من حبي لمحمد اتجرأت اتقرب منه سويت فيس جديد وادخلت اله على الخااص واني اعرف بحبه لهديل هاي من ضمن الامور الي حجتها تقى الي استغليت اهم نقطه ضعف اله حبه لهديل واخترعت قصه مشابهه لقصته حتى يرتاح بالحجي وياايه وشوي شوي كدرت اوكعه واخلي يتعلق
لان تقى  متبقي شى متحجي جنت اعرف معلومات كامله عنه شيحب شيكره ودوم ابين اله احنا نفس الصفات ونفس الهوايات لحد موصل مرحله اذا اختفي اكثر من ساعتين ينجن صار تعلق من جانبه يخبل

عشت شهرين ونص ويااه احلى ليالي وسهرات وضحك واذا جان تعبان من تقى انسي التعب مالته جنت اخابر تقى تحجيلي عن يومها كالمعتاد فأعرف بهذا اليوم شكوو والعب بمشاعره واسيطر عليه

گـ❈ٍـْلٍ هذا الي سويته مااعرف شنوو النتيجه مالته وليش هيج اتصرفت بس من حبي وتعلقي بيه تمنيته يكون زوجي
صّـْْ(☑)ـْْحّ هو اكبر مني وميعتبر شاب مثالي بالعكس جان شالع گلبها لتقى بس جذبتني شخصيته اما من تقربت منه شكد جنت احبه صرت اضعاف وخاصه واني احس بشوقه ولهفته سيطرت عليه بالكامل
وهو مسامع صوتي بالتلفون لهذا من حجيت ً ويااه معرفني وهذا الشى طمني وخلاني استمر ويااه مراسله وصوت

وبيوم رحنا لتقى وراسلت محمد وكتله عندي شغله اتأخر بس هو بقى يتصل ويتصل اعرف هو مموجود بالبيت بس من دخل اووف روحي فرفحت عليه شفته صعد وراها بقى يتصل استأذنت من البنات وكمت طلعت من الصاله وجاوبته ومااشوفه غير فوك راسي من صدمتي معرفت شأحجي وحاولت افهمه مفتهم مني

رجعت والدمعه بعيوني حاولت اخفي هذا  الشى عن البنات وكتلهم بابا اجه تعبان متخربط من الدوام لازم اروح
وطلعت ركض واتصل عليه وميجاوب وحظرني شكد تأذيت بوقتها
محمد : من عرفت نهى هي نفسها تبارك تخبلت لو بيدي اكسرها بس لزمت اعصابي مردت اتهور واحد يعرف وحظرتها من گـ❈ٍـْلٍ البرامج وتعبت نفسيتي احس ضحكت عليه بس من كثر متعلقت بيها صارت جزء من يومي عبالك مدمن لازم احجي ويااها لازم اراسلها اعصابي ادمرت وهذا الشى انعكس على شغلي وعلى تقى وكمت اتحجج بكولشي واعيط عليها مو بيدي احس ناقصني شى الوب عليها

حاولت اتقرب من تقى بس بسبب حزنها على مصطفى متقبلت التقرب مرات اكول حقها ابنها ومرات اكول واني ماالي حق الى متى اني هم رجال والي متطلباتي ورغباتي صّـْْ(☑)ـْْحّ الي مات ابني وميت قهر عليه بس من كثر معشت مده مرتاح ويه تبارك كمت مااتحمل الحزن الي كاعد يصير

وزادت مشاكلي ويه تقى وصار ١٠ ايام من عرفت بتبارك وبيوم بليل سهران ومخنوك اريد احجي اشكي احس روحي تطلع

لغيت الحظر وراسلتها
تبارك : كاعده بليل اقره محادثاتنا اني ومحمد جنت ابقي المحادثات اخذلهم صور واحفظهم عندي اكو لحظات حلوه بينا مردتها تروح مني اجاني اشعار منه فز قلبي عليه من الفرح كمت ابجي

نايمه لو كاعده
تبارك : شلوون يجيني نوم وانت بعيد عني
محمد : ليش مكتيلي انتي منو
تبارك : مكدرت مراح تفهمني
محمد : شنوو سبب تصرفج هذا
تبارك : مراح تفهمني اذا كتلك
محمد : احجي اريد افتهم راح اتخبل دماغي راح يطك من التفكير بهذا الموضوع
تبارك : وبديت احجيله عن اعجابي بيه وتعلقي وحبي
محمد اني احبك
محمد : بس اني زوج صديقتج
تبارك : مو بيدي مكدرت اتحكم بمشاعري لو بيدي هذا الشى مجان راسلتك من الاول
محمد : بقيت ساكت ومااعرف شأكول الها اني هم احس روحي تعلقت بيها والي يثبت هذا الشى مجرد ١٠ ايام ابتعدت عنها ردت اتخبل حتى البيت لو بيدي احركه من اعصابي

محمد : وهسه شلون تبارك ميرهم بعد نبقى سوه
تبارك : ليش تغلط روحك محمد حتى لو جنت متعرفني هم جان بقيت ويايه شنوو الي فرق عود لان صديقة تقى هذا مو فد شى لان سواء كنت صديقتها او مو صديقتها انت اتجرأت تتعلق بوحده غيرها

محمد : ومنو يكول تعلقت
تبارك : مراسلتك الي بعد هذا الانقطاع وشوقي الي دااحسه رغم مراسله بينا مو صوت
محمد : اااااه تبارك تعباااان
تبارك : يااعيون تبارك وروحها اني يمك ومااخليك تتعب

محمد : ضعفت كدام كلامها الهادئ والحنين وفوكاها طلعت تحبني وكامت تظهر حبها بشكل علني وتتجرأ بالكلام ويايه واني احب سوالفها ومرت بعدها اياام وليالي ونسيت وضعي بأن اني متزوج ونسيت تقى واهلي احس روحي مقيد بحبها لتبارك

اليوم السنه مال ابني وتقى كالمعتاد كطعت روحها لوبيدها تموت وره مصطفى حقها بس اني كمت مااركز بهذا الموضوع عايفها براحتها
بالعكس كمت مااحاجيها حتى ماادوخ روحي ويااها
مرات احس بتأنيب ضمير اتجاه تقى بس من احجي ويه تبارك انسى كولشي هاي الانسانه سيطرت عليه بالكامل
تقى : صارت السنه مال صوفي واني كأنه اليوم مات كدام عيني عمري ماانسى هذا التاريخ ٣٠/٩/٢٠١٣.
يوم ماطفت شمعه حياتي ونور عيوني اليوم الي دفنت بيه ابني ونفسي وضاعت كل احلامي
فاتت السنه وصار عليه حدود شهرين
اني منتبه على التغير الي صار بمحمد مو غشيمه بس اني اعرف محمد يوميه بوضع لهذا عفته براحته بس الي فاجأني بيوم دخول يااسه عليه للغرفه واني كاعده اصفط الملابس
بنفس الوقت ملابس صوفي يمي

تقى : تعاالي گلبي بيج شى محتاجه شى

ياسمين : اكدر اكعد احجي ويااج شويه

ياسمين : توته الى متى
تقى : شنوو الى متى
ياسمين : الى متى يبقى هذا وضعج. بجي ولابسه اسود وحفافه ماكوو وعبالك ارمله مو وحده مات ابنها
تقى : شفتي شگلتي وحده مات ابنها انتم ليش تحسسوني دافنه بزونه لو لعابه او عصفور ربيته ومات ياناس هذا ابني وحيدي ماعندي غيره يوم يوم انتظره يكبر واشوفه احلى الشباب مصطفى حسيته الجوهره الي الله انطاها الي مقابل تعبي وظلمي بالحياه وراحت مني شبيكم حسووو اني ام وگلبي مفجوع على ابني

ياسمين : والله عاذرتج ومقدره وضعج بس لتنسين انتي وراج رجال والرياجيل مو مثل النسوان يصبرون ويتحملون وبنات الحرام هوايه تقى حافظي على بيتج ورجلج
تقى : فرت دماغي من كالت هذا الحجي يااسه
شنوو قصدج صاير شى
ياسمين : مصاير بس انتي اختي والله شاهد متعرفين شكد احبج من اول يوم شفتج بيه حبيتج رغم شكد جنت اكره اختج بس انتي من اول لحظه دخلتي گلبي واعتبرتج الاخت الي مجابتها امي الي لهذا مصلحتج هي مصلحتي وصح محمد اخويه بس انتي هم حبيبتي واختي ومااريد بيوم تتندمين وتخسرين محمد

تقى : شوفي ياسه اذا اكو احد يعرفج ويقراج بالمضبوط فهو اني واعرف ميطلع منج حجي اذا مو اكو شى وراه وكلامج هذا وراه هي جبير كولش

ياسمين : ماكوو لا جبير ولا صغير بس لان احبج اجيت انبهج لازم ترجعين توته
وترجع ضحكتج وكاحتج وحيويتج

تقى : تتوقعين اكدر
ياسمين : انت البطله الي وكفت بوجهه الزلم ومشت كلمتها تريدين هيج شى بسيط متسوي ارجعي لحياتج وان شاء الله يبرد گلبج رب العالمين ويرزقج بطفل ثاني مااكولج يعوضج عن الي راح لان صوفي بگلبنا ومراح يجي مثل طفل بس اقلها تترتب حياتج
تقى : الله كريم تسلمين حبيبتي
مردت اضغط عليها اعرف اكو شى وشكوكي بدت تظهر الها علامات ودلائل معناه ياسه شايفه او سامعه شى ولازم اتأكد بنفسي

وراها رحت عدلت نفسي ونزعت الاسود وگلت لازم ارجع لرجلي اني احبه لمحمد وعلى كوله ياسه بنات الحرام هوايه ومااريد اخسر بيتي وزوجي
محمد : دخلت للغرفه شفت تقى نازعه الاسود ولابسه دشداشه ملونه والمكياج خفيف وطالعه كوولش حلووه ومغريه اني نفسي تفاجأت بيها
انتي منووو
تقى : هههههههه حبيبتك
محمد : بست راسها الحمدلله على سلامتج ويارب اخر الاحزان تصيب گلبج حبيبتي
تقى : تسلملي حمودي
محمد : حيييل صار شكد مسامعها
تقى : حطيت ايدي حول رگبته
وراح تسمعها من اليوووم
محمد : تقربت داابوسها وجان يهتز التلفون هاي الرنه مخصصها لتبارك رجفت وابتعدت عن تقى
تقى : بيك شى گلبي ومن راسلك
محمد : هاااااا لا هذا ولد صديقي عنده مكتبه يمي واريد اكملها وخبصني

تقى : حاولت اهدأ نفسي واسوي الموضوع عادي بس شكل محمد وتوتره زاد قلقي وشكوكي

وبليلتها تقرب مني محمد ماانكر حسيت بشوقه ولهفته بس ليش عندي احساس اكو شى مضموم عليه حاولت اتعوذ من الشيطان مكدرت وساعه ٤ الصبح فتحت عيوني ادور على محمد يمي ماكوو

مشيت على كيفي مصحت حتى ليحس ردت اعرف شديصير ونزلت للصاله الباب مسدود والكل نايم وسمعته يسولف بالتلفون
محمد : يااعيني لتبجين فدوه اروحلج مو كتلج مو بيدي هي هم زوجتي ولازم اتقرب منها هذا حقها لتزعلين لخاطري مو تعرفين بيه احبج ليش بعد هذا البجي والانهيار

تقى : هنا اني مكعد استوعب الي كاعد اسمعه ردت اتنفس فجأه عيوني غوشت بس لازم اهدا وبديت اقرا ايات وصعدت ركض لغرفتي حتى ليشوفني وجسمي كله يرجف واقرا ايات وادعي وتذكرت وضعي من جنت صغيره من اختل جوه البطانيه والخوف يتملكني اخاف قاسم يغتصبني نفس الرجفه بس الفرق هسه دااحس محمد هم ديغتصبني بس مو جسدياً نفسياً ديدمر اخر  خيط مشاعر  من انسانه اخذت الدنيا منها اكثر مما انطتها

وراها بساعه صعد وسويت نفسي نايمه وثاني يوم نزلت واني مدااتحمل ارجف صاحتني خالتي
تعاالي حبيبة شبيج وجهج اصفر يمه نوديج للدكتور

لا خاله مابيه شى تعب بسيط ويروح ونمت بحضنها جنت محتاجه ام اكثر وقت تحتاجه البنيه لاامها من تحس الدنيا كلها ضدها وتحس نفسها لا حول ولا قوه وقليلة الحيله ومتعرف تتصرف واني اليوم اريد امي اريد اشكيلها واحجيلها  بس ماعندي ام

ظليت اليوم كله بس افتر داخل البيت ومدااركز منوش حاولت تعرف شبيه مكدرت خطيه حبابه وتحس بالواحد وخدومه بس موضوع الاطفال متعبها ودووم ادعيلها بالرزق اقلها حتى بس هي ترتاح

