.. البارت الثاني والستون




شفت من العمر عثرات
سموم وغيض والحسره
وحزن يعكوب والجمره
كلهن اهــــون اشويــه
بس كلبي خلص عمره
چنــــه امرايه متكسره
.....

رانيا.. منو انتي حته تحجين وياي بهالطريقه وشنو
زوجته ؟؟
ام فضل... عيوني اني ماجاي اتعارك وياج كتلج كعدي
ضروري شلون اظل اناقش بيج روحي سألي وهو يجاوبج
يله من رخصت عود خلي يخابرني

رانيا.. جنت واكفه يم الشاحنه بس سدته افترت بيه
الكاع ردت اوكع اني بحلم لو هاي حقيقه عندي صدمه
من كلمه خيانه من اي رجال يضحك ويستغل مرته
لزمت القنفه وكعدت لازمه راسي

بديت استرجع ذاكرتي معقوله من يروح للخفاره يروح
يمهه ؟؟ يعني اني نايمه. ورجليه بالشمس وضرغام
عنده وحده ثانيه؟؟ منين هاي من بغداد لوهنا بالبصره
والبارحه وين جان؟؟

اريد اسند نفسي واكوم اكعده حته يحجي مااكدر
المكان يفتر بيه كمت استغفر بكلبي واكول لا هاي
تريد تخرب وساعه اكول هو حته مايقبل بالغلط شلون
يطلع كل هذا تمثيل؟؟

لزمت الحايط وامشي ومخليه ايدي على راسي
كلبي مصدوم اكثر من عقلي مااعرف شحجي
اخاف حته اواجهه ويطلع صدك وهذيج الساعه
موبس اعوفه ماادري شسوي ..

فتحت باب الغرفه شفته كاعد وسيوفي يمه يلعب
وهو بيده اوراق يكتب بيهه اخذتني رجليه
بقلة حيله ووكفت فوك راسه وصحت سيوفي اطلع
بره العب ...

جان مندمج ويه الاوراق من طلع سيوفي حجيت
بنبره مكسوره ماانكر شلون جانت العبره خانگتني
واريد اسد اذاني مااسمع جوابه خاف يصدمني
حاولت اكون هادئه

رانيا.. ضرغام منو ام فضل
ضرغام.. رفع راسه والانزعاج بين على عيونه من
حركه حاجبه وكال شنو مناسبه السؤال

رانيا.. ضرغاااام منو ام فضل انت متزوج عليه
ضرغام.. ساد الصمت وهو يباوع بوجهي عاف الاوراق بصفه وكال كتلج شنو مناسبه السؤال

رانيا.. مناسبته زوجتك دكت تريدك ضروري
واني بحكم زوجتك الاولى او الثانيه ماادري
لازم استفسر

ضرغام.. كام وكف وضم شفايفه ورجع صك على اسنانه
وكال شكالتلج؟؟
رانيا.. مومهم شكالت المهم توضحلي منو هاي غايتهه
شنو لو غايتك شنو اني اسمعك احجيلي

ضرغام.. ماعنده جواب ظل ساكت
رانيا.. انت متزوجهه؟؟
ضرغام.. اااي ...

رانيا.. بيه صرخه تفزز النايم بگبره
وبيه حسره ودمعه مكبوته تبجي عدوي
والادهى من هذا شعور الذل الحسيت بي

يمكن مرات يگلولي تبالغين من موضوع الخيانه بس مستعده اتحمل مصائب الدنيا ولا اعيش يوم واحد ويه رجال خاين واستغفلني واني اقدم اهتمام وهو يم غيري يحجي نفس الكلام اليگوله..

جهالي يلعبون بالهول وامي يم فجر ماردت الجهال يشهدون على اليصير وباجر عگبه يتذكرون عفته بدون مااحجي طلعتهم ودزيتهم لفجر ورجعت بين كل خطوه اخطيهه اريد اوكع على وجهي..

قفلت الابواب ووكفت كدامه جان بالهول وكتله من شوكت؟؟
ضرغام.. رانيااا اهدي وتعالي افهمج لاتتخربطين صار وجهج اصفر بس اهدي ومد ايده يريد يلزمني

رانيا.. ابتعدت حيل بنفور وصحت احجي ضرغام
من يمته وليش استغفلتني؟؟
ضرغام.. قبل 5 سنين قبل لا اتعرف عليج

رانيا.. لو بلحظتهه ضاربيني طلقه ولا اسمع كلامه
شكد حاولت اكون هادئه وافتهم وابرر بداخلي مثل
ماجنت ابرر لوسام بس من كال قبل 5 سنين بركان وانفجر

كمت اعيط بصوت عالي 5 سنين ولك 5 اسنين ياظالم
ياماعندك مخافه الله ولك ماكلت هاي الانسانه مكسوره
وملجوم گلبهه من الخيانه تجي تكمل عليه انت

ضرغام.. رانياا اهدي خلي افهمج بس اهدي على كيفج
رانيا.. منين مايريد يلزمني ادفعه حيل عيوني
تتسابق قبل الحروف ماتطلع من اللساني

شتفهمني شتريد دكول بغض النظر عن اي سبب تبقه
خيانه تبقه استغلال حرام عليك والله حرام اني مظلومه
وانت اجيت كملتهه عليه شنو سويته الك منو دز عليك
اتبيع حب براسي

انت ماحبيتني جذب انت شفتني صعبه عليك
وراهنت نفسك تاخذني انت اخذتني لان اشبه
مرتك ونفس اسمهه جذاب انت الله يلعنك

ضرغام... كااافي كتلج افتهمي وبعدين مسلتي
اي متزوج وقبل 5 اسنين وعلى ذمتي بس عقد
شيخ وماكو داعي احجيلج لان اساسا الموضوع مومهم
ومن اتزوجتج ناوي انهيي بس الظروف حكمت

رانيا.. مسحت دموعي ياظروف حكمت ليش ماكتلي
بلحظتهه شنو خايف لو زياده الخير خيرين اسبوع
يم رانيا الغبيه واسبوع يم هاي وعندك ولد منهه بعد
وانت تجذب ودكول موظفه وياي

ضرغام.. انجبي عاد ولد شنو اكعدي خلي افهمج
مامسوي جريمه وسواء دريتي هسه او بعدين
ماراح تغيرين شي وحتلو مسولفلج بلحظتهه
هم ماراح تجبريني على اي شي ...

رانيا..مااريد اسمع منك لأي سبب كان مااتقبلك
مااقبل برجال ماعنده ذرة احترام لمشاعر مرته التشاركه
حياته وعادي عنده يتزوج ويطلك وهي مغفله
انت كلت عليه ثوله وصدك ثوله اني لان تعرفت على واحد مثلك ماتبت وماصارتلي عبره قبلك وسام شنو السواه هم نفس سوايتك

ضرغام.. لاتظلين تلغين افتهمي واحجي صح ماحجيتلج
لان موشي مومهم وكتلج ناوي انهي هاي السالفه
لو عندي زوجه وطفل مااتزوجتج واني مومن هذا النوع
تدرين بيه

رانيا.. لا والله مادريت يانوع شوكلي عذرك شنو
ضرغام.. مااحجي اذا ماتهدئين وتكعدين
رانيا.. غمضت عيوني واخذت نفس دموعي تجري
بس لازم افتهم السالفه كعدت كتله احجي

ضرغام.. اول شي ماعندي طفل ولاهي عدهه طفل
وهذا اسم فضل هي يصيحولهه هيج ماادري لقب
وصح اني متزوجهه وعلى ذمتي هي ومن اهل البصره
وهنا ساكنه بالمركز

اتزوجتهه قبل 5 سنوات هي صديقه المرحومه ام ليث
وصديقتهه المقربه تذكرين حاجيلج عن تعارفنه شلون
صار بوقتهه هي هاي جابت ام ليث واجت طلبت مني
المساعده علمود الصور مالتهه وظلن اثنينهن اعرفهن
حبيت واتزوجت وهي صديقه رانيا وتحبهه حيل

وره وفاه عائلتي تقريبا ب3 سنوات خابرتني تطلب
المساعده بس هي وابوهه وعدهه اخ صغير عايشين
سوه ابوهه رجال جبير ومشلول واخوهه هم مريض
عدهم وراثه بمرض الصرع وشويه عقله موتمام حته عنده تلكأ بالكلام وبوقتهه خابرتني كالت
ساعدني لان عمامهه رادو يودون ابوهه لدار العجزه
واخوهه يودو لمستشفى الامراض العقليه وهي يتزوجهه
ابن عمهه متزوج وعنده حته جناين

اني مابيدي شي ساعدتهه بشغله وحده كتلهه تعالي
اشتكي عليهم واني اخلي واحد من الضباط يساعدوج
لان هي وابوهه كاعدين ابيت جدهم بيت ورثه
وعمامهه باعوا لبيت ومحد قبل يكعدهم يمه واعتمدوا على حل يزوجوهه وابوهه رجال جبير يوميه يموت موته..

المهم هذا مو موضوعنه ساعدتهه بلي اكدر علي وموبس هي اساعدهه تدرين بيه هواي ساعدت الله منعم عليه
بخير وكله بثواب عائلتي اخذتلهه شهر وخابرتني
تبجي كالت مافادت الشكوه بيهم اني حبسوني
وابوي اخذوا مني واخوهه هي مربيته عمره 10 سنوات
مودي للمستشفى مال الامراض النفسيه

كتلهه اني راح اروح والتقي بابوج واخلي هو يشتكي
حتلو انشوف محامي زين بحكم وضع ابوج والتقيت بابوهه شوفي رانيا صح اني يتيم بس ابوهه بمنظر
العدو ماتتمنى رجال جبير لحيته بيضه وفارشيله
بالكاع وشته بارده ومشلول عود يحنون علي ويجون
يگوموا اذا احتاج شي

اول ماكعدت يمه رفض يشتكي كال يأذون بنتي
لان عدهم عداوه سابقه من جان بحيله وماادري
رايدين بنته ومامنطيهه ظاله الگلوب محمله حقد
ماجان اكو حل وطبعا هذا الطلب من ابوهه كال
بس اخطبهه حته نكول هو وفرلنه مكان واني اخلي
بنتي تشتغل يعني لا حمايه ولاشي ناس ماعدهم مكان يكعدون بي ...

طبعا بوقتهه رفضت لان وضعي مايسمح واجيت
وحجيت للسبع كال مابيهه شي سويهه لله وفرلهم سكن واني اساعدك حته بالسكن لان السبع يبني بيوت للناس الماعدهم صدقه بثواب ابو وكال اني ابنيلهم

جنت فارغ ماعندي شي سويت عمل انساني
مواكثر رحت اني والسبع وهذا المصخم جراح
واكو ضباط وياي وخطبناهه من عمهه وماقبل
وكتله ابوهه انطاهه وبحجي ومنا ومنا ووصلت نشتكي
علي وبالاخير وافق...

اجرت بيت وكعدوا ووراهه السبع اشترالهم ارض زراعيه
وبناهه الهم مشتمل صغير وظل بس المصرف عليه
حاولت تشتغل هي بس مالگت وظلت هي وابوهه
واخوهه واني جنت امر عليهم بالاسبوع مره حته لايشكون عمامهه بس على ورق...

وره سنه مات اخوهه الصغير وظلت هي وابوهه
زاد الطين بله كلما اريد اخطي خطوه واطلگ ماترهم
لان هي اعتكفت عن الزواج وتعتبر مرتي اكو واحد
يروح يدورلهه رجل ...

ومن اتعرفت عليج مات ابوهه وظلت وحدهه
اذا اطلكهه ترجع لابن عمهه واني احجي الصراحه
ماتهمني ردت اطلكهه بس حارت شسوت حته انتحرت
شربت سم يوميه سالفه جديده تصيح اظل بالبيت
ولا اطلكني حته لايتزوجني ابن عمي...

ومن اتزوجنه اني وياج رحت وحاجيتهه وجنت مصمم
بقراري وخابرتني جارتهه اسبوع بالمستشفى منتحره
وذمتهه برگبتك وهسه هاي كدامج اطلكهه
ابقيهه ماخاينج اني ..

رانيا.. ليش ماحجيتلي
ضرغام.. كتلج مومهم وبالمناسبه السبع وجراح
عبالهم مطلك لان بوقتهه رحت واتفقت على الطلاك
ومن انتحرت رجعت وهم مايدرون

رانيا.. لان تدري نفسك على غلط
ضرغام.. اي على غلط واساسا المفروض مااسوي
عمل انساني زين لاتسوي شر مايجيك

رانيا.. اسألك سؤال واحد وجاوبني علي
متمم زواجك بيهه؟؟ متقربلهه؟؟
ضرغام.. ااااي

رانيا.. سجينه ونبتت بگلبي وواحد يحركهه
بهدوء!!! ظليت فاتحه عيني مصدومه
مثل اخرس ووكع على جرحه ملح ...

ضرغام.. لاتنصدمين كل هذا قبلج مالج حق تحاسبيني
علي تممت زواجي وتقربتلهه حته قبل لا اتعرف عليج

رانيا.. ماكدرت احجي بس كتله ليش ؟؟
ضرغام.. ماادري بيوم منهن جنت محتاج مره
بحياتي ورحت اشوفهم والصار الصار بس مره
وحده

رانيا.. كمت من يمه وطبيت للغرفه يصيح وراي
رانيا بس ماالتفتت سديت الباب وكعدت ارتجيت على الحايط اطلقت العنان لدموعي احس عيوني
تريد توكع من محاجرهه

مو جرح واحد جرح وسام انعاد من جديد
اتذكرت ذاك الموقف من شفت الخيانه على فراشي
ومن حاجيته نفس التبريرات وهسه عادهه الجنت
اكول علي سند

بغض النظر عن كلشي حتلو موبقصد وحتلو مايحبهه
وحتلو مساعده انسانيه بس مجرد ما اتذكر اكو وحده
على ذمته غيري ومتقربلهه وفوكاهه بعدهه بنيه
وصغيره روحي تطلع...

بجيت هواي ملخت نفسي مثل الوكعله بحفره
ويريد بصيص ضوه مستحيل اتقبل هذا الموضوع
حيل يأثر بيه حتلو كدامي لوحاجيلي ميخالف بس ليش
استغفلني ليش مايحجيلي والبارحه جان يمهه

فتحت الباب ورحت اركض لگيته كاعد يدخن
وكفت كدامه وصحت بصوت عالي البارحه جنت
يمهه مو؟؟ احجي ضرغام جنت يمهه؟؟

ضرغام.. لاااا البارحه والله يم ضابط عدنه شغل
ومارايحلهه صار هواي وحته اذا اروح ساعه وارجع
على كد شمحتاجه

رانيا..وشعدهه ادك عليك ودكلي بصلافه اني زوجته
وقبلج وعود بعدين حاسبي يعني لهدرجه مترهيه
زين ماتخاف منك انت مامحذرهه تكشف العلاقه
لو متگدرلهه وبعدين سالفه فضل تقنعني ماكو طفل

ضرغام.. كتلج ماكو شبيه خبل اخلف بالسر
رانيا كتلج هذا قبلج جاي تحاسبيني هسه
ماكو حل اكعدي واسكتي

رانيا.. يعني ماعندك حل مو؟؟ ماناوي اطلكهه
ضرغام.. لاناوي اجيبهه تتعرفين عليهه
تمشين من وجهي لا اكوم ابتلي بيج صار ساعه
شلغي اكلج اريد انهي كلشي بس لازم بهدوء
ماراح يسالون عمامهه شنو سبب طلاكهه لو اكلهم
جنت على ورق

رانيا.. اسمع ضرغام خاف شفت وجهي الحنون
الانثر البريئه بعدك ماشفت شي وحق الله وروح
بابا اخليك بالاحلام ماتشوفني اذا مانهيت هاي المهزله
راح اسكت وراح انطيك العذر لان صاير قبلي هالشي
وبحجه الانسانيه الله يسلمك بس عدكم الانسانيه مشتغله انتو الضباط كل التطلب منكم مساعده
تزوجوهه

اليوم ثلاثاء حدي للجمعه اما اني او هي
تريد تساعدهه طلگني وخلي ابالك خاف انت عنيد
وراسك يابس ودكول مااطلكج اني اعند منك خليني
معلگه بس تحلم تشوفني وبنفسي اطب للقاضي
واطلب الطلاگ انهي هاي السالفه قبل ماافقد عقلي

ضرغام..تهدديني للللججججج كتلج ناوي من زمان
بطلي هالحجي هذا
رانيا.. خلي انشوف اني موزعطوطه كدامك وعقلي
براسي واعرف اتصرف الك منا للجمعه طلگتهه خير
على خير ماطلگتهه ارجع لحياتك السابقه واياك
تلفظ اسمي حته بحلمك

رحت للغرفه اصبر بحالي وانطي الاعذار بداخلي
وره ساعه اجه دك الباب صاح افتحي اريد اولي
للدوام بدل وطلع حته بدون سلام فوكاهه هو ابو الراهي
خلي انتظر هاي اليومين واشول وين توصل
ووراهه اتخذ قرار ...

