Ғаройиб дунё

2008 йилда Самарқанд вилояти, Нарпай тумани, Чақар бекати яқинидаги Варистон қишлоғида уч ойдан зиёд вақт мобайнида “сирли ёнғин” ҳодисаси рўй берган эди.

2014 йилда Тошкентдан Келесга борадиган йўлдаги кўприкда кузатилган "фанга номаълум махлуқ” билан боғлиқ воқеалар содир бўла бошлади.

Энди Наманган вилояти Косонсой туманидаги қишлоқда одамсифат махлуқ томларда югуриб юргани айтилмоқда.

Мана шу хабарлар жинлар олами ҳақида одамга тушунча беради. Тўғри, кейинчалик бу хабарлар одамларни хотиржам қилиш учун шунчаки маҳаллий ҳокимият томонидан инкор қилиниб, мавзу ёпилган. Лекин жинлар мавзусининг ўрганиладиган жиҳатлари бор, менимча. Чунки бу ҳақда Қуръони каримда ҳам сўз юритилган. Аммо бундай мавзулар дунёвий жамиятда биринчи планга олиб чиқилмайди. Бу билан юқоридаги воқеаларга ишониш керак, демоқчи эмасман. Шунчаки ўша ҳудуддаги одамлар Қуръон тиловат қилдириб, қурбонлик қилинса, кифоя.

Аллоҳ барчамизни ўз ҳифзу ҳимоясида асрасин!
Жума муборак бўлсин!

@qayduz

Ўзбекистонда тўлиқ ишламайдиган ҳужжатлардан бирининг янги таҳрири кўриб чиқиляпти экан. Мамлакатимизда Меҳнат кодекси бўйича иш вақти чегараланган. Ноқулай шароитда, байрам кунлари ёки навбатчилик асосида ишласангиз, қўшимча ҳақ тўланиши керак. Лекин ҳалигача бунақа "мўъжиза"ни кўрганим йўқ.

Ишга қабул қилиш бўйича ҳужжатларни онлайн шаклга ўтказиш ёки айримларидан бутунлай воз кечиш керак. Меҳнат дафтарчаси, яқин қариндошлар рўйхати, тавсифнома нега керак? Иш берувчилар томонидан ходимларни меҳнат жараёнига жалб қилишнинг соддароқ шакллари жорий этилса, мақсадга мувофиқ бўлади.

@qayduz

«Юпатиш операцияси»

Тараққиёт бир кунда бўлмайди, эътибор қаратмасангиз, юз йилда ҳам бўлмайди. Муаммолар қалашиб ётибди, кўтариб чиқилмаса, уни турли баҳоналар билан хаспўшлайверсак, тобора йириклашиб бораверади.

Ҳар гал оддий йўл таъмири ёки шифохона қурилиши масаласида мурожаат қилсам, бу жуда ҳам мураккаб масала экани, унинг ечими юқориларга бориб тақалиши, бугуноқ ҳал бўлиб қолмаслигини обдон тушунтиришади. Агар юқоридан босим бўлса, ҳаммаси бир кундаёқ ҳал бўлади.

Бунинг учун қандайдир қурбон бўлиши, сув босиши, ёниб кетиши, қулаб тушиши керакми? Фожиасиз муаммога эътибор қаратмасдан юраверамизми? Қачон қуйи бўғин раҳбарлари шахсий ташаббус кўрсатиб чиқишади. Топшириқ бажарадиган, кунини имзо сотиб ўтказадиган ҳокимлардан қачон қутиламиз? Халқни “юпатиш операцияси” токайгача давом этади?

Масалалар кўп, ҳамма ўзича ҳақ. Лекин жамоатчилик уйғонмаса, мақсадга ҳеч қачон эриша олмаймиз.

http://xabar.uz/jamiyat/yupatish-operaciyasi-qashqadaryo

@qayduz

Хулоса ўзингиздан. Ўз ҳақ-ҳуқуқини биладиган, мамлакатнинг энг олди саналадиган зиёли одамларга шундай муносабат қилинар экан, токайгача мурожаатлар давом этаверар экан, юртда ривожланиш бўлмайди. Ҳамма бир-бирини алдайди, аёвсиз талон-тарож қилади. Келажак авлодга ғазнаси бўшаган давлат қолади.

Аллоҳ асрасин!

https://t.me/sherSehri/13872

@qayduz

Туркманистон Президенти ҳукумат йиғилишида янги китоби нашр этилганлигини маълум қилди.

У "Туркманларнинг маънавий дунёси" деб номланади.

Гурбангули Бердимуҳамедовнинг янги асари аллақачон президент асарлари электрон кутубхонасига қўшилган. Бу унинг муаллифлигидаги 64-китоб.

Манба

@qayduz

Инқирозга қарши курашиш жамғармасидан жамоат жойларини дезинфекция қилиш учун 28 млрд сўм сарфланган.

Бу шунчаки ҳавога совурилган пул.

