بارت 77



ثاني يووم الليل 🌚..


حوالي الساعه 7


في بيت أحمد 🏬...


سلا : في غرفتها بعد ماتعبت من النقوله اتصلت بتحاكي محمد 📱بعد ماكملت تجابره .. ماتوقعتهاش منك يامحمد ؟؟؟


محمد : في البقاله جالس .. خفع الماسه بغرق بيده 🤛🏻 ماااهو ياسلا هذا الكلام والخباله ومنكن صدق تفكرين فيني هكذا معقووله وأنا بينقل مالها رهف مقلوبه فوقي ولاعاد رضيت تحاكيني ولما سالت ريان مالها قلي هي قالت له حلفت ماعد تحاكيني بعد الي حصل علشان ماجد ومشاكله ..



سلا : احرجت 😅 وأنا مدراني أنا قلت لك ماقالت لي وبعدا منك صدق الجامعه كلها عتتحاكى عليك ومابش بينك وبينها شي خاصه انها تحاكت هي من فمها ...


محمد : بيتليقن عليها 😬 خخخخخ قسما بالله اننتين سامجات الثنتين وغاويات يعني بعقلش انتي والمدلوزه الثانيه لوبيني وبينها شي عاد شاخليها تدخل نفس جامعتي وشتصايح مع أبي واخرج من البيت واتشحطط علشانها وفوق هذا كله ريان عيرضاها العب ع أخته ...


سلا : رمشت بعيونها 😁 وإبتسمت ... يعني. ياسمين بتكذب ...


محمد : عصب 😠 سلااااا عتبطلي خباله .. قومي حاكي البقره الثانيه قليلها تعقل اتصلي لها وللصبح وانا شتفاهم معاها فالجامعه وأبسر ياسمين الزفت هذه واخليها تبطل كذب ...



........ ......... .........


في بيت حسين 🏡....


في شقه ماجد ...


ماجد : باب البيت بيسلم عليه 🤝🏻 أهلا وسهلا ...


توفيق : جالس متوتر ... أهلا فيك أكيد مستغرب من أنا وماجيت أفعل ...



ماجد : ابتسم بإحراج 😅 والله لوتشتي الصدق اني مستغرب بس شكلك مألوف كأني قد إبسرتك ...



توفيق : أيووه شفتني في العزاء حق أبوك الله يرحمه جيت مع جاركم احمد ال.... انا كنت نسبه ابنه مهند كان خطيب بنتي بس قد فسخنا ...


ماجد : سمع إسمع أحد وتغيرت ملامح وجهه 😠 نععم ماتشتي او رسلك يوفي ماقد حصل ..


توفيق : حس ان به شي بينهم ومشاكل أشر بيده 👋🏻 لا لا ولاعليا منه ولا أدخل ولا عاد يهمني ولا أتشرف اني أعرفه قد فسخنا وانتهت حتى علاقتي فيه ولا عاد يشرفني حتى اذكر أسمه ...


ماجد : هداء وجلس توضع .. طيب ماعرفتنيش عن نفسك ولا ماتشتي ..


توفيق : أنا توفيق ال.... صااحب مجموعه شركات ال ....


ماجد : فتح عيونه 🤪 هااااه أيووه عرفتك ماشاء الله اسمك معروف. تشرفنا ...


توفيق : حط يده ع صدره 👋🏻 الشرف لنا يا إبني أكيد ذلحين بتحاكي نفسك ماجيت افعل وما أشتي منك ..


ماجد : حك شعره بيده 😅 الصددق أيووه ..


توفيق : شووف يا إبني أنا شاجي لك من الأخير وأدخل فالموضوع ع طول أنا مامعي فالدنيا هذه كلها الإ بنت واحده ونفسي يكون لها أخ ومرتي الله يحفظها والله مقدر أقل فيها الإ كل خير بس ماعد تقدرش تخلف وانا قدك داري صاحب خير وعز وحرام كل الي فعلته طول هذه السنين في الأخير يشلوه اخوتي ع البارد وإشتي اخ يكون سند وعزوه لأخته ...


مااجد : مبهرر عيوونه مركز 🙄 معه .. اكيد هذا من حقك وتفكيرك صح وفي محله . بس مادخلني أنا في هذا كله ...


توفيق : أنا جييت طالب راغب في أختك المصون رهف ع سنه الله ورسوله بعد ماسمعت عنكم وعنها كل خير داري اننا كبير عليها بس أنا موافق ع كل شروطكم وشدي لي بيت لحالها بإسمها بشغالتها وسواق وسياره 🚘 تحت خدمتها ومصاريف العرس ع حسابي والذهب وشاحط لايدك المهر الي تطلبه من مليون لاعشره وبدل ما انت بتشتغل في الحكومه شاشغلك معي وبمرتب ضعف الي معك ....



ماجد : إبتسم 😃 وافتتحت عيوونه .. حس العرض مغري جدا ويبعد رهف من فوق ظهره ومستقبلا كل فلوس توفيق عتكون لاخته وعيالها بس كيف عيقنع أمه واخوته طنن شوويه 🤔 أنا عن نفسي موافق بس قدك داري لازم اشوف رائيهم فالبيت ..


توفيق : وهذا من حقكم بس أنت اخوها الكبير والكلمه الاخيره لك تعرف مصلحتها وغمز له 😉 وحقك محفوظ .. وسنب ذلحين هذا كرتي فيه ارقامي وانت ابسر الي يناسبكم ورجعتني خبر.


ماجد : مسكه بدرري .. اجلس نتعشاء جمعه ..


توفيق : ابتسم له 😁 مره ثانيه ان شاء الله وقدحنا انساب ..


رنا : كانت وراء الباب 🚪 بتتسمع صوتهم عيخرجوا هربت للغرفه ...



🌹meme_abdalgaleel

@qesasanani

بارت 78


ثاني يوم الصبح 🌞..


في الجامعه 🏫...


سلا : بعد ماكملين المحاضره فعلت رساله لمحمد 📱 تقله اين هن جالسات ...


محمد : قري الرساله 📱 وسار ع طول لعندهن ..


رهف : إبسرته بيخطى لعندهن 🚶🏻‍♂لفتت لسلا ..وسنبت عتقومي نخطى ولا ارحلي ..


سلا : مسكتها من يدها 🤝🏻 راااعي محمد يشتي يحاكيش ..


رهف : بضبح 😤 بس أنا مشتيش أحاكيه .. قلتلش والله انه كذاب ..

سلا : سنبت .. ررهف راعي تحاكوا وتفاهموا وبعدا قرري محد عيغصبش ع شي ..


محمد : قرب لعندهن مبتسم 🙂 احلى صبباح ع احلى بنات فالدنيا ..


رهف : قفت وجهها 😏 للجهه الثانيه وساكته ..


سلا : بإبتسامه 🙂 صبباحك خير ياوجه الخير ..

محمد : لفت لرهف 😁 جبر الحانقه حقي .. ع فكره شكلش شووعه وأنتي مقززه ...


رهف : بضبح 😤 أحسن خليني شوعه بس علشان لحد يجي يكذب عليا ويقل انه يحبني وهو لعاب وكذاب ..

محمد : جلس فوق الكرسي وارتزح .. أيوووه ومن قصدش انه كذاب سعم أنا ...

رهف : مدري أنت أخبر .. أسال حبيبه القلب❤ ياسمين الي كسرت راسك 🤕 علشان سواد عيونها ...


محمد : لفت لها بإبتسامه😊 وسألتش بالله به عيون أحلى من عيونش 👁 الي سحرتني من طفولتهن قلك ياسمين ..


رهف : بعصبيه 😠 بببطل كذب خلاص قد حاكتني بفمها وسمعت عيال بيتحاكوا وواحده قالت انكم ع علاقه ...



محمد : سنب بعصبيه 😠.. وأنتي لأنش واثقه فيني قووي صدقتيهم صح ولأني لعاب اتصايحت مع أبي وفلت البيت وقد بينشتغل بياع في بقاله اصرف ع نفسي وسيرت لعند عمش اخطبش لأني كذاب مااهو الي عيجبرني ع هذا يارهف إذا ماكنت شاريش ..


سلا : بتهديه .. يييه بس من التبداع اهداء احنا فالجامعه عيبسرونا خلق الله ...


محمد : لفت لها آسف 😞 بس والله ان قدهو من قهري محد حاسس فيني وامي عيطلقوا ويخرجوا من راس أبي بسببي والأنسه رهف بتقل اني بينلعب عليها به لعاب يفعل مثلي ...


رهف : اقتهرت عليه 😔 وبصوت واطي أنا آسفه بس حط نفسك مكاني لما تجي البنت وتحكي لي وهي مش عارفه مابيني وبينك إيش مصلحتها ...

محمد : وهذا الي مجنني إيش مصلحتها تقل هكذا وتطلع ع نفسها كلام وهو مش موجود اصلا ..


سلا : يمكن إنها معجبه بك ولما دريت ان رهف جارتنا عتقل تقلها هكذا لو رهف معجبه بك .. والله ان قد شوقتوني اعرفها أينهي هذه ...


محمد : لفت لرهف 👀 اخطين معي وانا شاحاكيها قدامش وعتبسري أذا هي حبيبتي او ماشي وخرج تلفونه بيتصل لياسمين 📱... هااه اين انتي عادش فالجامعه ...


ياسمين : فرحت لما ابسرت اتصاله 😃 أيووه. أنا فالمكتبه ...


محمد : خليش مكانش أنا شاجي ذلحين لعندش أشتي أكلمش...


خطي 🚶🏻‍♂ومعه رهف وسلا بيخطين بعده 👭...


ياسمين : خرجت المرايه بتتوضع فارحه 😃 ابسرته ابتسمت وخطيت لعنده ...


محمد : وقف بضبح 😤 وسلا ورهف وراه ... لفت لها بعصبيه 😡 ممكن ذلحين أعرف أيحين كنت حبيبش يا محترمه وايحين وعدتش بشي ولا كان بيننا شي هذه جزاه المعروف والموقف الي سويته معش ...


سلا : أول ما أبسرتها عرفتها 😨 وبتشاور رهف .. يووه هذه الي عرفني محمد عليها لما جيت معه وانا قلتلها انه بيحب اخت ريان وانش صاحبتي ..


ياسمين : انصدمت من كلامه 😢 وتشارغت عيونها بالدمووع .. أنا آسفه يامحمد بس والله انه وليد قلي أفعل هكذا وجلست فوق الكرسي بتبكي 😭 وبتحكي له كل الي حصل من اول ماضغط عليها وليد تكلمه ..


رهف : بقدر مازعلت😔 عليها بقدر مافرحت😁 ان محمد بيحبها ومابيكذبش عليها ..


محمد : بعد ماتصالحوا واحتلت المشكله بيزبج 😜عليهن هيا اعزمني صبوح انا مشرد رحمتاه لحالي بياع في بقاله حرراف مابش معي زلط ...



سلا : ابتسمت 🙂 هيا شعزمكم انا وشل لك الزلط حقي الي ادولي بابا وشاقلهم اشتي مصاريف ..

محمد : ضحك هههه 🤣 تسلمي بس ماشعزمكن الإ انا ولفت لرهف وعادنا ششتري لش تلفون 📱 لأن قدنا فاقد لصوتش ...


رهف : لفتت له بمحانكه 😜 قد معي قد اشترى لي ريان بس انا كنت حانقه ومشتيش تدرى به ..


سلا : خفعتها بالكتاب 📕 طيب. انا شاوريش وانا ليش مخبيه له عليا ..

رهف : إبتسمت 🙂 لأنش عتديه له ...



🌹meme_abdalgaleel


@qesasanani

بارت 79


في بيت أحمد 🏬...


ناديه : بتقيم أحمد .. هيا عتسير الشركه مالك راقد ..