عقيق...السبع نايم جانت الساعه ب4 العصر
وقته كله نوم رغم الخطار كومه بس يكول
مااكدر اكعد يمهم تعبان والشيخ ياسين مكفي
وموفي هو يتلگه الخطار...

رحت سبحت وبدلت لبست دشداشه مخصره
جديده جابتهه رانيا الي حيل حلوه ورحت فتحت
الضوه وكعدت يم راسه دنگت بسته من خده
تحرك وابتسم بسته من خده الثاني فتح عيونه
وكال اريد اشوفج!!!

عقيق.. شوفني هنااا ودنگت بسته من گلبه
السبع.. ااااااوف يابويه وحضني حيل بحيث
ادينه تشابكت واحنه وجه بوجه اتمعن بكل تفاصيله
بس هو مايشوفني

حواجبه والطبره الحلوه بشرته السمره من الشمس
بس صافيه خشمه رفيع ورموشه كبار ولحيته
محدده وترتيب شعره حلو..

حجيت بهدوء جمره احبك
السبع.. واني هم احبج بيش الساعه
عقيق.. ب4
السبع.. هم اكو خطار
عقيق.. شفت زلم طلعوا
السبع.. حضريلي الحمام اريد اسبح

عقيق.. يله كوم اني محضرتلك كلشي
السبع.. كومي انطيني ايدج لسه ماحفظت المكان
عقيق..انطيته ايدي وكام راح للحمام واني كلما يفوت
للحمام اظل واكفه بالباب لحدمايطلع

طلع يفرك بشعره صاح عقيق كتله هياتني
يمك مد ايده يريد يلزمني تقربت علي
حضني من خصري وباسني من كتفي ورحنه كعدنه

السبع.. عقيق من الاسبوع الجاي سجلي بدورات التقويه واريد وعد تفرحيني وتنحجين هاي السنه
عقيق.. شلوت اقدم وانت تظل وحدك على الاقل صير زين يله عود لاحگه على المدرسه

السبع.. لاااا شعندي اخلصهه نوم بس انتي ارجعي
لدراستج لاتناقشين
عقيق.. جمره وسالفه جبار شلون؟
السبع.. شبي ماراح اتنازل عنه شيحكمه القانون خلي
يحكمه ومدام جبار بالسجن احسبي القصر خامد

عقيق... خطيه عاصم يوميه يجي
السبع.. عاصم بكدي ربينه سوه جان يجي يكعد ويانه
وضرغام يطرده يكول ابن جبار يطلع على ابو بس من كبرنه سوه عرفناه عكس ابو حيل وفقير

عقيق... خوماضايج
السبع.. الحمدلله مابيدي شي اغيره
بس متعلم يوميه اقره قران وهسه اريد اقره
عقيق.. افتحلك التلفزيون واسمعه بهدوء
السبع.. يله وعوفيني لاتصير شيطان

عقيق.. كمت فتحته وكتله راح اروح يم فجر شويه
واجي حته يظل بهدوء وحده ويردد الايات
ويه القارىء..

رحت للبيت الجبير ماكو خطار رايحين والشيخ ياسين
رايح عنده كعده وبس احنه ظلينه دورت على فجر
ماكو سألت لبابه كالت تلگيهه يم الدجاج طلعت لگيتهه
هي وجهال رانيا

فجر عدهه جهه كامله من الحديقه متروسه دجاج
وبط وبش حته حمام مال زينه كل الانواع عدهه
ومعتنيه بيهم طيور الحب قفص متروس بي فوك 50
بلبل كل وقتهه يمهن..

كعدت يمهه تحجيلي عن السادس والبطه تلعب
بحضنهه انفتح الباب اواب وجراح دخلوا
اجت عينهم علينه شفتهه انخبصت وشمرت البطه
وراهه...

وجرتني كومي كومي خلي انفوت جوه عرفتهه لان
شافت اواب يمكن فجر كبرت وصارت تستحي
جانوا واكفين بباب المطبخ يحجون ويه ام جراح
وهي الارتباك مبين عليهه ركضت للغرفه

شويه ورجعت للبيت صوت القران عالي باوعتله
بعده كاعد ويسمع ظليت كاعده بالمطبح شكو
شغله خلصتهه لحدما خلص القران ودخلت...

السبع.. اجيتي
عقيق.. اااي تتمشه شويه
السبع.. ااي شويه نطلع بالحديقه جراح هنا
عقيق .. اي هو واواب
السبع.. كومي وياي اروح يمهم شويه

عقيق.. ساعدته وصلته الهم وهم خلو كراسي
بالحديقه ويسولفون لحدمااذن المغرب كمت مانتعشه
هناك احسه ينحرج نتعشه ابيتنه حته ياخذ راحته

وره العشه لو نسولف وتخلص السوالف لو فاتح التلفزيون
يسمع بس صوت لو اخبار لو قران ماعنده
شي يسوي بس علاجه بي منوم وينام هواي

جان مخلي راسه على رجلي واني العب بشعره
وهو يسمع اخبار والشي الي اشوفه اكله بالحدث
انتبهت علي غافي احس بجرحه واحس بگلبه
المحمل هموم ومابيدي غير الدعاء...

لبابه... جراح زعلان مايحجي وياي بس اليوم من ذاتي
بدلت ولبست من ملابس النوم مال العرس واذا
تقرب اتحمل النتيجه لبست الروب وظليت بفراشي

هو من يصعد بوجهه للحمام سبح واجه
واكف يم المرايه ويحاجيني على ملابسه
مال الدوام كتله مكملتهن دار وجهه عليه
اني متغطيه كلشي ماطالع مني بس الظاهر حس

جراح.. تعالي نكعد بالصاله ابرار تنام جوه
لبابه.. كمت بخجل لاول مره هيج والضوه مفتوح
واللبس مدري شلونه مشيت واني مدنگه ماحرجني
كعدنه على التخم وفتح التلفزيون جان فلم اجنبي
على mpc2 مد ايده على كتفي ميل راسي على صدره

غمضت عيوني واني اخذ نفس واشم عطره دكات
كلبي تضاربت لزمت ايده شدد حضنته اكثر
وباسني من شعري دقايق والصمت سيد الموقف

جراح.. لبابه احجي البداخلج عبري حتلو سلبي
ليش هيج تضمين بداخلج
لبابه.. ماعندي شي بداخلي بس اكوشغلات احتاج
بيهه ماما لان متعلمه تنصحني

جراح.. احنه موسوه ليش هيج كل واحد عايش
ثقله لوحده
لبابه.. انت متحجيلي
جراح.. والله يالبابه خاف تعيريني خطره انتي
بس تتعاركين يكوم السانج يهلهل

لبابه.. والله نتيجه الضغط وبعدين تدري اني اغار
وخاصه من نوال اتخبل منهه جراح مااريد اشوفهه
لو تلاحظ اغلب مشاكلنه بسببهه كل ماتجي نتعارك

جراح.. وشسويلهه شكم مره حجيت وطردت
مافاد مااعرف وين تريد توصل
لبابه.. احجيلي الحقيقه هم تراسلك
جراح.. قبل شهر دكت عليه وماجاوبت ورجعت دكت
عليه من تليفون خالي ومن جاوبت جانت تسأل شلونكم

لبابه.. رزلهه كللهه لاتخابرين بعد
جراح.. والله يالبابه مايفيد مرات الانسان يغلط
بسبب طيش مشاعر وهاي اكبر غلطه ارتكبتهه
لو مشاعري حقيقه ماكرهتهه هيج حيل مشمئز منهه
ومن تصرفاتهه

لبابه.. ضميت راسي اكثر بحضنه ايده على كتفي
يحرك بالروب وطلع زندي ودنك باسني
رفعت راسي بسته من رگبته ميل راسه ليوره
وضغط على زندي بقوه...

ادعي بگلبي كون ماتهيج عنده الحاله ظل مرجع راسه
شويه وعبالك يحاول يهدء مااحس غير يلزمني
من زندي وينومني على القنفه وكام يبوس بيه
بطريقه اشبه بالعنيفه مادفعته لان بس ارفضه يتخبل

حاولت اكون وياه بس بالي مشتت لان اخاف
يأذيني خاف يسويلي شي فجأه ابتعد
وادنه عني وهو يفرك برگبته ايده جمر
بسرعه كام للمغسله ودنگ راسه جوه المي

تقربت علي صاح لاتجين ظليت واكفه بمكاني
واني اباوعله ياربي الى متى لا اني اتحمل ولاهو
جاي يتحسن وتاكدت هذا طبع عنده مايكدر يتجاوزه
واني ماجاي اتقبل طبعه ...

نشف شعره واجاني حاوطني بديه ورحنه للغرفه
اتخذ وسيله هاي صارت عاده يوميه يحرك اصابيعه
على كل جسمي وخاصه رگبتي وزندي مثل من انريد
انوم طفل لحدماااغفه صرت احب هاي الحركه منه
ومرات نتبادل البوسات بس ابد ماتقربلي ...

شويه تحسنه صار حته بليل حده للسبع ويجي
البس وارتب يوميه ماكو تقارب جسد بس
جاي نحس بگلوب بعض ومثل مانكول مخلصيهه
مقبلات...

فجر.. اريد اروح للدرس واواب هنا كال السبع
روحي وياه يوصلج لان السايق تاخر وراح تروح
عليه المحاضره ركضت للمرايه عدلت حجابي ورشيت عطر وطلعت صعدت وره وهو يسولف ويه السبع

اجه صعد وحرك السياره التفت عليه وكال شلونج
ست فجر؟؟
فجر.. زينه
اواب.. شلونه الرياضيات وياج
فجر.. موزين كله عشغينات

اواب.. ليش هيج دماغج ثگيل
فجر.. لا يستلم بس هنا مااحبه
اواب.. چااا عليمن اتروحين مدرس
فجر.. احسن من ماكو
اواب.. سجلي عندي تقويه

فجر.. وانت وين تفهم مو غسبت من دغستي
اواب.. شسويلج اذا كعدتي تحفظين بوجهي

فجر.. سكتت باوعلي بالمرايه بنظره حلوه
وصلني ومن نزلت كال كليلي اني ادرسج
لا تستحين وجهي يفتح دماغج

نزلت واني ملصومه شبيه وين الساني
شو اكلني واخذني حاصل فاصل واني ساكته
امداج عقيق كالت تحبين وكلما اشوفه اتذكر حجايتهه...

رانيا... اليوم جمعه وينزل ضرغام كلما يتصل بهاليومين
مااجاوبه كلبي نار ماحجيت لامي بس اريد اشوف
الحل الاخير حته اكل مااشتهي الليل كله ابجي
مااتوقع اكدر اتحمل اذا ماطلگهه ...

جنت اشتغل واسمع التليفون يدك رحت جاوبته
سألنه شلونكم كلامي ثگيل وياه كال ماانزل اليوم
عدنه شغل ماكتله ليش بس كتله طلگت لوبعدك

رد عليه لاتحجين بهذا الموضوع البنيه ماعدهه
احد اذا اطلگهه تدمر حياتهه انطيني مجال
احلهه بصوره احسن..

بسرعه سديته بوجهه شتوقع منك انت مونسخه وسام
وهسه جاي اترجى منك خير رحت لامي حجيتلهه
صافنه بوجهي ماعدهه جواب غير هم تطلگين وترجعين
لحسام وضيمه..

رحت دكيت الباب على السبع طلعتلي عقيق
طبيت كعدت بالصاله وصاحته كمت احجي
وابجي واكله تقبلهه وهو ساكت متفاجىء شلون
كل هاي السنين وضام عنهم ضرغام...

كال اهدي وان شاء الله تنحل طلعت من يمهم
واني بس الله يعلم بحالتي شنو وشلون
احساس بشع عندي ثاني يوم اجت عقيق كالت
السبع خابره وتعارك وياه حته غلط علي وضرغام
كاله راح اطلگهه اني بالطريق رايح لعمامهه وانهي
هاي السالفه ...

مااكول ارتاحيت بس القلق ماخذ عقلي للعصر
اجه سيوفي يركض كال عمو ضرغام اجه
طلعت اريد اتلكا وياريتني ماطلعت بنيه حلوه
حيل وهو بملابسه العسكريه وهي بصفه واكفه
عين بعين اني وياه وروحي تشب وتنطفي تقربت
بخطوات ثقيله لزمت زنده واحتمت وراه .....

.
.
.
يتببببببببع.... متابعه شيقه

... البارت الثالث والستون




اعتذرلي ؟ وبعد شيفيد اعتذارك
ينقبل ما ينقبل
بالسمه الغربان باعتنه وشرتنه
وقسمتنه نصير جم وجبة اكل
.....

رانيا... عينه بعيني وهي لازمته من زنده محتميه بي
مع العلم مابدر مني اي تصرف حته تخاف جانت الصدمه
اقوى من انطق احرف بس عيوني مفتوحه وصافنه علي
وكلبي رافض يصدك

هو لزم ايدهه ووخرهه واجه عليه قبل لايوصل اني بسرعه ركضت للبيتنه عفت كلشي مااريد اواجه مااريد احجي احس روحي بمتاهه اريد اصرخ واريد اضرب بس ماجاي يطلع بيدي

اجه وراي اني هادئه او اتصنع الهدوء من اثر الصدمه
سحبتني ايده وحضني بسرعه دفعته حيل بكل قوتي
ارتد ليوره وصحت وخر عني

ضرغام... لاتحسبيهه بغير شي خليني افهمج
رانيا.. مااريد افتهم اي عذر واي سبب مااريد ضرغام
ودينه باجر لبغداد وطلكني

ضرغام.. انجبي وسدي حلكج لوينزل امر سماوي بطلاگج
مااطلك خليني افهمج وعود اذا مااقتنعتي نحجي

رانيا.. انت منو؟؟ حته تأمرني وتمشيني على مرامك
كتلك اني مااقبل القسمه على اثنين اطلكني وانت الممنون مدام جبتهه كدامي لوتصير موضرغام مااتقبلك بعد

ضرغام.. ماجبتهه حته اذيج ولا اخليج كدام الامر الواقع
بس كتلج مامحسبلهه هيج حساب وتورطت رانيااااا
اسمعيني واحكمي والله ماناوي اذيج ولا استغفلج

رانيا.. كتلك مااسمع اي عذر اطلكهه تخليهه مايهمني
الرجال الي يدوس على مرته وهي صاينته ومقدمتله
كل متطلباته مايستاهل تفني عمرهه وياه راح دكلي اتحملي لا مامجبوره اتحمل انت انسان واني انسانه انت عندك مشاعر واني مشاعري تفوق احاسيسك من تقبل اني ادك هيج دكه ومااحجيلك عن علاقتي السابقه هذيج الساعه نتعادل اما هسه اني مااقبلهه على نفسي اعيش ويه واحد مثلك

مثل عليه. دور الحزين والوفي لمرته وبالتالي شطلع
متزوج صديقتهه قبل 5 اسنين بغض النظر عن كلشي
وعن اسباب الزواج شلون دنت نفسك على صديقه مرتك
المقربه

ضرغام.. شنو دنت نفسي احد كالج من ماتت مرتي مات الاحساس عندي احبهه وحزين عليهه بس مايمنع اني رجال وبحاجه المره وبعدين هسه انتي كاتلج ليش تقربتلهه ترى هي مره وحده وبعد ماوصلتلهه وصار نتيجه تفريغ لا اكثر

