Сәлам, сәлам, дуслар!
Сезне "Qazan Quiz" командасы сәламли👋
Без сезне үзебезнең телеграмм-каналыбызда күрүебезгә бик шатбыз!
Тиздән әлеге каналда "Qazan Quiz" чарасы буенча мәгълүматлар бирелә башлаячак.
Яңалыклар белән танышып барыгыз! Бәйләнештә торыйк!

📌Ә әлегә төп мәгълүматларны җиткерәбез:
✅Очрашу урыны: Милли Китапханә
✅Кайчан: 26 октябрь
✅Вакыты: 10:00

Ә хәзер «Qazan Quiz» чарасының үткәрелү тарихы белән танышыйк.
🔹2010 нчы елда «Мин татарча сөйләшәм» акция кысаларында «Татар Дозор» уены үткәрелә башлады. Ул - мәктәп укучылары өчен Казан урамнары буенча квиз уены форматында оештырылды. Ел саен әлеге чарада катнашучы мәктәпләр саны күбәя, ә биремнәр кызыклырак була барды. Әлеге биремнәр татар теле, мәдәнияте, тарихы, татар халкының күренекле шәхесләре турындагы белемнәрне арттыруны таләп итә иделәр.
🔸Чара Татарстан Республикасы башкаласы Казан шәһәрендә үткәрелгәнлектән, быел исеме «Qazan quest»ка алыштырылды.
🔹Ирешелгән уңышларда гына тукталып калмыйча, без тагын да зуррак максатлар куйдык. «Qazan Quest» уенының масштабларын зурайттык: өстәмә рәвештә «Qazan Quiz» чарасын үткәрергә булдык. Бу чарада исә Казан мәктәпләре укучылары гына түгел, ә республикабызның төрле районнары да катнашуга чакырылды.