتجنن أكثر وأكثر كمان وأنا معاك ما بخافش من السنين انا هروح وياك لو روحت فين أنا بجيب الجراءه ده منين غيرت فيا كثير عن زمان 🥰)


أحمد : ماسك سلاف بيرقصوا وبنظره كلها حب😍 وأنا مجنون ومستعد أجنن أكثر وأكثر في حبش ) مسكها ولف بها دورها ...


المصوره : بتصور كل لحظه ومبسوطه في التعامل معاهم .. ياررب العريس الثاني يكون بشوش مثلك وتطلع صورهم حلووه مثلكم ...


قطعوا الجاتووو 🎂 ..


أحمد : بيعاندها ويأكل نفسه جااوع بغير صبوح مابش معي مره تصبحني 😜...


سلاف : بتضحك عليه وهي والمنسقه والمصوره 😂... ولخبطت كريمه في وجهه ..


المنسقه : فتحت البروجكتر واحمد وسلاف بيتفرجوا والمصوره بتصور 🎥...


أحمد : بيتفرج ويضحك 😂 صورهم وهم صغار مع بعض .. من أين اديتيهن يامجنونه ...


سلاف : جمعت كل اللي في بيتنا واللي في بيتكم يووسف ساعدني ...


أحمد : يعني طلعتوا مش سهلين مخطيين كل شي 😅..


سلاف : ابسر هذه وبتضحك 😂..


أحمد : شاف صورتهم وهو ماسك عصيه المكنس كأنها سيف سعم انه عريس وهي فاعله لها تاج 👰🏻‍♀من ورق ... مجانيين من يومنا 😅. .


قضوا لحظات حلوووه 😍 كلها فرح وحب كانوا مبسوطين...


سلا : وصلت هي ومريم ومايا ...ابسرتهم 😁 سارت لعندهم ...


مريم : بتتفرجهم من بعيد هي ومايا ..


سلا : يووه محلى أخووتي 😍 شكلكم يجنن كيف شعورك كيف المفاجأه ..


أحمد : تجنن 😍 بس حسابش عندي ماتقلي لي ..


سلا : ضحكت هههه 😂 علشان تتفاجأ يله ماذلحين كمل وقتك به عرسان يشتوا يتصوروا ويووسف خارج مراعي لك ..


أحمد : لفت لسلاف بيقلد زعل 😔 مشتيش أخرج .. إشتي أجلس معش ..


سلاف : إبتسمت ☺️ إسهل كلها كم ساعه وأروح ...


أحمد : وعتروحي بالفستان عروسه هكذا👰🏻‍♀ ...


سلاف : ماشي ..عيضحكوا علينا الناس عيقلوا جننت بتحسد صاحبتها 😅 بس فستاني هو سكري مطرز يعني عروسه والكل شرجع البس الطرحه بس ..


احمد : فرح😍 طييب ...


خرج احمد ودخل حمزه يتصور هو ومريم وكان يووم يجنن والكل فارح ومبسووط ...


خلص العرس وجاء وقت الزفه يشلوا مريم ..


مريم : فررحت 😍صدددق ليش ماتقلي ..


حمزه : لأن سلاف طلبت مني ما اتكلمش هي حجزت لنا الفندق🏢 ع حسابها هديه منها خلت يوسف يشل مني عقد الزواج والبطاقه وحجز ...


مريم : أنا فدالها أحلى أخت وصاحبه 😍 ....


وصلوا مرريم للفندق وكانت احلى زفه سيارات 🚗🚙🚗🚗🚙🚙🚙 وأحلى موكب ...


باب الفندق🏢 ..

احمد : فوق السياره لفت لسلاف 😊 بإبتسامه خلاص ذلحين نرووح بيتنا كمل العرس.


سلاف : هزت رآسها لااااااا 😅 إشتي أنزل معاها...


أحمد : ضحك 😂 ههههه أين تنزلي معاها وبعدا اليوم إحنا عرسان مثلهم نروح بيتنا ...


سلاف : رفعت اكتافها ... ماااعه ماشاروحش ...


أحمد : ضحك 😂 يااربي عينني ع جنانها ...


سلاف : ومدام إحنا عرسان مثلهم 🤵🏻‍♂👰🏻‍♀هيا ننزل ..


أحمد : أين ننزل لو كلمتيني كنت شحجز لنا ...