رانيا.. وتريدني اصدكك هسه من دكوا مره وحده؟
وليش اصدكك موانت نفسك السألتك كتلك شلون اتحملت بدون مره كتلي الحزن مامخليني اشوف بس خلاك تشوفهه واتمم زواجك بيهه

ضرغام.. اسمعيني رانيا زواجي اتممه بيهه سواء اليوم او بالماضي مال اطلكهه وترجع بنيه مستحيل لان راح تبقه
عيبهه عليه موعليهه لاتناقشيني بهذا الموضوع وعسما نايم وياهه الف مره هم مالج حق لان هذا الشي قبلج وانتي موبحياتي اشتم گفه ايدي راح ارتبط بيج

حاسبيني ليش ماكتلج وضميت عنج اي حقج بس ماردت
اجرحج ولاردت اضوجج عبالي اكدر اطلكهه شمدريني
لزگت بركبتي وقسما بالله وروح اولادي كل شهر اني
محاول اطلگ وماتصير ماسامعه واحد تورط تورطت اني

رانيا.. المهم مالي علاقه انت شايف وجهي اللطيف والحنين الرومانسي ماشايف الجانب الثاني اذا انجرحت شلون اكره وتدري كلش زين ليش اطلكت وتحملت الكتل والضيم علمود ماارجع موبس علمود حبك لا علمود اني انسانه ومااقبل كان من يكول يهيني ولو بكلمه

جبتهه وتحتمي بيك وتلزمك من زندك مااعرف شكول
بس الله يسامحك الله اعدل العادلين لا ادعي عليك
ولا احقد هسه العليك اطلكني عيشه وياك مااعيش
واذا تجبرني اعيش وياك تحلم تشوف رانيا القديمه
انت بمكان واني بمكان

ضرغام.. ماتريدين تسمعين مني
رانيا... لا مااسمع اي كلمه مااسمع منك وياريت
حته وجهك مااشوفه ..
ضرغام.. راح اعوفج على راحتج بين مااطلك وعود نحجي
رانيا.. شتحجي انصحك بقيهه لان انت بحاجه المره
لان رانيا ماراح تكون الك زوجه

ضرغام.. لحدالان بالي طويل وياج وعاذرج بس اذا ظليتي تلغين هاي اللغوه اطيح حظج
رانيا.. انت فالح بس بالتهديد كدرتك على رانيا
ضرغام.. لللللللج راح اكوملج

رانيا.. موزين عليك انت رجال متزوج اثنين ويطلب
من عندك طاقه لاتصير عصبي وتتمرض وزوجتك
الاولى بعدهه صغيره وانت ماتتحمل لازم تادي الواجب

ضرغام...لا اله الا الله راح اتحملج واريد اشوف السانج
هذا لشوكت يظل يلغي كتلج ماعندي شب وياهه كفرت
زنيت والله شنو نمت وياهه قبلي يامره مااعرفج جنت
فارغ رجال ماعنده مره بيوم احتاجيت وين اولي اشوفلي كح.... وعندي وحده على ذمتي

رانيا..مااحاسبك على القبلي اصلا اني جنت متوقعه انت واحد ابو نسوان ومستحيل صابر كل هاي السنين لاعبالك عود هاي اللهفه مالتك بيوم عرسنه تثبت انت ماجان عندك شي اصلا مااستغرب اذا ماهاي اللهفه نفسهه وياهه

بسرعه لزمني من فكي وصاك على اسنانه اذا مااسكتي
اشگ حلكج انتي شي ثاني وتقربي الهه احتياج لا اكثر
لاتقارنين نفسج بيهه يحجي وايده رخت بطرف اصبعه
يحرك على مكان لزمته وكال انتي رانيااا الحب بعد تعب
وسنين حرمان لاتقارنين نفسج بأي وحده ماابدلج وماافضل وحده عليج ومسح باصبعه على شفتي ووخر ايده..

رانيا.. لاتلزمني ضرغام شوفني واكفه بطولي واحجي وعبالك هادئه لااا النار البكلبي مااكدر اطلعهه واعبر عنهه اذا تعزني وخر عني ولاتشوفني وجهك واذا شفت هاي الجايبهه اشحطهه شحط روح يمهه لاتنتحر

عفته ورحت للغرفه اسمعه يصيح خبله سخيفه خلي اخلص من هاي البلوه وشوفي شسوي بيج رانياااااااااا
صوته رج البيت وهو يغلط ويفشر جان الفشار كله على عمامهه اسمعه يصيح اخوات الكح..... ابتليت سويت زين...

رانيا.. ماطلعت من الغرفه لان هو جوه من سمعت باب المطبخ انفتح يله طلعت ملابسه نازعهن وشامرهن على التخم وماخذ التشيرت من الحبل وطالع كلبي نار غسلت
وطلعت اريد اشوف زوجته مثل مادكول

طبيت للهول مال البيت الجبير والكاعه كاعده ويمهه ام جراح وامي بالغرفه وفجر وعقيق كاعدات كدامهه
وهي بس شافتني عبالك وحش كدامهه ادنت ليوره وعود تحتمي بام جراح

فجر.. شبيج فزيتي هاي غانيااا مغت صغغام
رانيا.. عقيق تعالي وياي اخذت عقيق ودخلت للغرفه
كتلهه فهميني موكلتي راح يطلك موهذا جابهه

عقيق.. رانيا حبيبتي هدي حالج هسه اروح احجي للسبع ونفتهم اني مارتاحيتلهه من سألتهه عمه ام جراح شلون اتزوجج ماكالت حمايه وماعندي احد دكلهه هو رادني

رانيا.. ويجوز صدك صدكي بيهه ولاتصدگين بضرغام
عقيق.. اذا يريدهه محد جابره يتزوج عليهه وضامهه
عن الناس هو مايجذب وحته السبع كال صدك ساعدهه
هسه اروح افتهم منه واجي...

عقيق.. طلعت من يمهه وهي ظلت يم امهه اني عندي نظره وحده بالمقابل اذا نارتاحيتله وهاي ابد مابلعتهه
احسهه تمثل والهه غايه ابالهه اني هم عقد عليه السبع
حمايه وجان اي واحد يسالني اكله لان ماعندي اهل
ولحد هسه مااكول حبني اكول ماعندي احد وساعدني

رحت لبيتنه جان باب المطبخ مامسدود فتحته واسمع
صوت ضرغام والسبع وجراح يسولفون ظليت بالمطبخ
وهاي اول مره اتسمع على احد بس استحيت ادخل ليجوه

جراح.. وهسه شراح تسوي
ضرغام.. خلي يهدء الوضع واروح لشيخهم احجيله
شنو ابتليت خطبت منهم فوك ماساعدتهه
جراح.. انت ماساعدتهه الي يساعد مايتقرب انت
متمم زواجك يعني موصاحب فضل عليهه

ضرغام... هم انته انوب شلزگتوا بسالفه متقربلهه
منو بيكم مامحتاج مره بحياته لاتصيرون براسي
يوسف كفرت خوما كفرت مره عندي وبالحلال
وشمدريني راح اتعرف على رانيا جنت رافض ارتباط
حقيقي وعائله

جراح..ليش ماكتلهه لو محاجيهه قبل زواجكم مااتخذت
هيج موقف وانت تدري بيهه مجروحه من هالموضوع
ضرغام.. والله مامتوقع توصل هيج كلت اطلكهه مثل
مادخلنه بالمعروف نطلع بالمعروف

السبع.. ضرغام حلهه البنيه هم خطيه تنكسر بس لازم
تحلهه مدام رانيا رافضه تتقبل الموضوع لازم تشوفلك
حل اخذ ياسين وروح لشيخهم فهمه الوضع

جراح.. وهسه انت تقنعني خفت من عمامهه شعجب
ماطلعت اسلاحك بوجهم ضرغام احجي الحقيقه
البنيه هم عاجبتك وتريدهن اثنينهن

ضرغام.. من اكلك انت زمال وارعن وكلب ابن كلب
الخله النجمه على جتفك كوم جراح من وجهي
تبقه طول عمرك مصخم

جراح.. دروح ماعجبك الحجي لان حقيقه احجي
الصدك محد اكو نسمعك هاي انه كدامك قبل هم حبيت بنت خالي وعرفت لبابه مستحيل بيوم اتقبل ارتبط بنوال حتلو مجرد مساعده ولا حته افكر اساعدهه بس انت عاجبك الدور تعيش حجي متولي

ضرغام.. انت براسك نعال اكلك يكتلوهه بيت عمه
يكلي عاجبتك
جراح.. ليش يكتلوهه اول وحده اخر وحده تطلك
هذيج محكمه وروح انت بمعرفتك قدم شكوه واخذ
ضمان الهه
ضرغام.. راح اكوم ** سكت جراح

السبع.. انت ليش عصبي جراح كلامه منطقي وواقعي
بس انه اعرف هواي ناس هيج عدهم البنيه التطلك عار
احنه ماانريد انأذيهه صار 5 سنين انته حاميهه مو بالاخير نرجعهه لنقطه الصفر بس لازم تلكه حل واله رانيا تعوفك من حجت وياي مبينه مايهزهه حبك كدام موضوع زواجك

ضرغام.. اني متفق وياهه من زمان اطلك وكلما افتح الموضوع مدري شسوي بروحهه واخاف ابتلي بيهه
اليوم وروح ليث بيدي اخذتهه لعمامهه رغم رفضهه
بس ماتوقعت حته اسلاح رفعوا بوجهي شنو اطلكهه
طلعت حجتي مايصير عدنه طفل 4 عمام عدهه جنهم
جلاب مرعدوني

السبع.. والله اليجي من ايده عسا الله يزيده انت لو مامتمم زواجك جان حجينه وكلنه حمايه وهاي بتكم
ردت الكم صاغ سليم وروحوا تاكدو موهسه انت ماخذهه
لو تحلف ببير زمزم محد يصدكك مره وحده

جراح.. ولا انه اصدك ضرغام ابو نفس مره وحده
شنو فرق المره الوحده عن المره الثانيه

ضرغام.. انت ظل مسلت وراح اكوم ابتلي بيك
وروح اولادي مره ومافكرت وراهه ابد ولاعدتهه
اني اسكت رانيا يطلع جراح يفك بحلكه غسل لهالحلك
مشهودلك اتجيب حطب وتعلگهه

جراح... شتسوي سوي انت ناصحك وفاضحك سوه
احسب احسابك رانيا. تعوفك وانت ماعولت تلكه الانسانه
التريدهه كل عقلك تحمي الماتريدهه وتعوف التحبهه

ضرغام.. راح اروح لياسين احجيله واكيد اول
ماراح يشتغل شلون وليش كوم السبع روح ويانه
السبع.. هاك التليفون خابر عقيق خلي تجي
جراح.. كوم احنه نساعدك تبدل عليمن داز عليهه
السبع.. لا خابرهه خلي تجي..

عقيق..بسرعه طلعت من المطبخ تليفوني عفته هناك
ركضت للبيت لگيته يدك كتلهم اي اجيت رجعت للبيت طبيت السبع كاعد هم من شافوني كالو ننتظرك بره رحت سديت الباب وراهم ورجعتله

السبع.. تعالي ساعديني اريد ابدل
عقيق.. جمره اني جنت بالمطبخ وسمعت كلامكم
السبع.. عقييييييق من يمته تصنتين على غيرج

عقيق.. والله مامتعمده اجيت ولكيتكم تحجون وهي
رانيا دزتني احاجيك وظليت اسمع وحته من كتلهم
خابروهه اني ركضت للبيت تليفوني عفته هناك

السبع.. تعاي انطيني ايدج
عقيق.. مديت ايدي كومته سحبني من خصري علي
وحيل ضغط كتله اااخ جمره والله مامتعمده
مد ايده لزم شفتي الجوه صح ملامحه باهته لان ماجاي تنعكس على عيونه بس نبره صوته ادل على عصبيته

السبع.. هاي المره سويتهه المره الثانيه ازعل عليج
اذا عدتيهه اي كلمه تجي بأذانج حتلو عليه يحجون
تسحبين نفسج واطلعين وممنوع تسمعين على احد

عقيق.. اسفه جمره والله مامتقصده واني موهذا طبعي بس سمعت لان على رانيا
السبع.. تعاي طلعيلي ملابس اريد اروح وياهم
عقيق.. ماحجيت رحت طلعتله دشداشه وحضرت ساعته
نزع التشيرت وانطيته الدشداشه لبسهه واخذ الساعه
يلبس بيهه ويحاجيني

السبع.. السمعتي ماتحجي بين ماانشوف حل
عقيق.. اني ماانقل كلام
السبع.. ادري بيج يله تعاي نطلع انتي ظلس يم البنات
بين مانرد
عقيق... رش عطر وطلعنه هو راح وياهم
واني طبيت جوه ضجت لان صرت بموقف موحلو. .

رانيا بالغرفه ماطلعت وهاي كاعده كالت ام جراح فجر
اخذيهه لغرفتج ترتاح
فجر..عقيق تنام يمي اخذيهه يمج
خزرتهه ام جراح رجعت خزرت خاله اني بسرعه ضحكت

طبينه اني وياهه للغرفه وام جراح اخذتهه للغرفه الثانيه هاي فارغه بيهه بس فراشات شكو شي زايد نخلي بيهه
فجر طلعت كتابهه تريد تقره كتلهه شبيج وياهه

فجر.. اكو فد شي ماتعرفي بيه اول مااشوف
الواحد تجيني ريحه اذا طيبه اشتمهه هذا الشخص
زين واذا موطيبه هذا موخوش انسان وهاي البنيه
اشتميت ريحه غريبه لاهي طيبه ولاهي موطيبه

عقيق.. من شفتيني شنو اشتميتي
فجر..ريحه زبل
عقيق.. امداج حقيره اني زبل
فجر.. لا جذب اتشاقه اشتميت ريحه مي ورد

عقيق.. لان اني ورده اكلج فجر السبع كال سجلي وياهه
دورات تقويه للسادس
فجر.. تعالي باجر وياي وشوفي اكلج عقيق كولي للسبع
فجر ماتفتهم رياضيات خلي اواب يدرسني

عقيق.. هاااا موكتلج تحبين
فجر.. انجبي شعلي الحب بس افتهم علي وبالرياضيات
موزينه واستحي اكول للسبع
عقيق.. بس تقريني من يقريج
فجر.. شكد فطيره انتي هو اذا شفت اواب تظل معلومه
براسي

عقيق.. يعني تحبي؟؟
فجر.. انجبي حبيش بس اتشاقه وياج
عقيق.. انجحي فجر موتعيدين السادس
فجر.. مدام الدكتور يدرسني انجح لاتخافين يأبرني ابر..

انفتح الباب لبابه هاي انتن هنا كاعدات ادور عليجن
ورانيا تبجي وحدهه كله من وره ضرغام من جاب
هاي كل عقله

عقيق.. ماحجت شي
لبابه.. شتحجي سواد وجهه راحت بدلت واجت للمطبخ
دكول لعمتي اساعدج بالعشه وعمتي انطلقت وياهه
دكول خومانطردهه...

فجر.. عوفنهه عليه هاي دواهه يمي
لبابه.. اكعدي لاتسوين وكاحه خلي انشوف نهايتهه
فجر..مالهه نهايه هاي باقيه على گلوبنه

لبابه.. دك تليفوني بيدي المتصل جراح جاوبته كال
راح نتعشه يم الشيخ ياسين فجر يمي دكلي كليله
اواب يدرسني كتله فجر عدهه امتحان خلي يجي يدرسهه اواب ..

كال هسه اخابره وخلي ام تكعد يمهم كتله ميخالف
اعرف فجر اواب براسهه بس مطمئنه من ناحيته
لان رجال ونعم منه وياريت فجر تصيرله على الاقل
مانخاف عليهه...