واجه محمد الظهر من الشغل ودخل للحمام يسبح وجانت هاي فرصتي دورت بالتلفون مالته ادور ادور مالكيت شى لا مكالمات ولا رسائل شمرته بس انداريت اجتي رساله مكتوب بيها
طمني حبيبي وصلت لو لا
رجفت وسحبت التلفون لكيته مكتوب بأسم
حسن البنچرچي اخذت الرقم وشمرت التلفون حتى ليحس
واني الوب اريده بس يتغدا ويطلع حتى افتهم هاي منوو وشتريد من رجلي
صبيت الغدا وكعدنا كلنا على سفره وحده اريد اكل مدااكدر اصلاً حتى بوجهه مدااكدر اباوع

بدل وطلع ومباشره خزنت الرقم بالتلفون وجان انصدم يطلعلي اسم تبوكه شنووو
رقم تبارك
كعدت بالكاااع اريد اشوف زين شنوو هذا الي كاعد يصير وشعدها ويه محمد مستحيل كله ولا تبارك هاي اختي واعز مستحيل تطعني بظهري

ضليت ابجي بخنكه ومااعرف شلون اتصرف اخااف غلطانه لحد هاي اللحظه من صدمتي دانطيها اعذار

طبيت سبحت بمي بارد والجو شتا

ردت بس اطفي النار الي بيه يعني يصير هيج زوجي وصديقتي

سكتت يومين واني النار شابه بگلبي وبليل سويت نفسي نايمه وهو كاام من يمي كالمعتاد يحجي ويااها

وره ربع ساعه نزلت وهو متمدد على التخم ويحجي بهدوء ويبتسم ومنطلق جان اسحب التلفون من ايده
واسمعها تكوله

اوويلي محمد حجيك يموتني لو تعرف شكد احبك وشكد اعشقك
لهاي الدرجه انتي منحطه وسافله
تبارك : تقى
تقى : اي الغبيه تقى الثوله تقى
محمد : (بعياط قوي ) جيبي التلفون
تقى : واني ماسكته بأيدي ويحاول يجره مني
شكد شايفه سافلات بس مثلج ماكوو
وسحب التلفون مني محمد وضربني راشدي قويه وكعت بالكاع على العياط طلع رعد وامنيه وياسه وخالتي يركضون
رعد : شكوو محمد فهمونا
محمد : مالكم علاقه رجعوا لغرفكم وانتي تعالي فوك اني اعلمج
تقى : دفعته عني لتلمسني ايااك وعليش فووك ذوله اهلك مو غربه خلي يجون يشوفون اخوهم قدوتهم شديسوي ساعه ٤ الا ربع الفجر

ام محمد: شبيكم اسم الله الرحمن يمه الفجر وتتعاركون شجاكم
تقى : تعاالي خاله شوفي ابنج المؤمن الي يخاف الله العاقل الي الدنيا تحلف بأخلاقه ورزانته شكعد يسوي

ام محمد: غير يفهمونا شكعد يصير
تقى : اني افهمج خاله ابنج الجبير الخير
مصادق على مرته
ام محمد: عزه العزاك صدووك
رعد : مستحيل توته اكيد متوهمه
تقى : لا والاحلى منو مصادق صديقتي تبارك
شفتوا السعاده الي اني بيها
رعد : احجي محمد صدوك الحجي الي كاعد تكوله تقى لو غيرت نسوان

ام محمد: ولك احجي لتخبلني
محمد : اي حجيها صّـْْ(☑)ـْْحّ واحبها

تقى : صفنت بوجه وسكتت جنت منهاره واعيط سكتت وحجيت بصوت ناصي
تحبهاااااااا
محمد : اي احبها وكدام الكل وداابلغكم راح اتقدم الها واخطبها
رعد : لا اكيد تخبلت
محمد : احترم نفسك لتنسى اني اخوك الجبير
ام محمد: ولك اخاف انت النسيت يلجبير
منو هاي الي تخطبها تريد تتزوج على تقى اكيد انت مو صاحي ولك عندك مريه تسوه راسها وراس عشيرتها وجايبلي هاي الزبل تدخل بيتي

محمد : يمه من الاخير اني هاي البنيه احبها واريدها وراح اتزوجها

رعد : وتقى
محمد : شكوو عليها تبقى هنا معززه مكرمه محد يلمس شعرايه منها

تقى : اني صافنه وساكته على حجيهم
شنوو ابقى هنا  لا بالله
محمد : لعد وين تروحين ترجعين لحسين ونصر حتى يلعبون طوبه بيج

مالك علاقه بيه وين مااروح اروح
محمد : شحدج اطلعين لباب البيت رجلج اكسرها
أمنيه : تهدوا بالرحمن ابو مصطفى كوول ياالله انت كعد تحجي من عصبيتك اكيد من تهدا راح يتغير كلامك
محمد : لا ميتغير وهذا مو حجي اني قررت اتزوج تبارك واذا متريدوها تعيش هنا أجر الها مشتمل وهي هناك وتقى هنا
تقى : ماابقى لو السما تنطبك على الكااع لو مو انت لحظه وحده ماابقى

محمد : تبقين وغصب عنج وخلي اشوف يامره تمشي كلامها عليه والي خلقج العب بيج طوبه اعيشج بجحيم واطيح حظج بس تطلعين بره البيت

تقى : ماعاش ولا كان الي يلعب طوبه بيه
كمت وكفت بوجهه وكتله وبقوه وبدون ولا دمعه

اني تقى الي عمري ١٣ سنه وضربت الي متربيه ويايه سجينه حتى ميلمس شعره مني 
اني تقى الي  عـُـّــٓمُـرَي  ١٨ سنه وكفت بوجه اخوتي ومنطيت ورثي اله بمزاجي

اني تقى الي عمري ٢٠ سنه اشتغل والم واصرف على بيت بيه اربع نفرات وتكفلت بعيشتهم ومشتكيت وشلتهم على راسي

اني تقى الي عمري ٢١ سنه تحملت فقدان زوجي وكفت على حيلي وصحت كدام الكل رجلي عايش وانتظره

اني تقى الي عمري ٢٢ سنه وكفت بوجهه اخويه حسين والي اعتبره اكثر انسان قاسي ومجرم واستغليت استاذ جامعي وخليته يكمل گـ❈ٍـْلٍ معاملتي وكفت بوجهم وكتلهم اتزوجت حمااي في سبيل احافظ على نفسي ومااخلي بشر يلمسني لخاطر رجلي من يرجع من شدته يفتخر بيه ولخاطر ابني ميتربى بعيد عن اهل ابوه
اني تقى الي عمري ٢٥ سنه الي مات ابني بحضني ودفنته بأيدي   وعشت سنه كامله على ريحته وذكراه ورغم كل الي اني بيه كمت وعدلت نفسي لخاطرك ونزعت ثوب الحزن الي لو البسه العمر كله قليل على حظي وعلى الي صار بيه وعشت وعيشت عائله وتحملت ضيم وقهر وجوع وكسرت نفس واهمال من انسان اناني مثلك

وبعد گـ❈ٍـْلٍ هذا تريدني ابقى يمك وغصب عني لعد متعرفني بعدك
مو تقى الي تبقى وتعيش ذليله
اذا عشت وبقيت هاي السنين كلها لأجل شى واحد وهو حبك الي بگلبي واليوم وكدام الكل حبك هنا صار واشر على رجلي
شفت هيج ادوسه الي يدوسني ويدوس كرامتي

ومااحس غير يجر شعري وسحل للغرفه وكلها تحااول توخره مني ماكوو
دخل وسد باب الغرفه وقفلها

محمد : شوفي الج تجرين عدل وباجر رايح اخطب تبارك حسج مااسمعه افتهمتي

تقى : وحق الي انزل الحق يامحمد اله اندمك على گـ❈ٍـْلٍ لحظه عيشتني بيها بظلم وقهر وجازيت تعبي بغدر

محمد : شسوين سوي طلعه من البيت ماكو وحسج مااسمعه
محمد : مااعرف احساسي شنوو اني بين نارين منا تبارك وتعلقي بيها ومنا تقى ودااحس روحي دااخسرها

ليش احس روحي اثنينهم اريدهم بس شلون اجمعهم بعد گـ❈ٍـْلٍ الي صار

وبقيت يومين بلبيت اخاف هاي الخبله تسوي شى بس هي وين تروح اخوتها ومتبرين منها واهل وماعدها اكيد كم يوم وتهدا وتتقبل الموضوع

خابرت تبارك وفهمتها الوضع ورحت اتقدمت الها بالبدايه اهلها رفضوا لان اعتبروا زواج غير متكافئ من گـ❈ٍـْلٍ النواحي

وهي ضغطت على اهلها وعاندتهم وقبلوا گـ❈ٍـْلٍ هاي الاحداث خلال اسبوع واحد بس

اهلي ولا واحد راح ويايه من خطبتها رحت اخذت ابن عم ابويه وخالي وعباس صاحبي وكم شيخ ورحت كطعت حقها

لاامها ولا ابوها راضين بس يعرفون بتبارك اذا رادت شى تسوي لو الدنيا تنگلب واخذتها وكطعت مهرها

تبارك : ممصدكه واخيراً صرت الك
محمد : اي گلبي واخيراً

تبارك : محمد اني خايفه من تقى شلون راح تكون ردت فعلتها
محمد : كم يوم وتتقبل الوضع المهم تحمليها گلبي خليج انتي العاقله لخاطري
تبارك : تدلل المهم ترضى عني
محمد : راضي عنج گلبي
تبارك : حبي رجعني للبيت لان نسرين اتصلت تريد تجي تباركلي
محمد : ادللي وسلميلي عليها

تبارك : يوصل
وصلت للبيت بعد مرجعنا من المحكمه
وراها بنص ساعه اجتني نسرين
هلوو قلبي
نسرين : تدرين عاجبني محمد انيالج عليه صدووك جنتل اريد اراسله واسلم عليه يجوز ينعجب بيه
تبارك : شنوو هذا الحجي نسرين مو عيب
لتنسين هذا صار زوجي

نسرين : لعد انتي ليش نسيتي هو زوج تقى مستحيتي على نفسج من ركضتي وره رجال متزوج وياريت اي رجال زوج صديقتج
انتي شنوو لهاي الدرجه ماعندج اخلاق
مسويتلي نفسج الشريفة العفيفه العاقله والرزنه الي تنصح تقى وتحاول تعمر بيتها اثاري تعمرين من فوك وبنفس الوقت بيدج فااس تهدمين اساسه

تبارك : مااسمحلج تكملين وتفضلي اطلعي بره
نسرين : اني الي ميشرفني ابقى بهيج بيت وصخ معرف يربي بنته صدووك ولو كالوها ياما تحت السواهي دواهي

وانتي مو بس داهيه انتي طلعتي ًحٌٓــيه
وحيه مسمومه افتريتي على زوج صديقتج ا
صديقتج الي مأمنه بيج وتحجيلج اسرارها وتريدج عون الها طلعتي اتعس من فرعون روحي الله لايوفقج لادنيا ولا اخره

تبارك : حجي نسرين دمرني وبقيت ابجي ليش مكعد يفتهموني اني احبه حبيته مو بيدي

تقى : راح خطب وكمل كولشي واني هادئه وكوولشي مسويت وياسه وامنيه متركوني حتى كاموا ينامون يمي يوميه وحده عبالهم انتحر لو اسوي بروحي شى

وخلال اسبوعين هي خطوبه وهوو زواج وقرر يتزوج واجر الها مشتمل بعد ٤ بيوت عنا البيت كله محد يحجي ويااه لارعد ولا خالتي ولا ياسه الكل مقاطعه واني ساكته

دخلت قفلت الغرفه اتذكرت الذهب طلعته من اليوم الي اخذته وهو مضموم حتى محمد مكتله عليه كلت للزمن لاابني اله كوولشي يصير بس اخر مكنت اتوقعه احتاجه لنفسي

اووف يايمه جنج حااسه الزمن مراح يعوفني بحالي ولا ينصفني حضرت كم قطعه من الملابس والذهب والمستمسكات كلها اخذتها مبقيت شى ورتبت جنطه صغيره

مستحيل اعيش بالذل لو اموت

ونزلت قبلها جوه وهو جان كاعد يشرب جاي وحده وصحت الكل
وكلها اجتي
محمد : شرايده مو خبصتي الدنيا هاي الكل يمج شكوو
تقى : طلكني محمد
محمد : مااطلك
تقى : كدام الكل دااكولك طلكني
محمد : شوفي لو تركعين راسج بكل هاي الحياطين الي يمج طلاك ماكو
تبقين هنا حالج حال الچلب شوكنت مااحن عليج اجيج اكمل زواجي وراها بمده اعدل بينجن واي حس مااسمع منج وحتى منها

رعد : محمد لتحجي هيج ويااها انت نسيت تقى هاي ام ابنك
تقى : جنت ام ابنه شوو ابنه ومات واني انتهيت من حيااته على شنوو بعد ام ابنه

ام محمد: يامحمد گلبي غضبان عليك ليوم الدين
محمد : اهووووو هم رجعنا اني مسويت شى حرام هذا حقي اتزوج مكان الوحده اربعه مخالف شرع الله
تقى : وين شرع الله الي تحجي عليه وانت ادمرني وتجبرني اعيش ويااك

وين شرع الله من مات ابنك ومتحملت سنه وحده احزن عليه وهو ابنك مو غريب متحملت ورحت صادقت وخطبت صديقتي
انت متعرف من شرع الله بس الي يصرف الك اما الباقي كله كلاوووات

انت تحلل الي يعجبك ربك مايرضى بالظلم محمد حط الله بين عيونك لتطغى
ربك منتقم واني مظلومه وانظلمت ويااك وحوبه المظلوم متروح
محمد : من الاخير طلاك ماكو وانجبي واصعدي فوك ولدوخيني
تقى : الي عليه سويته

وصعدت ومر اليوم عياط وصياح بين خاله ومحمد ورعد ويحاولون يرجعوه عن قراره مااكو قافل

من يوم المشكله وهو يناام بالصاله
ونمت وثاني يوم من الصبح ساعه ٧ الصبح نزلت على كيف اخذت جنطتي وكلت لحظه وحده ماابقى بهذا المهجوم لو امووت

طلعت وافتح الباب وشفت صار بوجهي

مدري احچي عليمن مدري اعاتب من
تعرض الف دمعه بعيني بس اصــفن
ياهو الباعنه وياهوه شـــتره متيهين
نبعنه ابيش وشگد وشوكت والــمن
ما ندري ! المهم . تاليه خوش نموت
هم اسنين ذني وعمر ينحــــــسبن
احله ايام راحت من هذاك الــــــهاذ
وسوالف ضحكنه من الدمع عـــتگن
ملينه بــــــعد ما بينه حيل نعــــيش
يگولون المگابر من وضعنه احــــسن

يتبع ....