أحمد : كان ساهر طول الليل بيحسب بعد ماطارت عليه مناقصات والبنك رفض القرض بعد ماتوفيق قلهم انه ماعاد عيضمنه ..بعد البطانيه من فوقه وجلس .. بضبح 😤 مااشي ماشاسيرش خليني اول القى حل للجنان الي أنا فيه حسسبي الله فيهم عيال فسخه خطوبه مهند لعبت لي بحاجات خيرات في شغلي ...


ناديه : جلست جنبه فوق السرير وحطت يد ع يد وعوجت فمها 😏 حسبي الله فيهم جهال ولا انت بتتعب وتجنن علشان من كله فالأخير هو لهم سعم إن الحب ❤ حقهم عيعيشهم ويأكلهم لقمه .


أحمد : هو لو يرضى هذا الزفت مهند يجاوب تلفونه بس 📱 ولايرد ع رسايلي ان قد شليته يتأسف لعمه ويستسمحه ان قد حلينا مشكله القرض ...


ناديه : 🤔 بتفكر .. أممممم ماشي مارائيك تقل لمحمد انك موافق تخطب له رهف وتخطبها بس بشرط مهند يرجع لسمر ..


احمد : فتح عيونه بهرر اتفاجاء من كلامها 😨 أنتي بعقلش ولا قد بتجنني مااهو هذا الكلام خطوبه مه ..

ناديه : بتاشر له بيدها 👋🏻 راعي راعي إصبر إسمع كلامي سعم ان قدنا بينقلك زوجه قله ماقدبش خطوبه رسمي ولا زواجه الإ لما يكمل قرايته لكن عتسير تقرى الفاتحه مع أخوها تحجزها وتحط كلمه وكما كمل عتخطبوا رسمي وتعرس ولاهذاك الوقت من حله قد عتكون رتبت امورك وسبر عملك وماخطي الإ قولنا ومازوجناه بها ...


احمد : جلس مطنن في كلامها 🤔 بيفكر حس انه تفكيرها منطقي وعقلاني نزل لعند غاده بهنجمه .. اتصلي لعيالش قلي لهم موافق اخطب لمحمد بس بشرط قرايه فاتحه مع اهلها وكما تخرج خطبنا وزوجنا بس اذا مهند عيجي يتأسف لتوفيق ويرجع لسمر ...



...... ....... ........


في بيت حسين 🏡..


في شقه ماجد ...


ماجد : كمل يصتبح 🍛🥘 .. في يده قلص الشاهي ☕ بيحاكي رنا .. ذلحين قد بينهم كيف شنزل افاتح أمي في الموضوع ..


رنا : غيوزت عيونها 😏 وانت بعقلك سعم أن عمتي عيرضوا يزوحوها بواحد مثل أبوها ومزوج إجلس بس ..


ماجد : بهنجمه 🤨 لكن ابسرتي ماقد عيفعل ويدي وزلطه كلها عترجع لها وعيالها انتي مجنونه نطير هذا العريس من يدنا وزد اقهر به جارنا احمد إنهو فسخ خطوبتهم💍 وخطب بنتنا ويخلي ابنه له ...


رنا : إبتسمت بخبث 😆 ومن قلك تطيره بس لاتحاكيهمش الا وقد كلشي جاهز .. أنت اتصله📱 بس قله موافق وأسمع الي شاقلك عليه بس وأخطي بعدي وقدهو تتزوج نفتهن منها ومن دلعها وجنانها ...


ماجد : بيسمع كلامها 👂🏻 ويبتسم 😄 والله إننتي ذكيه .. شاراعي زيد يومين واتصله علشان اقله انه كنت جالس بينقنعهم علشان يوبه لي سواء ...



ياهل ترى مهند عيضحي بحياته علشان اخوه ويقبل يروح يعتذر ويرجع لسمر علشان محمد يقراء فاتحته هو ورهف ولا ماجد ورنا ناووين ع شي ..


🌹meme_abdalgaleel


@qesasanani

بارت 80

العشي 🌚


في بيت جد محمد 🏬...


مهند : دخل لعند محمد وفي يده سندوتشات طعميه 🌯 .. هييا قوم افعل لنا شاهي ☕ الشاهي عليك ..


محمد : كان بيذاكر📖 خفعه بالوساده كنت عتكمل الجماله وتزيد تفعله انت ...



مهند : يله وأنت قدوذا ربي عيتوب علينا ونرجع البيت من الشحططه وابتسم 😁..


محمد : إستغرب 😳 كييف يعني ؟؟؟..


مهند : يعني أبوك رضي علينا وقال نرجع وعيخطب لك رهف قصدي مش خطوبه خطوبه 💍 بس عيقراء الفاتحه مع اخوتها ويحجزها لك ويحط كلمه وكما بعد جامعتك قدهي خطوبه وعرس قال مشو حالي يعلقها من ذلحين خطوبه خيرات ..


محمد : طنن 🤔 كييف خيرات وماعد معي الا هذه السنه وسنه وبعدا كيف لوماغيروا رائيهم الصدق مشنا مقتنع مدام عادهم مايشتوش شي رسمي شكلها ضحكه علينا يسالونا بس ..



مهند : هز رآسه .. لا لا معتقدش انها ضحكه لأنهم يشتوا اسير اعتذر لأبو سمر وارجع اخطبها 💍...


محمد : بهنجمه 🤨 أييوه وماقلت ..


مهند : إبتسم 🙂 وافقت ..


محمد : بيصيح فوقه 😡 ماااهو وافقت من المجنانه حقه عتكسر قلبك وترجع تخطبها علشاني .. أنا قد فكرت أن قلبهم حن ورضيوا بس مدام هكذا ماناش راجعي وشاكمل اقرى واشتغل واخطبها واتزوج ..


مهند : بيفتح السندوتش 🌯 ويتفرج للأرض .. عادي يا أخي أهم شي واحد مننا يتزوج بالي يشتي وسمر طيبه وشتعود عليها أنا ماحاربتش مثلك بس انت حرام يكتسر قلبك 💔...



محمد : قلبي عيكتسر صدق 💔 لما اكسر قلبك بس مشنا الي أدور مصلحتي ع حساب أخي ولو انت قدك تاعب من عيشه الجعجعه ارجع البيت بس لاتكسرش قلبك وتصدقهم وترجع تخطبها ...



مهند : قام لعنده وحضنه ونزلت دموعه 😢 كان نفسي وانا قريب منك من زمان اقلها كنت تعلمت كيف أحافظ ع حبي واوقف ضد الكل علشانه ..



محمد : حبه في راسه 😘 ذلحين لاتغالطش معي مذاكره سير افعل لنا الشاهي☕ كمل الجماله وجي نتعشى وماعذر من خير وربك عيفرجها ومابش رجعه لسمر ولا عنرجع الا بشروطنا ونخطب الي نشتي .



....... ....... ...........


في بيت خالد 🏡...


سميه : ضبحت مذاكره 📖 قامت تقلب وتتفرج صورهم وهم صغار شافت لها صور خيرات مع ريان بتحاكي نفسها 🤔 كان معي دايما بس ليش ذلحين مابيفكرش فيني وأنا جالسه أفكر فيه ..كيف اخليه يفكر فيني ويبطل يصروعني خرجت تلفونها 📱 وبتتصله ...


ريان : في غرفته ممدد فوق السرير بيلعب بالتلفون 📱 إبسر رقمها استغرب مالها يعلم الله مابه الساعه 10 جاوبها .. ألووو..

سميه : بصوت ناعم ودلوع مساء الخير ..


ريان : بقلق 😥 مساء النور خير يابنت عمي في شي. .


سميه : بدلع ... لا ليييش ماينفعش أتصلش الإ لو به شي ..


ريان : ابتسم 😅 اصترع هاااه مع مع اسهل عادي بس ابسرتها قدهي 10 ومشنا متعود تتصلي قلقت لو عمي فيه شي ..


سميه : مع عمك بخير ولا فيه شي بس كنت جالسه اتفرج صورنا واحنا صغار وكل صوري انا وانت كنا قريبين قووي مع بعض وذلحين قد كل واحد مننا في جهه تذكر🤔 لما كنت اجي عندكم كيف كنت تفرح وتسير تجعلي وتوبه لي وبتحكي له ...


ريان : ممدد وبيضحك عليها 😂 ايوووه ومايقع هذا كان زمان كنا جهال وما اذكرش الي بتقليه هذا كله . ذلحين ماتشتي عنرقد عنقرى ...


سميه : اصترعت 😰 هاااه ولا شي خلااص انا آسفه شكلي أزعجتك بس أنا ابسرتهن قلت اشاركك ذكرياتنا والماضي ..


ريان : شاااطره قدوذا قلتيها بفمش ماضي وذكريات يعني بح . ذلحين إحنا في الحاضر والحاضر بيقل انه ورانا دوام ونقوم نرقد نركز ماتشتي شي يابنت عمي ...


سميه : اقتهرت 😔 ولا شي تصبح ع خير غلقت وجلس تبكي وتلعن نفسها انها اتصلت له ..


ريان : غلق من عندها واتصل لسلا 📱 يحكي لها الي حصل ..



....... ........ ........


بعد يومين ....


ماجد : بيتصل 📱 لتوفيق مادرش رسله انا ماجد ال.... ..


توفيق : اول ما أبسر الرساله فرح 😄 أتصله ع طوول حيا الله بالنسب .. هييا مه بشر ..


ماجد : بشرى خير إن شاء الله البنت موافقه والأهل بس معانا شويه شروط نشتي نتفاهم عليهن وأهم شرط أن الخطبه تكون سكته بيني وبينك علشان عمي والبقيه لايفعلوش لنا مشاكل لأنهم يشتوها وكمان عيقلوا فارق السن بينك وبينها وانك مزوج الخ قدك تعرف الكلام هذا وقدهي نفعلها خطبه وعقد في يوم واحد علشان ماعد احد يقدر شي ولا يفتح فمه قدها وقتها عتكون مرتك ع سنه الله ورسوله ..


توفيق : فرح افتهن 😄 ورجعت رووووحه وانا موافق ع كل شروطهن مهما كانت وابسر اليوم الي يناسبك وع طول والله يتممها ع خيرر....

https://t.me/qesasanani/1240


🌹meme_abdalgaleel

بارت 81


بعد إسبوع ....


في بيت أحمد 🏬...


أمل : جت عندهم حانقه من زوجها ...


ناديه : بتصيح فوقها 😡 سألتش بالله به مره عاقله تحنق وتفلت بيت زوجها ...


أمل : بتبكي 😭 يعني ماتشتوا أفعل وهو بيسمع كلام أصحابه وقال عيتزوج أفلت بكرامتي قبل مايديها لعندي للبيت ...


ناديه : خفعت وشها 😱 يوووه. جعله العمى زواجه مه ماناقصش. يحمد الله عليش ...


أمل : قال شرع الله وماعيقع بي اوذا أبوش مزوج بثنتين وأصحابي والله ماحسوا بالاستقرار والفهنه سواء الإ لما تزوجوا كل واحده بتدور تسعده ...



ناديه : تنهدت ... آآح آآح بس عاد أبوش ناقص مشاكل مايكفيش الجنان الي هو فيه من تحت راس اخوتش ذلحين مشكلتش عتوفي له ...


أمل : بتبكي 😭 أنا داريه إنهم عيرجعوني له عيقلوا مافيها لكن قدنا قلت اجرب لاهو عيغير رائيه ...


ناديه : سنبت أنتي داريه شتصل لزوجش أنا 📱 أبسر ماهو خبره قبل مايدرى أبوش ....



........ ........ .........


في بيت حسين 🏡...


هيفاء : فالمطبخ بتفعل الغداء 🍲🍛 العيال فالجامعه ...


رنا : نزلت لعندها .. دخلت من الباب🚪 كان مردود بتدعيها يا عمه يييه ..


