♻️23 наурыз – Тазару күні

«Наурызнама» онкүндігінің соңғы күні ұлттық экологиялық науқанға арналған.

Бұл күн қоршаған ортаны қорғап, экологиялық мәдениетті қалыптастыруға бағытталған.

📌Осыған орай ел бойынша жалпыұлттық экологиялық акция өтеді.

📺@qazaqstantv

⚜️Абай облысында бір мезетте 180 баланың тұсауы кесілді

Шара Абайдың 180 жылдық мерейтойына орай ұйымдастырылған.

Абай облысында Наурыз мейрамына орай 300-ге жуық киіз үй тігілді. Мерекелік шаралар облыстың барлық ауданы мен қаланың барлық шағын ауданын қамтыды.

Шара барысында облыс бойынша бір мезетте 180 баланың, ал Семейде 40-қа жуық бүлдіршіннің тұсауы кесілді.

📍Семейдегі орталық алаңда киіз үй тігіліп, қолөнер көрмесі, ұлттық ойын, спорттық жарыстар ұйымдастырылып, фотоаймақ дайындалды.

📺@qazaqstantv

🏢«Жер сағаты»: Астанада 50-ге жуық нысанның жарығы сөндірілді

22 наурыз күні халықаралық «Жер сағаты» экологиялық акциясы өтті. Дүние жүзіндегі мыңдаған ғимарат пен сәулет нысанындағы жарық бір сағатқа өшірілді.

💡Акцияға қатысқан Астана қаласында 50-ге жуық нысанның жарығы сөндірілді. Олардың қатарында Астана қаласының әкімдігі, Е.Рахмадиев атындағы Мемлекеттік академиялық филармония, Оқушылар сарайы, тұрғын үй кешендері мен қонақ үйлер бар.

♻️«Жер сағаты» — Дүниежүзілік жабайы табиғат қорының (WWF) қамқорлығымен өтетін жыл сайынғы халықаралық шара. Оған әлемнің түкпір-түкпірінен 2 млрд-тан астам адам қатысады.

📺@qazaqstantv

🔴Алматы облысында қар көшкіні жүрді

Бүгін сағат 08:28-де Еңбекшіқазақ ауданы аумағындағы «Түрген ауылы – Батан шатқалы» автожолының 23-24 шақырымында тау беткейінде қар көп жиналғандықтан, қар көшкіні жүрді.

Қазіргі уақытта қар көшкінің параметрлері нақтылануда.

‼️31 наурызға дейін «Түрген – Батан – Асы обсерваториясы» автожолының 15-41 шақырым аралығы көлік қозғалысы үшін жабық.

📺@qazaqstantv

⚜️Азулы айтыскерлер мен жас ақындар айтысы

📺«Төрлет, еңбек адамы!» республикалық ақындар айтысының финалын бүгін ⏰15:50-де көріңіз.

📹Instagram 📹TikTok 💬WhatsApp 📒Facebook

🔴Флоридадағы Диснейлендтен өрт шықты

Сенбі күні кешке Флоридадағы Walt Disney World орталығынан өрт шығып, адамдар эвакуацияланды.

Орталықтың ресми өкілінің айтуынша, оқиға Epcot ойын-сауық саябағында болған. Жергілікті уақыт бойынша кешкі сағат 19:20 шамасында өрт сөндірілген.

Зардап шеккендер жоқ.

📸 X әлеуметтік желісінен

📺@qazaqstantv

☀️Астанадағы Наурыз: 8500-ге жуық адам ұлттық спорттан өткен жарыстарға қатысты

Елордада Наурыз мейрамы аясында мерекелік спорттық іс-шаралар ұйымдастырылды. 21-22 наурыз күндері 30 түрлі алаңда ұлттық спорт түрлерінен жарыс өтті.

Әкімдік мәліметінше, сайыстарға 8500-ге жуық адам қатысып, арқан тартыс, қазақ күресі, асық ату, тоғызқұмалақ, ләңгі тебу, қошқар көтеру сияқты ұлттық ойындарда бақ сынады.

📌Сонымен қатар, қазақ күресінен ашық турнир ұйымдастырылып, оған 700-ден астам спортшы қатысты.

Жеңімпаздарға арнайы сыйлық табысталды.