اعذروني على تأخير نشر البارت لظروف خارج عن ارادتي وانتظروني غداً الساعه ١١ مساءاً لنشر البارت الاخير من قصة للذكريات رأي آخر
تحياتي لًلًـّــ💎ــجٌٓمٍَُٓيِّعَْٓ

للذكريات رأي آخر
للكاتبة Reem

البارت الاخير

حبهم اشويه اشويه لا تتوازه
هو الگلب شيلجمه غير #_اعزازه

انخل دربهم واشتل عيونك بي
يابيت نام وبي تبات #_اجنازه

كافي انت بس تنعاف خل ينعافون
لشوكت تبقى بلا هلا #_تجازه

اكرص الينبض بالصدر واكعد شيخ
كافيك تركض للوكع #_عكازه

تقى : طول الاسبوعين الي فاتت واني اشوف محمد يحضر لزواجه من تبارك واهله مشاكل وعركات ويااه هذا كله مراح يقدم ولا يأخر شى الي سواه كسرني ودمرني

طول الاسبوعين واني هادئه والكل خايف عليه لا اسوي شى بروحي محد يعرف تقى وداخلها الهدوء الخارجي عكسه بركان بگلبي وحايره

اني صّـْْ(☑)ـْْحّ عندي ذهب امي اذا بعته يجيبلي مبلغ لا بأس بيه اكدر اوكف على رجلي بس محد راح يرحمني اني بنيه شابه منو راح يتركني بحالي اذا انهزمت من البيت اكيد اشكال الكلام والاشاعات راح تنذب عليه واولها عدها واحد وانهزمت ويااه حتى لو الكل يعرف اخلاقي لازم يبررون لنفسهم وللناس سبب اختفائي وشراح يكولون الناس راح تكول العكس ويطعنون بشرفي
صفنت المن اروح قابل اروح لااخوتي
حسين اول مراحل اروحله راح يسحلني من شعري ويرجعني لمحمد حتى ينتقم مني لان هو حاقد كولش عليه وماكو احسن من هاي الفرصه حتى يستغلها ويردلي الي سويته قبل كم سنه من وكفت بوجهه كدام الكل وطلعت من البيت وتزوجت رعد لهذا راح يرجعني حتى انذل وهذا يعتبر بالنسبه اله احسن انتقام ويشفي غليله مني

لو نصر الي رجل دجاجه ميعرف يحل هو والماكو سوه حتى مكلف نفسه يسأل عليه حتى بوفاة صوفي لا هو ولا حسين اجوي من وفاة حمديه واني كولشي مااعرف عنهم
يعني اخ بس بالاسم

بقيت اياام وليالي التفكير اگلني اني مال ابقى هنا وبهذا الوضع مستحيل واذا انهزم وين اروح منو يلفيني ماعندي احد صح عندي الذهب واكدر كولشي اسوي بس محد راح يرحم وجودي وحدي او اعيش وحدي حتى مااكدر أجر مشتمل او شقه واكعد راح اصير مطمع للرايح والجاي
ياارب دبرني صرت قليله الحيله وانت حسبي وميعيني اعني على بلائي ياارب

وبعد الاسبوعين وتحدد عرس الاستاذ واني راسي راح يطك اتذكرت ماكو غيره احاول افهمه بلكت يساعدني واذا مفهم اشوفلي غير حل
وبيوم استغليت الكل ملتهي والظهر الي دياكل والي نايم اخذت التلفون
واتصلت عليه يدك ومحد يشيله مره مرتين بالثالثه ايست جان يرفعه

أُلؤْؤٌ📞ؤًِّؤٌٍٓ
هلووو بابا شلونك
محمود : تقى
تقى : زين تتذكر اسمي بعدك
محمود : شلون انسى بنتي
تقى : بنتك لا اني لو بنتك مجان نسيتني ودرت وجهك ورحت وصار سنين كولشي مااعرف عنك من يوم وفاة ماما هبه
حتى مكلفت مره تتصل
محمود : شأتصل وبيا وجهه اباوع عليج واني ظلمتج
تقى : بابا شبيك وضعك مو طبيعي شصاير حتى صوتك تعبان

محمود : اووف يابنيتي لو تدرين شصار بيه بس خليني اطمن عليج بالاول عوفج مني
تقى : شصار بابا لتخبلني

محمود : احجيلي انتي بالاول شخبارك وسمعت صار عندج ولد
تقى : اااااه يا بابا لو تعرف شصار بحالي والزمن شلون لعب بيه
محمود : قلقتيني شبيج صاير شى
وحجيتله شى مختصر كولش بس في سبيل افهمه عسى ولعل يساعدني

محمود : تعاالي يمي بنتي وعوفي كولشي
تقى : يااريت والله بس الله وانت هسه عندي ومااعرف وين اروح ساعدني اقلها بس هاي الفتره بس ماارتب اموري واحاول استقر بمكان محد يعرفني بيه

محمود : شكد انتي محتاجتني اني اكثر بنيتي
تقى : بس المشكله بابا بقاسم مراح يجوز مني واحتمال يخبث عليه شتدري بيه

محمود : لتجيبيلي طاري هذا السكط العار الله لايوفقه لا دنيا ولا اخره

تقى : خير شمسوي المعزه
محمود : من اشوفج احجيلج بنيتي المهم انت شمقرره هسه
تقى : اجي يمك اذا تسمحلي
محمود : بيتج هذا واشيلج على راسي
تقى : سالم راسك يابه الله يحفظك
محمود : شوكت تجين اوو اجيج اني احسن
تقى : فديومين اتصل بيك وتعاال اخذني بس اطلع بدون محد يعرف مااريد مشاكل هذا محمد خبل واخاف يسويلي مصيبه وميخليني اطلع

محمود : انتظر تلفونج والوقت الي تريدي
وبعدها بيومين اتصلت بليل بابا محمود واجاني من الصبح

نزلت على كيف اخذت جنطتي وكلت لحظه وحده ماابقى بهذا المهجوم لو امووت

طلعت وافتح الباب وشفت صار بوجهي
محمود : هااا باباتي بشري جبتي غراضج كلهم
تقى : جبت المهمات الباقي مااريده يله فدووه قبل ليطلع احد ويشوفنا

وطلعنا للديالى لبيت ااااااه من هذا البيت شفت اشكال بيه ودخلت اول مدخلت اشتميت بيه ريحه الحنينه ريحت امي هبه وبقيت ابجي

محمود : فددوه بنيتي تره صحتي على كدي لتبجين حتى مااتعب
تقى : تعاال اكعد وفهمني شنوو الي صار وشبيه قااسم
محمود : بعد ماماتت هبه حسيت بفراغ وحياتي صارت بارده حاولت اشغل نفسي ومنجحت
وبيوم اجاني قاسم وعرض عليه مشروع وگلي نسوي مكتب وانت تكعد العصر بيه لان الصبح دوام
كيفت كلت اشغل نفسي احسن ماحياطين البيت تاكلني

واجه وقعني على وكاله مني حتى يمشي بالمعاملات مال المشروع واني وقعت بدون حتى مااراجع وراه لان اعتبره ابني وسندي ومستحيل بيوم ايدك الناقصه بيه
وراها راح يكمل المعاملات كلي يومين اروح للشمال اكمل عقد المشروع ويه شركه كرديه وارجع
ودعته والروحه روحه بالبدايه اكلني گلبي عليه ابني واختفى انتظر وماكو واليوم صار اسبوع واني اتصل والتلفون مغلق
بعدها اندك الباب عليه ومااشوف غير ناس جايه تاخذ سيارتي اني تخبلت وكمت اعيط على اي اساس طلع الاستاذ بايعها

تقى : عزه الي عزاك قااسم ايا نذل شلون باعها العالم تشتري سياره بدون متشوفها

محمود : لا مو هو قبل ليسافر اخذله يومين يطلع بيها طلع مشوفها الهم وبايعها وطالب منهم مهله حتى يستلموها مقابل منزل الهم كم ورقه والعاالم رضت عادي ينتظرون اسبوع المهم نزل من سعرها
تقى : من يومه وهو سافل
محمود : ياريت على السياره وبس
بايع گـ❈ٍـْلٍ ممتلكاتي قطعتين ارض ومحلات الي باب الشيخ الي بغداد والمشتمل الي بالحريه ممبقي على حالي حتى الفلوس الي بالمصرف ساحبهم

تقى : يمه صدووك تحجي
محمود : اي والله يابنتي بس هذا البيت سلم من ايده
تقى : الوكاله عاامه مووو وشلون سلم هذا البيت
محمود : اي الوكاله عامه نقل كلشي بأسمه
والبيت سلم منه لان مو بأسمي
تقى : بأسم منو لعد البيت
محمود : بأسم خالتج ومن ماتت المفروض اني وريثها رحت للعقار اكتشفت البيت مسجلته نص بأسمي ونص بأسمج
تقى : شنوو بأسمي
محمود : اي نص بأسمج جانت الله يرحمها دووم تكون تقى مظلومه واريد أمن مستقبلها بس متوقعت تسوي شى بدون علمي دومها خلصت حياتها متتحرك اله بأذني لااول مره تتصرف بدون علمي وتضم عليه لحد ماماتت
تقى : كمت ابجي اووف يايمه تحسين بيه صدوك الام الي تربي مو تخلف

محمود : وقاسم عرف بهذا الشى انتي منتبهتي على البيت من بره
تقى : لا منتبهت جنت تعبانه من الطريق بس ردت ادخل
محمود : من ضمن الاملاك الي باعهم قاسم حصتي بالبيت واخذوا نص البيت قسموه

تقى : كمت واباوع على البيت شلون مركزت زين صدوك هذا الحايط ماكووو
محمود : وبقت حصتج بس
لهذا يوم متصلتي ترددت اجاوبج جنت متوقع علمود البيت عرفتي وجاي تاخذي واطرديني
تقى : ليش انت تعرف رقمي

محمود : اي اعرفه قبل كم شهر شفت نصر باب الشرجي نزلت لبغداد عندي شغلات اشتريهم وشفته واخذت منه الرقم ردت اتصل ترددت وخاصه اني هسه عايش على الراتب وصار مده اجمع الفلس على الفلس حتى اشتري هاي السياره لان تعرفين مااكدر بدون سياره ومن اتصلتي كلت اكيد على البيت وراح تطردني بس بالاخير جاوبت وكلت هذا حقها مكافي عفتها وطول هاي السنين ظلمتها وفضلت الحقير قاسم عليها
تقى : بست ايده وراسه ماعاش ولا كان الي يطردك هذا بيتك ومن باجر نروح للعقاري نحول النص هذا بإسمك هو ٢٠٠ متر بقى ١٠٠ واخذوا ١٠٠
محمود : اي
تقى : احول الك هذا الجزء بأسمك وتبقى معزز ومكرم بيتك واني خطار عندك