هيفاء : في يدها المضرب 🥢 بتضرب الحلبه سمعت صوتها 👂🏻 استغربت ولفتت لعند باب المطبخ ...


رنا : دخلت حطت صحن 🍮فيه حلا وقربت بتسلم عليها 😘 وتحضنها .. يوووه كم قدنا فاقده لكم كيف انتوا ...


هيفاء : مستغربه 😳 الحمدلله .. كيف لش فقدتيني .. وزوجش خلاش تنزلي ..


رنا : بتتريحم 😞 يوووه ياعمه مانا لو عليا والله لانزل يوميه بس مفعل ماجد الله يهديه مانع لي واليوم الصدق فعلت هذا الحلا وهو يعجب رهف قوي راعيت لما خرج وقلت ماعيدراش انزل بساعتي قدنا فاقده لكم قوي ..


هيفاء : ع نيتها ... صدقتها فيش الخير يابنتي حين حنيتي عليها عتحن عليش العافيه عادش احسن من إبن بطني لكن حسبي الله فيه الله يوريني فيه ..

رنا : يووه مع 😱 قووى ياعمه لاتدعوش عليه قلوا الله يهديه .. ذلحين خلوني اعاونكم بساعتي قبل مايجي ...


هيفاء : مع اسلمي انتي غر اطلعي لش بس لايجي يزوجش ويفعلش مشكله ماعد بش معي شي قد شاكمل واخطى بساعتي أزيد أكنس الصاله قبل ماتجي رهف حرام اعاونها بتوصل تكنس ..


رنا : مسكت المكنس ... مع والله مكنسها الا انا انتوا بس كملوا هنيه .. وخطيت بتكنس الصاله وفتحت غرفه رهف سعم انها بتكنسها وتمسحها وهي بتدور بطاقتها 💳 فتحت ع طول الدرج الي بتحط فيه ورقها لقيتها فرحت 😄 خبتها ع طول .. وكملت تكنس خرجت بسرعه للصاله ...


هيفاء : ما ابسرتهاش الإ وهي فالصاله .. قربت تشل المكنس منها .. خلاص يابنتي اطلعي لش لايجي يزوجش قد كملت ..


رنا : حست الفرج جالها 😁 طيب حاضر يله خاطركم وسامحوني قدوذا انتي داريين انه ماجد وطلعت بسرعه حمله حمله 🏃🏽‍♀ تتصل لماجد انها شلت البطاقه ...



....... ........ ........

في الشركه 🏢..

مهند : ماعدبش معه زلط 💷 الي شلها كملت وماسخيش يطلب من محمد لأنه داري ان حتى هو مابش معه .. سار للشركه يبسر مدير الحسابات ...



مدير الحسابات : ابسره وابتسم 🙂 هييا مه اكيد قدك حراف مانبسرك الإ وقت الزلط بس الصدق كنت زمان مبذر قوي ماذلحين قد مصاريفك اقل عادنا بينقل شاحاكي عمي أحمد أن قدك صرفيتك احسن ...


مهند : تغيرت ملامحه 😳 لا لا ولا تقلهم بشي أصلا انا أشتي يبسروني واحد جديد مفاجاءه ..


مدير الحسابات : الله يوفقك .. كم تشتي اليوم. ..


مهند : لو معك 200 الف اديتها ..

مدير الحسابات : 😨 يوووه عادوذنا بينشكرك ..


مهند : مااالك جاامعه او نسيت وبعدا جهزي لي مثلها شامر لها بعد يومين نشتي ندفع قسط من جامعتي وجامعه محمد. ..

مدير الحسابات : آها صح نسيت شديلك ال400 ذلحين وخرج له الورقه .🗒. هاه كالمعتاد توقعيك..


مهند : شل الزلط وخطي طريق الجامعه🏫 حقه حط قسط له وسار جامعه 🏫محمد دفع له بدون مايقله ...


🌹meme_abdalgaleel


@qesasanani

بارت 82



بعد العصر ...


في البقاله .....

محمد : الجو مطر يجنن ⛈ جالس فوق الدكه تحت الظله بيتفرجه إبسر عيال صغار بيلعبوا وسط المطر ابتسم 😄 ذكر كيف كان يلعب هو وريان ويتمهدوا وسلا تلعب معاهم ورهف ماترضاش دلوعه من صغرها ماتشتيش تتوسخ خرج تلفونه 📱 بيتصلها ...

رهف : كانت في غرفتها . جنب الطاقه بتتفرج المطر ⛈ وتتفرج لعند طاقه محمد كيف قد غرفته من يوم ماخرج ماعد فيها حركه ..سمعت تلفونها📱 بيرن وانه محمد ابتسمت😊 ردت ع طوول ... عمرك طوويل كنت بينفكر فيك ..


محمد : 😊 يطول في قربش ان شاء الله ..وحشتيني ...


رهف : 😊 مسرع عادك ابسرتني الصبح في الجامعه ..


محمد : طلع جلس فوق الماسه حق الدكان وتربع والتلفون في يده 📱 بتوحشيني وانتي معي وجنبي كيف لوماتغيبي عني ...


رهف : سكتت 😞..


محمد : مال حبيبي سكتت. .


رهف : مدري ليش مخنوقه وبينهم لو عمو احمد يجلسوا معاندين هكذا ويحرمونا من بعض ..


محمد : تنهد وحاول يخبي قهره وزعله 😞 ليش بتقلي هكذا هم عيضبحوا ويتعبوا كما جلسوا وفالاخير لما يبسروا اننا مصر عليش عيرضوا وبعدا بس قفلي الموظوع هذا انت حقي ومحد عيفرقنا عن بعض قد كلمت حتى اصحابي يدوروا لي شغل سواء غير البقاله وابداء اجمع نفسي واكمل الجامعه علشان نتزوج ومعي دخل ..


رهف : الي بتدخله كوده يكفيك بس انت داري ليش عمي رافضين انك جيت تخطب وحدك .

محمد : لانهم عيقلوا طالب ومابش معه دخل بس لماقدنا معتمد ع نفسي ماعد عيقلوش مع ..


رهف : حمودي إشتي أقلك شي ...


محمد : هاااه كل عمري ..


رهف : أحبك 😍..

محمد : نبع من فوق الماسه 😃 هاااه ماقلتي ماسمعتش عيديها ..


رهف : خزيت وضحكت هههه 😊 محمد خلاص ...


محمد : أخير 😊 سمعتها منش كم كنت بينتراشاش تقليها ..


رهف : خلااص قدوذا قلتها 😊 ولاعاد تقليش اقلها مره ثانيه ..


محمد : ضحك هههه🤣 لا لا خلاص ماعدهوش ع كيفك بعد ماسمعتها ذلحين ماعاد شارقد واتصبح الا عليها...


رهف : خزيت منه 😊.. يله باي باي أسير اجلس مع ماما ..



........ ........ .........

طالع في شقه ماجد 🏡..


ماجد : هييا مه جهزتي كل شي..


رنا : في يدها المبخره بتبخره ...ايووه قد الديوان موضع ومبخر وفعلت كيك 🥧🍮وحلويات انت اطمن بس ..

ماجد : قلق 😥 مدري ليش خايف حاسس انه عتحصل مشكله ...


رنا : ...ولا عيقع شي مابلا عادها عتشكرك تحمد الله عتشلها بقعه كلها نعمه وخير ...


🌹meme_abdalgaleel



@qesasanani

بارت 83


العشي 🌚...


في بيت أحمد 🏬...

بعد ما ابسر أحمد بنته ودموعها 😭 وحس بالوجع الي فيها وقلبها الي إكتسر دخل ع طول
يتصل بزوجها ...


أحمد : بيحاكي بضبح 😤 يعنني مااهو. مصر ع رائيك ...



زوج أمل : ليش ياعم مالكم هكذا محبكين لها عليا اوذا انتوا مزوجين بثنتين ولا هو حرام عليا بس أنا قد قلت اننتوا اول من عيقلها هييا بغير خباله وقومي ريحيلش بيت زوجش عاد ردكم يكون هكذا ..


أحمد : عجم مادري مايقل 😥 بس انا غير يا ابني انا مشنا مقصر ع الثنتين وماتزوجت الثانيه الا لاني كنت اشتيها وبيندور ولد لكن انت قدوذا معك الولد ماعاد زواجتك ...


زوج أمل : يااعم قدوذا قلتوها اتزوجتوا بالثانيه كنتوا تشتوها .. وأنا أمل أبي زوجوني بها يشتوا يناسبوكم وانا ماقلت شي ونعم النسب وأمل ما أقل فيها الإ كل خير لكن الصدق عاد في القلب❤ غصه واشتي اثني وهذا شرع الله ومحد عيعترض عليه وامل البيت بيتها أي وقت تشتي ترجع بيتها مراعي لها ...


أحمد : ضبح من رده 😤 وغلق وجلس يفكر في بنته وقلبها الي اكتسر 💔....


غاده : دخلت ابسرته مطنن 🤔 بعد المكالمه وطبعا عادها مقهوره وزاعله منه .. ابسرته 👀 مالك مطنن مقهور ع بنتك صح بس ماحسيتش ان سمر كان قلبها عيكتسر لما مهند يتزوج عليها ولا كسرته حين تزوجه مغصوب ولا انت حاسس بوجع محمد 💔 وقهره شردت عيالك وظلمتهم من تحت راس غروركم واحنا مدري من وماعنناسب الا علان وفلان وربك قلك هاه جرب في بنتك يله اخليك تكمل الطننانه وفلتته وخرجت🚶🏼‍♀ ...


أحمد : جلس مطنن في كلامها 🤔 ...

......... ........ ..........


في بيت حسين 🏡...


في شقه ماجد ...



ماجد : جالس وهو قلق ومربوش 😰 مرتبك خايف ...


توفيق : دخل ومعه الشيخ و2 رجال حط شنطه 👛 كبيره ملانها ذهب وحاجات وفساتين 👗👠 وجزم لرهف من كل شي ...



ماجد : شل الشنطه 👛 وخرجها لعند رنا .. وعلامات القلق باديه عليه 😥 يا مره الصدق ماعاد قدرت بينهم لو ننكشف ...


رنا : بتمكنه صحن الحلويات 🍱 والعصير 🍸🍹 ولاعيقع شي انا أفعل الي قلتلك بس يله دخلهن بس ومراعيه تدعيني ...



الشيخ : خرج اوراقه ودفتره 📖 .. هييا بسم الله توكلنا ع الله من وكيل العروسه ...


ماجد : بربشه😥 وخايف هااه شيخ انا .. وهذه بطاقتي 💳وبطاقتها أنا اخوها الكبير ووكيلها بعد ابي الله يرحمه وهي موجوده خارج لوتشتي تبسرها ...



الشيخ : شل البطايق وبيقارنهن 💳 ويبسرهن .. طيب يا ابني انا اشتي بس أسمع موافقتها ممكن اكلمها من وراء الباب 🚪 علشان الإجراءات بس ولا من عيشكك فيكم والشيخ توفيق رجال ونعم فيه ...



ماجد : يده بترتعش وبيحاول يكابر 😅 طيب حاضر الان ولو عادنت تشتي ادخلها عادي..


الشيخ : لا لا بس اسمع منها الموافقه ..


رنا : واقفه وراء الباب بعد مادعاها ماجد ..


الشيخ : يابنتي انتي موافقه ع زواجش من توفيق ال... ع شرع الله وسنه نبيه ...


رنا : ايووه ياشيخ ...


الشيخ : دخل كمل إجراءته وعقد لهم 📖...



ماجد : تنهد بخووف ان محد اكتشف امره ..


توفيق : فرح 😁 وارتزح اخيرا تشجع وتزوج ..



رنا : قدام المرايه بتتفرج الحاجات الي أداهن لرهف وتقايسهن 😄....