سلاف : رفعت حواجبها 😌 احم احم قد خليت يوسف يحجز لنا مثلهم قد سرقنا عقد الزواج وبطاقتك وقد شنطه ملابسنا في الفندق ههههه...


أحمد : وربي مجنووونه وأحبش ❤️ ..


نزلوا الفندق ودخلوا غرفتهم مرتبه ومجهزه كلها شمووع 🕯️وورد 🌹 ..


سلاف : كانت لابسه الطرحه 👰🏻‍♀ ع فستانها السكري ..


أحمد : وقف قدامها ومسك يدها.. وبيتفرج عيوونها 😍 ..


سلاف : وطت رآسها ... ماالك بتتفرجني هكذا ☺️...


أحمد : بإبتسامه 😍 من اليوم ممنوع تقلي لي لاتتفرجني أنتي حبيبتي وحقي ومرتي وحلم عمري اللي حسبت انه انتهى في فتره من الفترات وربي ماسخي فيني ورجعش لي أحبببش ❤️ ياهوى الجنه أحبش ياقطعه من قلبي قصدي ياقلبي كله ربي يخليش لي ولايحررمني منش ...


سلاف : أحبك ❤️.. وربي يخليك لي يااحلى عووض ربي عوضني فيه ...


أحمد : شل ورده من فوق السرير 🌹 ومكنها ..


سلاف : باقي حاجه لحظه ..


أحمد : جلس فوق السرير وبيضحك 😁 شكله اليوم كله مفاجآت ..


سلاف : أيووه 😅 خرجت علبه من شنطتها ومكنته ...


أحمد : فتح العلبه وخرج منها سلس نفس السلسله اللي إشترى لها بس في نص❤️ القلب صورته والنص الثاني تاريخ اليوم ...


سلاف : ممكن تلبسني 🥰...


أحمد : فرح 🤩 وبيلبسها .. ممكن سؤال فين السلسه اللي فيها صوره خالد ليش بعدتيها ...


سلاف : خبيتها مع كل حاجات خالد في غرفتي في بيتنا ..خالد كان الحلم بس أنت الواقع وحبكم في قلبي ❤️ ..


أحمد : الله يرحمه ولاتفكري للحظه إن انا ممكن أغير من شخص عند ربه واوعدش وعد رجال كل ماتحبي تزوريه أشلش ..

سلاف : تسلم لي وربي مايحرمني منك أحبك ❤️...


أحمد : ولايحرمني منش 🫶..


🌹meme_abdalgaleel


https://t.me/+RGNr0tHNKSa5lghH




@qesasanani

❤️ وشآءت الأقدار ❤️

بارت 115

بعد سنه ....

في بيت هاشم 🏠..

كلهم متجمعين عندهم غداء اليوم خطوبه سلا 😍...


أميره : دخلت للديوان .. حطت محمد في حضن هاشم 👶🏻 هاه إشبح إبنك ولا خلاني أفعل مهره ..


أبو أحمد : إديه إديه عندي الاعبه شوويه قدنا فاقده له 👶🏻 ماهذا محبته ثانييه ...


يووسف : بضبح 😤 أيوووه أيوووه ماهذا ثااني وبنتي👶🏻 مااهي ...


سميره : كانت بتقرب الصحون 🍽️ .. ضحكت 😂 جالس حسساد قدك أب .. وبعدا من قلك إنه مابيحبش بنتك ..


أم أحمد : صدقي له والله انه ابوه عيجنن ع بنته مايبكر الصبح الإ يدورها ومايرقد الإ لما يبسرها ..


يوسف : ضحك 😂 داري والله بس بين احانكهم ..


أحمد : جالس وسلاف جنبه .. أسهل إسهل خلوا محمد وريتال 👶🏻 يدلعوا ذلحين قد عيجي إبني ويشل محبتهم كلهم وغمز لسلاف 😉..


سلاف : يوووه منك 😅 ليش تتحاكى ماكنت إشتيهم يدروا ذلحين ..


أم أحمد : زغردت ... يوووه مبرروك مبرروك 😍 ولا تتحاكوا ..


سلاف : خزيت☺️ أصلا كنا نشتي نفعلها لكم مفاجأه...


أبو أحمد : مبرروك ياعيالي الله يرزقكم الذريه الصالحه ..


هاشم : ماشاء الله مسرع كبرت أسرتنا 😁..


مايا : سلاف ماقلتي لي شو بدك صبي والابنت ..