محمود : بست راسها والله ربت هبه والنعم مما ربت جنت دووم اكول الولد حزام ظهري طلعتي انتي سندي وحزامي والله غلطت بحقج بنتي سامحيني
تقى : اكو بنيه تزعل من ابوها مو بس ماما هبه ربت انت هم ربيت وتعبت وكبرت وتصرف وتخاف عليه ماانسى من اجيت يمي وشجعتني يوم مضربت قااسم وخليتني اصير قويه انت السبب بابا خليتني اصير مره قويه وسباعيه
بس غلطت بشى
محمود : شنوو هوو بنتي
تقى : لو ضاربه السجينه بگلبه لقاسم جان خلصنه منه حرامات فلت منها يله من اشوفه اضربه
محمود : ههههههه والله عليج سوالف
تقى : نزلت كعدت كباله انت ابويه والله شاهد شكد احبك
محمود : وانتي بنتي والله بس البيت خلي بأسمج ماكو فرق بينا احنا كاعدين سوه المهم نخلص من شغله محمد وراها نشوف شلون انرتب حياتنا

محمد : كعدت الصبح ردت ملابس من الغرفه صعدت هاي تقفل الباب بليل حتى لاانام يمها دكيت الباب محد جاوب
دكيت مره ثانيه ماكو رد فتحت الباب الغرفه مابيها احد كلت اطب اخذ ملابس واطلع لان اكيده لو بالحمام لو يم ياسه عندي كومه شغل خلي استعجل

تقى : ان شاء إٱللـِْﷻـِْﮭﮧ
محمد : كعدت الصبح ردت ملابس من الغرفه صعدت هاي تقفل الباب بليل حتى لاانام يمها دكيت الباب محد جاوب
دكيت مره ثانيه ماكو رد فتحت الباب الغرفه مابيها احد كلت اطب اخذ ملابس واطلع لان اكيده لو بالحمام لو يم ياسه عندي كومه شغل خلي استعجل

اخذت وشفت الباب مال كنتوري مفتوح
فتحته عندي صندوك احط بيه مستمسكاتنا لكيته مگلوب واكو اوراق ماكوو
باوعت زين شنوو السالفه صحت تقى تقى ماكو جواب
نزلت بالبيت ادور ماكو دخلت لياسه نايمه وحدها دخلت لاامي كاعده تقرا قران وحدها تخبلت بالبيت كله ماكوو لابقيت حمام مطبخ دكيت على رعد وامنيه بابهم طلعلي رعد وكاال مو يمنا هنا ركضت للغرفه فتحت كنتورها بيه ملابس بس مو كلهم اكو صوره تحبها هي حاطتها على الجربايه هي وصًوفي ماكوو تخبلت وكمت اعيط

ولكم تعالوو الحكووووو
رعد : خير ياستار شبيك تعيط
ام محمد: هااا يمه
محمد : تقى انهزمت
الكل تفاجأ واني عقل مظل بيه وين راحت وهي ماعدها احد حتى اخوتها متحجي ويااهم بس خلي الزمج اله اكتلج خلاص

وبقيت ادور عليها ورحت لبيت حسين دكيت الباب

حسين : محمد شجابك
محمد : كلمه وحده وماعندي غيرها ويااك رجع تقى
حسين : شبيك تخبلت تقى مو يمك
محمد : لتخبلني يعني مااجتي عليكم
حسين : ولا اعرف عنها اي شى يوم ما ماتت امي واعتبرتها ماتت وياها
ولك وين راحت هااي
محمد : ماادري حسين راح اتخبل مبقيت مكان مدورت بيها عليه
حسين : شنوو الي صار فهمني

محمد : شفهمك صارت مشاكل بينا وهي اخذي غراضج واطلعي من البيت
حسين : شنوو نوع المشاكل
محمد : مو مهم هسه المهم ارجعها تعبت من الصبح لهسه ادور عليها ولك هاي اختك كسرت وجهي وهجت من البيت

حسين : لتكول اختك اني مالي علاقه بيها يوم موكفت بوجهي
محمد : اني صوجي اصلاً اجيت عليك هي صدوك مخبله اذا رجعتلك واكيد تقى مو مخبله بس اني الي مخبل الي اجيت واتوقعتها هنا

حسين : اوووكف تعاال وين رايح ادور عليها
محمد : مااعرف هي ماعدها احد ومبقيت مكان مدورت
حسين : خلي نفتر اني ويااك على صديقاتها او اي احد عنده اتصال بيها

محمد : بقيت يوميه مثل المخبل ادور عليها صدووك حسيت بخوف عليها اعرف بيها سباعيه بس الدنيا مو امان واخاف يخطفوها او يسون شى

حسين : بس لو افتهم هاي الگلبه وين راحت دومها متمرده وجم مره اكتلها ومتوب وكحه وصلفه هيج وحده بالحزام اضربها واربيها
محمد : شنوو حيوانه هي شبيك تخبلت
حسين : لعد زين هذا وضعك متسكت هاي اذا ملكيناها راح تصير علج بحلك المنطقه اووف يايمه خلفتي علل مو بنات يوميه وحده مسويه كارثه

محمد : خابرت تبارك وكتلها انأجل الزواج
تبارك : وليش عيني شنوو الي صار
محمد : تقى عافت البيت وكلشي منعرف عنها
تبارك : هذا فلم هي مسويته حتى تقلقكم
والعرس اعناد بيها يمشي وبدون تأجيل
محمد : تبارك مااريد عناد كتلج اني هسه بوضع مو مال زواج اخاف صار بيها شى غير اعرف وينها

تبارك : قابل تنتحر صدكني اني مره مثلها واعرفها التقى زين گـ❈ٍـْلٍ هذا الي سوته فلم حتى تنجح بتأخير الزواج

محمد : كتلج ماكو زواج لحد ماالكاها
تبارك : مااشي براحتك وسديت التلفون واني صايره نار
محمد : صار ٥ ايام اندور رعد بصفحه واني بصفحه وحتى نصر وحسين هم الكل يدور عليها وماكو اتهسترت اعصابنا

بعدين اتذكرت وركضت على يااسه اكيد تعرف
تعاالي ياسمين
ياسمين : نعم
تقى وين
ياسمين : شمدريني
محمد : شوفي اني عمري ممديت ايدي عليج من انتي وصغيره لحد هسه لتخليني امد ايدي واكسرج عضمه عضمه فهميني وينها
ياسمين : كتلك مااعرف
ولزم شعري شووفي لج ماتكولين مااعرف مستحيل انتم صديقات وكلشي متضم عليج وحتى لو ضمت اكيد انتي تعرفين مكانها
ياسمين : اااخ عوفني محمد كاعد تأذيني
ام محمد: يمه عوفها مو كالت متعرف مكانها
يمه تدرين ڰـْـْـْـڷْشْـْشْ زين تعرف مكانها خلي تحجي لا وروح ابويه اكطعها
ياسمين : مااعرف وعووفني كااافي دااتأذه

ام محمد: ولك عوفها اني اكولك
ياسمين : اسكتي يمه لتحجين
محمد : يعني تعرفين ومتحجين حسابي ويااج بعدين احجي يوم

ام محمد: راحت لبيت خالتها يم زوج خالتها محمود
شمدريج يووم
ياسه سامعتها تحجي ويااه واجتي كالت الي
محمد : وعفتوها تطلع
ام محمد: يمه البنيه انتهت انت دمرتها خليها تندل طريقها مكافي الي انت سويته بيها تريد احنا هم نظلمها
بعدين يمه نسولف بهذا الموضوع وانتي ياسمين احسابج بعدين ويااايه

محمد : شلون متذكرت محمود وراح من بالي وطلعت ركض ويايه حسين ونصر ورعد وصلنا للمنطقه العصر

تقى : رجعت لغرفتي ونمت بيها صار سنين تاركتها وضليت اتذكر گـ❈ٍـْلٍ لحظه عشتها بيها وبجيت ونمت من التعب
بعدها مرت اول ٦ ايام الوضع تماام انظف البيت واسوي اكل بابا محمود يضحك ومكيف على وجودي هااي الايام ارتاحيت بيهم رغم گـ❈ٍـْلٍ الالم الي بيه واحاول افكر بالايام الجايه شراح يصير
وسادس يوم العصر كاعده اعجن عرووك (كباب) للعشى وبابا نايم خطيه اخذ علاجه ونام تعبان مااحس غير الباب يندك وعبالك يتكسر
غسلت ايدي وحطيت شال على راسي وركض فتحت الباب وجان اشوفهم كدام خفت بداخلي هلمره الكل ضدي بوجه منو اوكف واحد اثنين ومحد راح يرحمني

محمد : تعاالي اليوم اموتج بأيدي
تقى : لزمني من ايدي يريد يخلعها
عوفني شرايد مني
شلون تنهزمين من البيت
تقى : لعد شتريد حضرت جنابك ابقى يمك واتهيني واسكت مستحيل
حسين : شلون تنهزمين هااا هو من الاول اني ادري بيج عرمه ومتنجرعين وجان لازم اعيد تربيتج

محمود : هي متربايه غصب عنك
تقى : ركضت على بابا فدووه على كيفك صحتك متستحمل
حسين : انت لتدخل رجال غريب شدخلك بينا اصلاً اكبر غلط تعيش يمك وانت تحل عليها
محمود : كلمه ثانيه بعد والله هسه اطلع السلاح واكتلك خلاص هنا هاي بنتي وطول عمرها متربايه هنا وهذا بيتها

حسين : مو اجيتني قبل وكلت هاكم اختكم اني مااتحمل يجيني عاار منها شو هسه صار بنتك
محمود : بنتي غصب عنك ومحد ياخذها منا اله برضاتها
تقى : مااروح وياكم لو تموتون
رعد : توته انتي عاقله وتدرين شكد نحبج ارجعي واكسري الشر
تقى : ياشر تحجي عنه رعد انت كاعد تشوف اخوك شديسوي فوك گـ❈ٍـْلٍ التعب والاخلاص والحب يجي يتزوج عليه
حسين : تتزوج عليها
تقى : لعد شعبالك ليش عفته وانهزمت شنوو اتبطرت من النعيم والراحه الي معيشني بيها الاستاذ لهذا انهزمت لو بس سمعت شى بيه اذيتي اجيت تركض مكيف ومتعرف اساس الموضوع
الاخ المحترم الي عاندتك وعاندت الدنيا كلها لخاطره راح يتزوج ومنو اعز صديقاتي

محمد :ممسوي شى غلط ولا حرام
تقى : الغلط مني لان اصلاً بقيت هاي السنين لخاطر واحد اناني مثلك والحرام اشوف گـ❈ٍـْلٍ الي كاعد يصير گبالي واسكت
لهذا ماارجع لو تطلع نخله براسك لو تذبحوني مااطلع

محمد : غصب عنج واخذج هسه واشوف منو يمنعني
صار عياط وصياح وبابا ومحمد وحتى السخيف حسين رغم عرف اساس الموضوع عادي بقى الوضع طبيعي وطبك ويه محمد ونصر كالمعتادساكت بس يحاول ميخلي حسين يضربني ورعد يحاول يهدأ محمد

شوف اذا انت رجال اطلكني
محمد : اني رجال وغصب عنج وراح اثبتلج رجولتي وطلاك مااطلك واخليج مثل الحيوانه معلكه واتزوج عليج
تقى : شسوي سوي ميهمني بس طلكني

محمد : لو تموتين ياتقى لو اني لو انتي

حسين : تعالي ويايه للبيت ميصير تبقين هنا بيت غريب
تقى : هههههههههه والله ضحكتني بًيــّت غريب لك هذا البيت الي تربيت بيه ١٨ سنه بدون ولا واحد منكم ولا كلفتوا ترفعون تلفون وتسألون وهذا الغريب الي تخاف منه عليه يسوه راسك رباني وتعب عليه بالوقت الي انت تتعب وتربي بهديل وخوش جازتك
حسين : ولج لسانج ولزمتها من ربطتها وخنكتها انتي شنوو منين هاي الوكاحه ماخذتها ماكو احد بعينج متحترمين احد
عووفني خنكتني
حسين : يااريت خنكتج انتي وذيج وخلصت منجن بيوم واحد

وبقى خانكتي لحد مارعد دفعه من عندي
رعد : عووفها راح اتموت بأيدك
حسين : ياريت تموت واخلص منها
تقى : مااريد شى منكم وانتم لااخوتي ولااعرفكم مو اتبريتوا مني بعد شكوو جااين خلصوني منكم الله ياخذكم

محمد : يعني هذا اخر كلامج
تقى : محمد طلكني وعوفني اروح لحال سبيلي كاافي الي شفته منك
والي خلقج لو تموتين مااطلكج وضلي هيج
محمود : الكل يله بره واله والله هسه احرك المنطقه عليكم اخليهم يسوكم وصل هناا احترموا نفسكم واطلعوا بره
وطلعوا وهمه يعيطون وطردهم بابا بس رعد رجع كبالي وكف

رعد : اني تره احبج واني اخوج لتنسين هذا الشى وانتي غاليه عليه توته والله شاهد مراضي على الي سواه محمد بس مابيدي شى بس الي بيدي شتحتاجين عيوني الج ماانسى گـ❈ٍـْلٍ الي سويتيه لخاطري ولخاطر اهلي
انتي مره اصيله واتمنى بالمستقبل الله يوفقج ولتخافين لو مهما صار اني بظهرج والي تحتاجيه بس أمريني مااتأخر عليج وانسي اني اخو محمد واتذكري اني اخوج