😔 ياااقهر قلبي عليش يااارهف ... ايش الي مخبي لش القدر. واكبر غلط في مجتمعنا أن البنت لما يعقد لها وليها بتاخذهم القبيله والشهامه ومايدخلوش البنت علشان يتاكدوا من موافقتها وإنها نفس الي في البطاقه وأكيد في حالات كثير غير رهف تزوجت بهذه الطريقه ...



🌹meme_abdalgaleel

https://t.me/joinchat/AAAAAERja9LRzSkmuZYIRw

@qesasanani

بارت 84


بعدها ب 4 أياام ...


في بيت أحمد 🏬...

الساعه 10 الصبح ..


أمل : بتبكي 😭 وتصيح محرروقه ...


أحمد : ع خرجته للشركه إبسرها افتجع 😱 قرب لجنبها يوووه مالش .


ناديه : كانت جالسه جنبها بتهديها .. زوجها رسل لها قلها اليوم عيروح العروسه الجديده وهي البيت مفتوح وقت ماتشتي تروح روحت ...


أحمد : بيبسر منظرها وحالتها اقتهر وزعل عليها 😔 قرب لجنبها .. حط يده ع كتفها .. إبردي يابنتي لاتقتهري ولاتدخلي في نفسك وبيت أبوش مفتوح لش العمر كله وباسها ع راسها 😘 وخرج وهو مقهور ...



....... ......... ........


في شركه توفيق 🏢....


ماجد : فارح بالعمل الجديد 😁 جالس فوق الكرسي وبيدور ...

الفراش : دخل لعنده ... عمي توفيق مراعي لك فالمكتب حقه .


ماجد : أحرج منه😅 ثبت الكرسي ووقف ...هااه .. يله الان ..


توفيق : جاالس في مكتبه بيراجع الاوراق 📑 ...


ماجد : دقدق الباب ✊🏻 ودخل .. سلام عليكم ..


توفيق : رفع رآسه والقلم في يده 🖊 وابتسم له حيا الله بالنسب واشر له بيده 👋🏻 إجلس ..


ماجد : الله يحييك كيف أنت ...


توفيق : هييا مه كيف العمل مرتاح عاجبك ولا تشتي أغيره لك عادي قلي أي شي مضايقك ..


ماجد : لا لا شكرا تسلم الحمدلله مرتاح وكل شي تمام ...


توفيق : قبل ماتروح مر لعند الحسابات معك مرتب 💶 شهرين وقلت أسألك ذلحين ع العرس تكلم عروستنا تشوف القاعات الي تشتي والتاريخ الي يناسبها ولاتهم الزلط انا متكفل بكل المصاريف وشارسلكم لعند محل ذهب تختار الي يعجبها وأنا شتحاسب معه ...


ماجد : إرتبش 😅 وتلعثم في الكلام .. هاااه. مارائيك نخليه للعطله قدك داري بتقراء الجامعه ...


توفيق : بهنجمه 🤨 لا لا ايش من عطله مش مشكله القرايه عتكمل تقراء عندي ...



ماجد : قدهو بيهم ماعيفعل وماعيقلهم هز رآسه .. يله تمام ان شاء الله خير ذلحين أستاذنك أذا ماعدباقي شي أسير أبسر العمل وحاول يبتسم 🙂 عادنا بينتعلمه ..



توفيق : الله معك ولاتنسى ماتنبيني لما تقرروا من القاعات ..


........ ......... .........

في الجامعه 🏫...


رهف : بعد ماخرجين من محاضرتهن بتتصل لمحمد 📱 مغلق .. مدري ماله مغلق وماجاش مع انه أمس العشي قلي اليوم معه محاضره الصبح ...


سلا : بتحرك شفايفها 😗 بإستغراب أممممم يمكن لاهو رقد ولاطفي تلفونه ...


رهف : سلاتي .. أسالش سؤال ووطت رآسها 😟 عمو أحمد ليش بيكرهوني هكذا مايشتوش محمد يتزوج بي ماهو الي فعلته ...


سلا : زعلت عليها واقتهرت 💔 ماااهو يكرهوش من الخباله هم بس رافضين عاد تفكيرهم ساع حق شيبات زمان انه مايسبر نتزوج الا من نفس عائلتنا وطبقتنا ..


رهف : تنهدت 😞 اااح يعني ماعيرضوش حتى لش وريان عادهو اخس عيمنعوش ..


سلا : أبتسمت 🙂 ان شاء الله ربي عيكتب لنا الخير كلنا لاتتشأموش خلوكم مثلي ..


رهف : خفعتها بالشنطه 🎒 مابورده قلبش ماقد وردت ع احد اخطي اخطي شررق علينا ندور ريان اروح ..


سلا : مليون مره قلتلكم روحوا معي ..


رهف : ايوه يبسرونا معش ولا السواق يحارش وانحنا نزيد مشاكل وجنان قدحنا هكذا اخرج ..


🌹meme_abdalgaleel


@qesasanani

بارت 85



أحمد : قبل مايسير للشركه 🏢مر لعند واحد من أصحابه يتوسط له عند مدير البنك ...


صاحبه : يله تمام اخطي معي فوق سيارتي وشارجعك للشركه انا خلي سواقك يرحله ...

توفيق : سار معه ...


وهم فوق السياره 🚘


صاحبه : بيأشر للسواق وقف يا ابني عند البقاله هذه أنزل أشتري لي باكت روتمان ..



السواق : وقف ونزل يشتري لهم ورجع ..فتحت الباب وطلع ...


أحمد : هيا مالك يا ابني ماتخطى شرق علينا عنتاخر ..


السواق : دقيقه ياعم صاحب البقاله سار يصرف من عند المحل الي جنبه ....



محمد : سار البقاله اليوم من الصبح صاحب البقاله مريض .. ..صرف الزلط وحط باكت 🚬 الشقاره في الكيس وقرب لعند السياره🚘 بيمكن السواق هااه اتفضل ..


أحمد : جالس فالكرسي وراء إبسره انصدم واقتلب وجهه 😨 مااابتفعل هانا ...



محمد : سمع صوت كأنه صوت أبوه لفت بسرعه👀 لاوراء وانه إبسر ابوه تفاجاء 😳 وسكت ..


أحمد : بيبسر الكيس في يده والباقي عرف انه الي بيشتغل فالبقاله بعصبيه 😠 فلت العز كله واخرتك بياع في بقاله وعلشان من هذا كله علشان بنت ..



محمد : لفت للسواق ومدعمم .. اي خدمات ثانيه يا استاذ ...


السواق : تسلم شكرا ..

محمد : فلت وخطي🚶🏻‍♂ ودخل البقاله ...

احمد : بيداعيه ويصيح ..


صاحبه : لفت له 👀منهو هذا مابه ليش الصياح ..



أحمد : بيحكي له الموضوع ..


........ ...... .......


في الشارع عند باب الجامعه🏫 حقه ...


مهند : خرج من جامعته 🏫 سمع واحد من الشباب بيتحاكى عليه ويضحك ...لفت له بعصبيه 😠 ماااالك مابتدور ...



الشاب : بسخريه 😏 مابلا بينقلهم شكل دلوع بابا ماعدبه. زلط ساع زمان ماعد بنبسر الزنط والفشخره شكل بابا قطع عليك المصروف ولا قد عتفلسوا هههه 😂...


مهند : حسه دمه بيفور 😡 وماعد قدر يمسك نفسه هزره من الشميز حقه 👔 وهات يا ضرب 👊🏻....

الشباب بيحاولوا يفرعوا ماقدروش ...


مهند : بطحه ع الأرض وهات ياضرب 👊🏻 وخفاع وزبط ..


عسكر الجامعه : خرجوا مسكوه 👨🏻‍✈ وبعدوه من فوقه ..


الشاب : بيصيح يده ماعاد قدر يحركها وصدره بيوجعوه ...


الشباب : اسعفوه للمستشفى 🏨 القريب منهم ..



مدير الجامعه : بعد ماعرف الي حصل قرر فصل الاثنين شهر من الجامعه يتربوا ..ومصاريف علاج الشاب ع حساب مهند ...



مهند : ضبح😤 وماعاد عرف كيف يتصرف. اتصل لغاده تحاول تدبر له الزلط وانهو حانب ...



🌹 meme_abdalgaleel


@qesasanani

بارت 86


العشي 🌚...


في بيت أحمد 🏬...


غاده : جالسه سامره معاهم مطننه 🤔 تشتي تحاكي احمد ومتردده ...


سلا : بتتفرج حالات الوتس إبسرت حاله أخت زوج امل فيها صورته و مكتوب فيها الف مبروك يا أخي .. بتدعي ....يييه أمل إبسري إبسري صوره زوجش ومنه صدق زد لبس حريو مكنتها التلفون 📱..


أمل : إبسرت التلفون 📱 ونزلت دموعها ع طول اقتهرت بكيت 😭 وقامت ...


ناديه : لفتت لها بضبح 😤 وقالبه صوره .. يعني مشو ناقصها الي فيها تقرحي قلبها💔 اكثر ماااهو منش بتدوري تحانكي بنتي ولا ماهو...


سلا : ضبحت منها وليش شاحانكها هي اختي وبعدا ليش ماهي حسيتوا لزعلها ومحمد عادي يكتسر قلبه 💔هي ومهند...


أحمد : صيح 😠 ييييه عتهجعنا من ايحين عندي بنتي وبنتش واخي واختش كلهم عيالي ..

غاده : بحرقه قلب ❣ لو كلهم عيالك ماقدك عتجنن ع هذه والباقيين مرجومين فالشارع مشنت داري أينهم لا مابياكلوا ولا مابيشربوا ولا كيف بيدبروا مصاريفهم ولا ما معاهم انت داري ان ابنك اليوم تضارب مع واحد وغرموه 100الف جلس اصحابه يعايروه والثاني قدهو وسط بقاله بياع ولا مابنتك الإ هذه مابعدا حرام عليك وبكيت😭 وخرجت ..


سلا : لحقت امها 🏃🏽‍♀ وخرجت ..


....... ........ .........


في بيت حسين 🏡...


طالع في شقه ماجد ....


رنا : قربت العشاء 🍲🍣.. هييا عشاء برد مالك مطنن ..


مااجد : مطنن في عالم آخر 🤔 .. الرجال يشتي عرس حاولت اغالطه قلت له تكمل حتى هذه السنه قال عتكمل عنده ومشنا داري كيف شفعل ولا كيف شاحاكيهم ...


رنا : قحصت شفايفها ..أممم انت داري لاقد تقلهمش انه عقدت لها قلهم جالها خطيب ووافقت عليه وخلاص الامر منتهي ماعدبش نقاش وهي عتقع مصياحه كما جلسنا ..


ماجد : تنهد ... ااااح والله ان شكلي تهورت وفعلت لي نثره لافوق راسي الله يستر بس ...


رنا : سكبت له شاهي ☕ ومكنته روتي 🥖 كل بس وماعذر من خير ربك عيفرجها إبسر ع قد نعمه إحنا فيها ..


ماجد : ع الله وشل الروتي 🥖 وبيتعشى ..


....... ........ .........

في بيت توفيق 🏬...


توفيق : دخل لعند سمرفي غرفتها بيجابرها يشتي يعرف مايعجبها أكيد عيعجب رهف .... أيووه يابنتي جي قليلي مايعجبش وماهن الحاجات الي يعجب البنات الي في سنش ...


سمر : كانت بتلعب بتلفونها حطته 📱.. إستغربت 😳 كييف يعني مايعجبني ويعجب البنات الي في سني ..


توفيق : ارتبش 😅 هاااه يعني قصدي مايعجبش من فساتين وجزم واكسسوارات وذهب من هذه الحاجات ...


سمر : هاااه .. كيف لكم سالتوني وانتوا ماتهتموش بهذه الطنافس ..


توفيق : ابتسم بخوف لاينكشف 🙃 اممم .. مابلا معي صاحب عيسافر تركيا يتجر ويدي بضايع من هاناك قلت اسألش مايعجبش اخليه يدي لش معه ...