احمد : لفت لعند سلاف ... صبي 👶🏻إن شاء الله وعنسميه خالد ..


سلاف : إبتسمت 🥰 إن شاء الله ..


هاشم : فرح انه فعلا اختار لبنته الرجال الصح اللي يحبها ويخاف ويحافظ عليها وبيحمد الله انها مرتاحه وماظلمهاش ...


يووسف : ذلحين عتغدونا والا ماشي يجوا الناس يخطبوا💍 وعادحنا جاووعين هييا مه ياعرووسه عيقلوا شم بيتكم أكل ويرجعوا هههه ...


سلا : دخلت وهي بتضحك 😂 مفعلك وأنا هن حقنا الأمهات قدهن عجايز وجدات ماقدرنش يقربين لكم غداء حين انا مشغوله بين اتصلح وهذه مصدقه نفسها حامل وزوجها ماسك لها جنبه لاتتحرك ..


أحمد : ضحك 😂 هههه يووه ربي يعينك ياغسان والله انه ودف بهذه البنيه بقدر ماسلاف هادئه وكودها بتخزا بقدر ماهذه مشاكسه ...


هاشم : ضحك هههه 😂 هو اخبر بروحه قد حاولت أقنعه اجي له يمين شمال اقله البنت قدهي حق مشرحه وجثث والرجال مصمم مصمم جننا في ارواحنا لما شلها خليه هو المودف ..


سلا : بتضحك 😂 يوووه يا الله ماالكم هكذا ماتقدروش مواهبي ولا روحي المرحه بس اسهل كلها كم سنه واكون اشطر دكتوره واتزوج وارحلي وبعدا تحسوا بغيابي...


جلسوا يضحكوا ويمزحوا والعصر جوا الرجال وخطبوا 💍 سلا لغسان وإتفقوا ان العرس بعد ماتكمل دراستها ...


أما مرريم صديقتنا الحلوه قدهي مصصمه أزياء مشهوره وفتحت لها معمل خاص فيها وحمزه دايما يدعمها وواقف جنبها ويسندها 😍..


بدأت قصتنا بعرس كان نهايته حزن ومأساءة😔 وأنتهت قصتنا بعرس كله فرح وسعاده 😍 ..


أوقات تحصل معانا أحداث نحس إن الحياه وقفت بعدها ومش قادرين إن احنا ممكن نخطو خطوه واحده نحس إن احنا مقيدين ونستغرب لما نشوف ناس عايشه ومكمله حياتها لكن يظهر أشخاص في حياتنا يرجعوا لنا الحياه وينوروا طريقنا ويرجعوا لنا الإبتسامه 😊 وكل شخص مننا في احمد في طريقه بس لازم يفتح عيونه ويشوفه ممكن يكون حبيب ممكن يكون صديق ممكن يكون شخص غريب بس مد يده لك علشان يخرجك من الظلمه اللي أنت فيها .


أتمنى تكون القصه عجبتكم وشكرا لك شخص تابعني وقدر التعب والجهد علشان أقدر اكتب لكم بارت واحد وأعتذر منكم ع التأخير هذه المره بس فعلا كانت ظروفي أقووى مني وغصب عني أتمنى إنكم تدعموا الصفحه وتضيفوا أصدقاءكم ..

تحياتي لكم 🥰...



🌹meme_abdalgaleel


https://t.me/qesasanani/4825



@qesasanani

انتهــت❤️

🌸 رواياتنا التي قد تم عرضها كاملة....

1- حب❤️ تحت القصف🔫💣🚀

https://t.me/qesasanani/2


2- عودة الماضي👇🏻👨‍👩‍👧‍👧

https://t.me/qesasanani/253


3- ضحايا القدر😢

https://t.me/qesasanani/424


4- بيت جدي🏘🧓🏻

https://t.me/qesasanani/690


5. وجع السنين💔

https://t.me/qesasanani/1240


6. سأكتفي بك حلماً ❤️‍🩹

https://t.me/qesasanani/3374


7. وشاءت الأقدار ❤️

https://t.me/qesasanani/4825



🌸.......

🌺🍃🌸
📖 رواية 🖋 ...
حب أحيا قلب الذياب
🌺🍃 ..
الكاتبة المتألقة : سماح العواضي

( حب ، قتل ، سحر ، ألم ، دراما ، وفاء ، تخطيط ، فراق ، خيبات أمل ، نهاية سعيدة )
.
@storykaligi 📖