هنا يله بجيت لان رعد شاهد على گـ❈ٍـْلٍ المعاناة الي عشتها
اني هم احبك وانت الله شاهد اعز من اخوتي وغالي انت عليه وامنيه هم اعتبرها اختي وحتى ياسه وخاله اعتبرها امي انتم اهلي بس مااكدر ابقى بعد كاافي الي صار بيه محد يتحمله وتحملت واكيد تفهمني
رعد : والله فاهمج ومقدر الي كاعد تمرين بيه لهذا دااكولج ويااج والي تريديه يجرالج ولتخافين حتى محمد مااكوله والله واني كد كلمتي وهااج ذني خليهن يمج
باوعت فلووس
والله ممحتاجه وبابا ميخليني اصرف فلس
رعد : هستوج كلتي انت اخويه طلعتي بس حجي
إٱللـِْﷻـِْﮭﮧ شاهد متعرف شكد معزتك
رعد : لعد اخذيهم ولتردين ايدي

محمود : ممحتاجه تسلم ابني
رعد : عموو اعرف بيك متقصر وياها بس هاي اختي والاخ اذا انطه لااخته موشرط اله محتاجه بمعزتي عندج اخذيهم همه مو هوايه شى بسيط لخاطري
اخذتهم منه بعد الحاح مردت افشله خلف الله عليه
تقى : الله يحفظك ياخويه ويرزقك الذريه الصالحه مثلك ومثل امنيه لان تستاهلون گـ❈ٍـْلٍ خير
بااس راسي وطلع
محمود : لتبجين باباتي كاافي
تقى : دمروني بابا كلها دمرتني ضاع عمري واني اركض منا ومنا لخاطر الكل وخاصه هو وهيج جازاني ليش والله مااستاهل الي صارلي والله

محمد : رجعت للبيت واني دايخ ومااعرف اصرف شلون مااكدر اطلكها من طلعت من البيت احس بشعور غريب عبالك اخذت روحي وطلعت اكيد اني تخبلت شلون احب اثنين بنفس الوقت لااكدر اعوف تبارك ولا تقى

بس الي صار بيه كاعد اتأذه على فراكها مااعرف يمكن المقوله الي تكول گـ❈ٍـْلٍ ممنوع مرغوب لان احس ابتعدت عني ومااكدر اشوفها صرت اشتاق الها
وهنا بدت المشاكل بيني وبين تبارك وهي تريدني نتزوج وصار اكثر من شهر مأجل الزواج ومااعرف اتصرف احس كولشي انگلب على راسي فجأه
وقررت اتزوج بلكت استقر ويستقر وضعي ويه تبارك وتتقبل الوضع تقى وترجع من كثر ما ايست من رجعت تقى كمت مااعرف اتصرف

ياسمين : اكدر احجي ويااك
محمد : تدرين بيه من يوم الي صار واني زعلان منج شتريدين
ياسمين : بس اريد اكولك والله حرام الي سويته بتقى مو هي تحبك وتعبت لااجلك هيج تجازيها هيج وحده تنحط على الراس

مو تنداس محمد ليش تظلمها
محمد : والله خبلتوني يعني شمسوي اني شى من حقي ومو حرام لااني اول وواحد ولا اخر واحد يتزوج اثنين
ياسمين : صّـْْ(☑)ـْْحّ مو اخر واحد بس تقى ممقصره وياك واذا فتره قصرت هذا مو ذنبها بالعكس لازم جان توكف ويااها والي راح مو بس ابنها ابنك هم

محمد : واني منوو يحس بيه سنه كامله هاملتني ومالها علاقه بيه حاولت اتقرب منها وهي ولا يمها واحسسها بوجودي وهي بس مگضيتها بجي وحزن اني بشر ومن حقي اعيش
ياسمين : وهي هم انت من انفقدت جان من حقها تعيش بس لعيونك معاشت وفضلتك على نفسها وبقت تربي وتعتني بأبنك لعيونك هاي تاليتها
محمد : اهوووووو والله موتونا گـ❈ٍـْلٍ شويه احد مذكرني هيج سوت وهيج سوت مجان اتزوجت وفضتها
ياسمين : اي والله صّـْْ(☑)ـْْحّ لو عدها حظ مجان بقت تنتظرك
محمد : صايره تتجاوزين هوايه يمكن معرفت اربيج نسيتي اني اخوج الجبير
ياسمين : لا مانسيت ياابويه مو بس اخويه
إٱللـِْﷻـِْﮭﮧ يهديك واتمنى متبجي دم عليها تره الي راح تتزوجها مو تقى وتتحمل مزاجيتك واعصابك هاي غير وحده وبعدين تحس بحجم الغلط الي سويته
وعفته وطلعت

محمد : اياام ماانام انهاريت عطرها وملابسها بالغرفه تعبت واني افكر بيها ومنا تبارك تتصل حتى مالي خلك اسولف تعباان وضغط ڰـْـْـْـڷْشْـْشْ جبير عليه

وحددت العرس وكملت المشتمل تأثيثه وهي هم تبارك حارت شجابت عدها راتب وتجيب وتشتري

تقى : بقيت على اتصال ويه أمنيه وياسه ذني خواتي ومالهن علاقه بالموضوع وطلبت منهم موضوع محمد ابد ميفتحوه

حيااتي صار شهرين هادئه محد بعد وصل ليمي بس بابا محمود يتعب كوولش وخايفه عليه وادعي ميصير بيه شى واتصخم وحدي والله ذوله ميعوفوني وحدي لو اموت
وبقيت اداريه وخطيه گـ❈ٍـْلٍ مااجيبله العلاج لو اداريه يبجي ويكولي صدوك انتي عكازتي من كبرت

وبيوم دنضحك ونسولف بالتلفون مكالمه جماعيه جان ياسه تكول
ياسمين : اووويلي متت ضحك ان شاء الله ضحكت خير رغم شكد جنت مقهور العصر من وره هاي الحيه الي جايتنا وفوكاها عكب باجر زواجهم وراح تشرف الخاتون شلون راح تخلص ويااها ماادري الله لايوفقها
تقى : لزمني گلبي شنوو عكب باجر زواجهم
أمنيه : وسم اي والله مكدرتي تلزمين لسانج
والله انتي كارثه ياسه

تقى : احجووووو صدوك عكب باجر زواجهم
ياسمين : والله موقصدي اقهرج بس اي عكب باجر
تقى : صارت وشه بأذني والضغط صعد وعيوني غوشت مدااتحمل الي كاعد يصير وظليت ابجي بهستريا وحاطه المخده على حلكي مو بيدي احبه
يانااس زوجي راح يتزوج عكب بااجر شلوون حالي

وبقيت لليل ابجي ورحت لبابا محمود
بابا ممكن طلب

محمود : عيوني اطلبي
تقى : باجر وديني لبغداد
محمود : خير ليش
تقى : اريد اشوف تبارك واحجي وياها
محمود : بابا اسكتي واكعدي اقلها احترام لنفسج لتنزلين نفسج لهيج وحده

تقى : ومنو كال منزله نفسي بس اذا مااحجي الي بگلبي وروح ماما اطك واموت
وبقيت اتوسل بيه ساعه

محمود : بنيتي منريد مشاكل معودنا شال ايده منج
تقى : اترجاك بروح الغاليه توديني ساعه وارجع
محمود : شوكت يتزوجون
تقى : عكب باجر لهذا اريد اروح كبل بيوم من زواجهم
محمود : لتسوين مشاكل
تقى : والله مااسوي بس احجي الي بگلبي
وقبل وثاني يوم من الصبح طلعنا لبغداد وصلت الظهر لبيت تبارك دكيت الباب طلعت هي
تبارك : تقى شجابج
تقى : اريداحجي ويااج
تبارك : تفضلي
تقى : رحنا للصاله امها شافتني ودنجت راسها تعرف شسوت بنتها بيه
تبارك : تفضلي خير

تقى : اني اليوم جايه الج اريد اكولج كلام لازم تسمعي
انتي تعرفين محمد وكل الي مريت بيه ويااه وجنتي خطوه بخطوه وياايه
تبارك : اي
تقى : تتوقعين واحد مثل محمد ومزاجيته وانانيته يحبج لو راح تعيشين ويااه مرتاحه
تبارك : اعرف شلون اتصرف ويااه مالج علاقه اطلعي منها انتي

تقى : تدرين اني بحياتي كلها مأمنت بصديقة وجنت دوم اتجنب العلاقات ويه الصديقات لان مرات تصير بيها مشاكل وغيره وحتى من صار عندي صديقات بالاعداديه على كد المدرسه وبس واول صديقات جانو انتي ونسرين وحبيتكم مثل خواتي وبالذات انتي أمنت بيج وجنت احجيلج كولشي ليش غدرتيني ليش
هذا السؤال يوميه اسأله قبل ماانام اكول بله هو رجال وينخدع وينغر واحتمال نفسه ضعيفه انتي شبيج مو صديقتي شلوون انطتج نفسج تحبين زوج صديقتج

تبارك : انتي السبب اي انتي
تحجيلي الصغيره والجبيره لحد مشفت نفسي احبه مو بيدي تسولفين حتى على لحظات الحب بينكم

تقى : غير صديقتي ومأمنه بيج هيج تاليتها فوكاها اني طلعت السبب
تبارك : فهميني تقى مو بيدي والله كلامج عن شخصيته وسوالفه واعصابه وعلاقتهم كلها ولدت عندي بمرور الايام رغبه بيه ومكدرت اسيطر على رغبتي وحبيته ويوم محاولت اتقرب منه كصديقه حبني مااكدر بعد اعوفه

تقى : شكد سالفه لعد تنتهزين فرصه انكساري وخساره ابني وتختارين احقر وقت تتقربين بيه لزوجي ولج انتي شنوو من بشر

اكيد انتي شيطان تشوفين بيتي مهدوم وخسرت ابني ومكان متوكفين بجانبي تاخذين زوجي مني
يعني هيج الواحد بعد لازم ميأمن لااقرب الناس اله هيج صارت الدنيا واحد ياكل الثاني ويدوس على اخوه لخاطر مصلحته

انتي شنوو السفاله والسقوط ينكط منج عفتي گـ❈ٍـْلٍ الناس وهدمتي بيت صديقتج
انتي عبالج راح تعيشين مرتاحه
لا والي خلقج مراح تشوفين الراحه
اني لربك لبلمرصاد وراح ياخذ حقي منج ياحقيره
روحي عيشي ويه اكثر انسان اناني بالدنيا بالعافيه عليك

واسمع واحد يعيط ورايه انتي شكعد تسوين هنا واندار واشوف محمد

يتبع ...
هذا القسم الاول من البارت الاخير بسبب طول البارت وكثرت الاحداث مكدرت اختصرها كلها لان اكيد راح تزيد التساؤلات هذا شلون صار وهذا شلون وصل لهذا كتبت القسم الاول ونشرته هسه
والقسم الثاني من البارت الاخير اليوم الساعه ١٢مساءا
تحملوني مبقى غير ساعات وتودعون قصه للذكريات رأي آخر
لهذا تحملو تأخيري بس اليوم
ممكن تصويتكم للقصه ياريت گـ❈ٍـْلٍ الي يقراها يصوتلي عليها وخاصه الي يحب القصه فْـْ(😘)ـْْـْْدْيْـ❤️ـْتْكم متقصرون
تحيااتي لًلًـّــ💎ــجٌٓمٍَُٓيِّعَْٓ

للذكريات رأي آخر
للكاتبه Reem

البارت الاخير القسم الثاني

مو آني اليسولف دون اي افعال
راجـــع ذكـــرياتـــك راح تلـــگاني
ضوّيت الـــطريق الچنت تعثر بي
وك شمعة بطريقك مو چنت آني
صايرلك كتاب وبي قصص اشكال
ما فـــكرت مرة !!! بـيوم تــقرآني
فالـــح بالـــجروح و بالأذية اسـتاذ
بالطيبة وتسامح حيـل كـسلاني
تعبتني عشرتك ضاع بيهة الحيل
و هجرك بالنــهار نــجوم راوانـــي

تقى : انداريت واشوف محمد ورايه
هله برجلي هله بأبو بيتي هله بلي ضيعت عمري عليه وخوش جازاني اتزوج صاحبتي