رانيا.. كلبي نار وهذا ولا مهتم عافني وراح يم ياسين
وبس اطلع الكه هاي كدامي ضغطت على نفسي وكلت
ماانطيهه مجال كمت لكيتهه بالمطبخ وماخذه راحتهه
طلعت كبه اريد اسوي جان دكول خليهن اني اسوي انتي تعبانه ارتاحي

رانيا... ياريت تكعدين بمكانج هذا البيت موبيتج ولابيت
رجلج حته تاخذين راحتج بي صار ساعه من اجيتي
ماكو داعي لهاي الميانه

اقبال... ماراح الومج حقج صعبه عليج انه من زمان كلت
لضرغام احجيلهه مااعرف ليش ساكت اولهه وتاليتهه
راح تعرفين

رانيا.. خليج صريحه وياي ممكن اعرف شنو غايتج
اني وانتي نعرف شنو سبب زواجه منج راد يساعدج
بعد هالتمثيل على شنو

اقبال.. انه ماامثل صح هو ساعدني علمود وضعي بس وراهه ماظلينه هيج زواجنه عادي ويجيني كل اسبوع
يعني مره ورجال وحته من نتزوجج ماعارضت لان مقدره
وضعه اسبوع يله يجيني انتي ليش مامتقبله الوضع

رانيا.. ذبيت البيدي وسحبت كرسي وكعدت واشرتلهه
تكعد ممكن نحجي انتي مره واني مره خلينه نحجي
مكاشف انتي تحبي؟؟

اقبال.. ليش مااحبه قبل لايكون زوجي اني حبيته
وخاصه من ساعدني حبيته اكثر وتم زواجنه وهو مدللني
مامقصر وياي بعد اكو مره ماتحب رجلهه مثل ابو ليث

رانيا.. اكرص بفخذي اريد اصبر روحي على كلامهه هي موصغيره تقريبا بعمري بس احلى بهواي رشيقه حيل
عيونهه ملونه وبشرتهه حنطاويه عيونهه كبار
حيل حلوه مقارنه بينه هي احله بهواي

سويت نفسي هادئه بس بداخلي بركان بلعت ريگي
وكتلهه انتي تدرين بي راح يطلگج؟؟

اقبال.. ميطلكني المفروض منج تتقبلين الوضع
لان غيرته وشهامته ماتخلي يعوفني بيد عمامي
واتاذه منهم

رانيا.. عوفج من عندي هو مو جان ناوي يطلكج
ترى اجيبه واواجهه كدامج
اقبال.. لااا ابد ماحجينه بهيج موضوع منو كال
يطلگ ترى جابني وانه ماقبلت كتله مااريد مشاكل
وكال تعبت من الروحه والرجعه

رانيا.. يعني علاقتكم الزوجيه تمام
اقبال.. شنو قصدج؟؟
رانيا.. قصدي واضح زواجه مساعده وتممه وياج
مشه حالكم حال المتزوجين
اقبال.. اي طبعا هو كل اسبوع يجيني يومين
والحمدلله وضعنه طبيعي مثلا تخيلي يومين يمي مايسوي شي؟؟

رانيا.. ماشي من يجي اريد اطلع الجذاب بيكم
منو انتي لو هو اكعدج كدامه واحجيلي هالحجي
اقبال.. انتي مشكلتج لان متقربلي ترى كل اثنينهم ثالثهم
الشيطان شحال لو بالحلال

رانيا.. عيوني كامت تلزك احس ضغطي علك من نرفزتهه
مستفزه حيل وتحجي بثقه حته ماخايفه
عفتهه وطلعت من المطبخ اعصابي ترجف مااتحملهه بعد...

حته عشه ماتعشيت اني هسه اصدك منو واكذب منو
هو يحجي شكل وهي تحجي بثقه وماخايفه حته من اكلهه اواجهكم تبتسم معناتهه كلامهه صحيح...

فجر... اجت عمه ام جراح كالت اواب اجه كومي لبسي
واطلعي لبست صايه فوك ملابسي وخليت عطر وطلعت
عقيق وراي تصيح اله اكول للسبع...

فتحت الباب اني عمه كلت السلام عليكم رد السلام
ام جراح فتحت تلفزيون صوته ناسي تقربت كعدت كدام التلفزيون واحنه وراهه فتحت كتابي كتله عندي امتحان

اواب.. بالاول شلونج
فجر.. زينه
اواب.. عقلج ابمكانه لو زاحف شويه
فجر.. بمكانه بس ينرادله دفعه حته يشتغل
اواب.. لا مااندفعه هسه من كيفه يشتغل

فجر.. ابتسامه مرسومه على وجهي وبده يگلب بالملزمه
يقره السؤال وكال انتبهي وياي وبده يشرحلي
مركزه وياه افتهمت السؤال كال عيدي عدته كله
بدون مااغلط

اواب.. موهذا عقلج سليم چااا شبيج يم المدرس
فجر.. بدلوا المدغس
اواب.. اخذج انه والله خوش افهم
فجر.. اي خوش تفهم بس انت عندك دوام
اواب.. بصوت خافت والله ياام اللسان لاجل عيونج
كلشي يهون وانعل ابو الدوام

فجر.. سويت نفسي اكتب بالورقه ماسمعته
استمر بالشرح لحد ماضبطلي الامتحان
اي مسئله مكتوب وزاري كمت احلهه خوش يفهم
ابو اذانات

اواب.. هسه اروح عندج شي بعد
فجر. لا شكغا تعبتك
اواب.. اي والله تعبتيني حته الله مايرضى
ساعتين واني اصبر بروحي
فجر... شنوو
اواب.. اذا احتاجيتي شي خابريني

فجر.. مافهمت قصده طلع ردت احاجي ام جراح
طلعت بسابع نومه اكول ماخذه راحته ويحجي
بصوت عالي ومترهي...

ماطلعت وراه بس سديت باب الاستقبال وكعدت
ام جراح كالت هاكملتوا هستوني نمت وهي عيونهه
منفوخه من النوم بس كامت بوجهه لفراشهه كملتهه

لبابه... يوميه كمت اتحضر البس ومكياج ونتابع
فلم سوه لو احضر فواكه ناكل سهره بسيطه
يحاول يلزم نفسه واخرهه تنتهي اله يغسل بمي
بارد يله يسيطر على وضعه

جنت لابسه شي قصير وربع ردن وفاتحه شعري وشايلته
من الجوانب انفتح الباب تلگيته بابتسامه
كتله هارجعتوا شو تاخرتوا دنك راسه بتعب باسني من
كتفي وسد الباب ..

جراح.. ضرغام مخبل تعارك ويه ياسين كطع بينه
السبع كاعدين وصار عنده فقدان جزئي وهاج راسه
علي بس من الصياح
لبابه.. وتالي شلون؟
جراح.. ياسين باجر يروح لعمامهه وانشوف عوفينه
منهم مشتاگلج حيل

لبابه.. اني هم تسبح احضرلك الحمام؟؟
جراح.. لا اولهه وتاليهه من وراج اسبج وبمي ثلج
وماتطفي النار البيه

لبابه.. مد ايده على خصري سحبني علي ورحنه
لجربايه مددت بحضنه ظلينه انسولف عن ضرغام
وشويه وتغير الموضوع بديت احس بلمساته
ماادري ليش جنت حيل محتاجته واريد البي كل طلباته
رغم لمساته قويه بس استسلمت اله ...

لازمني من فكي وضغطه اصابيعه قويه ويبوس
بشفتي بشراهه خليت ايدي على ظهره نبتت اظافيري
بي اريده يحس بس بدون احساس يمكن استسلامي
اله خلاه يفقد

رغم الالم ورغم ضغطات اديه القويه بس جنت مبادلته
بكامل احساسي اذا ارفض واصيح وخر وادفعه
يتخبل مثل الليله الاولى واذا اسكت صح عنيف بس
تعامله باحساس ومشاعر...

نزع تشيرته وخلاه على عيوني حجيت واني من بين
حالتي جراح لاتأذيني بسرعه طبع بوسه على شفتي
وكال لاتقاومين ومااذيج ...

مااعرف اوصف الاحساس الم على حب على لهفه
على گلوب احتضنت بعد فراق طويل
على ارواح تعانقت واجساد تقاربت
كل الي اعرفه اني تقبلت السواه جراح رغم المي ...

ابتعد من عندي وهو يرفع تشيرته من وجهي
وكال لبابه متأذيه فتحت عيوني باوعتله
العرك تارس وجهه عبالك جان بعز الحر مال تموز

هزيت راسي متألمه ابتعد وحضني يفرك بكتفي
واني ضامه راسي بصدره شكد متأذيه بس
حاسه بحبه ومشاعره وعرفت نقطه عند جراح مايريد
اقاومه مجرد مااحاول ادفعه يتخبل عنده حب التملك...

رانيا.. امي والجهال نامو واني مخليه ايدي على خدي
وكاعده فتح الباب ووكف ارتجه وكال نستأذن
بالدخول سيدتي..

درت وجهي عنه مااحس غير اديه تحاوطني
من ظهري دفعته حيل حته انظربت بالكنتور
وصحت لاتلزمني روح لهذيج قبوله

ضرغام.. رانيااا بيمن احلفلج والقران مااريدهه ومابيناتنه
شي واتمنى اطلكهه هسه شسويلهه اذا عمامهه جنهم
جلاب لعبوا لعب كدامي ضربوهه شنو اطلكتي

رانيا.. اسمع ضرغام مرتك المصونه دكول احنه علاقتنه
الزوجيه تمام ومثل المتزوجين وكتلهه ترى اواجهج وياه
كالت واجهيني

ضرغام.. هاي هي كالت هيج؟؟ امشي كعديهه
وجيبيهه حته افرك حلكهه هي مره وصارت نقمه
عمي اصوم شهر اكفر عن هذا اليوم بس ترضين ا

رانيا.. لاتحاول باجر وديني لبغداد وشتريد سوي
وياهه اني مالي خلك وتعبانه واريد ارتاح
لاتشوفني هيج لان حيل ماعندي

ضرغام.. واني وين اولي ترضيهه ادور كح.... اخر عمري
رانيا.. دور ماهم انتو الضباط كلكم هيج
ضرغام.. لاتجمعين هسه لو مدور واندل مكانهن
ماانقهر كلبي

رانيا والله العظيم قبلج وماردت اكلج حته لاتنكسرين اكثر وانتي مجروحه شسويلهه اذا مانحلت وجبتهه
غصبا عليه اعوفهه يكتلوهه ابات يمهه اخاف منج

رانيا... انت تخاف ؟؟
ضرغام.. يابه وداعه جبار الماحلف بي جذب من اشوفج عصبيه اخاف
رانيا.. لاصدكتك

ضرغام.. هسه نظل مطنگرين
رانيا.. لاتعال بحضني
ضرغام.. اوكفي خلي اسبح واجي لللللج رانيااا
لاتعلعلين كلبي

رانيا.. اني راح انام يم الجهال وانت روح يم
قبولتك ام فضل ابنك المستقبلي صارلك مده
محروم روح تعوضك
ضرغام.. شلون حلگ حته مايهونلي اكوم افركه

رانيااا لاتحجين هيج كتلج صارت وغلطه ماتكررت
خريطه ساعه السوده لو بساعتهه عاطل ولاهاي
الدكه منا انتي ومناك جراح جنه ططوه فوك راسي
يعوف السالفه وكال نمت وياهه ...

رانيا.. مامجذب مونمت وياهه ولك صديقه مرتك
شلون الك نفس بيهه
ضرغام.. ولاكه بعينج .. واذا صديقة مرتي اسمهه
مره وبعدين قابل اخت مرتي بربج جايه تحاسبيني
على شي قبلج

رانيا... مااحاسبك بس اكلك اني مااقبل بالمناصفه
ضرغام.. بس اصبريلي ياسين باجر يروح ويحلهه
هسه راح اسكت عنج خلي تنحل وهذا حلكج اله افركه
ساعه ولك وساعه طبك طوب

رانيا.. اخذت مخدتي وكتله ماانطيك مهله
لان بديت ارسم عليك دوائر وعلى ساعه
اتخذ قرار وتلكاني بالمحكمه

ضرغام.. اذا انتي مره بنت ابوج سويهه
وشوفي اذا ما **** وعود تعاي عاتبيني

رانيا.. عوذه شلون الفاظ ليش تفشر
ضرغام.. امشي للللج وحق الله لا اكوملج اكلهه
هيج تكلي هيج راسج بي حجاره عود من مااطلكهه
احجي

رانيا.. الصوج موبيك بيه اني الكاعده استمعلك
عفته واسمع صاح بصوت عالي اني الج يالرعنه
رحت مددت يم جهالي روحي واصله لخشمي
واي تفكير واي قرار ماعندي...

عقيق.. جمره هيج البس حلو لو اسوي الشال هيج
السبع.. مااشوف
عقيق.. لا شوفني بكلبك شسوي بعيونك
السبع.. بابتسامه انتي بلسم على الجرح وين
مااحطج اصيح افيييييش

عقيق.. راح اروح اول يوم ويه فجر ادعيلي
بالي راح يظل يمك من تحتاج شي هاي خليتلك
عصا اشر بيهه خاف اطخ بشي

السبع.. عينج بالكاع من تمشين ضحك بالشارع
ماكو رفعه عبايه واطلعين الملابس ماكو
اليحاجيج ممنوع تردين علي بوجهج للسياره
تخابريني على اي شي يصير وتنتهبين على درسج

عقيق.. صار خليتلك مي يمك خاف تعطش والتلفزيون
مفتوح بس تعلي صوته مدد انت تعبان اليوم حته
وجهك اصفر...

السبع.. شو تعاي خليني اشبع منج
وحضني حيل وخر القميص وباسني من كلبي
كزبر جلدي وكال ديربالج على كلبج ياكليبي..

بسته من وجهه واني لازمته باثنين اديه
دفعته على كيف مدد على الجربايه نزعت
الجنطه ذبيتهه بالكاع وصعدت يمه رفع راسه
ليفوك واني كمت ابوسه بهدوء من ركبته وهو ساكن
ومغمض ردت ابتعد لزمني من ايدي...

فتحت قميصه وخليت راسه بحضني كمت العب
بشعره وايده الثانيه احركهه بمنحنيات على ركبته وصدره
لاول مره احس جمره طفل وبادين امه تنومه...

يمكن اقل من عشر دقايق وغفه سحبت نفسي من عنده
وبسته من كصته وغطيته وطلعت قفلت الباب ودفعت من بره لان هو عنده واحد جوه ورحت للفجر..

شويه واجه السايق طلعنه وهي تسولفلي
عن المدرسين صعدنه الشارع العام
وانشوف جبار ووياه اسعود وعكاله وعباته
وواكفين على الشارع ويباوعون باتجاه بيتنه
هذا شوكت طلع مو على اساس ينحكم؟!!!....

.
.
.
يتببببببببع............. متابعه شيقه

.. البارت الرابع والستون




انت لو شفت السواد الجوه عيني
ما مشيت
لو دريت شگالت الوادم عَلَي من فارگتني
چا بچيت
شگد گلتلك انه لو ما انت اضيع
وچي هل عفتني
شگد بقيت مچلب بمگفاك حد ما
ضَل قميصك بين اديه وما ردتني
آنه ذنبي تعوّديت وانت ذنبك تَيَّهتني
......

عقيق.. بسرعه طلعت تليفوني وخابرت على السبع
اريد اكله ترى جبار هنا لان وحده بالبيت وخاف
يسوي شي وهو مايشوف

دكيت مرتين يله جاوب اني عفته نايم بس تليفونه يمه
بس فتح خط كال عقيق اكو شي
عقيق.. جمره شفت جبار واسعود واكفين على الشارع
ويباوعون لبيتنه

السبع.. هاااا يعني طلع من السجن ؟! لاتخافين روحي
لدوامج واني يمي ضرغام هسه اخابره يجي خلي
ابو الخط ينزلكم بالباب ممنوع على الشارع

عقيق.. ماشي جمره لاتظل وحدك خاف يستغل وضعك
السبع.. لاتخافين ماكو شي يله ديربالج على نفسج
عقيق.. سديته بس ظل بالي يمه وصلنه للمدرس
واجهت صعوبه منا المواد متقدمين ومنا بالي يم السبع
خاف يسوي شي جبار..