📺@qazaqstantv

🚗 400 адам Tesla автосалоны алдында Маскқа қарсы митинг өткізді

🪧 Tesla Takedown қозғалысының 400-ге жуық мүшесі Мэриленд штатындағы Tesla автосалоны алдында Илон Маскқа қарсы митинг өткізді. Олар Масктың АҚШ үкіметіндегі тиімділік департаментін басқаруына наразылық білдіріп, Tesla көліктерінің иелеріне «оларды сатып жіберуге» және компаниядағы өз акцияларын «құлату» арқылы Маскке қарсылық білдіруге шақырды.

❗️ 21 наурызда АҚШ президенті Дональд Трамп Tesla компаниясына қарсы саботаждарға қатысушыларға 20 жылға дейін түрмеге қамау жазасын беруге уәде етті. Бұл мәлімдеме АҚШ-та Tesla компаниясына қарсы наразылықтардың жалғасып жатқан кезіне сәйкес айтылды.

📢Осы уақытқа дейін бірнеше автосалондарға өрт қою және көліктерді бүлдіру сияқты актілер болған. Илон Маск Лас-Вегастағы Tesla қызмет көрсету орталығында ұйымдастырылған өртті терроризм деп атады.

📺@qazaqstantv

✅Елордада спортшылар тазалық акциясына қатысты

Астана қаласында «Таза Қазақстан» акциясына спортшылар мен бапкерлер қала тұрғындарымен бірігіп, Наурыз мерекесі аясында өткен спорт сайыстарының орындарында тазалық жүргізді.

🔵«Наурыз мейрамы аяқталған соң EXPO алаңында жарыс өткізген бапкерлер мен қала тұрғындары бірігіп, орындарды жинап шықты. Бұл бастама – қоршаған ортаны таза ұстауға деген құрметтің белгісі. Спорт тек денсаулықты нығайту ғана емес, ол – тәртіп пен жауапкершілік. Біздің спортшылар үлгі бола отырып, жастарды табиғатты қорғауға шақырады», – деп атап өтті ұйымдастырушылар.

📺@qazaqstantv

🔵Ұландықтар еңбек ардагерлерінің ауласын тазалады

23 наурыз – Тазалық күнімен көктемгі Наурызнама мерекесінің онкүндігі аяқталады.

Осыған орай Астана қаласы Сарыарқа ауданының әкімдігі мен Ұлттық ұлан әскери қызметшілері еңбек ардагерлерінің аулаларын қардан тазарту жұмыстарын ұйымдастырды.

❄️ Айта кетейік, мереке қарсаңында ұландықтар тағы бірнеше ардагердің үйіне барып, ауладағы қарды тазартуға көмектесті.

📺@qazaqstantv

🍏 РФММ базасында Орта Азиядағы тұңғыш Apple оқу орталығы ашылды

👏 Республикалық физика-математика мектебі (РФММ) Орта Азияда Apple Authorized Training Center for Education (AATCE) мәртебесін алған алғашқы білім ордасы атанды.

✍️ ҚР Оқу-ағарту министрлігінің хабарлауынша, AATCE мәртебесі мектептің цифрлық пәндерді оқыту және IT мамандарын даярлау саласындағы Apple компаниясының халықаралық стандарттарына сәйкестігін растайды.

✔️ Оқу бағдарламасы мектеп оқушылары үшін арнайы әзірленіп, «Develop in Swift» сертификатталған курсын қамтиды, бұл оқушыларға мектеп аясында Swift тілін меңгеруге және iOS үшін мобильді қосымшаларын әзірлеуге мүмкіндік береді.

📺@qazaqstantv

ШҚО тұрғындары бұлақ көзін ашып, табиғатқа жанашырлық танытты

Наурыз мерекесі ертеден табиғат тазалығын сақтауға үндейді. Наурызнама онкүндігінің соңғы күні ұлттық экологиялық науқанға арналған.

Осы ретте ШҚО халқы алты ай қыста ақ қар астында жатқан арықтардың бойын тазалап, бұлақтардың көзін ашып, енді жан кірген Жер-анаға қамқорлық көрсетті.

📺@qazaqstantv

⚜️«Алтын қордағы» ұлттық ән-күйлер мен жыр-термелер 100-ден астам әлемдік музыкалық платформаға жүктелді

«Қазақстан» телерадиокорпорациясының қазақ халқының ұлттық ән-күйі мен фольклорлық мұрасына арналған «Асыл мұра» аудиожинағы жарық көрді. Жинаққа енген 1500 аудиошығарма бүгіннен бастап әлемдік музыкалық платформаларда қолжетімді.