سمر : فرحت 😄 هاااه هيا جو اجلسوا جنبي اوريكم وفتحت تلفونها 📱 بتوريه فالنت الموديلات ...




🌹meme_abdalgaleel



@qesasanani

بارت 87


ثاني يوم الصبح 🌞..


في بيت جد محمد 🏬...


محمد : عادهو راقد 😴....


مهند : قام قبله ابسره راقد😴 استغرب دخل يقيمه .. بعد البطانيه من فوقه يييه محمد هييا موخم عتقوم معك جامعه ....


محمد : سحب البطانيه وغطى وشه .. يا اخي خليني ارقد 😴 ما اسير افعل كما دبرت لهم زلط شاسير اليوم معي اختبار ولو اسير ماعيدخلونيش شرجع امتحنهن في اكتوبر...


مهند : سحب البطانيه من فووقه ...بهنجمه 🤨 قوووم قوووم شررق عليك قوم امتحن قلك اكتوبر قد دفعت لك قسط بس نسيت ما اقلك ...



محمد :فتح عيونه وانتهض بسرعه 😳 دفعت لي مااهو وكيف منين الزلط ..


مهند : مش وقت التحقيق ياكونان قوم الحق اختبارك ..


محمد : مشنا مذاكره كيف اسير..


مهند : قووم حل بالحاصل كودك فوق الكتب 📚 احسن ماتخليها لاكتوبر..


محمد : والزلط 💷منيه كيف فعلت ..


مهند : ضحك🤣 ودهفه يلله قووم شرق وبعدا عنتجابر ...



....... ........ .......


في بيت احمد 🏬...


أحمد : مارقدتش 😴 طول الليل بيفكر ...


سلا : قامت بتتجهز عتسير الجامعه 🏫 ..


احمد : دق لها باب الغرفه ✊🏻.. سلا عادش موجوده ..

سلا : فتحت له الباب 🚪 .. ايووه قدنا شخطى ذلحين ..


أحمد : اخوش محمد بيجي الجامعه 🏫... لو اجي معش شلقاه ..


سلا : إرتبشت 😅 وافتجعت لايتصايح معه ... هاااه مدري اصلا ..


أحمد : بهنجمه 🤨 بيجي ولا مااشي ...


سلا : مدري اصلا أوقات معه محاضرات مش في وقتي مابينبسره كل يوم ..


احمد : ببهراره 🙄إتصلي له يله 📱 قدامي ولا تقليش له أني بينسأل عليه وافتحي الاسبيكر ..


سلا : إفتجعت منه 😥.. طييب حاضر الان وبتتصله ..


محمد : فوق السياره مستعجل رد .. ع طوول مااهو ياهرم شرق عليا معي امتحان ماتشتي .


سلا : بربشه 😅 هاااه خلاص بس كنت اشتي اعرف عتجي او مع يله باي باي وغلقت..


احمد : اشر لها . يله اخطي قبالي شاجي معش وياويلش تحاكيه او ترسلي له ..


سلا : خرجت معه وتعذرت انه نسيت الكتاب 📙 دخلت بسرعه رسلت لرهف انه تحاول ماتبان علشان ابوها عيجي لايعرف انها معاهم فالجامعه ...



🌹meme_abdalgaleel

https://t.me/joinchat/AAAAAERja9LRzSkmuZYIRw


@qesasanani

بارت 88


في الجاامعه 🏫...


رهف : رسلت لسلا انا داخل في قاعه المحاضرات ماشخرجش لما ترني لي ...


سلا : قد فعلت تلفونها صامت 📱 علشان ابوها ومراعيه معه فوق السياره 🚘 باب الجامعه ..


أحمد : لفت لها 👀 إتصلي لأخوش إبسري قد وصل ولاعادهو ...


سلا : تنهدت وخايفه ع محمد 😥 .. طيب حاضر .. وخرحت تلفونها تتصل 📱 إبسرت رساله رهف ردت عليها تمام واتصلت لمحمد وفتحت الاسبيكر .. هاه اين قدك ..

محمد : فتح يرد📱 .. سلا ماالش ماابه مش عوايدش تمكنيني اتصالات هكذا من صباح الصبح مااابه رهف فيها شي لاتقلقيني ...


أحمد : سمعه👂🏻 بيقلق ع رهف هز راسه وسكت ..


سلا : 😅 ارتبشت لما ذكر اسم رهف هاااه مع مع مدري المهم خلاص انت داري انا فوق السياره 🚘 باب الجامعه لما توصل جي لعندي قبل ماتدخل ...


محمد : قد بينجنب سيارتي 🚘 يله ابسرتش أوذا شاجي ..


أحمد : أبسر السواق 👀 أنزل لك انت وانتي أول مايطلع اخوش أنزلي ..


محمد : قرب لعند السياره 🚘بيفتح الباب .. هييامالش وإبسر أبوه سكت ماكمل كلامه ...


أحمد : لفت له 🤨 بهنجمه ... اطلع يله معي لك كلام وانتي انزلي ادخلي جامعتش 🏫 ...


محمد : معي أمتحان بعد نص ساعه أشتي ادخل اراجع ماقد ذاكرت 📖...


أحمد : بهرر فوقه 🙄 الكلام الي معي أهم من امتحانك وما شاخرك ..


محمد : طلع وقدهو بيهم لا يتصايحوا ويطير عليه الامتحان ....


سلا : دخلت بسرعه🏃🏽‍♀ لعند رهف تحكي لها ماحصل وقدهن قلقات ع محمد ...



........ ....... ........

في شركه توفيق 🏢..


توفيق : اتصل📱 لماجد يجي لعنده ...

ماجد : قام من مكتبه وقدهو قلق بيهم 😥 ماعيفعل معه .. دخل لعنده .. صباح الخير..


توفيق : ابتسم 🙂 له صباح النور هيا كيف انت وكيف القمر حقنا ايحين عتخليني ابسرها نفعل ساع شباب هذه الايام نترمسس ونتجابر فالتلفون 📱...


ماجد : ابتسم بفجيعه 😅 هااااه مارضيتش البنت بتخزا قووي قدهو ان شاء الله للعرس ..


توفيق : مسنب وراء مكتبه .. آها يله مش مشكله خليها براحتها واشر له بيده 👋🏻 إجلس ..


ماجد : جلس فوق الكرسي وبيتفرجه 👀..


توفيق : حط شنطه فوق المكتب 💼
هااااه امسك هذه4 مليون مهر البنت وهذا الكرت حق محل الذهب تسيروا تشتروا الي يعجبكم والحساب شاسد انا وهو ..


ماجد : إبسر الزلط 💷 دوخ 😇 ونسي كيف عيفعل مع رهف وأمه . . شلها وخطي ودخل مكتبه يتصل لرنا 📱..


رنا: فررحت صددق 😄 4 مليون والله انها عتسعد ع حظ معاها لكن انتبه تقلهم انها 4 مليون عنقلهم انهو ادى 2 مليون ونشل لنا الباقي والذهب رسلي ذلحين عنوان المحل شاسير اشتري لها ولي وقدهو يحاسب من مره ...



ياتررري ايش الكلام الي أحمد يشتي يقله لمحمد 🤔.. أممممم


🌹meme_abdalgaleel

@qesasanani

بارت 89


في الجامعه 🏫...


رهف : ملامح القلق ع وجهها 😰 بتسير وتجي 🚶🏼‍♀ في الممر ..


سلا : مرتزحه عرض الجدر وفي يدها الشنطه ... ييييه بنت بس قووى اديتي لي القلق 😰 ...


رهف : لفتت لها 👀وسنبت تقلي مايشتوا منه بينهم لايتصايحوا ومعه امتحان واللع ماعد يقدر يكتب حرف كان عيراعوا لما يكمل الامتحانات ...


سلا : الصدق قلبي❤ بيفور ..ومكنتها الشنطه لايدها هااه اشبحي .. شاسير لعندهم ماعاد قدرت اصبر ...


رهف : مسكت الشنطه 🎒والملازم وجلست فوق كرسي
وبتهز ارجلها من القلق ....

........ ......... ........


فوق السياره 🚘...

محمد : جالس وراء وطارح يده عرض الباب حق السياره 🚘 وساكت ..


أحمد : بيتفرجه 👀وماقدرش يتكلم ...


محمد : ابسر الساعه ⏰عتجلسوا ساكتين خيرات معي امتحان ولو الموضوع طويل خلوه لما اكمل الامتحان شتاخر ...



أحمد : تنهد .... ولفت له 👀 أنا موافق اخطب💍 لك رهف ...


محمد : هز رآسه بلا مبالاه😕 .. طيييب تمام بس انا مش موافق ولا شقبل شروطكم ولا شرضاها ع نفسي اكون مرتاح وابني سعادتي ع تعاسه مهند ..



أحمد : بهنجمه 🤨 ومادخل مهند عتتزوج انت ولا هو ...

محمد : قد انا داري بالخطه الجديده وفتح الباب حق السياره 🚘 خلاص قووى ممكن أنزل امتحن ..


أحمد : بهرر 🙄 لا مش ممكن اطلع وغلق الباب ماقد كملت كلامي ...


محمد : في داخله ضبح وبيقلق ع الامتحان 😰 ... غلق الباب ... طييب ماعد باقي ..


أحمد : أنا لا عاد اشتي مهند يخطب سمر ويرجع لها ولا عاد شادور عذر واقلك نقراء فاتحه بس وأهجعك أنا جيت اقلك أننا موافق اخطبها لك خطبه رسمي وعقد تتطمن ولو تشتي عرس في العطله شاعرس لك وكملوا قرايتكم وانتوا مزوجين ...


محمد : فتح عيوونه مصدوم 😳 ماقدهوش مستوعب مابيقل أبووه .. فتح فمه .. هاااه ..


احمد : بهنجامه 🤨 مااهو هاااه مالك اقتلبت أبلد في سااعه قلتلك موافق ازوجك بالبنت ولا معك كلام ثاني قد غيرت رائيك ماعاد تشتيهاش ...


محمد : ابتسم فرح 😃 بس بيحاول لا قد يصدقش قوى ويعشم نفسه يعرف ابوه ..

سلا : وقفت عند باب السياره 🚘.. تشتي تبسر ماابه ..


محمد : ابسرها ع طول نزل الزجاج وبابتسامه 😃 وفررحه سلا ابي وافقوا ورجع لفت لابوه بسرعه 👀 ذلحين صدق صدق قلوا والله اننتوا بتتحاكوا صددق ..


سلا : فرحت 😃 ودخلت راسها من الطاقه ..صددق يابابا موافقين. .


أحمد : حس بالفرحه الي في أبنه ابتسم 🙂 أيووه صددق صددق واطمن والله ما ارجع في كلمتي ..


محمد : من الفرحه قفز لعند ابوه بيحضنه ويبوسه 😘 يوووه محلاااكم تسسلموا تسسلموا ...


سلا : حملت بسرعه 🏃🏽‍♀ لعند رهف تفرحها ...


أحمد : ضحك 😂 يلله شررق عليك عتتاخر انزل اختبر وروح البيت انت واخوك ..


محمد : حبه في رآسه 😘 وطااار طريق رهف يفرحها ..


رهف : مادخلتش المحاضره جالسه خارج مراعيه بتقلق 😥..


سلا : حملت بسرعه لعندها بتحضنها 😘 وتبوسها مبررروك مبرروك بابا وافقوا ...

رهف : مسجمه 😳 هاااه مااهوو ..


محمد : من وراها بابتسامه 🙂 .. وافقوا ع خطوبتنا مبررروك ياعروسه يله ادخل امتحن بسرعه ولما اخرج عنتجابر .



مسسسكين يامحمد لو تعرف أيش قد فعل مااجد ياقهرري ع فرحتكم كل ما ينفتح لكم باب يتقفل من جهه ثانيه 😔..