محمد : انتي شعندج هنا احجي
تقى : اجيت اهنيكم ميصير اكو احلى من هيج مناسبه رجلي وصديقتي يتزوجون تريدني افوت هيج فرصه
محمد : تقى امشي روحي منا وبعدين نحجي
تقى : ليش بعدين هو منو غريب هنا هي بس تبارك وكلشي تعرف عنا الصغيره والجبيره وداعتك كولشي تعرف متشوف شلون طبتلك طبه حلووه وكدرت اتسيطر عليك
تبارك : ماله داعي هذا الحجي تقى ورجاءاً اطلعي من بيتي
تقى : اني طالعه لان اصلاً ميشرفني ابقى بيت وياكم انتم الاثنين
وكفت بوجه محمد
وباوعت بعيونه ودمعت عيوني وهو تفاجأ وضل صافن
محمد : تقربت مني وعيونها بيها دموع بس مدينزلن وتباوع بطريقة رجفتني
تقى : (احجي بهدوء ) تتذكر اول مره من شفتني شگلت
گلت شفت بنيه عبالك لبوه جريحه وادافع عن نفسها وبوقتها من گتلي على هذا التشبيه ضحكت وكتلك شنوو اكثر شى جذبك بيه كتلي عيونج قويات
محمد : اي اتذكر
تقى : تقربت من اذنه وحق گـ❈ٍـْلٍ دمعه نزلت مني يامحمد عليك وعلى حبك اله احذفك من حياتي تدري شكد حبيتك
محمد : نزلت وجهي مكدرت اباوع بوجهه
تقى : اني اكولك شكد حبيتك
حبيتك بكد هذا النفس الي ديدخل الرئه مالتي وبكد حبي الك هسه اكرهك
لزمتها ارجعي والله اخليج على راسي
تقى : من جنت وحدي بحياتك ومكسور ظهري عليك ولاجل راحتك محطيتني على راسك هسه بعد مدخلت وحده لحياتك اتخليني

اني انجرحت من گـ❈ٍـْلٍ الناس وانغدرت من اقربهم بدايه بأمي حمديه ونهايه بأعز صديقة تبارك بس كلها بجفه وجرحك انت بجفه ثانيه
روح لا محالل ولا موهوب ليوم الدين
وعفتهم وطلعت احس روحي اريد اخرب جسمي كله يرجف والنفس ضاااق بيه

Advertisement
محمود : هااا باباتي شفتي مو كتلج مو مال نروح مقبلتي
تقى : فدووه رجعني للبيت
رجعت لديالى وهاي اخر مره اشوف بيها محمد
حاول يتصل اكثر من مره غيرت السيم كارت الي سمعته من ياسه رغم اكول الها لتجيبين طاريه متكدر اله تحجي بس الصراحه اريد اعرف مو بيدي احبه رغم جرحه

احنا منكدر ننسى الانسان الي نحبه من گـ❈ٍـْلٍ گلبنا وروحنا بسهوله بس الكبرياء يمنعنا من الرجوع اني مااكدر انسااه ولاكأن صار بحياتي اجذب على نفسي هو گلب لو حجر بس كرامتي فوك حـًًًًِـبٌــيّ اله

الي سمعته اتزوج تبارك وعايش بهدوء لان يدخل لبيت اهله ساكت ويطلع ساكت من يسألووه يكولون الْحٍمَدٍ للـّہ
لحد وره ٥ اشهر من الزواج اول عركه يعرفون بيها بيت اهل محمد وبقت تعيط بيتهم واشكال الحجي وطبعاً ست ياسه لازم اتنقله الي
تبارك : ميصير هيج هاي مو حياة تدخل ضايج وتطلع ضايج وحصره اكولك خلي نطلع الف حجه اطلع واذا ردت شى تكولي مو هسه هااي مو حياه
ياسمين : انتي شايفه وبعد وبعد
محمد : ياسمين اسكتي
ياسمين : سكتنا اني مااعرف اسكت الي بيه ميخليني خلي ادخل لغرفتي احسن

ام محمد: ادخلي يمه
تعاالي كوليلي تبارك انتي مو تعرفين هذا طبعي ابني ورضيتي بيه على شنو جايه تشكين هسه
تبارك : يعني خاله ميصير احجيلكم
ام محمد: هاي اسرار بينج وبين رجلج مالنا علاقه بيها
محمد : ارجعي للبيت وكافي ادردمين لتخليني اوديج لااهلج وابقيج هناك
تبارك : ياريت اقلها ارتاح شويه منك

محمد : بعيني ادللي حضري غراضج وامشي
تقى : وبقت ياسه تحجيلي وتضحك وتكول الست مكعد تتحمل محمد
ليش مو اكو حب بينهم وين رايح
ياسمين : ياحب يابطيخ بابا هاي اخذته بالكلام المعسول وطيرت عقله ومن عاشرته كامت متتحمل وبدت تظهر على حقيقتها وهو هم يظهر على حقيقته وانلاصت وعيونج ومبقى شى ومتأكده يطلكها ويرجعلج
تقى : ليش تتوقعين بعد گـ❈ٍـْلٍ الي صار ارجع
ياسمين : انتي تحبيه لمحمد وسبحان الي ميغلط لازم تسامحي
تقى : اسكتي ياسه ولتخليني اضوجج بحجي الي بيني وبين اخوج انتهى وبعد كولشي لتحجيلي
ياسمين : بس انتي بعدج زوجته
تقى : بالنسبه الي مو زوجي ويجي يوم واتحرر منه
بقيت فتره طويله اعاني من حبي لمحمد واني من اغمض اتخيله شلون يلزمها شلون يبوسها يشمها يضحك ويااها احس ناار وتاكل بيه مدااتحمل
رِّبًـــ♡̨ـــٍْيٌٓ صبرني
وبعد ٦ اشهر من زواجه وبيوم اندكت الباب لبست الربطه واشوف محمد كبالي
شلونج تقى
تقى : شفته تعبان وضعه مو طبيعي خير صاير شى خالتي احد من البيت بيهم شى

محمد : اكدر ادخل خوما نحجي بالشارع
تقى : اتفضل ادخل وجبتله مي وكعدت كباله تفضل اكوو شى

Advertisement

محمد : جنت اسمع بالندم بس عمري محسيت بيه تتذكرين من جنتي تكولين انت متتندم على جرحك الي متتندم على برودك ويايه ومتتندم على حبك لهديل الله يرحمها رغم سوايتها تذكرين جوابي

تقى : اي اتذكر جنت تكول مااعرف الندم

محمد : ابشرج اليوم عرفته حسيت بيه وندمت عليج جنت دائماً اكول تقى مراح تتركني ومتكدر تعيش بدوني لو شما اسويلها لانها تحبني الصراحه شكد جنت اشوفج قويه ويه الكل بس اعرف بيج ضعيفه ويايه لهذا استضعفتج اكول وحده مثل تقى وحبها الي لو شما اسوي بيها مراح تتركني بيوم واكيد راح تسامحني

غروري خلاني اخسر اغلى شى عندي هو انتي
اي تقى بعد معفتيني عرفت انتي اغلى شى عندي اعرف هذا الكلام لاراح يقدم ولا يأخر ولا تتأثرين بيه لان مثل مكلتي انتي مو تقى القديمه
اني نهيت تقى القديمه بأيدي اعترف كتلت گـ❈ٍـْلٍ المشاعر الحلووه الي جنتي تحسيها تجاهي واذيتج هوايه وقسيت عليج ومحسيت بلي تمرين بيه اله هسه ومن ضكت من نفس الكاس الي ضوكتج منه
دااعاني مثلج ويمكن اكثر لان عايش بنار بس إٱللـِْﷻـِْﮭﮧ وحده يعرف بيه
كلمه اسف مراح تبرر الي سويته لان اعرف جرحج اكبر من اي اعتذار ممكن اقدمه الج
لهذا اجيتج اليوم واتمنى تفكرين بالعرض الي راح اقدمه اتمنى ترجعين تقى تنورين بيتي
اعرف بيج تحبيني بس لان اذيتج هيج تسوين ومترجعين وشتريدين حاظر

تقى : صفنت عليه وكتله تدري اكثر مايرفع ضغطي هو ثقتك بروحك بان اني مكسوره الجناح بأن اني گئيبه ومشتاقه الك غلطان محمد ايااك بيوم تنظرلي بشفقه مااسمحلك تره

محمد : والله مو شفقه بس اني احبج وانتي تحبيني والي صار يصير بكل مكان واني ندمان وداموت بدونج
تقى : محد يموت من فراك واحد انت عايش مثل الورد ويه حبيبتك وبيتك وحدك على شنوو بعد راجع ادور وحده ذبلها تعبك وضيمك

اني ماانكر اني احبك وماانكر الي بينا زاد وملح وجان اكو عشره سنين ومن الصعب تنسي بسهوله
بس هاي المره انت الي جبرتني لان الي صار فوك طاقتي فوك حبي الك وبعد الي سويته خليت گلبي يتوقف والي يفكر ويتحكم عقلي دووم عاطفتي ويه الكل مااشغلها واتحكم بعقلي اله وياااك من يوم حبي الك واني امشي بگلبي ومغمضه

بس من وره سوالفك خليت عقلي يشتغل ويااك ويفكر صّـْْ(☑)ـْْحّ شذكر منك
جرح جرحين
شذكر حبك لهديل ومعاناتي واني اشوفك تحب اختي وتنطق بأسمها وصورها بغراضك
لو برودك والانانيه مالتك والشك والغيره حتى بعد ماارجعت من انفقدت وريتني الويل
اهانات قلة كرامه تنازلات ضحيت بكولشي لخاطر كلمه حب منك وكل هذا علموود شنوو والله تحبني
عساك محبيتني وعسالك لاحسيت بيه
اني مشفت منك يوم حلوو گـ❈ٍـْلٍ ايامك مر وظلام وقلة قيمه

اني شنو الي ناقصني يخليني اعيش عيشتك تحملت كولشي بس تعبت والله تعبت

وصلت مرحله تعبت اتنفس تعبت اعيش واني افكر بس شلون ارضيك
تعبت واني احاول اجذب انتباهك واخليك تحبني ويوم مكلت احبج تكول عبالك ملكتني الجنه وبقيت اتحمل لخاطر هاي الكلمه شفت شكد بسيطه اني كلمه وحده خلتني خدامه الك
وهم رضيت وكلت زوجي وحبيبي وراضيه بس ترجع تكمل الي كسرته وتتزوج عليه وتاخذ صديقتي وعيني عينك تكول كدام الكل احبها ولك مستحيت مكلت شلون احجيها وفوكاها البنات واكفات مكلت خطيه اخاف اجرح مشاعرها
بس انت شلوون هاي تقى الحيوانه الي ماعدها مشاعر تسمع وتسكت مووو

محمد : فهميني تقى والله اني احبج
تقى : تعرف اني شنوو بحياتك جنت عباره عن مسكن تهدأ بيه الم حبك لهديل محطه تشفى بيها وراح حياتك تستمر

وهسه بعد هذا كله شتريد جاي اليوم ترجع ولا كأن اكوو شى تريدني استقبلك بالاحضان واكولك عادي حبيبي تصير وامشي نرجع مثل الاول ولا كأن اكو شى
محمد : فهميني تقى والله اني احبج
تقى : تعرف اني شنوو بحياتك جنت عباره عن مسكن تهدأ بيه الم حبك لهديل محطه تشفى بيها وراح حياتك تستمر

محمد : غلطانه والله حبيتج
تقى : والنتيجه عاشت ايدك رحت اتزوجت عليه ودست كرامتي

بس تدري شى شعور حلووو من اشوف الندم بعيونك تدري بهاي اللحظه من اشوف حصرتك واضحه بعيونك وتتمنى كلمه مني اعرف نفسي كفيت وفيت
اريد اكولك شى واعرف هذا الكلام مراح تنساااه طول عمرك وراح يدك بگلبك ١٠٠٠ مره لان تعرفه صّـْْ(☑)ـْْحّ ومقتنع بيه لو تعطيك تبارك والدنيا كلها كلشي مراح يكونون مثلي ومراح تعيش سعيد وياها لان هي مو تقى محمد تبارك مو تقى الي تضحي لخاطر راحتك وسعادتك وادوس بنفسها لخاطر ضحكه منك ومراح تسوي نفسها مداس الك مثل مجنت اني
ومراح تنام ولا تغمض عيونها قبل متنام وتشوفك مرتاح
انت خسرت والي تريده اليوم مني مموجود ويااريت اطلكني اقلها سويلي شى اخير بيه خير اترجاك اتركني اعيش الباقي من عمري براحه بعيده عنك وعن انانيتك

محمد : والله مااكدر اعوفج والله
تقى : تدري هو هذا انت دوومك اناني وادور راحتك وبس رجاءاً كاافي خليني اتذكر شى حلوو منك طلكني
محمد : كمت وعفتها تمنيت ترجع صّـْْ(☑)ـْْحّ ظلمتها بس احبها مو بيدي حسيت بقيمتها من عافتني

بقيت هاي الفتره كلها معلكه وماكو اي جديدالي سمعته محمد يريد يطلك تبارك بس على اخر لحظه طلعت حاامل
مااعرف اوصف شعوري بذيج اللحظه عاادي اتعلمت على الجرح والالم مو شى جديد
صار اشهر على زواجه ومبقى شى ويصير سنه وخابرتني يااسه وكالت احتمال محمد يرفع قضيه عليج بيت الطاعه هنا تخبلت يريد كوه يجبرني اعيش ويااه اخذت بابا محمود ورحنا لمحامي واكد النا من حقه والقانون ويااه