📺@qazaqstantv

🌳 Алматыда алма, алмұрт, үйеңкі және шаған сынды 10 мыңнан астам ағаш отырғызылды

Алматыда «Таза Қазақстан» республикалық акция аясында ауқымды тазалық және көгалдандыру шарасы өтті. Оған 50 мыңнан астам тұрғын, 1 200-ге жуық коммуналдық қызметкер қатысып, 350-ден астам арнайы техника жұмылдырылды.

🔊Тазалық жұмыстары барысында саябақ, гүлзар, аула және демалыс орындары тазартылып, 8 мың текше метрден астам қоқыс жиналды.

📌Сондай-ақ алма, алмұрт, шегіршін, қараған, үйеңкі және шаған сынды 10 мыңнан астам ағаш отырғызылды.

📺@qazaqstantv

⚽️Футбол: 🇵🇹Португалия - Дания🇩🇰

🏆УЕФА Ұлттар Лигасы

Бүгін ⏰00:35-те

🔴«Qazaqstan» телеарнасында

📹Instagram 📹TikTok 💬WhatsApp 📒Facebook

⚪️Абай облысында экоакция өтті

Абай обллысы Ақсуат ауданы жастарының ұйымдастыруымен 23 наурыз - Тазару күніне орай экоакция өтті.

Шара барысында көше, аула мен саябақтардағы қоқыс жиналып, аудан аумағын көркейту жұмыстары жүргізілді.

📺@qazaqstantv

📢Қазақстанның Түркиядағы елшілігі азаматтарға үндеу жариялады

Түркиядағы жағдайға байланысты елшілік қазақстандықтарға халық көп жиналатын орындарға бармауға, шеру мен митингілерге қатысудан бас тартуға шақырды.

Сондай-ақ күшейтілген қауіпсіздік шараларын сақтап, жаңалықтарды қадағалап, биліктің нұсқаулықтарын орындап, Қазақстан Республикасының Түркиядағы дипломатиялық өкілдіктерімен байланыста болуға кеңес берді.

📞Қазақстанның Түркиядағы шетелдік өкілдіктерінің жедел желі телефондары:
1. Қазақстан Республикасының Анкарадағы Елшілігі: +905352734496
2. Қазақстан Республикасының Ыстанбұлдағы Бас консулдығы: +905012621465
3. Қазақстан Республикасының Анталиядағы Бас консулдығы: +905394400522
4. Қазақстан Республикасының Измирдегі Бас консулдығы: +905530998789.

📺@qazaqstantv

🌷Атырауда Тазару күніне орай ауқымды экологиялық акция өтті

Атырау қаласының тұрғындары Наурызнама онкүндігі аясында Тазару күніне орай бірқатар саябақтар мен көшелерде тазалық жұмыстарын жүргізді.

📌Айта кетейік, мұндай шара ел бойынша өтіп жатыр.

📺@qazaqstantv

✔️ Бейнеудегі Бекет Ата жерасты мешіті табиғи газға қосылды

📍 Бүгін Бейнеу ауданында орналасқан көне Бекет Ата жерасты мешітіне табиғи газ берілді. Салтанатты шараға облыс әкімі Нұрдәулет Қилыбай қатысты.

👏 Жоба жеке кәсіпкердің қаражаты есебінен 2025 жылдың қаңтарында басталып, үш айға жуық уақыт ішінде толық аяқталды. Жалпы ұзындығы 3,4 шақырымды құрайтын газ құбырының тартылуы – мешітке келушілер үшін қолайлы жағдай жасап қана қоймай, тарихи нысанның сақталуына да оң әсерін тигізбек.

📺@qazaqstantv

🍀Қарағандылықтар «Тазару күніне» орай экоакция өткізді

✔️ Қарағанды облысы Саран қаласының тұрғындары Наурызға арналған концерттен кейін өз қаласының тазалығына көңіл бөлді.

👏 Олар қаланың саябақтары мен көшелерін қоқыстан тазартып, Наурызнаманың Тазалық күніне сай қоршаған ортаға қамқорлық танытты.

📺@qazaqstantv

📚 Қазақстан тарихының 7 томдығы үш жылдан астам уақытта жинақталды

📖 Қазақстан тарихының 7 томдығында тек дәлелденген фактілер мен теориялар қамтылған.

✔️ Редакциялық алқа мүшесі, тарих ғылымдарының докторы Еркін Әбіл еңбекте ғылыми негізге сүйену басты қағида болғанын атап өтті.

🔴 «Ұлы дала тарихы. Өткенді түгендеу» деректі фильмінің толық нұсқасы QazaqstanTV YouTube арнасында.

📺@qazaqstantv