@qayduz

Олий суд «Чироқчи воқеаси» айбдорлари — туман ИИБ раҳбари ва ходимларига нисбатан суд жараёнлари ҳақида хабар берди.

Шу йигитлар асосий қисми 30 ёш атрофида. Айни қизиққон ёш. Тафаккур қилишдан аввал кучига зўр бериш иштиёқидаги ёшда. Уларга туманда ҳуқуқни муҳофаза қилиш вазифаси юклатилган. Ваколатларини қай даражада англайди, билмадиму, лекин бутун ҳудуддаги жиноят ва жиноятчиларни йўқ қилиш зиммасида эканини яхши тушуниб етади. Икки нафар профилактика инспекторинин судлангани ҳушёрликни оширади. Бир қилган хатосини яна такрорлаётганини қай даражада тушуниб етишган экан.

Эслатма ўрнида айтиб ўтаман, шу йилнинг 23 январида Чироқчи туманида мол ўғрилигида гумон қилинган 32 ёшли эркак ИИБ ходимлари томонидан ушланиб, идорада калтакланиши оқибатида вафот этган эди.

@qayduz

Шаҳрисабз тумани ҳокимлиги матбуот хизмати мени нохолисликда айблади.

Раддияда мен келтирган муаммолар очиқчасига тан олиб турилганда, журналистни бўҳтон қилишда айблашдан муддао нима? Яхшиям ўзим биладиган қишлоқ ҳақида ёзганман, яхшики бир неча бор мурожаат қилганимдан кейин матбуотда чиқиш қилишимга тўғри келган. Акс ҳолда, нега бизга айтмагансиз, дейишарди. Билмаган жойингизга тумшуқ суқманг, деган бўларди. Танқидни ҳам кўтаришни ўрганишимиз керак.

Албатта, тез орада раддияга батафсил ўз муносабатимни билдираман.

@qayduz

Раддияга муносабатим

Матбуот котибларининг ҳам аҳволини тушунаман. Улар ўзи фаолият юритаётган ташкилоти шаънини ҳимоя қилиши керак. Қолаверса, мақолада унинг ҳам номи тиркалган эди. Шу сабабдан мени бир тузламоқчи бўлгандир. Аслида бир соҳа вакилларининг ёвқараш қилиши яхши қараш эмас. Ҳамкасб укамизнинг кейинги фаолиятига омад тилайман.

Муносабатимни ушбу ҳавола орқали ўқиб олишингиз мумкин.

@qayduz

Баъзи тасдиқланмаган хабарларга қараганда, Қашқадарё вилояти ҳокими Зойир Тоирович вазирликка кўтарилиб кетаётган эмишлар...

Қашқадарё энди ҳокимга ёлчиётганди-я...

Манба

@qayduz

Бизда шундай ақлли йигит-қизлар борки, билимини беҳуда ишларга сарфлаб юради. Мана бу видеода Талабалар шаҳарчасида имтиҳонга кирмоқчи бўлган йигит қулоғининг ичига чип жойлаб олгани аниқлангани айтилган. Ўтган йили ҳам шунга ўхшаш ноёб ихтиролар ҳақида эшитган эдик. Шу иш билан шуғуллангунча, имтиҳонга тайёргарлик кўрмайсанми, азамат!

Тан бермай илож йўқ!

@qayduz

Туманимиз ҳудуди бир кунда 40 м³ дан 70 м³ гача чиқиндилардан тозаланади

Бир куннинг ўзида Мирзо Улуғбек туман ободонлаштириш бошқармасининг 450дан ортиқ ишчи ходимлари, махсус техникалар ёрдамида ҳудудларнинг обод бўлишига ўз ҳиссаларини қўшишмоқда.

Таҳлилларга қарайдиган бўлсак, бир кунда қуриган шох-шаббалар ва синиб тушган дарахт шохлари 30-35 куб метрни ташкил қилса, чиқинди ва ахлатлар 40 куб метрдан 70 куб метргача ташкил қилади.

Ушбу жараёнларда ҳудудлардаги ариқлар, шох кўчалар, маҳаллий кўчалар ва кичик тор кўчалар чиқиндилардан тозаланади.

Шу ўринда аҳоли томонидан белгиланмаган ҳудудларда ташлаб кетилган чиқиндилар ҳам олиб чиқилиши таъминланмоқда.

Мирзо Улуғбек туман ҳокимлиги
Матбуот хизмати

@qayduz

#пикир

Баъзида ўйлаб қоламан: агар ёзишни ҳам билмаганимда, нима иш билан шуғулланардим. Қўлда бирор ҳунар бўлмаса ҳам қийин. Ёки ҳаётнинг ўзи ҳунарга ўргатармиди?! Ризқ қаердан келса ҳам баракали бўлсин.

Жума муборак бўлсин, азизлар!