رجعنه ب11 ونص بوجهي ركضت لبيتنه فارغ السبع
ماموجود طلعت للبيت الجبير شفت شحاطات بباب
الاستقبال يعني اكو خطار طبيت وره فجر لگيت
صوت رانيا عالي وام جراح تسكت بيهه

رانيا.. وحق الله اذا ماوخرتيهه من وجهي ابتلي بيهه
فوك شينه كواه عينه افتهمت متزوجهه قبلي شنو هالصلافه العدهه هي غريبه والبيت موبيتهه بأي حق
تدخل لبيتي بعد خلي تنام بغرفتي

ام جراح.. يمه صوتج لايسمعج ويجيهه غلطت واعتذرت
منج خلي گلبج جبير
رانيا.. منو كالج كلبي يتحمل هيج نماذج اهلهه
ماعلموهه التربيه والعيب تريد تطاول تروح تطاول علي
هو موعليه هيج مره صلفه ماشايفه

اقبال.. لتغلطين انه مامتقصده ادخل لبيتج واساسا هو بيت ضرغام يعني بيت زوجي بعد عليمن هاي الهوسه
دخلت للمطبخ موكفرت اريد احجي وياه ومالگيته

رانيا.. لاعمي حشه اني الصوج بيه وانتي على راسي
ست اقبال بله اسألج لو فرضا صديقتج المرحومه
ظاله بعدهه هم هيج تطاولين وعينج على رجلهه

اني مالي دخل اتزوجج حبج حبيتي طبكم مرض اثنينكم
وواحدكم يضرب راسه بالحايط ومن اطلع من هذا البيت
هذيج الساعه الج حق تسرحين وتمرحين هالمره راح اعديهه المره الثانيه تشوفين شي مني مامتوقعته

اقبال.. لحدالان اني محترمتج وساكته من اجيت وياه
مو ضيف اجيت وياه حته يعلن للكل عنده مره موبس انتي مرته وخابصه الدنيا شبيج مستقتله علي ترى
نفس مايحبج يحبني

رانيا.. ان لم تستحي فأصنع ماشئت وانتي ماتستحين
حرامات ماخذه وقت مني وكاعده اناقشج بارعه
بالتمثيل انتي وسويتي نفسج عايشه قصه حب
بس اريد اشوف اليوم هذا اللسانج يظل كدامه
من اواجهكم البارحه فلتي منهه اليوم مااطلع بنت ابوي
اذا مااطلع جذبكم

اقبال.. شتردين سوي عجيب اول مره اشوف
هم الثانيه ونازله ضره وهم تتعارك

ام جراح..عيب يااقبال فتحت بيتي الج لان ضيف والي كال ضرغام ماتظل بين مااطلكهه بعد هالحجي
الماصخ شنو ؟؟ روحي لمكانج واستري روحج انتي لاحول ولاقوه ولاعندج ظهر جايه تتعاركين عليمن

اقبال.. الماعنده ظهر ادوسون علي عود هاي انتم
شيوخ والله يالله وعافتنه وطبت للغرفه

رانيا.. اديه ترجف كلبي مثل سعفه وضربهه هوه عالي
بيدي التليفون اعصابي ترعش مثل الضاربه
الصقيع اعصابي متوتره ماجاي اسيطر على وضعي ابد

يمنه خطار على السبع جان لميت البيت بالصياح
على راسه من جابلي هيج وحده صلفه اجيت ويه ام جراح اساعدهه واشوفهه راحت لبيتي وفتحت الباب ودخلت وبدون مستحه والكاهه تريد تفوت للهول وصحت بيهه وفوك كل هذا عدهه نفسهه ماغلطانه

جان التليفون بيدي اريد شي ابرد اعصابي بي
ماكو شلت التليفون وركعته بالحايط تفلش ولو
يمي اله انيمه براسه هالمايستحي هذا...

صار الغده وصبينه للخطار واني اسمع صوتهه
شكد مانهانت تسولف وتضحك تردهه ام جراح
وترجع تتلوك وتبوس بيهه دكلهه انتي مثل امي
يومين بس هيج عدهه قدرات فضيعه..

دزيت سيوفي كتله صيح ضرغام كله ماما دكول
اذا مااجه اطب بنص الزلم اگلب الدنيا ورحت لبيتي
انتظره بسرعه اجه اروح واجي بالهول طب يصيح
ماتصبرين بين مايروح الخطار

رانيا..لامنو كالك اصبر هسه هسه ودكيت على الطبله
اتجيب هاي المحروسه تتواجهون كدامي اذا ماسويتهه
اكلب الدنيا

ضرغام.. انتي موصاحيه بس ميخالف خلي يرحون
الخطار واشوف شعندج بس خلصيني
رانيا..دار وجهه وطلع وهو يمشي دك تليفونه
جان اكو كرزات واكعه بالكاع رحت جبت المكناسه
اخليهه على برميل النفط

ومااحسه غير يلزم ايدي ويصيح تسودنتي
عباله راح احرك روحي لان وصلت للبرميل
دفعته حيل ولازمه المكناسه بيدي كتله وخر
قبل مااحركك انت وياهه

ضرغام.. رانيا بويه شو تعاي ولزمني من ايدي
رانيا.. صدك وكل عقله اريد اسوي جريمه صدك
رجال عسكري عقله بس اكشن

دفعته وطبيت للبيت وهو راح للخطار نص ساعه وطلعوا
واني ركضت للاستقبال بس طبيت خزرني جان ياسين
والسبع وهو كلت السلام عليكم ردو السلام وهو عيونه
بگصته

ياسين.. كولي ام سيف عد عيناج منو مزعلج
رانيا.. شيخنه مدامكم كاعدين الحقيقه تاهت عليه
رجلي يحجي شكل ومرته شكل اريد افتهم الصح وين
وهسه يتواجهون كدامي وهذيج الساعه اقرر

ضرغام.. رانيا هسه نجي للبيت ونحجي
السبع.. عوفهه تحجي العدهه لاتسكت صوتهه
مالك حق

رانيا.. اريد يتواجهون كدامي هي حجت شي وضرغام
شي ثاني واني مااكدر اظل عايشه بتناقض واشك بالطرفين حته مثل مادخلنه بالمعروف نطلع بالمعروف

ياسين.. ضرغام وحگ هو علي اذا مالزمت اعصابك
لادكول عندي اخو اسمه ياسين شنهي السالفه
غير نفتهم ماتعرف سوالف النسوان وگالاتهن
جيب المره وخلي يبرد راس ام سيف اذا ادور رضاتهه

ضرغام.. على شنو تواجه غير اعرف
رانيا.. تحطوهه كدامكم وتحجي سبب زواجك منهه
هي مادكول حمايه غير اسباب وجيتهه لهنا شنو هم
عدهه غير سبب..

السبع.. روحي صيحيهه وصيحي ام جراح وياج
رانيا.. رحت صحتهن اجت مدنگه اني كاعده وحدي وهي
اجت كعدت بصف ام جراح

ياسين.. بويه اريد اسمع منج شنو سبب زواج ضرغام
منج حته نخلي النقاط على الحروف

اقبال.. ابوي رجال جبير مريض وماعندي احد
وعمامي رادوا يزوجوني وانه خابرته طلبت منه
مساعده وابوي كاله اتزوجهه على ورق بس علمود
ماياخذو الدار العجزه وهو حماني

ياسين.. وعدج بشي احجي لاتسكتين ؟
اقبال.. لاشيخ كال احميج لا اكثر ومن اطلگج روحي بحال سبيلج
ياسين ... هااا ام سيف سمعتي؟؟

رانيا.. سمعت بس هي ماكالت هيج كالت يحبني وكالت
مايطلكني ومافاتح موضوع الطلاك وياي وجيتهه
لهنا حته تستقر اني كدام الكل اكول هي مره واني مره
وجربت الكسره والخذلان والماعدهه سند اني عندي امي وجهالي هي ماعدهه حته ماادخل بخطيتهه وذنبهه
خلي يطلكني وتظل بحمايته

ضرغام.. رانياااااا وخزرني وضغط على اسنانه
السبع.. موهيج الحجي يا ام سيف من باب ماتقبلين تبقه
ومن باب تطلگين صح هو غلط من ماحجالج بس سبحان
المايغلط دخل الشيطان ووزه مومعناتهه نخرب حياتنه
انطي فرصه

رانيا.. شنو الفرصه الي انطيهه لازم يطلگهه وانت انطيني رأيك هي موماعدهه احد ماراح يطلكهه قابل يذبهه بالشارع لو لعمامهه المايقبلون تطلك واني شلي بدوخه
الراس وانتظر اليوم يمي واليوم يمهه سبق وكتله اني
مااقبل بالمناصفه

ام جراح.. يمه رانيا تعاي وياي خلينه انسولف
وعلى كيفكم تهدو بالرحمن
رانيا.. كمت واني عيني بعينه صرت صلفه الى ابعد
حده لو اتكطع وصل ولا اتقبل هذا الموضوع سالفه
القسمه والخيانه وضره منشار يروح ويجي على لحم كلبي...

ظلت تحجي ام جراح واني بالي مويمهه كلبي نار
اني اريد ارتاح مواريد انسم مامجبوره اعيش بوسط
القهر وقال وقيل واتحمل...

رحت للبيت بس طبيت اسمع الباب انركع وراي وهي شيله من زندي هي رفعه ليفوك وايده على فكي
وهو يصيح تعاندين وبنص الزلم صوتج يلعلع واتجذبيني عينك عينك

مااكدر احجي بس اباوعله لحدماتركني صحت
اي اجذبك لان انت جذاب انت اكبر نذل جذاب
بعت حب براسي وانت متزوج قبلي صير رجال
وواجهني لو عبالك رانيا سهله تحصلهه

بس حجيت هيج اجاني الراشدي على اذاني
هنا يمكن انكطع بيه خيط تخبلت منين مايلزمني
امرعده يضربني ارجعله الضربه ويلوي ايدي
اتخبلت كبت السنين كله طلع واني منهاره واعيط

لوه اديه اثنينهم بايد وحده وايده الثانيه سحبت
شعري ينزل راسي ليوره احسه راح تنفصل عن جسمي
وماوكعت دمعه من عيني اباوعله وابدي اكله اكل
ضحك عليه وجابهه بنص بيتي وماوكفهه عد حدهه

ضرغام. .. تماديتي هواي انطيتج مجال زايد
كتلج انتي شنو وهي شنو وحلفتلج بروح اعز شي عندي وبعدج مصره وتواجهيني كدام الزلم اطلعيني جذاب

رانيا.. لان انت جذاب
ضرغام.. حلگج هذا راح اشكه ولزم حلگي عصره
اشفافي تجرحت بايده تأذيت حيل كمت اتحرك
اريده يتركني دفعني حيل مسحت حلكي وكتله اكبر
جذاب ومنافق انت

ضرغام.. اللهم طولج ياروح راح وكوا....
اليطلع الوراج السانج السان*** فزعتي
الوادم عليه وبعدج تلاسنين

رانيا... امشي اطلع بره لا هسه احرك روحي
امشي مااريد اشوف وجهك بيك زود روح عليهه
الزمهه واكدرلهه مو جاي عليه

ضرغام ... فرك وجهه وصاح رانياااااااا لاتختبرين
صبري لسه متحمل السانج حته لا اجرم بيج
رانيا.. شتسوي اجيبلك الصونده من بره حته تكتلني
لو شنو مثلا؟؟

ضرغام.. دتعاي وسحبني من شعري للغرفه طبكني على الحايط يصك ايده بقوه يريد يخنكني ويرجع يفتحهه
تالي شمرني بالكاع وطلع اسمعه يفشر ويصيح

لبابه.. انتي ماتخافين من ضرغام
اقبال.. شمسويه حته اخاف
لبابه.. ترى احنه شهود حجيتي وجهين كدام رانيا شكل
وكدامهم شكل وين تريدين توصلين

اقبال.. ماحجيت شي هي رانيا تألف من كيفهه
لبابه.. تحجين صدك رانيا تألف واذانه هم تألف انتي
شنو من بنيه عيب ترى اخذنه نظره عليج من اول يومين
بعد اسبوع شتسوين؟؟

اقبال.. من تجربين شعوري وحبيبج ينوخذ منج
تعالي احجي بالنسبه الي ضرغام كل حياتي
لبابه... وهو يحبج؟
اقبال.. الرجال المايحب المره مايظل وياهه محد يجبره
وضرغام لو شويه يكرهني جان عافني بدون مايلتفت وراه موصح

فجر.. وجهة نظغج صحيحه بس اكو نسوان عديمه
كغامه ولزكه مال اميغي ماتنشلع ويمكن انتي من هذا
النوع

اقبال.. ماراح اجاوبج
فجر.. دجاوبي وشوفي من اجيت لسه اني مستمتعه
بتمثيلج بس. انصحج حگي جلدج زين لان اجتج كتله
لاعلى البال ولا على الخاطر

لبابه.. صحت بفجر وكمنه من يمهه شويه وطب ضرغام
بوجهه عليهه جانت كاعده بالهول انشوفه سحلهه
من ايدهه للغرفه وسد الباب باوعت لفجر جان دكول
بالعافيه تكبغ وتنساهه

ربع ساعه او اقل طلع منهه اعصابه نار ركضت اريد
اشوفهه باوعتلهه تبجي وسدت الباب بوجهي
عابت شلون ذوق هي جابتهه لنفسهه

ضرغام تايه منا رانيا لبوه شرشه مرعدته تمرعد
ومنا هاي عدهه قابليه تمثيل موطبيعيه احنه موضدهه
وهي هم خطيه بس المثلهه تكسب الكل مو تشن علينه
حرب من اول يوم...

اجه السبع صاح عقيق وفجر تقره
واني صعدت حضرت الحمام لجراح
هسه يجي من الدوام ...

السبع.. يابويه اتحمل كل المشاكل ولامشاكل ضرغام
عقيق.. ليش
السبع.. هذا طكه ونص وهاي احنه براسه ومسكتي

عقيق.. هو شكو شو كلهه مشحونه
السبع.. ياسين راح لعمامهه يتفاهم وياهم هم عادي
عدهم تطلك قابل يجلبون بي بس يصيحون ليش يطلكهه حتلو ماتخلف خلي يتزوج عليهه وياسين حقاني حيل
يكول ابن عمهه بكد ياسين يكول اذا اطلكت اخذهه الرابعه

عقيق كل موقف وكل قصه ومشكله المفروض الانسان يباوعلهه من الجانبين هي مالهه ذنب صح حماهه بس بلحظتهه المفروض يفكر شلون يطلكهه لان هو حماهه
من عمامهه اذا طلكهه ماسوه شي على الاقل لو ماحاميهه
هسه متزوجه

عقيق... ورانيا شلون ماجاي تقبل؟
السبع.. ورانيا هم حقهه متعرضه الى تجربه فاشله
وهو ضم عليهه يعني بالحالتين اثنينهن ضحيه
والجاني ضرغام ولاول مره يغلط هيج غلط

واني من خلاله كلام البنيه عرفتهه تحبه
وحرام حته علينه ندخل ونفرقهه عن زوجهه
الله مايرضاهه عايشه سنين بدون حقوق وبالسر
علمود حياتهه لوماخايفه جان اطلكت بس هي عدهه
وقاحه شويه

عقيق.. من اجيت يمكم شفت العجب كل وحده تحتاج
مساعده تعقدون عليهه ليش مايسموكم
بيت الكافلين للارامل والمطلقات وجميع من وقعت بمحنه
واليتامى والمساكين

السبع.. هههههه قبل ابوي يكول جدي جريان عاقد فوك 20 مره كل التجي تطلب مساعده يعقد عليهه وتامن وينطيهه حريتهه ويمكن عدنه وراثه بهالشي

عقيق.. تكدر تعقد بعد على وحده علمود حمايتهه
السبع.. انتي نسواني الاربعه اعقد عليج مثنى وثلاث ورباع

عقيق.. جمره شكد تحبني؟؟ وحاوطت ركبته واني بصفه
السبع.. عقيق هذا سؤالج يصيبني بحاله هستيريه
مروتج لاتسألي لان عقلي كام يجاوب بدون ايعاز
من كدما سمع هالسؤال

عقيق.. كول لاتشرد من السؤال
السبع.. شنو رأيج اكلج شكد بس بالافعال الحجي
مايجيب نتيجه عندج

عقيق.. زين انت شنو رأيك اكلك شكد احبك بس
بطريقتي الخاصه
السبع.. بسلا قصدج طريقتج التطولين بيهه
5 دقايق وتكومين ترجفين وتصيحين جمره
وينك ...