اي قانون يجبرني اعيش ويه انسان ضحيت بكولشي لخاطره ومقدر واتزوج عليه ليش ماكوو انصاف وحق للمرأه ليش دووم مهانه ومسلوب حقها من ابسط حقوقها وابسط حق هو ان متنجبر تعيش ويه انسان اناني وتعيش ذليله

وبقيت خايفه ومااعرف اتصرف وحااول بابا يشوفلي حل بالقانون مع الاسف ماكوو

وبقى التوتر والقلق سيد الموقف ومن كثر توتري بقيت اتصفح بالنت والمواقع عسى ولعل الكه حل لمصيبتي
وشفت الفيس صاير ضجه ومفتوحه الهجره والعوائل والدنيا مخبوصه
وبقيت ٣ ايام اراقب وضع المهاجرين وعرفت المخاطر بيها فكرت

كدامي طريقين اما اعيش ذليله تحت رحمه محمد وحسين طول عمرري او اجازف واهاجر لازم اكون قويه جبت طول عـُـّــٓمُْــرَي اصارع اني بغابه عشت دوومي اصارع من اجل البقاء وهاي المره لازم اثبت للكل واولهم محمد اني شنوو

حجيت لبابا على الي افكر بيه وخطيه هو اقتنع وكاال اني اجي ويااج اقدم تقاعد
فرحت لان مهما كان اني وحدي صعبه وخاصه الطريق خطر وكله مافيات واذا شافوني وحدي محد يرحمني وخلال اياام قدم اجازه بابا بدون راتب وياها معامله التقاعد وعرض المشتمل للبيع واني بعت الذهب ويه الكم فلس الي ضامهم بابا صار خوش مبلغ وكدرنا نحجز لتركيا

وصلت للمطار وانداريت واني اشوف لااخر مره العراق وبالذات بغداد والالم الي اني ويااها عايشيه سنه ٢٠١٥
وطرت وتركت كولشي ورايه حبي لمحمد وجرحي منه خذلاني من اخوتي الي مشفت منهم اي خير صديقتي الي طعنت بيه
العراق الي اخذ ابني وهو طفل ماله ذنب
ودعت جروحي وصلت لتركيا

شفت الوضع هناك متعب بشكل واللاجئين بالشوارع والوضع تعبان والكل يتعارك علمود الهجره انطيت كم فلس لواحد المفروض يعبرنا بالعباره ويه مجموعه لكيت حاطه قارب تعبان يمكن لنص بحر ايجه ونغرك اتعارك ويااه بابا وضربه خطيه وكع واني بنيه واعيط بنص الزلم همزين كم عراقي خير وكفو ويايه ولان ضرب بابا وكع تعب وگلبه كاام يوجعه ومااحس بيه غير اتخربط

اهنا نشف دمي هااااااا حتى هنا المصايب ورايه
وركض للمستشفى واني بس ابجي هو عنده جلطه سابقه خفت ليموت وين انطي وجهي

وادعي ودخلووه الطوارئ وحالته خطره من حلات روحي طلعت ركض لحديقة المستشفى وبس ابجي وادعي كاافي والله اخذ مني العمر كله بس خلي يبقى ويايه ياارب ساعدني
سهرت الليل واني دمعتي منشفت وصبح الصبح وجانت اصعب ليله بعد ليله وفاة ابني لان احس روحي وحدي وهاي اخر فرصه تنطيها الحياااه الي

وصبح الصبح اني احجي انكليزي بطلاقه صّـْْ(☑)ـْْحّ مكملت كليتي بس اعرف احجي انكليزي كولش زين وعرفت بابا عدى مرحلت الخطر صليت صلاة الشكر لان ربي رحم بحالي ونجااه الي

وكعد يضحك وياايه اووف يابابا شسويت بيه متت خوف عليك
محمود : لتخافين ربج ميتركج والله وان شاء إٱللـِْﷻـِْﮭﮧ نوصل للبلد الي تريدين كوليلي انطاج هذا الحقير الفلوس

تقى : منطاني ولا قبل كال انتم مااجيتوا وهو ويااه ٣ مبينين حراميه وقفاصه وخفت ليسون شى بينا لهذا سكتت وراها انت تخربطت وحرت بيك
محمود : إٱللـِْﷻـِْﮭﮧ لايوفقهم يستغلون العاالم بوقتهم الصعب
تقى : لازم هاي المره ننتبه بابا ومننطي فلوسنا لااي واحد منعرفه
محمود : على اساس نعرف احد هنا شبيج تقاووي همه كلهم هيجً

لعد شلوون بابا
إٱللـِْﷻـِْﮭﮧ كريم بنتي ربج يسهلها

واحنا كاعدين نسولف وجان اسمع وحده تعيط وتبجي خبصت المستشفى كلها
طلعت للممر ردت اشوفها شبيها سألت وحده من الممرضات بالانكليزي حجيت ويااها كالت ابنها مسوي حادث وسوولة عمليه وعبالها تنجح بس فشلت والشاب صار بيه شلل تااام وهي خبصت الدنيا اعتقادها خطأ طبي
تقى : انقهرت عليها واتذكرت حرگت روحي على ابني وهي هم والده وعرفت بيها عراقيه اووف يلعراقيات وين متروحن مشلوعات گلب

تقربت منها
الله يساعدج وربي يهون عليج الضنه غالي
وجان ترفع راسها هاي وين شايفتها وين لا مستحيل
والله صدوك الدنيا دواره

(بدموع ) انتي منو تعرفيني

تقى : شلون مااعرفج وانتي وخلفتج الزفره وحده من اسباب دمار حياتي

انتي منوو تره البيه كافيني وخري مني

تقى : اني وحده وكفت بوجهج مره وردتي تهدين الچلاب مالتج قصدي الحرس حتى يضربوني واتهجمتي علينا
اكيد متتذكرين لان مصايب ابنج هوايه

سمعت ابنج شلل اللهم لاشمااته حل وابو زايد ولو ما العيبه واحنا مو بلعراق اله اهلهل واطش چكليت

رجاء : انتي منو لتخبليني
اني تقى اخت هديل الي اتزوجها ابنج الشفيه متعه ودمر حياتها ومو بس حياتها دمر عائله بكاملها واليوم إٱللـِْﷻـِْﮭﮧ انتقم منكم ياظلمه
رجاء : اسكتي لتخليني اغلط عليج تتشمتين بأبني
تقى : والج عين تحجين والله عمي البشر گوووي بس اكووو الي اكووووه منه ربج منتقم جبار والي صار بياسر حوبه البنات الي اخذ شرفهن ودمرهن
رجاء : روحي منا لتخليني اصيحلج الامن يطردوج
تقى : رايحه ياحضرة الدكتوره خلي فلوسج هسه تنقذ ابنج لو السلطه والخشم اليابس
شفتي اتقوا دعوه المظلوم
واليوم رب العالمين اخذ بحق گـ❈ٍـْلٍ وحده كسر رگبتها ابنج روحي عيشي الي عيشتي انتي وابنج لعوائل البنات وشوفي الشاب الحلوو وهو كاعد على الكرسي ومشلول
بالعافيه عليكم

وعفتها ومشيت والله ارتاحيت احس بعداله السماء من تتحقق تعزز الامل بيه واليوم هاي اول اشاره من إٱللـِْﷻـِْﮭﮧ بأن اقوي ايماني وامشي بطريقي الي رسمته

وبقينا ٥ ايام بالمستشفى اخر يوم طلعت اتمشى اجيب كم قطعت حلوياات احس روحي سكري يهبط وجان اشوف الي متوقعت اشوفه بعمري

الاستاذ عمااد واجى طاير عليه
عماد : تقى انتي هناا مدااصدك
اهلا استاذ صدوك الدنيا صغيره
شجابج صدمتيني
تقى : والله يااستاذ الدنيا جابتني
عماد : اخبارج امورج احجيلي
تقى : وانتبهت اكو طفله مجلبه برجل عمااد نزلت ليمها شنوو هذا الجماال

عماد : هاي بنتي سما
تقى : يااعيني فدووه الله يحفظها
من رخصتك استاذ
عماد : وين رايحه
تقى : للمستشفى بابا هناك ولازم ارجع
عماد : بس انتي وابوج اني الي سمعته زوجج رجع وينه وابنج وينه
تقى : هوااي امور صارت بس الْحٍمَدٍ للـّہ على گـ❈ٍـْلٍ حاال
من رخصتك
عماد : تقى
تقى : نعم
عماد : لو رجع بيج الزمن تختاريني
تقى : لوووو استاذ لووووو
عماد : هسه لووو وتعرفين شراح يصير

تقى : الصراحه
عماد : تعلمت عليج صريحه
تقى : لا مااختارك
عماد : ليش
تقى : لان مااحبك وهذا غلطي من احب انطي كوولشي للي احبه واني مااحبك لهذا مراح تحصل كوولشي مني وراح تعيش بجحيم وياايه

عماد : اوويلي من لسانج بعدج قويه
تقى : هههههههههه اي بعدني يله اخذ بنتك وروح لزوجتك وانساني وعيش
عماد : الحب مينسي تقى
تقى : فعلاً الحب مينسي بس يتناسى
وانت تناسيني وراح تعيش احلى حيااه واني اتمنالك گـ❈ٍـْلٍ الخير من گلبي بس ممكن اطلب منك طلب

عماد : عيوني الج
تقى : ياريت تبريني الذمه على الي سويته بيك وتعذرني كنت مجبوره بوقتها
عماد : مبريه الذمه وانتي هم ابريني الذمه

تقى : مبري الذمه ومحالل وموهوب
عماد : بس بحبج مااريد تبريني لان هذا ذنب ومن ذنبج هذا مااتوب
تقى : هههههههه الله يحفظك عماد وانتبه على نفسك وعلى عائلتك

عماد : اووويلي سنين تمنيت ولو مره اتنطقين اسمي بدون استاذ وتحققت امنيتي

تقى : هههههههه اول واخر مره يله اشوفك بخير من رخصتك
عماد : زين انطيني رقمج خلي اطمأن عليج
تقى : اكوو امور بالحيااة البعاد عنها اسلم واريح كوون بعيد عني اريح واسلم لعمرك ولحياتك واسلم الي هم

عماد : راح ابقى احبج
تقى : الله يحفظك وين متكون مع السلامه
ومشيت وعفته والابتسامه بوجهي

اني مخطأت من تركت عماد اني جنت زوجه وفيه وام ادافع عن زوجها وبيتها وتصرفي جان من باب الحب والوفاء لهذا مندمانه على الي سويته اعرف رب العالمين راح يجازيني خير بيوم من الايااام

ومرت الايام وكدرنا نسافر وجانت رحلتنا طويله ومتعبه وصلنا لبلد اوربي وقدمنا اللجوء وقدمت المستمسكات الخااصه بوفاة صوفي وكولشي ساعدتني هاي المستمسكات وضع الصحي لبابا هم ساعده
وراها بمده طلعنا من الكم ومعاملاتنا الْحٍمَدٍ للـّہ مشت سريع وحصلت اقامه بسبب الظروف الي اني بيها

الي عرفته من يااسه لان وره شهر اتصلت بيها ولكيتهم متخبلين وخااصه محمد يدور مثل المخبل عليه وحتى حسين كلهم وعرفوا سافرت بس ميعرفون بيا بلد اني وبعدها بمده قدمت طلب عن طريق البلد الي اني بيه طلب تفريق وعن طريق السفاره كدرت احصل على الطلاق وغصب عن الكل
حسين بعده نفس وضعه يشتغل بأسواق خاصه بيه وابد متزوج وصار اصلاً يكره جنس النساء اما نصر اتزوجت وانتقل للعيش مع زوجته بمنطقه لااطراف بغداد ولاعبه عليه موته هو من زمان ماعنده شخصيه
تبارك ومحمد ارزقوا بطفل سموه امير وعاايش محمد بكآبه مستمره وعلى خلاف مستمر ويااها يعني مشااف الراحه وهذا الكلام نقلاً من يااسه اصلاً گـ❈ٍـْلٍ الاخبار تنقلها يااسه الي بلكت تتزوج وارتاح من لغوتها ههههههه

بعد انتظار سنين واخيراً امنيه حاامل وراح يرزقون بطفل وفرحتلهم كوولش لان صدوك حبهم حلوو ونقي والله يكومها بالف سلامه لمنووش ويتربى بعز ودلال اخويه رعد العااشق سميته هيج لان صدوك عااشق واحلى عشق ويستاهل گـ❈ٍـْلٍ الحب والتقدير

واليوم اني كاعده بالحديقه على الهواء الطلق وصافنه واني اتذكر گـ❈ٍـْلٍ المآسي الي مرت عليه وبعيوني الدموع

لحد يلومني ولتتوقعون انسى بسهوله الي صارلي جبال متحمله بعدني احب محمد وبعدني اشتاق لاابني صوفي وبعدني احن لكل واحد بالعراق لكن بقوا بذاكرتي وبس
ذاكره مليانه مآسي والالام وغدر وخيانه وخداع
كاعده واتذكر گـ❈ٍـْلٍ دموعي وصافنه وين جنت وين صرت والدنيا شلون فرتني فر

