Синоптиктер Алматыда аяз қашан басылатынын айтты

Синоптиктер болжамынша, қала тұрғындары аяздың қайтқанын алдағы үш күнде сезеді.

21 ақпанда Алматыда көшпелі бұлт шығады, аздаған қар жауады, тұман түседі. Оңтүстік-шығыстан соққан жел секундына 2-7 метр. Ауа температурасы түнде 16-18, күндіз 6-8 градус аяз.

22 ақпанда көшпелі бұлт шығады, жауын-шашын болмайды. Түнде тұман. Жел секундына 0-5 метр. Ауа температурасы түнде 13-15, күндіз 3-5 градус аяз.

Жұма, 23 ақпанда Алматыда қар жауады деп күтіледі. Түнде тұман. Ауа температурасы түнде 8-10, күндіз 1-3 градус аяз.

📢Qaz365kz - арнаға жазылыңыз

Алматыда мектеп бухгалтері 160 миллион теңгені туыстарына аударған

Қала прокуратурасының мәліметінше, ол мектепте жұмыс істемейтін адамдарға және өзінің жақын туыстарына ақша аударған.

Прокуратура осыған ұқсас ұрлық фактілерін Медеу, Алмалы, Түрксіб және Алатау аудандарында анықтады. Сотқа дейінгі тергеп-тексеру амалдары жүргізіліп жатыр.

Жалпы Алматы мектептерінде ақпараттық қауіпсіздік саласында жарты мыңнан астам заң бұзушылық, балаларды тасымалдау және білім беру мекемелерін қорғау ережелердің, санитарлық және өртке қарсы нормалардың бұзылуы, сондай-ақ оқушылар арасында буллинг фактілері анықталды.

📢Qaz365kz - арнаға жазылыңыз

Freedom Bank жасанды интеллект әдісінің инвесторларға тиімді тұстарын көрсетті

Freedom Holding Corp негізін қалаушы және негізгі акционері Тимур Турлов соңғы кездері жасанды интеллектке көңіл бөле бастады. Ол 20-30 жыл бұрын біздің банктердің ойына тіпті кіріп-шықпаған жаңа функционалдардың көп екенін айтып жүр. Соның бірі – жасанды интеллект. Бұл жүйені ол еліміздегі ең үздік банктердің бірі Freedom Bank-ке осы жүйені енгізіп жатыр. Аталмыш банк жасанды интеллект (ЖИ) акцияларының бағасын болжау инвесторларға ақша табуға көмектесе ме деген сұраққа жауап іздеп көрді

Қор нарықтары тұрақсыздығымен және тұрақты өзгерістерімен танымал. Сол себепті, инвесторлар акциялардың әлеуеті мен тәуекелдерін бағалау үшін пайдаланатын негізгі құрал – болжау.

Сонымен қатар саясатқа, әлемдік экономикаға, жоспарланбаған оқиғаларға және компанияның қаржылық көрсеткіштеріне байланысты баға серпінін болжау қиын. Бұл ретте, жасанды интеллект пен машиналық оқытуды қолдану бағалы қағаздарды – заңдылықтарды зерттеу және анықтау үшін «үлкен деректер» бар барлық жерде бағалау процесін жеңілдетуі мүмкін.

Сондықтан қазірдің өзінде бағалы қағаздармен сауда жасау үшін жасанды интеллект мүмкіндіктерін пайдаланатын компаниялар бар.

Биржаларда жасанды интеллектті қалай қолдануға болады?

📢Qaz365kz - арнаға жазылыңыз

Жетібайдың жұмыссыз тұрғындары West Oil компаниясына жұмысқа тұруды талап етіп жатыр

Олар аудандағы өндірістік мекемелерге және West Oil компаниясында босаған орындарға жұмысқа қабылдауды талап ететіндіктерін жеткізді.

Естеріңізге сала кетейік, бүгін West Oil компаниясының басшылары жұмысшылардың ұзақ мерзімді заңсыз ереуілі 900 миллион теңге шығын әкелгенін және ереуілшілер жұмысқа шықпаса, 24 ақпаннан бастап жұмыстан шығара бастайтынын мәлімдеген болатын.

Мәлімдемеден кейін 94 қызметкер жұмыстарына қайта оралды.
Басшылық егер ереуілшілер райынан қайтпаған жағдайда, олардың орнына жұмыссыз тұрғындарды қабылдайтындарын айтты.

📢Qaz365kz - арнаға жазылыңыз

Ресейдің ойлап тапқан жарысын Тоқаев Қазақстанда өткізуді сұрады

Диджитал турнирге 100-ден аса елден 2 мың спортшы жиналды деген ақпарат бар. Қазақстаннан 48 спортшы қатысып жатыр. Қатысушылар спорттың 21 түрінен өнер көрсетуде. Біздің спортшылар соның 13-і бойынша бақ сынайды.

Жарыстың бір ерекшелігі – ойыншылардың интелектуалды және физикалық біліктілігі бірдей сыналады. Хоккейшілер алдымен экранның алдында тұрып, джойстик арқылы виртуалды хоккейдей бақ сынасса, кейін шынайы мұз айдынына шығып, кәсіби хоккейден өз арасынан мықтыны анықтайды. Жеңімпаздар 4,5 млрд теңгені өзара бөліп алады.

Ашылу салтанатына Қазақстан президенті Қасым-Жомарт Тоқаев та барды. Мемлекет басшысы осы ойындарды елімізде өткізуге ұсыныс жасады.

📢Qaz365kz - арнаға жазылыңыз

100 млн теңге жымқырған: «Алакөлжылудың» экс-басшысы сотталды

Сот үкімімен «Алакөлжылу» ШЖҚ МКК бұрынғы директоры 100 млн теңгеден астам бюджет қаражатын жымқырғаны үшін 7 жыл 6 айға бас бостандығынан айырылды, деп хабарлайды Qaz365.kz.

Облыстық прокуратураның мәліметінше, ол көмірді сатып алуға бөлінген қаражатты коммуналдық кәсіпорын басшысымен аффилиирленген компания арқылы жасалған.

Бұл факт арнайы прокурорлармен анықталып, тергеп-тексерілді. Үкім заңды күшіне енген жоқ.

📢Qaz365kz - арнаға жазылыңыз