عقيق... ضحكت واني ابوسه من خده تعال اشوفك
طريقتي
السبع.. لابويه عوفي رگبتي امشي عليج محمد
عقيق اياج تسويهه..

عقيق.. ماسمعته فتحت دكم القميص وكمت ابوسه
بوسات هادئه واشمه من ركبته وهو يكلي عقيق
وخري لاتسوين هيج رجع راسه ليوره وتمتم بكلمات
مامفهومه ...

بحركه سريعه اخذني على صدره بس حسيت
بضعفه ايده ارتخت وهو يهمس يم اذني
انتي دواي شلون بيه كل هذا العمر واسكر
بيج ...

عقيق.. خليني اداويك جمره اني احبك
حيل هيج بكد الكون
جمره... تسمعين كلبي والله ماجني السبع
ابن ابوي وانه بين اديج

عقيق... لاتفتح عيونك ابد ونزعته القميص
لزم ايده وصاح عقيق استري على روحج
انتي مريضه ماجنت اسمعه احسه صاير
نهر عذب ولازم ارتوي منه وهم اظل عطشانه...

اثنينه نصبح عاجزين عن تعبير مشاعرنه
ياخذني للسما فراشه خفيفه وتحلق
عالي ومن احط تلكه حضن دافي ترتوي منه...

السبع.. كلبج يوجعج
عقيق... لا مابي شي
السبع... مايصير دائما موكال الطبيب ماكو كل اسبوع
عقيق.. خلي يولي شيفهمه
السبع.. اي عمي انتي تفتهمين صايره حيل وكحه
واني اموت على وكاحتح

عقيق.. دكوم تسبح
السبع.. اي ظلي نايمه لادكومين ارتاحي
اني اندل الحمام
عقيق.. متغطيه واباوعله اخذ العصا وكام سبح
وطلع وكمت اني سبحت واجيت طلعت دروسي اقره
وهو يسمع قران...

لبابه.. جراح اخذني للطبيبه
جراح.. ليش حاسه بشي
لبابه.. اي عندي الم من ذاك اليوم وحته صلاه ماجاي
اصلي كلساع عبالي شهريه
جراح.. هسه احجزلج بعد وقت انلحك

لبابه... طلع واني بدلت ونزلت لعمتي رانيا ابيتهه
وفجر تقره شويه واجه اخذنه اجه سرانه ودخلنه
حجيت للطبيبه سوتلي سونار وتحاليل وكالت اصعدي
للفحص من فحصت كالت صار شكد متزوجين

لبابه.. سنه و4 اشهر
الدكتوره.. شعجب هيج متأذيه وعبالك عروس
لبابه.. تقاربنه قليل
الدكتوره.. باوعت لعمتي كالتلهه ممكن تخلينه وحدنه

لبابه.. طلعت عمه والدكتوره مره جبيره بس قمه بالاخلاق مع العلم اول مره اراجعهه ذبت النظارات
وكالت ماما زوجج عنده ميول سادي؟؟

لبابه.. ماادري دكتوره هو تعرض لتعذيب بالاسر
ومن رجع هيج بليله الزواج هم هيج جان وخلال هاي السنه و4 اشهر بس 4 مرات متقاربين وكل مره هيج اتاذه

الدكتوره.. يوم اسمعيني السادي شكل والتعنيف شكل
اذا سادي للاسف انصحج تحافظين على صحتج واذا تعنيف او معنف نتيجه صدمه هم انصحج يراجع طبيب
مختص بهاي الشغلات انتي بعدج شابه راح تقدمين
عطاء بس بنهايتهه تخسرين رحمج تقبل الرحم لهيج عنف
مايعدي على خير

انتي هسه عندج خدوش بسيطه تروح بالعلاج بس بعد شكم يوم تزود وتزود وعنق الرحم عندج يصبح
بحاله انهيار وصدگي حته ولاده ماتم عندج لان رحمج يكون هش مثل قشره خفيفه نتيجه العنف المتعرضله

اني احب انصح مرياضاتي واحب اساعدهم بالنعمه
الي عندي راح اكتبلكم اسم طبيب خلي يراجعه زوجج
علمود متخسرين صحتج وهذا علاج الج وكريم
قبل التقارب حته يخفف من الالم العندج

لبابه.. طلعت منهه واني مااعرف شحجي
سالتني عمتي كتلهه علمود حاله جراح
جاب العلاج ورجعنه من صعدنه حجيتله
سكت كال ان شاء الله اراجع...

شفته انقهر وكلساع يدنك راسه بالمغسله
جان واكف وحضنته من ظهره وكتله تعال انتابع فلم
حاولت مااحسسه اني مريضه سهرنه وهو ساعه
يبوسني ساعه يحضني وايده تلعب بشعري

لبابه.. جراح مادريتوا شلون طلع جبار
جراح.. بكفاله ليوم المحاكمه مع العلم السبع مامتنازل
بس الظهر العند جبار قوي راح نرفع دعوه على القاضي الطلعه

لبابه.. ورجع شيخ ونفس السوالف
جراح.. عاصم كال بعد يومين يكعدون بالناصريه ويقررون المن ينطون الشيخه وجبار حاليا يريد يحافظ
على نفسه موبحال الشيخه

لبابه...غير ينطوهه لياسين
جراح.. لا بالحق هي للسبع لان اساس الشيخ عند
جدي جريان موعند ابو ياسين بس السبع مايريدهه
ويمكن يتنازل بيهه لياسين

لبابه.. ظلينه انسولف لحدمانعسنه وهيج
مشت ايامنه بوسط هدوء وبعد مافتحت
موضوع الطبيب وياه...

رانيا.. من يومهه مااحجي وياه انتظرته يلتحق
لان ماقابل لا يوديني ولا يطردهه واني سكتت
لميت ملابسنه واخذت امي وخابرت على مدرسه
وياي كتلهه دزيلنه رجلهه سايق على المحافظات...

سلمت على الكل وطلعت السبع جان ابيته وجراح
بالدوام وبس النسوان واقبال ماشفتهه رجعت
لبغداد قبل لانوصل اتسوكت مسواك
كامل وضربت الباب قفل من الخارج وكعدنه وسكتنه
هذا الباب مانوصله وغلقت كل تليفوناتنه...

مرن يومين اسمع باب المطبخ تكسر اباوعله يدك
بي بالسويج ومبين عصبي دزيت امي فتحته
طب سلم واني بالغرفه صعدلي يرعد

حجه حجه وصيح واني اباوعله طاب كلبي منه
مدام مااتخذ موقف ولسه مبقيهه الظاهر مايكدر
يعوفهه جنت جاده بقراري حيل من كمل كمت وكفت
كتله طلكني !!!

صفن بوجهي وكال كافي رانيا تعبتيني والله العظيم
اطلكهه بس بالهداوه اله اكمل معروفي وامن عليهه
بس لاتسوين بيه هيج

رانيا.. ضرغام طلكني حتلو عفتهه اني ماكدر ارجع مثل قبلك واجذب عليك اذا اكلك اهتم بيك راح تكون فرض
عليه راح يصير شهر ماشفت اي فعل منك لاطلكتهه ولابعدتهه عني وظلت ابيتي ماخذه راحتهه

ضرغام.. اطلكهه بس تصفه بالشارع والله خلي نفسج
بمكانهه حته الله مايرضه ترى غرفه وحده ماعدهه
لو ابن عمهه البكد ابوج لو بالشارع جاي تنحل وياسين
يركض بيهه بس انطيني مجال

رانيا والله العظيم تعبت حته من اريد اقسي
عليج مايوكع بيدي شعلتي ابو ابوي هيج
مره صلفه اول وحده تتمرد عليه وترفع صوتهه
وهم منجب وساكت

رانيا... غمضت عيني واصيح لايقنعج بكلامه
لويريد جان رمه عليهه يمين الطلاك بين مايلكالهه حل
بس بعده مصر باوعتله وكتله طلگني!!

ضرغام.. لاتحاولين بهاي السالفه ولاتناقشين
رانيا.. تقربت علي وكتله اذا انت رجال والنعم
منك طلگني شلون تقبلهه على نفسك تعيش ويه
وحده ماتريدك

يمكن ماحسبت كلامي صح؟؟ ويمكن مااعرف
هيج كلمات تصب على اذانهم صب ولاحب ولا
عشگ يشفع كدام كرامتهم فتح عيونه على وسعهن
والبؤبؤ يتحرك ويه حركتي وهو صاك على
اسنانه هز راسه وكال انتي طالگ!!!!!!!

.
.
.
يتبببببببببع.........

.. البارت الخامس والستون

ثُم قالتْ: "‏ لم يوجعني أنّك غبت.. كنتُ على يقين أنّك ستغيب يومًا، ككلّ الأشياء الجميلة في حياتي.. إن ما أوجعني حقًا أن غيابك كان سهلًا جدًا، كان بسيطًا، لم يتطلب منك الأمر جهدًا كبيرًا، ولا صغيرًا، فقط كلّ ما فعلته أنك قرّرت أن تغيب "وغِبت".. ‌‎ما أوجعني أنني تنبأت بغيابك أننى رأيته في أفعالك وكلماتك وتعذُرك بما هو ليس بعُذر، ثم أفلتُّ يدى منك لغياب طويل، تركتك تخذُل قلبي بشعورٍ بارد.. ولم يبقى لي سوى تراكُمات الوجع تتمخض في داخلي أنينًا كلّما ذكرتُك....
....

رانيا..غمضت عيني واني اسمعه كلمته تخترق مسامعي
صح اني الطلبت وصح اني اريد اطلگ بس ماتوقعت
بهالسهوله جنت بيني وبين نفسي اكول مستحيل يطلگني
وراح يحاول وراح وراح..

بس شنو كله اوهام وتخيلات نطقهه واني وياه عين
بعين ايقنت اني صححت الخطأ بخطأ ثاني طلاگي
من وسام جان بالنسبه الي حريه بس شسويت اجيت
وكربست نفسي بممر ضيق لا افوت ولا ارجع كل الي اكدر
علي لملمت ماتبقه من فتات گلبي...

ابتعدت ليوره وهو فرك رگبته بعصبيه وكال هاي
التريديهه مدام رجال اخذي التريدي
رانيا.. ردت سند بس لگيتك عباره عن خيبه وكسره
گلب روح الله يسعدك ويهنيك

ضرغام.. ماشي يارانيا ماشي
رانيا.. عافني وطلع ضربه الباب وصلتني ليفوك
من كدما سده بقوه كعدت على الجربايه لازمه راسي
السويته صح لوغلط؟؟

الكل يطلب مني اضحي واتحمل ليش مايحجون
نفس الحجي اله بوسام كالوا اتحملي علمود جهالج
ليش ماكالو اله انت صير عاقل واحفظ بيتك وجهالك
ليش الدور علينه والمذمه براسنه...

صعدتلي امي تصيح شبي طلع متخبل صوت شحط
تايرات السياره شعلوه هم تعاركتوا
رانيا.. طلگني
ام رانيا.. ضربت صدرهه اصخام الصخمني ولج تريدين
ترجعين للضيم للدك مال حسام منو الج على ساعه
احط راسي واموت وظلي تلطلطي بين الادين عبالج اذا عرف وسام اطلگتي راح يسكت هم راح يرجع يداعي بيج وبجهاله

رانيا.. شو تحجين عليه ماتروحين توكفين بوجهه ودكليله من خطبتهه ماكلت ترى متزوج قبلهه شكالوله حيوانه
اني حته يضم عليه السواهه مره يسويهه عشره
واليكدر يضم هيج موضوع لاتترجين منه خير

ام رانيا.. كالج اطلكهه بعد عليمن انتظري شهر شهرين يطلكهه
رانيا.. انتي وياي لو ضدي شنو انتظر شهر شهرين منو كالكم اني بلا مشاعر واظل اباوع لطوله رايح جاي ويحاجيهه وهي على ذمته مالكم علاقه بيه كلبي طبه مرض وهو هم طبه طوب يروح يدفع ثمن غلطته

ام رانيا.. انتي كاعده ابيته اذا اطلكتي مرجعنه لحسام
واتزوج وصارت عنده مره يعني ترجعين خدامه هاي طلاگين عزه النفس مرات تودينه لمتاهات يابنتي الرجال يحبج صح غلط بحقج بس موهيج تهدمين حياتج
وانتي ماعندج احد

رانيا.. مااريده تعرفين شنو اتخبل من هذا الموضوع
ذاك الحقير وسام شسوه مو خان وره اسنين رجع يصيح
تبت كلهم نفس الشي مااكدر اتقبل هيج موضوع انكتل
من حسام بس مااعيش بنار الغيره هاباوعلهع وها حاجاهه

ام رانيا.. الله يهديج والله مااكول غير الله يهديج
رانيا.. عافتني وطلعت واني هسه يله نزلت دموعي
كمت ابجي والم بصدري لو شايفه منه موقف والله ماانقهر

السبع حرجوا كدام الشيوخ وانطوا بنت عمه عرضه
وماانطه بمرته وكال عندي مره ومااريد اهجم بيتي
وهذا شسوه يطلگني مايكدر لو يطلكهه هي مالهه احد
ولازم اتحمل وتبقه على ذمته...

مدام ماانحلت بيوم ولا باسبوع معناتهه ماراح
اخلص منهه لان هو متهاون بالموضوع وبعد شكم
يوم يحجيلي بالدين ويقسم ايامه بيناتنه هاهي
رغم القرار صعب وكلبي ينزف بس الم ساعه ولاكل ساعه..

مخلي رجال بالباب حارس وبعد مااجه
بين يوم ويوم يجيب الرجال مسواك طلعه
مانطلع ايامي سوده مااعرف الليل من النهار
احسهه كلهه مظلمه واني دخلت بحياة جديده
ممليه فرح وطلعت منهه بگلب مكسور ومتهشم...

لبابه..قرب الدوام طلعنه مرتين اني وعقيق وفجر
اخذتنه عمتي اشترينه ملابس راح اداوم مرحله ثانيه
وفجر وعقيق اثنينهن سادس وبمدرسه اهليه...

جراح كل وقته دوام ومن يجي بليل يجون جماعتهم
علمود السبع جانو يطلعون هسه كل الكعدات يمنه
واحنه كلساع جاي لو نسوي حلاوه بس من يجون
جماعة ضرغام لازم نسوي كهوه...

كملت المطبخ وصعدت للغرفه جان تليفون جراح على الشحن افتحه كل مره ادور بي واتصفح مابي
اي شي حته رمز مايخلي بس بقت نقطه سوده بداخلي
بسبب نوال...

فتحت التلفزيون اتابع مسلسل فتح الباب وشمر عليه
جيس كرزات وكال راح اسبح واجي كمت خليت
الكرزات بماعون وطلع بالفانيله جراح جسمه حيل
مثالي لاكرش ولا لحمه زايده من يلبس القميص ينصقل
علي صقل لان يلعب طوبه ويركض بالعطله...

مدد بصفي خليت راسي على كتفه كتله لاتبرد
الجو بي بروده
جراح.. هو اليشوفج منين يجي البرد
لبابه.. ضميت راسي واني اشتم عطره اكثر
جراح.. هااا شعندج تشمين موبعدج ماطبتي

لبابه.. وانت مفتخر؟
جراح.. عليمن مفتخر حته البزازين تنام موفد انجاز
بس علمود تسترين على نفسج
لبابه.. جراح حبيبي ليش مارحت لطبيب
جراح... رحت...