🌹meme_abdalgaleel


@qesasanani

بارت 90


بعد العصر ...

في بيت حسين 🏡...

رهف : أول يووم من بعد موت ابوها تفرح هكذا في غرفتها .. فاتحه أغاني وتترقوص 💃....


هيفاء : فتحت عليها الباب 🚪 وابسرتها فارحه فرحت لها 😃 الله يديم فرحتش ياروحي قليلي مابه فارحه هكذا ...


رهف : خزيت 😊 وقربت لجنبها وباستها 😘 اخيررا شنجح في هذه الماده قدرت افهمها كاانت صعبه قووي ..


هيفاء : ضحكت هههه 🤣 الله يهديش هذا الجنان كله لانش فهمتيها بس الله يووفقش ياروحي ويسهل طريقش ..


رهف : أيووه ايوووه أدعولي خييرات ..


هيفاء : ابتسمت لها 🙂 الله يوفقش ياروحي وينولش الي في بالش ويحقق لش كل مابتتمنيه انتي وريان وينور طريقكم ....


رهف : رجعت تترقوص قدام المرايه وتتنبع 💃...


هيفاء : غلقت عليها الباب وهي بتضحك🤣 وفارحه لها ..


........ ........ ...........


في بيت توفيق 🏬.


توفيق : بعد مارسل السواق لعند صاحبه الي ادى الفساتين لرهف دخل الشنط 👛للملحق وبيتفرجهن مادري ماهو حالي وماهو شوعه إتصل 📱لسمر تخرج لعنده ..


سمر : خرجت لعنده ابسرت الشنط فرحت 😄 حسبتهن لها ... يوووه يابابا مااهو هذا يجننين اسلموا ..

توفيق : أصترع 😅 هااه مع يارروحي هذولاء حق بنت واحد من اصحابي تذكري الي قلتلش معي صاحب عيسافر يدي بضايع وانا اتجملت من واحد قلتله شاخلي صاحبي يدي لبنته واداهن اليوم ومشنا داري كيف الذوق لاعد يقل شوعه قلت اسالش ...


سمر : عوجت فمها 😏 امممم قد فرحتوني ... لكن اسهل عتعوضوني .. وهذولاء يجننين كل واحد احلى من الثاني ...


توفيق : خرج لها فستان الزفاف الي كانين بيتحانبين عليه هي وامها 👗 هييا وهذا كييف ..


سمر : تنهدت بقهر ووطت راسها بزعل 😔 هذا الفستان الي كان ماما بيقلوا اشتريه صح وماعجبنيش ...


توفيق : مسكها من كتفها حس بقهرها بيطبطب عليها ..... طزز فيه ولا تقهري نفسش يااروحي ابسري ع زواجه شازوجش اخليك يندم عليش ...


سمر : بقهر ..😔 خلاص ابردوا بس ذلحين أيحين عتتزوج بنت صاحبكم هذا الفستان طلع يجنن احلى من ماكنت بينبسره بس الصدق من حين ابسرته ماتخيلته الا فوق رهف هذك الي كنا نشتيها لابن خالتي لانها نعومه وهو ناعم مثلها ..


توفيق : إرتبش 😅 هاااه . مدري اهم شي اتجمل معاهم وبعدا معي عمل بعد فتره شاسافر ومالش الا احلى فساتين ...


........ ........ ......


في بيت جد محمد 🏬...


محمد : بيلفلف لداته 👕👖👔للشنطه وكتبه 📚 فارح ..


مهند : فوق السرير جالس عنده بيضحك عليه 🤣 يا اخي لاقد تتسرعش وتلفلف لداتك سعم أن أبي عيوافقوا هكذا وفجاءه والله ان به شي وراهم لاقد تركنش ..


محمد : بيخرج اللده من الدولاب خفعه بالفنيله 👕 في وجهه . بغير خباله لاتفجعنيش والله اننا حسيتهم صادقين هذه المره ..


مهند : ضحك 🤣 هههه ما انا مكره والله قد تعبت شحططه ونفسي ارجع البيت وعيشتنا الطبيعيه بس أهم شي والله مرجع لسمر ...


محمد : دق راسه بيده 👋🏻 لك هذا الراس والله لو يقرح ماتخطب الا الي تشتي قلتلك هو لو يبسرونا مصرين ع رائينا في الأخير عيرضوا ..


مهند : رفع يده 🤲🏻 يااارب . يله مدام متفائل هكذا أقوم حتى أنا اجهز لداتي ونغلق الطيقان ونتفقد البيت سواء قبل مانخطي ..


🌹meme_abdalgaleel


@qesasanani

بارت 91


في بيت أحمد 🏬..


غاده : قدهي فارحه بعد ماحاكتها سلا دخلت المطبخ فعلت اكل خيرات للعيال من كل الي يعجبهم.


سلا : موقفه باب المطبخ 🚪 بتضحك عليها .. قد تغدوا ياماما ماعاد بتفعلوا لهم قدهو عشاء ..


غاده : بتفتح فرن البوتجاز 🎛 ولوو اسهل ذلحين يعلم الله كيف قدهم مجعجين عيجوا وقدهم خاورين لاكل البيت بس انا مستغربه كيف لوما ابوش غير رائيه ماقد قدرت أستوعب أنه صدق مشهي حركه من حقه .

سلا : مرتزحه عرض الباب 🚪 وانا مثلكم بس والله لوتبسروا كيف كان شكلهم اول مره أبسرهم هكذا حسيتهم بيتحاكوا بصدق ..

غاده : ع الله ياارب وهو صدق بس يعلم الله ماعتفعل خالتش ناديه حين تدرى ..


سلا : ابردوا اهم شي لاقد أبي راضيين ...

.. ...... ........ .......


بعد المغرب ....


في بيت حسين 🏡..

في شقه ماجد ...


رنا : بتتفرج الشنط 👛 بعد مارسلهن توفيق .. يوووه محلاهن يا ماجد والله ان به حاجات خيرات عجبتني مارائيك اشل لي ماعتفعل بهن كلهن ...


ماجد : مطنن في عالم اخر 🤔 بيفكر كيف عيحاكيهم ...


رنا : هزته ..يييه ماالك من بينحاكي ..

ماجد : ابسرها 😳 هاااه مابتقلي ..


رنا : مالك مطنن مابه .. بتبسر ع قد شنط وقلافد ادالها والله انها عتتهني حسبها الله ع قد نصيب معاها..

ماجد : شل الوساده حق المدكى وحطها فوقه .. جي ابسري لي طريقه كيف نحاكيهم ..

رنا : ولاقد تقلهم شي سير احجز القاعات ونجهز كل شي وقتها ماعد عيصدوش يقلوا شي ماعاد عيرضوش ع نفسهم يتبدعوا بين الناس وقدهو عرس ..

ماجد : حط يده ع خده 😱 يلله ع الله قد بداءنا هذا الجنان نبسر لين عنوصل ..


....... ....... .......


في بيت خالد 🏡..


محمد : اول ماوصل بيتهم ماقدرش يصبر وفي نفس الوقت خايف انه بيكذب عليه او بيفعل حركه يرجعه هو ومهند مسك ابوه وخرج معه يشله لاعند خالد يحاكيه انه يشتوا رهف يخطبوها ...



خالد : اهلا وسهلا بكم حيياكم الله ..

يوسف : جاالس نهايه الديوان بيتفرج لمحمد بنظرات كلها كره وحقد 😖...


أحمد : الله يحييك ويكرم أصلك . أكيد قد عندك خبر لسبب جيتنا ...


خالد : ركى عرض المدكى وتوضع ... والله مانا داري ما أقلك هو محمد قد جاء لعندي هو وأخوه وانت فاهم في الاصول قلتله كما جو اهلك لنا كلام ..


أحمد : هز رآسه .. كلامك صح وع عيني وراسي واليوم قدوذا جيت انا بنفسي بحكم ان قدك كبير الأسره وعمها وبدل أبوها جييت اطلب يد رهف لمحمد ع سنه الله ورسوله وطبعا تشلوا وقتكم وبراحتكم واسالوا وتتشاورا والي يطيب نفسكم احنا حاضرين والي فيه خير يقدمه ربنا ...


مهند : إبتسم ودكم محمد 😉 غمزه له .. مبرروك والله انك صميل وخطيت قولك ..


محمد : إبتسم له ..🙂 عقبالك ..


يوسف : ضبح 😤 فلت وخرج وهو غاارق ...


خالد : أهلا وسهلا بكم .. ذلحين اقدر افاتح امها واخوتها وانا مالي يدي ونشوف راي البنت ولو به نصيب ربي يوفقهم.


ايش توقعاتكم ياتري من النصيب .. ومن عيربح بش ياررهف 😉

🌹 meme_abdalgaleel


@qesasanani

بارت 92

ثاني يووم الصبح ☀...


في الجامعه 🏫....


محمد : فارح 😃 بيوزع 🍬 جلكسي وحلويات لأصحابه ان ربي أخيرا عيحقق له مراده يدعوا له ...


ريان : جاء من وراه خفعه بيده 👊🏻 في كتفه .. وانا اخر من يعلم أومه ياصعبي ولا تقلي مادريت الإ من رهف أنك تصالحت مع أبوك ..


محمد : ابتسم 🙂 قدنا داري ان الهوانم عيقلين لك اكيد وبعدا مالقيت فرصه أمس روحت ع طول جهزت حاجاتي ولفيت لداتي من بيت جدي ورجعت البيت والعشي سيرنا طريق عمك خالد نحاكيه ادق الحديد وهو حامي ..


ريان : استغرب 😳 قل والله.. سيررت ولا تحاكيني حتى رهف ماقالت ليش ..

محمد : ماقد قلتلهاش والله وبعدا يله وصلت اشل أبي قبل مايغيروا رائيهم ..

ريان : ابتسم 🙂 اوووف الحمدلله مدام وعمي خالد فالموضوع موضوعك اكيد عيسبر وبعدها انا يااارب ورفع يده للسماء 🤲🏻...


محمد : بيحانكه .. تشتيه يسبر ادي نص قيمه الشوكلاته ويقسموا الدعوه لنا نصين 😜 ..

ريان : هزر العلبه من يده وبيضحك🤣 ... شاوزعها ويدعوا لي بلاش ...


.......... ........ .........

بعد الظهر ..

في بيت توفيق 🏬...


سميره : في المطبخ بتفعل الغداء سمعت صوت توفيق جاء خرجت بتبسره ...


سمر : إبسرتها ..حطت يدها في وشها 😱 يوووه يا ماما لوتبسروا أبي ماعتعرفوهمش قدهم واحد ثاني ...


سميره : إفتجعت 😨 وبإنفعال يوووه مااله أبووش ماووقع فيه ..


سمر : عووجت فمها😏 واشرت بيدها جنن ..


سميره : افتجعت ماله زوجها وحملت بسرعه بعده للغرفه 🏃🏽‍♀ تبسر مااله دخلت من باب الغرفه ابسرته صاااحت يوووه 😱 مااالك ...


توفيق : قبال المرايه .. بيتفرج نفسه مبتسم 🙂 بعد ماحلق الدقنه وصبغ شعره وشنبه أسود ونعم دقنته صغر قووي👨🏻 ولبس بنطلون 👖وشميز👔 كاروهات .. لفت لها .. مااالش بتصيحي او أبسرتي قبالش جني 😈.


سميره : قربت لجنبه وبتعس شعره والشميز 👔 ماااهو هذا ماجراء علييك جننت او ماهو ..


توفيق : ضحك هههه 🤣 مابلا قصدش عقلت ودريت انها حياه ولازم نعيش قبرت نفسي في العمل لما قدنا شيبه ذلحين خلاص جاء وقت الرآحه والفهنه أعيش حياتي الي انحرمت منها ...