@qayduz

​#пикир

Кимдир ёзганларимни ўқиб, жуда ҳам ношукур инсон экан, деб ўйлайди. Яна кимдир шахсий манфаати бўлса керак, дейди. Одамларнинг ташвишини қиляпти, дейдиганлар ҳам бор. Ўзини машҳур қилмоқчи, дейишлари ҳам мумкин. Ҳаммамиз ҳам ўз фикримизга, хулосамизга эгамиз. Уни ҳурмат қиламан, қадрлайман.

Ҳар доим ҳам хулосалар тўғри чиқавермайди. Лекин бир куни келадики, ҳақиқат барибир юзага чиққанда, унинг ортидаги шубҳа-гумондан иборат хулосаларингиз эса чилпарчин бўлиб кетади.

@qayduz

Бизда кетмон дастасини сенга бошлиқ қилиб тайинласа ҳам унга итоат этишинг керак, дейиладиган ёзилмаган ақида мавжуд. Шу қоида раҳбарларнинг ҳукмфармолиги, айтгани қонундек қабул қилинишига йўл очиб беради. Аммо ҳар доим эмас экан. Менимча, сўкиниш овозларини телефонда ёзиб олиб тарқатиш даври ўтди. Энди ўз ҳақини талаб қилиш очиқчасига рўй бермоқда. "Ҳоким" билганинг қилаверишинг керак, дегани эмас экан. Хўжаободлик депутатлар буни исботлашди.

@qayduz

Бу йил жуда оғир келди. Пандемия ҳаммани эсанкиратиб қўйди. Режалар бузилиб кетди. Тадбирлар қолдирилди. Ўз навбатида, матбуот ҳам гап кўтара олмайдиганлар қаҳрига бир неча бор учраб, анча синовларни бошидан ўтказди.

Ҳамманинг асаби таранглашган, битта гап – кам, иккитаси – кўп, дейдиган давр бўлди. Фақат бизда эмас, бутун дунёда матбуот тазйиқларга учради.
Лекин бу сўз эркинлиги яна бўғилади, Президентимиз томонидан бошланган ислоҳотлар амалга ошмай қолди, дегани эмас. Мана, айни кунларда АОКА ва Адлия вазирлиги томонидан қатор норматив ҳужжатлар тайёрланмоқда.

Биринчиси – Президентнинг ПҚ-4551 сонли қарори ижроси бўйича. Унга кўра, АОКА ва Адлия вазирлиги туҳмат ва ҳақорат учун озодликдан маҳрум қилиш билан боғлиқ бўлган жазо турларини тайинлашни бекор қилиш юзасидан таклифлар тайёрлаб, киритиши лозим.

Шу ўринда, мазкур қарор ОАВ ривожига катта туртки беради, деб ўйлайман. Аввал ҳам таъкидлаганимиздек, журналист ёки блогер матбуотда айтган сўзи учун қамалмаслиги керак. Майли, жарима тўласин, қилган хатоси учун маъмурий жавобгарликка тортилсин, лекин озодликдан маҳрум бўлмасин.

Иши ҳамма ривожланган давлатлар каби очиқ судда адолатли кўрилсин.
Ўрганиб чиқдик. Ишонасизми, йўқми, биздаги маълумотларга кўра, шу пайтгача бирор журналист бу модда билан озодликдан маҳрум қилинмаган экан.

Хуллас, амалда ишламайдиган бу қонун жаҳон миқёсидаги индекс ва рейтингларимизнинг ўсишига халақит беряпти, холос. Шундай экан, Президент қарорида белгиланган вазифа тез кунларда бажарилади, деб умид қиламиз.

Иккинчи ҳужжат, Президентнинг ПҚ-4366 қарорига кўра, давлат органлари ва ташкилотлари томонидан маълумот тақдим этмаганлик ёки нотўғри маълумот тақдим этганлик, шунингдек, ОАВ фаолиятига тўсқинлик қилганлик ва журналистларга босим ўтказганлик учун жавобгарликни белгилашга қаратилган. Бу масала юзасидан ҳам АОКА ва Адлия вазирлиги таклифларни ишлаб чиқиб, киритиши лозим.

Ўз навбатида, бизнинг Фонд ҳам Президентимиз томонидан ушбу йўналишда белгилаб берилган топшириқлар ижросини таъминлаш, очиқлик, матбуот ва давлат идоралари ҳамкорлиги механизмларини янада такомиллаштиришда ҳар томонлама ёрдамга тайёр эканлигини, журналист ва блогерларни йиғиб, бу масалалар юзасидан уларнинг таклифларини ўрганишини таъкидлаб ўтмоқчиман.

Бизнинг бош мақсадимиз ҳам ОАВ ходимлари учун хавфсиз фаолият майдонини яратишга эришишдир.

#massmediauz #mediafreedom

@allamjonov_ki

Қозоғистон билан мунтазам авиақатновлар тикланармиш-да, Россия билан кутиб турармиш. Энг катта мижозлар у ёқда-ку. Ё эҳтиёжни қондира олмай қолишидан қўрқишяпти, ёки шундоқ катта даромадли ўлкадан айрилиб қолмайлик, дейишяпти монополист Uzbekistan Airways. Ўргилдим!

@qayduz