لبابه.. عدلت كعدتي اي وشكالك
جراح.. كال اتزوجلك وحده مثل صنفك اكو يتحملن
لان مالك علاج
لبابه.. تحجي صدك؟؟

جراح.. اي والله كال ماله علاج مثلا شيريد يسوي
ينطيني مهدء اتعب وتخليني اعصاب يريدني اكعد احجيله شلون اسوي وياج وهو يستمع وعود افرغ طاقتي بالحجي انتي شدكولين اسويهه؟؟

لبابه.. جراح مواتفقنه تتعالج هو طبيب
جراح.. والله كال يعتمد عليك كاا اكو علاج ادويه
بس يتعب وحته بي اثار جانبيه خليني هيج لبابه
ترى اني متحسن والله مومثل قبل

لبابه.. وين متحسن نظل كلما تتقرب تاخذني للطبيب
جراح.. موصوجي انتي رقيقه زياده عن اللزوم
زين عندي حل الج اتزوج وحده تعينج عاد من اجيج تعبان

لبابه.. كوم من يمي وضربته على صدره تريد تسوي
مثل الفلم الشفناه من اتزوج اثنين وعقد عليهه اتفاق
جراح.. چااا اذا انتي ماتكدرين خليني اشوف غيرج

لبابه .. وتحجيهه بوجهي؟؟
جراح.. اروح فدوه لوجهج ماادري شصير بيه
تذكرين ببغداد شلون جنه بس هنا عبالك مسطورين
لبابه.. مسويلنه سحر
جراح.. منو بحالنه ويسويلنه

هسه شدكولين نجرب بلكي تحسنت؟؟
لبابه.. ظل قشمر بيه كل مره تجرب تحسنت وثاني
يوم حاجزلي يم الطبيبه هالمره مااروح لو اموت
كمت استحي من عمتي

جراح.. انتي موحاجيتلهه
لبابه.. لاوالله اني مااحجي
جراح.. اجت كالت على كيفك ويه البنيه شبيك ماشايف كتلهه اي والله اول مره اشوف وين شايف

لبابه.. تريدني اصدك
جراح.. وروح ابوي انتي اول وحده ابوسهه واول وحده
احضنهه انه فقير والله من اهل الله بس مدري
شجاكم وياي دومكم شايلين ذنبي

لبابه.. بهاي حقكك دائما افكر بيك سيء وتطلع مامسوي شي
جراح.. هاي من زمان حته من جنه صغار السبع وضرغام
يدكون الدكه وتوكع براسي واني الي احصل الرزاله
وهم يفلتون منهه

لبابه... مايحجيلكم ضرغام شراح يسوي رانيا حته تليفونهه
غالقته وكاعدات وحدهن ببغداد وراح تجي المدارس وسيوفي
صف اول خومايظلون هيج

جراح.. اليوم خابرته حيل عصبي حته الضابط وياه اخذ
التليفون وكال هذا شمبلعي متخبل علينه
وسألته شبيك صاير شي؟؟ يجر حسرات وكال ماكو شي
ماادري بالباقي شكو

لبابه.. خلي يطلكهه واذا ماعدهه احد هي تدري ميحبهه شكو لازكه وعمتي دكول حرام يأملهه صار 5 سنين

جراح.. شوفي لبابه الواحد يحجي الحقيقيه من عقد عليهه انه وياه رحت وكدام ابوهه كالهه حميتج مجرد عمل خير
لو بعد عشرين سنه لااطالبين بحب وسواء استمريت
وياج او نهيتهه ماراح يفرق شي قبل لايعقد اتفقوا
كالتله انه قابله اظل طول عمري بدون زواج بس لااتزوج ابن عمي

وشي ثاني مو سالفه متمم زواجه صار مصيبه على راسه
هو رجال وانسان وماكو واحد بينه معبد من الغلط ورانيا
ماموجوده بحياته ووحيد وبيوم احتاج مره مابيهه شي
اذا تمم غلطته الوحيده ماصارح رانيا...

لبابه.. بس اذا تمم زواجه مثل الي انطاهه امل هي هم
خطيه يجوز كل هاي السنين هي تتودد اله وهي اصلا
قابله تظل على هالشكل بدون مايطلكهه

جراح.. ترى الغلط موبس على ضرغام من رايحلهه بهذيج
الليله هي قابله وكايللهه قبل لايتمم زواجه وموافقه
مثلا رجال واجته مره بالحلال وهو فارغ يدفرهه على شنو؟؟

لبابه... يعني تسويهه انت؟
جراح.. شنو المقارنه قابل متزوج قبلج بالحرام ماسويهه
بس بالحلال ااي

لبابه.. صدك؟؟!
جراح.. چااا ليش التجديد مطلوب وخاصه انتي والله
ماجاي تتحملين وضعي بعد عليمن خليني اشوف دربي

لبابه.. وخرت من حضنه روح شوف دربك منو لازمك
وبعدين انت شنو تحجيهه كدامي لازم مخلي ابالك هاي الفكره
جراح.. والله من المظلومين بس الحجي عليه

لبابه.. جراح ديربالك حته تفكر بيوم تطلعلي وحده صفح بحجه احميهه لا والله احطلك سم واسمك ومايبرد كلبي
جراح... يمكن انعديتي وصرتي عنيفه وخله راسه برگبتي

لبابه.. وخرر وخررر جرب وشوف شلون املخك
وطبعا اتعلم العنف منك غير معاشرتك
جراح.. ديله لعد ملخيني واملخج وينج شو بعدنه بأسم
الله تذوبين وبعد مااكدر المج

لبابه.. هاي اني غير اخاف منك بس اقاومك تنگلب عليه
جراح..خلينه انجرب هو الطبيب كال لازم تجرب وتشوف
اكو تحسن خومااظل على عمه عيني

لبابه.. جرااااح وضحكت
جراح.. ياروح جراح انتي بس صيري حبابه
لبابه... باوعتله بنظرات ممليه حب وابتسامه طاغيه عليهن

بظهر ايده يحركهه على خدودي على كتفي منين مايحرك
ايده اميل راسه علي لزمني من فكي ويبوسني
بوسات متقطعه قويه متناغمه ويه حركه ايده ...

غمضت عيوني وبادلته حسيت ايده تغلغلت بشعري
وسحبني علي بخفه سكنت بمكاني اي ردة فعل ماانطيت
مارفضته بس ارفض يعنف ظليت ساكته وهو يطبع
لمساته العنيفه على كل جزء بيه...

حسيت بالم فضيع ادفع بي ماوخر عطت بصوت بعد
مااتحمل احس الالم صعد لراسي وهاي اول مره من ادفعه
بقوه يبتعد جان يتخبل وتنعكس على تصرفاته

جراح.. لاتتحركين
لبابه.. الم جراح الم قوي
جراح.. لاتتحركين وحضني حيل وهو يبوس برگبتي
هسه يروح بس لاتتحركين

لبابه.. ظليت بحضنه شويه هدئت كام قبلي فتح مي دافي
بالحمام وكال روحي اسبحي ترتاحين دخلت للحمام
شفت قطرات دم لزمت الحايط ياربي لشوكت انظل هيج

ارتخه جسمي وارتاحيت على المي الدافي ماجايبه
ملابس صحت جراح اجه جابلي خاولي وملابسي
بدلت وطلعت امشي على كيفي جان مخبوص ابتسمت
بوجهه كتله مابيه شي هسه يروح ...

اخذ الخاولي مني وهو يجفف شعري وكلساع
يبوسني ويكول اعتذر اعتذاراتي صارن هواي
لايطفح الكيل اخذني بحضنه ظليت الليل كله كلساع افز
من نعزات الالم...

عقيق... اليوم بده دوامنه احنه السادس بس بمدرسه
اهليه اني وفجر نفس الصف اول مادخلنه شفت ضحى
سلمت عليهه بس شافت فجر ضاجت

ضحى.. تعاي اكعدي يمي
عقيق.. اني وفجر نكعد برحله
ضحى.. لاتعوفيني وحدي كلهن مايريدني تعاي يمي
عقيق.. مومايقبلون نكعد 3 وفجر تريد يمي

ضاجت حيل كعدت اخر رحله وحته اكو رحلات فارغه قبلهه
ماكعدت بيهن بدينه ادروس وهي ابد ماكامت حته من نطلع
بالفرصه ...

من رجعت حجيت للسبع كال يجوز ارتاحتلج خطيه
انتي هم احجي وياهه لاتعوفيهه امشي وياهه
بالفرصه وتناقشي على امتحان مدام متمسكه بيج تحبج...

ثاني يوم كملنه الدرس الاول وطلعنه بالفرصه
نتمشه قريب الصف ونسمع صوت عالي عركه بصفنه
رحنه انشوف وتطلع ضحى متعاركه ويه اثنين بنات
يصيحلهه الخبله المشكله ضحى لازمه سجينه صغيره
وحاصرتهن بالزاويه بسرعه سحبتني فجر وطلعنه

اجت المديره واخذتهن للاداره كلما اريد اكول حبابه
ارجع اشك بيهه تصرفاتهه مومال وحده عاقله
ومخرمشه وجه البنات دزو على اهلهه وجنت حيل حابه
اشوف اهلهه مثلهه لولا

شفت امهه مااعرف شلون اوصفهه مره قصيره عدهه
قزم ووجهه بي بهاق وحته ماتجمع الحجايه المديره
ترزل بيهه وتحط من قيمتهه كدام الكل وهي ادنك
وتأشر على راسهه ودكلهه على راسي ...

حيل انقهرت وتشحط بيه فجر واني صافنه
عليهن شنو بيهم وليش هيج حالتهم؟؟
اخر شي امهه كالت هي بيهه حاله نفسيه واحنه
جبناهه اهليه حته شويه ترتاح تحملوهه بس هاي السنه

صاحت بينه المديره ورجعنه للصف وشويه ودخلت
عيونهه يطاير منهه شرار حته اخاف التفت عليهه
فجر لازمتني ماتخليني احاجيهه البنات كلهه انهزمت منهه

رجعت للبيت السبع مدد على الجربايه واني ابدل
واحجي واسولفله على ضحى وهو يكلي
انتبهي على دراستج وعوفج من الناس ...

السبع.. عقيق تعاي يمي
عقيق.. خلي البس اوكف
السبع.. تعاي بس كوميني اريد اروح للحمام

عقيق.. جنت ابدل ماخذه راحتي هو مايشوف
بس بالتنوره مديت ايدي اله اريد اكومه وبحركه
سريعه خلاني فوكاه يبست بدمي واني اضرب
على صدره جمره موهيج

السبع... صح مااشوف بس حسيت بحركات وحده
وحده وصورتج تلالي كدامي وتاليتهه وياج مومريضه
انتي واني مايهون عليه اذيج

عقيق.. عوفني حباب شوف وضعنه
السبع... مااشوف بس اتكمكش شو خلي اشوف
ابداع ربي
عقيق.. كمت ادغدغ واصيح جمره عوفني

السبع.. لا وروح ابوي مااعوفج النصر او الشهاده
شو تعاي بس خليج حبابه صايره وكحه وشويه
عندج انحراف اخاف منج واني ضرير وتهجمين عليه..

عقيق.. تخاف مني ومشيت اصبعي على رگبته
السبع.. رفع راسه وكال همممممم
عقيق.. منو المنحرفه
السبع.. وحده اسمهه عقيق مخليتني مراهق

عقيق.. تحبهه؟
السبع.. هالمره صيغة السؤال تغيرت بس هم
احبه واعشگهه بويه اموت عليهه هيج مثل
البلسم على الجرح وين مااخليهه كلبي يصيح افيش

عقيق.. غمض عيونك
السبع.. ترى مااشوف والله عليمن اغمض
عقيق.. احسن غمض ودنگت بسته من رگبته
تحولت لمساته الى حنيه وهدوء وهو يهمس باذاني
گلبج زين؟!!

عقيق.. بين اديك شلون مايصير زين
السبع.. خليني انتعش بيج خليني اغوص هنا واشر
وهنا واشر وهنا ودنگ باسني ...

اديه ارتخت واني ماعندي غير كلمتين
جمره احبك اخذني للبعيد لعالم بس اني وياه
منين مااندار اشوفه واني طايره مثل الفراشه..

نام بصفه وايده على گلبي وكال عقيقي كلبج
يوجعج ليش يدك سريع؟؟
عقيق.. زين زين بس ماجاي ارتوي منك
السبع.. ابوس گلبج خفي عليه والله بحاله جهاد
بين روحي وبين التخاف عليج موزين هواي

عقيق.. من وراك انت صاير جنك بقلاوه
السبع... ههههه ولج صايره وكحه ودغدغني منيلج
هالحجي ربيتج على ايدي كلشي ماتعرفين

عقيق.. ماسامع صانع الاستاذ استاذ ونص..
السبع.. هسه اسألج شكد تحبيني؟
عقيق.. اكثر من روحي
السبع...انتي روحي نفسها
عقيق.. اني وروحي الك فدوه

من اول مارجعت من 12 ونص ل3 واني بحضنه
كام يسبح واني رحت حضرت ملابس وسبحت وراه
طلعت كتله جمره ماتغدينه نسيت

السبع.. تغديت بيج
عقيق.. عندك علاج مايصير
السبع.. هسه اوصي جراح يجيب جاهز وانتي اكلي
موزين عليج وتعاي خليني اطلع بالحديقه

عقيق.. طلع بره واني رتبت البيت وسويت
لفه واكلت تفاحه وكعدت ادرس رحت يم فجر
لگيتهه تقره كعدت يمهه كالت ماافتهم رياضيات

عقيق.. اني اعرف تعالي افهمج
فجر.. انجبي ماتفهمين غوحي للسبع كليله فجغ
تبجي دكول ماافتهم حته يدز على اواب

عقيق... عيب ولج يوميه. الولد يجي وبعدين
مواكلج افهمج اني والله اعرف العام درستهن
فجر.. لاعيني افتهم بس علي شايفه شلون يشغح

هيج يلزم القلم وكامت تقلده ويكول انتبهي
فجغ لاتشلعين كلبي من كون يروحلك فدوه
گلب عقيق

عقيق.. امداج امداج اني شعليه هوكلبي عاطل
فجر.. يله لاتزعلين كلبج للسبع خصيصا يروح
فدوه اله كلب اقبال وايناس ونوال

عقيق.. صدك وين اقبال
فجر.. طبعا ماتدرين من البارحه ماجايتنه ونسيت
اسولفلج اليوم البارحه اجه ضرغام اخذهه العصر
وكامت تبجي دكله مااروح وسمعت صوته عالي يكلهه
تزوجين ابن عمج تظلين مالي دخل ابتليت سويت زين
واخذهه مدري وين

عقيق.. هو شبي ؟
فجر.. ماندري مايحجي بس اجه اخذهه ورجع
التحق مدري شكو ...

عقيق.. ماعرفنه شكو وثاني يوم عدنه امتحان يومي
باوعت لضحى شفت دمعه بعينهه رغم مبهذله بلبسهه
وكل شي يوحي بأن هي موصاحيه...

من حلينه جانت واكفه ويانه مجموعه بنات
وهي اجت تنتظر الخط شفت سياره جراح
تقرب شفت السبع كاعد بالصدر هم جايين ياخذونه
هوسه وازدحام وكفوا بالجهه الثانيه واشر جراح
بيده اوكفن لاتعبرن ..

جنت اسولف ويه فجر مااحس غير ضحى بصفي وكالت هذوله شيصيرون منكم وبنبره عصبيه جاوبتهه هذا
زوجي وابن عمه!!

ضحى.. انتي مرت هذا السبع؟؟
عقيق.. وين تعرفي؟؟
ضحى.. فتحت عيونهه على كبرهن وكالت انتي
مرته مووو انتي مرت هذا النذل الحقير الدمرني

عقيق..كلشي ماافتهم عليهه بس فجر وكفت كدامهه
وكالتلهه شبيج عيني وين تعرفي؟؟ وهو بكد ابوج
متستحين تغلطين

ضحى.. كليله مشكول الذمه الدمرني تطلع حوبتي
بي كليله كل عثره ووكعه يوكعهه خلي يكول حوبه
ضحى هاي دمرني الله لايوفقه خلاني مخبله بسببه
لعنه الله علي..

فجر.. امشي عقيق وانتي احسابج باجر واكفه
تدعين على شخص ماتعرفي ماتستحين شعرفه
بيج تعرفين هذا منو وشنو حته انهديتي. .

عقيق.. مصدومه بكلامهه بس اخذتني فجر وماخلتني
افتهم صعدنه واني بالي مويمي حته السبع يحجي
وياي وماارد علي بس اهز براسي كومه تساؤلات ومااعرف شجاوبت

وصلنه للبيت بدلت على السريع والسبع بره طلعت
صحته وتلگيته بس دخل كال شبيج عقيق من نبره
صوتج حسيت صاير شي هومامتعاركه

عقيق.. جمره ضحى اليوم من شافتكم تخبلت كامت
تدعي عليك وتغلط ودكول كليله شيصير بي
هاي حوبتي انت دمرتهه

السبع.. وحده وحده بويه تعاي يمي لاترجفين
عقيق.. جنت ارجف اسناني اطخ واحد بالثاني
لزم ايدي وكال منو ضحى وشجابني عليهه انه
حته ماشايفهه

عقيق.. هي من شافتك انفعلت صح اجتنه للبيت بس
ماتعرفني مرتك مدري شبيهه تدعي عليك
وكانما عايشه وياك ومعاشرتك جمره كلي منو هاي

السبع.. يابنتي عليمن منفعله نعرف منو وشتريد لا اعرفهه
ولاشايفهه اهدي انتي وانه اتصرف كومي
تغدي ماكو شي...