سميره : مطننه في وجهه 😳.. ليش او ماعتعيشها الإ باللده هولاء حق الجهال والشعر الأسود .. هييا من الخباله إشتحط هااه لو قد تزوجت سمر إن قدك جد وعادك تشتي تلبس من هذا الجنان والخباله ...


توفيق : لفت لها بضبح 😤 والي مثلي عادهم غر بيبسروا حياتهم ويخلفوا وبيدوا بدل الواحد عشره وقلب صووره 😠 قدنا كنت خارج اخرج لي مع روحت أسمع لي كلمتين تجغر بطوني وفلت وخرج 🚶🏻‍♂...



سميره : جلست في طرف السرير وطننت 🤔 بتحاكي نفسها ماقصده سعم بيبسروا حياتهم ويخلفوا بدل الواحد عشره معقووله يشتي يتزوج عليا وبيتسبر هكذا يصغر .. لا لا توفيق استحاله يفكر هكذا مافعلهاش زمان ومابش معانا الإ بنت وعادهو شباب عيجي يتزوج ذلحين ...


....... ....... .........

في بيت أحمد 🏬...


غاده : فارحه 😄 بعيالها وإنه اخيرا عيتحقق لهم مابيتمنوا بتصلح الغداء وفاتحه لها أغاني زفه في تلقونها بتتسمع 📱...


ناديه : ضابحه ومقهوره 😤 بعد مادريت انهم ساروا يفاتحوا في رهف وماعد قدرت تقنع أحمد .. دخلت لعند غاده مصبه 😡 سنبت فالباب حق المطبخ وحطت يدها ع خصرها .. هييا ماقد معش جننتينا من الصبح غناء وزفه والله لو قدهو عرسهم اليوم ماتجننينا هكذا ...


غاده : لفت لها بإبتسامه 🙂 فاارحه لعيالي الله يوصلني لما قد الثاني والكل يسير يخطب ...


ناديه : فاارحه بمه ياااريت وهم .... سكتت ماكملت كلامها ...وفلتتها وخطيت 🚶🏼‍♀...


غاده : رفعت صوت التلفون 📱 وكملت عملها فارحه 😄...





🌹meme_abdalgaleel


@qesasanani

بارت 93



بعد العصر ...


في بيت حسين 🏡...


هيفاء : جالسه في الصاله فووق الكنبه .. ماقلك عمك مايشتي ليش اتصل عيجي ...


ريان: إبسر رهف وغمز لها 😉 مااشي قالوا يشتوا يجوا معاهم موضوع يشتوا يحاكوكم ..


هيفاء : ان شاء الله خير بس قدوذا قلت لك ماينزلش ماجد ولا إشتي أبسر له صوره ..

ريان : قد قلت لهم قالوا اسهل اول عيجوا يحاكونا إحنا وبعدا عيدعوه ..


رهف : سمعت صوت الجرس حست قلبها نكع 💓 لانها داريه مايشتي ... هذا شكلهم عمو جو قامت فتحت له الباب 🚪 سلمت عليه ودخلت غرفتها وخلته مشقي بتتشقرهم وتسمع ماعيقلوا ...


خالد : بعد ماجلس شوويه وتجابر معاهم .. لفت لهيفاء 👀 ذلحين يا أختي امس جو لعندي بيت جيرانكم جاء احمد ال... ومحمد ابنه يشتوا يخطبوا رهف لمحمد وانا قلت لهم أول احاكيكم ونبسر مالنا وعلينا وبعدا لو به نصيب عيسخرها الباري ...


رهف : بتسمعهم 😄 حست قلبها 💗 طاار من الفرحه غلقت الباب وجلست تتقفز وتترقوص 💃...


هيفاء : إبتسمت 🙂 أنا عن نفسي ماشلقاش أحسن من محمد لافي رجالته ولا أخلاقه وتنهدت 😔 ريت والله وحسين عادهو بخير كم كان نفسه فيه ويتمناه لبنته ...

خالد : الله يرحمه ويوسع قبره .. ذلحين يعني موافقين أرجع الناس خبر ونبسر مالنا وعلينا ولاعاد انتوا تشتوا وقت وتسالوا رهف ونبسر ماجد ...


ريان : نبع ع طوول ... لا لا مووافقين اكييد رهف موافقه ع ضمانتي وماجد رائيه مش مهم عيفعل لنا هدار بس ابردوا منه ...


هيفاء : لفتت له 👀 إسهل يا ابني ماكان كان مايسبرش نتقفاه في موضوع مثل هذا ع الأقل قبال الناس ولا ماقلت يا اخي والي بيننا في بيتنا بس قبال الناس هو أخوها الكبير وعتقع شوعه في حق اختك ...


خالد : عداش العيب يا أختي ومدام والكل موافق ماجد ماعد عيقل شي وأشر لريان 👀 إطلع ادعي أخوك انا قد اتصلت له قال هو فالبيت ماعيخرجش خليه ينزل احاكيه ..


ريان : ضبح 😤 وطلع يدعيه وخايف من جغاره ماجد خاصه بعد كل المشاكل ومصياحته مع احمد ومحمد ....


....... ...... ..........


في بيت أخت سميره 🏡...


اخت سميره : هييا ناهي لش من الجنان سعم لاقد صبغ شعره 👨🏻 ان قد عيقوم يتزوج مابلا يمكن أنهو صدق فكر ان عمره سار وهو بين العمل عيقل يرتاح له شوويه ...


سميره : بتهز رآسها وحطت يدها ع قلبها ❤ ماااشي مدري ماله قلب نكز مشو توفيق هكذا ولا قد سمعته يتحاكى من عيال وكم قد تراشيته انا يتزوج واليوم يقلي هكذا مااشي مااشي والله ماهو قلبي مطمن ...


اختها : طيب ماقد ابسرتي عليه شي ولا كوده فوق التلفون 📱 نقل لاهو بيجابر احد وتعرف له ع واحده بتضحك ع عقله ..

سميره : ماااشي والله ولا به شي من هذا بس ماجراء عليه اليوم مدري ..


اختها : خلاااص بوردي ع قلبش ❤ ولا به شي ويمكن بس يشتي يجدد حياته بس وانتي حين تروحي خليش عادي واقنعيه وسافري معه تغيروا جو ..


سمر : ع دخلتها سمعت موظوع السفر مشهي عارفه بالكلام الي دار بينهن ... أيووه صدق ياماما هييا نسافر مع بابا حاكوهم بس اول نبسر اين عيسيروا ...


سميره : إبسرتها بإستغراب 😳 ليييش أبوش عيسافر ؟؟؟..


سمر : لفتت لها بتعجب 😳 يووه اوذا بتقلوا تخايلي أننتوا دارريين ...


اختها : انا بينقلها انا تحاكيه يسافروا يغيروا جو ...


سمر : هزت راسها كانت واقفه ... آااها يعني ماقد حاكوهمش شكلهم كان يشتوا يفعلوها لهم مفاجاءه وانا خربتها عليهم ..


سميره : ليش أيحين قلش إنه عيسافر ماجابرش ...

سمر : ولاشي بس لما وروني شنط الفساتين حق بنت صاحبهم العروسه الي ادوهن لها من تركيا بيسالوني لو حاليات قلتلهم اشتي اشل منهن عجبني قالوا هم عيسافروا قريب ويدولي ..


سميره : بهررت عيونها 😳 وفتحت فمها . شنط مه وعروسه مه ماهوو الموضوع ..


سمر : حكت لها ماحصل وانه اشترى نفس فستان الزفاف الي عجبها ...


سميره : ابليس 😈 دخل راسها ومليون فكره بتسير وتجي في راسها لفتت لأختها مصددومه ...


🌹meme_abdalgaleel


https://t.me/joinchat/AAAAAERja9LRzSkmuZYIRw


@qesasanani

بارت 94


في بيت حسين 🏡..


ماجد : دخل وهو ضابح عيقرح 😤 جلس هييا ماهو ياعم او قدبه شكوى جديده عليا ..


خالد : مابلا به كل خير وبعدا الناس لما يدخلوا يسلموا وانت حمله حمله تجلس ع الأقل سلم ع أمك ابرد مننا ..


ماجد : سكت 🤐..

خالد : انا جيت اليوم أقل لكم ان محمد أبن جيرانكم تقدم لرهف لعندي وأبوه جاء ويشتي نابي وامك وكلهم موافقين بس قلنا نحطك في الصوره ...


ماجد : حمر وجهه 😡 وحس الدنيا كلها لفت به وزغللت عيوونه وصاااح .... مااااهو مووافقين مه ماااابش من قاال انحنا موافقين ماابش معانا بنات ...


ريان : نبع له .. مااادخلك أصلا توافق او ماتوافقش أحمد الله انحنا دعيناك بس قبال الناس ولا انت اصلا لاعدانت مننا ولا احنا منك ...


ماجد : مربووش😰 قدهو في عالم ثاني بيهم مايقلهم كيف عيوافقوا يزوجوا البنت وقد عقد لها ..مسك قاروره الماء 🍾 ورجمه بها مشنا منكم هاااه .. هييا وانا قسما بالله ماتسبر هذه الزواجه ع جثتي ولا عنناسب هذولاء الناس والبنت قد تقدم لها واحد واديت له كلمه. ..


خالد : صااح فووقه 😡 بسس عتستحي ع روحك ولا مابش معك كبير أنا لماكان يشتكوا منك قلت يمكن بيبالغوا بس اليوم بتفعل هكذا وتراجم وتقل حياك قبالي ماعد بش لي احترام وبأمر من توافق ع الي تقدم لعندك ليش أوماعدبش لحد كلمه ... هييا شاقلك كلمه افعلها في اذنك من اليوم ماعدلك دخل بهم ولا عاد يخصوك وكلنا موافقين ورهف لمحمد ..


ماجد : جن جنونه 😡 وماعد حس بنفسه ... ماااهو جنانكم ماعتخطبوا مخطوبه 💍 قد سديت انا والرجال وادي المهر والذهب والكسوه وقد حددنا العرس ...



هيفاء : صاااحت 😱 اييييش عرررس من وكسوه مه مابتتتقل عاد شي معك عقل ولا بتدور لنا هدار وجنان ومسكته وبتهزوره ...


رهف : سمعت اصوات صياح افتجعت حملت 🏃🏽‍♀ تبسر مابه وقفت من بعيد تسمعهم..


ماجد : بعد يد أمه وبيصيح 😡عررس رهف .. خلاص قد سديت مع الرجال وقد تمينا ومهرها وكسوتها طالع شانزلهن لها وتتجهز للعرس..


خالد : مسكه من الكوت ولطمه 👋🏻 أنت داري مابتقل ومن بتتحدى ولا ماشي وتخايلك ان لاقد قلت هكذا عنصدقك ونفركش هيا وانا عليا الحرام اننا شتصل 📱لهم واقلهم موافقين وعنخطب الجمعه الي عتجي ووريني ماعتفعل ...



ماجد : بصيياح 😡 ماااهو جنانكم من يخطب 💍 مززوجه ..


ريااان : مسنب وراء امه قرب لعنده مزززوجه مه 😡 انت داري مابتقل...


ماجد : خلااص قد تموا الناس والبنت قد عقدت لها وحددت العرس مع الرجال وماعدبش بيدكم شي وورقه العقد 📄 طاالع عندي ...


رهف : انصدمت 😨 مش مصدقه ولا مستوعبه مابيقل نزلت دموعها وبتبكي 😭 قربت لعنده بكل ريحمه وضعف مااهو ياماجد ماابتقل ...


ماجد : بصياح الي سمعتي 😡 تجهزي ووكفي نفسش عرسش بعد شهر ونص ...


هيفاء : بتصيح وتبكي 😭...


خالد : بيصيح 😡 ورقه عقد مه وكيف تعقد لها وباذن من وبامر من ...