الي صار بيه مئات النساء يتعرضوله وبشكل يومي لكن الفرق اني كدرت اتمرد على واقعي
اليوم ادرس لغه واشتغل واعتني بابا محمود الي صحته تتعب يوم بعد يوم

كدرت اوكف على رجلي بدون رجاال اني صرت الرجال وكدرت اثبت للكل المره تكدر كولشي تسوي اذا تمردت على واقعها الاليم
اليوم كاعده اعيد ذكريااتي الي متقبل تعرفني حتى واني بهاي الظروف المستقره لان

للذكرياات دووووم رأي آخر هي الي تتحكم بينا مو احنا الي نتحكم
بس الفرق اني خليت الذكريات تعيش بيه بس مخليتها تسيطر على افعالي

يامحمد اكيد قريت قصتنا وشووف حجم المعاناه الي عيشتني بيها

روح وداعـــت الله ويــــاك لارديـــت
اريد اخلص واعيش البقة من سنيني
عشرتك بس اذيه وكلها هم واحزان
وكــــل ذكرى تمرني وياك تجويني
راح انساك وانسه كلشي جان وياك
واطلع صورتك واشمرها من عينــي

اتمنى من گـ❈ٍـْلٍ الرجاال ارأفوا بنا

رفقاً بالقوارير
ويااريت گـ❈ٍـْلٍ رجل ميستضعف المره لو مهما كانت رلان اذا تمردت على واقعها راح تسوي الي انت والالاف مثلك يعجزون عن فعله
ذكريااتي الى هنا انتهت وبدأت حيااتي من جديد اتمنى ربي يكتبلي القليل من السعاده مااطمع بالكثير القليل ويرزقني ويرزقكم بها
(تقى )

انتهت قصة للذكريات رأي آخر ولكل شخص منا حكايه وذكرى تعيش بداخلنا ولها رأي وتحكم في حياتنا اتمنى تكون ذكراكم جميله كقلوبكم
واتمنى حبيتوا القصه واعذروني على لحظات الحزن هذه القصه حقيقيه ومكدرت اغير من نهايتها احب اسمع ارائكم
يااريت التصويت على القصه ممكن 😊

دمتم بحفظ إٱللـِْﷻـِْﮭﮧ ورعايته
الكاتبه Reem

لهنا خلصنه قصه #للذكريات_رأي_آخر ، بما انو خلصناهه خلاكولكم على فد حل اني سويته لوما حسين و نصر ستعجلوا و كتلو هديل يرضي جميع الاطراف ، يعني مثلا لو بس شويه حسين و نصر صابرين للصبح جان اجه محمد و ازوج هديل ، وهي بمرور و الوقت يعني غصباً ما عليهه تتحمل و تتعايش ويه محمد و هو هم راح ينسه سالفتهه ويه الايام و هو اصلا يحبهه وهاي ، و بهيج حال يعني تقى راح اداوم و تكمل دراستهه و تلتقي ب عماد و يتزوجون ، و عاشوا عيشه سعيدة طبعا بالي هلشي بس😂🤦🏻‍♀

طبعاا لازم اكول انو (كُره جبير لمحمد و تبارك ال تس🐍🙂🤌🏻).

رأيكم يهمني🌚❗️🤍 @Moo9l_bot

#المصلاويه_ونهوة_التكريتي

#البارت_الاول

يمة شكثر بجيتي علينا لما كبرتينا

ومن كبرنا رحتي وتركتينا

تركتينا لعصف الرياح

رحلتي وبعد مااشتد عودنا

رحلتوا وماشبعنا من حبكم وحنانكم

ليش هيج الزمن غدار بينا

نريد يجي احد ويسمع حجينا وبجينا

ومن يجي اليل ويجي طيفكم وذكراكم علينا

مايخلينا نقفل جفونا ونستمر بجينا
يايمة وياابوي هواي اشتكت ايمتى تجونا وترجعونا

اريد احد يرجع ويكلي ماصاروا جوى التراب

هاهي اشكد اناديكم محد رح.يجي عليه

صرت مثل ورق الخريف واتبعثرت اشلاي

وماضل شيء بي ينذكر بفراكم

انتوا خفتوا علينا بس خوفكم

خلنا نموت بااديكم

اووف يابعد الروح اشتكت واني ادعيلكم

بقلمي ✒️✒️ايلين الطائي

.؟.............................................................

نور : نقسمنا سيارتين

امي طريق كله مابطلت دموع
ابويا كل الطريق. فرحان

وكفت سياره بيت الدكتور اياد وكفنا

فجأه مسحت ضحكة بابا

بدت ملامح الرعب علينا

تقرب علينا شخص موجه الضوا علينا ماشفنا ملامح وجه بكل خطوه يتقرب. احس روحي تطلع من الخوف

امي زادت رعبنا بكلامها

ام نور :- هذي الردتها كيف هسى راح نموت كلنا هسى يسحلونه لو ياخذون بنتك من عينك خل يفيدك عنادك انضمو الى صفحتنا قصص
كل كلمه اني تكولها تبث رعب براسي
متت تقرب منا رجال من عناصر تنظيم داعش ع وجه ضحكه صفرا
يسولف 🧔 هلا والله وين مولين من صباح الله يضرب على باب السياره ويحجي وي ابويا

انزل انزل كرة عين امك رايح لاارض الكفر.

نزلنا كلنا من السياره خذوا كل غراضنا

نمشي واحس مابقت بيا روح دخلنا لمقرهم فصلونا عن ابويا وادم وبقيت لازمة ايد امي

ماهي الا ثواني وشتغل القصف. والرمي

ماادري منين يجي
لزمت ايدي امي وابجي غمضت عيوني.… ..
ماادري شصار
حسيت ع روحي بمكان بارد كلش مااكدر افك عيوني
كوه فتحت لكيت نفسي لابسه ملابس عمليات
جسمي كله اسلاك صابتني حاله هستيريا كمت اصرخ واشمر بيهم واصيح بااسم امي وابويا وينهم
فتح باب الغرفه دخلت مريه
تهدي بيا والدكتور والممرضات كلبت المستشفا عليهم
مااحب احجي فاصيل الحادثه لشدت المها مهما حجيت مااوصف كميه الالم والمعانات
تغمض انت بحظن امك
تصحيا تلكا نفسك وحيد بدنيا بدون ام بدون اب ولا اخ ولا سند
تحس نفسك مصلخ محتاج شي يسترك
محتاج صدر تبجي علي
تركتني امي 😭 جانت تكولي مااتركج بس جذبت عليا خلاص تركتني وحدي بدنيا بمكان مااعرفه ناس مااعرفهم
ابويا الي مفررض يكون امان وسند النا
جان عذاب ودمار. دمرنا شمرنا بنار بيده
مااكدر اسامحه ابد اخذ مني امي وتركوني وحدي للدنيا الصلفه
😭😭😭😭
بعدها عرفت اني فقدت كليتي بسبب شضايا القصف ماادري شلون وصل الخبر لبيت جدي
بقيت بلمستشفى عشر ايام عمتي
هنادي ماتركتني ولا لحظه اشوف بعيونها الشفقه تحاول تحسسني انها امي بس… .
صار لازم اطلع واروح لبيت جدي الي مااعرفه
كل الي اعرفه اسمائهم بس زرتهم اول مره عمري 12سنه لمدة نص نهار واحد بس
مشيت واني جسد بدون روح احس مكان كلبي فارغ راسي احسه ازدحام من الافكار احاول اوقفه عن التفكير 💭 قدر الامكان مشيت وي عمتي هنادي عمي يعقوب
ركبت سياره انتجيت ع جامه الا وصلنا يلا حسيت طول طريق الافكار تنخر راسي نخر عبرنا بوابه جبيره كلللللش مو بيت فلا فتنا البوابه ع جهتين حديقه حبيره ع مد البصر بعدين دريت هذا يسمو بستان مو حديقه 😁 وكفت سياره نزلت عيوني ذبلانات ويابسه دموعي رافضه تنزل
جدي واكف كبالي هيبه وشموخ وقار رغم مافقد ابنه الصغير بس شامخ. حسيته يشع قوه عيونه مليانات حزن وقوه بنفس الوقت
جدتي. العنود. يمه ع جاكونها رغم ماهي ع حيلها بس ماتترك جاكونها (باكوره )عوجيه )
لبسه اسود بااسود. عيونه مليانه دموع 😿 فكه ايدها حضنتني اني جامده ماعندي اي حساس اصلن باس راسي جدي
دخلت للبيت
جدي الشيخ (همام )يسولف وي عمتي طيفه
صعدي البنيه لغرفتج. لحد مانجهز غرفتها
مشيت وياها بدون كلام صعدت لغرفتها ذبيت روحي مااحس باي شي حت الم جروحي همست ع راسي تسولف
طيفه يبعد عمتج لا تخافين من شي كلنا نحبج احنا اهلج وناسج عزج وفخرج
مجاوبتها تركتني وطلعت
بقيت الذكريات خنكتني.

لم يبقى شيء سوى ذكريات
ولا من حتى عطرهم
ولا حتى قبور لنزورها
رحلوا دون ان نودعهم
الوداع الاخير

بقلم ايلين الطائي ✒️✒️✒️

.....؟.................

ونبدي هسى نروح لتكريت
راح احجيلكم عن وضع بيت شيخ همام حتى تعرفوهم وكل شي يكون واضح صح راح تتعبون ويطول البارت بس حت البارتات الجايه تكون سهله عليكم وصف بيت شيخ همام )
بوابه كبيره كلش. محاوطه بيتهم وبساتينهم.

بساتين على طرفين بيت كلش جبير اول شي ممر يقسم بيت نصين مضيف. وخدمات وحد النوب باب منه مدخل للبيت بعيد عن المضيف البيت ثلاث طابقين بي

كومه غرف بيوت عمامي جيرانهم يعني كل هن سويا بسياج واحد بس بيوت منفصله

عائله الشيخ همام

7ولد و5بنات شون خلفتهم العنود ماادري...حبيبتي عادي عادي...

عمي يعقوب الجبير عايله مكونه من 5ولد و3بنات

همام… .هو الي لازم المشيخه وي جدي
وشي بجيش جبير مااعرف شنو هو...بأختصار عندوا جيش معجبات..... 😁ممزوج

يوسف مزوج ايمان عنده 2ولد وبنت

سيف مسافر لكنده طالب علوم سياسيه

مويد مدرس مزوج انسام ماعنده. اطفال

احمد شاب ممزوج
عمامي الباقين

اسماعيل عنده4 (فارس وفراس فدوا وفاديه )

اسحاق عنده 6بنات (ايمان. وانسام .ورد وهدئ. موده رحمه )

الباقين تعرفوهم بلقصه

عماتي طيف الصغيره ارمله كاعده بيت جدي عدها بنت ولد... مسرا... وابراهيم

عمتي سهله مزوجه بالبصره

عمتي هنادي كلش طيوبه ولدها 2بس وزوجها مفقود

حياة بيت شيخ همام

الكلمه لجدي ومن بعده همام ابن عمي غالي جدي يكول هذا ابني واغلا كل ولدي الاملاك والحلال كله باسم جدي واسم همام ابن. عمي

طولت عليكم 😁 مو ميخالف سامحونا ولاتنسونا بلنجمه فديتكم 😘

نرجع لغرفه طيفه وحال نور
نور ----
خذني الافكار قطع افكاري صوت الباب فتح دخلت عمتي طيفه تحجي
طيفه----
هااا نويره كومي يمه صار الغداء اليوم جدج مسوي عزيمه علىعلى سلامتج بعد شتريدين اجيتي خذتي مكاني عنده مراح تلكين
كومي بنيتي سندي كلبج بلكمه.
نور----
احس نفسي ثكيله وعاله عليهم خاطر ثكيل هيج اشوف. استحي منهم انضمو الى صفحتنا
كمت وكفت لحيلي حس دنيا دور بيا
طيفه---
اوكفي بنيتي شون تنزلين هيج ؟؟؟🧐🧐
باوعت لروحي صدك شنو هذا لابسته
جنه ثوب النوم 😁
نور---
ماعندي شي البسه.
طيفه ----افااا عليج يابعد كلبي جا سويره شني مو اختج. ثوبجن واحد
هسا تجيج انتظريها
تركتني وراحت دقايق اجتي بنت صغيره بعمري هيج شي

الابتسامه على وجها تحجي

مسرا---شبيج كالو جاي جدين هوم. عيني الله ينطيج وتضحك

نور----حاولت ابتسم كوه عني

نطتني كلابيه وردي وطلعت

سبحت كوه عمليتي تاذيني بس ريحتي مستشفى لميت شعري مامشطه اصلن ينكط ماي لبست غميت نفسي ع لون وردي نوب كلابيه صغيره كلش
نزلت استحي امشي عدهم صدك غربه وحس ثكيله عليهم فكيت باب ودخلت و……يتبع
صعدو المنشور احبتي حتئ نستمر وياكم بتكمله القصة رجاءا