عقيق.. صبيت غده وحاولت اقره ومافاد كل فكري يمهه
شبيهه ووين تعرفه اني مااشك بجمره ابد بس خاف
نيتهه سوء وتخرب بيناتنه...

رانيا.. صحتي موتمام النزف موتني ياخذنه السايق
للطبيبه اخذ علاج ومايفيد اخر شي كالت لازم
عمليه وهنا اظلمت الدنيا بوجهي ...

ظليت اكابر واعاند بروحي واكول اليوم وباجر
واصير زينه بس يومين يخف الالم وعشره يلزمني
النزف يخليني مااتحرك..

مسواك ومصرف يدزه ضرغام بس اي تواصل مابيناتنه
خابرت لبابه كالت اخذ اقبال رجعهه وكلهه ماتدري طلكهه
لولا الحجي بس يم ياسين وياسين متكتم على الموضوع..

جنت اسولف ويه ماما ودك تليفونه المتصل وسام
كمت جاوبته جان يسأل شلونج وصحتج والجهال
محتاجه شي؟؟ حسيته يدري عبالك من كدما لح
بالسؤال شتحتاجين كولي وركز على سالفه صحتي..

وبدت المدارس وسجلت سيوفي بمدرسه قريبه
علينه وماكو اي اتصال من ضرغام ماتوقعته لهدرجه
قاسي شفت وجه ثاني من عنده موذاك الحنين الطيب
شفت جانب لايسامح ولا يبادر وخشمه يابس وعنيد...

عقيق.. ماعولت يصير باجر واشوف ضحى كاعده
بالرحله وانتظرهه وينهه بس تجي اسألهه شمعرفهه
بالسبع وليش تغلط وتدعي؟؟

اجت متاخره والمدرسه موجوده بس دك الجرص
كمت وكفت يم رحلتهه كتلهه انتي وين تعرفين
زوجي ؟؟ وليش تدعين علي؟؟ وهو مايعرفج

ضحى.. امشي من وجهي لازم نكر السبع مالتج
روحي كليله يتذكر سنه 2005 شسوه بيه
يتذكر لو اجي لبستانه واخلي يشهد على كلشي
روحي ذكري السبع مالتج !!!!!!

.
.
.
يتبببببببببع......... متابعه شيقه

... البارت السادس والستون




وين افضفضهة
حسرتي ابيا مسامع ..؟
خاف افزن والگة جرحي
معلگ بروس الشوارع ..
....

عقيق...صافنه عليهه شتحجي واجت فجر يمنه وهاي ضحى تحجي بعصبيه ودمعه بعينهه لزمتني فجر وخرتني وراهه وكالتلهه احجي محد اكو بالصف
شنو مشكلتج ووين تعرفين السبع؟؟

ضحى.. روحي سألي ب2005 شسوه هم ينام وضميره
مرتاح عساهه تطلع ببنته ومرته

فجر.. شوفي انتي ماتعرفيني بس عندي نظره وحده
بالمقابل وجاي اشوفج انتي تتبلين علي احتمال تشابه
او سوء فهم بس متاكده مثل ماجاي اشوفج اشوف اكو كذب بالموضوع

ضحى.. كعدت بالرحله ولزمت راسهه وكالت مااجذب
هو دمرني ودمر عائلتي ابوي مات بسببه وامي مريضه
والناس تترحم علينه

فجر..تعالي نستأذن من المدرسه عدنه فنيه ونكعد
انسولف واذا ماتحجين اروح للمديره واكلهه هجمت علينه
وهددتنه خلينه نفتهم...

عقيق.. امشي وره فجر راحت للمدرسه كالتلهه ضحى متخربطه وانريد نكعد وياهه ماكالت شي اصلا كالت
الدرس شاغر الكم اخذناهه ورحنه بالساحه اكو درجات صبه كعدنه عليهه وبدت تحجي

ضحى.. بسنه 2005 جان عمري بحدود 13 سنه بيتنه عبر الشط والمدرسه بالصوب الثاني ومن نجي للمدرس نعبر بالبلم ونمر ببستان الشيخ جريان واولاده هاي من جنه بالابتدائيه وكبرنه واحنه هيج...

كل مره نعبر انه وبنات من غير صوب ونفوت ببستانكم
واحنه كلهه تعرفه الوادم يسمو المهجور وابوي يحجيلنه
عنه ويوصينه من نطب بي يكول هذا للسبع ابن فاضل المات...

حافظه الطريق واني مغمضه وجان دوامنه ظهري
والبنات الوياي اكبر مني وطالعات الدرس الاخير
واجيت امشي وحدي وانه متعلمه امشي وحدي
ابوي يكول السبع خوش رجال ...

وشته جان والغروب يصير من وكت ومااحس غير واحد
يلزمني ويسد حلكي ويشحط بيه بالبستان وخلاني لحدماصار الغروب وهو حابسني بغرفه طين خرابه

دنكت راسهه وكامت تبجي انفعلت حيل كامت ادك على صدرهه وتصيح اعتده عليه اغتصبني واجه واحد وياه
مو وحده وكمت اصيح واكلهم هسه يجي السبع
وواحد يضحك ويكول هو السبع دزنه احنه ازلام السبع...

وظليت لثاني يوم وتكشف الجو مالكيت احد ورجعت
لابوي ابجي واحجيله واكله السبع سوه هيج هم ازلامه
كالو احنه زلم السبع وكال كل التمر بالبستان مال ابوي
حلالكم

ابوي رجال جبير راح للسبع وذاك مدري شكايلهه
وابوي رد متخربط وبيومهه شلنه من بيتنه
لغير مكان وابوي مايرضه يحجي اتمرض هواي
وكام ماياكل وعفنه حلالنه وماعدنه وابوي ماطول حط
راسه ومات وظلينه انه وامي واخواتي ماعدنه اخو

انه صارت بيه حاله نفسيه كلماينذكر اسمهم انهار
وماعدنه افلوس اتعالج وبيوم منهن اجت بنت الشيخ
جبار الجبيره اسمهه وسن وجابتلنه فلوس وهدوم
واكل وكالت هو السبع مفشلنه والشيخ جبار هو عرف بسالفه السبع وجاي السبع مهدد ابوي حته يشيل
من قريتنه

كله من ورا مات ابوي من الفگر والقهر وانه يصيحولي
الخبله لان دز زلمه شكو بنيه صغيره ياخذوهه
واحنه صار اسنين بكفاله الشيخ جبار يدزنه فلوس
وادعي يوميه على السبع الله ياخذ حيفي منه

فجر.. هسه احنه سمعناج دورنه نفتهم الصدك والجذب
لان السبع عنده عداوه ويه جبار اول سؤال الج
مواجيتي بوفاه ماما شو ماحجيتي انتي اجيتي
لبيت السبع وماتعرفينه شمعنه هسه من شفتي تذكرتي؟؟؟

ضحى.. اخذت العنوان من المديره وانطيته لابو الخط مالتنه وهو وصلني شمدريني بيته وانه حته ماشفته
موسألتج عقيق وكلتي بالمستشفى وانه السبع شايفته
من جنت صغيره ومن شلنه ماشفته بعد وانه ماسألت عقيق شسمه رجلهه...

فجر.. شوفي ياضحى التجربه الماره بيهه حيل مأساويه
والله يساعدج بس اخذيهه مني السبع اسم على مسمى هاي مرته وعلى ذمته سنين ومادنت نفسه عليهه
تريدي على طفله بذاك الوكت

وسن المشعوله ماتت وطلعت خيستهه وراهه
والسبع عنده عداوه ويه جبار وتلكي هو وره السالفه
وذبهه براس السيع وحته لاتحجون كام وتكفلكم
حته يغطي سالفته

والسبع ماعنده ازلام هو وحده بس ويه ولد عمه
انتي متوهمه ومدام انفتح الموضوع راح نجي لامج
ونفتهم اكثر والفلوس. والاكل التاكلو كله مال حرام
وايد جبار الحوتكم متروسه دم ابرياء ...

ضحى.. لاادفعن عنه اكلهه ابستانه وازلامه هم حته
سمعتهم يكله السبع كال عوفوهه للصبح وسمعت
طلقات ضربهن وكالو هاي اشاره من السبع عود
اخذنه الي انريده ونعوفهه

فجر..كومي عقيق وانتي ضحى انصحج تحتفظين بالكلام
بداخلج وهذا الموضوع راح ينفتح كدام زلم وعوداحجي
وعرفت حالتكم تعبانه وداخله اهليه يعني بفلوس جبار
وبالمناسبه جبار يصير عمي

عقيق..سحبتني من ايدي حيل ورحنه للصف وضحى
مادخلت للدروس مخابرين امهه جايه ماخذتهه
يكولون متخربطه

اني اعرف السبع شنو ولو اشوفه بعيني مااصدك
يجوز جبار كاد هيج مكيده بس انقهرت عليهه
اني تعرضت للحادثه وشلون اثرت على نفسيتي
ولوما السبع وكف بجانبي واحتواني جان حالتي مثلهه
واكثر ...

خلص الدوام ورجعنه طبيت للبيت ذبيت جنطتي بالغرفه والسبع يصلي بالهول بدلت ورحت غسلت واجيت لگيته
كاعد يسبح هاي التسبيحه مالته حافظتهه بعز المي وقهري ولو مشاكل الدنيا على راسي بس اكولهه يتغير الحال ( كهيعص حم عسق) هاي جان يرددهه على اصابيعه ميه مره وره كل صلاة...

كعد يسبح واني اردد وياه بكلبي من كمل كتله يتقبل
الله ارتجى ليوره وكال منا ومنكم حبيبتي
عقيق.. راح اجيب الغده من عمتي واجي
السبع.. جابته خلته بالطباخ

عقيق..كمت للمطبخ صبيته وجبت الصينيه كتله
يله ناكل
السبع.. ليش مو بالمطبخ
عقيق.. لا على كعدتك مرتاح كعدة الكاع حلوه

اكلنه وشلت الصينيه غسلت المواعين ورحت كعدت
بصفه جان كاعد بالكاع والسجاده مصفطه بصفه
والتلفزيون مفتوح نمت بالكاع وخليت راسي على رجله

السبع.. شبيهه عقيقي اليوم صوتهه ماسمعته
عقيق.. احجيلك وتوعدني ماتضوج
السبع... احجي
عقيق.. كمت اسولفله بالتفصيل وهو ساكت لحدما
كملت واحجيله شكالتلهه فجر..

السبع.. لا اله الا الله امنت بالله عمر الظلم مايدوم
وعمر الحقيقه ماتظل مدفونه لازم يجي يوم وتنكشف
بس اله حكمه بيهه بموتت اهلي اتذكرتهه هاي البنيه
بس مااعرف اسمهه ولا شايفهه

جنت بالشغل ومن طلعت لكيت رجال جبير واكفلي
بالباب بس طلعت لزمني من قميصي كدام العمال
ويغلط ويصيح وايده ترجف اخذته على جهه وهو يصيح
على اساس ازلامي معتدين على بنته

كتله حجي انه ماعندي ازلام انه رجال وحدي لا ابو ولا اخو وعمري ماعينت زلمه وراي وتأمرت على واحد صح
البستان مالتي بس هاي شوفه عينك انه بالشغل صار اسبوع جان شغلي يم جامعه البصره تبليط شارع

كعدت افهم واتعذر وهو يرجف كتله عوفهه وراي
انه اعرفه منو واجيبه جوه رجلك ظليت هواي ادور
ومنو دخل البستان وعرفته جواد الخطفج هذا ايد جبار
اليمين ورباه جبار ومن اروح طلع يجي ويفتر بالقصر

جنهم شايفين الرجال من طالع من يمي مدري لان كمت ادور عليهم والظاهر مهددين الرجال ومن رحتله اريد
اكله عرفت السوه هيج كالو شال ودورت علي ماادري وين كعد وهو اصله فلاح يكعد يم الوادم التحتاج فلاليح
يعني يفتر وره لگمه الاكل بالحلال

وهاي سنين انه مااعرف شي عن الرجال لااعرف بنته
شسمهه ولااعرف مصيره سبحان الله الدنيا صغيره
وشما ادور دائره الظلم لازم توكف وتنكشف وصارن هواي
على جبار ...

عقيق.. اني اعرفك شنو بس هي حالتهه تقهر وتدعي
عليك واني اتخبل من تدعي عليك
السبع.. الدعاء على الحق قابل كل اليدعي يستجاب
اذا انه غلطان حيل بيه استاهل بس والله عانيت
ماعانيت ويه جبار واكدر من يومهه اكتله بس مخافه
الله واكفه بعيني..

كمت من رجله ولزمت وجهه باديه جمره انت الله يحبك
ويكشفلك الامور رغم تروح سنين والاهم من هذا الله
حاميك من شرهم ..

السبع.. خليني اخابر ياسين ونروح لاهل البنيه نفتهم
هيج نذاله وشيطان ماشايف يعني دمرهه وهسه
كافلهه الله يستر صار الظلم منتشر علني

عقيق.. شفته ضاج خليت اصابيعي بشعره وكتله
اني نعسانه دكوم انام شويه
السبع.. كومي يله ماعندج امتحان
عقيق.. لا ماعندي بس تحضير العصر اقره

كمنه للغرفه حضنته وهو يلعب بشعري حسيت بدكات كلبه سريعه شلت راسي شفته صافن بالفراغ وهو منا
مايشوف رفعت نفسي ليفوك وسحبت راسه وخليته
على صدري وحضنته

اخذ نفس عالي قشعر جلدي وظليت اقره ايات
بكلبي وانفخ على راسه من يضوج ذاكرته تتخربط
ظليت على وضعي لحدماغفيت ..

فزيت على صوت الاذان التفتت اشوفه كاعد بالكاع ومدنك راسه ولازمه باثنين اديه كمت بسرعه كعدت كدامه واصيح جمره شبيك دار وجهه عني وكال منو انتي؟؟؟

عرفته صابه فقدان جزئي مااعرف شسوي سحب ايده من عندي ورجع لزم راسه واني كمت افتر بالغرفه
اقره ايات وركضت لزمت السبحه وكمت اسبح بتسبيحه
المعتاد ..

ظليت كاعده بالهول فوك النص ساعه صاح عقيق
كمت اركض كاعد كتله هاحبيبي شتحس؟؟
السبع.. ماادري عقلي مخربط وراسي يوجعني كومي
صيحي جراح ياخذني للمستشفى احس شي يمشي
براسي ..

طلعت اركض واني البس بحجابي فتحت الباب عمه
تسوي عشه احجي والهث كتلهه وين جراح السبع متخربط صعدت فوك صاحته نزل يركض

اخذه للمستشفى واني بالي يمه يمكن ضغطه
مرتفع لحد وره العشه يله رجعوا طالع ضغطه
مرتفع ومنطي علاج انقهر من وره جبار ...

عمه ام جراح سوت شوربه واكل خفيف وكعدنه
اني وياه ناكل كلساع اسأله شلون صرت ويكول
لاتخافين زين ارتفع ضغطي وهسه زين...

هاي الليله خلصت بس ماغمضت عيني اراقب بي
خاف يفز لو يتخربط كمت صليت ركعتين
وادعي الله يحفظه الي...

لبابه.. هاي الايام احس بخنگه موطبيعيه صايره احب
اكعد بره بالهول ابد مااحب الغرفه رغم علاقتنه اني
وجراح زينه بس مامرتاحه ودائما ضايجه..

بده الدوام وكمت اداوم اطلع الصبح ويه جراح
يوصلني والظهر مرات هو يجيني ومرات يدزلي
السايق ماشايفه شي منه متفاهمين بس اني
صايره نحسه وعصبيه على اقل شي...