ماجد : بأمري ولا نسيتوا اننا ولي امرها ومعي وكاله والكل منها 😡....


ريان : جن جنونه ماعد بقي فيه ذره عقل حمل للغرفه حق ابوه بيدور المسدس 🔫 لقيه وحمل بيوجهه لعند ماااجد شقتتتلك والله لاقتلك لو ادرى ان الي بتقله صددق وبيصيح 😡 تحاااكى .. بينقلك اتحاكى..


هيفاء : حملت لعنده 🏃🏽‍♀ تمسكه يبعد المسدس 🔫 من يده ...


رهف : سنبت وبتصيح وهي بتبكي 😭 ريااااان ابعدده قوووى ...


ماجد : قرب لجنبه .. متحدي ومبهرر عيونه 🙄 أيووه عقدت لها ماعتفعل وازيد اقرح قلبك اكثر تشتي تفتطر 💔 زوجتها عقدت لها بواحد اكبر منها في سن ابوها مزوج ومعه بنت في عمرها داري منهو توفيق ال..... الي كانت بنته خطيبه مهند ...


ريااان : صاااح 😡 فاار دمه وبيبكي 😭 عشق المسدس والله لاقتتتلك مثل مافعلت هكذا با أختي يامجرررم ...


خالد : بيصيح ويحاول يهداءه ويمسكه ... صل ع النبي يااريان اذكر الله هذا الكلام مايدخلش عقل ومايصلحش يعقد لها هكذا هذا زواج باطل ....


رهف : بتبكي 😭 بتسمع الكلام وتحس روحها عتخرج وبتصيييح .. ياااارب تعببببت ياااارب موووتني ماعاد اشتيش اعيش ...


هيفاء : في وضع لاتحسد عليه ماعد قدرت تمسك نفسها اطرحت في الأرض ع ركبها 😭 وبتبكي وتصيح ومسكت ارجل ريان بتتراشاه يبعد المسدس 🔫 من يده ...


رهف : قربت لعند رياان تشتي تهزر المسدس 🔫 وبتبكي وتصيح 😭اقتلني انا ترتاحوا كلكم مني كل المشاكل بسببي ...


خالد : حمل يمسكها وبيهزرها ..

ماجد : قرب يهزر المسدس من يده 🔫 يبعده منه يشله ...


هيفاء : ماعد قدرت تمسك نفسها من الموقف غطت وجهها وبتبكي 😭 ..


فجاءءه ...😱😱😱😱😱

بوووووووووووووم


صوت رصاصه ....


هيفاء : بعدت يدها بسرعه أبسرت قدامها دم صاااااحت وارتجمت في الأرض دووخت ...



خالد : بيصيح ووقف مبلوود 😳 ....




معقوووله يكووون أحد أصييب ياترررى أيش حصل ومن قتل من والرصاصه 🔫جت في حد ..


هيفاء بخير وخالد..

ريان _ماجد _رهف كانوا بيهزروا المسدس معقوووله الرصاصه في .

......😭😭


توقعاتكم ....

https://t.me/qesasanani/1240

🌹meme_abdalgaleel

@qesasanani

بارت 95


في بيت أحمد 🏬...


محمد : كان في غرفته بيذاكر سمع صوت طلقه رصاص 🔫 من بيت حسين وصياح افتجع 😱 شل تلفونه بسرعه بيتصل لعند رهف مابتردش بيتصل لريان ماردش قلق فتح باب غرفته يخرج ..


سلا : كانت جالسه مع امها وامل سمعين الصياح والرصاص حملت 🏃🏽‍♀ بسرعه لعند محمد لقيته فالدرج سمعت 👂🏻...

محمد : ملامح وجهه خوف وقلق 😰 محد بيجاوب فيهم مدري ماحصل ..


سلا : مفتجعه 😰 إحمل بسرعه قوى لعندهم وانا شدخل اجرب اتصل أبسر مابه ...


محمد : فتح باب الحوش 🚪 وخرج بيحمل لعندهم 🏃🏼‍♂ إبسر خالد بيشغل السياره 🚘.. وريان حاضن رهف والدم بيسيل منها بيطلعها السياره يسعفوها ..


رهف : شعرها مغطى بس بطرحه وملابسها كلها دم ومغمى عليها 😔...


هيفاء : بتحمل بعدهم وهي بتلبس اللثمه وتصيح وتبكي 😭 ...


محمد : اول ما ابسر الموقف صااح مثل المجنون 😡 رررهف وبيحمل لعندهم ايييش في ...


خالد : بيصيح مش وقت الكلام نسعف البنت اول شغل السياره 🚘 وخطي ..

محمد : بيصيح له وقد دموعه بتنزل 😭 ماعد قدر يمسك نفسه ... اي مستشفى .


خالد : الحقنا لل....... .


محمد : حمل بسرعه لبيتهم 🏃🏼‍♂ فتح الباب ودخل غرفته بيصيح مثل المجنون ويبكي 😭 فيين الدوواير من الربشه ماعد دري اين حط داير السياره ...


غاده : حملت هي وسلا ابسرنه بيبكي ويصيح 😭 افتجعين مااابه ..


محمد : بيراجم الادراج للأرض ويندش .. بيصيح 😭رررهف رررهف عتموت وحط يده ع راسه وبيصيح اين الدواير ..


أمل : حملت بهن 🔑 تمكنه هاه هولاء كانين فوق الجزامه ...

سلا : بتبكي 😭 راعي لي شاجي معك ...

محمد : سحب الدواير من يدها 🔑 وحمل بسرعه وشغل السياره 🚘 بيسوق بسرعه ويبكي 😭 خايف ع رهف ...


غاده : حملت تتصل بسرعه لمهند 📱 يلحق اخوه ..


....... ........ ......


في بيت توفيق 🏬...


سميره : من حين روحت من بيت اختها وهي مطننه 🤔 بتفكر في كلام سمر وتربط بينها وتصرفات توفيق ...


سمر : ابسرتها👀 ... مالكم مطننين ...


سميره: تنهدت ... ولاشي وفلتتها ودخلت غرفه المكتب حق توفيق تدور لو معه تلفون مخبى او شريحه او أي شي .. دخلت بتندش وتدور مالقيت شي .. ضبحت 😤 وجلست فوق الكرسي حق المكتب بتفكر 🤔 معقووله مابش شي واننا بينجنن نفسي بس .. سنبت تخرج نكعت ملف فيه ورق للقاع 📑 وطت ترفعهن وهي بترفع لقيت ورقه مكتوب فيها عقد زواج مسكتها وقربتها لعندها بتقراها 🧐 صااحت ونزلت دموعها 😭 ..


سمر : سمعتها بتصيح 👂🏻 افتجعت حملت لعندها 🏃🏽‍♀ ماالكم ..


سميره : الورقه في يدها 📄 ودموعها بتنزل ..ابسرتها أبوش تزوج وجلست فوق الكرسي بتبكي 😭...


سمر : إنصدمت 😳 أييييش وشلت الورقه من يد أمها بتبسرها .... باندهاش صااحت ممممن ... معقوووله رررررهف 😱....


......... ......... .........

في بيت حسين 🏡..

في شقه ماجد ...

ماجد : حمل وفي يده المسدس 🔫 بيصيح مفتجع 😰 قتلتها رنا قتلت رهف ..


رنا : انصدمت وحطت يدها ع وشها 😱 اييييش انا سمعت الصياح والرصاص بس ماتوقعت انه في احد وماصديتش انزل ..



ماجد : اطرح ع ركبه في الأرض وبيبكي 😭 عيقتلوني ...


رنا : مسكته بتحاول تهداءه ومفتجعه ماعيحصل 😰...





🌹meme_abdalgaleel


@qesasanani

بارت 96


في المستشفى 🏥....


رهف : داخل في غرفه العمليات 😔...


هيفاء : مسنبه عند الباب 🚪 بتبكي 😭 وتدعي لها ...


خالد : نازل مع ريان وامن المستشفى 🏥 بيحققوا معاهم كيف اصيبت ..


ريان : منهار وخايف 😰 ع رهف .. كنت بيننضف المسدس 🔫 حق أبي الله يرحمهم قدله خيرات مطروح من بعد الموت وقد فضيته مشنا داري ان كان فيه رصاصه خرجت منه بدون قصد وجت فيها ...


خالد : لفت له👀 واشر له براسه كويس ..

الأمن : كان في احد عندكم به شهود ..

خالد : أيووه انا عمهم وكنت موجود وامها موجوده لو تشتي تشل اقوالها بس خلوها اول تهداء عادها منهاره ...


الأمن 👨🏻‍✈: طيب وقعوا ع اقوالكم ...

محمد : وصل المستشفى 🏥 وقف سيارته وبيحمل ساع المجنون بيدور اينهم ويسال طلع ع طول للعمليات أبسر هيفاء فوق الكرسي بتبكي 😭حمل لعندها وقد عيموت خوف ..هااه خااله طمنوني مالها رهف ماحصل ..

هيفاء : بتبكي 😭 ماجد مااجد قتل بنتي ..


محمد : صاااح 😡 ايييش واقسم بالله لاقتله والله لاخرج روحه لو يقع بها شي وحط وجهه عرض الجدر بيبكي 😭..


الممرض : فتح باب العمليات 🚪 وخرج .. هااه لوسمحتوا نشتي لها بسرعه دم قد نزفت خيرات ...


محمد : حمل لعنده ... طييب حاضر الآن بس قوى طمني اول كيفهي ماحصلها ...


الممرض : مش وقت المجابره اول نشتي دم -o ..


ريان : طلع هو وخالد حملوا لعندهم 🏃🏼‍♂ هييا مه ..


محمد : لفت لريان 👀 شاسير ادى سلا بسرعه يشتوا دم وهي -o سالب مثلها ..


خالد : يله تمام بسرعه وانا شتصل📱 ليوسف والكل يجي هو سالب مثلها ...


هيفاء : بتبكي 😭 وتدعي لها ...

ريان : حضنها بيهداها وقلها ماقالوا للأمن علشان لو سالوها ..


محمد : ع نزلته من الدرج رن تلفونه 📱 ..

مهند : هييا مه اين انتوا ماحصل ...


محمد : مش وقت المجابره بسرعه ادي سلا يشتوا لها دم ..


........ ........ ..........

الساعه 9 الليل ..


في بيت توفيق 🏬...


توفيق : روح دخل البيت بيداعي محد جاوبه ..

سميره : مغلقه ع نفسها الغرفه بتبكي 😭 ..

سمر : في غرفتها ...


توفيق : بيفتح باب الغرفه 🚪مغلق دقدق الباب ✊🏻 يييه سميره مالش مغلقه ..


سميره : قامت فتحت له الباب 🚪 ودخلت ع طول غطت وشها بالبطانيه ترقد ..


توفيق : استغرب مالها .. بعد البطانيه من فوقها ... هييا مالها حانقه ولا هذا كله حين صبغت شعري ..


سميره : قرحت بالبكاء 😭 سخييت عليا ياتوفيق سخييت تتزوج حررام عليك كم قد تراشيتك وكنت تقلي ماتشتيش ليش كذبت عليا ومالقيت الا بنت جاهله ساع بنتك رهف ياتوفيق رهف وانا الي كنت اجي اتحاكى عليها قبالك مشنا داريه ماراس اهتمامك وسؤالك عليها حتى فستان الزفاف اشتريته لها الي عجبني ...


توفيق : واقف مبلود انصدم 😳 مااهو مابتقلي من قلش ..

سميره : خرجت ورقه العقد 📄 من تحت الوساده ورجمتها لاوشه . هذه قالت لي تخايلك ان محد عيدرى تشتي تتزوج اتزوج بس مش هكذا توجعني وفلتته وخرجت ...



توفيق : ماقدر يرد .. جلس ع طرف السرير وحط يوه ع راسه ...



🌹meme_abdalgaleel



@qesasanani